|
أشكر الجميع على ردودكم التي تثلج الصدر بارك الله فيكم جميعاًً ولكل من شجعني ودعمني بالدعاء أقول لكم جزاكم الله كل الخير.. ووفقكم الله ويسر لكم جميع أموركم.. وجعل الخير بدربكم والسعادة ترافقكم طول العمر اللهم آمين وأرجو منكم مسامحتي لعدم استطاعتي على الرد.. فالفكر متعطل لدي من كثر الضغوط النفسية.. وكلي أمل بكم في تفهم وضعي.. ومسامحتي على القصور.. ولكن بإذن الله تعالى الجزء سينزل بوقته إن شاء الله.. وأرجو من الله أن يعجبكم.. وحتى ألتقي بكم الثلاثاء القادم.. لكم مني خالص المحبة والتقدير وجزاكم الله كل الخير أجمعين أختكم ومحبتكم عذبة التجريح |
عذبه
ايه اخبارك؟؟ عامله ايه ؟؟؟ حبيبتى حبيت انى اقوللك ان البارت رائع وجميل كالعاده . فهد ده مصيبه عمال سد المنافذ على شهوده ومسيطر عليها يعنى فى الجوله الاولى هو اللى فاز واللى ساعده على كد ان شهد تعبانه ومش قادره تعانده بس اصبر الجولات كتييييييييييير. شهد ايه ياقطيطه البارت ده مش طالع للك صوت مش عوايدك مش معقول اوعى تخافى منه. عجبنى قوى لما شهد اصرت انها تاكل مع ام فهد فى الحديقه كل التغير فى حياه شهد انا شايفه انه للافضل . كل لما تجى سيره عصام وامه بتعصب من عمايلهم فى المسكينه شهد على فكره تجسيدك للحدث رائع ياعذبه لما بتتذكر خالتها وابنها لو لما بتحلم بيهم وبتجيب سيرتهم على لسانها من غير ما تشعر.. على فكره فكره تشتيت الالم ديه فكره جيده وكويسه بس علشان تخرجى حد من المه لازم يكون اللى تخليه يفكر فيه اكبر من المه بمراحل علشان يقدر يتناسى الالم كله .. فهد كسفنا كتير واحرجنا والله ربنا يكون فى عون شهد .. بصراحه مش قادره اتوقع اى حاجه مش عارفه ممكن يطلع من فهد ايه تانى ... تسلم ايديك عل البارت ياجميل واعذرينى على تاخيرى ................ |
شكرا لكم جميعا يامن وقفتم معي.. ولكم لأنني أحبكم في الله جميعا.. البارت الجديد سينزل بعد لحظات.. ولكم مني خالص الحب والتقدير.. وجميع ردودكم سيأتي الوقت كي أرد عليكم.. سامحوني على التقصير.. أختكم ومحبتكم عذبة التجريح |
تذكير بما حصل بنهاية الجزء السابق وبعد ثلث ساعة دخل فهد الغرفة والابتسامة على وجهه وقعد يمها على يسارها ومقابلها على حافة السرير.. وقالها : الحين كل هذا مستحية تقولينلي إنها الدورة..!! شهد حست بالنار شبت في ويهها من الحيا وحاولت تلف راسها بعيد عشان تخش ويهها عنه.. والظاهر إن أم فهد قالت له عن الدورة.. شهد : ............................. ..................................... ..................................... بس فهد رد ولف ويهها صوبه وقعد يطالعها بكل حنية وقال بكل نعومه : انا ماأبيج تخبين عني أي شي شهود.. قولي عن كل شي يعورج ويأذيج ولا تستحين مني.. ( وكمل بصوت أعلى شوي وكأنه يستفسر ) : عيل اشلون بتيبين لي عيال..؟؟ شهد حاولت تلف وجهها عن فهد وكان وجهها بلون الدم من الحيا.. شهد : ............................ ................................... ................................... بس فهد ضل ماسك وجهها ويطالعها بعيونها ويكمل بكل نعومة ومكر : سمعيني يالقطوة.. اليوم نفذت بجلدج والدورة انقذتج وإلا كنت من اليوم ناوي بتأسيس العائلة وياج.. وهالمخطط راح يتأجل ليمن تقضين منها.. بس ماقلتيلي جمن يوم..؟؟ شهد : ........................... .................................... ................................... شهد من كثر ماحاولت تلف وجهها بعيد عن فهد بس كان ماسك وجهها باحكام.. فحست بالعوار برقبتها وحنجها.. والمصيبة إن فهد مصمم على متابعت احراجها.. وبعد آخر سؤال شهد ماقدرت تسوي شي غير انها تغطي وجهها بإيدها وتغمض عيونها عشان ماتشوف نظرة فهد لها.. ولكن فهد مسك ايدها وشالها عن وجهها وتم ماسك ايدها ووجهها.. فهد والإبتسامة على ويهه وبأصرار : ها ماقلتيلي جمن يوم..؟؟ شهد : ........................... ................................... ................................... فهد : شوفي إذا ماتكلمتي وقلتيلي ماراح اهدج ليمن تقولين لي.. وراح اتم ماسك ويهج لمن باجر الصبح وألح عليج.. شهد : ................................ ....................................... ....................................... فهد تم ساكت ويناظرها والإبتسامة على شفايفة.. وبعدين يته فكرة شيطانة يلعوز فيها شهد عشان يكسر حاجز الخجل فيها.. فهد : ها ياقطوتي المتمردة ماقلتيلي جمن يوم..؟؟ شهد : .................................. ......................................... ......................................... فهد بتهديد : شوفي إذا ماتكلمتي وقلتي راح ارد واكرر عقابي لج مثل اللي سويته اليوم الصبح.. شهد افهمت شللي يقصده فهد بس تمت ساكته وبدى قلبها يرقع من الخوف.. فهد بمكر : الظاهر انتي بخاطرج اكرر اللي سويته اليوم الصبح بس ولا يهمج انا بالخدمة وهمن انا بخاطري بعد.. وبمحاولة تهديد قرب فهد راسه منها وكان يحس برجفت شهد تحت ايده وبصراحة اكسرت خاطره بس حب يكمل معاها.. وشهد من الخوف بطلت عيونها عالحد وقامت تطالعه.. ويوم شافت ويهه قريب حيل منها.. لدرجة كانت تشعر بحرارة أنفاسه على بشرتها.. فشتغل عقلها بكل سرعة وعطاها الأمر بالكذب بس عشان تنجو منه وتفر من ايده.. شهد وبصوت متردد وكله خرعة : عـ.. عشـ.. شـ.. شرة أيام.. فهد يته الضحكة بس مسكها وقال لها بكل برود : جــــم.. قلتي جــــم..؟؟ شهد وبنفس النبرة : عـ.. عشر.. عشرة.. فهد بعد ويهه عن شهد وبشك في كلامها : عشرة أيــــــــام..!!............. (( سكت متشكك وكمل )) : .......... متأكدة وإلااااااااا.. شهد ويهها راح اللون منه من الخوف : ..... لااااا.. لاااااااااا.. مـ... مـتأكدة.. متأكدة.. فهد متيقن من جذب ( كذب ) شهد بس حب يريحها شوية لأنها بصراحة اكسرت خاطرة بالتحقيق معاها بهالطريقة كله علشان يكسر حاجز الخجل اللي عندها منه.. دنق عليها مرة ثانية.. وشهد افتحت عينها على الحد من الخوف.. بس فهد قرب ويهه منها وباسها على جبينها.. ورفع نفسه واهو يسألها : هااا الحين شلون عوار البطن وياج..؟؟ شهد من الصدمة اللي اهيه فيها راح العوار وماتحس فيه بالمره ولا كأن كان من دقايق معاها عوار وبتموت منه من الألم..!!!!!!!!!!! ابتسم فهد بويهها ومسح على راسها وبصوت ناعم وحنون قالها : هذا يسمونه تشتيت الفكر عن الألم.. يعني اشغل بالج بشي أكبر من العوار اللي ياج.. فتنسين الألم ويزول ويختفي.. شهد من التعب والضغوط النفسية الكبيرة اللي تعرضت لها اليوم.. وآخرها اللعبة السخيفة اللي لعبها عليها فهد عشان يشتت فكرها عن الألم هدت حيلها هد.. وبعد احساسها بالراحة الفورية حست بالنوم يطبق على جفونها بكل قوة وماقدرت تقاوم أكثر ونامت مثل الطفل والبرائه ترسم على محياها.. وويهها الملائكي الجميل.. رجع فهد للغرفة بعد ماترك شهد عشان يتطمن على أمه ولقاها غاطه بسابع نومه.. وقعد يناظر فيها والأبتسامة على شفايفة وقلبه يرجف ويشتعل بحبها.. باسها على راسها.. وراح انسدح يمها وشال المخده الفاصله بينهم واللي شهد تستخدمها عشان تنام عليها لما تقلب على جهتها اليمين وحذفها على الأرض من صوب شهد.. وخذا شهد بحضنه وحط راسها على زنده.. لمها وقربها من صدره.. وفجأة حس بحرارة شي على خاصرته.. استغرب وخاف.. شال اللحاف يبي يشوف مصدر الحرارة العالية على خاصرته وإلا مطارة الماي الحار اللي شهد حاطتها تدفي فيها بطنها.. ضحك فهد بخفه وشال المطارة وحطها بعيد عنه على الكومودينه اللي يمه.. ورد اللحاف يغطي شهد عدل وإيده اليمين حطها على بطن شهد يمسح عليه بكل نعومه عشان إيده تمتص وتشيل الحرارة اللي حس انها اسلخت جلدها الرقيق فيه من حرارة المطارة.. حاول ينام واهو يفكر بشهد واشلون يقدر يخليها تتغلب على مشكلة الخجل اللي عندها.. واشلون يخليها ترجع شهد الأولية شهد الواثقة من نفسها والمعتمدة على روحها.. شهد المهرة الحره البرية.. ويته فكرة ومن باجر بينفذها.. وغمض عيونه واهو على أفكاره وأبتسامته على شفايفة.. : : : : : : : : الجـــــ( 14 )ـــــزء .. يوم الأثنين 15 / 3 / 2004 صحت شهد اليوم الثاني شبعانه من النوم على الساعة 7:30 الصبح.. وكانت تحس انها بوضع غريب وعجيب عليها.. فلأول مرة في حياتها تصحى على مخدة مرتفعة وايد..!! ولااا هالمخدة دااااافية ولونها أسمر واهي لامتها ولازقه فيها حيل..!! وكانت تسمع من خلال هالمخدة صوت ضربات متناغمة مع ضربات قلبها..!! حاولت ترفع راسها شوية بس ماأقدرت لأن جزء من هالمخدة ملفوف على جسمها بأحكام..!! ارفعت راسها ليمن فوق عشان تشوف نهاية المخدة وين ينتهي وعلى شنو ينتهي..!! وعلى مد بصرها لأعلى المخدة الدافية السمرة.. إلا وتشوف جوز من العيون اللوزية الوسيعة ولونها أسود داعج.. ومرسوم عليها حواجب طويلة سودة ومتناسقة.. وواحد من هالحواجب مرفوع بطريقة تحدي واستهزاء من صاحبها اللي يناظرها.. والإبتسامة شاقة حلجة.. فهد وبصوت كله كسل ونعومه مثيرة : أحلى صباح لأحلى عيون ذهبية شفافة اقدرت تسرق قلبي بنظرة وتطل علي من ويهه أحلى عروس في البشر.. ( وكمل بمكر متلبس بالبرائة ) : هاااا أشلونج اليوم عسى نمتي مرتاحة..؟؟ واشلون بطنج.. راح العوار..؟؟ شهد والصدمة مجمدتها بمكانها اهي شلون لازقه فيه بهالطريقة..!! وين المخدة الجانبية اللي تنام عليها..!! ومن متى واهي لازقه فيه بهالطريقة ونايمة على صدره..!! تمت تناظر بكل صدمه وذهول وبس ترمش بعيونها للي يناظرها بكسل والبسمة على شفايفه تزيد من وسامته وجاذبيته.. شهد : !!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!! فهد لف ايدينه عليها بكل قوة وتملك وسحبها عشان يرفعها وتصير قريبه من ويهه.. وصار راس شهد لأعلى كتفه اليسار وقرب راسه من على جبهتها وباسها بين عيونها.. وبصوت واطي وناعم وحلو بس فيه مكر مبطن : بصراحة عمري وروحي مانمت بهالطريقة اللذيذة.. ( وغير نبرة صوته علشان يحملها الذنب وكأنه بريء وقال ) : وهو صحيح ان طول الليل إيدي اخدرت وماقدرت احركها علشانج يالقطوة.. بس قربج مني وريحت عطرج خدرت حواسي وخلتني هايم طول الليل من حلم ليمن حلم.. كله انا وياج.. (( وغمز لها وابتسم )).. شهد اشهقت وافتحت عيونها على وسعها من كلامه وويهها صار الوان من الحيا.. وفهد مستمتع لآخر حد واهو يشوف كل مايعتمر بقلبها من خلجات ونبضات تظهر بوضوح بعيونها وعلى محياها واهيه قريبة منه حيل ولازقه فيه.. والمشكلة شهد تحاول إنها ترفع نفسها عن جسمه وماتقدر لأنه هو لاف إيده اليسار على جسمها وضاغط عليه ولامها بكل قوة لأن مايبيها اتحرك وتفلت من إيده.. والطامة الكبرى عندها إن إيدها لافتها على جسم فهد ولامته.. وخافت لتحرك إيدها من مكانها ويحس فيها وبعدين شيفكها من لسانه ومعايره لها..!! نزلت راسها عن عيونه وقالت بصوت واطي خجول يادوب ينسمع : وين المخدة اللي انام عليها ليش شلتها..؟؟ فهد وعيونه تلمع بنظرة ماكره بس مسوي نفسه بريء ومايدري عن شي.. ورد : انــا.. تسأليني أنا عن المخدة.. وليش شلت المخـــدة.. أنا ماشلت المخدة..!! هذي انتي شلتيها بنص الليل وحذفتيها كاهي هناك على الأرض ( وأشر عليها بإيده اليمين وكان راميها من ورى شهد وكمل ) : وقمتي لميتيني وحطيتي راسج على زندي.. وعقب قربتي أكثر وحطيتي راسج على صدري.. ( وكمل بصوت يمثل فيه البرائة ) : وانا بصراحة انصدمت من فعلتج.. بس عقب استانـــاست.. وحتى يوم قمت وصليت الفير.. بس رجعت سيــده وتوني دخلت تحت الفراش.. إللا وتاخذيني وتلميني.. وتحطين راسج على صدري وتنامين.. شهد والأحراج مالي ويهها وبعدم تصديق للي قاله فهد.. وحاولت ترفع نفسها عشان تبعد ومحاولتها بائت بالفشل لأن فهد مسك إيدها اللي لامته فيها.. وقالت بحدة شوي : لااااا انت جذاب انا ماسويت جذي.. فهد مسك ضحكته من ردها عليه.. وحاولت شهد تفك نفسها منه ومن حصاره لها.. بس ماكو فايدة.. فهد كان مستانس حيل من وضعها واحراجها.. وخصوصاً لون خدودها الحمر من الحيا.. وحتى عيونها يتغير لونها بتغير مزاجها.. قام فهد لف نفسه على شهد عشان ينزل راسها من على كتفه ويخلي راسها على ساعد ايده اليسار.. وتكون منسدحة على ظهرها.. ويكون مسيطر عليها وماتقدر تنحاش منه.. وحاول يخلي صوته فيه الجديه وعتاب وقال : الحين انتي تستغليني طول الليل وتنامين على صدري وانا بكل طيبة خاطر سمحتلج.. مع إني طول الليل أنحرمت من إني أغير من وضع جسمي ونمت بوضعيه وحدة طول الوقت.. لين تيبس جسمي وكل عظامي وتصلبت كل عضلاتي.. وأنتي طول الليل تتقلبين على راحتج وصدري كان ملاذ لج.. وبعدين ترَكْبيني الخطأ وتقولينلي جــــــذاب..!! شتبين اسوي فيج الحيـــــن..؟؟ ( وقال آخر جمله وعيونه تلمع بمكر واهو يصرها ).. وسكت شوية وكمل بكل خبث : إإإإإمممممممممم.. ماكو إلا طريقة وحده وإهيه لازم أعاملج مثل ماعاملتيني البارحة بالليل.. يعني العين بالعين والسن بالسن والبادي أظلم.. وانتي بديتي واستخدمتيني كمخدة حقج فلازم أعاملج بالمثل واخليج كمخدة حقي.. يللا والحين لازم تصيرين لي مخدة مثل ماصرت لج مخدة.. وبكل مكر قام بيحط راسه على صدرها.. بس شهد كانت اسرع منه لفت نفسها على يسارها بسرعة وافلتت من بين إيده وقامت من السرير.. والشر يتطاير من عينها وحمرة الخجل كاسية خدودها.. وكان شكلها روعة واهيه مرتعبه من فهد وشعرها الناعم الطويل متمرد ومعفوس ( منكوش ) وخصلات منه طايحه على ويهها.. وعيونها امبطلة على حدها وتطالع فهد بكل عينها وبعصبية.. وبيجامتها امبهدله وامعفسة ( مكرمشة ) حيل من كثر ماتحركت البارحة بالليل وتقلبت بسبب وضعها الجديد.. وفهد كان متعمد يخليها تهرب من بين إيده لأن يبيها تنزل تحت قبله علشان يقدر ينفذ المخطط اللي براسه.. وتم فهد نص منسدح على جنبه اليسار وساند جسمه على كوعه اليسار وحاط خدة على كف ايده ويناظرها بكل كسل والأبتسامة على وجهه.. فهد وبنص عين وبصوت واطي يستفزها فيه : يالجبانة ليش انحشتي..؟؟ تستغليني طول الليل وليمن بغيت اخذ بحقي تصديني وتنحاشين..!! بس خلاص الحين ماكو فايدة لازم انطر الليلة وراح آخذج واخليج تصيرين مخدتي.. بس هاااا لازم تتحملين لأني أحب ألم المخدة حـيـــل وانا نايم.. وبحركة غير متوقعة من شهد خذت المخدة المرمية على الأرض واكفخت فيها فهد على ويهه واهيه تناظره بكل عصبية وتمرد.. وكان شكلها فعلا مثل الطفل البريء.. فهد ماقدر يتحمل وانفجر ضاحك بصوت عالي هز فيها وجدان شهد.. شهد تمت تناظره واهيه واقفه مستغربة من ردت فعله.. واشلون قدر يلعب عليها وبأعصابها وآخر شي يوم حذفته بالمخدة انفجر بالضحك عليها..!! تمت فترة تناظره بعصبية وبعدين طنشته وقَفّتْ عنه وراحت الحمام وانتوا بكرامة.. واشوه إن الحمام هو المكان الوحيد اللي في البيت له قفل ثابت بالباب ويكون فر من الداخل.. بس إذا بغى يفتح الباب عليها من الخارج يقدر بكل سهوله إذا حط الدرنفيس ( مفك البراغي ) في برغي القفل من بره الباب ويفره بكل سهوله.. تغسلت وتبدلت وادخلت غرفة النوم وشافت فهد كان ليمن الحين منسدح والإبتسامة على ويهه.. طنشته واوقفت عند ميز التواليت ( التسريحة ).. انسلت راسها (مشطت شعرها ) على السريع وطبعاً ماكانت تقدر تسرحه أو ترفعه إلا بمساعدة أحد.. فعلشان جذيه تخليه طول الوقت مفلول وعلى حريته وكأنها غجرية طالعة من اللوحة.. كانت بتطلع من الغرفة وبتنزل عند خالتها.. ناداها فهد بجدية : شهــد.. لفت راسها عليه وبدون ماترد بس ناظرته يعني نعم شتبي..!! فهد كمل بنفس الصوت الهادي والجاد : حاولي تخلين أمي اليوم تطلع بعد للحديقة وتتريق.. بصراحة انا أمس حبيت اشكرج على اللي سويتيه لأمي........ شهد والتعجب على ويهها.. ردت بفتور : أنا ماسويت شي لخالتي.. وبعدين لاتنسى انها أمي الثانية اللي ربتني.. يعني تهمني صحتها مثل ماتهمك.. ورجاءً لاتشكرني على أي شي أسويه حق خالتي.. لأني ماأسوي هالشي علشانك لاااااا.. أنا أسويه حق أمي منيرة وهي الوحيده من أهل أمي نورة اللي بقت لي.. وبعدين لاتنسى انها كانت دوم تصد عني شرك وشر طلَيِّلْ ليمن كنتوا تتهجمون علي وانا صغيرة.. يعني بالمختصر المفيد خالتي منيرة أهي أمي الثانية مع أمي طيبة والله يخليهم لي ويحفظهم من كل شر اللهم آمين.. فهد : اللهم آمين.. انزين ياشهد ابيج إذا تقدرين كل يوم الصبح تخلينها تطلع بره وتتعرض للشمس اشوية دام إن الجو حلو ودافي هالأيام وقبل لاتصيف الدنيا علينا وعقب مانقدر نطلع برة.. يعني نفس أمس تريقوا بالحديقة تحت الشمس بس مو مباشرة لأن الشمس مفيده لها وزينة لصحتها.. وبعدين نفسيتها من عقب ريوق أمس ماتتصورين أشلون كانت مستانسة ياشهد.. وطول ماكنت واياها واهيه كله بسيرتج.. وشكثر اهي فرحانه فيج.. واللي أبيه منج أنج لاتحسسينها...... شهد اقطعت كلام فهد واهي تقول بصوت واطي بس بحمق وعصبية : ماني ياهل عشان تنبهني.. وأمي منيرة بعيوني وبقلبي وأهيه بمقام أمي.. وطلعت شهد من الغرفة بدون ماتعطيه مجال للرد.. وقام فهد مباشرة من السرير من سكرت شهد وراها باب غرفة النوم واهي طالعة.. وراح ينفذ المخطط اللي كان قاعد يفكر فيه طول الليل.. وتوجه لغرفة تبديل الملابس سيده لكبتات شهد وادراجها عشان ينفذ مخططه بأسرع وقت.. وعقب ينزل لهم تحت ويلحقهم على الريوق.. علشان ماتشك شهد بأي شي.. شهد اطلعت للحديقة مع أم فهد وكان الجو روعة.. والريوق محطوط على الطاولة ومرتب مثل ماطلبته شهد.. وكانت الممرضة فدوى معاهم طالعة للحديقة.. والكل مفهم شهد بأنها مرافقة ومساعدة لأم فهد وماقالولها بأنها ممرضة.. وشهد تأقلمت شويه عليها مع انها متحفظه بمعاملتها معاها لأنها تعتبرها إلى الآن وحده غريبة ولازم تاخذ حذرها منها.. مع إنها ماشافت من فدوى إلى الآن غير كل الطيبة والحنان مو بس عليها لاااا كانت طيبة وحنونه مع الكل وخصوصا خالتها أم فهد.. وفدوى بعد حبت شهد ودشت بقلبها من قبل لاتشوفها من كثر ماكانت تتكلم عنها أم فهد.. وانكسر قلبها عليها من عرفت سالفة الحادث اللي استوى لها وكل اللي صار لها عقب.. وكانوا منبهينها علشان ماتغلط جدام شهد بخصوص وظيفتها.. فدوى والفرح باين على ويهها وتكلم شهد وتقول : انا اليوم كتير مبسوطه على الست الكبيري لما شفتا الصبح كتير متحمسه بدى تطلع تفطر بالحديئي معك ومع الدكتور.. ولك تأبريني ياحبيبتي أديش تغيرت نفسيتا الماما من أمس لما فطرت معك.. وحتى شوفي خدودا موردات اليوم متل العروس ماشاء الله.. شهد وأم فهد : ههههههههههههههههه.. أم فهد : عاد عروس سويتيني يابنتي.. وشخليتي للقمر اللي قاعده يمي.. فدوى : ماشاء الله يخزي العين.. لك الست شهد حورية وبلسم للقلب والروح.. لك ستي وربي شاهد علي إني حبيتا متل أختي الزغيري وأكتر.. شهد وويهها صار احمر من الأحراج.. وبصوت واطي وبخجل ردت : حبتج العافية يافدوى وهذا من طيب أصلج والله.. فدوى : لك يأبرني هالحيا.. والله أنتي وستي أم الدكتور وكل العيلة أصلكم طيب ومعدنكم زهب.. وانا بشكور الله على انو بعتني لعندكون وأكون معكون.. ومعتبريني زي بتنكون.. شهد وقلبها حن عليها اشوي من شافت كلامها وطيبتها مع الكل وردت عليها وقالت : هذا لأنج بنتنا يافدوى.. وانتي ماقصرتي معانا بعد والله يعطيج العافية.. فدوى : لك ماتحكي هيك ياست شهد.. لك الست الكبيري بعيوني وبمئام إمي.. وهيي طيبي وحنوني وماشفت ألب أبيادض صافي زي ألبا.. وحتى الماما في سوريا مرتاحة كتير ومبسوطة.. ودايمن بتدعيلا إنو الله يشفيها ويعطيها الصحة والعافيي.. أم فهد : الله يجزيها الخير.. ويعطيها الصحة والعافية هي وأبوج وكل أهلج.. وانا يابنتي يشهد علي ربي إني ماارتحت مع أحد غيرج.. قايمة فيني قوم عسى الله يوفقج ويوفق اعيالج وريلج ويفتحها عليكم بكل الخير يارب.. وتمت السوالف اشوي واستئذنت فدوى وراحت داخل البيت لأن بأي لحظة فهد راح ايي ويقعد معاهم.. تمت شهد تسولف مع أم فهد وتريقها.. واهيه مثل كل مرة غير النسكافيه أو الشاي مايدخل فبطنها من الصبح.. وتموا قاعدين لهم ساعة واهمه سوالف وضحك.. وبعدين شافوا فهد مقبل عليهم وعيونه فيها الفرح وتلمع بشي ثاني.. بس شهد ماقدرت تتبين من عيونه لأنه كان يطالعها.. واهيه استحت وماقدرت تجابس عيونه لأنها تحس كأن أسد قاعد جدامها وينتظر اللحظة اللي ينقض فيها عليها.. فهد : السلام لأحلى عروستين منورين دنيتي وحياتي.. شهد ردت السلام بصوت واطيواهي منزله راسها.. وأم فهد اضحكت واهي ترد السلام على ولدها وتقول : وانت بعد الله يهديك عروستين.. مرتك إيي بس انا لاا يأمك انا طافت علي وصرت عيوز.. فهد : لاااا يُمه أي عيوز حرام عليج.. انتي اللي يشوف تورد خدودج ماشاء الله يقول.. ( ويكمل بطريقة مسرحية وكأنه شاعر ويقول ) : وشهالعروس.. اللي قاعدة بين الغروس.. ( الغروس جمع الغرس وهو الزرع ).. تضحك والويهه منور احلى من شمس الشموس.. وصفت اللولو بمبسمها ( بفمها ) تسعد القلب وتفرح النفوس.. اياويل حالي.. اياويل منطقها تضحك وتقول انا عيوز وماني بعروس.. وكلهم اضحكوا على الشعر الرجيج اللي قاله فهد على أمه أم فهد : هههههههههههههه.. صج انك جنبازي وراعي حجي بطالي.. إذا انا جذي عيل شهد شتصير..؟؟ ( جنبازي : أي جان باز : وهي كلمة هندية الأصل وتعني صاحب الحِيَلْ والخدع والمقالب ).. فهد واهو يناظر شهد وعيونه تلمع راح صوبها وتلها توقف يمه ولمها.. باسها على راسها واهو يقول بنفس النبرة المسرحية : هاذي أم عيالي هاذي عيووووووز.. هههههههههههههههه.. شهد كانت واقفه بين ايده واهو لامها على صدره ويهها صاير طماطة من الحيا.. وماهي قادرة تسوي أي حركة جدام خالتها أم فهد وتبين لها أي شي يعتمل بصدرها.. وفهد متطمن من هالناحية.. وأم فهد تضحك وتكمل على شعر فهد الرجيج وتقول : امعصي ياولد بطني هاذي مب عيوووز هاذي قمر ليلي وشمس الشموس.. فهد واهو يلم شهد ويقربها أكثر ويمسح بخده على راسها من فوق ويبوسها.. وشهد ميته من الحيا.. من حركات التودد والتقرب اللي يسويها فهد.. فهد يضحك ويقول : هههههههههههههههههه.. هاذي يالغالية بتصير عيوووزي انا وبس عقب سنين طويلة ان شاء الله.. وعقب مانشوف احفادنا حولنا يناقزون مثل الشواذي ( سبلان ، قرود ).. هههههههههه.. طبعا راح يطلعون شواذي على يدتهم شهد.. ههههههههههههههه.. شهد اضرب بكف ايدها على صدر فهد منقهره منه ومن كلامه.. أم فهد تفز تدافع عن شهد وتشب بويهه فهد واهي تضحك وتقول : ااااهــــب والله محد شاذي ويناقز غيرك.. شهد غزاله ماهي شاذي ياجليل النظر..!! فهد يكمل ويحاول يتحرش بشهد عشان يخليها تنفعل : ههههههههههههههههههههههه.. غزالة.. لااااااا يُمه الله يهديج شهود قـطــوة.. لااااااا قطوة ومعصله بعد.. شهد واهي تسحب نفسها من بين ايدينه.. وبصوت واطي والحيا على ويهها بس بتحدي قالت : والله إذا انا قطوه وشاذية مااطلع على أحد غريب.. وانت ولد عمي من لحمي ودمي يعني من نفس فصيلتي.. فهد فقع من الضحك على رد شهد وقال يغيضها أكثر وبصوت المختال والفخور واهو رافع حاجبه اليسار ويضرب على صدره ويقول : ههاههاههاههاههاههاههههههههههههههه.. لاااا لاااا يالقطوة.. أنا غيـــــر.. انـــا فهـــــــد.. انــا الأســـــــــــد.. شهد بتحدي وبغرور مماثل : والله عتوي ومغــــرور.. أم فهد تضحك مستانسة على تفاعل شهد وردها على فهد.. وقالت واهي تتضامن معاها : ههههههههههههه.. صج بهاذي صدقتي يُمه اهو عتوي ومغرور.. وأنا أشهد ههههههههههههههههههه.. وتموا يسولفون ويضحكون.. وطبعاً فهد ماخلى شهد تنحاش من الريوق وبعد صراع مابين الأثنين على فرض السيطرة والإجبار بالأكل ومابين التهرب والرفض.. والفايز طبعاً بهذي المعركة اهو فهد اللي خلاها تاكل غصبن عنها.. وطولوا بالقعدة لين الساعة 11 ودخلوا بعدها داخل البيت عشان أم فهد تريح.. وصج ماشاء الله عليها كل من يشوفها ويشوف تورد خدودها ولمعت عيونها.. مايقول هذي أم فهد اللي دومها مريضة وتعبانة.. صج النفسية تلعب دور بحياتنا.. ومثل مايقولون ثلثين المرض نفسي.. : : : : يـتـبــــــــــــع |
بعد العشا مجتمعين بالصالة عند التلفزيون أم فهد : أقول فهد ماتبي تاخذ مرتك وتسفرها.. انتوا معاريس ولاجنكم يُمه.. حتى شهر العسل ماوديتها المسكينة.. شهد نطت بالسالفة قبل فهد : لاااا يُمـــه.. احنا مستانسين ومرتاحين جذي.. والسفر لاحقين عليه بالصيف إن شاء الله.. فهد كان عارف شهد بشنو تفكر.. وانها ماتبي تختلي فيه بمكان بروحهم لفترة طويلة وماتقدر تنحاش منه.. بس هين ياشهد.. وقال فهد بصوت جاد وتحدي : والله يالغالية انا عندي مؤتمر طبي في بريطانيا على أول أبريل الياي يعني بعد أسبوعين أو أكثر بشوي تقريباً.. وراح آخذ شهد معاي لأن المؤتمر ثلاثة أيام.. ونقعد هناك اسبوع زود.. وبعدين طيران بنروح فرنسا بلد الجمال والحب الحب ونقعد اسبوع وعقبها على ايطاليا بلد الحب والرومانسيا والجندول وناخذ لنا اسبوع ثالث.. وتالي بنرد ديرة الخير الكويت بلد الطيب والكرم والجود.. أم فهد : دام جذي خوش عيل.. شهد ابلعت ريجها وبمحاولة عشان تغير من رأي فهد قالت : ليش هالعبالة روح المؤتمر وارجع.. وانا بقعد اهني عند خالتي.. والسفر موبضروري عندي.. وانا اهني مستانسة ومرتاحة.. أم فهد : لاااا يُمه وين مايكون ريلج تكونين معاه.. وانتي سافري واستانسي وانا بشيل قشي لأني ولهت على خالد ومنى واليهال.. وأحمداني دوم يحت علي متى بتيين عندنا ولهانا عليج .. وحتى منور دوم تحن وتبي تنام عندي في سريري وغرفتي هناك تنطرني.. شهد تسوي نفسها زعلانه وبدلع تكلم أم فهد : أفااااا يُمـــه لحقتي تملين منــي..!! وهذا انا قايله بروح عند أمي منيرة واهي اللي تدللني وتدلعني وماترضى علي.. وأنتي بتفتكين مني وتبيني أسافر وأبتعد عنج..!! أم فهد : هههههههههههههههه.. الله يقطع ابليسج يُمه.. الحين انا امل منج ومن شوفتج..!! وانا طول عمري أقول شهد ماياخذها غير ولدي فهد عشان تتم عندي طول العمر.. وتقولين امل منج وانتي بنتي..؟؟ شهد بدلع واصرار : عيل ليش بتبعديني عنج..؟؟ وإذا على السفر ماراح أسافر من غيرج.. أم فهد ترفع حاجبها بنفس حركت فهد وتقول : عجيــــــب.. بعد شهود القطوه قام تتشرط علــــــي..!! ههههههههههههه.. أقول يُمه بلا طوالة انا السفر ماأقدر عليه.. وبعدين انا صج ولهت على احفادي.. وإن شاء الله بحيل اللي ماتنام عينه.. أشوف عيالج انتي وفهد واشيلهم واحطهم بعيني.. وعاد ذيك الساعة صج راح تكتمل فرحتي يُمه لما أشيل عيالج انتي وفهد.. شهد صار ويهها حريجة موبس طماطة.. وفهد كمل عليها لمها لأنه كان لازق فيها وقاعد على يمينها.. وقال بكل تحدي : إن شاء الله يُمه قريب تشوفين اعيالنا وتشيلينهم وتربينهم مثل ماربيتينـا.. ومثل ماتوصين يالغالية طلباتج أوامر وشهد بتسافر وياي على أول ابريل الياي إن شاء الله.. وتم ماسك شهد من خاصرتها ولامها حيل يتحداها تعترض أو ترفض.. وماطولت سهرتهم من بعد العشا وقام فهد أخذ امه ووداها لغرفتها.. وشهد طلعت فوق لأنها مقهورة من فهد ومخططاته.. وبعدين اهيه تعبانه ومن الصبح هذي قعدتها ماريحت ولانامت بعد الظهر.. ادخلت شهد الحمام وانتوا بكرامه وتغسلت وطلعت بتبدل ملابسها وبتلبس بيجامتها قبل لايي فهد.. وراحت تفتح الأدراج وتبي تطلع لها بيجامة....انصدمت..!! هــاااااااا.. وين راحوا البيجامات ماكو شي.. وكل اللي موجود ملابس نوم قصيرة وشفافة.. واهيه لو تنطبق السما على الأرض ماتلبسهم.. وشهد ميته من القهر من الموقف اللي اهيه فيه وماهي عارفة واشلون بتدبر عمرها مع المقلب اللي مسويلها اياه فهد من صوب ومنى من الصوب الثاني.. وقعدت تطحن بعمرها وتقول بنفسها.. : هين يامنى انا لو أدري انج بتختارين لي قمصان نوم جذيه جان ماخليتج تتسوقين عني ومن دون ماتقولين لي باللي ناوية عليه يالخاينه.. أأأأأأأوووووففففففف.. ياربي الحين شالدبره والبيجامات كلها مو موجوده ماأدري وينها..!! وانا أدري فيك يافهيد إنك خاش كل بيجاماتي والله قلبي حاس اليوم الصبح من طلعت للحديقة ونظرتك كانت تبين إن وراك مصيبة كبيرة وإنك مسوي شي ومخطط عليه.. وصج قلبي ماجذب باحساسه.. ياربي شالدبرة الحين..!! لاحول ولاقوة إلا بالله.. بس هين انا باعلمك منهي شهد وشبتسوي لك يافهد هـــــين يالعتوي المغرور.. وقامت شهد طلعت لها دراعة بيت بسيطة ومريحة والبستها.. وقامت دشت تحت اللحاف وغطت نفسها بالكامل بس راسها اللي طالع.. علشان ماتبين الدراعه اللي لابستها من تحت اللحاف.. وخذت المخدة وتقضبت ( تمسكت ) فيها عدل ولمتها ونامت عليها.. وبعد عشر دقايق دش فهد الغرفة وشافها نايمة.. وكانت الإبتسامة على ويهه وخاطره يعرف ردة فعلها وشنو لابسه الحين.. دخل الحمام وانتوا بكرامه وتحمم وتبدل وفهد من طبعه لي بقى ينام بس يلبس بنطلون البيجامه وصدره يتم مكشوف.. وهذا طبع أغلب الشباب.. وراح على يمين السرير.. مكانه اللي ينام فيه ودخل تحت اللحاف.. ولف على شهد يبي يشيل المخدة اللي حاطتها ولامتها وصايرة مثل الحاجز بيناتهم.. فهد بستهزاء وبصوت واطي : الحين هالمخدة بتبعدني عنج..؟؟ قام رفع اللحاف عشان يتل المخدة منها ويلمها.. وانصدم يوم شافها شلابسة..!!!!! فهد بصوت عالي مصدوم : انتي شلابسة..!! وليش لابسة دراعة..!! ماعندج ثياب للنوم..؟؟ شهد اقعدت على حيلها وشياطين العالم بويهها تناقز.. وردت عليه وبكل حدة وعصبية : لاااااااء ماعنــــدي.. وثيابي كلهـــا اخذها العتــوي وماأدري وينهــــا..!! فهد كان بيضحك على ردت فعلها وعصبيتها بس مسك نفسه.. وسوى روحه معصب وقال : والثياب اللي بالكبت من له..؟؟ لايكون لي انا وانا ماأدري..!! شهد بنفس الحدة والعصبية : والله ماأدري عنك.. انا عمري ماشريت ثياب جذي وعمري ماراح البسهم.. (( وحطت راسها على المخدة تلمها وتنام عليها )).. فهد عصب وقال بتحدي : اذا مابتلبسينهم خلاص بلاهـم.. بتنامين بدون ثياب أريح واحسن لـج ولـي.. شهد اشهقت وخافت لايسويها ويصمم على كل كلمه قالها فحبت تلطف الجو شويه.. وقالت بعد مانعمت صوتها وخففت نبرتها.. علشان تمتص غضب فهد وتغير رايه وتخليه يحن عليها ومايرغمها تسوي اللي براسه..!! شهد : لاااااا.. انا قصدي ماأقدر البسهم الحين (( وبصوت واطي كملت وقالت )) بعدين.. فهد تذكر إن شهد من البارحة واهي معذوره.. عشان جذي البست هالدراعة ومالبست الثياب القصيرة الشفافة.. قام سيده من السرير وتوجهه لغرفة تبديل الملابس.. وطلع بيجاماتها اللي خشهم عنها ورد حطهم بالدرج.. وطلع لها وقال بصوت مقهور لأن خطته افشلت هالمرة بس ماراح يعديها لها.. فهد : روحي بدلي دراعتج.. بيجاماتج حطيتهم لج بالدرج.. ودش تحت اللحاف عقب ماقامت شهد بتبدل ثيابها وعلى ويهها نظرة الأنتصار.. واخذ المخدة الجانبية اللي شهد تلمها وتحط راسها عليها وحذفها هالمره تحت السرير.. وشهد ردت وعليها بيجامتها القطنية الواسعة.. جنها طفلة واهي مرتاحة نفسياً.. ودشت تحت اللحاف لفت على يمينها جهة فهد وتبي تاخذ المخدة الجانبية.. بس فهد مامهلها تسأل أو تقول أي شي وقام سحبها صوبه.. وقال بصوت صارم مايقبل النقاش وعلى طريقة بوخليفة.. فهد : ماكو مخدة من اليوم ورايح.. تبين عندج انا بالخدمة اصير لج مخدة.. وعندج المخدة اللي تحت راسج كافي ويكمن حتى هذي الغيها واخليج تنامين على ايدي طول الليل.. شهد مصدومه منه وعيونها امبطله وتطالع فهد بقهر وتقول : عيل شخليت لهتلر وموسليني وبقية دكتاتورية العالم..!! فهد من سمع ردها انفجر بالضحك واهو يتلها ويحط راسها على صدره ويلمها : هاههاههاههاههاهههاهههاهههههههههههههههههههههههه.. انما عليج قطات من وانتي ياهل محد يضحكني غيرج.. ههههههههههههه.. الحين انا ديكتاتور بنظرج..!! شهد بعناد وبتغيضه أكثر أصرت على كل كلمة قالتها.. وقالت : إيـــــه موبس ديكتاتور.. لاااااا بعد مغرور ولسانك سليط وفاصخ الحيا.. فهد مو قادر يمسك نفسه من الضحك على رد شهد الطفولي واللي ياما خلته يقهقه من الضحك بردودها : ههاههاهههاهههاههاههاههاههاههههههههههههههههههههههههههههه.. شهود الله يخليج اذا انا لساني سليط..!! عيل لسانج شيطلع ياأم لسان طويل.. هههههههههههههههه.. نزل راسها من على صدره وحطه على زنده.. ولف عليها بجسمه عشان يكون مجابلها وكمل بنبرة استهزاء يبي يغيضها : تدرين إذا الله رزقنا بالعيال راح أسمي أول ولد ناصر.. تدرين ليش..؟؟ ( شهد طالعته واهي منحرجة منه وبدون ماترد.. كمل بستهزاء وقال ) : عشان ينادونج الناس ويقولون ياأم ناصر.. يــاأم ناصــر.. لســان طويــل والحيــل قاصــر.. هههههههههههههه.. شهد عصبت عليه وطقته على صدره ولفت جسمها تبعد عنه على يسارها وعطته ظهرها.. وقام فهد لوى عليها ولمها من ظهرها.. باسها على راسها ورقبتها من ورا واهو يقول بكل نعومه : وبعدين انا تقولين عني فاصــخ الحيــا..؟؟ شهد بحدة وعصبية : إيــــه فاصخ الحيا ودوم تحرجني حتى عند الغير.. فهد مسوي روحه مستغرب : اشلــــون....!! شهد انحرجت وماقالت شي وتمت ساكته.. شهد : ................................. ........................................ ........................................ فهد فهم عليها وحب يطفرها أكثر عشان يحرجها ويشوف شلون ويهها يتلون ويصير أحمر : إيــــــــه قصدج لما المج وابوسج جدام الغير..؟؟ شهد تلون ويهها من الحيا وصار امية لون.. وتمت ساكته وماردت عليه لأنها ماتقدر ومستحية منه.. شهد : ............................... ....................................... ....................................... فهد بستهزاء : والله ياحبيبتي اذا بستحي منج جان ماتزوجتج.. ولا بييب منج عيال.. رفع راسه على راسها من ورا وقام عض اذنها بالعدال وقال يهمس بإذنها : انا صح وإلا انا غلطان ياقطوتي..؟؟ ( وكمل كلامه بصوت ناعم ) : وبعدين انا ماأفصخ الحيا إلا معاج تدرين ليش..؟؟ شهد تسمع واهي ساكته وضربات قلبها تزيد وماترد من الأحراج ومازالت معطيته ظهرها.. ومرتبكة.. شهد : ........................... ................................... ................................... فهد رد عليها واهو يكمل يساسرها بإذنها : لأني بس أشوفج كياني يتلخبط.. واحس إني باكلج والتهمــــــج.. (( قال آخر كلمه وهو يقلد الأسد لما ينقض على الفريسته............ )) : : وتم حاضنها طول الليل واهم نايمين.. : : : : يوم الخميس 18 / 3 / 2004 الخميس بعد مرور أسبوع من الزواج فهد وشهد بوخليفة سوى عزيمة كبيرة لجميع الأهل والمعارف بمناسبة زواج فهد وشهد.. والعزيمة كانت للرياييل وعلى العشا.. واجتمع الأهل كلهم حتى أهل شهد من طرف أمها نورة الله يرحمها.. بوخليفة عزمهم حتى يكسر عين نورية وعصام اللي استهزئوا في بنته واحرقوا قلبها وتعبوا نفسيتها وباعوها بالرخيص.. وعزم كل التجار اللي يتعاملون معاهم والشيوخ والمعارف والأصدقاء.. وكان هذا كله إكرام للمعرس ولد أخوه واللي اهو بمثابة ولده.. وبما ان الليلة رياييل العائلة مشغولين بالعزيمة والضيوف اللي اكتض فيهم ديوان العائلة.. أتفقوا الحريم واليهال يروحون بيت المعرس يزورون العروس وأم فهد.. وطبعاً اللي حضروا كلهم كانوا من أهل شهد المقربين وعيالهم فقط.. وكانت القعدة حلوه وايد ويكفي إنهم كلهم على قلب واحد والكل يحب الخير لأهله وبار فيهم.. وكانوا الحريم والبنات كلن يايب معاه هدية للمعاريس.. وتمت السهرة لين الساعة 12 بالليل.. وبعدين يوا الرياييل طبعا كلهم أخوان شهد وعيال أخوانها.. وكملوا سوالفهم وسهرتهم بالديوانية في بيت فهد.. وعلى الساعة 2:30 بدوا يودعون ويتحركون لبيوتهم بعد التعب اللي هد حيلهم.. وناموا المعاريس بعد ماتطمنوا على الغالية أم فهد.. واللي مشاء الله بهالأسبوع صارت صحتها وعافيتها من أحسن مايكون.. وكأن دوا أم فهد كان بزواج ولدها من حبيبة قلبها شهد.. وشهد لاحظوا جميع الأهل صحتها صايرة أحسن من قبل.. وخدودها بدت تمتلي وتصير مورده.. ولكن ماخفى عليهم قلقها وعصبيتها اليوم واللي حاولت تخفيهم عن أهلها.. ولكنهم عارفين سبب قلق شهد ومايابوا لها الطاري.. وطول وقتهم كانوا يحاولون يلهونها ويشغلونها بأمور ثانية علشان ماتشغل بالها بعزيمة الرياييل وباللي راح يحضرون هالعزيمة.. : : : : يوم الجمعة 19 / 3 / 2004 ويوم الجمعة قاموا متأخرين حتى أم فهد من سهرتهم البارحة مع الأهل والأحباب.. قام فهد من نومه بسرعة ودش الحمام وانتوا بكرامة تحمم وتبدل ونزل تحت وحصل أمه صاحية ومجهزه المبخر والعود عشان تطيبة للصلاة.. أم فهد : هايُمه أشوفك اليوم بطيت مانزلت من وقت.. وحتى الريوق ماتريقت..!! فهد : إيي والله يُمه.. وزين إني انتبهت وصحيت من وقت عشان الحق على خطبة اليمعة لاتطوفني.. أم فهد : وشهد نايمة ليمن اللحين..؟؟ فهد : إيـــه واهيه البارحة كلش مانامت من التعب والتفكير وكانت تتقلب طول الليل.. يُمه بس ارجع بتكلم معاج بموضوع.. لكن الحين خلوا شهد ترتاح ولاتصحونها وخلوها تصحى على راحتها.. يلله يُمه انا بمشي توصيني على شي..؟؟ أم فهد : هالله هالله في نفسك والطريق يُمه.. والله يحفظك ويكتبلك في كل خطوه أجر والله يبارك فيك ويسلمك من كل شر.. فهد : يالله في أمان الله يالغالية.. (( باس راس امه وطلع )) أم فهد : في أمان الكريم ياوليدي.. ربي يحفظك ويرعاك.. شهد من بعد خروج فهد للصلاة صحت بسرعة.. وادخلت للحمام وانتوا بكرامة.. تطهرت وتحممت وتوضت للصلاة.. وراحت خلصت كل شي بسرعة عشان تصلي قبل لايرجع فهد ويكشف جذبتها بخصوص أيام الدورة.. وصلت ودخلت السيادة مع الثوب للدرج ونشفت شعرها بسرعة.. وكانت تعمل كل شي بأقصى سرعة ممكنه قبل مايرد فهد من المسيد.. وخلصت وردت حطت راسها تكمل نومتها لأنها صج تعبانه.. وصار لها ايام ماتنام عدل مع محاولات تقرب فهد لها.. واهي تحاول تصده أو تقطع عليه محاولاته.. خصوصاً إذا حاول يقرب من إيدها المبتوره والتشوهات اللي بجسمها تمنعها وكانت مثل الغصة في بلاعيمها وماتقدر تتغلب على مشاعرها.. واهي بنفس الوقت خايفة جداً من إنها تشوف نظرة الإشمئزاز والقرف أو الشفقة بعيون فهد.. واللي زاد عليها وخلاها تاكل بعمرها من الخوف والترقب اهي العزيمة اللي أبوها سواها وعزم فيها كل أهلها حتى من طرف امها نورة الله يرحمها.. وهالشي ماريحها ابداً لأن عصام كان حاضر العزيمة وأكيد التقى في فهد.. والذكريات اللي كانت تحاول تستردها كانت مهاجمتها طول الليل.. واللي تعبها إنها كانت متأكدة بأن شي حصل مابينها وبين عصام بس ماهي متذكرة هالشي.. وكانت بقلقها وخوفها تحس بقلبها بأن شي كبير راح يصير وراح يقلب كيانها وحياتها.. بس ماهي عارفة شنو هالشي..!! وتمت تتقلب طول الوقت وكأنها على جمر.. واتعبت من كثر التفكير ونامت قبل ردت فهد.. رجع فهد للبيت من بعد صلاة اليمعة.. ودخل لغرفة النوم وماحس بأي شي غير طبيعي لأنه فهد كان باله مشغول بشي ثاني الحين.. ودخل يبدل ثيابه وبطلعته راح لشهد يتطمن عليها.. وشافها غاطة بالنوم باسها على راسها وطلع بره الغرفة ونزل عند امه.. فهد : اشلونج يُمه وشلون سهرتكم البارحة عسى ماتعبتي..؟؟ أم فهد : والله يافهد ياحلاتها من سهرة يكفي إن الحبايب كلهم عندي.. والبنات قاموا حطوا هالأغاني وقاموا يترقصون.. والله يُمه كانت وناسة من زمان ماالتمينا هاللمه الحلوه.. والله لايقطعها من لمه إن شاء الله.. فهد : اللهم آمين.. سكت فهد اشوي وبعدين قال لأمه يسألها : يُمه أنا سألتج من قبل إذا في شي صار مابين شهد وعصام قبل الحادث وقلتيلي أن ماصار شي..!! والحين برد وأكرر نفس السؤال وأقولج صار شي مابين شهد وعصام أو أمه قبل الحادث..!! والله يخليج قوليلي كل شي ولاتخبين عني أي شي تعرفينه..!! أم فهد وقلبها نغزها : ليش يايُمه تفتح جروح اندملت.. في شي صار بالعزيمة..؟؟ فهد : يُمه انا أسألج وانتي تردين علي بالسؤال..!! وبعدين لاتخافين ماصار إلا كل خير والعزيمة كانت من أروع مايكون.. وعمي الله يطول بعمره ماقصر بأي شي.. أم فهد واهيه تناظر في عين ولدها وتدري انه يجذب عليها لأنه عيونه تقول شي ثاني.. واهيه تعرف فهد أكثر من نفسه.. وتدري بكل مايدور بقلبه وعقله.. وهالشي ماخلاها ترتاح أبداً.. أم فهد : فهد حلفتك بالله شقالك عصام من توايهت وياه ( تواجهت معاه )..؟؟ سؤال أم فهد صعق فهد وخلاه امبلم واهو يطالع أمه وامبطل عيونه.. وقالها واهو يأكد على الشكوك اللي براسه : يُمه يعني في شي جايد صار.. وانتي ماتبين تقولينلي عليه..!! بس صدقيني يالغالية إن ماخبرتيني عليه راح أعرف شنو اهوه من غيرج وانتي تدرين بهالشي.. أم فهد خافت من فهد انه يتهور ويستجوب شهد وتنهار كل الأمور : فهد يُمه حلفتك بالله انك ماتفتح هالسيرة مع شهد.... ولاتييب لها الطاري من الأساس...... لأن........ شـ.... شـ...... شهـ............. فهد من شاف امه واشلون انقلب حالها.. سيده شالها ودخلها غرفتها ونادى فدوى تييب الدوا لأمه والجنطة وتجهز الحقنة لها......... طلع فهد بعد ماتطمن على وضع أمه.. واهو متكدر وموعارف شللي يسويه.. واهوه متأكد إنه شي جايد وكبير حصل من ناحية عصام وامه وشهد تأذت منهم.. وكان خايف ويحاتي من كل النواحي وكان يحاول يسيطر على اعصابه.. لأنه ان فقدها راح يرتكب جريمة في عصام وأمه نورية..!! اذن العصر وصعد فهد يبدل ثيابه عشان يروح المسيد ويقرا له سورة الكهف لأنه اليوم من قعد متأخر وطلع للصلاة يادوب لحق صلى تحية المسجد وإلا الأذان الثاني قام لصلاة الجمعة.. وماكان فيه وقت عشان يقرى سورة الكهف مثل كل مرة.. بدل وطلع راح المسيد.. شهد صحت متأخر اشوي على الساعة 3:30 العصر.. يعني فهد راح المسيد وسيده توضت وصلت العصر.. وتذكرت انها اليوم ماقرت سورة الكهف.. قامت طلعت المصحف وبدت تقرأ بسورة الكهف قبل لايرجع فهد من الصلاة.. لأنها عقب ماراح تقدر وخصوصاً إذا اذن المغرب راح عليها اليوم.. وتمت تقرأ وخلصت ودعت ربها لأمها وأخوانها ولجميع المسلمين بالرحمة والمغفرة والفوز بالجنة.. وقامت افصخت ثوب الصلاة وطوته بتحطه بالدرج مع السيادة.. واهني دخل فهد وشاف السيادة والثوب بإيدها وكانت بتحطهم بالدرج.. ارتبكت شهد من شافته واهو داش..!! فهد : السلام عليكم.. شهد والصدمة من شوفت فهد وبخوف : و.. وعليكم السلام..!! فهد تعجب من منظر شهد وماكان منتبه على اللي تفكر شهد فيه : شهد شفيج..؟؟ شي يعورج..!! تعبانه..!! شهد ابلعت ريجها وقالت بصوت واطي : لاااا.. مافيني شي.. فهد : انزين علام لونج خاطف جذي..!! وراح لها وقرب منها واهو يحط ايده على جبهتها..!! فهد بتعجب : ماكو حرارة..!! شهود..علامج..!! شهد خايفة لايكون كشف جذبتها وبرتباك : ماعلامي شي.. وراحت بتنزل تحت.. بس فهد تذكر اللي صار وناداها.. فهد بجدية : شهد تعالي أبيج بموضوع..!! شهد وعلامة التعجب بوجهها.. وقالت برتباك : انزين بس اطل على خالتي ماشفتها اليوم.. وبعدين برد لك..!! فهد والجديه على ويهه ويحاول يكون طبيعي ويقول لشهد : لحظه شويه شهد.. بنزل وياج.. ( وراح عندها ومسك ايدها وقال لها بصوت هادي ) : ترى امي تعبانه شويه.. وعطيتها الدوا واهيه نايمة الحين.. بس انتي كليتي شي من أمس..!! شهد والخوف انرسم على محياها من اسمعت عن تعب أم فهد وردت بخوف : لاااا.. الحين بروح.. بس خالتي شفيها..!! البارحة كانت مستانسه وبعافية..!! ليش تعبانه الحين..!! فهد يحاول يخفف على شهد بالأمر وقالها بصوت خلاه طبيعي وكأن الأمر عادي : الظاهر إنها سهرت وايد وماخذت كامل راحتها.. ومن الصبح صاحية ومانامت عشان جذيه اتعبت.. شهد تطمنت شويه على خالتها.. وتنهدت براحة.. وبعدين أسألت فهد : انزين تغديت..؟؟ فهد : لااااا.. يالله الحين باكل وياج.. وانزلوا تحت وعطت شهد الأوامر يحطون الغدا لفهد.. ويسوون لها سندويتش تونة مع سلطة وشاي.. لأن الغدا مرقة بامية.. واهيه ماتاكل لحم.. ردت عند فهد بالصالة على مايجهزون الطاولة.. وقعدت بعيد عنه.. فهد شاف حركتها.. رفع حاجبه وقال بستهزاء : ليش قاعدة بعيد..!! تعالي قربي لاتخافين ماني ماكلج..!! شهد صار ويهها أحمر من الحيا.. وقالت بتضيع الموضوع : لااااا.. بروح اشوفهم لايخبصون بالأكل ويحوسون الغدا..!! فهد والإبتسامة على ويهه.. وقال بصوت جاد وكأن الموضوع رسمي : لاتخافين ماراح يخبصون.. انتي تعالي يمي ابيج بموضوع مهم.. قربت شهد اشويه من فهد.. وقام يطالعها بستهزاء وقال : لااا والله.. لايكون انا مجروب أو مسعور قاعدة بعيد عني..!! ( وكمل بتهديد بس بصوت واطي ) : تعالي اهني يمي وان ماييتي مايصير طيب..!! شهد راحت واقعدت عنده واهي تبلع ريجها من الربكة والاحراج.. وفهد رافع حاجب واحد ويطالعها بستهزاء : ترى اذا بغيت الشي خذيته غصب.. ولاتفكرين بأن المسافة راح تحرمني منج.. مسكها وقربها منه حيل وحط ايده على كتوفها وقال يكلمها بجدية : السفرة قربت وماباقي شي عليها.. وبعدين الجو هناك برد.. عندج ملابس ثقيلة والا اوديج السوق وتاخذين لج شي حق هناك..؟؟ شهد وهيه منزله راسها وقلبها يرقع من قرب فهد منها.. وبصوت واطي : انت ليش مصمم تاخذني وياك..؟؟ خلني هني مع خالتي واهلي ابرك واحسن..!! فهد رفع راسها بايده الثانية وقال بصوت ناعم وحنون : انا أبوج.. ( وباسها على يبهتها.. وكمل وقال ) : وأنا أمج.. ( ورد باسها على يبهتها.. وكمل قال بنفس الصوت الحنون ) : أنا أخوج وكل اهلج.. ( ورد باسها على يبهتها ولمها على صدره واهو يقول ) : وانا زوجج.. وانا كل شي لج.. مثل مانتي كل دنيتي واهلي وكل شي لي.. وموضوع السفر منتهين منه لأنج بتسافرين معاي.. ( ورد رفع راسها من على صدره ويطالعها بكل حنية ويقول بنفس النبره الهادية والحنونة ) : وبعدين ليمتى بتمين تصديني وتتهربين مني..؟؟ شهد كانت ترجف بين إيدين فهد مثل الورقة من الاحراج والخوف.. كانت خافيه ترد وتطيح بحبه وتبادله نفس الشعور.. وعقب يتركها ويهجرها وترجع تنصدم وترد لنقطة الصفر بالحضيض.. وهالشي كانت شهد تحس فيه مثل الغصه عالقة بقلبها وصدرها.. وماقدرت ترد إلا بالدموع اللي تنزل سيل على خدودها.. شهد : ................................ ........................................ ........................................ فهد ومازال لام شهد على كتوفها بإيده اليسار.. رفع اصابع إيده اليمين ويمسح دموع شهد بكل حب وحنان.. وقالها بنفس النبرة الهادية والحنونة : شهد.. انا قلتلج من قبل.. واكرر الحين وأحلفلج برب البيت اني.. لايمكن.. لايمكن أبداً في يوم أفكر إني اضرج أو ااذيج بأي شي.. ولاتخلين الماضي يأثر على المستقبل ياشهد...... الماضي شي ولى وراح.. ومانبي نعيده ونعيد سيرته.. وكل اللي ضرج وآذاج أقسملج.. إني ماراح اخليه يقرب منج مره ثانية.. وإن فكر فقط بالتفكير.. وحاول إنه يضرج ويأذيج أقسم بالله العظيم إني بكون أول من يدمره ويفنيه.. قربها منه ولمها مره ثانية على صدره.. وباسها على راسها.. وتمت فترة واهو لامها على صدره تنهل من الأمان والحنان اللي يغدقه عليها.. وعقب كمل الموضوع بشكل طبيعي وقال يسألها علشان ترد نفسيتها الطبيعة : إيـــه يالله ماقلتيلي.. عندج ملابس ثقيله والا اوديج السوق..؟؟ شهد بقتضاب وبصوت واطي مبحوح واهي ترفع راسها من على صدره : عندي ثياب وايد فبيت أبوي.. فهد : عيل خلاص يوم بوديج.. شوفي هناك اللي عندج.. وتقدرين تاخذينه.. وإذا ناقصج شي خذيتج السوق تكملينه.. يت الخدامة تقولهم إن الغدا جاهز.. وراحوا يتغدون عقب ماجهزت طاولة السفرة.. وفهد من شاف السندويتشات على الطاولة مقابل شهد عصب وقال.. فهد : انتي وبعدين وياج على هالأكل..!! ليمتى يعني..!! شهد وبكل برائة ارفعت عينها لفهد.. واهو خق من شاف نظرتها الطفولية البريئة.. شهد : انا ماآكل لحم ولادياي..!! وانت تدري بهالشي..!! فهد : بلله عليج واللي تاكلينه شنو هذا..؟؟ شهد وبنفس النظره : هذا سندويتش حميسة التونه..!! (( وبكل برائة مدت ايدها تقدم له السندويتش )) ماتبي تذوق..!! فهد فقع من الضحك عليها وعلى طريقتها الطفولية.. واللي ياما تذكرها فيها.. ولا زالت على نفس البرائة والطفولة.. فهد : ههههههههههههه.. الحين تبيني اهد الإيدام وآكل المعلب..!! هههههههههههه.. بس ماقلتيلي فيها فلفل..؟؟ شهد بجدية وبحزم : طبعاً فيها.. وإذا بتطنز علي بقوم ماني ماكله..!! فهد بستهزاء وتهديد : ههههههههههه.. قعدي قعدي دام النفس طيبة عليج.. ومن باجر بتهدين الأكل المعلب وبتاكلين ويانه الموجود.. ومابي دلع زايد سمعتي..!! شهد بدت تعصب : يعني شنو..!! لازم تتحكم بكل شي فيني..!! وبعدين اللحم والدياي مستحيل آكلهم مــاحبـــهم انــزين..!! فهد بكل برود : مولزوم تحبينهم.. المهم تاكلين شي مفيد مو معلب..!! شهد بقهر وعصبية : بس انا قاعدة آكل سلطة مع السندويش.. وبعدين ماحب غير زفر البحر..!! فهد : ههههههههههههههههههههههههههههههههه.. موقلتلج مياووووو يالقطوة.. وانتي تعصبين.. خلاص من باجر اقولهم دوم يسوون لج سمج وإلا ربيان.. والله يعيني عليج يالقطوة.. شهد بقهر : والله الله يعيني آنا عليك يالعتوي.. لا وفوق هذا عتوي مغرور ومتسلط ومسيطر.. أأأأووووووففففففففف والله بلشه..!! فهد ماقدر يمسك نفسه وضحك بصوت عالي وقال : ههههههههههههههههههههههههههههههههههههههه.. انا البلشه يابلوى..!! هيـــن ياشهود دواج عندي.. واعلمج شلون يكون التسلط والسيطرة يالقطوه المتوحشة..!! : : : : : : : : ياهل ترى هل شهد راح ترضخ وإلا اتمرد.....؟؟ وفهد راح ينفذ تهديده بشهد......؟؟؟ شنوا توقعاتكم باللي راح يصير....؟؟ مع خالص مودتي وحفظكم الله ورعاكم عذبة التجريح :flowers2: |
وااااو بارت من بدايته ساخن جدا اعيد لك شكري وتقديري على تنزيلك البارت في موعده أقدر لك تبريد نار انتظارنا للبارت الجديد وأيش الحراره دي كلها شاشة الكمبيوتر بتطلع حراره مش طبيعيه رغم ان المكيف شغال وفهود لو مش متأكد من حب شهد له ما كان عمل معاها هادا كله وحب فهد عمال بيفرض نفسه على شهد وتصرفاتها كان فهد عارف ان اتصاله الجسدي بشهد حيكسر حاجزها الحديدي وحبها هو الي حيكمل المهمه أكبر دليل على بدأ قبولها انها ما عادت تبكي او تصارخ وهدا يدل على قبول أحاسيسها ورغباتها الداخليه لقربه عندي إحساس ان عصام آذى شهد بطريقه بشعه ما أدري ؟؟؟؟ هل ظلمها في ..... هل هو عاملها بوحشيه او ما لمسها أصلا .... خجلها خجل مش طبيعي انا متأكده ان عصام حيرجع للأحداث ويعكنن صفو حياة فهد وشهد بالماضي المجهول والخطير والي من خطورته ام فهد تعبت من ذكره والسفره هادي وراها شي اشكرك على البارت الخيالي وامتنى لك من كل قلبي ان ينزال البأس عنك وتصفى نفسك ويرتاح بالك وترجعي لنا زي الأول ما تتخيلي قد إيش مهم عندي التواصل معاكم ياكتابنا وتقبلي سلامي وخالص أمنياتي |
تسلمين على البارت
بس اكيد ان سفر شهد مع فهد راح يقرب شهد من فهد بس بعد عناء طويل |
السلام عليكم و رحمة الله و بركاته عذبة التجريح ابداع * ابداع * ابداع فهد هالآدمي حنون و جريء بشكل و في نفس الوقت حازم و شديد :rfb04470: الحمدالله انو قدر يحسس شهد بالأمان اللي هي محتاجته آخ ... نفسي اشوف ردة فعله لما يعرف حقيقة الموقف بين عصام و نورية و شهد شهد عليكي مواقف محرجة مع العتوي<< الله يعينك عليه اعتقد ان مع مرور الوقت بتبدأ شوي شوي تسترد ذاكرتها وتفتكر كيف كانت علاقتها بعصام و خالتها ...... الخ بس اشوى انها عارفة في قرارة نفسها انها كانت تكن مشاعر حب لفهد واللي مانعها من انها تسلمه قلبها اللحين هو خوفها من انو يتركها في أي لحظة وما تنلام شهد على تفكيرها بعد اللي شافته بحياتها آخ ... استنى سفرتهم على نار ... عشان اشوف كيف شهد بتتعامل مع العتوي بتصير السفرة اكشن ما حصلش :lol: عذبة التجريح شكري لك على التزامك مع قرائك وخذي راحتك حبيبتي ولا تشيلي هم البارت و الردود اهم شي نفسيتك و صحتك يالغالية والله يفرج همك يارب سلمت يمناك :55: |
وهـ بس وهـ :IuL04800: تسلمين يا عذبه صدق البارت جنــــــــــــــــــــــان
عذبه انا ابي اتزوج فهد راضيه اكون الثانيه>>>>> مصدقه عمرها:c8T05285: من جد روعه تسلمين يا قلبوووووو ويا عمري >>>>>تري بس عشان تزوجيني فهد ادلعك:friends: يسلمووووووو وراح انتظر البارت بفارق الصبر قصدي فهد بفـــــــــارق الصبررررر:Taj52: |
السلام عليكم .....البارت روووووووعة مثل الاجزاء الباقية تسلمين الغالية .... عاد طلبتج ... كانج كنتي كاتبة القصة على اوراق سويلي scan منهم ورفجة الغالي اطرشينهم لي انا بطبع وياج هههههههههههههههههههههه شرايج في الفكرة المساعدة زينة مشان اقراه قبل الكل وياريت اطرشين الاوراق كلها ...افا عليج ما له داي الاحراج احنا مثل الخوات واكثر ...شو قلتي لا لا لا تعب ولا شي انتي بس عطيني الضوء الاخضر قصدي الاوراق وزهلي الباقي ان ما كتبته كله في يومين ما اكون انا الفنودية ......................... تشاوري يالغلا ورديلي خبر ***** فهد : قمة الرومانسية وقلة الحيا فيه ههههههههههههههههه بعدي والله احسن ما تسوي فيها القطوة عنيييييييييييييييييدة خل يأدبها دواها وما جاها كله من فعايل ايديها ............... صدق اهو يزودها حبتين وحركاته قامدة اوي ( هاذي بالمصري يالربع ) بس جونان ههههههههههههااااي متى بيسافروا متى ؟؟؟؟!!!!! ويا ترى شو بيصير ارتقب من الحين .... امه فديتها حبيتها طيبة وايد احسن بخليها اخر وحدة في التعليق ................. شهيدوه القطوة حمدي ربج وحبي ايديج من ورا ومن قدام على هالنعمة صدج قطوة .... عيل الزين عندج وحظرتج لاوية المخدة صدج ما عندج نظر ودواج يوم انه شل عنج بجاماتج ههههههههههه خطيرة الحركة كثري منها عذبوووووووووووه 000000000 هذا اول طلب0000000000000 0000000ثاني طلب 0000000000 هالله هالله في الحركات السنعة في السفر تدرين عاد غربة وهم خلينا ننبسط 00000ثالث طلب 000000 ننتظرج على احر من الجمر البارت الياي يلا عاد سويها مفاجئة ونزليه الليلة واحنا عاد اونا ما ندري ويوم ندخل الا بالبارت سااااااااااااافط فديته ومرتز في صفحتج .............. يلا سلامواكيد تكتبين فيه ما اعطلج يالغلا |
بارت ولا أروع يا عيني على حركات العتوي وإلا شهد المسيكينة الله يعينها عليه وعلى حركاته ... بس هي زودتها معاه شوي
والله حرااام هو يحبها وإلا ما كان يستحمل حركاتها الصبيانية وياه ... يالله إن شاءالله السفرة تغير نفسيتها وترجع شهد القبلية ويستانسوا في السفرة تسلمين يا الغالية على البارت الروعة ومن إبداع لابداع ان شاء الله |
:ma1:
عذووب .. بحبك انا أكتير .. يا حبيبتي ظلي طلي علييي :9jP05261: والله الأحدااااث شيء شيء مو إي شيء :hR604426: أموووت وأعرف شو سوااا فيها عويصيييم وأمه الينيييه :ydJ05010: متحلفه فيهم :busted_red: تسلمييين عذوووب ع التكلمه الروعه :flowers2: والشيء شيء مو إي شيء :hR604426: |
السلام عليكم ورحمة الله وبركاته
القصة تجنن أتوقع لك مستقبل مشرق أتمى تتقبلي مروري وشكرا... بانتظار التكملة |
كاتبة ممــــــــــــــــــــــــيزة وصاحبه قلم متألق
اتابعك في اكثر من منتدى لكن لم اجد نفسي الا في هذا المنتدى الرائع لكي ارد عليكي بالتأكيد لن نرى منها سوى العذوبة في الطرح الرائع والشيق القصة بجميع عناصرها رائـــــــــــــــــــــــــــعة رائـــــــــــــــــــــــــــــــعة رائعــــــــــــــــــــــــــــــــــعة اسأل الله تعالى لك دوام التوفيق والسداد والى الإمام غاليتي |
عذووووبة مشكورة على البارت الروعة وبصراحة ماشاء الله عليك طريقة سردك للأحداث تخلينا نعيش الحدث ونحس فيه وبصراحة كلمة كاتبة قليلة عليك.. لأنك مبدعة وخطيرة بأفكارك.. هههههههههههه وبنتظار البارت الجديد بكل لهفة ياعذوبتي الحلوة |
وااااااااااااااااااااااااااااااااااااااااااااااااااااااي
عذوب بارت يعني مادري شقول عنه لاهو عجيب ولاهو رائع ولا يهبل اهو اكثر من هذيلي بووووووووووووواااااااااااااااااااااااااااااااااااااااااااااا اايد ويا ريت لو في كلمة تعطيه حقه شهد اتوقع انها كانت تحب فهد ولما راح عنها اعتقدت انه تخلا عنها وعشان جذي عاندت وخذت عصام عبالها انها رح تنتقم من فهد بهالطريقة بس المسكينة ما درت انها انتقمت من نفسها والحين رجع لها فهد واثبت انه يحبها صج وراضي فيها بكل عيوبها واهي تدري بهالشي بس تخاف يتكرر الماضي ويصير فيها الي صار مع عصام ونورية بس ان شاء الله مع الايام تنسى الي صار فهد وااااااااااااااااااااااااااااااااااااااااااااااااااااااااااا اااااااااي فديتك تهبل الله يخليك لشهد ولازم تعرف الي سوواه عصام الزفت لشهد بس لا تظغك على امك شوي شوي وبتعرف كل شي ان شاء الله عصام الله ياخذك ولا ينتقم منك ويصير فيك الي صار لشهد واكثر بعد احس انه سوالها شي كبير و وااااااااايد مأثر عليها ومو قادرة تنسااه وامه ساعدته بهالشي اعتقد ان امهم بتحاول تخرب على شهودة وفهودي بس لان فهد يحب شهد ويدري ان نورية جذابة فما رح يصدقها ويعيشون حياة حلوة وييبون درزن يهال حلوين مثل ابوهم وامهم وحدج مشكورة انج نزلتي البارت بموعده و الله يسهل ظروفج تقبلي مروري |
مساء الاحساس والطيبة
اما عليك حركااااات يافهيد خطير وربي خطير :71_asmilies-com::peace:
ما رحمة الاحالة شهود مسكينة احسها صارت طماطة امدخنه من كثر ما ويها شب حريجه ومن الفشله خخخخخ:lWR04888: اما ام فهدو ابصراحه كلامج معاه حق ثلثين المرض نفسي وهي لقت راحتها وراحة ولدها :flowers2: عصام زين سوو فيه عشانه ينقهر وياريت هو امه يشوفون هوده مع فهود اشلون يعاملها بكل حنية وحب عشان مو بس ينقهورن الا المرارة عندهم تنفقع :lol: فيه سؤال محيرني شنو صاير مع عصاموه وشهوده اللي خلاها جذي ؟؟؟؟ ياريت ينذكر السبب في البارت القادم :f63: سلمت يمناك :55: قوووووووووو هيييييييييييييييد |
مرحبا عذوبة سامحيني مارديت بدري بسسسسسسسسسسسسسس بارت ولا أروع :55::55::55::55::55::55::55::55::55::55: أخيراً في أكشن رومانس قوى :peace: والله وعرفنا نخبى ياست شهد هاه أوريكي :71_asmilies-com::o9Y04826: فهد وآآآآآآآآآآآآآآآه من فهد :LgN05096::y4605198::peace: عليك حركات والله ذوبت وأنا أقرء :c8T05285::c8T05285::c8T05285: لا كله كوم والتلزيق كوم ثاني :075::075::peace::peace: صراحة عذبة الكلام كثير والمواقف كل واحد أحلى من الثاني :spinningemoticonmu8 ماأقدر أوفيكي حقك غير بقول الله يحفظك ويحميك :f63::f63::f63: مشكوووووووووووووووووووووورة :flowers2::flowers2::flowers2: :rdd12tf: |
سلام عذوب وربي احلى بارت مر علي بروايه كلها احلى يالاحراج حراااااااااااااام عليك فهد ضغطت شهد لين قالت امين والله منت بهين سؤال يطرح نفسه ليش دايما الشباب يحبون يضغطون البنات ويحرجونهم بس والله اقره والابتسامه شاقه حلجي وكل جمله اعيد اقراها مرتين لاااااااااااااااااااااااا كلش ولا العاده والله انج خطيره يا عذوب بس اللي حيرني صج شللي صاير بين اليي مايتسمى عصاموووو وشهود ............. شصار اللي يخلي شهود تحاتي طول اليوم واهلها يحاولون فيها انها ماتذكر ويخلي ام فهد تتعب وماتقول حق فهد ........... شسالفه ............ احس فهد ماراح يعدي السالفه على خير تسلمين ياقلبي على البارت اللي كلمه روعه شويه عليه سامحيني على التأخير لا خلا ولا عدم اخنج اللي تحبج خطوات ورده |
ياهـــــــــــــــــــلا ومســـــــــــــــــــــــــــــــــــــــــــــــهـــلا...
اسفـــــــــــــرتـــــــــ وانـــــــورتــــــــــــ واستـــــــــــــــــهلتـــــــــ وامـــــتطرتــــــــــــــــــــ دوبني اليوم سجلت في المنتدى عشانك بس.. و والله العظيم لكي وحشه من القلب و صراحه رايتك بيضاء ماقصرتي على الرغم من كل شيء إلا إنك كفيتي و وفيتي ونزلت الجزء , اللي كان جنااااااان مثل راعيته ,فديتك والله .. جزء روووووووعه... شهد ياحرام كسرت خاطري وصراحه صرت متعاطفه معاها .. وفهد ياحبي له , صدق خبيث ويعرف يحرجها عدل وما أقول الا الله يعين شهوده عليك.. عصام شكل له قصه مي هينه مع شهوده , بس ما اقول الا الله ينتقم منه هو وامه .. وتسلمين يالغلا وأحلى أم بعد .. نمله فصفوريه.. |
بسم الله الرحمن الرحيم
أشكرك أختي العزيزه ع القصه الأكثر من الرائعه شدني أسلوب كتابتك المميز هذه أول مره أكتب فيها رد بهذا المنتدى أرجو أن تقبليني صديقه و متابعه لقصتك لك كل الود أختك رموز الحياه |
أشكر جميع من ساندني ووقف معي ودعمني وجميع من شاركني برأيه ونقده بالرواية ولكن السموحة لعدم مقدرتي بالرد بسبب الظروف ولكم مني خالص الحب والتقدير أختكم المحبة عذبة التجريح |
تذكير بما حصل بنهاية الجزء السابق شهد صحت متأخر اشوي على الساعة 3:30 العصر.. يعني فهد راح المسيد وسيده توضت وصلت العصر.. وتذكرت انها اليوم ماقرت سورة الكهف.. قامت طلعت المصحف وبدت تقرأ بسورة الكهف قبل لايرجع فهد من الصلاة.. لأنها عقب ماراح تقدر وخصوصاً إذا اذن المغرب راح عليها اليوم.. وتمت تقرأ وخلصت ودعت ربها لأمها وأخوانها ولجميع المسلمين بالرحمة والمغفرة والفوز بالجنة.. وقامت افصخت ثوب الصلاة وطوته بتحطه بالدرج مع السيادة.. واهني دخل فهد وشاف السيادة والثوب بإيدها وكانت بتحطهم بالدرج.. ارتبكت شهد من شافته واهو داش..!! فهد : السلام عليكم.. شهد والصدمة من شوفت فهد وبخوف : و.. وعليكم السلام..!! فهد تعجب من منظر شهد وماكان منتبه على اللي تفكر شهد فيه : شهد شفيج..؟؟ شي يعورج..!! تعبانه..!! شهد ابلعت ريجها وقالت بصوت واطي : لاااا.. مافيني شي.. فهد : انزين علام لونج خاطف جذي..!! وراح لها وقرب منها واهو يحط ايده على جبهتها..!! فهد بتعجب : ماكو حرارة..!! شهود..علامج..!! شهد خايفة لايكون كشف جذبتها وبرتباك : ماعلامي شي.. وراحت بتنزل تحت.. بس فهد تذكر اللي صار وناداها.. فهد بجدية : شهد تعالي أبيج بموضوع..!! شهد وعلامة التعجب بوجهها.. وقالت برتباك : انزين بس اطل على خالتي ماشفتها اليوم.. وبعدين برد لك..!! فهد والجديه على ويهه ويحاول يكون طبيعي ويقول لشهد : لحظه شويه شهد.. بنزل وياج.. ( وراح عندها ومسك ايدها وقال لها بصوت هادي ) : ترى امي تعبانه شويه.. وعطيتها الدوا واهيه نايمة الحين.. بس انتي كليتي شي من أمس..!! شهد والخوف انرسم على محياها من اسمعت عن تعب أم فهد وردت بخوف : لاااا.. الحين بروح.. بس خالتي شفيها..!! البارحة كانت مستانسه وبعافية..!! ليش تعبانه الحين..!! فهد يحاول يخفف على شهد بالأمر وقالها بصوت خلاه طبيعي وكأن الأمر عادي : الظاهر إنها سهرت وايد وماخذت كامل راحتها.. ومن الصبح صاحية ومانامت عشان جذيه اتعبت.. شهد تطمنت شويه على خالتها.. وتنهدت براحة.. وبعدين أسألت فهد : انزين تغديت..؟؟ فهد : لااااا.. يالله الحين باكل وياج.. وانزلوا تحت وعطت شهد الأوامر يحطون الغدا لفهد.. ويسوون لها سندويتش تونة مع سلطة وشاي.. لأن الغدا مرقة بامية.. واهيه ماتاكل لحم.. ردت عند فهد بالصالة على مايجهزون الطاولة.. وقعدت بعيد عنه.. فهد شاف حركتها.. رفع حاجبه وقال بستهزاء : ليش قاعدة بعيد..!! تعالي قربي لاتخافين ماني ماكلج..!! شهد صار ويهها أحمر من الحيا.. وقالت بتضيع الموضوع : لااااا.. بروح اشوفهم لايخبصون بالأكل ويحوسون الغدا..!! فهد والإبتسامة على ويهه.. وقال بصوت جاد وكأن الموضوع رسمي : لاتخافين ماراح يخبصون.. انتي تعالي يمي ابيج بموضوع مهم.. قربت شهد اشويه من فهد.. وقام يطالعها بستهزاء وقال : لااا والله.. لايكون انا مجروب أو مسعور قاعدة بعيد عني..!! ( وكمل بتهديد بس بصوت واطي ) : تعالي اهني يمي وان ماييتي مايصير طيب..!! شهد راحت واقعدت عنده واهي تبلع ريجها من الربكة والاحراج.. وفهد رافع حاجب واحد ويطالعها بستهزاء : ترى اذا بغيت الشي خذيته غصب.. ولاتفكرين بأن المسافة راح تحرمني منج.. مسكها وقربها منه حيل وحط ايده على كتوفها وقال يكلمها بجدية : السفرة قربت وماباقي شي عليها.. وبعدين الجو هناك برد.. عندج ملابس ثقيلة والا اوديج السوق وتاخذين لج شي حق هناك..؟؟ شهد وهيه منزله راسها وقلبها يرقع من قرب فهد منها.. وبصوت واطي : انت ليش مصمم تاخذني وياك..؟؟ خلني هني مع خالتي واهلي ابرك واحسن..!! فهد رفع راسها بايده الثانية وقال بصوت ناعم وحنون : انا أبوج.. ( وباسها على يبهتها.. وكمل وقال ) : وأنا أمج.. ( ورد باسها على يبهتها.. وكمل قال بنفس الصوت الحنون ) : أنا أخوج وكل اهلج.. ( ورد باسها على يبهتها ولمها على صدره واهو يقول ) : وانا زوجج.. وانا كل شي لج.. مثل مانتي كل دنيتي واهلي وكل شي لي.. وموضوع السفر منتهين منه لأنج بتسافرين معاي.. ( ورد رفع راسها من على صدره ويطالعها بكل حنية ويقول بنفس النبره الهادية والحنونة ) : وبعدين ليمتى بتمين تصديني وتتهربين مني..؟؟ شهد كانت ترجف بين إيدين فهد مثل الورقة من الاحراج والخوف.. كانت خايفه ترد وتطيح بحبه وتبادله نفس الشعور.. وعقب يتركها ويهجرها وترجع تنصدم وترد لنقطة الصفر بالحضيض.. وهالشي كانت شهد تحس فيه مثل الغصه عالقة بقلبها وصدرها.. وماقدرت ترد إلا بالدموع اللي تنزل سيل على خدودها.. شهد : ................................ ........................................ ........................................ فهد ومازال لام شهد على كتوفها بإيده اليسار.. رفع اصابع إيده اليمين ويمسح دموع شهد بكل حب وحنان.. وقالها بنفس النبرة الهادية والحنونة : شهد.. انا قلتلج من قبل.. واكرر الحين وأحلفلج برب البيت اني.. لايمكن.. لايمكن أبداً في يوم أفكر إني اضرج أو ااذيج بأي شي.. ولاتخلين الماضي يأثر على المستقبل ياشهد...... الماضي شي ولى وراح.. ومانبي نعيده ونعيد سيرته.. وكل اللي ضرج وآذاج أقسملج.. إني ماراح اخليه يقرب منج مره ثانية.. وإن فكر فقط بالتفكير.. وحاول إنه يضرج ويأذيج أقسم بالله العظيم إني بكون أول من يدمره ويفنيه.. قربها منه ولمها مره ثانية على صدره.. وباسها على راسها.. وتمت فترة واهو لامها على صدره تنهل من الأمان والحنان اللي يغدقه عليها.. وعقب كمل الموضوع بشكل طبيعي وقال يسألها علشان ترد نفسيتها الطبيعة : إيـــه يالله ماقلتيلي.. عندج ملابس ثقيله والا اوديج السوق..؟؟ شهد بقتضاب وبصوت واطي مبحوح واهي ترفع راسها من على صدره : عندي ثياب وايد فبيت أبوي.. فهد : عيل خلاص يوم بوديج.. شوفي هناك اللي عندج.. وتقدرين تاخذينه.. وإذا ناقصج شي خذيتج السوق تكملينه.. يت الخدامة تقولهم إن الغدا جاهز.. وراحوا يتغدون عقب ماجهزت طاولة السفرة.. وفهد من شاف السندويتشات على الطاولة مقابل شهد عصب وقال.. فهد : انتي وبعدين وياج على هالأكل..!! ليمتى يعني..!! شهد وبكل برائة ارفعت عينها لفهد.. واهو خق من شاف نظرتها الطفولية البريئة.. شهد : انا ماآكل لحم ولادياي..!! وانت تدري بهالشي..!! فهد : بلله عليج واللي تاكلينه شنو هذا..؟؟ شهد وبنفس النظره : هذا سندويتش حميسة التونه..!! (( وبكل برائة مدت ايدها تقدم له السندويتش )) ماتبي تذوق..!! فهد فقع من الضحك عليها وعلى طريقتها الطفولية.. واللي ياما تذكرها فيها.. ولا زالت على نفس البرائة والطفولة.. فهد : ههههههههههههه.. الحين تبيني اهد الإيدام وآكل المعلب..!! هههههههههههه.. بس ماقلتيلي فيها فلفل..؟؟ شهد بجدية وبحزم : طبعاً فيها.. وإذا بتطنز علي بقوم ماني ماكله..!! فهد بستهزاء وتهديد : ههههههههههه.. قعدي قعدي دام النفس طيبة عليج.. ومن باجر بتهدين الأكل المعلب وبتاكلين ويانه الموجود.. ومابي دلع زايد سمعتي..!! شهد بدت تعصب : يعني شنو..!! لازم تتحكم بكل شي فيني..!! وبعدين اللحم والدياي مستحيل آكلهم مــاحبـــهم انــزين..!! فهد بكل برود : مولزوم تحبينهم.. المهم تاكلين شي مفيد مو معلب..!! شهد بقهر وعصبية : بس انا قاعدة آكل سلطة مع السندويش.. وبعدين ماحب غير زفر البحر..!! فهد : ههههههههههههههههههههههههههههههههه.. موقلتلج مياووووو يالقطوة.. وانتي تعصبين.. خلاص من باجر اقولهم دوم يسوون لج سمج وإلا ربيان.. والله يعيني عليج يالقطوة.. شهد بقهر : والله الله يعيني آنا عليك يالعتوي.. لا وفوق هذا عتوي مغرور ومتسلط ومسيطر.. أأأأووووووففففففففف والله بلشه..!! فهد ماقدر يمسك نفسه وضحك بصوت عالي وقال : ههههههههههههههههههههههههههههههههههههههه.. انا البلشه يابلوى..!! هيـــن ياشهود دواج عندي.. واعلمج شلون يكون التسلط والسيطرة يالقطوه المتوحشة..!! : : : : : : : : الجـــــ( 15 )ـــــزء .. يوم الأحد 21 / 3 / 2004 بعد يومين من آخر الأحداث.. وفي يوم الأحد.. المستشفى استدعى فهد لحالة طارئة.. فهد لبى النداء وراح المستشفى.. وبعد اجراء اللازم ونجاح العملية.. خرج فهد من غرفة العمليات متوجه لغرفته.. وفي الممر الطويل التقى بدكتورة زميلة له.. د. هاجر : السلام عليكم.. مرحبا بالدكتور المعرس.. فهد : هلا والله وعليكم السلام.. شلونج دكتورة هاجر.. وشلون الأمور بالقسم عندكم إن شاء الله كل الأمور ماشية تمام..؟؟ د. هاجر : الحمد لله وبفضله كل الأمور ماشية وميسرة.. بس انت شيايبك وانت بإجازة..؟؟ فهد : بعد نداء الواجب لازم.. واشلون العيال ان شاء الله كلهم بخير..؟؟ د. هاجر : والله العيال يقبلون الأيادي.. ويسلمون عليك وابوهم ينشد عنك دوم.. ويقول الدكتور فهد من خذا حبيبت القلب نسى ربعه واصحابه.. فهد : ههههههههههههه.. بهذي صدق بو يوسف.. بس ماراح أعديها له ليش ماحضرة العزيمة يوم الخميس اللي طاف.. مع إني ملزم عليه وقلتله إني بعرفه على عمي وعيال عمي..!! د. هاجر : والله شقولك يادكتور فهد وإنت أبخص فيه وبشغله.. وتعرف إنه بأي لحظه تييه المكالمات ويسافر بنفس اللحظه.. وإهو سافر يوم الثلاثا اللي طاف.. وإن شاء الله ماراح يطول إحتمال الأربعا بيرد من السفر.. فهد : إن شاء الله الله يرده بالسلامة.. وإلا اهو شلونه واشلون امورة بالشغل ان شاء الله تمام..؟؟ د. هاجر : ولله الحمد كل الأمور ميسرة وتمام وانت تدري فيه..!! فهد : الله يرده بالسلامة.. وبعدين لي تصرف ثاني معاه.. ههههههههههههه.. د. هاجر : هههههههههه.. أنت لازم تعذرة وتعرف طبيعة شغلة.. إلا تعال موجنه عندك مؤتمر بلندن..؟؟ فهد : إيــه.. وان شاء الله السفر على أول ابريل.. يعني بعد عشرة أيام تقريباً.. وتذكر فهد أمر مهم.. وقال : دكتورة هاجر لوسمحتي بقيت أسألج عن بعض الأشياء.. ممكن الحين أو مشغولة..؟؟ د. هاجر : لااااا ماني مشغولة حياك عندي المكتب.. واطلبلك قهوة على حسابي بعد شتبي.. هههههههههه.. فهد : هههههههه.. يزاج الله خير.. المفروض أنا اللي أعزم موبأنتي.. د. هاجر هي دكتورة أمراض نساء وولادة وعندها خبرة طويلة بمجال عملها.. واهي تقريباً بنفس عمر فهد إذا مو أكبر منه بسنتين أو ثلاثة.. وايد حنونة وطيبة وحتى مريضاتها يحبونها لحنانها وصبرها الطويل مع المرضى وخصوصا في حالات الولادة.. ويهها دوم مبتسم وبشوش ويلاقي فيه الواحد الراحة النفسية من التعامل معاها.. واهيه دائمة الذكر لله ودائما تحث الأمهات الحوامل وعلى وشك الولادة بالدعاء وقرأة الآيات بدل الصراخ واللجة اللي مالها داعي.. ومعروف عنها بأنها صاحبة الولادات الهادئة.. زوجها رجل اعمال معروف تعرف عليه فهد يوم كان بأمريكا يدرس ويشتغل.. وصارت صحبه مابينهم وتعرف من خلالها على زوجته الدكتورة هاجر.. وعندهم من العيال خمسة.. ثلاث أولاد وبنتين.. والبنتين توأم طبق الأصل سبحان الله.. ومن افتتح فهد مركز شهد الطبي برعاية وزير الصحة.. خذى الموافقة من بويوسف بعد المناقشة مع الدكتورة هاجر.. بأن تتولى قسم النساء والولادة عنده بالمستشفى.. وقعد فهد مع الدكتورة هاجر يسألها ويستفسر منها عن بعض الأمور الخاصة واللي تدخل بتخصصها كطبيبة نساء وولادة.. ومن بعدها دخل بموضوع شهد مرته وقال للدكتوره هاجر كل شي عن شهد والحادث اللي استوى عليها وعن خوفها وكرهها للأطباء وكل هالأمور.. والدكتورة بصراحة أبدت تعاطف كبير وانكسر قلبها على شهد وعلى اللي استوى عليها.. واهتمت بالموضوع وحبت تبدي بأول خطوه فيه.. وهي بالتعرف على شهد عن قرب بدون ماتدري عنها بأنها دكتورة عن طريق دعوة وجهتها الدكتورة لفهد وزوجته عندها في البيت بالوقت اللي يحددونه.. ولكن فهد تعذر في الوقت الحالي لضيق الوقت ولسفر بويوسف.. واجلها لما بعد عودتهم من المؤتمر وشهر العسل إن شاء الله.. ورحبت فيه الدكتورة هاجر.. واستئذن منها بعد ماشكرها على الدعوة.. ووصاها بتوصيل السلام الحار لزوجها والأولاد اللي يحبونه.. وخرج من المستشفى ناوي زيارة عمه بوخليفة وأمه طيبة.. فهد في عدة امور ناوي يتناقشها ويسأل عنها أمه طيبه بخصوص شهد.. لأنها الوحيده اللي تقدر تعطيه المعلومات اللي يبيها.. وبعدين بيطلب من عمه تقارير شهد الطبية.. وفبيت بوخليفة بعد وصول فهد.. كان عمه طالع وماكان موجود غير أمه طيبة.. قعد يسولف ويسألها عن حالها وحال عمه.. وقعد يتغشمر معاها ويطفرها وتطفره.. ياحبه لأمه طيبة صج إنها إسم على مسمى.. ولين وصلت اللحظة اللي بيسألها عن الأمور الخاصة والأحداث اللي حصلت لشهد.. والسر اللي أمه خاشته ( مخبأته ) ومارضت تقوله عنه بخصوص عصام وأمه نورية..!! وفهد علشان مايربك مرت عمه.. قام سألها بالأول عن بعض الأمور الخاصة جداً بشهد مع إنه يعرفها ويعرف اجاباتها.. وهو بس بيمهد لأم خليفة بالأسألة علشان ماتنصدم ويصير فيها مثل ماصار لأمه.. وقال بجدية : يُمه إلا بسألج عن بعض الأمور الخاصة بشهد وبدون احراج ردي علي..؟؟ أم خليفة بأهتمام : أسأل يُمه كل اللي في خاطرك..!! فهد : شهد تشكي من آلام أو أعراض مثل الأغماء أو أي شيء من هالخصوص..؟؟ أم خليفة بستغراب : مادري ياوليدي شللي تقصده..!! بس وضحلي سؤالك عن شنو بالضبط..!! فهد بصوت هادي وجدي علشان مايحرج مرت عمه قال : إنزين.. في فترة الدورة الشهرية لشهد.. تييها آلام أو تطيح غشيانه..؟؟ أم خليفة : لاااا يُمه.. شهد من النوع اللي يحافظ على نفسه بهالأمور.. وتعالج نفسها بالأعشاب مثل ما أنت داري.. بس إذا عسب ذاك اليوم يوم ييناكم البيت.. شهد كانت متألمه والظاهر البرد ماطلع من جسمها من بعد المرض مثل ماخبرتني منى.. وبخصوص هذا شسمــه اللي تقول عنــه..!! فهد ابتسم على طيبة وعفوية مرت عمه.. وقال يذكرها : إذا يغشي عليها.. أم خليفة تمت تفكر شوية وقالت : إيــه.. شهد دومها تغشي من قل الأكل والضعف.. وبعد إذا كانت شايفه دم وهالشغلات إنت داري فيها يُمه..!! وبعدين ياي تسألني وعندك مرتك ترد عليك أحسن مني وأهي أبخص بأمورها..!! فهد والابتسامة شاقة حلجة من طريقة مرت عمه بالحجي.. ياكثر حبه للعيايز وسوالفهم.. فهد يبرر موقفه جدام مرت عمه : شهــــــــد..!! يُمه شهد كل ماييت بقرب منها تستحي مني موت.. ويصير ويهها أحمر من الحيا.. وتبينها ترد على أسألتي..!! أم خليفة : هههههههههه.. شهد صج إن لسانها طويل وترادد الواحد وتطفره.. بس بالأصل هي حياويه وايد.. فديتها والله هالبنت وشكثر متولهه عليها مع إني توني مكلمتها وشايفتها من قبل جمن يوم.. بس قلب الأم مايصبر وانا أمك.. فهد : الله يخليج لنا يالغالية ولا يحرمنا منج ومن حنانج.. بس يُمه.. ( وسكت شوي وكمل ) : انزين قوليلي شهد جمن يوم تطول بالدورة..؟؟ أم خليفة : والله يُمه ماتطول عن خمسة أيام ومرات سته بالكثير..!! فهد المعت عينه وتم يفكر في باله : إإإييييهههه ياشهود وتقصين ( تكذبين ) علي وتقولين عشرة أيام.. على بالج بتعدي علي يالقطوة.. ولكن هين إن ماطلعتها من جبدج ماكون انا فهد..!! فهد وبتروي يحاول يسأل السؤال المهم اللي شاغل عقله وتفكيره من يوم التقى بعصام في العزيمة : يُمه أنا بسألج سؤال بس إذا كنت تحبين شهد وتبين مصلحتها تجاوبيني بكل صراحة..!! أم خليفة وقلبها نغزها من مقدمة فهد ونبرته في السؤال.. وردت بصوت متردد : خير يُمه شبغيت تعرف..!! فهد بهدوء : انا أدري إن شهد فاقدة جزء من ذاكرتها.. وأدري بأن نورية وولدها عصام أذوا شهد وايد.. بس اللي بعرفه شنهي السالفة بالضبط اللي استوت مابينهم من قبل الحادث..؟؟!! ( فهد من شاف مرت عمه واهي تبولع اريجها كمل وقال ) : واللي يرحم والديج يُمه تردين علي.. ترى شهد من يوم العزيمة وحالتها حاله ماتنام الليل ووايد تعبانه.. وانا ماني قادر أساعدها لأني ماني عارف شنهي السالفة والمشكلة بالضبط..!! أم خليفة وعيونها دمعت وشفايفها ارجفت وتحس بالغصة في يوفها من تذكرت اللي صار وماقدرت تتكلم.. وهالشي زاد بحيرة فهد وخلاه يصمم يعرف بالسالفة..!! وقام فهد بسرعة اييب الماي حق مرت عمه ويشربها.. وبكل حنان ويبوس راسها.. فهد بهدوء ولكن بإلحاح يكسر الخاطر فيه : يُمه الله يخليج قلبي يعورني وريحي لي قلبي وردي علي ولا تخليني بحيرتي..!! أم خليفة بعد ماشربت الماي هدت اشوي وكانت بتهدي في فهد وبتطمن قلبه وبنفس الوقت بتحاول تتهرب من الرد.. ومن بين دموعها : اسم الله على قلبك يُمه.. انت لاتحاتي لأن ماكو شي مهم.. فهد وصبره نفذ خلاص.. وعاقد حواجبه بقهر.. ويقول : إذا ماكو شي مهم عيل ليش تغبون عني انتي وامي ورافضين تقولون لي شللي صار..!! وليش بس سألتكم بجيتوا وارتجفتوا..!! يُمه الله يخليج لو كان شي بسيط ومومهم مثل ماتقولين.. جان أمي منيرة ماطاحت علي واتعبت يوم سألتها..!! أم خليفة وبخوف على أم فهد : أمك شفيها يافهد..!! وينها فيه اهي الحين..!! فهد بتعب وصوت مكسور : أمي بخير الحين.. الحمد لله لحقت عليها بسرعة وعطيتها الدوا.. وصارت وايد أحسن.. أم خليفة بعد ماتطمنت : الحمد لله على سلامتها.. وربي يقومها بالسلامة.. واللي أبيه منك يامي إنك ماترد تسألها مرة ثانية وانا أمك.. ( وسكتت شويه تفكر شبتقول له.. واشلون بتهرب من الجواب ويتها الفكره ).. وقالت : فهد انا بجاوبك على سؤالك يُمه.. فهد بكل لهفة وشد الانتباه قرب من أم خليفة أكثر.. وكأن يقولها سرج فبير وتطمني.. بس قولي وريحيني.. أم خليفة كملت بعد ماسكتت شويه وقالت : فهد أقسم لك برب البيت إني راح أخبرك بكل اللي تبي.. بس مو الحين..!! فهد وخيبت الأمل ارتسمت على ملامحه من بعد ماشد انتباه.. وعلى باله إن أم خليفة بتكشف له كل الحقيقة.. وقال بصوت مكسور مره ثانية : ليـــش يُمه.. ليــش مو الحين..!! ومتى عيل بتقولين لي..!! أم خليفة سيده ردت عليه عشان ماتكسر بخاطره : عقب ماتردون من شهر العسل يُمه.. وعدٍ علي أقولك كل اللي صار واستوى.. فهد عقد حواجبه بتشكك في الموضوع وقال : إنزين شمعنه بعد شهر العسل..!! وبصراحة وايد وماأقدر انطر كل هالوقت..!! أم خليفة عشان تقطع شكوكة وتخليه يرتاح.. اضحكت ضحكه مصطنعة وقالت : ههههههه.. لااا يُمه لاتخاف صدقني ماكو شي.. بس خلها بعد ردتكم من شهر العسل يُمه.. وانا وعدتك وماراح أخلف..!! فهد ودنق على راسها وباسه وقال : حاشاج يُمه.. قول وفعل.. وانا أمري لله بتصبر لين مانرد من السفر.. والله كريم..!! أم خليفة واهي تبوس فهد على خده : الله يبارك فيك يُمه.. ويطمن قلبك ويشرح صدرك إن شاء الله.. روح مع مرتك شهر العسل.. استانسوا وانبسطوا.. ومتعوا عينكم بالمناظر الحلوه.. مع إنه بديرتة الكفر ماعندهم شي حلو وموبأحلى من هني.. والله تراب الكويت يسوى كل انهارهم وخضرتهم.. وحر الكويت يسوى كل البرودة والثلوج اللي عندهم.. وربي لك الحمد على جميع النعم.. بس اهو تغيير جو لكم وخصوصاً شهد لأنها من بعد الحادث هذي أول مرة تسافر فيها لبرة الديرة.. والله يسعدكم ويهنيكم.. ( ويت فكرة على بال أم خليفة علشان تغير مزاج فهد المأساوي وقالت بكل مكر ) : وقول آمين وانا أمك.. فهد وابتسامة المقهور والخايب على ويهه.. وبصوت كله حزن قال : آآآآآمــــين..!! أم خليفة وبصوت ماكر تقول والبسمه على ويهها : ماتردون انت وشهد من شهر العسل.. إلا وشهد حامل بضناك إن شاء الله.. فهد ردت فيه الروح بعد هالدعوة.. وبصوت عالي ورافع إيده للسما : اللهم آميـــــــــــــن.. أم خليفة : ههههههههههههههههههه.. الله يسعدكم ويهنيكم يُمه.. ويِنَوّلْكُمْ اللي فبالكم ولايكدر عليكم إن شاء الله.. فهد لمها وباسها على خدها وراسها : إن شاء الله.. والله يخليج لنا ويطول بعمرج يالغالية.. وتشيلين اعيلنا وتربينهم مثل ماربيتونا اللهم آمين.. بس اللي أبيه منج يُمه شي واحد.. أم خليفة : عيوني لك يُمه.. آمر وتدلل.. فهد ضحك.. وقال : ههههههههههههههه.. تسلملي العيون وراعيتها.. مايآمر عليج ظالم يالغالية.. واللي أبيه منج بأن شهد ماتخذ خبر باللي انذكر.. ولا أبيها تدري إني مريتكم اليوم اهني.. علشان ماتحاتي.. أم خليفة : تــم.. وأنا أمك.. ولاتحاتي يابعد عمري.. وقام فهد وترخص منها.. بيرد البيت عشان يتطمن على أمه.. وسلم وطلع راجع لبيته.. وبالطريق القصير اللي يوصله لبيته.. كان تفكيره منصب على المعلومه الوحيده والمفيدة اللي طلع منها بنتيجة من أمه طيبة.. : عيل ياشهيّد تقصين ( تكذبين ) علي وتقولين عشرة أيام الدورة.. ومخليتني صابر وماسك نفسي وانتي تلعبين علي..!! بس يــاويلــج مــني شهـــود.. اليــوم بـاخذج بالطيــب وإلاااا غصــب.. وانـا اوريــج..!! وباللعب بعصابج وأأدبج واخليج تحرمين الجذب مرة ثانية يالقطوة.. تم على أفكاره لين وصل بيته.. ودخل البيت وكانت الساعة 11:50 يعني ماباقي شي عالأذان.. وشاف امه وشهد مع فدوى قاعدين بالصالة الكبيرة.. وكانوا مبطلين الباب الزجاجي الكبير للصالة واللي يطل على الحديقة.. وحاطين الشاي وقروضات وبسكوت وقطع من الكيك وقاعدين يسولفون.. فهد : السلام عليكم.. الكل رد السلام.. وراح عند أمه وباسها على راسها.. وقعد يمها على يمينها بينها وبين شهد.. فهد : ها يُمه شلونج الحين إن شاء الله بخير..؟؟ أم فهد : الحمد لله انا بخير دامك بخير يُمه.. فهد يوجهه كلامه لفدوى بس تحسب لأن شهد موجودة وقال : اشلون أمور الوالدة اليوم كلها تمام إن شاء الله..؟؟ فدوى : إيــه والحمد لله.. كل شي تمام وطبيعي.. الزغط والحرارة.. بس السكر أليل مرتفع عندا.. بالمعدل الطبيعي بس العالي.. وخدت الدوا.. وهاي هيه أدماك ماشاء الله عليها يخزي العين.. وحب فهد يلطف الجو عشان يريح أمه.. وقام يتكلم بالسوري واهو لامها : إيييههه يخزي العين ماشاء الله عليها الماما.. شوفيها كيف صارت متل العروسي.. خدودا موردات اوشها ابيادض متل اللبن المصفى.. والكل قام يضحك على فهد واهو يطفر أمه بالكلام السوري.. وأم فهد صار ويهها أحمر يحليلها استحت من ولدها.. وعقبها مشت عنهم فدوى وخلتهم على راحتهم.. فهد التفت على شهد ولمعه بعيونه ورافع حاجبه اليسار ويقول : هااااااا اشلون العروسة عساها بخير..!! شهد نزلت عينها بحضنها وقالت بصوت واطي : الحمد لله بخير الله يسلمك.. فهد والبسمة على شفايفة : كليتي شي عدل على الريوق وإلا مثل عوايدج قهوة سوده..!! وقعد يطالع القروضات والكيك اللي محطوط جدامهم.. شهد تمت ساكته لأنها إن تكلمت ماراح تخلص من لسانه.. شهد : .............................. ...................................... ...................................... فهد بتحدي وقهر قالها : يعني مثل عوايدج..!! ولاااا ساطرين لكم هالقروضات والكيك.. بالله وين بتحطون الغدا على هالخرابيط..!! بس تدرين يالقطوة.. الغدا اليوم بتاكلينه جدامي وبدون أي أعتراض.. شهد تمت ساكته وماقالت شي لأنها ماكلت شي من الصبح ومامدت ايدها على القروضات والكيك وبس اشربت شاي اسود.. والحمد لله إن الغدا مطبق نقارير اللي قلبها يموت فيه وتحبه.. وتموا قاعدين يسولفون والجو رايق مامن كدور.. واستمروا بالسوالف والضحك لين أذن الظهر.. وكلن قام بيلبي نداء الرحمن.. وفهد صعد تيدد وبدل ثيابه وراح المسيد.. : : يـتـبــــــــــــع |
الساعة أربع العصر شهد ترخصت من خالتها لأن فهد بيوديها لبيت ابوها.. تبي تطلع الثياب الثقيلة للسفر.. وصلها فهد وطلع بيمر على طلال.. وقالها على الساعة تسع تكون جاهزة.. وراح بعد ماسلم على عمه وأم خليفة واللي اليوم الصبح كان قاعد يسولف معاها.. مر على طلال فبيته واللي اهو قريب بعد.. وطلعوا وراحوا السوق كان فهد يبي يشتري شغلة وبعدين يروحون القهوة.. بالسيارة وبطريجهم للسوق طلال لاحظ فهد واهو سرحان وفكره شارد مومعاه.. وحب يكسر الصمت ويلفت انتباه فهد له.. طلال : شفيك فهد سرحان وتفكر.. وويهك مهموم..!! فهد يبتسم : لاااا.. ماكو شي سلامتك.. طلال : ياعمي.. موعلي انا هالحجي.. انا اعرفك زيــــن عشرت عمر.. يالله قول شفيـــك..!! فهد ضحك عشان يخبي اللي بقلبه عن صديق عمره : ههههههههههههه.. وانت دومك شكاك.. يعني شفيني تهقه..!! طلال : انت من يوم مالتقيت بالزفت عصامووه.. وانت منت طبيعي..!! حالك موعاجبني..!! قولي الزفت شقالك وكدرك لي هالدرجة..؟؟ فهد وبتنهيده طويلة طالعه من قلبه : أأأأههههههههههههههههه.. أقولك بعدين لمن نروح القهوة.. والحين يالله انزل السوق جدامي.. : : فبيت بوخليفة شهد بعد ماقعدت مع امها وابوها وسولفت معاهم.. وتطمنوا عن أخبارها وصحتها وصحة مرت عمها.. استئذنت منهم عشان تروح غرفتها وتطلع ثيابها حق السفر.. وطلبت من امها تنادي نور خدامتها عشان تساعدها.. وراحت غرفتها تشوف شللي تقدر تاخذه معاها.. وشافت بالطو فرو طويل لونه أبيض كريمي.. خذته سيده وحطته على جنب.. ويتها خدامتها نور الفلبينية المسلمة وسلمت عليها ولمتها وباستها حيل.. لأنها تحب شهد وايد.. واهي اساسا بوخليفة يابها حق شهد تخدمها من عقب الحادث.. وكانت تشوف كل طلباتها وتلبيها بكل حب.. لأن شهد وايد طيبه معاها وتراعي دوم ظروفها وتساعدها.. وهالشي خلا نور تتعلق وايد بشهد.. وكانت نور شاطرة في وايد أمور مثل شغل الصالونات.. ومن هذا الباب ادخلت نور لعالم شهد وتقربت منها.. لأن شهد من بعد الحادث صارت تكره روحت الصالون أو تخلي أي غريبة تدخل عليها وتشفق على حالها.. وحتى جهاز البخار وأدوات الصالون كلها متوفرة عندها في البيت لأن منى ومشاعل أشتروا لها كل اللي تبيه من الأدوات من مجمع الأذينة للوازم الصالونات.. وفكرت شهد بأنها تاخذ نور معاها البيت وبتاخذ جميع الأغراض وتنقلهم لبيت فهد.. لأنها وايد تحتاج لنور في عدة امور تساعدها فيهم.. : : فهد وطلال اخلصوا من التسوق وطلعوا وراحوا المسيد لأن المغرب توه مأذن.. صلوا جماعة وتسننوا.. عقب طلعوا يروحون القهوة يشربون لهم شي ويقعدون يسولفون.. طلال : يالله فهد قول لي الحين.. شللي مكدر خاطرك ومخليك بهالحالة..!! فهد : هههههههههههه.. يعني مابتطوفها..!! لازم تعرف كل شي يالملقوف..!! طلال : هههههههههههه.. لا والله فهد انت من يوم الخميس اللي طاف وحالك مقلوب ومعتفس علينا..!! بعرف شقالك عصام يوم شفته..!! فهد : أبد ماقال شي.. بس كان طول الوقت قاعد ويخز ( يطالع ) فيني بطريقة موطبيعية والكل لاحظ هالشي..!! طلال : أدري حتى انا شفته.. بس اهوه في وقت العشا واللي كان الكل منشغل فيه.. انا شفته واهو قاعد يمك ويكلمك وانا بقيت أييك بس عمي ( أبو زوجته ) كان يكلمني وماقدرت اهده..!! ومن عقب ماهدك الردي عصاموه انقلب حالك كله لسرحان والهم لابسك..!! فهد تنهد : آآآآآآهههههههه.. مادري ياطلال شقول لك.. والمشكلة إني ماني قادر اتكلم معاك بالموضوع.. لأن عصام ماقالي شي.. كان كلامه عام وحتى ماياب لي طاري شهد..!! طلال بعصبية واندفاع : ليــــش..!! هالحقــير له عين إييب طاري أختي بشي.. والله لدخل فيه المركزي إن ياب طاريها بالشينة.. ماباقي إلا هالحقير..!! فهد تم ساكت وماتكلم فترة.. وتم بس يطالع طلال.. وبعينه ستين ألف سؤال وسؤال..!! طلال وبدى يعصب : فهــــد قولي.. احسك امغبي عني شي.. بس ماني عارف يمكن هالحقير قال لك شي ذاك اليوم.. وأنت ماتبي تذكره..؟؟ فهد بتحدي : طلال صدقني عصاموه مافتح سيره عن حياته مع شهد.. وأنا ماراح أقولك شللي شاغل بالي.. إلا إذا قلتلي باللي تعرفه انت عن كل شي يخص حياة شهد مع هالحقير..!! طلال والحيرة على ويهه من سؤال فهد.. وقال : انت عارف هالحقير لعوز شهد وايد.. وحتى امه العقربه مارحمت حالة شهد يوم كانت بالمستشفى.. وقالت لها كلام يسم البدن.. وحزتها بوضاري كان موجود وسمعها وكان بيذبحها.. لولا خوفه من الله.. وشهد من عقبها انتكست حالتها.. والحيوان عصامووه قام طرش ورقتها وتزوج سيده من وحده ثانية..!! فهد وعيونه كلها حزن وقهر من اللي يسمعه من طلال : وبعد شتعرف ياطلال قولي كل شي الله يخليك..!! طلال : تدري إن شهد كانت بغيبوبة لمدة شهرين أو أكثر تقريباً.. ( وهز فهد راسه بعلامة التأكيد ).. كمل طلال وقال : ومن استفاقت من غيبوبتها.. وثاني يوم بالضبط دشت عليها العقربه الله لايوفجها.. وخبرتها بسالفة العملية واللي استوى فيها من خطأ.. واشلون ابتروا إيـــ.......... فهد قطع كلام طلال بسرعة وماكان قادر يتحمل انه يسمع المزيد : بسسسسسسسس.. خلاص لاتكمل.. كافي اللي سمعته.. طلال : بس أنت بتعرف شللي صار.. ( وأصر طلال على فهد وقاله كل الكلام اللي قالته نورية لشهد بعد ما استفاقت من غيبوبتها.. والحالة اللي اوصلت لها من بعد هذا الشي ).. فهد ماقدر يستحمل اللي يسمعه من طلال.. آآآآآآآآآآآآآآآخخخخخخخخخخخخخخ.. نار تسعر بيوفه.. ضيقه غريبة تجتاح صدره من هالبشر الحقودين.. كان شي فوق الوصف يطغى.. ويطغى فوق الخيـــــال.. اشلون خالة بهالقســــوة.. تطعن الروح طعـن العـذال.. آه يالزمن صدقني ماتسـوى.. دمعت حزن نبجيها عالاحتمال.. يالقهر بالقلب سكن وجــرة.. وتقطعت أوصاله بكل أهمـال.. واشلون من الحزن نبــرى.. واشلون نداري الأنفعـــال.. آآآههه ياطعنة غدر اشتسوى.. انشيل الهم بقلوبنا جبـــال.. والمصيبة إن جرح البدن يبرى.. بس جرح الروح لا.. هذا محال.. آآههه ياحب بقلبي سكن بنشوى.. بعد الخبر صار حالي حـــال.. وأسألك ربي ترحم جرح ٍ تشوه.. ونفسٍ تاهت بين الأفعــــال.. يارب أرحم حال طالب الرجوى.. وانت عالم بكل الأحــــوال.. >><<(( عذبة التجريح ))>><< فهد عيونه غورقت بالدموع من تخيل المنظر.. وشلون في ناس بهالقسوة وماترحم.. ولكنه كان يعرف معدن نورية زين إهي وولدها عصام الوصولي.. لأن نورية بنت خالة أمه وخالة شهد..!! وطلال من شاف حالة فهد.. إنكسر قلبه وعارف بالمشاعر اللي تختلج بصدره من القهر والألم.. لأنه اهو مع كل أهله مروا بهالحال.. فحب طلال يغير له مزاجه خذاه معاه ووداه عالبحر.. وتم يسولف وياه بمواضيع ثانية وعن الذكريات.. بس عشان يطلعه من مود الحزن ويغير عليه الجو بالفكاهة.. وتم أكثر من نص ساعة واهو يهذر على راس فهد.. ويحاول يشركه بالحديث لين قدر عليه.. وطبعاً من يقدر على فهد غير طلال صديق عمره وحياته.. وأخوه بالرضاعة.. طلال : تذكر بالمزرعة يوم كنا قاعدين بالخيمة وذكرت سالفت شهد بالقمبار.. فهد مع إن الهم راكبه بس هالشي كل مايتذكره كان يفقع من الضحك من يتذكر شكل شهد والقبقب جالب ( ماسك ) بأصبع ريلها واهو شايلها واهي تصارخ من العوار.. فهد والابتسامه على شفايفة : بس صج يالنذل ليش ذيك الليلة تحرشت فيها وخليتها عقب تطلع كل فضايحنا.. طلال : هههههههههههههههههه.. إذا قلت لك ماراح تصدق.. فهد : قول شنو غير النذاله عندك..!! طلال : هههههههههههه.. ماتصدق إذا قلت لك لأني مشتاق لأيام قبل.. ودي نرد نسوي سوالفنا ومقالبنا نفس أيام زمان.. فهد : واشلون ما أصدق.. وانا بداخلي نفس الشعور.. ( وتذكر فهد من بعد السالفة الحماية اللي أحتمت فيها شهد بعد فضيحة النار والقطوة ) فهد : ههههههههههههههههههههههههههههه.. أنما الحماية اللي احتمت فيها شهود وطلعت عقبها مع البودي قارد بوناصر وبوضاري.. لين وصلوها للدار.. هههههههههههههههه.. كان ناقصها فرقة حسب الله.. ههههههههههههههه.. طلال : ههههههههههههههههههههههههههههه.. يطري عليك مرة كنا بنروح السالمية مع الشباب.. وشهود الصقت فينا وبتروح معانا.. ويوم رفضنا قامت تعلقت بريلك وجلبت فيها وقالت ماتغوحون ( ماتروحون ) بدوني.. وقوم ياعمي الله يرحمه يوم شافها واشلون متعلقة بريولك ويخرب علينا الطلعة بسبت شهود.. ويقولنا ناخذها ونوديها حديقة الشعب علشان تلعب بالألعاب.. فهد : ههههههههههههههههههه.. إيــــه بس اشسويت فيها يالنذل عقب ماخذينها الألعاب..!! طلال : هههههههههههههههههههههههههههههههههههههه.. قلعتها لاصقه فينا تقولها لزقة عنزروت.. وكله بسبتك وايد معطيها ويهه.. فهد : ههههههههههههههههههههههههههههه.. بس تذكر شللي سويته فيها اهناك..!! طلال والدموع بعينه من الضحك : إيـــه أذكر واشلون ماأذكر لما حطيتها وقلت لها إذا قلتي حرف الراء عدل وماقلتيها غاء ركبتج لعبة العروسة معانا.. هههههههههههههههههه.. وإذا ماقلتيها خليتج تقولين كلمة بربر إمية مرة بصوت عالي ورى بعض وجدام الناس.. هاههاههاههاههاههههههههههه.. وإن ماقلتيها حلقت شعرج على الصفر وأردج البيت قرعة.. ههاههاههاههاهههههههههه.. وقعدت تبجي المسكينة من القهر لأنها ماتقدر لاعلى الطلب الأولي ولا الثاني.. ههاههاههاههاههاههاههاهههههههههههههه.. فهد الثاني دموعه غطت كل ويهه من الضحك على السالفة : ههاههاههاههاههاههاههاهههههههههههههه.. آآآآهههههه ياقلبي عليها بس اتذكر شكلها بعد عمري.. ههاههاههاههاههاههاههاههاههاهههاهههاههههاههههههههه.. آآخ يالنذل ياطلَيّلْ كل هذا انتقام ليش مارحنا السالمية مع الشباب.. ههاههاهههاهههاههههاهههههههههه.. وتموا يتمشون عالبحر.. وطلال قام اييب السوالف كلها اللي تضحك لين غير مود فهد ونساه السالفه.. وقاموا يضحكون وردت البسمة على ويهه فهد بس... مو كامله.....!! : : شهد خلصت وانزلت تحت على ماترتب نور الأغراض اللي بتاخذها في جنطة.. ونزلتها تحت عند الباب المدخل من داخل البيت.. وقعدت شهد تسولف مع امها وابوها.. واستئذنتهم بأنها تبي تاخذ نور معاها إذا ردت من السفر.. وطبعاً بوخليفة وامها من الأساس كانوا ياييبين نور لها ولخدمتها فهي تقدر تاخذها بأي وقت تبي.. وكملوا سوالف لين صارت الساعة تسع ودق عليها فهد.. يشوفها إذا خلصت..!! مر وسلم على عمه ومرته عقب ماتعشوا كلم عمه عن تقارير شهد الطبية.. ووعده عمه في أقرب فرصة يعطيه كل التقاريراللي معاه.. واخذ الجنطة وحطها بالسيارة وردوا لبيتهم.. شهد اطلعت فوق عشان تبدل وتتغسل.. وفهد راح يطل على أمه ويتطمن عليها.. وكانت أم فهد متعشية وبتنام.. قعد معاها فهد يسولف اشوية ووصلها سلام عمه ومرت عمه.. وبعدها استئذن وباسها على راسها علشان تاخذ راحتها وتنام.. وصعد فوق يلحق مرته عشان المخطط اللي براسه.. واللي نفذ نصه قبل لايروح لها بيت عمه وييبها.. وفهد بس وصل طلال لبيته رجع للبيت وخبى كل بيجامات شهد.. ومن بعدها راح لبيت عمه علشان اييبها من بعد العشا.. فهد دخل الجناح وعيونه كلها مكر ودهاء.. لأنه ناوي على شهد الليلة وماراح يعديها لها.. بس كافي أنتظار.. وشهد بعد ماطلعت من الحمام وانتوا بكرامه.. راحت بتطلع لها بيجامة عشان تلبسها..!! واكتشفت إن كل بيجاماتها اختفت مرة ثانية.. واهني خافت لأنها تدري ان فهد اهو اللي خباها لأنه سواها من قبل.. فهد دخل عليها غرفة الملابس وهو يدندن ويغني ويقول : وضحكت لي بشفــةٍ مثل الشفـق حسهـا قلبي وحــن إلها وخفـق واسبلت لـي طرف ذوّبنـي غشيت في شديد البرد نضـّحنـي عــرق وما دريت وين قلبــي ما دريـت ما دريت إنه قلبــي أنســـرق وشافها حايره واهي تفتح بالأدراج وتدور على بيجاماتها اللي خشهم عنها.. غمز لها وابتسم ودخل الحمام وانتوا بكرامه راح يتحمم.. وقامت شهد تتعبث بكبته وادراجه تدور على بيجاماتها ومالقتهم.. ومن قهرها وحرتها منه قامت وطلعت لها بيجامة من بيجامات فهد ولبستها..!! ههههههههههه.. هني شهد اهي ضحكت على روحها.. لأنها كانت ضايعة في بيجامة فهد.. فقامت وجفست (( طوت أو شمرت )) ساق البنطلون واربطت وسطها بحزام الروب الديشامبر عشان تثبت البنطلون لايطيح.. والقميص قامت وجفست الكموم وثبته بكلبسات الشعر عشان لايفتل وقامت لبستة وهم ضاعت فيه ماكو فايدة.. وكل ماتحركت افتل ساق البنطلون وتقوم ترد وتجفسه مرة ثانية.. ويرد يفتل ويطيح.. فكرت بخالتها أم فهد ليش ماتاخذ منها قميص نوم..!! والله خوش فكرة.. واطلعت بره غرفة النوم بتروح غرفة خالتها تحت.. وتوجهت لصالة الجناح الصغيرة.. وحطت إيدها على مسكت الباب وحاولت تفتحه وانصدمت.....!! ماتبطل.. حاولت مره ثانية وثالثة... لااااااا الباب كان مقفووووول.. ومافي مفتاح بالباب.. وبسرعة مثل المينونة ( المجنونة ) راحت تدور على المفتاح بكل مكان ومالقته.. وثارت أعصابها.. شتسوي الحين...!! : : فهد بهالأثناء كان ياخذ شور طويـــــل.. يلعب بأعصاب شهد بكل برودة.. يحق له مو اهي اخدعته وجذبت عليـــه..؟؟ خلاص اهوه بعد بيرد لها الصاع صاعين.. وخلاص اهي مرته وحلاله يعني ليمتى واهو صابر عليها وعلى دلعها..!! خلص وراح بدل ولبس فقط بنطلون البيجامة.. واهو مثل كل الشباب اللي يحب ينام واهو مريح على الآخر.. ولبس روب الديشامبر.. وطلع لغرفة النوم بكل صمود.. والأبتسامة على الخدود.. ياعيني فايق ورايق بلا حدود.. وراح يسرح شعره وتعطر بدهن العود.. وطلع للصالة الملحقه بغرفته بيشوف شهد حبه العنود.. لأنه داري أنها بتكون هناك قاعدة تغلي وتاكل بعمرها وخدودها بحمرة الورود.. هههههههههههههههههههههههههههههههههه.. وحتى الطلعة برة الجناح مافي لأنه قفل الباب وخش المفتاح عنها والطريق عليها صار مســـــــــــدود.. شهد من قهرها واعصابها اللي وصلت لحدها.. وماكان بإيدها تسوي أي شي.. فشغلت التلفزيون وقعدت على القنفة المفردة تطالع.. طبعاً كانت عينها على الشاشة بس عقلها وفكرها بمكان ثاني.. واشلون تخلص نفسها من هالورطة..!! وكان شكلها يفطس من الضحك لأنها كانت ضايعة في البيجامة.. وإيدها كانت ترجف وكل عصب فيها كان مشدود من الخوف.. دخل فهد للصالة وانصدم من شاف شكلها..!! فهد منصدم من المنظر اللي جدامه : ه.. هه.. ههههه ههاههاههاههاههاهههاهههاههههاههههاههههههههههههههه.. انتي شمسويه بعمرج..!! ههاهههاههههاهههههههههههههه.. وليش لابسه بيجامتي..!! من اذن لج..!! ههاهههاههههاههههههههههههههههههه.. شهد واعصابها افلتت : انا كيفي البس اللي يعجبني.. موحضرتك خذيت كل بيجاماتي وخشيتهم..!! فقلت ليش اتعب عمري.. قمت وبطلت درجك وطلعت بيجامة من عندك ولبستها..!! فهد يحاول يسيطر على نفسه ويحاول انه مايضحك ويكون جدي جدامها بس مو قادر لأن منظرها صج يضحك : أنز... ههاههاههاههههههههههههههه.. (( وقعد على القنفة القريبه منها وقام يضحك من كل قلبه وموقادر يسيطر على نفسه.. بصراحة عنده حق.. شكلها جنها ياهل بالروضة لابسه ملابس ابوها.. وفهد عيونه قام تدمع من الضحك )) آآآآآآآآآآآآآآآههاههاههاههاههاههاههههههههههههههههه... آآآههههههه.. ههاههاههاههاههاههاهههههههههههههههههههه.. وشهد من حرتها خذت الكوشية (( سنادة أو خدادة )) وضربتها بويهه فهد.. وهالشي خلاه يزيد ويهستر بالضحك بصوت عالي جداً.. ومن كثر ماكان صوته عالي بالضحك كان يوصل لبرة البيت.. وقامت شهد بتكفخه بالكوشية الثانية من القهر اللي فيها.. واهيه واقفه وشافها فهد وكم القميص افتلت وساق البنطلون طايح وماهي قادرة تمشي أو تتحرك عشان لاتطيح.. اهوه اللي طاح على الأرض من الضحك على منظرها.. وشهد قربت عنده شوية وقامت وارفسته على ريله وبتنحاش..!! بس وين تنحاش واشلون واهيه ماهي قادرة تتحرك بالخيمة اللي لابستها.. وقام فهد من مكانه مسوي روحه معصب بس رد قام يضحك عليها.. ولمها وشالها وداها لغرفة النوم وحطها على السرير.. وقعد يمها بيطيب خاطرها لكن موقادر من الضحك.. شهد عصبت من الخاطر واصرخت عليه : بدال ماتضحك قوم طلعلي ثيابي اللي خشيتها يالعتوي..!! فهد والضحك مازال مستمر بس خف شوية وقال : وليش مالبستي من الثياب اللي بالدرج عندج.. انا شفتهم واشحلاتهم قومي لبسي واحد منهم.. شهد ويهها صار أحمر من الحيا : لاااا ماني لابستهم.. قوم طلعلي ثيابي..!! فهد وقف الضحك وقال لها بجد وبتهديد : بس انا اقول لبسيهم بالطيب أحسن لج..!! شهد وزادت حدة العصبية عندها : ماني لابستهم.. وبعدين هذيل الثياب مو انا شاريتهم.. يعني موثيابي..!! فهد بستهزاء ورافع حاجب : وليش اللي لابسته الحين من ثيابج..!! وبعدين انا قام أطلب منج بالطيب ياشهد.. وصدقيني مو الثياب اللي بتمنعني عنج.. لااااا والله لو كنتي لابسة درع حديد.. ماقدرتي توقفيني عن اللي أبيه..!! شهد نزلت عيونها وسكتت وماحبت تجادله أكثر عشان مايعند وياها ويلزم عليها.. فهد بنبره هادية وفيها تهديد واهو ماسك ايدها من تحت كم القميص : يعني مصممه وماتبين تبدلين ثيابج..؟؟ خافت شهد من النبرة المبنطة بصوته.. وقالت واهي منزلة راسها ودموعها غرقت عيونها : أبدلهم بس بشرط.. أنــ..... فهد قطع عليها كلامها : بتبدلينهم بدون شروط.. يلله قومي وانا بختار اللي تلبسينه..!! رفعها فهد واهو يقول جملته الأخيرة.. ويسحب شهد وراه عشان مايعطيها المجال بالرد والأعتراض.. ويوم شافها ماقدرت تمشي من البنطلون شفايفة قامت ترجف وتههد بانفجار ضحكة منها.. بس مسك نفسه عن الضحك وتم راسم الجدية على ويهه قد مايقدر.. وقام شالها ووداها على غرفة تبديل الملابس ووقفها جدام الدرج اليرار.. وفتح الدرج واهو ماسكها عشان ماتنحاش منه.. وطلع لها استر قميص نوم موجود عشان يهديها شويه ويخلي نفسيتها متطمنه.. كان القميص حلو لونه ذهبي حرير خيوط علاق على الكتف وفيه شريطة بلون بني تحت الصدر.. ودانتيل بنفس لون الشريط بسيط من تحت على اطراف القميص.. وهو قصير يوصل لنصف الفخذ.. وفتحت الصدر كبيرة وواسعة.. وبدون أكمام..!! شهد من شافته زادت رجفتها.. هذا مستحيل تلبسه لأنه بيطلع كل اللي تحاول تخفيه من آثار الجراحة اللي بجسمها والندب البشعة.. وغير إيدها المبتوره واللي اهي كل ماشافتها تحس بأن قلبها بيرد ويوقف من الألم النفسي والمعنوي اللي تعيشة كل يوم وكل ساعة بحياتها.. وحاولت تنحاش بس فهد تمكن منها ومسكها من خاصرتها ولف جسمها عليه عشان تواجهه ويشوف ويهها..وانصدم من شاف التعابير المرسومة على ويهها وبعيونها.. كان الخوف والرعب والغضب بنظرت عيونها.. فهد وكلمها بكل هدوء : شهودة انتي ليش تتعاملين معاي بهالأسلوب..؟؟!! قوليلي ليش ماتبين تلبسين هالثياب..!! شهد وبكل عصبية ونرفزة وبصوت عالي : لأنها ثياب قليلة الأدب.. فاضحة ماتستر..!! انا ماابيها ماحبهـــا ماحبهــــــا..!! فهد رد عليها بصوت واطي وبكل هدوء : إنزين انا زوجج ولي الحق اني أشوفج بالطريقة اللي تعجبني.. وهذا ياشهد ماهو حرام.. انتي زوجتي.. بالعكس انتي ليما ترفضين الشي اللي انا اطلبه منج تغضبين الله عليج..!! شهد من العصبية صدرها كان يصعد وينزل بسرعة وتحس بأن النفس مايسعفها علشان يوصل صدرها.. ودموعها بدت تنزل على خدودها.. وقالت بعصبية وبرتباك : بس.. بس انا.. ماأبيها.. ماأقدر.. ماأقدر.. الله يخليك لاتغصبني عليها.. مابي مابي..!! فهد يدري ان شهد من يوم الحادث وهي دوم تخبي ايدها المبتورة.. وحتى الجروح والندب اللي بجسمها مستحيل تخلي احد يطلع عليها.. وتذكر يوم انه سوالها حمام بارد يوم ارتفعت عليها الحرارة.. واشلون كانت محرجة ومتضايقة لأقصى حد باليوم الثاني وكانت تتحاشى نظراته قد ماتقدر.. واهو يبيها تكسر هالخوف اللي فيها وتكون واثقة من نفسها.. ويبي يحسسها بأن الشي اللي تخاف منه وتستحي تطلعه شي عادي وماينفر منه.. فهد وبصوت حنون : بس ياشهد اللي انتي تنحرجين منه وتحاولين تخبينه عني.. مايضايقني ولاينفرني منج أبداً.. لا ياشهد.. وبعدين انا..... سكت شوي عشان يفكر شلون يوصلها المعلومة بدون مايذكرها بالماضي التعيس : شهد انتي تذكرين ذيك الليلة يوم حاشتج السخونة وسويت لج الحمام الماي البارد عشان تنزل الحرارة.. وانا بيومها شفـــ........ شهد لفت وجهها بعيد عنه من الأحراج وقالت واهي تناشق من البجي : ا.. اد.. ادري ولاتكمل..!! فهد يحاول يلف ويها علشان تشوف عيونه واهو يكلمها بس اهي مستحية ورافضة تحط عينها بعينه.. وقال بنفس النبرة الحنونة والهادية : أنزين شنهي المشكلة..!! وبصراحة انتي مكبرة السالفة على الفاضي..!! شهد تمت ساكته واهي لافه راسها بعيد عنه.. ماتبي تشوف نظرة الشفقة بعيونه لأن هالشي راح يكسرها.. شهد طول عمرها شامخة وابيه.. وجربت الذل مرة وحدة بحايتها يوم استفاقت من غيبوبتها.. هذاك اليوم عمرها ماراح تنساه يوما ماادخلت عليها نورية وتعايرها بعجزها.. وولدها تخلى عنها واهو نافر منها.. وبصراحة اهي خايفة وماتقدر تثق بأي أحد.. لأن كل من يشوفها أما بنظرة قرف أو نظرة شفقة.. والنظرتين ثنتينهم ألعن من بعض على قلب شهد.. ثنتينهم يطعنون بقلب شهد.. آآآآهههه.. والله ماالومج ياشهد..!! أدري وعارفة بكل اللي تمرين فيه.. والله يعينج.. فهد بدى يمل ويتنرفز وحاول يمسك اعصابه منها.. بسبب سلبيتها وعدم تعاونها معاه.. وقف جدامها فترة بس يطالعها واهي ماتحركت من مكانها.. تركها وطلع بره الغرفة وراح الصالة الملحقة بالجناح.. وانسدح على كرسي الأسترخاء الطويل.. ابتعد عنها قبل مايقدم على شي يندم عليه عقبها طول العمر.. وتم يفكر ويفكر طول الليل واشلون يقدر يخليها تتغلب على مخاوفها.. : آآآآهههه حسبي الله عليك ياعصام وحسبي الله عليج يانورية دمرتوا البنت وزعزعتوا ثقتها بنفسها.. وبعدها سمع أذان الفجر قام عشان بيتوضا ويروح المسيد.. دخل غرفة النوم وشاف شهد قاعدة على السرير وبنفس الملابس اللي عليها.. تركها ماكلمها ودخل عشان يتوضا ويبدل يروح المسيد.. طلع فهد راح المسيد وتمت شهد على السرير سرحانه.. وتحس بالضياع من الحال اللي اهيه فيه.. ومن سمعت صوت الإمام لإقامة الصلاة انتبهت ودشت تتغسل وتتوضا وطلعت لها دراعة عشان تقدر تتحرك وتصلي على راحتها.. صلت ودعت وقرت أذكار الصباح.. وردت دشت غرفة الملابس تبي تبدل وتلبس نفس البيجامة حق فهد.. ومن خلال تبديل ثيابها دخل فهد الغرفة فجأة وشافها تبدل.. ومن صدمتها شهد كانت لابسة بس قميص البيجامة اللي واصل لين نص الفخذ.. وبنطلون البيجامة ليمن الحين مالبسته وكانت ماسكته بإيدها بتلبسة.. بس دخلت فهد عليها وبوضعها هذا جمدها ووقفت متصنمه من الخرعة من شافته.. والأخير دخل وطنشها وراح يبدل ملابسه جدامها واهي واقفه وماتحركت من الخوف بس لفت ويهها للصوب الثاني عشان ماتشوفه.. بس خلص راح لها وخذا بنطلون البيجامة من إيدها وقال لها بصوت الواثق والعميق : هذا ماراح تحتاجينه.. وحذفه بعيد عنها على الأرض.. وتم يطالعها بعيونها وكانت نظرته كلها رغبة ولهفة وتصميم.. ورفعها بين ايدينه مثل الريشة واهيه من الصدمة والذهول ماعارضت أو تكلمت.. واخذها للسرير يمه وبأحضانه.. : : : : : : : : ســامحوني أدري إن البارت قصير.. لأن الأحداث خلصت لهالليلة وتصبحــون بحفظ الله ورعاية وأنتم على الخير وبصحة وبعافية.. ولكم خالص محبتي وتقديري ولاتحرموني من تواصلكم وتوقعاتكم باللي راح يصير أختكم ومحبتكم عذبة التجريح احتمال كبير إني راح أغيب عنكم لفترة من الزمن لحد ماتعدي الظروف اللي كل مالها وتزيد وربي يستر ويفرج همي وهم جميع المسلمين اللهم آمين.. |
يعطيج العافيه عذوووب تسلمين ياقلبي ماقصرتي البارت صج قصير بس حلو ( العوض ولا القطيعه *_^) فهيد صج مايستحي على ويهه في احد يسأل امه عن الدوره الشهريه لا لالا لا مو هذا العشم فيك يافهود شهووود ............ ماما انتي ليش وايد سلبيه اعذرج ايي عاد بس كلش ولا فهد عذووب خذي راحتج ياقلبي ولا يهمج شي ربي يفرج امورج امين لا خلا ولا عدم |
تسلمين على البارت وصج انه صغير بس ميخالف
الله يفرج همج وتعدي ظروفج على خير اما فهد ههههههههه مسكين حده رومانسي والقطوه ولا في البال شهد ما الومها اللي مرت فيه م شويه بس لازم تحن شوي عليه وتعطيه فرصه |
واااااااااااااااااااااااااااااااااااااااااو عذوبة باااااااااااارت جنااااااااااااااااااان :55::55::55::55::55::55::55::55::55: يسلموااااااااااااا الأيادي :f63::f63::f63::f63: قصير طويل سطر عشرة كل منك حلووووووووووو :f63::f63::f63::f63::f63: فرج همك وغمك والمسلمين عذبة عيوني خذي راحتك أهم شئ رجوعك لنا بالسلامة :flowers2: نجى للتعليق فهوووووووووووووووووووووود أموت عليك :lol: حركتات ورومنسية وأحراجات والله أنك خطييييييييير :lol: شهووووووووووووووودة حبيبتي فكيهاااااااااا الدنيا ما تسوى الصراحة انا حاسة ان السر المخبة شئ صدمة فياريت تعطيها لنا جرعات حتى مانتأذى خخخخخخخخخخخخخخخ طلالالالالالالالالالالال اذا مافي بارت عنه ازعل لأنه حضوره يونس ويشرح الصدر :lol::lol: أموت على امى طيبة تجنننننن فديتها عسسسسل ننتظرك بكل شوق تحياتي :flowers2::flowers2::flowers2::flowers2: |
ما شاء الله ... البارت جدا حلو ..
شهد يا عمري ... الله يعينك .. موقف صعب عليك .. مع كل التشوهات .. فما بالك بموقف سلبي من خالتك وولدها .. لن يقنعك أبدا بأن ما أصابك رحمة من الله .. أبعدت عنك مصائب جمة .. هل ستثقين بوجود شخصيات قانعة بك كما أنت ؟؟؟ .. افتحي قلبك .. لتجدي من يمسك بيدك .. رسالة جدا بسيطة ... أوجهها لكل من يصاب باعاقة يطن أنها حاجز في حياته .. ستجد من ينظر إلى جوهرك الحقيقي . فلا تقنط من رحمة الله .. وابعد نظرات الآخرين .. فالناس غاية لا تدرك .. فهد ... وما أدراك عن فهد .. شخصية رائعة بجميع جوانبها .. فلا أستطيع الاسهاب فيها .. عندي سؤال هل السر الذي يقلق فهد .. هو موقف نورية وولدها في المستشفى ؟؟؟ أم هنالك سر أعظم ؟؟؟ تحياتي لك .. عزيزتي ... والله ييسر لك أمورك ... |
السلام عليكم و رحمة الله و بركاته ابداع كالعادة عذوب صح قصير ... بس كل شي منك حلو ::العتوي فهد:: خخخخخخ عليك جراءة موب صاحية ابدا كيف خطر على بالك تسأل أم خليفة عن شهد و عادتها الشهري << قمة في الاحراج بعدي باللهداوة مع شهد .. انت عارف بغض النظر عن مشكلتها مع عصام و نورية البنت متعقدة من التشوهات و ايدها المبتورة ... يعني ما تنلام لو رفضت تلبس قمصان النوم يا اخي و قطوتك عندها عزة نفس و شموخ فلا تكسر عزة نفسها بتهورك و قلة صبرك ::القطوة شهد:: هههههه صراحة مت ضحك وانا اتخيل منظرك ببجامة فهد بس لا تكرريها شهودة .. محد يلومك على اللي تسويه بس فهد قلك انو هالشي ما يهمه و خلي ثقتك بنفسك كبيرة و ثقي انو فهد راضي بيك بعيوبك و سيئاتك عذوب ايش هالمشكلة اللي صارت بين شهد و عصام و نورية و تخلي ام خليفة و ام فهد يفضلو اخفاء الحقيقة عن فهد ايش نية فهد من اخذ تقارير شهد الطبية من ابو خليفة ... اعتقد هنا انو فهد بيواجه اكبر تحدي بحياته المهنية لأنو شهد مش مريضة عادية بالنسبة له عذبة التجريح خذي راحتك يالغلا الله يفرج همك و هم المسلمين جميعا :f63: |
يسعدلي يومك يارب
اما بصراحه البارت روووووووووووووووووووعه بيخبل ذكرتيني في موقف مثل موقف شهوده مع العاده في اول ايام زواج بنت خالتي راحت تزور بيت خالتها ام زوجها صار اذان العصر وما قامت من اللي ياتهم ماقامت من مكانها وريلها لاحظ هذا الشي قال اخونا في الله يمكن تستحي من اهل البيت قالها قومي صلي في داري قالت ويها صاير طماط انزين والاخت متوقعه بقول حق اخته تدليها الغرفه وله الاخو يقوم معها ووصلها الدار وقعد على السرير ومارضت تصلي وهو موجود الا لما يطلع وهو موراضي بعد المحاولات المستميته رضا يطلع وخلي اخته وقالت حق الاخت انها باجازة فهمت عليها وهي تضحك فجاه دخل شافهم امبسطين وسوالف بعد فتره من الصدمه وين اللي تبي تصلي فجاه نزل عليه الفاهمية وطلع ميت ضحك ما بقى احد من البيت الا عرف السالفه >>>>حده فشله صح وربي لو منها ما ادخل البيت مره ثانيه اشرايج عذوب بالموقف مو اهون من فهود العتوي بارت رائع وجميل قووووووووووووووو هييييييييييييييييييد |
هلا عذبة ........البارت مررررررررررررره خطير فهد .........آآآآآآآآآآآآآآآآآآآآآآه خطير.............ويقدر يسأل الكل وفي موضوع ....... شهد معها حق .......في خوفها وعدم ثقتها في نفسها .......تعرضت لكذا موقف هز ثقتها في نفسها ...وموا بسهولة راح ترجع أعتقد سر عصام وأمه ......يكون هو السبب الي خل شهد توافق تتزوج عصام ......ويكون كذبه بين عصام و أمه أخير ....ربي يسهل جميع ظروفك ويفرج همك.......وترجعين لنا |
الله يعطيج العافية عذوبة البارت وايد حلووووووووو حتى لو كان قصير الله يعين شهووووودة على اصرار فهد واحراجه لها
حاسة انه السر الغامض غير عن موقف عصاام وامه أكيد سر كايد والا ليش الكل يتهرب منه ........الله يعين الاثنين على بعض ويسهل لهم ولا تطولين علينا نترياااااااااااااج |
صج ان البارت قصير
بس دامج انتي الي كاتبته فمو بس حلو الا احلا من الحلا تسلم ايدج مليون مرة عليه شهد مسكينة كل من نورية وعصام الزفت حسبي الله عليهم بس ان شاء الله فهد رح يقدر يرجع لها ثقتها بنفسها فهد خخخخخخخخخ صج ما يستحي وبايعها يسأل ام شهد عن عادة شهد لااااااااااااا صج مبدع وان شاء الله يمر شهرالعسل بسرعة عشان يعرف ونعرف الشي الي سووه نورية وعصام لشهودة و الله يستر مادري ليش احس ان هالليلة ما رح تعدي على خير وبصير شي فيها بس شنو اهو مادري آخر شي عذوب انتي شاعرة خطيرة الله يوفقج و يسهل ظروفج تقبلي مروري |
http://www.te3p.com/pic/line/t56344.gif صباح المسك والعنبر عذوبتي كل يوم عن يوم تاسريني في حروفك اكثر تدري مش بس فهد المحتار من السر اللي مخبينه عنه اتوقع انه خطير لأن هو السبب اللي خلى شهد توافق على عصام واحد واثنين اللي صار الى امه وطيبه شي مايبشر بالخير ودليل ان هالشي يمكن يأثر على حياتهم مع بعض مع اني واثقه ان فهد ماراح يتخلى عن شهد رغم كل الظروف عصام وامه صح اذا قالوا الأقارب عقارب في ناس فرحتها وناستها انها تدمر اللي قدامها متناسيه انها من احساس ودم وكان هالشي لعبتهم بدل لاتكون الأم اللي فقدته صارت العدو اللي يضربها من وراء ضهرها احيان الكلام اعظم من ضرب السكاكين تدري فهد عجبني كثير انه استشار دكتور هاجر لأن في ناس من يصيروا دكاتره خلاص هم فاهمين الى كل شي وهو العكس بالعكس هالشي يمكن يساعده انه يعالج شهد وخصوصا اذا تقربت هاجر من شهد راح تساهم وتساعد فهد على انه ينسي شهد اللي تعرضت له طلال وفهد هههههههههههههههههههههههههههههههههههه هههههههههههههههههههههههههههههه مسكينه ياشهد مستلمينك من وانتي صغيره زي اللعبه طايجحه في يدهم بس عن جد موقف الحديقه بقمه النذاله وفهد ياخطير انت كل المواقف احراااااااااج هو تدري يمكن بمواقفه وحبهة ولهفته عليها يحاول يحسسها بالأمان ويكسر الحواجز اللي هي بانيتها من اللي صار لها ويحسسها ان الوضع طبيعي وان هالشي اللي فيها مايهمه لأنه حب قلب شهد قبل مايحب شكلها يارب يفك كربتك وينور طريق ويشرح صدرك وعاذرينك الغلا مع خالص دعواتي القلبيه دفى الكون (بريق الألماس ) http://www.te3p.com/pic/line/t56344.gif |
اقتباس:
السلام عليكم و رحمة الله و بركاته أختي سمسومة أسمحيلي ارد عليك نيابة عن الكاتبة عذبة التجريح و مشرفات القسم الأجزاء تنزل كل يوم ثلاثاء وحاليا ... الكاتبة تعتذر عن الغياب بسبب ظروفها الخاصة روابط اجزاء ترويض المتمردة ... بتلاقينها في موضوع (من أجل مساعدة قراء ليلاس) بالمواضيع المثبته وهذا رابط الموضوع http://www.liilas.com/vb3/showthread.php?t=74603 أتمنى اكون افدتك ويا ليت اذا عندك اي استفسار عن القصة و كاتبتها او طلب يكون سؤالك بموضوع (طلباتكم اوامر) فراشة الوادي |
عذوبه تسلم ايديكى على البارت
براحتك ياعذوب خدى الوقت اللى تحتاجينه ويارب يبعد عنك الهم يارب ويفرج كربك ان شاء الله . البارت رائع كالمعتاد .. فهد احرجنى قوىىىىىىىىىى عيب عليه يقول لام شهد كده .. شهد حاسه انها فيها انكسار زاد فى اخر بارتين .. التشوهات اللى حصلت لشهد فى جسمها وبتر يدها طبيعى انها تاثر عليها وتفقدها ثقتها بنفسها وفى نفس الوقت بترفض اى شعور بالشفقه والمشكله الحقيقيه انها هتشعر ان مشاعر الحب هى مشاعر شفقه علشان كده هترفض المشاعر ديه بقوه .. برغم من تصرفات فهد المحرجه الا انه عجبنى وخصوصا لما استشار الدكتوره هاجر فى حاله شهد وانا متاكده ان معرفه شهد بالدكتوره هاجر هيكون خطوه كبيره ومهمه فى علاج شهد. قلقانه كتير من السبب اللى يخلى ام فهد تتعب بمجرد ان فهد اصر انه يعرف ايه السر بين عصام وشهد ونوريه واللى يخلى ام خليفه ترفض انها تقوله فى الوقت ده طب ليه بعد شهر العسل ؟؟ هو السبب ممكن ياثر على حياه شهد وفهد للدرجه ديه مش قادره اوصل لسبب .. وبعدين عصام اتكلم مع فهد فى ايه وقاله ايه خلاه يفتح الموضوع اصلا ..... بارت جميل فيه حس كوميدى ومشاعر حب رقيقه ممزوجه بحزن يكاد يطغى عليه وغموض ما بعده غموض ........... تسلم ايديكى عذوبه واتمنى نشوفك قريب على خير..باذن الله..... |
تسلمي عذبة التجريح انا هذه اول مشاركة ليا صراحة اهنيك بقوة على روعة كتاباتك وشعورك وتعبيرك الذي يصل الى القلوب ويلمس الاحاسيس الجميلة والحزينة والقاهرة والمبكية كلماتي تععجز وقلمي محتج ويقول لي بعلو الصوت لم توفيها حقها دمتي حبيبتي بحفظ ربك ورعايته
|
سلامي عليكي حتى في ازمتك مبدعه الله يعطيك العافيه غذووووبه بارتك حلو فهوود قرب من الحقيقه انا متأكده ان الي صار في شهود شيء خطير والعمه طيبه لها مغزى انها تأجل إخبار فهد بالي صار لبعد الرحله وخاصة دعوتها لفهد شهد بالذريه يعني الي صار لشهد حينغص على فهد ويعمل حاجز قدامه وما ينول فهد الي في باله من مرته آخ بس لو أعرفه عندي إحساس ان عصام مسوي مصيبه في شهد حبيبتي دعواتي لك بأن لا يطيل لك شكيه اللهم استر عوراتها وآمن روعاتها أزل عنها البأس وفرج عليها الهم انك مجيب سميع الدعاء ولك مني احلى الأماني المخلصه لك كل الأمل العربي |
رووووووووووووووووووووووووووعة قليل عليها
بنات واجد كلموني عنها وشوقوني لقرايتها وعرفت ان الي قالوه قلييل بحقها ننتظر التكملة على احر من الجمر |
عافاك الله0يسلمو رائعه جدا
:55:احلى تصفيق حار0 والله موتيني من الضحك تسلم ايدينك ويعطيك الف عافيه بلييييييييييييييييييييييز لا تطولي علينا
|
السلام عليكم ورحمة الله
كيفك عذوبه وش اخبارك؟ ان شاءالله تذكريني من زمان وانا ادور عليك بعد ماحذفتي القصه في المنتدى الثاني والاجزاء اللي فاتني روعه وكلمة روعه قليله عليها (الله يفرج همك اختي ويوسع صدرك بالعافيه يارب ) بانتظارك اكيد ان شاءالله بس خذي راحتك |
ابنتي عذبة إن روعة ماسطرتيه لنا من الحكاية مابين شهد وفهد وبمعايشتنا لمعاناة شهد... جعلتنا نعلم عن معاناة من هم بنفس وضعها.. لقد وصلت رسالتك لنا بكل يسر وسهولة وأسأل الله العلي العظيم أن ييسر لك أمورك ... ويفرج همك وغمك ... ويجعل لك بكل ضيقٍ مخرجا ... اللهم آمين وبنتظار عودتك لنا وأنتِ بكامل صحتك وسلامتك وجميع أحبتك بخير وصحة وعافية ليس لنا إلا الإنتظار والدعاء لك ولجميع المسلمين محبتك ماما عودة |
مشكووووووووووووور القصه حلوه :lol: وأسأل الله العلي العظيم :f63: أن ييسر لك أمورك ... ويفرج همك وغمك ... ويجعل لك بكل ضيقٍ مخرجا ... اللهم آمين :f63: وبنتظار عودتك لنا وأنتِ بكامل صحتك وسلامتك :friends: تــحـــيـــاتـــي :friends: :flowers2: بــــــالـــــونــــه صــــفــــراا :flowers2: |
انا قريت القصه اكثر من مره ما مليت منها ما ادري ليش حبيت طريقتج في الكتابه والتعبير عن مشاعر كل شخص في القصه<< انا ما أظنها مجرد قصه .. في أشياء أشوفها واااقعيه أكثر من إنها إتكووون خياااليه إختي عذوووووب لو اتكلم من اليووم لين باااجر ماراح اوصف لج بالضبط شو إللي في بالي لأن هالقصه روووووعه وأكثر من الروووعه:flowers2: أدخل وأظهر أبي أكتب .. أبي أرد علييج بس والله حسيييت إن إلللي بكتبه ما بيكووون مثل ما أبييه لأني بضيييع الوووصف إللي يليق بها القصه الــ Fantastic فهـــد الله يرزقني بوااااحد مثلك << تتمنى ,, إنتوا بس قولوا آمييييين شهد عجييبه بمعنى الكلمه.. و إن شاء الله تتعدل نفسيتج وإترديين مثل أول شهووود الوااااثقه من عمرها أخيراً .. و ليس آخراً الله يرجعج لنا وإنتي سااالمه خيتووووو :f63: ويبعد عنج الهموم وين ما رحتي ويييتييي آمييين يارب :f63: ومشكوووووووره ع القصه العجييييبه dam3ahel3in |
السلام عليكم ورحمة الله وبركاته مرحبا عذبة التجريح كيف حالج غاليتي انا توني خلصت الاجزاء كلها من اول الليل وانا اقراها وامتحاني ما رحت له هههههههههههههههههههههههههه زوجي يقولي يالله امتحانج قلت له انا مو دارسه عدل ابي اخذ طبيه عشان اخذه مؤجل انا تعبانه من امس وانا اقرأ في الاجزاء وباختصار الروايه ابداع وسوف اعود برد مفصل عن الشخصيات سوف تجديني في اول صفوف متابعينج ولا اقول سوى ابداع غاليتي تقبلي مروري اختك ندى الزهر |
يسلموا اديكي اخت عذبة الروايه اكثر من رائعه والصراحه لازم تكون شهد اقوى من هيك مع كل الدعم المن اهلها لازم تكون اقوى لانو انا مجربه كيف الانسان بكون مختلف عن الناس او عنده شي ناقص او ملفت للنضر بس بدعم الاهل والحب الموجود بقلوبهم لازم تكون قويه لانو هم جنبها مش شفقه لا حب وانا بتوقع انو حب فهد يخليها توقف على رجليها وترجع متل اول واحسن وانشاء الله مش راح يكون في ماشاكل تانيه وعلى فكره انا دائما بحب اقراء الروايه لما تخلص وتكون كامله لكن روايتك ورواية الاخت زهره ما قدرة اقاومهم جد القصه حاسه انو فيها شي كبير من الوقع _________________________ والله يعينك ويفرج همك يارب ومشكوره
|
عذووووب دومك مبدعة.. وكل بارت أحلى وأجمل من اللي قبله بصراحة شهد عشت مأساتها وتفهمت مشاكلها من خلال روايتك الرائعة وبصراحة أختي الغالية قريت روايتك أكثر من عشر مرات... وكل مرة أجد بنفسي الرغبة بالقرأة من جديد... دون كلل أو ملل والمعلومات عن طريقة العلاج بالأعشاب التي ذكرتيها كلها صحيحة :f63: :f63: :f63: ويارب ييسر لك جميع أمورك ويفك كربتك ويرجعك لنا من جديد.. ولك خالص الحب والتقدير :flowers2: :flowers2: :flowers2: |
تفتح القصه بطلب من الكاتبه مرحبا فيك عذبة التجريح مرة اخر ننتظر اشراقت جزءك الجديد وننتظر بريق حروفك التي افتقدنها ونحن كلنا ثقة انها سوف تعود يوما وها هي اليوم تعود نورتي ياقلبي مشرفات القسم:flowers2: |
اقتباس:
جزاك الله كل الخير أختي الحبيبة على تعاونك وسعة صدرك ولك ولجميع المشرفات كل الحب والتقدير والاحترام وخالص محبتي لكم أختكم المحبة عذبة التجريح |
بسم الله الرحمن الرحيم أخواني وأخواتي الأحبة هاأنا أعود لكم اليوم وكلي شوقٌ ولهفة للقياكم وأود أولاً أن أشكركم على تفهمكم لظروفي وسعة صدركم معي ومساندتي والسؤال عني ودعائكم لي.. بارك الله فيكم وأثابكم كل الخير أخواني وأخواتي الأحبة.. أود أن أباشر بالتواصل معكم واسترد أيامنا الماضية وأنا ولله الحمد قد أكملت البارت الجديد من الرواية وسأنزله لكم يوم الثلاثاء القادم بإذن الله تعالى.. لأنني أحتاج إلى أن أعيد قرأته لتصحيح الأخطاء التي به.. فأرجوا أن تقبلوني بينكم مرة أخرى.. فأخوتكم تشرفني وتسعدني.. أحبكم في الله جميعاً أختكم ومحبتكمعذبة التجريح :flowers2: |
ررووواية قمة فى الابداااع والخيال
بانتظار البارت القادم تحياتى |
اقتباس:
شكراً لك هذه الكلمات الجميلة أختي شمس الحبيبة والأروع حضوركم وتواصلكم معي برأيكم السديد وبارك الله فيك غاليتي أختك المحبة عذبة التجريح :flowers2: |
الحمد لله علـ السلامه ،،،العود احمد،،، منتظرين شهد وفهد.واخر التطورات.. بكل الاشواق ،،ننتظر،، |
اقتباس:
الله يسلمك ويسلم غاليك من كل شر ومكروه يالغالية إن شاء الله شهد وفهد بيكون في تطور كبير بعلاقتهم راح تشوفونه وتتعايشون معاهم غداً بإذن الله تعالى وأنتظر تعليقك على البارت الجديد بعد قرأته خالص الود والتقدير أختك المحبة عذبة التجريح :flowers2: |
هلا بك عذبه اشتقنالك ...ولابطالك ألففففف الحمدالله على السلامه |
اقتباس:
هلا وغلا فيك أختي وحبيبتي الغالية ريووم وربي يسلمك ويسلم كل غاليك من كل شر ومكروه يالغالية بارك الله فيك أختي الحبيبة على استمرار تواصلك العذب معاي وتشجيعك المستمر جزاك الله كل الخير يالغلا وخالص حبي وتقديري لك أختك ومحبتك عذبة التجريح :flowers2: |
بسم الله الرحمن الرحيم إلى كل من أحبني وأحببته إلى كل من ساندني وشجعني على مواصلة الكتابة إلى كل من أحب روايتي ترويض المتمردة إلى كل من أحب القطوة شهد والتعوي فهد أقدم لكم اليوم البارت السادس عشر من الرواية الليلة بعد العاشرة والنصف إن شاء الله وإلى ذلك الوقت.. لكم خالص حبي وتقديري أختكم ومحبتكم عذبة التجريح :flowers2: |
مرحبا
السلام عليكم ورحمة الله وبركاته,,, على كثر الروايات اللي قريتها بس هذه اول رواية اضيف تعليق لي فيها أغلب الروايات اللي قريتها تكون البطلة ذات جمال صارخ وجسم ممشوق وما فيها اي عيب..وانتي بصراحة كنتي جريئة في مواصفات بطلتنا شهودة حسيت كانج توصلين رسالة..الإعاقة ابدا ما كانت عائق لتحقيق الطوحات والاختلاط في العلاقات الإجتماعية.. رواية اعتبرها من أكثر الروايات في النت تميزا عذبة التجريح..كتبتي فأبدعتي :55: انتظر تكملة الرواية...وعاد لاتطولين..ابي أعرف كل شي عن شهودة والعتوي فهد.. تقبلي مروووووووووووري,,, |
اقتباس:
وعليكم السلام ورحمة الله وبركاته أولاً شكراً لك أختي الحبيبة على تعليقك على الرواية وجزاك الله كل الخير على هذه الكلمات الطيبة والتي أثلجت صدري واعطيتني التشجيع الذي احتاج اليه لمواصلت الموضوع وبالحقيقة أختي الحبيبة.. نعم هناك فئات كيثرة بالمجتمع مهضوم حقها.. ونظرت الناس لها نظرة.. لن نقول إنها دونية.. بل هي نظرة شفقة وعدم التواصل معها.. وهي فئة المعاقين.. وللأسف هذا الشي متواجد في مجتمعاتنا العربية وبكثرة.. ونجد الكثير من الناس تنظر للمعاق على إنه إنسان لايستحق الأرتباط به لأعاقته.. ومن ناحية أخرى كلام الناس إذا ارتبط أحد بمعاق.. وكأن هذا المعاق كائن خرافي ليس من كوكب الأرض..!! وبعض الناس تنظر له كنظرة شفقه.. ولكن لايستحق أن يرتبط به لأنه لن يقوم بواجباته على أكمل وجهه.. وكأن الأصحاء كاملين والعياذ بالله.. لأن الكمال لله وحده سبحانه.. وفي الحقيقة رأيت وعاشرت الكثير من المعاقين بدنيا وليس فكرياً.. وتلمست معاناتهم الحقيقية.. وعرفت أيضاً بعض من هؤلاء الذين تعرضوا لحدواث مرورية وفقدوا عضوا من أجسامهم.. وهنا فكرت بأني يجب علي أن أضع قصة من خيالي.. ولكنها تتحدث عن واقع الكثير من المعاقين من الحوادث.. وفقد الثقة بنفسهم ونظرة المجتمع لهم.. كلها أشياء وددت أن أوصلها للعالم العربي.. لعل وعسى أنقل رسالة.. وبارك الله فيك أختي الحبيبة على مرورك وتواصلك واتمنى أن ارى تعليقك على البارت الجديد لمساء هذا اليوم بعد قرأته.. خالص حبي وتقديري أختك المحبة عذبة التجريح :flowers2: |
أحبتي في الله دقائق والبارت السادس عشر سيكون بين إيديكم بارك الله فيكم عذووووووووب |
الجـــــ( 16 )ـــــزء يوم الأثنين 22 / 3 / 2004 طووووط طووووط فهد وبصوت مبحوح وكله نوم وكسل : هلا بالغالية.. أم فهد : ههههههههههههه.. هلا بالكسالة النايمين ليمن الحين..!! فهد طالع الساعة وشافها 10:45 الصبح.. فهد : السموحة يُمه والله مانمنا إلا من ساعتين بس.. أم فهد : ههههههههههههههههه.. ادري فيكم.. والبارح صوتك شايل البيت كله من الضحك.. ويعلك دوم تضحك ومستانس يُمه.. فهد بحرج والإبتسامة على ويهه : السموحة يُمه مادريت إن صوتي عالي جذي.. يللا بقعد شهودة وننزلج بعد شوي إن شاء الله.. أم فهد : خلكم نايمين يُمه.. بس هذا عمك بوخليفة قبل شوي مر البيت وياييب معاه ظروف ويقول عطيهم فهد طالبهم مني ضروري..!! فهد : إيـــه يُمه خشيهم عندج وانا بعدين باخذهم منج.. وسكت شوي وقال : …….. تريقتي يُمه وإلا بعدج..!! أم فهد : إيــه يُمه تريقت مع فدوى يوم شفتكم بطيتوا.. والشاي الحين بييبونه الصالة.. فهد : عيل كلها نص ساعة انا وشهد عندج إن شاء الله.. يالله عن أذنج.. وسكر فهد الخط الداخلي عن امه.. ولف ويهه لجهة اليسار.. كانت شهد تغط بنوم عميق على ايده مثل ماعودها من يوم زواجهم.. وإيدها اليسار ممدودة على جسمه مثل ماكانت تلم مخدتها.. تذكر فهد كل اللي صار وهو مستغرب اشلون شهد كانت تبجي ومصره على موقفها ونفورها الغير طبيعي منه.. ولكنه أصر عليها لين صارت عدوانية معاه ومتوحشة كل ماحاول انه يقرب منها ويلاطفها كانت تحاول تصده وتثنيه بكل قوتها.. والرعب كان يظهر على ملامحها مع إنه سألها إن كانت تعاني من مشاكل أو شي واهي نفت.. طبعاً فهد ماكان خشن بتعامله معاها بالعكس كان يايها باللين.. وهذا الشي اثبت له إن شهد مرت بتجربة قاسية جداً.. وشكلها كانت تعاني من مشكلة والظاهر إنه عماد ولد خالتها له يد بهالشي.. وحاول معاها وما يأس مع إن نفورها ورجفتها اردعوه كذا مره.. ولكن قدر بالصبر والحب اللي يكنه لها وكلماته الحانية إنه يخليها ترضخله بعد مازرع بقلبها الأمان والأطمئنان وكلمها بكل محبة وطوّل باله عليها وماكان عنيف او يغصبها على شي.. لف جسمه عشان يواجها ويقدر يصحيها ويلعوزها شوي.. وخذ ورقة محارم وبرمها وبايده اليمين قام يلعب على ويهها ويلعوزها فيها وكأن ذبانه (( ذبابة )) هي اللي طابه على ويهها.. وشهد تحاول تكش بالذبانه بس ماكو فايده.. الذبانه مصرة على اذيتها وهيه مالها خلق تبطل عينها من النوم.. وخشت راسها بصدر فهد.. وقام فهد يقلد العنكبوت بأصابع ايده وكأنه ماشي على ظهرها.. حست بالدغدغة وقامت تحاول تحرك نفسها عشان تبعد الشي اللي يدلدغها.. بس ماكو فايده وافتحت عينها بالغصب وشافت الويهه الأسمر بوالعيون الداعجة والإبتسامة شاقة الحلج.. تذكرت باللي حصل لها مع فهد وكلامه لها وحنيته عليها.. واستحت وردت خشت ويهها بصدره.. لمها حيل وباسها على راسها.. وحط شفايفه عند إذنها وقال : لو ماوعدت أمي ننزل عندها الحين.. والا جان ماخليتج تنزلين طول اليوم اجابلج وماراح أَمِّلْ من النظر بعيونج وماراح اشبع سحرها.. أأأووووفففف فيها سحر عجيــب من أول يوم طاحت عيني عليج يوم انولدتي وفتحت عيونج لي ومن يومها وانا مسحور فيها وابحر في هواها.. هــااااااااا شقلتي.. تنزلين عند أمي وإلااااااا تتمين معاي طول اليوم بس أناظر فيها وفي جمالج الرباني..!! شهد حست بالحرارة تولع بويهها من الحيا.. شهد : .................................. ……………………………………. ……………………………………. فهد وبكل مكر : يقولون السكوت علامة الرضى يعني راح تتمين معـــاي..!! شهد بسرعة حاولت تقوم وبتنحاش بس فهد كان لامها حيل.. وشدد قبضته عليها واهو يضحك ويقول : ههههههههههههههههههههههههههههه.. يالجبانة مسرع ماتغيرين رايج..!! بس معليه الحين بعتقج.. ولي مواجهه معاج عقب وبتشوفين يالقطوه إن مالتهمتج مثل الأسد ماكون فهد..!! وتركها فهد تروح الحمام وانتوا بكرامه وتغسل.. وطلعت عشان تبدل وقالها تنتظره بينزل معاها تحت.. دخل هو وتغسل وطلع يتبدل ومالقى شهد لأنها كانت تخشى مواجهته فنحاشت تحت قبله.. ضحك عليها وراح تحت عند امه وشهد.. وشافهم قاعدين بالصالة الكبيرة عند الباب المواجهه للحديقة مثل كل مرة.. باس أمه على راسها.. بعد ماسلم وردوا عليه السلام.. وراح قعد يم شهد لاصق فيها عشان ايننها ويطفرها.. وأمه ملاحظه حركاته مع شهد وتبتسم من فرحتها لأن ولدها أخيراً ارتاح مع اللي أختارها قلبه من سنين طويلة.. فهد يطالع أمه ويقول : ها يُمه اشلونج اليوم وعساج بخير..!! أم فهد ونظرة الرضا والحب تشع من عيونها بفرح بشوفتهم مع بعض : الحمد لله انا بخير دامكم بخير ومستانسين.. وإن شاء الله دوم يارب.. فهد : أجمعين وبوجودج معانا يالغالية.. ووجه سؤاله لشهد : ماتبين ريوق..!! شهد ومنزله راسها مستحيه منه : لااا ماني يوعانه وبنطر ليمن الغدا.. فهد وبمكر : بس انا يوعان ومافيني صبر وكله منج تيوعيني..!! شهد صار ويهها طماطة وحست بالنار قام تطلع من ويهها من كثر الحيا.. وفهد استانس من شاف ويهها شلون استوى احمر من الحيا..!! شهد وبصوت واطي : اقوم اقول لهم يحطون لك الريوق.. وكانت بتقوم من مكانها لأنها تبيها فرصه للهروب من فهد وقبضته.. بس فهد ماتطوفه هالشغلات مسكها وردها تقعد مره ثانيه وحاوطها من خاصرتها عشان ماتنحاش.. وقال بكل مكر : لااااا.. مافي داعي.. راح اتصبر وياج وبعدين باكلـ (( وبصوت واطي واهو يقرب شفايفة عند اذنها وكملها )) باكلج.. فهد بكل مكر كمل كلامه مع امه : عيل يُمه تقولين لعوزناج بصوت الضحك البارح..!! شهد اشهقت منصدمة من جرءت فهد وحاولت تقوم بس فهد حاكم وسطها بقبضة حديديه مستحيل تقدر تفر منها.. أم فهد حست بمكر ولدها ولعبه بأعصاب شهد عشان يحرجها.. فحبت تقلب الأمر عليه وقالت : لاااا انا اللي لعوزني بصوته النشاز من الضحك اهو انـــت مـو بشهــد.. الظليمه شينه وانا أمك وشهد ماتطلع منها الشينه.. فهد منصدم من رد أمه وشلون اقلبت عليه : يُــــمــه..!! الحين انا صوتي نشـــاز والشيـــن..!! هني حست شهد بالراحه شويه وانفكت اساريرها لوقوف خالتها معاها وعدم أحراجها.. وابتسمت شهد واهيه منزله راسها مع إنها مازالت محرجه وخايفه من ردت فعل فهد..!! أم فهد واهيه مستانسه يوم شافت شلون اسارير شهد على ويهها.. يعني قدرت تشيل بعض الأحراج عنها.. وقالت وهي تضحك وتكمل تبي تغيض فهد : هههههههههههههههه.. يعني ليش إنك ولدي تبيني اجذب وأقول العكس..!! لاااا والله ماني قايله.. وانت بصراحه صوتك اهو اللي قعد الفريج كله.. وإلاااا أكو واحد بأنصاص الليالي يهستر بالضحك جذي..!! فهد واهو يطالع شهد بكل مكر ومسوي نفسه معصب ويقول : وانتي مستانسه وتضحكين علي هــااااا.. تبيني أقولها عن سبب الضحك البارحة..!! (( وغمز بعينه لها )).. شهد من الخوف إنه يخورها بالحجي وييّا أمه فقالت بسرعة تدافع عن نفسها : يُمه ماعليج منه هذا واحد جنبازي ودوم يتبلى عليّ..!! أم فهد والإبتسامة على شفايفها وتقول تطمن شهد : أدري فيه حبيبتي واهو دوم يحب يغايض فيج يُمه.. بس لاتاخذين على خاطرج منه.. فهد واهو فاتح عيونه ومسوي نفسه مصدوم ليش إنهم متكاتفين ضده.. وقال : ياسلاااااام.. بعد ومسوين علي حزب..!! خوش والله..!! يعني الحين انا بطلع بالشينه بكل شي يصير في البيت..!! شهد وأم فهد : ههههههههههههههههههههههههههه.. أم فهد تكمل : تستاهل ماياك عشان مره ثانيه ماتهاجم حبيبة قلبي شهد.. فهد : بعـــــــــد.. صارت المدام حبيبة القلب.. وانا المسكين ولد الهنديه..!! وكمل بصوت تمثيلي يعني بيكسر الخاطر : خلاااااااص.. انا مالي مكان بقلب منيرة.. لأن مدام شهد استحلت قلبها كله ونفتني لبره الديرة.. صرت امشي واطر المحبة بكل سبيل وانشد البوسة الصغيرة.. بس وين بلاقيها بزمن مليان من البشر قلوبهم من الحب فقيرة.. وقلت ماكوا إلا أرجع وارتمي بأحضان أمي منيرة.. علّي تشفع وتمسح دمعتي اللي على خدي أسيرة.. ها يايُمه منيرة شقلتي..!! تعطيني بوسة على خدي وتمسحين عيني وتردين بسمتي الكسيرة..!! أم فهد وشهد : ههههههههههههههههههههههههههههههههههههههه.. أم فهد : وانت ماتقولي من وين تييب هالحجي..!! فهد : يُمه الله يهديج هالحجي اللي تطنزين عليه.. أحلى بمليون مره من كلمات اللي نسمعها بأغاني هالأيام.. اللي كله كلام هابط ويخدش الحياء والعياذ بالله.. وبهاللحظه يابت الخدامة صينية الشاي وصبته ووزعته عليهم ماعدى شهد اللي يابت لها كوب كبير من النسكافيه السادة والخالي من أي إضافات مثل ماتحبه.. وفهد من شافه عقد النونه وأمر الخدامه وملامح الغضب على ويهه بأن تشيله ولااا تسويه مره ثانيه إن طلبته منهم المدام.. وطلب من الخدامة تييب حليب حق المدام وحالاً.. شهد افتحت عيونها من الصدمة وانقهرت من حركة فهد.. وشلون قام يتدخل بكل صغيرة وكبيرة بحياتها.. مو بس جذي إلا قام يتدخل بأكلها ومشربها.. لاااااااا هذا الشي ماينسكت عليه.. حاولت تفك ايده من على خاصرتها تبي تقوم وتروح فوق لأنها صج مقهوره ويمكن تعطيه كف على عينه بهالحركة اللي سواها.. فهد يبس ايده حوالين خاصرتها وشدها.. وقال لشهد بكل جدية وتحذير : شوفي انا قلتلج وحذرتج هذاك اليوم.. وأكلج اللي كنتي تاكلينه من قبل هذا مايعجبني.. وانا بحط لج نظام غذائي تمشين عليه بدون ماتعارضيني.. سمعتي..!! شهد عصبت عليه وعيونها غورقت بالدموع.. اشلون يقلب بسرعة من واحد حنون إلى ديكتاتور مستبد ومتسلط.. وقالت بصوت متحشرج : انت ماراح تتغير طول عمرك.. تحب السيطرة لأنك دكتاتور ومتسلط.. ورغبات الناس عندك ماهي مهمه كثر رغباتك.. وكلمتك أهيه اللي لازم تمشي على الجميع.. ( واهني زاد غضبها أكثر وافقدت السيطره على لسانها.. وكملت وقالت بتحدي ) : وخل يكون بعلمك.. رغباتك هذي تمشيها على الجميع بس مو علي.. سمـــعت مو علــــــيّ.. وكانت ترجف وتنفسها سريع وويهها أحمر من الغضب.. فهد فك ايده من حولها واهيه قامت بسرعة تركض فوق.. وفهد خلاها مالحقها عشان أمه ماتتأثر وتنصدم.. أم فهد بكل هدوء : ليش يُمه تعامل مرتك بهالطريقة..!! وانت تدري إن شهد طول عمرها متمردة ماتحب السيطرة والأوامر حتى من أبوها..!! فهد وكان يحاول يسيطر على أعصابه : يُمه انا متعمد أعامل شهد بهالطريقة.. لأنها متمردة وماتسمع الكلام أدري فيها.. وهذا طبعها من وهيه صغيرة ماتغير..!! أم فهد : لااااا ياعمــري.. موبهالطريقة تكسب شهد..!! شهد تحتاج الحنان والكلمة الطيبة.. شهد اللي انت ماتعرفه من يوم الحادث زادت بتمردها وعصبيتها.. حتى كلامها ماقامت تثمنه لما تفقد السيطرة على اعصابها.. وهذا كله بسبت اللي ياها ماهو بشوي وانا أمك.. فهد بهدوء : أدري يُمه باللي تقولينه.. بس شهد قاعدة تضر نفسها بالدرجة الأولى.. وهذا الشي متوقع من اللي بحالتها.. شهد فاقدة جزء من الذاكرة وهذا نوع من أنواع الهروب النفسي للمشاكل اللي كانت تواجهها.. والضغط اللي تحاول تمارسه على نفسها علشان تتذكر كل شي وماهي قادره.. يخليها تعافي الأكل وبسرعة تنسد نفسها لأنها تحس بالنقص اللي فيها.. والغلطة الكبيرة إن عمي وعياله ماكملوا علاج شهد النفسي.. وهذا الشي ياب المردود العكسي على حالتها.. وكان لازم يجبرونها على الخضوع للعلاج من البداية.. أم فهد بقهر : أشلون يخضعونها يُمه واهيه مرعوبه من المستشفى والأطباء..!! حسبي الله على نورية وولدها اللي ادمروها.. وحطموا نفسيتها.. ( وقامت تبجي أم فهد بكل حرقة من تذكرت الماضي ).. فهد قام بكل خوف وحضن أمه يهديها عشان ماتنفعل ويصيبها ماصابها ذاك اليوم اللي سألها فيه عن الماضي..!! فهد بصوت حنون : لاتبجين يُمه كل الأمور بتنحل شوي شوي إن شاء الله.. بس انتي هدي وريحي بالج وصدقيني شهد راح ترجع مثل ماكانت وأحسن إن شاء الله وهذا وعد مني لج يايُمه.. وسكت فهد شوي وبعدين كمل : ……… والظروف اللي يابهم لج عمي بوخليفة اليوم هذي كلها تقارير شهد الطبية ونتايج فحوصاتها المخبرية والأشعة.. انا طلبتهم من عمي عشان انا اللي بتابع حالة شهد وأعالجها مع طاقم الأطباء اللي عندي بالمركز.. وبدون ماتحس لأني راح أعالجها هني في البيت..!! والله يقدرني وانجح بمساعدتها.. واللي أبيه منج يالغالية بس الدعاء لنا بالتوفيج إن شاء الله..!! أم فهد : إن شاء الله ربي يشفيها ويعافيها.. وويوفقك يُمه بمساعدتها أنت وجميع الأطبه اللي معاك.. اللهم آمين.. فهد : اللهم آمين.. إيــه جذي أبيج تكونين معاي يالغالية دوم تسانديني بالدعوة الحلوه.. ربي لايحرمني منج ولامن دعاويج يالغالية.. : : : : يـتـبــــــــــــع |
شهد بعد ماصعدت فوق قامت بكل قهر طلعت كل قمصان النوم اللي فهد بيجبرها علشان تلبسهم له.. وقامت خشتهم بوسط ملابسه والبدل الرسمية حقه.. القطع الصغيرة قامت حطتهم في المخابي السرية للجاكيتات.. وقمصان النوم القصيرة كانت تعلقهم تحت ثيابه بالعلاق داخل الكبت.. يعني إذا بيدَوّرْ عليهم ماراح يلقاهم لو قعد سنين.. هيـن يافهـيد إن ماراويتك منهي شهــد.. والله لزهقك عمرك واخليك تعافيني.. لاااااا وحضرته ياي بيسيطير علي هـأأأ كان غيرك أشطر ياماما.. ولااااا آخر شي بيغصبني على شرب الحليب اللي ما أحبه.. وبيجبرني أمشي على نظام معين بالأكل.. وآكل على هواه وراح يحرمني من كل شي أحبه.. والله لأعاندك وماراح تقدر تخضعني لسيطرتك يالعتوي المغرور.. وحضرته بكل ثقه يايني يتأمر ويقول.. (( شوفي انا قلتلج وحذرتج هذاك اليوم.. وأكلج اللي كنتي تاكلينه من قبل هذا مايعجبني.. وانا بحط لج نظام غذائي تمشين عليه بدون ماتعارضيني.. سمعتي..!! )).. ( وكانت واهي تكلم نفسها عافسة ويهها وتقلد فهد بالحجي ) ماأدري من الحمـــار اللي بيسمع كلامك يالعتوي..!! خلصت شهد من دس قمصانها النوم ببدل وملابس فهد الرسمية والتحلطم على فهد.. دشت الحمام وانتوا بكرامة.. واغسلت ويهها بماي بارد عشان تخفف من ورم عيونها المحمرة من البجي.. طلعت من الحمام وراحت غرفة النوم وشافت فهد قاعد على السرير منتظرها وبعيونة شرارة خطر وعلى ويهه ابتسامة ناعمة تعكس نظرة عيونة الخطرة.. وكان في يمه على الكومودينة كوب الحليب ومن شافته شهد تغير لون ويهها.. بس طنشت وعطت فهد مقفاها تبي تطلع من الغرفة..!! فهد بصوت جهوري واضح وبكل جدية : شهــد..!! شهد طنشت ولا كأنها سمعته بتكمل طريقها للخارج..!! فهد وبنفس الصوت : شهـــــد.. تعالي اهني..!! لاااااا والله الأخت ماشية ومابأذنها ماي.. واهي طالعة قامت تحرك له ايدها في الهوا وتنفضها واهي معطيته ظهرها وكأنها تقوله (( يللا يللا ماني فاضيتلك الحين روح ولّ عني.. علشان تغيض فهد.. ومادرت إن هالحركة تطلع ينون فهد وكل أعصابه..!! )) طنشت واطلعت بره الغرفة وفهد ولع نار بحركتها.. وراحت عند باب الصالة الملحقة بالجناح بتفتحه.. بـــــــــــس طلع مقفـــــــــــــول.. زادت عصبيتها واركبت راسها بالعناد.. راحت افتحت تلفزيون الصالة واقعدت تفرفر بالريموت تطالع بالقنوات اللي فيه.. علي وعسى العتوي اللي ماخذ في نفسه مقلب يتأدب معاها بالحجي ويوقف أوامر..!! طولت على صوت التلفزيون عالحد عشان ماتسمع صوته لما يكلمها ويناديها.. وفجأة شافت جدامها بركان ثاير متوجه ناحيتها ياي من غرفة النوم وعيونه تخوف من الأعصاب.. ثواني وإلا تشوف نفسها محموله مثل خيشة العيش (( شوال الرز )) على كتفه ومتجه فيها لغرفة النوم مرة ثانية وبدون مايوطي أو يطفي جهاز التلفزيون وخلاه على حطته.. فهد وبكل غضب.. وقد مايقدر يحاول يمسك نفسه لايعطيها كف قوي.. قال : انتي الظاهر حنيتي على أيام طفولتج وخاطرج تتعاقبين نفس قبل.. وبدون أي مقدمات قعد على حافت السرير وحطها على ريوله مثل اليهال اللي بيعاقبونهم وقام ضربها بإيده على مقفاها.. وهذي بحد ذاتها اكبر اهانة لشهد.. واشلون قام يضربها نفس اليهال.. ولااااااء.. أأأأأوووووففففففف الضرب يعورررررررررررررر.. وخصوصاً بإيد مثل إيد فهد يابسه وتصلخخخخخخخخ.. وضربة ورى ضربة بدون رحمة وكأنه يفرغ شحنات غضبه على مقفاها.. شهد ارتفع الدم لي راسها وحست بالإهانة من وضعها الغير مقبول.. وكانت لازه على أسنانها بكل قوة عشان ماتبجي أو تصارخ.. بس بعدين ماقدرت تتحمل وبصوت عالي قام تسبه ( تشتمه ) : يالخــــايس يالحقـــير.. هدنــــي والله لوريــــك شغلك يالمغــــــــــرووووووور.. فهــــــــــــــود يالـــــــــ............................... ماكملت كلامها لأنه رفعها من على ركبه وحطها على السرير.. وقاطعها بعقاب تسلطي أكبر من الضرب.............................!!! ووخر عنها وتركها على السرير تبجي من القهر.. وتم قاعد يمها يناظرها بكل قوة وتحدي عشان يرد العقاب مضاعف عليها إذا سوت إي شي أو اعترضت..!! شهد انسدحت على السرير ولفت ويهها على جهة اليمين وعطته ظهرها.. وتمت تبجي بدون صوت بس كان يسمع لصوت تنفسها السريع والغاضب.. بعد عشر دقايق وبعد ماهدت نفس فهد اشويه من نوبة الأعصاب بسبب فعايل شهد.. قام ولف جسمها ناحيته وقعدها بصرامة.. وبصوت خشن وآمر مايقبل المناقشة والأعتراض : شربي الحليب الحيــن.. وكلـــه..!! مد لها كوب الحليب.. واهيه بالأساس ماتحبه ولاتستسيغ طعمه.. لفت ويهها بعيد كعلامة الرفض.. ولكن فهد مامهلها مسك ويهها ولفه ناحيته وبنظره كلها تهديد وتخرع.. فهد بكل عصبية : أقولج شربي الحليب كله.. وإلا والله العظيم راح أشربج ياه نفس قبل..!! ( شهد يوم كانت صغيرة تكره الحليب.. وكانت أمها نورة الله يرحمها دوم تشتكي من عدم شرب شهد للحليب.. فكان فهد وطلال يغصبونها على شرب الحليب بأن يمسكها طلال ويكتفها.. وفهد يمسك خشمها علشان يسكره.. ويحط الكوب عند حلجها فتضطر إنها تشرب الحليب بسرعة علشان تاخذ نفس ) واشربت شهد الحليب من ايد فهد غصبن عنها خافت لاينفذ تهديده فيها.. وكانت بتقوم بتروح الحمام وبترجع كل اللي شربته.. وحست إن جبدها قام تلعب من الحليب.. ولكن فهد وبنظرة تهديد تخوف.. قال : إن رَجَعْتّيْ لشربج ثلاث أكواب حليب غيره وبدفعه وحده.. ابلعت شهد غصتها من القهر ولفت جسمها مرة ثانية بتعطيه ظهرها وبتنام.. عشان ماتشوف ويهه ونظرة عيونه اللي صج خوفتها...... وفجأة اسمعت صوت المؤذن يعلن عن موعد أذان الظهر بأعلى صوت ياي من التلفزيون اللي كان محطوط على قناة الكويت.. واللي كان ومازال مفتوح من شغلته.. قامت بسرعة من السرير.. فهد خاف إنها تروح الحمام وتْرَجّعْ اللي شربته فسألها بكل قسوة : ويــــــن..؟؟؟؟؟ شهد وبكل عصبية ردت عليه : بتيدد ( بتوضأ ) عشان الصـــــــلاة.. شونوا يعني بتحرمني حتى من الصـــلاة..؟؟ فهد يته الضحكة من طريقتها وعصبيتها عليه.. بس قَمَتْهَا ( كتمها ) بسرعة وكمل بصوت مستهزء واهو رافع حاجب واحد.. وسند روحه على إيده واهو يرجع لي وره على السرير.. ويقول : بسم الله تــوه امداه.. توه يقول الله أكبر وحتى ماكملها.. خل يخلص الأذان وبعدين صلــــي..!! شهد بنفس العصبية : بس الدعاء مستجاب مابين الأذان والإقامة.. وانا بقوم أدعي ربي عشان ياخذ بثــــــاري.. فهد والإبتسامة على ويهه لأن ماقدر يخبيها من ردت فعلها وبنفس الأستهزاء : إنزين لاتنسين تدعين ربي يعطيج القوة وتصيرين مثل باباي وتاخذين بثارج مني يالقطوة.. وفقع من الضحك بصوت عالي : ههاههاهههاهههاههههاههههاههههههههههههههههههههههههههههههههههه هههههههههههههههههههههههههههههههههههههههههههههههههههههههه.. شهد كان بخاطرها إنها تنط عليه وتنتقم منه وتضربه.. وخشتها بقلبها وقالت بنفس الأستهزاء والعصبية : سخـيـــــف ماتضحك ياثقيل الدم.. مشت عنه مطنشته وهو فاقع من الضحك عليها.. ويقول بنفسه : ياربي أحبها وتلوموني فيها.. كل شي اييني منها حلو واعشقه.. آآآآآههههه ياشهد حتى بمسباتج تضحكني.. وعليج قطات حجي افقع من الضحك وبنشوة تخليني.. واشلون ماأحبج وأحب كل شي إيّـي منج.. وانا من ولادتج شلتج على إيديني.. وأول مافتحتي عينج وبنظراتج سحرتيني وفتنتيني.. وتتبعت كل حركة بويهج وبكل صرخت يوع وألم كنت تناديني.. رصدتج من أول خطواتج وحاوطتج واحميج بإيديني.. أحميج من زلاتج وعند كل خطر كنت تتحامين فيني.. آآآآآآآآآههههههه يامحلى شفايفج.. بصافي العسل تذوبيني.. عيونج ياحلاتها.. أنسحر لي ناظرتيني..>><<( عذبة التجريح )>><< قام فهد وراح تيدد وطلع عشان يلحق على الصلاة بالمسيد............ : : : : بعد ماانقضت الصلاة ورجع فهد البيت أخذ تقارير شهد من أمه وسيده راح لغرفة المكتب يطّلع عليهم ويقراهم.. وتم مع التقارير تقريباً ساعة كاملة أو أكثر.. من خلالها كان يقرى وينتقل من ديسك لآخر يشوف صور الأشعة المأخوذه لها واللي مخزنينها على الديسك قبل العمليات وبعدها.. حس بالقهر والألم من حالتها وشلون عديمين الضمير العبوا بمصيرها واسلبوها ايدها.. واكتشف حتى أهمال الطاقم الطبي اللي قام واشرف عليها من بعد العمليات اللي خضعت لها.. والجراح اللي دمرها وبتر لها إيدها.. دمر حتى الأعصاب الحركية اللي بإيدها تلفها وقطع عليها الأمل حتى بتركيب إيد صناعية الكترونية.. وعذر شهد لما اكرهت فيها الأطباء وسمتهم بالقصابين ( جزاريين ) وبصراحة هذيل مو بس قصابين إلا جلادين وعشماوية.. لااا حتى العشماوي إنسان وفي قلبه الرحمة.. أُهم غير.. اهمه سفاحين مجرمين عصابة متجانسة وقلوبهم خالية من الرحمة.. سمع فهد طرق على باب المكتب وكانت الخدامه تبلغه عن الغدا.. وعطاها أوامر معينه وراح لأمه عشان يتطمن عليها.. وسأل الممرضة فدوى عن حالة أمه وتطمن عليها.. أم فهد تكلم فهد وتبلغه : اليوم خالد ومنى واليهال بيون عندنا العشا.. دقت علي منى من قبل شوي وخبرتني.. فهد : حياهم الله.. البيت بيتهم وهذه الساعة المباركة.. أم فهد : إيـــه يُمه.. قبل ماأنسى عمك بوخليفة قال نهاية هالأسبوع بيتمعون في المزرعة.. قبل سفرتكم انت وشهد.. يعني هالأربعا إن شاء الله نروح المزرعة.. فهد : خير إن شاء الله.. عيل إنتي تغدي ورَيْحي الحين عشان تستحملين اليهال وصراخهم عقب.. وانا بخليهم يطلعون الغدا فوق عشان العصله مايصير لها حجة.. أم فهد بعتب : خف على البنت يافهد.. لاتقسي عليها وايد..!! فهد : لاااا معليج منها.. انا اعرف لها زين.. والأكل غصبن عليها بتاكل اللي ينحط جدامها.. أم فهد : يعني بتغصبها على شي ماتحبه..!! فهد : يُمه الله يخليج هي في شي تحبه..!! انا ماشوفها تشرب غير القهوة السادة وتاكل البطاط بس أو تونة جنها قطوة.. والنظام اللي حاطه لها من مصلحتها.. وهي معاها انيميا من الفحوصات اللي سووها لدمها.. والله يستر شيطلع عندها بعد.. أم فهد واهي تتنهد بألم وبحسرة وتقول : الله كريم يُمه.. بس هم طًوّلْ بالك عليها ترى شهد تبي الكلمة الطيبة والحنونه.. والشدة ماتمشي معاها وانت فيها ابخص.. فهد : ههههههههههههههه.. ليش تقولين جذي.. انتي ملاحظه شي.. أم فهد : إيـــه.. ومتأكدة انك اليوم غصبتها على الحليب.. ويمكن ضربتها بعد.. فهد يلم أمه بكا محبه وأهو يضحك ويقول : ههاههاهههاهههاهههههههههههههههههههههههههههههههههههههه.. لاتحطين فبالج يالغالية.. ترى شهود مثل القطوه تحب خنّاقها.. أم فهد بحزن : لااااااااااا شهد الأولية راحت وتغيرت يافهد.. شهد صارت اشرس من قبل.. والزمن خلاها تصير جذي.. وصدقني بالطيب والحنان اللي تفتقدهم تقدر تكسبها.. والله يكون بعونك وعونها.. قام فهد وحب راس أمه واستئذن منها وراح فوق بعد ماعطى أوامره عشان الغدا.. صعدوا الغدا فوق وحطه فهد بالصاله.. وراح لغرفة النوم وشاف شهد كانت منسدحة ونايمه بالسرير على بطنها.. وشعرها متناثر على المخدة ومغطي ويهها.. قعد صوبها على حافة السرير وحط إيده اليسار على ظهرها يمسح عليه بحنيه.. وبإيده اليمين كان يبعد الشعر عن ويهها.. فهد بصوت هامس كله حنان : شهوده.. قومي حبيبتي قومي تغدي..!! شهد ما كانت نايمة.. ولفت ويهها لصوب الثاني.. فهد رد كلمها بنفس النعومه والحنان : شهـــوده.. يللا قومي الغدا جاهز لا يبرد.. ودنق على راسها ويقرب من اذنها اليسار ويهمس لها : شهــــــود.. قومي يالكسلانه تغدي وبعدين ردي نامي مثل ماتبـــــين.. باسها على خدها.. بس شهد حطت ايدها على خدها مكان البوسة ومسحت مكانها.. كعلامة على غضبها وزعلها منه.. وهذا هو طبعها من يوم كانت صغيرة ماتغير.. فهد شاف حركتها وضحك وكلمها بتهديد : ههههههههههههههه.. قومي أحسن لج لأعيد عقاب الصبح عليج مره ثانية الحين..!! شهد وبصوت مخنوق : مد إيدك وطاع شبيصير فيك.. إذا تبيني اكسرها لك حاول يالعتوي..!! ضحك فهد وقام طقها بخفه على نفس المكان اللي ضربها اليوم وآلمها لأنه كان ضاربها بقوة شوي.. وشهد من عصبيتها المكبوته قامت من مكانها وانقزت ( قفزت ) عليه تبي تنتقم منه مثل أيام قبل وهي صغيرة كانت تعض اللي يحاول يمد إيده عليها.. فهد كان متوقع حركتها لأنه عارفها زين.. وزاد بالضحك بس شهد مامهلته ودزته على صدره وطاح جسمه على السرير وقامت طبت عليه تبي تعضه على إيده أو كتوفه.. وكان يحاول يبعدها عنه بدلدغتها وينغزها على خاصرتها عشان مايخليها تحصل على مبتغاها وتعضه.. وكل ماقربت من كتفه يبعد ويهها عنه واهو يضحك.. وقام فهد عشان يقلب الوضع لصالحه لف جسمه وقلب على شهد.. فصارت هي على السرير وبوضع الدفاع.. وفهد مسيطر عليها وكان شعرها مغطي كل ويهها.. تم فهد بسيطرته عليها واهو ماسك إيدها وبإيده الثانية يبعد الشعر عن ويهها.. فهد : ههاههاهههاهههاههههاههههاههههاهههاههها هههاهههاهههاههههاهههاههههاهههههههههههههه.. اشوف القطوة كبرت وصارت نمرة وقامت تتطاول على أسيادها الأســــود.. هههههههههههههههههههههههههههههه.. شهد تكلمت بكل حنق وعصبية : انت بديت وانت تحمل.. عيل على بالك راح أمررها لك بالساهل واسكت عنك يالعتوي..!! ( وكملت بصوت أعلى ) وقالت : والله لآخذ بثاري منك وماراح أخليك يالمغرور.. فهد دنق راسه عليها وقرب من ويهها حيل وهو يضحك ويقول بتحدي : ههههههههههههههههههههههههههههههههه.. اعلنتيها حرب عليّ عَيَلْ.. خلاااااااااص الحين أقدر اشوف شغلي وياج عدل.. قرب شفايفه من إذنها اليسار وقال واهو محكم قبضته عليها : أخذي اللي بييج مني يالقطوة وتحملي.. وشهد كانت تحاول تفك نفسها منه عشان تنتقم منه بأي طريقه.. وفهد يزيد عليها ويبدي ينغزها على خاصرتها.. واهيه تنقز وتطفر من هالحركة وماتحبها.. لأنه ياما رقصها اهو وطلال على هالحركة واهيه صغيرة.. وماكانت تقدر عليهم.. وتم فهد ينغز شهد بخاصرتها واهي تصرخ لأنها عاجزة وماهي قادرة توقفه عند حده.. لاحول لها ولا قوة وتحاول تفك نفسها بس ماهي قادرة.. وحست بالتعب لأنها ماهي بالقوة المطلوبة علشان تتصارع مع فهد.. وعصبت أكثر من عجزها ولأن فهد أقوى منها.. وكان ميت من الضحك عليها.. لين تغافلته وكان بيمسك ويهها بإيده اليسار وبينغزها بنفس اللحظه.. لكن شهد كانت اسرع منه وعضته على كف إيده بكل قوتها.. لدرجة إنه انصدم واشلون تغافلته وحاول يسحب إيده من بين أسنانها بس كانت ماسكه فيهم كف إيده بكل قوتها.. فهد وبصوت عالي قريب من الهستيريا واهو يضحك : ههاههاههاههاههاههاهههاهههاههههههههههههههه.. بس شهـــود ههههههههههههههههه.. هدي إيدي خلاص قطعتي لحمي يالقطوة.. ههاههاههاهههههههههههههههههه..!! شهد متمسكة بموقفها وماتقدر ترد عليه بما إن كف إيده اليسار بين أسنانها.. وحاولت ترد عليه وقالت : مــاوي.. ( مابي ).. فهد : ههاههاههاههاهههاهههاهههههههههههههههههههههههههههههههههههههههه هه.. وقام فهد استخدم معاها خطة الهجوم الثانيه الا وهي خطة الغزل والرومانسية عشان يقدر يخليها تنحرج وتهد إيده.. وقال بصوت ناعم وبتهديد : عيل خلاص خلي إيدي بحلجج وانا بنام علــــــــى..!! وبكل مكر حط راسه على صدرها وتوسدها.. وشهد من خجلها وخوفها افتحت حلجها وحرر فهد إيده من براثنها.. بس تم نايم وماشال راسه عن صدرها وقام يلعوزها أكثر لمها وسيطر عليها بحجزها بين ذراعه.. وراسه مازال على صدرها يسمع ضربات قلبها المتسارعة.. فهد بصوت ماكر وبتهديد : اشرايج انا الحين اللي آكلج والتهمـــــج..!! شهد بصوت يرتجف من الخوف : لاااااااا انا الحين يوعانة وبتغدا.. ماأكلت شي من الصبح..!! فهد رفع راسه وقام يطالعها واهو فاقع من الضحك.. وقال : ههاههاهههاهههاههههاههههاهههههههههههههههههههههههههههههههههههه هه.. لما أقولج جبانة لاا تزعلين.. دوم تقطينه قيري وتتراجعين عن موقفج.. خلج صامدة وقد الحركة يالقطوة.. شهد بخوف : انزين وخر بروح آكل.. فهد تم حاجزها بين ذراعه : ههاههاهههاهههاهههاهههاههها هههههاهههاهههههاهههههههاههههههههههههههههههههههه.. ماكان من الأول يالمتمردة.. وانا من الصبح اتحايل عليج عشان الغدا والحين يوم شفتي نفسج بورطه وبموايهتي قلتي الغدا منجاتي يالجبانة..!! : : يـتـبــــــــــــع |
وحمدت شهد ربها إن الغدا ياي على هواها واللي تحبه نفسها.. مربين ( رز مع جمبري ) مع دقوس صبار ( تمر هندي ) وسلطة خضار وعصير تازة.. بس آآآخخخخ كان ناقصة أهم شي.. المعبوج.. فهد : ها يالقطوه على ماأظن مافي معافر ( مصارعة ) الحين على الأكل.. وكل اللي تحبينه يايج وعلى هواج.. بس علمن يوصلج ويتعداج.. الغدا إذا رديتي منه حتى لو شوية ياويلج مني لأنج بتاكلينه كله.. شهد : مو مشكلة المهم إنه ربيان.. بس ناقصه شي وأبي آكله معاه.. فهد فهم عليها وضحك : ههههههههههه.. المعبوج هاااااا.. ماكـــو من يوم ورايح.. لازم تقطعينه.. شهد وعلامات الصدمة على ويهها.. وتقول : ليــــــش..!! فهد : منتي بحاجة الفلفل اللي تاكلينه.. وكثرة الفلفل تأذي معدتج.. وأنتي من غير شي شابه ضو.. ومع الفلفل شتصيرين..!! شهد عصبت وقالت بتحدي : وانا الأكل مايستطيب لي طعمه ولاينزل من بلاعيمي من غير الفلفل.. وإذا بتحرمني منه ماني ماكله.. فهد وعيونه تلمع وبتحدي أكبر : لااااااااا.. بتاكلين كل الأكل اللي جدامج وبدون فلفل.. وإذا رفضتي.. الأنابيب عندي ومستعد أوكلج عن طريقهم.. شهد انقهرت من الحال اللي اهي فيه.. وكانت بتعترض بس فهد رد قطع عليها الكلام علشان يغير الموضوع كله ويصرف نظره عنه بطريقة ذكية.. وقال : وعلى فكرة شهود اليوم خالد ومنى عندنا على العشا.. بس استوعبت شهد الكلام اللي قاله فهد.. انقزت مستانسة من الخبر وقالت ومزاجها تغير 180ْ : والله...... انزين بعد من بيي وياهم..؟؟ أمي وابوي بيــــون..؟؟ فهد يضحك على تغيير السريع لمزاجها ويقول : هههههههههههههه.. اللي يقول حابسج ومانعج من الأهل.. علامج انهبلتي جذي على ييتهم.. وبعدين بس خالد واهله اللي بيون.. ( وتذكر شي ثاني وكمل ) : إيــــه على فكره أمي تقول نهاية هالأسبوع بالمزرعة راح تصير اليمعة قبل سفرنا وعمي اللي طالب.. شهد والصدمة على ويهها.. بصوت واطي حزين : إن شاء الله يصير خير من الحين لين نهاية الأسبوع..!! فهد استغرب تغير مزاج شهد السريع والحزن اللي طغى على صوتها.. وقال : شهـود علامج..!! ماجنج مستانسة على روحت المزرعة..!! شهد حست بضيقة بصدرها لأنها تذكرت كل اللي جرالها بالمزرعة : لاااااا ماكو شي بس مالي خلق عالدرب الطويل.. حس فيها فهد وعرف بشنو تفكر فماحب يكلمها وخلاها على هواها.. وشهد تحس بضيقه قوية بصدرها.. وكأن شي بيصير ولكن ماهي عارفة اشلون تفسره..!! : : : : شهد بعد الغدا انتظرت فهد يحط راسه وينام لأنها كانت مخططه تبي تكلم أختها منى وبتطلب منها بعض الأغراض.. تسحبت شهد ليمن الصالة الصغيرة ودقت على منى من الموبايل.. منى : اهلا وسهلا بشهوده.. شلونج عمري..!! شهد بصوت واطي عشان فهد مايسمعها : الحمد لله بخير.. وانتي شلونج وشلون خالد واليهال..!! منى : كلنا بخير والحمد لله.. واليوم بنييكم على المغرب قالت لكم خالتي..!! شهد : ينور البيت بوجودكم يابعد عمري وحياكم الله.. منى : منور بأهله.. هــــاااااا شعندج داقه علي وتكلميني بهمس.. فيه شي جايد وخايفه فهد يسمعج هااااا.. هههههههههههه..!! شهد : موَيـــن بطلبج بس مابي فهد يشم خبر الله يخليج..!! منى : ههههههههههههههههههههههههههه.. دريت فيج تحت راسج بلا ( بلوة ، بلاء ).. آمري شللي تبين عمري..!! شهد تمت ساكته شوي وبعدين قالت مترددة : .............. ابـــي.. ابي منج بيجامات جم ( كم ) طويل.. منى الله يخليج لاتوهقيني مثل ماوهقتيني بهالطريقه.. منى : ههههههههههههههههههههههههههههههههههههه.. وليش توهقتي يعني ماتبيني أخلي ريلج يتهنى فيج.. كله دومج مغلفه من فوق لين تحت.. حني عليه شويه.. وعطيه حقه ياشهــود..!! شهد بقهر : أأأأأأأأوووووففففففففف.. موين انا ماني ناقصه ترى يكفي اللي فيني مكفيني.. واهو من غير شي دعله ومناشبني على كل صغيرة وكبيرة.. ( وبصوت كله رجا قالت علشان تكسر بخاطر اختها ) : منــــى الله يخليـــج.. لاتخيبين رجــاي..!! منى : أنزين انا عندي بيجامتين يداد توني شارتهم بيبهم لج.. بس انتي وين بيجاماتج..!! واللي خبري عندج وايد وكلهم يداد..!! شهد بعصبيه : شالهم كلهم عني العتوي وخاشهم مادري وين..!! وفجأة صوت من باب غرفة النوم يرد عليها بستهزاء : والتعوي شللي خاش عنج وماتدرين وينه يالقطوة..!! شهد اشهقت وانقزت من مكانها.. وخافت لايكون سمع كل اللي دار بينها وبين منى..!! شهد بخوف وربكة : بســم الله الرحمـن الرحيـم.. انت من وين طلعتلــي.. بعد انا ناقصه تخرع..!! فهد واهو متوجهه لها وخذا الموبايل من إيدها بيكلم منى ورد على شهد : طالع لج من الطوفه يني ( جني ) وبياكلج.. بووووههههه.. ههههههههههههههههههههههههه.. وكلم منى : ههههههههههههه.. هاااااا منى شللي انا خاشهم عنها وحارمها منه..!! منى : هههههههههههههههههههههههههههههه.. فهد خف على أختي حرام عليك.. فهد واهو يطالع شهد بنص عين.. خلاها تخاف وتحسب ان منى قالت له على كل شي.. فتركت الصالة وراحت عنه بغرفة النوم علشان تنحاش منه.. وبقلبها تدعي على منى اللي ما تخش شي بحلجها إلا وتخره من أول كلمة..!! فهد رد على منى : لااااااا معليج منها.. هاذي قطوتي وانا عارف لها زين.. ماتيي إلا بهالطريقه.. منى : لا تقسي عليها يافهد تراها سريعة العطب.. واعصابها ماتستحمل الضغوط الكثيرة..!! فهد يطمن منى : لاااا تخافين يامنى.. تراها تتلف اعصاب ديرة كامله واهي ما شاء الله عليها اعصابها جامدة مثل الحديد.. ولاااا.. من اليوم بادي وياها علاج يديد.. قطعت عنها الفلفل يمكن تهدي اعصابها شوي.. منى : ههاهههاههههاهههههاهههههاههههههههها هههههههههههههههههههههههههههههههههه.. ياويلك منها يافهد.. لقد اعلنت اليوم الحرب على نفسك ياأخي.. هههههههههههههههه... فهد : هههههههههههههههه.. افا عليج وانا قد الحرب........ ( وتذكر شي وقال يكمل ) : تعالي منى قولي لخالد خل ييب معاه الأغراض اللي طلبتهم منه أمس واهو عارفهم.. منى : إن شاء الله.. يلله عيل انشوفكم اليوم على خير.. وسلم على شهود.. فهد سلم وسكر الخط من منى وراح غرفة النوم عند شهد.. بس ماشافها هناك فأكيد راحت الحمام وانتوا بكرامه.. لأن العصر قريب بيأذن.. : : : : بعد صلاة المغرب خالد ومنى وعيالهم زاروا بيت فهد من بعد صلاة المغرب.. وكانوا متيمعين كلهم مع أم فهد وفهد وشهد بالصالة.. ومنيرة بنت منى لاصقة في خالتها شهد وتطالع بويهها.. وكل دقيقة تقطع عليهم الحجي كل ما يَتْ بتسولف مع منى.. شهد بحذر وعيونها على فهد لايكون يسمعهم.. بصوت واطي تقول لمنى : يبتي اللي قلتلج عليه..!! منى : إيــه اشوه إنا من نفس المقاس ونتلابس.. منيرة الصغيرة بصوت عالي وبكل برائة : لا يُمـــه.. إنتي أمتن من خالتي شهد.. وخالتي شهد وايد ضعيفة مثل باربي.. شهد قامت تطالع منورة الصغيرة وتبيها تسكت.. وضحكت منى وقالت : خالتج شهد باربي وانا درام ( برميل ) بنظرج يامنور..!! منورة الصغيرة : لاااااااا يُمــــه إنتي حلوه وايد.. بس خالتي اليوم صايرة واااايد حلوة.. مو صح..!! منى : إيــه حبيبتي خالتج شهد طول عمرها حلوة.. منيرة بصوت عالي وبتسمع الكل : لااااااااااا خالتي شهد اليوم وايد أحلى حتى اول مرة أشوف خدودها حمره جذي.. وهيه بصراحة من تزوجت عمي فهــد كل يوم تصير أحلى من قبل..!! شهد انحرجت من كلام منورة الصغيرة لأن كل الأنظار توجهت عليها.. فهد بكل مكر : هههههههههه.. صح حبيبتي خالتج من يوم تزوجتها وانا كل يوم اخليها تاكل عدل وتشرب الحليب.. عشان جذي تشوفين خدودها موردة.. مشاري ولد منى الصغير : ويييعععع ماما كل يوم تعطيني حليب وتخليني اشربه كله.. عيل بس خلاص انا ماراح اشرب الحليب مره ثانية علشان ماأصير نفس البنات خدودي حمره.. انا ابي اصير ريال بطل نفس بابا.. عندي لحية وشوارب.. الكل ضحك على كلام مشاري الصغير.. فهد : بس حبيبي الحليب لازم تشربه إذا بتصير بطل نفس أبوك.. لأن الحليب يقويك ويخليك بسرعة تكبر.. خالد : إيـــه وانا صغير أمي كانت كله تشربنا الحليب مو صح يُمه.. انا وفهد كنا على طول نشرب الحليب علشان جذي احنا كبرنا بسرعة..!! أم فهد : ههههههههههههههه.. إيـــــه يُمه صحيح.. وانت بعد يامشاري إن شاء الله بتكبر وتصير ريال كبير وبار بوالدينك.. وبتطلع شواربك أكبر من شوارب أبوك بعد إن بغيت.. الكل ضحك.. وكانت جمعتهم حلوه وخصوصاً اليهال اللي مسوين جو حوالين جدتهم أم فهد.. وكانت أم فهد الدنيا مو سايعتها من الفرحة بتجمع أغلى الناس على قلبها حوالينها.. وتعشوا جميع وانبسطوا بعد ماطلعوا خالد واهله راجعين بيتهم.. وبهالأثناء اللي فهد كان يسوي أتصالاته صعدت شهد فوق لجناحهم وتاخذ لها شاور.. وتخبي البيجامات عن فهد عشان ماياخذهم منها.. بس طلعت من الحمام وانتوا بكرامه لبست وحدة من البيجامات.. ولبست عليها الروب عشان فهد ماياخذ باله منها.. دخل فهد للجناح وكان شكله ماخذ شور بالحمام الثاني وانتوا بكرامة.. لأنه شعره كان رطب والفوطة على كتفه.. وشاف شهد كانت تعابل وتحاول بقدر استطاعتها بتجفف شعرها.. علق الفوطة وراح لها وكان يطالعها من خلال انعكاس صورتها بالمنظرة.. مسك الاستشوار من إيدها وقام يجفف لها شعرها.. وشهد منزله عيونها من الخجل.. وبعد مانشف شعرها مسك المشط وقام يكد لها شعرها ويخلل اصابع ايده فيه.. وعقب دنق على راسها وباسها بكل حنان.. وقال : عيل صايرة واااايد حلوة من يوم تزوجتج مثل ماقالت منورة.. شهد تمت ساكته ومارفعت راسها من الحيا ويهها صاير بلون الطماطة.. فهد بكل مكر : تدرين اليوم أحمدان شيقول لما شاف أثر العضة على إيدي..!! ( فهد صار كف ايده ازرق مكان عضة شهد ).. شهد ارفعت ويهها من الخوف وكانت تناظر فهد من خلال المنظرة بس ماتكلمت..!! فهد خفق قلبه من شاف نظرتها.. وقال واهو يقلد صوت أحمد ولد خالد : عمــي انت متهاوش مع أحد.. منو اللي عاضك على إيدك جذي.. هذا أكيد واحد يوعان..!! شهد ماتوقعت الرد من أحمد ولد أختها واضحكت غصبن عنها : ههههههههههههههههههههههههههههههههههههههههههههههههههههههههه.. فهد ذاب قلبه من شافها واشلون تضحك وبانت صفة اسنانها.. وعيونها اشلون المعت وتغير شكلها مع الضحك.. وقال واهو يضحك : هههههههههههههههههههههههههههههههه.. إيـــه والله وحتى خالد مات من الضحك يوم شاف إيدي.. وقالي قلعتك أكيد ملعوزها عشان جذي عضتك.. وشهود متوحشة وتاخذ بثارها وانا اعرفها زين عفيه عليها.. شهد ردت انصدمت واستحت من درت إن خالد شاف أثر العضة على إيد فهد وردت بصوت واطي بس فيه الخجل : أحسن تستاهل عشان مرة ثانية ماتمد إيدك وتطقني ( تضربني ).. فهد قال بكل مكر وبتهديد بس بطريقة ناعمة : لاااااااااااا.. توبه مرة ثانية ماراح اطقج.. بس انتي طنشيني وسوي اللي سويتيه اليوم الصبح مع هالحركة البايخة مرة ثانية.. وراح تشوفين شي عمرج ماشفتيه ياشهــــود وقد اعذر من انذر.. شهد اسكتت وهي منحرجة وماعرفت بشنو ترد عليه.. وفهد من شاف احراجها مسكاها من كتوفها وقومها علشان توقف.. ولف جسمها عليه وخلاها تواجهه بيشوف عيونها اللي يموت بنظراتها.. وانتبه على اللي تحاول تخبيه ولابسته تحت روب الديشامبر.. وابتسم بمكر وحب يطفرها ويلعوزها اشويه.. وقام فجأة وسحب الشريط الحزام وفتح روب الديشامبر وشاف البيجامة اللي لابستها.. وشهد واقفه متصنمة من الخوف.. فهد بنبرة مرحة علشان يبعد الخوف عن شهد : انا بعرف من وين يبتي هالبيجامة وانا خاش عنج كل البيجامات يالقطوة..!! شهد مازال ويهها متيبسة تقاسيمه من الخرعة.. وتمت ساكتة ومانطقت.. شهد : …………………………… …………………………………. …………………………………. وعقبها شهد ارفعت راسها وكأن العناد رد اشتغل مرة ثانية وهذا بس علشان تخبي خوفها.. وبتحدي سوت روحها مومهتمه وانها ماترضخ لأي ضغوط.. فهد من شاف حركتها مسك نفسه لايضحك بويهها.. وبكل مكر عشان يرد يحرجها ويربكها.. قال : اهااااااا.. الحين عرفت شللي طلبتيه من منى..!! بس تعتقدين إن هذا اللي لابسته بيتـــــم..!! شهد ارفعت عينها بعين فهد.. وتناظره منصدمة ماهي عارفة شللي يقصده وتخصبقت ( ارتبكت ).. هل راح ياخذه ويخشه عنها مثل بقية بيجاماتها.. أو فهد يقصد شي ثاني بكلامه..!! وبتهور قالت له بتحدي : لااااا ماتقدر.. ماراح أخليك.. واصلاً حتى قمصان النوم الخلاعية اللي تبيني البسهم.. قليتهم ( رميتهم ) كلهم بالزبالة..!! فهد لمعت عيونه بالتحدي فحب يكمل عليها باللعبة.. وقال بكل نعومة : عيل خلاص إنتي حسمتي الموقف.. واللي تبينه صار.. شهد حست بالراحة.. بس فهد مامهلها وكمل قال : وانا بعد مابي مرتي تلبس بيجامات..!! يعني صرنا متعادليـــن.. وراح تتميــن بدونهــــم.. اشهقت شهد بخوف من عرفت شللي يقصده فهد.. وبسرعة البرق افتلتت من إيده تبي تنحاش منه.. بس فهد ماتطوفه حركاتها لحقها واهو يضحك عليها.. ومسكها يبي يطمنها لمها على صدره.. : : : : : : : : شنو تتوقعون باللي راح يصير بالمزرعة..!! وشهد هل راح يصدق حدسها ويحصل شي..!! لاتبخلون علي بتوقعاتكم وآرائكم اللي تهمني.. ولكم مني خالص المحبة والتقدير.. وربي يحفظكم ويرعاكم أجميعين أختكم ومحبتكم عذبة التجريح :flowers2: |
أحبتي في الله انتهى البارت السادس عشر وأرجو منكم بصدق أن توافوني بتعليقاتكم ونقدكم البناء.. وإن كان مستوى الكتابة قد نزل فأرجو السموحة لأنني كنت متوقفة عن الكتابة قرابة السنة بسبب الظروف في انتظار تعليقاتكم أحبكم في الله عذووووووووب |
يسلموووووو عذوووب،،
لي عوده |
اقتباس:
بنتظار تعليقك على نار واصدقيني القول أختي الحبيبة بارك الله فيك أختك المحبة عذوووووبة |
السلام عليكم ورحمة الله وبركاته
سلمت الأيادي ياعذوبةانا بصراحة قرأت القصة بعد ماتوقفت عن كتابتها وفي الحقيقة اسلوبك مميز يصل للقلب دون تنمق او وضع كلمات فقط للحشو زي بعض الروايات بخصوص الأبطال بصراحة انا مررة معجبة في فهد شخصيته كطبيب وحبيب وقريب رجل بكل ماللكلمة من معنى بس لو يخف السيطرة شويةوشهودة الله يهديها دلوعة مررة صح مرت بمأساة بس خلاص الله عوضها وياليت تنظر للحياة بنظرة احلى الله يوفقك ياعذوبة وسعيدة بعودتك تقبلني من متابعينك وان غبت بردي فتأكدي اني اتابعك من خلف الكواليس شكرا |
يجنن
القصة رائعه جدا فهد يهبل .. ان شاء الله يساعد حبيبته وشهود تجنن بعنادها وطفولتها كملي عذوووووووب واحنا معاج قلبي |
هلا بالنور والله
منوره يا قلبي والف الف الحمد لله على السلامه وجعل ربي يحفظك من كل سوء وتسلم يمناك على هالبارت الحلو ولي تعليق اخر بعد ما اقراه لا ني دوبي نسخته وارسلته على الجوال يسعدك ربي |
الله الله شو هالبارت الجونان بغى قلبي يوقف .......... آآآآآآآآآآآآآآآآآآآآآآآآآآه فهد دشششششششششششش مزاجى ودخل قلبي تسلم الأيادي على البارت المميز تحيـآتي لك آيتها المبدعه أختك أســـ بحر الأماني ـــيرة حضرميه وأفتخر |
اقتباس:
وعليكم السلام ورحمة الله وبركاته أهلا وسهلا فيك أختي ورود الحبيبة.. فهد عملة نادرة بزمنا هذا .. وشهد مسكينة لأني عايشت بعض الناس بنفس مشكلتها.. ومعاناتهم كبيرة وبصراحة تبكيني.. وربي يكون بعونهم جميعاً وبعدين يالغلا شهود يحق لها تتدلع على فهد.. بس المسكين منو يدلعه.. مافي أحد.. بارك الله فيك أختي الحبيبة علىتواصلك وتشجيعك لي بكلماتك العذبة الجميلة لك خالص الود والتقدير حفظك الله ورعاك أختك المحبة عذبة التجريح :flowers2: |
ياحبيلك عذوووبه...احبك الله الذي احببتني فيه،،، ماتدرين وشكثر فرحتي برجعتك،،،مو علشان الروايه ،،،ولكن للأطمأنان عليك،،ووقد كنت من متابعيك من البدايه ولكن خلف الكواليس ،،العود احمد،، الله يوفقك ويسعد،، ويسر دربك،،ويحفظك،، البارت ..في قمة الروعه ،،،ولم ينحني ولكن الـ القمه اراه عاليا،،لاتحاتين،،اخيتي،، لقد عشت البارت ،،،وتمرده..كان لذيذ جداا،،، فهودي...الطبيب والحبيب القريب،،في قمة الاخلاص لشهوده «««« يابختك،،،،، ،،،ولازم يصير صارم في قراراته معها حتى تتماثل لشفاء،، شهودي،،،، تمردها غصب عنها فلازم تحاول انها تتخطى الازمه مو سهل عليها بين يوم وليله ،،، الله يشفيها .. اشكرك من اعماق قلبي على ،،،ماخطته اناملك ،،وعلـ امتاعنا هذه الليله التي طالما فقدناها ،،وتمنيناها ..فبارك الله فيك .. ننتطرك في بارت جديد،،،وفي شوق دائم متجدد.. اختك..ليالي.. :rdd12zp1: |
اقتباس:
حياك الرحمن واسعدك أختي جبورة وبارك الله فيك على تواصلك وكلماتك العطرة لك خالص المودة والتقدير حماك الله ورعاك أختك المحبة عذبة التجريح :flowers2: |
اقتباس:
يــــاقلبي ياام كـــايد.. حياك الرحمن واسعدك مثل ماسعدتيني بطلتك الغالية وربي لك وحشة يالغلا.. في انتظارك غاليتي وبنتظار تعليقك الكريم بارك الله فيك أختي الحبيبة أختك ومحبتك عذبة التجريح :flowers2: |
اقتباس:
ياهلا وغلا أسووووورة الغالية هههههههههههههه فهد إن قدرتي على قلبه فهو لج..!! وربي يسعدك يالغلا ويرزقك بواحد أحسن من فهد بعد اللهم آمين بارك الله فيك أختي الحبيبة على تواصلك وكلماتك العطرة اسعدتني اسعدك الله وحفظك من كل شر ومكروه اللهم آمين خالص ودي وتقديري أختك المحبة عذبة التجريح :flowers2: |
يسلمووووووووووووو بجنننننننن متلك يا الله شو اشتقت للرواية اخيرا نزلتي وحنيتي علينا الله يحميكي يا رب لا اطلي علينا يا قمر الله يخليكي يا رب
|
سلااااااااااااااااااااااااااااااااااااااااااااااااام
اللف الف الف الف الف الف الحمدالله على السلامة نورتي ليلاس انا للاسف يوم سجلت انتي انقطعتي بس صدقيني كنت اتابعك من بدايه القصة البااااااااااارت والله حق مية سنه قدااااااااااااااام مررره عجبني فهد واسلوب التعامل مع شهد ولااااااااا كل ولا الطق خخخخ والحليب اسلوب الشده مع الحب هذا اللي خفف من العواقب شهد صدق انك قطوه خخخ وش هذا ما مليتي حرب في حرب خخخ لا كل ولا البجامات موتتني ضحك هههههههههههه ما عرفت ان الرجال اذا حطو في راسهم شيء ما يخلونه عذبه والله من غير مبالغه رجعتي لنا نفس اول كنك تركتي القصة امس مو من سنه ننتظر البارت الجاااااااااااي بكل حماس اشتكي |
باررررت مررره جنان
ابداااع وخيال يسلموووو |
اقتباس:
يا هلا وغلا أختي ليالي الحبيبة بارك الله فيك يالغلا على كلماتك العطرة والرقيقة وصحيح أختي الحبيبة مثل ماقلتي القمة عاليا والدرب لها يحتاج همة ومثابرة.. بس انا ويـــــــن والقمة ويــــــــــــن.. محتاجة مسيرة قرن وهذا إذا وصلت لنصف الدرب الحمد لله بس كلامك يالغلا يدخل القلب ويهون علينا ويعطيني الدافع القوي لمواصلت الكتابة وأسأل ربي إني أكون كفو لهذا الشي وييسر لي ولجميع المسلمين لتوصيل الرسالة اللي نبي للعالم العربي خاصة.. وفهد عملة نادرة بالزمن هذا.. ولكنه مو مفقود بل موجود.. واللي تبي تحصل على زوج نفس فهد.. عليها أن تتعامل معاه بما يرضي الله وتكون الزوجة المحبة والحنونة.. واهو بنجبر ويعاملها بنفس معاملتها.. شطيت وايد عن الموضوع..... sorry أشكر لج تحليلج الرائع للمواقف وخالص الحب والتقدير لج ياغلاي حفظك الله ورعاك ووفقك اللهم آمين أختك المحبة عذبة التجريح :flowers2: |
اقتباس:
يا حي الله الديراوية الحبيبة اشلونك ياغلاي..؟؟ والسموحة على التأخير كل هالوقت يالغالية بس للظروف أحكام وبارك الله فيك أختي الحبيبة على طلتك الجميلة وتواصلك العذب الرقيق والحمد لله إن البارت عجبك لاحرمني الله منك يالغلا وحفظك وحماك من كل شر ومكروه اللهم آمين خالص مودتي أختك المحبة عذبة التجريح :flowers2: |
اقتباس:
جزاك الله كل الخير واسعد قلبك أختي الحبيبة أشتكي وكلماتك مثل البلسم للقلب يالغالية.. وفرحتني جداً جداً بارك الله فيك وحماك من كل مكروه اللهم آمين وأحمد الله إن أسلوبي في الطرح لم يتغير عن السابق.. وهذا بفضل الله سبحانه ومن ثم فضلكم أنتوا كأخوات لي يالغالية.. فبيشجيعكم المتواصل لي وحثي على التكملة.. اعطتني القوة والدافع على المتابعة.. وجزاكم الله كل الخير خالص حبي وتقديري لك يالغلا أختك المحبة عذبة التجريح :flowers2: |
اقتباس:
تسلمين أختي شمس الحبيبة وبارك الله فيك على هالكلمات العذبة والتشجيع الحلو دمتي لعين تغليك أختك المحبة عذبة التجريح :flowers2: |
هلا اختي عذبه الحمد لله على السلامه قصه رائعه ومثيره وكاتبه متالقه استمري في ابداعك :55: واتمنى التوفيق للجميع
|
يعطيكـ الف عافيه عذبه
من ثلاث ايام وانا اقراء في الروايه ابداع ياحياتي وتسلسل رائع انا لما عرفت انو تمركز على شخصيه وحده خفت احس بلملل بس ابد اول مره تعجبني روايه تنحصر على بطله وحده اممم شهد وفهد: الله يصبره على شهد ويزرع فيها الثقه الي تحتاجهاا يعطيكـ الف عافيه وونتظرك بكل شوق جـ,ـ,ـودي |
اقتباس:
الله يسلمك أختي الحبيبة ياهلا ومرحبا فيك يالغلا الغالية بارك الله فيك أختي على كلماتك العذبة والرقيقة وجزاك الله كل الخير على تواصلك العطر وتشجيعك دمتي لعين تغليك خالص مودتي أختك المحبة عذبة التجريح :flowers2: |
السلام عليكم..
عذووووب..وحشتيني..ووحشتني القصة مووووووووووووت..الحمد لله على سلامتج..وان شاء الله تكون آخر الغيبات..يارب..يسلمووو عالبارت..ما قصـرتي.. فهـد ومعاملته مع شهـد..وانه هو الي بتابع حالتهـا..شي وايد حلـو..ان شاء الله يعدل من صورة الدكاترة..بنظرة شهـد..بس لو يلين عليهـا شوي..ولا رومانسيته شـي ثاني صراحة..صج اشتقنـا لهـا..بس شنو الي طلبه من خالد..يحليلهم اهو يطلب من خالد..وهي من منى..ضحكوني:).. شهـد ياهل..كبير:)..تاكل عشان لا تتعاقـب..تعاند..بس بعدين مردها بتسمع الكلام..الحمد لله الي بدت تحسـن..بس ياخوفي ترد تنتكس حالتها بالمزرعه..خاصة عقب لا تذكر الي صـار هنـاك.. بنووتة |
عذوبه ازى احواللك ؟؟ عامله ايه ؟؟ البارت ده برغم كل الصراعات اللى فيه الا انه بارت هادى خايفه ليكون هدوء يسبق الاعاصير ........... تسلم ايديكى على البارت الجديد وحشتنى مغامرات شهوده وفهد.. فهد اختار طريقه مثاليه لمعامله شهد التهديد والعقاب وان تمردت استخدم ضدها سلاح الرومانسيه والجراه ليخجلها لتصبح عاجزه عن مواجهته ... اهتمامه بحالاتها الصحيه وغذائها بنفسه لابد ان يترك اثرا فيهاان يربكها يحيرها لتعرف ان فى داخلها تحبه ... طبعا مااقدرش اقوللك ان الجزء اللى كان فيه فهد يدرس تحاليها واستعرض كيف ان الاطباء بتروا ذراعها وبتروا حتى معه الحلم بتركيب اخرى صناعي لم يغضبه فحسب بل اغضبنى كثيرا قسوه هؤلاء الاطباء التى جردت قلوبهم من الرحمه ... شهد متمرد وشرسه فعلا ند قوى لفهد لكنه هو بيعرف يسيطر عليها كويس..حاله الحزن التى انتابتها لما عرفت انه هتروح المزرعه سببها ايه سببها الموقف الاخير للحصان معاها هناك ولا فى احداث دارت قبل كده فى المزرعه بينها وبين خالتها وابنها؟؟؟ حيرتينى زياده ايه اللى ممكن يحصل هناك لقاء خالتها او ابنها اعتقد انه امر صعب فى الوقت ده الا وان كان هناك مزيدا من الاسرار سوف تكشفين عنها... تسلم ايديكى على البارت الجديد الرائه ومستنين الفصل الجديد.. سلام ياجميل |
هلا اختي عذوبه
مشكوره قلبي على البارت الرائع هو قصير بس ممتع مره بصراحه يعجبني اسلوبه في العناد بين العتوي والقطوه وعندي فضوووول بيذبحني ليش شهوووده ماهي متحمسه للمزرعه ليش خايفه ننتظرك يوم الثلاثاء ان اء الله |
hi
اعجبتني الرواية وايد ليش ماكملتيها اليوم قاعدة انتظرها من الظهر الى الان انا من وراء الكواليس بالتوفيق ان شاءالله |
رواية غاية في الروعة
انا نقلتها على الوورد حتى اقراها على مهل الان فقط انهيت كل الاجزاء ماشاء الله عليك اهنؤك على ابداعك قصة خير واحداث غير مليئة بالمفاجئات وجدتني قبل ايام اتسائل عن مكنون قصة تكون فيها البطلة هي صاحبة الاعاقة فوجدت بحرا من الاجابات في سطورك المبدعة في انتظار البقية وعلى احر من الجمر فقد عشقت تمرد شهد والبسمة التي لا تفارق فهد اكثر ما اعجبني هو ارتباطه بها رغم تصرفاتها الطفولية متلهفة لما سيحدث في المزرعة تقبلي تحيتي |
رواية رائعة عذبة التجريح
بالرغم إني مازلتُ أقرأ في الجزء الحادي عشر |
الاخت عذبة التجريح قصتك ابداع واسلوب راقي الرواية رائعة تعجز الكلمات عن وصف رائعتك خسارة انها ماكملت
|
السلام عليكم ورحمة الله وبركاتة
يا بنات اللي تعرف الكاتبة تسأل عنها وطمنا عليها ............. |
السلام عليكم بقية المحافظة على القصص ،،تم وضع قانون جديد للروايات الغير مكتملة بقسم من وحي قلم الاعضاء يرجى زيارة هذا الرابط http://www.liilas.com/vb3/t134089.html ولفتح القصة لتكملتها يرجى ،،وضع طلب بهذا القسم الخاص http://www.liilas.com/vb3/f30/ تغلق الرواية من تاريخ وضع الرد نرجو التعاون ،،موفقة |
تنقل القصه للارشيف حسب قانون القسم
|
| الساعة الآن 01:29 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية