|
باااااااااااار رائع كالعادة :flowers2:بس قصيررر......ومافي اكشنات كثيرة... الله يجيب يوم الثلاثاء ان شاء الله الارت الياي اكتر طولا و اكشنات اكثر فية... امممممممم ممكن ركزي علي الجو العام شوي علي بقية الناس اعطيهم حس انساني .........طبعا اسلوبك راائع و قريب من القلب:rfb04470:...و الحوار ممتاز ان شا الله لا اكون ثقلت عليك :lol::075: |
اقتباس:
حياك واسعد قلبك يالغالية الحلو اللاذع وكلماتك العطره لهي شرف وفخر لي يالغالية وجزاك الله كل الخير على هذا التشجيع خالص مودتي وتقديري لك يالغالية أختك ومحبتك عذبة التجريح |
اقتباس:
وجزاك الله كل الخير على مرورك وتواصلك العطر يالغالية أختك ومحبتك عذبة التجريح |
اقتباس:
حياك أختي مايا وشكرا لمرورك يالغالية أختك المحبة عذبة التجريح |
اقتباس:
ههههههههههههههههههههههههههههههههههههههههههههههههه حيا الله صاحبة الفزعه آه يا زمن ومن قدك يافهد إذا كانت آه يا زمن معاك ولااااا حاطتك يالليست عندها.. هههههههههه بس لازم تصفين بالدور لأن وايد طالبينه قبلك.. والله يستر من شهد إذا ماشبت عليكم هههههههههههه.. وصج يالغالية شهد تحتاج وقفتكم معاها بسبب اللي استوى عليها من خالتها وولدها عصاموه واللي بتعرفون شللي سوه مستقبلا بالبارتات الياييه.. إن شاء الله وبارك الله فيك يالغالية على تشجيعك لي وتواصلك الجميل ولاحرمني الله من طلتك الرائعة يالغلا خالص مودتي وتقديري أختك ومحبتك عذبة التجريح |
اقتباس:
هلا بالطيب الغالي عزيز وشوفتك منوه هلا يالغالية waxengirl وجعل ايامك كلها فرحه ومومهم ان التوقعات تكون دائما صحيحة.. بس المهم الامور تكون تمشي على خير وشكل الامور مابين فهد وشهد..!! وبالنسبه لتوقعك يالغالية بحدوث أمر بهالاسبوع في المزرعة... ترقبي معي وستعرفين بما سيحصل.. والله يستر... حضورك أبهجني كالعادة ياغاليتي الحبيبة وكلماتك دائما تكون بلسما لنفسي بارك الله فيك يا waxengirl الحبيبة واسعدك الله ووفقك يارب أختك ومحبتك عذووووووبة |
اقتباس:
هلا ومرحبا والدرب بالورد نفرشة وبماي الورد نرشرشه نهلي بك بالقهوة المنعشه وحيا الله ام كايد المفرفشة وربي يسعدك ويسلمك دوم يالغالية بكلماتك العذبة اللي ترفع من معنوياتي لاحرمني الله منك ومن طلتك أختي الحبيبة وخالص المحبة والمودة والتقدير أختك المحبة عذبة التجريح |
اقتباس:
اهلا وسهلا ببنت الملوك العزيزة واسعدك الله يالغالية بتواصلك الجميل والحمد لله إن الرواية قد نالت اعجابك واعجاب بقية الأخوه والأخوات وهذا حقاً لشرف لي يالغالية وأسعد وافتخر به وإذا صادفتك أي كلمات صعبة المفردات.. خبريني يالغالية لأنني أحاول قدر المستطاع أن أوصل اللهجة الخليجية والكويتية إلى الجميع خالص محبتي وتقديري لك يابنت الملوك الحبيبة أختك ومحبتك عذبة التجريح |
اقتباس:
هههههههههههههههه بصراحة أختي بنت الكويت أنتي مبدعة جداً ودمك خفيف وعسل وبصراحة مت من الضحك وأنا أقرى تعليقك.. وكل ماييت برد عليج أفقع من الضحك بس صراحة عليج رد وتصلحين تصيرين مصلحة اجتماعية.. بس هاااااا موعلى شهد.. لأنج بتفقعين مرارتها وأنتي تغلطين وتقولين لها فهووودي أوووه لااا قصدي فهووودج.... ههههههههههههه.. وهني عاد بترد عليج شهود تبينه هالعتوي.. اخذيه وفكيني منه.. بس الركه على العتوي.. واهو متعلق بقطوة وحدة بحياته.. ولايمكن إن يستبدلها.. أنا بخليج معاه وتفاهموا على راحتكم..!! هههههههههههههههههه وردك على السؤال بهل ستكتشف شهد الحقيقة بوظيقة فهد.........هههههههههههههههه بصراحة عسل وربي دمج عسل أبي ارد عليج وماني عارفه شللي بكتبه بس أضحك.. ولكن صدقيني يالغالية.. الهواش والزعل مثل مانقول احنا بالخليج أهو بهارات الحياة يعني موحلو الواحد كله رومنسية في رومنسية.. لااااا يقلب شوية على الجد وشوية على كوميديا وشوية على تراجديا.. علشان تصير الخلطة صحيحة والطبخة تضبط معانا.. وإلا شرايج يابنت بلادي ماأصلح أكون طباخة..!! ربي يسعدج ويوفقج ويجعل أيامك كلها فرح ونجاح وسرور اللهم آمين خالص محبتي لج يالغلا أختك المحبة عذبة التجريح |
اقتباس:
الله يسلمك يالغالية الديراوية والبارت إن شاء الله كل أسبوع بيوم الثلاثاء يالغالية راح أنزل جزء جديد خالص المودة والتقدير أختك المحبة عذبة التجريح |
اقتباس:
حياك يالغالية توري الحبيبة والجزء الجديد ينزل بجميع المنتديات التي اشترك بها بالعدل.. يعني مافي منتدى سابق الثاني إلا إذا كان المنتدى جديد انظمامي لهم.. خالص المودة والتقدير أختك ومحبتك عذبة التجريح |
مرحبا عذوب اردج عليج بالمنتدى الثاني واهني
البارت روعة احس لما تعرف شهود ان فهوود طبيب راح اييها انهيار عصبي سلمت يمناك بالانتظار قوووووووووووو هيييييييييييييييد |
اقتباس:
العفو يالغالية وتسلمين ياطيوووفة على مرورك الجميل وتواصلك العطر ياأختي الحبيبة وخالص محبتي لك يالغلا أختك المحبة عذبة التجريح |
اقتباس:
حياتي والله ياكل الأمل العربي حياج واسعد يومج يالغلا والحمد لله إن البارت أعجبج.. بس ياخوفي تكريهنه بالبارت الجاي.. أو اللي بعده.. والله يستر.......!!!!!!! بس أقولك الرومانسية يمكن تزيد في بارت وتقل بآخر.. ولكن العناد والتمرد..!! هههههههههههههههههه خالص محبتي لك يالغالية الحبيبة أختك ومحبتك عذبة التجريح |
اقتباس:
مشكوره يالغالية همسه ود الحبيبه مرورك وتواصلك أسعدني يالغالية لاحرمني الله منك يالغلا خالص مودتي وتقديري أختك المحبة عذبة التجريح |
اقتباس:
ليش حرام عليك يا Xeros شلون تقولين بارت قصير ومافيه اكشنات..!! وكل هذا اللي صار مابين شهد وفهد وتقولين ماصار اكشن..!! وبعدين ياالغالية أنا ذكرت بالبداية إني راح أسلط الضوء على شخصين بالرواية حتى مايتشتت التفكير.. لأنها أول رواية أخطها.. يعني محتاجة أكون أقوى وأثبت حتى أستطيع تسليط الضوء على حياة جميع من في الرواية.. وبعدين يالغالية أنتي ذكرتي بأن أركز على الجو العام..!! مافهمت عليك باللي تقصدينه..!! فإذا أمكن أن توضحي لي بالمطلوب.. والحمد لله أن بقية المعطيات ومجريات الرواية قد نالت أعجابك.. ولكن لوسمحت أختي الحبيبة بأن توضحي لي باللي ذكرتيه واللي ماني قادرة أستوعبه.. وجزاك الله كل الخير أختي Xeros الحبيبة على تواصلك وأرشادي لبعض الأمور قد تغيب عن بالي بارك الله فيك ووفقك يالغلا ولك مني خالص المودة والتقدير أختك ومحبتك عذبة التجريح |
اقتباس:
حياج ربي ياشمعة الحبيبة وكل المنتديات هي بيتي وداري.. واللي بتزوريني فيه أقول حياج ربي واسعدج يالغالية وبالنسبة لتوقعج.. أمممممممم ياخطييييييييره.. بس الله يستر شللي بيصير..!!:71_asmilies-com: وخالص حبي وتقديري لج يابعد عمري أختك ومحيتك عذبة التجريح :i05Tulip: |
حبيت الاحداث في هذا البارت ..
فيه وايد اكشنات واشياء تبرد الخاطر دوم انشالله تكونين مبدعه :) اختج .. كويتيه :) |
شكرا لج اختي عذبة التجريح على القصة الرائعة وان شاء الله نحن على انتظار تكملتها انا ابي اسأل اليوم الثلاثاء متى راح ينزل البارت الياي لو مافيها ازعاج لج والله يعطيج العافيه
|
اقتباس:
اهلا وسهلا بأختي الحبيبة كويتية :) وربي يسعدج يالغالية ويوفقج إن شاء الله والبارت الياي إن شاء الله هم راح ينول اعجابج وبنتظار ردج عليه يالغالية خالص مودتي وتقديري أختك ومحبتك عذبة التجريح |
اقتباس:
حياج واسعدك الرحمن يالغالية لحن الحياه وتسلمين ياحبيبتي على مرورك الكريم وتواصلك العطر والبارت إن شاء الرحمن بعد شوي نازل وكل ثلاثاء أنزل بارت جديد خالص مودتي وتقديري أختك ومحبتك عذبة التجريح |
تذكير بما حصل بنهاية الجزء السابق من بعد صلاة العشاء.. التمت العائلة بالحديقة عشان بيجهزون المشاوي للعشاء.. بس على مايطيح الفحم ويصير يمر ( جمر ).. كانوا ملتمين الرياييل بصوب والحريم وعيالهم بالطرف الثاني.. والسوالف كانت تنسمع من عند الطرفين.. والضحك والفرح باين في عيونهم وعلى وجوههم.. قام فهد وراح عند شهد.. وقومها يبي يتمشى معاها بروحهم.. وفهد استغل الفرصة جدام الأهل علشان ماتقدر تعارضه شهد أو تفتح حلجها بأي كلمة جارحه ضده.. واهو مو هين هالفهد.. فهد والابتسامة على ويهه وماد إيده وفارد كفه جدام شهد علشان تحط إيدها بإيده وتقوم معاه.. ويقول بصوت ناعم : الجو حلو وحرام نضيعه بالقعده.. ودي أتمشى معاج حوالين المزرعة.. شهد والصدمة على ويهها بس ماتبي تبين هالشي علشان أهلها.. وتحاول تخلي ردها يكون طبيعي : الحين العشا.. لو تخليها بعد العشا يكون أحسن.. بوخليفة داري بخبايا بنته وعارفها ليبقت تتنحش.. فحب يسد عليها الباب وقال : قومي يابوج العشا تو الناس عليه.. روحي تمشي مع ريلج ووسعوا صدوركم.. ومثل ماقال فهد الجو حلو وحرام تضيعينه بالقعدة.. ولي جهز العشا دقينا عليكم علشان تييون.. شهد حست بويهها شب نار من الحقد على فهد والاحراج من أهلها من الصوب الثاني.. وماقدرت تسوي شي غير إنها تمثل جدام أهلها وتحط إيدها بإيد فهد وتقوم توقف علشان تروح معاه تتمشى.. وماطافت عليها نظرة الانتصار بعين فهد.. وابتسامة استهزاء على طرف شفايفه.. نزلت عينها ومشت معاه.. بس ابتعدوا شوي عن الأهل.. حاولت شهد تسحب إيدها من بين قبضة إيده الكبيرة ولكن ماقدرت.. فهد وبنبرة واطية فيها من الاستهزاء : انتي ليمن الحين عندج أمل بالهروب مني..!! شهد تمت ساكته وماردت عليه لأن دقات قلبها بدت تتسارع وتعلو من الخوف والاحراج : ................................................. فهد حس بالتخبط الداخلي اللي حاصل لها بهاللحظه.. وخفف من نبرته شويه وقال بنبرة حانية أكثر : شهد أنا ماأخذتج علشان التحدي.. إنتي تدرين أكثر من غيرج عمق المشاعر اللي أكنها لج.. بس دوم تكابرين وتعاندين من وانتي صغيرة.. شهد تحاول تفك إيدها من قبضته.. وويهها تحسه شاب ضو من الاحراج.. وإيدها بدت ترتجف من الربكة وتخبط المشاعر اللي تعتمل فصدرها.. فهد وقف جدامها وحاوط خصرها بإيده اليسار.. وفك قبضة إيده اليمين من إيدها.. ورفع ذقنها بإيده اليمين.. وقال بصوت هادي وحنون : شهوده......... شوفيني ابيج تحطين عينج بعيني.. وتوشوفيني إذا كنت اجذب عليج والل لاء..!! شهد من بعد محاولات يائسه بالهروب من بين إيدينه.. استكانت بمكانها وتمت مغمضه عيونها.. والدموع تنساب لااراديا من بين جفونها وتبلل رومشها الطويله.. وترسم على صفحة ويهها الصافي خط من النهر الجاري.. وويهها مرسوم عليه كل ملامح للألم والعذاب.. والغربة والتشتت والضياع.. وعدم الاستقرار والخوف من المجهول.. الخوف من الوحدة.. وحتى الخوف من الأمــــــــل بالسعادة.. فهد وقف يتأمل كل هالمشاعر المرتسمه على ويهها.. وحس بالهاللحظة بشعورها باليتم مع إنها بين اهلها.. وماقدر يقاوم احساسها ورجفة جسمها اللي ياما تحمل قسوة هالبشر.. اللي من مشرط ( المبضع ) الجراح مارحمها.. واللي مارحمها من فقدها لعضو هام من جسمها.. واللي مارحمها مع إنه أقرب الناس لها من لحمها ودمها.. : : وبهاللحظة فقط لمها فهد بكل جوارحه ورحمها.. وبهاللحظة بثها كل الحنان والأطمئنان وماتركها.. فهد يانهر جاري ضمها بأحضانك ولبر الأمان رسي حلمها.. واحميها من كل الأفاعي وضمها.. لاتتركها بهالزمن القاسي للي مارحمها.. وعطها من حنانك ولاتحرمها.. شهد من بعد فقد الأخو أفقدت امها.. وعاشت هالزمن من بعد محنة ومعاناة يتمها.. تجاري الناس ببسمة.. ومحد عرف شي عن ألمها.. شهد طول عمرها للناس وفيه.. ولكن ولد خالتها ظلمها.. ونورية حاربت العالم لتقرن شهد بعصام ولدها وتضمها.. قامت من بعد الحادث اتجرح فيها وللأســف.. هذي أخت أمها.. وتمت شهد على صدر فهد متكومه تبكي حالها وألمها.. وفهد تم يمسح على راسها وظهرها.. ويبثها الأمان والحنان والأطمئنان.. وتمت شهد على هذا الحال أكثر من ساعة أغسلت فيها كل المشاعر اللي كانت تعتمر بصدرها.. حتى حست بنفسها خلاص ماعادت تقدر توقف على حيلها من التعب.. شالها فهد مثل الطفل الصغير بكل خفه.. ورجعها لبيت المزرعة ودخلها من الباب الثاني علشان محد يشوفهم ويخوفهم عليها بدون داعي.. وصعد لغرفتها وحطها بسريرها.. وفصخها الجوتي ( الحذاء ) اللي بريلها.. ورفع الشال عن كتفها علشان تاخذ راحتها بالنوم.. وغطاها وقعد دقايق يتأمل فيها.. وبعدين دنق عليها وباسها على راسها.. وطلع من الغرفة وسكر الليت عليها.. ونزل تحت عند الأهل علشان يقولهم يخلون شهد نايمة علشان ترتاح ..!! : : ومرت الأيام جميلة على العائلة.. وشهد كل مالها تتعلق بفهد أكثر وأكثر مع انها تنفي هالأحساس في نفسها وتعاند.. لأنها تخاف من تكرار التجربة القديمة..!! بس قلبها كل ماله ويميل....................!!!!!!!!!! : : : : : : الجـزء الثامـ 8 ـن في أحدى الأمسيات الباردة ببيت الشعر المنصوب بالمزرعة.. والعائلة متيمعة حول الدووََة ( المنقل ) وكانت سالفة تجر سالفة عند العائلة.. والذكريات الجميلة.. دشت شهد عليهم وسلمت.. وسيده راحت اقعدت عند ابوها وتاخذ من حنانه ودفاه.. بس اقعدت لمها عنده بالفروة عشان تتدفه.. واهيه تحط راسها على صدر ابوها.. شعور بالأمان والحنان اللي ماله حدود.. وحولها كل الأحبة من أخوانها وأهلها والعائلة.. وحتى زوجها وحبيبها من أيام الطفولة.. واللي هي مازالت تعاند باعترافها بحقيقة ميلها له.. وحبها الكبير له..!! وكان فهد وطلال يم بعض وطبعا من يقدر يفرق بينهم.. واهمه عشرت عمر على الحلوة والمره.. وكانوا مواجهين بوخليفة وشهد من الناحية الثانية من حول الدووََة.. وبقية أخوانها قاعدين حولها مع عيالهم حول الدووََة.. كانوا يتكلمون عن سوالف القديمة اللي احصلت لهم والذكريات الحلوه والمضحكة.. ويشربون الشاي والقهوة وشاي لومي.. وبعد ماصار الهدوء وفجأة من بعد ماكان ساهي يتذكر سالفة جديمة.. ضحك طلال بصوت عالي وغمز لفهد وقاله : تذكر فهد يوم رحنا انقمبر ( القمبار : اصطياد القباقب أي السلطعون.. الكابوريا ) في الشاليه ومعانا شهد..؟؟..!! فهد تم شويه ويوم ذكر السالفة.. فقع من الضحك بصوته العالي الرجولي من تذكر السالفة واهو يطالع شهد ويقول : ههههههههههههههههههههههههه.. طلال تكفة لاتقولها ترى الذيبة بتشب علينا ضو.. هههههههههههههههههههههههههههههه..!! وشهد ويهها صار طماطة وعينها بعين طلال تحذره لايذكر السالفة بس طلال حب يغايضها لبسها وكمل : الله ياذيك الليلة يطري علي أيام ماكنا مجتمعين كلنا بالشالية.. ورحنا انا وفهد والعصعص شهد.. (( اهني ضحكوا الكل على كلمة العصعص شهد )).. وكان عمرها على ماأظن ست اسنين او خمس موذاكر عدل.. وكانت شهود بذيك الأيام معاها لدغة بحرف الراء إذا تذكرون (( طبعاً ذاكرين وكلهم اضحكوا )).. قلت لفهد اشرايك نطلع قمبار الليلة.. وطبعا لازم العصعص ويانا وين مانروح.. انا وفهد لبسنا عزكم الله الجواتي الربل.. والأخت لأنها متمردة وراسها يابس ارفضت تلبس وحذرناها بس الراس ايبس من الناريلة ( ثمرة جوز الهند ).. (( واضحكوا الجماعة )).. وجبرناها علشان اتييب جوتيها الربل وتلبسه قبل ماتدش.. ومن عنادها قامت وحذفته بالبحر وعندت.. عصبت عليها وقلتلها ماتيين ويانا.. وردت أصلاً مو على كيفك ماتوديني.. أنا بغوح مع فهد أقمبغ (( أنا بروح مع فهد أقمبر )).. ( وكان طلال يلقد طريقة كلام شهد بالدغة ).. قلت لها كيفج على هواج بس إن صابج شي ماني مسئول عن اللي يصيبج وحتى فهد ماله شغل.. قالت انزين.. نزلنا انقمبر.. والأخت قالت ماني شايلة السغاي.. (( السراي ، السراج )).. أبي السيخ أقمبغ (( أقمبر )) معاكم.. وعطيناها السيخ.. واشوي إلا والصرخة شاقة اشقوقها من الأخت.. صدت قبقب كبيغ (( كبير )).. قلت حق فهد تلقاها الحين ماسكة شرْيِبْ ( الشريب من فصيلة القباقب ولكنه صغير جدا بالحجم ) وعلى بالها قبقب.. ورحنا لها أنا وفهد.. إلا السيخ ماسك بجوتيها الربل اللي احذفته.. (( اهني الكل فقع من الضحك عليها )).. وكمل طلال : ولاااا.. عقب ثواني افقعت بالصوت العالي من الصراخ.. آآآي طلول غيلي غيلي مادغي اشفيها تعوغني (( ريلي ريلي ماادري اشفيها تعورني )).. وركض لها فهد كان الأقرب لها ورفعها من الماي.. إلا اصبع ريلها العود مجلب فيه قبقب بعضاعضة ( كلابات ).. (( الكل ضحك من السالفة حتى ادمعت عينهم.. وبوخليفة اكثر واحد فيهم ضحك )).. طبعاً شهد ابتسمت بالغصب مع انها انحرجت بس خشتها لهم.. وحب فهد يلطف الجو على شهد اشوي وكمل : وتذكر لما أمي طيبة تشوي لنا القباقب شتسوي فيهم شهود..!! أهني شهد تذكرت واهي اللي اضحكت من قلبها على اللي كانت تسويه....!!! وكمل فهد : منى كانت تخاف من القباقب وماتحبهم.. وكانت شهد اتقطع عضاعض القبقب وتحطه ابحلجها وتقلد القبقب.. وتروح عند منى وتخرعها وتراكض وراها.. ومنى صراخها يشيل وتراكض بالحوش.. ههههههههههههه.. وشهد اتم تلاحق فيها بالعضاعض وتركض وراها.. (( واستمر الضحك على سوالفهم ))........ بس السالفة مابردت قلب شهد وحبت تنتقم من هالأثنين بهالوقت.. وقالت : اتذكر لما رحت مع طلال وفهد لدكان عوض بالعيد عشان نشتري تشراقي.. (( شلق، طراطيع، العاب نارية )).. (( فهد وطلال افتحوا عيونهم على شهد واهمه يطالعونها بنظرات تهديد.. بس شهد طنشت لأنها كانت بحماية أبوها واخوانها الكبار )).. وشرينا تشراقي.. وقوم يافهد وطلال شافوا قطوه صغيرة أمسكوها وربطوا التشراقي بذيلها..... واهني قطعها طلال يكلمها بتهديد : شهــــــدوووووو..... بــس خــلاص لاتكمليــــــن... بوضاري : وليش ماتكمل خايف من شي..!! يُبه شهد كملي ولا عليج منه.. شهد ونظرة الانتصار بعينها وكانت تطلع طلال بهالوقت وطلال يأشر لها بالتهديد بأصبع إيده.. عشان ماتكمل وتسكت.. ولكن شهد طنشت وكملت وكل العيون تتحرك عليها وعلى طلال وفهد : إيـه.. وقاموا ولعوا بالتشراقي اللي اربطوه ابذيل القطوة.. وتقوم القطوة المسكينة.. وتراكض من الخوف يمين ويسار وتناقز.. وتقوم تدش بــ..... قطعها فهد ابصوت ناعم بس ابتهديد : شهد حبيبتي بس خلاص قلنالج.. ابد وشهد ونظرة التحدي بعينها وعلى ويهها.. امطنشه عالآخر وعمك اصمخ وكملت : واقولكم وتقوم القطوة المسكينة وتدش بدار أمي طيبة.. ومع تفرقع التشراقي والشرار اللي يطلع منه ولعت الغرفة وشبت نـــــــــــــــار...... اهني الكل انصدم وانبهت من المعلومة اللي ماكانوا عارفين سببها بذاك الوقت.. وكل الأنظار توجهت على الأثنين المجرمين.. طــــــــــــــــــــــلال وفهــــــــــــــــــــــــــد.. وعيون الأثنين منصبه على شهــــــــــــــــــــــــــد بالتهديد والوعيد..!!! وشهد على ويهها ابتسامه ماكره.. لأنها حست إنها خذت بثارها من هالسالفه..!! بوخليفة : ايـا اللــي ماتستحــــون وهذا كنتوا كبار ومنتوا يهــــال وسويتوا جذي.. وخليتونا نتهم الخدامة المسكينة بأنها هدت المبخر تحت الثياب لين احترقوا.. وطلعتوا انتوا سبب الحريجة ياجليلين الخاتمة..!! طلال وفهد ووجيهم صارت طماطة من الأحراج.. وشهد كانت تطالعهم بكل شماته.. وتتشفى فيهم على اللي سووه فيها من قبل والتهديدات اللي يتها من قبلهم علشان ماتخبر أحد.. آآآآخخخخخ وياما مسكها طلال من اذنها يهددها عشان ماتتكلم.. وياما سوالها أفلام رعب ويربطها علشان ماتفتح السالفه لأي أحد.. وياما وياما..... : : وطبعاً ختامها مســــــكـ على مايقولون.. بس شهد أقلبتها ختامها زفــــــــت على راس طــــــــــــــلال وفهــــــــــــــد.. واللي احلفوا انهم ينتقمون منها ومن لسانها الطويل.. هههههههههههههههههههه..!!!!!!!!!!!!!!! واخلصت الأمسية الجميلة والتعيسة بنفس الوقت على طلال وفهد من الكلام والتوبيخ اللي نابهم من الكبار وابوخليفة.. والكل دخل داخل البيت وراح لغرفته.. واهني شهد طبعا مافاتتها نظرات التهديد والوعيد بعيون المجرمين طلال وفهد.. فطلبت الحمايه بأخوانها الكبار.. بوناصر وبوضاري كانوا مرافجينها لغرفتها.. وبوضاري يتوعد بطلال وفهد ويقول لهم : إن لمستوا شعره من راس شهود.. ترى ماتلومون إلا نفسكم.. وخصوصاً إنت ياطليِل..!! طلال وفهد ماسكين ضحكتهم.. ويمشون ويقولون : يــاك المـــوت يــا تــارك الصــــلاة.. بوناصر : خلي وحدة من البنات تنام مع عمتها.. لأني داري بطلول ماراح يعديها.. هههههههههههههه.. شهد من اوصلت وقفت عند باب الدار وشكرت اخوانها الكبار وعينها مليانه من التشفي والضحكة الخبيثة على طلال وفهد.. ووجهت كلامها لأخوانها الكبار بس عينها على طلال وفهد اللي قاعدين متربصين لها بالصالة وتقول : لاااااا مافي داعي انادي أي احد من البنات خلهم يرتاحون بغرفهم.. وانا بقفل الباب علي ومايقدرون يسون لي شي هالأثنين.. هههههههههههههههه.. وبصراحة هذا يزاهم واقل من يزاهم بعد.. طلال من الصالة يتهدد بطريقة مسرحية : حسناً يا أم لسان.. إن لم استطع الانتقام منك الليلة.. فموعدنا صباحاً.. واليس الصبح بقريب ياقطوه.. هههههههههههههه..!! قاموا يضحكون أخوانها على طريقة طلال بالتهديد.. لأنهم عارفين طلال مايسكت لين ياخذ بثاره.. وطبعاً عارفين إنه لايمكن إنه يأذي أخته بأي طريقه.. ولكن يسوي فيها مقلب أو أثنين وهذا طبع طلال..!! وتطمنوا أخوانها الكبار عليها يوم وصلوها لغرفتها واقفلت باب على روحها.. وبعد نص ساعة شهد ياها الطرق على الباب بدون رد.. وعرفت شهد بأن طلال وفهد ورى الباب.. وقالت لهم بصوت فيه ضحكة وعالي : ماتسوى عليكم أهد بالصراخ وألم الكل عليكم.. يــــا... مجرميـــــــــــــن.. واسمعت صوت ضحكهم من ورى الباب.. وقال لها طلال : هيــــن ياشهــيْد.. بــاجر بتشــوفين شللي بييج مني ياأم لســـان..!! وسمعت صوت تكفخ من ورى الباب.. حطت اذنها عشان تتسمع عدل.. وسمعت فهد يهدد بطلال وبصوت هامس ويقوله : هــيْ إنت شهــــود مرتي وتهددهـــا جدامي بعد..!! طلال : اشوف بتبيع أخوك ورفيج عمرك علشان شهود القطوه..!! ومن ورا الباب ردت شهد : لاتقول قطوه تراني اسمعك يالمجرم..!! طلال وفهد : ههههههههههههههههههههههههههههه.. كمل طلال : إلا قطوه وريلج عتوي بعد.. وقام فهد ضرب طلال على راسه بالعدال واهو يضحك ويقول : هي محد يقول عني عتوي غير قطوتي.. هههههههههههه.. وقام يتناجرون مثل أيام طفولتهم ويتصارعون.. وكأنهم ردوا يهال وبالضحك شايلين المكان.. وسمعت شهد اصواتهم تتباعد وكلن راح غرفته واهي تبتسم من ورى الباب.. : : : : : : يـتـبــــــــــــــع |
وباليوم الثاني شهد مانزلت لتحت الا من بعد صلاة العصر يعني المسكينة في بالها إنه المجرمين بينسون سالفت انتقامهم منها وتنجوا من العقاب..!! وقبل لاتنزل شهد من غرفتها.. اتصلت من موبايلها على منى وخذت منها الأمان بخلو الساحة من طلال وفهد.. وخروجهم لبرة المزرعة.. وانزلت شهودة بكل ثقة وامان واطمئنان للصالة اللي تحت.. وقعدت سولفت مع منى شوي وراحت تتغدى.. وعقب اطلعت تتمشى بالمزرعة بعيد اشوي من ورى الأصطبلات بس مو صوب الخيول لأنها تخاف منهم من عقب الحادث.. وهناك فيه مثل المدرج الصغير ست دريات ( درجات ).. وعلى شكل سلالم كانت تحب تقعد من وهيه صغيرة.. فراحت تتمشى لين اوصلت لأعلى المدرج وكان واطي موبعالي ارتفاعه متر ونص تقريباً.. واقعدت على اعلى المدرج من فوق.. يعني اللي يمر عليها من ورا الجدار يشوفها وكأنها قاعدة على الطوفة ( السور ، الجدار ) بس اقصيرة ومو وايد عالي.. والشمس بدت تميل اشوي ناحية المغرب.. وشهد كانت سرحانة بأفكارها.. وتحاول تتذكر أمها نورة متى بالضبط توفت.. وكان في بالها إن أمها توفت أيام الغزو.. وتذكر عدل بأن أمها كانت مريضه جداً خلال هذيك الفترة.. بس ماتتذكر شلون ماتت مع إنها تذكر أخوها سلمان واشلون استشهد.. وكان أيام الغزو بعد تذكر تفاصيل كل الوفاة والحالة اللي مروا فيها.. وإن أمه نورة كانت عايشة بذيك الفترة.. بس ماهي قادره تحدد عدل أو تجزم بالأمور.. لأن كلما بتيي تتذكر أي شي يخص أمها نوره ووفاتها.. يصير فكرها مشوش ومثل الضباب يحجب الصورة عن ذاكرتها.. وهالشي يخليها بحالة عدم الاتزان والتذبذب ويضيق صدرها.. لأنها بخاطرها ودها تتذكر أمها نورة خصوصاً بآخر أيامها.. بس ماكو فايدة وتزيد حريتها..!! انزين ليش ماتذكر وفاة أمها مثل ماتذكر وفاة أخوها..!! وعلى سرحانها وأفكارها ماحست بالقبضة القوية اللي التفت على خصرها وتجرها بقوة.. وترفعها من المدرج لمكان غير ثابت وعالي جداً.. والريح من كل مكان تضرب فيها..!! ومومستوعبة باللي صار..!! حاولت تبعد شعرها الطاير على وجهها..!! وماكانت تقدر لأن شعرها طويل وكان يطير ويدخل بعيونها ويضربها على ويهها.. وحاولت تثبت نفسها على المدرج اللي قاعدة عليه.. بس المدرج اللي قاعدة علية موراضي يثبت كان يتحرك ويهتز ويدج دج..!! وصوت شي يركض مثل الحوافر تضرب بالأرض وكان الصوت يبث في نفسها الخوف..!! ارفعت راسها تبي تستوعب شللي صار..!! ورجعت تحاول تبعد شعرها عن عيونها.. وتلف براسها واللي كان يهتز بشدة على يمينها.. وتشوف نفسها لازقة بحاجز دافي وريحته مميزة وتحبها..!! ارفعت راسها ونظرها لأعلى الحاجز تبي تعرف شنو ومنو وليش..!! وشافت عيون داعجة تطل عليها بكل فرح وتناظرها بكل محبه.. وويهه الأسمر الوسيم اللي كله رجوله طاغية.. والأبتسامة على شفاته مبينه صف اسنانه المرتبة والبيضة واللي تزيد من جماله ووسامته.. استغربت الوضع وحاولت تطالع حوالينها بس الأرض تتحرك وتجري من تحتها بكل سرعة..!! ولفت ويهها ليسارها تبي تطالع جدامها وشافت رقبة طويلة لونها بني محمر عليها راس كبير وله اذنين طوال.. هذا الرااااااااااااااااااس مو بغريب عليها.. هذا الراااااااااااااااااس يبث الرعب بقلبها.. هذا الرااااااااااااااااس ماتدري ليش من عقب عشقها الجنوني له كرهته كره العمى.. هذا الراااااااااااااااس اللي ياما لمته وامسحت عليه وتبث فرحتها بأذانيه الطوال من وهي صغيره بس الحين ترتعب حتى من النظر له.. هذا راااااااااس الحصـــــان اللي فهد جرها وحطها جدامه مثل أيام الطفولة وركبهـــا على ظهـــــــره..!!!!!! واهني بدت تنتفض وترتجف وتصلبت من الخوف..!! حس فيها فهد وحاول يطمنها بأن يضمها أكثر لصدره.. وضغط على خصرها اللي محاوطه بإيده اليمين وماسكها عدل علشان ماتفلت وتطيح..!! ماكان عارف بخوفها من الخيول من بعد الحادث..!! وكان حاط في باله إن بيراضيها مثل أيام الطفولة.. لما يزعلها ياخذها على ظهر الحصان علشان ترضى عليه.. وزاد من سرعة الخيل والتشنج بدى يغزو الاطراف عند شهد وبدت تتنفس ابصعوبة..!! ولفت شهد نفسها على صدر فهد واتحاول اتخش ويهها فيه وتتمسك بجسمه من الخوف..!! وماحست لما اغرست اظافرها بجسم فهد..!! اهني فهد وقف الخيل بسرعة واهو مرعوب من حس بأظافرها مغروسه بكل قوة في جسمه.. نزل راسه يشوفها عدل وكان جاهل بللي جرى لها وماسمعها من صوت حوافر الخيل وصوت الريح..!! وقفز وهو حامل شهد بين ايدينه ينزلها من على ظهر الخيل..!! وحطها بسرعة على الأرض وحاول يشوفها ويفحصها..!! وبسرعة دق على طلال من الموبايل وصرخ عليه يقوله : طلال بسرعة تعالي بالسيارة من بعد التلة ورى الأصطبلات برى المزرعة.. وييب معاك جنطة الفحص.. شهد متشنجة علي ولاتتأخر.. وقفل الخط.. وقام يهدي بشهد ويحاول يدفيها بتدليك اطرافها لأنها صارت باردة وازرقت.. حط راسه على صدرها يسمع ضربات قلبها وشلون كانت مضطربه.. وتمت على ماهي عليه طول ماكان الخيل بقربها.. وهالشي فهد ماكان يدري عنه..!! وبدا يكلمها عشان يطمنها : شهد حبيبتي لاتخافين انا معاج.. قوليلي شللي تحسين فيه..؟؟!!!! شهد : ..................................... ............................................ ................................................ فهد : شهودة حياتي شوفيني.. (( وكان يطبطب على وجهها.. واصابع ايده الثانية على نبضها.. وعينه على حركة صدرها وتنفسها ))..!! وعين شهد كانت منصبه على الخيل اللي جدامها وثابته بكل رعب وماتتحرك.. وصل طلال بعد ست دقايق من اتصال فهد.. ومن شاف الخيل وقف السيارة بكل سرعة ونزل الجنطة لفهد وصرف الخيل.. ورجع عند فهد وشهد وتكلم وكان صوته كله خوف : انت شمسوي.. وليش الحصان قريب منكم.. انت ماتدري ان شهد اتخاف من الخيل من عقب الحادث....؟؟؟؟ ومارد عليه فهد.. وابسرعة شال شهد اللي أغمى عليها للسيارة.. وتمت ابحضنه على الكشن ( المقعد ) الوراني واهو يصرخ على طلال: ردنى المزرعة ابسرعة.. ونقلوا شهد للمزرعة وفهد يحاول يصحي شهد.. وتحت انظار الجميع المذهولين..!! نقل فهد بسرعة الريح شهد لغرفته ومعاه طلال.. وعطاها أبرة مهدئ.. وبعد ثواني استرخت كل العضلات المتشنجة بجسمها وراحت في سبات عميق....... رد فحص نبضها وتنفسها وكان طبيعي.. خلاها بسريره نايمة مثل الطفلة وغطاها.. بعد ماأخذ نفس عميق.... وراح لطلال اللي كان واقف يراقبه وقلبه يرجف من الخوف على اخته وحبيبته الصغيره.. اسحبه فهد من إيده وتلاه ( جره بخشونه ) لبره الغرفة..!! واعصابه كانت شابه نار وبدى يزئر مثل الأسد بوجهه طلال : ليــــــش ماخبرتني ياحمــــار...؟؟ ليـــــــش ماقلتلي من قبل عن خوف شهد من الخيول يالحيـــــــــوان..؟؟ طلال وبكل يأس وخوف : انــا.. انــا..!! يمكن نسيت أخبرك بذاك اليوم عن خوف شهد من الخيول عقب الحادث.. بـ....!! فهد وعيونه صارت حمرة من القهر والأعصاب قطع كلام طلال وقال : واشلون تنسى شي مهم مثل هذا يالبلـيد..!! انت ماتدري شهد كان ممكن تروح فيها اليوم وكله بسبب غبائك ونسيانك..!! طلال : فهد اشفيك علي الله يهديك.. شهد أختي ولايمكن إني انسى شي يخصها.. أو سبحان الله نسيت من غير قصد أخبرك عن سالفة الخيل..!!!!!!!!! واهني قطع عليهم الحجي التفاف الأهل من حولهم يستفسرون عن اللي صار واستوى وعن صحت شهد..!!! فهد التفت عليهم وماكان مسيطر على اعصابه من اللي صار وطالعهم بنظره مقهوره.. ترك العائلة المصدومه وعلامة الاستفهام مرسومه على وجيههم.. ورجع الغرفة عشان يتطمن على شهد ويهدي نفسه.. دخل فهد الغرفة وسكر الباب وراه واقفله عشان محد يدخل ويزعج معشوقته النايمة مثل الملاك.. وقام فحصها وتطمن على كل الأمور.. وتم قاعد يمها يناظرها ويحس بالذنب وتأنيب الضمير على اللي استوى لحبيبة قلبه.. ومسح بيدينه على راسه يرجع شعره لي ورا.. واهوه يتنهد بعمق وبآآآآآهاااااات ألم تعصر فؤاده ودموعه تارسة محاجر عيونه.. وقام دخل الحمام وانتوا بكرامة وتوضأ لصلاة المغرب اللي أذن.. صلى المغرب وتسنن ودعى ربه بأن يمن بالشفاء على حبيبته شهودة..!! وبعد ماهدئة اعصابه وخلص صلاته.. قام فهد وفتح باب الغرفة وطلع لكبار الأهل واللي كانوا مجتمعين بالصالة الفوقية.. وراح يطمنهم على شهد وبستقرار حالتها.. وحمد ربه يوم انه فكر اييب معاه بعض الأدوية للأسعافات الضرورية والمهدئات بآخر مرة نزل فيها الديرة..!! وستمروا الأهل قاعدين بالصالة الفوقية واهم قراب من شهد عشان تكون تحت الملاحظة الدايمة من قبل فهد..!! وبعد ماخبرهم بللي صار معاه والصدمة اللي استوت لشهد..!! واهني طلال اعترف بذنبه بأنه نسى يخبر فهد بشي مهم مثل هذا.. وخصوصاً إن شهد كانت معروفة بحبها للخيول من صغرتها..!! فهد بصوت مهموم : بس شالسبب اللي خلى شهود تخاف من الخيل.. وأنا اللي أعرفه إن روحها متعلقه بالخيول من صغرتها..!! رد عليه بوناصر : الشاحنة اللي ادعمت فيها شهد كانت محملة بالخيول.. وعلى قولت الشهود اللي حضروا الحادث.. إن الخيول من الربكة والخوف صارت تركض على حطام سيارة شهد.. فهد اللي سمعه شي يخلي شعر راسه يوقف من الصدمة واقشعر جسمه من تخيل شكل الحادث وشهد داخل السيارة المعدومة.. واشلون الله نجاها من الموت المحتوم..!! شاهين كمل على كلام بوناصر من شاف ردت فعل فهد والصدمة وألف سؤال كان يدور في باله قاله : حتى احنا منذهلين بللي صار ومحنا عارفين بالحقيقة الكاملة بللي جرى.. وكل شي عند شهد.. وشهد مثل ماأنت عارف فاقدة جزء من ذاكرتها.. وماتذكر أي شي عن الحادث..!! فهد يوجهه كلامه لعمه اللي الهم كان باين وايد على ويهه : وعلاجها النفسي ليش اهملتوها..!! رد بوناصر : شهد من بعد الغيبوبه افقدت الثقه بكل الأطباء.. وصارت تخاف منهم.. ونفسيتها كانت محطمة بالكامل.. وماقدرنا نرجعها على طبيعتها إلا بالقرايه عليها وبالتناوب.. وسبحان الله مع المواضبه على شرب ماي زمزم والرقية.. هدت نفسيتها شوي بس صارت منعزله عن الغرب.. وتمينا معاها على هالحال لأكثر من سنتين.. وطول هالوقت شهد ماتطلع لأي مكان غريب عليها.. وماتقابل أي أحد غريب حتى أهل أمها رحمة الله عليها قاطعتهم.. وأمك الوحيدة فقط اللي تشوفها وتقابلها من أهل أمها.. تموا ساكتين كلهم وعيونهم ضايعه بالفراغ.. لين أذن العشاء وراحوا علشان يتيددون ( يتوضؤن ) ويصلون جماعة.. : : : : اسمتر فهد سهران على متابعة حالة شهد.. وكان من زود الخوف عليها يفحصها كل ساعة ومن شاف حالتها مستقره خلى فحصها كل ساعتين.. وكان يقيس فيهم ضغط الدم والحرارة ويتابع انتظام نبضات قلبها.. وكان معاه طلال ماتركه من احساسة بالذنب ناحية اخته الحبيبة شهد.. وكانوا بغرفة فهد يقرون على راسها القرآن.. وأحيان يتكلمون ابصوت واطي وتموا على هالحال طول الليل.. ومن بعد صلاة الفجر نام طلال على القنفة الطويلة.. وفهد تم صاحي يراقب شهد واهو على السرير نصف منسدح يمها ومتكئ على كوعة اليسار عند راس شهد وساند راسه على السرير.. وبيده الثانية يمسح على راسها وشعرها.. وشهد نومتها المفضلة على جنبها اليمين.. ودوم تستخدم مخدتين وحدة تحت راسها والثانية تلمها بالطول ومرات تثني راسها وتحطه على المخدة اللي لامتها ( حاضنتها ) بالطول.. ونومتها معروفة عند الأهل بالربيانه.. أي تكون ثانية ركبتها مثل وضع الجنين في بطن امه.. فهد كان يناظرها طول الوقت واهوه مبتسم لشكلها الطفولي والبريء.. ومن نومتها تبين إنها ماتحس بالأمان.. فأتخاذ هذي الوضعية في النوم يعطيها الأمان نوعا ما.. واللي لاحظه عليها بأنها تنام على وضعية وحده وعلى جهة اليمين لفترة طويلة ومن بعدها تلف على الجهه الثانية اليسار بس لفترة قصيرة وترجع مرة ثانية لوضعية الجنين على جهة اليمين.. وطبعا كان يخزن كل هالشغلات حتى طريقة نومها بمخه.. من كثر مايحبها ومتولع فيها كان بوده يعرف ابشنو تحلم وتفكر..!! لك... أأأأخخخخخخخخ على الحب شو بيهبل..... غفى فهد على الساعة 6:45 الصبح.. وعلى الساعة 8 الصبح كانت أم خليفة داشة الغرفة تطمن على شهد.. ومن شافت شكل فهد التعبان وهو متكي ومو نايم عدل.. وراسه بوضعيه خطأ.. راحت صحته علشان ينام في غرفة شهد واهي عارفة بأن فهد راح يرفض.. بس قلبها ماطاوعها تشوفه نايم بهالوضعية الغير مريحة وهو طول الليل سهران على متابعة حالة شهد ومانام.. أم خليفة وبصوت واطي وحنون : فهد.. فهد قوم يُمه رَيِحْ ونام بغرفة شهد.. انت من البارحة وانت سهران ومانمت بالمره..!! فهد فز من نومه بسرعة : هلا يُمه.. لااااا أنا مرتاح جذي والحين لازم أرد وافحص شهد واتطمن عليها.. انتي قَوْمَي طلال خل يروح غرفته وانا بنام على القنفة بمكانه ومافي مشكلة يُمه.. أم خليفة : بس لازم ترَيِّحْ جسمك ونومت القنفة ماهي بمريحة يُمه..!! فهد : لااا لااا عادي يُمه القنفة مريحة ولاتحاتيني انا بخير وشهد كلها ساعات وتقوم إن شاء الله وهي بخير.. أم خليفة : الله يسمع منك ياوليدي.. ويعطيك العافية على اللي سويته لشهد..!! فهد : يُمــه الله يهداج شهالكلام..؟؟!!! انا ماسويت شي لشهد.. وانتي عارفه شهد شنهي بالنسبة لي ومايحتاي أقولج..!! أم خليفة : أدري يُمه.. من غير ماتقولي.. وان شاء الله ربي يسعدكم ويهنيكم ويرزقكم بالذرية الصالحة.. واشيل اعيالكم وافرح فيهم يارب... ويشفي شهد ويقومها بالسلامة اللهم آمين.. فهد : اللهم آمين... إيـــه عفيـه يُمه كثري كثري من هالدعاوي الزينه ترى محتاجينها.. وخصوصاً انا... ويِعَديْ جميع الأمور على خير يارب.. أم خليفة : إن شاء الله يُمه الله يعطيك على قد نيتك.. ويفتحلك ابواب الرزق والسعادة أنت مع شهد.. وأنا بقوم أصلى الضحى وادعيلكم يُمه.. وبعدين أجهز الريوق واقعد عمك المسكين توه رقد من كثر مايحاتي شهد.. وكان طول قايم يصلي ويدعي لشهد والعيال وياه.. اخليك يُمه الحين.. فهد : الله معاج يُمه وخلي طلال انا بقعده الحين.. أم خليفة : يالله يُمه وان جانك يوعان الريوق على الساعة تسع راح يكون جاهز..!! فهد : تسلمين يالغالية أنا ماني بيوعان ويمكن انام لي شوي بس صحوني على الساعة عشر ماعليج أمر يُمه إذا سمحتي..؟؟ أم خليفة : إن شاء الله وليدي.. حط راسك ونام وانا اللي بصحيك.. فهد : تسلمينلي يالغالية.. أم خليفة : يالله فأمان الله يُمه.. فهد : فأمان الكريم وبحفظه.. وقام فهد يصحي طلال عشان يروح ينام بغرفته.. وراح خذا العدة وفحص شهد وكل شي كان طبيعي ولله الحمد.. وحط راسه ونام على القنفة بعد ماتطمن على حبيبة قلبه.. : : : : الساعة 10:00 الصبح صحت أم خليفة فهد من النوم.. وراحت تشوف الغدا والعيال.. والحالة كانت كئيبة نوعا ما في المزرعة بعد اللي حدث لشهد.. قام فهد ودخل الحمام وانتوا بكرامة تحمم وتوضأ وصلى ركعتين الضحى.. وبعدها قام يفحص شهد وشاف كل الأوضاع طبيعية.. باسها على راسها وخش جنطة الفحص لأن يمكن سبحان الله تصحى.. والاحتياط واجب بهالامور.. ونزل اشوية تحت عند عمه عشان يتطمن عليه ويكمنه على حالة شهد..!! بهالأثناء قامت شهد من النوم واهي مومستوعبة اللي صارلها.. ومستغربة المكان اللي اهيه فيه.. واشوي اشوي قامت تستوعب المكان وعرفت انها في غرفة فهد وعلى سريره.. وكانت مستغربة شللي يابها اهني.. وبعدين طرى عليها اللي صار.. وارتجفت وبدت تسترجع اللي صار.. وقامت من السرير واهيه اتنافض من الخرعة كل ما اذكرت ونزلت ركض على تحت.. وشافت ابوها بالصالة اللي تحت وكان معاه كل أخوانها وفهد وحريم أخوانها والكل قاعد.. الكل انصدم من شوفتها بهالمنظر واهيه مخترعة وتنتفض.. وقام لها فهد ركض ولمها يحاول يهديها.. واقعدوا الجميع حولها عشان ينسونها ويهدونها.. وأبوها قام يقرى عليها قرآن.. وحست بالأطمئنان من سماعها لأبوها يقرأ القرآن و شوفت كل أهلها حوالينها ريحت نفسيتها شوية.. بس تمت لازقة في ابوها وفهد من الصوب الثاني يحاول يطمنها.. وشاف جسمها مازال متشنج شوي وكانت ترتجف.. وقام فهد ركض لغرفته وياب حبوب مهدئة وعطاها حبة ووكلها اياها بدون مايعطيها أي مجال للإستيعاب أو السؤال عن اللي وكلها اياه.. علشان ماترفض وتسوء الأمور.. ردت شهد حطت راسها على ريل أبوها ونامت مثل ماكانت تنام واهيه صغيرة.. وهالشي خلى بوخليفة وأم خليفة يبجون حالة شهد.. والكل يشفق عليها..!! خلوا شهد تنام بالصالة بين أهلها عشان لما تصحى.. تصحى واهي متطمنة وتحس بالأمان ويابوا لها الكمبل ( الحاف ) وغطوها.. ومر الوقت واليهال يلعبون برة بالحديقة ولايخلونهم يدشون داخل علشان الأزعاج.. وتموا الكبار قاعدين داخل بالصالة العودة عند شهد وحولها.. والحريم اللي مع عيالها.. واللي بالمطبخ يجهزون الأكل.. وحاولوا قد مايقدرون يخلون الأمور طبيعية علشان بوخليفة وأم خليفة وشهد بعد.. وبعد ساعة زمان كانت الأوضاع شبه طبيعية وردت الحياة على العائلة.. وبدوا يسولفون ويتكلمون والشاي بيالة رايحة وبيالة يايه.. وقامت شهد تفتح عيونها شوي شوي حاولت تنام بس ماقدرت.. وكانت تحس بزغللة ودوخه.. وشافها فهد لأنه قاعد يمها وعند راسها وعيونه عليها طول الوقت.. وطل عليها بابتسامة واهو يقول بصوت حنون : ليش قعدتي جان كملتي نومج عشان ترتاحين..!! وشهد تحاول تستوعب الشي اللي يتكلم عنه فهد.. وارفعت راسها واهي تحسه كأنه مو بمكانه.. وكأن راسها مو على كتفها.. وكأن راسها خفيف وبسرعة يطير.. وقالت بدون أي مقدمات : أنت شعطيتني مخدرات..!!؟ واهني الكل قام يضحك على كلامها.. واهي مازالت حاسة بالدوخة والزغللة.. وحاولت بتقوم بس شي مثل المويه ( الموجه ) القوية اللي تدزها ( تدفها ، تدفعها ) وماتخليها تركز وتثبت بمكان واحد : انا شاكة فيك إنك معطيني شي ممنـــــــــــــــــــوع.. وراسي ماني قادرة امسكــــــــــــــــــه.. وكانت طريقة كلامها صج تضحك.. وفهد حاول يمسكها واهي تقول : وخر عنــــــــــــــــــــــي.. أنت وطلول بتنتقمون منــــــــــــــــــــــــــــــي علشان فضحتكم بسالفت التشراقـــــــــــــي..!! طلال : فهد انت شمعطي اختي..؟؟ شكلها موطبيعي وجنها تهذي.. ليش تبيها اتخر كل خبايانا..!!! والكل ضحك حتى شهد كانت مثل السكرانه.. لأنه أول مرة تستخدم حبوب المهدئة..!! شهد : ههههههههههههههههههههههههه.. اتصدقون عقب الحريجة تدرون هالمخابيــــــــــــل فهــــــــود وطلـــــــــــول امسكونــــــــــي وهددونـــــــــــــــــــــي... يُبــــــــــــــــــــــــه ترى هههههههههههههههههههههههههههههههههههههههههههههههه والله والله مره افلعـــــــــوا ( شجوا راس ) عزوز ولد عبدالله يارنا ( جارنا ) وانحاشوا عقب ماياهم أبوه وهددهم.. والكل : هههههههههههههههههههههههههههههههههههههههههههه.. طلال : فهد لوسمحت شيل مرتك لاتفضحنا أكثر من جذي..!! فهد : خلها اتطلع اللي بقلبها كله.. بوضاري : أثاريكم سواد ويهه واحنا ماندري..؟؟ فهد : لااا لااا.. جني بشيلها من صج قمنا نصير سواد ويهه ياطلال.. يبا قومي شهودة.. وحاول يرفعها.. شهد : خلني يالعتوي.. يُبــــــــــــه.. شوفه كله يناجرني ويزفنــــــــــــــي..!! وراحت عند أبوها وحطت راسها على ريله واهي اتطالع بكل تحدي بعيون فهد وتقول : ههههههههههه بوحمد تدري من اللي باق سيارتك ودعم فيهــــــــــــــــــــــا.....؟؟ طلال قام يطالع فهد : أقول قوم شيل مرتك أحسن لك لاأشيلها الحين واقطها في برجة السباحة ( بحمام السباحة ).. شاهين وخالد : ههههههههههههههههه.. يوم طلعت فضايحك بتقلها..!! شهد : خلنــي أفتن عليكم بعد ماقلت اللي ابيه.. يُبـــــه ترى انا شفت مشاري وسلمان اليوم.. بس أمي نورة أدور عليها مالقيتها.. ماأدري وين راحت..!! والكل سكت وانصدم من اللي قالته وقام يطالعها..!! فهد وهو يحاول يشرح لهم : ترى عادي اهي بحالة هذيان عمي.. انا بشيلها فوق قبل لاياخذها طلال وينفذ تهديده..!! وقام فهد شال شهد تحت استغراب ابوها واخوانها باللي صار لها.. وشهد واهي تحاول اتملص من ايدين فهد.. وماكانت تبي تروح معاه.. بس شاهين كان وياه مع طلال.. صعدوها فوق لغرفتها مع فهد.. وحاول فهد إن يخليها تنام على مايروح تأثير المهدئ بس لاحياة لمن تنادي.. شهد عيت لاتنام وقامت اتهذي واتهذر على راس فهد وطلال وشاهين.. واهم قاموا يسايرونها لين ماطيحت راسها على المخدة ونامت مثل اليهال.. شاهين : فهد انت شعطيت شهد اللي صارت تهذي..؟؟ فهد : حبة مهدئ من النوع الخفيف.. بس الظاهر من كثر ما تشرب القهوة.. الحبة مايابت مفعولها عدل وخلتها تهذي بدل ماتنام..!!! طلال : أشوه انها ماخرت بقية جرايمنا قبل.. والا جان طحنا من عينهم مره وحده..!! الكل : ههههههههههههههههههههه.. شاهين : انا ودي اعرف شنهي خباياكم انتو الأثنين..؟؟ واللي مشركين فيها شهود معاكم يالمجرمين..!! طلال وفهد اضحكوا وكمل طلال : شهود قبل تعرفها كله لازقه فينا انا وفهد.. والأخ كان يدللها ومايرفض لها طلب لااا ويثق فيها بعد.. عشان جذي قامت اتطلع فضايحنا.. وهذا كله منك يافهيدان..!! فهد : ههههههههه.. تستاهل.. عيل المسكينة اتحذرك ذاك اليوم ولاتفضحها ابسالفة القمبار.. وقمت ضحكت عليها الكل.. قلعتك اكلها الحين.. طلال : اللي يسمع جنك بريئ ومو مسوي شي ماجنها افضحتك وياي..!! فهد : ههههههه.. عادي حلالها.. وعسل على قلبي..!! شاهين : المشكلة يافهد انك امرافج مجرم حرب اسمه طلال الــ..!! فهد : اسكت عاد حدك عن طلول.. هذا أخوي وأعز مافي الدنيا على قلبي.. وانا واياه على الحلوه والمره.. بس لما ايي صوب شهود انا ما أعرفه واقلب ضده..!! طلال : هههههههههه.. ايا النذل اتبيعني عشان بنت ياولد..!! فهد : بنت ابعينك.. هذي عمتك وشيختك شهد.. واللي يعارضني أقوله ويَهَدْ.. الكل : هههههههههههههههههه طلال : الله يهنيكم ويسعدكم.. ويعدي المحنة على خير اللهم آمين.. الكل : اللهم آمين.. شاهين : اقول عن الهذرة الزايده وقوموا توضوا ونلحق على جماعة الظهر مع الأهل.. : : : : : : : ماهي توقعاتكم للبارت القادم..!! لا تحرموني من تواصلكم وردودكم الغالية علي خالص مودتي وتقديري لجميع احبتي أختكم المحبة لكم عذبة التجريح |
تسلم يداينك حبيبتي بس عندي اقتراح لك وش رايك تخلي الفصول ممتتابعه عشان لي تحبي تقراءيتسهل لها القراء وشكر لك وننتظر المزيد منك حبيبتي
|
السلام عليكم مشكروه ياقلبي على البارت اللي اكثر من رائع استمتعت بقراءته وايد وايد اوو اعتذر عن غيبتي من زمان ماعلقت انشغلت عن النت بس امانه ماي فقده(تحسين وحده واثقه من عمرها من مدح نفسه يبيله..............) حبيت انتقام شهد من العصابه طلال وفهد حبيت حنيه ام خليفه اوو ابوها عليها حتى طلال اممممممممم توقعاتي مادري بس احس شوي شوي راح ترد ذاكرتها خاصه انها اذكرت امها نوره او يمكن تعرف بالغلط انه فهد دكتور وتنقلب الدنيا فوق تحت ممكن ملاحظه بس عاد ملينا من المزرعه غيري الاماكن عشان مانمل يعني درينا مزرعه وناسه اوو كل شي بس احنا عارفين انه اليمعه ماتزيد اكثر من اسبوعين خلي يصير شويه اكشن بس امانه لا تزعلين من ملاحظتي يعطيج الف الف عافيه ياقلبي |
اما شهود نزلت فضايح .....
اتاري طلول وفهود عصابه وما حد داري عنهم (( تشان زين )) خلوها تكمل تنزل فضايحهم عن جد بارت غريب وعجيب (( تعالي أحاتشيش )) عجبتني فكرة ذكرك للمصطلحات الي تستعملوها عندكم في الكويت (( الناريله ـ أنقمبر ـ القمبار ـ تشراقي ـ الكشن ـ القنفه ـ الكمبل )) ((تصدقين )) لو ما فسرتيها كنت مستحيل أفهمها (( وا عليا على شهود ))حزنتني لمن بدأت تهلوس وأفتكرت أمها الميته والله كسرت خاطري بالفعل بارت رائع و دمه خفيف تسلمين يالغاليه عسالله لا يحرمنا من إبداعك |
اهنيج على هالبارت اللي اكثر من رائع :)
ههه شهوده بهالبارت بدعت وكانت عسل وفجرت قنابل على فهود وطلول .. مممم اتوقع انه شهود قاعد تسترجع ذاكرتها شوي شوي .. ممممم فهود عسل وانشالله ما يتخلى عنها معنه قلبي يقول انه البارت الياي بيصير احداث تضيق الخلق . الله بعطبج العافيه وناطرين ابداعج :) تقبلي مروري .. اختج .. كويتيه :) |
سلمت يداكي على البارت الروعه كالعاده
|
حلووووو يسلموو كتير انا بخلي التوقعات للاعضاء الباقيين بس بقول انو الله يخليكي ويوفقك اكتر
|
مشكوره ماتقصرين على البارت والله يعطيج العافيه وتكملين القصه
|
:besm8dg4: :rdd12tf: وتسلـــــــــــــــمين على الرائع والحلو والبارت مره يضحك تسلم ايدج عليه :flowers2:والحين شهودي خخخـ : هل البنيه تحفه والله زين سوت فضحت فهود وطلول ههه >> طق الكلافه ويا حلوها واليوم ماشفنا طاري المعبوج :YkE04454: خاطري فيه >> :lol: فهيد >شيخ الريايل< : الله يكون في عونك اذا صادها تشنج الحين الله يعين اذا اعرفت انك دكتور بتروح فيها نصيحه مني اخذ لك كورسات في :7_5_120: ركض و :liam_shadowboxer_sc لان بتروح فيها وفديت حركة الخيل اقول صج شهد كسرت خاطري بس آآآآه عليها :uJl04657: صج اكشن كثري من اكشنات :1HQ05157::uJl04657: وطلول : يارب شهد اطلع كل فضايحك مع فهد اخ ههههههههههههههههههههههههـ :lol: :rdd12zp1::rdd12zp1: مشكوره على الابداع |
مشكوره على البارت والله يعافيك
|
اقتباس:
حياك الرحمن أختي الحبيبة اريام بس أختي اريام أنا مافهمت طلبك بالضبط..!! هل تقصدين أنزل رابط كل جزء بالتوقيع..!! وإذا كان هذا المطلوب غالي والطلب رخيص يالغلا وخالص محبتي وتقديري أختك المحبة عذبة التجريح |
اقتباس:
وعليكم السلام والرحمة أختي الحبيبة خطوات ورده الغالية والحمد لله على سلامتك أختي الحبيبة:flowers2: وبصراحة أنا فقدتك إي نعم لأنك كنت من المتواصلات معي وبعدين أختفيفتي وحتى في كذا وحده وعسى المانع يكون خير ويكونون بصحة وعافية اللهم آمين وبعدين مداح نفسه يبيله بوسه على خده وعلى الجبين... وهذا مني لك أختي الحبيبة :hR604426: بالنسبة لتوقعاتك... فيها .....!! وبعدين ليش مليتي من المزرعة.. وعائلة بوخليفة تقعد فترة العطلة شهر بالمزرعة والآكشن.. وكل هذا تقولين مافيه آكشن...!!:asd: الله يسامحك يالشيخة.. :Taj52: يابعد عمري أنا لاتفكرين بيوم أقدر أزعل من أخواتي وأنتي أختي :welcome_pills2: وبالعكس ملاحظاتكم تهمني.. وبالنسبة للمزرعة كلها فترة بسيطة وبيردون وينزلون الديرة لبيوتهم.. وصبري علي شوية وبتشوفين شللي بيصير...!! والله يستر.......!!!! وتسلمين يالغالية على تواصلك العذب وربي يسعدك ويوفقك ويحفظك من كل شر ومكروه اللهم آمين أختك ومحبتك عذبة التجريح |
توني نزلته
وان شاء الله اقراه واعلق افا عليج تصلحين ونص بعد اصلا الشيف رمزي مدري شسمه انتي احسن منه وم ايطلع شي جدامج<<<مصلحة عشان تظبطيلي فهودي وبقول فهودي دام شهد عطتني ياه تقبلي مروري |
هلا بالنور
تسلمين عاى هلابداع وحلاوة تصوير الاحاداث ودقة المشاهد نتظرك في بارت جديد وائع مثل ما عودتينا يوم الثلاثاء |
هلا بالنور
تسلمين عاى هلابداع وحلاوة تصوير الاحاداث ودقة المشاهد نتظرك في بارت جديد وائع مثل ما عودتينا يوم الثلاثاء |
واااااااااااااااي
عذوبة حرام عليج خفي علي شوي انا ما اقدر على هالابداع لاني لو تحجيت ما رح اعطيج حقج وانا ما احب اكون مقصرة بحق احد<<<والله من صجي ومو عشان تظبطيلي فهودي شكلج ما سمعيت كلامي وظغطتي على روحج وعصبتي وحطيتي حرتج بشهد بس زين ليات على مرض مو هوشة بينها وبين فهودي لاننا ماصدقنا تحبه وتتعود عليه نروح للشخصيات لاني لو كملت هذرتي ما رح اخلص لي باجر طلال ما رح الومك لاني ادري انك ندمان على الي سويته واذا هي شي ناسيه تذكره الحين وقوله حق فهد لاننا ماصدقنا تطيب وترجع شهد الاولية وانت بغبائك رجعتها للصفر صدقني ان هالكلام عشان مصلحتك ومصلحة اختك واني قسيت على قلبي وقلته<<<جفت ان ما في امل من فهودي وانه يموت بشهد وما يقدر يتخلى عنها قلت اهده بكرامتي واحول لطلولي جوف طلولي انا ادري انك تحب شهد اختك وتموت عليها عشان جذي بقولك شي واهو: صح ان اسمي بنت الكويت بس يدلعوني شهد وترا انا سمرا مثلها وشعري نفسها واحب المعبوج والطرشي واايد واشرب قهوة واايد وما احب آكل وضعيفة حيل نفسها<<<ولا شي منهم صح بس عشان طلال بسوي نفس شهد بس في شي وااحد غير واهو ان عندي ايدتين مو وحدة بس عادي انا استعمل اليمين بس واليسار معطتها طاف واذا شهد تستعمل ايدها اليسار خلاص انا استعمل اليسار واليمين معطتها طاف فشرايج عذوبة حبيبتي وعمري وحياتي وقلبي وكل شي حلو تخطبيني له؟؟ فهد حبيبي السابق صج ان فرق كبير بينك وبين طلال بس خلاص انا بحول لطلال واهدك ودام سعادتك مع شهد ومو معاي خلاص الله يوفقك انت وشهد ولا يفرقكم<<<يا جذي الحب يا لا والا شرايج؟؟ لا تلوم نفسك لانك ما كنت تدري ان شهد تخاف من الخيل وانت كنت بتراظيها بس مثل مايقولون اجدادنا وآبائنا بدال لا تكحلها عميتها المهم بس بعدين تداركت خطأك وانقذتها شهد خطيرة هالشهد بانتقامج هاذا ما اعتقد يسونلج شي ولا يقولونلج شي طلعتي كل فضايحهم هالمساكين ولما جفتج وانتي سكرانة موتيني ضحك اكيد بتسألين روحج شولون جفتج انا بقولج الحين مو انا نسخة منج فبس اتخيل روحي سكرانة وخلاص<<<الحمد لله والشكر جذبت جذبة وصدقتها المهم مو تكرهين فهد عشانه ركبج الخيل لانه ماكان يدري ولا اقولج انسي انه سوا جذي ترا اهو ماركبج الخيل انتي كنتي قام تحلمين وبما انج ما سالتي اسئلة فانا رح اسال روحي واجاوب<<عادي من جفت طلال سحرني وينيت عقلي وقلبي وكلي معاه وانا الحين مو مسؤولة عن تصرفاتي احم احم بس مو بالفصحة لاني ابدع فيها ومو لازم تطلع فضايحي المهم شهد بيستمر حبها لفهد ولا بتخاف منه؟؟ اول شي بتخاف بعدين لما تجوفه يحبها ويحسسها بالامان بترجع تحبه ويا ويلج لو خربتي عليهم شهد رح تقدر تتذكر امها نورة؟؟ اذا حبت فهد رح تحب الدكاترة وبعدين لازم تدري شنو صار فيها بس قبل لامز ترجع ثقتها بتفسها فرح يقولونلها او يودونها لطبيب نفسي وتتعالج طلال سيتزوج بنت الكويت شبيهت شهد ام لا؟؟؟ اكيييييييييييييييييييييد رح يجوفني ويطيح بحبي وغرامي وتيي شهد وتخطبني له وبنصير انا وشهد صديقات حميمات وبساعدها وارجعلها ثقتها لروحها جفتي شلون يعني بزواجي من طلال في ايجابيات واايد اول شي حياة سعيدة لطلال وانا ثاني شي عودة الثقة لشهد وذالك بمساعدتي ام خليفة رح تستانس ان طلال تزوج وفي بعد واايد ايجابيات ادري انج مليتي وقام تقولين اف متى تخلص ومادري شنو فانا بخلص بكرامتي احسن من ما تطرديني من القصة بس انا قتلج اني مو مسؤولة عن تصرفاتي وقد اعذر من انذر المهم مثل ما قتلج لاتظغطين على روحج وترا شهد مسكينة ويتيمة وما عندها احد فحطيها بعينج ولا تزعلينها تقبلي مروري |
اقتباس:
ههههههههههههههههههه.. حياك واسعدك الرحمن يالغالية كل الأمل الحبيبة أثاري عاجبك فضايح فهد وطلال..!! بس أهم شي إن البارت يكون عاجبك يالغالية وعلى هواكم.. وصبروا شوي بتشوفون العجب.....!!! وبخصوص المصطلحات.. أنا أحاول قدر المستطاع بأن أوصل الكلمات وأترجمها للجميع.. وأيضاً لبعض الكويتيين.. اللي وللأسف هجروا اللغة واللهجة القديمة واستبدلوها بالكلمات الحديثة والدخيلة..!! وإن كان فيه بعض الكلمات مرت علي ومافسرتها.. خبروني فيها وأعطيكم معناتها.. وتسلمين أختي الحبيبة والغالية كل الأمل على مرورك وواصلك الدائم ربي يسعدك ويوفقك يالغلا خالص محبتي وتقديري لك يالغالية أختك ومحبتك عذبة التجريح |
اقتباس:
حياج ربي يالغالية أختي كويتيه :) وشهود راح تبدع بكل بارت بس على طريقتها الخاصة..!! ومن ناحية الذاكرة يبيلها وقت على ماتسترجعها..!! بس يالغالية توقعج فيه من الصحة وراح تشوفين هالشي بالبارت القادم..!! والله يستر...........!!! خالص محبتي وتقديري لج ياغلاي ولاحرمني الله من طلتك وتواصلك العذب يالغالية أختك ومحبتك عذبة التجريح |
اقتباس:
الله يسلمك ويسعدك أختي الغالية همسه ود وتشكرين على مرورك وتواصلك ياعمري خالص مودتي وتقديري أختك المحبة عذبة التجريح |
اقتباس:
الله يسلمك ويحفظك من كل شر أختي الحبيبة الديراوية وتسلمين يالغالية على المرور وتواصلك العذب خالص محبتي وتقديري أختك المحبة عذبة التجريح |
اقتباس:
العفووو أختي الحبيبة لحن الحياه وربي يعافيك ويسلمك من كل شر يالغلا ولاحرمني الله من طلتك وتواصلك الجميل أختك المحبة عذبة التجريح |
اقتباس:
وعليكم السلام ورحمة الله وبركاته أختي الحبيبة آه يا زمن والله يسلمك يالغالية وبارك الله فيك على تواصلك الجميل وتشجيعك لي على التواصل ولاحرمني الله منك يالغالية وإذا خاطرج بالمعبوج.. عاد اليوم ماكله منه لين قلت بس.. أوووف والوالده بعد عمري مسويه مطبق زبيدي.. عاد تعالي شيقومني من السفرة.. أول وحدة طبيت وآخر وحدة قمت..:7_5_122: ههههههههههههههههههه.. وكل واحد من أخواني يمرني ويقول جنك قطو طايح على صيدة..:Taj52: هههههههههههههه.. وإذا تبين أطرش لج خوش معبوج.. فلفل أخضر بس يكفخ باليافوخ من حرارته.. وفهد لاتخافين عليه.. بس شهد هالمسكينه من وين تقدر على العتوي.. وخليها تطلع فضايح طلول مع العتوي.. لأنه هذا حدها الفقيرة.. وخالص المحبة والتقدير لك يالغالية أختك ومحبتك عذبة التجريح |
اقتباس:
الله يسلمك من كل شر أختي همسة المساء وتشكرين يالغلا على تواصلك ومرورك خالص مودتي أختك المحبة عذبة التجريح |
اقتباس:
ههههههههههههههههههه.. تسلمين يابعد عمري بنت الكويت على تشجيعج.. وخلاص عيل الشيف رمزي راح اطلعه من المستقبل وأقعد محله.. بس عسى مايحذفوني بره.. :57:ههههههههه.. وخلاص يابعد عمري دام تفاهمتي مع فهود.. وشهود تنازلت عنه.. عليج بالعافية يابعد عمري..;) وقصتي اليايه راح تصير عنج وعن فهود..ههههههههههه..:va126XN: ومرورج على عيني وراسي يابعد قلبي والله حياج ربي واسعدج أختك ومحبتك عذبة التجريح |
اقتباس:
هلا بالطيب الغالي عزيز وشوفتك منوه وعلى راسي يابعد عمري يا ام كايد الحبيبة وجزاك الله كل الخير على تواصلك وتشجيعك لي بكلماتك الحلوه والمحفزة أسعدك الرحمن ووفقك دوما اللهم آمين خالص محبتي وتقديري لك يالغالية أختك ومحبتك عذبة التجريح |
اقتباس:
ههههههههههههههههههه أنا ماضغطت على شهود.. وأنتي اللي قلتي بتتفاهمين معاها.. ومثل ماقلتي إنها تنازلت عن فهد سوري فهودج... هههههههههههه يابعد عمري يابنت بلادي الحبيبة بنت الكويت وجزاك الله كل الخير على كلماتك العذبة واللي بجد اعتز فيها وافتخر لأنها من بنت بلادي وأختي ويالغالية على راسي من فوق يابعد عمري.. وربي عسل.. تواصلك معاي ودمج خفيف.. بس أحب أقولج خلي طلال على كتر ماتبينه.. لأنه متزوج وعنده عيال.. بس شاهين راح يعجبج لأنه عازب.. وأقرب بالشبه لفهد..!! هاااااا شرايج....!! جني بصير خطابه...!! هههههههههههههههه.. بس توقعاتج.... خطييييييييرة يعني تبيني أخليج البطلة.. بس خلاص ولايهمج.. ومثل ماقلتلج الرواية الياية بتصيرين بطلتها.. ههههههههههههه.. ولاتخافين ماراح أحط فيها المآسي لا راح اخليها عسولة ودمها خفيف مثلج يالغالية والبطل طرشيلي مواصفاته.. علشان أدور بالكتالوج.. هههههههههههههههه بس لاتقولين مليت منج يالغالية.. بالعكس مرورج وتواصلج عسل ويسعدني ربي يسعدج ويحفظج من كل مكروه.. ويوفقج ويجعل النجاح حليفج بكل الدروب اللهم آمين خالص محبتي لج يالغالية بنت الكويت الحبيبة أختك ومحبتك عذبة التجريح |
عذوبه
اخبارك ؟عامله ايه ؟ عذوبه من الواضح انك دمك زى العسل البارت كان يجنن وخاصه حكايات وحودايت رجلى العصابات فهد وطلال )ههههههه الاتنين شربات بس تستاهل ياطلال حد قالك احكى حكايه شهد وهى تقمبر شفت وصلت لايه اهى فضحت الدنيا عند الاهل وبقى شكللك انت وفهد وحححححححححححش قدامهم كلهم بس برافو عليكى شهوده ما تسكتيش ليهم تانى. بس صعبت عليا وهى رايحه غرفتها فى حمايه الكبار . عارفه عذوبه انا شايفه ان شهد بدات تتحسن بدرجه كويسه يعنى حكايتها مع فهد وطلال كانت بدايه انها تخرج من المها شويه . اقتباس:
حادثه شهد مع الخيل الللى راكبه فهد ياااااه كانت فى منتهى الرعب بالنسبه لشهد ووصفك لحالتها كان رائع بس عايزه اسال ازاى الحادثه البسيطه ديه مع الخيل مااقدرتش ترجع ولو جزء من ذاكرتها ما فكرتهاش بحاجه خالص مجرد خوف وبس . اقتباس:
هذيان شهد كان مشكله وهى واعيه فضحت طلال وفهد وطب لما بتكون بتهذى ديه قلبت الدنيا عليهم . صعبت عليا لما سالت عن امها نوره هى فين ؟؟ شهد عندها كميه تساؤلات كفيله انها تخلى الذاكره ترجع ببطء بس مشكلتها ان عقلها رافض يعترف بالحادثه اللى حصلت خوف منها لانها اذا افتكرتها هتفتكر وفاه والداتها بهذى الميته البشعه , لما بتخيل الحادثه باقول الله يكون فى عون من بيمر بالتجربه ديه قدام عينه. . اقتباس:
بالنسبه للتوقعات اقول ان شهد بعد ما تصحى من نومها هتفتكر اللى عمله فهد وهتفضل زعلانه منه او لما تصحى تفتكر ولو احداث بسيطه مشوشه من الحادث اللى حصل لها يمكن تفتكر خطوط بسيطه زى لحظات هجوم الخيول علي سيارتها . ايه معنى الدووََة ( المنقل ) تقصدى مثلا مكان فى المزرعه نفسه يعنى فيه زرع وفى الهواء الطلق مثلا؟ تسلم ايديكى ياعذوبه ومعادنا النهادره |
اقتباس:
أهلا وسهلا بالحبيبة الغالية waxengirl وأنا بخير طول ماأنتوا بخير وصحة وعافية وإن شاء الله دوم آمين وبالنسبة لشهد فهي تحاول أن تأقلم نفسها لكن خوفها من المجهول والثقة المتزعزة لديها وكل الأمور سوف تنجلي لكم بالتدريج يالغالية.. لأن شهد مرت بفترة عصيبة جداً.. ولم أتطرق عن أسباب الحادث وماحصل بالحادث فهو بعلم الغيب لأفراد الأسرة ولايعلم به غير شهد.. وأمها نورة التي قضت نحبها في الحادث.. من بعد الله.. وشهد تحاول قدر المستطاع تذكر أمها نورة للهفتها عليها.. ولكن العقل الباطن يرفض هذا التذكير لسبب كبير في نفسها وسوف تعلمون ماهو مستقبلاً لأن شهد كلما حاولت تذكر الموضوع ترجع إلى نقطة الصفر.. وبالنسبة لأفراد أسرتها فهم لايخبرونها بما حدث على نصيحة الدكتور.. وجعلها تستعيد ذكرياتها من نفسها وليس من الغير.. وأيضاً بالنسبة للخيل في حياة شهد.. فهو مرتبط بالحادثة.. والشيء الكبير الذي يمنعها من أستعادة ذاكرتها هو أمها نورة رحمها الله.. وبالنسبة لنومت شهد فهي فعلا نومة أطفال.. ولقد أثبت بدراسات علمية على من ينامون بهذه الطريقة هم الأشخاص الذين لايشعرون بالأمان.. وأما أختي الحبيبة بالنسبة لسؤالك عن معنى الدووّة أو المنقل : فهو شواية الفحم الصغيرة فهي مصنوعة من المعدن.. ولها قوائم قصيرة.. أو طويلة على حسب الرغبة.. توضع بها الفحم وتستخدم للشوي أو للتدفئة ووضع الشاي والقهوة عليها عند العرب والبدو.. أرجو إني استطعت توصليل المعلومة لكِ أختي الحبيبة والغالية waxengirl وبارك الله فيك أختي الحبيبة على تواصلك دوماً وأعطائي الدافع للإستمرار بمتابعة الكتابة وتواصلك الطيب والعذب كعذوبة وطيبة قلبك الطاهر.. ربي يسعدك ويويفقك ويجعل النجاح والسعادة رفيقة دربك طوال حياتك اللهم آمين ولاحرمني الله من طلتك الحبيبة ولك يالغلا خالص المودة والتقدير والحب الصادق أختك ومحبتك عذووووووبة |
تذكير بما حصل بنهاية الجزء السابق الساعة 10:00 الصبح صحت أم خليفة فهد من النوم.. وراحت تشوف الغدا والعيال.. والحالة كانت كئيبة نوعا ما في المزرعة بعد اللي حدث لشهد.. قام فهد ودخل الحمام وانتوا بكرامة تحمم وتوضأ وصلى ركعتين الضحى.. وبعدها قام يفحص شهد وشاف كل الأوضاع طبيعية.. باسها على راسها وخش جنطة الفحص لأن يمكن سبحان الله تصحى.. والاحتياط واجب بهالامور.. ونزل اشوية تحت عند عمه عشان يتطمن عليه ويكمنه على حالة شهد..!! بهالأثناء قامت شهد من النوم واهي مومستوعبة اللي صارلها.. ومستغربة المكان اللي اهيه فيه.. واشوي اشوي قامت تستوعب المكان وعرفت انها في غرفة فهد وعلى سريره.. وكانت مستغربة شللي يابها اهني.. وبعدين طرى عليها اللي صار.. وارتجفت وبدت تسترجع اللي صار.. وقامت من السرير واهيه اتنافض من الخرعة كل ما اذكرت ونزلت ركض على تحت.. وشافت ابوها بالصالة اللي تحت وكان معاه كل أخوانها وفهد وحريم أخوانها والكل قاعد.. الكل انصدم من شوفتها بهالمنظر واهيه مخترعة وتنتفض.. وقام لها فهد ركض ولمها يحاول يهديها.. واقعدوا الجميع حولها عشان ينسونها ويهدونها.. وأبوها قام يقرى عليها قرآن.. وحست بالأطمئنان من سماعها لأبوها يقرأ القرآن و شوفت كل أهلها حوالينها ريحت نفسيتها شوية.. بس تمت لازقة في ابوها وفهد من الصوب الثاني يحاول يطمنها.. وشاف جسمها مازال متشنج شوي وكانت ترتجف.. وقام فهد ركض لغرفته وياب حبوب مهدئة وعطاها حبة ووكلها اياها بدون مايعطيها أي مجال للإستيعاب أو السؤال عن اللي وكلها اياه.. علشان ماترفض وتسوء الأمور.. ردت شهد حطت راسها على ريل أبوها ونامت مثل ماكانت تنام واهيه صغيرة.. وهالشي خلى بوخليفة وأم خليفة يبجون حالة شهد.. والكل يشفق عليها..!! خلوا شهد تنام بالصالة بين أهلها عشان لما تصحى.. تصحى واهي متطمنة وتحس بالأمان ويابوا لها الكمبل ( الحاف ) وغطوها.. ومر الوقت واليهال يلعبون برة بالحديقة ولايخلونهم يدشون داخل علشان الأزعاج.. وتموا الكبار قاعدين داخل بالصالة العودة عند شهد وحولها.. والحريم اللي مع عيالها.. واللي بالمطبخ يجهزون الأكل.. وحاولوا قد مايقدرون يخلون الأمور طبيعية علشان بوخليفة وأم خليفة وشهد بعد.. وبعد ساعة زمان كانت الأوضاع شبه طبيعية وردت الحياة على العائلة.. وبدوا يسولفون ويتكلمون والشاي بيالة رايحة وبيالة يايه.. وقامت شهد تفتح عيونها شوي شوي حاولت تنام بس ماقدرت.. وكانت تحس بزغللة ودوخه.. وشافها فهد لأنه قاعد يمها وعند راسها وعيونه عليها طول الوقت.. وطل عليها بابتسامة واهو يقول بصوت حنون : ليش قعدتي جان كملتي نومج عشان ترتاحين..!! وشهد تحاول تستوعب الشي اللي يتكلم عنه فهد.. وارفعت راسها واهي تحسه كأنه مو بمكانه.. وكأن راسها مو على كتفها.. وكأن راسها خفيف وبسرعة يطير.. وقالت بدون أي مقدمات : أنت شعطيتني مخدرات..!!؟ واهني الكل قام يضحك على كلامها.. واهي مازالت حاسة بالدوخة والزغللة.. وحاولت بتقوم بس شي مثل المويه ( الموجه ) القوية اللي تدزها ( تدفها ، تدفعها ) وماتخليها تركز وتثبت بمكان واحد : انا شاكة فيك إنك معطيني شي ممنـــــــــــــــــــوع.. وراسي ماني قادرة امسكــــــــــــــــــه.. وكانت طريقة كلامها صج تضحك.. وفهد حاول يمسكها واهي تقول : وخر عنــــــــــــــــــــــي.. أنت وطلول بتنتقمون منــــــــــــــــــــــــــــــي علشان فضحتكم بسالفت التشراقـــــــــــــي..!! طلال : فهد انت شمعطي اختي..؟؟ شكلها موطبيعي وجنها تهذي.. ليش تبيها اتخر كل خبايانا..!!! والكل ضحك حتى شهد كانت مثل السكرانه.. لأنه أول مرة تستخدم حبوب المهدئة..!! شهد : ههههههههههههههههههههههههه.. اتصدقون عقب الحريجة تدرون هالمخابيــــــــــــل فهــــــــود وطلـــــــــــول امسكونــــــــــي وهددونـــــــــــــــــــــي... يُبــــــــــــــــــــــــه ترى هههههههههههههههههههههههههههههههههههههههههههههههه والله والله مره افلعـــــــــوا ( شجوا راس ) عزوز ولد عبدالله يارنا ( جارنا ) وانحاشوا عقب ماياهم أبوه وهددهم.. والكل : هههههههههههههههههههههههههههههههههههههههههههه.. طلال : فهد لوسمحت شيل مرتك لاتفضحنا أكثر من جذي..!! فهد : خلها اتطلع اللي بقلبها كله.. بوضاري : أثاريكم سواد ويهه واحنا ماندري..؟؟ فهد : لااا لااا.. جني بشيلها من صج قمنا نصير سواد ويهه ياطلال.. يبا قومي شهودة.. وحاول يرفعها.. شهد : خلني يالعتوي.. يُبــــــــــــه.. شوفه كله يناجرني ويزفنــــــــــــــي..!! وراحت عند أبوها وحطت راسها على ريله واهي اتطالع بكل تحدي بعيون فهد وتقول : ههههههههههه بوحمد تدري من اللي باق سيارتك ودعم فيهــــــــــــــــــــــا.....؟؟ طلال قام يطالع فهد : أقول قوم شيل مرتك أحسن لك لاأشيلها الحين واقطها في برجة السباحة ( بحمام السباحة ).. شاهين وخالد : ههههههههههههههههه.. يوم طلعت فضايحك بتقلها..!! شهد : خلنــي أفتن عليكم بعد ماقلت اللي ابيه.. يُبـــــه ترى انا شفت مشاري وسلمان اليوم.. بس أمي نورة أدور عليها مالقيتها.. ماأدري وين راحت..!! والكل سكت وانصدم من اللي قالته وقام يطالعها..!! فهد وهو يحاول يشرح لهم : ترى عادي اهي بحالة هذيان عمي.. انا بشيلها فوق قبل لاياخذها طلال وينفذ تهديده..!! وقام فهد شال شهد تحت استغراب ابوها واخوانها باللي صار لها.. وشهد واهي تحاول اتملص من ايدين فهد.. وماكانت تبي تروح معاه.. بس شاهين كان وياه مع طلال.. صعدوها فوق لغرفتها مع فهد.. وحاول فهد إن يخليها تنام على مايروح تأثير المهدئ بس لاحياة لمن تنادي.. شهد عيت لاتنام وقامت اتهذي واتهذر على راس فهد وطلال وشاهين.. واهم قاموا يسايرونها لين ماطيحت راسها على المخدة ونامت مثل اليهال.. شاهين : فهد انت شعطيت شهد اللي صارت تهذي..؟؟ فهد : حبة مهدئ من النوع الخفيف.. بس الظاهر من كثر ما تشرب القهوة.. الحبة مايابت مفعولها عدل وخلتها تهذي بدل ماتنام..!!! طلال : أشوه انها ماخرت بقية جرايمنا قبل.. والا جان طحنا من عينهم مره وحده..!! الكل : ههههههههههههههههههههه.. شاهين : انا ودي اعرف شنهي خباياكم انتو الأثنين..؟؟ واللي مشركين فيها شهود معاكم يالمجرمين..!! طلال وفهد اضحكوا وكمل طلال : شهود قبل تعرفها كله لازقه فينا انا وفهد.. والأخ كان يدللها ومايرفض لها طلب لااا ويثق فيها بعد.. عشان جذي قامت اتطلع فضايحنا.. وهذا كله منك يافهيدان..!! فهد : ههههههههه.. تستاهل.. عيل المسكينة اتحذرك ذاك اليوم ولاتفضحها ابسالفة القمبار.. وقمت ضحكت عليها الكل.. قلعتك اكلها الحين.. طلال : اللي يسمع جنك بريئ ومو مسوي شي ماجنها افضحتك وياي..!! فهد : ههههههه.. عادي حلالها.. وعسل على قلبي..!! شاهين : المشكلة يافهد انك امرافج مجرم حرب اسمه طلال الــ..!! فهد : اسكت عاد حدك عن طلول.. هذا أخوي وأعز مافي الدنيا على قلبي.. وانا واياه على الحلوه والمره.. بس لما ايي صوب شهود انا ما أعرفه واقلب ضده..!! طلال : هههههههههه.. ايا النذل اتبيعني عشان بنت ياولد..!! فهد : بنت ابعينك.. هذي عمتك وشيختك شهد.. واللي يعارضني أقوله ويَهَدْ.. الكل : هههههههههههههههههه طلال : الله يهنيكم ويسعدكم.. ويعدي المحنة على خير اللهم آمين.. الكل : اللهم آمين.. شاهين : اقول عن الهذرة الزايده وقوموا توضوا ونلحق على جماعة الظهر مع الأهل.. : : : : : : : الجـزء التاسـ 9 ـع الساعة 4:00 بعد العصر قامت شهد من النوم.. ولله الحمد كانت تحس بالسكينه والاطمئنان بقلبها بفضل قرأة القرآن عليها.. بس تأثير الدوخه مازالت براسها من كثر النوم.. وحتى الأحلام المرعبة اللي كانت تعصف براسها عن الخيول واللي كانت مزروعة بعقلها الباطن نستها مع قرأة القرآن عليها وهدت نفسها واستكانت.. سبحان الله (( الا بذكر الله تطمئن القلوب )).. شافت شهد ساعتها وتذكرت الصلوات اللي طافتها.. ادخلت الحمام وانتوا بكرامة.. أخذت لها دوش قوي علشان يصحصحها من الدوخة.. وبدلت ملابسها.. وصلت كل الفروض اللي طافتها.. وحست باليوع يقرص معدتها.. وانزلت تحت تشوف الأجواء وتطل على أمها وأبوها وتطمن عليهم.. كان الهدوء عام المكان بالصالة اللي تحت.. وسيده راحت لغرفة أمها وأبوها.. وطقت باب الغرفة.. من اسمعت صوت امها.. دشت وشافت ابوها نايم وامها كانت قاعدة على القنفة وتطوي ملابس أبوها علشان تحطهم بالكبت.. من شافتها سيده راحت باستها على راسها وقعدت يمها على يسارها وحطت راسها بحضن ام خليفة واهيه تقول : ولهانة عليكم يُمه جني من سنه ماشفتكم انتي وابوي..!! أم خليفة : والله احنا اللي ولهنا عليج يُمه.. وحتى اخوانج مساكين من كثر محاتاتهم لج طول البارح ماناموا.. وكلنا بعد الظهر نمنا وحتى ريلج فهد كسر قلبي والله وهو طول الليل سهران ويراعيج.. حتى النوم ماذاقه بعد عمري..!! شهد : الله يخليكم لي ولايحرمني منكم.. ادري اني تعبتكم والسموحة منكم.. وانتي وابوي ادري شكثر تحاتوني.. يعل عيني ماتبجيكم.. والله يقدرني ارد لو جزء بسيط من جميلكم يالحنونة انتي ياأطيب قلب.. (( وقامت شهد تمسح راسها بحضن امها وماسكة ايد امها وتبوسها.. وامها تمسح على راسها بإيدها الثانية وتسمي عليها وتدعي ربها بقلبها بأن يشفيها ويحفظها من كل مكروه )).. بوخليفة من بعد صلاة العصر ماكان غاط بالنوم عدل ومن سمع صوت حبيبة قلبه صحى من النوم.. ولف عليهم وقال : تو مانورت الدار بحضور ملكة قلب امها وابوها شـهـد بنـت محـمد الــ.. ها شهودة اشلونج الحين.. عساج بخير..!! وقامت شهد من حضن امها وراحت باست راس ابوها : أنا بخير وعافية طول مانتوا بخير وصحة وعافية يابعد عمري.. أدري أني تعبتكم معاي والسموحة يالغالي منك ومن أمي.. وعسى يخليكم لي ولا يحرمني منكم.. بوخليفة يقعد شهد يمه على السرير ويمسح على راسها بكل حنيه ويقول : لاتعذرين يابوج إنتي قطعه من قلبي.. وأنا راحتي لما اشوفج مع باجي اخوانج بخير وعافية.. شهد تحط راسها على كتف ابوها وتقول : ربي يطول لنا بعمرك أنت وأمي ويعطيكم الصحة والعافية.. وسكتت شوي.. وكملت : ....... تغديتوا تراني ميتة من اليوع..!! بوخليفة وام خليفة اضحكوا مستانسين لأن شهد عدت الأزمة وردت على طبيعتها.. وقامت ام خليفة وتقول الحين انجب الغدا وانادي الكل عشان تاكلون جميع.. وراحت ام خليفة وتمت شهد مع ابوها بالغرفة واهيه مستحية ومنزلة راسها وتقول : يُبه سامحني على الكلام اللي طلع مني اليوم.. انا ماأدري شللي صار وخلاني اهذي.. مع اني كنت حاسة بنفسي بس ماكنت عارفه اسيطر عليها وعلى لساني..!! ضحك بوخليفة من كل قلبه على كلام شهد.. وقال : ههههههههههههههههههههههههههههههههههه.. لاتحاتين يابوج فهد فهمنا كل شي عن الدوا اللي عطاج اياه وإن مايضر.. وبالنسبة للسانج من زمان واهو فالت وانتي ماتسيطرين عليه.. ههههههههههههههههههههه.. شهد استحت وصار ويها أحمر من كلام ابوها وتعليقة عليها.. وقالت بدلع مسويه روحها زعلانه : اااوووووه يُـبــه.. هذا كله من فهود خلاكم تطنزون علي.. وصرت لكم نكته تتضحكون علي بكل وقت.. بس هين انا اراويه..؟؟ بوخليفة وارتسمت الجدية على ويهه.. وكلم بنته بكل هدوء ورزانه : شهد خفي على الريال يُبه.. وهذا زوجج الحين.. وواجب عليج طاعته واحترامه وانا ابوج.. وانتي الحين كبرتي منتي ياهل.. ولااا تصغرين ريلج جدام احد حتى لو كانوا اخوانج.. ترى الريال وانا ابوج هيبة وكرامة.. وهذا انا نصحتج يابنتي.. وديري بالج على فهد زين.. وفهد يحبج وشاريج.. فلا ترخصينه يابوج حتى لو جدام اخوج.. شهد منحرجة من نصيحة ابوها ومنزلة راسها وافكارها تعصف ابمخها.. والعواطف عندها متذبذبة مابين الرفض والقبول.. بسبب عنادها ومكابرتها على الواقع وقالت بصوت واطي : إن شاء الله مايصير الا كل خير بإذن الله..!! بوخليفة : بارك الله فيج يابنتي.. والله يسعدج ويهنيج.. ويرزقكم انتي مع فهد بالذرية الصالحة.. واشوف عيالكم في القريب العاجل آمين.. ومسك راس شهد وباسها واهو يمسح عليه ويقول : بارك الله فيكم.. يالله يُبه اليوع قرصني انا بعد.. من بعد شوفتج بخير انفتحت شهيتي.. ها شرايج نروح نتغدا..!! شهد ابتسمت ومازال الاحراج بويهها من بعد كلام ابوها ودعوته لها ولفهد.. وبصوت واطي ردت : يالله عيل بروح اشوف بقية أخواني..!! بوخليفة حب يطفر شهد شوية لأنه توله على مناجرها وردودها وقال يحرجها وهم متوجهين ناحية باب الغرفة بيطلعون منها.. قالها بمكر يطفرها : بس أخوانج اللي بتشوفينهم..!! وفهد ريلج من بيشوفه ويقعده من النوم..!! شهد صار ويهها طماطة من الحيا.. وقالت بصوت واطي : أخلي طلال يقعده على دربه..!! بوخليفه حط ايده على كتف شهد واهو يضحك ويطلعون من الدار.. ويقولها : هههههههههه.. ماحاجه يابوج تروحين لأخوانج تلقين أمج قعدتهم كلهم مع فهد والحين الكل بينزل.. : : : : يوم الجمعة 6 / 2 / 2004 بعد صلاة العشاء بالمزرعة انزلت شهد بعد ماخلصت صلاتها وريحت اشوي.. وكانت هناك بعض الأفكار والشكوك تعصف براسها من ناحية فهد.. وخصوصا الحبة اللي عطاها وخذها بشراع وميداف عشان ماتسأل ولا تعارض............... شهد ذكية جداً ولماحة..!! وفتحت باب البلكونة عندها بالغرفة واطلعت تتنشق الهواء البارد الحلو.. وبلكونتها تطل على الحديقة الأمامية للمزرعة.. وشافت فهد قاعد مع اليهال يلاعبهم بالحديقة عالدوارف.. وتذكرت دعوة ابوها بأن الله يرزقها اهي وفهد بالذرية الصالحة.. واسرحت تشوف فهد وطريقة معاملته لليهال وحنانه عليهم... اهو حنون على الكل.. وحتى عليها حنانه أكثر من الكل مع إنه مرات يطفرها.. بس ليش دوم هالنجرة والمداحر اللي بينهم..؟؟ وشافته واهو شايل فاطمة بنت طلال بإيد وبالثانية طيبة بنت حمد واهمه فرحانين ومتعلقين فيه ويضحكون بصوت عالي على شي قاله لهم فهد.. وراح فيهم عند الطاولة وقعد يسولف وياهم.. أأأأ خخخخخخخ ماتقدر تسمع سوالفهم من هالمسافة...!! وفجأة يت على بال شهد فكره......!!!!!!! اطلعلت من غرفتها متوجه للغرفة اللي حذاها وجارة غرفتها من ايام الطفولة وماتغيرت... واساساً ماتغير بتصميم بيت المزرعة من ايام قبل شي.. إلا زيادة الدور الثالث للبيت.. والظاهر شلكه بوخليفه بيكبر البيت من الأصل مع نمو حجم العائلة وتكاثرهم ماشاء الله.. دشت شهد لغرفة فهد.. وبراسها افكار.. واهيه اساساً بخاطرها تعرف شغلات عن فهد.. مثل تاريخ ميلاده.. هي تدري إن فهد من عمر أخوها طلال بس بخاطرها تعرف يوم ميلاده.. وبأي جامعة يِدَرِسْ..!! إذا كان فهد دكتور فلسفة فالاحتمال الوارد إنه يدرس بجامعة الشويخ أو كيفان.. لأن الجامعتين يحتون على كلية الآداب..!! وتذكرت انها شافت ثلاجة ابغرفته بذاك اليوم اللي كانت نايمة بسريره وصحت متخرعة.. وحبت تستكشف غرفته بما إنه زوجها وتبي تعرف شخصية ريلها عن قرب..!! دخلت الغرفة.... كانت مرتبة ونظيفة وريحت العود تفوح منها مع عطر حلو.. حتى علاقة الثياب ماعليها غير ثياب النوم وبس.. يعني مو من النوع اللي يكوم بالثياب على العلاق بأهمال نفس عبدالله أخوها اللي العلاق بداره يشكي من كثر الثياب المكدسه عليه.. وشكله بيوم من الأيام بيطيح وينكسر.. وراحت عند ميز التواليت ( التسريحة ) واقعدت تطالع بأنواع العطور اللي يستخدمها وكانت كلها مرتبة تدل على إن صاحبها دقيق.. وااااو هذا دهن العود غرامها.. وسيده خذته وافتحته وحطت منه اشوية واقعدت تتعبث ببقية الموجودات.. آه هذي الخلطة العجيبة اللي تستهويها ريحتها وكل ماقرب فهد منها تشمها.. وحطت منها شوي بعد وقعدت تستمتع بالريحة الحلوة والعجيبة.. واللي من ردت فهد واهي تشم فيه هذا العطر الحلو الظاهر خالتها أم فهد أهي اللي مسوية هالخلطة العجيبة حق فهد لأنها خبرة بهالشي ماشاء الله عليها.. وافتحت درج اليرار ( الدرج الجرار ) الأول بالميز واقعدت تطالع بأغراضه.. وصكته وافتحت اليرار الثاني والثالث كل شي كان مرتب ومنظم.. وماعنده شي بغير مكانه الصحيح.. وراحت عند السرير وافتحت يرار الكومودينة.. وشافت البوك ( المحفظة ) واسويتش السيارة ( مفتاح السيارة ).. وصكت اليرار وافتحت اليرار اللي تحته.. وشافت علب امرصصة..!! وافتحت اول علبة شافت فيها الأبر اللي يستخدمونهم بالطبيب بس ايداد وبقراطيسهم..!! وحست ابرجفه في ايدها وبرود اصابع يدها.. وصكت العلبة وفبالها يمكن فهد يكون مريض بالسكر وياخذ أبرة سكر مثل ماتسمع مرات عن اللي عندهم السكر ويحتاجون لأبرة السكر وياخذونها يومياً..!! وافتحت العلبة الثانية وشافت مثل اكياس فيها مثل الشاش المغلف.. وريجها ( ريقها ) بدأ يجف اشوي.. صكت الدرج اليرار.. وافتحت باب الدرج الأخير وشمت ريحة اقبضت قلبها..!! صكته بسرعة لأن الريحة كانت تذكرها بريحة مكان تكرهه من كل قلبها وتخافه واللي اهي المستشفى.. وبررت لنفسها يمكن فهد يستخدم هالأشياء علشان يعقم أغراضه..!! قامت علشان تبعد الخوف عن نفسها تحط تبرير لكل شي تشوفه علشان توقف رجفة جسمها وتهدي نبضات قلبها اللي بدت تزيد..!! وراحت عند الثلاجة تبي تشرب ماي.. افتحت الثلاجة الصغيرة ولقت مافيها غير غراش بلاستيكية مثل اللي بالطبيب.. وانبولات ملوت الدوا اللي يحطون الأبرة ابوسطها ويسحبون الدوا منها.. وقلبها زاد خفقانه وزادت الرعشة ابيدها.. وشرايط كثيرة من عدة انواع تحتوي على حبوب بأحجام وألوان مختلفة..!! ابلعت ريجها بصعوبه وقامت اتلفت بعيون زايغه وشافت طرف جنطة مخفية ومحطوطة خلف الكومودينة.. وسيده طلعتها من مخبأها وخذتها وحطتها على السرير واتفتحتها.. وشافت فيها أشياء بثت الرعب بقلبها..!! شافت بالجنطة السماعة الطبية اللي يستخدمها الدكتور.. وجهاز لقياس ضغط الدم.. وجهاز لقياس الحرارة.. واجهزة ومعدات ثانية يستخدمها الدكتور.. ورمت الشنطة من يدها وتبعثرت الأجهزة اللي فيها.................... : : وبهالأثناء فهد كان يسولف ويضحك مع اليهال.. ورفع راسه بالصدفة صوب دريشة غرفته وشاف ليت غرفته امبطل.. واهو عمره ماترك الشي وراه مفتوح.. دومه حريص على الكهرباء وتسكير الباب من رواه.. لف ويهه شوي صوب دار شهد وشاف باب البلكونة لغرفتها امبطل ومحد فيه والليتات امبطلة ابغرفتها..!! وانغزة قلبه.. وسيده ترك اليهال مع الخدم وقام بيشوف شالسالفة واهو مو متطمن..................!!!! : : وشهد بهالأثناء ردت وتوجهت لدرج اليرار بالكومودينة اللي فيه بوك فهد.. وخذته وبطلته بس تبي التأكيد على الأمور اللي شافتها.. وطاحت عينها على الكرنيه الطبي ( كرت الهوية ) للمستشفى.. وصورة فهد............................!!!!!!!!!!!!!!!!!!!!!!!!!!! لاااااااااا.. لاااااااااااااااا.. صورة الدكتور الجراح فهد الــ.. لاااا.. لااااا.. لااااااااااااااااا.. وقفت على حيلها وضربات قلبها طبول من هول المفاجأة.. راحت صوب الباب تبي تفتحه واهي ترجف وعيونها امبطلعة على الآخر من الصدمة..!! وفجأة وبنفس الوقت فهد فتح باب الغرفة بيدخل............ وشاف شهد وهي مصدومه والخوف كاسي وجهها وترجف..!! وبنظره سريعة من عينه على الغرفة.. وشاف البوك المفتوح والجنطة امبطله والأجهزة المبعثرة على السرير.. فتح باب الغرفة اكثر يبي يدخل.. وشهد من الخوف ارجعت لي ورا.. وصار يتقدم خطوة واهي ترجع خطوه.. وفهد يبي يحاول يهدي فيها ويمسكها.. بس مافي مجال ارجعت لين اوصلت للطوفه ( جدار ، الحيطة ) وراها واجمدت من الخوف................. فهد بصوت هادي يحاول يطمنها ونظرة كلها حنان ورقة : شهد حبيبتي.... اشفيج.....؟؟ شهد : ...................................... ............................................. ............................................. فهد مد إيده ناحيتها : تعالي لاتخافين تعالي قعدي خليني اقولج شالسالفه... شهد : .......................................... ................................................. ................................................. فهد وحاول انه يمسك ايدها.. بس تلتها ابسرعة واهيه مرعوبه وقامت تشاهق بصوت مسموع.. وفهد قرب صوبها شوي شوي ومسكها وحاول يلمها......!!! شهد أختفت صورة فهد من جدامها وتحولت لصورة قصاب ثيابه كلها دم.. وتيبست من الرعب وقامت اتشاهق ابصوت مخنوق : لااااا.. لاااااا.. لااااااااااا.. الله يخليك ماابي..!! فهد وبمحاولة لتهدئتها.. وبصوت كله حنان : شهوده حبيبتي.. اشششش.. لاتخافين ( ولمها وقام يمسح بإيده على ظهرها عشان يهديها ويقول بصوت حنون ).. أشششششش.. حياتي انتي وحبيبتي.. لاتخافين.. تعالي نطلع بره الغرفة ونروح غرفتج..!! شهد : لااااا.. لااااااااااا.. ( وبدى صوتها يعلى من الخوف وبدت تصرخ ) لااااااااااااااااااااااااااااااااا.. لااااااااااااااااااااااااااااااااااااااااااااااااااااااااااا ا.. وفهد تمسك فيها ولمها أكثر وشفايفه عند اذنها يحاول يهديها بذكر الله : لا إله إلا الله محمد روسول الله.. اسم الله عليج.. لاتخافين حبيبتي.. لا إله إلا الله.. محمد روسول الله.. شهوده حياتي.. لاتخافين.. ( وبدى يقرأ عليها الفاتحة وآية الكرسي وبعدها قام يقرى عليها سورة يس حتى تهدا نفسها اشوي ) وبهالأثناء وعلى اصراخ شهد كل اللي في البيت يو ركض يشوفون شللي صاير..!! ومن وقف بوضاري صوب فهد.. افتحت عينها شهد وشافت أخوها بوضاري.. وقامت سحبت نفسها من بين ايدين فهد ورمت نفسها بإدين اخوها بوضاري واهيه تصرخ وتقول : دممممممم.. دمممممممممممم.. وخروا عني القصااااااااااااااااااب كله دم... وطاحت مغمي عليها............. : : : : : : : : يـتـبــــــــــــــع |
: : : : : : : : : : : : : : : : : : : : : : : آآآآآآآآآآآآههه.. راسي ماني قادره اتحمل العوار.. شهالألم الفضيع..!!!! أأأأخخخخخ..... انا ويني فيه....؟؟!!! ماكو شي ظلمه.... وااايييي ماني قادره اتحرك..... ليش انا امربطة....!! من اللي رابطني...؟؟!!! منو هنــــاك.....؟؟ أنا اسمع صوت ردوا علــي........؟؟؟؟!!!!! منو هنــــــاك.....؟؟ انا ويني فيــــه...؟؟؟؟؟ ليش رابطينـــــي...؟؟؟؟؟؟ : : : : يُـمـــــه انا خايفة.... تعالي وينج فيه..؟؟؟ منو انت...؟؟ واشتبي مني..؟؟ ــ :................................ ....................................... واااييي.. شكلك يخرع... وخر عني... لاتلمسني..... الله يخليك..... لاتلمسنــــــــي...... يُـمـــــــــــــــه ــ :............................. .................................... وخـــر.. اشتبي مني...................؟؟ ــ :................................. ........................................ ويــع ريحتك كريهه كلها دم وخر لاتلمسني..... ــ :................................... ......................................... لااااااااااااااااااا... الله يخليـــــك لاتقطعنـــــــــي.. انا ماسويت شـــي......... الله يخليــــك ابي امــــــــي آآآآآآه هه ه ه ه..... تكفى لاتقص ايدي....أأأأأمممممممم.....آآآآآآههههههه يارب.............. انا بعرضك..... لالالالااااااااااااااااااااااااااااااااااااااا ــ :...................................... ............................................ لحقونـــــــــــــــــي يُمـــــــــــــــــــه لاتخلونـــــــــي الله يخليكـــم آآآآآآآهههه لالالاااااا... لاتقطع ايدييييييي.... لالالااااا.... دم هذا دم دممممممممممم دممممممممممم دمممممممممممممممممممممممممممممممممم لالالالالااااااااااا دممممممم دممممممم وخرررررر عنـــــــي هذا دم دممممممممم دممممممم : : : : : : : : : : : : شهد وبدت تستفيق وتهمهم وتقول : لااااا لاتخلونه يقطع ايدي.... يُـمـــــه لحقينـــــي.... آآه ه أههه ه.... دممممممم..... دممممممم...... لالااااااااااااااااااااااااااااااااا..... وفزت مرعوبه واهيه ترجف ولمتها أمها طيبه لصدرها واهي تبجي وتسمي عليها : اسم الله عليج يُمه.. لا إله إلا الله.. محمد رسول الله.. ربي يحفظج ويرعاج.. لاتخافين يُمه انا هني كاهني يمج.. وابوج واخوانج كلهم يمج.. ذكري الله يابنيتي.. قولي لاإله إلا الله... ونامت عقب ثواني من عطاها فهد الحقنة المهدئة..!! فهد والهم باين وايد على ويهه وعيونه ذبلانه يكلم عمه بوخليفه : انا اقول يُبه لازم انقلها عندي المستشفى.. لأني أخاف صحتها تتأزم.. وماأقدر اعطيها حقن مهدئة أكثر من جذي.. هالشي مو من صالحها..!! بوحمد : بس نقلها للمستشفى راح يأزمها أكثر.. وأنت شفت مدى خوفها ورعبها..!! بوخليفة : راح نحاول يُبه نهديها بالقرآن وماكو أحس واهدى للنفوس من كلام الله.. وانا متأكد بأنها راح ترتاح.. فهد : انا عارف هالشي يُبه ومتأكد منه.. بس اللي خايف منه حالتها من بعد الصدمه والأكتشاف بأني دكتور.. واشلون راح تتقبل الوضع..؟؟ وابصراحة اهي محتاجة لدكتور نفسي متخصص..!! لأن اللي صابها موبشي سهل.. وحسبي الله على اللي كان السبب..!! ام خليفة : حسبي الله ونعم الوكيل.. ادمروا حياتها الله يدمرهم.. بوخليفة والهم كاسر ظهره على بنته وحالتها : أنا بقعد أبدي قراية عليها.. وراح نتناوب أنا واخوانها.. لين الله يفرجها.. والحين طلعوا من الغرفة.. شنو حتى النسم ابتحرمونها منه..؟!! واطلعوا كلهم من الغرفة والهم راكبهم من الراس لي الساس على حال أختهم الحبيبة.. واتركوا شهد مع ابوها وفهد وام خليفة اللي عيت لاتطلع وتهد بنتها بهالحال..!! بوخليفة بصوت حنون بس فيه شده شوي : روحي ريحي ياطيبة.. وبس تقعد شهد تعالي لها.. وانتي من اولت امس ماارتحتي..!! فهد : يُمه ابوي صاج.. قومي ريحي ونامي.. وشهد توّ الناس عليها يبيلها على الأقل سبع ساعات على ماتصحى.. قومي نامي وتطمني.. واهي ماعليها إلا الخير إن شاء الله.. قامت أم خليفة تمسح على راس شهد وتسمي عليها وباستها.. واستئذنت واطلعت تروح تريح لها اشوي.. فهد يوجه الكلام لعمه : يُبه اليوم وباجر بس جدامكم.. وأنا مضطر ادخل شهد المستشفى.. لأن مو من صالحها تتم بعيد عن الرعاية الطبية اللي محتاجة لها.. بوخليفة باصرار وعناد وكله ثقه وإيمان بالله بإن بنته بتعدي الصدمة بدون دكتور ومستشفى قال بصوت عميق : سبحان من كان أمره بين الكاف والنون.. وإذا أراد شيئاً يقل له كُنْ فيكون.. ومن اليوم لين باجر أنا واثق وكلي إيمان ويقين بربي إن شهد بتقوم وبتصير زينه وأحسن من غير دخول المستشفى اللي تدمرها وتدمر نفسيتها.. ويابوك خل إيمانك بالله قوي وصدقني شهد بتصحى وبتقوم إن شاء الواحد الأحد.. وقول عمي ماقال.. فهد : ياعمي أنا ولله الحمد واثق وكلي إيمان ويقين بربي إن شهد بتصحى وبتقوم إن شاء الله.. بس اللي خايف منه تقبلها للموضوع.. لازم نلقالها حل وبأسرع وقت.. بوخليفة : ياولدي أنا اللي كنت منتظره طول هالسنين وصل وياعل عيني ماتفقدك وتبجيك يافهد.. وصدقني يابوك شهد بتصير زينه من غير مستشفى.. وخل الأمور علي.. وأنت اللي بتساعدني.. وشفاها على اللي ماتنام عينه.. وشهد من عقب الحادث واللي استوى عليها.. ماكان يعلم بحالها غير ربك.. ولولا لطف ربك فيها جان ماشفتها معانا لي هالوقت يابوك.. تمينا معها على قرأة القرآن ونسقيها من ماي زمزم مقري عليه.. والحمد لله وبفضله ردت لنا شهد وتعدلت حالتها بدون تدخل طبي.. والحين ماني عاجز عن بنتي.. وبتم أقرى عليها.. لين الله يهدي سرها ويطمن قلبها.. وبترجع أحسن من قبل.. وأنا أقولك هالكلام وأنا متيقن يابوك وثقتي بربي ماتخيب.. والبارحة صليت أستخارة.. ولله الحمد ماخاب من استخار.. ومن الحين ببدي أقرى عليها.. فهد دنق على راس عمه وباسه وعيونه انرسم فيها الأمل والاطمئنان من كلامه.. وقال بصوت هادي : اللي تشوفه يُبه.. وأنا كلي يقين وثقه بالله ثم فيك ياعمي.. ومنكم نستفيد..!! بوخليفة ابتسم بويهه فهد ولف صوب بنته وحط ايده على راسها وبدى يقرأ عليها الآيات والأدعية وينفث عليها.. وفهد.. آآآآآههههه شأقولكم عن حالته وحزنه العميق على حبيبة قلبه شهد..!! وشكثر الحسرة اتقطع قلبه واهو دكتور ويشوف زوجته واهي تعاني بسبب غلطة دكتور حيوان ماراعى الله ابمهنته وبضميره..!! أأأأأأأخخخخخخخخ.. والله يعدي هالأزمة على خير.. ويلَيِنْ قلب شهد عليه.. وتتقبله.. وتتقبل وضعه كدكتور جراح وكزوج لها.. اللهم آمين وانتوا ادعوا معاه بعد..!! الدعوة بظهر الغيب لأخيك المسلم مستجاب بإذن الله.. أدعوا لجميع المسلمين.. : : : : وبعد يومين من بعد استفاقت شهد والهدوء اللي صارت عليه..!! ومن بعد ما كان ابوها واخوانها يتناوبون بقرأة القرآن والأدعية وينفثون عليها..!! حتى فهد كان معاهم يقرأ القرآن ويدعي من الله إن يقومها بالسلامة.. وكان يباشرها طبياً أول بأول.. ويتم سهران عليها طول اليوم.. يمكن إن نام بهالأيام.. كان نومه مايتعدى ساعة أو ساعتين عالكثير ويقوم.. يباشر شهد ويفحصها..!! قرر بوخليفة يجدمون نزلتهم للديرة تسعة أيام بسبب الظروف اللي اصابتهم وحالة الحزن على شهد واوضاعها.. مع انها ولله الحمد صارت وايد أحسن.. بس ماهي متقبله وجود فهد بحياتها.. ولا متقبله اتشوفه.. والله يعينك يافهد على مابلاك..!! وقبل اربعت أيام من نزلتهم.. كانت شهد ماتفارق أم خليفة وابوها وعلى طول وياهم.. وحتى بالليل.. كانت تنام معاهم بالغرفة على السرير يم ام خليفة.. وبوخليفة كان ينام على الأرض.. بس المهم تكون معاهم طول الوقت.. وعلشان ماتشوف فهد..!! وفهد المسكين.. كانت حالته حاله..!! والكل كان متعاطف معاه.. ومقدرين حالته.. وقرر إنه ينزل الديرة قبلهم.. عشان يعطي فرصة لشهد تتقبل الأمور على مهلها.. وبعدين يشوف الوضع واياها..!! يوم الأحد 15 / 2 / 2004 فهد نزل الديرة.. ونزل معاه حمد ومرته واعيالهم.. ومريم وزوجها ناصر وبناتهم التوأم.. محمد وعواطف.. طلال ومرته وبنته بس فهود الصغير عيا لاينزل لأنه بيقعد عند عمته شهد.. حتى منى وخالد وعيالهم انزلوا عشان خالد يتطمن على امه..!! يعني المزرعة فضت من أكثر اهلها وخصوصاً اليهال اللي كانوا مسوين لجة وحركة ونور البيت اهمه..!! وفي الليل على العشا كانوا متيمعين.. على الطاولة داخل البيت مو برة بالحديقة.. حتى الجو صار كئيب.. نورة ومشاعل كانو أكثر وقتهم مع عمتهم شهد عشان يغيرون عليها المود.. والأهل كانوا يحاولون مايخلونها تختلي بروحها.. عشان ماترد عليها الأفكار وتهاجمها الكوابيس..!! وشهد بعد اللي صار لها واكتشاف أمر فهد.. صارت قليلة الكلام حتى مع ام خليفة وابوها.. نورة ومشاعل وفهود الصغير كانوا يحاولون يطلعونها من عزلتها ويخلونها تضحك.. وخصوصاً فهيد كان يحاول بالمستحيل ويخلي شهوده عمته تضحك أو تبتسم.. وبعد العشا.. بيوم ردت أغلب الأهل.. وبصالة الصغيرة والملمومة وحول التلفزيون قاعدين.. والشاي والقهوة يدور على الكبار.. وشهد سرحانه ابفكارها والدمعة متعلقة على أهدابها.. شافها شاهين.. (( وشاهين يمكن أكثر واحد شبها بفهد ولد عمها من ناحية الشكل والطباع والطول والسمار.. يعني من يشوف شاهين وفهد يحسبهم توأم أخوان من كثر الشبة اللي بينهم )).. راح يم شهد ووقف يطالعها.. ومد ايده لها عشان يقومها تروح وياه بيتكلم معاها..!! اطلعت شهد مع شاهين واقعدوا بكراسي الحديقة الأمامية للمزرعة اللي عند النافورة.. شاهين : شهد انتي ليمتى بتمين على هالوضع..!! حتى الكلام قاطعتينا فيه..!! ليش احنا اهلج ونحبج ونخاف عليج.. امي وابوي هذا يزاهم..!! تجازينهم بالجفا وماتكلمينهم..!! حرام ياشهد اللي تسوينه فينا والله حرام..!! لا الله ولا الرسول يرضون عن اللي تسوينه في روحج وفينا ياشهد.............. ( وتم ساكت ويطالعها.. وشهد بدت تدمع عيونها ووقفت بمكانها.. وقف شاهين بعد وقرب من شهد ولمها وحط راسها على صدره.. وهالحركة ذكرتها بفهد وخلتها ترتجف وتبجي من القهر اللي اهيه فيه ).. شهد وبصوت متهدج ومبحوح من كثر البجي : ليـــــــــش....!! ليش ماقلتولي من قبل عنه..!! ليش كلكم خشيتوا عني وظيفته وبأنه قصاب..!! آآآآآآآآآههههههه... انتوا ماتدرون اشكثر حطمتوني وحطمتوا حتى ثقتي فيكم..!! ( وقامت تبجي ابحرقة وقهر وبصوت يقطع القلب ) شاهين سكت شوي وتم يمسح على راس شهد وهو لامها على صدره.. وقالها : أحنا خشينا عنج لأنا عارفين ردت فعلج.. شهد انتي ظلمتي فهد وايد..!! شهد واهيه تقاطع شاهين : .. لاتقول ظلمته.. لاتقول ظلمت القصاب هذا الجذاب ( الكذاب ) اللي خدعني وخدعتوني كلكم فيه وأنتوا عارفين شغلته.. ماني سامعه طاريه.. مابي اشوفه..!! شاهين واهوه يهدي فيها ويمسح على راسها : شهد انتي الحين ماتدرين شقاعدة تقولين.. بس صدقيني خيرتج بتندمين على كل كلمة قلتيها عن فهد.. وانتي ماشفتي خوفه ولهفته عليج..!! وماشفتيه واشلون يقطع روحه بس ترتاحين وتكونين بصحة وعافية..!! وماتدرين اشـ... شهد تقاطع شاهين : الله يخليك شاهين ماني سامعه طاريه..!! الله يخليك ارحم حالي ياخوي.. ( ودموعها زادت وصوت بجيْها ارتفع من حالتها اللي تقطع القلب ).. شاهين بصوت حاني يحاول يهدي فيها : شهــد لاتسوين بنفسج جذي..... خلاص حبيبتي لاتبجين....... انتي ماشفتي أمي وابوي وشيصير فيهم لما يشوفونج بهالحال....؟؟ وانا بصراحة خايف وايد عليهم من كثر مايحاتونج.. ( سكت شوي وكمل ) : .......امي وابوي ياشهد ماينامون الليل.................. وطول الوقت دمعتهم على عيونهم.. ...........وحتى اكلهم وايد قل عن قبل.................... شهد انا ابيج تصيرين اقوى من جذيه...... اذا كنت تحبين امي وابوي وترأفين بحالهم..... لاتبينين لهم حالتج هاذي ياشهد...... خلج قوية............ ردي شهد الجديمة اللي الضحكة ماتفارق ويهها.............. خلي امي وابوي ترد فيهم الروح برد البسمة والضحكة على شفايفج ياشهد..... ولاتجْسين ( لاتقسين ) على نفسج....... واخوانج ياشهد رحميهم..... ترى الهم هلكهم.......................... شهد صدقيني ردت البسمة على شفاه عائلة الـ... ابديدج انتي.... وخصوصاً امي وابوي ياشهد........................... وتمت شهد واهي تسمع كلام شاهين وراسها مازال على صدره.. تاخذ الأمان والحنان منه.. وتستمد بالقوة والطاقة من كلامه لها.. تمت على هالحال ليمن هدت نفسيتها واستكانت بوقفتها... وحست ابروحها تعبانه ومحتاجة اتنام.. خذاها شاهين وشالها ووداها لغرفتها وحطاها بالسرير وغطاها مثل ماكان فهد يغطيها.. ومسح على راسها وطلع من الغرفة وطَرّفْ الباب ماصكه علشان شهد ماتحس بالوحشة.. نعم صحيح ان شهد كبيره بالعمر وعمرها قارب الـ 29 .. بس مازالت طفلة تحتاج للرعاية والحنان والأمان.. وخصوصاً بعد الحادث اللي تعرضت له.. وظلم الناس لها.. : : : : مرت الأيام الثلاثة الباقية لهم بالمزرعة هادية.. وحاولت شهد إنها تتأقلم على الوضع مع عائلتها.. وخصوصاً أمها طيبة وأبوها.. حاولت تتقرب منهم بالكلام.. وخصوصاً بعد ماكلمها شاهين ذيج الليلة.. وحملها ذنب أمه وأبوه.. ليش انهم يحاتونها طول الوقت وهذا الشي قام يأثر على صحتهم.. وشهد عندها والدينها بالدنيا كلها.. ولا تشوفهم متأذين أو زعلانين منها أو عليها.. : : جميع عائلة الـ... انزلوا الديرة وكلن راح لبيته ومسئولياته.. وفي بيت بوخليفة ردت فيه الروح.. بردت العائلة.. وفهود الصغير عيّا لايرد بيتهم.. قال يبي يبات في بيت يده عند عمته.. دام المدارس ليمن الحين معطلة.. وماراح يردون إلا بعد عطلة العيد الوطني وعيد التحرير واللي يصادف يوم 25 و 26 فبراير.. وعقبها جمن يوم ويردون الدوامات والمدارس حركتهم يعني على بداية شهر مارس..!! فهود الصغير بهالأيام كان مثل اللزقة لعمته شهد.. ينام معاها في الغرفة ويصحى معاها.. مايمل منها ولاهي تمله.. بالعكس كانت العلاقة بينهم وايد قوية.. حتى أقوى من علاقة فهود بأمه.. فهد الصغير ماأخذ من فهد الكبير غير إسمه وطريقة تفكيره وذكاءه.. لكن بالأشباه يشبه يده بوخليفة.. بس كان نكته عليه حركات اتضحك عمته وسواليفه ماتنمل.. وكان يحاول يقلد يده بوخليفة بكل شي.. قلتلكم جمبازي.. يعرف اشلون يجاري الواحد وياخذ قلبه.. واهو يدري انه عمته شهد تموت بشي إسمه ابوها ( بوخليفة ).. وعندها ابوها قمة بكل شي.. من الناحية الثقافية كان مثقف وكان قاري كتب وخاتم القرآن.. وكان دارس حتى بالخارج.. وقبل لايتقاعد ويستلم الشركات أيام زمان.. بوخليفة كان يشتغل بميناء الشويخ.. وكانت له علاقات كثيرة من خلال عمله بالمينه وتعامله مع الكثير من التجار العالميين.. وكان يتكلم بعدة لغات ومتمكن فيهم بدرجة كبيرة.. مثل الأنجليزي والهندية ( الأوردو ) والألمانية والفارسية.. وكان عنده اللغة الفرنسية موبذاك الزود بس يعرف لهم .. هالشي خلاه يصير وايد معروف ومحبوب من عدة تجار.. وصارت علاقاته تكبر وتكبر وكبّر تجارة أبوه ويده لين مسك الشركات هو وأخوه أحمد واللي أهو بوفهد.. وصار اسمهم يضرب بالسوق وكان يعمل لهم احساب.. بس اخوه احمد توفى على بداية عام 1986 ومن بعده بوخليفة مسك كل الشركات .. وقام يساعدونه عياله.. وولد أخوه خالد.. واللي اهو ريل بنته منى.. وفهد كان حزتها يدرس بأمريكا.. ليمن كبر بوخليفة وحس انه تعب بالعمر وخصوصاً بعد النكبات ماتوالت عليه ابموتت أخوه وبعدين عياله سلمان واللي استشهد بالغزو سنة 1990.. وبعدها لحقه ولده مشاري واللي توفى على سنة 1993... وعقبها الحادثه اللي استوت لشهد واللي توفت فيها مرته نورة وكانت على سنة 1999.. اهني حس انه خلاص مايقدر يدير الشركات.. فسلم زمام الأمور كلها لعياله وولد اخوه.. واهو بس يرجعوله في الأمور الكبيرة.. ويشرف عليهم من وقت لآخر.. حتى يشربهم كل اللي يعرفه بالأمور التجارية.. والحياتيه.. وهذي نبذه عن حياة بوخليفة ابوشهد.. واللي تعتبره من افضل وانبل الآباء وأحسنهم وأصرمهم وأثقفهم.. يعني بالمختصر المفيد.. المثل الأعلى لشهد.. : : قبل العيد الوطني بيوم وبعد العودة من المزرعة بخمسة ايام من عادة عائلة الــ... بأيام العيد الوطني وعيد التحرير يكونون حزتها بالمزرعة من بداية العطلة.. وهذا الشي المقرر السنوي لهم.. لكن من بعد الأحداث اللي صارت واكتشاف شهد لكذبة فهد.. وقرار بوخليفة بالعودة مبكرا بهذا العام.. فقرر بوخليفة إنه يكون بعطلة العيد الوطني وعيد التحرير.. قضاء اليومين من الريوق ليمن بعد العشاء والسهر في بيته وهذا الشي يجبر العائلة كلها انها تلتم.. وطبعاً هذا القرار كلم فيه بوخليفة وعطى الأمر الصارم حتى لفهد ولد أخوه انه يكون حاضر معاهم ومشاركهم.. مع انه فهد تعذر لكن مامن عذر مقبول له عند بوخليفة ليمن أمر.. وشهد ماكان عندها خبر بهالشي.. وهذا كله من تخطيط بوخليفة حتى يصلح الأمور مابين شهد وفهد........ بيوم الوطني لدولة الكويت.. الديرة تلبس احلى حلة من قبل شهر استعداداً لهاليوم واليوم الثاني يوم التحرير.. تكون المباني مزينة بالليتات والشوارع بالأنوار الجميلة جداً.. وتقوم المسيرات.. في ناس اتشارك وفي ناس اتشاهد.. وفي ناس من بيتها اتفرج.. والله يهني الجميع.. ويبارك لهم.. ويجعل الأعياد عامره على الكويت وجميع دول الخليج والوطن العربي والأمة الإسلامية.. اللهم آمين.. ويحفظ دول الخليج والوطن العربي والإسلامي جميعه من غدر والحيلة ومن جميع المطامع والمستعمرين.. اللهم آمين.. ويحفظ جميع حكامنا وشعوبنا ويجعل خليجنا واحة أمن وأمان.. وجنة لجميع المسلمين والخليجيين.. اللهم آمين.. : : : : يوم الأربعاء 25 / 2 / 2004 على الساعة ثمانية الصبح وبيت بوخليفة بهاليوم يعج بالضجة واللجة من اليهال.. طبعاً وهذا الشي يسعد بوخليفة لما يشوف عيالة واحفاده كلهم حوله فرحانين.. والحريم الكبار يجهزون الريوق.. وشهد من بعد ردتها من المزرعة افقدت الكثير من وزنها.. ولكن حالتها النفسية وايد أحسن من قبل بس مازالت مصره على عنادها ورأيها بفهد ورفضها له ولشوفته.. واهي ليمن اللحين مانزلت تحت لأنها طول الليل كانت تتقلب من الألم الخفيف اللي مضايقها وضاربها من الأذن ويكمل على الصدغ من ناحية اليمين من الويهه.. وعشان جذي صحت متأخر شوي من النوم وراحت تاخذ لها حمام دافي وبتبدل وبعدها بتنزل وتسلم.. وفهود الصغير من زمان نازل تحت ومجابل عيال اعمامه واهله.. ومن خلصت شهد انزلت تحت الصالة.. وماكانت تدري إن ريلها فهد موجود وكان قاعد مع طلال وبوخليفة وبوحمد.. ومن دخلت الصالة كان بوخليفة بالواجه وماانتبهت لفهد.. شهد دخلت وسلمت على الجميع : السلام عليكم ورحمة الله وبركاته. الجميع : وعليكم السلام والرحمة. فهد انصدم من شاف الهيكل العظمي الداخل يسلم عليهم.. واللي اهي شهد..!! شهد سلمت على ابوها وبوحمد وباستهم على راسهم.. وراحت بتسلم على طلال إلا فهد بويهها.. انصدمت وتيبست بمكانها وهي تناظره وبدون أي كلام.. تموا يطالعون بعض.. لين وقف فهد وسلم عليها.. فهد وعيونه بتاكل شهد من الهفه عليها.. وبصوت هادي : شلونج شهد..!! عساج بخير..!! شهد : ................................. ........................................... .......................................... تمت ساكته والصدمة مرسومه على ويهها وبعيونها الغايره من الضعف.. وماردت السلام وطنشت.. لفت ويهها تبي تطلع من الصالة.. بس ابوها قال بصوت عالي وكأنه ينبه شهد على ريلها : زوجج يسلم عليج ياشهد.. وليش مارديتي السلام..؟؟ شهد تمت ساكته ولا لفت أو تحركت من مكانها..!! شهد : ............................... .......................................... .......................................... بوخليفة قال بأمر ولكن بصوت هادي : ردي وسلمي على زوجج ياشهد.. شهد تمت واقفه بدون حركة ولا لفت حتى على أبوها وتمت سافهه بفهد.. شهد : ................................. ........................................ ......................................... بوخليفة واحتد صوته شويه عليها وقال : سمعتي ياشهد انا شقلت..؟ انا قلت لج ردي وسلمي على زوجـــج ( وشدد على آخر كلمة ).. شهد تغير تعبير ويهها من الجمود للإستياء.. وبدت ترجف من القهر ولكن عنادها خلاها توقف وما تتحرك وتنصاع لأوامر أبوها.. شهد : ............................ ..................................... ..................................... بوخليفة عصب على شهد وقالها بلهجة شديدة وبصوت عالي : انا ماربيت بنتي على التكبر وعصيان أوامري.. وزوجج بتسلمين عليه والحين.. شهد وعيونها تبطلت على الحد وتيبست ريولها من الخوف.. والألم اللي بإذنها وبصدغها اليمين بدى يون عليها مره ثانية.. وزادت رجفت ايدها وتمت ساكته.. شهد : ................................ ........................................ ....................................... بوخليفة قام وراح لها.. وفهد حاول يوقفه لكن بوخليفة وصل لها.. ومسك شهد من ايدها وتلها عند فهد وحط ايد شهد بإيد فهد.. وقال : ماعندنا بنات يعصون ابهاتهم وازواجهم.. وصبرت عليج الأيام اللي طافت.. لكن عنادج طغى على تفكيرج.. وانا لحد اهنــي واقولـج بـــــس حـــــدج.. ولا تتمادين أكثر مع ريلــــج.. ترى والله ياشهد اتخذ وياج أجراء ثاني وأغير كل معاملتي لج.. وشهد مصدومة ومصعوقة باللي تسمعه وتشوفه من ابوها واللي يقوله وطريقة تهديده لها.. وهذا الشي شهد ماتعودته من أبوها.. يمكن أبوها يعامل اخوانها مرات بهالطريقة يمكن..!! لكن اهيه دلوعة أبوها..!! وطلباتها اوامر عند أبوها.. ويوم تزعل من أبوها.. اهو اللي ايي ويراضيها...... بس اللي تشوفه الحين شي ثاني.. شي اول مره تشوفه وتنحط فيه من موقف مع ابوها : لااااا.. أنـــا أكيد بحلم.. ماني بعلم..!! كل هذا يطلع من أبوي علي وكله علشان منــو...؟؟ علشان فهــــــــــد..!! فهـــد هذا القصـــاب الكـــذاب اللي خدعني..!! أبـــوي يصرخ علي ويتلني من إيدي علشانه..!! والله مااعديها لك يافهـــد.. لاااااااء.. مومعقـــــــول..!! شهد لفت ويهها صوب فهد وحطت عينها ابعينه وتمت اتناظر فيه بكل عصبية.. وتلت ايدها من ايده بكل قوة وعصبية واهيه تقوله بصوت يرجف من القهر والعناد : انا احتقرك.. انا اكرهك.. انا ما ابيك طلقنــي....... وفجأة صوت دوى بالصالة.. طــــــــــــــرااااااااااااااااااخ..!!!!!!! صفعة هوت من قوتها على الخد الشفاف والرقيق لشهد.. صفعة شلت كل حواسها وتفكيرها.. وشلت الجميع وخلتهم مصدومين ولا احد فيهم يقدر يواسيها.. وماحد فيهم قدر يتكلم أو يتحرك من مكانه ويبرد عليها.. صفعة تلقتها واظلمت الدنيا بعيونها وبمآقيها.. صفعة ذكرتها بكل آهاااااااااات الزمن والظروف وبمآسيها.. صفعة حسستها بيتمها وشل الفكر ابمعانيها.. صفعة انزلت مثل الجبل وحول بركان الغضب يصب ويدميها.. صفعة اجرحت خد الزمن واتركه ينزف ويحجي كل بلاويها.. صفعــــــــــة على خــــد الزمن يتلف الروح ويظلم ماضيها... آآآآآآآههههه يــا شــــهـــــــــــــــــــــــــــــد من وين بتلاقيها.. : : : : : : : : تتوقعون شللي صار..!! ومنو اللي صفع شهد..!! توقعاتكم للبارت القادم ياحبايبي حفظكم الله ورعاكم عذبة التجريح |
السلام عليكم مشكوره يا قلبي على البارت وايد وايد الله يعيطج الف عافيه ماقصرتي امممممممممم مادري من وين ابتدي بس خليني اعلق على بارت العيد الوطني والتحرير دامنا احنا لهالايام الله يدوم لنا الاعياد ويحفظ ديرتنا من كل شر كويتنا كويت الخير ديره الاحباب بقلوبنا يا الكويت فدوه لج حياتنا اوو كل اللي تبينه يا كويتنا عساه ايامنا كلها اعياد ويحفظ ديرتنا من كل مكروه وتظل ديره الامان وديره الاحباب يرعاها ربنا من كل شر اهيه واهلها كلهم تاج على روسنا كل عام وكويتنا بالف خير قولي امين البارت واااااااااااااااااااااااااااااااااااااااااااااااو من اوله لين اخره اكشنات مثل ماتوقعت شهد درت بشغله فهد ........... وقلبت الدينا فوق تحت كسرت خاطري وايد لما كانت تحلم يهالكوابيس قصاب اوو دم اوو مادري شنو .............. وصفج وايد كان حلو خاصه انج بينتيلنا خوف شهد ورهبتها من انها كانت تنام غرفه امها اوو ابوها احسج وصلتيلنا شنو يعني الخوف اللي تعيشه شهد فهد مسكين .............. من وين يلاقيها من حبه لشهد خوفه عليها ولا من كره شهد المؤقت له اصعب شي لما انت تكون سبب مرض الحبيب لك تبي تكون يمه بس وجودك يمه يأثر عيله تقعد مكتوف اليد مابيدك اي حيله ( بس عاد تره فتره اوو تعدي يعني جنه عطيناه ويهه وايد ^_*) الراشدي اللي ياها من ابوها بو خليفه بس مادري اذا كان الاسلوب اللي استخدمه معاها صح ولا غلط يعني الموضوع له وجهه نظريين الاولى بهالطريقه .............. راح يزيد كره شهد لفهد الحين اهو مو بس القصاب الا مادري شنو اهيه الكلمه توهقت بس اللي قلب اهلها عليها يعني تعتيره نذل لوو حقير بس فهد ماراح يقدر يتقرب منها اذا مافي احد وقفها عند حدها ساعات تكون هالمواقف اهيه اللي اتقرب بين الاشخاص الثانيه.............. شهد ليلحينها محتاجه حنان لانه اللي شافته مو شويه راح تحس انها وحيده اوو مالها بدنيا احد خاصه اذا ابوها تاج راسها الحنون تخلى عنها (طبعا من وجهه نظرها) شلون راح تثق بالناس اللي حولينها بس تبين رايي اللي سواه ابوها عين العقل ساعات الواحد مايصحى من عناده الا بهالطريقه بس عاد مو كل الاوقات نادرا ياقلبي والله رديتهم الديره اووو قطعتي اجازتهم عاشني ياحبي لك سمعتي كلامي والله انج عسل يا عذوووووووووب بالخير يعطيج الف عافيه جزاج الله خير دامت لنا الكويت وعاشت لنا ديره الاحباب وعاشواا اهلها جعل ايامنا كلها سعاده يا اهل الكويت قولوا امين |
رووعه غاليتي
فهد وشهد يحرام قطعو قلبي كل واحد فيه اللي مكفيه الله يصلح الحال يارب واتمنى شهد تفيق من الصدمه وتتجاوزها الحياة مابتوقف حرام تفني عمرها وحب فهد بسبب تجربه مؤلمه دمتى يامبدعه ولاتحرمينا من قصتك الرووعه |
يسلمو كتيررررر ع البارت بجنن الله يوفقك
|
هلا بالنور والله
لي عووووووده ثانيه بعد ما اقرء البارت فدييييييييييييييييييييييييت الغالين انا |
عذوبه تسلم ايديكى على البارت الجميل
اقتباس:
ومتشكره كتير على شرحك والمعلومه وصلت ياقمر. البارت رائع المشاعر ديه غريبه فى التوقيت اللى شافت فيه طيبه وحنان فهد مع الاطفال وتقرر انها تعرف كل حاجه عنه ديه كانت خطوه كويسه لتحسن علاقتها بفهد حتى وهى بتدور فى اشياءه كل ما تفتح درج بتكون خايفه ومش عايزه يكون اللى فى عقلها صحيح بس رجعنا لنقطه الصفر باكتشافها مساله انه دكتور وجراح وكمان انهم داروا عنها الحقيقه واكيد اللحظات اللى هى عاشتها بعد كده كانت لحظات خوف من فهد وعدم ثقه باللى حواليها. انا من اشد المعجبين باابو شهد مثقف وواعى والافضل الايمان الشديد بالله احترمت رغبته لما اصر على انه يعالج بنته بقراءه القران لها وشرب مياه زمزم والادعيه والرقيه والحمد لله تحسنت كتير . فهد خوفه على شهد كبير وبيحبها قوى بس ياريت هى تحس انه فعلا بيحبها وتتخلص من الرواسب اللى اتركزت فى قلبها ناحيه الاطباء عموما. وصفك لحالتها وهى متخيله فهد كله دم وريحته دم وبتطلب منه انه ما يقطعش ايديها -التعبير قاسى- كان ارائع جدا ياعذوب رفضها ليه شىء مؤلم للطرفين بس فهد حاسه بصوره اكبر بكتير. طبعا اصرار ابو شهد على وجود فهد فى العيد كان قرار حكيم جدا . اما بالنسبه لدخول شهد ومحاوله فهد انه يسلم عليها وهى رافضه ومعناده وابوها يقول لها تسلم عليه وهى رافضه رفض قاطع واجبارها على انها تسلم عليه وتحترمه وهى رفاضه وتطلب منه الطلاق وتهينه قدامهم كلهم اعتقد ان ابو شهد لحظتها كان شايف ان خلاص لازم وضع حد لانها خرجت عن الحدود وما احترمتش كلمه ابوها من ناحيه والناحيه التانيه صغرت فهد والصفعه اللى خدتها من ابوها لان فهد مش هيضربها لانه مقدر حالتها وماكانش عايز يجى من الاساس وطلال لالا مااعتقدش هو ابوها بس انا خايفه ليزيد ده من احساسها بالوحده والالم . بس حاسه انه هيكون سبب فى تحسين علاقتها بفهد بصوره او باخرى اللى خايفه منه ان ابو شهد وفهد يقرروا فرح شهد . عرفت ان الفتره ديه هى فتره اعياد فى الكويت كل سنه وانتى طيبه الله يعيدها عليكم الايام ديه بالخير يارب امين. تسلم ايديكى ياعذوب ومستنيين البارت الجديد |
تسلمين عالبارت
بس عندي تصحيح الغزو العراقي صار 1990 مو 1989 |
هلا بالغلا كله
والله باررررررررررررررررررررررررررررررررررت حلووووو ورائع واحداث حلوه وغريبه بس والله شهد تدلعت زياده عن اللزوم ما تلاقين رجال مثل فهد يحبك ويموت عليش حاولي انتي تتعدين هالمرحله وهو راح يساعدك بعيونه فديته الحنون والله شهد الدلوعه ما تستاهله بس والله قمة الاسلوب الرائع وتصويرك للماشهد كاني جالسه معاهم بوسط الصاله واشوف الكف الي يرون باذني ننتظرك يالغاليه |
تسلم ايدج
ان شاء الله اقراه واعلق |
ما شاء الله عليج عذوبة مبدعة مبدعة مبدعة ولو اقول هالكلمة لآخر يوم بعمري مارح اعطيج حقج
يا عمري عليج المفروض يراعونها ويعاملونها زين مو بالغصب ترجع لفهد اوكي صج فهد زين بس مو تنطق عشانه لانها بتكرهه اكثر وبتعتقد انه السبب في تغير الكل عليها فهد يا عمري مسكين ماعليك من شهد ترا تتغلا واهي تحبك بس منصدمة المهم الحين وبعد ما خذت طراق بسبتك يمكن تكرهك اكثر فانت المفروض تحن عليها وتكون لها الدوا الي يشافي جرحها من ابوها الي طقها اوكي؟؟ اقول عذوبة فهد ومتعلق بشهد وطلال ومتزوج ماعندج مزيون وحنون وفي مواصفات فهد وطلال تزوجيني ياه؟؟ تقبلي مروري |
السلام عليكم و رحمة الله و بركاته كيفك عذبة التجريح... ان شاء الله تكوني بخير حبيت اهنيك بالعيد الوطني... اعاده الله عليكم عزيزتي... صراحة هذا البارت و البارت اللي قبله ابدعتي بوصف المشاعر و الأحاسيس شهد مشاعر الخوف من الخيل وهو عشقها في الصغر و كرهها في الكبر احساسها بالخوف من الدكاترة واللي تجسد بصورة فهد وخوفها منه فهد احاسيس و مشاعر مختلطة خوف قهر حب والأهم شعوره بالعجز عن مساعدة حبيبته اللي سواه ابو شهد تصرف طبيعي جدا لأن مافي ابو بيرضى يشوف بنته تقلل من احترام زوجها وولد عمها قدامه بس ايش نتيجة هالتصرف بالنسبة لشهد اعتقد انها بتزيد عناد ممممم ممكن اللي ضرب شهد يكون فهد يعني المسكين كان يعاني من ضغوط وكلام شهد كان القشة اللي قسمت ظهر البعير فضربها وظني ان بيعجل بالزواج عشان تكون شهد تحت عينه ويقدر يساعدها و تتخطى هالخوف وترد طبيعية دمتي مبدعة :flowers2: |
روووووووووووووووووووووووعه الباااااااااااااااااااااارت
الله يعطييييييييييييييك العااااااااااااافيه اتوقع اللي عطاها الكف ابووووووووها |
مشكــــــــــــــــــــــــــــورة
البــــــــــــــارتـــ يــــــــجنـــــــــــــنـ |
مرحبا عذبه
مشكوره على البارت الحلو الذي من خلاله اتضحت كثير من الامور التي تخاف منها شهد وتتجنبها مرت شهد بتجربه مريره مما ترك اثر عميق في نفسها وصعب ان يبرى ويندمل بسهوله فهد شخصيه رائعه مناضله فعل وسيفعل المستحيل ليداوي متمردته ويرجع حبه الماضي ممكن من صفع شهد الاب لانها اسأت كثيرا لفهد وقللت من احترامه فكان لابد من وضع حد لتصرفاتها الرعناء او يكون من فهد لانه لم يتوقع ممن عشقها وكم تمنى ان يأتي اليوم الذي يرتبط فيه اسمه بأسمها فلكل فعل ردة فعل ودمتييييي بحفظ الرحمن |
ووووووااااو عذووووب
البارت جميل جدا ومشوق عجبتني لحظة الحوار الصامت الي بالعيون بين شهود و فهود صمتهم كان اشبه بحوار مصيري بس تعرفي شهود كانت محتاجه هادا الكف مش مهم من مين بس كان لازم يجيها عشان يفوقها من الي هي فيه بعض الأحيان الصدمه تكون افضل علاج وأعتقد انه من فهود اما لو من جد فهود هو الي ضربها حيكون في نظري رجال من ظهر رجال وشهود بعد الكف دا حتتغير ويا خبر بفلوس انا ما احب استبق الأمور حسيب الإبداع لك وتقبلي تحياتي وبوساتي *ــ^ |
القصه وراعيه القصه مبدعين وحلوين وماتقصرين ياعذوب عالبارت واتمنى ماطولين علينا
|
اقتباس:
العفو يالغالية واسعدتيني بأطرائج.. وياعل ربي يسعدج بالدارين اللهم آمين اقتباس:
اللهم آمين اللهم آمين اقتباس:
والحمد لله إني قدرت أوصل لكم الأحاسيس اللي تدور بفكر الأبطال واخليكم تعيشون معاهم بالقصة وهذا كله بفضل الله ثم فضل تواصلكم وتشجيعكم لي يابعد عمري وربي لايخليني منكم.. اقتباس:
إما يخوضه ويكمل فيه لين الآخر.. أو ييأس ويقطع الرجا من بنت عمه العنودية والمتمردة.. وهذا الشي بتعرفونه بالبارتات اليايه..!! اقتباس:
وانتي صاجه عطينها ويهه أكثر من اللزوم..!! وانا معاج إن الصفعة راح يكون لها مردودين..بس أي واحد راح تتخذه شهد..!! وشهد محتاجة موبس للحنان.. محتاجه للثقة بالنفس.. لأن الخيانة والصفعة الكبيرة يتها من أقرب الناس لها.. وهالشي راح تعرفونه بالبارتات اليايه إن شاء الله ويمكن شدة أبوها عليها صحيحة.. ويمكن تييب المردود العكسي.. والله يستر اقتباس:
انا طيبة واحب اسمع الكلام.. بس ترى مودوم.. لأني مرات أفصل واصير مثل شهود متمردة وعنودية بس أفا عليج حاظرين للطيبين يابعد عمري وربي يعافيج ويخليج ويسلمج من كل شر ومكروه اللهم آمين اقتباس:
ويجعل كل دول خليجنا الحبيب والوطن العربي ينعم بالعز والسلام ويجعل ديارنا وديار المسلمين عامره بالأفراح طول العمر اللهم آمين وخالص محبتي وتقديري لج ياخطوات ورده الحبيبة يابنت بلادي وبقلبي جريبة أختج ومحبتج عذبة التجريح :flowers2: |
اقتباس:
حياك واسعدك الرحمن أختي الغالية همسه ود وشكرا لمرورك ومتابعتك معي أختي الحبيبة ولاحرمني من طلتك الجميلة وتواصلك العذب يالغالية خالص مودتي وتقديري أختك ومحبتك عذبة التجريح:flowers2: |
اقتباس:
الله يسلمك ويسعدك أختي الديراوية الغالية خالص مودتي أختك المحبة عذبة التجريح :flowers2: |
مرحبا عذوبه اول شي بقولج:rdd17ns5: وانا كنت من المتابعين للروايه بس بصمت واول مره اشارك في الرد او مثل ما يقولون ابدي رايي في القصه واحب اقلولج :rdd12tf: على هل قصه الحلوه واحب اشجعج على هل شي خصوصا ان اسلوبج حلو في الكتابه والاحلا استخدام المفردات الكويتيه في القصه هل شي يطفي روح واحساس حلو لما نقرا القصه :55::Thanx:وعلى التوقعات هذا الجزء ان الي صفع شهد اهو ابوها لانها وايد تجاوزة حدودها مع فهد المسجين خصوصا ان كل اهلها شايفين وحاسين بالي في قلب فهد من ناحية شهد من حب ورعاية فاكيد ما راح يرضون عليه بالمذله حتى لو كانت هل زله من شهد حبيبتهم ودلوعتهم لان الاحترام بين الزوجين واجب حتى لو كان واحد فيهم يتغاضى عن زلات الثاني بس لابد من ان يكون اهناك احترام بينهم عشان الحياة تستمر بينهم لان الحياة الزوجيه اذا ما فيها حب واحترام مستحيل تستمر بينهم وبس واعتقد ان ابوها سوى جذي عشان شهد تصحى من الصدمه الي عايشه فيها لان في بعض الحالات لابد من استخدام صدمه اقوى من الصدمه الي يتعرض لها المريض عشان يقدر يصحى منها او يتجاوزها :asd: وانشاء الله تحليلي يكون صح واخيرا اقولج:rdd12zp1: |
اقتباس:
هلا بك يابعد عمري يا ام كايد في القلب والعين مكانك ياكل الزين وربي يسعدك ويوفقك ولايحرمني منك أختي الحبيبة بنتظارك دوماً وابداً ولك كل المشاعر الجميلة والصادقة يالغالية أختك ومحبتك عذبة التجريح :flowers2: |
اقتباس:
ياحيا بالغلا وأختي الحبيبة waxengirl أسعدك ربي وزان ايامك بالنور والنجاح وانا بالخدمة لكل ماتطلبينه يالغالية.. بس آمري وتدللي..!! تحليلك للأمور جداً رائع أختي الحبيبة waxengirl وابو شهد من الرجال القلائل الذين صبروا وكافحوا والنكبات التي حصلت له من فقد الأحبة له من أخوه وأبناءه وزوجته.. وماحصل لشهد.. كلها زادته إيمانا بقضاء الله وقدره.. والتوجهه لله في أحلك الأمور وأصعبها.. وخير العلاج والتداوي هو بالقرآن والرقية.. وخصوصاً إذا كانت الأمراض نفسية..(( الابذكر الله تطمئن القلوب )) وبوخليفة لايرضى بالخطأ حتى لو كان من مدللته.. ولهذا اتخذ اسلوب الشدة مع شهد.. لردعها عما يجول بعقلها.. لأن الأمور غير موزونه لديها بسبب ماحدث لها.. وبالنسبة لأحساسك ستعرفين ماستئول عليه الأحداث بيوم الثلاثاء القادم بإذن الله تعالى وياعل جميع البلاد العربية تكون عامرة بالأفراح والأعياد.. وينصرها الله من كيد الأعداء اللهم آمين وتسلمين يابعد عمري على تواصلك العذب على قلبي كالسلسبيل وطلتك تبهج فؤادي وتثريه بالنسيم العليل ولاحرمني الله منك أختاً وحبيبةً وصديقةً أبد الدهر احبك في الله يا وجهه الخير قبلاتي لك يالغالية واسعدك الله ووفقك أختك ومحبتك عذبة التجريح :flowers2: |
اقتباس:
حياك الرحمن أختي الحبيبة الخيلاء وجزاك الله كل الخير على التصحيح والسموحة يالغالية.. لأني قد أوردت بالرواية بالخطأ عن الغير المقصود عن الغزو.. ولكن ولله الحمد تداركت الخطأ بوقته واصلحته.. ولاحرمني الله من طلتك وتواصلك يالغالية دمتي برعاية الله وحفظه أختك ومحبتك عذبة التجريح :flowers2: |
اقتباس:
وربي يالغالية كل ماشقت اسمك شفايفي تبتسم وانتي من الناس اللي حضورك يسعدني ويبهجني وربي يسعدك يا ام كايد طول العمر.. ويبعد الهم والغم وكل الحزن عنك وعن أحبابك اللهم آمين بس يالغالية شهد معذوره باللي تسويه.. وهذا الشي موبإيدها.. لأن عقلها الباطن مخزون فيه آلام ونكبات.. ومع الوقت راح تعرف الصح من الخطأ.. وبتشوفين.. واطراءك لي شرف ووسام يالغالية على صدري والحمد لله إني مع تجربتي الأولى قدرت أوصل لكم المعلومات اللي أبيها.. وهذا يدل على إنكم جمهور واعي ومثقف.. وتهمه الدقة بالوصف.. وربي يسعدكم أجمعين.. ويوفقكم وخالص حبي وتقديري لك يا ام كايد الحبيبة والغالية أختك ومحبتك عذبة التجريح :flowers2: |
اقتباس:
حياج ربي ويسعدج يابنت بلادي .. بنت الكويت الحبيبة وتسلمين يابعد عمري على كلماتج الحلوه والرقيقة .. وتحليلج للأمور بمنتهى الروعة أختي الحبيبة بس مرات وعلى قولت المثل تجري الرياح بما لاتشتهي السفن.. وشهد بعنادها وتمردها.. وعدم أحترامها لزوجها فهد.. الكف ياها بالوقت الصحيح يمكن هذا الكف من صالحها .. ويمكن يكون العكس ..!! ولكن الركة الحين تيي على فهد وطريقة معاملته لها..!! وهذا الشي راح تعرفينه بالبارت الياي إن شاء الله.. وعلى فكرة.. المزيزن موجود واهو نسخة من فهد.. شاهين بنفس أشباه فهد.. بس شوي اقصر منه يعني بجم سانتي.. ولون عيون بني غامج مو مثل فهد اسود داعج.. يالله ابيج تتهيأين لأن شاهين بيدورله على مرة .. وتراه مزيون ويهبل.. هااااااااا شرايج.. أقوله....!! هههههههههههههههههه.. ربي يرزقج باللي أحسن وأطيب وأحلى منهم.. واللي يسعدج ويهنيج.. ويرضيج.. ويتمم عليج بالخير والسعادة اللهم آمين خالص حبي وتقديري لج يابنت بلادي الحبيبة أختي الغالية بنت الكويت قبلاتي ومودتي لك ياغاليتي أختك ومحبتك عذبة التجريح :flowers2: |
اقتباس:
وعليكم السلام والرحمة الله وبركاته أختي وحبيبتي الغالية فراشة الوادي وانا يالغالية بخير طول ما انتوا بخير وصحة وعافية يارب وربي يعمر جميع بلاد المسلمين بالأفراح والأعياد والنصر المبين اللهم آمين وجزاك الله كل الخير على كلماتك واطراءك الجميل بحقي وهذا من طيب اصلك يالغالية وتوقعك يالغالية جداً خطير وقريب من الصحة..:f63: وفي البارتات القادمة بتبين لك الأمور .. وسير الأحداث بالرواية خالص حبي وتقديري لك أختي الحبيبة أختك ومحبتك عذبة التجريح :flowers2: |
اقتباس:
الروعة حضورك ومشاركتك لي أختي الحبيبة س والله يعافيك ويسلمك من كل شر يالغالية وبالبارت الياي راح تعرفين إذا كان أبوها اللي عطاها الكف أو أحد ثاني ..!! خالص مودتي وتقديري أختك المحبة عذبة التجريح :flowers2: |
اقتباس:
العفو خيتو مايا وتسلمين على طلتك وتواصلك يالغالية أختك ومحبتك عذبة التجريح :flowers2: |
:rdd10ut5:
قووووووووووووووووو هييييييييييييييييييييييد |
اقتباس:
أهلا وسهلا بأختي ميثان العزيزة أولاً مشكورة يالغالية على حضورك وتواصلك الجميل وثانياً تحليلك الرائع للأمور وأنت من النادرين التي وقفت وتفهمت لموقف شهد وفهد جميل وصفك له بالمناضل.. فهو فعلا مناضل بكل معنى الكلمة ولمعرفة من صفع شهد.. سأتركها للبارت القادم.. بيوم الثلاثاء إن شاء الله واسعدك الرحمن وحفظك من كل شر ومكروه أختي الحبيبة واسعدني تواصلك وتحليلك الجميل لاحرمني الله من طلتك البهية وتواصلك العذب دمتي بحفظ الله ورعاية أختك ومحبتك عذبة التجريح :flowers2: |
اقتباس:
يابعد عمري يا كل الأمل العربي حضورك هو الرائع والجميل وتواصلك هو العطر المثير ولحظة الحوار بالعيون .. لم أعتقد بأن أحد من الأعضاء سيلاحظها .. لأن بها بثت شهد كل السموم بنظراتها لفهد.. وفهد بثها كل الشوق والمحبة واللهفة.. وفعلا يالغالية شهد ياها الكف بالوقت الصحيح لأنها تمادت كثير بس من اللي عطاها الكف هذا هو السؤال.. وراح تترتب عليه أمور كثيرة..!! ومثل ماقلتي يالغالية ياخبر بفلوس.. يوم الثلاثاء القادم ببلاش..!! هههههههههههههه... وتسلمين يابعد عمري على تحليلك الجميل وتوقعاتك المحتملة..!! ولك مني خالص المحبة والتقدير.. وعليهم بوسات كثير..:hR604426::hR604426::hR604426::hR604426::hR604426: أختك ومحبتك عذبة التجريح :flowers2: |
اقتباس:
حياك الرحمن واسعدك أختي الغالية ورده من ذهب والروعة أختي الغالية هو حضورك وتنويرك لصفحاتي بارك الله فيك يالغالية ولاحرمني منك خالص مودتي وتقديري أختك المحبة عذبة التجريح :flowers2: |
اقتباس:
مليون مرحب ومليون امرحب ينثرون عليج الورد يا ام الحلا كله:i03Rose_Yellow::i05Tulip: حياج ربي واسعدج يالغلا بحضورك وتواصلك نورتي صفحاتي أختي الحبيبة ويابعد عمري يابنت بلادي .. وانا بصراحة ماكنت متوقعة بأن اللهجة الكويتية راح تلقى صدى مع القراء من جميع الوطن العربي .. ولكن ولله الحمد أحاول قدر المستطاع إني أوصل المعلومات واللهجة الكويتية للجميع واعطيهم معاني المفردات .. لأن اللهجة تختلف من منطقة لي منطقة .. وحتى عندنا بالكويت .. اللهجة البدوية غير عن الحضرية .. وللأسف إن الكثير من الجيل الحالي هجر الكلمات القديمة .. وبدى يتحجى بالمفردات اليديدة .. ويجهلون لما يكلمهم الكبار عن بعض الأمور بسبب جهلهم بالمفردات القديمة .. وأنا حبيت أعطي حتى فرصة للقراء الكويتين بعض المفردات اللي وللأسف يجهلونها .. مثل الضحى العود القايلة المسيان الجابلة واللابلة والكثير من الكلمات اللي راح تنذكر بالرواية في المستقبل وتحليلج يالغالية صح وبتعرفين هالشي باجر إن شاء الله لما أنزل الجزء اليديد من الرواية واتمنى إن يكون تواصلج دوم موبيوم يالغالية لأني أهتم بالآراء والنقد علشان أطور من نفسي واتجاوز أخطائي بالمستقبل.. ولج مني خالص المحبة والتقدير ودمتِ بحفظ الله ورعايته أختك ومحبتك عذبة التجريح :flowers2: |
اقتباس:
Thanks alot my dear خالص مودتي أختك المحبة عذبة التجريح :flowers2: |
اقتباس:
مرررراحب عذووووب ابغى البلاش الي قلتي عليه اليوم ثلاثاء |
اقتباس:
هههههههههههههه إن شاء الله ... كلها دقايق ويكون البارت نازل يالغالية خالص حبي وتقديري أختك ومحبتك عذوووووووبة :flowers2: |
السموحة بس دقايق والبارت نازل طولوا بالكم معاي شوية خالص حبي وتقديري للجميع عذووووبة :flowers2: |
تذكير بما حصل بنهاية الجزء السابق يوم الأربعاء 25 / 2 / 2004 على الساعة ثمانية الصبح وبيت بوخليفة بهاليوم يعج بالضجة واللجة من اليهال.. طبعاً وهذا الشي يسعد بوخليفة لما يشوف عيالة واحفاده كلهم حوله فرحانين.. والحريم الكبار يجهزون الريوق.. وشهد من بعد ردتها من المزرعة افقدت الكثير من وزنها.. ولكن حالتها النفسية وايد أحسن من قبل بس مازالت مصره على عنادها ورأيها بفهد ورفضها له ولشوفته.. واهي ليمن اللحين مانزلت تحت لأنها طول الليل كانت تتقلب من الألم الخفيف اللي مضايقها وضاربها من الأذن ويكمل على الصدغ من ناحية اليمين من الويهه.. وعشان جذي صحت متأخر شوي من النوم وراحت تاخذ لها حمام دافي وبتبدل وبعدها بتنزل وتسلم.. وفهود الصغير من زمان نازل تحت ومجابل عيال اعمامه واهله.. ومن خلصت شهد انزلت تحت الصالة.. وماكانت تدري إن ريلها فهد موجود وكان قاعد مع طلال وبوخليفة وبوحمد.. ومن دخلت الصالة كان بوخليفة بالواجه وماانتبهت لفهد.. شهد دخلت وسلمت على الجميع : السلام عليكم ورحمة الله وبركاته. الجميع : وعليكم السلام والرحمة. فهد انصدم من شاف الهيكل العظمي الداخل يسلم عليهم.. واللي اهي شهد..!! شهد سلمت على ابوها وبوحمد وباستهم على راسهم.. وراحت بتسلم على طلال إلا فهد بويهها.. انصدمت وتيبست بمكانها وهي تناظره وبدون أي كلام.. تموا يطالعون بعض.. لين وقف فهد وسلم عليها.. فهد وعيونه بتاكل شهد من الهفه عليها.. وبصوت هادي : شلونج شهد..!! عساج بخير..!! شهد : ................................. ........................................... .......................................... تمت ساكته والصدمة مرسومه على ويهها وبعيونها الغايره من الضعف.. وماردت السلام وطنشت.. لفت ويهها تبي تطلع من الصالة.. بس ابوها قال بصوت عالي وكأنه ينبه شهد على ريلها : زوجج يسلم عليج ياشهد.. وليش مارديتي السلام..؟؟ شهد تمت ساكته ولا لفت أو تحركت من مكانها..!! شهد : ............................... .......................................... .......................................... بوخليفة قال بأمر ولكن بصوت هادي : ردي وسلمي على زوجج ياشهد.. شهد تمت واقفه بدون حركة ولا لفت حتى على أبوها وتمت سافهه بفهد.. شهد : ................................. ........................................ ......................................... بوخليفة واحتد صوته شويه عليها وقال : سمعتي ياشهد انا شقلت..؟ انا قلت لج ردي وسلمي على زوجـــج ( وشدد على آخر كلمة ).. شهد تغير تعبير ويهها من الجمود للإستياء.. وبدت ترجف من القهر ولكن عنادها خلاها توقف وما تتحرك وتنصاع لأوامر أبوها.. شهد : ............................ ..................................... ..................................... بوخليفة عصب على شهد وقالها بلهجة شديدة وبصوت عالي : انا ماربيت بنتي على التكبر وعصيان أوامري.. وزوجج بتسلمين عليه والحين.. شهد وعيونها تبطلت على الحد وتيبست ريولها من الخوف.. والألم اللي بإذنها وبصدغها اليمين بدى يون عليها مره ثانية.. وزادت رجفت ايدها وتمت ساكته.. شهد : ................................ ........................................ ....................................... بوخليفة قام وراح لها.. وفهد حاول يوقفه لكن بوخليفة وصل لها.. ومسك شهد من ايدها وتلها عند فهد وحط ايد شهد بإيد فهد.. وقال : ماعندنا بنات يعصون ابهاتهم وازواجهم.. وصبرت عليج الأيام اللي طافت.. لكن عنادج طغى على تفكيرج.. وانا لحد اهنــي واقولـج بـــــس حـــــدج.. ولا تتمادين أكثر مع ريلــــج.. ترى والله ياشهد اتخذ وياج أجراء ثاني وأغير كل معاملتي لج.. وشهد مصدومة ومصعوقة باللي تسمعه وتشوفه من ابوها واللي يقوله وطريقة تهديده لها.. وهذا الشي شهد ماتعودته من أبوها.. يمكن أبوها يعامل اخوانها مرات بهالطريقة يمكن..!! لكن اهيه دلوعة أبوها..!! وطلباتها اوامر عند أبوها.. ويوم تزعل من أبوها.. اهو اللي ايي ويراضيها...... بس اللي تشوفه الحين شي ثاني.. شي اول مره تشوفه وتنحط فيه من موقف مع ابوها : لااااا.. أنـــا أكيد بحلم.. ماني بعلم..!! كل هذا يطلع من أبوي علي وكله علشان منــو...؟؟ علشان فهــــــــــد..!! فهـــد هذا القصـــاب الكـــذاب اللي خدعني..!! أبـــوي يصرخ علي ويتلني من إيدي علشانه..!! والله مااعديها لك يافهـــد.. لاااااااء.. مومعقـــــــول..!! شهد لفت ويهها صوب فهد وحطت عينها ابعينه وتمت اتناظر فيه بكل عصبية.. وتلت ايدها من ايده بكل قوة وعصبية واهيه تقوله بصوت يرجف من القهر والعناد : انا احتقرك.. انا اكرهك.. انا ما ابيك طلقنــي....... وفجأة صوت دوى بالصالة.. طــــــــــــــرااااااااااااااااااخ..!!!!!!! صفعة هوت من قوتها على الخد الشفاف والرقيق لشهد.. صفعة شلت كل حواسها وتفكيرها.. وشلت الجميع وخلتهم مصدومين ولا احد فيهم يقدر يواسيها.. وماحد فيهم قدر يتكلم أو يتحرك من مكانه ويبرد عليها.. صفعة تلقتها واظلمت الدنيا بعيونها وبمآقيها.. صفعة ذكرتها بكل آهاااااااااات الزمن والظروف وبمآسيها.. صفعة حسستها بيتمها وشل الفكر ابمعانيها.. صفعة انزلت مثل الجبل وحول بركان الغضب يصب ويدميها.. صفعة اجرحت خد الزمن واتركه ينزف ويحجي كل بلاويها.. صفعــــــــــة على خــــد الزمن يتلف الروح ويظلم ماضيها... آآآآآآآههههه يــا شــــهـــــــــــــــــــــــــــــد من وين بتلاقيها.. : : : : : : : : الجـزء العاشـ 10 ـر صفعة ألم هزت كيان شهد.. صفعة ماكانت بحساب الزمن.. من قوتها حست وكأن ويهها انشل.. وكأن جلدتها الرقيقة انفسخت من على ويهها.. وكأن عظم الفك انخلع.. صفعة جمدت الدم بمحاجرها.. وصارت عيونها من الصدمة لونها غريب وعجيب.. صار لونها لون الألم ممتزج مع القهر والإحباط.. لون الصدمة ممزوج باللآلام.. من قوة الصفعة اختل مركز التوازن والتمييز عندها وتوسعت حدقة عيونها.. وصارت لونها لون الموت والظلام.. فهد من خوفه عليها بهاللحظة وقف وراها ومد إيده ومسكها عشان يسندها وكأن الصفعه انزلت على خده.. وقف وراها وحضن ايدها بإيده اليسار ولف إيده اليمين على كتفها.. ولمها من ورا ظهرها.. يسندها على صدره لأن حس إن الصفعة زلزلت كل كيانها.. وخاف عليها لاتنهار واتطيح على الأرض.. وكان بإبهام إيده اليسار يفرك باطن كف إيدها علشان يهديها.. وشهد عيونها ضايعة وموقادرة تركز على شي.. تمت متيبسه حتى ماعدلت وضع راسها من بعد الصفعة وتمت لافه ويهها ناحية يسارها.. راسها ماتحرك علشان يواجهه صاحب الصفعة.. عيونها اجمدت واظلمت من تأثير الصفعة وعيت لاتواجهه أبوها مركز الأمان والحنان بحياتها.. والموقف هذا كله صار ابثواني ماتنعد على اصابع ايدها.. وماقدرت تتحرك أو تسوي أي شي لأن الكف عطل مكامن الإدراك عندها.. وماكانت تحس بوجود نصف وجهها اليمين.. خـــــــــــدااااااااااااااااااااااااااااااااااااااااار.. خدار عجيب موبس بالجلد والعظم..لااا..لاااا.. حتى بخلايا مخها حست انها خدرانه ومتعطله عن التفكيررررررررررررررر..!! بوخليفة من صدمته ابقوة ايده على وجهه شهد.. واشلون خد العصفورة.. خد الفراشة.. أصبح لهب.. توقف الزمن لحظات على كل من بالصالة.. وبعد ماحضن فهد شهد اهيه مو حاسة باللي يصير من الصدمة.. بوخليفة استجمع شتات نفسه وقال لشهد بنبره مامداها تبرد وتهدي : أنا حذرتج بس عنادج اغواج.. ومن اليوم ورايح لي تصرف ثاني معاج.. وشهد من عقب كلمة ابوها الأخيره ماقدرت تستحمل أكثر.. وهدت الصالة وراحت لغرفتها ركض وتقفل باب غرفتها على روحها.. وترمي نفسها على السرير.. وتضيع ابموجه من البكاء المرير.. بكاء اليتيم لحنان وحضن يلمه ويفهم شعوره الحزين..!! : : وبالصالة عند بوخليفة بوخليفة بمحاولة انهاء الموضوع.. ويحاول يكون طبيعي وكأن شي لم يكن.. يكلم فهد بنبره حاول يخليها قدر المستطاع طبيعية.. ولكن صوته كان مازال يهتز من الألم اللي عمر بقلبه بسبب فعايل بنته شهد..!! بوخليفة : لا تحاتي يابوك كلها فترة بسيطه وبيرد لها عقلها.. وترجع الأمور مثل ماتبي.. فهد منزل راسه وحاس بالصدمة والإحباط : الله كريم.. بس ماكان بودي توصل المسألة فيها للعناد لهالمرحلة.. وأنا يوم هديت المزرعة ونزلت قلت عشان اعطيها سعة بالتفكير ووزن الأمور.. وماظنيتها يايُبه انها بتوصلها لمرحلة الطــــلاق..!! بوخليفة بصوت عالي وبحمق : ولايكون بتجاريها ابطلبها..!!؟؟ فهد رفع راسه وفتح عينه ويحاول يهدي عمه : لا يايُبه اشقالولك مينون..!!.. وشهد إن شاء الله ابترضى بواقعها ونصيبها... بوخليفة وبعصبية : والله رضت وإلا انرضت.. احنا ماعندنا بنات تمشي كلامها علينا.. وشهد غصبن عليها بترضى. فهد بنبرة هاديه علشان ماينفعل عمه أكثر من جذي : بس يُبه الله يخليك خف عليها اشوي.. ولا توصل حل الأمور للطق والإكراه. بوخليفة : لا يابوك.. انا وايد دلعتها وهالشي كبر راسها حتى علي.. وشهد بتييك وبتصير زوجتك سواء راضية ابنصيبها وإلا تنفلق.. ومن يوم ورايح راح اغير من معاملتي واياها.. وزمن الدلع ولى وانا أبوك.. وابيك تكون ريال في بيتك.. والكلمة الأولى والأخيرة لك مو لدلع البنات.. حتـــى مع بنتي.. صير شديد بتخاذ القرار.. وإلا بيفلت المركب وبتضيع هيبتك.. وانت ولدي ومنت بغريب واللي ابيه منك يابوك انك تمهلنا هالجم يوم.. وشهد بتكون عندك في بيتك. قال بوخليفة كلمته الأخيرة ووقف وهو يعلن انتهاء المناقشة.. يعني لارجعة بالقرار..!! وفهد على قد ماكانت المشاعر مختلطة بقلبه بهاللحظة.. حزين من موقف شهد وكلامها الجارح.. ومستانس من كلام عمه وموقفه.. بس هم كاسر قلبه شهد.. وخصوصاً بعد الكف اللي ياها اليوم من ابوها.. وفهد ماحب حزتها يحرجها.. فعلشان جذي سيده مسك ايدها يهديها ولمها من وراها علشان ماتشوفه وتحس بالأحراج جدامه مستقبلا..... أأأخخخخخ يافهد على قد ماتحب وتراعي شعور شهد.. وعلى قد ماتعاندك وتجرحك هالمتمردة.. أمر بوخليفة انهم يحطون الريوق ويتيمعون على السفرة وكأن شي لم يكن.. ويستمر اليوم طبيعي.. وشهد له تصرف ثاني معاها عقب.. بس الحين بيخليها علشان تراجع نفسها وتوزن الأمور ابعقلها وتعرف خطأها.. وأمر الجميع بعدم الصعود لها وتركها لحالها..!! : : وعدى الصباح مع لجت اليهال وصياحهم ولعبهم وجمعت الكبار.. وأم خليفة مستهمة على شهد وابخاطرها تروح وتشوفها بعد ما انتشر عن اللي صار مابين شهد وموقفها من فهد وتصرف بوخليفة معاها.. بس كلمة بوخليفة ماتنزل القاع ومن عطى كلمته الكل له انصاع.. ويا وقت الغدا وعدى وشهد مالها بينه.. وبوحمد همن كان قلبه ياكله على اخته وبنته شهد.. ووده يعرف اشلونها بس مايقدر يكسر كلام ابوه.. وعدى المغرب ومن بعده العشا وتجمعوا العائلة مرة ثانية على العشا.. وغياب شهد طوّل وكلن عينه على بوخليفة ينتظر كلمة الفرج عن شهد.. بس لاحياة لمن تنادي.. مع انهم مايدرون بالصراع اللي داير ابقلب وعقل بوخليفة.. واشلون مايحاتيها واهيه قطعة من قلبه.. واهي الوحيدة اللي تمت له من ريحة المرحومة.. وكان بوخليفة بنفسه وده يروح لشهد ويلمها ويحط راسها على صدره.. ويهديها لدربها..... بس هي زودتها اشوي الله يهديها.. وبصراحة بوخليفة ما استحمل من سمع طريقة كلامها مع فهد واحتقارها له.. وطلبها للطلاق من فهد هذي القشة اللي اقصمت ظهر بوخليفة.. تمردها كل ماله ويزيد.. وهو سوى هالشي ووقفها عند حدها علشان يلجم اعنادها.. ويردها لعقلها..!! : : وعلى الساعة 11:30 بالليل أم خليفة خلاص نفذ صبرها وماعاد فيها تستحمل زود.. وتكلم زوجها بوخليفة بصوت هادي ومكسور.. وتقول : ماحن قلبك على ضناك..!!.. يامحمد انا قلبي تقطع عليها الله يخليك خلني اروح واشوفها.. اخاف صابها شي واحنا هني قاعدين وماندري عنها..؟؟!! بوخليفة بصوت ثابت وبنبره جافه يكابر فيها شوقه لبنته ولهفته عليها : خليها ياطيبة تستوعب الدرس عدل.. انا دللتها وايد وانا اللي برد أأدبها.. قبل لاتروح بيت زوجها لازم تكون مرة سنعة تعرف واجبها.. وإلا باجر الناس تقول بوخليفة ماعرف يربي بنته.. وكاهي دايره على هواها محد يقدر يلجمها.. أم خليفة وقلبها زادت لواهيبه على شهد.. وبنبرة فيها كل العتب على شريك حياتها : انت شتقول الله يهديك..!! هذي شهد وانت ربيتها احسن تربية.. وعمرها ماطلعت منها العيبة.. بوخليفة يقطع كلام مرته بس بصوت خايب ومكسور : لاااا ياطيبة.. العيبة اطلعت منها اليوم جدامي وجدام أخوانها على أقرب الناس لها.. على ريّلها.. اليوم شهد اكسرت كلمتي وعاندت حتى نفسها.. وبالآخر اسفهت ريلها واحتقرته واطلبت الطلاق.. وهالشي خلى الدم يغلي في عروقي.. وقمت لجمتها....... مادريت ابروحي إلا وايدي لازقه بويهها.. حسيت بألم الكف من نفضت اعظامي.. ومارحمتها. أم خليفة وقلبها يتقطع على بنتها ودموعها سيل على خدها : الشيطان قص عليها ولعب ابعقلها.. بس شهد والله يامحمد موهذي طبايعها.. يمكن احنا غلطنا يوم خشينا عنها الحقيقة عن وظيفة فهد.. ولا تنسى إنك اجبرتها على الزواج منه وشهد بعد الحادث مكسورة يامحمد.. شهد اتعذب باليوم ألف مرة لمن تحاول تسوي أي شي لروحها وتفشل.. انت ماتعرف ولاتدري واشلون حتى لمن تِنْسِلْ ( تمشط شعرها ) راسها وتبي تسرحه تحاول وتحاول وماتقدر.. أو إذا بخاطرها شي اتسويه وتعجز.. شهد ماانولدت مع الإعاقة عشان تقدر تأقلم نفسها عليها بهالسرعة.. لا يا محمد شهد طول عمرها وانت بنفسك كنت تسميها مهره برية حره وتسوي كل شي تبي بنفسها.. بدون ماتطلب معونة احد.. وفجأة تشوف نفسها عاجزة حتى عن خدمة روحها بأبسط الأمور وهي انها ترفع جمومها ( تفسر اكمامها.. تشمر عن كمومها ).. وتقوم تزيد عليها بصفعة ماترحمها.. والله حرام هالبنت من وين بتلقى الحنان والأمان وأقرب الناس مافهمها ولارحمها..!! بوخليفة ودموعة تسكب سكب على بنته وكأن أول مره يسمع عن حقيقة شهد وعجزها.. يالله رحمتك يالمعين أرحم بنتي وعينها على ما بلاها يارب العالمين.. اللهم لك الحمد على مااعطيت ولك الحمد على ماقضيت.. فإنك تقضي بالحق ولا يقضى عليك.. فلك الحمد ولك الشكر على ماقضيت.. ولك الحمد ولك الشكر على جميع النعم يارب العالمين.. اللهم فرج كرب ابنتي وادفع عنها الهم والغم.. اللهم انر لها قلبها ودربها وكن لها معيناً واجعلها من الصابرين والشاكرين في البلاء والرخاء يارب العالمين.. اللهم آجر ابنتي في مصيبتها واخلف لها بالخير ياأرحم الراحمين.. وحنن قلب عبادك عليها ولا تسلط عليها من لايخافك ولايرحمها يارب العالمين.. اللهم اعنها ويسر لها جميع امورها.. فإنك قلت وقولك الحق.. ( فإن مع العسر يسرا . إن مع العسر يسرا ) اللهم يسر عليها وافتح لها باب الفرج مع كل ضيق وعسر اللهم آمين يارحمن يارحيم ياسميع يامجيب الدعاء الهي وسيدي وخالقي ربي ورب الناس أجمعين.. اللهم آمين اللهم آمين اللهم آمين : : بوخليفة بعد ماخلص دعاءه لبنته.. وبعد ماهدت نوبت صراعه مع نفسه وحزنه على شهد وذرف الدموع من كل قلبه عليها.. وأم خليفة رفيجة دربه هدت اهي الثانية ووقفت بكائها.. قالها وبصوت متهدج من الحزن : انا لما مديت ايدي عليها كنت ابي احميها من نفسها ومن عنادها.. وانتِ عارفة مثل كل اخوانها إن فهد ولد عمها.. أهو انسب واحد لها.. ويوم كلمني عنها وخطبها.. ياني عاتب وشرهان علي.. لأني زوجتها لعصام من قبل.. واهو اللي من يوم ماانولدت شهد انولد حبها وغلاها ابقلبه.. وحبها كل ماله ويزيد.. والحين وعقب ماعرف باللي صابها ماتنكر لها مثل ولد خالتها الحقير.. وعرف شلون رحمة ربي واسعة عليه.. لأنه صار دكتور ويقدر يحرص عليها ويراعيها أكثر من قبل.. وخصوصاً بحالتها وفقدانها لجزء من ذاكرتها.. وانها راح اتكون مو بس برعاية طبية وياه لاء.. لأن فهد راح يكون لها الزوج والأخو والصديق والمعين والحبيب والأبو والأم والطبيب المعالج واللي راح يسهر عليها وعلى راحتها..!! وانتي شفتي رعايته لها بالمزرعة لما صارلها ماصار.. واشلون المسكين كان يسهر عليها ويرعاها حتى أكثر منا إحنا.. وبعد الكلام اللي قالته شهد واغلطت بحقه وبلحظة غضب وانها ابتنفصل عنه.. اهني قلت لازم أكون معاها شديد علشانها.. وعلشان مصلحتها.. وعلشان نفسها اللي ماهي قادره تتخذ القرار الصحيح بحق نفسها.. أم خليفة : عارفة يامحمد وصاج بكل اللي قلته والله.. بس ماجنك قسيت عليها اكثر من اللازم..؟؟ والبنت من مديت ايدك عليها واهيه قافلة على روحها الباب والله العالم ابحالها..!! بوخليفة : الشدة ماتضر في هالأمور ياطيبة.. خليها اتعرف خطأها وتتعلم.. ابيها تكون قد المسئولية.. واهيه قدها واقدود.. بس خليها لين باجر وماراح يضرها شي.. أم خليفة : شهد من أمس مادش الزاد فبطنها.. بوخليفة : شهد جسمها متعود على هالنمط من الصيام.. ويوم زيادة مابيضرها.. أم خليفة وقلبها متقطع زود من كثر القلق والوله على شهد.. بالمقابل ماتقدر تكسر كلمة ريلها وابوعيالها.. والله يصبرها لين باجر ويطمن قلبها على شهد.. آمين : : : : يـتـبــــــــــــــع |
يوم الخميس 26 / 2 / 2004 اليوم الثاني عيد التحرير لدولتنا الحبيبة الكويت وعسى الأعياد عامرة ابجميع بلاد المسلمين اللهم آمين الساعة 8:00 الصبح في بيت بوخليفة واللي وصل اليوم من العيال.. طلال واهله، بوحمد ومرته، بوضاري واهله.. والبقية إلى الآن ماوصلوا أو على وصول.. في الصالة الصغيرة كان بوخليفة مع بوحمد وبوضاري وطلال وشاهين وعبدالله قاعدين وناطرين البقية على ماتوصل علشان يتريقون يميع مع بعض.. بوخليفة طلب من عبدالله ينادي شهد من غرفتها.. وعبدالله صعد لغرفة اخته ودق عليها الباب.. وماكان في جواب.. رد دق مرة ثانية.. وماحصل جواب بعد وحاول يفتح الباب شافة مقفول من داخل.. وقام ينادي عليها بس مافي جواب.. خاف على أخته لايكون مغمي عليها أو صابها شي..!! ونزل تحت ركض عند ابوه وخبره باللي صار.. بوخليفة وقلبه انقبض واتخرع على بنته.. وطلب من شاهين وطلال يروحون يشوفونها وإن اقتضى الأمر يكسرون باب غرفتها.. واصعدوا ومعاهم عبدالله.. ودقوا الباب.. وماياهم رد.....!!!!! شاهين طق الباب ابقوة وابصوت عالي : شهـــــد تسمعيني فتحي الباب أبي اشوفج.. حط شاهين إذنه على الباب وحاول يتسمع أي صوت أو شي وماكان يسمع أي شي.. طلال يكلم عبدالله : روح ييب صندوق العدة بنفتح الباب ابسرعة.. ( ورد يطق الباب على شهد ابمحاوله اخيره علي وعسى ايهم رد وتكون ابخير ).. شهوده حبيبتي انتي تسمعيني...!! ( وماكو رد ).. وبمحاولة أخيرة من قبل طلال وبصوت أعلى علي وعسى ترد عليهم شهد : شهود ترى بنكسر الباب وإذا كنتي تسمعينا ففتحي حبيبتي.. وإذا ماتقدرين عطينا بس صوت.. ( وحط إذنه على الباب أهو وشاهين بس ماكو رد ولا صوت ) شاهين : خلاص ياطلال لازم نكسر الباب أنا خايف لايكون شي صاب شهد.. أو يمكن يكون مغمي عليها.. طلال : وشلون تخلونها تقفل الباب على روحها وهي بحالتها هذي..!! وياهم عبدالله ركض بصندوق العدة علشان يحاولون يفتحون الباب.. وتوهم مدنقين بيبدون علشان يكسرون الباب..!! انفتح باب الغرفة وطلت عليهم شهد وكانت لافه راسها بفوطه ( منشفة ).. لأنها توها مخلصة سباحة وماكانت تسمعهم.. لأن الحمام بالداخل من بعد غرفة الملابس يعني لو يحطون مدافع ماراح تنسمع على حالتها..!! وشهد كانت واقفه ومنصدمه من المنظر اللي شافته بره عند باب غرفتها.. وهي من أفتحت باب الغرفة إلا وثلاث رياييل واقفين عند باب الغرفة ومعاهم درنفيسات ومطارق وبلاوي.....!! وكأنهم ناوين على هجوم كاسح عالغرفة..!! وقفوا كلن متواجه بوجهه الثاني.. طلال وشاهين كانوا جدام ووراهم عبدالله يطل.. وشهد ابويهم امبطله عيونها ومستغربة باللي قاعدة تشوفة..!!.. الشباب تصنموا من شافوا وجهه شهد يطل عليهم.. وشكلها متغير بالمره.. كان خدها اليمين وارم وأزرق.. شهد بس تذكرت ويهها واللي صار أمس.. تراجعت سيده لداخل الغرفة وكانت بتسكر الباب بوجيهم.. لكن شاهين كان اسرع منها وحط الدرنفيس ( مفك البراغي ) اللي بإيده بزاوية الباب الداخلية.. وماقدرت شهد تسكره.. فدخلت شهد تبي تنخش ابغرفة الملابس أو الحمام وتقفل على نفسها الباب.. ماتبي تشوف أي احد من عقب اللي صار.. ماتقدر تواجهم واهي بهالحال.. وسيده شاهين كان الأسرع فيهم وعرف بنيتها.. لحقها ولف ايده على خاصرتها وسحبها لما السرير.. ولفها عشان تواجهه.. واهي قامت اتخبط من خوفها وفشلتها ودموعها تارسه عيونها وتحجب الشوف.. كانت تتلوى وتحاول تفك نفسها من بين إيده وماقدرت.. وطاحت الفوطة من على راسها أثناء الحركة والتلوي من بين ايدينه.. لمها بسرعة عشان يهديها وحاول يحط راسها على صدره.. ولمس خدها اليمين بالخطأ واهني تأوهت من الألم وقامت تبجي أكثر وتون من شدة الألم اللي يفتك بإذنها.. قلبه عوره من شافها اشلون اتلوى وتون من الألم.. وحاول انه يهديها وحط راسها من صوب خدها اليسار على صدره وقام يمسح على راسها ويسمي عليها.. وطلال من شاف شهد انصدم قلبه عوره وماقدر يستحمل.. مسك عبدالله وقاله يشيل العدة ويردها واهو بيروح تحت عند ابوه ويقوله على اللي صار واستوى.. ونزل طلال سيده وكان حزتها فهد وبوناصر وحمد وخالد يايين وموجودين مع ابوه والبقية.. وراح طلال يطمن ابوه ويخبره باللي صار.. وكان فهد قاعد يم عمه ويتسمع لكلام كان يقوله شي.. دخل طلال وتوجه عند أبوه واهو يسلم على الجميع : السلام والرحمه للجميع.. الجميع رد عليه السلام.. قرب طلال من بوخليفة وحاول قدر المستطاع إن يكلم ابوه ابهدوء عشان مايخرعه وقاله : يُبه شهد فوق ومستحيه تنزل وودها تشوفك..!! بوخليفة : قول لها اتييني ابغرفتي ابيها.. طلال القلق مرسوم على ويهه : طال عمرك اهي اشويه تعبانه.. وياليت يا يُبه تشوفها.. بوخليفة ماتطمن من لهجة طلال ورده وحتى فهد قلبه كان ينغزه وماكان متطمن.. فهد : يُبه الله يخليك خذني وياك ابي أشوفها..!!؟ وقام بوخليفة مع فهد وطلال واصعدوا عند شهد.. وقف فهد عند باب الغرفة وماحب يدخل إلا بإذن من عمه بوخليفة.. وباب الغرفة كان مفتوح.. وشهد خذاها شاهين وسدحها على السرير بعد ماحاول إنه يهديها.. وكان شعرها مازال رطب من بعد الحمام والفوطة ( المنشفة ) طايحه على الأرض.. وقبل لايدخل بوخليفة على شهد.. طلال حب يخبره علشان لاينصدم باللي راح يشوفه وكان فهد معاهم ويسمع.. طلال وبصوت واطي : يُبه قبل لاتدخل عليها.. ترى شهد متعورة وويهها امورم.. واهني بوخليفة وفهد تبطلت اعيونهم على الحد من الصدمة ودش بوخليفة سيده على شهد وقلبه يعوره على اللي سواه فيها.. ومن شافت شهد ابوها يدخل من باب الغرفة اقعدت على حيلها وكان راسها يلف فيها من الألم.. ولفت ويهها صوب الثاني معاكس لباب الغرفة جهة اليمين علشان تخفي ويهها عن ابوها.. وشاهين من شاف ابوه قام من مكانه ووقف عند باب الغرفة من داخل علشان يعطي ابوه فرصة يكلم شهد على راحته.. بوخليفة قعد على السرير يسار شهد بمواجها ومسك حنجها ( حنكها ) ولف ويهها بأصابع حنونه عشان يشوفه.. ومن طاحت عينه على الورم والعلامة.. اهني انصدم أكثر بس خشها ابنفسه وماحب يبين ضعفه وصدمته وبللي استوى لشهد من الكف اللي عطاها اياه.. وتم يناظرها واهيه منزله عيونها ودموعها تنزل سيل على خدودها.. حاول يمسح دموعها بدون مايألمها.. وعقب باسها على راسها وقام يمسح على شعرها واهو ساكت.. بوخليفة بصوت حاني بس فيه شدة اشوي : ........... انا ماييت ابرر موقفي لج يابوج.. انا يايج وكلي امل تكونين عرفتي خطأج وتندمتي عليه.. وسكت شوي وكمل : .......... واللي ابيه منج الحين تستسمحين من ريلج.. وكاهو يبته معاي.. شهد وقلبها طاح من الخوف وعيونها ارتفعت على ابوها تبي تتأكد من كلام أبوها اللي قاله..!!.. ودموعها زادت من الموقف اللي اهيه فيه.. بس ماتكلمت ولاانطقت بأي حرف حتى لأبوها.. واهي اساساً شكلها ماتقدر تتكلم أو تفتح حلجها من الألم القوي اللي تحس فيه.. واللي خلاها طول الليلة اللي فاتت صاحية وتتقلب على الفراش مانامت.. وهذا يعني إنها صارلها الحين يومين مونايمة.. وعشان جذيه ماتكلمت وتمت ساكته وعيونها منزلتها تحت.. ودموعها تصب صب.. بوخليفة لف راسه ناحية الباب وبصوت عالي شوي ينادي فهد ويقوله : فهد تعال يابوك.. دخل فهد الغرفة وشهد من الخوف لفت ويهها مره ثانية على جهة اليمين عالصوب الثاني وما انتبه عليها بوخليفة على حركتها لأن ويهه بجهة الباب وعينه على فهد اللي دخل الغرفة.. وقال يكمل كلامه بصوت الواثق واللي مايتقبل المعارضة والنقاش حق فهد.. ويقوله بصوت ثابت وعميق : هذي مرتك وحليلتك.. وشهد ياولدي اعرفت غلطتها وهي ندمانه على اللي بدر منها صوبك يابوك وتستسمح منك.. شهد وقلبها محترق من القهر وماهي قادرة تعترض أو تقول اي شي أو تتصرف أي تصرف.. وكلام أبوها زاد اللهيب والحقد على فهد ابقلبها.. طبعاً واشلون تبون تتنازل واهي بفكرها إن كل ماياها من تحت راسه.. وغضب ابوها ومدت ايده عليها واهوه اللي عمره مامد ايده عليها أو رفض لها طلب.. وكانت دلوعته والمدللـة وكل طلباتها مجابه عنده.. وبس ابسبته ابوها قلب عليها وصار ضدها.. ولاااااا.. صفعها كف مارحم حالها.. : هين يافهد أنا براويك.. والله ياويلك مني واللي بييك مني.. على بالك انا رضيت فيك وراح أخضع لك... هــــــــــــــــــين بالعيد ياسعيد.. والله لخليك تكره ابحياتك شي اسمه شهد.. بس اصبر علي..!!! فهد دخل الغرفة وقرب عند السرير وماكان شايف الورم اللي بويهه شهد لأنها لافه ويهها للناحية الثانية.. فوجهه لها السلام بصوت واطي : السلام عليكم.. اشلونج شهد عساج ابخير..؟؟ قام بوخليفة من مكانه وقال لفهد واهو يتله من إيده ويقعده عند شهد على يسارها ومواجها بمكانه.. وقال : تعال واقعد مع مرتك يافهد.. وتمت شهد لافه ويهها الصوب الثاني عشان مايشوفها ويتشمت فيها.. وطلع بوخليفة من الدار وقلبه مازال يعوره من اللي استوى على بنته من الكف اللي عطاها ياه أمس واللي ورم ويهها لهالدرجة.. وفضت الغرفة إلا من شهد اللي كانت قاعدة ولافة ويهها الصوب الثاني والقهر ماكلها بس ماتقدر اتسوي أي شي الحين.. وفهد مواجهها وعيونه كانت كلها حنان ويطالعها واشلون اهي صاده عنه.. فهد حط إيده تحت حنج ( حنك ) شهد ويكلمها واهوا يلف ويهها عشان يشوفها ويطمن قلبه عليها من بعد كلام طلال : شهــد.. انا مابيج تزعلين مــ........... ( سكت وعـيونه تبققت من الخوف على خدها المزرق والوارم.. سـيده بدون أي كلمة زيادة.. قام من مكانه وطلع من الغرفة ونزل تحت )..!! شهد انصدمت من ردت فعل فهد.. وشلون تركها بدون أي كلمه ونزل تحت.. أكيد انحاش عنها لأنها صارت مشوهه الحين وماقدر يستحمل منظرها وانسحب.. وقامت دموعها تنزل وتبجي بدون صوت على حالها.. ومن الهم اللي فيها حطت راسها وحاولت تنام من التعب والألم.. ويكفي إنها من امس واهي ماهي قادرة تنام من الألم الفضيع اللي تحس فيه.. والألم اللي يون بإذنها اليمين وقام يندح عليها مع كل نبضة من نبضاتها المتسارعة.. حاولت تقوم من السرير وتوقف بس ماكانت تقدر.. تمت منسدحة ترثي حالها وآلامها كل مالها وتزيد.. وتحس بشد قوي براسها.. لااااا ماهي قادره تستحمل أكثر من جذي.. : : بعد ربع ساعة من خروج فهد من عند شهد.. دخل بوحمد مع بوناصر وبوضاري على شهد بغرفتها بيشوفونها ويتطمنون عليها.. وشافوها بحالها اللي يكسر القلب وفوق ورام خدها من الكف عيونها تورمت من البجي.. فكان منظرها يقطع القلب.. بوحمد قعد على يسارها وقام يمسح على راسها ويحاول يهدي فيها.. ويسألها بكل حنية : شهد تقدرين تتكلمين..!! ردت شهد بحركة من راسها بالنفي..!! بوحمد : إنزين تقدرين تفتحين حلجج وتحركين حنجج ( الحنك )..!! ردت شهد بحركة من راسها بالنفي مره ثانية..!! بوحمد : معاج عوار براسج..!! شهد ردت بحركة من راسها بالإيجاب..!! بوحمد : واذنج تحسين فيها بعوار..!! شهد ردت بحركة من راسها بالإيجاب..!! بوحمد فرقع بأصابع إيده عند اذنها اليمين.. والصوت ضايق شهد لأن من الألم ماتستحمل حتى الهمس.. وسألها : تسمعين الصوت عدل من اذنج اليمين..!! شهد ردت بعلامة الإيجاب من راسها.. ودموعها زادت والألم قام يصير متواصل مو مثل الندح والمطارق..!! بوحمد ارتاحت نفسه شوية وتطمن بأن طبلة إذنها ماصابها شي.. وطلع الموبايل وكلم فهد وقاله على اللي صار وردود شهد له.. واستمع لفهد باللي قاله عليه علشان ينفذه..!! وبعد خمس دقايق تموا فيها عندها.. نزلوا تحت تاركين شهد علشان ترتاح.. بس من وين بتلقى الراحه والألم لايطاق..!! : : وبعد أقل من ساعة زمان شافت فهد داش عليها الغرفة ومعاه جنطة واكياس كبيرة.. ومن وراه كان طلال داش وماسك حامل معدني طويل ابعجلات وابيده الثانية هم كيس اكبير حطهم عند السرير وقام باس شهد على راسها ومسح عليه.. طلال : لاتخافين حبيبتي فهد ياب لج الأدوية.. وكلها اليوم وباجر انتي بخير إن شاء الله.. ( ورد باسها على راسها وقام بيطلع من الغرفة وكمل كلامه لفهد ) : فهد إن بقيتني دق على الموبايل واييك على طول.. وأبوي كاهو أهني يمك بالصالة اللي فوق وأي شي تبيه قوله وأهو عندك.. وغمز بعينه لفهد.. وطلع برى الغرفة وصك الباب من وراه.. تارك شهد مع فهد لحالهم بالغرفة.. وفهد عرف مغزى جذبة ( كذبة ) طلال بأن عمه بوخليفة بالصالة اللي فوق.. علشان شهد ماتعارض وتسوي لها أي حركة مع فهد.. وبصراحة هذه حركة حلوة وذكية جداً من قبل طلال لأنها يابت نتيجة..!! شهد من خوفها وتعبها ماقاومت ولا سوت شي غير انها اقعدت على حيلها وتلف ويهها الناحية الثانية عشان ماتشوف فهد.. فهد قعد على السرير مقابلها على يسارها ورسم على وجهه تكشيرة جادة.. لف وجهه شهد صوبه وقال بصوت جاد : شوفي خليني اعالجج ابسرعة عشان تفتكين من ويههي اسرع.. وكل ماعندتي ويايي اشد وياج اكثر.. وإذا موعاجبج ناديت عمي..!! وقام يفحص شهد بكل جدية.. وشهد من التعب الشديد والألم الفضيع ماقاومت.. ومن خوفها ايي ابوها ويجبرها لأن بعد اللي استوى أمس.. أبوها هددها بأتخاذ معاملة ثانية معاها.. وكان بخاطرها بس تنام بأي طريقة.. ومع هذا كانت خايفة وترجف خوف من فحص فهد لها.. ولكن مافي أي مقاومه من ناحيتها لأنها خلاص حست بروحها منتهية وهلكانة.. لاحظها فهد وشاف مدى الألم والتعب اللي اهيه فيه.. وانكسر قلبه عليها بس مابين هالشي جدامها.. وكمل الفحص وتأكد بأن الفك مافيه كسر.. والأذن ولله الحمد سليمة ومافيها نزيف بس العصب كان ملتهب عليها.. فهد سألها بجدية : كان في ألم بإذنج قبل..... ( وتم ساكت شوي وكمل ) : قبل أمس..!! ردت عليه شهد بالإيجاب بحركة من راسها..!! فهد : من جم يوم كنتي تحسين بالعوار..!! أشرت له شهد بأصابعها بثلاث أيام..!! فهد بعتاب لكن بصوت حنون : وحضرتج قاعدة بشعر رطب بدون ماتنشفينه بهالجو البارد.. وحط إيده على شعرها اللي قرب يجف وخلل اصابع إيده بشعرها ولقاه فيه رطوبه بعد.. وقام شغل التدفئة عندها بالغرفة لأن غرفتها كانت باردة.. ورجع عندها وقعد على يسارها ومواجها ومسك شهد من كتوفها وقال : ابيج تنسدحين الحين وتريحين.. تمت شهد قاعده ورفضت إنها تنسدح..!! فهد بجدية : شهد لاتعاندين.. وخليني أعالجج بسرعة عشان انتي ترتاحين.. انسدحت شهد على ظهرها مرغمة وشافت فهد يطلع اغراض مثل الواير.. حزام صغير.. والأبرة.. وأنابيب صغيرة.. وكيس المغذي.. واهني خافت وارتعبت وردت اقعدت تحاول تنحاش.. بس فهد مسكها من كتوفها.. وقال بنبره هادية مطمئنة : اشفيج شهد لاتخافين.. ماراح ااذيج أو اضرج.. هدي هدي.. وحاول يرد يسدحها بس هي عيت وعاندت من الخوف وقلبها زادت نبضاته.. وقام فهد سيده طلع الموبايل ودق على طلال ايي بسرعة.. وبعد دقايق كان طلال فوق عند شهد.. وقاله فهد عشان يساعده.. ويا طلال قعد صوب اخته على الجهة الثانية ويحاول يلهيها بالحجي.. ومن مسك فهد إيد شهد علشان بيطلع الشريان اللي بيسحب منه الدم.. لأنه بياخذ عينات من الدم ويطرشهم للمختبر عنده لعمل فحص شامل لها.. وبيركب المغذي على ايدها ومن خلاله راح يعطيها الدوا.. شهد تلت ايدها من الخوف والألم كل ماله ويزيد عليها مع ارتفاع ضربات قلبها والخوف اللي انرسم بكل وضوح على ويهها.. فهد وبعصبية ولكن بصوت واطي : يـاشهـــد مايصير جذيه تيرين ( تجرين ، تسحبين ) ايدج.. بعدين تتعورين.. ( وكمل بنبره حنونه عشان يبث الأمان بقلبها ).. وقال : لاتخافين حبيبتي ماراح تحسين بالألم ولا بأي شي بس اهدي.. وشهد وقلبها يرقع رقع من الخوف وبدت تبجي من جديد.. وطلال حاول يهديها ولمها على صدره شوي ويقرى عليها على ماتهدى.. وعقب مسكها من كتوفها ورد نومها مرة ثانية.. وكان يحاول يصرف نظرها عن فهد ويكلمها بأي شي.. وكان يتكلم ابصوت عالي شوي ويلف راس شهد ناحيتة بإيده الثانية.. لين ماقدر فهد يطلع الشريان.. لأن شهد من خوفها كل عرج نابض فيها نشف واختفى.. وثبت فهد الأبرة بالوريد.. وسحب عينات من الدم ووزعهم على الأنابيب الصغيرة.. وثبت الإبرة على إيد شهد بالاصق وركب المغذي وعلقة.. وثبت المعيار التنقيط.. وحقن كيس المغذي بالأدوية المطلوبة.. وبعد دقيقتين شهد كانت مسترخية من تأثير الدوا عليها.. وقام كتب على الأنابيب وطلع ورقة وكتب عليها.. وحط الأنابيب اللي تحتوي على عينات الدم والورقه في جنطة خاصة وسكرها وعطاها لطلال وقاله : الله يعافيك ياطلال نزلهم عند الريال اللي ناطر بره عند الباب.. قام طلال وباس شهد على راسها وتركها وخذا الجنطة اللي فيها العينات ونزل يوصلهم.. فهد رد وقعد على السرير يمها وطلع مرهم من الكيس.. ولف وجهه شهد عليه وابتسامة ناعمة على شفايفة وعيونه كلها حنان.. ومسح ابظهر كف ايده اليسار على خدها اليسار.. فهد بصوت واطي وهادي : الحين بحط لج الكريم عشان يروح الورم.. وراح يخف الألم اشوي اشوي.. وابيج عقبها اتريحين وتنامين.. وكان يكلمها واهو يبعد شعرها عن وجهها ويرده ورا اذنها بكل نعومه.. وشهد وكل مالها تسترخي أكثر وأكثر من تأثير الدوا المهدئ.. ومن كثر التعب اللي فيها.. مسح فهد الكريم بكل نعومه وخفة على خد شهد.. بس خلص قام باسها على راسها وقال : نامي حبيبتي.. بس تقومين بتصيرين احسن إن شاء الله.. وغمضت شهد وراحت بسابع نومة.. : : : : صحت شهد على الساعة 12 منتصف الليل.. وكانت شبعانة نوم وحست نفسها بنشاط.. وتذكرت باللي صار من أول الصبح.. وانها نامت 14 ساعة متواصلة.. وهذا الشي كفيل بأن يخليها تقوم بنشاط.. ورفعت ايدها تشوفها وشافت الأبرة المثبته في أعلى كف ايدها.. لكن المغذي مشيول من عليها.. والأبرة مازالت موجودة.. وقامت صوب المنظرة تشوف خدها لأن الألم زال وماتحس فيه.. فشافت إن الورم خف عن الأول مع انه مازال موجود.. وازرقاق خدها مازال بس الحمد لله إن آلام الأذن اللي كانت تون وتندح عليها راحت.. وراحت الحمام وانتوا بكرامة.. غسلت وتوضت.. وقامت صلت جميع الفروض اللي طافتها من الظهر إلى العشاء واختمتها بالشفع والوتر.. وردت حطت راسها وانسدحت على السرير.. الغريبة انها راحت في سابع نومة من أول ماخلصت قرأة دعاء ماقبل النوم والتسبيح والتهليل والتكبير.. هذا لأن جسمها مازال تعبان وتحتاج للراحة..وتأثير الدوا المهدئ والمنوم.. يوم الجمعة 27 / 2 / 2004 يوم الجمعة بعد اعياد الوطني والتحرير لدولتنا الحبيبة الكويت الساعة 9:00 صباحاً في منزل بوخليفة وصل فهد بيت عمه بوخليفة عشان يفحص شهد ويكمل لها العلاج.. وكان بوخليفة ومرته وشاهين قاعدين يسولفون بالصالة الصغيرة ويشربون الشاي.. دخل عليهم فهد : السلام عليكم. الجميع رد السلام.. بوخليفة : ها يبوك حياك تريق واقعد اشرب الشاي.. فهد : تسلم يايُبه انا متريق من الصبح.. وراح اشرب الشاي معاكم عقب ماافحص شهد واعطيها دواها.. وانزل لكم إن شاء الله. أم خليفة : ماشاء الله عليك يُمه.. قايم من الصبح والناس كلها نيام بإجازات.. مو نفس عبدالله الله يحفظه.. مايقوم الا بطلعت الروح حزة الظهر.. فهد : هههههههههههه.. يُمه عبدالله الله يهديه يعشق النوم.. وإذا مانام باليوم 12 ساعة يعد نفسه سهران وعنده أرق.. وانا واحد ماني فاضي وراي مسئوليات والتزامات.. أم خليفة : اعذرنا ياوليدي واحنا ثقلنا عليك والزمناك ابشهد تباشرها.. فهد انصدم من كلام مرة عمه : يُمه الله يهديج لاتزعليني منج بهالكلام.. انتوا اهلي وشهد قبل لاتصير زوجتي اهي بنت عمي من لحمي ودمي.. واشلون تقولين ملزميني بمسئوليات وهالخرابيط.. لااااا لااااا لاااا.. انا مااقبل هالحجي.. وهذا أقل شي اسويه عشان اهلي من لحمي ودمي.. بوخليفة : الله يبارك فيك يابوك.. ويوفجك ويسعدك ويسلمك من كل شر.. لاتزعل من امك وانا ابوك.. وهي ماتقصد تهينك بالحجي.. اهيه قلبها عليك وتحبك وتداريك.. ترى انت منت ولد أخوي وبس أنت ولدنا.. فهد : الله يحفظكم ويخليكم لي يارب.. وانا موزعلان من الغالية.. انا بس اذكرها لأن أمي الله يهديها جنها عادتني غريب.. ههههههههههه.. والحين عن اذنكم بروح اشوف شهد.. بوخليفة والإبتسامة على ويهه : اذنك وياك يابوك.. ولي خلصت الشاي بنتظارك.. وغداك اليوم عندنا. فهد : لا يُبه الله يخليك الغدا ماأقدر.. لأني بعد صلاة الجمعة بروح اييب أمي من بيت خالتي.. وانا مواعدها أكون عندها قبل الغدا.. بوخليفة : اللي تشوفة يُبه.. على هواك. فهد : يالله من رخصتكم بصعد عند شهد. بوخليفة وأم خليفة : الله وياك ويحفظك.. دخل فهد غرفة شهد بعد ما دق على الباب وماحصل رد.. وشاف شهد كانت تصلي.. دخل وقعد على السرير لحد ماتخلص من الصلاة.. ومسك مجلة كانت محطوطة على الكومودينة.. وقعد يتصفح فيها لحد ماخلصت شهد من صلاتها.. فهد : تقبل الله.. لفت عليه شهد وبصوت واطي جدا : منا ومنك إن شاء الله.. وراحت تلهي نفسها بترتيب الغرفة.. لأنها ماهي مستعده تواجهه إلى الآن.. ولا مستعدة تتكلم معاه.. يعني تتهرب منه.. فهد حس فيها وابتسم.. وقام راح لها ومسكها من ايدها وجلسها على السرير وقعد يمها.. وتكلم معاها بشكل رسمي وجاد : انا ياي بفحصج واعطيج الدوا وبمشي مستعيل.. وماني مستعد انتظر لين توقفين هروبج مني.. شهد وهي منزله عيونها تحت وبصوت واطي : منت مجبور الله وياك.. وانا ماني بحاجتك. فهد بنفس الجدية بس ابصرامة : انا مو مجبور على شي.. وبعدين بفحصج غصبن عليج.. وتقعدين وانتي ساكته وتطيعين كل كلامي وهم غصبن عليج.. شهد ارفعت عيونها بعين فهد واهي معصبه بس ماتقدر تصرخ عليه.. قامت من مكانها علامة على تمردها عليه.. مسكها فهد بسرعة من ايدها بقوة ورد تلها يقعدها على السرير يمه غصبن عليها.. وقالها بصوت واطي وبتهديد : انا لما أقول لج تقعدين تقعدين.. وتسمعين كلامي وتطيعـني بكل شي أقوله.. وإلا والله راح يصير لي تصرف ثاني وياج.. سمعتي..؟؟ شهد واهيه تناظر فهد بكل عصبية بس ماقدرت ترد عليه.. ولا قدرت تقاومه أكثر بسبب تفوقه عليها بالقوة والجسم.. وبسبب حالتها الصحية وتعبها الحالي.. قام فهد يفحص شهد بكل برود.. وكان يتعمد هذا التصرف من بعد جفائها معاه وصدها له.. وبعدين يمشي على كلام عمه وتوصيته له لأن شهد صج محتاجة للشدة في المعاملة بسبب تمردها عليه.. وبعد ماخلص فحصها أمرها بأن تنسدح وتنام عشان يركب لها المغذي ويحط لها الدوا فيه.. وطبعا المتمردة عصت كلامه وقامت من السرير تبي تنحاش لغرفة تبديل الملابس وتقفل على روحها.. بس فهد كان اسرع منها وقبل ماتصك على نفسها الباب.. فهد فتح الباب بقوة واهيه حاولت تنحاش للحمام.. وفهد مسكها من خاصرتها وشالها بكل سهوله واهو مخبي ابتسامته.. وكان شايلها وكأنه شايل ياهل واهيه تكفخه على كتوفه عشان ينزلها.. نزلها على السرير وسدحها وضغط على كتوفها واهو يقرب وجهه منها.. وعيونه قد مايقدر يبين لها كلها جديه وغضب.. حاولت تتحرك يمين ويسار بس فهد شدد قبضته عليها وشل حركتها.. وتمت تقاوم وتقاوم ليمن اتعبت.. وحست بكل قواها خارت.. واهني استكانت بمكانها.. وقام فهد ركب لها المغذي وحط لها الدوا فيه بس ماحط لها المهدئ.. لأنها مو محتاجته.. وتم قاعد على يسارها ومجابلها على السرير واهيه منسدحة ولافة وجهها الناحية الثانية.. وقام فهد لف وجهها صوبه وحطلها الكريم على خدها.. وتم قاعد يمها واهو يناظرها بس هي ارجعت ولفت وجهها الناحية الثانية علشان تتهرب من نظراته اللي تحرقها.. وابتسم على طريقتها الطفولية.. وعقب ربع ساعة حست بالتعب والنوم يسري عليها ونامت من التعب.......... : : صحت شهد على صوت اذان الظهر الثاني ليوم الجمعة وافتحت عيونها.. بس ماشافت فهد والمغذي كان مفصول ولكن الأبرة مازالت موجودة ومثبته بإيدها.. وقامت على مهلها وراحت وتغسلت وتوضت وصلت الظهر وحاولت تقرأ عقب سورة الكهف وطولت لأن التركيز عندها قليل من التعب.. بس اخلصت قامت واقعدت على ميز التواليت تشوف ويهها.. وتمت تناظر بروحها من خلال المنظرة واسرحت..................................... شاهين : شهد.. شـــــــــهــــــــــــــد..!! انقزت شهد من الخوف من مكانها واهي تناظر بشاهين بالمنظرة وردت عليه بصوت واطي : اشفيك الله يهديك خرعتني..!! شاهين والإبتسامة على ويهه من طريقة نقزتها من الخرعة : انتي اللي اشفيج انا صار لي ساعة ادق على باب الغرفة واناديج.. وادخل عليج واكلمج وانتي سرحانة بالمنظرة..!! شهد : ماأدري احسني ليمن الحين تعبانة وخدرانه.. والظاهر هذا كله من الدوا..!! شاهين : يمكن لأنه قوي عشان ماتحسين بعوار العصب الملتهب..!!.. وسكت اشوي وكمل بنبرة واطية : انتي الحين اشلونج..؟ شهد : الحمد لله احسن من قبل..!! شاهين : تقدرين تاكلين والا ليمن الحين..؟ شهد : ماأدري والله..!! بس على ماأظن ليمن الحين ماأقدر آكل أي شي.. لأن إذا حاولت اضغط على الفك يعورني..!! وبعدين انا ماني يوعانه المغذي اللي يعطوني اياه ساد نفسي بالمرة مع الدوا..!! شاهين : انزين عيل بخلي الخدامة تييب لج شوربة مع عصير على الأقل افضل من لاشيء..!! شهد : لامشكور ماني مشتهيه أي شي.. بس الله يخليك أبي ماي وماأبي الخدامة تييبه..!! شاهين ابتسم لها بكل حنية وقال : خلاص ان شاء الله بييب لج الماي والعصير.. وحاولي تشربينه عشان صحتج ماتضعف.. شهد : مشكور بعد عمري وانا دايخة وشكلي برد انام شوية.. شاهين : خلاص حبيبتي انسدحي وريحي على ما اييب لج العصير.. بعد ربع ساعة رجع شاهين ومعاه الماي والعصير حق شهد.. بس شافها منسدحة ومغمضة عيونها.. حط العصير والماي يمها على الكومودينة ومسح على راسها.. وتذكر إن فهد موصية يحط لها الكريم على خدها المورم.. وقام طلع الكريم وحطه بكل خفه على خدها.. وشهد اقعدت من غفوتها وهي تناظر بشاهين يحط لها الكريم وترد تغمض عيونها لأن شاهين وايد يشبة فهد.. حتى بطريقة معاملته وشدته.. بس الفرق اللي مو ملحوظ بين الأثنين إن شاهين أقصر من فهد بشوية.. وعين فهد لونها أسود داعج.. وعيون شاهين بني غامق.. وشاهين عنده غمازة بخده اليسار وفهد ماعنده أي غمازة بويهه.. وهذا الشبه بين هالأثنين خلى شهد ترجف لأنها تحاول تطرد فهد من بالها وقلبها وفكرها.. بس هين إذا اقدرت..!! شاهين حس برجفت اخته.. ويدري بأنه ذكرها بفهد.. وابتسم لها وباسها على راسها وقرب شفايفة من اذنها اليسار.. وقال بصوت واطي : العناد والمكابرة راح تأذيج ياشهد.. لازم تلينين اشوي.. ولا راح تنكسرين.. وأبوي وكل اخوانج من صف فهد.. وهاذي نصيحتي لج وانتي حرة..!! وتركها شاهين بأفكارها ودموعها انزلت بعد ماتركها.. وانسدت نفسها عن كل شي.. وراحت بنومة طويلة ومقطعة بين الأحلام الجميلة والمزعجة.. : : : : : : : : : توقعاتكم للبارت القادم............!! لاتحرموني من طلتكم وردودكم الغالية أختكم المحبة عذبة التجريح :flowers2: |
السلام عليكم هلا والله ياقلبي شالحركات والله ماقدر انا على هذا كله حلو البارت............ بس فيه شي استغربته........ واللي ابيه منك يابوك انك تمهلنا هالجم يوم.. وشهد بتكون عندك في بيتك. يعني كلها جم يوم وتروح بيت ريلها .... هذا اللي اتوقع في البارت الياي فهد.......... والله اني حبيته هالفهد برغم من كل شي الا انه يموت بتراب اللي تمشي فيه شهد حبيته لما شد على شهد شوي وسمع كلام عمه لانه حلات الريال بهيبته ((( احنا يالحريم مادري شفينا نحب الواحد اللي مايعطينه ويهه مانمشي الا بالعين الحمره ^_*))) ---------------->>>>>>>>>> عذوب ماعندج واحد جذي حق حبيبتج خطوات ورده ^_* يعني انتي كريمه واحنا نستاهل ولا شرايج المهم شوفي يا طويله العمر اللي اتوقعه انه شهد بالبارت الياي راح تروح بيت ريلها ..... وخاطرها توريه نجوم القايله بس عشان امها ام فهد ماتقدر تحس بالذنب .......... وفهد يزيد الاحراجات عليها (( يضغطها))) وسلامتج اختج خطوات ورده |
السلام عليكم
شلونك وش اخباارك ؟!! الله يعطيك العافيه ع الباارت الحلو بس عاد توصي فيناا شوي الكف كان من ابوها مثل ماتوقعت .. صحيح ان معاه حق باللي سواه بس مااحبيت انه ضربها قدام فهد .. شخصية مثل شخصية شهد محتاجه للحنان اكثر من الشده .. لانه هو وحده الي رح يلينهاا لكن الشده تخليها تعند اكثر واكثر ..كف ابوها كسرها بصراحه .. لان اللي كانت تشوفة بر الاماان صااار مصدر رعب لهااا .. وهذاا كفيل انها تكرة فهد ... ويعزز من شعور الوحده واليتم بقلبهاا فهد محتاج يكون صبور قدر الامكاان .. ويحاول يتقبل عنادها وعصبيتهااا لانه جزء منها لكن انه يغيرهاا انا ضدهاا اعذرينا طولناا عليييك بنت بطوطه البدوية هههه |
عذوووووبه
أسفرت وانورت بالبارت الرائع تصدقي بالله سحرتني لمسة فهد لخد شهود (( فهد رد وقعد على السرير يمها وطلع مرهم من الكيس.. ولف وجهه شهد عليه وابتسامة ناعمة على شفايفة وعيونه كلها حنان.. ومسح ابظهر كف ايده اليسار على خدها اليسار.. فهد بصوت واطي وهادي : الحين بحط لج الكريم عشان يروح الورم.. وراح يخف الألم اشوي اشوي.. وابيج عقبها اتريحين وتنامين.. وكان يكلمها واهو يبعد شعرها عن وجهها ويرده ورا اذنها بكل نعومه.. وشهد وكل مالها تسترخي أكثر وأكثر من تأثير الدوا المهدئ.. ومن كثر التعب اللي فيها.. مسح فهد الكريم بكل نعومه وخفة على خد شهد.. بس خلص قام باسها على راسها وقال : نامي حبيبتي.. بس تقومين بتصيرين احسن إن شاء الله.. وغمضت شهد وراحت بسابع نومة.. ))يا عيني عليه قد ايش نااااااعم هادا الآدمي آسرني بأسلوبه (( وفهد مسكها من خاصرتها وشالها بكل سهوله واهو مخبي ابتسامته.. وكان شايلها وكأنه شايل ياهل واهيه تكفخه على كتوفه عشان ينزلها.. نزلها على السرير وسدحها وضغط على كتوفها واهو يقرب وجهه منها.. وعيونه قد مايقدر يبين لها كلها جديه وغضب.. حاولت تتحرك يمين ويسار بس فهد شدد قبضته عليها وشل حركتها.. وتمت تقاوم وتقاوم ليمن اتعبت.. وحست بكل قواها خارت.. واهني استكانت بمكانها.. )) آآآآآآآههههههههههههه حتى في شدته نااااااعم ما شاء الله عليك صورتيلي رقة إحساسه ونعومته حتى وهو قاسي لمسته .... كلامه .... نظرته .... قسوته .... مممممم إيش بقي كل شي فيه ..... يا عمري عليه اسرني والله نفسي اشوفه !!! صدق ما عندك صوره له |
الله الله الله
ابدااااااااااااااااااااااااااااااااااع سلمت يداكي عذبة الصراحة حركات وأكشن روعة ماأقول الا الله يصبرنا ليوم الثلاثاء الجاي وراح نشوف من اللي بينتصر القطوة شهد أو العتوي فهد وسلالالالالالالالالالالالالالامتك |
تسلم ايدج عالبارت
اقراه واعلق |
لبارت جدا ممتع الله يعطيك العافيه:55: |
احلى كاتبه روعه يسلمو هالانامل الحلوه روعه الله يحميكي ولك شو احكي بلاش احسد اللهم لاحسدج ههههه انا ما بحسد لا تخافي بس اللله يحميكي ويوفقك ولاتحرمينا من كتاباتك الرائعه روعههه بتجنن متل الي كاتبتها متلك عسل وبتجنن يا قلبي ع هيك افكار روعه بترك التوقعات للباقي انا بخاف اتوفع وبعدين تكسري خاطري ههههههههه بمزح الله يحميكي واحلى فهد مهاي شهد اما شوشايفه حالها مش طبيعي ههههه اهم شي فهد وشاهين دير بالك عليهم مش تنسي
|
القصة روعة احنا وياج قلبا وقالبا
|
بارت اكثر من رائع لكاتبة اكثر من مبدعة
تسلم ايدج مرة ثانية وثالثة ومليون عليه فهد آآآآآآآآآآآآآه فارس احلامي نفس فهد حنون لابعد الحدود جماله خلاب صج انه مرت يصير شديد وقاسي بس حتى شدته حلوة وتحسين صج انه ريال الله يخليه لشهد ويحنن قلبها عليه شهد الطراق الي خذته من ابوها زااد كرهها وحقدها على فهد وتحس انه اهو السبب بالي صار بس اهي تحبه وقام تكابر او يكمن اهي تكره انه طبيب بس تحبه انه فهد بس الحين وبعد ما فحصها وماصار لها شي وحست بالامان معاه فان شاء الله تحب الدكاترة عشانه شاهين آآآآآآآآآآآه يا شاهين سحرتني من اول نظرة لدرجة اني قمت احلم فيك انت اول شخص ياثر فيني لهدرجة تدري اني قمت احلم فيك وتدري بعد انك حبي الاول والاخير<<<مو جني حابة فهد وطلال قبله بس عاادي لا تقوليلنه الصج لاني خلاص نسيتهم وحبيته المهم عجبني فيه حنيته وخوفه على شهد وشبهه من فهد طلال الله يوفقك مع الزفتة مرتك الحلو فيه انه يحب شهد واايد ويخاف عليها والي عجبني حيل انه قال لابوه عن شهد قبل ما يدخل عليها ما حسسه بالذنب انه طقها ولا لامه ابو خليفة ليلحين اجوف ان الطراق غلط او لو كان اخف شوي ومو جدام الناس وبالاخص فهد لانه بيكرهها فيه زيادة غير جذي انها قام تسوي جذي خوف من ابوها مو حبا لفهد اهو خلي يخف عليها شوي بتصير زينة ام خليفة هذا واهي موبنتها وحنت عليها شلون لو بنتها صج هالمرة قلبها حيل حيل حيل كبيرة وطيبته مغرقة الكل يا ريت كل الامهات مثلها جان الدنيا بخير عذوبة... شكلج مو نايمة عدل ومتعبة روحج بالبارت وظاغطة عليها بعد انا انصحج انج ما تظغطين على روحج وتنامين مثل شهد فوق ال20 ساعة وماتكتبين الا وانتي مستانسة عشان شهد تحب فهد وشاهين يحب بنت الكويت ويعيشون حياة حلوة شرايج فيني مو عبقرية؟؟<<قولي ايه عشان ما ينقص ويهي تقبلي مروري |
مساء الخير عذوبه اشلونج حياتي شخبارج اول شي اقولج :55::55::55::55::55::55::55: على هالبارت الحلو بس اقول حق فهد يا ويل قلبك يا فهد من عناد شهد ودير بالك يا فهد ترى هذا الهدوء ما قبل العاصفه:f63: من شهد انت للحين ما شفت شي من شهد و ما خفيه كان اعظم يا فهد بس الي يعجبني في فهد انه اهو اعند من شهد و ما يحب يتنازل بسهوله وهل نوعيه من الناس يعجبوني ومثل ما يقولون يرضون غروري وعشان جذي احب اتابعهم واترصد اخبارهم :c8T05285::c8T05285::c8T05285::c8T05285::c8T05285::c8T05285: :c8T05285:واتمنى البارت الياي ايكون فيه اثاره اكثر من جذي:liam_shadowboxer_sc لان في هل بارت ما شفنا التمرد الصجي من شهد وهذا بسبب مرضها وخوفها وصدمتها من ابوها بعد الطراق الي ياها :asd:بس اتوقع في البارت الياي اتكون معارك طاحنه:71_asmilies-com::57::mod4uf8: بين فهد وشهد |
الله ..والله القصه روووعه :flowers2::flowers2::flowers2::flowers2:
أتمنى إن شهد يلين قلبها ع فهد وتسلمين ع الطرح الجميل ^___^ |
عذبة ...فهد خيال ....تصرفاته مره خطيرة الجزء راع جدا ....ربي يعطيك العافية.,....مشكورة |
:besm8dg4: مرحبااااااا عذبة التجريح :flowers2: :flowers2: صراحه قصتك رووووووعه <<<< تحمست معها مشكوووووووووره ع الابداع :55: :55: تقبلي مروري محبتك/ شايله جروحي بروحي :29ps: |
مساء الخير ...... عذبة التجريح أولا .... حبيت اقولك ان البارت رائع جدا وحبيت فيك اهتمامك بادق التفاصيل فيه وصفك لردة فعل شهد اتجاه الكف كان رائع للغاية وكلام أم خليفة عن معاناة شهد قطع قلبي لأن أصعب حاجة لما الأنسان يحس نفسه عاجز عن فعل اصغر الأمور لنفسه لكن شهد اليوم ما كانت شهد المتمردة العنيدة المهرة البرية لأن التعب الجسدي و النفسي أتمكن منها و أتوقع أن بالأجزاء القادمة بنشوف حرب طاحنة بين فهد و شهد على طاري فهد عذبة.... عندك واحد زيه تعطيني اياه حنون ... شديد ... جذاب .... ذكي... الخ ردة فعله لما ابو خليفة ضرب شهد كانت جدا عاقلة خوفه على حبيبته كان جدا واضح من خلال حرصه على علاجها اعتقد انه مع الوقت بيقدر فهد انه يكسر عناد شهد بس عليه انه يحكم عقله ويعرف انه احتياجها للحنان يوازي احتياجها للشدة و يمكن أكثر وأعتقد انها قريب بتكون في بيته وساعتها بنشوف كيف بيتعامل معاها عذبة ... الله يخليك نبى مواقف رومانسية بينهم :f63: سلمت يمناك |
اقتباس:
وعليكم السلام والرحمة أختي الحبيبة خطوات ورده الغالية وتوقعج في محله يالغالية.. وانتي عارفة كان المفروض شهد من قبل هالوقت تكون فبيت ريلها بس الظروف اللي استوت واستجدت بمعرفتها بوظيفة فهد وعواقب تمردها وعصيانها.. فكلها أشياء أجلت من انضمام شهد لبيت زوجها فهد.. والبارت الياي بتشوفين شللي بيصير..!! وراح تصير مواقف وايد وآكشنات ماتخطر على البال..!! هههههههههههههههههه.. على فكرة أنا وحدة من النوع اللي يعطيني العين الحمره.. يلقى الدنيا متطربقة على راسه حتى بالشغل.. ورئيسي المباشر مايتجرأ يحمق أو يشد علي أنا بالذات لأني متمردة نفس شهد..!! وطبعاً أنتوا عارفين إن كثير من الكتاب يحطون بعض من طبايعهم في شخصية الأبطال.. لأنهم يعرفون ردات الفعل اللي راح تحصل.. !! ههههههههههههههههه.. أشوف وأقولج لأني وعدت أختي بنت الكويت بشاهين.. وسأليها إذا ماتبيه قولولي.. بس بصراحة رياييل بهالمواصفات عمله نادرة بهالزمن والله يستر من الجيل اليدي..!! وتوقعاتج كلها صحيحة يالغالية.. واشلون دريتي..!! وربي يسلمج ويوفقج ويرفع راس والدينج فيج يالغلا خالص محبتي وتقديري لك بنت بلادي الحبيبة خطوات ورده الغالية أختك ومحبتك عذبة التجريح :flowers2: |
اقتباس:
وعليكم السلام ورحمة الله وبركاته ياهلا ومرحبا بأختي الحبيبة بنت بن بطوطه الغالية وكيف صحتك إن شاء الله تكونين بصحة وعافية مع جميع أهلك وأحبتك.. اللهم آمين مو بالضرورة أختي بدوية الحبيبة الشدة ترعب شهد من أبوها.. لأن إذا لاحظتي فشهد تعاملها فطري وطفولي.. لأن بعقلها حياتها كانت مستقرة وأكثر أمان أيام طفولتها.. وأبوها مصدر الأمان وضربه لها بالعكس يمكن خلاها تحط حد للخطوط الحمره بإنها ماتعديهم.. ويمكن الكف زاد من صلابتها وتمردها.. ولكن يتم منبع الأمان والحنان من بوخليفة لها مدى العمر..!! وفهد له نظره ثانية يالغالية.. لأن فهد يعرف تركيبة شهد من طفولتها ويعرف اشلون يتصرف معاها.. وفهد يموت على عناد وتمرد شهد.. واهو مرات يتعمد يستفزها بس لأرضاء نفسه بأن حبيبته ماتغيرت.. وبعدين يالغالية طلتك وتواصلك على عيني وراسي يالغلا وربي يحفظك ويوفقك ويجعل النجاح حليفك اللهم آمين أختك ومحبتك عذبة التجريح :flowers2: |
اقتباس:
نورك سطع بالمنتدى نور لي صفحاتي يا كل الأمل العربي الحبيبة وحضورك عطر المكان ونهلي بك يالغالية فهد.. شخصية موجوده بعقل وبأحلام كل منا في هذا الزمان اللي المراجل تقل فيه وتنحصر على الورق فقط.. ولكن ماتنعدم لأن لكل زمان ومكان يوجد الرجال البواسل.. ويوجد اشباه الرجال.. وبزمننا هذا وللأسف نجد القلة من نجد فيه الرجولة ونبل الأخلاق لأن وللأسف أصبح أكثر ذكورنا تشبها بالغرب الحقير.. وأخذ منهم قذارة حضارتهم وترك ماضي آبائه وأجداده وهجرهم بأسم التطور والعولمة..!! ولكن صدقيني يالغالية بتلقين فيه رجال والنعم فيهم قول وفعل.. وبالشدة أول من يفز وصورة هذا الرجل نلقاه مطبوعة في عقولنا وقلوبنا.. واي كأني خذيت راحتي كثير بالحكي..!! وشكل الرجال بيقومون علي ويعلنون الحرب..!! وأبي الفزعة منكم..ههههههههههههه لك خالص حبي وتقديري يا كل الأمل الحبيبة أختك ومحبتك عذبة التجريح :flowers2: |
اقتباس:
كل ما اروح لواحد القاه يحب ولا متزوج ما صدقت متى لقيته والحمد لله انج ممتذكرة الوعد |
اهلين
مررره تجنن قصتك الله يعافيك لاتتاخرين |
اهلين عذبه التجريح متى البارت متشوقين
بليز لا تتاخرين علينا حوريـــــ البحر ــه |
شو البارت اليوم بينزل ؟ الله يخليج ما أقدر أصبر
|
اقتباس:
حياك الله وسلمك من كل شر يالغالية الحلو اللاذع الحبيبة هههههههههههههههههههههههه بالنسبة لأنتصار القطة شهد أو العتوي فهد .. هذي راح تحددها الأيام اللي راح تجمع بينهم وإن شاء الله تكون من نصيب الأثنين شهد وفهد وبارك الله فيك أختي الحبيبة على متابعتك وتواصلك العذب وكلماتك الحلوه والرقيقة لاحرمني الله منك يالغلا خالص محبتي وتقديري أختك ومحبتك عذبة التجريح :flowers2: |
اقتباس:
الله يسلمج من كل شر بنت بلادي وحبيبتي بنت الكويت وبنتظار تعليقج ورأيك بالبارت يالغلا خالص محبتي وتقديري أختك ومحبتك عذبة التجريح :flowers2: |
اقتباس:
حياك الرحمن أختي الحبيبة حوريه البحر وتسلمين على متابعتك وتواصلك يالغالية وبارك الله فيك خالص مودتي وتقديري أختك المحبة عذبة التجريح :flowers2: |
اقتباس:
حياك الرحمن واسعدك بالدارين أختي وحبيبتي الغالية الديراويه بارك الله فيك أختي الحبيبة وجزاك الله كل الخير على كلماتك الرائعة والعذبة الجميلة وربي يسعد قلبك ويوفقك ويجعل الخير بدربك ويحفظك من كل شر ومكروه اللهم آمين كلماتك يالغالية لفخر واعتز بها وهي وسام على صدري من أخت غالية لاحرمني الله منك ولا تحاتين يالغالية فهد وشاهين بعيوني.. وشهد بقلبي وراح تحبين شهد مع الأيام.. وبتعرفين شكثر هي طيبه واصيلة.. بس الزمن قسى قلبها من كثر ماشافت وتأذت من أقرب الناس لها.. لك خالص المحبة والتقدير أختك ومحبتك عذبة التجريح :flowers2: |
اقتباس:
يابعد عمري يا شطآن على عيني وراسي يالغالية وربي لايحرمني منك خالص محبتي وتقديري أختك ومحبتك عذبة التجريح :flowers2: |
اقتباس:
يابعد عمري عزيزة وغالية أختك ومحبتك عذبة التجريح :flowers2: |
اقتباس:
ههههههههههههههههههه حياج ربي يالعنودية والمتمردة الثانية.. وحياج في جمعية المرأة المتمردة هههههههههههههههههه ياحياج ربي يا ام الحلا كله والزين كله وفهد لاتحاتينه لأنه واعي وعارف بكل ماتفكر فيه شهد ويعرف اشلون يسيطر عليها..:71_asmilies-com: بس صبرج وبتشوفين لين راحت لبيته.. والله يستر..!!:friends: وفهد طبعه عنودي ويتحدى.. وشهد بالمثل.. فتنقلب المواقف مابينهم إلى حلبة مصارعة:liam_shadowboxer_sc:ostrich_liam::7_5_136::7_5_122::7 _5_126::7_5_129: والغلبة للأقوى.. ههههههههههههههه والبارت الياي بيكون فيه أكثر من هالإثارة.. بس خلج متابعة وياي وأبي رأيك يالغالية وربي يسعدج ويوفقج ويجعل الخير بدربج اللهم آمين أختك ومحبتك عذبة التجريح :flowers2: |
اقتباس:
حياك ربي يالغالية والروعة متابعتك وطلتك البهية يا dam3ahel3in خالص محبتي وتقديري لك يالغلا أختك ومحبتك عذبة التجريح :flowers2: |
اقتباس:
الله يعافيك ويسلمك أختي وحبيبتي الغالية reem99sh وفهد فعلا سيصبح من الخيال بعالم ندر فيه الرجال ولكن ليس معدوم صدقيني لأن فيه الزين والشين بكل مكان وتسلمين يالغالية على متابعتك ومرورك الجميل خالص محبتي وتقديري أختك المحبة عذبة التجريح :flowers2: |
اقتباس:
ياهلا ومرحبا بأختي شايله اجروحها بروحها مرورك وطلتك البهية وتواصلك العذب الجميل لهو أروع ويسعد قلبي يالغلا وارجوا من الله ان تكوني من المتابعين لنهاية الرواية وتعجبك ولاحرمني الله من طلتك وتواصلك الجميل أختك ومحبتك عذبة التجريح :flowers2: |
اقتباس:
مساء الأنوار والأزهار يافراشة الوادي الحبيبة أشكر لك رقة كلماتك ياغاليتي الحبيبة واسعدك الله كما أسعدتني بمديحك واعجابك بأسلوبي ولله الحمد والفضل إنني استطعت أن أوصل لكم المشاعر التي تعتمل بصدور الشخصيات حتى تستطيعوا من خلالها المعايشة مع الأحداث.. وتوقعك صحيح يا أختي الحبيبة.. فشهد بعد أن تسترد قوتها ستباشر بش الحرب على فهد :i25Cat::ostrich_liam: ولكن هل تستطيع المقاومة..!! :f63: ههههههههههههههههههههههههههههه.. خليني أفكر زين لأن بنت الكويت خذت شاهين.. وخطوات ورده تسألني بعد.. والله يستر يبيلي ليسة طويلة وعريضة بالمواصفات.. حشه سيارات موبأوادم ههههههههههههههه:party0007::52_asmilies-com::ma1: بالنسبة لأنتقال شهد إلى منزل فهد بيكون في القريب.. وستتابعون بقية المعارك من على أرض بيت فهد.. وستنقلها لكم .. المراسلة الأخبارية عذبة التجريح.. أحم أحم هههههههههههههههه وابشري بأول موقف رومانسي على شانك بهالثلاثاء لايطوفك..!!:hR604426: خالص حبي وتقديري أختك ومحبتك عذبة التجريح :flowers2: |
اقتباس:
هههههههههههههههههههههههههههه اثريج مترصده لكل الأخبار والردود..!! واشلون تبيني أنسى الوعد.. وانا قايلتلج إني بسوي الرواية اليايه عليج وبخليج البطلة هههههههههههههههههههههه ياحبي لج يابنت الكويت ياعسل إنتي والله ولاتاحتين يابعد عمري محد راح ياخذ شاهين غيرج.. بس شوفي لأني بعطي شاهين وحده واهي انتي بس بالرواية بحط لج اسم ثاني عشان ماتزعلين..ok خالص حبي لج يابنت بلادي أختك ومحبتك عذبة التجريح :flowers2: |
اقتباس:
هيكارو الله ذكرتيني بأيام الطفولة وكنت من محبين غراندايزر وإن شاء الله يالغالية بينزل البارت اليدي يوم لثلاثاء القادم.. وكل ثلاثاء راح ينزل بارت جديد بإذن الله تعالى.. خالص مودتي أختك المحبة عذبة التجريح :flowers2: |
اقتباس:
ياهلا بحوريه البحر البارت يوم الثلاثاء يالغالية وإن شاء الله ماراح أتأخر خالص حبي وتقديري أختك المحبة عذبة التجريح :flowers2: |
اقتباس:
لاااا ياحبيبتي البارت مثل ماأنا متفقة مع كل المنتديات المشاركة فيها كل يوم ثلاثاء أنزل بارت يديد ويوم الثلاثاء قريب إن شاء الله خالص مودتي لك يالغالية أختك المحبة عذبة التجريح :flowers2: |
اقتباس:
أفا يا ذا العلم :eek: عذوووب تستنجد لبيييه لك ما عليك كملي وانا وراك وأشوف احد يقربلك بسوء والله حــ (( حأخاصمه ولا اكلمه بعد كده )):LgN05096: ^ــ* |
عذوبه :flowers2::flowers2:
ايه اخبارك باقمر عامله ايه؟؟ متشكره على كلامك ياعسل اللى اسعد قلبى وربنا يدمينا اصدقاء لابد الدهر :friends:وربنا ما يحرمنى من ردودك عليا دايما ومن قلمك المبدع. تسلم ايديكى على البارت الرائع . وبعدين معاكى ياعنيده :o9Y04826::o9Y04826:(شهوده سابقا) حرام عليكى كفايه عناد ارحمى فهد شويه وارحمينا معاكى ياقطيطه. الصفعه كان ليها تاثير كبير على كل الموجودين ولكن على مااعتقد ان اكتر واحد اثرت عليه هو ابو خليفه اللى عارف انه صفعها وااعتقد ان كان جواه صراع داخلى رهيب بين انه يحاول يهديها او انه يسيبها تتحمل نتيجه تصرفاتها واختار الاصعب يعنى هو ماكانش مصدق انه ازاى يصفع خد الفراشه خد العصفوره الرقيقه الدلوعه المكسوره الحزينه . عاجبنى حوار ابو خليفه مع ام خليفه لما وصفتى شهوده على انها المهره البريه اللى كانت تعمل كل حاجه بنفسها وفجاه تلاقى نفسها مش قادره تعمل ابسط الاشياء ووصفك لما قلتى انها قد ايه بتتعذب لما بتمشط شعرها عذبنى كتير عليها فعلا كلامك مضبوط صعب اللى متعود على شىء معين موجود فى حياته غير اللى يصحى مره من نومه ويلاقى واقع جديد مفروض عليه وواقع عمره ما طرا بباله الله يعينها ......... موقف فهد اثناء الصفعه عجبنى عجبنى انه ماحبش شهد تشوفه وتحس انه شمتان فيها ومحاولته لتهدئتها كان بجد رائع . انا معجبه جدا بابو خليفه بنفس ايديه اللى صفعت خد شهد هى نفس ايديه اللى مسحت على شعرها ومسحت دموعها ومع كل ده احتفظ بشموخه وكبريائه قدام بنته ووصل للى هو عايزه هو محاولته انه يخرج شهد من افكارها وفى نفس الوقت يقرب بينها وبين فهد. اقتباس:
--المراءه هى المراءه---طالما متاثره قوى رافعه رايه العناد ليه . تصرفات شهد تصرفات طفله لكن كل اللى هى بتحاوله انها تهرب من نظرات فهد الحنونه ليها خايفه انها تاثر عليها و تقول باللى بتشعر بيه من زمان لفهد مش عايزه تستسلم للحب ده لكنها ما تعرفش ان القلاع اللى شيدتها على قلبها لتحميها من شخص واحد خلاص على حافه الانهيار . فهد اسمع كلام عمك ابو خليفه لانه رجل حكيم وبصراحه بثق فى تصرفاته . شاهين ياسلام على نصايحك ياريت تنصح شهد انها بتسمع النصيحه اللى انت قلتها . يمكن كان فيها ملاحظه فى البارت ده ان ابو خليفه قال يومين وتبقى فى بيت فهد وشكل البارت الجاى فرح فهد وشهد وشهد مش هتعاند قدام والدها بس هتوري فهد الويل فى حياته . تسلم ايديكى ياعذوبه على البارت وسلاماتى وحبى ليكى ياجميل ولقائنا مع اللى جمعونا يوم الثلاثاء باذن الله. |
اقتباس:
ههههههههههههههههههههه.. فزتك لي بالخصام يامجرمة.. :ostrich_liam:هههههههههههه حرام عليك.. أبي الفزة تكون بقوة السلاح وقهر الرجال :71_asmilies-com:.. وطبعاً سلاح المرأة معروف..!! تبين تعرفين وشهو سلاحها... الدموووووووووووع..:asd: ههههههههههههههه حياتي والله يا كل الأمل يكفي تواجدك معاي يسعدني وربي يسعدك يالغالية :f63: خالص حبي وتقديري أختك ومحبتك عذبة التجريح :flowers2: |
اقتباس:
يا هلا ويا مرحبا وياكل الغلا لك يابعد عمري يا waxengirl الحبيبة وانا بخير طول ما أنتوا بخير يابعد عمري وانتي تستاهلين كل الخير يالطيبة.. وقلبك أبيض ونفسك صافية ماتعرف الحقد..:0041: وهذا ماتلمسته من ردودك وحقيقةً أقول أختي الحبيبة.. فأنا أحبك في الله وربي يديم الود والمحبة ونلتقي بالفردوس الأعلى من الجنة مع جميع أحبتنا وبجوار المصطفى صلى الله عليه وسلم اللهم آمين يالله عليك يعني قدرتي توصلين لمشاعر بوخليفة.. وحسيتي بألمه.. :f63: وبخصوص معاناة شهد.. فهو واقع تلمسته ورأيته بأم عيني لمعاقة كانت تحاول أن تسرح شعرها وترفعه بمشبك ولم تستطع حتى أدمت قلبي من الألم.. واصدقك القول بأنني حاولت أن أداري دمعتي عنها حتى لاأحرجها وتشعر بالمهانة.. وفهد أصيل وعندنا بالخليج نقول عنه قول وفعل.. وحتى لو أجرحته شهد مايهينها بل يكرمها.. وهذا من صفات النبل والشهامة والمروءة.. وشهد يالغالية تحب فهد.. وتموت فيه من وهي صغيره ولكنها تكابر وتعاند.. ولا تعترف لأنها حست بطعنت الغدر من قبله يوم كانت صغيرة عندما تركها وسافر لدراسته بالخارج..:i28Coconut_Sunset: وما حصل معها من قبل عصام جعلت ثقتها تهتز بجميع الرجال.. وفقدت الأمان.. ولهذا تحتاج للوقت والبرهان من فهد والصبر الكبير لكي تسترد ثقتها والإطمئنان له لكي تنعم بالعيش فالامان معه.. ولاتخافين على فهد.. فهو داهية ويعرف كيف يتصرف بجميع الأمور..:71_asmilies-com::i25Cat::71_asmilies-com: وبالنسبة لشاهين بتكون له قصة بالرواية وشهد بتكون جزء كبير فيها..!!:ZlY04550: وجزاك الله كل الخير أختي وحبيبتي الغالية على أسعادك لي بطلتك وتواصلك المدهش والرائع ولك مني كل الحب والتقدير والاحترام أختك ومحبتك ولاحرمني الله منك عذووووووووووووووبة :flowers2: |
عاشوا .....عاشوا:party0007:الروايه حماس أنتظر بشوق الفصل الثاني أستمري كثير أستمتعت فيها على فكره أنا لم أقرألكي من قبل لذا أعذيني لاني ماعرفت وين وقع الخطاء في السابق بس حلو أنك خذيتي برأى الاخوات وعرفتي ليس المهم أين الخطاء المهم أن تدركه فتصلحه هيه نحن في أنتظار البقيه
|
اقتباس:
حياك الله أختي سوفت الحبيبة هههههههههههههههه إنما على حماس موطبيعي.. وخصوصاً مع هزت الراس..:party0007: هههههههههه وأما بخصوص الخطأ يالغالية.. فهو بمسألة توزيع الأوضاع وبمسألة الرضاعة.. وجزاهم الله كل الخير بعض الأعضاء على التنبيه وخصوصاً في المسأل الشرعية والتي يجب التنبه لها.. والحمد لله وبفضله.. ومن ثم بمساعدة أختي الحبيبة أقدار تم الغاء الجزء الأول.. ورجعت عدت صياغته ونزلته بعد التعديل.. وبعدين الإنسان لما يعترف بخطأه هذا الشي مايقلل من قيمته.. لأننا بشر وخطائون ومن منا مايخطي..!! والحمد لله على إن فيه ناس طيبة تنبهنا على مواضع الخطأ.. علشان نتداركها.. وتكون درس لنا ومعلومة نستفيد منها.. بارك الله فيك أختي الحبيبة لمرورك وتواصلك العذب.. وخصوصاً حماسك .. هههههههه ولك مني خالص المحبة والتقدير أختك ومحبتك عذبة التجريح :flowers2: |
تذكير بما حصل بنهاية الجزء السابق دخل فهد غرفة شهد بعد ما دق على الباب وماحصل رد.. وشاف شهد كانت تصلي.. دخل وقعد على السرير لحد ماتخلص من الصلاة.. ومسك مجلة كانت محطوطة على الكومودينة.. وقعد يتصفح فيها لحد ماخلصت شهد من صلاتها.. فهد : تقبل الله.. لفت عليه شهد وبصوت واطي جدا : منا ومنك إن شاء الله.. وراحت تلهي نفسها بترتيب الغرفة.. لأنها ماهي مستعده تواجهه إلى الآن.. ولا مستعدة تتكلم معاه.. يعني تتهرب منه.. فهد حس فيها وابتسم.. وقام راح لها ومسكها من ايدها وجلسها على السرير وقعد يمها.. وتكلم معاها بشكل رسمي وجاد : انا ياي بفحصج واعطيج الدوا وبمشي مستعيل.. وماني مستعد انتظر لين توقفين هروبج مني.. شهد وهي منزله عيونها تحت وبصوت واطي : منت مجبور الله وياك.. وانا ماني بحاجتك. فهد بنفس الجدية بس ابصرامة : انا مو مجبور على شي.. وبعدين بفحصج غصبن عليج.. وتقعدين وانتي ساكته وتطيعين كل كلامي وهم غصبن عليج.. شهد ارفعت عيونها بعين فهد واهي معصبه بس ماتقدر تصرخ عليه.. قامت من مكانها علامة على تمردها عليه.. مسكها فهد بسرعة من ايدها بقوة ورد تلها يقعدها على السرير يمه غصبن عليها.. وقالها بصوت واطي وبتهديد : انا لما أقول لج تقعدين تقعدين.. وتسمعين كلامي وتطيعـني بكل شي أقوله.. وإلا والله راح يصير لي تصرف ثاني وياج.. سمعتي..؟؟ شهد واهيه تناظر فهد بكل عصبية بس ماقدرت ترد عليه.. ولا قدرت تقاومه أكثر بسبب تفوقه عليها بالقوة والجسم.. وبسبب حالتها الصحية وتعبها الحالي.. قام فهد يفحص شهد بكل برود.. وكان يتعمد هذا التصرف من بعد جفائها معاه وصدها له.. وبعدين يمشي على كلام عمه وتوصيته له لأن شهد صج محتاجة للشدة في المعاملة بسبب تمردها عليه.. وبعد ماخلص فحصها أمرها بأن تنسدح وتنام عشان يركب لها المغذي ويحط لها الدوا فيه.. وطبعا المتمردة عصت كلامه وقامت من السرير تبي تنحاش لغرفة تبديل الملابس وتقفل على روحها.. بس فهد كان اسرع منها وقبل ماتصك على نفسها الباب.. فهد فتح الباب بقوة واهيه حاولت تنحاش للحمام.. وفهد مسكها من خاصرتها وشالها بكل سهوله واهو مخبي ابتسامته.. وكان شايلها وكأنه شايل ياهل واهيه تكفخه على كتوفه عشان ينزلها.. نزلها على السرير وسدحها وضغط على كتوفها واهو يقرب وجهه منها.. وعيونه قد مايقدر يبين لها كلها جديه وغضب.. حاولت تتحرك يمين ويسار بس فهد شدد قبضته عليها وشل حركتها.. وتمت تقاوم وتقاوم ليمن اتعبت.. وحست بكل قواها خارت.. واهني استكانت بمكانها.. وقام فهد ركب لها المغذي وحط لها الدوا فيه بس ماحط لها المهدئ.. لأنها مو محتاجته.. وتم قاعد على يسارها ومجابلها على السرير واهيه منسدحة ولافة وجهها الناحية الثانية.. وقام فهد لف وجهها صوبه وحطلها الكريم على خدها.. وتم قاعد يمها واهو يناظرها بس هي ارجعت ولفت وجهها الناحية الثانية علشان تتهرب من نظراته اللي تحرقها.. وابتسم على طريقتها الطفولية.. وعقب ربع ساعة حست بالتعب والنوم يسري عليها ونامت من التعب.......... : : صحت شهد على صوت اذان الظهر الثاني ليوم الجمعة وافتحت عيونها.. بس ماشافت فهد والمغذي كان مفصول ولكن الأبرة مازالت موجودة ومثبته بإيدها.. وقامت على مهلها وراحت وتغسلت وتوضت وصلت الظهر وحاولت تقرأ عقب سورة الكهف وطولت لأن التركيز عندها قليل من التعب.. بس اخلصت قامت واقعدت على ميز التواليت تشوف ويهها.. وتمت تناظر بروحها من خلال المنظرة واسرحت..................................... شاهين : شهد.. شـــــــــهــــــــــــــد..!! انقزت شهد من الخوف من مكانها واهي تناظر بشاهين بالمنظرة وردت عليه بصوت واطي : اشفيك الله يهديك خرعتني..!! شاهين والإبتسامة على ويهه من طريقة نقزتها من الخرعة : انتي اللي اشفيج انا صار لي ساعة ادق على باب الغرفة واناديج.. وادخل عليج واكلمج وانتي سرحانة بالمنظرة..!! شهد : ماأدري احسني ليمن الحين تعبانة وخدرانه.. والظاهر هذا كله من الدوا..!! شاهين : يمكن لأنه قوي عشان ماتحسين بعوار العصب الملتهب..!!.. وسكت اشوي وكمل بنبرة واطية : انتي الحين اشلونج..؟ شهد : الحمد لله احسن من قبل..!! شاهين : تقدرين تاكلين والا ليمن الحين..؟ شهد : ماأدري والله..!! بس على ماأظن ليمن الحين ماأقدر آكل أي شي.. لأن إذا حاولت اضغط على الفك يعورني..!! وبعدين انا ماني يوعانه المغذي اللي يعطوني اياه ساد نفسي بالمرة مع الدوا..!! شاهين : انزين عيل بخلي الخدامة تييب لج شوربة مع عصير على الأقل افضل من لاشيء..!! شهد : لامشكور ماني مشتهيه أي شي.. بس الله يخليك أبي ماي وماأبي الخدامة تييبه..!! شاهين ابتسم لها بكل حنية وقال : خلاص ان شاء الله بييب لج الماي والعصير.. وحاولي تشربينه عشان صحتج ماتضعف.. شهد : مشكور بعد عمري وانا دايخة وشكلي برد انام شوية.. شاهين : خلاص حبيبتي انسدحي وريحي على ما اييب لج العصير.. بعد ربع ساعة رجع شاهين ومعاه الماي والعصير حق شهد.. بس شافها منسدحة ومغمضة عيونها.. حط العصير والماي يمها على الكومودينة ومسح على راسها.. وتذكر إن فهد موصية يحط لها الكريم على خدها المورم.. وقام طلع الكريم وحطه بكل خفه على خدها.. وشهد اقعدت من غفوتها وهي تناظر بشاهين يحط لها الكريم وترد تغمض عيونها لأن شاهين وايد يشبة فهد.. حتى بطريقة معاملته وشدته.. بس الفرق اللي مو ملحوظ بين الأثنين إن شاهين أقصر من فهد بشوية.. وعين فهد لونها أسود داعج.. وعيون شاهين بني غامق.. وشاهين عنده غمازة بخده اليسار وفهد ماعنده أي غمازة بويهه.. وهذا الشبه بين هالأثنين خلى شهد ترجف لأنها تحاول تطرد فهد من بالها وقلبها وفكرها.. بس هين إذا اقدرت..!! شاهين حس برجفت اخته.. ويدري بأنه ذكرها بفهد.. وابتسم لها وباسها على راسها وقرب شفايفة من اذنها اليسار.. وقال بصوت واطي : العناد والمكابرة راح تأذيج ياشهد.. لازم تلينين اشوي.. ولا راح تنكسرين.. وأبوي وكل اخوانج من صف فهد.. وهاذي نصيحتي لج وانتي حرة..!! وتركها شاهين بأفكارها ودموعها انزلت بعد ماتركها.. وانسدت نفسها عن كل شي.. وراحت بنومة طويلة ومقطعة بين الأحلام الجميلة والمزعجة.. : : : : : : : : الجـزء الحادي عـ 11 ـشر بعد ماطلع من المسيد ( المسجد ) من بعد صلاة الجمعة.. فهد راح اييب امه من بيت خالته مثل ماوعدها بإن يمرها قبل الغدا.. أم فهد مرة طيبة وحنونة بس دومها مريضة وضعيفة.. وصحتها تدهورت أكثر وصارت طريحة الفراش من بعد وفاة بوفهد.. وهالشي خلاها عرضة لعدة أمراض مثل الضغط والسكر وهشاشة العظام.. فهد كان خارج الديرة يكمل دراسته ويشتغل.. وخالد حاول اييب كذا ممرضة عشان أمه ولكن ماارتاحت مع أي وحده فيهم.. ليمن رجع ولدها فهد وبعد ماتعدلت أموره بالديرة ياب لها ممرضة ممتازة مقيمة وياها على طول وهي سورية وطيبة وحنون على أم فهد وصار لها معاهم من تسعة أشهر.. وطبعاً فهد وخالد مومقصرين مع امهم وبارينها وقايمين فيها قوم.. حتى أيام ماكان فهد يدرس ويشتغل بأمريكا.. كان يتابع حالة أمه دوم من خلال أخوه خالد.. من قبل اسبوعين من العطلة الربيع.. توفى ريل أختها فوزية.. فوزية هي أخت أم فهد من أبوها.. بس وايد قراب من بعضهم.. وفوزية الله رزقها بالبنات وكلهم متزوجات.. وأم فهد قررت بعد وفاة ريل أختها فوزية تقعد عند أختها عشان تواسيها.. وهمن يوسعون على صدور بعضهم البعض.. وطبعاً فدوى الممرضة السورية معاها في بيت أختها.. وتمت أم فهد مع أختها شهرين وقررت بعدها ترجع بيتها.. عند فهد علشان تبي تستقبل مرت ولدها وحبيبت قلبها شهد.. وبالأساس أم فهد وأم شهد كانوا بنات خالة وبنفس الوقت كانوا صديقات.. وأم فهد كانت تموت على شهد من واهي صغيرة.. ودوم تراعيها وتحضنها لأن الله مارزقها بالبنات.. وكانت تحب شهد تموت عليها وحتى أختها منى كانت تموت عليها.. والحمد لله اللي تمنته الله حققه لها.. خالد تزوج من منى.. وفهد تزوج من شهد.. وهالشي فرحها وايد وتمنت لهم السعادة.. فهد بعد مامر على خالته وسلم عليها وبياخذ أمه وبيطلع بس خالته احلفت عليهم ليتغدون بالأول وبعدين لكل حادث حديث.. ومن بعد الغدا استئذن فهد من خالته وأخذ امه وفدوى الممرضة وبيردهم البيت عنده.. واهم بالسيارة رادين بالطريق.. فهد : هاااا يالغالية مابغيتي تحنين علينا وتردين لبيتج ولولدج الولهان.. شهرين وانا محروم منج يُمه.. أم فهد : ويعل عيني ماتبجيك يُمه.. انت تدري أن خالتك محتاجة للي يوقف معاها ويساندها بمحنتها من بعد وفاة ريلها الله يرحمه.. وانا اليوم راده وابيك توديني الليلة بيت عمك بشوف حبيبة القلب.. ومرت بجري ( بكري ) ونور عيني ودنيتي مرتك يالغالي.. فهد وماوده امه تدري باللي صار علشان ماتتأثر : يُمه الله يهديج انا الحين ابيج عندي ابي اشبع منج.. وماضنتي اشبع من شوفتج يالغالية.. وتبين الفكة مني وتروحين بيت عمي علشان شهود الغبرة..؟؟ أم فهد : ههههههههههههه.. إيــــهه شهود الغـــبرة هـــااااا..!! هالشهود الغبرة اللي تقول عنها.. ماجنك تغربت اسنين وابنين علشانها يالعتوي..!! فهد : ههههههههههههههههههههههههههههههههههه.. يُمه الله يخليج ماخلصت من لسان القطوة حتى انتي تقولين لي العتوي..؟؟!! أم فهد : إيــــي وشعبالك عيل.. هذي عولتقتك بعد ماسميتها القطوة سمتك العتوي.. وانت على بالك انا نسيت.. هااااا اسمعني زين يُمه.. ومن الحين انبهك واقولك ترى يكون ابعلمك.. إذا زعلتها أو نرفزتها مثل ايام قبل ويتني اتشكى منك.. ترى والله يافهد أنا اللي بوقف لك.. فهد ومسوي نفسه مصدوم : لا والله... لايكون اهي بنتج وانا ولد الهندية وانا ماأدري.. أم شهد : هههههههههههههههه.. إيــــه هذي شهد.. يكفي انها بنت نورة الله يرحمها وياعل مثواها الينة ( الجنة ).. واهيه بنتي مثل ماأنت ولدي.. ولاتنسى مشاري الله يرحمه رضعته مع خالد.. مثل مارضعت طلال معاك الله يحفظكم.. فدوى : لك يادكتور فهد.. ماتسدأ الماما.. لك هي بتحاكيك من ورى ألبا.. دخليك ماشفتها يوم ماحكيتها وألتلها عن خطبتك للأنسة شهد.. وهي ماسدأت خبر.. وكانت شوي وتأوم ترأوص من فرحتها فيك.. وكانت ياعيني بتبكي وتأول أبني ماخسر أبني ربح حب ألبو وألبي.. والله حرمو بالأول.. بس هلاء هو كسب.. ويكفيني إنو فهد مبسوط.. وهايدي إكبر نعمة من الله طعمني اياها بأني شوف نور عيني ودنيتي أبني البكر فرحان ومبسوط.. فهد : ههههههههههههههههههههههههههههههه.. والله قالت كل هذا وهم تتغلى علي.. وهم ماتعرفين يافدوى اشكثر غلات المدام ابقلبها.. ومن تشوفها راح تنسانا كلنا.. وعندها شهد بالدنيا كلها.. وكلها جمن يوم بتشوفين بعينج.. أم فهد : لا يُمه مو بس شهد.. حتى انت وخالد ومنى واعيالهم.. وان شاء الله في القريب العاجل اعيالك انت وشهد بعد.. بتملون علي دنيتي.. وافرح فيكم يابعد هالدنيا والله.. فهد : الله لايخلينا ولا يحرمنا منج ومن طيبج وحنانج يايُمه.. ( ومسك إيد أمه اليسار ورفعها لشفايفه وباسها وكمل يقول ) : والله يديمج فوق روسنا وبعيونا يالغالية.. بس اللي ابي منج اليوم اتريحين في البيت.. وانا بفحصج واتطمن عليج.. وابقعد اسولف وياج لأني من زمان ماقعدت وياج.. والله مشتاقلج يالغالية.. أم فهد : أنزين يُمه انا بقعد وياك واسولف ليمن تشبع يابعد عمري.. بس هم خاطري اشوف مرتك وعمتك تراني ولهت عليهم بعد يُمه.. وكلها ساعة زمان من بعد صلاة العشا ونرجع البيت.. فهد يتحلطم ومسوي نفسه زعلان : انا أقولها ولهان وروحي لهم وقت ثاني.. واهيه تعاند تبي تروح لهم اليوم.. بلله قولولي هالعناد وراثي عندكم بالعائلة.. أنتي من صوب وشهود من الصوب الثاني..!! أم فهد بتغيض ولدها قالت : ويــــــي فديتها وفديت سيرتها.. وشهد موبالعنـــود.. شهد كلها طيبة وسنع.. والله محد عنودي مثلك يالعتوي. فهد فقع من الضحك من سمع رد أمه واشلون اتميّع بالحجي علشان تغيضه.. وقال : ههاههاههاههاههاههاههاههاهههههههههههههههه.. الله يسامحج يايُمه.. بس هـم اليوم ماكو روحه لبيت عمي بوخليفة.. اليوم انا وياج وبـس.. ودي انام ابحضنج مثل ايام قبل.. وشهود لاحقين عليها ماراح تطير.. وكلها هالأسبوع.. والخميس موالياي اللي عقبه واهي عندج في بيتج وتحت تصرفج.. ويالله كلام زايد ماكو قفلي على الموضوع.. أم فهد : ههههههههههههههههههههه.. يعني خلاص صدرت الحكم علي بمنع الطلعة اليوم لبيت عمك..!! فهد : إي نعم وأنا أحق من شهود فيج يُمه.. واليوم أبي أرد ياهل وأنام بحضنج.. وشهود عقب تشوفينها.. أم فهد : خلاص يابعد روح أمك باجر نروح لهم ولايصير خاطرك إلا طيب يابعد عمري والله.. : : من بعد صلاة العشاء.. فهد بعد مافحص أمه وقعد سوالف وضحك معاها.. وقام يتناقش معاها بموضوع زواجه من شهد.. والشروط اللي حطتها وإنه قبل فيها.. ومن بعدها تعشوا مع بعض وعطاها دواها وتركها عشان تنام وتريح نفسها.. راح لبيت عمه بوخليفة واللي اهو قريب حيل عليهم بالفريج ( الحارة ) الثاني.. راح فهد يطل على شهد ويفحصها.. ويعطيها الدوا ويحط لها الكريم.. ومن وصل ومرت عمه ماوقفت اسئلة عن امه وحالتها وليش مايبتها.. وانها ولهانه عليها ومن زمان ماشافتها.. وقعد عندهم شويه وفحص شهد وعطاها الدوا وبعد ماتطمن عليها رجع البيت.. : : : : يوم السبت 28 / 2 / 2004 يوم السبت أول أيام المدارس وبدء الدوامات لأغلب الموظفين والمدرسين.. والكل سيتوجهه لمقر عمله والأطفال لمدارسهم من صبيحت هذا اليوم المشرق.. وترجع الشوارع والطرقات للإزدحام والإكتظاظ من جميع وسائل النقل.. الساعة 9:00 الصبح توجه فهد لبيت عمه علشان يفحص شهد ويعطيها الدوا.. ومن وصل طبعاً عمه ومرت عمه كانوا بأستقباله.. وخبر مرت عمه عن زيارة أمه لهم اليوم من بعد صلاة العشا.. وأم خليفة تهلي وترحب فيه وبأمه الغالية.. ومن بعدها استئذن منهم علشان يروح عند شهد يفحصها ويعطيها الدوا ويخلص لأنه بيمر المستشفى عند عملية على الساعة 12:00 الظهر.. وصعد لغرفتها وكانت شهد نايمة.. لأنها طول الليل كانت سهرانه وصاحية ومانامت إلا بعد صلاة الفجر وبعد ماشرقت الشمس.. يعني مانامت إلا عالساعة 6:30 الصبح.. دق فهد الباب على شهد ومالقى جواب.. فتح الباب عليها ولقاها نايمة مثل الملاك.. وقام قعد على السرير يمها وهو يرفع شعرها عن وجهها.. وقلبه يخفق بحبها ومتولع فيها.. وابتسم واهو يطالع طريقة نومها وجمال تقاطيعها.. وكانت شهد نايمة على غير عوايدها على جنبها اليسار من بعد الصفعة اللي تلقتها من أبوها واللي اجبرتها تغير من وضعية نومها.. وكانت متقرفضة بنومتها ( نومة القرفصاء ) مثل الربيانة (( الجمبري )).. وشعرها متناثر على المخدة.. لأنها ماتحب تنام عليه وترفعه من تحت راسها وتخليه من فوق المخدة.. تم فهد يناظر فيها والأبتسامة مافارقت شفايفة.. وقام ولف جسمها بهدوء يعدلها عشان تكون نايمة على ظهرها ويقدر يفحصها براحته .. فحصها وتطمن على كل شي.. بس المهم الحين اشلون بيركب لها المغذي.. وخصوصاً إن الأبرة شالها لها البارحة ولازم يغير مكانها اليوم.. يعني فيها معاناة يديدة مع شهد.. والمشكلة إن لاشاهين ولاعبدالله موجودين في البيت بهالحزة لأنهم كلهم داوموا من بعد الإجازة الطويلة.. فحاول قد مايقدر يتعامل معاها بكل هدوء وحذر علشان يقدر يطلع لها عرج جديد بإيدها ويغرز فيه الأبره ويركب عليه المغذي من دون مايصحيها من النوم.. فحاول ونجح بالمحاولة ولله الحمد.. مع إن شهد نومها خفيف جداً بس الدوا اللي يعطيها ياه علشان التهاب العصب اللي بأذنها قوي وينوم.. وبعدين اهيه من البارح طول الليل سهرانه ومانامت إلا الصبح.. ولاننسى تعبها البدني من قل الأكل.. واهيه معدومة الأكل..!! خلص فهد وركب لها المغذي وحط لها الدوا فيه.. واليوم بالليل راح تاخذ آخر جرعة ويغدي شرها إن شاء الله.. وتم ينطر على ماخلص المغذي والدوا.. وشاله من ذراعها.. بس الأبرة ثبتها بالاصق الطبي.. وحط لها كريم على وجهها.. وقبل مايطلع ولأنه موقادر يستحمل بعدها وشكلها البريء والمغري أكثر واهي نايمه مثل الطفل.. دنق عليها وقعد يتأمل ويهها وقلبه كل نبضة فيه تنبض بإسمها.. وما تحمل يكون قريب منها كل هالقرب وباسها على عيونها وخشمها ونزل على شفايفها وباسهم بخفه.. وابتسم في نفسه.. يالله هانت ياشهود كلها هالأسبوع وتكونين لي في بيتي.. وبوريج شغل العناد اشلون بيصير على اصوله.. وان ماروضتج وخليتج تصيرين حمل وديع مابين ايديني ماكون انا فهد.. هين كل مازدتي بعنادج وتمردج.. شديت عليج من ناحيتي.. والحين مضطر إني اخليج مع إن ماودي اهدج لحظة وحده تبعدين عني يانظر عيني ونبض خفوقي.. وإن شاء الله اشوفج اليوم بالليل ياشوقي ولهفتي.. : : : : يـتـبــــــــــــع |
صحت شهد من نومها قبل أذان العصر وقامت بسرعة توضت وصلت الظهر قبل لايأذن العصر.. وكانت تحس ابثقل في راسها.. لفت راسها على الكومودينة صوب السرير وشافت العصير محطوط ومغطى خذته واشربت منه رشفتين وهدته.. شهد خلال اربعة ايام اللي طافوا ماطب بمعدتها غير الماي والعصير.. مع إن دايماً يرسلون لها مع العصير شوربة علشان تتغذى بس اهي خلقة ماتاكل شي وعلى ادنات الدون تنسد نفسها عن الأكل وكانت الشوربة مثل ماتصعد لها فوق ينزلونها مثل ماهي بدون ماتقربها.. وكانت مرات تشرب العصير وماتكملة بعد.. اذن العصر وقامت تصلي.. وبعد ما قضت ( خلصت ) شهد من صلاتها وردت تنسدح مرة ثانية.. وبعد نص ساعة دشت عليها أم خليفة.. واهيه من بعد الصفعة أول مرة تصعد لها وتشوفها لأن عيالها وريلها كانوا يمنعونها عشان ماتشوف شكل شهد واتخرع عليها.. بس الحين ولله الحمد شهد وايد احسن والورم كان بسيط والزروقه خفت من خدها.. وشهد قامت تقدر تتكلم مو مثل أول يومين.. أم خليفة دشت ووراها الخدامة بإيدها صينية فيها شوربة خضار وفلية سمك مقلي أم خليفة مسويته متعمدة علشان شهد تأكله مع بطاطا مخبوزة بالفرن مثل ماتعشقها شهد وعصير.. حطتهم الخدامة على الطاولة الطويلة اللي عند القنفة واطلعت.. وأم خليفة راحت واقعدت على السرير يم شهد.. وتبوس راسها وتمسح عليه.. أم خليفة بصوت واطي : شهد.. شهد..!! شهد صحت على صوت أم خليفة الحنون واقعدت بكل لهفه على حيلها علشان تشوف أمها واللي صارها جمن يوم وهي فاقدتها.. ولمت امها طيبة واهي تحط راسها على كتفها.. أم خليفة عيونها غورقت بالدموع وقالت بصوت ملهوف : اشلونج الحين يُمه إن شاء الله طيبة..؟؟ شهد بكل لهفه ودلع وتحاول تخلي صوتها طبيعي لأن البحة اخنقتها من اللهفة على أمها : الحمد لله انا ابخير يُمه.. بس الشوق ذبحني وميته على حضنج.. أم خليفة : سامحيني يابنتي انا كل ماييت بطلع لج.. امنعوني العيال وابوج وقالوا لي تعبانة وماخذه برد لاتعديج.. واهي بخير بس كله نايمة من الدوا اللي معطينج ياه..!! شهد : إيي يُمه الدوا ذبحني كله نايمة ودايخة وراسي دومه اثقيل.. ( وطت شهد من نبرة صوتها شوي وقالت بترجي لأم خليفة ) : يُمه الله يخليج خليني انام على ريولج مشتاقة لريحتج يالغالية.. أم خليفة وعيونها تدمع من لهفتها على بنتها.. واشلون اقدروا يحرمونها هالجم يوم ومايخلونها تشوف شهد اللي تربت على إيدها وكبرت وصارت عروس جدام نظرها.. وقالت لشهد بنبرة حانية : قومي يُمه بالأول أكلي لج لقمة.. وعقب بحطج بحضني.. شهد وتحط راسها على صدر أم خليفة وتقول : مالي نفس آكل شي.. أم خليفة بعتاب : ليش يايُمه تسوين بروحج جذي والله موزين.. انتي لازم تاكلين عشان تتقوين وتصيرين زينه.. شهد : يُمه والله مالي نفس وماني يوعانه.. وأنا مومتعمدة هالشي.. أم خليفة ترفع راس شهد من على صدرها وتمسكة بين إيدينها علشان تملي نظرها منها.. وتحاول تخوف شهد بالكلام علشان تاكل : مصارينج بتيبس عليج وانتي كله شبعانه.. هذي حاله بالله عليج..!! قومي يُمه قومي أكليلج لقمة ترى والله رَيْلِجْ اهو اللي قايل خلوها تاكل زين لأن عندج نقص.. وبعدين خالتج منيرة أم ريلج بتيي اليوم وبتشوفج.. قومي يابنتي الله يرضى عليج واكلي لج لقمة ترمين فيها عظمج اللي طلع.. وشوفي شكلج واشلون غادية..!! لونج أصفر وويهج باهت.. وعيونج غايره وضلوعج بارزة لي برة من كثر الضعف.. وانتي دايخة من قل الأكل.. وصارلج اربعت ايام والزاد مادش فبطنج..!! شهد تلم أم خليفة وترد تحط راسها مرة ثانية على صدرها وتقول عشان تغير موضوع الأكل : يُمه الله يخليج انا يوعانة حنان وحضن ولمة على الصدر.. أم خليفة من سمعت جذي لمعت عينها.. والإبتسامة شقة ويهها وقالت بمكر : ههههههههههههه.. عندج زوجج وتطلبين مني حنان وحضن..!! وزوجج شخانته كل يوم عندج وماتلقين أحن منه عليج.. ولا ادفى حضن منه.. وصدره يحتويج ومن شوقه يلمج..!! شهد وجهها صار طماطة من الحيا ومصدومة من كلام أمها أول مرة تكلمها بهالطريقة وتسمع منها هالحجي..!! شهد : أأأأوووووه يُمــــه.. شهالكلام الله يهديج..!! ( وكملت بدلع ).. وبعدين انا حضنج ما ابدله بأي حضن.. ومابي غيرج يلمني ويحضني..!! ( ودفنت ويهها بصدر أم خليفة من الحيا ).. أم خليفة تلمها على صدرها وتكمل بتطفر شهد : وعيل المسكين فهد ذابح عمره ومتحمل كل ماييه منج.. وآخر شي تعافين حضنه..!! ( نزلت أم خليفة راسها تطل على ويهه شهد اللي لامتها على صدرها وتكمل ) : أقول قومي لاايي ابوج ويسمعج ومايحتاي أقولج شيصير.. قومي وأكلي لج لقمة عن خاطري يُمه.. والا تبين حضني وخاطري عايفته ( رافضته )..؟؟ شهد : خاطرج عندي بالكون يُمه.. أبيع الدنيا وأشتري رضاج يابعد عمري.. وأنا باكل بس عشانج يالغالية.. قامت أم خليفة ومعاها شهد وقعدوا على القنفة الطويلة اللي بغرفة شهد.. أم خليفة قعدت على يسار شهد.. وشهد كانت بنص القنفة.. وحاولت تاكل لها لقمتين وحست بالغثى وشبعت لأن المغذي يسد النفس ويملى المعدة..!! شهد مكشرة وعافسه ويهها وبتعبير المستلغث وتقول وهي حاطه إيدها على بطنها وتمسح عليه.. وتقول بصوت الشبعان الممتلي معدته من كثر الأكل : بسي يُمه والله شبعت.. ماقدر آكل أكثر من جذي.. شاهين واهو داش على شهد وسمع كلامها مع أمه.. قال بنبرة جدية وصارمة : لا والله ماتقومين إلا وانتي ماكله اللي بالصينية كله.. وفهد موصيني عليج اليوم لازم تاكلين.. وموزين تتمين عايشة بس على الماي والعصير.. أم خليفة : تعال يُمه اغصبها انا ماني قادرة عليها.. كلت لها لقمة وتقول شبعت.. واهي الزاد من ايام مادش فبطنها.. والله احترت معها..!! شهد واحتدت بكلامها شوي : انتوا علامكم انا ماني ياهل.. آكل على قد معدتي وإذا يعت.. شاهين واهو يقعد على يمين شهد ويقلد صوتها : ماني ياهل وآكل على قد معدتي ..... ( وكمل بستهزاء ) وإذا يعت.. وانتي اليوع مايعرف دربه ناحيتج.. بالله متى تاكلين إذا طول وقتج شبعانة وماتحسين باليوع..؟؟!!!!!!!! شهد طفرت من الموضوع : أأأووووههههه ترى والله مالي خلق اسمع الموال الأبدي يزن على راسي دوم.. انتوا ماتحسون فيني ماأقدر آآآآكــل أكثر من جذية..!! شاهين بتحدي وعصبية : لاااا تقدرين.. والحين بتاكلين.. وإن ماطعتي بتنغصبين.. يالله جدامي كملي أكلج دام النفس عليج طبية..!! شهد وعنادها اشتغل : مـابـي مـاراح آكــل.. وحاولت تقوم من مكانها بس شاهين رد تلها ( جرها، شدها، سحبها ) من وسطها وخلاها ترد تقعد.. وتم محاوط وسطها بإيده عشان ماتقدر تقوم.. واهو معصب عليها : اشوف وشلون بتقومين بدون ماتكملين أكلج..!! شهد والضيقة مرتسمة على ويهها وقلّتْ صبرها.. وتحاول تفك إيد شاهين من وسطها.. وماهي قادره عليه لأنه شاد عليها واهي مافيها قوة.. عصبت وقالت بصوت عالي : شاهين الله يخليك وخر عني ترى والله مالي خلقك.. شاهين وبتحدي أكبر : ماني موخر عنج وبشوف شبتسوين..!! شهد نفذ صبرها : يُـمه الله يخليج قوليله ترى ماني قادرة اتحمل أكثر.. أم خليفة بصبر وصوت هادي : شاهين خلها يُمه على هواها.. واهي بتاكل عقب إن شاء الله.. شاهين بستهزاء وعصبية : بتـــاكل عقــــــب...!!!.. بتاكل عقب شنو يُمه واهي الزاد على قولتج ماطب ابطنها من ايام.. يعني ننطرها لين تطيح علينا وتيبس مصارينها وتموت..!! شهد بستهزاء : لا تخاف مصاريني ماراح تيبس مع الدوا اللي ولد عمك معطينياه.. والمغذي تارس معدتي وساد نفسي بالمرة.. شاهين : والله الدوا والمغذي لو مانحط عليج.. جان من زمان مصلين عليج.. أم خليفة ابخرعه وعصبت على شاهين وردت عليه بحمق : إسم الله عليها من الموت.. وانت اشحقة تفاول على اختك بالموت..!! شاهين : لأنه إذا ماكلت ماراح يتم بجسمها شي.. وانتي شوفيها اتقولها مومياء يلد ( جلد ) على عظم.. وإن ماغصبناها على الأكل.. واكلت مثل الناس عدل.. فهد حالف ليوكلها عن طريق الأنابيب بالغصب.. شهد وعيونها تبطلت من الخرعة.. وعصبت : واهو شكو فيني.. انا حره آكل وقت ماأبي.. وماله شغل يتدخل بأموري وبصحتي..!! شاهين : والله فهد رَيّلج.. يعني ولي أمرج.. ويقدر يسوي أكثر من جذيه.. بس أهوه محترمج ومقدرج.. شهد واعصابها ثايرة بس موقادرة تصرخ واتعبر عن شعورها.. بسبب الضعف اللي فيها وثقل راسها.. فمالقت لها منفذ غير بدموعها.. وقطت ( رمت ) نفسها ابحضن أم خليفة تبجي من القهر.... ياربي عليك يافهد.. انا ماني عارفة واشلون اتصرف معاك أو انتقم منك.. ابي الفكة منك ومن تحكمك فيني.. بس ماني عارفة اشلون......!! ولا تهقى إني راح اضعف بيوم واخضع لك.. واخليك تتحكم فيني مثل ماتبي.. لااااااا حامض على بوزك.. وأبوي غصبني على هالزواج.. وأنا بغصبك على الطلاق.. وانا بسايرك الحين بس جدام الأهل وأمثل الموافقة.. ولكن بتشوف اللي بييك مني عقب يالعتوي.. انا ماني قادرة اتصرف معاك براحتي.. ابوي وكل اخواني واقفين معاك ضدي.. حتى امي طيبة ابصفك.. وانا بروحي بويهك.. وراح أكون ضدك واحارب كل ماايي منك.. واوريك منهي شــهـــد...... أم خليفة واهيه حاضنه شهد وتمسح على راسها وتهديها : بسج يُمه قطعتي قلبي من كثر البجي.. ذكري الله....... ووجهت أم خليفة كلامها لشاهين : انت روح يُمه وخلني مع اختك.. وإن شاء الله يصير خير.. شاهين يبرر موقفه واهو مقهور : يُمه انا خايف عليها وابي مصلحتها.. أم خليفة : مايخالف يُمه وشهد تدري بهالشي.. وخلها الحين وبعدين بتاكل.. قام شاهين وطلع من الغرفة معصب وضايقة فيه الوسيعة من حالة اخته واعنادها.. وراح غرفته وسيده كلم فهد على الموبايل وخبره باللي صار.. وفهد استحمق بس خشها بنفسه وقاله خلها على راحتها واليوم بييها ولي تصرف ثاني معاها.. وشهد من كثر البجي اتعبت ونامت ابحضن ام خليفة على القنفة اللي بغرفتها.. وقامت أم خليفة نادت شاهين يشيلها ويحطها بسريرها اريح لها.. : : : : : : بعد صلاة العشاء في بيت بوخليفة وصل فهد مع امه لبيت عمه بوخليفة من بعد اصرار والحاح من أم فهد انها بتروح عندهم وانها أم المعرس فلازم اهيه اللي تروح لبيت أهل االعروس.. ومنهي العروس..؟؟ هي شهد حبيبت أم فهد.. فهد خبر امه بأن شهد تعبانه شويه بس ماقالها على موقفها منه ورفضها له.. ولا قال لها عن وايد شغلات اصدرت عن شهد.. غير إن شهد درت عنه إنه دكتور جراح.. وماقالها عن اللي استوى عليها من اعرفت ولا عن ردت فعلها.. يكفي إن امه تعبانه ويزيد عليها بالهم.. وبعدين شهد تحب امه وايد وتحترمها وتدري عن حالتها الصحية وانها ماتستحمل أي خبر يكدرها أو يصدمها.. واهو عارف ومتأكد بأن شهد ماراح تقهر امه أو تبين أي شي جدامها وتكدرها.. لأنها تعز وتحب امه وايد وأهي بمثابة أمها.. وام فهد من كانت شهد صغيرة واهيه كله عندها وتدللها.. يعني حب متبادل مابين الثنتين.. أم خليفة والفرحة باينة بعيونها : حيا الله من يانا.. تو مانور البيت يوخيتي.. هلا ومرحبا.. أم فهد فرحتها ماتقل عن فرحة أم خليفة وبنفس النبرة ترد : الله يحييج ياأم خليفة ويسلمج.. والبيت منور بأهله.. ويعله دوم منور فيكم يابعد عمري.. وسلموا على بعض بالأحضان لأنهم من زمان ماتشاوفوا.. أم خليفة بعد مادنق فهد وباسها على راسها : ها فهد اشلونك يُمه.. فهد : هلا يُمه انا بخير مادمتوا بخير وراضين عنا.. أم خليفة : الله يرضى عليك دنيا وآخرة يابعد عمري والله.. وكانو الأهل مجتمعين كلهم ومستانسين بلمتهم مع الغالية أم فهد واللي هي بمقام أمهم الثانية ومرت عمهم.. بس اليمعة كان ناقصها شهد.. والأخيرة من عنادها وقل اكلها كله دايخة ونايمة ومافيها حيل تقوم.. وطبعاً هذا كان نوع من انواع الهروب من ناحيتها.. عشان ماتواجه اهلها وخصوصاً الكبار.. وكان ايضاً نوع من الأحتجاج من ناحية شهد على وضعها اللي انجبرت فيه بزواجها من ولد عمها فهد.. بالأصح نوع من أنواع التمرد على الواقع من القطوة المتمردة.. وهالتمرد غير مقصود من قبلها.. ولكن مرات عقل الباطن يسير الإنسان لعمل أشياء اهو مايقصدها.. وشهد عقلها الباطن أهو اللي دوم يعطيها الإشاراة بأنها شبعانه ومنسده نفسها عن الأكل..!! فهد دخل عند الرياييل بالدوانية.. وسلم على عمه وعيال عمه والأهل.. وراح سيده عند شاهين لأنه منقهر من شهد واللي سوته اليوم عقب ماكلمه شاهين وخبره باللي صار بالتفصيل.. وخذا الأذن من عمه عشان يصعد فوق ويشوف شهد.. وطلع لها فوق واهو معصب عليها من عنادها.. دق باب الغرفة طبعاً كالمعتاد لاجواب.. فتح الباب ودخل عليها وشافها قاعده تصلي.. سكر الباب من وراه وراح قعد على سريرها ينطرها تخلص.. وشهد من شمت ريحت العود والبخور والخلطة العجيبة والمميزة.. اعرفت إن فهد دخل عندها.. ارتجفت وانتفض قلبها من الخوف لأنها داريه بأن السوسة شاهين خبره بكل شي بالتفصيل الممل.. فقعدت اتماطل وتطول بصلاتها قد ماتقدر.. وفهد من شافها طولت زيادة عن اللزوم قام من على السرير وتوجه ناحيتها وقعد على القنفة القريبة منها وتم يطالعها.. واهي حاسه وعارفة باللي يسويه وقلبها زاد بنبضاته من الخوف بس ماكو فايدة.. تمت مكابرة ومعاندة حتى شعورها وطنشته.. فهد قال بصوت واطي بس مسموع وبتهديد : الفرض والسنة وخلصتيها.. وشفعتي وزدتي خير وبركة.. ( غير نبرة صوته لنبرة التهديد وقال ) : خلصي اعطيج بس توترين وماامهلج عقب.. راح اشيلج من السيادة ( سجادة الصلاة ) وانتي عارفة إني أقدر اسويها.. يالله حدج خمس دقايق ماكو غيرهم.. وتم يناظرها ويحسب لها الوقت.. لين اعرفت انه ماكو فايدة ووترت وخلصت.. فصخت ثوب الصلاة وشالته مع السيادة وحطتهم بالدرج.. وقلبها يدق بسرعة.. وتوجهت وهي مرتبكة ناحية غرفة الملابس.. عرف فهد بللي في بالها وناويه عليه.. وقام لها سيده وبسرعة تلها وشالها واهو بقرارة نفسه ميت من الضحك عليها.. بس مابين لها ردت فعله وسوى نفسه انه معصب وحمقان.. فهد : الظاهر بالبيت عندي راح الغي كل المفاتيح واخلي البيبان هدد بدون قفل.. عشان ماتنحاشين وتنخشين يالجبانة.. شهد تحاول اتملص من ايد فهد عشان تبعد عنه وتنحاش : والله لي ييت عندك تصرف في بيتك مثل ماتبي.. وهذا الشي ماراح يصير ولاتحلم فيه.. فهد نزل شهد وقعدها على السرير وقعد يمها على يمينها ولازق فيها كنوع من فرض السيطرة والوجود عليها وقال بكل برود : ليش ماراح يصير واحلم فيه.. وانتي الخميس الياي عندي وتحت تصرفي بالكامل.. ومتفق مع عمي على هالشي..؟؟ شهد اشهقت من اسمعت كلام فهد وبطلت اعيونها على حدهم : لاااااا.. لااااا.. انت تجذب علي.. واصلاً انا موموافقه على هاالشي.. وبعدين ابوي ماقال أي شي ولا فتح الموضوع بالأساس..!!!! فهد وبكل برود واستهزاء : الحين بس اخلص واعطيج أخر جرعة من الدوا راح تنزلين معاي.. لأن أمي ياية على شانج.. وبيخبرونج تحت كل شي يامرتي العنيدة.. آه آســف قصدي يامـــرتي العتيدة.. شهد بعصبية وعناد : ماني مرتك.. وماني نازلة تحت.. وماني ماخذه دواك الخايس.. فهد حاول يمسك نفسه ويخلي قناع الجدية والعصبية على ويهه.. بس ماقدر يمسك نفسه من الضحك على ردها : ههاههاههاههاههاههههههههههههههههههههههههههه.. دواي الخايـــس..!! هههههههههههههههههههههههههههه.. دواي الخايس على قولتج راح تاخذينه غصبن عنج والحين لأنه آخر جرعة.. وانتي مرتي غصبن عليج ولاتخليني آخذج الحين غصب.. وهالشي من حقي محد بيعترض.. شهد والخوف خذا كل العقل منها وخلى التهور يحكم لسانها.. وردت بسرعة بدون ماتثمن الكلمة : اتـخـسـى تمد إيدك علـي وماتقــدر.. وانا مابيــك اكرهــك وماأحبــك.. وانت منت جاد باللي تقوله بس بتخرعني.. ولكن على منو ياروح امـــــك..؟؟ فهد عقد نونته وقام يطالعها بكل عصبية وكان شكله صج يخوف.. وكلمها بعصبية وصوت عالي شوي : انتي مَحّدْ لجم لسانج وتمردج..!! وماتعرفين تحترمين احد..!! وانا ماراح ارد عليج الحين.. يوم الخميس الياي بيكون ردي عليج كافي ووافي يـــازوجـتــــي.. ( شدد على الكلمة الأخيرة ) وقام سيده بدون مايعطيها أي مجال دزها بالعدال على كتوفها وسدحها.. وعدل وضعها على السرير عشان تكون بوضع استلقاء تام.. وركب المغذي على العامود ووصله بالأبرة المثبته بإيدها.. وحقن الدوا بكيس المغذي.. وتم قاعد يمها ومواجهها على السرير بس علشان يقهرها بسبت الكلام اللي ماثمنته وتم لين خلص المغذي بعد نصف ساعة.. قام ارفعه وفكه وشال الأبرة من إيدها وحط لها بلاستر لازق.. وقام فحص إذنها وشاف إن العصب ولله الحمد طاب.. يعني مثل ماقرر الجرعة اللي عطاها ياه كانت آخر جرعة من الدوا.. وطلع المرهم ولف ويهها ناحيته وشهد امغمضه عيونها عشان ماتشوفه.. وحطلها الكريم.. وقالها بصوت صارم يهددها فيه.. فهد : سمعيني زين إذا سمعت إنج ترفضين الأكل وماتاكلين زين.. راح آخذج عندي البيت من باجر وأوكلج على طريقتي الخاصة.. واللي ماراح تعجبج لأنها تألم وماأعتقد إنج راح تحبينها.. وإذا بتعرفين شنهي الطريقة..!! ( كمل يشرحه لها الطريقة علشان يخوفها ) هذي الطريقة نتبعها مع العنوديين اللي مثلج ويرفضون الأكل.. نمد لهم انبوب من فتحت الخشم ليمن البلعوم ونحط فيه الأكل ونخليه لين يوصل للمعدة.. وبهالطريقة يكون العنودي خذى وجبته كامله.. وتكون هذي الوجبة معجونه وناعمة علشان تمر من خلال الأنبوب.. وإذا تعجبج هالطريقة من باجر راح اتبعها معاج..!! تمت شهد ساكته وتطالعه بكل عيونها مثل الطفل البريء وماهي قادره ترد عليه من خوفها.. لأنها أول مرة تشوف فهد معصب بهالطريقة ويهددها بتباع طريقة مقرفة ومؤلمة للأكل.. وقام فهد قفا عنها ( عطاها ظهره ) وبيطلع برة الغرفة وبينزل تحت.. وقبل مايطلع قال لها بصوت الواثق والصريح واللي مايقبل النقاش نفس طريقة أبوها ليبغى يعطي القرار والأمر الواضح واللي مافيه رجعه.. فهد : عندج من عقب باجر الأثنين.. راح اييب لج المهر.. واكلم منى تطلعين معاها السوق وتتجهزين باللي تبين.. ويوم الخميس موالياي اللي عقبه بعد صلاة العشاء انا ياي آخذج ونروح بيتنا.. وتكونين جاهزة.. وهــــذا أمــــــــر.. (( وقال الكلمة الأخيرة بصوت واضح ويخرق القلب والعقل )).. طلع فهد وسكر باب الغرفة من وراه.. وترك شهد تستوعب اللي قاله على كيفها ومهلها.. واهو متأكد بأن معاملته اليديه معاها راح تزرع الخوف بقلبها.. وراح تزيد بكرهه بس ماباليد حيلة.. ونزل تحت عشان يتفق مع منى تودي شهد من عقب باجر السوق تتجهز.. لإنه متفق مع عمه على هالشي فكان يتحرك بكل ثقة وحرية.. وبعدين خبر منى بأن شهد تعبانة ولازم تريح وتنام وماتنزل لأن الدوا راح يدوخها اشوي.. وعقب ماتصحى يسون لها شي خفيف تاكله بدون عصاير.. ويغصبونها على الأكل وإن ماطاعت ينادونه واهوه يتصرف معاها.. لأنه طلع عندها فقر حاد بالدم بنتيجة بعض الفحوصات والبعض الثاني إلى الآن ماطلعت النتيجة وراح تاخذ لها أسبوع على ماتطلع.. وطلع فهد وراح الدوانية عند الرياييل.. واتفق مع شاهين ينزل جنطة العدة والعامود الحامل من غرفة شهد عشان يردهم فهد وياه.. وقاله على التهديد اللي هدد فيه شهد.. عشان يكون ماشي معاه بالخطة ويخلونها تخاف وتاكل..!! بس تهقون هالشي بينفع مع القطوة المتمردة..!! الله العالم هالقطوة شبتسوي وشبيطلع من تحت راسها..!! وعقب ماخلصوا العائلة من العشاء وكلن تجهز بيرد لبيته لإن باجر وراهم قعدة من الصبح عشان دواماتهم ودوامات العيال بالمدارس.. كلم فهد وأكد على عمه بالأتفاق على يوم الخميس اللي عقب الياي.. وبوخليفة خبر الكل بهالشي.. وباركو مقدماً للمعرس.. وكلم فهد أخوه خالد عشان يسمح لمنى تاخذ شهد السوق.. وطبعاً بدون ماياخذ الأذن فخالد موافق.. لأنه راح تكون الفرحة فرحتين عند خالد.. المعرس أخوه والعروس شهــد بنت عمه وبحسبة أخته وبنته المدللـه واللي يحبها ويعزها من محبة أخوة بالرضاعة وصديقة مشاري الله يرحمه.. وقبل لايطلع فهد من بيت عمه مع أمه.. اكد على شاهين وعبدالله بأنهم يغصبون شهد على الأكل.. وخبرهم بالنتايج الأولية لفحص الدم.. وقالهم يحطون بالهم عليها.. ووصى أم خليفة بعد مع انه مافي داعي للتوصية.. بس كان قلقان على شهد.. ويبي يتطمن عليها......... ياناس فهموه هذا موضعف... لااااااا.. هذا اسمى انواع الحب والتضحية.. حتى لو شهد اجرحته ابصدها وكلامها.. واهو شد عليها وتحداها.. بس قلبه مايطاوعه بأذية توأم روحه وبلسم اجراحه.. مع انه جروحه كلها من ناحيتها.. الله يعينك يافهد.. : : : : : يوم الأثنين 1 / 3 / 2004 بعد يومين من زيارة أم فهد لبيت بوخليفة.. وبصباح يوم الأثنين وعلى الساعة 10:00 صباحاً.. منى دقت تلفون على بيت أبوها تكلم امها وتسألها عن شهد وصحتها.. وسولفت مع امها وعقب سكرت.. ودقت على موبايل شهد عشان تشوفها وتقرر معاها اليوم شبيسون.. شهد صحت من عز النوم على صوت الموبايل المزعج.. شهد بعصبية وبصوت عالي : نعــــم..!! منى : هههههههههههههه.. انتي عمرج ماتغيرين طبعج.. الناس تقول السلام عليكم.. ألـو.. صباح الخير.. هلا ومرحبا.. وانتي تطفشين الواحد وتوقفين قلبه بنعــــم..!! الله يغربل ابليسج ياشهود.. شهد بطفش : أأوووههه مْوَيْنَه شتبين داقة علي من الفزعة ( أول الفجر )..؟؟ منى بستهزاء : فزعة بعينج يالخايسة من النوم.. قومـي الناس قايلة ( عز الظهر ) وحضرتج عيونج متروسة غمص وعاضة على المخدة ولامتها.. شهد : منووووه لاتلوعين جبدي من الصبح وتو الناس على القايلة.. واشتبين داقة وامس طول اليوم مناشبتني انتي واخوانج وملوعين جبدي بالأكل.. جني خروف العيد قاعدين تسمنونه.. منى افقعت من الضحك على تشبيه شهد وحبت تغيضها.. قالت : هاههاههاههاههاهههههههههههههههههههههههههههههههههههه.. والله تشبيهج حلو بس المشكلة ماراح توصلين لمرحلة خروف العيد.. لأن حدج راح تصيرين ماي الذهب خروف الشريب بزة.. ( الشريب بزة هو مسلسل كويتي من بطولة حياة الفهد.. ماي الذهب خروف بزة وكان جلد على عظم ) وردت اضحكت بصوت عالي : هههههههههههههههههههههههههههههههههههههههههههههههههه.. شهد ودها تاخذ منى بهاللحظة وتكفخها.. قالت بغيض : والله الخروف انتي واعيالج يانعية ( يانعجة ) أم عنبر.. واشتبين داقة علي يننتيني..؟؟ بنام حرام عليكم والله العظيم مانمت البارح.. منى بستهزاء : بالله وين بتنامين البارح وانتي طول الأيام اللي فاتت كله اشخري ( تشخر في النوم ) ونايمة..!! شهد بعصبية : وليش من قالج إني نايمة ابرضاي.. والدوا اللي سقاني ياه فهيدان دوخني وخلاني نايمة طول الوقت.. وسد جبدي.. منى بكل برود واستهزاء : وعلى طاري فهيدان يامرت فهيدان.. ريلج أول البارح اموصيني آخذج وياي السوق تتشرين واتجهزين يالعروسة.. شهد وزادت حدة عصبيتها : ومن قالج إني بروح السوق ياماما.. وانتي تدرين إني ما أواطن طبت السوق والتسوق.. وبعدين تعــــالـــــــي اشوفكم قام تتخذون إنتي وفهيدان قرارت عني ولا جني موجودة..!! منى ببرود : وانتي تعطين الواحد ريج حلو علشان ياخذ رايج بشي..؟؟ دومج معصبه ورافضه كل شي ايي من صوب فهد..!! شهد : والله لو كان اللي مايتسمى واحد يستاهل جان قلنا أوكي.. بس اهو مايستاهل اتعنى حقه.. ويكفي انه قصاب جذاب ومغصوبه عليه.. أأأأأأأأأوووووووففففففففففف والله قهــــرررررررررر.. ( قالت آخر جمله بكل حرقه وقهر ).. منى انصدمت من رد شهد.. قالت بنبرة جدية : والله فهد يستاهل كل الخير.. بس انتي عاصبة عيونج ومضيعة طريجج.. وإلا فهد ألف من تتمناه.. بس هو شاريج وبعيونه مخليج.. وانتي للأسف بايعته بأرخص الأثمان.. والله ياشهد خيرتج بتندمين على كل اللي سويتيه فيه.. وحرام عليج.. وصدقيني ياشهد إن استمريتي تعاملينه بجفاف وتصدين عنه راح تخسرينه.. ولي فات الفوت ماينفع الصوت..!! شهد : انا أول شي ماني من الألف اللي يتمنونه.. وبعدين انا مغصوبه عليه.. ويكفي انه خش عني حقيقته وجذب علي.. واهو يدري اني ما أواطن اللي من طينته ووظيفته التعيسة.. منى بعصبية : انتي تظلمينه ياشهد والله حرام عليج.. وفهد يوم صمم ياخذج عشان يحميج ويداريج.. وانتي شفتي شللي حصل من أقرب الناس لج يوم باعوج وقفوا عنج واهملوج.. ويوم ساءت حالتج بعد الحادث.. ماارحموج وبأبشع الكلمات اوصفوج.. وآخر شي فضلوا عليج وحده خايسة من طينتهم.. وتافه مثلهم ومافي داعي أذكرج باللي صار..!! شهد انصدمت من رد منى عليها وافتحت جرح كبيـــــر معمر ولايمكن يندمل.. شهد ودموعها انزلت من جرح اقرب الناس لها خالتها نورية أخت امها.. وولدها التافه عصام.. حتى ماكلف خاطره يزورها بالمستشفى ويواسيها بمحنتها.. وشهد تكدرت أكثر من قبل.. يعني كافي عليها نفسيتها والخوف من الياي بعد ماهددها فهد.. وتيي منى وتذكرها بالماضي الحزين.. آآآآهههه الله المعين.. شهد بصوت مكسور وفيه البحة من تغير نبرة صوتها وخانقتها العبرة : منى انا بخليج بروح الحمام.. وبعدين اكلمج..!! منى درت انها كسرت بخاطر اختها.. بس والله غصباً عنها.. لأن شهد اقهرتها بكلامها وهجومها على فهد.. وفهد موبس ولد عمها لاااا فهد بحسبت أخوها.. وغير هالشي الكل يشهد بأخلاقه ونبله وحبه لشهد حب ماينوصف.. من ايام الطفولة.. واهو يعشق شهد ومايرضى عليها.. ومايرضى أحد يطفرها أو يزعلها غيره لإنه يعرف اشلون يراضيها.. واهوه اساساً يستانس لما تتعافر معاه وتتصارع مرات.. حب فهد لشهد حب نادر.. والله يهديج ياشهد.. سكرت شهد من منى واهيه تبجي بكل حرقه وقهر.. وذكريات الماضي ترجع لها وكأنها احصلت بالأمس.. : : : : نورية خالة شهد راحت المستشفى تزور بنت أختها شهد عقب ما وصلها خبر إن شهد استفاقت من الغيبوبة.. يعني بعد شهرين تقريبا من يوم الحادث المشئوم.. وشهد ماكانت بكامل وعيها إلى الآن.. ولا تدري عن بتر ذراعها اليمين بسبب الأدوية والمهدئات.. فما كانت بكامل قوتها لأنها أستفاقت من غيبوبتها من وقت قصير جداً ومازالت ضعيفة.. وعلى طول يعطونها المنوم والمهدئ.. دخلت نورية على شهد.. وكانت حزتها بروحها وماعندها أحد من أهلها.. وتوها صاحية من النوم.. نورية : الحمد لله على سلامتج ياشهد.. والله وانكسر قلبي عليج يابنت أختي.. ومت من الحرة باللي سوه فيج.. حسبي الله عليهم مالقوا غيرج يقصون ايده بالغلط.. شهد ما استوعبت اللي قالته خالتها بنفس اللحظة.. وقامت تطالعها واهي ساكته..!! شهد : !!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!! نورية : إيـــهه يابعد عمري منصدمة لأن إيدج قصوها بالغلط.. وادفنوج بالحيا.. شهد والصدمة شلتها من عرفت بالحقيقة.. وبصوت ضعيف ومهزوز : ............. أأ... أأن... مو.. معقــ........ لفت شهد راسها على إيدها اللي ماتحس فيها ولا بوجودها.. وشالت قناع الأكسجين عن ويهها.. ارفعت اللحاف اللي مغطيها.. وكانت الدنيا مازالت تفتر فيها.. ومن شافت إيدها المبتوره انصدمت بالكامل..!! شهد والصدمة شاله عقلها : اشــ....... لـ.. لـون.. وليـــ....ش..!! نورية طقت على صدرها منصدمة : ويـــهه وأنتي ليمن الحين مادريتي عن إيدج المبتـــوره..!! عيل شبتسوين لما تدرين إنج ابسط الأشياء ماراح تقدرين تقومين فيها..؟؟!! شهد واهيه تحاول جاهدة بأن تاخذ نفس وماهي قادره لأنها تبجي من الصدمة بالحقيقة والألم النفسي والقهر باللي حصل من الخطأ الطبي.. شهد : ..................................... ............................................. ............................................. نورية وبصوت عالي كريهه : إيـــــهه بس الله يعينج.. والله يعين عصام بعد عمري واشلون بيتصرف.. وانتي حتى ملابسج ماتقدرين تلبسينهم.. شهد خلاص ماقدرت تستحمل أكثر وانهارت من البجي.. بس للأسف حزتها مافي أحد يمها غير خالتها.. آآآآآآآآآآآآآآآآآآههههههههه ياجرح طعني ومن أقرب الناس مني.. آآآآآآآآآآآآآآآآآهههههههههههه ياخبر من أخت أمي أحرقتني.. آآآآآآآآآآآآآآآآآهههههههههه ياضياع الدنيا ومن نشدني.. آآآآآآآههههههههههه ياطعنة بخفوقي والجرح مزقني.. آآآآآآآآآههههههههه يايد مبتوره من جراح ظلمني.. آآآآهههه ياغيبت العقل وين بلقى اللي يلمني..!! نورية : بس ياشهد لاتقطعين قلبي بالبجي.. واللي راح ماراح يرجع بالبجي.. بس انتي لازم تفكرين عدل.. لأن الحين انتي منتي مثل قبل ويمكن إذا تزوجتي ويبتي عيال وهذا إن قدرتي.. حتى شيلتهم وتربيتهم ماراح تقدرين عليها.. واشلون تطبخين لهم ولريلج.. واشلون ابترضعينهم وتبدلين لهم ثيابهم.. واشلون بتسبحينهم.. والله بلوه والله يعينك ياعصام يايُمه.. واهني دخل بوضاري ومرته وشافوها واسمعوا آخر كلامها مع شهد.. وقام بوضاري والنار تسعر بيوفه من فعايل أم عصام.. وبدون مقدمات وبدون مايتحسب على فعايله لما يفقد اعصابه.. وبدون مايحط في باله العيب والحرام.. تل ( سحب ) أم عصام من عباتها وجرها لبرة الغرفة وصرخ عليها : إنتي بأي حق تكلمين البنت بهالطريقة..!! وشنو قلتي لها واللي خليتيها منهار جذي..!! أم عصام والخوف بويهها وقامت تبولع بريجها وقالت : أنا ماأدري إن شهد تجهل أمر إيدها المبتوره..!! بوضاري واهو يشوف الدكاترة داشين مع الممرضات عند إخته ركض بعد مانادتهم زوجته لشهد.. كان وده يذبح أم عصام حزتها.. وقال لها بصوت عالي : ويوم دريتي إنها ماعندها علم.. اشلون طاوعتج نفسج تكلمينها بهالأسلوب الحقيــــــر..!! إنتي ماعندج دم..!! إنتي وحده معدومة الضميــــر.. إنسانه مريضة نفسيا وحقوده.. طلعي بره وإن شفت رقعت ويهج أهني ماتلومين إلا نفسج..!! نورية بعصبية : واي اشفيك علي انا صاجة ماقلت إلا الحقيقة افتح عيون شهد عليها.. بوضاري وخلاص بدى يفصل : انتي تفتحين عيون شهد على حقيقة شنو..؟؟.. انتي مابقلبج رحمة على بنت أختج..؟؟ انتي من شنو مصنوعة..؟؟ انتي وحده تافه ولاأشوف رقعت ويهج اهني مرة ثانية.. وإن صاب شهد شي وربي اللي خلقني ماتلومين إلا نفسج.. نورية ماتت من الخوف من تهديد بوضاري لها.. وكان بوضاري إذا عصب مايعرف اللي جدامه مستعد يذبحها بهذاك الوقت.. وقامت سيده طلعت من المستشفى ومن عقبها.. شهد انصابت بانهيار عصبي حاد وتمت تتعالج منه فترة طويلة.. واللي زاد الطين بلة إن عصام التافة اللي مايا حتى على باله يزور شهد بالمستشفى ويطل عليها قام طلقها بعد شهر من استفاقتها من الغيبوبة.. وتزوج وحدة ثانية بنفس الأسبوع.. وكانوا خاشين هالأمور عن شهد لأن حالتها وصحتها ماتستحمل.. وشهد بعد ماتحسنت حالتها وصارت أحسن.. من درت بهالشي افقدت ثقتها بكل الناس.. وانعزلت عنهم.. وحتى الوزارة اللي تشتغل فيها شهد.. وكانت مهندسة كهربائية.. قام ابوها قدم لها على التقاعد الطبي.. ووافق عليه المجلس الطبي العام بعد ماقدم لهم جميع التقارير الطبية.. وشهد اقطعت جميع اتصالاتها حتى بصديقاتها المقربات.. مع انهم كانوا وايد ويحبونها.. لأن شهد كانت محبوبه من الجميع.. والكل كان يتمنى قربها.. بس اهي خلاص تغيرت وماعادت تثق بأي أحد لامن قريب ولا من غريب.. وحتى أقرب إنسانة لها وصديقتها من أيام الدراسة فاطمة اقطعتها.. مع إن فاطمة المسكينة حاولت وحاولت كثير بأنها تاخذ أخبار شهد.. ولكن ماكو فايدة.. لأن شهد كانت محطمة بالكامل.. بس اهلها المقربين منها استمروا معاها وكانوا يستحملون منها كل شي.. لأنهم عارفين باللي صار لها.. وخصوصاً كلام نورية اللي يسم البدن.. لأنه نورية انشرت بين الأهل قصص عن شهد وعن عجزها وجنونها.. وانها ماتصلح للزواج واهي خلاص بحكم المعقدين.. ومرضى النفسيين.. ودمرت علاقة شهد بأهل أمها جميعهم.. ماعدى منيرة أم فهد.. اهيه الوحيده اللي باقية على علاقتها قوية جداً من أهل امها الله يرحمها.. وكل هذا سوته نورية بس علشان تبرر انفصال ولدها عن شهد.. وطبعاً بالجذب والإفتراء.. :: :: :: :: :: :: :: :: :: :: :: :: نامت شهد على ذكرياتها المؤلمة والمريرة.. ودموعها مغرقة المخدة ومبللتها.. آآآآآههههههه ياشهد والله وكسرتي قلبي الله يعينج.. ويهديج إن شاء الله.. ادعوا معاي الله يخليكم ترى اهي طيبة ومحتاجة لدعائكم.. : : : : : : : : ماهي توقعاتكم للبارت القادم.............؟؟!! بنتظار ردودكم الغالية.......!!!! لكم خالص حبي وتقديري أختكم ومحبتكم عذبة التجريح :flowers2: |
السلام عليكم
اشكرج اختي على القصه الحلوه وتوقعاتي للبارت الياي فهد يمكن يغير معاملته مع شهد اشوي ويكون جدي بس كله من ورى قلبه بس لازم يستخدم هذا الشي وشهد الله يعينها على نفسها وان شاء الله ترجع نفس قبل ولا تعاند العتوي هههه فهد بس عندي سؤال اذا شهد كانت تحب هد ليش تزوجت عصام ولد خالتها |
وااااااااااااااااااااااااااااااااااااااااااااااااااااااااااا ااااااااااااااااااااااااااااااو :55::55::55::55::55::55::55::55::55::55::55::55::55: الله لا يحرمنا منك عذوبة :f63::f63: باااااااارت ولا أروع خيال :lol::55::dancingmonkeyff8: من جد عشت الجزء لحظة ب لحظتها :friends: وماتمنيت يخلص آآآآآآآآآآآآآآآآآآآآآآآآآآآآآآآآه قطعتي قلبي على شهود :asd::asd: وآآآآآآآآآآآآآآآآآآآآآآآآآآه من العتوي فهود :eek::eek: خلالالالالالالالالالالالالالالالالالالالالالالالاص :57::57: يمه ماني قادرة أكمل قمة الأبداااااااااااااااااااااااااع :congrats::congrats: الله يصبرنا ويقوي قلوبنا للثلاثاء الجاي :52::52: نستودعك في حفظ الله ورعايته :f63::f63: :flowers2::flowers2::flowers2::flowers2::flowers2: |
السلام عليكم عذوبه شلونج يا حلوه ما شاء الله البارت كالعاده ابداع اصلا ماله داعي اقول امممممم عورت قلبي شهد................في اهل جذي جد جد توصل فيهم المواصيل والوقاحه انهم يعلمون البنت ويشتمتون فيها واهيه ماتدري وين لله قاطها لا وتوها قايمه من الغيبوبه يا ناس خافو ربكم (جد جد خالتها حقيره لا ةالاحقر منها ولدها عصاموووو عاد انه خلقه ماحب هالاسم) مسكينه معذوره ليحاشها انهيار عصبي ......... فهد............ الله حبيته يعني شوي غير من اسلوبه والصراحه شهد زودتها وايد انا وقاعده اقره ودي اطلعها من الشاشه اطقها وارد اكمل قرايه مصختها وايد.......... بس بعدين عذرتها ام خليفه........ ياريت كل الامهات نفسها جان احنا بالف خير ....... حنيتها على شهد تسوى الدنيا اوو مافيها ع1وب عاد يلا خلاص نبي بالبارت الياي شهد تروح بيت ريلها واشدد على كلمه ريلها فهد عشان تبدا الاكشنات شوي جزاج الله الف خير حبيت اعلق شي انتي قلتي انه يوم السبت بدايه دوامات عذووووووووووب شكله من امه ليلحين ماتعودتي على elsystem اليديد يا ماما elweekend يمعه وسبت بس والله مالومج اول وايد اريح بس يالله اذا ماطاعك الزمن طيعه( بس تره انا كنت من المأيدين لما صارت الصجيه تحسفت ابيها خميس ويمعه بس تعودت ) اختج اللي تحبج خطوات ورده |
أخيرا
ما صدقت تنزل التكمله والله .. الله يساااعدها شهوووده <<< ألبي معاااك :busted_red: هالخااله هذي .. ودي أسوي فيها جيه .. :o9Y04826: رافعه ضغطي ... ودي أصكها بكف خماااسي .. <<< :V8Q04529: حارتني والله شو أسوي عن التوقعااات .. مابي أخرب الأكشن إللي فيني وتسلمييييييييين خيتو ع التكمله ^___^ |
((دنق عليها وقعد يتأمل ويهها وقلبه كل نبضة فيه تنبض بإسمها.. وما تحمل يكون قريب منها كل هالقرب وباسها على عيونها وخشمها ونزل على شفايفها وباسهم بخفه.. وابتسم في نفسه..))
يا الله عليك واصفه نعومة إحساسه بطريقه فتاكه ((شهد وعنادها اشتغل : مـابـي مـاراح آكــل..)) عليها عند أحمق بطريقه مش طبيعيه ((شهد بعصبية وعناد : ماني مرتك.. وماني نازلة تحت.. وماني ماخذه دواك الخايس..))رغم ضعفها تقاوم بقوه ((وتم يناظرها ويحسب لها الوقت.. لين اعرفت انه ماكو فايدة ووترت وخلصت.. فصخت ثوب الصلاة وشالته مع السيادة وحطتهم بالدرج.. وقلبها يدق بسرعة.. وتوجهت وهي مرتبكة ناحية غرفة الملابس.. عرف فهد بللي في بالها وناويه عليه.. وقام لها سيده وبسرعة تلها وشالها واهو بقرارة نفسه ميت من الضحك عليها.)) حشى هادول مش متزوجين هادول توم وجيري ((ياناس فهموه هذا موضعف... لااااااا.. هذا اسمى انواع الحب والتضحية.. حتى لو شهد اجرحته ابصدها وكلامها.. واهو شد عليها وتحداها.. بس قلبه مايطاوعه بأذية توأم روحه وبلسم اجراحه.. مع انه جروحه كلها من ناحيتها.. الله يعينك يافهد..)) آآآآآخخخخخ فاهمته والله فاهمته .... وحاسه فيه ومقدره حالته وووووو...... معجبه بيــــــــه ؟؟؟؟؟!!!!! تسلمي عذوووب عاى البارت الي يهبل إيوه كده نبغى بارتات فيها أحداث ومواجهات تسلم الأيادي على الإبداع ...... |
لالالالالالالالالالالالالالالالالالالالا يا ناس يا عالم فيه ناس زي كدة هذي ام ذي ... هذي خالة اذا ما رحمتيها لأنها بنت اختك ... أعتبريها بنتك و ارحميها بالله فيه وحدة تقدر تعمل ببنت اختها كده <<< الله يخلي خالاتي يارب يخافو علي من نسمة الهوا :f63: اوه .... سوري عذبة عارفة اني داخلة عرض بس هالخالة مرة قهرتني والبارت كالعادة رائع و اكثر من رائع شهد.... ما ادري الومك على العناد ولا اعطف عليك و اقولك ان معاك حق في كل اللي تعمليه بعد اللي شفتيه من خالتك وطريقة ابلاغك عن الحادث عذبة .. عندي سؤال بما انها دريت بهالطريقة .... هذا معناته ان اهلها ما قدروا يقولولها ان امها اتوفت في نفس الحادث انا عارفة انها عندها فقدان جزئي للذاكرة من بعد الحادث وما تتذكر اللي صار بس هالفقدان للذاكرة خلاها تنسى انها تحب ولد عمها فهد ؟؟؟ وكمان ليش اصرت انها تتزوج ولد خالتها وهي تحب فهد معقولة يكون هالقرار رد فعل على غيابه الطويل بامريكا فهد ... شوف يا ابن الحلال الشدة كانت لازمة مع شهد عشان تحترمك وتعرف انه حياتها معاك كزوجة امر محسوم ومافيه رجعة بس خلك معاها حنون و شديد بنفس الوقت عشان تقدر تحسسها بالأمان و الحنان اللي محتاجتهم و بشدة اهم شي خليها تثق فيك و تعرف و تتأكد انه مهما صار ما راح تتخلى عنها زي ولد خالتها الكل عارف و متأكد انك ما راح تتركها ... بس هي لا ؟ سؤالي لك يا عذبة هو ... هل فهد يعرف كيف اتبلغت شهد بالخبر وانه ولد خالتها الغبي طلقها و هي في الغيبوبة قسم بالله ان فيني قهر غير طبيعي من هالخالة :busted_red: شايفتها دوبها فايقة من الغيبوبة تقوم تبلغها انها فقدت يدها لا و تشرحلها انها ماراح نقدر تعمل شي كل ذا عشان تبرر فعلت ولدها بالله ما رحمت هالمسكينة لما شافت صدمتها من الحبر خلاص ... انعدمت الرحمة بقلبها ما خافت يصيبها هي وو لدها نفس الشي ( عالعموم ان الله يمهل و لا يهمل) مشكورة يا عذبة على هالبارت :55: و سامحيني عالاطالة |
البارت وايد حلو مثل طلتج الحلوة ما أدري يمكن البارت الياي تكون علاقة شهد بفهد أحسن وتتحسن نفسيتها شوي وتقدر تتعايش مع الوضع الجديد وصدقوني أكيد يوم تكون معاه بنفس البيت بيتغير اسلوبها معاه شوي شوي من الحين نتريا ؟؟؟؟؟؟؟؟
|
البارت
وبصراحة يينن يهبل عجيب مثلج نورية وحدة حقودة حسودة وقلبها اسود الله ينتقم منها وتذوق الي ذاقته شهد واكثر بعد فهد يعني مسوي روحه ثقيل جدمها ومن وراها اهو بصوب والثقل بصوب صج انسان نادر مانلقى مثله غيره مارح يفكر يخطب وحدة ايدها مبتورة بس اهو لا وتحمل صدها وكلل شي بس لانه يحبها وبيتحمل وااايد بعد الله يعينك يا فهد ويحنن قلب شهودة عليك شهد حني على فهد شوي ترا اشكرة تحبينه بس انتي تكابرين لانه طبيب بس اهو ما سوالج شي ليلحين ولا اذاج يعني مو كل الدكاترة جذي شاهين ما اقدر امدحك ولا اغازلك<<صريحة الحين انا مخطوبة واخاف بدر يهون اذا درا اني اكلم غيره<<بدر الي بشتات نفس ما حليت احد ما قتله حدا صديقاتي قتلهم المهم حنيتك على شهد تهبل<<انا قلت حنيته مو اهو لا يروح تفكيركم بعيد وخوفك عليها يا ريت عندي اخو نفسك ام خليفة وام فهد ما توقعت ان في احد قلبه كبير لهدرجة صج فرق بينهم وبين نورية الزفتة عذوبة.... مو جن الاربعا مطول يعني باجي 6 ايام وانا شصبرني 6 ايام ولا اقول خلاص لو بتنزلينه بعد شهر بس لاتظغطين على روحج تقبلي مروري |
مرحبا عذوبه كيف الحال يا حلو يا رايق واكثر من رايق :LgN05096::c8T05285::LgN05096::c8T05285:بعد لالالالالا ما يصير جذي عذوبه :57:اسبوعين اخر روقان بين فهد وشهد مافي لا اكشن ولا مواقف مثيره مثل ما عودتينا يا حلوه :52:ترى انا احب تشويق والاثاره والاكشن :liam_shadowboxer_scوانشاء الله في الجزء الياي ايكون في اثاره وتشويق عشان نتفاعل مع فهد لما يواجه القطوه المتمرده شهود :f63::f63:اهوه صج حلو الروقان والهدوء بين المحبين بس بين فهد وشهد هدوء وروقان من نوع ثاني يحمل في طياته عناد وتطنيش وما في مواجهه عشان يصير بعدها الروقان الحقيقي واجواء الحب الصجيه و الصافيه واخيرا :rdd12zp1::rdd10ut5: |
اقتباس:
العفو حبيبتي الغالية وربي يسلمك ويسعدك على مرورك العطر وتواصلك الخفيف خالص مودتي أختك ومحبتك عذبة التجريح :flowers2: |
اقتباس:
وعليكم السلام والرحمة أختي سندوسه الغالية العفو يالغالية والشكر لج لمرورك العطر وتواصلك الكريم وشكلج عارفة بالتوقعات عدل.. ياخطيرة إنتي.. وبالنسبة لشهد نعم تعلقت في عصام وحبته ولكن طلع على حقيقته وانصدمت فيه.. وتسلمين يالغلا على مرورك الرائع الجميل لاحرمني الله منك يالغالية خالص المحبة والتقدير أختك المحبة عذبة التجريح :flowers2: |
اقتباس:
ياهلا ومرحبا بأختي الحلو اللاذع الغالية وتسلمين أختي الحبيبة على مرورك وتواصلك الجميل يالغلا وبارك الله فيك على تشجيعك لي وكلماتك العذبة يالغالية وربي يسعدك ويوفقك خالص المحبة والتقدير أختك ومحبتك عذبة التجريح :flowers2: |
اقتباس:
وعليكم السلام والرحمه أختي خطوات ورده الحبيبة أشلونج وعساج بخير يالغالية..؟؟ يابعد عمري إنت والله .. كلماتك دوم تحرجني.. وربي يسعدك يالغالية ويوفقك هههههههههههههه.. خلاص ولايهمك يالغالية أنا بنفسي بييب لج شهود وعطيها طراقين وفكي عمرج..:liam_shadowboxer_sc بس هم تكسر الخاطر هالقطوة :i25Cat:.. لأنها معذورة بكل اللي تسويه.. بس لاتخافين العتوي ريلها بيوقفها بالمرصاد.. :7_5_136:وبتعرفين شللي بيسويه بالبارتات اليايه..!! وأم خليفة نموذج حي من نماذج الأمهات الموجودين حولنا.. وياربي تخلي لنا أمهاتنا وتحفظهم من كل شر ومكروه.. وتجعلنا بارين فيهم.. ولا تجعلهم غاضبين علينا أو زعلانين.. اللهم آمين أفا عليج خلاص يالغالية.. ابشري بالـ Hot shots أبتدأ من البارت الياي.. وخلج على انتظار.. يالغلا.. خالص المحبة والتقدير أختك ومحبتك عذبة التجريح :flowers2: |
اقتباس:
لا يا خطوات الغالية إذا كنتي منتبه للتاريخ اللي احدثت فيه الرواية فهو في عام 2004 والقرار اليديد توه مطبقينه في الديرة يعني آنا اللي عدل.. صح لو لاء...!! خالص حبي لك يالغالية عذووووبة :flowers2: |
اقتباس:
الله يسلمك ويسعدك أختي شايلة جروحك والعفو أختي الحبيبة.. والأروع هو مرورك وتواصلك العذب يالغلا خالص المودة والتقدير أختك المحبة عذبة التجريح :flowers2: |
اقتباس:
وأخيرا نزل البارت يالغالية.. وربي يسلمك يالغالية على مرورك وانتظارك هههههههههههههه.. خلاص ولايهمك يالغلا راح تجيك نورية خالت شهد.. وعطيها بالكلاش بعد مو بس كف:71_asmilies-com: لأن أشكالها محتاجين للإبادة بسبب حقدهم وقلوبهم السودة.. والعياذ بالله منهم ولا تخربين الآكشن يالغالية اللي فيك.. ويكفيني تواصلك العذب وربي يسعدك ويوفقك أختك ومحبتك عذبة التجريح :flowers2: |
السلام عليكم
مرحبا عذبة التجريح رغم انشغالي بكتابة الرواية فانني اتمنى ان اجد الوقت لاقرا على القصص الموجودة في القسم لعلمي انه يحوي العديد من المواهب وقد صدق ظني عندما قرات بداية روايتك وكما قالت اقدار الجمييل ان ابطال الرواية ليسو مراهقين وهذا يجعلها اكثر متعة وشمولية اقصد تهم اكبر شريحة تقبلي مروري وتحياتي |
اقتباس:
الله يسلمك يا كل الأمل الحبيبة وابشري بالآكشن السنع في البارت الياي.. خالص المحبة والتقدير أختك ومحبتك عذبة التجريح :flowers2: |
مررررررحبا حبوبة
آسفة توني ارد عليج والسبة الاب اللي عندي هنق وخرف ما ادري اشفيه عشان جذي اخصتر بارت روعة فيه من العناد والتحدي اللي يخلي الواحد يضحك عليهم حشى محظوظة ومبروكة ذكروني فيهم عليهم خبال تحدي مو طبيعي بس بارت عالعموم رووووووووووعة بجد سلمت الانامل اللي كتبت قوووووووووو هيييييد |
اقتباس:
حياك ربي واسعدك يافرشة الوادي الحبيبة وللأسف في ناس بكل مكان على شاكلة نورية.. بس تختلف بالشكل والأسم.. ولكن الطبع والحقد نفسه.. والله يكفينا واياكم شرهم.. ويشغلهم بأنفسهم.. ويهديهم.. اللهم آمين ماألومك يالغالية لأني أنا وضعة هالشخصية بحياة شهد.. وانا بنفسي منقهرة منها ومحترق قلبي على شهد.. ويارب يديم حب خالاتك وعماتك وكل أهلك لك ويحفظك معاهم من كل شر ومكروه.. :f63: اللهم آمين وبالنسبة لسؤالك يالغلا.. فشهد مانست فهد وايام الطفولة وحبها وتعلقها فيه.. ولكنها افقدت ثقتها بفهد من صغرتها لأنه سافر وتركها.. وهالشي خلاها تتحاشاه نفسياً.. يعني مثل ماتقولين شي من رواسب الزمن من أيام الطفولة.. وزاد عليه غدر عصام خطيبها فيها.. خلاها تفقد الثقة نهائيا بالرجال والأمان عندها فقد عند أبوها وأخوانها.. وراح تعرفين ليش تزوجت ولد خالتها عصام بالمستقبل لأن الأمور راح تتوضح اشوي اشوي.. على تسلسل الأحداث.. لأني ماأبي أشتت أفكاركم بجميع المعلومات.. علشان تقدرون تعيشون الحدث لحظة بلحظة.. وتشعرون بمشاعر فهد وشهد.. وهذا اهو المطلوب عندي.. ويارب إني أقدر اتوفق واوصل لكم المعلومات والأحداث.. وانجح بهالشي.. اللهم آمين وفهد من القهر اللي فيه.. واشلون صارت خيانة له بأن تتزوج حبيبة الطفولة واللي محجوزة له من واحد ثاني.. وكان وقتها فهد بعز دراسته للطب.. فكمل تخصصه وابتعد عن الجميع عشان مايسمع أي خبر عن حبيبة قلبه.. واللي كان يرفض أن ينذكر اسمها جدامه علشان يقدر ينساها.. وعلشان جذيه.. حاول إنه يبعد شهد عن تفكيره بالزواج من وحدة ثانية.. واللي اهية نيكول.. واهي امريكية من أصول لبنانية.. وبنت دكتور زميل لفهد بالمستفى اللي اشتغل فيه وتدرب وخذى الخبرة العريقة.. وبالنسبة للسؤال الثاني.. ففهد إلى الآن مايعرف اشلون تلقت شهد الخبر.. وراح يعرف هالشي بالمستقبل.. بس خلكم معاي وراح تعرفون كل شي بالتدريج ومع الحدث إن شاء الله.. ونورية عقابها عند ربها.. والله يهديها ويسامحها..:f63: أهم شي إنها تبعد عن حياة شهد.. علشان تقدر شهد تتأقلم وتعيش حياتها طبيعية.. وتسلمين يالغالية على تواصلك العذب الجميل.. وأي سؤال واستفسار يابعد عمري .. مايردك إلا لسانك.. خالص حبي وتقديري أختك ومحبتك عذبة التجريح :flowers2: |
اقتباس:
العفو والله يسلمك من كل شر أختي الحبيبة شمعة الدار وجزاك الله كل الخير على تواصلك العذب وتشجيعك لي بالمضي والتقدم بارك الله فيك يالغالية أختك ومحبتك عذبة التجريح :flowers2: |
اقتباس:
الله يسلمج ياأغلى أخت وحبيبة يابنت بلادي بنت الكويت وبنتظار رأيك يالغالية خالص حبي وتقديري أختك ومحبتك عذبة التجريح :flowers2: |
اقتباس:
ياهلا ومرحبا ياشطآن الحبيبة الحلو يابعد عمري هو طلتك وتواصلك العذب يالغالية البارت الياي بتكون فيه مفاجأة للجميع.. بس خلك على اطلاع..!! وإن شاء الله بيعجبك البارت..!! وبنتظار رأيك يالغالية.. خالص حبي وتقديري أختك ومحبتك عذبة التجريح :flowers2: |
اقتباس:
تسلمين يابعد عمري على تحليلك للأمور.. بس ليش هديتي شاهين.. :asd: وانا اللي اعرفه إنك خلاص راح تنخطبين حقه.. وبلغت الجميع بهالشي.. :Taj52: يعني مافي أي وحده راح تناشبك عليه..!! أفــــــــــــااااااااا يابنت بلادي.. وانا قلت بدخلك بالقصة وازوجك من شاهين..!! :i28Coconut_Sunset: عيل بس خلاص إذا تبين بدر.. أنا راح أخطب حق شاهين وحدة ثانية..!!:friends: ههههههههههههههههههههههههههه.. وصدقيني يالغالية الأيام.. تطير بغمضة عين.. وحتى السنة صادت مثل الشهر تمر لاحول ولاقوة إلا بالله.. وإن شاء الله على البارت الياي راح تحصل مفاجآة.. وخلك معاي خالص حبي وتقديري أختك ومحبتك عذبة التجريح :flowers2: |
وهـ يآقلبي وهـ
هذآ الحب وألا بلآش ..يعني بنآت بالله فيه أحد بهالزمن يرضى يحب وحده عندهآ عيب بغض النظر عن هالعيب..حتى لو كآن شي بسيط..الوآحد هالأيام مايحب الا الجميلة شكلآ وينسى المضموون.. بس بدر حبيته يآآآآآآناس..ولآ مره حسسها أنه يدها ممكن تأثر على علاقتهم ولآ حتى حسسها بحركآته أنها غير.. (( هي صح غير بس بطريقه ثانيه )) ^_^ يسلمك ربي عذوبه على هالقصة التحفه..وأنتظر بكره على أحر من الجمر ..بس ياليت وأتمنى مايكون بالليل متأخر لأن عندي جامعه الصبآح :lWR04888: خلآآآآآص شآهين خليه لي عندنا مثل بالسعودية ويمكن عندكم (( حي العوض ولا القطيعه )) :peace: See you honey soooon |
اقتباس:
شنو تخطبينله وحدة ثانية بدر ما يهولا خطبني شكله كان قان يلعب ارجع لشاهين |
اقتباس:
ياحيا الله بالمغربية الحرة الغالية وصدقيني يالغالية صعب إني أنزل بارتين في الأسبوع.. لأن عندي التزامات ثانية.. مع الأهل والبيت.. والعمل.. والله يعين الجميع.. وتسلمين لي على هالطلة الحلوه وتواصلك العذب.. لاحرمني الله منك يالغالية خالص حبي وتقديري أختك المحبة عذبة التجريح :flowers2: |
اقتباس:
ياهلا ومرحبا بام الحلا كله انا بخير ياعلك بخير وصحة وعافية يارب :f63: ههههههههههههههههههههههه.. عيل موعاجبج حالة الروقان.. وتبين الحرب والآكشن..!! :friends: أفـــــــــاااااا عليج يالغالية.. غالي والطلب ارخيص...:ostrich_liam::liam_shadowboxer_sc البارت الياي راح تصير فيه مفاجأة..!!:3EO05175::yellow: والحالة اللي بين فهد وشهد .. اهو الهدوء ماقبل العاصفة وابشري باللي يسرك يالغالية.. وتسلمين ياقلبي على تواصلك العذب وطلتك الرائعة لاحرمني الله منك يالغالية خالص حبي وتقديري أختك ومحبتك عذبة التجريح :flowers2: |
اقتباس:
ياهلا ومرحبا بأختي البرفسورة حياك الرحمن وأسعدك يالغالية ويسعدني يالغالية إنضمامك لنا ولروايتي.. ويشرفني أن أعرف رأيك لأنه يهمني.. خالص مودتي وتقديري أختك المحبة عذبة التجريح :flowers2: |
اقتباس:
وعليكم السلام ورحمة الله وبركاته أختي mousa بارك الله فيك وبمرورك العطر أختي الحبيبة وإنه ليسعدني ويشرفني أن استمع إلى رأي كاتبة مميزة وكبيرة مثلك.. وأختي الحبيبة أقدار لها كل الحب والإحترام على تعاونها ودفعي للأمام بالمضي بالكتابة والآن يهمني أن استمع إلى رأي آخر من كاتبة وروائية عزيزة مثلك لكي أعزز ثقتي بنفسي.. وجزاك الله كل الخير على مرورك وتواصلك العذب.. خالص المودة والتقدير أختك المحبة عذبة التجريح :flowers2: |
اقتباس:
حياج ياشمعة الدار الحبيبة وليش تتأسفين يابعد عمري وأنتي رديتي علي قبل هالمرة على نفس البارت.. بس الظاهر الدراسة مأثرة وايد.. أو إن الطقس عندنا هالأيام مخلي الواحد ينقلب راسه لأن جميع الفصول بيوم واحد والحمد لله على كل حال.. وصدقيني ياشموعة انا سعيدة بتواصلج الثاني معاي يالغالية وربي يسعدج ويحميج من كل شر يالغلا خالص الحب والتقدير أختك ومحبتك عذبة التجريح :flowers2: |
اقتباس:
حياك الله أختي الحبيبة rosy-doll بالعكس إختي الحبيبة فيه ناس يشوفون جمال الروح والأخلاق.. وماتهمهم الأشكال الخارجية.. وهالشي من ناحية الجنسين.. وأقصد فيه بعد بنات من النوعين اللي يختار الجمال الخرجي والشكل.. والصنف الثاني اللي يختار الجمال النفسي والأخلاقي للرجل.. وفهد يحب شهد من ولادتها واهي حبيبة قلبه.. فما همه يوم عرف باللي صابها.. بالعكس قلبه احترق عليها.. وصمم إنه ياخذها حتى لو غصب عنها.. وهذا اللي صار.. يابعد عمري يالغالية.. وربي يسعدك على كلماتك الرقيقة والعذبة.. لاحرمني الله منك يالغلا.. والمثل موجود عندنا بالكويت يالغالية.. وبنتظار رأيك بالبارت الجديد لأنه راح يصير فيه مفاجأة.. خالص حبي وتقديري أختك المحبة عذبة التجريح :flowers2: |
اقتباس:
ههههههههههههههه.. أشوف قطيتيه قري.. هههههههههههه.. خلاص عيل إنتي اللي بتصيرين زوجة شاهين الياية.. وألف ألف مبروك.. ألف الصلاة والسلام عليك ياحبيب الله محمد :party0033::dancingmonkeyff8:كولولولولولولولولولولولولولولول ولولولولولولولوشششششششششششششششش.. خلاص عرسكم بعد جيمن بارت وبيصير.. هههههههههههههههههه.. بس هاااااا تجهزي من الحين.. عشان الخطبة..!! وأقول يعني خلاص.. وأكنسل البقية من القائمة.. وأخليج إنتي وبس والباجي خس..!! ياحبي لج يابنت بلادي الحبيبة ياعسوله.. خالص حبي وتقديري لج مع الدعاء الخالص بالتوفيق والنجاح.. والزوج الصالح اللهم آمين أختك ومحبتك عذبة التجريح :flowers2: |
أول شي أحب اسلم عليج :Welcomeani:ثاني شي عندي ملاحظات في الرد
حياج ياشمعة الدار الحبيبة وليش تتأسفين يابعد عمري وأنتي رديتي علي قبل هالمرة على نفس البارت.. بس الظاهر الدراسة مأثرة وايد.. أو إن الطقس عندنا هالأيام مخلي الواحد ينقلب راسه لأن جميع الفصول بيوم واحد والحمد لله على كل حال.. وصدقيني ياشموعة انا سعيدة بتواصلج الثاني معاي يالغالية وربي يسعدج ويحميج من كل شر يالغلا أولا : انا مو طالبة انا موظفة :lol::9jP05261::AaZ04485:: ثانيا : والله وانتي الصاجة مو بس الجو الا الشغل بعد ما نرجع من البيت الا العصر :asd: والحيييييل مهدود عالاخر ثالثا : أنا اسعد وفالح>>> تخفف دمها الاخت:ma1: بس بجد افرح لما القا التجاوب معاج خاصة القصة من لغتنا الحبيبة والغالية اللي فيهها بعض الكلمات اللي تناسيناها ياهالجيل اللي اعتمد على تداخل اللغات بين اللهجات خالص الحب والتقدير لج انتي مثله سلمت الانامل :55::29ps: |
مساء الخير اختي الغاليه عذبة التجريح انا انتظر بفارغ الصبر يوم الثلاثاء فا ان شاء الله مااتخيت ويكون في بارت اليوم وامنيتي انه ينزل بدري مافيني صبر انطر لين باجر والف شكر على القصه صراحه اسلوبج روعه وماعليه كلام
|
عذوبه احرجتينى بكلامك ياعسل ومش عارفه اقوللك ايه ميرسى كتير على كلامك العذب اللى زيك وربنا هو الاعلم باللى فى القلوب ويارب يديم عليكى حب الناس ليكى ويديم الحب والود بينا وباذن الله نلتقى فى الفردوس الاعلى مع نبينا وحبيبنا سيدنا محمد عليه افضل الصلاه والسلام . تسلم ايديكى على البارت الرائع اللى رسمه ابداعك المدهش . ام فهد عجوز سكر وشكلها بتحب شهد قوى اهه يافهود شكللك مش رايح تسللك معاهم ابدااااااااا يالعتوى انتى ما تعرفيش قعدت اضحك اد ايه لما قالت له يالعتوى يعنى مش شهوده لوحدها. شهد يااه كانت رهيبه البارت ده بدايه من كلامها مع امها واخوها شاهين بس اللى زعلت منه قوى لما لسانها خانها ومااحترمتش فهد زعلت منها قوى ياعذوبه يمكن يكون معصبك لدرجه كبيره لكن اهانتك اكبر الله يعينك عليه بعد كده مع انى متاكده انه هينسى لانه بيحبك بس بعد ما يعذبك شويه. خاله شهد يااااااه على بشاعه البشر كرهتها قوى اللى مااحترمتش مرض شهد ولا حالتها النفسيه وقالت لها بكل بساطه انهم بتروا ايديها دى ليها حق تتعقد من كل الناس . برغم كلام منى كان شديد عليها لكنى بقول ان كلامها يمكن يفوق شهد من اللى هى فيه على الاقل من ناحيه فهد . واخيرا سامحينى يااعذب عذوب انا عارفه ان الرد ده انا مقصره فيه وان فيه حاجات كتير كان المفروض اتكلم عنها زى سطورك وهى بتفتكر خالتها والى عملته وروعه وصفك للتفاصيل لكل حدث ووصفك للمشاعر سواء تصرفات حب من ناحيه فهد وعناد من ناحيه شهد بجد ردى ده ماوفاش البارت حقه . ما تزعليش منى انا عارفه انى اتاخرت بس غصب عنى . عرفت من رودودك ان البارت ده فيه مفاجات واكشنات واانا مستنيه سلامى ياجميل |
اقتباس:
حياك الرحمن أختي الحبيبة لحن الحياة الغالية البارت اليوم راح انزله بعد اشوي وارجو السموحة مني على التأخير والظروف اللي أجبرتني على انزاله متأخر جداً منج السموحة يالغالية مرة الثانية وبعد اشوي بينزل البارت خالص حبي وتقديري أختك ومحبتك عذبة التجريح :flowers2: |
اقتباس:
أول شي سلام خاص لك يا أختي الحبيبة ومن أعماق قلبي أرسله لك وربي يشهد علي.. وثاني شي لاتطلبين المسامحة.. وأنا مثلج يالغالية أمر بظروف صعبة شوي وعاذرتك يابعد عمري.. ومامن قصور من ناحيتك.. فيكفيني إنك بخير وصحة وعافية أنتي وجميع أحبتك وربي يديم عليك بالصحة والعافية.. وثالث شي السموحة منك لأني أنا اللي متأخرة بإنزال البارت الليلة والسبب فعلا ظرف طارئ وغصباً عني.. والبارت دقايق وبنزله يا أعذب وأرق أخت أحبك في الله أختك ومحبتك عذبة التجريح :flowers2::flowers2::flowers2: |
تذكير بما حصل بنهاية الجزء السابق سكرت شهد من منى واهيه تبجي بكل حرقه وقهر.. وذكريات الماضي ترجع لها وكأنها احصلت بالأمس.. : : : : نورية خالة شهد راحت المستشفى تزور بنت أختها شهد عقب ما وصلها خبر إن شهد استفاقت من الغيبوبة.. يعني بعد شهرين تقريبا من يوم الحادث المشئوم.. وشهد ماكانت بكامل وعيها إلى الآن.. ولا تدري عن بتر ذراعها اليمين بسبب الأدوية والمهدئات.. فما كانت بكامل قوتها لأنها أستفاقت من غيبوبتها من وقت قصير جداً ومازالت ضعيفة.. وعلى طول يعطونها المنوم والمهدئ.. دخلت نورية على شهد.. وكانت حزتها بروحها وماعندها أحد من أهلها.. وتوها صاحية من النوم.. نورية : الحمد لله على سلامتج ياشهد.. والله وانكسر قلبي عليج يابنت أختي.. ومت من الحرة باللي سوه فيج.. حسبي الله عليهم مالقوا غيرج يقصون ايده بالغلط.. شهد ما استوعبت اللي قالته خالتها بنفس اللحظة.. وقامت تطالعها واهي ساكته..!! شهد : !!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!! نورية : إيـــهه يابعد عمري منصدمة لأن إيدج قصوها بالغلط.. وادفنوج بالحيا.. شهد والصدمة شلتها من عرفت بالحقيقة.. وبصوت ضعيف ومهزوز : ............. أأ... أأن... مو.. معقــ........ لفت شهد راسها على إيدها اللي ماتحس فيها ولا بوجودها.. وشالت قناع الأكسجين عن ويهها.. ارفعت اللحاف اللي مغطيها.. وكانت الدنيا مازالت تفتر فيها.. ومن شافت إيدها المبتوره انصدمت بالكامل..!! شهد والصدمة شاله عقلها : اشــ....... لـ.. لـون.. وليـــ....ش..!! نورية طقت على صدرها منصدمة : ويـــهه وأنتي ليمن الحين مادريتي عن إيدج المبتـــوره..!! عيل شبتسوين لما تدرين إنج ابسط الأشياء ماراح تقدرين تقومين فيها..؟؟!! شهد واهيه تحاول جاهدة بأن تاخذ نفس وماهي قادره لأنها تبجي من الصدمة بالحقيقة والألم النفسي والقهر باللي حصل من الخطأ الطبي.. شهد : ..................................... ............................................. ............................................. نورية وبصوت عالي كريهه : إيـــــهه بس الله يعينج.. والله يعين عصام بعد عمري واشلون بيتصرف.. وانتي حتى ملابسج ماتقدرين تلبسينهم.. شهد خلاص ماقدرت تستحمل أكثر وانهارت من البجي.. بس للأسف حزتها مافي أحد يمها غير خالتها.. آآآآآآآآآآآآآآآآآآههههههههه ياجرح طعني ومن أقرب الناس مني.. آآآآآآآآآآآآآآآآآهههههههههههه ياخبر من أخت أمي أحرقتني.. آآآآآآآآآآآآآآآآآهههههههههه ياضياع الدنيا ومن نشدني.. آآآآآآآههههههههههه ياطعنة بخفوقي والجرح مزقني.. آآآآآآآآآههههههههه يايد مبتوره من جراح ظلمني.. آآآآهههه ياغيبت العقل وين بلقى اللي يلمني..!! نورية : بس ياشهد لاتقطعين قلبي بالبجي.. واللي راح ماراح يرجع بالبجي.. بس انتي لازم تفكرين عدل.. لأن الحين انتي منتي مثل قبل ويمكن إذا تزوجتي ويبتي عيال وهذا إن قدرتي.. حتى شيلتهم وتربيتهم ماراح تقدرين عليها.. واشلون تطبخين لهم ولريلج.. واشلون ابترضعينهم وتبدلين لهم ثيابهم.. واشلون بتسبحينهم.. والله بلوه والله يعينك ياعصام يايُمه.. واهني دخل بوضاري ومرته وشافوها واسمعوا آخر كلامها مع شهد.. وقام بوضاري والنار تسعر بيوفه من فعايل أم عصام.. وبدون مقدمات وبدون مايتحسب على فعايله لما يفقد اعصابه.. وبدون مايحط في باله العيب والحرام.. تل ( سحب ) أم عصام من عباتها وجرها لبرة الغرفة وصرخ عليها : إنتي بأي حق تكلمين البنت بهالطريقة..!! وشنو قلتي لها واللي خليتيها منهار جذي..!! أم عصام والخوف بويهها وقامت تبولع بريجها وقالت : أنا ماأدري إن شهد تجهل أمر إيدها المبتوره..!! بوضاري واهو يشوف الدكاترة داشين مع الممرضات عند إخته ركض بعد مانادتهم زوجته لشهد.. كان وده يذبح أم عصام حزتها.. وقال لها بصوت عالي : ويوم دريتي إنها ماعندها علم.. اشلون طاوعتج نفسج تكلمينها بهالأسلوب الحقيــــــر..!! إنتي ماعندج دم..!! إنتي وحده معدومة الضميــــر.. إنسانه مريضة نفسيا وحقوده.. طلعي بره وإن شفت رقعت ويهج أهني ماتلومين إلا نفسج..!! نورية بعصبية : واي اشفيك علي انا صاجة ماقلت إلا الحقيقة افتح عيون شهد عليها.. بوضاري وخلاص بدى يفصل : انتي تفتحين عيون شهد على حقيقة شنو..؟؟.. انتي مابقلبج رحمة على بنت أختج..؟؟ انتي من شنو مصنوعة..؟؟ انتي وحده تافه ولاأشوف رقعت ويهج اهني مرة ثانية.. وإن صاب شهد شي وربي اللي خلقني ماتلومين إلا نفسج.. نورية ماتت من الخوف من تهديد بوضاري لها.. وكان بوضاري إذا عصب مايعرف اللي جدامه مستعد يذبحها بهذاك الوقت.. وقامت سيده طلعت من المستشفى ومن عقبها.. شهد انصابت بانهيار عصبي حاد وتمت تتعالج منه فترة طويلة.. واللي زاد الطين بلة إن عصام التافة اللي مايا حتى على باله يزور شهد بالمستشفى ويطل عليها قام طلقها بعد شهر من استفاقتها من الغيبوبة.. وتزوج وحدة ثانية بنفس الأسبوع.. وكانوا خاشين هالأمور عن شهد لأن حالتها وصحتها ماتستحمل.. وشهد بعد ماتحسنت حالتها وصارت أحسن.. من درت بهالشي افقدت ثقتها بكل الناس.. وانعزلت عنهم.. وحتى الوزارة اللي تشتغل فيها شهد.. وكانت مهندسة كهربائية.. قام ابوها قدم لها على التقاعد الطبي.. ووافق عليه المجلس الطبي العام بعد ماقدم لهم جميع التقارير الطبية.. وشهد اقطعت جميع اتصالاتها حتى بصديقاتها المقربات.. مع انهم كانوا وايد ويحبونها.. لأن شهد كانت محبوبه من الجميع.. والكل كان يتمنى قربها.. بس اهي خلاص تغيرت وماعادت تثق بأي أحد لامن قريب ولا من غريب.. وحتى أقرب إنسانة لها وصديقتها من أيام الدراسة فاطمة اقطعتها.. مع إن فاطمة المسكينة حاولت وحاولت كثير بأنها تاخذ أخبار شهد.. ولكن ماكو فايدة.. لأن شهد كانت محطمة بالكامل.. بس اهلها المقربين منها استمروا معاها وكانوا يستحملون منها كل شي.. لأنهم عارفين باللي صار لها.. وخصوصاً كلام نورية اللي يسم البدن.. لأنه نورية انشرت بين الأهل قصص عن شهد وعن عجزها وجنونها.. وانها ماتصلح للزواج واهي خلاص بحكم المعقدين.. ومرضى النفسيين.. ودمرت علاقة شهد بأهل أمها جميعهم.. ماعدى منيرة أم فهد.. اهيه الوحيده اللي باقية على علاقتها قوية جداً من أهل امها الله يرحمها.. وكل هذا سوته نورية بس علشان تبرر انفصال ولدها عن شهد.. وطبعاً بالجذب والإفتراء.. :: :: :: :: :: :: :: :: :: :: :: :: نامت شهد على ذكرياتها المؤلمة والمريرة.. ودموعها مغرقة المخدة ومبللتها.. آآآآآههههههه ياشهد والله وكسرتي قلبي الله يعينج.. ويهديج إن شاء الله.. ادعوا معاي الله يخليكم ترى اهي طيبة ومحتاجة لدعائكم.. : : : : : : : : الجـزء الثاني عـ 12 ـشر الساعة 12:30 الظهر دشت أم خليفة على شهد ابغرفتها تبي تطمن عليها.. وشهد كانت نايمة على جنبها اليمين كالمعتاد ولكن ويهها كانت مغطيته بالكامل تحت الكمبل ( لحاف البطانية ).. أم خليفة نغزها قلبها لأن شهد مو من عوايدها تغطي ويهها تحت اللحاف واهي نايمة لأنها بسرعة تختنق وماتتحمل.. بسرعة اقعدت على يسارها عند راسها وتشيل اللحاف عن ويهه شهد.. إلا شتشوف شهد كان ويهها احمر محتقن وامورم من الصياح.. ومخدتها مبللة وايد من دموعها.. خافت عليها أم خليفة لاتكون مختنقة وانكسر قلبها من شافت شكلها.. وانزلت تحت بسرعة عند بوخليفة بتخبره.. وفهد قاعد عندهم عقب مارجع من المستشفى وكان يايب معاه المهر.. وتم يسولف مع عمه ويتفقون على بعض الأمور.. ودشت أم خليفة عليهم ودموعها تارسة عيونها وسايلة على وجهها.. ومن شافوها راحولها سيده يستفسرون..!! بوخليفة بنبرة كلها خوف على شريكة حياته : اشفيج طيبة ليش الدموع هذي.. شي يعورج ومأذيج..؟؟!! أم خليفة بصوت مكسور من القهر : قلبي يعورني يامحمد.. بوخليفة وفهد خافوا.. وفهد كلمها بكل حنية : يُمه تعالي قعدي وقوليلي وين يعورج بالضبط أشريلي على مكان العوار وشتحسين فيه..!! أم خليفة : لاااا يُمه.. أنا قلبي الحمد لله مافيه شي.. بس قلبي يعورني على شهد من شفتها بهالحال.. بوخليفة وفهد بصدمة : واشفيها شهد..؟؟!!!!!!!! أم خليفة : ويهها أحمر محتقن وعيونها امورمه ومخدتها كلها ادموع... وماكملت أم خليفة كلامها إلا وفهد ركض بسرعة صعد فوق وبدون أخذ الأذن من عمه راح يشوف شهد ويتطمن عليها.. وبوخليفة تم ياخذ العلوم من مرته عن حالة بنته.. دخل فهد غرفة شهد بدون مايطق الباب.. وراح ركض يطل عليها واهيه نايمة على جنبها اليمين نومتها المعتادة.. وقعد يمها على يسارها ومجابلها على السرير ولف جسمها عشان يشوفها.. وشاف وجهها واشلون محتقن وعيونها امورمة من كثر البجي ومخدتها رطبه من ادموعها.. حط إيده عند خشمها يشوفها إذا كانت تتنفس وتطمن ومسك إيدها من رسغها يقيس النبض.. ونزل تحت ابسرعة اييب الجنطة من سيارته.. ورد صعد لها فوق بدون مايمر على عمه ومرته بالصالة الصغيرة.. وصعد ركض لشهد.. وقام يفحصها.. وشاف إن ضغط الدم عندها نازل شوي والحرارة مرتفعه شوي بس ويهها قام يرجع للونه الطبيعي.. وكلم أم خليفة على الأنتركوم يستفسر أول مادشت عند شهد واشلون كان وضعها.. وقالتله أم خليفة بصوت بأنها كانت مغطية ويهها تحت الكمبل وهذي مو من عوايدها لأنها تختنق بسرعة.. وتطمن فهد وطمن أم خليفة عليها بأنها مافيها شي والأحتقان اللي بويهها راح لأن أم خليفة كشفت عن ويهها اللحاف وردت تتنفس طبيعي.. وقعد يفكر بشهد يترى شللي حصل لها واللي خلاها تبجي وايد جذي وابحرقه..!! وعارف بعد إن اهي اكيد ماكلت شي عدل من أمس لأن شاهين خبره عنها واشلون تتنحش من الأكل وتحجج بشغلات تافهه مثل اليهال عشان تقوم من الأكل.. وقام بيتصل على شاهين اييب له دوا بعض الفيتامينات الخاصة حق شهد من الصيدلية بس كان ناسي تلفونة بالسيارة.. وشاف موبايل شهد وسيده امسكة وبيدق على رقم شاهين إلا والموبايل يرن بين أيده.. شاف المتصل وكانت منى تدق على شهد.. Mona calling: فهد قرا إسم المتصل ورد مباشرة : ألو.. هلا منى.. منى استغربت : ............ بسم الله.. منو معاي..؟؟ فهد ابتسم على طريقة منى وقال يطمنها : انا فهد.. وانتي داقه على تلفون شهد.. وشهد تعبانه اشوي.. منى منصدمة : شهد تعبانـــه.. اشفيها ياكافي الشر انا اليوم على عشر الصبح مكلمتها وماكان فيها شــي..!! فهد مستغرب يعني منى تدري باللي صار وسألها : شللي صار يامنى قوليلي بالتفصيل.. منى : ابد ماصار شي.. بس كنت اكلمها على روحت السُـــ...... ( وتذكرت منى شنو قالت حق شهد.. واهني خافت من قلبها على اختها ) فهد من سمع منى اقطعت كلامها واسكتت استغرب وقال : منى شللي صار قوليلي لاتخافين شهد مافيها شي.. بس ضغطها نازل اشوي........ ( وسكت شوي وكمل ) : ........ وفي شي مكدرها حيل ومخليها تبجي وادموعها دليل على هالشي وتورم ويهها وعيونها..!! منى بصوت متحشرج من احساسها بتأنيب الضمير : أنا السبب.. ( تمت ساكته شوي وكملت وقالت بصوت مخنوق تغالب فيه دموعها ) : ....... كله مني انا اللي ذكرتها بأفعال خالتها نورية وعصاموه الزفت.. ( وقامت تبجي من غبائها ).. وفهد احتار أكثر وعقد حواجبه : منى انا بعرف قصة نورية وعصام بعدين.. بس اللي بعرفه.. اهيه تأذت منهم وايد..؟؟!! منى بصوت باكي وبألم وحسرة على أختها : نورية اهي سبب انتكاسة شهد وانهيارها العصبي.. واهيه سبب قطاعة شهد عن جميع اهل امي نورة الله يرحمها.. فهد تنهد بصوت مسموع.. وقال بصوت هادي يطمن منى : أوكي منى لاتحاتين شهد ابخير وماله داعي البجي هذا الله يهديج.. وبعدين اللي ابيه منج إنج تأجلين روحت السوق مع شهد اليوم لباجر لأني عطيت المهر لعمي اليوم.. وشهد ماعليها إلا العافية إن شاء الله ولاتحاتينها.. وبخليج الحين بطلب من شاهين اييب لي دوا على دربه من الصيدلية حق شهد مع إني متأكد إن علاج شهد اهو الأكل.. بس هالعصلة ماراح تسمع الحجي.. ابتسمت منى من بين دموعها وقالت : الله يعينك يافهد.. وعلى ما أظن شاهين قالك شسوت فينا القطوة أمس على ماكلت لها لقمتين.. فهد يتنهد بستسلام من فعايل شهد : آآآآآخخخخخ.. إيـــي قالي وقهرني من فعايلها.. بس صبري علي اشوي وبتيج العلوم عنها عدل.. إذا ماخليتها تصير بطة من الأكل هيـــــن ياشهد..!! منى اضحكت على تهديد فهد.. لأنها عارفه بأن فهد لي حط الشي براسه يسويه.. وفهد بالعناد محد يجاريه حتى شهد.. وكأنهم قاعدين بساحة حرب.. منى : هههههههههههه.. أدري فيك وإنت أعند منها.. لي حطيت الشي براسك تسويه بس عاد لاتخليها بطة ذيك الساعة خدودها بتزغدد علينا وعيونها بتغطس لي داخل.. ههههههههههه.. بس حط بالك عليها وبوسها بدالي.. ههههههههه.. فهد بمكر : هههههههههه.. افا عليج ماطلبتي.. يالله بخليج.. في امان الله.. منى : مع السلامة.. ودق فهد على شاهين يبلغه اييب دوا من الصيدلية على دربه وعطاه اسمه.. واهو بنتظاره.. ونزل فهد تحت وطمن عمه ومرته على شهد.. وطلب من مرت عمه اطرش اكل لشهد فوق مع الخدامة.. ورد صعد عند شهد وبراسه فكرة مجنونة.. وقعد على السرير يسار شهد يمها عند راسها وسند ظهره على السرير.. ورفع ريله اليمين ومدها على طول السرير والثانية نازله على الأرض.. ودنق عليها وابصوت واطي حنون : شهد.. شهـــودة.. ( وبلل ايده بالماي اللي يمه على الكومودينة.. والإبتسامة على شفايفة باللي راح يسويه.. وقام يمسح على وجهها بكل نعومة عشان تصحى ).. وكمل يصحيها بنفس النبرة الناعمة والحنونة : شهــودة قومي حبيبتـي.. ( وقام يربت على خدها بالعدال ).. شهــد.. يالله قومي يالكسولــة.. وشهد تلف نفسها على الجهه اليمين تبعد وجهها عن اللي قاعد يلعوزها ويخرب عليها نومتها ويقعدها.. ضحك فهد عليها وقام يلعوزها بإيده يحاول يبللها مرة ثانية ويمسحها على وجهها.. وشهد من القهر وماكانت واعية عدل بسبب الثقل اللي تحسه براسها وعلى قلبها.. وتنرفزت زود من احساس الرطوبة الباردة على ويهها.. وفجأة عشان تنحاش من هالبرودة وبدون وعي منها بللي يصير لفت نفسها وانقلبت على يسارها جهة فهد.. وحطت راسها على فخذه لأن فهد قاعد عند راسها يوم بيصحيها.. وفهد انصدم من ردت فعل شهد واشلون نايمة على فخذه وقلبه خفق وزادت سرعة نبضاته من ردت فعل شهد.. وبما انه كان لابس بنطلون فبسهوله مدت شهد ايدها ومررتها من تحت ركبته.. وصارت مثل الياهل المتعلق بريوله.. ( وتذكر أيام قبل شهد يوم كانت صغيرة ليبغت تطلع معاه ومع طلال واهم معاندين ورافضين.. اتقوم وتتعلق بريله علشان ياخذونها معاهم ).. وقام يمسح على شعرها بكل حنان ويخلل اصابعه فيه.. ودنق على راسها النايم على فخذه ويبوس خدها اليمين اللي كان امورم والحين الحمد لله تعافى.. بس رد تنفخ من البجي.. وقام حط إيده اليمين على ظهرها وقعد يمسح عليه بكل حنان وبإيده اليسار يدلدغ ويهها.. واهيه تحاول تبعد ويهها وانتبهت على وضعها الغير طبيعي والمخدة الرافعه اللي سانده راسها عليها ولامتها.. واللي قاعد يصحيها وعطره العجيب متى واشلون صارت بهالوضع.. بس تمت امغمضه عيونها عشان ماتحرج نفسها معاه.. وحاولت ترد بتقلب على الجهه الثانية عشان تبعد عنه.. وفهد مافاته محاولتها وعرف انها صحت من تغير لون ويهها اللي صار طماطة من الإحراج.. وتغير وبنظام تنفسها وصار سريع ومضطرب.. فعلشان يمسكها ومايخليها تقلب الجهه الثانية.. مد إيده اليمين على طول ظهرها ومسكها علشان ماتقدر تلف وبإيده اليسار قام يلعوزها أكثر على وجهها.. وكان ميت من الضحك عليها وعلى الورطة اللي طاحت فيها ليش انها ابحضن فهد.. وطبعاً بالنسبة لفهد فرصة ماتوقعها واهو متحين لهالفرصة ولايمكن يضيعها من إيده.. وقام دنق عليها وباسها على خدها مرة ثانية.. ولزق شفايفة بإذنها وقام يساسرها بإذنها : قومي يالقطوة ترى العتوي بياكلج الحين.. وعضها على اذنها بالعدال.. واهيه من خوفها اشهقت بصوت واطي من جرءت فهد وتبي تنحاش بس اشلون.. حاولت تسحب واتشيل ايدها من تحت ركبه.. والعتوي واعي لكل حركاتها وصايدها وقام ثنى ريله وسكر على ايدها بركبة وحكرها ( طوقها ، حاصرها ) عدل الحين.. وقام يلعوزها اكثر ويتحرش فيها عن طريق ايده اليمين يمسح على ظهرها بطريقة شاعرية.. وايده اليسار صارت تمسح على وجهها ورقبتها.. وشهد ارتفعت عندها مؤشرات الخطر.. ولكن أين المفـــــــــــر..؟؟ فهد وبكل مكر زاد الجرعة على شهد وتمادى اكثر ونزل راسه على ويهها وقام باسها على راسها.. ونزل على خدها وباسها بكل نعومة.. ونزل على رقبتها وباسها مع زيادة الجرعة من الحنان والشاعرية.. واهني شهد ماقدرت تمسك نفسها اكثر.. وافتحت عيونها وقامت ابترفع راسها.. بس ايدها محشورة تحت ركبته ومسكر عليها.. يعني ماكو فايدة.. ومن خوفها زادت سرعة تنفسها واضطرب.. وضربات قلبها قامت ترتفع وتنتفض من محاولاته.. حتى فهد سمعها وتحسسها بشفايفة لأنها كانت على رقبتها وتداعب نبضها بكل نعومة.. شهد خلاص ماعادت تقدر تقاوم أكثر.. لفت نفسها ابسرعة قبل لايستوعب فهد حركتها.. ونزلت راسها من على فخذه وحطته على المخدة وكان ويهها بلون الدم من الحيا.. وصارت نايمة على ظهرها وايدها مازالت محشورة تحت ركبته.. وحاولت تيرها من تحت ركبته بس ماكو فايدة.. وصار فهد يطالعها والأبتسامة شاقة وجهه من حركات شهد.. صارت كأنها قطوة صغيرونه بين ايدينه محشورة واهوه كأنه أسد ضخم كبير يلاعبها.. فهد يبتسم ومستانس على الوضع اللي اهو فيه لأنه برد جبده منها على آخر مرة يوم كان عندها وجفاف معاملتها واياه وسلاطة لسانها اللي مايرحم ويقول بنفسه : إيــــــه.. هين ياشهود هذي مقدمة بسيطة جداً.. ويوم الخميس ماراح تنحاشين مني.. وبوريج اشلون اروضج يمهرتي المتوحشة والمتمردة.. شهد وقلبها قام يسابق الخيل في سرعته وتقول ابنفسها : الله يستر شكلي رحت ملح بين إيدين هالعتوي.. هذا وانا معطيتك بالصميم وجافة بمعاملتي وياك وجذي تسوي.. آآآآآآآههههههههههه.. ياويلج ياشهد شكله ماراح يرحمج هالفهد.. لاا لاااااا.. انا شقاعده اقول..!! انا لازم اتحرك بسرعة ومالازم اضعف جدامه واخق بهالسرعة.. ياويللي لو مكمل اشوي جان استسلمت له.. والله يستــــر.. وهذا أنا اكرهه وماأطيقه وجذي يصير فيني..!! ياخوفي لي سوى اللي براسه وخذاني لبيته.. ربـــــــي ستــــــرك..!! فهد يكلم شهد ابصوت كله نعومه.. واهو يحرر ايدها من تحت ركبته ويمسكها بإيده.. ويقوم يعدل من قعدته علشان يكون مواجه لشهد.. وبكل خبث ومكر وبصوت نـاعم وواطي يسأل شهد.. فهد : اقول شهودة.. اشلون حال نبضج الحــــــين..؟؟ شهد لفت ويهها على يمينها علشان تنحاش من نظراته.. وتمت ساكته ولا انطقت.. بس صدرها اللي كان يرتفع وينزل بكل سرعة من الموقف اللي صار.. شهد : .......................... ................................. ................................. فهد بنفس النبرة الصوت : عسى دقــات قلبــج خفـت وهـدت..؟؟ ( وقال جملته واهو يحط إيده على صدرها وكأنه بيشوف سرعة نبضاتها.. وشهد حاولت تفلت إيدها من قبضته عشان توخر إيده المحطوطه على صدرها بس ماقدرت.. وكمل وكأن يعطي معلومة حق شهد بأنه عارف بكل مايختلج بصدرها من مشاعر ) فهد : تصدقيـــن شهود.. كانت دقات قلبج اسرع من سباق الخيل..!! شهد ومازالت دقات قلبها تسابق الخيل.. والحيا كاسي ويهها وغادي طماطة من الأحراج.. شهد : ....................... ............................... ............................... دنق فهد حتى يصير قريب منها حيل.. وقال بهمس مسموع : وعلى فكرة يالقطوة ترى هذا ولا شي ايي عند يوم الخميـــــــــس..!! واشهقت شهد ابصوت مسموع وافتحت عيونها على كل اتساعها.. وارجفت كل خلايا جسمها من الخوف.. وفهد عقب ماسمع شهقتها ابتسم وقال بنعومة : إسم الله عليــــج.. وقام رفع راسها وقعدها على حيلها وشربها شويت ماي.. لأن حس ان ريجها نشف من الخرعة والموقف هذا كفيل بأنه يرفع ضغطها.. وبعد ماشربها الماي مسح على خدها يهديها ويطمنها.. ولكن اهو المشكلة من يهدي له قلبه اللي قام يسابق الخيول العربية في سباقاتها من لهفته وشوقه ومحبته.. ومن كثر ما وده يحضنها ويلمها على صدره ماكان وده يوقف معاها لهالحد.. كان ابخاطره يكمل للآخر.. بس ليش يستعجل خل يخليها تستوي عدل لين يوم الخميس.. وبالتالـــــــي هاهاهاها.. Well come Shahad In The Lion Lair ( مرحباً بك ياشهد في عرين الأسد ) يـتـبــــــــــــع |
طق طق طق طرقات على الباب انقذت شهد من موقفها مع فهد.. فهد عدل قعدته بمكانه وقال بصوت مسموع : تفضل.. وادخلت أم خليفة واهي تسلم ووراها الخدامة شايلة صينية الأكل.. قربت أم خليفة الطاولة الصغيرة يم السرير وخذت الصينية من إيد الخدامة وحطتها على الطاولة واصرفت الخدامه.. فهد يكلم مرت عمه : ليش تعبتي عمرج يُمه وصعدتي فوق.. جان دزيتي الخدامة بالصينية الله يهديج..!! أم خليفة وعيونها بكل لهفة تطالع شهد وتقول : لااا يُمه معليه لاتعب ولاشي وحبيت اتطمن على شهد.. واشلونها الحيــن..؟؟ فهد : معليج منـها اهيه قاعدة اتدلل واتدلع عليكم.. لأنه كلها جمن يوم وبتهدكم وبتيــي عندي فبيتها اليديـــد.. ( وقال آخر جمله واهو لاف راسه يطالع شهد بعيونها ويتحداها تعترض ).. أم خليفة والإبتسامة على ويهها من شافت شهد نزلت راسها من الحيا وتطمنت عليها.. وقالت بفخر : شهد حتى لو راحت لبيتها اليديد فهي ماراح تنحرم من التدليل.. لأنك مع أمها منيرة راح تدللونها وتدلعونها على كيفها.. ومنو كثر أمك يدلل ويدلع بشهد..!! ( واسكتت شوي وكملت ) : ....... وهمن احنا ماراح نوقف تدليلنا لها وبتم شهد العزيزة والغالية على قلوبنا.. وراح يزيد هالتدليل ليمن تحمل وتييب لنا عيالك في القريب العاجل إن شاء الله.. شهد صار وجهها بلون الدم من الحيا.. وفهد حب يغلس عليها أكثر قال : اللهم آمين.. اللهم آمين.. الله يخليج ويطول بعمرج يُمه وتشلين كل عيالنا انا وشهد وتربينهم على ايدج أنتي وامي منيرة.. أم خليفة والفرحة مالية ويهها الصبوح : هههههههههههه.. إن شاء الله يُمه الله يوفقكم ويحقق لكم كل مطالبكم آمين.. فهد : اللهم آمين.. لااااا يُمه وأزيدج من الشعر بيت ابيهم يكونون اثنعش ( 12 ) ياهل.. هاااا شرايج يالغالية.. وإلا اخليهم درزنين 24 ههههههههههههه.. أم خليفة : هههههههههههههههههههههههه.. هاذي الساعة المباركة يُمه لما اشيل عيالك انت وشهد.. والله يرزقكم بالذرية الصالحة.. وإن شاء الله لو امية هم خير وبركة.. هههههههههههههه.. اشهقت شهد وتبطلت عيونها على أم خليفة بخوف من دعوتها لهم.. وفهد من شاف ردت فعل شهد ماستحمل منظرها الطفولي الخايف من إن الله يحقق الدعاء ام خليفة برزقهم إمية طفل.. فخذاها ولمها على صدره كنوع من أنواع الإطمئنان.. واهو يقول لأم خليفة بنبرة مرحة : هههههههههههههههههه.. يُمه حرام عليج وقفتي قلب شهد من الخرعة.. حتى لو أرنب مايابت كل هذيل.. واحنا لو ربي يرزقنا بواحد كافي علينا ونحمده على نعمته ونشكر فضله.. مع ان بخاطري يكونون أكثر من اثنعش عشان اكبر عائلتنا.. والله كريم.. ورجع فهد لوضعه بعد ماهد شهد وحررها من لمته على صدره.. وكان اهو متقصد هالحركة جدام مرت عمه لأن شهد ماتتجرأ وتسوي شي جدامهم أو تعارض.. أم خليفة والفرحة بويهها من شافت اشلون فهد يحتوي شهد بكل محبه وحنان يدافع عنها وقالت والبسمة على ويهها : ربي يحقق مناك ياولدي ويرزقكم بـــ........ وماكملت أم خليفة لأن شهد اقطعت عليها بصوت فيه العتب : يُــمه حرام عليج حتى لو كنت مكينة تفريخ ماصارت جذيه.. أم خليفة وفهد اضحكوا على شهد وتعليقها.. وشهد انتبهت لزلتها.. ووجهها قلب الوان من الفشيلة.. وفهد استانس حيل.. وقام يطالعها بكل حنان واهو يضحك وعيونه تلمع بلمعه غريبة.. وعقب استئذنت ام خليفة منهم وانزلت تحت.. وتم فهد يناظر بعيون شهد واهو مبتسم واللمعة مازالت بعيونه زادت من حلاتها ووسامته.. وشهد من الأحراج منزله راسها.. فهد بصوت حنون وهادي : ترى عن جد انا لما قلت لأمي طيبة عن رغبتي بثنعش ياهل منج.. شهد ويهها ماأمداه يبرد إلا رجع وصار أحمر مرة ثانية من الأحراج.. وردت عليه بصوت واطي بس بتحدي لأنها مغتاضة منه ومن فعايلة.. شهد : والله رغبتك احتفظ فيها لنفسك.. لأنها ماراح تتحقق.. ولاتفكر إني بخضع لك في يوم من الأيام.. فهد مسك ويهها ورفعه وحط عينه بعينها يتحداها.. والإبتسامة مرسومة على ويهه بمكر زادت من جاذبيته.. ويقول بكل تحدي بس بنبرة واطية وناعمة : متأكـــــدة..!! ( غمز لها واهو يقول ) : تحبين نرد نعيد مشهد قبل شوي..؟؟!! ترى انا مستعد وانتي مرتي وحليلتي..!!.. شهد اسكتت وماردت عليه ونزلت راسها من الحيا وقامت تسب نفسها ابقلبها.. فهد ماحب يزيدها بالأحراج اللي اهي فيه وقام غير الموضوع.. وقال واهو يغير بنبرة صوته ويخليها جادة وبصوت هادي ولكن بتهديد : يالله قومي الحين بتاكلين جدامي كل الأكل اللي بالصينية.. وإن عندتي ياشهـــود.... صدقيني بييج شي ماشفتيه.. شهد خافت من تهديد فهد.. واهيه عارفه شنو يقصد لأنه اهو قالها ذيك الليلة وخوفها من طريقته.. شاهين زاد عليها بالتخويف وخبرها باللي ناوي فهد عليها إذا ماكلت.. عدلت شهد من قعدتها.. وفهد قرب الصينية منها وحطها على حضنها وقعد مواجهه لها.. أم خليفة الله يهديها تارسة الصينية على الآخر.. والأكل اللي يايبته يكفي عشر اشخاص.. وفهد هددها بأكل كل مافي الصينية........... الله يستر.. كلت شهد على قد ماتقدر واهيه اصلاً ماتحب اللحم والدجاج.. وكان الغدا مجبوس دجاج ودقوس.. مع صينية بطاط باللحمة بالفرن.. ومسوية معاه بطاط تشيبس اللي شهد موصيتهم يسونه لها من البارحة لغداها.. وشوربة خضار.. وشهد ماكلت غير البطاط فقط ولاااا حطت عليه دقوس بوقراش ( صلصة الفلفل الحار ) واترسته بعد.. واشربت لها قفشتين ( ملعقتين ) من الشوربة.. عصب عليها فهد وقام كلمها بتهديد : انا لما قلتلج اكلي يعني اكلي شيء سنع وفيه فايدة مويايتني تاكلين بطاط مقلي وعليه فلفل غراش.. يالله أكلي من هذا الصحن ويأشر على المجبوس.. وشهد عينها زوغلت واهيه ماتواطن الدجاج واللحم.. والصحن الثاني صينية بطاط باللحمة.. الله يستر بس.. شهد مامدت ايدها على الصحن ابداً وردت اشربت شوية من الشوربة.. وفهد عصب عليها ابجد.. وقال بكل عصبية : شهود اكلي الحين جدامي من الصحنين هذيلة.. شهد ماتحركت ولا مدت ايدها على الصحنين اللي أشر عليهم.. شهد : ............................... ...................................... ...................................... فهد ارتفع صوته شوي عليها وبتهديد : لآخر مرة أقول لج أكلي ولاتخليني انا أوكلج بالغصب ترى والله طريقتي مؤلمة.. شهد ارفعت عيونها على فهد واهي مغورقة بالدموع.. وبنبرة واطية وفيها الخوف قالت : بس انا ماأحبه.. فهد وعصب عليها ومنقهر : مولازم تحبينه المهم تاكلينه.. شهد والخوف بدا يتسرب لقلبها من شكل فهد وعصبيته كان يخوف.. وقالت عشان تهديه بصوت واطي ومتحشرج من الخوف : بروح المطبخ تحت وباكل لي شي ثاني..!! فهد بعناد وعصبية : لا ماتروحين أي مكان وبتاكلين اللي موجود جدامج.. شهد اشتغل العناد عندها وبتبعد نفسها قدر المستطاع عن فهد.. واهي تسند نفسها على السرير وتحرك راسها علامة الرفض.. طق طق طقق واهني العناية الألهية انقذت شهد للمرة الثانية بصوت الطرق على الباب.. وشهد ردت عليه بكل حماس علشان تبعد فهد وتهديده عنها.. بس بصوت فيه رجفة من الخوف : هلا حياك تفضل.. فتح شاهين الباب ودخل الغرفة وبإيده كيس الدوا : السلام عليكم.. فهد وشهد ردوا السلام.. فهد وبكل جدية رسمها على ويهه يكلم شاهين بكل ثقة : يبت الدوا والحين بخليك تنزل سيارتي وتييب وياك شي منها.. شاهين عقد حواجبه واهو مستغرب.. ويطالع شهد وشاف نظرتها الخايفة.. ورد طالع فهد واهو فهم اللي يبيه منه وعلشان يمشي معاه بالتمثيلية.. رد عليه وقال بكل جدية : خير شتبيني اييبلك من السيارة..؟؟!! فهد يمد إيده بالسويتج ( مفتاح السيارة ) على شاهين.. وعينه بعين شاهين علشان يفهم اللعبة اللي بيلعبها على شهد ويخوفها عشان تاكل.. ويقول بنبرة جادة مافيها هرج : بالكشن ( المقعد ) الوراني فيه جنطة بطلها وطلع منها انبوب بلاستيكي في مغلف شفاف وييبه.. الظاهر أختك ودها تستخدمه علشان أكلها.. شهد وقلبها صار يرقع وعيونها تدمع.. وتنفسها من الخرعة بيوقف.. ولكن مخها كان يعمل بكل سرعة مايوقف ويوجها عشان اتحرك بأسرع ماعندها وتقوم شهد المسكينة فجأة وتطمر من مكانها من الخوف وصارت اسرع من البرق..!! : : : : بوخليفة وأم خليفة كانوا قاعدين يسولفون.. بوخليفة قاعد ومتسند على السرير ومغطي ريوله باللحاف.. وأم خليفة قاعدة على حافة السرير من الجهه الثانية.. وفجأة انفتح الباب عليهم وشهد تركض وتنط على السرير بينهم وتنخش تحت اللحاف وتلم بوخليفة وتلزق فيه واهي ترجف.. بوخليفة لمّ بنته على صدره واهو مستغرب من حركتها.. واللي آخر مره شافها سوت هالحركة من قبل عشرين سنة تقريبا أو أكثر.. بوخليفة وهو لام بنته.. وبصوت حاني ومستغرب : شهد اشفيج يُبه عسى ماشر..؟؟!! شهد ماكانت تقدر تنطق بهالوقت.. وكان تفكيرها باللي استوى فوق.. وكانت ميته من الخوف وجسمها يرجف.. فزادت من ضغط راسها على صدر أبوها وكأنها تبي تنخش داخل صدره علشان يحميها..!! شهد : ................................ ........................................ ........................................ بوخليفة مسح على راس بنته عشان يهديها ويوقف رعشتها.. وكلمها بنبره هادية علشان يطمنها : شهودة حبيبتي.. اكو شي يعورج..؟؟!!.. فهد وينــه..؟؟!!.. شهد ومن اسمعت إسم فهد.. زادت رعشت جسمها وزادت سرعة تنفسها من الخوف.. شهد : ................................... .......................................... .......................................... أم خليفة قامت على حيلها مستغربة وقلقانة بنفس الوقت.. وقالت : انا بصعد فوق واشوف شللي صار.. خلك معاها وهدي فيها..!! تم بوخليفة مع شهد يمسح على راسها ويقرا عليها القرآن.. وأم خليفة راحت فوق تشوف فهد وينه فيه.. واهيه صاعدة بالمصعد وانفتح باب المصعد.. وتسمع صوت ضحك عالي.. زاد استغرابها وتوجهت ناحية مصدر اللجة والضحك اللي يِوَصِّل لغرفة شهد ودشت الغرفة وانصدمت باللي شافته......!!!!!!!!!!!!!!!! : : : : تمت شهد عند ابوها يقرا عليها القرآن عشان تهدى نفسها ويروح عنها الخوف.. وبالها مشغول باللي سوته والنتيجة اللي راح اتييها من عقب فعلتها.. فسلمت روحها للنوم كنوع من انواع الهروب علشان ماتواجه العقاب اللي بييها من سبب فعايلها.. واهي بالأساس ميته على النوم لأن فهد قعدها وماخلاها تنام.. : : : : وبعد ساعة انزلت أم خليفة عند ريلها واهي تضحك.. بوخليفة مستغرب الوضع.. وقال بنبرة واطية بس فيها من العصبية شوي علشان مايصحي شهد من نومها ويفزعها : ها شفيج تضحكين والبنت نازله من فوق مصروعة جنه لاحقها يني ( جني ، الجن )....؟؟ أم خليفة ماهي قادرة تمسك نفسها من الضحك بسبت اللي شافته فوق بغرفة شهد : هههههههههههه.. اسكت يامحمد لو شايف المنظر اللي شفته فوق جان ضحكت اكثر مني.. بوخليفة وعلامة الأستغراب مرسومه على ويهه من اللغز.. وقال : وشصاير فوق اللي مضحكج وراعب البنت..؟؟ أم خليفة : شهد ماحجت لك وقالت شللي سوته بهالمسكين..؟!! بوخليفة ونفس التعبير على ويهه : لا والله انا قعدت اقرا عليها لين هدت ونامت.. وما قالتلي شي..!! أم خليفة قالت لبوخليفة كل السالفة.. وبوخليفة فج من الضحك.. طبعاً أدري إن الكل يتسأل فيكم وماخذه الفضول ووده يعرف شللي صار وسوته شهد اللي يخلي أم خليفة وأبوها والكل يضحك ماعداها ارتعبت وتهربت من عواقب فعايلها بالنوم... !!؟؟ : : : : على الساعة اربع العصر منى راحت بيت ابوها عشان تطمن على شهد وتشوف أمها وابوها وتتفق معاهم على أمور التجهيز للعرس والذي منه.. بعد السلام واخذ العلوم عن امها وابوها أسألت عن شهد.. منى : يُمه شهد قاعدة وإلا نايمة..؟؟ أم خليفة : لااااا.. كاهي نايمة في دارنا من الظهر بعد عمري.. منى استغربت : هَـوّ ليش شفيها نايمة عندكم بالدار..؟؟ أم خليفة طالعت ريلها واثنينهم أضحكوا من تذكروا السالفة.. منى زاد الأستغراب عندها.. واشتغل حب الفضول.. وعلى ويهها نظرة ماكره وابتسامه على شفايفها.. وتقول : شسالفة تضحكون..؟؟!!!! أم خليفة : سكتي اليوم اختج بدعت.. ومااقدرت أم خليفة تستحمل من تذكرت اللي شافته بغرفة شهد وردت تضحك : ههههههههههههههههههههه.. منى مستغربة ورافعه حواجبها ومبطله حلجها وتطالع أمها بكل عيونها العسلية.. منى: !!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! أم خليفة حبت تغيض منى شوي.. وتعيشها بالفضول أطول فترة ممكنه.. وقامت تتكلم بكل برود مثل اللي يحجي بيقول حزاية طويــــــلة ( قصة طويـــــلة )..!! أم خليفة : كنت مع أبوج قاعدين انسولف بالداااااااار على مااييون اخوانج من الشغل ونتغدا يميــــع ( جميع ).. وماوعينا إلا واختج شهـــــــد داشة الدار اسم الله عليها مثل العافووووووووووووور ( الأعصار ).. وتنقز على السرير وتعفسنــــا وتنخش تحت اللحاف عند ابوج.. واستهمينا عليها.. ( ابلعت ريجها أم خليفة وبعدين ردت تكمل بنفس الأسلوب البارد ) : وابوج يسألها اشفيـــــج.. شي يعـــورج.. والبنت ابد ولا كلمــــة.. بس ترجف ولازقه في ابوها.. وقام ابوج يقرا عليها عشان يهديهـــا وقلتله انا بصعد فوق عشان اشوف شالسالفــــــــة.. منى افقدت صبرها.. وقالت : يُمـــه يالله الله يهديج صايرتللي يديدة حبابة جنج بتقصين علي حزاية..!! ( يديدة تصغير لكلمة جدتي.. ويديدة حبابة.. هي شخصية أشتهرت فيها الممثلة الراحلة مريم الغضبان.. وكانت تروي القصص والحزاوي للأطفال ).. أم خليفة اضحكت لأنها اوصلت للمطلوب.. واهو إنها تغيض منى وتخليها على أعصابها.. من كثر الفضول.. أم خليفة : ههههههههههههههههههه.. الله يسلمج اليوم بعد أذا الظهر فهد ياب مهر اختج.. صعدت عندها فوق اشوفها واكلمها.. دشيت عليها الدار وشفتها نايمة ومغطية راسها..خفت عليها لأن مو من عوايدها.. قعدت يمها على السرير وشلت اللحاف ابي اتطمن عليها.. الا ويهها محتقن وأحمر وعيونها امتفخة ومخدتها كلها مبللة من الدموع.. وبصراحة من شفتها جذي مت من الخوف وقلبي عورني عليها.. نزلت وخبرت ابوج مع فهد عنها.. وقام فهد صعد لها وبعدين نزل لنا وقال انها بخير.. وطلب غدا نصعده فوق لغرفة شهد.. وحطيت من غدانا مجبوس دياي مع دقوس وشويت بطاط باللحم حق فهد.. وانتي عارفة ان شهد ماتاكل هالأشياء وهي من البارحة اموصية على البطاط المقلي لغداها.. وحطيت لها البطاط المقلي وسويت لها شوربة خضار اللي تحبها.. ومسويه مربين ( عيش مع الربيان ، الجمري على طريقة المجبوس ) لها ولشاهين بس بعده ماتسكر العيش وقلت عقب بوديلها اياه.. وفهد تحسب إن شهد تاكل الدياي ويا اللحم وقام لزم عليها.. وهي عندت.. وقام قال لشاهين اييب له واير والا انابيب ماني عارفه شنو اهيه.. بس شهد تعرفهم عشان يمدونه في بلاعيمها ويمررون الأكل فيه.. وفهد كان مهددها بس سوى جذي عسب يخوفها ويخليها تاكل.. واهيه من خوفها قامت اقلبت صينية الأكل باللي فيها على فهد وانحاشت.. وسيده يت عندنا بالدار تنخش عند أبوج نفس أيام قبل لي سوت لها مصيبة علشان ماتاكل طق وزف من طلال اتيي عند ابوها وتنخش.. منى : هاهاههاههاههاههاههاههاههاههاههههاهههههاهههههاههههههههاهههههه ههههاهههه هههههههههههههههههههههههههههههههههههههههههههههههههههههههه.. والله شهود اطلعت موبهينه.. هههههههههههههههههههههههههههههه.. وفهد المسكين اشسوى..؟؟ أم خليفة تمسح ادموعها من الضحك : هههههههههههههههه.. انا صعدت فوق اول شي سمعت اصوات ضحك شايلة شيل.. دشيت غرفة شهد والا شاشــــوف.. فهد ناقع بالدقوس والشوربة والعيش والبطاط باللحم لازق فيه من راسه لمن اريولة.. شاهين وعبدالله قاعدين وناقعين عليه من الضحك.. من دشيت عليهم الدار وشافوني زاد ضحكهم على هالمسكين الناقع بالأكل لأني انا وياهم صرت اضحك مثلهم عليه.. لأنه شكلة بعد عمري صج يفطس من الضحك.. وفوق هذا ماكان يقدر يتحرك.. قمت وناديت الخدامة تنظف الدار.. وشاهين عطى فهد اهدوم من عنده وفوطة ودش يتسبح...ههههههههههههههههه.. منى : هههههاههههاهههههاهههههاههههاهههههاهههههاهههههههاهههههههههههه ههههه.. ههههههههههههههههههههههههه.. ههاهاههاههههاههههههههههههه.. واي يمة قلبي بيوقف من الضحك.. الله يخسج ياشهود.. هههههههههههههههههه.. واي بعد عمري فهد مادري اشسوى..؟؟!! وخذتهم السوالف لين اذن المغرب وصلوا.. ومنى ردت لبيتها بعد مااتفقت مع اهلها علشان تاخذ شهد للسوق باجر العصر.. صحت شهد بعد المغرب وعيونها تحرقها وتعبانه.. وتذكرت وينها فيه واللي صار.. وقامت قبل لاحد يتوعى عليها واصعدت لغرفتها.. وتيددت وصلت اللي طافها واقعدت تستغفر ربها لأن تفويت الصلاة شي كبير.. ولكن اهيه مو بإيدها هالشي واطلبت من الله يغفر لها.. : : : : : : : يوم الثلاثاء 2 / 3 / 2004 دقت منى على شهد عشان تأكد لروحتهم السوق اليوم.. وشهد عندت وارفضت.. بس من قالتلها منى ان الأمر صادر من ابوي.. اهني شهد اعرفت بأن مالها مفر.. واتفقوا على روحت السوق على الساعة اربع العصر.. منى واهي ناطرة شهد بالسيارة كانت تكلم فهد على الموبايل وتتفق معاه على أمور المشتريات.. وبس شافت شهد طالعة من باب البيت بتركب السيارة.. ابتسمت وقالت لفهد خلك على الخط واسمع رد شهود.. وسوت نفسها صكت الموبايل.. بس خلته لأنها بتسمع فهد الكلام.. من اركبت شهد معاها السيارة واهني اضحكت ليمن قالت بس وشهد على وجهها علامة استفهام...؟؟ شهد : اشفيج تضحكين...؟؟ أكو شي فيني يضحك...؟؟ منى : ههههههههههههههه.. لا.. لا.. لاااا.. انتي مومعقولة... هههههههههههههههه.. شهد وبعصبية : وليش إن شاء الله مو معقولة..!! يعني مينونه انا جدامج وإلا شنوا...؟؟؟!! منى : لاااا ياشهد انا تذكرت اللي سويتيه في فهد أمس..ههههههههههههههههه.. شهد وعلامة تعجب على وجهها : ليش انا شسويت في فهد أمس..؟؟!!!!!!!! منى : قلبتي عليه صينية الأكل وانحشتي تنخشين عند أبوي.. شهد بإحراج : انا ماكان قصدي اقلب الصينية عليه.. وبعدين من تذكرت اللي صار عصبت شهد وقالت بكل حمق : بس هو وقف قلبي يوم طلب من شاهين اييب الأنبوب علشان يمده في بلاعيمي ويمرر فيه الأكل.. يعني بيوكلني غصب...!! منى : هههههههههههههههههههههههههههههه.. والله وحركات عليه هالفهد.. وقدر يخرعج..؟؟ شهد بحقد : إلا وقف قلبي من الخرعة.. ويستاهل ماياه مني قلعته.. وإن زودها معاي راح اييه شي ماشافه بحياته كلها.. منى اضحكت لين قالت بس وكملت اتسمع فهد : هههههههههههههههههههههههههههههههه.. يعني شبتسوين فيه ماقلتيلي..؟؟ شهد بكل حماس وبتهديد : المره هذه صينية الأكل انقلبت على راسه.. بس المره اليايه بصنها ( بضربها ) براسه هالعتوي المغرور.. منى افقعت من الضحك وارفعت التلفون وحطته على السبيكر تكلم فهد : هههههههههههههههههههههههههههههه.. ها سمعت التهديد اللي ياك..؟؟ فهد كان ميت من الضحك على ردود شهد.. وقال بتهديد : ههههههههههههههههههههههههههههههههههه.. هين ياشهود هذا إذا قدرتي يالقطوة.. أصلاً ماراح أمهلج.. وبتكون الصينية مقلوبه على راسج انتي.. ههههههههههههههههههههههه.. شهد منصدمة من اللي سمعته.. فهد كان على الخط وسمع كل الحوار اللي دار بينها ومنى.. ولاااااا ورد فهد عليها بعد اللي صار..!! عنده ويهه يتكلم هالجذاب.. جان تسحب الموبايل من إيد منى وقالت لفهد بكل عصبية : حاول تقلب الصينية علي وبتشوف نفسك معلق من رقبتك بالسقف ( وكملت بستهزاء ) يادكتور قصاب.. ( وبعدين قلدت ضحكته بستهزاء ) هههههههههههه.. يالبايخ.. منى وفهد افقعوا من الضحك على تهديد شهد وكمل فهد : بنشوف يوم الخميس منو اللي بيعلق الثاني يالقطوة يالمتمردة.. إن ماروضتج ياشهــــود ماكون انا فهد ولد عمج وزوجــــج يـــــا.. وإلا اقولج يلله انا بروح.. ويوم الخميس بتكونين في بيتي ويــاويـلــج ياشهــــــود.. مع السلامة.. وسكر فهد الخط بعد ماهدد شهد بيوم الخميس واهو يضحك وتركها تغلي من الغيض والقهر.. واعصابها بدت تنهار اشوي اشوي.. وراحوا لأحد المجمعات.. وشهد كانت ترفض كل ماتختاره منى مع إن شهد ومنى نفس الذوق.. بس شهد كان في بالها الأنتقام.. فما كانت ايجابية بأي شي.. تنرفزت منى من سلبيتها واطلعت من المجمع.. وخذتها منى لسوق الذهب وخلت سالفة الملابس اهيه اللي بتشتريها لشهد بدون ماتاخذ رأيها.. ومنى ذكية فاهمة اختها بشنو تفكر.. بس ماراح تجاريها بهالشي.. واشترت شهد بعض القطع من الذهب الجميلة.. وارجعوا البيت بعد ماسألت منى شهد عن روحتهم باجر الصبح للسوق.. بس شهد ارفضت وقالت مالي نفس.. واطلبت من منى تروح بدالها لأنهم من نفس الذوق.. واطلبت منها انها تختار الملابس المحتشمة واللي مافيها اثارة.. طبعاً منى جارتها واسكتت بس اتفقت معاها على انها تاخذ الملابس اليديدة وتوديهم لبيت فهد علشان يترتبون في الكبت.. أحسن من انها ترد وتحطهم بالجناط ويتعفسون.. وتسوي اعباله طويله على عمرها.. فمره وحده تاخذهم لبيت فهد.. وشهد قلبها رقع من الخوف.. لأنها خلاص كلها أيام معدودة وبتصير تحت رحمة فهد القصاب.. وماكان لها نفس تختار أو تسوي أي شي ولكنها تثق في منى وفي آرائها ووافقتها علشان ماتشغل فكرها بشي غير الأنتقام من الدكتور القصاب اللي خدعها.. ولاااااا وقام يهددها بعد..!! واهني شهد من ردت من السوق وقلقها زاد على اللي راح يصير..؟؟ واشلون حياتها بتكون مع فهد..؟؟ هل ياترى تقدر تصد فهد وتمشي في انتقامها.. والا فهد بيذلها ويكسر راسها..؟؟ وتمت طول الليل واهي تفكـــــــــــــــير ابتفكــــــــــــــير ابتفكــــــــــــــير : : : : وطلع عليها الصبح.. وعدا اليوم وطار واهيه.. ماهي قادرة توقف فكرها وتساؤلاتها عن المصير اللي ياي.......؟؟!!!!!!!!!!!!!!!!!!!!!!!! ومرت الأيام بلمح البصر على شهد..!! : : : : : صبيحة يوم الخميس 11 / 3 / 2004 يوم الخميس الصبح وسبحان الله اشلون الأيام عدة بهالسرعة على شهد واهي موحاسه.. وشهد مثل عوايدها بالأيام اللي طافت.. ماسوت شي وارفضت تروح للصالون.. والنوم جافاها بكل هالأيام.. وصارت عيونها ذبلانه والأرهاق باين عليها.. وصار الوقت يمشي بسرعة ويعدي وشهد وكل مال توترها يزيد.. منى اتفقت مع الصالون يطرشون على اللي تبيها تساعد شهد في البيت.. علشان تعتني بشعر شهد من قص أو صبغ مع ان شهد ترفض الصبغ بس كانت مرات تحني راسها لأنها تحب الحنة وريحتها.. وعلى مزاجها كانت شهد مخليه خدامتها نور تحني لها شعرها من أمس علي وعسى الحنة تسحب التعب اللي فيها.. وتمت بالحنة فترة طويلة واهي على راسها.. وماغسلتها إلا بعد ماحست بالبرودة بجسمها.. وارفضت شهد انها تسوي حمام مغربي وخصوصاً لأنها ماتحب تكشف على الغرب.. بس اكتفت بيوم الخميس بنقش بالحنة على إيدها والبدي كير.. وقصت لها البنت اللي يابتها منى من الصالون شعرها اشوية فقط ولا بين.. وعدى اليوم بلمح البصر على شهد واهيه بين اهلها من البنات ومنى أختها وكل وحدة تعطي اقتراح.. وقبل أذان المغرب كانت منى تحن عليها تحط مكياج ناعم واهي رافضة.. لأنها حاسه ابتعب كبير ابجسمها وماهي قادرة.. وصار لها أيام واهي مانامت عدل وبخلال آخر اربعت ايام نامت لها فقط ساعتين.. نوم متقطع من الأحلام والكوابيس.. والحنة اللي حطتها أمس ماساعدتها على النوم والإسترخاء مثل كل مرة.. إلا حست ببرودة تسري بجسمها من لامست الحنة لفروة راسها.. وغلطتها إنها تركت الحنة فترة طويلة على راسها بهالجو البارد نسبياً..!! واخيراً ارضخت شهد على وضع مكياج خفيف جداً لاخفاء التعب والأرهاق.. وبعد صلاة العشاء.. وبعد ماخلصت شهد من صلاتها ودعائها.. كانت بحالة قريبة من الأنهيار.. بس كانت تحاول قد ماتقدر تتماسك.. البست نفنوف وايد حلو بلون ابيض أوف وايت وداخل معاه اللون الذهبي المطفي على هيئة شريطة تطلع من قصة الصدر وتنزل على طول النفنوف.. ومن تحته خلتهم منى يفصلون له تنورة من الجيبون الخفيف والغير منفوش لأن الخامة طايحة وبالأساس كان النفنوف من تصميم زهير مراد وعاري.. بس منى كلمت صاحبة البوتيك عشان يركبون له جموم طويلة مع شال يستر عشان شهد.. منى وشهد سبحان الله بنفس الطول والحجم بس منى اشوي اترس من شهد.. وكانت بدلة السهرة على بساطتها بس روعة وانيقة.. واختلطت روعة البدلة بجمال ونعومة وجاذبية شهد والكلمة قليلة عليها لأنها اللي يشوفها غصبن عنه يسمي ويكبر عليها.. وقامت منى قرت عليها وعطرتها وبخرتها.. ونزلوها البنات تحت مثل الأميرة مصحوبة على صوت اليباب.. وشهد إلى الآن ماهي حاسه بأي شعور غير التعب والخدار بكل جسمها يسري حتى عقلها وفكرها كان خدران.. وكانوا كل أهلها مجتمعين عندهم اليوم.. وسوا لها حفلة صغيرة جداً لأنها رافضة بتاتاً أي حفلة وعرس بهاليوم.. والكل كان مستانس بس مو الوناسة اللي هيه.. لأنهم كان بخاطرهم يفرحون بشهد ويحتفلون بعرسها بأكبر الصالات والقاعات.. لكن هي اللي رافضة وماتبي أي شي من البهرجة ولفت الأنظار.. وحتى المصورة ارفضت انها تاخذ لها لقطات مع فهد.. ومنى انقهرت وراحت كلمت خالد وطلال علشان يتدخلون بهالموضوع ويقنعونها.. وفعلاً حاولوا فيها وخالد اقنعها علشان خاطر امه اللي ماحضرت لأنها اتعبت على آخر لحظة وخالد قالها تتم في البيت مع فدوى وماتطلع لين ايي فهد ويفحصها.. وهني شهد وافقت بعد ماهددت المصورة بعدم وضعها بمواقف أو لقطات رومانسية مع فهد.. وبعد ماتصورت شهد مع فهد بمشاركت جميع اهلها واخوانها.. دخلوا شهد مع فهد لغرفة كانت المصورة مجهزة فيها العدة واللقطات اللي بتاخذهم.. وكل ماحاولت تقول لهم عن لقطة رومانسية كانت شهد تفتح عينها بتهديد على المصورة.. وفهد لاحظ حركة التهديد من شهد فحب يقهرها وقام أهوه اللي يتلها ويطلع لقطات رومانسية والمصورة استانست وقامت تاخذ لهم اللقطات.. هههههههههههههه والله وفهد اطلعت عليه حركات ماصارت ولااستوت.. وآخر شي قام شال شهد بطريقة رومانسية وهوه مقرب ويهها منه ويطالع فيها وشهد من الخوف قامت تطالع فيه.. وكانت احلى واروع لقطة اخذتها المصورة.. بعد اللمة القوية اللي لمها فهد فيها من وراها وحاوطها بإيدينه ونزل راسه وكأنه بيبوسها على رقبتها.. وشهد كانت مثل اللعبة اللي تتشكل بكل سهولة بين ايدينه.. وصارت لقطاتهم أغلبها قمة في الروعة.. وبعد ماخلصوا التصوير ردوا عند الأهل وكملوا الأحتفال وشهد الأرهاق والتعب أخذ منها كل قوتها وطاقتها.. ويت اللحظة الحاسمة واللي لازم تروح فيها مع زوجها لبيتها اليديد.. وكانت مجهزه جنطة فيها بيجاماتها وبعض الملابس لها.. حطوها بسيارة فهد.. واطلعت من بيت ابوها مودعينها بالدموع واليباب والصياح من ام خليفة على فرقى بنتها.......... واركبت شهد السيارة مع فهد.. ومع ان البيت يم البيت بس بالفريج ( الحارة ) الثاني.. إلا والخوف سيطر على شهد بهاللحظة وكانت طول الوقت وكأن عقلها غايب عن المشاعر والأحاسيس.. بس الحين من شافت نفسها واعرفت إنها ماشية بطريق اللي يودي لبيت فهد.. وأهي ماتعرف شالمصير اللي منتظرها.. سيطر على شهد الخوف والتعب ماخذ منها كل قوتها.. وبالسيارة كان الهدوء مسيطر على الأجواء.. وكسر فهد هذا الهدوء بعد ماطل بوجهه شهد وشاف الرعب والخوف بعيونها.. وحب يطمنها.. فهد بصوت حنون : شهودة حبيبتي اشفيج..؟؟ شهد بعصبية ولكن بصوت واطي ردت باقتضاب : مافيني شي.. فهد : انزين علامج خايفة..؟؟ شهد بتحدي ومكابرة : ماني خايفة.. فهد : شهد حطي في بالج إني لايمكن في يوم أأذيج أو أضرج بشي.. وانتي الحين زوجتي وكل دنيتي والله يقدرني واسعدج.. شهد عقلها بوادي ثاني.. وماكانت تسمع فهد شيقول لها من الخوف والتعب.. شهد : .............................. ...................................... ..................................... وصلوا البيت ونزلوا ونزل فهد جنطة شهد وعطاها الخدامة وقالها توديها لجناحه وتوصل شهد وتدليها على الغرفة.. لأنه بيروح بالأول عند امه يفحصها ويتطمن عليها وعقب بيصعد فوق ويلحقها.. ومنها يعطي شهد فرصة تكون بروحها عشان تتأقلم على المكان وتاخذ راحتها وتبدل ملابسها.. شهد راحت منصاعة مع الخدامة اللي وصلتها لجناح فهد.. وحطت جنطتها بغرفة النوم.. ومن شافت شهد السرير الكبير.. وبطنها قام يعورها وزادت ضربات قلبها من الخوف وبلاعيمها جفت.. وقالت للخدامة تشيل الجنطة وتنقلها للغرفة الثانية.. والخدامة اوقفت مبطلة عيونها مستغربة من طلب شهد ومترددة.. وشهد عطتها أمر واضح وصارم.. فقامت الخدامة بكل خضوع وشالت الجنطة وودتها للغرفة الثانية اللي اختارتها شهد وكانت بنفس الدور.. ونزلت الخدامة الجنطة واطلعت على أوامر شهد.. شهد أول مرة تدخل لبيت فهد واهي بالأساس ماتعرف أماكن الغرف والصالات ولا أي شي عن نظام الغرف والبيت.. وأهم شي عندها إنها أختارت لنفسها غرفة بعيدة عن جناح فهد.. وقامت سيده ناحية الباب وقفلته بالمفتاح قفلتين علشان تطمن.. وافصخت عباتها وبدلت ثيابها ونفنوفها كان بسيط وناعم وبسهولة ينفصخ مو مثل بدلة الملجة اللي كلها زراير من الظهر.. وقامت شهد دشت الحمام وانتوا بكرامة وتغسلت ونظفت وجهها من المكياج.. ومن زود التعب والأرهاق اللي فيها اجلت الشاور وترتيب ثيابها اللي رمتهم على الأرض ليما تقعد من النوم لأنها ماهي قادره تستحمل تفتح عيونها أكثر من جذي.. وشهد ماكانت ملاحظه أو تفكر بأي شي غريب غير إنها تخلص من تنظيف ويهها من المكياج الثقيل واللي كرهته وقعدت فترة على ماتشيلة تبي تخلص ابسرعة وتحط راسها وتنام.. وبس اخلصت سيــده دشت الفراش ونامت.. إلا راحت بسبات عميـــــــق جداً ومن شدة التعب كانت تحس وكأنها طــايحة من مكان عالــــي..!! : : : : : : : : تتوقعون شراح يصير...!! فهد هل راح يرضخ للأمر الواقع ويسكت على فعايل شهد..!! لاتحرموني من تواصلكم ونقدكم.. وربي يسعدكم ويوفقكم أجمعين أختكم ومحبتكم عذبة التجريح :flowers2: |
((شهد ارفعت عيونها على فهد واهي مغورقة بالدموع.. وبنبرة واطية وفيها الخوف قالت : بس انا ماأحبه.. فهد وعصب عليها ومنقهر : مولازم تحبينه المهم تاكلينه..)) حرررااااااامممم والله قطعت قلبي لكن حركتها يوم عرسها قويه جدا وفهههوود ((( آآآهه يا عمري عليه ))) آآآآآآآآآ ...... ايش كنا نقوول ؟؟؟ إيوه... ما راح يسكت ابدا وانا متأكده انه عامل حسابه على حركه منها زي هادي ممكن مفتاح إحطياطي او حيكسر الباب أي شي لكنه حترجعها غرفته في نفس الليله والله زي ما قلتي بارت فتاك وأكشن مره تصدقي اني كنت منتظره هادي اللحظه من بدايه القصه وانا أكيده ان الجاي أخطر وأخطر وهااااا !! لا أوصيك على التفاصيل التفاصيييييل الدقيييـــــــــــقه في الوصف ؟؟؟؟ تمام زي البارت هادا يعطيك الف عافيه وتقبلي تحياتي ......و بوساتي (^ــ^) |
صباح/مساء النور و السرور على أحلى عذب آآآآآآآآآآآآآآآآآآآآآآآآآه ثم آآآآآآآآآآآآآآآآآآآآآآآآه هالبارت خطيييييييييييييييير يا عذبة و قمة في الروعة و الأكشن فهد طلع خطير ورومنسي مرررررررررة <<< كثري من حركاته عذوووب مممممم ... شهودة اذا ما تبي ارسليه للسعودية ... ترا عندنا نقص في الرجال اللي زي كده الله يحفظه لك يا شهوده تراك طحتي و محدش سمى عليك يا بنت بس عن جد هالفهد ما شاء الله عليه انسان متعلم و مثقف و فاهم و واعي لكل حركات قطوته واعتقد انه بيقدر يستخدم كل اللي اعطاه الله عشان يرجع شهد الحقيقية شهد اللي حبها بتهورها و تمردها و عنادها و طيبتها و رقة قلبها بس شكله هالفهد بيقلب البيت فوق تحت على راس شهد اذا درا باللي عملته هالقطوة وما بيعدي الليله على خير الا اذا رحم القطوة من التعب النفسي و الجسدي اللي بتعانيه اعتقد انه انسان زيه ما بيسكت عن نورية اذا عرف باللي سوته مع شهد و بيحاول يرد العلاقة بين شهد وأهل امها لأنه هذا جزء من اعادة الثقة لنفس شهد وان شاء الله يقدر :f63: القطوة شهوده أخيرا رحتي لعرين الأسد :party0033: برجلك بعض الأحيان كثرة التفكير في المشكلة بتمنعنا عن ايجاد حل لها و بنلقا نفسنا مجبرين نسير مع التيار و هذا اللي صار مع شهد في يوم زواجها لكن هل.... بتقدري تنسي الماضي عشان تبني مستقبل ليكي و لفهد و تتأكدي ان هالتيار هو الثقة و الأمان و الحب اللي محتاجته؟ بتقدري تعودي عقلك انه ممكن تعيشي زي باقي الحريم حتى لو كنتي تحسي بالنقص؟ بتقدري تفهمي انه اللي بيسويه فهد هو عشانك بس مو شفقة عليك؟ بتقدري تصمدي و تعاندي حب فهد لك ولا قلبك بيخذلك قدامه؟ Who will win the challenge, we will see سلمت يمناك عذبة التجريح :flowers2: |
اشوه ماراحت نمت اللحين اقدر انام
ان شاء الله اكتب توقعاتي بعدين ميته حق النوم وتسلمين على البارت |
:55::55:الله يعطيك العافية اختي عذبة البارت رائع كالعادة ويخلي الواحد متحمس
اكثر عشان نعرف شو يصير فهد وشهودة كل واحد اعند من الثاني بس اتوقع في الاخير فهد بيروضها عدل والله يستر من اللي جاي الظاهر راح نشوف مسلسل توم وجيري جديد بس اسمهم فهد وشهد وتسلم ايدينك اختي وشكرا اختك وجه الصباح |
Wo0o0o0o0o0o0o0oW
أخيرآ ..الله يعطيك ألف عآفيه عذوبه على هالبارت الختير مره (( بس قصير مآشبعت )) حشى أكل هههههههههههه أتوقع فهد بالبآرت الجآي بيروضها عدل...وبيصير أكشن وحركتات :dancingmonkeyff8: وهـ ياقلبي وهـ بس.. بلييييييييييز عذوبه لا تخلينه الثلاثاء والله بعيد علينآ :friends: |
الله يسعدك ويحلي أيامك عذوبة راااااااااااااااااااااااااااااااااااااااائع :55::55::55: بااااااااااااارت ولا اى باااااااااااااارت :dancingmonkeyff8: في البداية قطعتينا من البكى عليها :asd::EWx04511: حراااااام ماتستاهل :Taj52::Taj52: وفي النص :lol::lol: رومنسيةو حنان اما فهد طلع خطيرررررررررر :Supercool::Supercool:;) الله يعين شهودة عليه عسسسسسسسسسل :hR604426::hR604426: وماقبل الأخير فكاهي هههههههههههههههههههههههههههههههههههه أجل قلبت الصينية عليه ههههههههههه وااااااااااااااي ياقلبي فديتتتتتتتتتتتهم أحلى ثنائي والأخير اكشن وتوقعات الله يستر :f63::f63: بسسسسس حركة خطيررررررة انه تروح غرفة تانية وتنااااااااام :mod4uf8::mod4uf8: لالالالالالالالا :mod4uf8: اتوقع فهود راح يجيب راسهااااااااا اليابس بسسس بالحركات الرومنسية ويسلموااااااااااااااااااااااا :55::flowers2::55::flowers2: |
[CENTER]انت روعة يا عدبة التجريح والقصة مالها وتزيد تحلو وانا متوقعة انو الاكشن هيزيد في البارتات الجاية الله يعطيك العافية لكن حني شوية على الاثنين والله نفسي اشوف شهودة رومانسية شوية عشان من الاول وهيا عاملة اللي عايزاه فهود الحلو [/CENTER:55::55::55::flowers2::flowers2::dancingmonkeyff8::dan cingmonkeyff8::dancingmonkeyff8::liilas::liilas::liilas:
|
تسلمين على البارت الرائع اممممممم توفعاتي... فهد ما راح يخلي شهد على كيفها واكيد بوققها عند حدها ياربي ابي اشوفها اشوي رومانسيه ولو بالغلط من شهد بس فهد حركه حلوه اللي سواها :بشهد55: اتوقع ان فهد عنده مفتاح الغرفه وراح يشيل شهد ويوديها غرفتها وتنصدم لمن تقوم:dancingmonkeyff8:احسن عشان ويها يطلع الوان منحرجه بس ودري نعرف شنو بداخلها لفهد الخوف من انها تسلم نفسها له و تحمل الحب او بس العناد والاس اليابس ويعطيج ربي العافيه على القصه |
واااااااااااااااااااااااااو :55:
وجااان إييي الخميس بسرعه :dancingmonkeyff8: والله كسر خااطري يوم فرت عليه الصينيه وشيء ثااني يعني نحنا ألحين نتمنى :f63: إنحصل واااحد فيه نص من صفات فهوووود والله لو شيء على طوول بقووول موااافقه ...I ACCEPT ..كبووول ماشي وون تو ع طوول بقول له مابي عرس ..انت إتكفي <<--- أمزح كل شيء ولا العرس فرص عمر ما تتكرر مرتييين وياااارب ترزقني بوااحد مثل فهــــد آميين يارب آمييين:f63: ماأقدر أتوقع .. خليني باأكشني إللي في مخيخي تسلمييين خيتو عذووب ع التكمله الحلوه ^___^ |
سلام أختي عذبة التجريح
حبيت أقولك ان القصه مشوقه وأحداثها حلوه شكرااااااااااااا عذبة التجريح على البارت الرائع |
السلام عليكم ورحمة الله وبركاته .. قصه رائعه!انا متابعه جديده للقصه يعطيك العافيه اختي موضوع جديد غير عن القصص المعتاده ..اسلوبك ممتع مررره بنتظارك ..
|
ماني مادحة البارت
لان ولا كلمة تقدر تعطيه حقه وخلي الي بالقلب بالقلب<<مادري وين سامتعها فهد وااااااااااي اول شي ومثل ما قالو ذبت آآآآآآآآآآه شحلاته فهود وشحلاة رومانسيته يا رب يكون شاهين رومانسي نفسه وما اتوقع يسكت على فعايل شهد شهد مسكينة صج موقف محرج انا الي ما جفته وبس قريته ذبــــــــــــــــــــــــــــــــــت شلون اهي امبييييييييييييييييه احراج اتوقع ان فهد يطلع لغرفة ويشوفها مو موجودة ويسال الخدامة والخدامة تقوله بعدين اهو يروح لها ويطق الباب بس اهي ماترد لانها نايمة بس بعدين بتقوم وتفتح الباب ومادي شبصير بعدين شاهين حبيبي جنك طولت متى بتيي وتخطبني<<<اول مرة اجوف بنت تخطب الريال شهد وتزوجت ومافي احد تنطره يللا تعال انا ناطرتك وبليز تعلم الرومانسية من فهد وطبقها علي<<<ادري طرار ويتشرط بس شسوي من قريت اول شي فصلت تقبلي مروري |
احلا احلا :55::55::55::55::55::55:جذي الاكشن ولا بلاش:dancingmonkeyff8: اوووووه عذوبه سوري:f63: نسيت اسلم عليج اشلونج حياتي شخبارج :flowers2:حلو البارت:55: اييييي جذي خلي في البارت روح واكشن :party0033:معن مسجين فهود كسر خاطري اتدمر عدل بالاكل بس ماعليه راح يطلعه من عينها في البارت الياي ( مجرمه صح ):party0033: لا والله مو قصدي بس احب ان القصه الي اقراها ان يكون فيها روح التحدي والتشويق بس عشان اتحمس في القرايه وانطر البارت بفارغ الصبر واخيرا تسلم ايدج يا الغلا واحلى بوسه مني لج :hR604426::hR604426::0041::hR604426::hR604426: |
السلام عليكم ورحمة الله وبركاته كيف حالكم أخوتي وأخواتي الأعضاء المحترمين.. أود الأعتذار عن انشغالي بالأسبوع الماضي بسبب ظروف قاهرة تحكمني.. وللأسف مازالت.. ولكن كلمتي معكم والتزامي يمنعني أن أغيب أكثر عنكم.. والسموحة منكم إن صدر أي تقصير بحقكم.. وأود أن أقدم كل الشكر والامنتان لأختي الحبيبة اقــــــــــــــــــــــــــــدار على سعة صدرها معي ومع الجميع.. وتعاونها الدائم معنا وخصوصا معي وعلى تشجيعها لي بالاستمرار بالكتابة.. وهذا من طيب اصلها ومعدنها الذهب.. بارك الله فيك يالغالية على الجهود اللي تبذلينها من أجلنا ووفقك الله وجعل الخير بدربك دائما وأبدا وكما أود أن أشكر كم من وقف معي بالدعاء والسؤال باركك الله جميعاً ويسر لكم جميع أموركم وفرج عنكم جميع كربكم وهمومكم وجعل السعادة والفرح طول عمركم وماتفارقكم اللهم آمين أختكم ومحبتكم عذبة التجريح :flowers2: |
البارت دقايق وبينزل واللي أبي منكم السموحة على التأخير اللي صدر مني بسبب الظروف واللي وللأسف مازالت مستمرة معي.. ولهذا أرجو منكم المعذرة على عدم الرد على تواصلكم معي ولكن لي عودة بالردود عليكم وبأختصار والسموحة مرة ثانية منكم وربي يسعدكم ويسلم لكم كل غالي أختكم ومحبتكم عذبة التجريح :flowers2: |
تذكير بما حصل بنهاية الجزء السابق وبعد صلاة العشاء.. وبعد ماخلصت شهد من صلاتها ودعائها.. كانت بحالة قريبة من الأنهيار.. بس كانت تحاول قد ماتقدر تتماسك.. البست نفنوف وايد حلو بلون ابيض أوف وايت وداخل معاه اللون الذهبي المطفي على هيئة شريطة تطلع من قصة الصدر وتنزل على طول النفنوف.. ومن تحته خلتهم منى يفصلون له تنورة من الجيبون الخفيف والغير منفوش لأن الخامة طايحة وبالأساس كان النفنوف من تصميم زهير مراد وعاري.. بس منى كلمت صاحبة البوتيك عشان يركبون له جموم طويلة مع شال يستر عشان شهد.. منى وشهد سبحان الله بنفس الطول والحجم بس منى اشوي اترس من شهد.. وكانت بدلة السهرة على بساطتها بس روعة وانيقة.. واختلطت روعة البدلة بجمال ونعومة وجاذبية شهد والكلمة قليلة عليها لأنها اللي يشوفها غصبن عنه يسمي ويكبر عليها.. وقامت منى قرت عليها وعطرتها وبخرتها.. ونزلوها البنات تحت مثل الأميرة مصحوبة على صوت اليباب.. وشهد إلى الآن ماهي حاسه بأي شعور غير التعب والخدار بكل جسمها يسري حتى عقلها وفكرها كان خدران.. وكانوا كل أهلها مجتمعين عندهم اليوم.. وسوا لها حفلة صغيرة جداً لأنها رافضة بتاتاً أي حفلة وعرس بهاليوم.. والكل كان مستانس بس مو الوناسة اللي هيه.. لأنهم كان بخاطرهم يفرحون بشهد ويحتفلون بعرسها بأكبر الصالات والقاعات.. لكن هي اللي رافضة وماتبي أي شي من البهرجة ولفت الأنظار.. وحتى المصورة ارفضت انها تاخذ لها لقطات مع فهد.. ومنى انقهرت وراحت كلمت خالد وطلال علشان يتدخلون بهالموضوع ويقنعونها.. وفعلاً حاولوا فيها وخالد اقنعها علشان خاطر امه اللي ماحضرت لأنها اتعبت على آخر لحظة وخالد قالها تتم في البيت مع فدوى وماتطلع لين ايي فهد ويفحصها.. وهني شهد وافقت بعد ماهددت المصورة بعدم وضعها بمواقف أو لقطات رومانسية مع فهد.. وبعد ماتصورت شهد مع فهد بمشاركت جميع اهلها واخوانها.. دخلوا شهد مع فهد لغرفة كانت المصورة مجهزة فيها العدة واللقطات اللي بتاخذهم.. وكل ماحاولت تقول لهم عن لقطة رومانسية كانت شهد تفتح عينها بتهديد على المصورة.. وفهد لاحظ حركة التهديد من شهد فحب يقهرها وقام أهوه اللي يتلها ويطلع لقطات رومانسية والمصورة استانست وقامت تاخذ لهم اللقطات.. هههههههههههههه والله وفهد اطلعت عليه حركات ماصارت ولااستوت.. وآخر شي قام شال شهد بطريقة رومانسية وهوه مقرب ويهها منه ويطالع فيها وشهد من الخوف قامت تطالع فيه.. وكانت احلى واروع لقطة اخذتها المصورة.. بعد اللمة القوية اللي لمها فهد فيها من وراها وحاوطها بإيدينه ونزل راسه وكأنه بيبوسها على رقبتها.. وشهد كانت مثل اللعبة اللي تتشكل بكل سهولة بين ايدينه.. وصارت لقطاتهم أغلبها قمة في الروعة.. وبعد ماخلصوا التصوير ردوا عند الأهل وكملوا الأحتفال وشهد الأرهاق والتعب أخذ منها كل قوتها وطاقتها.. ويت اللحظة الحاسمة واللي لازم تروح فيها مع زوجها لبيتها اليديد.. وكانت مجهزه جنطة فيها بيجاماتها وبعض الملابس لها.. حطوها بسيارة فهد.. واطلعت من بيت ابوها مودعينها بالدموع واليباب والصياح من ام خليفة على فرقى بنتها.......... واركبت شهد السيارة مع فهد.. ومع ان البيت يم البيت بس بالفريج ( الحارة ) الثاني.. إلا والخوف سيطر على شهد بهاللحظة وكانت طول الوقت وكأن عقلها غايب عن المشاعر والأحاسيس.. بس الحين من شافت نفسها واعرفت إنها ماشية بطريق اللي يودي لبيت فهد.. وأهي ماتعرف شالمصير اللي منتظرها.. سيطر على شهد الخوف والتعب ماخذ منها كل قوتها.. وبالسيارة كان الهدوء مسيطر على الأجواء.. وكسر فهد هذا الهدوء بعد ماطل بوجهه شهد وشاف الرعب والخوف بعيونها.. وحب يطمنها.. فهد بصوت حنون : شهودة حبيبتي اشفيج..؟؟ شهد بعصبية ولكن بصوت واطي ردت باقتضاب : مافيني شي.. فهد : انزين علامج خايفة..؟؟ شهد بتحدي ومكابرة : ماني خايفة.. فهد : شهد حطي في بالج إني لايمكن في يوم أأذيج أو أضرج بشي.. وانتي الحين زوجتي وكل دنيتي والله يقدرني واسعدج.. شهد عقلها بوادي ثاني.. وماكانت تسمع فهد شيقول لها من الخوف والتعب.. شهد : .............................. ...................................... ..................................... وصلوا البيت ونزلوا ونزل فهد جنطة شهد وعطاها الخدامة وقالها توديها لجناحه وتوصل شهد وتدليها على الغرفة.. لأنه بيروح بالأول عند امه يفحصها ويتطمن عليها وعقب بيصعد فوق ويلحقها.. ومنها يعطي شهد فرصة تكون بروحها عشان تتأقلم على المكان وتاخذ راحتها وتبدل ملابسها.. شهد راحت منصاعة مع الخدامة اللي وصلتها لجناح فهد.. وحطت جنطتها بغرفة النوم.. ومن شافت شهد السرير الكبير.. وبطنها قام يعورها وزادت ضربات قلبها من الخوف وبلاعيمها جفت.. وقالت للخدامة تشيل الجنطة وتنقلها للغرفة الثانية.. والخدامة اوقفت مبطلة عيونها مستغربة من طلب شهد ومترددة.. وشهد عطتها أمر واضح وصارم.. فقامت الخدامة بكل خضوع وشالت الجنطة وودتها للغرفة الثانية اللي اختارتها شهد وكانت بنفس الدور.. ونزلت الخدامة الجنطة واطلعت على أوامر شهد.. شهد أول مرة تدخل لبيت فهد واهي بالأساس ماتعرف أماكن الغرف والصالات ولا أي شي عن نظام الغرف والبيت.. وأهم شي عندها إنها أختارت لنفسها غرفة بعيدة عن جناح فهد.. وقامت سيده ناحية الباب وقفلته بالمفتاح قفلتين علشان تطمن.. وافصخت عباتها وبدلت ثيابها ونفنوفها كان بسيط وناعم وبسهولة ينفصخ مو مثل بدلة الملجة اللي كلها زراير من الظهر.. وقامت شهد دشت الحمام وانتوا بكرامة وتغسلت ونظفت وجهها من المكياج.. ومن زود التعب والأرهاق اللي فيها اجلت الشاور وترتيب ثيابها اللي رمتهم على الأرض ليما تقعد من النوم لأنها ماهي قادره تستحمل تفتح عيونها أكثر من جذي.. وشهد ماكانت ملاحظه أو تفكر بأي شي غريب غير إنها تخلص من تنظيف ويهها من المكياج الثقيل واللي كرهته وقعدت فترة على ماتشيلة تبي تخلص ابسرعة وتحط راسها وتنام.. وبس اخلصت سيــده دشت الفراش ونامت.. إلا راحت بسبات عميـــــــق جداً ومن شدة التعب كانت تحس وكأنها طــايحة من مكان عالــــي..!! : : : : : : : : الجــــ( 13 )ــــزء بعد أكثر من نصف ساعة صعد فهد فوق بعد ماتطمن على امه دخل لجناحه.. والجناح كان يشبه إلى حدً ما من غرفة شهد مع فارق بسيط واهو اول مايدخل على صالة صغيرة فيها ثلاث قنفات وحدة بونفرين وثنتين بونفر.. وفيها تلفزيون كبير وستيريو وكرسي للأسترخاء طويل وثلاجة صغيرة.. وبعدين في باب ثاني متصل بالصالة يودي لغرفة النوم الكبيرة واللي فيها سرير كبير وكومودينتين وميز تواليت كبير ( تسريحة ).. وصوفا طويلة للأسترخاء وكانت بمنتهى الروعة والجمال والأناقة.. ومتصل بالداخل في باب لغرفة الملابس واللي تحوي على عدد كبير من الكبتات ( خزانات الملابس ) والأدراج.. ومن غرفة الملابس يوجد باب للحمام ونتوا بكرامة.. يعني تقريبا نفس تصميم غرفة شهد بس بدون الصالة.. دش فهد الغرفة وقام يدور على شهد وماشافها لا بالصالة ولا بالغرفة النوم ولا بغرفة تبديل الملابس وحتى مو بالحمام.. واستغرب الوضع وين راحت شهد بهالحزة..!! دق من بدالة الإنتركم على الخدامة علشان اتيي واصعدت له سيده وسألها عن شهد.. فقالتله بكل اللي صار.. وراح للغرفة اللي دخلتها شهد وحاول يفتح الباب بس كان مقفول.. وانعفس وجهه وعصب واشلون نسى سالفة مفاتيح البيبان كان لازم يشيلهم من الأساس بس هيــن ياشهد.. وبعد حيرة وتفكير تذكر إن نظام هالغرفة متصلة مع الغرفة الثانية بالحمام.. يعني حمام مشترك بين الغرفتين من الداخل ولكن من المحتمل إن شهد تكون قافلة باب الحمام من الداخل اللي يوصل للغرفة الثانية.. وطلب من الخدامة تنتظره وراح للغرفة الثانية وكان يدعي بقلبه بأن شهد ماتكون قافلة باب الحمام المؤدي للغرفة الثانية من داخل.. وفرح بعد ماشاف إن الباب ماكان مقفول.. فتح الباب الحمام الموصل للغرفة اللي نايمة فيها بكل هدوء ودخل الغرفة بدون مايطلع أي صوت.. وعلى ليت الأبجورة الواطي شاف شهد نايمة وكانت بدلتها مرمية على الأرض.. وجنطة ثيابها الصغيرة على الأرض ومفتوحه.. وراح صوب السرير يطل عليها ويتأكد وشافها غاطة بنوم عميق.. فتح باب الغرفة بكل هدوء وقال للخدامة ترفع الجنطة والثياب بدون صوت وتنقلهم لغرفته حالاً.. واهو راح صوب شهد مسك ايدها علشان يلف جسمها ويقدر يشيلها.. شاف ان جسمها حار اشوية استغرب وقام حط ايده على راسها وهمن لقاه فيه حرارة.. شالها بسرعة ونقلها لغرفته ونزلها على الجانب الأيسر من السرير.. وراح ياب جنطة الفحص وقام يفحصها.. وشاف ان عندها حراره بسيطة.. وماكان يقدر يكمل الفحص عشان مايقعدها من النوم.. فتركها تنام وترتاح لأن شكلها يبين إنها تعبانه وماكانت نايمة.. وشهد متعودة تنام على جنبها اليمين.. فقامت وقلبت وكانت بلاشعور تحاول تتحسس المخدة الثانية واللي متعودة انها تلمها وتحط راسها عليها.. وابتسم فهد يوم شاف حركتها وقام دنق عليها وسحب المخدة من الصوب الثاني وحطها لها وضبط مكانها علشان تنام براحتها.. وبس اخلصت الخدامة من فض الثياب وترتيبها في الكبت والأدراج صرفها فهد وانزلت.. وتم فهد يناظر في اللي نايمة على سريره واللي المفروض تكون الحين بين ايدينه.. بس يالله اليوم بعديها لج ياشهد.. اخذ فهد شور سريع وبدل ثيابه وراح للجهة الثانية من السرير ودش تحت اللحاف يم شهد وعلى يمينها.. كان نص منسدح ساند جسمه ابكوعه اليسار وساند راسه على ايده.. وقعد يتأملها فترة ويمسح على راسها وشعرها واهيه بعالم ثاني من الأحلام.. وبعدين طلع له كتاب وقعد يقرأ فيه علي وعسى يصرف تفكيرة عن محبوبته المتمردة واللي نايمة يمه وعلى بعد شبرين.. بعد ساعة من قرأة فهد للكتاب حطه على جنب.. ورد يتأمل شهد مد إيده يمسح على راسها وإلا ويلاحظ إن الحرارتها ارتفعت وخدودها كانت حمره من الحراره..!! وفز من مكانه سيده وقام قاس لها الحرارة ولقاها مرتفعة من 38 إلى 39.5 استغرب.. قام وسوالها كمادات باردة لمدة نصف ساعة وعطاها ابره تنزل الحرارة.. وتم اشوية وإلا يشوفها قامت ترجف وتهذي بالنوم.. وسمعها تنادي أمها نورة الله يرحمها وأخوها مشاري.. وبعدين قامت تنادي عصام.... هااااااا عصــــــــام وسمعها تهذي وتقول : لاااا حرام عليك انا بريئة لااااا تقول عني جذي.. خالتي صدقيني انا ماسويت شي عصام يجذب.. عصام اهو اللي.......... وراحت ترجف بشكل فضيع.. قام داس على قلبه والقهر ماكله وقاس الحرارة وشافها طلعت على 40 وشرطة وهذا الشي خطر موزين.. ودخل الحمام وانتوا بكرامة وبسرعة ترس البانيو بماي بارد وقام يحاول يرفع شعر شهد ويثبته لها بمشبك ونزع عنها ثيابها ونزلها بالبانيو عشان يبرد جسمها بالماي البارد.. وقام يمسح على ويهها بالفوطة مبللة بالماي البارد علشان يخفض حرارتها وتمت 10 دقايق ورفعها بعد مانزلت درجة الحرارة.. لفها بالفوطة وردها بالسرير.. وقام ينشف لها جسمها واهو قلبه يعوره من شاف ايدها المبتوره.. والتشوهات الي بجسمها من بعد الحادث ومن آثار العمليات.. لبسها ملابسها وتم يقيس لها الحرارة كل شوي علشان يتأكد بأن الحرارة مارجعت لها.. وبعد خمس ساعات من الملاحظة المستمرة والسهر على شهد ويتخللها تفكيره بالكلام اللي كانت تهذي فيه عن عصام وشكله كان متهمها بشي لأنها كانت تقول بأنها بريئة.. وعلى هالمنوال تم فهد لين اذن الفجر.. قام توضا وصلى في البيت لأنه ماقدر يروح المسجد والصلاة قامت وراح تخلص على مايوصل.. بعد مافرغ من الصلاة نزل فهد يتطمن على امه.. ولقاها قاعدة تصلي الفجر.. ونطرها لين خلصت وقام راح لها يسولف معاها شوية ويفحصها.. ويخبرها بللي استوى على شهد من الحرارة والتعب بس ماخبرها بللي كانت تهذي فيه.. خلص من امه وأستئذن منها عشان يصعد وينام.. صعد للغرفة ورد فحص شهد وتطمن عليها.. وتوجهه لناحية اليمين من السرير وتم يطالع شهد وقلبه يحرقه وبخاطره يدخل لعقل شهد ويعرف بشنو كانت تهذي وليش يابت سيرة الحقير عصام ولد خالتها..!! وحط راسه ونام من بعد ماحط اجهزة الموبايل اللي حقه وحق شهد على الصامت.. عشان محد يأذيهم من الصبح.. : : : : يوم الجمعة 12 / 3 /2004 صحى فهد من نومه وهوه شبعان قبل أذان الظهر بفترة.. قام تشيك على شهد وتطمن عليها.. ودخل ياخذ له شور سريع وبدل ولبس دشداشته وشماغه ونزل يتطمن على امه.. ولقاها مجهزتله المبخر ودهن العود.. تطيب وتبخر وطلع المسيد لصلاة الجمعة.. والتقى من بعد الصلاة بعمه بوخليفة وشاهين مع عبدالله وبوحمد في المسيد.. سلم عليهم وخبرهم عن شهد ومرضها.. وطمنهم عليها عشان مايحاتونها.. واستئذن وطلع من المسيد ودق على طلال وقاله إنه يبيه ضروري وبيمره الحين.. وراح لطلال بعد ماسلم عليه طلال وقعد يطفر فيه لأن مافي معرس يهد مرته ويزور رفيجه وولد عمه إلا إذا في شي جايد.. وقعد يسولف معاه ويسأله عن فعايل عصام وأمه اللي كانت تهذي فيه شهد.. انصدم طلال بللي اسمعه من فهد وطلع طلال ماعنده خبر بأي شي من اللي تهذي فيه شهد وحتى ابوه وكل أخوانه محد عنده خبر..!! ورجع فهد لبيته ومئات الأسئلة والأستفسارات تدور براسه عن اللي استوى لشهد مع عصام..!! وصل فهد لبيته وراح عند امه واللي توها خالصة من قرايت سورة الكهف وقاعده تسبح بأصابعها.. تركها فهد عشان يغير ثيابه ويرد ينزل لها.. وصعد لغرفته وشاف شهد مازالت نايمة.. ورد فحصها وشاف إن الحرارة اشوية ردت مرتفعة.. وقام بسرعة وعمل اللازم وطببها قبل لاترتفع الحرارة مثل البارحة عليها.. وبعد ماتطمن عليها نزل عند امه.. وتطمن عليها وتغدى وياها وحاول يفتح الموضوع بطريقة ماتثير أمه.. فهد بصوت واطي : يُمه بقيت أسألج عن شهد أيام ماكانت خطيبة عصام.. صار خلاف أو أي شي بين شهد وعصام قبل الحادث..!! أم فهد وعلامات الأستغراب على ويهها من ذكر فهد لسوالف دار عليها الزمن.. وابلعت ريجها وحاولت تداري بعيونها عن ولدها وتلهي نفسها بشي ثاني.. وقالت بصوت خلته يكون طبيعي قد ماتقدر : لا على حسب علمي أنهم كانوا عادي.. بس اللي أذكره إنه عصام وأمه بعد ماكمل عصام دراسته ورجع من الخارج.. وكان مسويها مفاجأة ومحد كان يدري بأنه خلص دراسته.. وبس وصل كلم شهد وكان يبي يعرس عليها خلال اسبوعين من ردته وشهد كانت رافضة.. حتى أبوها وأخوانها.. وتموا على هذا المنوال يمكن شهرين وبعدين صار الحادث.. فهد : قال طلال هالحجي كله.. بس اللي بعرفه عصام شلون قدر يقنع عمي بزواجه من شهد.. وشهد اشلون وافقت عليه وخذته..!! أم فهد : والله ياوليدي انا اللي اذكره من استشهد سلمان رحمة الله عليه.. ومن بعد التحرير وعصام كله لازق فبيت عمك.. ونورية دوم عندهم وزادت العلاقة أكثر وتقرب فيها عصام من شهد عقب وفاة مشاري الله يرحمه.. اهني كان دوم فبيتهم وفجأة طلب إيدها من أبوها.. وعمك رفض بالأول بس نورية تعرفها الله يهديها لسانها محد يقدر عليه.. وطاحت حنة وزنة براس عمك ومرت عمك نورة الله يرحمها لين وافقوا.. بس كانوا متخوفين لأن عصام معروف عنه لعاب وراعي سوالف بطالية.. استغفر الله العظيم.. فهد والحرة بقلبه وقال : وشهد اشلون وافقت عليه.. مع إنها لي من ولادتها وهي محجوزة لي.. واهي كانت متعلقة فيني وايد وتحبني..!! أم فهد بحزن : ويــهه يافهد رديت علي الماضي ياوليدي.. إنت ماتدري عن انهيار شهد عقب سفرك.. لأنا غبينا ( خبأنا ) عليك وقلنا شهد ياهل وكلها فترة وبتنسى وترد طبيعية.. وتمت المسكينة تسأل عنك وتبجي عليك يمكن قريب السنة.. لين سافروا بيت عمك سويسرا ذيك السنة ومن عقبها نست أو تناست الله العالم.. بس من ردت من السفر انعزلت وماردت ذيك الشهد الأولية اللي دومها حركة ونشاط وناشبة ( متمسكة ) فيك وبطلال طول الوقت.. مير إنها طول الوقت تلعب بلولو العروسة اللي يبتها لها قبل لاتسافر.. وكبرت البنت لين ماتوفى أبوك رحمة الله عليه واهي زعلت وايد لأن ابوك من بعد سفرك كان ياخذ شهد دوم عنده وكان يدلعها ومايرضى عليها بالزعل.. وعقب صار الغزو واستشهد سلمان رحمة الله عليه.. وزادت أحزانها.. ومن اهني نورية الّزِقَتْ فبيت عمك.. وعصام دوم معاها وتموا على هالحال لين ماتوفى مشاري الله يرحمه.. واهني شهد صارت كتلة من الحزن.. والظاهر عصام قام يتقرب منها أكثر وأكثر لين خلاها تميل له.. وطلبها بعد سنة من وفاة مشاري.. أول شي كل أخوانها وعمك عارضوا وماهم بموافقين.. بس شهد اعترضت وقالت إنها حياتها واهي موافقة.. وأذكر طلال قالها عنك وذكرها بس أهي مااهتمت.. لأنها افقدت ثقتها فيك وهذا كله من أبوك الله يرحمه ويغفر له.. اللي ماخلانا نعطيك خبر عنها عشان ماتهد الدراسة وترد لها.. وشهد ملت من الوضع لين صار اللي صار.. فهد والألم بقلبه والحسرة على مافات.. وبصوت واطي قال : إنزين يُمه واشلون تم عصام مالج عليها كل هالفترة وبدون زواج..!! أم فهد تتنهد وتقول : عصام بس ملج عليها وراح يكمل دراسته بفرنسا.. وكان على اتصال معاها طول الوقت.. ويزورها كل ماحصلت له المناسبة.. واهم بعد كانوا يسافرون له هناك بعض المرات.. فهد والنار تسعر في يوفه وكان بخاطره يذبح عصام وأمه وينهيهم من الوجود.. ولكن حاول إنه يهدي نفسه.. واستنتج بأن هذيان شهد كان من رواسب عقلها الباطن.. وكان شبه متأكد إن فيه مشكلة كبيرة مابين شهد وعصام بس شهد من النوع الكتوم اللي مايطلع اسرار بيته حتى لأهله.. واستئذن فهد من أمه لأن شهد ليمن الحين تعبانة.. وطبعاً امه بدون مايتكلم سامحتله لأنها كانت تحاتي شهد وتبي تطمن عليها.. صحت شهد من نومها بعد العصر.. وقامت مستغربة من المكان الله اهيه فيه.. وتذكرت بللي صار لها البارحة لأنها كانت مابين الحلم واليقظة من الحرارة.. وكانت كأنها شافت وشلون فهد كان يحتويها بكل رعاية.. وحست بالضيقة والأحراج من تذكرت ان فهد كان يبدل لها ملابسها.. يعني بالتأكيد شاف إيدها المبتورة وآثار الجروح اللي بجسمها.. يـاالله ماهي قادرة تفكر بأن فهد أكيد حس بالقرف من منظر اليد المبتورة وآثار جروحها العميقة أو يكون يشعر بالشفقة ناحيتها وهذا الشعور يقتلها.. وحاولت تطرد جميع الأفكار من راسها وجففت دموعها وقامت سيده تدور بالجناح لين لقت الحمام وانتوا بكرامة.. دخلت وتوضت وصلت كل اللي طافها مع العصر وطلعت من الجناح بكل حذر مع انها مازالت تعبانة بس تبي تتأكد من الغرفة اللي كانت نايمة فيها.. وراحت وشافت باب الغرفة مقفول.. واستغربت وحاولت بالغرف الثانية وشافت جميع الغرف بيبانها مقفوله ومالها مفاتيح.. وعرفت ان فهد قفل جميع الغرف عشان ماتكرر اللي سوته البارحة.. ودشت مرة ثانية للجناح وحبت تتأكد.. ونفس الشي بس البيبان امبطله ولكن ماعليها مفاتيح علشان تنقفل.. يعني طاحت بالمصيدة............ ردت شهد وانسدحت على السرير منقهرة من اللي سواه فهد.. بس متى واشلون دخل عليها الغرفة اللي انحاشت لها واقفلت على نفسها الباب..!! واشلون اجبرها تكون معاه في نفس الغرفة ونفس السرير.. وشكله الظاهر بينفذ تهديده فيها بالقريب العاجل.. ومن خوفها لأنها اسمعت صوت احد يدخل من باب الجناح.. سوت روحها نايمة.. ودخل فهد الغرفة بعد مارجع من صلاة العصر بالمسيد.. وطل على شهد وشافها مغمضة عيونها وابتسم.. دخل يبدل ملابسه ورد قعد يسارها على السرير وقام يتقرب منها لأنه عارف انها قاعدة وصلت فرضها بعد.. من السيادة والثوب اللي نست تشيلهم وتحطهم بالدرج.. ابتسم فهد لحركاتها الطفولية وقام يمسح على راسها ويقول لها بصوت واطي وناعم : اشلونها العروسة المنحاشة الحين...............؟؟ الله ياهي جبانه هالعروسة حتى المواجهه ما اقدرت عليها من الخوف..!! شهد مكملة تمثيلية النوم على عماها.. وتمت مسوية روحها نايمة.. شهد : ......................... ................................ ................................ فهد قرب شفايفة من اذنها وهمس لها : شكلج تحبين القصص اللي كنتي تسمعينها وانتي ياهل.. وودج تمثلين دور الأميرة النائمة.. ( وقام لف جسمها عشان تصير نايمة على ظهرها وحط ايده اليمين تحت كتوفها ورفعها وقربها من صدره وكمل ورفع راسها بأيده اليسار وقال بكل مكر ) : وأنا بعد أحب هالقصة وايد.. والحين انا الأمير اللي بينقذ الأميرة من النوم الطويل ويخليها تصحى....... ( وهو يكلمها كان يقربها اكثر واكثر ).. وفجأة شهد من خوفها حاولت تلف راسها لجهت اليمين بعيد عن ويهه فهد بس إيده كانت ماسكة راسها وماقدرت.. فلفت راسها على جهة اليسار وخشت ويهها بصدر فهد بعيد عن ويهه.. وفهد لمها بشدة على صدره و ضحك من كل قلبه على حركتها وقال : ههاههاههاههاههاههاههاههاههاههاههاهها هههههههههههههههههههههههههههههههههههههههههه.. يالجبانة إذا ماكنتي قد الحركة والتمثيلة هذي شحقه تسوينها..؟؟ شهد تمت ساكته ومغمضه عيونها وماهي قادرة تنحاش من بين ايدينه لأنه ماسكها ومطوقها عدل.. والأحراج ماكل وجهها من الفشيلة كل ماتذكرت باللي صار البارحة.. شهد : ................................. ......................................... ......................................... فهد باس شهد على راسها وحس شوية بدفا جلدها بس مو حار من السخونه لاااا كان حار ومولع من الوضع اللي كانت فيه واحراجها منه.. وقام نزلها على المخدة وقال لها بصوت ناعم وحنون : الحين بيبون الأكل ولازم تاكلين عدل وإلااااااااااااااااااااا........!! ( طبعا هالتهديد ذكره باللي صار له فبيت عمه من جمن يوم لما هددها بالأنبوب البلاستيكي علشان يدخله عن طريق البلاعيم ويدخلون فيه الأكل لمعدتها بالغصب.. واشلون لما اقلبت عليه صينية الأكل.. وابتسم من هالذكرى وتذكر يوم كانت مع منى وتهدد بأنها راح تصنه ( تضربه ) بالصينية على راسه إذا ياب لها سيرة الأنابيب هالمرة ).. وضحك ابصوت عالي من تذكر كل الجدل اللي صار معاها.. ههاههاههاههاهههههههههههههههههههههههههههههههههههه.. واللي انقذ شهد من هالموقف والأحراج وصول الأكل للجناح.. والحمد لله كان الأكل شوربة خضار مع سلطة وسندويتشات جبنة ولبنة وعصير برتقال تازة ( طازج ، فرش ).. وهذا الشي تحبه.. واقبلت على الأكل بدون مناقشة.. وكلت لها على قد معدتها.. بس فهد ماخلاها واكلها زود غصبن عنها.. وشهد كانت تطاوعه من الخوف وماهي قادرة ترفض او تعترض.. مع إن بلاعيمها كانت تعورها مع الأكل.. ولاحظها فهد لما تبلع الأكل كانت تتألم.. وبس تخلص من الأكل بيرد ويفحصها عدل.. ههههههههههههههههههههههههه.. من بعد الدلال في بيت ابوها ياها فهد ويغصبها على الأكل.. والله وطلعت حمش يافهد وقدرت تخوفها منك هالمتمردة.. فهد بتهديد ولكن بصوت ناعم : كملي الشوربة كلها اشوف.. ولاتخلين منها شي.. شهد وابصوت واطي وعيونها إلى الآن مايت بعين فهد من الأحراج والخوف : لااااا ما اقدر معدتي راح تنفجر من الأكل.. فهد : لااا لاتخافين ماراح تنفجر.. والشوربة بتكملينها وتقزرين ( تتصبرين ) فيها لين موعد العشا.. شهد وطلعت عيونها من الخوف.. وطالعت فهد بنظرة سريعة وبسرعة شالت عينها من عينه واهي تقول بصدمة : فيه اكل بعد غير هذا..؟؟؟؟؟؟ فهد بستهزاء : إيـــه عيل شعلى بالج وجبة وحدة في اليوم.. وتكون بطاط.. ( وكمل بصوت أعلى شوية ولكن بجدية ) : لااااا اهني بتاكلين جميع الوجبات وبدون أي اعتراض.. شهد ورجع لسانها الطويل يسيطر عليها.. وبصوت مبحوح من الألم اللي فبلاعيمها.. بس تكابر الألم وتبدي امتعاضها من الوضع : إيــه هيــن بالعيــد.. والأكل اللي اكلته الحين بس كافي وماراح اقدر آكل شي عقبه لين باجر الغدا.. فهد بنفس الاستهزاء : هههههههههههه.. يحليلج يالمسكينة.. علبالج بخليج تدلعين بالأكل مثل ماكنتي تدلعين على ابوج واخوانج.. ( اصدر صوت جكجكة من شفايفة علامة الرفض وكمل وقال بتحدي ) : حامض على بوزج يالقطوة.. اهني بتاكلين غصبن عليج.. وان رفضتي أو اعترضتي لي طرقي الخاصة اللي اخليج تاكلين فيهم بالغصب.. ( وكان يطالعها بكل مكر والأبتسامة على شفايفة ).. شهد عصبت وارفعت عينها بعينه وقالت بقهر : صج انك مغرور ودكتاتور.. والناس مالهم رأي عندك..؟؟ فهد وابتسامة كسولة على شفايفة : انا مالي شغل بالناس.. انا شغلي معاج انتي وبس.. ( ورفع ايده يمسح على خدها بكل حنان وعيونه تلمع ).. شافته شهد وحست بالإحراج من نظرته لها.. وتمت ساكته ومنزلة عينها لأنها تدري ماراح تقدر تغلبه بالحجي.. وحتى ماراح تقدر تغلبه بأي شي من قوته..........!!!!!!!!!!!!!!!!!!!!!!!!!! فكرت شهد من الأفضل لها بأنها تجاري فهد بهالأيام على ماتشفى وتصير زينه وبعدين تبدي تشن عليه هجومها وتحاربه.. فهد من كثر مايعرف شهد واشلون تفكيرها وبشنو تفكر.. لأنها ماتعرف تخبي تعابيرها ومشاعرها.. ويهها بالنسبة له مثل الصفحة المكشوفة يقدر يقراها بدون تعب ويحلل كل تعابيرها ومشاعرها.. وعيونها آآآآآخخخخخخخ ذباحه تأسر قلبه بنظراتها وتزيده لهب.. وفهد بقرارة نفسه كان معطيها الأمان في هذي الأيام تاخذ فيها راحتها وتتم على هواها بس على ماتقوى صحتها وبعدين مالها مفر منه.. واااايــــي الله يستر من هالفهد وكأنه أسد يلاعب ضحيته ويتركها لين تتعب وينقض عليهاااااااااا.. : : : : يـتـبــــــــــــع |
يوم الأحد 14 / 3 / 2004 يوم الأحد بعد ثالث يوم من الزواج صحت شهد من النوم على الساعة 8 الصبح وكانت تحس بالنشاط والحيوية من بعد المرض.. خذت لها دوش وبدلت ونزلت تحت تشوف خالتها منيرة.. لأنها من دخلت البيت عندهم واهي مريضة ودوم نايمة وان صحت ماكانت تنزل عشان لاتعدي خالتها.. لأن صحتها ضعيفة وبسرعة تلقط العدوى.. نزلت شهد تحت بعد الحمام الدافي وماكان فهد موجود في البيت.. راحت شهد تستكشف البيت لين لقت غرفة خالتها وقامت تطل عليها وشافتها صاحية بس في الفراش.. وراحت لها سيده وباستها على راسها ولمتها لأنها من زمان موشايفتها وكانت ولهانه عليها موت.. وقعدت عندها تسولف وياها ليمن يابولها الريوق.. وشهد قالت لخالتها بأنها مو متعودة تتريق الصبح.. بس خالتها لزمت عليها علشان تنفتح نفسيتها على الأكل.. وفكرت شهد وقالت : انزين ان تبيني آكل معاج بشرط نطلع بالحديقة ناكل دام الجو حلو بره وماكو حر ولا برد والجو معتدل بهالأيام.. أم فهد بحماس : ويــــه ياشهد انا من زمان ماأدري عن الحديقة.. بس تدرين انج فتحتي نفسي على الأكل ياحبيبتي.. يلله نروح نتشمس ونتريق.. وليت فهد اهني يتريق معانا بعد.. طلع من الفير بعد مادقوا عليه يبونه في الشغل عنده.. مع إنه بإجازة بس راح يشوف ويتطمن على الأوضاع.. وبيرد إن شاء الله قريب.. ( أم فهد ماخذه حذرها بأنها ماتييب طاري المستشفى والعمليات جدام شهد عشان ماتخليها تنفر من فهد.. ومن ناحية ثانية عشان شهد ترتاح نفسيتها ).. شهد تغير الموضوع عن سيرة فهد اللي تييب لها عوار البطن : خلاص انا بقول لهم يودون الأكل برة بالحديقة.. وبيي آخذج واطلع معاج.. وراحت شهد تعطي الخدم الأوامر وترجع تودي خالتها أم فهد الحديقة علشان يتشمسون ويتريقون.. وكانت فدوى الممرضة من الساعة سبع الصبح بعد مافحصت أم فهد وقاست لها الضغط والسكر استئذنت من أم فهد بتطلع لشغلة ضرورية وماراح تتأخر.. وبعد نصف ساعة من جلستهم بالحديقة وكان الجو روعة.. وشهد طول الوقت تحاول إنها تباشر خالتها أم فهد.. وكانت بس تشرب الشاي بدون ماتقرب الأكل.. وفجأة طب عليهم فهد وعلى غفلة وكان منصدم ومستانس بنفس الوقت من شوفت امه بالحديقة بعد سنين طويلة ومع منو.. مع مرته.. راح لهم وسلم على امه وباس راسها وعيونه على شهد فرحان ليش شافها قاعدة مع امه في الحديقة وتوكلها.. فهد بصوت المتحمس من الفرح والإبتسامة شاقة ويهه من الوناسه : هااا أشوف الغالية طالعة اليوم بالحديقة واتشمس بهالجو الحلو.. مع إن مو من عوايدج يُمه.. وياما حاولنا فيج بس ترفضين..!! أم فهد والفرحه على ويهها بوصول نور عينها : والله هذي فكرة الغالية مرتك هي اشرطت علي إذا طلعت الحديقة تتريق معاي.. فهد وعيونه على كوب الشاي اللي بإيد شهد وترشف منه عشان ماتحط عينها بعينه.. وبستهزاء قالها : والله خوش ريوق شهد هانم.. هذا اللي اموصيج عليه..؟؟ شهد بإصرار متمسكة برايها : انت تدري إني مااتريق من الصبح فليش تلزم علي أغير من طبايعي وروتين حياتي..؟؟ فهد وشد على صوته وبتهديد : انا قلت لج اهني غير بيت ابوج.. يعني بتاكلين ثلاث وجبات باليوم.. ومن اليوم وطالع مافي وجبة وحده لااااااا... وإلاااا انفذ تهديدي فيج واوكلج غصبن عنج..!! شهد وجهها حمر من الغضب.. ووجهت كلامها لخالتها أم فهد بصوت المقهور عشان تخلي خالتها بصفها : شفتيه يُمه سمعتيه بإذنج شقاعد يقول واشبيسوي فيني..!! هذا على طول يهدد فيني إنه بيوكلني عن طريق الأنابيب مالته.. جني فار تجارب عنده..!! أم فهد تكلم ولدها بشدة شوي وعتاب : فهد يُمه اشفيك على مرتك.. وهذا انا موصيتك عليها وجذي تهدد فيها وجدامي بعد..!! فهد وعيونه على شهد يطالعها بتحدي.. ويرد على أمه بصوت واطي : يُمه هذي وحده ماتيي إلا بالعين الحمره مثل ماقال عمي بوخليفة.. وانتي شايفتها واشلون صايرة يلد على عظم.. وهي من دخلت بيتنا قولي لي جم وجبة عدلة كلتها..؟؟.. إنت تدرين إنها من يوم الخميس ليمن اليوم بس وجبتين ادخلوا في بطنها.. وان سكت عنها يايُمه راح تهمل حالها وماتاكل لين تجف مصارينها.. أم فهد اشتطت واهيه خايفة على شهد : لااااا يُمه ياشهد.. انتي ليش تسوين ابروحج جذيه..؟؟.. زوجج عنده حق ليمن يخاف عليج وانتي دومج صايمة عن الأكل.. وشوفي ويههج وشلون غادي..؟؟ وحتى عيونج ذابلة يُمه.. لاااا هذا حرام والله مايرضى بهالشي..!! شهد مشتطه تدافع عن نفسها : يُمه ماعليج منه ومن كلامه اهو دومه يبالغ في الحجي.. وانا عيوني ذبلانه لأني كنت مريضة.. يعني الواحد لي طلع من المرض اشلون بيصير شكلة..؟؟ وكلها جمن يوم وبترد صحتي أحسن من قبل إن شاء الله.. أم فهد بلين وخوف على شهد : بس يُمه شلون بترد صحتج وانتي أبد مول الزاد مايدش فبطنج..؟؟ لازم تاكلين وتتغذين عشان تقوى صحتج.. عيل اشلون بتعيلين وتصيرين أم وانتي مافيج روح..؟؟ شهد صار وجهها طماطة من الحيا وفهد قامت عيونه تلمع من الفرح والإبتسامة شاقة حلجة من رد أمه عليها وحب يكمل على كلام أمه ويحرج شهد أكثر : إيـــــه يُـمه عندج ياها قوليلها.. باجر اشلون بتحمل وتييب اعيالي واهي بطنها لازق بظهرها من الضعف.. حتى مافيها شده على شيلة الياهل فبطنها من الضعف..!! شهد حست بالنار شبت في ويهها من الحيا وتمنت لو الأرض تنشق وتبلعها.. ولااا تكون جدام فهد بهاللحظة.. والمشكلة انه ماشال عينه من عليها وكأنه ياكلها بعيونه.. والبسمة اللي شاقة وجهه من الوناسة والتشمت عليها.. زادها قهر فوق قهرها منه.. أأأخخخخ لوتقدر ترد عليه جدام امه بكل حريه...!! بس للأسف ماهي قادرة تسوي شي جدام أمه علشان ماتصدمها وتزعلها.. واهي خصوصاً تموت على خالتها أم فهد وتحبها حب البنت لأمها وتحترمها وماترضى عليها بأي غلط أو شر يصيبها.. فهي بالأول والأخير صديقة امها نورة الله يرحمها.. ومرت عمها.. واهي اللي ربتها مع أمهاتها نورة وطيبة.. وهالشي يخليها تسكت وماتكلم وتمثل عليهم دور الزوجة المحبة والمطيعة.. أأأأأأفففففففف والله حالة.. فهد بأمر صارم وبنبرة جافه : يالله اشوف جدامي الحين بتاكلين مثل الأوادم.. وتهدين الشاي اللي اتزغبين ( تشربين ) فيه من الصبح.. قام فهد من يم أمه وراح قعد عند مرته وقرب الكرسي منها علشان تاكل غصبن عليها.. وشهد هههههههههههه... المسكينة من الخرعة قامت تاكل بس اشوي اشوي.. ولكن فهد ماتركها لين كلت عدل.. الله يعينها من هالفهد قاعد لها على كل صغيرة وكبيرة يناشبها.. : : وعلى الساعة 10:30 ادخلوا داخل علشان أم فهد تاخذ دواها وتريح لها شويه قبل لايأذن الظهر.. وبالنسبة لها هذي أول مرة من فترة سنين طويلة تقعد فيها برة بالحديقة هالقعدة الحلوه اللي ردت فيها الروح بين أعز اثنين على قلبها ولدها البجر ( البكر ) فهد وزوجته شهد.. وقعدتها هذي معاهم حست فيها انها ردت لها صحتها وفرحتها.. دق التلفون وكان المتصل أم خليفة تطمن على أم فهد وشهد.. وخبرتهم بزيارتهم اليوم مع الأهل بعد صلاة العشاء إن شاء الله.. واقعدت شهد بالصالة تطالع التلفزيون.. وفهد خذا أمه ووداها لغرفتها علشان دواها ويخليها تريح قبل الأذان.. ورجع بعد ربع ساعة عند شهد بالصالة.. فهد وهوه يقعد يم شهد على يمينها ويحط إيده على كتوفها ويلمها.. وعينه على البرنامج اللي كانت شهد تشوفه واهو عالم البحار والمحيطات للعالم الفرنسي جاك كوستو.. فهد يسوي نفسه طبيعي ويستفسر : شنو تطالعين بالتلفزيون..!! شهد : .................................. ......................................... ......................................... ومن حركة فهد وتقربه منها شهد قلبها بدى يرقع مثل الطبل وزادت نبضات قلبها.. واهيه بصراحة ليمن الحين ما استعادت كامل عافيتها علشان تقدر تصده وتناجره.. بس هالشي ماخلى طبيعتها الشرسة والمتمردة تفتر ( تبرد ) بالعكس.. قامت ارفعت ايدها بتشيل إيد فهد اللي لامتها من على كتوفها.. وفهد كان واعي على كل خلجاتها وحركاتها.. ومن ارفعت كف إيدها وقربتها من كتفها اليسار علشان تشيل ايده قام فجأة وقبض على ايدها وحصرها بإيده اللي حاطها على كتفها.. واهو عيونه ماشالها من على التلفزيون بس عقله وفكره كله معاها وبحركاتها.. وكان ماسك نفسه لايضحك على حركاتها ومسوي روحه مندمج مع التلفزيون.. شدد من قبضته على يدها من شافها قامت تقاومه وتحاول تفك إيده منها.. ولكن هيهات هيهات ياشهد.. شهد وانفاسها بدت تتسارع وبصوت واطي وامعصبة : لو سمحت عن الحركات البايخة وهد ايدي..!! فهد يسوي نفسه ولا كانه سمعها وعيونه على التلفزيون ومطنشها.. فهد : ........................... .................................. .................................. شهد حاولت تقوم بس جرها فهد ناحيته وظل ماسك ايدها.. وايده مازالت محاوطتها من على كتوفها وقابضة على إيدها.. شهد وانفاسها مضطربه.. وبنفس النبرة والعصبية : أقولك هد ايدي.. ووخر عني مابيك تقعد يمي.. فهد تم على موقفه مسمر عيونه على التلفزيون ويكمل تمثيله بالإندماج مع البرنامج اللي على التلفزيون عليها.. فهد : ............................. .................................... ................................... شهد افقدت السيطرة على نفسها ولسانها وبكل عصبية قالت : يالقصاب يالمغرور وخر عني تراك لوعت جبدي.. فهد شال عينه من التلفزيون وحط عينه بعينها واهو رافع حاجبه اليسار وقام يطالعها بكل تحدي وقربها منه أكثر وابتسامة هازئة على وجهه وتم ساكت ويناظرها.. فهد : ............................. .................................... .................................... شهد خلاص حست بكل شرارة بجسمها قام تنطق من الأعصاب : انت ماعندك كرامة وحدة ماتحبك ولا تـ.................................... قطع فهد جملتها بكل قوة مسيطرة وتأديبية عقاباً لها على عدم أحترامها له.. وتركها بعد ماحس بأنفاسها انقطعت.. وترك لها المجال تاخذ نفس من جديد.. ومن بعدها تركها وقام واهو كاظم غيضه منها وقالها ابصوت واطي وبكل برود : احسابج معاي الليلة راح تتعلمين شلون تصيرين زوجة مطيعة.. هدها وطلع من الصالة.. وشهد كانت حاطه ايدها على شفايفها المتورمة واهي تتنفس بكل قوة وقهر.. ما أقدرت تستحمل أكثر اصعدت فوق على بالها إن فهد طلع برة البيت.. كانت بتبجي ألمها وقهرها من حالها واللي وصلت له من فهد.. واقعدت بالصالة اللي بالجناح وقامت تذرف دموعها واهي منزله راسها على الكوشية ( التكاية ، الخدادة ).. وحست بيتمها وشكثر اهي محتاجة لأمها نورة بهاللحظة.. طلع فهد من الغرفة بعد ربع ساعة عقب مابدل ثيابه وبيطلع من البيت يتمشى بره بالسيارة.. شاف شهد قاعدة على القنفة بالصاله الملحقه بجناحه.. وكانت منزله راسها تبجي بكل حرقه وقهر.. وقف دقيقة يطالعها وكان بخاطره يروح ويلمها على صدره.. ومن تذكر كلامها ومعاملتها معاه تركها ونزل طالع من البيت مهموم ومقهور منها ومن معاملتها الجاسية والجافه معاه.. شهد دشت داخل الغرفة راحت الحمام تبي تغسل وجهها وتغسل ذكرى اللي صار لها قبل دقايق بالصالة تحت مع فهد.. عقب بدلت ثيابها ولبست بيجامتها القطنية ودشت تحت الحاف تبي تحاول تنام.. مثل كل مرة ليمن تصيبها أي مشكلة تلجأ للنوم هروباً كحل سلمي لها.. وهذا الشي ماكان من طبايع شهد لااااا.. بس من بعد الحادث والنكسات اللي صابتها تغير الكثير من اطباعها وصارت تحلها بالنوم ولاتحاول تفكر وايد علشان ماتصدع وتحوشها الكوابيس طول ليلها..!! أذن الظهر قامت شهد لأنها ماأمداها تنام وتوضت وصلت الظهر وسننها.. وبس قضت من الصلاة ارجعت انسدحت على السرير.. : : وبعد ماصلى الظهر في المسيد رجع فهد للبيت.. صعد لغرفته وشاف شهد نايمة على ظهرها دخل بدل ثيابه وقرب منها وانصدم يوم شاف شفايفها متشققة ومعلمة بلون الأزرق.. أأأوووففف حس شكثر كان جاسي عليها.. وقام طلع لها مرهم طبي مرطب وقعد على السرير على يمينها عند راسها وحط لها المرهم على شفايفها.. وقعدت شهد من النوم وشافته عند راسها يمسح على شفايفها بكل نعومه.. بعدت ايده بكل جفاف ولفت راسها بعيد عنه على يسارها وغطت نفسها باللحاف تبي تكمل نومتها.. فهد والندم بقلبه على قسوته عليها.. وبصوت حنون وناعم : بتنامين الحين والغدا بعد اشوي بيطيح..!! شهد : ................................. ........................................ ........................................ فهد بنفس الصوت : يللا قومــي امي راح تفتقدج وتسأل عنــج..!! شهد بنبرة باردة ومقتضبة : قولها تعبانه ونامت.. فهد حط ايده على راسها وفعلاً شافها عندها اسخونه شويه.. وراح ياب الجنطة وقعد هالمره على يسارها ومقابلها عشان يفحصها.. شهد صدته ولفت على الجهه اليمين واسحبت المخدة الجانبية وحطت راسها عليها ونامت كتعبير عن رفضها بفحص فهد لها.. تركها على هواها وماحب يضغط عليها ونزل لتحت عند أمه وكان يحاول يغير مزاجه ويسوي نفسه فرحان ومرتاح عشان امه ماتحس ابشي..!! : : على الساعة اربع العصر اقعدت شهد واهي متكدره ونفسيتها هابطه وتحس بضيقه وتعب بجسمها.. قامت وخذت لها شور سريع وراحت تصلي العصر قبل لاتطوفها.. وبعدين اقعدت تبدل ثيابها وتحاول تحط لها اشويت مكياج علشان تخفي فيه شحوب ويهها والحمد لله إن شفايفها خف التشقق اللي فيها بس تمت معلمة من أثر عقاب فهد لها اليوم.. فخذت لها قلم روج لون غامق وحاولت تخفي الأثر بس ماقدرت.. وتذكرت مرة من كلام مشاعل بنت اخوها خليفة انها إذا بتخفي أي عيب أو أثر فلازم أول شي تحط كوركشن من كونسيلر وبعدين تحط عليه فاونديشن عشان تخفي الأثر.. فطبقت اللي تعلمته منها ومن منى أختها وبعدين حطت الروج والحمد لله أخفت الأثر.. وبصراحة صار شكلها وايد حلو ومغري بعد ماخطت داخل عينها بكحل أخضر واستانست يوم شافت شكلها تغير حتى لون عينها صار قريب من الأخضر وهذا من تأثير لون الكحل على لون عيونها الشهلا.. وحبت تلعب شوي بويهها وحاولت تحط لها شويت آي شادو فمزجت الأخضر بالزيتي والذهبي.. وسوت نفس الخطوات اللي كانت مشاعل تقولها عنها.. ومن اخلصت ارتعشت من شافت النتيجة.. حتى بيوم عرسها ماصارت بهالجمال.. وبهاللحظة دخل فهد الغرفة عشان يتحمم ويبدل قبل لايأذن المغرب.. وانصدم من شاف شكل شهد الواقف واهي تطالع نفسها بالمنظرة.. وانبهر فيها وبجمالها اللي يسلب العقل.. فأول مايه على باله ذكر الله وقام يسمي عليها.. فهد : قبل لاتنزلين تحت اقري المعوذات وحصني نفسج عدل وبعدين نزلي.. الخدم ترس البيت وماتدرين شللي بقلوبهم واشلون نظرتهم.. شهد قامت تطالع فهد من خلال انعكاس صورته بالمنظرة ( المرايه ، المرآة ).. ونزلت راسها من الحيا يوم شافت نظراته لها واشلون بتاكلها.. ادخلت لغرفة الملابس وطلعت لها الدراعة ( الجلابية ) اللي راح تلبسها.. واهي بصراحة مابقت تلبسها من الحين.. بس سوت هالحركة عشان تبعد عين فهد عنها لاتحرقها أكثر.. دخل فهد يتحمم وبدلت شهد ثيابها.. والبست دراعتها وكانت روعة بلون الأخضر الزيتي وداخل معاه بتطريز بخيوط ذهبية.. والدراعة من التصاميم الهندية واللي يكون معاها شال هندي.. من خلصت شهد من اللبس ماصدقت عينها كانت فعلاً آيه بالجمال.. وقامت تحصن نفسها مثل ماطلب منها فهد.. وعقب ماطلع فهد من الحمام وانتوا بكرامة بدل ثيابه ونزل تحت عشان يلحق على المسيد لأنه قريب يأذن المغرب.. : : من بعد ما افتجت الصلاة رجع فهد للبيت وكانت شهد تحت عند خالتها.. وتباشر الخدم عشان تشوف التجهيزات وإذا بخروا الصالات والميلس..؟؟ كل شي كان جاهز ومرتب بس شهد ماكانت مرتاحة نفسياً.. كانت تحس بآلام المغص فبطنها وصداع خفيف مع ثقل وخدار خفيف بعظامها.. بس كملت لين يوا الأهل عشان يباركون لها ويتطمنون عليها وعلى أم فهد من بعد انتكاستهم الأخيرة.. استقبلتهم واستانست معاهم رغم آلام التقلصات وكل مالها تزيد عليها.. ومنى كانت يايبه معاها صور ملجة شهد وعرسها.. لأنها كانت محتفظة بالألبومات.. وقعدوا الكل يطالعون بالصور ويذكرون الله.. كانت الصور قمة في الروعة.. وخصوصاً صور العرس والقطات اللي تفنن فيها فهد وطلع كل مواهبه بس عشان يغيضها.. ولكن والحقيقة تقال الصور اطلعت فلة روعة.. ومن خلال سوالفهم منى لاحظت تعب شهد واشلون كانت تتألم بين الفترة والثانية.. وشهد على قد ماتقدر كانت تحاول تخبي هالشي وتمثل بأنها طبيعية ومافيها شي.. قامت منى واقعدت يم شهد واسألتها بصوت واطي وفيه القلق : شهــود اشفيـــج..!! شكلج موبطبيعي ومنتي على بعضج..!! شي مضايقج أو يعورج..!! شهد حاولت تخلي صوتها واطي وطبيعي قد ماتقدر ولكن الألم كل ماله ويزيد فطلع صوتها بأنّه وتأوه مسموع : إيـــه.. اليوم بعد ماصحيت العصر حاسه ابتعب بكل جسمي وصداع خفيف.. وبعد ماخذيت لي شور عقب اشوي قام تزيد الآلام وخصوصاً تحت البطن تقلصات فضيعة أول مرة أحس فيها..!! اسمعتهم أم حمد اللي كانت قاعدة يمهم.. لفت راسها على شهد وقالت لها : يمكن آلام الدورة..؟؟ شهد وحواجبها معقودة من الألم : بس انا ماتييني آلام فترة الدورة.. فشمعنى الحين..؟؟ أم حمد : لأنج كنتي ماخذة برد ومريضة ويمكن البرد ماطلع من جسمج ليمن الحين فعشان جذي تحسين بهالآلام..!! وتذكرت شهد يوم حطها فهد بالماي البارد عشان ينزل حرارتها.. فالظاهر خذت بروده بجسمها من هاليوم.. أو يمكن خذت البرد من يوم ماحنت راسها قبل العرس بيوم..!! شهد وعلامات التعجب على ويهها : .. احتمال وارد ويمكن..!! عيل بقول للخدامة تسوي لي شاي زعتر أو دارسين ( قرفة ) عشان يطرد البرد.. منى حطت إيدها على كتف شهد عشان ماتقوم وقالت لها : بس انتي متأكده إن هذي موعدها الحين..؟؟.. وإلا اخاف يطلع شي ثاني ونبتلش..!!.. شهد والألم على ويهها : إيــه هذا موعدها.. عن إذنكم بروح أكلم الخدامة تسويلي الشاي.. واااايـــي احس اني بموت من العوار.. منى شدت على كتف أختها وقالت لها بحنان : قعدي انتي وانا بروح اقول للخدامة.. واخليها تسويلج مطارة ماي حار عشان تدفين بطنج.. شهد بمتنان لأختها : إيـــه والله يزاج الله خير يامنى.. لأني صج ماني قادره اتحرك من الألم.. أم حمد : انزين حبيبتي روحي ريحي واحنا الحين بنطلع.. تعرفين مانقدر نطول واليهال باجر وراهم مدارس.. شهد : لاااا ماأقدر.. بعدين شتقول عني خالتي.. ماأستحي على ويههي أهد اهلي واطلع انام..؟؟ أم حمد : تركي عنج هالخرابيط أم فهد عمرها ماتكلمت عنج بهالطريقة.. واهيه تدري وتعرفج زين.. ويكفي انها مربيتج.. شهد وخفت شوي نوبت المغص وبنبرة فيها من الحنان والحب لأم فهد ردت وقالت : أدري فيها فديتها والله.. بس تدرين ياأم حمد الأصول أصول.. وانتوا على الراس والعين.. أم حمد : يابعد عمري ياشهد طول عمرج اصيلة.. بس والله روحي ريحي وانا بقولهم اللي صار واتعذر عنج.. ومحد بينقد عليج.. شهد بخوف : لااااا الله يخليج.. شتقولين لهم.. والرياييل بتفضحيني عندهم بعدين الله يهديج.. شهد وأم حمد وعلى طاري الرياييل اضحكوا مع بعض : هههههههههههههههههه.. أم حمد : إيــي والله نسيت وجودهم بالمرة.. وعلى العموم ماراح انطول وكاهم الرياييل اصواتهم طالعة لين هني.. وشكلهم قاموا واحنا بعد بنترخص وانشوفج على خير يابعد عمري وماتشوفين شر.. شهد : الشر ماييج يالغالية.. وجزاج الله خير.. وطلعوا الأهل بعد ماسلموا وطلع فهد معاهم يوصل عمه ومرت عمه لين باب السيارة.. وسيده باست شهد خالتها على راسها .. بعد ماقالت لها عن سبب تعبها.. واستئذنت منها واصعدت تبدل واتغسل واندست تحت اللحاف تنطر الخدامة عشان تييب لها الشاي والماي الحار.. دخل فهد عليها بعد ربع ساعة وشافها بالفراش.. وشهد من شافته خافت.. لأنها تذكرت تهديده لها اليوم الصبح.. طلع فهد من غرفة الملابس بعد ماخذا شور عالسريع وبدل ثيابه وكان متوجهه لها وفباله التهديد.. بس الطرق اللي ياهم على باب الجناح وقفه.. راح يشوف من على الباب..!! دش فهد وعلامة الاستغراب على ويهه.. ومن وراه دشت الخدامة وبإيدها الصينية.. حطتها على الكومدينة القريبة منها واطلعت.. فهد باستغراب : انتي طالبة من الخدامة تسوي لج شاي..؟؟ شهد بصوت واطي واهي منزله عينها : إيــــه..!! فهد مستغرب من ريحت الشاي : شنو هــذا ريحته مو بريحة الشــاي..!! شهد بنفس الصوت الواطي ومارفعت عينها على فهد : هذا زعتر.. فهد : انزين ومطارة الماي الحار ليش..؟؟ شهد وجهها صار احمر من الأحراج.. ابلعت ريجها وقالت وبصوت واطي ومخنوق : لأن بطني يعورني.. فهد فتح عيونه يطالع ويهها المصفر من التعب والألم مرسوم على ويهها.. وسيده قعد يمها وعلى يسارها على السرير وبكل جدية : يعــورج..؟؟ وين خليني افحصج..؟؟ شهد ماعرفت شتقول حق فهد من الأحراج.. ارتبكت وهي تدزه بعيد عنها : لـ.. لـ.. اااا ... لاااااا مافي داعي.. فهد متعجب من ردت فعل شهد.. فحسبها إنها منحرجة وماتبي توريه التشوهات اللي بجسمها.. وقال بصوت هادي وناعم : شهد لاتستحين منى.. وبعدين انا شايف كل اللي خايفه تطلعينه.. وماكو شي تستحين منه.. شهد اهني فهمت على فهد وحست بالأحرج أكثر وماعرفت شتقوله أو شلون تعبر عن اللي فيها فما لقت غير دموعها نازله سيل وماتحملت وبجت.. فهد شافها تبجي ومنحرجه.. رد وقعد يمها على يسارها عالسرير ومقابلها ولمها على صدره يهديها.. وبصوت واطي وكل حنية : شهد شفيج الله يهديج.. انتي الحين منحرجه مني وانا ريََـلج.. وبعدين انتي ناسية اني انا بطبيعة عملي دارس الجسم البشري.. وهالأشيا اللي تستحين منها مالها داعي.. شهد تكمل بجيها وماهي عارفه شتقوله أو تعبر عنه.. والألم وكل ماله ويزيد عليها.. شهد : .................................. .......................................... .......................................... فهد بمحاولة منه عشان يكسر حاجز الخجل من شهد قال : ترى الأمور هذه مافيها حيا ياشهد.. وانتي اللي مستحيه منه شي تافه وماله داعي تحاتين أو تفكرين فيه.. وبعدين على فكرة أول ليلية يوم ارتفعت عليج الحرارة وسويت اللازم شفت اللي مستحيه منه وتخافين تطلعينه.. وصدقيني ياشهد ماكو شي تنحرجين منه.. حاول فهد يرفع راس شهد من على صدره واهو يكلمها عشان يطالعها بعيونها.. بس ارفضت ترفع راسها وتمت تبجي أكثر من الكلام اللي قاله لها.. واهني فهد احتار معاها واشلون يشيل الأفكار اللي براسها واحراجها منه.. تم لامها على صدره ويمسح على راسها بيهديها.. وعقب سدحها ونزل راسها على المخدة.. وقام من مكانه وقال لها : خلاص إذا ماتبين على هواج.. بس إذا زاد الألم عليج راح افحصج غصبن عنج أوكي..؟؟ باسها على راسها وتركها ونزل تحت يتطمن على أمه.. بعدين يصعد لها ليمن تهدي وترتاح.. شهد هدت من بجيها بسبت الآلام اللي وكل مالها وتزيد من الحاله النفسية اللي اوصلت لها.. وقامت خذت مطارة الماي الحار واشربت الزعتر قبل لايبرد.. وحطت المطارة على بطنها وانسدحت تحاول تنام بس الألم كان مانع النوم عنها.. : : وبعد ثلث ساعة دخل فهد الغرفة والأبتسامة على وجهه وقعد يمها على يسارها ومقابلها على حافة السرير.. وقالها : الحين كل هذا مستحية تقولينلي انها الدورة..!! شهد حست بالنار شبت في ويهها من الحيا وحاولت تلف راسها بعيد عشان تخش ويهها عنه.. والظاهر إن أم فهد قالتله عن الدورة.. شهد : ............................. ..................................... ..................................... بس فهد رد ولف ويهها صوبه وقعد يطالعها بكل حنية وقال بكل نعومه : انا ماأبيج تخبين عني أي شي شهود.. قولي عن كل شي يعورج ويأذيج ولاتستحين مني.. ( وكمل بصوت أعلى شوي وكأنه يستفسر ) : عيل اشلون بتيبين لي عيال..؟؟ شهد حاولت تلف وجهها عن فهد وكان وجهها بلون الدم من الحيا.. شهد : ............................ ................................... ................................... بس فهد ضل ماسك وجهها ويطالعها بعيونها ويكمل بكل نعومة ومكر : سمعيني يالقطوة.. اليوم نفذت بجلدج والدورة انقذتج وإلا كنت من اليوم ناوي بتأسيس العائلة وياج.. وهالمخطط راح يتأجل ليمن تقضين منها.. بس ماقلتيلي جمن يوم..؟؟ شهد : ........................... .................................... ................................... شهد من كثر ماحاولت تلف وجهها بعيد عن فهد بس كان ماسك وجهها باحكام.. فحست بالعوار برقبتها وحنجها.. والمصيبة إن فهد مصمم على متابعت احراجها.. وبعد آخر سؤال شهد ماقدرت تسوي شي غير انها تغطي وجهها بإيدها وتغمض عيونها عشان ماتشوف نظرة فهد لها.. ولكن فهد مسك ايدها وشالها عن وجهها وتم ماسك ايدها ووجهها.. فهد والإبتسامة على ويهه وبأصرار : ها ماقلتيلي جمن يوم..؟؟ شهد : ........................... ................................... ................................... فهد : شوفي إذا ماتكلمتي وقلتيلي ماراح اهدج ليمن تقولين لي.. وراح اتم ماسك ويهج لمن باجر الصبح وألح عليج.. شهد : ................................ ....................................... ....................................... فهد تم ساكت ويناظرها والإبتسامة على شفايفة.. وبعدين يته فكرة شيطانة يلعوز فيها شهد عشان يكسر حاجز الخجل فيها.. فهد : ها ياقطوتي المتمردة ماقلتيلي جمن يوم..؟؟ شهد : .................................. ......................................... ......................................... فهد بتهديد : شوفي إذا ماتكلمتي وقلتي راح ارد واكرر عقابي لج مثل اللي سويته اليوم الصبح.. شهد افهمت شللي يقصده فهد بس تمت ساكته وبدى قلبها يرقع من الخوف.. فهد بمكر : الظاهر انتي بخاطرج اكرر اللي سويته اليوم الصبح بس ولا يهمج انا بالخدمة وهمن انا بخاطري بعد.. وبمحاولة تهديد قرب فهد راسه منها وكان يحس برجفت شهد تحت ايده وبصراحة اكسرت خاطره بس حب يكمل معاها.. وشهد من الخوف بطلت عيونها عالحد وقامت تطالعه.. ويوم شافت ويهه قريب حيل منها.. لدرجة كانت تشعر بحرارة أنفاسه على بشرتها.. فشتغل عقلها بكل سرعة وعطاها الأمر بالكذب بس عشان تنجو منه وتفر من ايده.. شهد وبصوت متردد وكله خرعة : عـ.. عشـ.. شـ.. شرة أيام.. فهد يته الضحكة بس مسكها وقال لها بكل برود : جــــم.. قلتي جــــم..؟؟ شهد وبنفس النبرة : عـ.. عشر.. عشرة.. فهد بعد ويهه عن شهد وبشك في كلامها : عشرة أيــــــــام..!!............. (( سكت متشكك وكمل )) : .......... متأكدة وإلااااااااا.. شهد ويهها راح اللون منه من الخوف : ..... لااااا.. لاااااااااا.. مـ... مـتأكدة.. متأكدة.. فهد متيقن من جذب شهد بس حب يريحها شوية لأنها بصراحة اكسرت خاطرة بالتحقيق معاها بهالطريقة كله علشان يكسر حاجز الخجل اللي عندها منه.. دنق عليها مرة ثانية.. وشهد افتحت عينها على الحد من الخوف.. بس فهد قرب ويهه منها وباسها على جبينها.. ورفع نفسه واهو يسألها : هااا الحين شلون عوار البطن وياج..؟؟ شهد من الصدمة اللي اهيه فيها راح العوار وماتحس فيه بالمره ولا كأن كان من دقايق معاها عوار وبتموت منه من الألم..!!!!!!!!!!! ابتسم فهد بويهها ومسح على راسها وبصوت ناعم وحنون قالها : هذا يسمونه تشتيت الفكر عن الألم.. يعني اشغل بالج بشي أكبر من العوار اللي ياج.. فتنسين الألم ويزول ويختفي.. شهد من التعب والضغوط النفسية الكبيرة اللي تعرضت لها اليوم.. وآخرها اللعبة السخيفة اللي لعبها عليها فهد عشان يشتت فكرها عن الألم هدت حيلها هد.. وبعد احساسها بالراحة الفورية حست بالنوم يطبق على جفونها بكل قوة وماقدرت تقاوم أكثر ونامت مثل الطفل والبرائه ترسم على محياها.. وويهها الملائكي الجميل.. رجع فهد للغرفة بعد ماترك شهد عشان يتطمن على أمه ولقاها غاطه بسابع نومه.. وقعد يناظر فيها والأبتسامة على شفايفة وقلبه يرجف ويشتعل بحبها.. باسها على راسها.. وراح انسدح يمها وشال المخده الفاصله بينهم واللي شهد تستخدمها عشان تنام عليها لما تقلب على جهتها اليمين وحذفها على الأرض من صوب شهد.. وخذا شهد بحضنه وحط راسها على زنده.. لمها وقربها من صدره.. وفجأة حس بحرارة شي على خاصرته.. استغرب وخاف.. شال اللحاف يبي يشوف مصدر الحرارة العالية على خاصرته وإلا مطارة الماي الحار اللي شهد حاطتها تدفي فيها بطنها.. ضحك فهد بخفه وشال المطارة وحطها بعيد عنه على الكومودينه اللي يمه.. ورد اللحاف يغطي شهد عدل وإيده اليمين حطها على بطن شهد يمسح عليه بكل نعومه عشان إيده تمتص وتشيل الحرارة اللي حس انها اسلخت جلدها الرقيق فيه من حرارة المطارة.. حاول ينام واهو يفكر بشهد واشلون يقدر يخليها تتغلب على مشكلة الخجل اللي عندها.. واشلون يخليها ترجع شهد الأولية شهد الواثقة من نفسها والمعتمدة على روحها.. شهد المهرة الحره البرية.. ويته فكرة ومن باجر بينفذها.. وغمض عيونه واهو على أفكاره وأبتسامته على شفايفة.. : : : : : : : : شنهي الفكرة اللي يت على بال فهد وبينفذها من باجر..!! وهل سترضخ شهد لفهد............؟؟ وماتوقعاتكم بالأحداث الآتية.........؟؟؟ لكم خالص محبتي وتقديري عذبة التجريح :flowers2: |
ما شاء الله عليك
عذوووووووبه مراااااحب بيك مرة تانيه أقدر لك جهدك الكبير وحرصك على تنزيل البارت الجديد في موعده رغم ظروفك والقصه من رائع لأروع فعلا الأحداث بدأت تشد بشكل جنوني ال ( Tuch ) الي بين القطوه و المدرب في غاية الروعه ويجسد الحب الطاهر بشكل خيالي عند فهود وتضارب المشاعر عند شهود مواقفهم تتكلم ونظراتهم تنطق وترددها يشكي وحنانه يحكي عن حب تعبان رفض انه يفضل مكبل وفرض نفسه عليهم الأثنين وبقوه وصفك رائع سلمت أناملك ........... وبالنسبه للبارت في شي انا أكيده منه وهو انها ما أستسلمت لفهد فقط خوفا منه كمان لأنها لمست تأثيره عليها لكن بسبب حالتها النفسيه مش قادره تدرك الحقيقه الي أعتقد انها خايفه منها اقتباس:
اتوقع ان شخصية عصام حترجع للأحداث عندي إحساس قوي بكده اقتباس:
اقتباس:
حنانه وحبه لها ظاهر وواضح وضوح الشمس تحياتي الغاليه لك ولفهوووود!!!!!!!!!!!!!!!! |
مشكوره ياقلبي على البارت اللي جد جد تحفه والله يافهود ماهقيتك جذي ديكتاتوري وتمشيها على كيفيك وهي ماغير سمعا وطاعه بس عفيه عليك طلعت حره ايام الخطبه بس شنو سالفه عصام ليش كانت تهذي باسمه !!!!!!!!!!!!!!!!!!!!!!!!!! يا النهارده الخبر بفلوس بكره بلاش يعطيج الف الف عافيه مسموحه يالغلا ولو انتي مو بس صديقتنا الا اختنا وحبيبتنا بعد لا خلا ولاعدم دمتي لنا |
هلا بالغلا كله
هلا عذووووبه وحتيني كثير عسى ربييعدي امورك على خير يارب مشكره يا قلبي على البارت الحلو مررررررررره احداثه مشوقه كثير وعورت قلبي شهوده بس عنادها الله يهديها بس والله فهد ما فيه منه بس والله تعبتيها يا عذووبه طول البارت وانت مرضتها وفهد يعالجها وعلى قلبي بس والله عشت احداثهم حلووووووووووووووووووووه مرررره ننتظرك على خير الاسبوع الجاي الثلاثاء في ضروووف احسن ان شاء الله |
السلام عليكم و رحمة الله و بركاته اول شي ... مشكورة يالغلا على التزامك بقرائك و مسموحة على التأخير و خذي راحتك و متى ما حبيتي تنزلي البارت الجي نزليه اما الردود فملحوقة عليها ... و عاذرينك اذا ما رديتي عليها ما يحتاج اقلك انو هالبارت ابداع *ابداع*ابداع عندك قدرة فظيعة على الوصف و الاهتمام بالتفاصيل ياي فديت العتوي انا عليك رومانسية موب صاحية يا فهد حبك لها واضح و ظاهر في كل تصرفاتك .. لمساتك .. كلماتك .. نظراتك يعجبني فيك انك تحاول تكسر حاجز خجل شهد منك و تحاول تعودها عليك لكن ايش اللي في بالك من بعد ما تكسر هالحاجز ... هل بتحاول تعالجها و تقنعها بتركيب يد صناعية ... ننتظر لنرى ايش بتكون ردة فعلك لما تعرف طبيعة المشكلة بين شهد و عصام و نورية شهودة القطوة فيك مشاعر متلخبطة ما بين التمرد و العناد و ما بين الحب القديم اللي تحمليه لفهد من صغر سنك اجل جلستي سنة تبكي عليه :lol: بس صراحة مريتي بموقف لا تحسدين عليه يا بنت الحلال<<وجه مستحي أتمنى انك تحاولي تخففي من هالعناد و التمرد و تصير الحياة بينكم مشاركة و صراحة و ثقة نفسي اشوفك المهرة البرية الواثقة المتمردة اللي حبها فهد عذوووووووب ... ننتظر لنعرف سالفة عصام بالتفصيل و آخ لو تحكيها شهودة لفهد بنفسها ... بيكون المشهد واو سلمت يمناك عذوب :flowers2: ومسموحة يالغلا |
بارت اكثر من رائع تسلم ايدج عليه مليار مرة
فهد آآآآآآآآآآآآآآآه يا فهد عن شنو اتكلم؟؟ عن رومانسيتك الي حتى قيس وروميو ما وصلو لنصها ولا عن حنيتك الي فوق حنية الام بواااااااااااااايد<<عشر صواريخ طارو ولا عن ولا عن ولا عن؟؟ يعني بعد الكلام الي قالته شهد وحن عليها وما سوالها شي وقام يحاول يرضيها كثر ما يقدر الله يعينك يا فهود شهد فديت الي يستحون مسكينة خايفة ان فهد يكون شافق مادري شفقان عليها مو لانه يحبها او خايفة تحبه وتتعلق فيه ويروح عنها نفس اول ولا يخليها نفس ما سوى فيها عصام بس شوفي اكل رح تاكلين غصب عنج اذا مو عشان فهد عشان امج وخالتج ام فهد وبليز خلي عنادج لانه مارح يفيدج وترا فهد يموت بالارض الي تمشين عليها بس انتي مو راضية تعطينه فرصة وكله تجرحينه بليز فكري عدل وانسي الي صار قبل ومادري ليش احس ان عصام سوالها شي مو معقولة هذيان والله يستر شنهي الفكرة اللي يت على بال فهد وبينفذها من باجر..!! الله يستر من هالفهد وهل سترضخ شهد لفهد............؟؟ شوفي حسب خبرتي من كثر ما اشوف عتوي يتهاوش مع مرته القطوة بالشارع دايما تنتهي بالتعادل بينهم ومرات العتوي يفوز على مرته ويموتها<<من صجي ترا بس اعتقد انها لما تتاكد ان فهد يحبها مو بس جذي فرح تحبه وترضخ له و ما اعتقد ان فهد يسوي شي شهودة ما تبيه وماتوقعاتكم بالأحداث الآتية.........؟؟؟ رح يكون كله آكشن وحروب قططية عتوية<<فصلت من الحماس والنتيجة مجهولة تقبلي مروري |
رواية روعة روعة الله يعينها شهد بس بتجنن رواية كتير وانا بالانتظار سوال حبيبتي شو معنى كلمة العتوى انا عرفت معنى كلمة القطوى يعني قطة هيك ....... يسلمو كتير كتير بالانتظار
|
الله يسلمج يارب على هالابداع والبارت الحلو ولا نستغرب منك هذا لانك مبدعة تسلمين لمحبينج ومن ابداع لابداع ان شاء الله ننتظر من الحين ولا تطولين علينا......دمت لنا مبدعة
|
السلام عليكم
بارت رائع واكثر من رائع واحلى مافيه فهد ان شاء الله البارت الجاي تكونين مرتاحه اكثر من كذا |
هلا وغلا بعذوبة:flowers2: مسموحة يالغلا يااااااااااااااااااااااااااااااالهوي باااااااااااااااااااااااااااااااارت :55::55::55::55::55::55::55::55::55::55::55::55::55: :55::55::55::55::55::55::55::55::55::55::55::55::55: جنااااااااااااااااااااااااااااااااان المرة السابقة وقفتي على أهم نقطة والتكملة وقفت قلبي آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه من ها الفهد يجنننننننننننننننننننننننننننننننننننننننن وشهووووووووووووووووووووووووووودة حرااااااااااااااااام أجل تحسبي أنك تقدري على الأسد هاه هاه هاه هاه :lol: ما حزرتي خخخخخخخخخخخخخخخخخخخ :rfb04470: ولا موقف السخونة بجنب و موقف الدورة :rfb04470::rfb04470: ههههههههههههههههههههههههههههههههههههههه اى بطني يا ضحكت عليهم:rfb04470::rfb04470: وه ياعذوبة:dancingmonkeyff8: شكلي بسنتر عندك أدور بيتكم وأجلس قدامه:lol: الله يصبرني للبارت الجاي:f63: عارفة الظروف ياقلبي ولا يهمك نحن معاك بالسراء والضراء:friends: أهم ما علينا راحتك:7_5_129: ومشكوووووووووووووووووووووووووورة :flowers2: غلاي ورايتك بيضا:flowers2: |
| الساعة الآن 04:34 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية