رد: جنون المطر (الجزء الثاني) للكاتبة الرائعة / برد المشاعر
صباح النور والسرور .. الله الله ميشوو منوره الحته ،، احلى عيديه الف الحمدلله ع سلامتك أهم شي انك بصحة وعافيه .. الله يديم الأمن والامان ع بلادكم وجميع بلاد المسلمين يحفظهم ويقيهم شر الفتن ،، بارت جمييل جمميل صدق وحشتتتني الروايه ،، احس الاحداث اخذت نفس عمييق بعد 14 سنه ،، وانا يوم خلصت البارت اخذت هالنفس من جمالها .. طبعا هالباارت كله برعاية هالفيس🤔🤔🤔🤔🤔 المكالمة اتوقع انها من جبران ،، هو ماانذكر انه مات صح اتوقع بعد هالسنين بيعتذر عن اللي سواه فيها ،، او يمكن يقولها اي معلومه عن مطر ،، اللي انصدمت منه شراع وعمتها الطيبه مااتوا أطيب قلبين :'( الاكيد شراع قبل مايموت اعترف لها بكل شي وانها تصير بنت عمهم وعن ابوها ،، هذا تفسير انها ماصارت تبغى تكلم جوزا ومتاكده من رجعته لها ،، جريمه اللي سواه مطر مع غسق ،، طبيعي هالتحولات في شخصيتها اصعب شي فقدانها لبنتها وكل الأمور اللي صارت لها ،، شخصيتها تغيرت للأقوى مااتوقع بتكون سهله رجعتها لمطر ولو حط كل التبريرات قدامها .. مطر ذبحها يوم اخذ بنته يمكن اللي خفف عليها وجود الكاسر طفل تحضنه وتضمه لصدرها ،، ليه ماينفع يخلي بنته عند امها ليش اخذها وماتركها لها ،، وهو عارف انه بيكون مشغوول ماخاف عليها وهي عنده🤔 اتوقع كاسر كان يبغاه يسافر أو شي وهي ماعاد تبغاه يبتعد عنها ،، غيسانه للحين ماعقلت بينها وبين صحبتها شي من ورا سحبت تيما للملهى ،، ايش ممكن يكون هدفها 🤔 غيسانه قد التقت مع قاسم فلو شافها عرفها ويكون عرف القرابه ،، اتوقع وإحساسي اللي متاكده منه قاسم كان عارف انها بنت مطر يمكن من شكلها واشباها ولان دمهم واضح او قد لمحها لان أكد لها في البدايه انه عارف حقيقه عمرها قاسم ماانذكر سبب هجرته وعلاقته مع ابن راكان صح ولا انا ناسيه 🤔 تيّم من اول جمله تكلم فيها عرفته نفس الأسلوب ماتغير ههههه رواح و إبان في تشاابه بشخصياتهم نفس المرح وخفة الدم،، اللي اذكره ام رواح تصير عمة تيّم ،، شوي افتر راسي من علاقه ساندي وكنانه وتيم .. يعني كنانه تصير بنت عم تيّم ،، بس هو ماكان ابوه مقطوع من شجره ؟ لااا أذكرت ماكان مقطوع اخوانه تخلوا عنه او انقتلوا وهو هرب للحالك 🤔 عم امه اذكر امه كانت تبغى تسفر تيّم عنده وبالتالي هو يصير عم ماريه بعد ،، وقّاص جده اللي ضغط عليه ع الزواج ويمكن ماكان راضي بدليل انه مااهتم ودخل شافها ،، ويمكن وقتها كان في باله ياخذ زيزفون وجده رافض هالشي وزوجه 🤔 جمانه مشكلتها قلة ثقه في نفسها والدليل المقارنات اللي اعدمت نفسيتها،، وانا مع كلام امها مااتوقع ان في محاولات جاده منها انها تكسب وقّاص مجرد تشكي لوضعها ،، زيزفون هل فعلا نجيب زوجها او مجرد خطبه 🤔 اتوقع ضربها هو إثبات اذا هي فعلا مجنونه او لا يكونون شاكين انها تمثل عليهم بسالفه جنونها ،، اذا فعلا تمثيل ليش وليش صابره عليهم لو تبغى تنتقم من جدها احس زيزو اضعف من انها تنتقم 🤔 او تثبت لابوها او امها حق من جدها ،، اذكر ان الجد كان يحب جدتها 😅 باين كرهها لجدها واللي يوصل لوقاص وزايد عليه الكره لقربه من الجد ،، يكون وقّاص هو اللي سعى انها ترجع لهم 🤔 بالله وقّاص كيف له وجهه يقابل مطر وهم كذا يعاملون زيزو وهو عارف ان مطر حريص ع سلامتها 🤔 ماريه بطلتي المفضله من صغرها .. قدرة احتمالها كل هالسنين والنَّاس تتكلم بسمعتها انتهت والحقير عمها حتى البزر علمه ،، اتوقع ترفع قضيه خلع وبيوصل ليتم من محاميه انها كانت لحالها يعني بدون ضغط عمها ،، وهذا السبب اللي بيخليه يرجع 🤔 الواضح الكل تخلى عن اَهله غصبا عنه ،، بداية من دجى وقاسم وشاهر ونهاية بمطر ،، تيّم شخصيه ماهي من النوع المتسامح خصوصا مع الظروف اللي عانوها،، يمكن كان يقدر يسامح شاهر لو امه ماعانت معه لو قدر يجنبها الالم ،، المحزن في الموضوع لكل الجانبين الاشخاص اللي ماتوا والمضحين ،، يعني دجى و اخته اللي توفت هل كانت عارفه انه حي وفي امل للقاءه ؟ ام تيّم هل كانت عارفه انه شاهر حي ؟ لسى عندي تساؤلات كثيره في بالي اتوقع بتوضح قدام ،، أهمها هم ليش سوا هذا كله ،، في حاجه حصلت بالجزء الاول بس مو مذكرتها بالضبط .. جد وقّاص وابوه كانوا ناوين ع شي هل هو كان خيانه لمطر او كان دعم له في الخفاء ؟ استبعد الخيانه لأنهم يشتغلون معه اللحين ..بس احس لسى ماتوضح او انا ناسيه عاد😅 فيتوو الله يسعدك وتستاهلين أحلى بشارة بس ترا هذا مايمنع اني ادعي تلخبطين بالايام هههههه ونكسب كم بارت قبل يومه .. ميشو تسلم الايادي ويسعد قلبك خليتي مخي يسوي عصف ويحاول يتذكر الاحداث 😂 شيوم ياعمري الله يوفقك وفالك الفل مارك ،، بالنسبة للقب اتوقع اسم كانت تحبه غسق ولا كانت تناديه فيه 🤔 بس المشكله الذاكره ماش ورماح ممكن يكون داخل من ضمن خطتهم ،، او انه مصاب وخارج البلد ،، |
رد: جنون المطر (الجزء الثاني) للكاتبة الرائعة / برد المشاعر
اقتباس:
امها ماادري ايش صار عليها وهي اللي كانت تطالب فيها🤔 الا مرورك يجنن ويجنن ومت ضحك 😂 اقتباس:
مستبعده مطر او صقر لانهم متكتمين ع نفسهم ولا في تواصل مع غسق ،، او ممكن رماح .. بس الكاسر توقعنا انه حي بس برد طلعت أكدت لنا انه ميت للاسف 😢 وقالت في ناس غيرهم بيموتون بعد ماقصرت 😂 اقتباس:
عجبني تفكيرك بالاجتماع حقهم وأنهم ناقصهم واحد من صنوان ،، وصح ممكن يكون رماح والعملية الاغتيالية تكون مجرد تبرر له وانه يتعالج برا ،، وكذا حسّيت من حوار رعد وغسق ،، انه برا البلد لانها ماقالت بزوره او شي ،، ورعد مااسترسل بالاجابة يعني عارف انه بخير 😅 الله اعلم اذا هو فشنك عاد 😂 |
رد: جنون المطر (الجزء الثاني) للكاتبة الرائعة / برد المشاعر
صراحه البارت روعه ولسه طبعا الاحداث هاديه لحد دلوقتي ربنا يستر من القادم
مش عارفه ليه قلبي بيقولي ان غسق لسه زوجه مطر ممكن ده الامر اللي مخوف غسق واللي قاله لها ابوها قبل مايموت او ممكن يكون ابوها قالها انه ابن عمها بس مستبعده الموضوع زيزفون هل هي زوجه نجيب مش فهمت اوي بس حتي لو مش مراته ليه جده ساكت ليه ماريه ربنا ينتقم من عمك بجد اكتر شخصيه صعبت عليا لان الطعن ف الشرف امر صعب جدا واظن تيم للان لم يشعر بما تعانيه تيما موقعه نفسك ف المشاكل دايما ياتري ايه موقف كيسم😉لما يعرف انك هتكوني زوجته المستقبليه وبنت ابن خاله وبنت رئيسه ياحوستك يابنت غسق دجي لسه عايش؟ لي عوده ان شاء الله |
رد: جنون المطر (الجزء الثاني) للكاتبة الرائعة / برد المشاعر
واووو واخيرا نزل الجزء الثاني الحمد الله على السلامة كاتبتنا العزيزة ربي يحميك ويحمي بلدك وبلدي من الارهاب ويحمي جميع المسلمين .
ما اقدر اخبركم عن حماسي وانا اشوف الرواية نزلت للنور كثيرررررررررررررررر متحمسة ولكل الابطال ومعرفة اخبارهم مطر وغسق بعد الهجر كيف هي اوضاعهم لم اتفاجئ بالتحول في شخصية غسق فماذا ينتظر من امرأه يهجرها حبيبها وزوجها ومعه ابنتها شخصية كغسق لا يمكن ان تنهار فهي زوجة وابنة عم المطر وابنة الشراع والدجى وابن الحالك المطر ضحى بالابتعاد مؤكد لاجل هدف اسمى وهو السيطرة على اوضاع البلاد والحفاظ على وحددتها مؤكد بأن ابتعادة له اهدافة الي تصب في مصلحة الوطن وتكوين خلية من الرجال قادرة على حماية الوطن . اما الابنة تيما متشوقة لقصتها مع قاسم اذا هو ابن العمة المختفي شخصية جذابة اذا هو ابتعد مع خالة دجى لاجل اهداف وغايات لا نعرفها ومنتظرة على نارر فك رموز واسرار هذا الابتعاد . تيم حابة اعرف اخباره موت وكيف اصبحت شخصيته وكيف نضجت انا وقعت في غرامة وهو طفل كيف اذا اصيح شابا اذا لم يختلف هو كما هومنذ اول جملة نطق بها لما ترك الطب وانظمة لجهاز الامن البريطاني وهو مع وقاص اهم عضوين في الشكيل لدى مطر وموقفه بقدوم والدة لم يكن مفاجىلن شخصية كشخصية تيم والظلم الذي عاناه والمعانة التي واجهها هو والدته لا يمكن ان تمحى من ذاكرتة او ان يسامح ويغفر . اذا اصبحت عودة تيم قريبة للوطن من اجل الزوجة المظلومة ماريا كيف سيكون اللقاء بينهم . وقاص وزيزفون اذا ادعت الخرس والجنون من اجل الانتقام من جدها ونجيب الاحمق تزوجها توقعت بانها هي من تكون زوجة لوقاص لكن وقاص تزوجة من اخرى تعاني من نقص في الذات لكن مطمئنة انهم لبعض انو لهم قصص كبيره مع بعض خصوصا بعد لقاء الاحضان بعد عودة وقاص من السفر وعدم نسيانهم للقاء وايضا وضع زيزفون وقاص نصب عينيها من اجل الانتقام من ضرار الجد . قلوب قلوب الشخصيتين روع رماح وأبان اغرمت صراحة فيهم في جنونهم ومرحهم اتوقع بانه سوف يكونون نكهه خاصة لرواية انتظر بفارغ الصبر قصصهم ومواقفهم ومن هن البطلات لهم . رعد يا رعد وفأك في الحب رائع جدا جدا وانتظرك لزعيم من ال ايجاد الحل ولقاءك بحبيبتك استريا . شكرا جدا وخالص لكي كاتبتنا العزيزه دائما عندما اقرأ روايتك اجد نفسي في عالمهم واعيش معهم جو الرواية وخلقك لهذا الجو مميز جدا بارك اله فيك ووفقك يارب ومن نجاح الى نجاح . باتظارك في قاد الفصول وشكرا كبير لفيتامين سي من اجل تنزيلها الفصول بالتوفيق عزيزتي . |
رد: جنون المطر (الجزء الثاني) للكاتبة الرائعة / برد المشاعر
ماشاء الله ردود البنات الاخيرة قالت التوقعات اللي بخاطري
بدايه رائعه ومذهله عزيزتي برد أتمنى تكتمل وتوضح جميع التساؤلات حول ترك مطر لغسق وأخذه لابنته |
الساعة الآن 11:11 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية