|
اقتباس:
صحيح والله هذا نظرة المجتمع للقيط نظره دونيه زياد لما فقد امه فقد الامان وصحيح والله كثير من الاسر الي تكفل ايتام الله يجزاهم خير فيهم خير ويعوضونهم اسعدني مرورك يا الغلا اقتباس:
زياد وعوق مالهم الا بعض مهما سوو سناء لعب بعقلها مشاري بتصوير الحياه القادمه بشكل يفوق الخيال وطارت معاه زياد حبوب يستاهل تكونين معاه وانا معك اسعدني مرورك |
اقتباس:
هلا وغلا انفاس قطر والله ما كنت مصدقه لما قريت اسمك في متصفح نوح الحمام اتمنى والله اني عند حسن الظن وفتحت نافذه صغيره على ها الفئه الي مثل ما قلتي ذنوب لا ذنوب لها ذيب وضحيه في ساعة غفله والنتيجه كائن بشري الكل يعاقب ويدفعه فاتورة شي ماله ذنب فيه الكتابه شي مخيف حتى لو كنت تملك الفكره والادوات غير ظروفك الي ما تقدر تتحكم فيها انا لوما كنت كاتبه القصه ومنهيتها من زمان مستحيل راح استمر كنت الوم كثير كاتبات ليش يعلقونا ويروحون الحين التمست لهم بعض العذر لما طالب اخونا تساهيل الشعب يريد قصه من انفاس اكاد اجزم اني انا العضوه الوحيده بليلاس الي ما طالبت انك تنزلين روايه لأن الكاتب هو اعرف بظروفه وفعلن الكتابه شي متعب ما تجي با الضغط على اني اتمنى من كل قلبي اني اشوف وحي الاعضاء يتزين با اسطوره جديده مذيله بتوقيعك اسعدني مرورك الراقي يا ملكة الرومانسيه وبأذن الله بيكون الاثنين بارت استثنائي اهدااء خاص لك مثل ما كان حضورك في نوح الحمام استثنائي |
اقتباس:
حكيمه مثل ما قال زياد مغضوب عليه با الحالتين وحقيقه عوق لو ماعرفت طريق اهلهت يمكن ارتاحت خطيب سناء مستهتر وهي عطته فرصه با استسلامها له لو ما رحمة الله ثم اللقيط كان علوم ممتنه والله لو جود المبدعه انفاس قطر في المتصفح اسعدني مرورك يا الغلا اقتباس:
هلا وغلا هتونه الله يوسع صدرك على ها الرد سناء طايره با العجه وطير شلوى مشاري استغل الفرصه لكن وقف لها زياد اهم شي انه وقفه عند حده ورد جزء من جميل العايله الي ضفته الي يقهر يا هتونه ان مشاري وسناء يعايرون زياد يا اللقيط وهم بغو يجيبون العيد ما ادري كيف تفكر العالم هتونه القصه الي قلتيها 99% اذا ماكان 100% هذي نظرتهم للبنت الي ترخص نفسها عوق والله بنشوف وش بتسوي هي بتفل السبحه لزياد والا بتمسك وصاة الوضيح ف عز الكلام سكت الكلام والله يا هتونه اشوف انها تنطبق على حالة ناس واجد وأتاريني ماسك الهوا بإيدية وآه من الهوى يا حبيبي مرورك مميز هتونه |
اقتباس:
|
بسم الله الرحمن الرحيم اللهم يا الله عليك ببشار واعوانه ومن سانده وداهنه, اللهم احصهم عددا وابدهم بددا ولا تغادر منهم أحد, اللهم إنهم طغوا وبغوا وعاثوا في الارض الفساد, وساموا المسلمين سوء العذاب , اللهم عجل بنهايتهم واشفي صدور قوم مؤمنين , اللهم لاترفع لهم راية واجعلهم لمن خلفهم عبرة وآية, اللهم اجعل بأسهم بينهم شديد, وفرق جمعهم وشتت شملهم , أنك ولي ذلك والقادر عليه, ولاحول لنا ولاقوة الابك, انك على ذلك شهيد وبالاجابة جدير. . . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., بمناسبة عودةالمبدعه انفاس قطر بيكون في بارت استثنائي يوم الاثنين.., . . اليوم بنشوف عوق المزايين في اول ظهور لها خارج بيتها يا الله تعالوا معاي...!! وسالفه جديدة؛ . . . البارت الرابع والثلاثون . . . زياديضحك\والله ما بعد صورتك وانتي وهو بيكون عندي خيارات.., ضابطه ام ولدها والشنطه اكبر من الام والولد.., زياد يتثاوب\خلينا ندخل نناااااااام ورانا دوام واجيال جديده تنتظر من يساعدها تطلع لدنيا ثاني يوم صحيت الصباح زياد كالعاده يطلع ما يصحيني..؟ امي من اكثر من يومين ما سمعت صوتها ضايق صدري عليها ولا معها جوال علشان اكلمها..! رقم جوالي معاها ليتها تكلمني من اي جوال تطمني عليها.., دق جوالي ان شاء الله امي..؟ شفت الرقم طلعت نجلاء.. نجلاء\صباح الخير لا يكون نايمه وازعجتك..؟ عوق\وعليكم السلام صباح النور لا صاحيه.. نجلاء\ بشريني عنك وكيفك مع الحمل.., عوق\طيبه وحملي ان شاء الله ماعليه .. نجلاء\ الله يقومك با السلامه عوق اليوم دينا بتطلع من المستشفى مع ولدها.. بنقهويها تجين معانا.. عوق\بشوف زياد واردلك .., نجلاء بضحك\زيادعلى ضمانتي ماراح يمانع الا اذا انتي مشغوله.., عوق\ لا والله عادي ما عندي شغل متى بتطلعون لها.. نجلاء \بعد المغرب..؟! عوق \على خير بأذن الله بحاول اجي معاكم.. سكرت من نجلاء وكلمت زياداسأله متى يطلع من دوامه..؟ قال كالعاده على وقت العصر..؟ صليت العصروجهزت الغدا ..!؟ اذن العصر حسيته تأخر كلمته بتطمن قال عند الباب ... دخل زياد وغير لبسه الي كل ما شفته احس بخوف وجلسنا نتغدى.. عوق بتذمر\ ليش ماتلبس ثوب عادي اذا رجعت ترى شكلك يخوف غير ريحة المعقمات معاك تروع.. زياد بضحك\ يا خوافه با العكس لبسي عادي والمعقمات ماليه البيت ليش ماتخافين منها .. لكن علشان بالك مشغول با الولاده صارت عندك ايحاءت غريبه.. تغدينا ودخلنا للمقلط غرفة نومنا الجديده.., عوق بحزن\امي ما كلمتني من يوم راحت لبيت وضحى قلبي مشغول عليها.. زيادبقلة حيله\لو معها جوال كان تطمنا عليها.. اليوم وانا جاي مريت من عند بيتكم شكل البيت مافي احد وحتى سيارة السواق ماهي موجوده عوق\مع امي السواق والخدامه ماتتركهم وراها اذا انا مو موجوده..؟! زياد بحب\خلاص اذا ما كلمتك اليوم بشوف طريقه تكلمينها.. عوق با امتنان\الله يجزاك خير.. زياد يبتسم\ولو ما سوينا شي مهما كان هذي جدة العنود عوق تبتسم\اليوم كلمتني نجلاء... دينا طلعت من المستشفى با السلامه وتبغاني اروح معهم.. زياد \عندي خبر ناجي مرني الصباح الله يخلي له ها الولد ويبلغه بره فرحان فيه.. اصر اجي اشوفه وطلعت معاه كسر خاطري انتي عارفه كيف النطق عنده.., من فرحته با الولد اسأله مايرد يناظر ولده ودموعه تصب عجز يعبر عن فرحته با الكلام بكى.. عوق بتأثر\حتى دينا مره مبسوطه انها ولدت ولد.. تدري زياد استغرب يوم تقول ناجي عنده صعوبه با النطق.. زياد \ليش ! عوق\مره جاتني دينا هنا وماكان لها كلام الا قال ناجي وسوى ناجي.. زياد يبتسم\ ناجي حبيب وقلبه ابيض يوم رحت املك عليك اصرانه يشهد على زواجنا.., و بعدين ناجي يستاهل بنت مثل دينا انسانه فاضله وبنت متربيه.. اكيد ما تكذب لكن توصل لك تصرفات ناجي بطريقتها ونظرتها هي.. عوق\شفته معك با المحكمه وحتى ثاني يوم زواجنا تذكر سلم علي وعرفت انه نطقه بطيئ .., زياد \دينا قليل با الحريم مثلها ما شاء الله عليها.., عوق\الطيبون لطيبات.., زياد\بعد زواجها اهلها جو عندنا هنا وعملوا زوبعه.., كان معاها موضي صغيره يبغونها تترك ناجي ورفضت قالت انتوا زوجتوني من البدايه.. وانتو عارفين وضعه وزعلوا منها فتره وبعدين اتصالحت مع اهلها.. عوق\الله يجزاها خير لو كان وحده ثانيه كان لقتها فرصه تتركه .. زياد\لا ام خليل ماتسويها حتى كلموا امي تتوسط با الموضوع وانها تقنعهاانه ما في فايده انها تجلس مع ناجي.. وهو فيه عاهه وحتى القدره على الانجاب يبغى لهم وقت مع العلاج.. امي الله يغفر لها تقول ناديتها في بيتي وقلت لها.. اهلك معاهم حق وانتي شوفي نفسك ناجي ماهو ضايع.. من يوم تطلعين من حياته بنزوجه ماراح نتركه بدون حرمه.. عوق بدهشه\كلام امك صراحه جامد.., تقول من تطلعين نزوجه وش كان رد دينا..؟! زياد بضحك\ام زياد ماعندها لف ودوران سيده با الوجه.. قالت لها ما تزوجت وابغى اتطلق ناجي ماقصر علي بشي ولا اعيبه بدينه.. اول شخص با المسجد والي فيه من الله سبحانه ماهو من يده ولماخطبني ماخدعنا اهلي عارفين عيوبه قبل الزواج.. وبنتي اتركها لمين..؟!! لزوجة اب غيرتها مني تاخذها منها..؟؟! اوعماتها الي كل وحده مشغوله في بيتها وعيالها ولاهم فاضين لها؟؟ واهلي تحسفوا الحين بعد ما الناس اكلتهم ليش بعتوا بنتكم.. عوق بتعجب\في قصص تسمعها توقف عندها ما تعرف ترد.. زياد بضحك\عش رجب ترى عجب..؟! عوق \ الله يرحم امك المهم بطلع بعد المغرب مع البنات عندها.. زياد\مو مشكله لكن عوق اذا حضرت سناء معاكم لا تحسسينها بشي او انك نافره منها.. مهما كان هذي بنت نجلاء وساري لا تخليني اندم اني قلت لك عن الموضوع.. عوق با استغراب \اعو ذبالله زياد وش شايفني.. زياد\لا والله عوقتي لاتصيرين حساسه وبعدين لا تستغربين كل شوي جايب لك قصه.. من كثر ماحولي بنات صرت احب اخذ واعطي معك على راحتي بالكلام.. عوق بغيره\خير..خير وش بناته.. زياديضحك ويضم عوق\سوري يا قلبي لا تفهميني غلط اقصد اني عشت بين خواتي وبناتهم ترى نجلاء وبشرى اول ما ولدوا البنات وبعدين الاولاد من غير الحالات الي تجيني كلها من العنصر النسائي..؟! عوق بتهكم\احسب بعد.. زياد\وترضيه لأم العنود هدية ولد ناجي علي.. عوق\اذا فيها ترضيات بحاول ابحث ورى زلاتك.. زيادبضحك\اجل تبطين تحصلين ترضيات.. اردف بتعب\ بريح ساعه وعلى صلاة المغرب صحيني .. زياد نام وانا طلعت للمطبخ بشوف وش باخذ معاي صعبه ادخل ويدي فاضيه.. دينا والده وانا اول مره ادخل بيتها.. عملت حلى مستعجل وقهوه .., وطلعت من المطبخ ابغى اغير لبسي واتجهز ما بقى شي على المغرب .. ما ابي اصحي زياد ينزل لي لبس ولا ابغى ارسل الخادمه لغرفتي.. وانا راح علي الوقت بحاول اطلع وانزل لبسي قبل يصحى زياد.. صعدت لغرفتي مستعجله .. دخلت الغرفه مكتومه باين شكلها مهجوره.. وطلعت لي لبس اخذت دش فوق بماان كل الي احتاجه هنا.. لبست واستشورت شعري من زمان ما فكيته خليته على طوله ولميته من فوق بكلبس .. وحطيت مكياج خفيف وطلعت عبايه جديده وطرحه وشنطه من جهازي الي مافكيت منه شي ... فتحت علبة اكسسوارات عندي كان فيها تعليقه قديمه من امي وسلسال التعليقه على شكل سيفين ونخله امي اشترتها لي وانا ادرس خامس ... حاولت البسها السلسال صغير علي.. مع الحمل احس كل جسمي متورم .. تذكرت عندي سلسال يناسبها بدور عليه والبس عليه تعليقة امي واذا رجعت امي من عند وضحى تشوفني لابستها.. سبحان الله كأنها البارحه يوم نجحت بخامس اشترتها امي ولبستني تقول لااشوفتس منزلتها امي تعتقد ان الذهب يمنع العين والحسد.., ونزلت وناديت الخدامه عطيتها العبايه والطرحه تكويهم وبرقع من البراقع الي جابته لي امي يوم حضرت عشا نواف حسيتها انها تبيني البسه..! ابشري يا الوضيح ووالله لو تبيني ادفن نفسي با الحيا ما قلت لا .. الخادمه اول مره تشوفني فاكه شعري.. الخادمه بتعجب\مدام هذا شعر والا عبايه.., عوق بضحك\ لا شعري هذا.., ما ادري خفت من كلمة الخدامه نغزني قلبي منها ولميت شعري بكلبس.. دخلت على زياد وصحيته خلاص اذن المغرب.. طلعت من الغرفه صليت وجلست انتظر زياد.. رجع من المسجد.. زياد يبتسم با اعجاب \ماشاء الله وش ها الزين.. عوق بخجل \بالله شكلي حلو احس اني منتفخه حيل زياد بضحك \ حلوه بكل حالاتك اقري على نفسك بس .., اردف زياد\توقعت ما القاك.. عوق تبتسم \ كنت انتظرك بتطلع مكان.. زياد\مواعد جزاع ونواف تبين شي.. عوق\سلامتك تقهوى.. زياد\ لا ما ابي ااخرك لا تتركين الخدامه وراك خوذيها معاك.. عوق\اكيد باخذها من بيشيل الاغراض الي معي.. زياد\ذكرتيني بهدية ولد ناجي بطلع فوق وراجع..؟! صعد زياد وانا لبست برقعي وعباتي رجع زياد زياد بدهشه \غريبه وش عندك لابسه برقع ام العوق .., عوق تضحك\لاتخاف مانيب مطلعه عيوني بتغطى عليه.., زيادبضحك\لاماهو قصداكيدبتغطين عيونك اجل بتطلعين وعيونك كذا لكن اول مره اشوفك طالعه ببرقع.., عوق تبتسم بحزن \اجل عود نفسك اذا زرت احد او زارني بتشوف علي برقع ام العوق.. زيادبمزح\اهم شي اذا انتي معاي لا اشوفه غيره بكيفك سوي الي يريحك كم ام عنودي عندي اردف بضحك\سبحان الله يا عوق شكلك كأنك امك با اختلاف المراحل العمريه..!! عوق با ارتباك\وش كأني امي البرقع يبين ان كل الحريم يتشابهون وياالله تأخرنا على الناس زياد \هذا ظرف فيه فلوس يستفيدون منها اكثر وخصوص انه ولد هديته محيره.., عوق بتهكم\ما شاء الله عليك وش هالظرف لا بعد لونه احمر.., زياد بضحك\ عادي بس كنت محتاج اشياء من المكتبه وصيت عيال نجلاء لقيتهم جايبينه لي مع اغراضي.., احتفظت فيهم بمكتبي قلت يمكن يجي لهم يوم واحتاجهم.. عوق بضحك\والله ما انت سهل تخطط لبعيد والظرف حلو وذوق والاحلى انك كاتب هديه من ام العنود.. زياد يبتسم\تعرفين البيت والا اطلع معاك.. عوق \اطلع معاي عمري مادخلت بيتهم اشوفه بس من بعيد.., زياد بندم\لو ما سوء التفاهم الي صار بينا كان صارت زيارات بينكم.., اردف \ايام تنذكر ولا تنعاد ان شاء الله.. عوق تبتسم\ راح الوقت يا دكتور خلنا نطلع.., طلعت لبيت ناجي مع زياد با السياره على ان البيت قريب.. دخلت عليهم بيتهم صغير لكن مرتب ونظيف حتى الاثاث كان متواضع.. لكن الترتيب والذوق معطيه فخامه.. سلمت على الموجودات كانو نجلاء وبناتها كلهم ماعدا عبير كانت مسافره مع زوجها.., وبشرى وبناتها وفي وحده شكلها من اقارب دينا تشبه لها كثير.., باركت لدينا الي فرحتها بولدها منسيتها الي حولها.., بشرى بقلق \تأخرتي عوق .. عوق\ما اعرف البيت انتظرت زياد وصلني.. نجلاءبا اعتذار\ما عليش عوق غلطتنا نسيت انك عمرك ماجيتي هنا.., عوق منحرجه\لا عادي.. جلسنا نسولف كلنا الا سناء ما سمعت صوتها.., تناظرني واذا التفت عليها اشغلت نفسها بطفل معها شكلها والده قريب. اصايل با اعجاب \عوق طالع شكلك وااااااو با البرقع ودي البسه ما افكه مثلكم.., حنين بسخريه\بسم عليك اصوله ليش حبيبتي تتوقعين ان شكلك بيصير مثل عوق با البرقع .., دينا \ليش عوق ما بتنزليه كل الي جالسين حريم متلك متلهن.., قاطعتها نجلاء\عادي ديناخلي عوق براحتها.., دينا منحرجه\والله مو أصدي لكن بحس موماخده راحتها..! عوق بضحك\لا بلعكس انابا البرقع اخذ راحتي اكثر .., مجدبممازحه\عوق لا تصيرين مثل امك بموت اشوف وجها ولاشفته.. نجلاءتناظر مجد بحده \عوق في بيتها ما تلبسه الا اذا طلعت صح والا انا غلطانه.., عوق بضحك\تهبل امي بسم الله عليها ولبس البرقع من عوايد اهلها واحس اني اذا لبسته تستانس امي.., وفاء بتساءل\عوق تعرفين ازهار.., عوق با استغراب\من ازهار.., وفاء بتأكيد\كانت معاك عربي قابلتها قبل كم يوم..؟! تذكرتها وقلبي عورني هذي بعد وش عندها لايكون مطلعه علي اشاعه ياربي سترك..., عوق با ارتباك\ايه تذكرتها لكن ماهي بقاعتي.., وفاء \ قلت لها انك زوجة خالي وانبسطت كثير.. حتى تقول انهم خطبوك لواحد من اخوانها لكن رفضتي.., عوق بتوتر\هي صادقه ما صار نصيب بينا وبينهم.. مجد بفضول \ ليش رفضتيهم..! نجلاء بحده \مجدعيب وش ها التحقيق..؟! مجد\والله ماما سؤال عادي..., عوق تبتسم\ نجلاء وش فيك عليها اردفت عوق\استخرت مجد ولا ارتحت وان شاء الله انه لقى الي افضل مني .. وفاء\ازهار مره والله تمدح فيك وكانت تتمنى انك من نصيب اخوها.. وقالت ان خالكم محظوظ لما تزوج وحده با اخلاق والتزام عوق.. بشرى بضحك\اكيد هذي دعوات خالتي الله يرحمها لزياد.., نجلاء \عوق وش رايك بولد دينا.. عوق \ تبارك الرحمن الله يحفظه حلو بسم الله عليه.., مجد \الا الحلو ان شاء الله انتي بتولدينه عاد من زينه ولد دينا صغير واسمه خليل..! دينا بممازحه \حرام عليك مجوده شو ها التحطيم والله خلو بيجنن ياريت بيطلع على عمي خليل الله يرحمه.., نجلاء بتوعد\اليوم مجد فاضيه لكم المره الجايه ان شاءالله جنة الاطفال بيوتهم.., مجدبترجي \ماماتكفين اجلي القرار لبعد ولادة عوق يارب تولد بنت وتكون نسخة خالي زياد.., وفاء\ عوق ما سألتي ولد والا بنت اكيد خالي خبرك.., عوق \والله يا وفاء خالك ما ينعرف له..! رافض اني اسأل من وراه لكن يقول اذا بنت بيسميها العنود.., اصايل \طيب انتي مقتنعه با الاسم عادي يسمي على جدتي الله يرحمها..., عوق\اكيد مقتنعه ولو ما فكر انه يسمي انا طلبته يسمي على خالتي.. نجلاءبا اعجاب \الله يكملك بعقلك ماشاء الله عليك الله يقومك با السلامه.. بشرى بألم \والله ماتندمين اذا سميتها العنود وبتكونين محظوظه اذا جات بنتك بطيبة خالتي وحنانها..., مجدبممازحه \تدرين عوق خالي رهيب يومه حيرك حملك ولد او بنت.., نجلاءبقهر \ثانويه عامه ومدري متى تكبرين.., ولد دينا ماخذ بياض امه وملامح ابوه ونجلاء كانت تشبهه في ولد الحرمه الي موجوده..! مع انه ما يشبه له بنظري..., عرفت منهم انهااخت دينا متزوجه واحد من اصدقاء زوج بشرى.. اشتقت اني اولد بسرعه بعرف طفلي من يشبه ان شاء الله يشبه زياد.., قبل امشي لبيتي سلمت على ولد دينا واعطيتها الظرف الي من زياد.., رجعت للبيت مع نجلاء الي اصرت توصلني .., انبسطت كثير مع البنات وتعليقاتهم على ولددينا وبنتي العنود الي ما بعد شرفت لدنيا.. والله يجزاها الف خير ازهار على مدحها لي ولا حاولت تشوه سمعتي اني رفضت اخوها.. او حكت بتفاصيل الخطبه والي صار فيها ممنونه لك يا ازهار الله يوفقك وين مالقيتي وجهك... مثل ما حفظتي ماء وجهي قدام اهل زوجي وكبرتيني بعيونهم.., دخلت بيتي وانا افكر بولد دينا طلع للحياه بين عماته وخالته وتعليقاتهم عليه كل وحده تقول الصفه هذي ماخذها منكم انتم.., حتى هذي حرموني اهلي منها تشبيه طفلي لأقاربه..! دخلت غرفتي وانا احس بضيقه وقعدت ابكي ما ادري ليه هل هي غيره من دينا الغريبه واهلها الي يكلموها ويتطمنوا عليها من اماكن بعيده وفي منهم ما سمعت صوته ومقاطعها على كلامها من سنين طويلة وفرحتهم انها ولدت ولد خلتهم يكلمونها.., والا من الم ظهري الي احسه بينقص من الوجع..! او اني فاقده امي من كم يوم حتى صوتها ما سمعته.., من زمان ها الضيقه ما حسيت فيها.., استعذت بالله من ابليس وصليت العشاء.., كلم زياد يسأل انا وين قلت با البيت كان بيمرني في بيت ناجي.., على طول خفت يلاحظ بكاي غسلت وجهي بمويه بارده وغيرت لبسي وجلست با الصاله انتظره.., دخل زيادوهو مبتسم.., زياديبتسم \السلام عليكم توقعتك تتأخرين عندهم ان شاء الله انبسطتي معاهم.. عوق تبتسم بوجع\اي الحمدلله كثير والله استانست معاهم وخصوص مجد عليها تعليقات.. زياد بضحك\لايكون استلمتك..؟! عوق\ لا بس تدعي ان بنتنا تشبه لك..؟! زيادبمزح\ان شاء الله تشبه امي ما ابيها تشبهني .., اردف زياد\مجد جدآمشاكسه وتعليقات عليها مو طبيعيه وكيف خليل ان شاء الله طيب.., عوق تبتسم \ماشاء الله لو تشوف ام موضي وبناتها كيف مهتمين فيه ما يبونه يفتح فمه.. ضحكتني سمر تلعب مع البزارين وتحس عيونها واذانها عنداخوهاوكل شوي تجي تركض تشوف سريره ..؟! زياد يبتسم\الله يحفظه لهم جدآتعبوا نفسيآوماديآهي وناجي الله يعوضهم خير.., عوق تبتسم \ ام موضي راجعت عندك علشان حملها .., زياد بضحك\لا رفضت تقول ما بخلي زياد يفحص علي هي تراجع بنفس المستشفى الي انا فيه رشحت لهاالدكتوره سديم متا بعه حالتها وهي الي اشرفت على ولادتها.. , عوق بغيره\ماشاء الله زياد يبتسم بتهكم \شامم ريحة غيره .., عوق با انتقاد\ لا غيره ولا شي بس سديم كم مره يتكرر اسمها.., زياد\حرام عليك دكتوره سديم متزوجه وبعدين اكبر مني بكثير .., اردف زياد\على فكره ترى سديم عقيم عوق بدهشه \سبحان الله اخصائية نساء وتوليد وعقيم .. اردفت عوق \غريبه ليش ماتعالجت او عالجت نفسها .. زياد\دكتوره سديم عندها عيب خلقي في الرحم وهذا الي منعها من الحمل.., عملت عمليه وماكانت ناجحه سبب لها عقم تام ..! عوق با استغراب\بيت ناجي ماتوقعته كذا..؟! زياد بدهشه\ليش..؟! عوق\صغير مره لكن ما شاء الله مرتب وحتى اثاثهم ذوق دينا مستغله كل مساحه با البيت ما شاء الله عليها..؟! زياد\الحمدلله ان ربي وفق ناجي بزوجه مثل دينا..؟! وبعدين عوق ترى الحي هذا اسعار الاراضي فيه فلكيه وعايلتنا حالتها متوسطة والحمدلله ان ربي قدرنا واخذنا ارض هنا وبنيناهااول كنا في حي اقل من عادي.., عيال عمي خليل يدهم وحده وناجي وظيفته جدآبسيطه.., لكن ساعدوه امي وخواته وقدر يسكن في بيت ملك.., عوق بتردد\ ما قدرت تلقى طريقه اكلم امي ..! زياد يبتسم\وهذا الي مخلي عيونك الحلوه حمرا ومن اليوم تطلعين من موضوع وتدخلين بموضوع!؟ عوق بارتباك \لا ابدآ عيوني حمرايمكن علشان مانمت .., زياد بقلق \مو مسألة نوم وش فيك عوق..؟ سامعه شي ضيق صدرك..؟! عوق بضيقه\ما ادري زياد مخنوقه حاسه بضيقه طابقه على صدري .., زياد \لا تقولين علشان امك لأني ماراح اصدقك.., عوق تتنهد بوجع\من كل شي..؟! زياد با استنكار\كيف من كل شي..؟! عوق \اليوم عند دينا الكل فرحان بولدها ويشيل ويحط فيه.., اهل ناجي كلهم حولها وهي غريبه بينكم الا ان جوالها ماوقف...! اقارب ناجي يكلمونهافرحانين ان ربي رزقها ولد.., اخوانها واقاربها بقارات ثانيه كلموها وهي مره تضحك مره تبكي من الفرحه.., زياد بدهشه\شي طبيعي مولود جديد وهي وناجي يتمنون ها الولد من زمان..؟! عوق ببكى \انا من راح يفرح فيني والا ينتظر عوق وش ولدت بنت والا ولد..! انا وانت محرومين من ابسط شي حتى انا ننسب شبه اطفالنا لأهلنا.., اطفال بينولدون محرومين من عم وخال وعزوه..؟ زياد يتنهد بضيقه\عوق مهماقلت او حاولت اهون عليك ماراح اقدر اخفف عنك قوة الالم الي تحسين فيه لأني مجربه.., لكن وش بيدي والا بيدك عطيني حل واقعي للي مثل وضعنا..؟! عوق تمسح دموعها\وين الحل يا زياد كل شي له حل الا مشكلتنا..؟! زياد بحزن وشرود\انابفتره من حياتي لما فهمت معنى لقيط صح وبمعناها الحقيقي.., وطبعآالبركه بزملاء المدرسه وبعض الجيران..؟ كنت راح انجن مرات اتمنى اني يتيم امي وابوي توفوا بأي شي المهم اني اعتبرمعروف النسب..؟! وتجيني خيالات واحلام اما اني انولدت نتيجة زواج مسيار ولا قدرت امي تثبت نسبي.., او سرقوني حراميه بيساومون اهلي علي يبون فديه واهلي رفضوا و خافوا الحراميه ينكشفون ورموني بعيد عن اهلي ..؟! يرجعني لواقعي وارضخ لمرارة الحقيقه لما اتذكر كيف لقاني ابوي مساعد.., انا اول اسباب دراستي با امريكا اني ابعد عن المجتمع الي كنت فيه ونظراتهم لي... كثير لحظات كنت اتمنى اقدر اسوي فحص واشوف نفسي لأي جنسيه انتمي.., من كثر ما اشوف نظرات الاستغراب بعيون الي اتعرف عليه اول مره.. يستغربون لما اقول اني سعودي بعدين لما كبرت شوي.. وخالطت الناس وخصوصآدراستي الطويله با امريكا.. ماعادت مسألة اني مجهول النسب تشغلني كثير.. لأنه شي مالي يدفيه والمجتمع قاعد يعاقبني بذنب وجريمه ما اقترفتهم.. واذا جاتني حالتك هذي كنت افكر با اسوء الاحتمالات الي ممكن تكون صارت لي.. اتخيل نفسي مكان حالات مرتني با المستشفى وحالات قريت عنها للقطاء ..!! مثل الطفل الي لقيوه ماكل جسمه النمل وهو حي اصيب با التهاب وعاش فتره وتوفى.. وطفله كانت مولوده قبل وقتها ولقيوها مرميه ولو لقيت رعايه وقت ولادتها يمكن راح تتعالج.. الحين مصيبتهامصيبتين مجهولة النسب ومصابه بشلل بسبب ان العمود الفقري ماكان مكتمل.. او الطفل اللقيط الي لقيوه بمكان مهجور وطالعه عليه قوارض وماكله جزء كبير من اطرافه وعايش الحين با اعاقة كامله.., انا وانتي كنا محظوظين احتضنونا ناس اهل خير احسنوا تربيتنا وربي سخرهم لنا.. والدوله كانت ترعانا واحنا داخل الاسر ولنا مخصصات ماليه ورعايه.. صحيه اتوقع انتي مثلي كانوا كل فتره يتطمنون علي ويشوفون كيف امي وابوي يرعوني.. وهذا انا دكتور وانتي معلمه واهلنا الحقيقيين لهم رب يحاسبهم يعني على بالك هم مرتاحين..! عوق بمراره \كل الي فكرت انت فيه انا لما اكتشفت حقيقتي فكرت فيه كنت اتمنى اي شي الا اني بنت غير شرعيه .. والمخصص الي كان يصرف لي امي حالفه ما اصرف منه بحساب مستقل لي.., حنا تعبنا ماهو مادي تعبنا نفسي ذبحنا استحقار الناس لنا .., زياد بوجع وقهر\ذكرتيني في واحد سعودي تعرفت عليه با امريكا مجهول نسب عايش هناك ومتزوج امريكيه ومستقر على طول .., تخيلي كفلته حرمه ماعندها اطفال عارفه ليش اردف زياد بتهكم موجع \علشان المخصص الشهري الي ينزل لليتيم هي تاخذه وتستفيد منه.. يعلمني بنفسه يقول ليتها ما كفلتني..! كانت كل يوم ترميني عند ناس مايهمها بأي وضع انا وكثير تعرضت لتحرشات غير اخلاقيه من الناس الي ترميني عندهم وحتى من ابناء عايلتها ماكانو يعتبروني بشر دم ولحم مجرد ابن حرام منبوذ واي ممارسه او تحرش بنظرهم و تصورهم عادي.., ولما اشتكي لها تضربني وتقول انت قليل ادب.., ما ارتحت الا بعد ما الرعايه اكتشفو الي صار لي واخذوني منهم فتره وهو يتعالج من الي صار له تخيلي على ان الاشياء الي صارت له وهو صغير تأثيرها النفسي عليه حتى بعد ما كبر.., زياد با الم \حاولي تنسين او تتناسين ها المشاعر ترى اذا اشغلتي نفسك فيها فعلن هي الي بتذبحك ماهو نظرة الناس واصلن ماراح تستفيدين شي.., عوق بحزن\والله ادري زياد لكن احساس ماني قادره اتخلص منه.. تدري حتى حملي مافرحت فيه زي العالم والناس خفت من نظرة المجتمع له.. زياد يبتسم بحزن\ لا تكفين لاتكون نظرتك سوداويه مثلي زماااان.. انا اخرت زواجي سنين بسبت ها الافكار اطفالي وش بتكون نظرة الناس لهم.. لأن نظرة المجتمعات لمجهولين النسب وحده منبوذين عالميآ.., فكنت اسعى اني ادرس واطور نفسي علشان اسعد نفسي.. مقوله سمعتها مره جربتها لقيتها حقيقيه.. َمن لآ يملِك السعآدَة في نفسِه فلنْ يجدهآ في الخآرجْ ، لِذآ تعلّم كيفَ تكونُ سعيداً حتى لَو كنت وحِيداً . فإذآ أسعدتَ نفسَك إستطعت إسعآدَ مَن هُم حولِك ، فَ التغيير يبدأ مِن الدآخِل ! عوق تبتسم بحزن \زياد تدري اني ما اغبطك انا احسدك.. زياد بضحك\ما يحسد المال الا اصحابه ليش طيب.., عوق\رغم الجراح الي داخلك والي ما يشوفها الا الي يقرب منك.., الا انك عندك قدره على العطاء عجيبه تاخذ وتعطي وعندك امل .., زياد\طيب وحطيت يدي على خدي وقعدت وش راح يصير يعني..؟! بتبقى على خدي ولااحدراح ينفعني با العكس انا جديت واجتهدت وخليت لي مكانه..., واحلم اني اكون اسره كبيره اولاد وبنات واشوف بشر من لحمي ودمي حقيقه.. وبحط شعار لحياتنا الزوجيه بما اني دكتور نساء وتوليد لايوقف.., عوق بدهشه \وش لا يوقف ..!!!؟ زياد \يعني مافي لاتنظيم ولا تحديد نسل .., الاسره الي كنت انا وانتي نتمنى انا ننتمي لها..! بنكون اسره كبيره بأذن الله تنتمي لنا ..ّ! عوق\الحين تأكدت من جد انك دكتور.. زياد يضحك بسخريه\ليه ماكنتي مقتنعه يا استاذه عوق.., عوق\ماهو المقصد لكن مهنة الدكتور انه يعالج نفسية مريضه وبعدين جسده كلامك احس هداني شوي..! زياد\وبمناسبة هدوء اعصابك عندي لك مفاجئه..؟ عوق\ماابي الا شوفة امي هذي احلى مفاجئه .. زياد يبتسم \وامك بكراترجع لبيتها الصباح اليوم جزاع يبشرني يقول ام ابراهيم مكلمه الحرمه الي عندها امك وقالت لها ان ام عوق بترجع لبيتها.. عوق بفرحه وامتنان\الله يبشرك با الخير احس غياب امي عني سنين.. زياد با ارهاق \المهم في عشا لأني دايخ وابي انام.. عوق\العشا دقايق واجهزه ماشاء الله صاير نومك بدري.., زياد\اول شي صاحي من الفجر ولا ريحت يمكن ساعه بعد العصر.. ثاني شي لو ادركنا فايدة نوم الليل كان ما شفتي احد سهران.. عوق \ اكيد اي شي يخالف الفطره بيكون مضر لا محاله.. جهزت عشا زياد والم ظهري احسه يزيد.., زياد با استغراب\وش فيه وجهك احسك تعبانه...! عوق \لا عادي يمكن علشان تحركت كثير اليوم رجلي شوي تألمني وظهري.. زياد \ خليني اخذك للمستشفى.., عوق بخوف \تكفى زياد لاتخوفني احس اني خلاص طبت مافيني شي .., زياد بتحذير\المهم لا تتهاونين بأي اعراض تحسين فيها على طول خبريني لا تغامرين .. عوق \حاضر دكتور اتوقع لو اتمدد شوي بيروح الالم.. تعشى زيادودخل ينام وانا انسدحت على كنبه با الصاله احس اني تعبانه ولا فيني نوم .. بطني وظهري ماني قادره حتى اخذ نفس الخدامه دخلت غرفتها وزياد نايم وتو الليل بأوله.. حسيت الالم زاد علي انادي زياد ما يسمعني ابي امشي ادخل الغرفه ما قدرت .., ماكان قدامي الا الجوال ادق على جوال زياد مايردشكله صامت..!! . . . (كلمه اخيره) إذا التقمك حوت الهمّ والغمّ وأحاطك الحزن فسبّح كثيراً وتذكّر يونس في بطن الحوت (فلولا أنه كان من المسبحين للبث في بطنه إلى يوم يبعثون د.سلمان بن فهد العوده . . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
يعطيك العافيه يا ام الوليد ابداع الله يهون على عوق كان ما تولد في البيت لحالها مسكينه
|
ام الوليد
الله يسامحس والله دمعت عويناتي حسيت بالخنقه من مشاعر عوق واحساسها بالنقص وكيف ان هلها حرموها من حلاوة احساسالحمل الاول وانها تشوف ملامح من اقرب لولدها احساس مرير وصلتيه بحرفنه زياااد احترمك جدا جدا ومعاك ومؤيده لكلامك السعاده داخليه ماهي بوجود الواحد بين الناس السعاده صناعه داخليه ربي يجزاس خير اللي دائما تذكرينا بدعواتك على طاغية سوريا الله يبيده انفاس قطر يا هلا والله منوره واغبط ام الوليد يوم قريتي لها وهي فعلا تستحق ماشاء الله تبارك الله |
يا مرحبا ومرحبتين والكاذب له عمى العين بأم الوليد والله اني صادقه اممممممم مادري وش اقول عن بارت اليوم بس واكسرت خاطري عوق بصراحه إحساس صعععععب وعمري مافكرت بهالفئه من هذه الناحيه وهي تشكي عوناتي دمعت الله لايبلى مسلم ويحفظ اعراضنا يارب وخايفه تموت وضوح وماشفت عوق ولافرحت بولادتها فاقدين الريم وقفشاتها الحلوه معاً مجد اليوم ونستنا يمكن هي الوحيده بعائلة زياد الي فيها حياه اما الباقي يادافع البلاء كنهم بعسكريه جامدين حتى بحوراتهم ................وشكرا على بارت الهديه وأنفاس كلها بركه والله يوم شفت اسمها ذاك اليوم احس كني فوق السحاب من الفرحه طايره ودمتي بصحه وعافيه يالغلا
|
َمن لآ يملِك السعآدَة في نفسِه فلنْ يجدهآ في الخآرجْ ،
لِذآ تعلّم كيفَ تكونُ سعيداً حتى لَو كنت وحِيداً . فإذآ أسعدتَ نفسَك إستطعت إسعآدَ مَن هُم حولِك ، فَ التغيير يبدأ مِن الدآخِل ! وقفت كثير عند هالكلمات وفكرت فيها .... بصراحة ماادري ويش اقول الله يخليلك احبابك ويصلحلك اولادك ويجعلهم من البارين بك الله يوفقك يارب اتوقع البارت الجاي ولادة عوق والمواقف اللي تصير فيه متشوقين لهالبارت يعطيك الف عافية |
اقتباس:
بنشوف وين بتولد عوق اسعدني مرورك اقتباس:
هلا وغلا عوق اكثر ما تعانيه انها عرفت اهلها وهي متأكده انهم ما يبونها هذا الي حزنها وعوق مثل كل ام وهي حامل تفكر اشباه ولدها لمين وزياد كلامه صحيح الي متى البكى على الاطلال خلاص الواحد يعيش واقعه ويشوف حياة ناس تعاني اكثر منه سوريا عسى الله يكشف كربها مافي ايدينا الا الدعاء لهم عودة انفاس تستاهل بارت اضافي بكرا بتشوفونه بأذن الله اسعدني مرورك يا الغلا اقتباس:
يسلمك ربي ويحفظك من كل شر والله صادقه ها الفئه اكثر فئه منسيه ومظلومه بنشوف توقعك وريم لها عوده قريبه عايلة زياد بيعجبونك بناتهم لهم قفشات حلوه تستاهل بنت قطر ملكة الطرح والا لتزام بارتات ماهو بارت بس اسعدني مرورك يا الغلا اقتباس:
اللهم امين الله يجزاك خير على الدعوه الطيبه ولك با المثل حقيقه سعادة الانسان تبدى من نفسه بنشوف توقعك صائب او صائب و الله يهون عليك ويرزقك بطفل تام الخلق والخلقه اسعدني مرورك يا الغلا |
السلام عليكم
يحييي الله طيوف وابداعهها المنقطع النظير يبوووووووووووي جاها الطلق المسكينةوالله انها بتشوف الويلات بس عسى الله يرحمها ويخفف عليها وهالزياد الله يسامحك يعني قالت لك انا فيني عوار مو كان المفروض تخلي جهازك عام وعند اذونك يعني اهي بحال انها تطلع وتنزل هذا طلق هذا مو لعب جهال اسالني انا يادكتور بس انا ملتمستلك العذر رجال من الفجر على قعدة وحدة ما غير هالساعة العصير الله يعينك (فيس بصفك على طول) بس ياخوفي البنت يكون معاها انذار كاذب وطيوف تلعب باعصابنا بهالبارت طيوف بصراحة خليتينا نفرح بردة انفاس قطر اضاعف لانها خلتج تنزلين بارت استثنائي لج مني كل حب وتقدير وعسى الله يحرم كلج ومن تغلين ويغليج على النار.........نموره |
بسم الله الرحمن الرحيم
اللهم عليك ببشار ومن عاونه وأعانه ، اللهم أرنا فيهم عجائب قدرتك وآياتك, يارب ضاقت الا منك يافرج المكروبين كن لعبادك المستضعفين في سوريا, يالله نسألك لهم فرج قريب , ومخرج رحيب, انت ارحم الراحمين, . . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم اوالشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه واحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., واهداااااء خاص للأ سطوره #انفاس قطر# بمناسبة عودتها لنا بعد غياب عام كامل.., . . . اليوم بنشوف عوق المزايين ومولودها الجديد والاحداث المتلاحقه بحياتها.., . . يا الله تعالوا معاي...!! وسالفه جديدة؛ البارت الخامس والثلاثين . . حسيت الالم زاد علي انادي زياد ما يسمعني.., ماكان قدامي الا الجوال ادق على جوال زياد مايردشكله صامت..!! دقيت على نجلاء ماترد.., طرت في بالي بشرى كلمتها وردت علي.. عوق بتعب\بشرى انتي وينك.. بشرى بتوجس\ في بيتي وش فيه صوتك.. عوق ببكى\بشرى تعالي للبيت انا تعبانه.. بشرى بذعر\زياد وينه عسى مافيكم شي .. عوق بتعب \بشرى بسرعه تعالي تعبانه الحقيني.. بشرى بخوف\عوق لايكون معك ولاده ينزل معاك دم.. عوق بوجع \ما ادري تعالي بسرعه الله يخليك.. بشرى \انا طالعه من بيتي ومعك على الجوال.., عوق تبكي برعب\بشرى ملابسي غرقت دم.. بشرى \شكلها ولاده لكن تمددي على الارض ارتاحي لا تتحركين وهدي اعصابك انا عند الباب.. عوق بصراخ \واصلي دق على الجرس يمكن زياد والا الخدامه يصحون.., اردفت عوق\اسمع صوت باب انفتح .. زياد بحده \مين الي معلق على الجرس.. عوق ببكى\زيادالحقني قاعده انزف..!؟ زياد بغضب \ ليش ما صحيتيني.. عوق بوجع وصراخ\افتح بشرى عند الباب بسرعه..! دخلت بشرى واحس بصوتها هي وزياد والخدامه وعلى طول لفوني بعباتي وبطانيه.., وحسيت بشي غريب صار لي وبعدها ماعدت احس بشي الا صراخ بشرى.. تقول زياد زوجتك ولدت ..! صحيت على مثل الضباب واحس با اصوات مختلفه .. واحس احد يضرب وجهي.., زياد يصحي عوق \عوق معي تسمعيني ..؟! الحرمه\مبروك مدام عوق خلاص اصحي معانا..!؟ ماعرفت من هذي الي تبارك او ليش تبارك ... صحيت وانا ظر زياد ومعاه حرمه منقبه.. حاولت اتحرك لكن ماقدرت ايديني كان فيها مغذي وشي ثاني شكله كيس دم وحلقي ناشف... زياد\عوق الحمدلله على السلامه كيفك الحين.. عوق بتعب\تعبانه ودايخه وش الي صار لي .. زياد يبتسم\ما صار غير الخيران شاء الله.. عرفت الحرمه دكتوره سديم ..., سديم \مبروك مدام عوق الف مبروك .. عوق مرهقه\ ان هنا ليش.. سديم وهي تمسح على راسي \انتي هنا علشانك ولدتي با السلامه.. عوق بدهشه\ متى ولدت..! زياديبتسم \ في الليل .. عوق بدهشه وخوف \معقوله ولدت ما حسيت باالولاده يمكن علشان عمليه.. زياد وسديم يضحكون استغربت ضحكهم..! استأذنت سديم وطلعت بقيت انا وزياد وممرضة با الغرفه الي كانت اجهزتها كثير.. واستغربت كثرة الاجهزه فيها هذي شكلهاغرفة عمليات لكن تشبه الغرفه الي كانت فيها خالتي العنودقبل تتوفى.. عوق بخوف\زياد الغرفه غريب شكلها..! انا للحين بغرفة العمليات..؟ زياد يبتسم\ الحمدلله مافي عمليه طلع الجنين اشطر من المشيمه الي كنا خايفين منها ونزل طبيعي قبلها.. وهذي غرفة ملاحظه لأنك نزفتي كثير وهبط معاك الضغط وان شاء الله اليوم او بكرى تطلعين لجناح التنويم.. عوق \ الحمدلله لكن ما حسيت بولاده.. زياد\اكيد لأنه اغمى عليك النزيف الي معك كان حادوبعدين انتي ولدتي با السياره عوق بذهول\كيف با السياره..؟! زياد\هذا الي صاروالحمدلله ان بشرى معاك وكنا قريبين من المستشفى..! زياد ابتسم واردف بهمس\طفلك مثل ابوه محل الولاده السياره... عوق بتعب\ احس با الم من المغرب لكن ماتوقعتها ولاده..؟! زيادبملامه \ انا قلت لك اي شي يصير معك على طول خبريني.. عوق \ الحمدلله على كل حال بشوف المولوده وينها .. زياديبتسم\شدي حيلك صحصحي وبتشوفينها با الحضانه.. عوق\عادي الحين اقوم معاك تكفى زياد بشوفها.. زيادبحده\وش تقومين انتظري هذا اخر كيس دم يخلص ويصير خير بعدها.. عوق بوهن\كم الساعه الحين.., زياديناظر ساعته\لسا بدري 8الصباح .. دق جوال زياد وطلع يكلم برا الغرفه.. وانا حسيت بنعاس وبعدها صحيت الغرفه فيها ممرضه مشغوله تكتب .., ناظرت يدي ما كان فيه الا ابرةالمغذي كيس الدم ماهو موجود.. شكلي نمت ولا حسيت بكيس الدم يوم خلص.. جاتني الممرضه تسألني احتاج شي طلبت منها تنادي زياد طلعت الممرضه بسرعه ورجعت .., دخل زياد بعدهاوهو مبسوط .., زياد \مساء الخير ان شاء الله احسن من الصباح.. عوق \الحمدلله افضل بكثير لكن بشوف البنت .. زياد \ان شاءالله بتشوفينها لكن لازم تاكلين لو شي بسيط.. عوق\مالي نفس بشي تكفى لاتغصبني على الاكل.. زياد \انتي نفسك منسده من كثر ما نزفتي ما ينفعك الا الاكل.. عوق\طيب با اكل الي اقدر عليه.. زيادبتسم\مو مشكله وعندي لك مفاجئه ان شاء الله تعجبك.. عوق بتذمر\ما ابي مفاجئات بشوف امي وبنتي .. زياد\انتي اكلي بس وبنشوف وش بتقولين عن المفاجئه.., نادى زياد ممرضه وطلب اكل واكلت منه بس علشانه.. الممرضه فكت المغذي من يدي وخلت بس الابره عوق تمسك يدها باالم\طيب ليش مفكيتوها كلها يدي مره تألمني.., زياد يبتسم\لا خليه افضل علشان لسا باقي لك علاج بنعطيك مضاد .., عوق بخوف\انا وش فيني ما احس بشي.. زياد\بعد الولاده اضطرينا نعملك عمليةالمشيمه اتعبتنا مانزلت مع الطفل كلها.. عوق بذعروخوف \عمليه .., زياد \ ايوا عملية تنظيف عملتها لك دكتوره سديم وكل شي كويس الحمدلله.., عوق بهلع \والبنت ..! زياد يضحك\البنت طيبه الحين تشوفينها ماشاء الله عليها مره كبيره.., عوق تحاول تنزل من السرير\ياالله بنشوفها.., زياد\انتظري بجيب لك عربيه انتي تعبانه.. جلست على كرسي متحرك وزياد معاه كيس فيه عبايه وطرحه لبستهم.. واخذتني ممرضه وزياد قدامي يمشي دخل داخل عند الاطفال.. وقبل ادخل استراحة قسم المواليد شفت امي جالسه كنها تنتظرني فز قلبي يوم شفتها ووقفت على عصاها.. كنت بقوم لكن هي حلفت ما اتحرك وسلمت علي.. ام عوق بفرحه\مبروك ماجبتي.. عوق\الله يبارك فيتس شفتيهايمه.., ام عوق تضحك بحنان \ايه ياويلي عنتس ياعوق ولدتس كبر الكف..؟ عوق با استنكار\وش ولده يمه انا جبت بنت حتى زياد منهبل منها يقول مره كبيره..! ام عوق بدهشه\والله ما ادري يا امتس رجلتس دخلني داخل وقال هذاولد عوق وشفت لي لحيمتن حميرا..! عوق\ماهمني ولد والا بنت اهم شي يكون بخير..! ام عوق\الله كريم لا تيأسين من رحمة الله .. طلع زياد من الحضانه زياد\يا الله عوق مستعده تدخلين تشوفين .. عوق\تعالي يمه ادخلي معي.. ام عوق \لا استنظركم با الاستراحه.. دخلت داخل كل الموجودين اطفال صغارمره وعليهم اجهزه الي بخشمه والي بحلقه والي مسلطين عليه ضوء ازرق.. زياد بمزح\يا الله اذا انتي ذكيه طلعي اي طفل هنا لنا.. عوق وعيونها على حاضنات الاطفال\ما ادري لكن قلبي يقول انه الصغير الي با الزوايه الي كل جسمه اجهزه.. زياد يبتسم بدهشه\ما شاء الله عليك اي والله ان هذا هو ولدك.. عوق\ليش انا ماولدت بنت.., زياد بضحك\ هالمره ولد .., والمره الجايه ان شاء الله بنت تعالي شوفيه من قريب .. قربت من الحاضنه شفت طفل ماتبان ملامحه لا حول له ولاقوه كل جسمه اجهزه وتنفسه سريع ما ادري ليش قعدت ابكي.. كنت بعاتب زياد ليش يقول بنت كبيره لكن شكل ولدي قطع قلبي ونساني معاتبة زياد.., زياديبتسم بعطف \ليه الصياح الولد طيب وكل شي عنده كويس.. عوق تبلع غصه بحزن\ وش كويس وهو ماهو باين منه شي من كثر الاجهزه.. زياد \كل هذا شي طبيعي نسيتي انه انولد على آخرالشهرالسابع .. عوق\ما ادري حاسه ان فيه شي.., زياد بتهدئه\تعوذي من ابليس الولد طيب وهي مسألة وقت ويطلع.. طلعت من غرفة رعاية الاطفال الخدج وخليت قلبي مع ولدي الي مثل ما قالت امي كبر كف اليد.. رجعت لغرفه بجناح التنويم وامي كانت معي... طلبت من زياد امي تتنوم معاي ما تتركني وافق انها تبات معاي حتى اطلع من المستشفى.. وقت الزياره اهل زياد كلهم زاروني بشرى ونجلاء وبناتهم حتى بنات ناجي الصغار.. الغرفه امتلت الي ما حضروا عبير وسناء كلموني على جوال نجلاء.. با الرغم من تعبي النفسي والبدني الا اني حسيت بدفئ العائله لما شفت اهل زياد مجتمعين عندي.. نجلاءبممازحه\يا غياره غرتي من دينا ولدتي بسرعه.. ام عوق بحده\امر الله يا ام راكان ما فيهانغاره.. نجلاء منحرجه\ما كنت اقصد بس امزح مع عوق يا خالتي.. عوق تبتسم بتعب \ماتوقعت اني با اولد با الوقت هذا.. ام عوق\لا ماعليتس ان شاء الله الا العافيه .. اردفت بشفقه\لكن الولد صغيرن مره والله ما شفته من صغره.. بشرى\الحمدلله يمكن خيره انه انولد صغير جاطبيعي وبعدين الاجهزه متطوره بيحافظون عليه كنه في بطن امه ويطلع عادي.. دخل علينا زياد.. زياد بفرحه\السلام عليكم ماشاء الله كلكم جايين.. مجدبمشاكسه \اي خالي كلنا جايين علشان بنشوف ولدك والا انت وعوق شبعنا منكم... زياد يرفع حواجب بممازحه \مافيه ولدي شوفته بفلوس .. نجلاء تبتسم \خلك من مجد كيف الولد.. زياد\لا الحمدلله طيب ننتظر يكمل 36 اسبوع ويطلع ان شاءالله.. عوق بوجع وتذمر\كثير زياد يعني 6اسابيع..! بشرى بممازحه\يا شيخه ارتاحي من ازعاجه واشبعي نوم.. اصايل بمشاكسه \ياليت خواتي مثل عوق لا هم يولدون ويطلعون لبيتنا با ازعاجهم..! تذكار با استنكار\ليش ان شاء الله وش فايدتكن خوات..؟ اصايل بملامه \يا اما خدامات يا اما ماتبونا..! بشرى بحده وانتقاد \انتوا جايين زياره والا ازعاج انتي وهي..؟! عوق تبتسم \ عادي بشرى يا ليت كل يوم تزعجوني..! وفاء تلتفت لزياد \خالي وش بتسمي ولدك..؟! اصايل بترجي\خالي تكفى سمه اسم حلو والا بيحقد عليك اذا كبر..! مجد بتهكم\ارحموا ها الاطفال من اسامي اجدادكم القديمه وهم بخير..؟ نجلاء\ليش وشفيها الاسامي القديمه والله كلها حلى ورزه وش تبينه يسميه.., مجد بضحك\عاد الا زعل ام راكان خالي سمه مرزوق على جد امي بيطلع فله..! زياديبتسم \لا الي بيسميه خالتي ام عوق..! ام عوق\الله يسلمك انا ما اعرف اسمي لكن ازين الاسامي ماحمد وعبد..! زياد\يعني مافي خاطرك اسم..؟! ام عوق\لا والله بكيفكم الي تبونه هو الزين..؟! زيادالتفتت لخواته \وبشرى ونجلاء في خاطركم اسم..؟! نجلاء \لا زياد الي يعجبكم انت وعوق يعجبنا.., بشرى با امتنان \الله يرفع قدرك ويجبر بخاطرك .., زياد\بما ان ولدي انولد صغير بصراحه نفسي اسميه اسم كبير.. منان\خالي سمه اسم مركب المعتصم بالله او سيف الاسلام زياد\ لا صعبه شوي منونه ابي اسم الكل يقدر ينطقه..! وانتي عوق في بالك اسم.., عوق بوجع \بكيفك اهم شي يطلع با السلامه.., زياد يناظر عوق بطرف عين\وش رايكم طيب با اسم نمر..؟! مجد بتهكم\الا خالي انت وش رايك بليث وولدك بيصير الليث الابيض..؟! زياد بمداعبه \ لا يا حلوه النمر الابيض اسم مرعب ويخوف.., نجلاء \ حلو الاسم وخفيف..؟! زياد\خلاص اجل اعتمدنا الاسم اذا ام راكان اختنا الكبرى معجبها..؟! وقت الزياره مر بسرعه بين تعليقات خوات زياد وبناتهم وانتقادات امي للبنات بعدها طلعوا يشوفون نمر..؟! ام عوق بحب \ارتاحي يا امتس نامي من صبح وانتي جالسه .., عوق با ارهاق\ مرتاحه يمه كلمتني ريم تقول بيجون زيارة الليل.., ام عوق \اي حياهم الله متى بيكتبون لتس خروج..! عوق \ما ادري عن زياد اكيد الخبر عنده..؟ ام عوق بدهشه \والله يارجلتس ياهو ذهين .., عوق بضحك\ اكيد علشان اسم نمر..؟! ام عوق\مير مشاهاعلى اهله انه هو الي مسميه..! عوق\اسم نمر حلو ماهو عاجبتس نغيره.., ام عوق بفخر\لا بالله زين وش ازين من اسم ابوي نمربن هجاد طويل الاشبار... اردفت وضحى بأمر\ لكن بقولتس كلمتين حطيهن حلق بذانتس..؟! عوق\يمه انتي كل كلامتس قدام عيوني ما اقدر اخالفه.., ام عوق بتحذير\حنا يا الحريم نسولف وننسى وش قلنا لكن الرياجيل يسجلونه ومرات يستدرجتس الرجال يشوف وش وراتس عوق\لا يمه زياد ماهو من ها النوع.., ام عوق \منه والا ماهو منه احذري تقولين لتس كلمة تورطين بها بليلة مزح وضحك وتجيبين الي وراتس وقدامتس..! عوق بتهكم\وش عندي من الاسرار ابي اقولها حياتي قدامه هو وغيره معروفه ام عوق\والله يا بنتي ماهو مقصد لكن مرات شي تشوفينه صغيروعند غيرتس كبير..! زاروني ام ابراهيم وبناتهاوانبسطت معاهم يومي كان حافل ما توقعت با القى ها الاهتمام من الكل.., من غير بوكيهات الورد الي ملت الجناح من زملاء زياد با المستشفى.. جلست في المستشفى يومين وطلعت بعدها لبيت امي.. امي حسيتها تعبانه ومرهقه وحتى اذا نامت اسمع لها آنين يوجع القلب .., اسألها تقولي مافي شي انتي توهمين..! بفترة ها الاسبوع الكل زارني في بيت امي.., ومن كثر الحريم الي طالعين داخلين خدامتي وخدامة امي ما صاروا يلحقون با الشغل.., زياد كل مره يجي في بيت امي ما يكون في فرصه يشوفني.. التواصل بيني وبينه عن طريق الجوال الا اذا بغيت شي ضروري واحيان يدخل دقايق يشوفني ويطلع..., ناس دخولهم عليك بلسم وناس دخولهم عليك يتركون وراهم هم وغم.. بعد اسبوع من ولادتي.. ام عوق\كلمت وضحى بنت ناصر تقول انها با الطريق بتجي تشوفتس وتبارك لتس.. عوق بتذمر\ وش تبي هذي ليش تعني نفسها يكفي مكالمة جوال..؟ ام عوق\ لا والله حياها الله وش تبيني اقولها.. عوق بقهر\سبحان الله من الله ها الانسانه يا ثقلها على قلبي.. ام عوق\خليها عنتس اكلتي لحمها.. دخلت الخادمه وراها حرمه عرفتها وضحى \مبروك يا عمه ماجابت عوق.. ام عوق\الله يبارك فيتس.. وضحى \ان شاء الله انتس طيبه يا عوق.. عوق بتذمر \الحمدلله ابشرتس اني بخير ونعمه وضحى بتهكم \ما اسرع ماولدتي يا عوق من عرستس ما كملتي ثمان شهور.., ام عوق بغضب \ورعها ناقص يا وضيحه ما بعد تم شهور حماله.., وضحى \هو وينه ذالحين .. عوق بحزن\با المستشفى با الحضانه ما بعد طلع.. وضحى \يا ويلي عنتس يا شين الحرمه الوالده ورعها ماهو بمعها .. ام عوق بسخريه\وياشين بعد الي ما يثمن كلامه ولايقدر على لسانه.. وضحى منحرجه\ ياعمه ماقصدت شي.. ام عوق بتهكم \قصدتي والا ما قصدتي كلامتس لاقام ولا قعد عندنا.. وضحى بتهكم\ بأي شهر ولدتي ياعوق..., عوق بوجع\با آخرالسابع وضحى \الحمدلله ماهو با الثامن والا كان مات وحتى السابع واجد الا طفال الي ينوجعون ويموتون.., ام عوق بحده\الله الي خلقه والله الي يدبره ومرات الفال يرجع بوجه قايله.., وضحى با ارتباك \يا عمه انا بمشي جيت بتطمن على عوق ولي رجعه ان شاء الله.. ام عوق \كفيتي وفيتي ماقصرتي لاتتعبين نفستس عوق بتمشي لبيتها ماهي مطوله عندي.. وضحى \مع السلامه اجل بيتها استحي مااقدرازورها فيه والا كان ودي اني اشوف وليدها اذا طلع.. ام عوق \ان شاءالله نعلمتس اذا طلع ولدها سلمي على رجلتس شجيع وان شاء الله انه من الصابرين.. مشت وضحى بعد ما قهرتني بسوالفها...! عوق ببكى \ما قلت لتس انهاغثيثة وكلامها سم ..! ام عوق بحده\ وانتي وارتس قمتي تصبين ها الدموع خليها تولي هي وهبالها.., عوق بحرقه\هي جايه تبارك لي والا تغثني... ام عوق\ يا عوق كان كلمه بتسمعينها بتغتثين والله الي ما ارتحتي طول عمرتس.. عوق بوجع\وش قصدها يوم تقول ماكملتي من عرستس ثمان شهور.. والا يوم تفاول على الولدهي ما تخاف الله يبلاها في بناتها.. ام عوق\والله يا بنتي ان كل من استهزا با احدالا وربي ابتلاه.. عوق بضحك \ما اقول الا الله يا صبر الارض بس ..؟ ام عوق بخوف\بسم الله وش جاتس مره تبتسين ومره تضحكين..؟! عوق\كلامتس لو ضحى يوم جات تمشي...؟! ام عوق بضحك\وانا صادزه لاتنسين شجيع ادعي له با الصبر عليها.., ترى آل ناصر والله ما كلهم شر هذولا بنياتهم دقن يباركن لتس وفرحانات بسلامتس وماعلينا منهم ناخذ زينهم ونتناسى شينهم.., مر اسبوعين من ولادتي طلبت من زيادواصريت ياخذني للمستشفى بشوف ولدي.. وهذي اول مره اشوفه فيها ..!؟ زياد كان يتهرب مني لاشوف ولدي ومرات تجيني حمى وتتعبني.. وفوق هذا كله امي الي احس تعبها زاد وحتى ونينها اسمعه وانا بغرفتي ومع هذا تكابر ماتبي تطلع للمستشفى.. كلمت زياد واصريت اني اشوف ولدي وافق و تجهزت وطلعت للمستشفى.. زياد في السياره\هلا والله با ام نمر.., عوق بفرحه\هلابك اخيرآبشوف ها النمر.., زياد\ما عليه بتشوفينه ان شاء الله خلاص ان شاء الله كم اسبوع ويوصل للوزن المثالي ويطلع.. عوق\كم باقي طيب نفسي اتخيل شكله ما اذكر منه الا اجهزه داخل حاضنه .. زياد\ماباقي شي ان شاءالله تدرين كم وزنه يوم انولد.. عوق بخوف \ كم ؟! زياد\كيلو كان مره صغير .. عوق بحيره وتردد\زياد الولد فيه شي.. زياد يبتسم \لا ابدآليش تقولين كذا بتشوفينه الحين ترى غيروا مكانه.. دخلت قسم الاطفال واحس قلبي يدق بسرعه وخايفه.. وقفت قدام حاضنات الاطفال وقفت اناظر من فيهم ولدي.. دلني قلبي عليه مثل المره الاولى وقفت قدام حاضنته وجلست على كرسي احس رجولي ما تشليني من شوفته بها الوضع..؟ بكيت غصب عني شكله الي لآن صغير وحواليه اجهزه ويحرك ايديه ورجليه.. زياد بفرح \ليش تبكين والله نموري احسن منك شوفيه يرحب فيك على طريقته.. عوق بحزن\الحين عرفت السبب انك تتهرب ماتبيني ازوره.., زياد\ قولي الحمدلله ولدك تتحسن حالته بشكل سريع وملحوظ.. عوق بحسره\وين التقدم وها الاجهزه ليش مشبكه بجسمه..!؟ زياد\ الولد لاتنسين خديج والنزيف الي صار لك اثر عليه وفي اعضاء بجسمه الحين بدت تكتمل وزنه زاد 500غرام يعني زيهم وان شاء الله يطلع.., عوق بيأس\معقوله نمر بيطلع من الحاضنه ويعيش.. زيادبطمئنه\ان شاء الله ليش كذا فاقده الامل انا علشان كذا ما كنت ابغاك تشوفين الا بعد ما يقرب يطلع .., رجعت للبيت وانا نفسيتي تعبانه من الي شفته..! ولدي عمره اسبوعين وحتى ملامحه ماهي باينه.., ام عوق بترقب\ها بشري عن الولد..؟ عوق با ألم\والله ما ادري يمه شكله ما يطمن.. ام عوق\تعوذي من ابليس وادعي له .. عوق بخوف \الله كريم لكن الولد الله يخلف علي فيه.., ام عوق بحده\بسم الله عليتس وش ها الطيره الي فيتس وها المستشفيات الي مليانه وراعين انولدو قبل وقتهم وش مفتوحه له غيران فيهم الي مثل ولدتس .., عوق تتنهد بوجع\والله يمه مهيئه نفسي لكل شي ان ربي خلاه حامده وشاكره وان اخذه حامده وشاكره.. وش بيدي لو عاش وجا فيه اعاقه يتعذب طول عمره الله يدبره من عنده با احسن التدابير.., لكن انتي شكلتس تعبانه.. ام عوق\ والله يا بنتي ما مثل الرضا بقضى الله وانا ما بي غير الخير شوي ماغص يمكن خشة برد.. عوق \اكلم زياد يجي ياخذك للمستشفى.. ام عوق\لا بالله ريحينا من دوخة المستشفى.. عوق بخوف \وش اريحتس يمه والله ان فيتس شي انا بروح معتس للمستشفى.. ام عوق بغضب \فكينا ولاتطرين المستشفى ما نيب رايحه.. عوق با استعطاف\يا ميمتي خلينا نروح وان شاء الله انه تعب بسيط.. ام عوق بوهن \ان زاد تعبي رحت انتي بس ارتاحي ما عليتس مني.. خمس ايام على اخر زياره لولدي وكم مره يحاول زياداني ازوره لكن ارفض احس اني اكتئبت وان ها الولد بيصير فيه شي وانا ما ابي اتعلق فيه .. امي زاد تعبها احس وجها صاير اصفر ومهدود حيلها .. كلمت زياد يحاول يقنع امي تراجع المستشفى .. وبعد جهد من زياد ومني وافقت امي تطلع للمستشفى مع زياد وخادمتها.. رجع زياد وامي ماهي معاه.. عوق بتوجس \زياد امي وينها زياد بتوتر \خالتي تعبانه وبعدين ليش ماخبرتيني شكل تعبها من فتره .. عوق بخوف\هي رفضت وتعاند تقول انا طيبه مافيني شي امي شفيها.. زياد\ما ابي اكذب عليك خالتي لا زم تتنوم .. عوق بخوف\امي فيها شي.. زياد بحزن\عملنا لها تحاليل واشعه وان شاء الله اليوم بشوف النتايج وعليهانقرر.. عوق \طيب انت وش تتوقع فيها .. زياد\ما اقدر اشخص كذا لازم اشوف الفحص وهيئي نفسك لأسوء الاحتمالات.. عوق بتذمر\كيف اسوء انت اكيد عارف وش فيها خبرني ولا تقعد تمهد.. زياد\ماهو مسألة امهد لك خالتي كبيره با العمر وتوقعي اي شي حرمه تجاوزت 90سنه.. عوق \حتى ولو واذا كانت كبيره هذي امي ما ابي افقدها لو عمرها مليون سنه .. زياد\ان شاء الله خير وبعدين ابشرك اليوم نمر افضل من الايام السابقه.. عوق بحده\ اهم شي امي نمر انولد قبل وقته ومهيئه نفسي اني افقده لكن امي لا.. زياد بعصبيه\اعوذ بالله وش ها التشائم.., غلطان حتى الي يجلس عندك.. طلع زياد وتركني بحيرتي وعذابي.. من ها الولد الي شكله الله اعلم انه ماراح يعيش .. والا امي الي تعبت فجأها.. اذا فقدت امي كيف بعيش بعدها.. ما ابي لا نمر ولازياد ولا شي ابي امي تبقى لي انا الي رابطني با الحياه هي.. اذا صار لأمي شي من يبقى لي انا وين اروح.., لا زم اشوفها واقول يمه لمين تتركيني زياد كلامه ارعب قلبي عليها.. كلمت السواق يجهز السياره بشوف امي وصلت للمستشفى سألت عن غرفة لقيتها بغرفه خاصه.. دخلت عليها امي لابسه لبس المستشفى وهذي اول مره تصير امي ماترضى الا لبسها لكن برقعها مانزلت ويدها فيهامغذي.., وحتى جسم امي صاير هزيل ونحفانه ..! عوق بوجع\يمه اشلونتس الحين.. ام عوق بحده\طيبه انتي وش طلعتس من البيت وتوتس والده.. عوق بخوف\انا طيبه اهم شي انتي.. ام عوق بطمئنه\ماعلي شر ان شاء الله لكن رجلتس الله يهديه ابلشني غصب نومني با المستشفى.., عوق بخوف\يمه وش تحسين فيه.. ام عوق \ ما احس بشي غير رجلتس الموسوس هو الي قوم الدنيا علي بطني شوي يوجعني قلت عطوني علاج وطلعوني.. عوق من بين دموعها\خليهم يمه يفحصون عليتس هم ادرى.. ام عوق\وش عندهم الي يدري ويشفي الله وبعدين انتي وش بلاتس تبتسين.., عوق بغصه \لا عادي لكن تعرفيني ام دميعه.. ام عوق \لايكون ولدتس فيه شي.. عوق بيأس \ولدي ربي الي جابه وهو الي يدبره سبحانه ماعاد يهمني اهم شي انتي.. ام عوق تبتسم بوجع \اعوذ بالله وش ها الكلام ان شاء الله يطلع با السلامه لا يغرتس صغره يالبى عويناته الي كني اشوفها عويناتس.., عوق وهي تشعر بمراره بحنجرتها\يمه تكفين لا تتركيني ما ابي شي من الدنيا غيرتس .., ام عوق وهي تمسح دموع حاره\يا بنتي انتي وش جاتس من من دَنَّتْ رحايله رَحَل كلنا هذا مصيرنا عوق ببكى\ يمه تكفين لاتقولين ها الكلمه انامصيري ومصيرتس واحد بقعد هنا معتس نطلع مع بعض والا نتنوم مع بعض.. ام عوق بملامه\وش يجلستس عندي المستشفى بارد والمكان ما يريح وانتي نفاس ارجعي للبيت.. عوق با اصرار\انا حلفت ما ارجع الا انتي معي.. ام عوق با انتقاد\وين ايمانتس وين علمتس وهذا وانتي حافظه القرآن.. عوق ببكى \ الحمدلله ايماني بربي قوي انا وش قلت ابي امي ابي امي.., ام عوق تتنهد بحسره\امتس يا بنتي مثل شمس النهار وقت مغربيه قرب زوالهاوانتي مثل اول النهار.., عوق تمسح دموعها\لاتقولين كذا عشنا مع بعض ونموت مع بعض انا هذا مكاني الي ماتحرك منه الا معتس.., ام عوق تتنهد بقلة حيله\دفي نفستس المستشفى بارد.. عوق ببكى\يمه ابي انام بحضنتس مثل قبل يمه انا خايفه.. ام عوق بوجع\لاحول ولا قوة الا بالله وش مخوفتس تعالي بحضني غديتي مره وعقلتس صغير.., طلعت لسرير مع امي وحضنتها حبيت عيونها وشميت شعرها وهذا الشعور الي يجيني كل ماخفت من شي.., لكن هذي ماهي ريحة امي هذي ريحة شي غريب عني ما تعودته .. نمت بحضن امي صحيت على صوت زياد يتكلم مع امي.. زياد \من متى وهي هنا.. ام عوق\من عقب صلاة العصر وهي عندي ابي اقوم اصلي المغرب ماسكتني ماني قادره اتحرك صليت وانا بمكاني.. زياد\ما قالت لي انها بتجيك والا كان انا جبتها لك.. ام عوق با استعطاف \ماتقصر الله يرضى عليك ترفق عليهاترى هي ضعيفه مامن قلب ومتولعتن بي وتوها نفاس.. زياد يبتسم\ماهي مشكل ام نمر تدلل لها الي يرضيها.., اردف زياد بتردد \خاله بنسوي لك اشعه.. ام عوق\انتوا ما شوعتوني خلاص.. زياد \لا هذي اشعه مقطعيه.. ام عوق\ سبحان الله هذا انتم تهولون وتكبرون الشي البسيط.. زياديبتسم با الم\و ش نسوي غاليه عندنا لازم لك رعايه خاصه .. عوق بتعب \بروح مع امي للاشعه.. زياد\ ماشاء الله صحيتي ارتاحي يا عوق خالتي لا زم 4ساعات تكون صايمه قبل الاشعه.. عوق\لا انا مع امي وين ما تروح ..؟ ام عوق بضحك\ خلها بكيفها لا تزعل عوق المزايين.. عوق تحتضن كتف امها\من زمان ما سمعت ها الاسم منتس يمه.. ام عوق بضحك\ابعدي ضايقتيني وش يقول عنتس رجلتس الحين عوق بحده\ما علي منه انا معتس.. زياد يبتسم \خليها يا خالتي انا لي نمر الي بياخذ حقي منها.. ام عوق\يا سقى الله يوم اشوفه يلعب بينا.. زياد يتنهدبحسره \الله كريم يا خالتي.., نبرة صوت زياد غريبه ليه قال كذا امي او نمر فيهم شي احساسي يقوله زياد\خالتي بكرا الاشعه لأنك لازم تصومين عندي شغل اذا خلصته مريتك.., سهرت الليل وانا بحضن امي على ان زياد طلب من ادارة المستشفى سريرمرافق لي لكن مانمت عليه نمت مع امي.., الممرضات جهزو امي وانا طلعت معاها لغرفة الاشعه احس زيادواطباء با المستشفى مهتمين بزياده ماادري علشانها ام زوجة زياد او ان امي حالتها خطيره.. رفض زياد ادخل مع امي داخل غرفة الاشعه و جلست انتظرها .. . . . (كلمه اخيره) س: كيف يسلم العبد بقضاء الله جل وعلا وقدره؟ ج: يوقن بأن ربه عز وجل منزه عن الظلم وأنه أرحم به من نفسه، وأن الحياة الدنيا ما هي إلا طريق للعبور إلى الآخرة بعد الحياة البرزخية، ويعلم بأن القلوب أوعية لا علاقة لحياتها بحياة الإنسان الظاهرة، فقد ينعم ساكن الكهف رضا وقناعة، وتشقى قلوب من في القصور تسخطا وجزعا. (صالح المغامسي) . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
البارت القادم بأذن الله تعالى بيكون الاربعاء بعد الظهر |
يالله يام الوليد شكل الوضيحي بتودع
ذكرتيني بعمتي الله يرحمها ويغفر لها ويسكنها فسيح جناته ماكانت تحب المستشفيات الله يصبر عوق فقد الام موجع الله يحفظ لنا مهاتنا مشكوووره يالغاليه |
:55:سلمت يدينك ياطيف:55:
:Taj52::Taj52:ابكيتي عيني وذكرتيني بالوالده الله يرحمها ويرحم اموات المسلمين:f63::f63: روايه راااائعه فيها من العبر الشيئ الكثير:congrats::congrats: الله يوفقك وجميع من تحبين:welcome3: |
بسم الله الرحمن الرحيم السلام عليكم ورحمة الله وبركاته مساؤكم رضاً من الرحمن مساؤكم إبداع متواصل أم الوليد....... جزآن ولا أروع حملا بين طياتهما رقي الحرف وعذوبة الكلمة وجمال الموقف مبدعة كما أنت دائماً يا راقية ولا تفيك كلمات الشكر حقك مهما بلغت زياد............. نعم نحن بشر كما قال ولنا طاقات وقدرات متفاوتة على التحمل ولكن كيف استطاع أن يواجه سناء ويتحمل ما قالت دون أن يمد يده عليها أو على الأقل يوبخها أمام أهلها أو يتركهم ليؤدبوها خصوصاً أنه يعرف وهن يعرفن أن كلامها غير صحيح وكان يجب أن تُوقف عند حدها قبل أن يحدث ما لا يحمد عقباه ما هذه الطاقة الكبيرة لديه ليستمع لما تقول ثم ينسحب ليجتر حزنه وألمه لوحده نعم هو لم يسامحها ولكن مهما كان لديه من الحلم والصبر والقدرة على السيطرة على غضبه فمثل هذه الأمور لا يمكن أن تُفَوَّت بسهولة لأنها تدخل في الأعراض ومهما فعل بها يعتبر قليلاً أمام إساءتها إليه سناء............ أخطأت كثيراً بحق نفسها قبل أن تخطئ بحق أهلها وأساءت لمن كان يفترض أن تدافع عنهم أمام أي شخصٍ كان يمكن أن يسيء إليهم لأنها تعرف معدنهم ومدى علاقتها الوطيدة بهم والتي يمكن أن تتأثر بهذا التعامل السيء من قبلها قال لعوق ألا تحدثها بأي شيء مما سمعت منه فهل كان زياد يعلم أنها واقعة تحت ضغطٍ ما وهي تتحدث إليه لذا تجاوز عن موقفها ووقف حائلاً بينها وبين أهلها حين أرادوا أن يؤدبوها نعم هو لم يسامحها ولكن لم فعل ذلك!!!!! هل كانت تعاني في تلك الفترة من فقدها لوالدها بحيث حولت كل مشاعرها نحو مشاري ولم تعد تسمع به لأحد كلنا يعرف قيمة الوالد في حياة الفتاة خصوصاً إذا كان بمثل شخصية ساري فهل كان تعامل سناء بحياتها بعد وفاته نتاج هذا الفراغ الذي تعاني منه بعد فقده أم أنها فورة العواطف والحب الجديد الذي لم يكن بمحله بحيث أرادت أن تثبت لمشاري أنها تحبه وستطيعه في كل ما يريد لتثبت له هذا الحب وكما قيل مرآة الحب عمياء بالتالي هي لم ترى عيوبه رغم ما أخبروها به وما أثبتوه لها وأن طلاقها ربما أتى نتيجة حتمية لضغط أمها عليها لتكتشف فيما بعد أنه لم يكن يستحق هذا الحب وخسرت هي من الجانبين وبالتالي باتت منغلقة على نفسها ونأت بنفسها عن المشاركة بأي حديث حتى يوجه لها مباشرة لترد على قدر السؤال عوق............ القناعة كنزٌ لا يفنى والرضا بما بين يدينا يعطينا سعادة لا يمكن أن يمنحنا إياها أحد ما لم تكن نابعة من دواخلنا هي أقرت أخيراً أنها يجب أن تعيش لغدها ومستقبل أولادها ولكن تبقّى هناك بعض الثغرات التي لم تغلقها بعد بحيث تجعل الهم والألم يدخل منها فهي لازالت تحمل بداخلها شيئاً ما لأهلها بحكم أنها تعرفهم فباتت تخاف من المقارنة بينها وبين أمها وتتحسس من بعض الكلمات التي تسمعها ممن حولها حول علاقاتهم مع أهلهم رغم أنها عاهدت نفسها وأمها أن تنسى أنها ابنة هؤلاء القوم إلا أنها كلما تذكرت أنها ابنة غير شرعية عاد لها ذلك الإحساس بالألم فمتى ستقدر على التسامح مع نفسها وتعيش لواقعها وحياتها مع زوجها وأبنائها وتنسى أولئك القوم أزهار......... منصفة هذه الفتاة رغم أن بيئتها التي نشأت بها قد لا تساعدها على التمتع بهذه الصفة كون والدتها متسلطة وأخيها إمعة وربما كان تصرفها نتيجة معرفتها بأخيها وأمها والسبب الذي أقدموا من أجله على خطبة عوق لذا لم ترد أن تفتح على نفسها باباً قد لا يغلق بسهولة ورغم ذلك يحمد لها تصرفها هذا وسترها على ما كان من أحداث وإنصافها لعوق رغم كل شيء دينا........... امرأة عاقلة وتعلم أن ما لم يكن لك فلن يصيبك وما كان لك فلن يخطئك لذا رضيت وقنعت ومنحها الله عز وجل ما تمنت لم تفكر بنفسها حين وجدت نفسها على المحك وأمام خيارين لا ثالث لهما إما الصبر والقناعة بما لديها وإما الطاعة لأهلها وإضاعة الثروة التي بين يديها والتي هي بحاجتها أكثر من غيرها كونها فتاة وصغيرة وهي تعلم أن البنت ليس لها أحن وألجأ من حضن أمها لتنشأ به أتعلمين.......... ألوم كثيراً الأهل الذين يزوجون بناتهم طمعاً في شيءٍ ما رغم أنهم يرون أن هؤلاء الناس ليسوا أهلاً للارتباط بتلك الفتاة لأي سبب كان وبعد ذلك ورضوخاً عند كلام الناس أو لعدم حصولهم على ما كانوا يأملون يحاولون بتلك الفتاة أن تعود إليهم وكأنها شاة تباع وتشرى ليس لمشاعرها أي قيمة وليس لحياتها أي معنى غاليتي........... سلمت يداك على هذا الإبداع المتواصل وجزيتي الجنة بانتظارك دائماً بشوق دمتِ ومن تحبين بحفظ الله ورعايته |
الله يعطيج العافية ياطيوف على بارت المشاعر هذا
كل مرة عوق تتضايق وتكتاب عشانها لقيطة وحاسة بالنقص اول مرة تنسى نفسها وتضايق عشان غيرها ولو انها يمكن انانية شوي وتبي امها لانها شايفة انها ماتقدر على العيشة من غيرها بس يمكن شوي تحس بزياد يوم بغى يموت من عقب امه(مصرة اوقف مع زياد) بس والله انها قطعت قلبي واهي تحلل حتى ردت فعل زياد وكلامه وتربطها فيامها او ولدها طيوف الله يسعد قلبج على هالبارت الموجع من قلب وعسى الله يحرم كلج ومن تغلين ويغلين على النار.........نموره |
اصعب شئ في هذه الحياة الفراق لا رجعة فيها سلمت يداك الله يجزاك الجنة
|
يأم الوليد ولبى من اهديتيها البارت الله يذكرها بالخير ومانزال نطالب بقصه لانكم وانتم ماتدرون انكم بلسم لنا في صعوبات الحياه
بارت روعه واحس ان نهاية ام عوق قربت الله يصبر عوق ويصبرنا على فراق الاحبابيالباك |
يسعدلي مسآكـ طيوف
توقعي صح طلع ولد :) الله يحفظه لاهله :) آآآآآآآآآآآآآآآآآآه يا طيوف قلبتي مواجعي :( والوضيح اتوقع يطلع فيها ورم او جلطه بالاورده المعويه سلمت يمينك يالغاليه وبانتظارك .. |
مسااااءالغلا والحلا والأنوار على شيخة النسوان ام الوليد يشهد الله اني احبج في الله واستمتع بقراءة نوح الحمام الي حتى اسمها واسم بطلتها مميز وهذا شي أكيد مدام الكاتبه ام الوليد ...........اليوم حزنا على عجيزنا معني احس انها عارفه علتها وعشان كذا ماتبي تروح للمستشفى وخريش ( عوق) دائماً الفال الشين بين عيونها ولا كيف وحده تفاول على ولدها ولا بكرها بعد اما البرنس زياد عجبني موقفه من خواته وهو يشاورهن بالاسم ...............ودمتيبصحه وعافيه ولكل من تحبين يا شيختنا
|
السلام عليكم ورحمة الله مساء الخيرات او الوليد ( طيف الاحباب) يشرفني انظمامي الى ابداعك وكلماتك المتواضعه كنت وراء الكواليس بس ماقريتها لما عدت 30 لان متعقده من بعض الروايات ابداء معها واخر شي تنقطع الكاتبه وتصير حسره بتسبدي اهنيك صراحه اول مره اقرا روايه لهذه الفئه المظلومه للاسف دايم يظهرون للناس انهم فئه يحملون بدمهم الي ورثوه من اهلهم الفساد باي شي من اخلاقهم لاكن شخصية زياد وعوق وضحت الجانب المشرق لهذه الفئه وفيه الكثير اصبحو ائمة مساجد وداعيات ولله الحمد نرجع للروايه عوق ليش التردد دايم طلعي شعورك للي تحبينهم ووضحي حرصك عليهم لاتخسرينهم زياد لاتتسرع بحكمك مع ان كثير من المواقف كنت حريص تعتمد على الهدوء ليش اذا صار موقف لعوق تسارعت بانتظار المزيد من ابداعك |
تسلمين ياام الوليد
يالبيه اكيد الوضيح هي الي تعبانه ياحياتي عليها عوق الله يصبرها بعد امها ولدها ماعليه طيب ان شاء الله اذكر في اول بارت تكلمتي عنه قده مع امه وابوه ولادتها جات هينه الله هون عليها وضحى بنت ناصر باشين ذا الاشكال الي تمشي وتقط حكي تكون زيارتهم نقمه مو نعمه زين عوق حست بجو الاسرة مع اهل زياد الله يشفيك يالوضحي /احبها ذا العجوز |
يعطيك العافيه يا ام وليد عوق مسكينه تكسر الخاطر كل ما فرحت صار شى يكدر عليها الله يقوم امها بسلامه مع اني حاسه ان ما بتطلع منها عندي سوال بلنسبه لروايه ليه بس مقتصره الحوارت على شخصيات معينه ليه اهل زياد مافي بينهم حورات عشان نتعرف على شخصياتهم رايهم في عوق في ناس في الروايه بس اسماء
|
بسم الله الرحمن الرحيم
اللهم انا نسألك بسطوة جبروت قهرك , وبسرعة اغاثة نصرك , وبغيرتك لانتهاك حرماتك , نسالك يا الله يا الله يا الله يا سميع يا قريب يا مجيب يا سريع يا منتقم يا جبار... اللهم عليك ببشار واعوااانه الخونه, اللهم لاترفع لهم رايه واجعلهم لمن خلفهم عبرة وآيه وفرق بين كلمتهم وفرق بينه وبين جنوووده, اللهم اجعل تدبيرهم تدميرهم و اجعل الدائرة عليهم, اللهم اجعل بأسهم بينهم و اقذف بينهم العداوة و البغضاء و سلط عليهم شرارهم و دمرهم بأيديهم, اللهم ارمهم ببعضهم و اجعل نارهم تحرقهم اللهم إنا نشكوهم إليك يا جبار عجل لأخوننا في سوريا نصرك و فتحك المبين, . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., واهداااء خاص للغوالي ارادة الحياة-نوف بنت نايف . . اليوم بنشوف عوق المزايين والحدث الاكبر في حياتها يا الله تعالوا معاي...!! وسالفه جديدة؛ . . البارت السادس والثلاثين . . رفض زياد ادخل مع امي داخل قسم الاشعه و جلست انتظرها.., طلعت امي بعد فتره من غرفة الاشعه.., الي غرفة التنويم دخلت ممرضه وقالت في دكاتره بيدخلون تغطيت ولبست عباتي.. دخل زياد ومعاه اوراق ومعاه ثلاث دكاتره وممرضات امتلت الغرفه.., زيادبقلق\خاله انتي من متى تحسين بوجع بطنك.., ام عوق \ مبطي .., زياد بتساءل \طيب ليش مالك فحص سابق ملفك مافيه الا متابعه لضغط والسكر واخر مراجعه لك قبل اكثر من سنتين..! ام عوق بتردد وارتباك \ انا ليا تعبت اراجع المستوصف الي جنب بيتي ويعطوني علاج .. زيادبتودد\ياخاله غلط انك من بداية تعبك ما راجعتي للمستشفى ولا طلبتي فحص شامل.., المستوصفات امكانايتها محدوده.., ام عوق بحده\وش اطلب عليه انا مافيني غير العافيه اكتبوا لي خروج ابي بيتي.., زيادبا اصرار\مانقدر نكتب لك خروج انتي تعبانه ياخاله ومحتاجه عمليه .., ام عوق برعب \ وش عمليته مانيب مصلحه عمليات ولاابي غير اطلع لبيتي.., زياد بحزم \لازم العمليه مانبي نتأخر الوقت محسوب عليك ام عوق\ليش تبون تجربون بي عقب ها العمر.., زياد بقلة حيله \يا خاله وش نجرب لازم توقعين على العمليه .., عوق تمسح دموعها \وش عملياته العمليات للي بعمر امي خطيره احنا عارفين..؟ زياد بوجع\اي اعرف لكن ليش التشائم والأفكار السودوايه..! ام عوق بوجع\زياد يا امك علمني وش هي له العمليه.., زياد بمراره \عندك مشاكل بسيطه باالامعاء والرحم.., ام عوق بتعجب\والرحم وش دخله انا عجوز لاني حامل ولا والد..! زياد\خالتي هذي اشياء مالها دخل با الحمل والولاده احنا بس خايفين عليك.., ام عوق\ لاصار هذا هي لابالله اكتبولي خروج وان شاء الله انها مثل ما قلت بسيطه.. زياد\يا خالتي وضعك ما يسمح انك تطلعين للبيت والمفروض من زمان متنومه.. احد الدكاتره بجمود\ مانقدر نسمح لك با الخروج هذي فيها مسؤليه.., عوق بغضب \شكل الي في امي ماهو بسيط والا ليش كلكم مصرين على العمليه.., دكتور ثاني\امك ماهي اول حاله تجينا كثير غيرهاليش مصعبين الموضوع..! دكتور آخر \يا اختي لازم امك توافق على العمليه في خطر عليها ولازم توقعيها ما نقدر نسوي شي الا بموافقتها.., ام عوق با اصرار\التوقيع ماني موقعه والي من الله حياه الله.., طلع زياد من غرفة امي هو والدكاتره وخفت يوم اشوفهم مهتمين ويناظرون الاوراق..! يتكلمون ويأشرون على امي وانا ما افهم وش يقولون..! وزياد متأثر من كلامهم ويتنهد ويهز راسه.., ام عوق بمعاتبه \انتي وش بلاتس بس تبتسين ماهو بزين الصياح لتس وانتي نافس.., عوق من بين دموعها\ماتسمعينهم وش يقولون مره يقولون بسيط ومره يقولون لازم عمليه.., ام عوق\لاحول ولاقوة الابالله ليتني ما طاوعتكم وجلست في بيتي انا وش جابني للمستشفيات وخرابيط الطبباء ..!؟ وقت الزياره زار امي سعد وسالم انا دخلت حمام جناح امي واسمعهم..! سعد\عمه وشلونتس الحين ورى ما عطيتنا خبر انتس متنومه...! ام عوق\بسيطه ان شاء الله ولا له داعي ازعجكم.., سالم بملامه\مالتس حق والله يا عمه تتنومين وحنا آخر من يعلم..! ام عوق بتذمر\وانتوا وش دراكم.., سعد\مسلط كلمنا وعلمنا انتس با المستشفى.., سالم\هم الدكاتره قرروا يصلحون لتس عمليه..!؟ ام عوق بسخريه\وانت من علمك بها السوالف.., سعد\علمنا مسلط ونسيبتس الدكتوريقولون انتس ماتبين العمليه.. اردف سعد \وليه ياعمه رافضتها...؟ سالم بترجي\يا عمه الدكاتره اخبربوضعتس اكيد انتس محتاجتها.. ام عوق\مانيب مصلحه شي وبطلع لبيتي ماعقب ها العمراخلي التكاتره تلعب بي.. سعد\ياعمه هذولا ناس ماخذه شهادات ومار عليها مثل حالتس واجد.., ام عوق\وانا وش حالتي ماعلي ان شاء الله خلاف وابي اطلع لبيتي.., سعد\مافيتس ان شاء الله الا الخير لكن العمليه علشان تطيبين.., ام عوق بغضب واستهزاء\هو انا بزير تاخذني على قد عقلي ياسعد.., ام عوق با اصرار \اليوم طالعه طالعه ولا علي لا من خربطتكم انت وتكاترتك.., سالم \هذا شي مافيه عناد لو ما شافوا انتس محتاجه ما قرروا عليتس شي.., سمعت باب غرفةامي يندق وبعده صوت زياد.., زياد بتفاءل\السلام عليكم ان شاء الله اقنعتوا خالتي..! ام عوق بحده\وانت مفزعهم يقنعوني بالعمليه عساني ما اموت غيرتحت سقف بيتي.., زياد با استعطاف\يا خالتي لا تعاندين العمليه ضروري لك ترتاحين من ها الألآم.., ام عوق بمكابره\انا طيبه غير ماغص وراح الحمدلله.., سعد\يا عمه انتي شورتس براستس حنا ماشين ولا نبي لتس الا الزين..! ام عوق\لاتكبرونها وهي صغيره اليوم ان شاء اني بمسي في بيتي..! سالم بملامه وتذمر\ ياعمه دايم مستعجله ولا تشاورين هذا طبعتس..! ام عوق بسخريه حاده\صادق يا سويلم ما اشاوراحد لو اني اشاور احد كان قعدت انت واخوك على رواتبكم ولا ركبتوا جيوب وسكنتوا فلل..! سعد منحرج\الله يسامحتس ياعمه مع السلامه.., ام عوق بحده\الله لايسامح كل خاين ولا عاد اشوفكم.., سمعت صوت امي تنادي ام عوق\عوق تعالي مشوا التسلاب.., زياد بمعاتبه\يا خالتي ترى ماقالوا شي غلط.., عوق بحده\وانت وش دخلك تدق عليهم هذولا ناس شماته.. زياد بغضب\حرام عليك وش ها الكلام انتي انسانه ملتزمه وتخافين ربك كيف تقولين كذا من يشمت بالمرض.. وهم مساكين يبون مصلحة خالتي..؟! زياد التفت لوضحى بتأثر \ماتتخيلين كيف خافوا يوم قلت لهم انك تعبانه ورافضه العمليه.., ام عوق بوجع\اسمع يا ولدي انا عارفه نفسي العمليه مابها فايده بس تعذبوني على الفاضي.., زيادبتوتر\يا خاله الاعمار بيد الله لكن الانسان ياخذ با الاسباب .., عوق بغضب\ان شاء الله انها اطول منك عمر لا تفاول على امي .., زيادبنظره حاده لعوق\من يلومني ها الحين لو اذبحها .. ام عوق تضحك\ عوق تمزح معك جعل عمرك طويل.., زياد بتأثر\ الله يطول بعمرك يا خالتي لكن عوق الله يهديها مرات تصير مستفزه.. عوق تبكي وتبلع غصه\لا ما امزح ان شاء الله انتس اطول من اعمارنا كلنا.., ام عوق تبتسم بوجع\من يقنع عوق اني وصلت التسعين الظاهر تحسبني ام عشرين سنه.., زياد با استعطاف \خالتي لا تغامرين لازم عمليه وبا اسرع وقت.. طلع زياد من عندنا وهو زعلان.., عوق بضيقه\يمه يمكن كلام زيادصحيح وحالتك لازم عمليه..! ام عوق تتنهد بضيقه \ادري ان كل كلامه صحيح لكن يا بنتي ماعقب ها العمر بيشققون بطني.. انا معي سكر وضغط اموت في بيتي ولا بين ايدينهم.., عوق ببكى\لا تقولين كذا خلاص لاتطرين الموت.., ام عوق\ازهمي على السواق يجي يا خذنا بطلع رضوا والا بكيفهم.., عوق\ لا يمه هنا افضل من البيت انا خايفه عليتس ..! ام عوق بغضب\ابي ارجع لبيتي بالمستشفى ضاق صدري ولا نيب مرتاحه.., اصرت امي على الخروج والممرضات حاولو يهدونهاوامي رافضه .., نادوالدكتور المشرف على حالتها وكلم زياد وجا معاه.., ام عوق بترجي \اسمعوني بوقع على العمليه لكن بشرط تطلعوني لبيتي اليوم وبكرا ان شاء الله من الصبح ارجع لكم.., زياد يتشاور هو الدكتور الثاني الي مشرف على حالة امي.. الدكتور بتحذير\يا وضحى بنكتب لك خروج اليوم لكن بيكون على مسؤليتك اول شي.., وبعدين لازم بكره من الصباح تكونين موجوده وتكونين صايمه من بعد الساعه عشرالليله توعدينا.., ام عوق\اوعدك اني بس الليله امسي في بيتي وبكرا تلقاني مع فجة النور عندكم.. زياديتنهد بقلة حيله\ياخاله فيك عنادمو طبيعي.. اردف بتحذير\شوفي انا الي برجعك للمستشفى لاتقولين زياد ما قال.. ام عوق تبتسم بوجع \ابشر بس خلوني اطلع لبيتي ضاقت علي جدران مستشفاكم.. كتب زياد خروج لأمي وهو الي وصلنا للبيت بنفسه وطول الطريق يقول لأمي لاتنسين بكرا.. قبل الدوام امرك واخذك للمستشفى وتكونين صايمه.., نزلنا للبيت وزياد رجع للمستشفى .., دخلنا بيتنا انا وامي و جلست با الصاله وتناظر الجدران وتتنهد.., امي عمرها ما سوتها حسيت ان فيها شي غريب.. ما ابي ابكي قدامها ولا انا عارفه وش فيها.. دخلت غرفتي تعذرت اني بغير لبسي وبريح شوي .. انا لازم اعرف من زياد امي وش فيها با الضبط ماهو معقوله خوف الاطباء واصرارهم على العمليه من فراغ اكيد في شي خطير.. كلمت زياد وقلت تعال ابغاك ضروري واذا جيت لا تدق الباب عطني نغمه.. سألني فيك شي او في امك ما تمالكت نفسي وبكيت قلت لابس تعال.. طلعت من غرفتي ولالقيت امي با الصاله كانت منسدحه بغرفتها.. عوق بخوف\يمه وش فيك منسدحه..., ام عوق \مافيني غير العافيه ابي ارتاح قبل الصلاة.. سمعت نغمة جوالي اكيد هذا زياد وطلعت من عند امي.. زياد بهلع\ افتحي انا واقف عند الباب.., فتحت لزياد ودخلت انا وهو للمشب وسكرت الباب علينا.., عوق ببكى\زياد حلفتك بالله امي وش فيهاانا كل ما سألتك تتهرب مني ولا عطيتني الكلام الي يريح..؟! زيادبوجع\عوق انتي تخوفيني من ردود افعالك يعني لو بتعرفين وش بتسوين ..؟! عوق وزاد بكاها\هذا الي كنت خايفه منه امي فيها شي خطير..؟! زيادويده على فم عوق\تكفين اسكتي لاتسمع امك وتخوفينها بدون فايده..؟! عوق تمسح دموعها الحاره\خلاص بسكت بس علمني وش الي فيها با الضبط..!؟ زياد باألم\الي في خالتي ابتلاء من الله سبحانه والي بقوله خليه بيني وبينك لا يطلع وخصوص لها..!؟ عوق بترقب \اكيد.., زياد بوجع وتردد\خالتي عندها سرطان با الامعاء وورم با الرحم.., عوق با استنكاروخوف\انت متأكد..؟! زياد يتنهد بحسره\كم مره صلحنا لها تحاليل واشعه والمرض في مراحل متقدمه عندها.., عوق\طيب وش فايدة العمليه ..؟ زياد \بنتلاحق لا ينتشر زياده.. عوق\زياد لازم تصارحون امي وش فيها ويصير القرار بيدها.., زياد\صعبه وخصوص الي مريض بالمرض هذا النفسية لها دور كبيرفي علاجه.. عوق\تكفى زياد الا امي ان صار فيها شي يمكن اموت.. زياد \تعوذي من الشيطان وحاولي تسيطرين على انفعالتك ترى امك مقبله على ايام صعبه.., اردف زيادبضيقه \ الحين اطلعي وغسلي وجهك ولا تحسسين خالتي بشي وبنحاول ترجع للمستشفى الليله.., دخلت عند امي وهي تصلي العشا وانتظرتها حتى خلصت صلاه.., ام عوق\انتي وينتس اقعدي ارتاحي توتس نفاس.., عوق بوجع\ زياد هنا وكنت عنده.., يمه يبي يشوفتس.. ام عوق\ايه زين خليني البس برقعي وقولي له يدخل.., كلمت زياد جوال ودخل عند امي .., زياد\ مساء الخير يا خاله.., ام عوق \هلا بك وقبل كل شي رجعه للمستشفى مانيب راجعه الليله.., زياديناظرعوق بدهشه\ماشاء الله عليك يا ام العوق.. زياديبتسم بترجي\ خالتي خلينا ارجعك للمستشفى الليله افضل لوضعك.. ام عوق بحده \كلمتي وحده ماني راجعه ودك تاخذ حرمتك مانيب صايره بينكم غيره ماعندي.. عوق ببكى\ يا ليتنا ما طلعنا من المستشفى ياليتنا ما طاوعناتس ..؟! ام عوق بغضب\وانتي وش بلاتس تدورين الي يبكيتس.., ام عوق لتفتت لزياد\لاتروع بنتي علي عوق نفاس وانا ما فيني شي.., زياديتنهد بوجع وقلة حيله\ان شاء الله ان مافيك شي برجع للمستشفى تبون شي.. ام عوق بضحك\ عسى عمرك طويل شف خاطر عوق الي يرضيها يرضيني.. طلع زياد ولحقته.. عوق من بين دموعها\زياد خايفه على امي شكلها تقاوم الالم وهي ساكته.. زيادبا الم\خلاص لاتبكين الليله بتقعد هنا والصباح بجي بدري اخذها للمستشفى غصبآ عنها.. عوق\وش بنسوي الحين كل ما دخلت عليها القاها منزله وجها على المخده وتون.. زياد يناظر جواله\دعواتك لها انا ماشي مافي يدي شي امك عنيده الله يجيب الصباح بخير..؟! عوق\ الله يستر يارب تشفي امي.., طلع زياد ورجعت لأمي بشوفها لقيتها منسدحه على سريرها وتستغفر قربت منها.., عوق بوجع\يمه انتي زعلانه علي.., ام عوق بمحبه\ الله يرضى عليتس دنيا واخره لاوالله راضيه.., عوق بحزن\يمه خايفه طلعتس فيها ضررعليتس..! ام عوق\لا بالله ازين ماسويت اني طلعت من المستشفى والحين بنتعشى انا وانتي ونعين من الله خير.., عوق\لازم تصومين بعد الساعه عشر مثل ماقال الدكتور.., ام عوق بشرود\الله خير وابرك وتو الوقت الساعه ماجات عشر.., حضرو الخدامات العشا وتعشيت انا وامي وبعد العشا.., ام عوق\دايخه وانا امتس ابي انام ما ارتحت بنوم المستشفى وانتي هنيا ماريحتيني كل شوي فاتحه الباب.., عوق \بروح ابدل لبسي واجي انام معتس.., ام عوق\لا بالله لاتجين ارتاحي ونامي والا كلمي رجلتس يجي ياخذتس تشوفين وليدتس.. عوق تبتسم بوجع\وليدي الله يعوضني فيه خير شوفته ماتسر.., ام عوق بتأنيب\ استغفري ربتس ولا يغرتس صغره ان شاء الله يطلع با السلامه الله يذوقتس نفعه.. عوق بحزن \لو انتس شفتيه ما قلتي ها الكلام الا بتقولين يمكن الموت رحمه له.. ام عوق\الموت والحياه بيد الله ما ادري لو انه اطول منا عمر.. اردفت ام عوق بوجع\لكن يا بنتي ما اعجبتيني على زياد كل شوي قابه بحلقه زياد حبيب وما يستاهل منتس بعض كلام لا او صيتس عليه ترى زعلي ورضاي عليتس مربوط برضاه ويالله انا برتاح .., عوق\انا بعد دايخه بنام خليني ارقد عندتس تكفين.. ام عوق بضحك\ تدرين انتس عله اقلقتي راحتي با المستشفى مانمت منتس والحين ناشبه لي.., عشاوتعشينا وسوالف وسولفنا روحي ارقدي.., عوق بترجي\يمه تو الليل الساعه ماجات تسع .., ام عوق\النوم اذا جا ما يعرف تسع من عشرريحي تراتس ما ارتحتي من ولدتي.., عوق تبتسم بمحبه\ بنام بغرفتي اذا بغيتي شي ناديني.., ام عوق\بحفظ الله يمي بس لاتنسين كلمتي لتس..! عوق با اهتمام \ آمري يمه وش كلمته .., ام عوق \مهما طالت الايام بنات خالد وتركي ان مشو شرق انتي امشي غرب ماطريقكن واحد عوق بذعر \يمه والله داريه بس لاتعيدين ها الكلام والله يخوفني كلامتس ام عوق تبتسم\وش يخوفتس اخبرتس نسايه قلت اذكرتس .., اردفت \يا الله توكلي على الله انتي هروجتس واجد وانا دايخه ابي انام.., تركت امي ودخلت لغرفتي تمددت على سريري وانا افكر احس امي اليوم غير عن الصباح ما اشتكت من شي.. معقوله كلام زياد صحيح ان امي مريضه ولازم لها عمليه والابس دكاتره يبون يجربون..! او كانت تعبانه تعب بسيط واخذت علاج والحين ان شاء الله انها بخير..؟!! كلمت زياد عوق \زياد انت متأكد من مرض امي.., زياد بتعجب\ليش.., عوق\ما ادري بس احس الحمدلله مافيها شي وخصوص الليله تسولف وتمزح وتضحك عاااادي امي الي انا خابرتها.., زيادبطمئنه\ ان شاء الله انها بخير.. عوق \بترجع الليله انتظرك.. زياد \لا نامي انا ان شاء الله الفجر بكون عندكم عندي شغل الليله.., نمت وصحيت عطشانه واحس جسمي حمى ناظرت الساعه ثلاث الفجرمعقوله نمت كل هالوقت .., بموت برد ناديت الخادمه تعبت وانا انادي بموت من البرد على الاقل تعطيني بنادول.. وتنزل بطانيه اتغطى فيها.., قمت من سريري وانا انادي صحت الخدامه على صوتي قلت لها تلحقني ببطانيه وبنادول لغرفة امي.., حسيت نفسي بموت من البرد وعظامي تكسرت.., واسناني تصك في بعض من كثر ما كنت ارتجف عسى مافيني بس حمى نفاس.., دخلت غرفة امي لقيتها نايمه والنور والع غريبه امي ما تنام با النور.., اخذت البنادول من الخدامه وطفيت النور وانسدحت جنب امي قلت للخدامه تغطيني وحضنت امي.., حسيت جسم امي بارد ولا تحركت با العاده تحس فيني.., قمت على طول ولعت النوروناظرت وجه امي من قريب شكلها نايمه مسكت يديها لقيتها بارده..؟ّ! لكن الي شد انتباهي امي اصبعها السبابه كنها تتشهد.., حاولت اصحيها ماردت علي اكيد فيها شي احاول افتح يدها تنتفح لكن ترجع اصبعها على وضع التشهد..!! ناديتها يمه اصحي يمه انا عوق اصحي يمه بس قولي نعم تكفين يمه لاتخليني.., ما ردت علي حسيت قلبي صار يدق بسرعه من خوفي عليها.. اخذت عباة امي الي بغرفتها لبستها وتغطيت باجلال كنت لافته على راسي وطلعت اركض لبيت عمي مسلط.., دقيت الباب وبعدها ما ادري وش صار.., اسمع اصوات رجال حريم اختلفت علي الاصوات وصياح مرعب .., احس اني اصحي اشوف شي ابيض واشخاص قدامي تتحرك شكلي بمستشفى وارجع انام.., عوق بوهن\آه راسي .., ام ابراهيم\الحمدلله على السلامه.., عوق با ارهاق \خالتي انا وين شكلي بمستشفى .. ام ابراهيم بحزن\تعبتي وجبناتس هنا.. عوق بتساءل\خاله كيف جيت هناوامي تركتها با البيت تعبانه..!؟ ام ابراهيم\ صحينا على صوت الجرس و لقيناتس طايحه عند الباب .. دخلتس انا والبنات وكلمنا رجلتس واسعفناتس.., عوق \طيب امي وشلونها ابي اشوفها .., ام ابراهيم تتنهد بضيقه \امتس با احسن حال ان شاء الله.., عوق با استغراب\وينها الحين.. ام ابراهيم بحسره\في بيتها مرتاحه..! عوق با اصرار\وانا بعد بطلع ما فيني شي الحين..؟! ام ابراهيم \وين بتروحين انتي من ولدتي ما ارتحتي..؟! عوق\خالتي بكلم زياد يطلعني..؟! ام ابراهيم \ارتاحي بطلع شوي وارجع..؟! طلعت خالتي ام ابراهيم بقيت با الغرفه با الحالي..! انا بلبس المستشفى ويدي فيها مغذي من متى واناهنا..؟! رجعت ام ابراهيم..؟! عوق\خالتي وين رحتي ..؟ ام ابراهيم بحزن\قريب .. عوق\ خالتي من متى وانا هنا.. ام ابراهيم\ من يومين ترى الحين بيجونتس زوار.. عوق بتعجب \ يومين اكيد امي بتجي.. ام ابراهيم \امتس مانبي نتعبها .. صوت جوال مع خالتي ام ابراهيم.., ام ابراهيم \ما عليك مافي احد الا انا من يوم تجي ادخل.. احس وجه خالتي فيه شي وتتهرب كل ما سألتها عن امي وعيونها فيها اثر بكى ..؟! دقايق ودخل زياد.., غريبه لابس ثوب ولاف شماغه بدون عقال شكله ذكرني يوم توفت امه وش صاير ..؟؟!! زياد\مسا الخير.. ام ابراهيم \حيا الله ابو نمر انا با استراحة النساء اذا بغيتوني .. زياد\ما قصرتي ام ابراهيم الله يجزاك خير.. طلعت خالتي وبقى زياد وجهه ما يبشر بخير يمكن ولدنا صار فيه شي.. انا اصلن متوقعه انه ماراح يعيش عقب ما شفت صغره وكثر الاجهزه الي عليه.. زيادسلم على راس عوق وجلس على السرير مقابلها\كيفك الحين ان شاء الله كويسه.. عوق بتوجس\زياد وش فيك وجهك ماهو طبيعي ان كان قصدك ولدنا لله ما اخذ ولله ما اعطى.. زياديبتسم بوجع ويبلع غصه \ما شاء الله عليك عوق والله اهنيك على قوة ايمانك والله اذا حب عبدآابتلاه وعظم الجزاء من عظم البلاء.., حسيت قلبي اوجعني من كلام زياد صدق انا قلت له الكلام الي قلته لكن ما توقعت انه بيرد علي كذا.. ما ادري ليش دموعي لا ارادي صارت تصب مع اني عارفه ان الموت راحه لنمر حجمه وشكله ما يويحي ابدآ انه راح يعيش.. زياد بوجع\ليش تبكين.. عوق بحسره\ما ادري كان عندي امل انه يعيش .. زياد با الم\الله ارحمنا منا فينا الي تنتهي حياته بيموت مرات الموت يكون فيه راحه.., عوق من بين دموعها\لوعاش نمر تتوقع راح يعيش بدون اعاقه او تشوهات جسميه.. زياد بضيق \حياة نمر وموته بيد الله مهما سوينا وحاولنا ماراح نقدر نسوي له شي الا الي ربي كاتبه له.. عوق تبكي وبملامه لنفسها\احس ذنبه برقبتي لو كمل تسع شهور يمكن عاش انا ماحافظت عليه .. زياد يناظر با الارض \عوق لونمر وصل عمره لتسعينات وانمرض مرض خطير وش كنتي بتقولين..! عوق بتهكم موجع وتمسح دموعها\وش بقول اذا عمر ولدي بالتسعينات انا كم عمري.. زياد بتوتر\لا مافهمتي علي اقصد لو هو كان عمره كذا اومثلآ انتي تعرفين انسان عمره كبير.. عوق بحزن \نمر كنت اتمنى بيني وبين نفسي انه يعيش لكن وش بيدي تدري امي الله يشفيها وش قالت لي.., زياد يعض على شفايفه ويغمض با الم\ وش قالت ..؟ عوق بتهكم \لا يغرك صغر جسمه يمكن انه اطول منا عمر وهذا هو راح.. زياد يبلع غصه بوجع \عوق عندك فكره عن مرض خالتي.. عوق تمسح دموعها\الله يشفيها انت معلمني والا نسيت.. زياد\ خالتي كبيره با العمر و معها سكروضغط والمرض انتشر بجسمها.. عوق بترجي \تكفى بطلع اشوف امي خالتي نوره تقول انها طيبه.. زياد يكمل كلامه \ من زمان المرض فيها كانت تعاني وتتعذب لكن ماخبرت احدالا ام ابراهيم ومن فتره قريبه.., عوق بحزن\امي صبوره ماهو اي شي يهزهافديتها والحمدلله الطب تقدم بتلقون لها علاج.., زياد ضم ايدين عوق\قولي لا اله الا الله .. عوق بخوف\لا اله الا الله وش صاير.. زياد با ارتباك\خالتي تطلبك الحل واسترجعي لا تضيعين اجرك.. انفجعت من الصدمه .., ماحسيت الا زياد يضمني بقوه وشي ثقيل نزل علي قلبي وهد حيلي.., اكبر من الوجع الي شعرت فيه يوم حسيت اني فقدت نمر.., صرت اصرخ بدون شعور واحس بنزيف اكثر من ولادتي بنمر ودخت.. اسمع زياد يصرخ ينادي الممرضات وعطوني ابره دوختني بزياده... ما ادري الوقت الي مر علي لكن صحيت وانا احس بثقل بكل جسمي .., شفت بشرى جالسه على كرسي وشكلها تقرا قرآن.. يوم شافتني صحيت جات لي عوق بوجع \انا بحلم والا علم اني فقدت امي.. بشرى بحزن\الحمدلله على السلامه عوق شدي حيلك انتي انسانه مؤمنه اصمدي والمؤمن مبتلى وامك عند ربآ رحيم .., عوق تبكي وتعض ايديها \انا لله وانا اليه راجعون.., كلمت بشرى جوال تقول عوق صحت تعال.., دخل زياد وطلعت بشرى.. زياد \الحمدلله على السلامه تماسكي ياعوق وارضي بقضاء الله سبحانه عوق ببكى\متى امي توفت .., زياد\الليله الي طلعت فيها من المستشفى.., عوق ببكى مرير\ياليتني رجعتها للمستشفى ياليتكم ما وافقتوا انها تطلع لبيتها.., زياد يحاول يهديها \لاتقولين كذا خالتي كانت تعبانه..! زياد يسولف علي ويحاول يهديني ودموعه تصب ويذكرني بتجزعه يوم امه ماتت وانه ما فاده شي غير انه ندم انه ماصبر.. ولا عرف قيمة الصبر الا بعد مرور شهور على وفاةامه.., دخلوا خوات زياد نجلاء وبشرى ومعهم ام ابراهيم ما ادري يصبروني والا يعزوني ما ادري وش صار فيني .., ماعدت احس بلي حولي ماعاد عندي قدره اخذواعطي معهم اشوف ازوال واسمع اصوات لكن ماني قادره ارد على احد ...! وش فايدة الكلام امي الي رابطتني با الدنيا ماتت وولدي الي يمكن بيعطيني سبب علشان اتمسك با الحياه راح.. من بقالي با الدنيا مكتوب علي اكون مقطوعه من شجره طول حياتي فقدت كل الي من لحمي ودمي .. ماعاد لي شي يذكرني بنفسي الي مني ولي راح خلاص .., ياربي الصبر الصبر.. ماغير دموعي تصب واعظ اصابعي.. صبرني يا الهي على ها الامتحان ولا تخذلني .., نجلاء \الحمدلله عوق امك توفت وهي راضيه عنك وهذي نعمه عظيمه.., بشرى تبتسم بوجع\ لو شفتي وجها بعد وفاتها والله انه احسن من يوم كانت عايشه.. ام ابراهيم\ما شاء الله يا زين خاتمتها بفراشها وسجادتها بمكانها ما طوتها.. زياد\ام عوق تحملت مرض يعجز عنه عشر رجال ان شاء الله انها من الصابرين ولا شكت ورفضت حتى العلاج.., كل الاطباء الي هنا وشافوا حالتها كانوا مستغربين كيف قدرة تقاوم المرض الي فيها.., نجلاء \بتطلعين معانا لبيتك افضل بكثير لك من المستشفى... ام ابراهيم \طالبتكم ابي عوق تطلع معي لبيتي بناتي كلهم عندي وبتساتنس بينهم.. زياد\ماعندي مانع بكيفها تدلل ام نمر.., بشرى \ لو بعد تجي في بيتها ماراح نتركها كلنا بنكون حولها.. زياد\وش رايك وين تبين.., عوق بوهن\بيت امي بطلع لبيت امي.. نجلاء \ما يصلح تطلعين بيت امك انتي تعبانه.. ام ابراهيم با اصرار\ام راكان صادقه وانتي للحين نفاس مانيب تاركتس يا معي يا معهم.. وبيت امتس مليان ناس ما انتي ماخذه راحتس فيه .., عوق تغمض عيونها بوجع وتهز راسها بنفي\ما اطلع الا لبيت امي .., زياد\ خلاص خلوها على راحتها متى تبين تطلعين.., عوق تمسح دموعها\الحين طلعوني لبيت امي.., نجلاء با انتقاد لزياد\ كيف تطلع الحين زوجتك ماهي طبيعيه شف كيف وجها وعيونها..,..! زياد\نجلاء ساعديها تغير لبسها وانتظركم برا.., نجلاء بحده \انت صاحي الحرمه تعبانه والنزيف الاخير الي جاها صفى دمها..! زياد\ انا ادرى بوضعها النزيف الحمدلله وقف ودمها تعوض با الدم الي عطيناها.., وبعدين انا معاها وانتو ما تقصرون.. فهمت من كلامهم ان زيادلماخبرني بوفاة امي جالي نزيف واضطروا يرجعون يعطوني دم يعوض الدم الي فقدته.., و طلعت للبيت الي كان موجودفيه حريم سعد وسالم وضحى دخلت للبيت وزياد جلس با المجلس كان فيه ناس طالعين وداخلين..! لحقتني ام ابراهيم الي رجعت مع ابراهيم ولدها ودخلت بعدي.., . . . (كلمه اخيره) هناك لحظات في الحياة لا يصمد لها بشر إلا أن يكون مرتكناً إلى الله مُطمئناً إلى حِماه .. مهما أوتي من القوة والصلابة والثبات ! ففي الحياة لحظات تعصف بهذا كله ، فلا يصمد لها إلا المطمئنون بذكر الله ! “أَلَا بِذِكْرِ اللَّهِ تَطْمَئِنُّ الْقُلُوبُ ” , *سيد قطب . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
اقتباس:
الله يرحم امواتنا واموات المسلمين الفقد موجع اسعدني مرورك اقتباس:
الله يرحم الوالده ويصبركم اسعدني مرورك اقتباس:
|
السلام عليكم طيوف
الله يسعدج على خاتمه ام عوق اللي بتخفف حزننا شوي والله يصبر عوق على فرقى امها ويصبر المسكين زياد اللي بيتتشحطط بين زوجته وولده والله يجازي ام ابراهيم ونجلا واختها وبناتهم كل خير على وقفتهم معاها وبس بصراحة ما عندي تعليق اكثر الله يحرم كلج من تغلين ويغليج على النار.......نموره |
اقتباس:
ما عليك الايام بتخليها تحس بزياد الله يسعد قلبك نموره اقتباس:
اي والله الموت ليش سموه الفراق الطويل اسعدني مرورك اقتباس:
يارب اقدر اقدم كلمه يستفيدون منها البنات لو منقوله حتى اتمنى والله ان انفاس ترجع تكتب اسعدني مرورك اقتباس:
وتوقعك في محله عوق جالها ولد اسعدني مرورك يا الغلا |
اقتباس:
هلا وغلا عزيزه يا مسا النور الله يحبك ويوفقك ام عوق لازم ينتهي دورها وعوق شخصيتهالا نفسها فيها تشائم زياد لو كل واحد سوى مثله ماكان شفنا حرب الحموات حلو الواحد يمسك العصا من النص اسعدني مرورك يا الغلا اقتباس:
ان شاء الله مافي انقطاع خلاص قربنا لنهايه عوق صحيحه متردده وفيها تشائم فئة اللقطاء فئه مظلومه عالميآ ومعاقبه على ذنب مالهم يد فيه اسعدني مرورك اقتباس:
بنشوف نمر حي والا احساس عوق المتشائمه يصدق اسعدني مرورك اقتباس:
هلا وغلا با الرايقه انا وضحت من البدايه ان الحوار بيكون من البطله وبنعرف ردود افعال الي حولها من خلالها وحاولت احصر كل شي حولها اسعدني مرورك يا الغلا |
نوح الحمام على الغصون شجاني شجاني و رأى العذول صبابتي فبكاني فبكاني إنَّ الحمامَ ينوحُ من ألمِ النوى ينوحُ و أنا أنوحُ أنوحُ و أنا أنوحُ أنوحُ مخافةَ الرحمن الله و لإن بكيتُ فلن أُلامَ على البكا فلطالما استغرقتُ في العصيانِ يا الله يا رب يا ربّي عبدكَ من عبادكَ مشفقٌ بكَ مستجيرٌ من لظى النيرانِ من لظى النيران فارحم فارحم تضرّعه إليكَ و حزنَهُ وامنن عليهِ اليومَ بالغفرانِ ربّاه نوح الحمام على الغصون شجاني و رأى العذولُ صبابتي فبكاني فبكاني الحين نوحي ياعوق نوح الحمامه الله يعينك ويجبر مصابك بارت حزين ومؤلم بانتظار المزيد من الاحداث الله ييسر لك كل عسير ام الوليد ويبعد عنك كل ضيق |
صباحك حمامة سلام وسط الزحام
طيوف على اني مهيئه نفسي مع كل بارت اتوقع موت الوضيح..ومع كذا انصدمت وحزنت عليها:( الله يرحم امواتنا و اموات المسلمين.. الله يصبر عوق المزايين..واتوقع بتكون رده فعلها غير عن ردة فعل زياد بموت أمه يعني ماراح تعزل نفسها عن الحياه..و ولدها حي مامات وبيعوضها لو بجزء بسيط.. مع ان الام مافيه حد بالكون يعوض عن مكانها..بيتم مكانها خاآآآآآآآآآآآآآلي زياد شهم ومواقفه مع الكل تدل على هالشي بس قلبي ناغزني منه شكله بيسوي شي غلط>>مدري ليش احس بهالشي ولا مصدقته بعد استمتعت يالغاليه بكل حرف كتبتيه وهالمره مع شوية حزن>>شلون تجي..مع التأثر :) نسيت شغله مهمه بالمبارك اللون الجديد..ترى اسمك محلي اللون :) بانتظارك .. |
ياربي باااااااااااارت موجع <فيني غلقه والبارت جاب كل دموووعي
جز مثقل بالووووووووجع والحزن ياربي طول في عمر أميمتي مبدعه ام الوليد وصفتي أحساس عوق وحرة وجع الفقد بكل دقه الله يرحمت يالوضحي ماشاء الله على صبرها وقوة ايمانها وتحملها للوجع الله يعين عوق وش بيصير عليها من سعد وربعه ماهب ساكتين اذا درو ان الحلال كله راح لعوق عسى مايشبون فيها بيقومون يعايرونها انها اللقيطه <لازم تطلع هاللقب عند كل زعل وانها لعبت على الوضحي واخذت كل حلالها على هالحزن ودميعاتي الا هليتيها ام الوليد نبي لنا جزء ترضيه نطالب نطالب ثم نطالب ف عز الكلام سكت الكلام |
أم الوليد
كبر الله قدرك عند ربك ثم ربعك مثل ماكبرتي قدري توني شفت الإهداء.. صار لي كم يوم مادخلت.. تعيشين وتهدين يالغالية بس اللي ماحزني إني ما ماجيت إلا على روحة الوضحي .. ياحبي لها كانت شخصيتي المفضلة في نوح الحمام أبدعتي في تصوير هالشخصية طيف بل تجاوزتي الإبداع بمراحل حواراتها مثقلة بالحياة والحيوية والجزالة والقوة ولكن لكل شيء إذا ما تم نقصان... فلا يُغر بطيب العيش إنسان كل ماعليها فان حقيقة أزلية تؤلم حتى في القصص!! أشعر بوجع عوق.. عسى الله مايخلينا من أمهاتنا . . |
لألا لالا وش هالحزن وربي اني حبيت ام عوق اكثر ومع اني داريه انه بتموت بس اقول لا ياليتها متموت وزياااااد يالبيه على هالمواقف الحلوه لامع الام او عوق الي اكيد سعد وسالم مراح يخلونها بحالها بس مدام ابو نمر معها معليها خوف وام ابراهيم ياحلوها وهو عاد به ناس بها الطيب والإحسان الي منست عوق مع انها بحزنها على رفيقة عمرها ............الله يعطيج العافيه ياقلبي على هالسوالف الحلوه والحزينه اليوم بس جعلها اخر الاحزااااان وحفظك الله ورعاك من كل سوء
|
السلام عليكم و رحمه الله و بركاته
صباح الخير و الرضا من الرحمن أم الوليد أول شيء العذر بسبب تقصيرنا في نوح الحمام بس المشاغل كثيرة الله لا يشغلنا إلا بطاعته .. هالبارت موجع حيل .. وش أكثر وجع من الفقد و كيف لا كان لأنسان هو الحياة بالنسبة لنا .. شيء من الجمر وسط الجوف ================= (( عوق )) ربي يصبرها الفقد موجع حيل بس سبحان الله النسيان نعمه كبيرة نجهلها مرات ربي بيعوضها بنمر تسلى معاه .. و تنسى معنى اللي مثل الوضيحي ماينسى بسهولة حنا قراء نوح الحمام حزنا على فراقها لانها بتترك مكان كبير كانت مدرسة متنقلة بدروس الحياة أنا استفدت منها .. جعل كل كلمة كتبيتيها على لسان الوضيحي في ميزان حسناتج يا ام الوليد ... وجود بنات ناصر و وضحه في بيت ام عوق أحس انه بسبب مشكلة كبيرة لعوق و خصوصا وضحه اللي كلامها مثل السم .. يمكن يكون الهروب لولدها في المستشفى اللي ما رضت تشوفه و تتعلق فيه و تنسى شوي موت امها ... سلمتي يارب .. .. .. |
صبااااح الخير والفرررح ،،
:) بعكس مشاعر الحزن اللي ف هالباااارت ،، الله يعين عوووق ويصبرها ع فقد امها ،،، والله ياخوااااتي ألم فقد الام ،، كبير جداً ،،، مهما وصفت ماراح اعبر ،، لكن وصاه ،، اللي امه موجوده وعسى الله يطول بعمااار امهاتكم ،، اغتنموا هالفرصه ،، مادام باب من ابواب الجنه مفتوح لكم ،، والا اذا تسكر ،، ماعاد ينفع الكلام ،،، الله يرحم موتانا وجميع موتى المسلمين يااااارب ،،، |
♪♪♪ افاااااا :EWx04511: .. راحت الوضيحي !! يمه عورني قلبي والله من البارت :Taj52: .. يووه على نفسية عوق الحين .. هو من تعبها ولا من وفاة امها ولا من ولدها . الله يعينها ويعين زياد .. البلالالالاوي بتجيها من الحين من سعد وسالم اكيد على الورث .. يعطيك العافية طيووف .. ♪♪♪ |
رااااحت الوضيحي. الله يرحم. موتانا. وموتى المسلمين
حزنت. على. وفاتها وحسيت. بمشاعر. العوق. حزن وتعب. وخوف. اكثر. مابعوق هو الخوف من الدنيا. ومواجهتها امها كانت حائط صد لها. وراح. هالحائط بس. ربي. عوضها. بزياد. بيدعمها في حزنها. والمها. بعد فراق. امها. والله يستر من. عيال ناصر سعد وسالم. اكييييد. انهم مليخلونها بحالها ابدعتي ام الوليد. ووفقس ربي لما يحبه ويرضاه |
لييييه طيب كذا
حرااام صرت أقرا وابكي :0oiiii: الله يعين عوق الحين من لها عقب سندها الوحيد بالدنيا بس عسى تعقل وتترك التهور وماتصمم تسكن في بيت أمها طيييف يعطيك العافيه |
السلام عليكم ورحمه الله وبركاته
صباح الخير على الناس الغيرر.... صباح السعاده والرضا ام الوليد الله يستجيب لدعاءك ويكون سبب في تخليص اهلنا السورين من شر الطاغيه وزبانيته ويكتب لك الاجر من رب العالمين ام الوليد الله يسااامحك على هالبارت الموجع الي فعلاا هيض علينا مواجعنا الله يرحم امهاتنا وامهات المسلمين ويجعل مواطيهم الجنه بارت اليوم اوجعني حييييييل لدرجه ان حتى نفسيتس قفلت من كثر ما احس انها فعلااااا واقعيه والله ما اكذب عليك مرض الوضيح وكيف صبرت عليه ورده فعل العوق يوم وفاه امها ذكرتني بنفسي يوم وفاة جدتي لانها تمثل الي الام ال قفدتها صغيره وماعرفت غيرهاااا ماعندي كلام يعبر لك عن الي بداخلي غير تحرم يدك عن النار حسبي الله على بعض الناس الي ماتمسك لسانهااا همها بس تقول الي تبي من غير مراعاه لمشاعر الغير ولا انهم جالسين يجرحونهم بس المشكله اذا كان الجرح من اقرب الناس لهم مرت عمي الله يذكرها بالخير اغلب خلفتها اولااااد واخواها بناااات ويوم جابت الولد السابع جاتها امهاا لعندهاااا وتقوول خلف الله على اخوك الي ماغير جايب هالبنات مو زيك كل سنه جايبة ولد ليتها مثل حظك مايدرون ان النفاس اقل شيء ياثر فيها واقل كلمه تجرحها او انها تواسيهاااا يالى قلبك يام العوووق اي والله ان رجل الوضيح من الصابرين واهم شيء نصيحتك الغاليه يوم قلتي لها مو كل شيء ينقال لرجل لانها الرجاااال ماينسى اقل مو مثل المره ياقلبي عليها بسرته تنسى مالها قلب في بنات الله يستر عليهم كللل شيء يخرونا لازواجهم حتى ادق اسرار اهلها وفي اقل مشكله يجلس يعايرها بسواه اهلها لاااااا لاااااا حراااااااام عليك يام الوليد موكذااوالله ان قلبي تقطع لدرجه ماقمت اشوف الشاشه من الدموع ذكرتيني بوفاة جدتي الله يرحمها ويغمد روحها الجنه كان عندها نفس المرض وعااااانت كثير بس والله عمري ناشفتها جازعه والا تتوجع ماغير وقت نومها تون وانا الي اسمعها لاني كنت انام معهااااا ويوم وفاتها تقول عمتي موتتها سهله ولا تعسرت تقول لدرجه اناها رجعت كنها شباب الله يرحم موتانا وموتى المسلمين العووق والله ماتنلام على سوايها هذي مو امها بس هذي دنيتها كلهااااا تشوف العالم من خلالها صعب جدا انها تفقدها كذاااا تحس ان روحها راحت مع امها ويبي لها وقت طوووويل عشان تغلب على المها وفجيعتهاااا ام الوليد جعل ربي مايفجع بغالي ولا حبيب ويخليك الي عندك وتذوقين برهم ويرزقك ربي بر والدينك |
بارت موووووووجع بوجع الفقد والوضيحى بالنسبه لعوق كانت الأم والسند والحامي وفقدها مراح يمرعلى عوق بالساهل لكن وجود زياد وولدها اللي أتوقعت وفاته بالغلط راح يخفف عنها أكيد ...وضحى حتى وهي على فراش الموت توصي عوق على حفظ حقيقة أهلها وش السبب؟؟يمكن خايفه أحتكاك عوق فيهم في عزاها يفضح الشي اللي خبوه سنين طويله عن الناس .....لكن بالنسبه لزياد أتوقع بيعرف أن وضحى تقرب لعوق بسبب الشبه بين عوق و أقارب وضحى اللي بيحضرون العزا من اولاد بنات تركي وخالد ...ومشاعل أم عوق الحقيقيه هل بتحضر العزا وعوق وش بيكون رد فعلها على حضورها ......شكراااام الوليد حفظك الله ومن تحبين ورعاكم .. |
بسم الله الرحمن الرحيم السلام عليكم ورحمة الله وبركاته صباحكم إشراق كصباح هذا اليوم المبارك صباحكم مغفرة من الرحمن ورضا أم الوليد.......... لا أدري هل نهنئك أم نهنئ أنفسنا على هذا الإبداع المتواصل والرقي في الطرح والجمال وعذوبة الكلمة التي تنساب أمام أعيننا لتعطينا متعة في المتابعة نعيشها حتى آخر سطر نقرأه :55::55::55: مبروك غاليتي هذا التميز والتكريم الذي حصلت عليه عن جدارة ومنها للأعلى إن شاء الله وأخيراً ترجلت أم عوق عن الشداد وتركتها لتواجه الحزن والألم والفراق كم هو مؤلم ما نمر به حين نفقد من نحب لو كان بيدنا ما تركنا أحبابنا ليمضوا ولكنها حكمة الباري عز وجل عوق.......... هل كانت تستشعر قرب رحيل أمها حين أصرت على البقاء بقربها والتدثر بدفيء حضنها في اللحظات الأخيرة هل أحست في آخر لحظاتها بأن هذه الوصايا والحرص الشديد على ألا تنساها ما هي إلا وصايا مودع لمَ لمْ تفكر حين تحدث لها زياد عن الموت ورحيل من تحب إلا بابنها ألهذه الدرجة هي يائسة من بقائه على قيد الحياة أم أنها لا تريد أن تضع احتمال فقدها لأمها في مخيلتها حتى لا تفقدها حقاً كيف ستواجه من سيحضر العزاء من أهلها وأبناء زوج وضحى وكيف ستحتمل ما يقولون أو يفعلون هي لم تتحمل حديث وضحى بنت ناصر لها حين زارتها وهي لم تبقى عندها سوى دقائق معدودة فكيف ستحتمل ازدراءهم لها وكرههم لتواجدها أثناء فترة العزاء خصوصاً حين يعلمون أن وضحى قد تركت لها كل شيء ولم تترك لهم شيئاً وهم الأولى بإثرها من غيرهم بحكم أنها قريبة لهم من حيث النسب وقريبة لأبناء ناصر كونها زوجة أبيهم فأولئك يعصبونها ويرثونها كلالة وهؤلاء يريدون أن يأخذوا ما يظنوا أنه من حقهم بحكم كونها زوجة أبيهم ولو كان على قيد الحياة لورثها كيف ستخرج من حزنها وألمها لفقد أمها واكتشاف الوجه الآخر لأهلها هي تعرف بعضهم بالسابق حين أتوا ليطلبوا منها التبرع لأبيها وطردتهم دون أن تلقي لعلاقتها بهم أهمية ولكن الآن هم يريدون ما يظنون أنه من حقهم دون غيرهم والمال كما يقول المثل عديل الروح لذا قد يتعاملون معها أسوأ تعامل لأجل ذلك فهل سيكون ابنها هو مفتاح هذا الحزن والخروج من الألم أم أن تواجد زياد وأهله وأم إبراهيم وعائلتها حولها هو من سيبعد عنها هذا الألم ويخلصها من تطاول هؤلاء القوم عليها زياد.......... حين نتشارك مصيبة ما مع أحدهم ونكون قد مررنا بمثلها سابقاً فهذا قد يعطينا القدرة على الإحساس بمن يشاركنا إياها مجدداً ويجعلنا قادرين أحياناً على أن نمنحه ما لم نسمح له بمنحنا إياه حين كنا بمثل وضعه قد يكون لفقد أمه وما شعر به آنذاك ما جعله يعرف مقدار ما تشعر به عوق من ألم لفقد أمها لذا أراد التخفيف عنها وعرف كيف ينقل لها هذا الخبر المؤلم بأبسط طريقة استطاعها كذلك سمح لها أن تذهب لبيت أمها رغم معرفته ما قد تواجهه من ألم حين تدخل البيت لأول مرة وهي تعلم أن أمها لن تعود له أبداً فهل معرفتها فيما بعد بأن ابنها لازال على قيد الحياة سيجعلها تحتمل هذا الوجع والحزن رغم أنها لا يمكن أن تنسى غاليتي........... سلمت يداك وجزيتي الجنة بانتظارك دائماً بشوق دمت ومن تحبين بحفظ الله ورعايته |
(ام عوق \منه والا ماهو منه احذري تقولين لتس كلمة تورطين بها بليلة مزح وضحك وتجيبين الي وراتس وقدامتس..!)
(ام عوق\والله يا بنتي ماهو مقصد لكن مرات شي تشوفينه صغيروعند غيرتس كبير..!) (ام عوق \مهما طالت الايام بنات خالد وتركي ان مشو شرق انتي امشي غرب ماطريقكن واحد) امممممم مادري ليه احس هالوصايا بتضيعها عوق وبتندم وتضيع ابدعتي ام الوليد الله يعطيك العافية |
اقتباس:
الله يسلم روحك عوق مجبوره تصبر وام ابراهيم ونجلاء كثير الناس الي مثلهم الله يسلمك ولك مثل ها الدعوه اقتباس:
كلمات تعجز ني عن الرد اسعدني مرورك يا الغلا |
ابدعتي
ابدعتي قمه في الأبداع بارت حزين جدا الله يخلي لنا أمهاتنا وأمهات المسلمين يارب ويصبر عوق على فراق امها يارب :Taj52: :Taj52: :Taj52: |
اقتباس:
اقتباس:
احيان تجي مناسبه صراحه دورين الي يبكيك بدون سبب عاد انتي وحظك تقرين شي وتبكي والا تمسكين واحد من عيالك تكفخينه وتبكين معه اي شي المهم ها العبره تطلع امين الله لايخلينا من امهاتنا وابوانا كثير والله هتونه وخصوص كبار السن يتحملون الوجع يبون الاجر بنشوف توقعك اليوم وابشري با البارت بعد الظهر طووووووووويل ويبرد قلبتس اسعدني مرورك يا احلى مشاطه *ـــ^ |
اقتباس:
اقتباس:
بنشوف توقعك اليوم وش راح يصير وموقف زياد من الي راح يصير لعوق ام ابراهيم كثير الي مثلها اسعدني مرورك يا الغلا |
اقتباس:
اقتباس:
با الهاله امين يارب وربي اليوم الي تتعب فيه اكره حتى حياتي واحبس نفسي صار الكل عارفني محد يسأل وش فيك اكيد فقد الام سبب وجودك با الحياه موجع ويبقي طول العمر ذكرى موجعه درى فقدها اسعدني مرورك يا الغلا اقتباس:
اي والله راحت الوضيح وش نسزي انتهى دورها بنشوف توقعك اليوم ترى سعد وسالم بيكون لهم فايده على المدى الطويل اسعدني مرورك يا الغلا |
اقتباس:
اكيد ان الوضيح هي الي واقفه لعوق بوجه الكل اليوم بنشوف وش الي قدمته الوضيح لعوق بديل لها عنها يحمي عوق بنشوف اليوم عيال ناصر وش بيسوون اسعدني مرورك يا الغلا اقتباس:
هلا وغلا والله يعطيك الف عافيه عوق بتواجه الحياه وكيف يتمش يحياتها اسعدني مرورك اقتباس:
|
اقتباس:
امين يارب اسعدني مرورك اقتباس:
اقتباس:
هلا وغلا مها بنشوف نمر توفى مثل ما ظنت عوق اولا بنشوف توقعك صحيح اولا تسؤلاتك بتشوفينها في بارت اليوم اسعدني مرورك ونقاشك |
اقتباس:
بنشوف عوق تمسك الوصايا والا تضيعها اسأل العظيم رب العرش الكريم ان يرزقك ما تتمنين اسعدني مرورك |
بسم الله الرحمن الرحيم
اللهم يا الله يا حي يا قيوم نسألك باسمك الأعظم الذي إذا دُعيت به أجبت وإذا سُئلت به أعطيت, ان تنصر عبادك المستضعفين فلا ناصر لهم غيرك, اللهم انصرهم على من عاداهم, اللهم انا نسألك يا قوي يا منتقم ياجبار, ان تسلط العذاب على بشار أعوانه و مناصريه وخلص حقوق اخواننا المظلومين منهم يارب العالمين, اللهم ان بشار الأسد و عصاباته قد طغوا و بغوا وقتلوا و دمروا ونشروا في الأرض الفساد, اللهم صب عليهم العذاب صبا يارب واجعلهم يتمنون الموت ولا يجدوه, اللهم احقن دماء المسلمين واهلك الظالمين بالظالمين واخرجنا من بينهم سالمين, . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., اسأل الله العظيم رب العرش الكريم ان يكشف عن اختنا امووله ضر مسها هو اعلم به منا ومنها. بارت اليوم بارت طويل اتمنى انه يخفف حدة حزن البارت السابق.. اهداء خاص للغوالي بياض الصبح,عذرآقلب,سراب,الهدف,ateralmasa ,شبيهة امي. . . اليوم بنشوف عوق المزايين والصعوبات الي واجهتها وهل بتصمد قدامها.., يا الله تعالوا معاي...!! وسالفه جديدة؛ . . البارت السابع والثلاثين . . طلعت للبيت الي كان موجودفيه حريم سعد وسالم وضحى دخلت للبيت وزياد دخل للمجلس كان فيه ناس طالعين وداخلين..! لحقتني ام ابراهيم الي رجعت مع ولدها ابراهيم ودخلت بعدي.., نجلاء وبشرى رجعوا لبيوتهم .., دخلت وشفت البيت موحش حسيت حتى جدرانه تبكي معي فقد راعيته.., الموجودات كلهم قاموا بوجهي فيهم الي كاره دخلتي وفيهم الي حزين معي مدري علي لكن الي بقلوبهم ترجمته عيونهم .., وضحى\الله يحسن عزاتس يا عوق ويعينتس .. عوق \جزاتس الله خير.. زوجة سعد\الحمدلله ان شاء الله ان خاتمتها طيبه.. زوجة سالم\والله ما شاء الله انها كسبت الدنيا والاخره.. وضحى بتهكم \اي والله وش عاد ينفع كثر العيال وقلهم.. رجلي يقول يوم جنازتها من كثر الناس الي حضرت كنهاجنازة امير الطريق للمقبره غير جات الشرطه نظمت السير.. غزيل بنت سعد بحزن\احسن الله عزاتس عوق والله ان مصابتس مصابنا.. زوجة سعد \عمتي راعية خير والي تنفق يمينها ما تدري عنه شمالها.. وضحى\اي والله من غير الايتام الي ضفتهم وعطتهم شي ما يعلم فيه الا الله.. افراح بنت سالم\وان شاء الله ان عوق ما تقصر ولا تقطع افعال الخير الي جدتي سوتها.., زوجة سالم\الي مثل عمتي حظيظ هذا هي راحت وتركت الذكر الطيب وراها.. انا ادري اكثر كلامهن يقصدوني فيهم لكن ماعندي رد عليهن .., سبحان الله هن وبناتهن ناس سم وناس بلسم وهم عايله وحده..! تركتهن يسولفن ويعبرن عن شعورهن ماعاد يهمني اي كلام امي وراحت .., كنت بدخل غرفةامي لقيتها مقفوله بالمفتاح.. عوق بحده واستنكار\من قفل غرفة امي..؟! وضحى با ارتباك \سعد, سعد قفلها.., افراح منحرجه\ والله مالنا دخل عمي سعد هو الي قفلها ياعوق.. عوق بصراخ\ومن هو سعد علشان يتحكم في بيت امي يقفل ويفتح على كيفه وين المفتااااااااح.. ام ابراهيم\استهدي بالله يا عوق ما صار شي.. عوق بقهر\ليش على كيفه يقفل غرفة امي.. غزيل \اهدي يا عوق الحين بنجيب المفتاح.. زوجة سعد\ انتي انثبري يا غزيل وش دخلتس.. والتفتت لعوق\خير واذا قفلها غرفة عمته ماهي غريبه عنه.. عوق تصرخ\الغريبه تبي المفتاااااح بسرعة تسمعين .. وضحى بغضب\الله يكفينا شر بنات الحرام تعوذي من ابليس ولا تصارخين عيب المجلس مليان رياجيل تسمع صراختس .. عوق تبكي وتضرب الباب \افتحو غرفة امي افتحوهااااا .., وضحى بتهكم \الكلام معتس ضايع الي مثلتس وشلون يعرفن العيب بنت حرام ماعليتس شرهه.., عوق ببكاء مرير\الحين انتم وش تبون من بنت الحرام طلبتكم شي اخذت منكم شي عشت على صوانيكم والا من مدة ايديكم..! ام ابراهيم بحده وغضب \وضحى فكينا شرتس الحرمه تعبانه نافس وفاقده امها.. عوق بتهديد وتضرب باب الغرفه\بسرعه افتحوا الغرفة وبعدين يا وضحى نتحاسب..! وضحى بسخريه\ليه وش فيها الغرفه خايفتنا نلقاه مير من دخلتي على طول طرتي لبابها..! عوق بقهر \الي فيها فتشتوه واخذتوه قبل امي اتوسد التراب والا ما قفلتوا الغرفة..’ وضحى بسخريه \يا قو عينها وتظلم بعد..! عوق بضعف تجلس قدام الباب\خالتي تعبت افتحو الباب والا نادي احد يكسر الباب.. وضحى با استنكار \وش يكسر الباب ليه هو حلال ابوتس والا وارثته من جدانتس الي من ينعرف منين هم.., ام ابراهيم بحده وتهديد\ تعوذو من ابليس وخلو احديفتح الباب لعوق تدخل غرفة امها..! زوجة سالم با استهزاء \ليه من قال انها امها.., عوق بتعب\خالتي عطيني جوال بكلم زياد يشوف ها العصابه.. وضحى بغضب وسخريه\والله ماغيرتس انتي ريسة عصابه الي بينا وبينتس عجوز وماتت توكلي على الله..! ما قصرت زوجتس بلوتن مثلتس كلميه خليه يقلعتس عنا مالتس مكان بينا.., ام ابراهيم بغضب واستنكار\ليه وين تبينها تروح وتترك بيتها هذا انتم ماشاء الله مثل الغزو من توفت ام عوق وانتم تبطحون بالبيت.., زوجة سعد\البيت بيت عمتي والحين صار لعيال رجلها هي مقطوعه ومالها احد الا عيال عمي ناصر.., ام ابراهيم بتحدي\كل شي يخص وضحى كتبته لعوق.. وضحى بسخريه \والله من النصب والكذب وبعدين انتي يا نويره وش دخلتس انتي ورجلتس والا بعد ضحكتوا على عمتي ولفيتوا من وراها لين قلتوا بس مثل ها البلوى الي تدافعين عنها.., ام ابراهيم تبتسم با استهزاء\ سبحان الله ياوضيحه كلن يرى الناس بعين طبعه وحنا ناس معروفين مانحتاج شهادتس لا انتي والا الي على شاكلتس ..؟ وضحى الهجاد ما وكلت رجلي الا بعد ماطفح بها الكيل من سوايا اخوانتس.., وعوق ماهي بلوى البلوى الي ما يخاف الله ويخون الامانه .., وضحى بحده\وش قصدتس اخواني العبوا على عمتي واخذوا حلالهاوخانوا بها.., ام ابراهيم بسخريه وانتقاد \لا لا يا وضحى اخوانتس محشومين من الخيانه.. اردفت بتهكم \بس عمتكم وشيختكم ام العوق موصيه مسلط قبل تموت يرجع كل شي يخص وضحى الهجاد لبنات اخيها والظاهر انكن شفتنهن با العزا انتم الي ما بينكم وبين وضحى غير شايب ومات لا قربه ولا صحبه..! زوجة سالم با استهزاء\ومسلط وش دخله بلي يخص عمتي وضحى... ام ابراهيم بتهكم\لا سلامتس بس هي موكلته با المحكمه ورجلتس واخوه عندهم خبر وضحى الله يرحمها معلمتهم با الوكاله الي مشترطه فيها عقب موتها ان مسلط يشوف الي فيه صلاح ويسويه.., وام العوق ان شاء الله انها ماهي مقطوعه مثل ما تقولن لا تغبرون على روسكم..!! سكتت وضحى وحريم اخوانها بعد كلام خالتي ام ابراهيم.. طلعت زوجة سعد ورجعت معها مفتاح غرفة امي.. عوق بدهشه وخوف\من الي جا ياخاله بعزا امي من قرايبها.. ام ابراهيم وهي تفتح الباب\خلينا ندخل الغرفه واعلمتس ..؟ دخلت الغرفه ومثل ما توقعت مقلوبه فوق تحت دولاب امي وخزنتها.., سريرها محيوس ومقلوب فراشه..! ماتمالكت نفسي يوم شفت سريرها طحت عليه وقعدت اصيح.. بكى قلبي قبل عيوني على اغراض امي كيف ملعوب فيها كل هذا علشان عيال ناصرعارفين ان امي مالها احد واثقين محد بيحاسبهم.. دخلت وراي خالتي ام ابراهيم وقعدت تبكي معي وتهديني ودخل بعدها افراح وغزيل يبكون معي.. ويحاولون يخففون عني مصابي.. عوق بغضب \ان كان صدق امي تهمكن خوذن اهلكن من بيتنا واطلعوا فكوني لاحقني بشركم من طلعت لدنيا.. غزيل ببكى\والله مافي يدينا شي من ثالث يوم العزا واحنا نقول بنرجع لبيوتنا لكن ابوي وعمي رافضين.., افراح تمسح دموعها\يا عوق وش نسوي والله دارين ان اهلنا اكل قلوبهم الطمع.. وانتي لاتخافين حقتس حافظته الدوله ابوي وعمي بيملون ويطلعون بس انتي اصبري.., عوق ببكى \ولمتى ان شاء الله اصبر على اهلكن وانتظرهم..! اذا انتن صدق بتوقفن معي الحين اول من يطلع من البيت انتن.., واهلكن اذا ما طلعوا با الطيب بيطلعون غصب.. ام ابراهيم بحده\الله يجزاكن خير يا بناتي عوق توها طالعه من المستشفى تعبانة اتركنها ترتاح.., طلعوا غزيل وافراح وبقيت انا وخالتي ام ابراهيم با الغرفه.., ام ابراهيم تمسح دموعها \ذبحتي نفستس با البكى ولا انتي راده شي.. عوق ببكى\ياخالتي راحت امي من بقالي ماتشوفين الي برا جايين يدورون الفوايد..! ام ابراهيم وهي تحضن عوق\يعلم الله انتس عندي وعند مسلط مثل بنياتنا وهذولا ما عليتس منهم.. عوق با امتنان \الله يجزاتس خير انتي وعمي.. ام ابراهيم تتنهد بوجع\الصبر وما مثل الصبرياعوق ما نتي اول الناس ولا اخرها انا امي ماتت بين ايديني وهي مافيها الا العافيه شكت با الليل واصبحت متوفيه.. والا امتس حرمه كبيره ومريضه ومبطي ساطي بها المرض يعني وش بيدنا نسوي. لو التجزع والصياح يرد الاموات كان كل ميت ردوه اهله.. عوق بوجع\خالتي انتي داريه بمرض امي .., ام ابراهيم تتنهد بوجع\اي والله دارية وعلمت مسلط .. عوق بدهشه\من متى ..! ام ابراهيم بحزن\من العام طلبتني اروح بها للمستوصف اسوي لها فحص تونس بطنها وعلمونا.. وعطونا تحويل على طول للمستشفى.., حاولت فيها تدخل المستشفى لكن ارفضت تقول تكفين يا نوره لا تحرميني اجر صبري مابقى كثر الي راح.. عوق بوجع ودهشه\وانا وين انا امي ماتطلع الا وانا معها..؟! ام ابراهيم \يوم رحت بها انتي هقوتي انتس با الجامعه وهي متعمده ماتبيتس تدرين.. وعجلت زواجتس من زياد وهي والله الي بغته لتس .. كم مره تذكره نفلا عندها وهي الي شارت على امتس به قالت زوجيه عوق وانه خوي لعيالها ورجال اجودي اقتنعت الله يرحمه فيه وسالت عنه وارسلتني انا ومسلط عليه قالت مافي اصلح منه لعوق ان صار لي شي بنتي تروح با الرجلين محد بيرحمها ..! نوره تتنهد بحسره\وضحى سوت لتس الي ماتسويه الام لبنتهاوالحين دورتس تردين لها الدين فعل ماهو بكى وتجزع..! والله لو تذبحين نفستس ماهو نافعها ولارادها.. بكاتس عليها ماغير يعذبها بقبرها .., عوق تجهش با البكى \يويلي على فراق امي ماكذبت بخوفها علي ماكذبت .. ام ابراهيم ببكى\وضحى ماهي رخيصه عند كل من عرفهاوالحمدلله توفت بحيلها.., ما طاحت وتعذبت والا خرفت وضيعت عقلها.., عوق بتحسر\ياليتني شفتها قبل تدفننونها.., ام ابراهيم تبتسم من بين دموعها\يا ليتس شفتيهاوجها ابيض كنه نور.., وسبحان الله الي يسر تغسيلها ودفنها.. والله اني احرك جسدها مع المغسله طري تظنينها نايمه ها المسلمه ماهي ميته .., عوق تمسح دموعها\كيف دريتم بوفاتها.., ام ابراهيم\يوم لقيناتس طايحه عند الباب درينا ماجابتس الا شي كبير.. والا رجلتس و سواقكم عندكم وش يطلعتس من بيتس اخر الليول دخلناتس داخل عندنا.. وفزعت انا ومسلط لبيت امتس وادخل عليها الله يرحمها من يوم شفت وجها دريت انها متوفيه.. واعود لمسلط قلت يا مسلط الظاهر ان وضحى متوفيه كلم زياد.. ونكلمه وجا على طول دخل عليها ومن شافها قال متوفيه.. ورجعنا عليتس واخذناتس بسيارة رجلتس للمستشفى.., وهي الاسعاف جا وشالها وقرر الاطباء انها متوفيه من اول الليل.. عوق تبلع غصه \سبحان الله اخرعلمي فيها صلت وتعشينا حتى ما كلت واجد تقول ما ابي اثقل على معدتي.., ام ابراهيم\الله يرحمها يقول زياد المرض فتك بجسدها كله لكن سبحان الله ما طيحت نفسها.., عوق بقهر وتحسر\حاولت انام عندها وطردتني يمكن حاسه انها بتموت ولا تبيني اشوفها.., ام ابراهيم\ويازينها من خاتمه هذا يعزي قلبتس ويصبره انها توفت وهي على طاعة ربها.., وشدي حيلتس شوفي الي جالسات با الصاله ينتظرون بس طيحتس.. عوق تتنهد بضيقه\الله يكفيني شرهن ما سلمت منهن وامي حيه تبين الحين ماكذبت امي يوم تقول العرب مجهزه سكاكينها لتس .., ام ابراهيم\امتس الله يرحمهاجيده وعارفه وش وراها ما قصرت معتس خلت لتس الي يكفيتس.., عوق\ الله يجزاها خيرعلى ان عيال رجلها حاولو ياخذون كل شي.. ام ابراهيم \ماعليه الي اخذوه ان شاءالله انه صدقه جاريه عنها غصبآعنهم وانتي لا تنسينها بصدقه والا دعوه كثير والا قليل.., عوق بحزن وتعب\ هذا طلبها مني قبل تموت.., اردفت عوق وهي تمسك راسها\راسي بينفجر من الوجع ومهدود حيلي.., ام ابراهيم\الله يعينتس تعب ولاده وفقر دم ووفاة امتس فتره ان شاء الله وتعدي.., وهذي الدنيا لاحزنن يدوم ولافرحن يدوم.., عوق بترددوتوجس \خاله صحيح قرايب امي حضروا عزاها.. ام ابراهيم بحزن\اي والله سمعوا بوفاتها الله يرحمها وجو حريم واجدات .., اردفت ام ابراهيم با استنكاروتعجب \اعوذ بالله تقل ملحوقات ماكأن هاك الحرمه الطيبه تقرب لهن.., طول ثلاث ايام العزا يجن لهن شوي وثم يرجعن عن قولة ما حضروا وفاة قريبتهم.. ام ابراهيم بقهر\ياربي ياوحدتن فيهن اسمعهن ينادنها مره ساره ومره ام تركي شكلها هي اكبرهن..؟ من تدخل لين تطلع بسم الله وهي تناظر ساعتهاوالا تلفت يمين ويسارتقل خايفه من شوفت عدو..! كل ما دخلت حرمة من الي يعزن طارت عيونها بها ثم هجدت ولا بفمها الا كلمة تاخرنا تأخرنا والله اني مراقبتها ومتعجبه منها.. عوق تبلع ريقها با ارتباك\خاله سألوا عني ..! ام ابراهيم بتساءل \من هم قصدتس قرايب وضحى..!؟ عوق بخوف وترقب\ايه هم عارفين انها كافلتني من دار الرعايه.. اردفت عوق بتأكيد\ رعاية الايتام ياخاله رعاية الايتام..!؟ ام ابراهيم بوجع\ادرى انها كافلتس من الرعايه تعلميني يا امتس.., اردفت ام ابراهيم بتنهد\سألت عنتس وحده منهن وقبت بوجها بسم الله الي اسمها ساره.. قالت حنا جايات يا مشاعل نعزي بوضحى الهجاد.. الضعيفه هذيك تفشلت وسكتت غير دميعاته تصب وتشاهق بسكات تقطع القلب .. عوق باارتباك \احد قالهن شي عني.. ام ابراهيم \ هي سألت وضحى ولا عطتها وجه كسرت خاطري بغيت اقولها عنتس مير استحيت.. عوق بقلق \وش سون الي برا يوم شافن قرايب امي جابو طاريي قدامهم.. ام ابراهيم بتهكم\وش سون والله ما صدقن على الله يطلعن مع الباب ..! خافن بعد يجلسن في بيت وضحى ويطالبن فيه نسوا طاريتس يوم شافوا قرايب وضحى..؟! اردفت ام ابراهيم بتعجب\يا سبحان الله ياعوق كيف يشبهنتس انتي والوضيح الله يرحمها ..؟! تكفين على شان وضحى انا طالبتس تاصلينهن هذا رحم الوضيح جعلها للجنه..؟! عوق تصرخ بذعر\لا يا خاله لا لاااا ام ابراهيم بخوف\بسم الله عليتس وش جاتس.. عوق بتوتر وارتباك\لا تجيبين لي طاريهن غثن امي يبونها ترميني يقولون وش تبين في بنت حرام تضفينها.. ام ابراهيم بدهشه\تقولينه صادقه.. عوق بتوتر وارتباك\ايه يا خاله يوقولون خربتي سمعتنا جبتي بنت مايدرى من اهلها وحطيتيها في بيتس .. وامي زعلت عليهم وماتت وهي زعلانه منهم.., والي امي زعلت عليه في حياتها يبشر بزعلي عليه لين الحقها والله لو اشوفهن لأطردهن.. ام ابراهيم بقلة حيله\لا حول ولاقوة الابالله حرام عليهن يقطعنها من الاجر ولا يبنها تكفلتس.., سبحان الله والله لو شفتيهن ياعوق تروعين من زينهن وحريم شخصيات ماهن حي الله غير الرياجيل الي جو معهن.. عيالنا والجيران تروعوا يقولون والله انا ما حسبنا ان وضحى تعرف ها الناس الكباريه.. من غير سياراتهم الي سدت شارعنا وعشا العزا ثلاث ايام هم تكفلوا يجيبونه للمعزين .. عمتس مسلط يقول انهم يقولون هم ماهم من قرايب وضحى لا هذولا حريمهم هن الي من قرايب وضحى.. عوق تتنهد بحزن\الله يسعدهم ويبعدهم ويستر علينا وعليهم.. ام ابراهيم \ اي والله انتس صادقه ميراذا قمتي با السلامه لتس امانه عندي.., عوق با استغراب \وش امانته.., ام ابراهيم\بعدين اجيبها لتس خلي لين تهدا الامور الحين عيال رجل امتس شابين.., عوق بقهر\وش يبون مكفاهم الي اخذوه يعني بقى ها البيت الي فيه ريحة امي بيحرموني منه.. ام ابراهيم بطمئنه \ما علينا منهم كل شي با اسمتس واعلى مابخيلهم يركبونه وضحى ماخلت لهم مدخل عليتس.., وخلت لتس خير من الله غير ها البيت.. عوق\يا حياتي كانت عارفتهم ما يخافون من ربهم.., ام ابراهيم\طبع البشر الطمع الله يكفينا شره وهم ما علينا منهم بيقبون كم يوم وعقبها كلن بيتوكل على الله ويروح بيته.., عوق\انا بجلس هنا خلاص ما اترك بيت امي.. ام ابراهيم\هذا شي بينتس وبين رجلتس تشاوروا فيه والصالح سووه.., عوق بغضب\ماعلي منه بقعد في بيت امي وعلى ريحتها.., ام ابراهيم بملامه\ما يصلح منتس ها الكلام ورجلتس تراه حبيب وسمح وقف بجنازة امتس كنه ولدها وزود على هذا ما لتس غيره.., اردفت ام ابراهيم\والله يوم النزيف الي جالتس الضعيف بغى ينجن ما كنه دكتور ما خلى احد مافزعه يتبرع لتس بدم.., عوق \والله داريه انه ما يقصر لكن الا بيت امي ما اطلع منه.., اردفت بقهر \ بطلع اطرد ها الحوش الي برا.. ام ابراهيم \ماعليتس منهن بس لا تعصبين البيت با اسمتس بيع وشرا يطلعون با الطيب والا غصب.., عوق تمسك يد ام ابراهيم \لا تتركيني..؟! ام ابراهيم تبتسم بعطف\ مانيب تاركتس ان شاء الله لكن ابيتس بشغله.., عوق بترقب\آمري.. ام ابراهيم\ ما يامر عليتس ظالم باتسر من وفاة امتس يتم اسبوع بنشوف اغراضها بعد ها الحوسه نرتبها ونتصدق باالي موجود.., عوق با اصرار\اغراض امي ماتتحرك من محلها.., ام ابراهيم تبتسم \والله الظاهر انتس مثل رجلتس سبحان الي جمعكم.., اردفت ام ابراهيم بتوعد\ بروح اشوف لي ينابحن با الصاله والله لأبرد تسبدتس فيهن وانتي انسدحي ارتاحي.., طلعت ام ابراهيم وسكرت باب الغرفه وراها رتبت سرير امي وانسدحت عليه.. معقوله خلاص راحت امي وتركتني من لي بعد الله غيرها.. حتى الطفل الي كنت حاطه بعد الله الامل فيه ربي اختاره.. هذولا اهلي جوومشوا مافي احد حتى ذكرني لو بكلمة وشلونها.., مشاعل تسأل عني بدموع عيونها محرم عليها تسأل بلسانها.. وام ابراهيم منهبله من الشبه الي بينا وآل ناصر خايفين منهم يطالبون با املاك امي مادرو آل ناصر ان اهلي في سبيل دفن اي اثر لي يحطون فلوس ما يطلبون.., سبحان الله فعلن اذا نزلت المصيبه نزل الصبر معها ما توقعت اني بتصبر كذاولا اعيش دقيقه عقب امي.. لازم ما اطيح لمثل عيال ناصر الي ينتظرون طيحتي مثل ما قالت خالتي نوره.. والم احزاني واصبر نفسي وامسك وصاة امي اذا بنات خالد وتركي مشن شرق انا امشي غرب.., ياربي ثبت قلبي واجبر مصابي ربي لا تكلني الى احد ولا تحوجني الى احد واغنني عن كل احد, يامن اليه المستند وعليه المعتمد وهو الواحد الفرد الصمد لاشريك له ولا ولد, خذ بيدي من الظلال الى الرشد ونجني من كل ضيق ونكد يا الله , اللهم افرغ علي صبرآمن عندك, اللهم افرغ علي صبرآمن عندك, اللهم افرغ علي صبرآمن عندك, على رغم سماعي للاصوات الي برا الغرفه صوت ام ابراهيم وحريم سعد وسالم وضجه الحريم وصراخهم.., الا اني نمت بسرير امي وعلى ريحتها.. صحيت ما ادري كم الوقت لكن شكل الوقت ليل والغرفه ظلام.., فتحت الشباك وكان فعلن الجو مظلم بيت ابو ابراهيم قدام بيت امي.. اشوف الانوار مطفيه شكل الوقت متأخر.., طلعت من الغرفه البيت فاضي وموحش يخوف وين العالم الي اول ماطلعت من المستشفى.., ولعت انوار الصاله ودخلت غرفتي بغير لبسي ولعت نور الغرفه.. كان في احد نايم بسريري عرفت انه زياد متلملم على نفسه.. يا الله تذكرت تلملمه اونينه يوم ماتت امه فرق بين ونين امي ونين زياد.. زياد ونينه حزن على امه لكن ونين امي ونين المريض الموجوع .. وشلون مادريت انتس مريضه وتعانين يا ميمتي دسيتي مرضتس عني ما تبيني اعاني معتس واستعجلتي بعرسي على زياد ما تبين تخليني عقبتس وحيده وبلا سند وش انتي من البشر يا الوضيح من البدايه لنهايه وانتي تظلليني وش اجازيتس به ..؟ّ! كل شي سويتيه لي وانا وش سويت لتس ..؟؟ اخذت لبس من الدولاب ودخلت الحمام اخذت دش ولبست وطلعت .. زيادبنعاس \هلا كيفك الحين.. عوق بهدوء\الحمدلله ان شاءالله طيبه.. زياد\ تعالي اجلسي جنبي .. عوق جلست جنب زياد بوجع\خلاص ماعاد بقى لي غيرك.. زياد يضمها\يعني انا من لي غيرك.. عوق تتنهدبحسره ودموعهاتنزل\انت على الاقل عندك عايله انا امي وراحت.. زياد يمسح دموع عوق وبا امتنان\ولا عمرهم حسسوني الا اني ولدهم ويمكن مرات يبدوني على انفسهم.. عوق \يمكن لوكانوا اهلك ماكانت لك ها المكانه عندهم.. زياد يبتسم \وهذا الكلام الي دايم اقوله لنفسي لما احس با الغربه بينهم.. عوق مستغربه\معقوله يمرك ها الاحساس احسك مندمج معهم.. زياديتنهد بوجع\احنا مجبورين نساير ظروفنا.. او وحده من ثنتين ام الانتحار او مستشفى الامراض النفسيه.. عوق تبتسم باالم\عليك تعليقات ما ادري وش تبي.. زياد يبتسم\تبي الي تبي اهم شي انك ابتسمتي.. عوق بحسره\ احس اني خلاص داخلي فاضي ما ني قادره اتوازن مع نفسي.. زياد\علشان توك والده وبعدها جات وفاة امك انا اليوم كان المفروض ما اكتب لك خروج.., عوق بحزن\جو المستشفى يمرض.., زياد \ماهو على جو المستشفى لكن قلت احسن ابيك تواجهين الناس ويتقوى قلبك وتتغلبين على حزنك.. عوق تتنهد \ الله يعين كم الساعه؟.. زياد يناظر الجوال\ثنتين ونص الفجر.., عوق\شكلي نمت واجد.. زياد\دخلت بعد العشاء ادورك قالت الخدامه انك للحين نايمه.., عوق بتسأل\وين العالم الي كانوا هنا.., زياديبتسم \الحمدلله انك نايمه ولا شفتي الي صار.. عوق\ليش وش صار دخلت غرفة امي مع خالتي ام ابراهيم وطلعت وسكرت الباب وراها وبعدها نمت.., زياد يضحك بتهكم\والله ها العايله ماتلحقين على جزاهم سبحان الي سخرهم لك.., عوق \ لايكون بس تهاوشوا مع آل ناصر.. زياد با استنكار\وش تهاوشوا ام ابراهيم وبناتها داخل مع الحريم ... وابوابراهيم با المجلس مع الرجال.. عوق بدهشه\ياربي وانا ماحسيت عليهم.. زياد\اصوات الحريم واصله عندنا وشكلهم تماسكوا الشعور بعد.. عوق با استغراب\تقوله جد والا تمزح.. زيادبضحك\وش امزح صراخهم اعو ذبالله شال الدنيا وجو حريم من برى دخلو عليهم والا الرجال شي مو طبيعي.., عوق بملامه وقهر\وانت وش تسوي المعارك في بيتي وانت شكلك تتفرج.., زياد بضحك \اسكتي بس بداية الهواش با المجلس كان موجهه لي واخره صرت انا الي افك بينهم.., عوق با استفهام\وش السالفه..؟ زياد\بعد ما طلعتك من المستشفى دخلت للمجلس .. قام في وجهي واحد شكله من عيالهم قال يبا جا النصاب الثاني.. ما عطيته وجه الا سالم بكبره قام وقال انت وش مرجعك للبيت هذا.. وانا بحسن نيه قلت جبت حرمتي لبيت امها قال وش بيت امها هذي البيت راعيته ماتت بنشوف له دبره.. ويثور ابو ابراهيم عليهم قال انا ساكت عن علومكم وسوالفكم لين يعدي العزا .. البيت بيت عوق شرا وبيع من امها ويقعدون يتهاوشون المشكله ما احترموا شيبة ابو ابراهيم .. واحد من عيالهم حذف فنجال قهوه على مسلط لكن مسكته عنه قبل يوصله .., وكفخت فيه الي حذفه وشقيت وجهه.., قاموا كل الي با المجلس علي ومضارب انا وهم وشوي الا دخل ابراهيم واخوانه والله لايوريك هواش بالمجلس يروع.., عوق با استغراب \المجلس ما كان فيه الا انت وعمي مسلط ...؟ زياد يضحك بسخريه\لا كان فيه فريقين انا ومسلط فريق.., والفريق الثاني سعد وسالم وزوج اختهم وعيالهم يمكن عشرين لا اله الا الله جيش ..., عوق با استغراب\وعيال عمي مسلط كيف حضرواالهواش.., زياد\ما ادري بس شكل واحد من البزارين شاف هواشي معاهم وراح خبرهم وعينك ماتشوف الا النور.., عوق بدهشه\الي هالدرجه.., زياد يضحك\واكثر المجلس قلبوه حلبة مصارعه اخر من دخل نمر وعلى اسمه وحش طاح فيهم طيحه اعوذبالله..! ابي افكهم منه عجزت انا واخوانه وابوه ما قدرنا نمسكه عنهم.., انا ومسلط ذبحنا الضحك وهذولاك لهم صياح كنهم اطفال .., ما خلاهم حتى حلف عليه مسلط انه يتركهم.. ذبحهم طق ماسلم واحدمنه الا وحصل المقسوم ويصرخ عليهم اطلعوا من بيت ام نمر ..., عوق بترقب\وعقب وش صار.., زياد\كلم مسلط الشرطه وجات وطردوهم واخذوا تعهد عليهم.., ما يمرون بيتك وتعهد على عيالهم وعيال مسلط ما يتعرضون لبعض .. وانا صكوني بشكوى يوم شقيت وجه ولد سالم با الفنجال ركبني حق علشان طلع دم .., وطلعوا وهم يتهددون ومسلط يقول بلطوا البحراوراق ام نمر صحيحه.. عوق تتنهد بحسره \ام نمر الله يجزاهم خير عمي مسلط وعياله.., زياد بضحك\وش فيك تحسرين والله اول مره ماتحسف اني سميت ولدي نمر.. ولو تسمح لي الاحوال ويرزقني الله بعشر عيال كان سميتهم نمر ما تحسفت اذا هم بيطلعون مشاء الله مثل ها الكاسر.., عوق تبتسم\عندك سوالف ما ادري كيف تطري لك تبي عشر بنات اسمهم العنود وعشر عيال اسمهم نمر.., زياد\ با العكس بنكون عايله مميزه.. عوق تتنهد بوجع \لا خلاص هذا وبس وعسى ربي يعوض تعبي فيه ويجبر كسري.. زياد يبتسم بحب \الله كريم انتي ما اكلتي شي وهذا ماهو بزين لك اشوف لك شي تاكلينه.. عوق\دايخه مره ودي انام بس.. زياد\بتنامين مومشكله لكن قبل بصحي الخدامه تصلح لك اكل.. عوق\انا كم قعدت با المستشفى .., زياد\من صبح توفت امك اليوم يتم لك اسبوع كنتي تصحين لكن كنا نعطيك مهدئ خفنا من ردت فعلك.., خصوص بعد ما دريتي بوفاتها جالك نزيف حاد اضطرينا نعطيك دم وتعبنا حتى وقف معك النزيف.., حاولي ماتجهدين نفسك وارتاحي ومع العلاج والراحه بيرجع دمك طبيعي .., عوق بحزن\يعني امي اليوم تم لها اسبوع من توفت.., زيادبوجع\وانا امي من توفت لها سبع شهور والايام تمر وتطوينا طوي مادرت عنا فرحنا والاحزنا والا صبرنا..؟ عوق تتنهد بحسره \ الله يصبرنا ظنيت البيت مافيه احد.. زياد\لا فيه الخدامه الي جابتها بشرى هنا وخدامة امك با الملحق مع السواق.., بشرى ونجلاء جو ورجعوا يوم لقوك نايمه .. اردف زياد با امتنان\وانتي بالمستشفى كل يوم تتنوم عليك وحده مره بشرى ومره نجلاء ومره ام ابراهيم.., عوق بحزن\ ماقصرو الله يجزاهن خير.., اردفت عوق با استغراب\الشغاله والسواق ما اخذوهم عيال ناصر.. زيادبتهكم \لا اخذوهم بس لهم رواتب متأخره مادفعتهم امك ورجعوهم.., قالوامن زمان وضحى نقلت كفالتهم على اسمها لكن الجيب اخذه سالم يقول جيب سعد وباا سمه .. عوق ببكى \سبحان الله في طمعهم يبون يورثون مالها وديونها لا .. زياد يتنهد بحزن ويمسح دموع عوق\ ليه الدموع يا عوق عيال ناصرناس رديه وطماعه.., ما حفظوا لزوجة ابوهم فضلها عليهم بعدين ما علينا منهم كل شي رسمي وحسب القانون.. وهم عارفين لكن قالوا بيجربون تضبط معهم ياخذون الي خصتك فيه امك وترى الكل عارف انهم لاهفين من ورى امك .. نذالتهم مكشوفه للكل .., عوق ببكى \يويلهم من ربي الجيب انا اذكر امي يوم عطتهم فلوسه قالت لسعدابي جيب جديد.., وشراه لها من فلوسها ما دفع فيه ريال وامي قالت لناس هذا هديه من ابوناصر تجامله وترزه بين الناس.., زياد يبتسم\ ماعلينا منهم الحمدلله الخير واجد من فضل ربي اذا على الجيب من بكرى اشتري لك واحد اجدد منه.., عوق من بين دموعها\انا الي قاهرني امي عمرها ماقصرت بحقهم ولا قهرتهم.., لكن هم انذال يدرون لو امي عايشه مارضت بلي هم يسوونه الله يكفينا شرهم .. زياد\انسيهم خلاص ولازم تبعدين غيمة ها الحزن عنك لأنه مهما سويتي والا بكيتي ماراح يتغير شي.. لا امك راجعه للحياه ولا عيال ناصر بيرضون عنك..!؟ صحى زياد الخدامه وصلحت لي اكل خفيف اكلت وانا احس الاكل ما ينزل من حلقي زياد يجبرني جبر عليه.. تعشيت واذن الفجر طلع زياد لصلاه وانا دخلت غرفة امي ولعت الاانوار.. فتحت دولابها ملابسها بعضها بمكانهاوالبعض مرمي داخل الدولاب.. والخزنه حقت امي مفتوحه فيها صور اوراق ,واوراق كثير مقطعه ومرميه بحقد.. دخل زياد بعد الصلاه علي بالغرفه.. زياد\صباح الخير وش تسوين.. عوق بتهكم\هلا ابد اشوف اغراض امي بعد حملة التفتيش.. زيادبا استنكار\فعلن قالبين الغرفه وش يدورون هذولا.. عوق بقهر\ اكيد يدورون اوراق وصكوك وكلها اخذتها معي لبيتك.. زياد بعتب \افاااا هذي عاد بحق طيب جامليني قولي بيتنا.. عوق بحزن\زياداحس مالي غير ها البيت لو تبيني اجلس معي هنا.. زياد\ابشري ما طلبتي اجلس معك هنا لكن بشرط.. عوق بفرح\موافقه على شرطك اهم شي نجلس في بيت امي.. زياد \انتي قلتي موافقه على شرطي يعني مافي تراجع.. عوق\ ابدآمافي تراجع.. زياد\شرطي نعيش في البيتين.. عوق با استغراب\كيف..؟ زياد\لازم العدل اسبوع هنا واسبوع هناك .. عوق\ليش تعب عليك كذا.. زياد يبتسم\لا تعب ولا شي انا بعد كانت امي هناك ولي ذكرياتي معاها اعتقد ماهو من العدل انك تحرميني من ذكرى امي.., عوق\تم مافي تراجع اسبوع هنا واسبوع هناك.. زياد يضحك\الله يعين.. عوق بدهشه\ليش تضحك.. زياد\ من حماسك ترى بتتعبين والا انا با العكس دوامي من هنا اقرب من بيتنا الي هناك.. عوق \راضيه با التعب لاتشيل هم.. زياد يناظر جواله \شوي يبدا دوامي بطلع انتي حاولي ترتاحين ونامي لا تفكرين بشي.. طلع زياد من عندي وانا انسدحت على سرير امي حاولت انام ما قدرت.. تقلبت افكار تروح وافكار تجي تذكرت كلام زياد عن نمر يوم كان يتمنى انه يكون عنده عشر اولاد كلهم مثل نمر.., ياربي تحفظه يوم كنت اشيله وهو صغير وخالتي نوره حملت بعبدالله ونمر ابو شهور توحمت في بيتها ماتدانيه و تجلس عندنا وتجيبه معها بلفته من تجي لين تمشي وهو معي تصلح له الرضعه وتنساه.., وامي تهاوشها تقول عوق لاتقطع ظهر الورع وخالتي تقول لا ماعليتس عوق اجود مني ومنتس وكبر قدام عيونا كنه ولدنا .., عوق تتنهد وتمسح دموعها\الله على ايام راحت يوم كنت اساعده واخذ شنطته ثقيله عليه.., يركب معي بسيارتنا والحين كبر وصار رجال يدافع عني .., يعني لو ولدي عاش كان فيه امل انه يكبر ياربي تعوضني با امي الي راحت ..., وجنيني الي ماخلى وراه غير وجع صدري الي كل ماتذكرته صب صدري حليب .., الحمدلله على ما قدر ربي وكتب لي اللهم اني راضيه.. ((اللهم احرسني بعينك التي لا تنام واكنفني بكنفنك الذي لا يرام لا أَهْلَكُ وأنت رجائي, كم من نعمة أنعمت بها عليَّ قلَّ عندها شكري فَلَمْ تحرُمْني, وكم من بلية ابتليتني بها قل عندها صبري فلم تخذلني, اللهم ثبت رجاءك في قلبي واقطعني عمن سواك حتى لا أرجو أحداً غيرك يا أرحم الراحمين)) قمت غسلت وجهي عن ها الدموع لا يجي زياد ويشوفها ويضيق صدره وناديت الخدامات يرتبون غرفة امي وينظفونها ويرجعون كل شي مكانه.., رتبنا كل شي كأن امي موجوده علقت ملابسها ورتبت اغراضها.. احس اني للحين اشم ريحة امي فيها.., وطفيت نور الغرفه وخليت بابها مفتوح ورجعت لغرفتي.. نمت بعد المجهود الي مع الخدامات على اني بس كنت اعطيهم اوامر الا اني حيلي احسه مهدود.., صحيت على صوت اذان ما ادري الوقت ايش ظهر والا عصر.. ناديت الخدامه اسالها قالت صلاة العصر.. وخبرتني ان زياد جا مع صلاة الظهر شافني وطلع.. قالهم لا يزعجوني يخلوني انام وام ابراهيم ارسلت لي غدا.. قلت للخدامه تجيب التيلفون الي دايم بغرفتي من بعد سالفة ولد الجيران المزعج.. كلمت على بيت خالتي ام ابراهيم ...؟ عوق\السلام عليكم .., ...\هلا انتي عوق....!! . . . (كلمه اخيره) قَالَ شَيْخُ الاِسْلَامِ ابْنُ تَيْمِيَّه : " القَلُوبُ الصَّادِقَه وَ الأَدْعِيَه الصَّالِحَه .. هِيَ العَسْكَر الَّذِي لَا يُغْلَب " . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
أختي طيف الأحباب،
جزاك الله عنّا كلّ خير.... رواية رائعة، رغم أن البارت محزن إلا أنّك تشعر عند قراءته بالسكينة. الله اقسم لنا الخير ورضّنا بما قسمت لنا... |
السلام عليكم ورحمه الله وبركاته في هذا البارت انطبق المثل خيرا تفعل شراًتلقى والا المفروض عيال زوج وضحه يبين بعينهم ماسوت عمتهم معهم عطتهم برضاها واسكتت عن تجاوزهم وسرقتهم بس المشكله لاصرت تزرع بارض بور وضحى القشرا ياحسافة الاسم عليها ودج ان الطق فراسها مومبين الرجال ( حلات من يحطها عند غازي بدل هديل ) ،وعوق مراح ينسيها حزنها الا اذا شافت عوينات النمر فرحتها بسلامة ولدها بتخفف من مصابها وخاصه عندها بلسم اسمه زياد ياحلوه وياحلو رحمته لها مع اني بالأول ماكنت هاضمته اتوقع ان سعد وعصابته مراح يسكتون لو من باب المغثه ومشاعل بتفاجئ عوق بزياره ويمكن تنشا بينهن علاقه بالخفاء وزياد مراح يشك لانها من اهل امها ............... وأخيرا الله يوفقج لما يحبه الله ويرضاه ويسعدج ويسعد كل احبابج *
|
يالله هذي هي الحياه بمرها وحلوها
الله يسعدك على صدق وصفك للحياه الانسانيه تقبلي مروري يالغاليه بنتظارك سواليفك الحلوه يارب انها تكون اخر الاحزان |
السلام عليكم ورحمة الله وبركاته
يعطيج الف عافية طيوف عالوصف الحقيقي للناس الدنية بهالبارت والا ناس عارفين مالهم حق قاطين وجيهم شكو والا عبالهم البنت مالها احد خلاص ترى من سنعها الوضيح موحيا الله ضبطت البنت وبنت لها سد منيع من اول ما عطتها الخير والبيوت ومنهم بيتها اللي هي ساكنته بيع وشراء ولين امنتها وزوجتها واحد مثل زياد ماله فيها مطمع بالعكس غني نفس وعينه متروسة وعجبني يوم راعى مشاعرها ووافق انهم يسكنون بيت امها واقتراحه عليها بالسكن اسبوع باسبوع ما بين بيت امه وامها اااااه يارب تصلح لي ولدي الكبير ويصبر مثله وبطبعه يارب والصغيرمثل نمور الكاسر على قولة زياد بس غريبة البنت لي الحين على عماها وتظن ولدها مات ومحد صحح لها فكرتها هل هذي فكرة منزياد عشان يعالج نفسيتها والا انه مانتبه على حزنها يوم ينذكر ولدها ويظن عشانه تعبان العلم عند طيوف وبالنهاية مالي غير اطلب ربي يحرم كلج ومن تغلين ويغليج على النار..........نموره |
يسعد مساك بكل خير و محبه
صدق من قال اذا طاح الجمل كثرت سكاكينه صاير الموت ما يأتر على اغلب الناس..ألحين المره توها ميته و انتم شعندها و ش ماعندها.. تدرين العوق قويه على الاقل من وجهة نظري انا.. تدخل غرفة امها و تنام على سريرها..انا بغيت اجن وغرفة امي ما كنت ادخلها.. شالامانه اللي عند ام ابراهيم..معقوله ملكيه البيت >>ما اتوقع و مازال احساسي ناغزني من ناحية زياد ومن اللي رد على العوق معقوله نمر او حد من اهل الوضيح>>معقوووووله حد من اهل الوضيح ..بالله شدخلهم يردون ع التلفون فعلا الجار قبل الدار أمثال ام ابراهيم وابو ابراهيم قليييييل واتوقع بعد شي نادر صرنا بزمن الجار ينسي حقوق الجار وفي ابسط الامور الله يعطيك العافيه وسلمت يمينك يالغاليه على كل حرف كتبتيه بانتظارك .. |
سلمت الايادي طيف
جزء أليييم فيه. شفنا. اصناف الناس الطماعه. والنذله. وقليلة الحيا والشهامه طبعا. عيال ناصر. سعد وسالم ووضحا. صحيح ان لم تستحي فاصنع ماشئت وشفنا الناس الطيبه. والشهمه. والحقانيه والامينه. واللي خوف الله. عندهم في كل شي واكييد ام ابراهيم ومسلط ونمووور الهمام اما. اهل وضحى عجزت اصنفهم. الا لوصف. واحدالجبناء الله. يحرم. ايدينس. عن النار على هالدرر اللي تبدعينها |
السلام عليكم
من البارت الي قبل هذا واتا حزينه علي الوضحي ما تتخيلين كنت اقرأ وانا. ابكي حسيتها. واقع قدامي. ومرااارة الفقد. أليمة وبشعه لايعرفها الامن اكتوا بها كفانا الله واياكم من لوعتها الله يرحمها عوق الله يصبرك علي فراااق الصدر الحنون والعين الحافظة ولدها نمر اعتقد مامات بس هي تتوقع الان زياد ماوضح لها يوم يمهد لها بوفاة امها ماتوقعت منها هذا الصبر طلعت. صبور وقوية سالم وسعد واختهم. ناس طماعة الله يكفيها شرهم وامها. عارفه ان هذا. الي بيصير فمرتبه امورها. ومأمنتها من كيدهم قرايب وضحي واهل عوق. جاين وخايفين لا ينكشفون هامتهم الفضيحه ولاهمهم رب ينظر ما يفعلون عايلة مسلط ونعم والله هم اهلها وعزوتها الله سخرهم لها تسلمين طيوف علي البارت وصدق زي ماقالت وحده من خواتي الي ردوا. فوق انا نشعر بسكينه والطمأنينة وحنا نقرأ صدقت والله في هذا الوصف حفظك الله ورعاك |
بارت رائع جدا وحزين
اتوقع البارت الجاي الي ترد هي مشاعل مم ممكن اعرف متى بينزل البارت الجاي |
مساء الخير
ياحلى طيف بالعالم........ بدون مقدمات حزنت على عوق يوم ام ابراهيم وصفت اهلها اقسم بالله قهر تعرفين امك ولا تسلمين عليها ورحمة مشاعل ..... وكرهت ساره المستبده فوق ما مشاعل ضيعها اخوها وحرمها كل شي بالحياه وبعدماتسمحلها بالسؤل عن بنتها اعجبني موقف زياد لما طاوع عوق بالسكن بيتها .... امريكي لو من ربعنا كان قوم الدنيا وما قعدهاا طيوفه ...... وضحي اللي صار لبدر بعد ماطلبوها التبرع من عوق والغريب انها ماتفكر فيهم وبعد سالفة زياد وانه من اصل امريكي ودمتم سالمين |
يالبى الاهدااااااااااااااااااااااااااء ياعرب <جعله دوم هب يوم الاهدائات <عاشت ام الوليد وتهدي الحبايب
ههههههه ماتسذبتي احيان الدمعه تبي بس من يحركها <واجزاءك قامت بالواجب هههههههههههه تدرين عاد طيف بكيت اليوم اكثر من البارت الا قبل صدق حسيت بالكسر واليتم لاقالوه مع عوق ويوم غبر الايام كشفت عن انيابها وكل قرب بينهش في للحمها اعوذ بالله من ال ناصر صدق لاحضر الشيطان وغاب العقل الله يكفينا شر الدنيا والتسابق عليها <مايملى عين بني ادم الا التراب على كثر ماكلو الا طمعهم زاد اعوذ بالله من الانفس الدنيه ام ابراهيم وابو ابراهيم دمعت عويناتي وانا اشوف فزعتهم لها كانهم اهلها <صدق لو خليت خربت نمررررررررررر يالبيه صدق لوغدت الليالي عوج تحطه على يمناك واخيرررررررررررررررررررررررر ياعووووووووووووق حفظت وصاة الوضحي ونفيت معرفتس بهاك العرب <اتوقع خلاص ماعاد لهم ظهور في حياتها الرابط بينهم انقطع الله لايخلينا من هالطله ويدخل الفرح علينا وعليتس وعلى جميع المسلمين خخخخخخخخخ لاتذكريني بالتمشيط هالاسبوع ماخذين بريك ههههههههههههههه ف عز الكلام سكت الكلام |
اقتباس:
اللهم امين اسعدني مرورك يا الغلا اقتباس:
عيال ناصر الطمع وقلة مخافة الله يخلي الانسان يتمادى وضحى تبي من الغنيمه مع اخوانها والله تستاهل الكفخ صراحه زياد اختيار الوضيح بنشوف توقعاتك تصيب اولا اسعدني مرورك يا الغلا اقتباس:
هلا وغلا يسعدني والله رأيك وان شاء الله اخر الاحزان وانا با انتظاركم |
اقتباس:
الوضيح عرفه عايلة ناصر وامنت مستقبل البنت من كل النواحي زياد شرط عوق ما كان بذيك الصعوبه وهو عارف وجع الفقد وشلون اسأل الله ان يجعل اولاد من حفظة كتابه والبارين فيك يارب بنشوف توقعك لنمر الصغير ان شاء الله اسعدني مرورك اقتباس:
هلا وغلا سحوبه صحيح والله القلوب قست ما ادري من كثر ما صرنا نشوف من ذبح وقتل عوق حتى انا اشوف انها قويه واقوى من زياد بتقبل موت امه بنشوف الامانه ان شاء الله الي عند ام ابراهيم والي رد على عوق اسعدني مرورك اقتباس:
هذي الحياه احيان البيت الواحد يجمع متناقضات كيف مجتمع الله يسلم روحك والله ما يجي عند ابداعك شي اسعدني مرورك يا الغلا اقتباس:
الوضيح لازم تموت لأعتبارات كثير الروايه قربت على النهايه وكثير اشياء لازم عوق تواجها بروحها وسن الوضيح الكبير بنشوف توقعك لنمر اذا حي او لا اهل عوق ماجابهم حتى للعزا الا خوف من المجتمع يلومهم تبينهم يعترفون في بنت غير شرعيه وعيال ناصر الطمع وما يسوي الله يسعدك يا لوتس |
طيف كل مره بكتب بس اتردد واحس ان ماعندي شي اقوله يوفي اللي تكتبيه
يعطيج االف عافيه وانا اتوقع انه ولدهم نمر مامات واهوه ماقالها يخاف تحاتي وتتعب من القلق وراح ينطر لين يطلع من المستشفى ويقولها وبغيت اسأل البارت له موعد محدد؟؟ |
السلام عليكم ورحمه الله وبركاته
تسلم يدينك يام الوليد على هالابداااع الراقي والله احس الكلمات ماتوفيك حقك لانك داائما تاخذين بكتباتك لعااااالم ثااني وتخلين نستمتع بكل حرف ونستفيد من كل موقف مااقول الا ربي يسعدك ويوفقك دنياااا واخره ياقلبي يااااااالعوق يامااااااا لك من هالذيابه الي تبي تنهش بلحمك وتاكله ني بس مثل ماربي خذا منك الوضيح رزقك بزوووج وجيراااااان يفدونك باعمارهم ولا يهمهم احد واحلى شيء سويتيه انك مشيتي على وصيه الوضيح ونفذيتها والي يتسموووون اهلك ماعترفتي فيهم ولا حاولتي انك تحتكييين بهم ترى ذا الشيء بصالحك اكثر من هو بصالحهم حسبي الله عليك ياسويره حتى السؤال عن بنتها تبين تحرمينهاااااا منه جعل ربي يحرك دنيااااا واخره اعذريني ام الولييييد بس سويره قاهرتني من اول شيء وخلتني مااطيقهاااا بالمره نمررر يااااااااااالبى الرجااجيل ياناس انا اشهد انك نمرر وقدرت على مجموعه هالسلق وعلمتهم مكانتهم عدل اما آآ ل ناصر في مثل يقول ان ام تستح فافعل ماشئت اللحين عصابه الاربعين حرااااامي ذولا ماكفاهم ال اسرقوه وانهبوه من غير حق جاين يبووون يكملون على الباقي قااااال ايش احنا عياااااال رجلها واولى لاايكون هي امكم وحنا ماندري ترى هي متفضلة عليكم انتو وابوكم من قبل والا كااااان ماعندكم الا قمل ثيابكم مالت عليكم مسلط زام ابراهيم موقف جدااااا نادر واصيل ولو خليت لاخربت واثبتوا فعلاا انكم كفو الاماااانه الي امنتكم اياهاااا الوضيح وما خابت نظرتها فيكم وفعلااااا تاثرت كثيررررر من موقفكم ودفاعكم عن العوق كنها بنتكم ام الوليد جعل ربي يطول عمرك بالطاعه وارضى وجهه ولا يخلينا منك |
اقتباس:
بنشوف من الي راح يرد البارت ان شاء الله السبت بعد الظهر اقتباس:
هذا لنا وقفه معاه بسيطه في بارت قادم اسعدني مرورك يالغلا اقتباس:
عايلة مسلط كثير اجوا د مثلهم وعايلة ناصر كثير انذال مثلهم ما يفيد فيهم المعروف الله يسعد قلبك يا المشاطه انا الحين راحت معاناة المشط جات معاناة اللبس والظاهر هذي مشكلة البنت الوحيده الدلع الزايد اسعدني مرورك يا الغلا |
بسم الله الرحمن الرحيم السلام عليكم ورحمة الله وبركاته مساؤكم تفاؤل مساؤكم فرح يزيح بتواجده فلول الحزن والألم أما آن لهذا الحزن أن ينتهي وتسير عوق في دروب السعادة لا يمنعها عن ذلك شيء أسلت مدامعنا التي لم تجف بعد على حالها منذ عرفت بمرض أمها حتى فقدتها وما تلا ذلك من ألم وجرح وحزن من الفقد ومن الجحود ومن الإحساس بالضعف فهي كانت تعرف منذ البداية ومن وصايا أمها لها أنها لن تنال من أهلها وأبناء ناصر إلا كل جحود ونكران لحقها حتى بحزنها على أمها وكما قال المثل......... {{ إذا لم تستحي فافعل ما شئت }} وهذا للأسف ينطبق على الكل سواءً أهلها أو أبناء ناصر قد لا يكونون أهلها تجرؤوا على ما قام به أبناء ناصر ولكنهم شركاء في الجريمة حين وقفوا متفرجين على ما فعله أبناء ناصر في غرفة أم عوق وانتهاكهم لحرمة البيت وعدم مراعاة أنها لم يمضِ على موتها سوى أيام قليلة ولم تنقضي فترة العزاء بعد قد يقول البعض أنه من حق أهلها أن يخافوا على سمعتهم ويتجنبوا التواجد في حضورها أنا معهم في ذلك ولكن من باب حفظ الجميل لوضحى وصلة القرابة التي تجمعهم كان عليهم أن يحافظوا على حرمة بيتها وأن يمنعوا انتهاكها من قبل أيٍّ كان حتى ولو كانوا من يدعون أحقيتهم بها لكونهم أبناء زوجها وهم من قام على خدمتها طوال هذه السنين عائلة مسلط.......... رب أخٍ لك لم تلده أمك هي بالنسبة لهم الابنة التي لم ينجبوها وربما لو كانت ابنتهم حقاً لما دافعوا عنها بهذه الطريقة ولعملوا لتصرفاتهم ألف حساب قبل أن يقدموا على اتخاذ أي خطوة تجاه الأمر ولكن لأنها أمانة في أعناقهم منذ كانت طفلة فقد حافظوا على هذه الأمانة ومنعوا عنها الأذى قدر ما استطاعوا غاليتي.......... أعجزتي من يريد أن يحلل ما تكتبين لروعة ما خطت يداك فلك كل الشكر على هذا الإبداع المتواصل لا حرمنا الله تواجدك معنا بانتظارك دائماً بشوق دمت ومن تحبين بحفظ الله ورعايته |
يعطيك العافيه ام الوليد بارت يكشف كثير من الحقيقه ونقله لعوق ويزيدها قوه بس الغريب ليش زياد تاركها ماحاول ياخذها لولدها يعني والد واكيد بتتعب من تجمع الحليب بصدره وهو طبيب نساء ويعرف هالشي والله حزنت على عوق يوم يصب صدرها حليب اذا تذكرت ولدها حنان الام الله يطعمنا بر امهاتنا ننتظر القادم يحماس ولقاء الام بجنينها |
روعه ام وليد وجعتي قلوبنا وارجعتي ذكريتنا الله يعين العوق على البلاء
ام وليد ذكرتي في احد ردودك انتظروني ظهر السبت يعني اليوم مافي جزء بليز خبرينا |
بسم الله الرحمن الرحيم
اللهم انا نسألك يا الله ياحي يا قيوم يا قوي يامتين, ان تنصر اخواننا المسلمين في سوريا , اللهم انصرهم بنصرك وأيدهم بتأيديك وأمدهم بجند من جندك, واربط على قلوبهم وثبت أقدامهم ويسر أمورهم ووفقهم واحفظهم يارب العالمين, اللهم عليك بطاغوت سوريا وكل من طغى ودافع عنه، اللهم اقذف الرعب في قلبه ، اللهم صب عليه سوط عذاب ، اللهم ارنا فيه عجائب قدرتك وعذبه عذابا شديدا في الدنيا والآخرة عاجلا غير آجل ، وأرنا فيه بطشك وعقابك الذي لا يرد عن القوم المجرمين ، واخسف به الأرض واجعله عبرة للعالمين. اللهم عجل بهلاكه اللهم عجل بهلاكه اللهم عجل بهلاكه. . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., ممتنه من الاعماق لمنتدى ........ على وسام الكاتبه المميزه بقسم الروايات.., واتشرف والله في ها اللقب والتكريم.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., اهداء خاص للغوالي , عبق الرياحين, كاشخه بطرحة وثوب أمي ,اسرفت بغلاه, نموره,المرجانه,تراتيل الشتاء ,حكيمه,عزيزة نفس,مرسى الامال ,آستثنائيهـ بمزاجها. برستيج حزن. . . اليوم بنشوف عوق المزايين واول مواجهه لها مع الحياه بعد فقدان امها .., . . لكن قبل توضيح بسيط لأن في منتدى تنزل فيه الروايه عدل في البارت السابق بسبب يمنع ذكر اسماء القبائل؛ (لما بديت اكتب الروايه كنت ابحث عن اسماء غير مكرره كثير با الروايات وهداني الله لأسم هجاد.., واسم هجاد ماهو لا اسم قبيله ولا مر علي حموله بها الاسم, واي وحده تنتمي الي ها الاسم تراسلني على الخاص وانا احذفه, لأن الاسم راح يتكرر اكثر من مره في البارتات القادمة والعجوز وضحى انا اشرت انها تنتمي لنفس قبيلة اهل عوق الي كنت اشيرلهم الــــ... دون ذكر الاسم وهجاد هو جد وضحى العجوز با الرواية ماهو اسم قبيلتها.., اتمنى اني ما اتفاجئ ان الروايه تنحذف با اكملها بعد ما ينزل البارت الاخير ويبرر الحذف لهذا السبب ) . . يا الله تعالوا معاي...!! وسالفه جديدة؛ . . . البارت الثامن والثلاثون . . . كلمت على بيت خالتي ام ابراهيم ...؟ عوق\السلام عليكم ...\هلا انتي عوق.. عوق بتوجس\ايوا من معي ابراهيم.. نمر\لا انا المحرم كيف حالتس احسن الله عزاتس با امتس وعساها اخر احزانتس يا ام نمر.., تذكرت كلام امي يوم تقول لا تاخذين وتعطين مع غريب انتي عارفه نفستس لكن الناس ماتعرفتس..! عوق بهدوء\ الله يجزاك خير و يسلمك بغيت خالتي.. نمر\هذا هي كنت طالع للمسجد لكن شفت رقم بيتكم ورديت.. عوق\الله يحفظك.. نمر\الله يسلمتس ويطول بعمرتس لحظه بنادي امي.. ام ابراهيم\هلا وغلا وشلونتس الحين.. عوق\الحمدلله طيبه مشكوره على الغدا.. ام ابراهيم بضحك\ وانتي داقه تشكريني والا وراتس علم.., عوق بوجع\ياربي يخليتس لي بغيت اسولف معتس.. ام ابراهيم بعطف \ويخليتس لشبابتس وضناتس تغديتي.. عوق بحزن\لا توني صاحيه.. ام ابراهيم \اجل بروح اصلي وانتي تغدي وعيني من الله خير وبمرتس ان شاء الله .., عوق ببكى\ خالتي لا تخليني تكفين.. ام ابراهيم بمحبه\اذكري الله كلنا اهلتس والبكى والدموع مافيها غير تعذب امتس.., عوق بحسره\ والله غصب عني ماني قادره.., اشوف زولها بكل مكان با البيت.., ام ابراهيم\ما انتي اول ولا اخر الناس الي فقدو غواليهم بتطول الايام وتنسيتس .. وتعوذي من ابليس وروحي تغدي الجوع ماهو بزين للي مثلتس واقري المعوذات وانفثي على صدرتس.., تبعد عنتس الضيقه والوساويس وان حصلي جيتس.., عوق \انتظرتس مع السلامه.. سكرت الخط وكلمت زياد مارد علي تذكرت وقت الصلاه.. قمت وانا احس بدوخه وقلبي خفقان ما ادري جوع والا من كثر ما بكيت.., تمشيت اتفقد بيتنا.., الخدامات كانوا يشكون من ناس جو البيت بعد وفاة امي مع بزارينهم.. عرفت انهم اهل سعد وسالم وضحى ما سلم منهم شي.. لا عبين في البيت لعب بزارينهم ماتركوا شي على حاله تكسير ولعب وحوسة.., يا الله اسبوع جلسوا في بيتنا وشوي والا يهدونه الله يكفينا شرهم. سمعت صوت التيلفون بغرفتي رديت وكان زياد.. زيادبحب \هلا والله صحيتي.. عوق \ايه قبل شوي.., زياد\وكيفك الحين.. عوق \طيبه لكن فيني دوخه وحتى قلبي احس خفقان مو طبيعي .. زياد\اكيد من قل الاكل.. عوق \خالتي ام ابراهيم ارسلت غدا .. زياد\كويس اجل تغدي.. عوق \لا مالي نفس اذاجيت تغدينا سوا.. زياد\خلاص انا قريب منك نزلي السماعه تلقيني وراك..! عوق تبتسم \طيب..؟!! زياد ويدينه على عيون عوق ويضمها\شبيك لبيك وش تامر ام نمر.. عوق التفتت وراها\بسم الله ما توقعتك قريب .. زياد يبتسم\الا طلعت من الدوام على المسجد الي جنب بيتكم قصدي بيتنا.., عوق بدهشه\انت كيف تدخل بدون ما حس.. زياد\مفتاحك معي من زمان والا ناسيه.. عوق \ناسيه المفتاح.. اردفت عوق بخجل\ بعدين انت لاتنسى ان البيت فيه خدامات عن ها الحركات.. زياد بضحك\الخدامات با المطبخ والتيلفون داخل الغرفه والغرفه مسكر بابها والباب مسكر علي انا وام نمر.. عوق ببتسامه\ كل هاالموشح عاد.. زياد\وش نسوي عاد با الخجولين.. عوق\ ابعد عن الباب بااطلع.., زياد با استنكار\ يا االله خدودك من الخجل صايره برتقاليه ماهو حمرا من سوء التغذيه.. عوق بوهن \ما احس لي نفس با الاكل.. زياد\شكل فيك للآن فقر دم لازم تتغذين كويس علشان ما نضطر نعطيك دم.. عوق بخوف\لا تكفى الا الدم.. زيادبحزم\اجل تغذي كويس وخوذي ادويتك بوقتها.. طلعت انا وزياد من غرفتي وقلت للخدامات يجهزون غدا خالتي ام ابراهيم الي ارسلته.. على سفرة الغدا جلست انا وزياد.. زياد\ما شاءالله عليهم متوصين فيك صح .. عوق\الله يجزاهم خير كلمت ام ابراهيم بتمرني اليوم.. زياد بخيبة امل\يعني اصرف نفسي مع ان كان ودي نجلس مع بعض .. عوق\ما عليش لاحقين على بعض.. زياد\اجل بطلع لصديق لي .. عوق با استفهام\نواف والا جزاع.. زياد يبتسم بغموض \ لااااهذاتومتعرف عليه من شهر ولو تشوفينه يا عوق ينسيك همك لدرجة انه خلاني اسحب على نواف وجزاع.. عوق تتنهدبحسره\همي ما ينسينياه الا رب العالمين.. زياد \ونعم بالله بالنسبه لي صديقي هذاكل ما شفت وجهه انسى همومي.. عوق تبتسم\الله يخليك له ويخليه لك.., زياد بحب\ ويخليك لنا.. عوق\سبحان الله مع السوالف ماتوقعت اكل كذا شكلك تستدرجني علشان اكل.. زياد بضحك\ لا الاكل لذيذ ما شاءالله يجبرك تاكلين غصب.. خلصنا اكل وزياد دخل يرتاح بغرفتي.. وناديت الخدامات يرفعون الاكل ويرتبون مجلس الحريم علشان زيارة ام ابراهيم.. كلمتني بعدهاواعتذرت جايين لها ضيوف فجاءه وقالت بتجي يوم ثاني مع البنات.. مر اليوم عادي على اني كنت اتمنى ان خالتي تزورني.. ومشت ايامي هاديه مابين قلبي الي يتقطع على فراق امي واشوف واسمع صوتها بكل زوايه من البيت .. ويخلي الدموع تغزي عيوني غصب من يوم يطلع زياد مع الباب.. وبين عقلي الي يفكر ويقولي تماسكي علشان نفسك وعلشان زياد.. زياد الزوج الي كان من اختيار امي هي الي خطبته ورتبت لها الزواجة وكل مشكله تصير بينا دايم مع زياد الحين عرفت يا يمه انك صادقه واختيارك لزياد في محله.. اليوم مر على وفاة امي 20يوم يعني امي قبل 20 يوم كانت على وجه الارض اناديها وتسمعني.. والحين وينها عساها بروضه من رياض الجنه وينفعها ربي بلي قدمته.. لازم ما اقطع عوايد امي كل شي بيكون زي يوم كانت عايشه حزني عليها ماهو بنافعها.. سمعت صوت زياد ينادي.. عوق \ نعم..؟ زياد\وحده كلمت تيلفون تسأل عنك سبحان الله نبرة صوتها كأني سامعها من قبل.., اردف زياد بااستغراب \تخيلي قالت ابي عوق وبعدين قالت لاخلاص مع السلامه اكلمها وقت ثاني.., عوق\يمكن من معارف امي وتوهم يدرون والا من الجيران واستحت منك.. زياد\شكلها كذاالمهم بطلع اشوف صديقي توصين شي.. عوق با استغراب\وش صديقه.. زياديغمز بعينه\نسيتي صديقي الي شوفته تسلي وتنسي الهم.. عوق بضحك\الحمدلله لقيت لك صديق يسلي عقبالي القى لي صديقه تسليني.., زياديهز راسه بضحك\ والله لو عرفتي من هو صديقي ما قلتي ها الكلام.. عوق بممازحه\تدري انك فاضي المفروض على سوالفك تكون حلاق ما انت دكتور .. زياد بضحك\ والله ما تنفتح نفسي لسوالف الا معاك وما لقيتي لي الا وظيفة حلاق .. عوق تبتسم\ما ادري بس ماخذه فكره ان الحلاق سوالفه واجد.. زياد بتهكم\وش رايك عندي لك مشاريع ناجحه.. اردف زياد بضحك \ افتح لك انتي مشغل نسائي وانا حلاق رجالي اتوقع انها مشاريع مربحه بصراحه.. عوق بممازحه\تدري انك بعد انسان مادي من كل شي بتسوي لك مشروع وش معنى تفتح لي مشغل.., زياد\بماانك شاطره ما شاء الله با المكياج وهذا شفته بعيوني وشعرك طويل ولمسته بيدي.., عوق\ شاطره با المكياج بنمشيها ونقول صدقناك لكن شعري وش دخله.. زيادبا اعجاب\اما عاد شعرك هذا بتربحين من وراه صدق ملايين اخلطي لك كم زيت واكتبي لك عليه كم وصفه وخبريهم انك مستخدمته.. واستعرضي قدامهن بشعرك وشوفي كيف الاقبال بيكون عليه.. عوق\ يعني نصب على العالم انا شعري خلقة ربي وامي كانت مهتمه فيه من صغري وترفض اني اقصه.., زياد\من بيصدق ها الكلام ضحك على العالم وسحب فلوسهم بخرابيط جدآعاديه.. اردف زياد وهو يمسح على عوارضه\ لكن وش رايك انا انفع حلاق.., عوق بضحك\ بما ان شغلك مقص ومشرط اتوقع لك صراحه مستقبل واحتمال من هالشغله بتصير مليونير.., زيادبمزح \حتى صديقي بعد ان شاء الله بخلي شوفته بفلوس ..؟ عوق بسخريه مصطنعه\ترى ذبحتنا بصديقك يا الله كانك مواعده ترى زعل عليك طولت عليه.., زياد يهز راسه\تدرين اكثر واحد بناخذ منه فلوس على شوفته هو انتي.. عوق\لو تعطيني فلوس متنازله لك عن هالشوفه.. زياد يرفع حاجبه بتحدي \بنشوف.. عوق\على الطاري الشعر من تزوجتك وعندي سؤال بسألك دايم وانسى.., زياد يجلس \يا الله كلي اذان صاغيه.. عوق بترجي\ لاتكفى ذكرني بعدين اكيد ام ابراهيم على وشك خله بعدين.., زياد يأشر على عيونه وبهمس \ابشري وكم ام نمر عندي يا الله سي يو طلع زياد ودخلت غرفتي بكلم ام ابراهيم هي مواعدتني بتجيني اليوم عسى بس ما يجي احديخرب عليها.., كلمتها قالت بتصلي المغرب وبتجي مع بناتها.., طلعت من غرفتي ورجعت على صوت التيلفون اكيد هذي خالتي ام ابراهيم تذكرت شي.. لكن الرقم غريب ...\السلام عليكم عوق\هلا من معي ...\احسن الله عزاك عوق\الله يجزاك خير من انتي..؟ ... بتردد\انا,انا مشاعل .. عوق بقهر\من مشاعل..؟ مشاعل بحزن\قريبة وضحى.. عوق بحده\تبين شي.. مشاعل بترجي موجع\ابغي اجي لبيتها اعزيك.. عوق بغضب\لا تتعبين نفسك امي ماتت وخلاص دفنوها وكل شي راح معاها واندفن ماله داعي تحيون الاموات مع السلامه..؟ سكرت الخط وما ادري ليش بكيت مع انهم ما يهموني لكن حز بخاطري .. تكلمني كنها غريبه ما كأنها الي جنت علي وحطمت حياتي جابتني لدنيا ورمتني .. لو ما خذتني امي وضحى كان الحين وش حالي والا وش الايادي الي تلقفتني..! منهم لله والله ما اسامحهم طول عمري الي ظلموا طفولتي وضيعوا حياتي وخلوني وحيده الي يبي الأجر يحسن علي.., الخدامه نادتني تقول في ضيوف عند الباب.., اكيد هذي ام ابراهيم قلت للخدامه تدخلهم غسلت وجهي وغيرت لبسي ما ابي ام ابراهيم تشيل همي يكفي وقفتهم معاي.., طلعت عليهم وفعلن كانت هي وبناتها ميعاد وروان.. ام ابراهيم بحنان \هلا ومسهلا ما شاء الله على بنيتي .. عوق بحزن \هلابك خالتي.. ميعاد \ الحمدلله على السلامه واحسن الله عزاتس.. روان \ان شاء الله طيبه.. دخلنا بمجلس النساء اخر مره جلست مع خالتي نوره وبناتها على حياةامي.. بلعت عبرتي مثل مابلعت همي يكفي خلاص استجدي عطف الناس غصب عني او بأرادتي.. ام ابراهيم \يا الله شدي حيلتس كم لتس مخلصه الاربعين اول بيت بتدخلينه بيتي ان شاءالله.. عوق\ابشري ياخاله والله ما ادري وين اودي جمايلكم والا وش اجازيكم فيه.., ام ابراهيم \الحمدلله الناس لناس والكل با الله وانتي بنتنا.. روان\انا اقولك كيف تردين جمايلنا تاكلين كل الحلى الي مصلحته ميعاد.., عوق تبتسم بمجامله\ميعاد هي حلى ما يحتاج تصلح حلى.. روان \ماعليه نشوف كلامك بعد ماتاكلين الحلى الي من اليوم وهي متعبه عمرها تحوس با المطبخ.. ميعاد \احم احم لعيون عوق يهون التعب.., ام ابراهيم\بتذوقين شغل روان ان شاء الله اذا زرتينا بيعجبتس.. ميعاد\الله يسلم كتب الطبخ المضمونه كل يوم نجرب شي.., اذا زانت اكلناها واذا خربت مافيه الا عيال ريم الضعوف هم الي يطيحون فيها.., روان تضحك\يا عمري عليهم يمشون ويمدحون بطبخنا ما دروا انهم حقل تجارب .., عوق تبلع غصه\اناامي الله يرحمها علمتني الطبخ الشعبي وتشجعني حتى لو مايضبط .. وغصب اذاسويت طبخه تاكل لو ما تعجبها والباقي الخدامه وزوجها ياكلونه.. ميعاد با اعجاب\تبارك الله شغلك كله روعه الحلى والمعجنات الي تصلحينها اعرفها واميزها انك انتي مصلحته.., عوق تبتسم\الحلى والمعجنات لا والله تعلمتها من زميلاتي اخذ منهم وصفات وعلى قولتك ومن كتب الطبخ المضمونة كل جمعه اصلح حلى جديد.., روان \سبحان الله الجمعه احب الايام لله الا ان كثير ناس تستثقله.., عوق تتنهدبحسره\ الا انا كنت احس بفرحة هااليوم كأنه عيد.., خصوص انا وامي نصوم الخميس يصير جو الجمعه جو عيد سبحان مغير الاحوال ايام وراحت.., روان \فعلن سعادة الانسان تنبع من داخله با اشياء بسيطه يسويها لنفسه جو وراحه نفسيه.., ميعاد\على طاري الجمعه بكرا تكفين لاتنسين عادة خالتي الله يرحمها.., روان با استغراب\وش عادته...؟ ميعادتبتسم\وش عادته بعد ليش ماتذكرين خالتي يوم توقف عند الباب ومعاها ريالات توزعهن علينا.. روان بضحك\اي والله اني ما تذكر اخذت فلوس الا منها..؟ ام ابراهيم بملامه \سبحان الله يا الجاحدات.., ميعادبتبرير\لا يمه خالتي كانت تعطيهن من قلب بدون ما نطلب والي من القلب يوصل للقلب بسهوله.., روان \لا وفلوسها فيها بركه ماهو انتم تعطونا بمنه ولا بعد ضربه على الراس بعد ماتعطونا.. ميعاد\اي والله مدري وش القصد تعطونافلوس بيدينا وكفخه على روسنا.., روان بسخريه\الظاهر ان الضربه هي سبب نسيانا لفلوس اهلنا.., عوق\ان شاء الله ماراح اسكر اي باب خير كانت امي فاتحته.. ميعاد\اي والله شوفي كم اسبوع اناظر مع الشباك على بابكم بعد صلاة الجمعه البزران يمرون ويناظرون بابكم.., عوق عيونها مليانه دموع\ كنت تعبانه والا مانويت اخلف عوايد امي.., ام ابراهيم بحده وملامه \الحين انتن جايات تونسنها والا تبكنها.., ميعادمنحرجه \ماكان قصدي شي وعوق مثل اختنا عادي ناخذ ونعطي مع بعض.. روان تبتسم\ميعاد ارفعي كمك خلي عوق تشوف عضدك.., عوق مستغربه\وشو.., ميعاد رفعت كم بلوزتها وفي اثر ازرق .., عوق\بسم الله وش معور يدك.. روان بضحك\ استغفر الله ما دريتي .. عوق \ لا والله ماعندي خبر من يد ميعاد.. ام ابراهيم بضحك\ يويل قلبي بغيت اكسر يد بنيتي كله من وضحى وحريم اخوانها.., عوق\ لايكون هم الي اضربوا ميعاد.., روان بتحدي \يخسن لا والله امي بغت شوشة وضيحه جعلها الجدري الهندري طولت لسانها عليتس وقامت النوري بغت كفختها وميعاد وقفت بينهم..؟ عادامي من قهرها ما قدرت توصل لوضحى عضت ميعاد مع عضدها.., عوق تتنهد بحزن وقهر\الله يعينكم علي دايم جايبه لكم المصايب... ميعاد\لا والله انها احسن عضه عقبها كرشناهم من بيتس ولا عاد ارجعوا... روان بضحك \ميعاد قعدت تصيح بصوت عالي وضحى انهبلت تحسب انها سوت فيها شي ما درت انه من عضت امي.. ام ابراهيم \ انقلعن طريق جدي ولا عاد ارجعن لو تشوفين ركضهن مع الباب الله يكفينا شرهن.. روان\حرام يمه ما نظلم بناتهم فيهم خير اعرفهن يدرسون معي بنفس الكليه ولا معجبهم الي سووه اهلهم.. حتى يوم هوشتنا معاهن والله ماغير الضعيفات يبكن ويحجزن ويلومن امهاتهن.., عوق\ داريه يا روان لكن سوايا اهلهن غسلت نفسي منهن كلهن.. ميعاد\شوفي عوق خلي بينك وبينهم شعرة معاويه ولا هو بضارتس شي.. بناتهم مصيرهم يتزوجون وينفصلون عن اهلهم وكل الناس ترى شايفين وعارفين ظلم آل ناصر لتس.. ام ابراهيم \عوق يمي ترى ميعاد صادقه ان بغوا بناتهم يصالحونتس والا يوصلونتس لا تصدينهم.. وانتي ما انتي بحاجتهن الله رزقتس من واسع فضله وكلمة هلا ماهي مخسرتس شي.., عوق تتنهد بضيقه\ طعونهم يبي لها وقت .. ام ابراهيم \الله كريم وماكل بنات جو على اهلهن.., اردفت ام ابراهيم بتردد\لكن بقولتس شي وانتي عندي مثل بنياتي.., عوق بمحبه\ تفضلي خاله والله ما اشوفتس الا مثل امي وضحى.., ام ابراهيم بعطف\ كم لتس وانتي والده من شهر وعليه وانتي من ولدتي وانتي هو انتي.., شوفي ريم بعد كل ولاده ماشاء الله عليهاتجهز كنها توها معرسه وانتي ماغير دافنه عمرتس با الحيا.. عوق\ياخالتي منسده نفسي عن كل شي من توفت امي ماعاد لي خاطرفي شي.., ام ابراهيم\امتس لو انها تشوفتس كان زعلت عليتس من فعايلتس بعمرتس حياتس حزن بحزن يا كافي.., ميعاد\امي صادقه ياعوق البنات يتزوجون ويتغيرون للأفضل انتي للأسوء وعلى ما سمعت ان رجلتس ماشاءالله عليه احواله الماديه زينه.. ام ابراهيم\زياد رجال اجودي و الخمال منتس يا عوق انتي الي مهمله عمرتس.., عوق\ والله انه ما يقصر ما اظلمه.., روان \طيب جددي في بيتك بشكلك علشان نفسك وطلعي نفسك من جو الحزن الي انتي فيه شكلك كن عمرك 100سنه.., ام ابراهيم\انتي مير ناسيه كل شي حتى الامانه الي عندي ما سألتيني عنها.., عوق\الي عندتس يا خالتي ماهو بعيد.. ام ابراهيم بترجي \ الله يرضى عليتس تجين تاخذينها.. عوق بوجع\ امي وش اتركت عندتس..؟ ام ابراهيم \عندي لتس دراهم وذهب واوراق ما فتحتها ولا دريت وش فيها وختم امتس خلتهن عندي امانه تكفين خوذيهن وريحي بالي منهن.., عوق بقهر\ هذا الي قلبوا غرفة امي علشانه وضحى وحريم اخوانها.., ام ابراهيم\امتس يوم طلعت معهم للبر سعد عطاها دراهم يقول انها لها عنده ويبي يبري ذمته ونزلت لسوق وخذت فيهن لتس ذهب يوم ولدتي بوليدتس حتى قبل تزورتس با المستشفى تقول ابي عوق تلبسه الي طلعت من الاربعين.., وخلته عندي خافت من الخدامه يوم تنومت معتس وبا الحفظ والصون متى ما بغيتيهن بشنطتهن.., روان تضحك بتهكم\ يبري ذمته سعد ها الانسان عجيب مرات اقول حليل ومرات اقول اعوذ بالله منه..., عوق تغمض عيونها بوجع \ما تقصرين ياخاله.., اردفت عوق \سعد يتبع سالم ويسمع له ماله شخصيه وسالم يملي براسه الي يبيه وسعد ينفذ بدون تفكير.. انبسطت كثير بوجود خالتي ام ابراهيم وبناتها وخبرتني ان ريم تعبانه هي وعيالها من تقلبات الجو.., والجوهره مشغوله بحياتها مع نواف واهله.., وملاك با البيت جالسه ما تقدر تجي بالبنات كلهم معاها وتترك الشغاله باالحالها.. طلعوا من عندي بعد صلاة العشاء.. غيرو جوي ونسيت احزاني شوي حتى نصايحهم ماتجي الا من صديق.., جوالي فاقدته ما ادري وينه دقيت على رقمي مغلق سألت الخدمات مافي احد منهم شاف جوالي ..! ردت خدامة امي وقالت اخذته وحده من الحريم تقصدوضحى.., لاحول ولاقوة الابالله هي وش ناقصها تطمع بجهاز جوال تحسبه من ورث امي .., كلمت زياد قال انا قريب وبجي ها الحين.., ناظرت وجهي با المرايه خالتي ام ابراهيم وبناتها صادقين يعني وش بيتغير با الدنيا اذا حزنت والا فرحت.., عجلت الحياه ماهي واقفه علي.., رفعت شعري عن جبيني يا الله اثر ضربة المفاتيح للحين معلمه براسي.., ماراح اثرها شكلها كان كبير مره لكن صغر اثره يوم كبرت.. سبحان الله كيف عشت بعد هالضربه يا ليتني كنت مكان ولدي.., فتحت دولابي كل ملابسي قديمه بجد دافنه نفسي با الحيا.. الله يصبر زوجي علي سكرت الدولاب لازم انفض ها الحزن واعيش مثل العالم والناس .., تمددت برتاح وصوت جرس التيلفون رديت عليه.. عوق\الووو ....بترجي وارتباك\عوق اسمعيني تكفين لا تسكرين الخط.., عوق بحزم\خير مشاعل تبين شي.., مشاعل\ لابس بسمع صوتك واتطمن على اخبارك.., عوق باالم\من الله طيبه ومنكم لا والله هم وغبن وقهر توني اشوف اثر مفاتيح ابوتس بوجهي.., مشاعل تجهش با البكاء\سامحيني.., عوق بحده\وش اسامحتس عليه انتي ولدتيني بظلام وطول حياتي عشتهامن ورى جريمتس بظلام.., ربي سخر لي امي هي الي كانت تضوي لي حياتي وراحت والحين زوجي بعد تبون تطفون ها الشمعه.., يعني ماترتاحون لين تنكدون علي.., مشاعل ببكى \انتي قاسيه ياعوق.., عوق بتهكم \ لاحول ولا قوة الا بالله انا الي قاسيه والا انتي واهلتس..؟! يا بنت الناس انسيني ماتعرفين شي اسمه نسيان وعيشي حياتك .., مشاعل ببكى\حاولت بس ما قدرت ما ابي شي منك بس تسمحين لي اشوفك كل فتره وفتره وماهو لازم تسولفين معاي بس شوفتك تكفيني.., عوق بدموع حاره\مافي شي اسمه ما اقدر هذا انا اسولف واضحك وآكل وانا فاقده امي من 20يوم.., الي شالتني لحمه حمرا ماكنت احسب نفسي امشي على الارض دقيقه وحده بعدها وهذا انا حيه مابي بلا ليتني بدالها.. مشاعل بحزن\ماراح تحسين احساسي.. قلب الام على ضناها غير قلب الضنا على امه.. عوق بحسره موجعه\لاوالله ان قلبي عليكم اكثر من قلبكم علي انا افكر بعقلي واقرر.., لو طلعت بحياتس بيجي يوم تتمنين انك يوم ولدتيني دفنتيني.., مشاعل بمراره\ما بيدي شي غير حرقة قلبي على شوفتك الي بقلبي ماتحسين فيه الا اذاجاك ضنا.. عوق بحسره\الا حاسه بلي بقلبتس جالي ضنا وربي اختاره وراضيه يمكن موته احسن من حياته.., مشاعل تشهق\بسم الله عليك متى.. عوق بوجع\قبل اكثرمن شهر ولدت ولد على سبع شهور وماهو مكتوب له يعيش والناس الي حولي مستغربين.. شلون ما كملت تسع شهور من زواجي وجا علي ظنا.., يلمحون انه ماهو طفل من زواج بما ان امه مجهولة النسب شفتي سواياكم فيني لوين وصلتني.., مشاعل تبكي\ ياليتني مت ولا سمعت كلامك ياعوق.., عوق تتنهد بوجع\ لو درى احد بوجودي والله حتى موتي وموتس ما ينسي الناس الي سويتيه.. اصلحي ما بينتس ومابين الله هو الي يغفر لكن الناس ماعندها غفران.. مشاعل بترجي موجع\تكفين يا عوق تكفين باشوفك بدر عنده مواعيد ومراجعات وانا معه مرافقه.., بقوله اني بشوف اهل زوج خالتي وضحى وهو داري عن معزتي لها الله يرحمها.., عوق بوجع\شفتي كيف حتى يوم بتجين علشان تشوفيني اعتذرتي بشوفت ناس لو بيدهم كان ذبحوني وخلصو من الغريبه الي اكلت حلالهم.., مشاعل \ انتي اقرب لخالتي منهم ليش ها الهجوم عليك.., عوق بتهكم\وهم وش دراهم من انا يحسبون امي اكفلتني من دار الايتام و لو في يدهم حتى انتوا ما دريتوا بموتها خايفين احد منكم يطالبهم بفلوس امي.., مشاعل \ يوم حضرنا عزاها ما شفتك ولا دريت انك كنتي حامل.., خبرتني خالتي انك تزوجتي اخر مره كلمتها لكن ما قالت لي عن حملك.. عوق بتهكم موجع\ولو حتى قالت لك وش بتسوين امي راحت وحملي راح تكفون انسوني ولا تدورون وراي مع السلامه.., زياد بحده\من كنتي تكلمين..؟! عوق با ارتباك وغضب\وحده لو ما انت مصدق خذ التليفون وكلمها رقمها موجود با الكاشف وبعدين هي الي كلمت ماهو انا.. زياديجلس جنب عوق على السرير\ماهو قصدي لكن استغربت انك تكلمينها وانتي تبكين.. وضاغطه على نفسك شكلك ما تبينها تدري انك تصيحين وسكرتي السماعه بعصبيه.., عوق با ارتياح\وحده من اقارب امي وذكرتني فيها.. زياد يضحك با استهزاء\لايكون بعد تبي ورث مثل عيال زوج امك.., عوق تمسح دموعها\لا تبي تجي تعزي وتقلب علي المواجع وقلت لهالا تجين امي وخلاص راحت.., زياد\ الله يرحمها والله يوم شفتها ياانا انصدمت وحتى نجلاء وبشرى تفاجئوا ما تتخيلي قد ايش استغربوا ..! عوق با استغراب \من ايش ! زياد بتوجس وترجي \ بقولك لكن تكفين لاتبكين.., عوق تبتسم بدهشه\شكل السالفه كبيره.., زياديبتسم\ لاكبيره ولاشي لكن انتي اي شي عن امك يبكيك انتي عصاها سويتي مناحه يوم لقيتيه مكسور..! عوق بقهر\حسبي الله على حرمة سالم الشغاله تقول هي الي كسرته ما ادري وش ها الحقد.., زياد\ماعليك منهم هذا كله من القهر صارو مثل الاطفال يعبرون بأي شي.., اردفت عوق بفضول\وش السالفه بالله ..؟ زياد \كلمني مسلط لما لقوك عند بابهم وعلى طول رجعت للبيت لقيت ام ابراهيم واقفه عندها والخدامات.., شفتها بسريرهااستحيت اول شي بعدين دخلت وفحصت عليها لقيت مافيها نبض .. اكثر شي استغربت الشبه الي بينك وبينها.., عوق بخوف\يمكن يتهيألك والا وش جابني لها.. عوق بنفسها\يارب سترك وهذا الي خايفه منه الشبه والمقارنه.. زياد يوقف وبطريقه مسرحيه\ما علينا يمكن علشان احبك واموت فيك ومعجب بشخصية امك صرت اشوف شبهك بكل مكان بعدين انتي بنظري جميلة الجميلات.., عوق تبتسم\ انت المفروض على ها الخيال الواسع تكون ممثل ماهي ضابطه عليك مهنةطبيب .., زياد\علشان تعرفين انك محظوظة تزوجتي رجل متعدد المواهب.. عوق بوجع\ الحمدلله والله اني محظوظه بكل شي الا شي.. زياد \لا تكفين فهمت قصدك فكينا من تقليب المواجع عندي لك مفاجاءت فوق ما تتصورين.. عوق\عسى خير.. زياد\كل شي بوقته حلو لكن وش رايك نغير جو نطلع نتعشى برا.., عوق بطفش \والله مالي خلق نتعشى هنا احسن.. . . . (كلمه اخيره) قال رسول الله صلى الله عليه وسلم : ((أحب الناس إلى الله أنفعهم للناس ، وأحب الأعمال إلى الله سرور تدخله على مسلم ، أو تكشف عنه كربة ، أو تقضي عنه دَيناً ، أو تطرد عنه جوعا ، ولئن أمشي مع أخ لي في حاجة أحبّ إلي من أن أعتكف في هذا المسجد شهراً - في مسجد المدينة - ومن كفّ غضبه ستر الله عورته ، ومن كظم غيظه ولو شاء أن يمضيه أمضاه ملأ الله قلبه رجاء يوم القيامة ، ومن مشى مع أخيه في حاجة حتى يثبتها له ثبّت الله قدمه يوم تزول الأقدام)) . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
السلام عليكم ورحمة اللة يعطيكي الف عافيه عزيزتي ام الوليد فعلا فصول رائعه اكثر ما يعجبني بكتابتك هي القرب الى الطبيعه والفطره بالتصرفات يمكن الحياة التي نعيشها الان بعدتنا عنها لكن في كتاباتك بتخلينا نصتدم بالواقع بالانفعالات البشريه الي ممكن اتمر علينا يعني بتعالجي المواقف بحكمه رائعه قبل ايام بحكي انا وماما عن روايتك عن كيف الواحد ممكن يرضى بحكم ربنا لما ينولد بهيك ضرف وماله قدره على تغيره مع طول النقاش فعلا توصلنا لنفس الي عم تطريحه بالروايه كل يرجع لربنا وله الحكمه فيه الحياه اذا اردنا تعقيدها والتحول الى صحايا لن ننجز شيء ...... لن اطيل عليكي حبيبتي شكرا لكي بحجم ابداعك ........... انا دائما من متابعيك لحظه بلحظه حتى لو لم يسعفني الوقت لكتابة رد اتمنالك نهار سعيد وجزاك الله خير |
السلآآآآام علييكم
غاليتـــي أم الوليد ماشاء الله عليــك كــل ســالفة أروع من لي قبلها و تدخل للقلب على طوووول أم الوليد والله فرحـــانة بزآآآآف بالإهداء ^^ بالإسم لي هنــاك ^^ الله يفرحك و يعطييك كل ما تتمنين و يصلح لك الذرية يــارب الجزء لي كنت على أعصـابي و أنـا أقراه حـاطة يدي على قلبـي هو مكـالمت مشاعل لعوووق من كثر خووفي انو زيــاد سمع الكلام لي دار بينهم أكييد راح يفهم الصلة و يووم شفت اسمه في الحوار يتكلم بحدة قلت خلآاص لي سنييين و هو مستووور يـاويلك ياعووق بتبدى المشاكل و الأحزان و انتــي لسة ما تهنييتي بــس الحمد الله وصل على الأخيير و من كلامه انه ما سمع وش دار بينهم بــس الصراحة عووق غلطانة ليش تجاريها في الكلآآم و تقولها وش سوت و ما سوت هذي وحدة من نصايح الوضييحي لي عووق ما تمسكت بها انهـا تخلي الماضي و ادا أهلها كـانو يمشوون يميين هي تغير دربها ترووح شمال الله يعيينها يـارب .. تسلميين أم الولييد جعل يدك ما تمسها النـار ي يحفز لك كل من يعز علييك يــارب |
والله عوق على مشاكلها تحمد ربها انه ربي رزقها زوج مثل زياد
وانا احس انها ماتحبة لكن متقبلته عشان وضعها على عكس مشاعره تجاهها ومشكووووووووووووره على الرواية اللهم اغفرلنا ورحمنا سبحان الله العلي القدير |
السلام عليكمـ...
. . . مساء الخير على جميع القلوب المتحلقة بمحبة هنا... . . . أم الوليد مشتاقه لكـ جداً=( و الف مبروك التميز الدائم لك . . . بارتات موجعه... أستنزفت أنين الحروف بحياة العوق...! . . . أنكسار أشرعة...يا الوضيحي...أنكسار أشرعة..! أي وربي... فقدانكـ...كـا العود الثمين المشتعل فـ َ سكب عليه الماء..فـ أنطفأ فجئه..! / العوق...؟ هل يعزى بـ فقدان الأم...؟ سؤال موجع مر..؟ وتبيض العيون من الحزن..و..نتذوق ذبول كل شي كان ينبض با الحياة...! كـا مفاجئة فصل الخريف يحاول التمرد ونزع رداء الربيع..! لكن أجابته هو ... وبشر الصابرين..! أللهم أحفظ لنا أحبتنا يارب...ولآ...تفجعنا .. / مشاعل...! الوحوش تدافع عن صغارها....وتنهش كل من يقترب منها...! وهي وحوش....لآ...عقل لها ولآ...ملة...! لكن هي فطرهـ....فطرة الأمومة...! من ينزعه من أحضاننا نحتول الى مخلوقات أخرى...تدفعنا غريزة الأمومة....و...تغذينا ... نتعب ونسهر و..[نضحي...]...من أجل تلك قطعة من [الروح] تمشي على الأرض...! فـ لـ أجل تلك الجنه تحت أقدامنا...لعظمة وكبر شأنا...! وكل حب يتصاغر ويتلاشي بجانب عاطفة الأمومه...! . . . الأمومه...تضحيه...! الأمومه ...أيثار...! تربيه...! سهر...! دعاااء بـا أخر الليل والناس نيامـ...! الامومه...مراقبة لخطواته ...وسكناته...بكائه...أبتسامته...ملامحه التي تكبر....! الامومة تجهلينها يا مشاعل... ....فـ عوق كانت و ستظل ذاك الماضي الأسود الذي مكانه الصحيح الثرى...! لو كان الأمر بيد أهلكـ... لـكفتنو ذلك الماضي بسواد...! أنسي يامشاعل....فـبرغم من ظروفكـ...و...ألمك..وندمكـ...وحزنكـ...الا انه يتصاغر ويتقزم بجانب ما تعانيه تلك الفئه... . . . ام الوليد..؟ هل تخبئين لنا ...كشف المستور بنهاية الرواية...؟ / طبتي وطابت أيامكـ يا الغاليه...=) . . . |
والله وصارت مشاعل تواصلت مع عوق الي أكيد راح تحن عليها وتتواصل معها ويمكن من الأساس كان ودها بعوق وشوفتها بس وضحى تمنعها وزياد اتوقع سمع المكالمه بس شافها منهاره وماحب يفتح الموضوع وهو عارف ان ردت فعلها دايم عنيفه فبيخذها بالتدرج والمسايسه عشان يفهم الوضع والمفاجئه أكيد ولدها الي بيغير نفسيتها للاحسن وام ابراهيم زين كلمتها خل تنفضها وتحس على دمها مهما كان هذا زوجها ويستاهل من يتعبله عاد حوست الاربيعين غييييييييير .............وأخيرا الي يسعدج دنياواخره يارب
|
اقتباس:
بنشوف توقعك والبارتات السبت والثلاثاء بعد الظهر اسعدني مرورك اقتباس:
هلا وغلا عبوقه الطمع وما يسوي بقلوب الناس فما بالك بمال يعتبرونه سايب بيت ابوابراهيم النبي عليه السلام وصى بسابع جار سويره الخوف من الفضايح ساعات يذبح ويمكن كثر الخوف من الشي يطيح فيه اسعدني مرورك يا الغلا اقتباس:
هلا وغلا اراده والله انا الي اعجز اجاريك بردودك الوضيح عارفه ان اسرة عوق ماراح تتقبلها ورجوعها لهم مستحيل علشان كذا زوجتها اللقيط بعد ما بحثت عنه وهي الي مشت بها الزواج علشان تقطع على عوق كل الافكار الي ممكن تعذبها لوتزوجت شخص معروف النسب بيكون عندها امل لرجوع لأسرتها. بيت ابوابراهيم كثير ناس فيهم خير يكفلون اليتيم داخل بيوتهم ماهو بس جار اسعدني تواجدك ونقاشك الراقي اقتباس:
بنشوف تحليل زياد للموضوع وردة فعل عوق اسعدني مرورك يا الغلا |
اقتباس:
هلا وغلا البارتات السبت والثلاثاء بعد الظهر اقتباس:
الله يعافيك ويحفظ الوالده يارب. اللقطاء معاقبون بلا ذنب بقدر شفقتنا عليهم بقدر قسوتنا اسعدني مرورك يا الغلا |
هااااي:lol:
طيووووف يعطيك ألف عافيه ياحلو وأتوقع صديق زياد اللي يقول هو ولد عوق نمر:peace::peace: والله يكفيها شر مشاعل واهلها لانهم موساكتين ليعرفوا حقيقتها وكمان الله يخليلها زياد اللي فعلا وقف معاها وقفه رجال بصراحه :peace: وام ابرهيم فعلا بينت فيها العشره طيوف يسلمووو:wookie: |
مسااااااااااااااااائكم ريحة مطر <ياربي سقيا خير ورحمه
ياربي دخيلك باااااااااااااارت حبس الانفاس قلبي بيوقف خوف وانا اقراء حوار مشاعل وعوق واقول الله يستر من زياد ولا ام ابراهيم يسمع المكالمه <يبان المستووور رغم وجع الحوار وقسوته لكن لازم تقطع عوق العرق وتسيح دمه خلاص لانها لو بتترك لمشاعل الباب موارب شوي بتتطور وبتحركها عاطفة الامومه وينكشف سر حاولو دفنه مع الماضي يمه شهقت يوم شفت زياد وربطه للشبه يين الوضحي وعوق سبحان الله دائما الا بعيد يشبه اكثر اكيد نجلا بعد رابطه الشبه مثل زياد عورني قلبي من الوضحي وهي رايحه تشتر ذهب للعوق عقب ولدتها <يجعل امهاتنا للجنه معقوله عوق للحين تتوقع ولدها مات مافكرت حتى تسائل زياد وش سوى فيها لايخلينا منتس ام الوليد |
السلام عليكم ورحمة الله وبركاته*
مسائك ورد جوري ابيض* اللهم يامجيب الدعاء تقبل منا دعائنا وعجل بنهاية من طغى وتكبر واجعل موته عبرة لمن لم يعتبر آمين يارب العالمين مبروك الوسام تستاهلين ام الوليد كتبتي فـ ابدعتي فـ تميزتي تسلم الأيادي ام الوليد سالفه رائعه بداية حياة جديده لعوق اهم ما فيها انها تقدر توقف مشاعل عند حدها عشان ما تتمدى اكثر من كذا ياحياتك ياعوق حياة الشقى اهلك قدام عينك وناكرين وجودك إحساس الذنب اللي تحسه مشاعل نابع من خوفها عليك بعد موت امك بس تتأكد من وجود زوجك جنبك راح تنساك وتعيش حياتها يمكن وجودها قريبه منك هو اللي صحى فيها عاطفة الامومه تبي تتطمن انك في ايدين أمينه* ام ابراهيم مثل البلسم لـ الروح صرنا نفقد مثل النوعيه هذه اليومين هذه زياد لمتى وانت مخبي عليها حقيقة ولدها الحرمه تحسب انه ميت واذا عرفت انه حي بترد فيها الروح كان لازم تقولها من اول ما تحسنت حالتها يمكن تقدر تنسيها لو شوي من الألم اللي جالسه تعنيها ما ادري ليش عندي إحساس انها بتضعف في يوم وتقول لزياد عن حقيقة اهلها اعتقد انه سمع شوي من المكالمه بس هو طنش بمزاجه بس اذا عرف وش راح تكون ردة فعله* ام الوليد الله يسعدك في الدارين* ويرزقك ما تتمنين يارب |
يالله انك تصبحها بالرضا والسرور>>تحسين اللي تكلمك جدتي مو أنا..مزووووح..مزووووح
سلمت يمينك طيوف على هالبارت صاحب زياد أكيييييييييييد ولده..ياربي متى بتعرف العوق ان ولدها عايش؟؟!! وبرافو عليها العوق انها جالسه تصد مشاعل..والمفروض تعرف الرقم و ماترد عليه مره ثانيه..هذا جزاها و اقل من جزاها بعد مشاعل ضيعت حياة العوق بيدها..و مو من حقها تطلب أي شي من العوق.. أقول طيف شرايك تختارين الاسبوع اللي يريحك و تنزلين فيه ثلاث بارتات:) ولو تبين اربعه عادي نستقبل <<مزووووووووووووح :) بانتظارك يالغاليه .. |
السلام عليكم ورحمة الله وبركاته
صباح نفحات الايمان تنتاب حول جنباتك صباح عبق من رياحين يسعد صباحك ام لوليد كم كنت متشوقه لقراءة مافاتني ولكم تجرعت الحزن ونفطر قلبي لما قرأت بارتات حملت بين طياتها انهار من الدمع و الوجع حملت الوان الحزن حملت رحله نعد لها العتاد ولا نعلم متى سوف يكون الرحيل رحيل ام عوق وما كان منتظر من اول بارت رحلت وتركت خلفها قصه يرويها الزمان رحلت وظلت سيرتها بين المزن حياة عوق من بعدها مؤلمه موحشه جدبا ومع هذا سوف تجتازها فحياة البنت غير حياة المتزوجه فالبنت قهرها وحزنها يكون اكبر ليس هناك من يهون وحشتها عوق كيف سوف تكون رد فعلها حين تعلم بوجود ابنها وانه مازال هناك قلب ينبض شي مؤلم حين يموت الميت ومن بعد يتانزعون على ماتركه من ارث مشاعل و مكالمتها تتوجع بخناجر مغروسة بفوادها ولكن ما النفع من اتصالها سوى زيادة غرس الخنجر بالنحر لا اعلم ماذا اكتب فلا استطيع ان اكمل لان جو الحزن مخيم حولي فقد اجدتي بوصفك حتى جعتيني اسكب الدمع تلو الدمع مبدعه الحديث الف مبروك لقب استودعك بحفظ الرحمن |
اقتباس:
هلا وغلا بنشوف في البارتات الجايه وش راح تسوي مشاعل وعوق بتضعف قدامها اولا اسعدني مرورك اقتباس:
هلا وغلا عوق ظروفها معاكستها بنشوف كيف بتمشي حياتها اسعدني مرورك |
اقتباس:
الله يبارك بعمرك صحيح الفراق يذبح لكن لابد منه وهذي دورة الحياه مشاعل ما نقدر نلومها الشق اكبر من الرقعه وفيها مصير عوايل لو بتظهر عوق للعلن والله حاولت قدر المستطاع اقارب للحقيقة والمستور بنشوف قريب نهايته اسعدني مرورك يا الغلا اقتباس:
هلا وغلا بنشوف توقعك الي بجد خوفني اسعدني مرورك يا الغلا اقتباس:
خلاص بنعرف ان شاء الله مين هو صديق زياد في البارت القادم اسعدني مرورك يا الغلا اقتباس:
والله لايخليني منكم بنشوف توقعاتك في القريب العاجل اسعدني مرورك يا الغلا |
اقتباس:
هلا وغلا الله يبارك في عمرك عايلة مسلط دائمآ مهما اشتد الظلام لابد ما يكون نور لو بسيط يعطنا امل بقدوم لصباح وهذولا اسرة مسلط مشاعل متذبذبه ما بين حبها لبنتها الوحيده وبين الخوف من الفضيحه بنشوف مفاجاءت زياد لعوق قريب اسعدني مرورك يا الغلا اقتباس:
الله يسلم روحك بنشوف مشاعل كيف راح تتصرف وهل بينفع صد عوق لها اسعدني مرورك يا الغلا اقتباس:
هلا وغلا ام تركي ولك من الاعذار كثر ما تبين الحين عوق مجبوره تصد مشاعل علشان تحافظ على كيان اسرتها الحزن با الروايه يمثل 99% لأن حياة ها الفئة ماهو كلن يحترمها اسعدني مرورك يا الغلا ونقاشك الراقي وثقتك بلي اكتبه |
بسم الله الرحمن الرحيم السلام عليكم ورحمة الله وبركاته مساؤكم نسمات عطر شرقية صباحكم شذى الورد والياسمين تأخذنا الذكريات لتلك الأيام نبكي تارة ونبتسم أخرى في البداية تتغلب علينا الدموع وألم الفقد والحزن والوحشة لمرآهم نسير في المكان نسمع صوتاً هنا وضحكة هناك نرى طيفاً يداعب خيالاتنا وحين نهم بالإمساك به نكتشف أنه مجرد طيف وأنهم قد رحلوا ولم يبقى لنا إلا الذكرى تلك عوق....... ويا لكثرة ما ستحس بالألم ووحشة الفراق وكل مكان سيحمل لها ذكرى طيبة من تلك الطيبة وكلما فعلت شيئاً ستعود لها ذكرى توصيات تلك الشامخة التي رحلت بصمت دون أن تؤذي أحداً أو تثقل على أحد بدأت تتأقلم ولو قليلاً مع فقدها لها ولكن إلى متى سيظل الآخرون يلاحقونها ليزيدوا همها ويقلِّبوا عليها المواجع كيف ستكون ردة فعلها حين تعلم أن ولدها على قيد الحياة وكيف لم تفهم بعد من خلال تلميحات زياد وحديث من حولها أنه لازال على قيد الحياة مشاعل......... أم مكلومة ولكن ما كان لها أن تظل على تعلقها بعوق فهي تعلم أنه لا يحق لها أن ترتبط بها أو تحاول التقرب منها سواءً علناً أو بالخفاء لأنها لن تقدر يوماً أن تعترف ولا حتى لزوجها الذي هو والدها أنها ابنتهما فماذا تريد من إحياء الماضي الذي دفن مع أهله وكان آخرهم وضحى هي تعلم أن سارة وعوق تعرفان ولكن ما فائدة معرفتهما وكلاهما لا تريدان أن تفضحاه أما آن لها أن تقتل تلك الصغيرة في داخلها وتنسى أنها عاشت وأصبحت امرأة فلا عوق تريدها ولا أهلها سيسمحون لها بأن تعرفها أم إبراهيم.......... لا أدري كيف أصف هذه المرأة بحكمتها وصبرها وصدقها مع نفسها ومن حولها سبحان الله الطيبون للطيبات وهي وزوجها خير مثال على ذلك فرغم كل شيء لم يثنهم أي شيء عن الوقوف مع عوق رغم ما تعرضوا له من إهانة وتطاول من الآخرين في سبيل حمايتها مثال رائع على حسن الجوار وحفظ الأمانات ليتنا نجد في هذا الزمان من هم على هذه الشاكلة مع أنها لو خليت خربت ولازلنا نحسن الظن زياد........... إلى متى سيظل محتفظاً بالسر لنفسه ومتى سيبوح لها به أم أنه سيجعلها هي تكتشفه بنفسها وكيف سيعالج الوضع لو تعرضت لصدمة ما حين تكتشف أنه لم يمت وماذا ستقول له حين تعلم أنه أخفاه عنها كل هذه المدة ثم ماذا سيكون مبرره لذلك ؟؟؟؟؟؟؟؟؟ غاليتي........... سلمت يداك وحرمهما الله عن النار مبدعة كما أنت دائماً وليس للحروف أن تصف مقدار هذا الإبداع بانتظارك دائماً بشوق دمت ومن تحبين بحفظ الله ورعايته |
السلام عليكم ورحمه الله وبركاته
ام الوليد يهدى لك السعاده والبخت من عند رب العالمين مشكوره ياقلبي على الاهداء لاخلاا ولاا عدم منك تعيشين وتهدين الف مبروووك يالغلاا على الوساااام تستاهلين كل خير وجعله شاهد لك عند ربالعالمين يسلم يدينك يالغلاا على هالسالفه الراقيه وعوق وما بعد الحزن ومواجهه لواقعها وهي متسلحه بوصايا الوضيح وارشاداتهااااا عوووق جرحك عميق ويبي له اياااااااام وشهور وسنين على باااال ماتشفين منه حتى لو نسيتي او تناسيتي حزنك على امك الوضيح اقل موقف او مشكله تحتاجين فيها لها راح يتجدد الجرح ويبدى ينزف بس رحمه من رب العالمين بعباده انه عطاهم نعمه النسيان عشان يقدر يوااصل حياته ويؤدي واجباته واهم شيء انك تمشين على خطوات الوضيح وتتمسكين بوصاياها ولا تحيدين عنهاااا وربي راح يكون بعونك والله الله بالحسناات والصدقات الي كانت امك تسويها ياليت تمشين عليهااا واهم شيء اهلك الي تبرو منك لاتفكرين انك تتواصلين معاهم او حتى تفتحين معهم باب يدخلون منه ولا تضعفين لتوسلاتهم او اغراءاتهم ترى اكبر خسراااااان هو انتي زياد الله يسعدك انت وزوجتك كنت السند والعووون لعوق واثبت لها ان اختيار الوضيح لك زوج لها بمحله وانها قدرت تامن لك من يقدر يحميك ويدافع عنك اذا راحت عنك بس ياليت انك معلمها عن ولدهاااا نمر وانه تعدى الخطر عشان تتغير نفسيتهاااا وتلقى شيء يلهيى عن الحزم والتفكير بامهااا وترى هي مو حول انها تفهم تلميحاتك وتحاول تحلهااااا ام ابراهيم جعل ربي يرزقك الجنه انتي وزوجك وعياااالك كللهم كنتوا نعم الاهل لعوووق ودافعتوا عنهااا في وقت ان الي من دمها ولحمها وقفزا متفرجييين وساكتين وهم يشوفون بنتهم تنداس وتنهان ولا حتى قال كلمه الحق فيها اثبتت ام ابراهيم انها الام الثانيه لعوق وانها تقدر تعتمد عليها اذا احتاجتها بيووووم مشاعل هذا ماجنته يداااااااك وطبخن طبختيه يالرفلاا اكلييه اللحين جايه تدورين بنتك وينك عنها يوم رميتها وهي لحمه حمرااا ولا سالتي عنهاااا انتي كذا ماراح تستفدين غير وجع القلب لك ولها لان مستحييييييل اهلك راح يقبلون فيها بعد هالعمروهي مستحيل تسامحك على الي سويتيه فيها فالبعد بينكم احسن ام الوليد تقف الكلمات عاجزه امام ابداعك الراقيه ولا تستطيع ايفاء حقه حرمتي انتي ووالديك عن النااار |
بنتضار البارت بفارغ الصبر
يالله ترى مره متحمسين ,,,,, في انتضارك طيف تحياتي : ابو فارس |
بسم الله الرحمن الرحيم
اللهم إني أسألك بأني أشهد أنك أنت الله لا إله إلا أنت أن لا تكل أهل سوريا إلا أنفسهم, وأن تحفظهم من بين أيديهم ومن خلفهم وأن تهيء لهم أمر رشد, وألا تسلط عليهم من يستبيح بيضتهم وأن تصلح لهم شأنهم كله, وأن ترحمهم برحمة من عندك فإنه لا ملجأ ولا منجى منك إلا إليك, مقادير الأمور كلها بين يديك لا يعجزك شيء في الأرض ولا في السماء .. . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., اهدااااء خاص لساعه بلا عقارب ام تركي,ام الشهد, زارا ,سحابة رحيل ,احلى حنو,ريح الهوا,القمري,فوضة مشاعر,الهاله,ام البنين. . . اليوم بنشوف عوق المزايين وتبريره لشد شعر عوق يوم الملكه واللقاءالاول بصديق زياد الصدوق. يا الله تعالوا معاي...!! وسالفه جديدة؛ . . البارت التاسع والثلاثون . . عوق\والله مالي خلق نتعشى برا هنا احسن .., زياد بخيبة امل\ على راحتك .. عوق\وشفيك احسك زعلت.. زياد\لا بس كنت اتمنى نطلع نغير جو من زمان ما تمشينا.. الاحداث الي صارت وحملك حرمني من اشياء كثيره كنت اتمنى اسويها لك.. عوق\ الله كريم تزين ان شاء الله الحين احس نفسيتي شوي تعبانه.. زياد يبتسم\لا تستسلمين لأحزانك بتمرضين وفي ناس محتاجه لك لازم تغلبين حزنك.. عوق\الله لايجعل لنا حاجه عند احد من خلقه ويغنينا بفضله عن من سواه.. زياد بمحبه\آمين لكن بجد عوق امك محتاجه لك تردين لها الجميل.. وانا محتاج لك وين بلقى زوجه مثلك وصديقي الصدوق يتمنى يتعرف عليك.. عوق بتذمر \انت بتلقى احسن مني وامي ذكرتني بكرا الجمعه ابيك تسحب من حسابي فلوس تصرفهم لي ريالات اوزعهم .. زياد\ما يحتاج انا اعطيك.. عوق \ما تقصر ابي من حلال امي صدقه عنها. زياد يرفع ايديه يدعي\الله يجزاك خير يارب متى اشوفك انتي وصديقي تتصدقون وين صرافتك..! عوق بضحك\والله ها الصديق الي ماكل عقلك ناسيه الصرافه في بيتك.., زياد بتهكم\مقبوله منك ها المره بيتك يا الله البسي بنروح للبيت ناخذ صرافتك.., طلعت انا وزياد لبيتنا ودخلت البيت ما شفته من يوم ولادتي حسيته متغير والاثاث مكركب على بعض وريحة اصباغ.. كنت بتفرج على البيت بشوف وش سبب ها الحوسه رفض زيادوماني عارفه السبب.., طلعت فوق لغرفتي بشوف الصرافه والاوراق الي تخص كل املاك امي الي كانت با اسمي.., زياد بتعجب\انتي هنا وانا ادورك .. عوق\يعني وين بكون كنت بتفرج على البيت من زمان عنه وانت شكلك وراك شي قلت بشوف اوراق مهمه وبطاقات الصراف افضل.. زياد يرفع حواجبه\ ماشاءالله زوجتي الظاهر بتصير سيدة اعمال.. عوق\الله يرحم امي كله من فضل ربي ثم خيرها.. زياد\ وعلشان ما تزعلين وش رايك نتعشى هنا اليوم وننام وبكرا دور بيتنا هذاك.. عوق بضحك\تركنا الخدامات يا راعي الادوار بالحالهم الخوف على خدامتك والا خدامةامي زوجها معهاومتعودين نتركهم با الحالهم.., زياد يضرب راسه بيده\اووووف تصدقين نسيتهن ...!؟ عوق وهي تسكر شنظة اوراق\شفت اوراقي واخذت بطاقاتي يا الله نمشي بسحب مبلغ.. زياديبتسم\ابشري والعشا اليوم على حسابك.. عوق بضحك \مو مشكله صدقه عن امي.. زياد\ الله يكثر خيرك يا ام نمر وتستاهل خالتي الي يتصدق عنها سر وعلن لكن واجب الضيافه اليوم مسموحه الحساب عندي.. عوق تتنهدبشرود \امي كانت كل جمعه تنادي على البزارين وتوزع عليهم فلوس وبكرا بسوي الي كانت تسويه.., زياد\الحي هذا مافي احد يطلع من بزارينهم لكن في طريقه ثانيه عندي.., عوق\ لا انا ناويه بزارين حارة امي قلي وش طريقتك يمكن تعجبني.., زياد بتفهم\ ماهو على كل حال بتسمح لك الظروف تتصدقين عنها كل جمعه بطريقتها.. لكن وش رايك كل صباح جمعه اطلع لأي محل خباز واعطيه فلوس كل خبز ذاك اليوم صدقة تحتسبينها لأمك .. عوق بموافقه\والله فكره حلوه امي وش ما سويت ما الحق على جزاها.. زيادبخيبة امل\ يا الله ننزل نطلع مع بعض ونتعشى في بيتناهذاك شكل ماهو مكتوب لنا عشى الليله هنا.., عوق \انتظر بشوف غرفة الاشباح اشتقت لها.., زيادبتذمر مصطنع\ليش وش تبين فيها وبعدين ما تغيرت على خبرك.. عوق تتنهد بألم \كنت ناويه بعد ما اولد اجدداثاثها واخليها غرفه لطفل الي بولده قدر الله وما شاء فعل .., زياد يبتسم بتهكم\والله فكره وانا كنت مبتلش لو ربي رزقني باطفال وين بينامون خصوص انا ما احب ازعاج الاطفال.. عوق بحسره \ياليت كان همي ازعاجهم متى يجي ذاك اليوم الي يزعجوني .. زياد يبتسم \الله كريم بيجي يوم تبكين تدورين النوم من الا زعاج ما يحصل لك.., عوق\على طاري الا زعاج جوالي الظاهر صادروه آل ناصر يحسبون من املاك امي الله يرحمها.., زياد \ابشري با العوض وجوالك اصلن ناسيه يعني من مكالمتك فيه.., عوق \الله يسلمك.., اردفت عوق با استفهام\فيه تغيير في البيت تحت ما ادري صحيح والا انا غلطانه غرفة امك مكانها فيه شي.., زياد بضحك\اقول اطلعي بسرعه لا تخربين علي مفاجائتي لك.. وطلعنا انا وزياد بعد ما اخذت البطاقات وتطمنت على الاوراق الي كنت ابغاها.., تعشينا بمطعم وتمشينا نزل زياد اشترى لي جهاز جديدوشريحه وسحب مبلغ طلبته منه..؟ زياد\شوفي الجهاز اعجبك والا اغيره والشريحه ترى شحن والا تبين فاتوره.., عوق \لا عادي شكل الجهاز حلو والشريحه زينه والفاتوره مالها داعي مكالمتي جدآمحدوده.., زياد\يالبى قلبك توفرين.. عوق بضحك\ اعجبك مدبره.. زياد يضحك بمشاكسه\تعجبيني بكل حالاتك.., رجعنا للبيت بوقت متأخر لكن حسيت نفسيتي احسن با الناس الي حولي امي مافي احد يسد بمكانها لكن حب زياد وحنانه وعطف ام ابراهيم علي خفف كثير علي.., زياد\وش رايك عوق انا وانتي ننام بغرفتك احس ان حيلي مهدود.. عوق \ الا انت وش رايك ننام بغرفة امي انا على سريرها وانت على سريري..! زياد بضحك\سمعآ وطاعه.., اردف زياد\ الحين انتي تدرين كم لك والده ..؟ عوق با ارتباك\ ما ادري انا من كثر ما غبت عن الوعي ناسيه كم لي والده.. زياد\احسبي كويس علشان اول مفاجاءه من الي وعدتك بنطلع نعتمر انا عن امي وانتي عن امك.., عوق بضحك\ اذا فيها عمره اليوم كملت 42يوم الله يوفقك زياد على ها المفاجئه ..’ زيادبدهشه\كل ها الفرحه اجل لو شفتي المفاجاءه الكبرى وش بتسوين اي شي الا انه يغمى عليك تكفين.. عوق تتنهد بحسره\لا ان شاء الله بستجمع قواي ماعاد فيه اغماءات ولا فقدان للوعي عقب امي كل شي يهون .. زياد يبتسم\طمنتيني الله يجزاك خير. اردف زياد\ بكرا الجمعه ودي نستغل اليوم من اوله.., سهرنا بغرفتي انا وزيادواخذنا الوقت لحد ما صلينا الفجر ونمنا بعدها.., صحيت شكل الوقت متأخر شفت الجوال على الكومدينه ويشحن ناظرت الساعه لقيتها عشر ونص .., اوووف معقوله كل ها الوقت وانا نايمه.., طلعت اشوف وين زياد خبرتني الخدامه انه طالع من الساعه ثمانيه ولا رجع.. ياربي هذا متى ينام ومتى يصحى..؟ كلمته جوال .. زيادبفرح \هلا ومرحبا با ام نمر.. عوق بدهشه\هلابك لكن وش دراك انه انا قبل اتكلم.., زيادبضحك\ لأن الرقم الوحيد الي مخزن با الجهاز الي تكلميني منه رقمي وانا الي مخزنه الصباح.., عوق \طيب وينك.. زياد\قريب عند صديقي.. عوق با استغراب\وصديقك عنده اطفال اسمع صياح اطفال عندك.. زيادبا ارتباك\لا هذولا زملاء صديقي الله يخليه لي يقلدون اصوات اطفال يلعبون.. عوق با استنكار\لا حول ولاقوة الابالله الله يشفيك ويشفيهم ..؟ زياد بضحك\ ليش تاخذيني على قد عقلي.. عوق\وش اسوي ما بقى لي غيرك بالدنيا ولازم اجاريك.. زياد\حتى صديقي يضحك على كلامك وبيزورك بعد كم يوم استعدي له.., عوق \حياه الله.. زياد\برجع شوي تبين شي اجيب لك معي.. عوق \لاسلامتك استغربت اليوم ما عندك دوام وطالع .., زياد\ دقايق وانا عندك صديقي مل مني وبطلع قبل يطردني.. عوق بسخريه\ ما لومه يوم يبي يطردك شكلك غاثه دايم عنده يا الله سلم على صديقك.., زياد\الله يسلمك جهزي الفطور والقهوه بفطر معك واتقهوى قبل اطلع لصلاة.., اخذت دش ولبست جهزت الفطور مع الخدامات وصلحت قهوه.., وخيال امي ما يفارقني وذكرياتنا كل جمعه انا وهي.., تأخر زياد اذن لصلاة الجمعه صليت وقريت سورة الكهف .., طلبته على الجوال مارد..؟ ياربي وين راح وهو قايل لي انه من عند صديقه على طول بيمرني والحين له ثلاث ساعات مابين .. اشغلت نفسي جهزت الفلوس عادة امي الله يرحمها.. فاضو من الصلاه من حوالي ساعه وزياد مارجع خبرت خدامة امي تفتح الباب الخارجي مثل عادة امي بعد صلاة الجمعه.. الي بكاني وقطع قلبي انه ما كان في احد اول ما فتحت الباب.. وقفت دقايق واول من وقف عندبابنا عيال ريم ناظرت شباك غرفة بنات مسلط.., شفت ظل احد يطالع اكيدارسلوهم علشان ما انحرج وانا واقفه.. اكيد جيرانا يتوقعون ان امي توفت خلاص بتنقطع افعالها الطيبه.. بعدها طلعوا عيال جيرانا ووقفوا عند بابنا مثل يوم كانت امي موجوده الله يرحمهاوزعت عليهم.., دخلت للبيت وحسيت احد يمشي وراي قبل التفت يد مسكت كتفي عرفته.. زيادبممازحه \من مال الله يامحسنين ابي مثل الحلوين والحلوات الي كانوا واقفين قدام الباب .., عوق منحرجه\يا ربي سترك ادخل فضحتنا الجيران يكشفون سور بيتنا.., زيادبا اصرار\ واذا عادي اطلب من زوجتي حبيبتي الي عيونها حمرا من البكى لا عيب ولا حرام.., عوق\ تعال نجلس با المشب الخارجي.., زيادبترجي وخوف مصطنع\لا تكفين عندي عقده منه .. ندخل داخل احسن عمري ما جلست بمجلسكم هذا الا جات مصيبه .., عوق بضحك \ لا تتشائم وبكسر تشائمك واليوم بنقضيه هنا مفطر والا احضرلك شي..؟! زياد\لا والله انشغلت بطيح من الجوع.., دخل زياد للمشب وانا دخلت للبيت احضر الفطور والقهوه.. رجعت للمجلس زياد مندمج مع الجوال.., عوق بتعجب \وش عندك تناظر جوالك وتضحك.., زياد\لا هذا صديقي مرسل لي رساله واضحك عليها.., عوق\ من يوم تزوجنا عمري ما شفتك تتكلم عن احد من اصدقائك كذا حتى جزاع ونواف ما صرت تجيب سيرتهم.., زياد يقرب من سفرة الفطور\ماشاء على ام النمر متوصيه فيني اليوم.., عوق\عليك با العافيه ليش تأخرت توقعتك تجي قبل الصلاة.., زياد بعد ما خلص فطور\كثر الله خيرك ابد رجعت من المستشفى للبيت وتجهزت لصلاة الجمعه ثيابي كلها هناك.., عوق مستغربه\انت ما تقول انك عند صديقك وش جابك للمستشفى.., زياد با ارتباك\ايه طلعت من صديقي مريت المستشفى وعلى طول لبيتي وهذي كل السالفه.. عوق \ ما اكلت شي وانت تقول طايح من الجوع.. زياد\با العكس انتي الي ماتاكلين وبعدين تذكرت وش كنتي بتسأليني تقولين ذكرني.. عوق بدهشه\سؤال ايش .., زياد\يوم اقولك بفتح لك مشغل .., عوق تتذكر\ ايه تذكرت وتقول الصدق.. زياديبتسم\ولا شي غير الصدق.. عوق \يوم الملكه تفاجأت فيك كل شوي ساحب شعري لدرجة اني شككت بعقليتك.., زياد بضحك\والله ياهي ايام ذكرتيني با الذي مضى هذي يبيلها جلسه بجو شاعري .., عوق \هونت ما ابي اعرف شي.., زياد يبتسم بحب\لا عاد شكلك زعلتي واناعاد ها المره من لي غيرك.., بخبرك يوم الملكه بصراحه حسبت شعرك باروكه والا تركيبه وقلت ها الحين بسحبه ويجي في يدي.., دايم اشوف بنات خواتي يركبون توصيلات ويلعبون بشكالهم مرات ماعرفهم خصوص في ملكاتهم قلت اكيد انتي مثلهم.., عوق بذهول\انت جاد بكلامك طيب واذا باروكه ما خفت تفشليني قدام الناس.., زياد يضحك\ تدرين ما فكرت ساعتها الا ان يدي تحكني وابي اسحب الباروكه.., لكن كسرتي خاطري حسيت عيونك طلعت يوم سحبته قبل نطلع من عندكم.. حتى خواتي كانوا مبهورات بطول شعرك اكثر حتى من جمال وجهك.. عوق بدهشه \يا ويلك من ربي كيف هنت عليك.., زياد يبتسم بحب\ وجاتني عقوبه شكلك داعيه علي ليلي كله وانا اناظر يدي والمسها اتخيل نعومة شعرك بيدي.., عوق تبتسم\ كيف لو ما انت دارس برى والا مراجعاتك كلهم حريم المفروض كل شي عندك عادي.., زيادبصدق \تدرين يمكن الي عاصمني ان امي تستودعني الله.., ومااتذكر اني التفت لبنت كنهم رجال قدامي كذا سبحان الله نفسيآ.., وهنا اعتبر كل المراجعات بناتي وخواتي وضع دكتور الولاده ترى غير .. ما وصلت حالاتهم عندي الا وهم مضطرات وبحالات احيان توصل درجة الخطر.., عوق\الله يجزاك خير ويثبتك بس استغربت فعايلك.. زياد\وانتي ما قصرتي رديتيها لي يوم جبت المهر دخلتي فجاءه وصرختي بغيت انجلط من صوتك .., عوق بضحك \ ربي اخذ حقي منك.. زياد يبتسم\والله ياعوق ما سمعت الا صوت صرخه وشي ما ميزته استنتجت بعدين انه جديلة شعرك يوم هربتي طاير وراك كنه حبل اسود.., عوق بخوف \قل ما شاء الله .. زياد بضحك \ما شاء الله طيب وش رايك ان لقينا حجز اليوم اعتمرنا.., انتي جاهزه...؟ عوق بفرح\جاهزه مافي شي يربطني لكن غريبه مستعجل ..! زياد\صديقي بيزورني ازعجني يقول انت تزورني ولا تعزمني.. وعدته بعد ما ارجع من العمره..؟ عوق\عادي اعزمه اليوم اذا انت منحرج منه.., زياد يبتسم\لا منحرج ولا شي يا الله خير البرعاجله بشوف الحجز ارجع القاك جاهزه يوم يومين ثلاث با الكثير وراجعين..! طلع زياد يشوف الحجز وانا رتبت شنطة سفر ملابسي وملابس زياد وكل الي نحتاجه بعمرتنا.., كلمني زياد انه لقى حجز ذهاب واياب لمطار جده وخبرته اني جاهزه.., رجع اخذ الخدامات يقول بيتركهم عند بشرى تبغاهم قفلت بيت امي.., تركت السواق با الملحق يحرس بيتنا عيال ناصر ما ينضمنون الي حتى السياره ما سلمت منهم اخذوها.. عوق\ نحرم من الرياض والا من جده.., زياد\لا معانا وقت بنحرم من جده ان شاء الله.., نزلنا مطار جده وطلعنا اوتيل ريحنا وبعدها للميقات احرمنا واعتمرت انا عن امي وزياد عن امه.., ورجعنا لجده علشان ماتفوتنا الرحله حسيت نفسيتي افضل بكثير ومن الي ما يشوف بيت الله وما ينبسط وينسى همه.., زياد\باقي معانا وقت كان تبين اسواق.. عوق\عادي الرياض اسواقها لاتحصى ولا تعد.. زياد\انا طالع باخذ هدايا واجد باخذ ملابس لولد ناجي وولد صديقي وابي ذوقك.., عوق با الم \ماله داعي روح انت انا بنام.., زياد با اصراريسحب يد عوق \النوم لا حقين عليه لكن الشوبينغ ماهو دايم يحصل.., طلعت مع زياد للمجمعات واشترينا ملابس وشغلات و ملابس اطفال لولد ناجي ولد صديق زياد.., كسر خاطري زيادلما قال اعتبريهم اولادك ولا تخلين شي بنفسك الله يعوض علي وعليه بلي راح.., اخذت كل شي تمنيت ان ولدي يلبسه ورجعنا للأوتيل.., عوق \ياربي اتوقع ما بقى با اسواق جده ومجمعاتها شي..! زياد بضحك\ماهو هنا المشكله ..المشكله العظمى كيف بناخذ ها الاغراض.., عوق بتهكم\هذي المشكله الازليه اذا جينا نشتري ما نفكر بلي شريناه الا اذا رجعنا للبيت.. اردفت عوق بضحك\اشياء كثيره كان مالها داعي نشتريهازحمه علينا.., زياد\يسهلها ربك بنرتبها و ونشحنهاان شاء الله ارتحتي بعد العمره.., عوق با امتنان\الحمدلله.., اردفت عوق\زياد انا ماحجيت اذا تقدر ترتب وضعك ونحج ها السنه.., زياد\الله كريم بحاول والا انامسقط فرضي من زمان يا الله جاهزه بنمشي ما بقى وقت .., طلعنا للمطار وركبنا الطياره وطلب مني زياد نطلع لبيته بعد مانوصل.., وافقت ماابي اكسر بخاطره وصلنا بيت زيادبعد المغرب..؟ دخلنا سور البيت وانوار البيت كلها مولعه وشكل البيت من برى فيه حياه ذكرني با اول مره ادخل بيت زياد.., دخلت للبيت حسيته متغير زياد مغير الاثاث الي في الدور الارضي كله والمجالس.., ومغير صبغة الغرف توني اشوفها المره الي فاتت لماجيت للبيت حسيت في شي متغير.., لكن ما دخلت للغرف وزياد ما شجعني اشوف شي وريحت بخور.., اكثرما شدني غرفة امه مغير شكلها ورسوم ورودعلى جدرانها ومفروشه بموكيت غرف اطفال.. اشكال العاب والباب مغيره استغنى عن الجدار وخلاه شفاف الي في صالة البيت يشوف الي يدخل غرفة ام زياد.. زياد يبتسم\ها وش رايك با المفاجاءه.., عوق بدهشه \حلوه خصوص الوان الغرف ملونه الفكره الي انت رافضها سويتها.. زياد يضحك\ طيب و شفيك مكتئبه ما سمعتي ان الي يذم شي يطيح فيه.., عوق بحزن\زياد ليش سويت كذا بغرفة امك.. زياد مستغرب\ ليش ماعجبتك الفكره.. عوق\ لا با العكس حلوه لكن ..؟ زياد\وش لكن بيجي يوم تشكريني على ها الفكره خلينا نطلع فوق نكمل الجوله.., طلعت فوق عوق تبتسم\ الحمدلله غرفة الاشباح على حالها.., زياديضحك\هذي انا تاركها لك متى ما بغيتي غيرتها لك تعالي شوفي غرفة النوم.., دخلت لغرفتي تفاجئت منها تغييرات بسيطه مغير اتجاه السرير ومفرش شكله حلو.., عوق با عجاب \ما شاء الله عليك والله مجهود.. زياد\الله يسلمك هذا المفرش الي وعدتك فيه تذكرين مفرش زوجة نواف هذا اغلى منه للغاليه ام نمر.., عوق بخجل \الله يسلمك بس شكلك تعبت.. زياد\ما قصروا خواتي والخدامات هم الي تعبوا.., عوق \علشان كذا قلت بشرى تبغى الخدمات لا والله ماقصروا الله يجزاهم خير.., زياد\توقعت ان بيصير في خاطرك اني ما اخذت رايك وانهم تعدوا على خصوصياتك.., عوق\ لا با العكس متعبين انفسهم على شاني وتبيني ازعل.., دق جوال زياد ورد عليه زياد\هذولا خواتي بيجون يسلمون عليك تعالي معاي.. عوق\لا انزل انت انا بنزل شوي.., زياد\لا تتأخرين.. فتحت دولابي ملابسي بمكانها ما تغير شي منها لكن ما ادري مقاسي اولا .., كلمت زياديطلع شنطه من شنطنا في ملابس لي اشتريتها من جده.. طلع لي الشنطه وطلعت لي لبس اخذت شور جففت شعري الي حسيته بدا يتساقط بكثره.. يمكن من فقر الدم ونقص كالسيوم بعد الولاده ولبست فستان قصير لونه خريفي اصفر على اخضر.., غيرت شكلي بمكياج خفيف تعطرت ونزلت.., كان موجود نجلاء وبشرى سلموا علي وتحمدولي با السلامه.., بشرى \ان شاء الله اعجبك بيتك بعد التغيير ..! عوق \ الحمدلله حلو.., نجلاء\تجديدك في بيتك اصلن يغير نفسيتك.. زيادبمزح\وخصوص الالوان الي اختاروها بناتكم حفله با الحالها.. عوق\با العكس الالوان حلوه مره.., نجلاء\الله يجبر بخاطرك لو يسمعونك البنات بينبسطون زياد رافض كثرة الالوان في البيت.., عوق بضحك\ كلهم ذوق .. زيادبتهكم مصطنع \كنت اضحك بناس صابغين غرفتهم وردي وربي عاقبني.., طلعوا بشرى ونجلاء طلبت من بشرى تاخذ خدامة صديقتها انا تكفيني خدامة امي.., وجلسنا انا وزياد.., زياد\ بكرا بيزورني صديقي الي وعدتك.., عوق\مومشكله كنت بتطمن بس على بيت امي .., زياد\لاحقين على البيت ان شاءالله وصديقي زعول ما ابي يقول اني اتهرب منه.. عوق\تبيني اجهز شي لك معين للعزيمه.. زياد\ لا صديقي مسوي ريجيم ما يبي شي.. عوق بضحك\غريب صديقك.., زياديهمس بحب\والله انتي اليوم غريبه وشكلك صاير جناااان على قولة بنات خواتي خوقااااااقي..’ عوق بخجل \من ذوقك هذا وبعدين كلمة خوقاقي كم مره اقول ما ابي اسمعها معناها ماهو بزين.., زياد با استسلام \حاضر كم عوق عندي.. عوق\زيادباخذ رأيك في موضوع.. زياد يبتسم بحب\خوذيني كلي لك ماهو بس رأيي.., عوق منحرجه\ انا ابي ارجع ادرس بااشغل نفسي احس لو بجلس كذا التفكير بيجنني.., زياد\ عندي فكره صديقي له واسطات قويه بقوله يوظفك وظيفه حكومي وش رايك.., عوق بفرح\صدق زياد اهم شي قريبه ماتكون بقلايع ودارين.., زياديبتسم\لا بتكون اقرب من ماتتصورين ما تحتاج مواصلات .., عوق\ يارب والله اتمنى على اني اكره المشي بعدين سواق امي موجود هو بيوصلني.., زياد\لا ان شاء الله ما تحتاجين سواق امك المشوار قريب اقولك ما يحتاج مواصلات.. عوق با استغراب \وش فيك زياد كلامك محير.. زياد\لا محير ولا شي بكرا بتعرفين المهم نجلاء بترسل عشى لنا بتعشى وانام لا تنسين تونا راجعين من سفر.., ارسلت نجلاء العشا تعشينا وطلعنا ننام وحسيت زياد فيه شي كنه يشوفني اول مره شكله عنده كلام ولا يبي يقوله.., صحيت على صوت المؤذن صحيت زياد لصلاه.. هو طلع للمسجد وانا تجهزت لصلاه وصليت الفجر.., جلست على سجادتي اقرا اذكاري... وراجعت حفظي للقرآن من زمان ماراجعت حفظي اخذني الوقت وانا اقرا قرآن ارتاحت نفسي اكثر واكثر.., الحمدلله امس كنت في اطهر بقعه واليوم اراجع حفظي لكتاب الله والله اني في نعم لا تعد ولا تحصى .., حتى فقداني لأمي وطفلي بديت اتقبله واحط اسوء الاحتمالات اصبر نفسي فيها.., يمكن لو عاشت امي اكثر بتتعذب من المرض وانا مافي يدي شي اسويه خصوص لوضع امي اجتمع كبر سن ومرض .., (اللهم إني أعوذ بك من الجبن وأعوذ بك من أن أرد إلى أرذل العمر وأعوذ بك من فتنة الدنيا وأعوذ بك من عذاب القبر) الشمس ارتفعت وزياد مارجع الي الآن معقوله طلع لدوام سيارته ماهي موجوده..؟!! ناظرت الساعه كانت سبعه ونص صباحآ.., باقي على دوامه نص ساعه يارب سترك .., كلمته على الجوال .. عوق بخوف\ وينك.. زياد\صباح النور تحت .., عوق\ سيارتك ماهي موجوده.. زياد بضحك\ وش قلنا مانبي مطالع مع الشبابيك .. عوق\ قلقت عليك مارجعت ولا هو وقت دوامك.. زياد\ها المره مسموحه دقايق وانا عندك.., انتظرت زياد بغرفة الاشباح ها الغرفه احبها وارتاح اذا جلست فيها عكس اسمها سمعت صوت خطوات زياد.., ودخل بوجهه البشوش ما ادري صرت اشوف وجه زيادغير .., ماادري هو انا تغيرت نظرتي لدنيا اوهو بفضل الله ثم دعائي ان ربي يسخرني له ويسخره لي.., زياد بحب \صباح كل شي عذب وجميل على ام النمر.., عوق تبتسم\هلابك شعندك نشيط اليوم.. زياد\ليش ماتناديني ابو نمر مثل ما اناديك ام نمر.., عوق تتنهد بوجع\ الحمدلله على ما قدر وكتب لكن احس قلبي يعورني لو بقولها لك.., زياد\ليش ها التشائم خليك متفائله وغيري لبسك والحقيني تحت.., عوق تناظر لبسها\ ليش موعاجبك وش تبيني البس.., زياد بتهكم مصطنع\يعني البسي قميص نوم وانزلي تحت مثلآاما عليك فهم مرات.., عوق بضحك\صدق ماني فاهمه عليك.., زياد بضحك\اقول بس البسي بطلع انا وانتي فهمتي الحين ولا تكثرين اسئله انتظرك با السياره.., استغربت من كلام زياد وخصوص انه لابس ترنج رياضي يعني مستحيل بيطلع دوامه ويطالبني اغير لبسي.., بدلت لبسي واخذت عباتي ونزلت طلعت لسياره الجو كان ربيعي حلو.., زياد يبتسم\حي الله ام النمر معك مناديل.., عوق با استغراب \الله يحييك ايه بشنطتي ليش تبي.., زيادبغموض\لا يمكن انتي تحتاجينها.., عوق بحيره\تدري اني ماعاد صرت افهم كلامك ما ادري وش تقول.. زياد يغمز بعينه\لا عندي لك مفاجئه اتوقع بتحتاجين كراتين مناديل لأنا بنغرق من الدموع.., عوق \بسم الله عليك ماجاتك السوالف الا داخل السياره لا انت الي ماشي ولا انت خليتنا نسولف داخل لبيت.., زيادبضحك\ماشين بنزور صديقي.., عوق بدهشه واستنكار\بتزوره بلبسك هذا والصباح وانا معك بالله وش فيك اليوم.., زياد\ عوق من بداية حملك لليوم تعرفين كم لك..؟ عوق بملل\اللهم طولك ياروح تسع شهور وزياده اتوقع.., زياد\لا تسع شهور كملتي امس مافي زياده.., عوق بضيق\وش الفايده كملت تسعه والا عشره المولود والله يعوضني فقدانه.., زياد بتردد\ومن قالك فقدتيه.., عوق تنزل قفازها وتلمس راس زياد\لا حرارتك طبيعيه ما تهذي وش الي مافقدته.., زياد بثقه\ ايه مافقدتيه نمر ينتظرك با المستشفى .., عوق بذهول وعيونها على زياد\وش تقول ما استوعبت كلامك.., زياد\اقول ولدك الي قد الكف صغنون ينتظرك با المستشفى.., عوق امتلت عيونها دموع\ليه كذبت علي وقلت مات.. زياد با استنكار\متى قلت لك مات والا جبت ها الطاري.. عوق تبلع غصه\يوم وفاة امي.., زياد\ماقلت لك شي انتي ما كنتي مستوعبه انه بيعيش وتوقعتيه هو الي توفى بدال امك وانا ما علقت على الموضوع.., عوق تبكي \ليه خبيت عني ما تخاف الله .., زياد\ماخبرتك لأن وضعك ما يسمح وبعدين ما خبيت عنك كثير خفت اعلقك با امل ويحدث لنمر شي مو متوقع.. عوق بملامه\يا قسى قلبك.. زيادبوجع\عوق لا تقولين كذا حتى لو كنتي تدرين ماراح تسوين شي كنت ابغاك تستردين صحتك بدون تفكير بولدك الي با المستشفى ..., عوق بوجع \تدري ما عندي شي اعاقبك فيه لا انت ولا كل الي كانواعارفين بوجود نمر ولا خبروني.., حرام عليكم لو على الاقل كنت ارضعه طبيعي وهذي حرمتني منها.., زياد با الم\تدرين الكل يظن انك عارفه انه باالمستشفى وصدمتهم في وفاة امك نستهم موضوع ولدك .., يبون يخففون عنك حزنك على امك والرضاعه الطبيعيه انا دكتور واعرف منك بها الاشياء.., انتي تعرضتي لصدمه واخذتي حبوب مهدئه ومسكنات اكيد بتضر طفلك اذا رضعتيه طبيعي.., عوق بقلة حيله\ماعاد للكلام معنى .., زيادبمعاتبه\شوفي عوق انا ماراح ازيد شي لكن انتي كنتي متشائمه من ناحية نمر وعلى طول عندك شعور انه ماراح يعيش.., عوق با انفعال \ كنت اقول كذا لكن بداخلي غير الي على لساني.., زياد يحرك السياره\طيب وانا اعلم الغيب وش عرفني في الي بداخلك احكم عليك من كلامك تدرين كنت خايف انك ماتتقبلينه.., عوق بتهكم \ما اتقبل ولدي كيف تجي هذي.., زياد\تجي كثير امهات الي يتعرضون لصدمات يصير عندهم اكتئاب ويكرهون اطفالهم وانتي بعد امك نفسيتك جدآكانت تعبانه.., وقفنا عند باب المستشفى ما حسيت با المسافه من كثر التفكير.., زياد يبتسم \انزلي علشان تشوفين صديقي الصدوق.. نزلت من السياره حسيت كل الكلام اختفى امشي ورى زياد بدون شعور هو يتكلم وانا بعالم ثاني..! وصلنا حضانة الاطفال غير الي شفت نمر فيها اخر مره.., زياد\ بوقع ورقة الخروج ارجع القاك متعرفه على صديقي.., تركني زياد اناظر الاطفال الموجودين اكيد عرفته مثل كل مره اشوفه فيها لكن ها المره غير.., كان اكبر وشكله مولودكامل باينه ملامحه وقفت عند سريره.., ماقدرت اطلب من الممرضه تعطينياه وقفت انتظر زيادوانا رجولي ماعاد تشيلني وقلبي يدق بسرعه.., حسيت اني طفله ابي الي يوجهني..؟! رجع زياد معاه اوراق في يده.. زياديبتسم\ تأخرت عليك شؤن المرضى توهم يفتحون علشان ورقة الخروج شكلك عرفتي صديقي ليش ما شلتيه.., عوق با ارتباك\ما ادري قلبي يدق بسرعه وايديني ترتجف.., زياد\لا يرحم امك لا تجيبين العيد يطيح منك انا بشيله عنك.., جاب لي زياد كرسي جلست عليه وكلم الممرضه تغير لنمر بلبس جديد شكل زياد شاريه له.., بسرعه لبست الممرضه نمر و لفته في بطانيه سماويه وكانت بتعطيني اشيله ما قدرت ارفع ايديني.. زياداخذنمر من الممرضه وطلع وانا مشيت وراه ركبنا السياره.. ونمر مع زياد واكياس الممرضه كانت شايلتهم.., زياد\امسكي نمر مالك عذر الحين ان شاء الله ما يطيح منك.., عوق بخوف\زياد ما اقدر اشيله للحين جسمي ينتفض.., زياد بضحك\يا خوافه.., نزل نمر لمرتبة السياره من ورى وضبط مكانه علشان ما يطيح ولا يتعور ورجعنا للبيت.., زياد بضحك\ للآن تحسين نفسك مضطربه.. عوق مرتبكه \مره ماني قادره اتماسك على بعضي.., نزل واخذ نمر معاه دخلنا داخل البيت ونزل نمر على الكنبه جنبي وجلس مقابلني.., زيادبمزح\ حي الله نمر في بيته وجنب امه الي خايفه منه.. عوق\ ماهو مسألة خوف لكن شعور غريب.., بكى نمر ما ادري وش فيه ناظرت لزياد.. زياد\الولد شكله جايع تعرفي تصلحي له رضعه والا اعلمك.., عوق مندهشه\ انا عمري ما تعاملت مع اطفال.. زيادبضحك\تدرين شكلي بنادي بنات ناجي يعطونك دوره كيف ترضعين ولدك شفتهم قبل كم يوم .. معهم اخوهم وحده شايلته والثانيه معها الرضاعه.., عوق بملل \خلاص لا تستهزئ بحاول اتعلم.. صلحت رضاعه لنمر قدام زياد وهو يناظرني ويضحك واخذته بحضني وارضعته.., زياد\شفتي كيف الموضوع سهل باقي المشكله الكبرى.., عوق بدهشه \وش بعد من مشاكل.., زياد\مشكلة كيف بتغيرين له والا كيف بتحممينه..؟! عوق بضحك \لا هذي يبيلها دوره عند نجلاء وبشرى ..؟! . . . (كلمه اخيره) إننـآ سُعداءْ وَ لكن لا ندري ! سُعدَاءْ’ إن عَرفنـآ قَدر النِعَم التَي نستمتع بها ، سُعدَاء إن طلبنـا السَعادة من أنفسنـا لا ممّا حولنآ* سُعدَاءْ إن كَانَت أفكارنـآ دائماً مع الله ، فَشكرنـآ كُلّ نِعمَة ،* وَ صَبرنـآ عَلى كل بَلِيَّة ، فِكنـآ رابحين في الحَالينْ ، ناجحين في الحياتيَن .. الحَمدُ للـه على كُلِ حَالْ* . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
يعطيك العافيه يا ام الوليد اخيرا في شى فرح عوق المسكينه شكل النهايه قربت صح
|
الله يعطيج العااافيه يام الوليد ،،
وتسلمين ع الإهداء ،، والله انتي اللي تستحقين باقة ورد اهداء مني لج ،، قصة نمور ( قررت ادلعه بنموررر :) اقول قصته ذكرتني بوحده جابت ولدها في السادس ،، والله كتب له حياه وكبر ويوم زانت اموره ،، مات غرقاً ،، كأن الله تعالى يعلمنا انو امور كثيره ،، منها اجل الانسان مو بمرض ولا كبر سن .. المهم انو عوق بدت تتماسك وانا اشوفها اصبر من زياد ،، وهالشي فعلاً يثبت لي انو المرأه تتماسك في بعض الاحياان اكثر من الرجال ،، والرجال اذا انهار ،، كان انهياره كبير جداً ،، ومايطلع منه الا بصعوبه ،، الحين عوق بتلتهي مع نمور وبتنشغل في حياتها الجديده ،، الله يكون ف عونها ،، وعون الجميع يارب ،، ابدعتي يام الوليد ،، موفقه خير يارب ،، |
البحرين وطيورها
وشمسها ونورها والارض وبحورها وسحابه وعيونها تقول لك : مساك حمامة سلام هالمره انا مسيت عليك مو جدتي :) اول شي فديت روحك يالغاليه ع الاهداء يا اني استانست لما شفت اسمي>>اول مره حد يهديني خخخخخخخخخخخخح ثانيا شرايك تعطيني رقم العوق عشان أي شي يصير اعطيها خبر و ما تنتظر زياد.. مزوووووووح مزوووووووح شرايك طيف مع كل بارت تكتبين اسمي مع اسمك توقعاتي في محلها لو كتبنا الروايه سوا ما بنختلف ..مزووووووووووح مزووووووووووح العمره مقبوله ان شاء الله وقرة عينكم..الله يخليلكم نمور عجبتني عوق كثير ..تسوي الشي اللي كانت امها تحب تسويه.. في هالبارت ما فيه ظهور لـ مشاعل..الله يستر من الجاي للأسف يالغاليه ما عندي توقعات للبارت الجاي لكن أكيد بكون بانتظارك .. |
اقتباس:
اعجز مثل كل مره عن مجاراتك مشاعل من صغرها ضعيفة شخصيه وهذا الي خلاها توصل للي وصلت له بنشوف وش يجي منها في البارتات القادمه عايلة مسلط ولله الحمد كثير اشباههم ناس واثقه من انفسها وقلوبها ماليها مخافة الله اسعدني مرورك يا الغلا اقتباس:
مشاعل بنشوف لها مواقف قادمه مع عوق عوق خلاص الحين تطور الموضوع ماعاد فيه بس سمعت بنات تركي وخالد اشياء كثير تجبرها انها تنسى ها العايله بنشوف وش راح يصير في البارتات القادمه اسعدني مرورك اقتباس:
هلا ومرحبا البارتات يوم السبت والثلاثاء بعد الظهر اسعدني مرورك |
يعطيك العافيه ام الوليد
ماشاء الله زياد اعصابه حاطها بثلاجه على عوق وكثرة اسئلتها الله يجمعهم ولا يفرقهم بانتظار الجديد من عوق ونمر الصغنون |
اقتباس:
الله يعطيك الف عافيه اشياء كثيره اذا استغلتها عوق بتفرحها صحيح خلاص نهايه الروايه قربت بأذن الله اسعدني مرورك اقتباس:
سبحان الله الموت ما يعرف لاكبير ولاصغير اذا جا جا عوق مجبوره على التصبر وطبع المرأه اصبر من الرجال ان شاء الله نمر يجدد بحياتها اسعدني مرورك اقتباس:
يا صباح كل شي عليك وعلى البحرين تستاهلين والله ينكتب اسمك عوق مأساه حاولت قدر المستطاع المع الصورة علشان تتقبلونها اسعدني مرورك يا الغلا اقتباس:
هلا وغلا هو من البدايه كان هادي والا ما كسب حب واحترام العايله الي احتووه وكانت له نفس المكانه حتى بعد ما توفت امه الي ربته بنشوف حياتها القادمه مع نمر اسعدني مرورك يا الغلا |
:peace::peace::peace::peace:
توقعي اخيييرا طلع صح بخصوص صديق زياد:dancingmonkeyff8: تسلمي طيووف البارت حلو وكانه بلسم لاحداث الروايه المؤلمه:55: ام الوليد يعطيك الف عافيه أختي على هالابداع الحلو |
السلام عليكم و رحمه الله و بركاته
صباح الخير و الرضا من الرحمن ام الوليد دايما مبدعه .. ربي يبارك فيج على كل كلمة تكتبينها ================= (( عوق و زياد )) و كأن غمامه الحزن بدت تختفي شوي شوي .. الله يتمم عليهم فرحتهم بنمر .. إذا كان عوق هالفتره حست انها سلت شوي عن موت امها فاللحين اتوقع نمر بيشغلها عن الحزن و التفكير فيه و خصوصا و هي تجهل كيف تتصرف معاه .. يعني تحتاج شويه دروس .. معني اتوقع ان الاهتمام بالطفل فطره من رب العالمين عند كل ام من تمسك ولدها راح تعرف تهتم فيه ... زياد سبحان الله هالإنسان متصالح مع نفسه جدا عشان جذي يحس بكل الأمور سهالات و تمشي مثل ما يبي .. إن شاء الله عوق تأخذ منه شوي و تنسى أهلها و أهل ناصر و كل شيء ممكن يضيق عليها ... ====================== سلمتي يا الغلا .. .. .. |
طيوووفه ياااقلبي تسلمييين على الإهدااء
وبالنسبه للبارت كان رهيييب وزيااد يوسع الصدر بكلامه امااعوق توجع القلب يووم درت بوجود ولدها واتوقع انها مع الأيام بتحن على مشاعل .. وام عوووق فقدتهاا وفقدت كلاامهاا وحكمهاا الله يرحمهاا.. طيوفه الله يعطيك العاافيه وبإنتظااارك يالغلا بإذن الله..* |
السلام عليكم ورحمة الله وبركاته
مسائك نقآء سلمت الأيادي ام الوليد سالفه اكثر من رائعه احلى ما مافيه لقاء عوق بولدها الظاهر ان المناديل لي موب لعوق شعور يعجز الانسان عن وصفه شئ فاقده ومؤمن انه راح خلاص وفجأه تلاقيه قدامك والله أني بكيت من موقفها وتخليت نفسي مكانها يمكن انجنيت تبرير زياد اقنعني والا كنت محظره له كلام وش كثره هو كان خايف عليها وعلى الولد في نفس الوقت وزين انك ما قلت لها الا لما ردت لها العافيه بس حرام عليك تضحك عليها وتسألها وشلون بتتصرف مع الولد كلنا في البدايه كن ما نقدر نسوي شئ ولا نعرف نتعامل مع الاطفال بس بوجد الام جعلها محرمه عن النار تعلمن وهي ياقلبي لا ام ولا أخت ترفق عليها شوي والبركه في خواتك يعلمونها حياة جديده بتعيشها عوق والحين يجي السؤال أطفال اللقطاء كيف تكون حياتهم وشلون يقدرون يتعايشون مع مجتمع نابذ أهلهم مهما كبرت منا صبهم وعلا شأنهم تبقى نظرة الناس ما ترحم في انتظار سالفة الغد بفارغ الصبر غاليتي ام الوليد الله يرزقك ما تتمنين |
السلام عليكم ورحمه الله وبركاته
الله يسعدك يام الوليد مثل ما انتي تسعدينا بسوالفك الراقيه والمفيده وجعل ماتكتبينه في ميزان حسناتك ويدفع به ربي عنك كل شر البارت احسه بارت العوق لقويه الي بدت تستعيد قوتها وتواجه الحياه بكل مافيها وهي مطمئنه بايمانها بربها ومن ثم نصايح الوضيح لهااااا صدقين يا طيوف اني مشتاااقه للوضيح وفي كل بارت احس بالغصه انها مو موجوده والى الان مو مستوعبه موتتها احس صار بيني وبينها ربااااط قوي كني والله عاشرتها وعشت معاهاااا ياسبحان الله دائما بيت يغسل الهمووم ويجلي الاحزان ويخلي الواحد صافي ويشحنه قوه وطاقه عجيبه انه يستمر بالحياه ويواجه صعوباتهااا وهذا الي صار للعوق روحتها لبيت الله غيرت نفسيتها بالمره واشحنتها طاقه تخليها تستمر ما اقدر اقول خلاص نست حزن امها لكنها ايقنت واقها وصبرت بقضا ربهااا وزيااااد الله يكثر من امثالك ويواجرك على الي تسويه بعوق والله لو واحد ثاني كان مااهتم فيها ولا راعى نفسيتها وحزنها كل هالمده على امها بس انت شخص نادر وكبرت بعيني اكثر يوم انك بررت لها انك خبيت عنها حقيقة وضع ولدها والله كل كلمه تقولها صح ومعك حق فيهاااا والله ماتنلامين يالعوق فعلاا موقفك مع ولدك شيء لايوصف وصعب انك تتماسكين قدامه لانك نك طالعه من ازمه صعبه عليك وكنتي مسلمه ان ولدك طير من طيور الجنه فجاه تلقين بين يدينك شيء لايصدق والحمد لله الي ربي عوض صبرك على فقد امك بنحاة اولدك وهو اللحين بين يدينك واكيد الشيخ نمر هو الي راح يلهيك عن الحزن وعن الدنيا ومافيها وبيكون منثل السحر الي يداوي جراحك ويلم شوي ويخليك تنظرين للحياهخ بمظار ثاااني وتتشبثين فيها بس عشان خاطر عيونه ام الوليد تسلم يدينك يالغاليه على كل حرف كتبتيه وكل جمله او فائده افدتينا بها |
السلام عليكم وزرحمة الله وبركاته
طيوف الله يعطيج العافية ويجزاج خير على هالبارت اللي تذكرين فيه الناس ان احسن ما نهديه لعزيز علينا متوفي اهو انا نتصدقله ونعتمرله مع الاسف ياكثر اللي ينسون هالشي ويندفنون باحزانهم والله هالزياد بلسم الله يحفظله وليده ويصلحله عوق اللي فكر بالعمرة لامهاتهم وزين سويتي لهالمسكينة يوم فرحتيها بوليدها اللي ظنته متوفي بس والله ما لمتها يوم ما قدرت تشيله وصابتها نفضة و الله لويغمى عليها شوي بصراحة خلص تعليقي مادري وين راح الكلام كنت بكتب اشياء كثيرة بس مدري وين مشت وخلتني وبالنهاية يا عسى الله يحرم كلج ومن تغلين ويغليج على النار.......نموره |
اقتباس:
الله يسلمك لازم يكون نافذة فرح مهما كانت الاحزان اسعدني مرورك الرايق اقتباس:
هلا وغلا صبوحه الحياه كذا يوم حبو ويوم مر قالها زياد لو ما كان متصالح مع نفسه كان انتحر ولا مستشفى شهار اسعدني مرورك يا الغلا اقتباس:
هلا وغلا با القمري بنشوف توقعك جدآ قريب اسعدني مرورك يا الغلا اقتباس:
الله سبحانه وتعالى عدل ورحيم ياخذ شي ويعطي اضعافه اللقطاء المذنبون الابرياء انا كتبت اشياء تخيلتها يارب تقنعكم ولامست الواقع اسعدني مرورك يا الغلا |
السلام عليكم ورحمة الله وبركاته
ربي يسعدك ام الوليد والف شكر يارقيه ع الاهداء لي الشرف ان يكون اسمي بداخل روايتك تمضي الحياه و بحلوها ومرها وتظل الذكريات ترافقنا عبر اوقاتنا بفرحها وحزنها رحلت ام عوق اواصبح مكانها خاوي بين صفحات الروايه ولكن ظل ذكرها ونفحات خيرها مستمره دموع عوق وهي عند الباب تنتظر الاطفال موجعه حد النخاع نتوجع لرحيل من نحبهم يظل تواصلنا معهم بفعل الخير لهم لحظات عوق مع ابناها كانت صدمه لم تستوعبها وربما هناك من وجد ان رد فعلها مبالغ فيها ولكن حين يصدم الشخص بشي استبعد تواجده في حياته لا يستوعبه العقل الا بعد مرور ثواني زياد انسان راضي عن ذاته ومن رضي بما كتب له ارضاه الله ورضي عنه وهذا مايحدث معه كان الصديق والاخ والزوج لعوق وكم هو جميل رسائله حين كان يتحدث عن صديقه كنت بكل لحظه اتوقع منها ان تقول انه ابنها لكنها بنت الجسور عن تواجده في حياتها ما استغربته وبشده كلام زياد اقتباس:
خوفي ليس على جيل اليوم بل الاجيال القادمه الان اصبح التوصيل شي عادي كيف سوف يكون بعد اعوام اجارنا الله ان نتعرض للعنه وغضبه علينا وجميع الحاضرين كنت متوقعه انه يبي يتاكد من شعرها حقيقي سلمتى ام الوليد بابداع سوالفك الشيقه الراقيه دمتِ بحفظ الرحمن |
بسم الله الرحمن الرحيم السلام عليكم ورحمة الله وبركاته مساؤكم فرح كفرحة عوق برؤية نمر صباحكم أمل كابتسامة طفل لا يعرف الهموم أم الوليد......... تقف الحروف حائرة أمام هذا الكم المتدفق من الإبداع والتميز في الطرح نقلتنا من حالة حزن مؤلمة إلى لحظات إشراق وفرح حين عانقت أرواحنا مشاعر عوق وهي تنظر لوليدها لأول مرة وهي لا تصدق أنها تراه معافى أمام عينيها بعد أن ظنت أنها فقدته مشاعر متدفقة وفرح أعجزها أن تحمل طفلها خشية أن توقعه من فرط سعادتها بمرآه صورة تتجسد لحنان الأم للحظات الفرح بعودة شخص فقدت الأمل بوجوده فهل نتوقع منها أقل من ذلك في هذا الجزء وبعيداً عما دار به من أحداث أردت أن أناقش مسألة أوردناها سابقاً حول حزن زياد وهل عوق ستكون أقل منه أو أكثر حزناً زياد حين فقد أمه تقوقع على نفسه وأبعد كل من حوله عنه وعاش حزنه لوحده ولم يسمح لأحدٍ ممن حوله أن يخترق جدار الحزن الذي أقامه حول نفسه وحين أرادت عوق أن تخرجه من هذا الحزن وإن كانت طريقتها خاطئة إلا أنه عاقبها بشدة ونفاها من محيطه حتى استفاق لنفسه واكتشف مدى الخطأ الجسيم الذي وقع به فهل كان لما مر به من تجربة مريرة ما أعطاه قدرة على التعامل مع وفاة وضحى ومحاولة إخراج عوق من حزنها أم أن تركيبة شخصية عوق وتعامل أمها معها في أواخر أيامها هو ما أهلها لتجتاز هذا الحزن بمأساوية أقل من زياد أم أن لتواجده معها في مثل هذا الظرف وعنايته بها وتواجد أم إبراهيم وعائلتها حولها هو ما ساعدها على التحمل وهل ما رأته أو سمعت به عمن حضر العزاء سواء من أهلها أو أبناء ناصر وتذكرها لوصايا أمها هو ما دفعها لأن تحاول أن تتقوى على حزنها لتواجههم وتحاول قدر المستطاع أن لا تظهر ضعفها أمامهم ليس من السهولة بمكان أن تنسى ولكن تبقى القدرة على التحمل هي ما يدفعها للمضي قدماً بحياتها فهل كانت بالفعل أقدر من زياد على اجتياز مأساتها أم أنها أضعف من ذلك بكثير!!!!!!!!! منظرها وهي تقف مكان أمها لتوزع المال على الأطفال مؤلم جداً خصوصاً أنها تعرف أنها لا يمكن أن تكون بديلاً عنها وأن من كانوا يأتون لها قد لا يأتون لمعرفتهم بموتها وهذا ما حدث بالفعل عند بداية وقوفها بالباب فلولا أن بعثت ريم أبناءها لما أتى الآخرون إليها غاليتي............. مبدعة كما عهدناك دائماً فلك كل الشكر على ما تمنحينا إياه من متعة المتابعة لا حرمنا الله تواجدك بيننا دمت ومن تحبين بألف خير |
اقتباس:
الله يسلم قلبك عبق الوضيح توقعت البنات بيتعلقون فيها علشان كذا خففت الصدمه ومن البدايه خبرتكم بموتها عوق لازم تتماسك وحيده بها الدنيا ماعاد لها الا الله ثم زياد بنشوف علاقتها بنمر ان شاء الله في بارت اليوم اسعدني مرورك يا الغلا اقتباس:
هلا وغلا الله يعطيك الف عافيه اكيد الاموات فعلنا لهم مافيه مجامله ولا خوف يعني بينك وبين الله وهو الي يجازي سبحانه عليه اسعدني مرورك ونقاشك |
اقتباس:
من اكبر نعم ربي علينا نعمة النسيان مجبور الانسان يساير ها الحياه التوصيل تعمدت والله اجيبه صرنا نشوفه بشكل خيالي اسعدني مرورك يا الغلا ونقاشك الراقي اقتباس:
والله انا الي اعجز ارد على كثير منكم احس اني لو بناقش ابخس حق جمال ردودكم ردك روايه رائعه داخل روايه متواضعه اسعدني مرورك يا الغلا ونقاشك الي اتمنى اني ما انحرم منه الي اخر بارت الي بيكون قريب جدآ |
هلا وغلا بطيوفه
مسائك معطر بالورد والريحان وطاعة الرحمن
مشكورة طيف الأحباب على الإهداء و مشكوره مره ثانيه ع البارت لا عدمنا حضورك الدائم. عوق والنمر السماوي حابه اشوف كيف تبي تتعامل معه بعد احساسها بالوحده من بعد موت الوضيحي اعتقد انه اكبر عزاء لها وجود ابنها بين عينيها لي بإذن الله تعليق عالبارتات قريب إن شاء الله بس حسيت اني غبت عن الرد عالروايه وقلت بتعذرني طيوفه وهالرد بس عشان تعرفين اني اتابع البارتات اول بأول من خلف الكواليس. وهذا والله بسبب الظروف اللي تجبرني اكون بعيده شوي دمتي طيوفه لأحبابك |
بسم الله الرحمن الرحيم
اللهم إنا نسألك بأنا نشهد أنك أنت الله لا إله إلا أنت أن لا تكل أهل سوريا إلي أنفسهم, وأن تحفظهم من بين أيديهم ومن خلفهم وأن تهيء لهم أمر رشد, وأن لا تسلط عليهم من يستبيح بيضتهم وأن تصلح لهم شأنهم كله, وأن ترحمهم برحمة من عندك فإنه لا ملجأ ولا منجى منك إلا إليك, مقادير الأمور كلها بين يديك لا يعجزك شيء في الأرض ولا في السماء, . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., للغوالي الي يسألون عن حكم توصيل الشعر الي ورد على لسان زياد متعمده والله اخليه من مبررات زياد لأني صرت اشوف شي مروع وكنت متوقعه ان وحده من الغيورات على الدين بتسأل عن هالنقطه علشان اجيب الحكم ؛ . . (حكم وصل شعر النساء: من عبد العزيز بن عبد الله بن باز إلى الأخ المكرم (س.أ.ج) سلمه الله، سلام عليكم ورحمة الله وبركاته.. وبعد: فأشير إلى استفتائك المقيد في إدارة البحوث العلمية والإفتاء برقم 1265 وتاريخ: 1/ 4/ 1407 ه الذي تسأل فيه عن حكم وصل شعر النساء. وأفيدك بأن وصل الشعر لا يجوز، ولا فرق بين شعر بني آدم وغيره مما يوصل به الشعر؛ لعموم الأحاديث الصحيحة الواردة في النهي عن ذلك. ففي صحيح مسلم عن أسماء بنت أبي بكر رضي الله عنها قالت: جاءت امرأة إلى النبي صلى الله عليه وسلم فقالت: ((يا رسول الله إن لي ابنة عريساً أصابتها حصبة فَتَمَرَّق شعرها أفأصله؟ فقال: لعن الله الواصلة والمستوصلة))، وفيه أيضاً عن أبي الزبير أنه سمع جابر بن عبد الله رضي الله عنهما يقول: (زجر النبي صلى الله عليه وسلم أن تصل المرأة برأسها شيئاً)، وفق الله الجميع لما فيه رضاه، والسلام عليكم ورحمة الله وبركاته.). . . البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., اهداااء خاص للغايبه الحاضره النوفي عمامي خوالي ام المزايين, بريق الماس,jello,ارتواء,اثرني احبه,اميرة الورد,همس الزوايا, عطر العبير,سعودية رايقه,احلامي كبيره,عزتي في كبريائي,بندقه , تحفة برونزية, دانة السعوديه. . . اليوم بنشوف عوق المزايين وكيف بتصمد امام مفاجئتين تكسر الظهر. يا الله تعالوا معاي...!! وسالفه جديدة؛ . . البارت الاربعون . . بعدمرور 3 سنوات على وفاة امي..!! نمر كبر لكن ما زالت احس مناعته ضعيفه بسرعه ترتفع حرارته ويتعب .., ما ادري هو قلب الام والا فعلن علشانه انولد قبل وقته..؟! با السنوات الي مضوا تعبت كثير كان ضغط علي ماهو طبيعي..! با النسبه لنمر كنت ام مبتدئه الكل يشرح لي كيف اسوي وكيف اعمل مع ولدي..!! نجلاء وبشرى وحتى بناتهم وخالتي ام ابراهيم وريم ما اتركوني .., لكن النظري غير العملي كلهم كانت تجيني منهم نصايح..؟! مع نمر مرات ابكي ومرات اضحك لما كمل سنه حاول معي زياد اني احمل لكن رفضت ما نسيت تعبي بحمل نمر وولادته..؟! عاقبني زياد عقوبه حلوه كملت رسالة الماجستير الي اجلتها والحمدلله توفقت والتقدير كا العاده جيد جدآ ما ارضى زياد..؟! لكن انا كنت سعيده ودايم اكرر لزياد خير الامور اوسطها.., انقطعت علاقتي نهائي باآل ناصرعلى الرغم من ان بناتهم كلموني على فترات متباعده خصوص بعد ماتزوجوا وانفصلو عن اهلهم كنت احاول اني اكون رسميه معاهم واكيد العذر الظاهر للكل ان اهلهم غلطوا بحقي.. وكنت مصوره لهم ان زوجي ما يحب العلاقات الاجتماعيه كثير ويتضايق منها.. لكن السبب الحقيقي ما كان الا خوفي اني افتح على نفسي باب من جهت اهلي .. فكنت احاول اسحب نفسي بهدوء من اي شي له صله باامي وضحى حتى ينسوني الجميع .., دق جوالي كان زياد.., زياد\صباح الحب.., عوق بضحك\هلا وغلاوش ها الروقان.., زياد\لا بس حبيت اخبرك اليوم الغداء خليه مبكر بطلع بدري.., عوق\ابشر تبي شي معين والا اطبخ على مزاجي.. زياد\لا على مزاجك بيجي احلى.., نموري صاحي...!؟ عوق \ايوا هذاك هو قدامي بغرفة خالتي يلعب.., زيادبتحذير\انتبهي له الولد حركته كثيره.. عوق\لا ما عليك قدام عيني ماقصرت على ها الفكره انك خليت غرفة خالتي الله يرحمها غرفة العاب مكشوفه الاطفال ما ينضمنون.., زياد بوجع\الله يرحمها ماعندي اغلى من ولدي ياخذ راحته بغرفة امي.., ومن هنا جتني الفكره غرفة العاب مكشوفه وتشوفينهم من ورى الجدار البلاستيكي الشفاف .., عوق \زياد معي خط تبي شي.. زياد\لا سلامتك لكن لا تنسين الغداء بدري.. سكرت من زياد والي كان معي على الخط خالتي ام ابراهيم كلمتها.., عوق بفرحه\ ياهلا ويامرحبا .., ام ابراهيم \هلابتس واخباركم بشريني انقطعتي لا تجين بيتس مثل اول ولا صرنا نشوفتس .., عوق\ خالتي ضغط علي وانا اسبوع هنا واسبوع هناك نمر يتعب تعرفين ماعنده مناعه.., ام ابراهيم \والله ماعنده ان شاء الله الا الخير لكن انتي موسوسه..! عوق بضحك\بشريني عن البنات..؟ ام ابراهيم \ابشرتس كل شي على ما يسر خاطرتس انتي مشغوله اليوم.., عوق\افضى لتس انتي تامرين.., ام ابراهيم \ما يامر عليتس ظالم اجل بزورتس بعد المغرب نمر بيشوف سميه.. عوق \حياكم الله انتي ونمر.. ام ابراهيم \ومعي ضيفه بتجي ترى مانيب الحالي .. عوق\ حياتس الله انتي راعية بيت .. ام ابراهيم \الله يوفقتس ويخلي لتس وليدتس بس عندي طلب صغير.., عوق بتوجس \قولي خالتي اطلبي.. ام ابراهيم \لا تعزمين احد انا والضيفه بنشوفتس الحالنا وهذا والله طلبها هي .., عوق\ ابشري من الي معتس خالتي..؟ ام ابراهيم \اذا جيناتس بتشوفينها لكن لاتنسين الي قلت لتس.., سكرت الخط من خالتي نوره وقمت علشان اجهز الغدا وعيني على ولدي.. من يوم بدى يميز نمر واحنا صارت جلستنا تحت وغرفة الاشباح حولتها غرفه لنمر.., مجرد ديكور والا ما ينام الا بغرفتي جهزت الغدا وصلحت حلى لقهوة المغرب.. من يا ترى الضيفه الي خالتي رفضت تخبرني عنها مر الوقت وكلمني زياد علشان اجهز الغدا.., وصل وتغدينا ونمر بينا مالي علينا حياتنا بحركاته.. الله يرحم امي يوم كانت تقول سقى الله يوم اشوف عويلتس ياعوق يلعبون حولنا.., زياديضحك بتهكم\تدرين عوق ان نمر على كثر حركته المفروض اسمه اوس , ضرغام , .., عوق تبتسم\ لله دره ها الولد كل اساميه وحوش .., زياد\وش رايك عوق خيرك الله بين اثنين اما انك تكملين دكتواره والا انك تجيبين لنمر صديق يونسه..! عوق \لا نموري للحين صغير..! زياد\ حرام عليك 3سنوات صار رجال ما شاء الله عليه.., عوق\لا والله صغير لكن علشان ماخذ طولك بسم الله عليه صاير شكله اكبر من عمره.., زيادبضحك\لا تتهربين اختاري.., عوق بضحك\ لا الحمل صراحه اسهل من الدراسه.. زياد يهز راسه \قرار صائب وتفائلي لا تخافين يتكرر معاك نفس اول حمل.., عوق \ان شاء الله .., اردفت عوق\اليوم بتجيني خالتي ام ابراهيم.., زياد \حياها الله بطلع اريح وصحيني على صلاة العصر..’ صعدزياد ينام ناديت الخدامه ترفع الغداوانا اخذت ولدي وطلعت ورى زياد.., دخلت الغرفه زياد على وشك انه ينام.., زيادبترجي\طلبتك عوق نومي ها المزعج بغرفته عندي دوام بعد العصر لازم اكون مصحصح.., عوق بضحك\ قلت لك نمر صغير وانت تبي بعداطفال.., زياد يبتسم وهو نعسان \شوفي اي اعتراضات او مواضيع بعد ما ارجع من الدوام مره خدران.., عوق بمزح \ابشر عمي بسجلهن بورقه علشان اتذكر وش ابي.., زياد بكسل\ذكريني بوريك شي غريب شفته اليوم.., عوق بفضول \وشو .., زياد\ بناااااااام تكفين اكسبي فيني اجر تعبااااان نام زياد وهو يسولف اخذت نمر ونومته في غرفته وقت الجوال على صلاة العصر .., نمت وصحيت على المنبه صحيت زياد لصلاة العصر طلع للمسجد.., صليت ونزلت معي نمر اجهز لزياد القهوه قبل يطلع دوامه.. تقهوى زياد ولعب مع نمر.., زياد يبتسم بتهكم \وش عندك لابسه برقع ام العوق.., ما تقولين ضيفتك ام ابراهيم وعادتك ما تتبرقعين عنها..ّ! عوق تضحك بممازحه \لا خلاص انا ناويه حتى نوم انام ببرقعي .., زياد بعصبيه مصطنعه\اما عاد علشان اذبحك مره وحده.., اردف زياد بضيق\انا خواتي بصراحه اتضايق اذارحتي لعزايمهم في برقعك.., عوق بترجي وحب\تكفى زياد لا يصير بخاطرك البرقع هو الي بقى من ريحةامي ويذكرني فيها ما ابي اتركه .., زيادبقلة حيله\اشبعنا ها الموضوع نقاش سوي الي يريحك..! عوق\انتو مستغربينه علشانه ماهو من عوايدكم وبعدين خواتك متقبلينه عادي .. اردفت عوق \بتتأخر اليوم.. زياد\على حسب الحالات متى ما خلصت رجعت .., عوق \وش كنت بتقولي قلت ذكريني .. زياد يناظر ساعته\تأخرت اذا رجعت ان شاءالله لكن بتنبهرين من الي راح تشوفينه.., عوق بتهكم \نشوف وش عندك يبهرنا.., طلع زياد وانا بديت اجهز لقهوة ام ابراهيم .., صليت المغرب وجلست انتظر ام ابراهيم كلمتها قالت انها قريبه من بيتي ... دقايق وسمعت الجرس .. فتحت الخادمه الباب دخلت ام ابراهيم ومعاها حرمه قلبي اوجعني من شفتهاعرفتها..!! سلمت على ام ابراهيم والثانيه ما كانت الا مشاعل يارب سترك ليش جات..! وش تبي بعد انا قلت خلاص نسوني بعد وفاة امي..!؟ سلمت بعدها على مشاعل الي ضمتني وهي تنتفض دخلتهم مجلس الحريم.., ام ابراهيم منحرجه\اسمحي لي يا بنتي هالاجوديه هذي طاحت علي في بيتي تقول تكفين انا بنتاخي وضحى الله يرحمها.. ومن غلاة وضحى ودي بشوفة بنتها وجبتها لتس بدون ما اخذ رايتس تراها من مبطي وهي تطلبني..! عوق تتنهد بوجع \صار خير حياها الله.., دق جوال ام ابراهيم وكلمت..؟! ام ابراهيم\ عوق وين وليدتس سميه بيسلم عليه هذاهو دق يستعجلني يبيه .., عوق\ لحظه خالتي اجيبه لتس .., اخذت ام ابراهيم نمر يسلم على ولدها ومشاعل تناظرني ما وخرت عيونها عني وقمت وجلست قريبه منها.., عوق من بين دموعها \ليه يا مشاعل انا ابعد عنتس وانتي تلحقيني..!؟ مشاعل ببكى\ما بي شي منك بس ابي اشوفك.., عوق بمراره\ادري انتي ما انتي محتاجتني لكن فكري بعقلتس والغي عواطفتس الي هدمت مستقبلتس با اول حياتس.., لا تجنين علي وعلى اهلتس شوفتس لي ما وراها الا الفضايح .., مشاعل بترجي \تكفين ابي كل سنه امرك مره وحده بس لو دقيقه اشوفك فيها تكفيني وتشبعني سنه كامله.., عوق بوجع وبصوت منخفض \انا ماني با الحالي تشوفيني وترجعين انا متزوجه واهل زوجي جنب بيتي.., لا يشوفون الشبه الي بينا والدنيا صغيره تقارن الناس بينا..! لاتهدمين بيتي يا مشاعل انا ماعاد لي با الدنيا الا الله ثم زوجي وهو رجال حساس ولايحب الفضايح.. شوفي برقعي على وجهي من ماتت امي ماشافوني الاغراب غير فيه.., لاتفتحين علي باب من جهت اهل زياد..! والله ان لمحتس وحده من بناتهم مانسلم من تشبه وتشبه.., ونصير علك بحلوق الناس وفاكهة مجالس كلن يألف علينا قصه.., وعقبها تنكشف الحقيقه الي دفنوها اهلنا..! مشاعل تبكي بترجي موجع \محد بيدري عني تكفين..! اذا بااجي عندك قبلها اكلمك على جوالك.., ترتبين لي وقت اشوفك فيه وبلبس مثلك برقع ولا احد بيعرفني..! تكفين اشفقي على حالي بيذبحني ويفضحني شوقي لشوفتك.., عوق بمراره والدموع تملى عيونها\وانا يعني ما ينشفق على حالي ما عاد همني نفسي ..! هذا انا تعايشت مع وضعي من زمان ورضيت بواقعي الاسود.., انا صار فيني رعب وخوف حتى على عيالي الي في علم الغيب ولا اعلم هم يجون والا ما يجون..!؟ نمر اذا كبر وش ردت فعله اذا عرف ان امه لقيطه ولا احد رضى يتزوجهاالا لقيط مثلهاكيف بيواجه حياته..؟! مشاعل تبكى\ياعوق المجرم الي يرتكب جريمه يحكم عليه بعقوبه ويقضي مدة العقوبه..! حتى لو سجن مؤبد عنده امل يمكن بيجيه عفو.., الا انا دفعت عقوبة جريمه جهلي واهمال اهلي لي..., 31سنه والي اليوم ما خفف عني الحكم وادري لو بينكشف وضعي بتضاعف لي العقوبه..., الناس ماتصدق يجي الليل وتنام ترتاح انا يبدى عذابي اذا اقبل علي الليل..! عوق تتنهد بحسره وتمسح دموعها بطرحتها \كلام با الماضي لا يودي ولا يجيب ولا يحل مشكله الي فات ما يرجع كان ترجع امي وضحى..! وكل شي له حل با الدنيا الا مصيبتنا..؟! خلاص مثل ما قلتي نتفق انا وانتي اذا بغيتي تجيني تلبسين برقع.., وانا بحاول تكون جيتك بوقت محد يشوفك فيه .., اهم شي عيال زوج امي آل ناصر محد من طرفهم يدري عن شي ولا تقولين انك من قرايب امي.., اوتطرين قدام احد انك شفتيني بيبحثون وراتس وتجيبين لنا المشاكل تهدمين بيتي وتفضحين اهلتس .. حتى خالتي ام ابراهيم اقطعي علاقتس فيها ولااسمع انتس مارتها.., مشاعل با امتنان وترجي موجع \خلاص ابشري اتفقنا والله والله ما اخلي احد يحس بشي بس تكفين شيلي برقعك بشوف وجهك شوي.., قطع قلبي شوفت دموعها الي كنها شلال وترجيها رفعت برقعي وقامت علي وحضنت راسي وحبت عيوني وايديني ..! ذكرتني بنفسي يوم كنت اشعر با الخوف اركض على امي وضحى احبب عيونها واشم شعرها..؟ دريت انها جاتني وهي مرعوبه وخايفه لكن غلبت خوفها ووصلتني.., سمعت صوت نمر يبكى وهذا طبعه يخاف من الي يشوفهم اول مره.., ابعدت عن مشاعل بسرعه خفت ام ابراهيم تلاحظ شي.., دخلت ام ابراهيم وشايله نمر يصيح.., ام ابراهيم بذهول\بسم الله عليتس وش له ها الدموع.., ام ابراهيم تتنهد بحزن\اكيد يوم شفتي ام نمر ببرقعها طرت عليتس وضحى كنها هي سبحان الله .., عوق تبلع غصه \ومن مثل امي والا يشبها لكن من كثر ماتشوفني معها صار يتهيئ لكم اني اشبها.., مشاعل بخوف وجزع\صادقه عوق صادقه ماتشبه وضحى هجاد ما تشبه لها.., التفتت ام ابراهيم لعوق\يا شين طبع ولدتس ياعوق من شاف نمر قعد يصيح والضعيف وليدي تروع من صياحه.., من اليوم نسكت فيه ونحاول ولا سكت بسم الله على قليبه.., اخبر البزران اذا ركبتيهم سياره يستانسون هذا لا والله ركبناه السياره ومشينا به مير زاد صياحه.., عوق \هذا طبعه يا خالتي ما يتعرف بسرعه يستنكر الوجيه ويصيح.., ام ابراهيم بممازحه\ لا والله من كثر ما انتي حابسه عمرتس وحاشره ها الضعيف لايشوفه احد.., الظاهر تخافين العيون مثل امتس وضيح الله يرحمها .., عوق تبتسم بوجع وتهكم\يالبى قلبتس ياخالتي انتس كاشفتني..., مشاعل با ارتباك\بسلم على ولدك عسى ما يبكي بس..! واخذت نمر مع يده ورحت به لمشاعل ضمته لصدرها ضمة حنان وهو ما قال شي جلس بحضنها.., ام ابراهيم بممازحه \يا العيار توك بغى يغمى عليك عند سميك والحين تضحك..! مشاعل \ يمكن ما يخالط ناس ويخاف..؟ ام ابراهيم \ايه الضعيف طول في المستشفى انولد بسبع شهورغير ان عوق دافع البلا ماتطلع .., مشاعل با الم \الله يخليه لعينن ترجيه.., ام ابراهيم بترجي \عوق يا امتس ادري ان في خاطرتس ما انتي راضيه عن زيارتي لتس انا ومعي هالحرمه..! هذي الي قلت لتس يوم عزا امتس تنشد عندتس.., والله لها 3سنين وهي دايم تدق علي تبيني اجيبها لتس تشوفتس انتي ووريعتس ... تقول ان الاجاويد معلمينها اني اعرف مكانتس..! وها الشوفه يا امي ماهيب ضارتس على شانهامن رحم وضحى الله يرحمها.., عوق تتنهد بحرقه\خالتي انا ماعلي ضررمن جيتها عندي .., البلا عليها هي لو بيلمحها احد عندي بيقول لأهلها الي حاربوا امي واقطعوا علاقتهم فيهاعلشانها كفلتني وانا معلمتس من اول با السالفة ايام وفاة امي لاعادت من ليالي.., ام ابراهيم \الله يكملتس بعقلتس يابنتي وها المسيار والله ما اطريه لأحدوهي ماهيب عايدتهاان شاء الله.., عوق بمحبه\ يا خاله انتي ما يجي منتس الا كل شي طيب..! اتفقنا انا ومشاعل على ها الحل وبدون علم ام ابراهيم وطلعوا من عندي هي وام ابراهيم .., مشاعل تمرني على فترات متباعده لكن بدون ما يحس فيها احد.., بكيت بعدما مشوا ما ادري وش السبب هل هو رحمه بمشاعل الي كبدي يابسه على قولت يمه ولا ني قادره اقولها لها والا خوف من الليالي المقبله .., تفاجاءت بصوت زياد داخل علي وبسرعه مسحت دموعي ما ابيه يلاحظ شي ولا يسألني .., زياد \مسا الخير ماشاء الله ضيوفك مشوا..! عوق بخوف وارتباك \ مساءالنور ايه كيف عرفت ..؟ زياد\ما يبيلها ذكاء تصادفت انا ونمر عند الباب مين الي مع ام ابراهيم ..!؟ عوق بذعر وتفرك ايديها وتلفت\هاه مين معاها ايييييه هذي وحده من معارف امي وتعز امي واجد وجايه تشوفني..! زياد با استنكار\استغربت شفت سيارتين عند باب البيت شكل الي من معارف امك جايه مع سواق.., اردف زياد بدهشه \طيب و شفيك كنك خايفه وانتي تقولينها ذكرتيني فيها..! عوق بخوف \من فيه! زياد\با الحرمه الي مع ام ابراهيم احسها خافت يوم شافتني بغت تطيح عند الباب.., عوق بهلع\ وش صار لها طاحت.., زياد با استغراب \ولا شي ما طاحت قلت بغت تطيح شكلها استحت مني.., عوق وهي تحط يدها على صدرها\الحمدلله.. زيادبدهشه\اماغريب امرك واذا طاحت وش بيصير عادي ..! عوق با ارتباك \لا ما ابي يقولون زارت بيت زياد وتعورت عندبابه وبعدين هي تعز امي..؟! زياد يبتسم\بغيت نمر يدخل يتقهوى ورفض يقول عنده امتحانات بس جاي يشوف سميه المزيون.., زياد يتلفت\وين ابو السباع المزيون ..؟ عوق \ما شفته..؟!! اكيد بصومعته معتكف..؟! زياد\لا انا على طول للمطبخ توقعتك فيه مامريت غرفة امي..؟! عوق\دخلت بعد ما طلعوا بجهز قهوتك.., زياد \بوقتها الحقيني الحقيني لبرج المراقبه ..؟! عوق تبتسم\والله يانمر خلاك تغير مصطلحات كثيره..؟! زيادوهو طالع \اقول بس لايكثر بسرعه القهوه ونزلي ها البرقع ضيوفك من زمان طلعوا..! صادق زياد نسيت برقعي علي نزلته وشفت وجهي بمرايه بالمطبخ يارب سترك وجهي يروع منحاس كحلي من الدموع.., واغسل وجهي وامسح ها الكحل الي يروع ..! ارسلت الشغاله تجيب شنطتي واحط كحل وروج جديد..؟! واطلع لصاله او مثل ما يسميها زياد برج المراقبه..! علشان فاتحه على غرفة خالتي صومعة نمر ونشوفه وهو يلعب..؟ عوق \كيف شغلك اليوم..؟ زياد \مثل كل يوم ضغط ماهو طبيعي .., اردف زياد بتوجس \ليش عيونك كذا حساسيه والا باكيه .., عوق\لا بس ها الكحل جديد على عيوني اول مره اجربه.., زياد بعدم تصديق\والله ما ادري عنك مرات تصيرين غريبه.. عوق با ارتباك \ لا غريبه ولا شي بغيت اسألك اليوم قلت ذكريني عندي لك شي.., زياد يتذكر \اوه صح بسرعه شوفي جوالي با الشاحن عطينياه.., قمت وجبت له الجوال وانا انشغلت اطالع نمر يلعب فتح الجوال وناداني..!؟ زياد\تعرفين الدكتور يزيد الي عزمته قبل فتره هنا..؟! عوق \ايوا الي تقول دكتور مخ واعصاب..؟! زياد يبتسم\عليك نور هو ارسلي رساله اثناء الدوام( زياد بسرعه ابغاك لا تتأخر) دقيت عليه يعطيني مشغول وعلى طول طلعت له اكيد فيه شي والا ما يرسل لي رساله.., وزادها ما يردعلى اتصالي لقيته يفحص على مريض دخلت وأشر لي اجلس بكرسي جنبه..! عوق \طيب انت وش دخلك وش بيهمك من حالته او وش بتفيده وانت استشاري نساءوهو اعصاب.., زياديبتسم \وش تتوقعين..؟! عوق با استغراب\والله ما ادري يمكن يبي يحول نفسه بنت ..؟! زياد يرفع حواجبه ويضحك \يحسدوني الي يعرفوني على ذكائك لااااااغيييييييير...؟! عوق با استفهام وفضول \اجل وشو..؟! زياد \هذامريض من معارف دكتور يزيدو جاي عن طريق واسطه..! مصاب بشلل كامل اثر حادث مروري وكم مره يراجع عند دكتور يزيد.., كنت اصب لزياد فنجان قهوه صبيت القهوه على يدي بدون ما احس.., زياد بسرعه يرفع الدله عن يد عوق\بسم الله عليك احرقتي نفسك ليليان بسرعه جيبي ثلج..! ماحسيت بحرارة القهوه ولا وجعها وزياد يعالجني بالثلج وبكريم حروق وانا صمت مطبق ما قدرت انطق كلمه...! النار الي شبت بين ضلوعي وجعها اكبر من حرق يدي.., زياد بحده واستنكار\وش فيك وش جاك انتي ..؟! عوق بشرود وتوجع\ لا هاه بسيطه ما تعور..؟! زياد \شكل يدك انحرق معقوله ما تحسين بوجع..!! عوق بألم \لا عادي كمل وبعدين..؟ زياد بدهشه\اخاف اكمل يجيك شي اكبر يمكن تطبين ساكته ..!؟ عوق بوجع\تكفى كمل وش صار..؟ زياد \ابد ما صار شي يزيد واعدني اذا جاه بيناديني..؟! عوق بقلق وفضول \وانت وش دخلك..؟! زياد بضحك\تذكرين لما عزمته هنا طلعت له نمر يسلم عليه.., وازعجني يقول في مريض يراجع عندي كربون ولدك وانا اقوله نموري وحيدآ فريدآ من نوعه.., عوق بذعروارتباك \كثير ناس يحبون يشبهون هوايه عندهم حتى لو ما في شبه يتخيلون..! زياد يهز راسه بتعجب \بلاك ما شفتيه والا ما قلتي كذا..؟! سبحان الله الرجال مريض با السرطان و كل جسمه متأثر من الحادث الا ملامح وجهه ما جاها شي يمكن اثر خياطه قديم..؟! لكن فيه مسحت وسامة ما اثر فيها المرض..؟! عوق وهي ترفع كتوفها تحاول اتفه الموضوع\ يمكن يخلق من الشبه اربعين..! زياد يفتح جواله\استعدي للمفاجئه..؟! عطاني الجوال الي كانت فيه الصوره من يوم شفته عرفته..!؟ قلبي حسيته كسر ضلوعي من كثر ما يدق ما كذب لا يزيد ولا زياد.., الصوره طبق الاصل من ولدي با اختلاف الاعمار..؟! زياد يسولف ويضحك وانا اطلب ربي ما انهار قدامه.., زياد بتأكيد \وش رايك يشبهه اولا ..!! عوق تعطيه الجوال ويدها تنتفض\فيه شي بسيط بعدين نمر اشباهه واجد دايم اصادف اطفال مثله..؟! زيادوهويناظر الجوال\ لماكان يفحص عليه دكتوريزيد صورتة بدون ما يحس شوفي الصور انتي ما شفتي الا وحده شوفيه..؟! عوق تصرخ بعصبيه \وش ابي بصوره حرام اتمقل بوجه رجال غريب واذا يشبه نمر وش يعني..؟! اردفت عوق\وبعدين انت وزميلك ماتخافون ربكم حاطين ها المسلم فرجه الي ينادي والي يصور..! زياد بصوت عالي وحده\هيييه انتي وش صار لك وش ردت ها الفعل الغريبه..! عوق تحاول تهدي الوضع \لا حبيبي ما في شي بس كسر خاطري شكله وخصوص ان فيه شبه بسيط من نمر...! ما احب الي يشبوهون ولدي يعانون..؟! زياد مستغرب \قولي كذا بسم الله روعتيني.. عوق با ارتباك \سلامتك بس امسح الصور حرام ..! زياد يرفع حواجبه \بمسحها لكن بوريها خواتي اول..؟ عوق بصراخ\لااااااااااااااااا زياد با انفعال \اعو ذبالله من الشيطان وش فيك انتي..!؟ عوق تبكي وتترجى زياد\لا تكفى الله يوفقك الله يستر عليك امسحها لا يشوفها احد الله يسترعليك ..؟! زياد با استغراب وخوف يضمها\بسم الله عليك عوق اذكري الله والله ان فيك شي تراها صور ما تستدعي ثورتك هذي..؟! عوق وهي تتمسك فيه\تكفى امسحهاالله يوفقك امسحها تكفي لانبتلي تكفى..؟! زيادبتاثر \لا حول ولاقوة الا بالله شوفي حتى ولدك جا يركض خاف عليك بمسحها بس اهدي..! اردف زياد\يا ليتني ماجبت لك الصور التوبه... حتى لو بشوف احد يشبه نمر ها المره با اربط عيوني عنه علشان ما اشوفه..؟! عوق ببكى وترجي\عطني الجوال انا امسحها... زياد يمد الجوال بدهشه\خوذيه مسحي الي تبينه بطلع فوق اغير وارجع حستي ثوبي الله يهديك بكحلك وروجك..! طلع زياد فوق وانا فتحت جواله وشفت الصور كنت امسح واتفرج..!! مره يضحك ومره مغمض عيونه ومره شارد اكثر من عشر صور كل صوره تثبت الشبه اكثر واكثر..؟! حتى حبة خال تحت عينه شفتها قبل كم يوم تحت عين نمر...!؟ ظنيته معور نفسه وعرفت انها بداية حبة خال بتصير بوجه نمر .., آآآآآآآه كل الدروب تجمعني فيكم اهرب منكم علشانكم وانتم تلحقوني.., عمري ما تمنيت اشوفك يا بدرلا حقيقه ولا خيال من عرفت بوجودك..؟ واليوم زوجي هو الي مصورك وبغيت افضح نفسي قدامه الله يشفيك لازم تنمسح صورك وكل اثر لك مسحت كل الصور.., وانا في داخلي اتمنى كل طريق يوصل لهم والا يجمعنا ينمسح.., عوق تأنب نفسها\وش فيك يا عوق اهدي يمكن شبيه بس وانتي بغيتي تنجنين وتفضحين نفسك ..؟ ياليته كان حلم والي في الصور مجرد شبيه عابر يا ليت ..؟!! نزل زياد وهو يحاول يسترضيني.., اخذ الجوال مني وجلس جنبي وضمني وحب راسي \هذي الصور ومسحتيها طيب ليش تبكين شوفي ولدك حاضنك وخايف...! عوق تمسح دموعها با اكمامها\لا مافي شي تو حسيت بحرق يدي..؟! زياد \ماهي سالفة يدك انا عارف السبب.., عوق التفتت برعب \وش عرفت.., زياد با استغراب \ تدرين انك متشائمه شوفتك لصور خوفتك على نمر..؟ يا شيخه الي كاتبه الله يصير وربي يحب التفائل خوفتيني حسستني اني جايب مصيبه تبكين وتترجين والله يسترعليك .., اردف زياد\ تدرين استغرب منك مرات ..!؟ عوق بخوف\ ليش ..! زياد \انتي انسانه ماشاء الله من تزوجتك عمري ما شفتك تهاونتي لا با الصلاه ولا بصوم ولا بنافله.., وحتى حجابك كامل لكن مرات اشوفك تجزعين وتتأثرين بسرعه .., الايمان با القضاء والقدر ترى ركن عظيم لو تمسكين فيه تغيرين اشياء كثيره بحياتنا.., عوق بذعر وتحضن نمر\مافهمت..., زياد \اقصد انك ما تخالطين احد وتتحاشين اي تجمعات عذرك خوفك من عيون الناس والحين خفتي على نمر يصير مثل وضع بدر..! عوق تغمض عيونها وتعض شفايفها\هو اسمه بدر..! زياد \ايوا بدر الــــ اهله معروفين اجتماعيآ اعرف واحد من انسباهم هو الي توسط له ونقل مراجعته هنا.., عوق تضحك بوجع ودموعها تصب..؟!! زياد با استغراب\وش فيك مره تضحكين ومره تبكين.., عوق با استفهام\ وهو تعرفه.., زياد بتوجس \ لا والله لكن اسمع عنه..ّ عوق تغمض عيونهابحسره والم \وش سمعت عنه.. زياد با استغراب من حالة عوق\ كل خير هو وحيد اهله وصار له حادث وهو صغير..؟! ترى ماهو كبير با العمر يمكن بعمري لكن حادثه كان شنيع اثر مره عليه..!؟ عوق تتنهدبوجع \الله يشفيه وش تعرف عنه بعد..؟! زياد بااستغراب\ما خبرك تهتمين با احد مثل كذا غريبه اليوم..؟!! عوق با ارتباك \لا ابد كسر خاطري... زياد\ سمعت ان زوجته معاه مساعدته على مرضه الله يجزاها خير قليل الي يسوي مثلها..؟! عوق بقهر\ما قصرت ما شاء الله عليها..!؟ زيادبا اعجاب \اي والله هذولا الي يقال عنهم اصيلات وبعد ترى هم مناسبين عوايل كثير.., عوق تبلع ريقها بخوف\ وش دراك عنهم.., زيادبتعجب \وش فيك انخطف لونك هم ناس معروفين وبناتهم كثير ما شاءالله كل وحده عند عايله لها وزنها با المجتمع.., عوق\ماشاء الله اشوفك تمدحهم..! زيادبممازحه \ لايكون غرتي من بناتهم..؟ عوق بسخريه\وليش ما اغار انت دكتور ومشهور..؟! زياد يضحك\والله ما اخبرك تغارين ويوم جات غيرتك ما لقيتي الا بنات ها العايله الي لو اطلع للقمر مشي ماوصلت لبناتهم.., عوق بذهول\اوف الي ها الدرجه لا تبالغ..؟! زيادبتأكيد\وش ابالغ هذولا كلن يدور نسبهم ومن حسن حظهم ان بناتهم كثير..!؟ اردف زياد\ على انهم ماشاءالله اخوين او ثلاث ماسمعت ان لهم عيال الا بدركلهم بنات..؟! عوق بشرود \لا هم بس اخوين..! زياد بدهشه \ تعرفينهم..؟! عوق با ارتباك \ها لا ما اعرفهم ولا ابي اعرفهم..؟! زياد با استغراب\اجل وش دراك انهم اخوين..؟! عوق\ايه بناتهم كانوا معاي بالجامعه وسمعت عنهم ..؟! زياد \اوه صح تذكرت يوم عزا امك جو من انسابهم يقولون بينهم صلة قرابه هم وامك وضحى الله يرحمها..؟! عوق بتوتروارتباك \ما اعرف احد يقرب لأمي منهم..؟! زياد بدهشه\وش فيك انقلب وجهك عادي ماهو ضروري تعرفين اي احد يقرب لأمك وضحى او تكون لك علاقه فيهم ..! لكن واحد من زملاء جزاع معنا با الاستراحه مناسبهم وجا معاهم للعزا سألته قال الحرمه المتوفيه تقرب لزوجته..؟! حتى استغرب يوم شافني موجود ..؟! عوق بتوتر \ماادري انا كنت با المستشفى يمكن هذولا الناس الي امي كانت زعلانه عليهم...! زيادبااستنكار \غريبه ليش...؟! عوق بتردد\هم قطعوا علاقتهم فيها علشانها كفلت لقيطه..!؟ زياد يتنهدبتأثر \ سبحان الله با الناس وش ذنبنا ليش احنا اخترنا نكون لقطاء..؟! طيب الي ما يبي يكفل يتيم لا يصير مغلاق للخير..؟! عوق بتوتر\انت لك علاقه فيهم ..؟! زياد\ لا والله هو زميلناالي با الاستراحة وبعدين ترى ساكن ورانا ماهو بعيد و يوم عزا امك قلبي وفكري كان عندك مافكرت مين جا والا مين راح..؟! عوق بخوف\الله يكفينا شرهم ويبعدهم عنا تكفى زياد لا يطري لك اني اختلط فيهم وبعدين خلاص فكنا منهم ومن سيرتهم.., زياد\ الله يستر علينا وعليهم والله ما جا في بالي تتعرفين عليهم اعرف طبعك ليش احرج نفسي واذا هم قاطعوا امك محد بيلومك لو ما تبين تتعرفين على احد منهم.., اردف زياد\المهم بيت امك الله يرحمها ترى اجرته لك..؟! عوق \ احسن ما سويت خصوص بعد ما انقطعنا عنه ..؟! زيادبضحك \والله انتي الي صرتي كسوله والا انا عادي عندي با العكس تغيير جو..؟! عوق تبتسم\تدري زياد لو انك ضغطت علي اني ما اروح هناك يمكن اعاند واصر نبقى على اتفاقنا اسبوع هنا واسبوع هناك..؟! زياد\تعرفيني ما احب اضغط عليك بشي ابغى كل شي تسوينه عن اقتناع وانتي ماصرتي تطلبين نروح هناك..؟! عوق\نمر تبهذل معانا واحنا كل اسبوع بمكان والا يعز علي اني اترك بيت امي وذكرياتي معاها..؟! زياد \ عشاك جاهز ترى ما اشوف الطريق بتعشى وانام عندي دوام...؟! جهزت عشا زياد وصعد نام وانا احس نفسي مرهقه اليوم كان من الايام المشهوده بحياتي.., سبحان الله تمر عليك شهور ما تحس فيها تجي وتروح..؟! ويجيك يوم احداثه تعادل سنين عمرك كلها اليوم عرفت ان الدنيا فعلآ صغيره.., مشاعل دخلت بيتي وجلست دقايق فيه كنها سنين على قلبي من خوفي ان احد يدخل علينا ويشوفها عندي..؟! كملها زياد مصور بدر بكل بساطه جايب صوره يبيني اشوف عجايب الدنيا..! مادرى انه من عجايب الدنيا انه متزوج بنت الي يقول لو طلع للقمر مشي ما حصل وحده منهم.., لازم زياد ما يعرف شي عن علاقتي بمشاعل وبدر والا راح تنهدم حياتي.. زياد مايشوف نفسه شي على الرغم انه قدر يخلي له مكانه با المجتمع عقدة انه لقيط مستحيل تنحل.., وراضي فيني مجهول نسب وتزوج وحده نفس وضعه ليش افتح على نفسي باب واكسر عين زوجي .. والمصيبه اني ماراح استفيد شي لا المجتمع راح يرضى فيني .., وبينبنى بيني وبين زيادحاجز بيشوفني افضل منه وهذا ما ارضاها لزياد الي حبني ويقدم راحتي على راحته... !!! بعد مرورسنه على اخر مره شفت فيها مشاعل انقطعت اخبار مشاعل وبدر..؟! حتى علاقتي في بيت ابوابراهيم قلت كثير مشاغل الحياه اخذتنا.., خلال السنه تنعد على الاصابع زياراتي لبيت ابو ابراهيم..؟ اخر زياره كانت قبل شهرين الجوهره ولدت بنت وزرتها في بيت اهلها..., نمر عمره الآن اربع سنوات وفي يوم اقترح علي زياد اقتراح.., زياد\عوق وش رايك ندخل نمر روضه.., عوق\لا زياد اخاف عليه بعدين احسه صغير.. زيادبملامه\حرام الي تسوينه با الولد بتعدمين شخصيته 24ساعه لا زقين في بعض انتي وهو ترى بتعانين بعد ماتولدين معاه..,! عوق برعب\ يويل قلبي ما اقدر اتخيل اقوم الصباح ما اشوفه قدامي.., زياد بضيق \تدرين انك تكسرين خاطري يوم اشوفك شايلته بطنك كبير من جهه وهو ماشاء الله شوي والا طولك..!! عوق تضحك\بسم الله عليه انا راضيه انت وش عليك.., زياد\ خليه يختلط با الاطفال انا كنت اكبر منه بسنه وداخل اولى ابتدائي.., عوق بضحك \اطفال اول غير اطفال الحين .., زياد بتذمر \وش فيه غير..! اردف زياد\تدرين خواتي يضحكون عليك ومن طريقة اهتمامك فيه..؟! عوق بغضب مصطنع\ اوريك فيهم وهذا جزاتي يوم اهتم با احفادهم اذا جو عند نمر يلعبون.., زيادبضحك \لا ماعليك بناتهم مبسوطات يقولون عيالناامن وامان عند عوق لكن نجلاء وبشرى مره منزعجين..! عوق با استغراب \ليه..! زيادبتردد\اقول ولا تزعلين..؟! عوق بتوجس \ عادي نجلاء وبشرى ما يجي منهم الا الزين.., زياد \لا بس ماهي معجبتهم طريقة حرصك على نمر يبونك تعطينه مساحه من الحريه..؟! عوق با ارتياح\ معاهم حق الله يجزاهم خير بس وش اسوي بها الوسواس..! زياد يبتسم\ والله انتي الي الله يجزاك خير الي تقبلتي كلامهم بحسن نيه.., عوق\ زياد ترى كثير اشياء ومن ضمنها النصيحه تقدر تاخذها على وجهين.., حسن نيه وسوء نيه فليش اتعب نفسي مهما كان سبب النصيحه اخذها على الوجه الحسن زياديصفق با اعجاب\تبارك الله يا ليتك بس شفتي خواتي يوم قالواها الكلام مترددات كانوا بيقولون لك بس خايفات تفهمينهم غلط.., عوق\لا عادي هم بعد مثل خواتي وهم محترمات شهادة حق.., زيادبحب\ انتي والله بعد محترمه ماهو مدح لك علشانك زوجتي لكن ما شاء الله عندك حدود وخطوط حمراءلكل شي ...! عوق\اوف اوف كل ها المدح انتبه لاتكبر راسي ..؟! اردفت عوق\ شوف زياد انا متبعه حديث ماشيه عليه بحياتي( من حسن إسلام المرء ترك ما لا يعنيه).., ولا احب انبش بخصوصيات خلق الله والا افسر ضنونهم.., زيادبحب \الله يخليك لي لو ان عندك بعض حركات الفضول بعض المرات.., عوق بملامه\انا فضوليه حرام عليك.., زياد يضحك بتهكم\امزح معاك انتي ابعد ماتكونين عن الفضول المهم ترى احتمال تتنومين خلال ها الاسبوع .., عوق بخوف\ليش انت تقول حملك تمام .., زياد بطمئنه\ لا الحمدلله كل شي تمام لكن انتي حامل بتؤم مانبي مضاعفات او يحدث شي احنا بغنى عنه والا كل شي كويس.., عوق بتذمر\ لا عاد شف اي شي الا التنويم ونمر وين اخليه تدري ما يقدر يبعد عني..! زياد \ لاحول ولا قوة الا بالله والله انتي الي ما تقدرين تبعدين عنه.., عوق بتردد\طيب ما تقدر تدخله معاي للمستشفى..؟! زياد \شكلك اقتنعتي با التنويم .., عوق\لا بس ما ابي اعرض الي في بطني للخطر يكفي هبالي يوم حملي بنمر اخذت درس.., زياد بتهكم \كله كوم ويوم انك منكره انك حامل كوم..؟! عوق بضحك \المصيبه اني خبرت اثنين من المدرسات غير شكلي الي باين اني حامل لا وبعد مصره ان مافي حمل الله يستر ها المره..! زياد بطمئنه \ لا ما عليك الا العافيه كل فحوصات والاشعه كويسه واحتمال كبير تولدين طبيعي.., عوق \زياد انت متأكد انهم بس اثنين ..؟! زياد يبتسم\ ايه اثنين ليش تسألين حاسه بشي ..!! عوق با ارتباك \لا بس تذكرت الحرمه الي قلت لي عنها زمااااان.., زياد با استغراب \اي حرمه ..؟! عوق\ الي ولدت اربعه ولقيت الخامس بينهم.., زياد بضحك \ تذكرتها لا انتي مختلفه عنها تمامآ..؟! عوق\ ليش وش مختلفه فيه يمكن فيه غير الاثنين وانت ما شفتهم با السونار..؟! زياد \اول شي هذيك كان حملها اذا ماني غلطان كان عن طريق منشطات ومحفزات لكن انتي غير حملك بتؤم طبيعي.., عوق تبلع ريقها بخوف\يعني شلون يعني كل مره بحمل بتؤم..؟! زياد \ لا اقصداحتمال حملك يكون بسبب وراثي عندك يعني فيه لك عمه او خاله او قريبه كانت لها ولادات تؤميه هذا الي اقصده..! عوق با ارتباك\ لا ما فيه.. مافيه..؟!! زياد ب استغراب\ وانتي وش دراك حمل التوائم كثير يكون لها اسباب وراثيه.., عوق با ارتباك\لا وراثيه ولا شي هذا نمر كان واحد ويمكن اخذت اعشاب والا شي ما ادري عنه كان سبب بحمل تؤم..! وبعدين هذا شي من الله لا وراثه ولا شي اويمكن دعوة جزاع وريم ...؟! زياد\طيب لا تنفعلين الموضوع ترى ما يستاهل ردت فعلك يمكن دعاوي جزاع وريم..؟! عوق بتردد\ زياد..؟! زياد\نعم..., عوق\بقول شي لكن ماهو اكيد..! زياد بتوجس \قولي اسمعك..؟! . . . (كلمه اخيره) يَجِبْ أنْ نثِق أننِآ مَآ خُلقنَآ أبداً : لَ: نفشَلْ ! أوَ ل: نحِزنْ ! أو لـ نَكُنْ أُنآس بلآ هدِفْ ! يَجِبْ أن نَـثِقْ أنْ وجُودِنَا لـيسَ صُدفـَه .. وَ ليسَ رقماَ فَحـَسبْ .. وجُودُنآ ل حآجَهْ ) ! آنآ مِوجودِ : لآن آلكِونْ يحِتآجنيَ ولآن آللهَ مآزآلْ | يمدِ فِيَ عمريَ كلْ صِبآح . . لَ: آنآلْ نصِيبيَ منْ آلطِآعهه وآلفِرح وآلآنِجآزآتَ ثِقتنآ بَ: آلله فِوقْ ( كلَ شِيءُ ) ، وآيَ شيءَ هِو : سِر سِعآدِتنآ … . وتفِوقنآ د : سِلمآنْ آلعِودة . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
الله يعطيك العافيه يا ام الوليد جزء روعه يحليها عوق شكلها بتجيب وضحى و العنود و اخ لنمر اتوقع بتقول لزياد انها تحس ان في بطنها اكثر من اثنين الله يسعدها و بفرحها بعيالها
|
:
يبدو ان عوق بات ينه روحها الحنين الى والدتها وضحى ..فكان في و جهها مشاعل وبدر ...تلك الشهقه خوفا عى مشاعل ذاتها لا انكشاف شيء من الحقيقه والا لما قبلت عوق المهادنه بوضعها في زيارة مشاعل لها بترتيب من عوق بدر ..صحيح انه لا يعرف ان لديه ابنه ...؟ لا اعتقدت انه يعرف واشترك مع الجميع في محو هوويتها ..في بدايه كلام زياد كانت خائفه تم مشفقه وعند محو الصور حنين تحاول ازالته بترديد هذه العائله يجب الابتعاد عنها ترى ماذا ستكون ردة فعل زياد اذا توصل للحقيقه ... تخمين ربما في ولادة عوق تبدى مرحلة هذيان عنهم ..او احدى قريبات زياد تنقض على جلسه لها مع مشاعل عموما يتقبل بدر وجود ابنه له ...ممكن تطلع للملاء اشاعه انها ابنته من خادمه ..وجدها بعد طول بحث ..بذلك تأخذ عوق اسم والدها و مشاعل بصفة زوجة اب ...بس الكارثه زياد >>>>>عذرا ع التاليف فصل جدا رائع شكرا لك |
يسعد مساكـ
و تسعد حياتكـ من أولها لتاليها سلمت يمينك على كل حرف كتبتيه مشاعل زارت العوق في بيتها..و زياد صور بدر عشان الشبه اللي لا حظه.. معقوله هالشي بيمر مرور السلام؟؟ توقعت العوق تصد مشاعل بخصوص الزيارات وبعد توقعت ان الشبه بين بدر و زياد بيكون له رده فعل غير اللي شفتها بالبارت..!! شكل السالفه بنهايتها طيوف ..صح.. بانتظارك يالغاليه .. |
وبعد توقعت ان الشبه بين بدر و نمر بيكون له رده فعل غير اللي شفتها بالبارت..!!
يا كثر الاغلاط الكتابيه عندي:) .. |
السلام عليكم
مساء الخير ام الوليد مشكورة ياقلبي على الاهداء والله يعطيك العافية ويسلم يدينك بارت موتر للاعصاب موثير ومشوق ضرب بالراس توجع كيف ضربتين الله يعينك ياعوق مشاعل وبدر مرره وحده قوووووية حيل ياخوفي عوق تقول لزياد بان بدر ابوها .... القفلة مشوقة حيل الله يوفقك ويسعدك انتي واحبابك ومشكورة على الاهداء مرة ثانية |
السلام عليكم و رحمة الله و بركاته
مساء الخير و صباح الرضا من الرحمن مبدعه يا ام الوليد ..بارت موجع جدا لقاء عوق و مشاعل ما ينوصف -------------------- " عوق" رده فعلها في لقاء مشاعل تعور القلب الرعب اللي عاشته في هاللهحظات بساوي عمرها كله .. خصوصا ان هالسر ان انفضح تروح كل حياة عوق معاه .. و كل العذاب اللي عاشته يصير ماله معنى .. و خصوصا بعد كلام زياد ان يوصل للقمر ماحلم في بناتهم لانه مستصغر نفسه قدامهم فلو عرف عوق من بنته حياتهم راح تنقلب فوق حدر .. و تتولد المشاكل فيها ... برود عوق اتجاه مشاعل يمكن شيء طبيعي بس احسها تحترق من داخل عشان القرب منها بس عوق هني ما فكرت بانانيه فكرت بالناس اللي عاشت كل هالعذاب عشانهم و هم رموها و لا اهتموا فيها نهائيا .. ------------ "زياد " زياد ما يهرول عبث .. ما اظن انه جاب صوره بدر بس عشان الشبه .. ما هو غبي ما يلاحظ ردات فعل عوق لما جاب هالطاري و خوفها من قربها من هالعايله .. معقوله يكون شاك في نسب عوق لهم ؟ .. سؤال اﻷحين بدر واعي للي يصير حوله و لا بس شلل في جسمه ¿ ---------------- " مشاعل " ياهي تحزن هالمراه الله يجبر كسر قلبها اول و تالي .. راحت ضحيه طيش شباب واهمال اهل ... --------------- سلمتي يا ام الوليد .. .. .. |
مسائك نقاء ام الوليد
ياربي هالجزء جزء حرق الاعصاب ولا الموت البطئ اتلفت اعصابي وانا اقراء بداية من زيارة مشاااااااااااااااااعل الى صورة بدر ردات فعل عوق بين شد وجذب احسها عاشت اصعب للحظات التناقض في ردة فعلها انها تحاول تبرر ثورتها خوفها من تتفاول على ولدها بالمرض وبين ردة فعلها الحقيقه لانكشاف السر تدرين طيف دام عوق فتحت الزياره للمشاعل بينكشف سرها لزياد وزياد ماهوب غبي يلقطها وبيربط بين الخيوط وين راحت وصايا الوضحي ياعوووق لاتهدمين الا بنته في السنين في للحظه ولو اخذتو كل الاحتياطات ماكل مره بتسلم الجره اقطع عرق وسيح دمه ولو انه صعب عليكم ياثنتين وخصوصا انك جربتي الامومه لكن احيان الظروف تعاكسنا ونقابل تحديات لازم نكون اقوى منها ياخوفي اذا ولدتي تجيك تزورك مشاعل ويشوفها زياد ولا خواته وبيربطون الشبه ععلى طول حتى لو لبسة برقع العيون تتشابه تدرين عاد عقب هالجزء جاني احساس 90 في الميه ان سر عوق بينكشف لزياد فقط وبينقلون من الديره بكبرها عشان خوات زياد مايعرفون ويبعدون عن مشاعل وزياد بنفسه هو الا بيطلب النقل حتى علشان عياله ياربي تمطر قلوبنا فرح فرح ف عز الكلام سكت الكلام |
هلا وغلا
ام الوليد ...... بارت روعه كالعاده اما عوق احسها عجيز وهي تسولف على مشاعل وتنصحها قلبت الأدوار بقولك بالبلدي احسها وضحا لهاجد على حصاه:c8T05285: >>>>>فيس يكذبيني وين تعرفين وضحا لهاجد صدق تربيت عجوز لا والموووت البريقع اللي متوثقه فيه وهي ماخذه ماجستير كله خواف من الشبه حمااااس ابي اشوف وشلون تحل المشكله ونكمل حياااتها تسلمين وننتظرك:flowers2::flowers2: |
اقتباس:
لله يعافيك بنشوف في بارت السبت وش بتجيب اسعدني مرورك يا الغلا اقتباس:
عوق مشكلة انها عارفه اهلها هي الي تعذبها اكثر يعني لو ما توصيات وضحى وبعدها جا خوفها على اطفالها ومشاعر نمر اكيد انها بتقتحم حياة اهلها لكن في عوائق كثير بنشوف توقعاتك وتسائلاتك في البارتات الباقيه اسعدني مرورك اقتباس:
هلا وغلا بنشوف وش راح يصير اقتباس:
اقتباس:
هلا وغلا مشاعل بنشوف عوق وفضولها وش راح يوصلها له اسعدني مرورك يا الغلا والله يقومك با السلامه |
اقتباس:
رعب عوق من مشاعل ماراح يساوي شي من الرعب الي بيجيها لو انكشف امرها حقيقه لو انتشر الموضوع كل التضحيات مالها معنى بنشوف وجهة نظر زياد من ها الشبه والعرق الي بيسيح دمه في البارت القادم اقتباس:
هلا وغلا هتونها الله يعين ها الفئه حياتهم من جهه عذاب ومن جهه احلام صادقه هتون صبة العيون ما تخفيها البراقع بنشوف مشاعل وش راح تسوي اسعدني مرورك اقتباس:
هلا وغلا اكيد بيصير لها تصرفات عجيز الي مربيتها عجيز اسعدني مرورك |
السلام عليكم ورحمة الله وبركاته
طيوف ما ادري شقول قلبي فيه كلام وش كثره بس موعارفة اقوله ابد مبدعة مافي شك تمررين نصايح من اول القصة لين هالبارت ومتاكدة لين اخر بارت بطريقة غيرمباشرة وبطريقة مهذبة وتخلي الواحد يقتنع من غير ما يتحسس مثل لما تنعطى النصيحة مباشرة مبدعة وذكية ونصوح بالخير الله يجزاج كل خير اليوم مالي نية اعلق عالبارت او الاحداث او الشخصيات مولان البارت ماعجبني لاوالله انه رهيب واكثر من رائع بس حبيت ابين منو طيف الاحباب بنظري بكلمتين وربي اني مستحية احسهم مو قدرج بس عذري ان القلب فيه اضعاف مضاعفة والكلام موساعفني اعبر احبج في الله عسى الله يحرم كلج ومن تغلين ويغليج على النار........نموره |
ام الوليد الله ييسر لك كل عسير
البارت يقطع القلب وخصوصا مشاعل تعاطفت معها ام ضحت بسبب غلطتها وهي بزر وجاهله بحثت عن احاديث عن الرسول توصي اولاد وبنات الزنا بابائهم وامهاتهم اذا عرفوهم ببرهم والدعاء لهم سمعت كلام لاحد المشايخ بهذا الموضوع ماشوف فيها ضرر عليك ياعوق اذا بردت قلب المسيكينه بزيارتها وزيارتك كقريبه لوضحى قريبتهم والبسي برقعك علشان مايلاحظون الشبه بينكم حياة عوق وزياد تتعقد وترجع تتيسر لهم بانتظار المزيد من اخبار عوق |
مرحبا طييوف
قبل يومين قريت رساله لدكتوره عن اللقطاء بكتني وزعلتني وربي وين وصلنا حاولت أختصر منها على قد مااقدر وحسبي الله ونعم الوكيل لا تَسَلْني عَنْ اسْمي ومَنْ أكُـــــونْ..... "لَقيــــطٌ " صَارَ اسمي بَيْن النَّاسِ مَعْلـــــومْ... شَقيٌّ أنــا بالعـَـارِ مُلاحَقٌ مَذمُـــــومْ......لا تَسَلْني أيُّ ذنبٍ جَــالَ منِّــي..... لِوِزْرِ غَيْري عَليَّ مِنْهُ جزءٌ مَقسُـــــومْ .......لَهُمُ السَّكرةُ واللَّهوّ بالفِتَنِ شُجُـــــون..... وعَليَّ الصَّبر عَلى العَــارِ أمَدَ الدَّهرِ مَسْجُـــــون.....لا تَسَلني عَنْ هُويَّتي في دَفترٍ مَكْتــــوب ....فلا أباً ولا أمَّاً ولا أخاً عليَّ شَفيقٌ رَحُـــــومْ .... ولا نَسَباً فالكُلُّ مِنّي مَجْهُــــولْ...... لا تَسَلْني بأيِّ مَوْطنٍ مَسْكُـــون.... عَلى عَتَبَاتِ البُيــوتِ, و جَنَبَاتِ الشَّوارعِ مُلقىً بِلا شَكٍّ أو ظُنُـــون.... علّهم منْ عَاري يخْلصــون.... ومني يُنقـَــــذون ولا يُفضَحُـــون.... لا تَسَلْني بأيِّ حالٍ أتَقَلَّبُ في الأرْبَعَةِ فُصُـــــول...... في البَرْدِ القَارسِ ارْتَعِـــدُ على الحصـــير كالثاكل المفجـــــوع ...... واجثو على ركبتيَّ أنتحبُ بكاءً وعويلاً, كطفلٍ حِيلَ بينهُ وبين ثدي أمه المكلـــوم..... وأحلّق بمقلتيّ من حولي كالذاهل المشــــــدوه ........ أبحثُ عن أبٍ وأمٍ قذفوني في غسَقِ الليلِ, بلا اسمٍ أو مكانٍ أو زمـــان !!!!.....ذروني أعلن حرباً ضروساً على مجتمعٍ مُتجبّرٍ قاسٍ لم يرحمنــي...... وبهوِّةٍ سحيقةٍ من الذلِّ والاهانة أودعنــي ....و يترنّم على أنقاضي بموشَّحاتٍ تطوي القفار وتعبر الأنهـــار.....على وتيرة "حقــــوق الإنســــان"...... يتغنى بها بين المحافل والجموع وفي الكتـــبِ!!.... دعوا عنكم الزيف والبهتــان..... ستقفون بين يديّ الواحد الديَّـــان .... تغفلون عني, وقد أوصاكم بي ربّــي...... وتُحذِّرون أطفالكم مني ذاك لقيـــط؟!...وكأن من يمسّني يعْيَ بمرضٍ مزمن, أو جراح سنان ليس له التئـــام!!.... تتدارسون قصتي عن ظهر قلــبٍ... وتجعلون مني روايةً تروونها للأطفال منذ نعومة أظفـــار..... فالأجل معدود والأمــد محصــور, ولقاء قاضي السماء ليس عنه محيــد, ليس عنه محيــد..... أمازلتُ وصمة عار عليكم, وعلى المجتمع أنا, وان كنت كذا, فأبصروني بجرمي, ودلوني كيف أتطهّر من ذنبي, وأنسيكم حكايتي------------ ويعطيك العافيه أم الوليد |
اقتباس:
الله يسلم قلبك نموره والله اتمنى ان البنات يستفيدون اقتباس:
لا تخربين علي البارت القادم السبت في احداث اتمنى يارب تقنعكم |
اقتباس:
مشكوره على هذا النقل الرائع بعد ما نزلت الروايه وحده من الاخوات ارسلت لي رابط كان لشيخ عادل عبد الجبار والشيخ غازي الشمري البرنامج عن اللقطاء الاتصالات والتقارير الي كانت عن ها الفئه شي يدمي له القلب احدى المتصلات لقيطه لها صديقه دكتوره تقول عقدة اني لقيطه مستحيل تتركني والله الشيوخ بكو بكاء مرير وش با اليد ما نقول الا الله يستر عورتنا ويأمن روعاتنا |
اهلا ام الوليد |
والله شي يحزن صراحه الي صار لعوق ومشاعل هذي ام مشتاقه ودها تمارس امومتها والثانيه بنت تبي تعيش حياتها بالنور وتتعامل وتتصرف بطبيعتها بدون خوف من الناس بس ارجع وأقول ان زياد عنده خبر من بعد المكالمه وأكيد انه جمع معلومات عنها وخاصه كلامه عن مشاعل يوم صادفها هذا اذا صادفها اساسا لكن هو وده يجس نبضها ....بدر يمكن ربي كاتب له الشفا والتعرف على زياد الي أكيد بتقوى العلاقه بعد الشفاء وتتشربك الاحداث بعدها هذي توقعاتي بس مدري صح او خطأ ...............الله يعطيج العافيه ويحفظ لج ويحفظ لي ذريتنا من كل سوء ويوفقهم بإمتحانتهم
|
سلامو عليكو
السلام عليكم ياجماعة الخير. ..... أنا جاية حاطة رجلي في التانكي ذالة القصة تخلص وانا مابعد سدحت تعليقي... بلفيت يعني اخترعت الذرة خخخخخخخخخخ
يا حيا الله أم الوليد... تراني أحبش في الله يا وخيتي... وأحبش من حب أنفاسوه لش... وهي اللي كلت مخي من كثر ما تمدح قصتش..... جان أجي وأتبطح هنيا أقرأ لين وصلت معكم.... أنا عاد مغبرة من زماااااااااااااااااااااااان عن التعليقات... ما أدري عادني أعرف والا ضيعت الدرب.......... المهم قصتش حلوووووووووة بالحيل... الوكاد إنها تشبه روحش الحلوة .... أخس علي والله أعرف أقول كلام حلو أنا ووجهي :peace: أول شيء وأهم شيء طبعا الفكرة الجديدة وتناولها بطريقة هم جديدة.. اللقطاء كظاهرة اجتماعية مسكوت عنها .. متعوب عليها خخخخخخخخخخخ... وبصراحة ياوخيتي حبيت لهجتش واجد واجد تحسينها مليانة حياة مهوب لهجة مغثة وإلا مملة... اللهجة كانت من الأشياء اللي عطت الرواية روح حلوة.... تمنيت لو ماكان نمر في البداية مع أمه... يعني تمنيت أعرف عنه من الأحداث... لأني حبيت نمر هذا واجد... لأني مابعد تنيلت وعرست وإلا كان حطيته تحت باطي :lol: عوق وزياد ياما فقعوا كبدي ومرارتي وكان ودي أصاقع بين رووسهم لين تنفقع يمكن ينصلح حالهم .. مشاعل أكثر حد كسر خاطري في القصة......... وأمي وضحى أكثر شخصية عجبتني... ذكرتني بناس :lol: وجد أم الوليد قصتش فيها شيء شفاف وحلو يجذب القارئ لها... لازم نشوف لش قصة ثانية وقريب.... وإن شاء الله عقب ما تخلص القصة أرجع واسدح تعليق ثاني.... طبعا عشان نفسي لأني لو سكتت وعندي حكي أغص فيه ثمن أفنقش... خوخة مرت هنيا وخلت بعض غبارها |
بسم الله الرحمن الرحيم السلام عليكم ورحمة الله وبركاته صباحكم أمل مشرق مساؤكم حلم يزرع البسمة على الشفاه أم الوليد................ كلما كتبت رداً عدت لأمسحه خشية أن أخدش جمال هذا الجزء الذي حمل الفرح والسعادة وجلب الأمل لقلوبٍ فقدت الأمل بوصل من تحب مبدعة ولا تصل هذه الكلمة لوصف مدى إبداعك يا راقية آلمني كثيراً أن ذكرت قرب نهاية هذه الرائعة ولكن لازال يحدوني الأمل ألا يطول بنا الانتظار لرؤية اسمك يضيء سماء وحي الأعضاء مجدداً بمولودة جديدة تفوق أختها جمالاً وإبداع عوق.............. لازال اسم هذه الصبية يحمل لها الكثير من الألم صدمتان ليستا على البال ولا على الخاطر فلم تكد تفق من صدمة زيارة مشاعل حتى تفاجأ برؤية صور والدها تملأ هاتف زوجها وكأن هذا الألم ليس له من آخر إلى متى ستظل تعاني من هذا السر الذي تحمله في قلبها وكيف ستنجو من الشبه القاتل الذي يحمله ابنها لجده وهل من الممكن أن تقع يوماً ضحية لهذا الشبه سواءً هي أو ابنها استطاعت اليوم أن تتخلص من الموقف الذي وُضعت به حين رأت صور والدها وذلك لخوف زياد عليها واقتناعه بأسبابها لتبرير موقفها ولكن كيف ستقدر مستقبلاً على التخلص ممن مثل هذا الموقف لو حدث مع غير زياد هي استطاعت أن تتخبأ خلف برقعها عن الناس ولكن كيف تخفي ابنها حين يكبر ويزداد شبهه بجده مشاعل................ عرفنا الآن من هي المرأة التي تزورهم في العام مرة وتحمل لهم الهدايا كما قالت عوق لنمر ولكن هل لازالت تزورها بالخفاء دون أن يعرف أحد أنها تزورها أم أن بدر قد مات وما عاد يهمها أحد وأصبح عذرها لزيارتها صلة وضحى لا أكثر دون التطرق لأي شيء آخر هل من الممكن أن تقوى شخصية مشاعل مع الأيام ومع قربها من عوق أم أنها ستظل كما هي طوال حياتها ظلاً للآخرين زياد............ كبير هو هذا الرجل في كل حالاته فهل يستحق أن يوضع في موقف يسيء إليه في حال عقد شخص ما مقارنة بين ابنه وجده أو أبناء خالاته وعماته هي تخشى عليه من هذه المعرفة ولا يمكن أن تعرضه لهذا الموقف ولكن ماذا لو وُضع بهذا الموقف من قبل أناس آخرين خصوصاً لو عرف علاقتها بمشاعل وأنها تزورها باستمرار هل ستسمح لهذا أن يحدث أم ستنهي علاقتها مجدداً بكل ما يربطها بهذه العائلة وتبعد الشبهات عنها وتصر على أنه يخلق من الشبه أربعين غاليتي.............. لا أدري كيف أصف مدى إبداعك سلمت يداك على ما خطتا وحرمهما الله عن النار بانتظارك دائماً بشوق دمت ومن تحبين بحفظ الله ورعايته |
بسم الله الرحمن الرحيم
اللهمّ منزل الكتاب ومجري السحاب وهازم الأحزاب أنصر إخواننا في سوريا على الطغاة الظلمة , اللهمّ احقن دماء إخواننا في سوريا , اللهم احفظ أعراضهم وأبناءهم وأموالهم , اللهمّ اجعل لهم من كل همّ فرجا ومن كل ضيق مخرجا , يا غياث المستغيثين ويا ناصر المظلومين , انقطع رجاؤنا إلا منك , ها نحن منطرحون ببابك , متذللون لجلالك , نسألك باسمك الأعظم أن تعجل بهلاك زمرة المجرمين , وأن تجعلهم عبرة للعالمين , لا إله إلا الله الحليم الكريم لا إله إلا الله العلي العظيم لا إله إلا ألله رب السماوات السبع ورب العرش العظيم. . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., اهداااء خاااااص لـ ضمني بين الاهداب , بنت خالة انفاس قطر, FARO7A ,للأوجاع قلـNــوب,موني موني , الصافيه ,صبا الجنوب,اللوتس الفواح,مشاعل,دوبي 55,وحيدة كا القمر, ميروكالاينالا,Joode15. . . اليوم بنشوف عوق المزايين والضيوف الجدد وعودة عهود.., . . يا الله تعالوا معاي...!! وسالفه جديدة؛ البارت الواحد والاربعين . . عوق\بقول لك شي لكن ماهو اكيد..! زياد بتوجس \قولي اسمعك..؟! عوق بتردد\انا من يومين احس بطلق لكن مكذبه نفسي..؟! زياد وقف بغضب\وشو .. وليش ماخبرتني وش تنتظرين ولا نسيتي الي صارلك..؟ عوق با ارتباك\ لايمكن اتوهم وش فيك عصبت ..؟! زياد\اقول بس البسي عباتك والحقيني لسياره..؟! عوق بخوف\زياد خايفه يصير فيني شي ...!ّ زياد يجلس ويتنهد ويمسح وجهه \ اعوذ بالله من الشيطان الرجيم ان شاء الله مافي شي بس بتطمن عليك وبعدين انتي اساسآ داخله التاسع من يومين.., لبست عباتي وتركنا نمر عند نجلاءوطلعنا للمستشفى عملي زياد سونار قال لازم تنويم..! التؤم روسهم تحك في بعض ومتضايقين ونازلين واحتمال اولد قريب..! عوق تبكي\ خايفه يصير فيني مثل اول.., زياد\لاحول ولاقوة الابالله انتي بس اهدي وانا متعمد اني احجز ك هنا..؟ علشان ترتاحين من المراكض ورى ولدك عمومآوضعك تمام ولا يحتاج تنويم.. عوق \انت تقول روسهم تحت كيف ما احتاج تنويم..؟! زيادبطمئنه\عادي انتي داخله التاسع هذاوضعهم الطبيعي .., عوق\طيب اذا كل شي طبيعي بطلع تركت نمر عند نجلاء يمكن يتعبها..! زياد بحده \نجلاء طفله ما تفهم للأطفال يعني مديرة مدرسه وعندها احفاد بتعجز عن ولدك ارتاحي ولا تفكرين الا بنفسك.., تنومت بقسم الولاده والي كان مشرف على حالتي زياد بنفسه عرفت كلام زياد كان بس يطمني..؟! لأن ثاني يوم كان معي اعراض ولاده..؟! يارب عونك ضاق بي كونك مامعي احد بغرفة الولاده الا ممرضات..., زياد عرض علي ان بشرى ترافق معاي بما انها ممرضه ورفضت.., ما ادري سحا منها والا اني ما ابي يكون لأحد علي فضل.., تمنيت بهالموقف امي واقفة عند راسي والا فارشه سجادتها تصلي وتدعي لي.., خوات زياد استغربوا مني اني طلبت اذا تعسرت ولادتي زياد يولدني سواء طبيعي او قيصري.., رغم احساس الاحراج منه الا اني حاطه قدام عيوني انه مالي بعد الله الا زياد... هو ستري وغطاي وانا ستره وغطاه بعد معاناه مع الطلق والآم الولاده قرر زياد ان ولادتي بتكون قيصريه.. انا تعبت والاطفال قلوبهم تعبت من الطلق وافقت على العمليه.. وفي غرفة العمليات ما فقدت الامل بالله كنت ادعي ان ربي يسر ولادتي الي اخر لحظه.. حتى وانا على سرير العمليات توسلت لله تعالى بكل عمل خير سويته انه ينقذ حياتي وحياة اطفالي.. تخيلت انهم يعيشون وانا اموت ومن بيبقى لهم ماعندي لاام ولا اخت تراعيهم لامن جهتي ولامن جهة زياد اثنينا مقطوعين.., دعيت الله انه يمد بعمري وعمر ابوهم ونربيهم هم واخوهم بما يرضى الله .., شريط حياتي كان يمر قدام عيوني امنايتي واحلامي طفولتي ومراهقتي الي ماعشتها.., عرفت قسوة امي كانت بمحلها حتى مشاعل جات في بالي وتذكرت كلام امي.., يوم قالت ان مشاعل يوم كانت حامل فيني تقوم وتطيح طفله وبطنها اكبر منها.., وش اسوي يا مشاعل مابيدي حيله ولا اقدر ابرك واعاملك مثل معاملة اي بنت لأمها.., هذا فعل يدينك ومجبوره انك تدفعين الثمن وتدفعينياه معاك. دعيت ان ربي يفرج همها وتسامحني على قسوتي عليها معاملتي لها من خوفي عليها.., تيسرت ولادتي ولدت طبيعي بفضل الله بعد 10ساعات من المعاناه من 6المغرب الي 4الفجر.. زياد \ الحمدلله على السلامه ترى نادر ما يولدون الحريم طبيعي با القسم هذا.. عوق بتعب\الحمدلله كما ينبغي لجلال وجه وعظيم سلطانه ماني مصدقه اني افتكيت.. زياد بفرح\ربي سهل امرك تدرين ثواني ونعطيك ابرة تخديرونفتح بطنك مباشره لكن رحمة ربي سبقت.. عوق بتعب \كيف التؤم..؟ زياد يبتسم\ما شفتيهم..؟! عوق\الا بس ما ادري شفتهم واحس اني ما شفتهم..!! زياد \لا ماعليهم طيبين انتي ارتاحي وذا نزلناك للجناح ان شاء الله بيكونون معاك.., حملي وولادتي بتؤم كانت صعبه وسهله بنفس الوقت اهون بكثير من حملي بنمر زياد كان عارف من اول شهر انهم تؤم.. لكن ماخبرني الا بعد الشهر الثالث كان يمهد لي بكل طريقه انهم اثنين علشان ما اتفاجئ.. حتى يوم قالي اثنين ما تفاجئت لأن امي وضحى معلمتني ان وسميه ام مشاعل اخر ما ولدت تؤم بنتين.., لكن انا الي اختلف عن ام مشاعل كان حملي ولدوبنت.. بعد ما نزلت لقسم التنويم كنت مهدوده بس ابغى انام على ان قلبي مشغول على نمر.. ما شفته من يوم تنومت زياد كان بيجيبه لي لكن خفت عليه من الامراض او اذا شافني يتعلق فيني ولا يطلع.., نمت وصحيت على طق باب الغرفه كانوا اهل زياد خواته نجلاء وبشرى معاهم عبير ومجد واصايل سلموا علي وباركولي .., نجلاء بفرح\ الحمدلله على السلامه وش المفاجئه الحلوه.. بشرى بمعاتبه \الف مبروك لو اني زعلانه منك.. عوق منحرجه\الله يسلمكم ويبارك فيكم لا يصير بخاطركم شي ما بغيت اتعبكم والا داريه انكم ما تقصرون.., اصايل\ما عليك عوق ترى امي تجاملك والا مندبله كبدها من خواتي داخله طالعه للمستشفى.., مجد\تصدقين خالتي بشرى معلقه عباتها عند الباب علشان ماتتعب تدورها.., تلبس وطيران للمستشفى تلحق بناتها هذي حامل وهذي والد.., نجلاء\ اذكري الله يا مجد محد سالم من لسانك.., اصايل\ عوق من الكبير البنت والا الولد.., عوق تبتسم \لا الولد اكبر من البنت بربع ساعه.., دخل زياد وهو يضحك\اصواتكم يسمعها الي بآخر الممر .., عبير \الف مبروك خالي ليش ماخبرتنا ان زوجتك حامل بتؤم.. زياد يضرب راس عبير بممازحه\ لو قلت لكم ماراح تفرحون مثل كذا مفاجئه احلى .., مجد تهز راسها با استنكار\يا نصبك يا خالي احلفك بالله وتحلف لي .., نجلاء بعصبيه \ بنت وش ها الالفاظ.., زياد يضحك\ماعليه نجلاء مجوده تتدلع على خالها.., التفت زيادلمجد\وش اسوي فيك قلتي اسألك بالله يا خالي حرمتك حملها بنت قلت لك ايه بنت وانا صادق.., مجد\تدري اني غبيه كنت احسب محد يعرف غيري وانك خصيتني بسر من اسرارك وخبرتني انها بنت.., وانا شايفه نفسي عليهم عارفه ان زوجتك فيها بنت.. اصايل\لا والله انا الي اغبى منك اكلت قلب خالي وكنت اقول عندي احساس انه ولد.. وهو يسلك لي يقول ماشاء الله عليك كيف عرفتي انه ولد خليه سر بينا مافي احد يدري غيرك.. زياد بضحك\طيب بالله وش كذبت عليكم فيه انا جا لي ولد وبنت ماكذبت عليكم.. نجلاء \ما عليك منهم بلو ط وعلقم صاروا حريم وبيعرسن وهن العقول الله با الخير.., عوق \عاد كل شي ولا مجد واصايل الا العقل والثقل ومحظوظين الي بياخذونهم.., مجد\فديت يا ناس الي يقدرون عسى ربي ما ياخذك ويخليك للمزعج الي اسمه نمر.., بشرى تبتسم\استغربت اول مادخلنا ما سألتي عن نمر.., زياد\ لا تذكرينها تراها اتصبر عنه.. نجلاء \الا جو الي بيخلونها تسحب عليه.., عوق وعيونها دموع\لا والله نموري محد مثله.. زياد بضحك \ما قلت لكم تتصبر الحين وش بيوقف ها الحنفيات اذا اشتغلوا.., عبير \عاد حنفيات عوق الله يعينك بتسبب فيضان با المستشفى .., مجدبمزح\وهذا مشكلة الي عيونهم كبار الحمدلله ان عويناتي صغار طالعه على عمي بنيان وهذي من مميزات العيون الصغار.., نجلاء بضحك\ الله يخس ابليسك عليكي اسلوب ما ادري كيف.., زياد \تعجبني بنت اختي كل شي تعتبره من صالحها ها الحين عيونك الي كنها عيون صيني ميزه..! مجدبسخريه مصطنعه \اكيد ميزه اجل عيون زوجتك الكبار ماشاء الله تبارك الله علشان ماتاكلني معجبتك استغفر الله بس.., مافي ميزه لعيونها الا اني ودي البس برقع اذا شفتها لابسته .., نجلاءتضرب على راسها بقهر\ والله مدحك ياعوق لها ماهو بمحله ترى اسلاك مخها ضاربه ها البنت.., عوق تبتسم\ وش فيكم عليها والله كلامه عسل على قلبي.. مجد\يلوموني بحبك يا عوق اهم شي بس ان بنتك مزيونه ترى دايم البنات هم الي يطيحون فيهاخصوص بعوايل المزايين يجون شيون.., اصايل\لا عاد يويلكم كانها شينه انتي وخالي..؟! نجلاء \يعني من بتطلع عليه شينه زياد وعوق كلهم ما شاء الله.., بشرى بضحك\والله هي ان شاء الله بتطلع حلوه اذا بس افتكت من دعاوي زياد.., زياد يبتسم\حرام عليكم وش قلت انا احد يدعي على ضناه.. عبير\والله انت يا خالي كسرت القاعده والا احد يدعي ان بنته تشبه جدتي العنود الله يرحمها.., زياد بحب وامتنان \ امي العنود بعيني اجمل نساء الارض ليت بنتي مثلها وبشخصيتها.., نجلاء بحزن\خالتي الله يرحمها ما يعرفها الا الي يقرب منهامن برى قويه وقلبها ابيض من حنانهاتبكي للي ما تعرفه.., عبير \خالي وين عيالك بنشوفهم..! نجلاء\اخترت لهم اسامي والا باقي..؟! زياد يناظرعوق \للحين بما اني رجل ديمقراطي المره هذي عوق هي الي بتسمي انا يكفي سميت نمر.., عوق\ اهم شي انهم يطلعون با السلامه والا الاسامي اتفق انت والبنات انا ماعندي مشكله.., مجد تناظر زياد بنص عين \انا اذكر ناس كانوا يقولون اذا جتنا بنت بنسميها على جدتي العنود.., زياد\ هذا الي انا مقرره واتمناه لكن بعدين شاورت نفسي لقيت ان ام عوق تستاهل بعد من يسمي عليها.., عوق بحزن\ لا امي وضحى ماراح اسمي عليها هي حالفه اني ما اسمي بااسمها تبي البنت العنود عادي .., بشرى \سبحان الله الطفل ينولد واسمه مكتوب له حتى لو اتفقتم تسمونه اسم معين ..! زياد\صادقه بشرى انا قبل كنت مقرراسميهم على ابوي مساعد وامي العنود لكن الحين احس اني احترت.., اصايل \والله بكيفكم اهم شي بنشوفهم ولا حقين على الاسامي.., زياد \با الحضانه توني جاي من عندهم.., عوق بخوف\ لا يكون فيهم شي..؟! زياد بطمئنه\ طبيعي الوضع هم اثنين وكانو شوي ضاغطين على بعض.., ومعاهم صفارلازم يقعدون فتره هنا نتطمن عليهم يومين با الكثير ويطلعون.., عوق تبكي\ الحمدلله على كل حال.., نجلاء \وش فيك عادي عبير بنتها فيها الصفار تحت الضو ء اقل من اسبوع واطلعت .., عبير\احمدي ربك ليش تبكين ارتاحي لا حقه على شقاهم.., عوق\نفس الكلمه انقالت لي يوم اولد نمريعني لازم كل ولاده اسمع هالكلمه.., بشرى \ لاحول ولاقوة الا بالله الحمدلله هذي ولا غيرها البارحه نمر بسم الله عليها لو تشوفينه ذبح خليل يمعط بشعره.., زياديضحك\والله قهرني بلي سواه بخليل لكن ناجي حلف اني ما اقوله شي عنيف ها الولد.., اصايل\خليل يا قلبي خكري ومع ها الكدش الي مسويته دينا صاير شكله خطير.., مجد\لا عاد فرق اشكالهم على ان نمر اصغر منه ما شاءالله شكله ابوه يوم يسحبه ..؟! نجلاءبقهر \زياد تكفى لا توقف بحلقي ها المره اي احد يجي يخطبها بزوجه وانا مغمضه.., مجد\ماعندي مانع اهم شي مزيون وطويل مثل خالي.., اصايل بسخريه مصطنعه\اما عاد مثل خالي شوفي ما ابي اقول تحبين كوعك يمكن تقطعين يدك وتحبين كوعك.., انتي متوقع منك كل شي لكن لو تحبين علباك ما يحصل لك مثل خالي.., مجدبخيبة امل مصطنعه \ اجل باشوف ولدكم الجديد يمكن يشبه خالي والا نمر ماله فيه الا طوله والا ملامحه لعوق.., زيادبممازحه\موافق لكن بشرط تثبتين لنا حسن سيره وسلوك حتى يكبر ولدي واخطبك له.., عبير\عاد خالي انت لاتستعجل على ولدك اتركه على راحته لا تزوجه الا وهو كبرك..! مجدبا استنكار\يا ظالمه كم بيكون عمري 100سنه..؟ زياد \الي اوله شرط اخره نور.., اصايل بضحك\ تكفون بنشوف التؤم مجيده احلمي يا ماما على قدك .. طلعوا يشوفون التؤم وانا اعتذرت اني تعبانه بشوفهم وقت ثاني.., خفت بداخلي انهم مثل وضع نمر ياترى ها المره من بيشبهون عيالي اهلي والا اهل زياد.. يارب ما يشبهون اهلي ان شاء الله يكونون مثل زياد واهله.. زياد مافي اي حلقة وصل بينه وبين اهله انا الي صرت اخاف اني القى احد منهم بأي مكان اروح له.., رجعوا البنات وهم مبسوطين.. عبيربا اعجاب \ماشاء الله عوق يهبلون عيالك.., مجد با استغراب\فرق بينهم وبين نمر.., نجلاءبعطف \يا قلبي عليهم.., عوق تبتسم\ليش ما يشبهون نمر.., نجلاء \الله يحفظهم لك شوفتهم تشرح القلب ولوانهم للحين مابانت ملامحهم غيير نمر يوم انولد.., اصايل \لا احلى بكثيرمن نمر.. عبير \الولد كن فيه شوي من خالي لكن البنت مختلفه تمامآ.., مجد \انا مافرقت بينهم ماعرفت البنت من الولد حتى خبرني خالي.., عوق \وين زياد مارجع معكم.., نجلاء \ما ادري احنا رجعنا لأن الزياره خلاص بتنتهي بنسلم عليك ونطلع.., عوق منحرجه\ الله يجزاكم خير ما قصرتوا كلفتوا على انفسكم.., بشرى \ احنا اهل ولا بينا كلافه وانتي والله تستاهلين كل خير.., مجد\اسمعي اذ بتولدين مواليد طخمان مثل الي شفت انا سامحه لك كلفي علينا كل سنه عادي.., نجلاء\اعوذ بالله اذكري الله هذا وجهي اذا جبتك معاي مره ثانيه.., بشرى بضحك\ عوق احشريها وخوذي من اثرها.., عوق بضحك \لا ما عليك انا احصن نفسي.., نجلاء\الأ ثر والصور خوذيهم الي من يوم شافوهم تصوير الي يشوفهم يقول عمرهم ما شافو اطفال.., اصايل\ومن وين بنشوف اطفال مثلهم تدرين ان عيال بناتكم يروعوني اذا جلست با الحالي معهم.. مجد\ خالي وعوق عارفيني عيني بارده وخصوص بعد وعد خالي لي انه بياخذني لعياله.., بشرى \والله الشرهه ماهي عليك على الضعوف الي يموتون فيك وينادونك خاله.., اصايل\امي وخالتي اجتمعوا يهزمزن اكبر قوه بشريه.., نجلاء \اقول قدامي للبيت ان شاء الله مع اول خطاب يخطبونكم كرت ذهاب بدون اياب.., انتهى وقت الزياره وانبسطت مع اهل زياد حسيتهم اهلي.., يتكلمون عن زياد كأنه من لحمهم ودمهم قلوبهم بيضا ماتعرف الحقد.., يد وحده تجمعهم على الرغم من ان بيتي وبيوتهم جنب بعض الا ان زيارتهم لي بمواعيد.. وانا نادر ما ازورهم ومع هذا عمرهم ماعاتبوني والا حاولوا يضايقوني ولا يتدخلون بخصوصياتنا اناوزياد.. عرفت كيف كسبوا حب زياد وتقديره وخوفه عليهم.., معاملتهم له من اروع ما يكون والله لوما اختلاف اشكالهم كان قلت زياد ولدهم.., تأخر زياد ما مرني غريبه وهو من يوم دخلت للمستشفى ما يطلع منه الا نادر يتطمن على نمر ويرجع.., جوالي اخذه زياد وقت الولاده ولارجعه للحين.., لبست عباتي بشوف عيالي طمنوني اهل زياد بكلامهم.., وصلت لحضانة الاطفال عرفوني الممرضات الموجودات اني زوجة الدكتورزياد وام التؤم.., وانا عرفت واحد من التؤم وكان الولد والبنت ماعرفتها حتى خبروني الممرضات.., صحيح كانوا صغار و في يديهم ابرة مغذي والضوء مسلط عليهم لكن افضل واكبر بكثير من نمر.., سبحان الله البنت ورديه وشكلها غريب يوحي انها بتصير شقرا.., على ان شعرها خفيف اويمكن على شان لونه فاتح ما يبين.. والولد نسخة زياد شعره طويل وكثيف فحمي وبشرته حيل بيضا.., حتى الممرضات يقولون اطفالك اجمل الاطفال الموجودين هنا.. تمنيت انهم يخرجونهم من الحاضنه لكن رفضت الممرضه تقول ما نقدر نخاف عليهم.., تقبلت كلامها والحمدلله على كل حال .., طلعت من عندهم ومشيت لقسم الولاده كان في حرمه حامل تتمشى بممر القسم عليها جلال وبرقع نادتني بعد ما تعديتها التفت عليها.., ....\انتي عوق عبد الملك..! عوق با استغراب وتوتر\ايوا تعرفيني..؟ .....\ماعرفتيني..؟! عوق\لا لكن صوتك ماهو غريب علي..؟ ....\ما تنلامين كم لنا عن بعض اكثر من عشر سنين..؟! عوق\انا ناسيه عشاي البارحه تبيني اذكر عشر سنوات ورى..؟! ....رفعت برقعهاوتضحك \ ماعرفتيني.., عوق بدهشه\ياربي كان ما انتي بعهود.., عهود تضحك\ الا بشحمها ولحمها والله اني اجود منتس عرفتس وانتي عليتس برقعتس وشوفي كم لناسنة عن بعض .. عوق تسلم بضحك\ يا مرحبا وش الدنيا فيتس.., عهود \ابد والله ربة بيت وانتي عسى ماشر وش عندتس هنا.., عوق\ والده وامشي مليت من الغرفه.., عهود بفرحه\ الف مبروك عقبالي يارب سمعت انتس تزوجتي من خمس سنين وبعدها انقطعت اخبارتس.., عوق \والله انتي الي انقطعت اخبارتس والا انا ساكنه هنا بيت زوجي قريب من بيت امي الله يرحمها.., عهود\ ماشاء الله انا رجلي ساكن بهجره بعيده ومتعوده اولد عنده لكن ها المره تعبت وحولوني للمستشفى.., عوق\ما تشوفين شر.., عهود\الشر ما يجيتس كم عليتس ورع ذا الحين.., عوق \هذي ثاني ولاده لي.., عهود بدهشه\لااله الاالله معرسه من خمس سنين وماغير ورعين.., عوق تبتسم \اجل وش تبين.., عهود تضحك بممازحه\ اقل شي اربع تدرين ان حملي هذا الثامن من غير الي سقطتهم.., عوق بدهشه \ماشاء الله .., عهود\حالف زوجي اني اولد له درزن ورعان.. عوق بتعاطف\الله يعينك صحتك اهم والتربيه بالزمن هذا متعبه.., عهود\ياو خيتي وش اسوي فيه تدرين اني من صلاة الفجر وانا اركض وراهم وبعد صلاة العشا انسدح على فراشي لو يثورعند راسي قنابل ما سمعتها من التعب.., عوق تكتم ضحكتها\ الله يعينك طيب مافي خدامه تساعدك.., عهود تضرب صدرها بهلع واستنكار\يويلي ويلاه رجلي لو سمعتس تقولين ها الكلام كان سواها سالفه فيه حساسيه من شي اسمه خدامات.., عوق\ ليش ..!!؟؟هو ضد الفكره ..! عهود \ضدها وبس البلا انه عمر ما دخلت بيت اهله خدامه لكن من كثر ما يسمع من اشاعات تعقد بدون لايجرب.., عوق\حاولي تقنعينه..., عهودتهز راسها بحسره\يقول ميدي كان تبين احد يساعدتس اعرست على مره ثانيه تساعدتس.., عوق تضحك\ عسى ما اعرس بس على ثانيه.., عهود\لا ما اعرس قلت له تعب الجسم ولا تعب القلب.., عوق بقلة حيله \الله يكون بعونك احتسبي الاجر وبيعينك الله .., تركت عهود تمشي با الممرات وانا دخلت غرفتي عجيب حال الدنيا.., هذي عهود الي كانت مقومه المدرسه ومقعدتها معجبات وحركات.. من غير قصات شعرها الغريبه.. الممرضه جابت لي جوالي ارسله زياد معاها كان كله اتصالات .. من زيادوخالتي ام ابراهيم .. ورسايل معاتبه من ريم ليش ما خبرتهم اني حامل بتؤم.. كلمت زياد وقال ان خالتي ام ابراهيم كلمته وبتجي تزورني, دقيت على ريم وردت على طول .. ريم بغضب \ولا كلمه زعلانه عليتس لو تعتذرين من اليوم لسنه الجايه ما قبلت عذرتس.., عوق بضحك\ شوي شوي طيب خلينا نتفاهم.., ريم بعتب \ مافي تفاهم ليش ما خبرتيني انك حامل بتؤم.., عوق بضحك\هديتي علشان اقولك.., ريم بتعجب\ انا عمري ما شفت احد مثلك ماشاء الله عليك.., انا على طول من يوم احمل والا اعرف نوع الجنين كل الوطن العربي يعرفون معي .., والله صدق انتس بنت عجوز .., عوق\يا ريومه انتي احسن مني انا ما احب اتعب احد با التفكير والا ينشغل علي.. ريم\ اجل يومي احسن منتس رضيت عليتس الف الف مبروك والحمدلله على السلامه عسى ما تعبتي.. عوق تبتسم\الله يبارك فيتس الحمدلله مافي شي بدون تعب.., ريم\تدرين يوم بشرني جزاع استغرب اني ما ادري انهم تؤم وقال شوفي الحريم ماهو انتي.., عوق با استغراب\من الي قال له..! ريم\ ابو نمر ارسل رساله للكل جزاع ونواف وعلى جوال ابوي.., وابوي ما درى عن رسالة زياد الا اخواني كانوا بيكلمون من جواله وقروها له.., عوق بضحك\زيادالظاهر من الفرحه ما عاد يجمع..! ريم \وشلون عيالتس..؟! عوق \با الحضانه شوي تعبانين.., ريم بذعر \سلامتهم ليش ماهو وقت ولادتهم.., عوق \الا بس علشانهم ثنين وضاغطين شوي على بعض , ريم بطمئنه\ما عليه كثير توائم كذا وما شاء الله ما يطولون ويطلعونهم.., عوق تتنهد\الله كريم.., ريم \وش قررتو تسمونهم .. عوق\ما ادري والله عن زياد شكله بيسمهم على امه وابوه مساعد والعنود. ريم \ازين ماسوي يستاهلون من يسمي عليهم وبعدين ترى تسميته عليهم زياده في برهم. عوق\الحمدلله ان اساميهم حلوه والا كان اكلوها ها الصغيرين. اردفت عوق بضحك\لو تعرفين من شفت اليوم.., ريم با استغراب\من.., عوق \ تذكرين خويتنا عهود ريم تضحك\ لا يكون بعد والده.. عوق بدهشه \ لا شكلها بتولد بطنها يروع كبير.., ريم با استنكار\الله يعينها امي قبل فتره شافت امها.., تقول عهود من تزوجت وهي مالها شغل الا حمل ولاده تزورنا با السنه حسنه ولا نشوفها ماغير طايره تركض ورى بزرانها.. عوق\لو شفتيها ياريم ما بقى منها الا صوتها ماعرفتها الا يوم كشفت برقعها.., لكن ماشاءالله عليها عرفتني من ورى برقعي .., ريم تضحك \ولابسه برقع بعد وين عهودالي تشوفين علابيهامن قصر شعرها.., والا الساعات الرجاليه الي تلبسها وعصاقيلها مع الزبيريات عالم ثاني.., عوق تضحك\استغفرالله ياربي لاتعاقبنا ليتك شفتيها.., شعرها ما ادري عنه ماشفته لكن استبدلت الساعات الرجاليه بدرزن غوايش.., والعصاقيل الي على خبرتس زود على حملها مسكينه صايره سمينه مره.., ريم بتعجب \سبحان مغير الاحوال والله تستاهل كل الي هي فيه اللهم لاشماته.., بغت تضيع لكن ابوها ماشاء الله عليه على طول نادى ولد عمها وزوجها.., عوق \ على حركاتها قبل والله تحمد ربها على الي هي فيه من كلامها مرتاحه بوضعها.., ريم\ يا عوق غصب عنها ترتاح ربي ستر عليها من بلوى بغت تطيح فيهاوتفضح عمرها واهلها واكيد فهمت وعقلت بعد المصيبه الي صارت لها.., عوق با استغراب وفضول\ وش مصيبته.., ريم\ماتذكرين طلعت مع واحد من اخوان شلتها المعجبات فيها لكن انكشفت بسرعةقبل لايختلي فيهاويلعب عليها.., عوق با استنكار\لا والله اول مره اسمع سالفتهاتذكرين عذر امها بزواجها المدرسه طردتها ماهي فالحه با الدراسه دايم ترسب.., ريم \ونفس الكلام الي قاله ابوها لولد عمهاالبنت ماتبي المدرسة دفن ابوها السالفه قبل تطلع الريحة وتنتشر ويدرون عمانها.., عوق بدهشه\سبحان الله ماسمعنا شي وحنا بيتنا قريب منهم.., ريم\اسكتي بس ابوها بيوم جا عندنا وهو يبكي يقول تكفى يامسلط دبرني قبل انفضح.., عوق با استغراب\وانتي وش دراتس.., ريم\ابراهيم اخوي شافه واسمعه بمجلسنا يبكي لكن ما يدري وش السبب .. وبعدها بكم يوم واحدمن اصدقاه كانو ايامها با المتوسط يعلمه.. ان في بنت من حارتنا طالعه مع واحد وصدمواعند اشارةمرور.., الشرطه يوم باشرت الحادث عرفوا ان الي راكبتن معه ماهي من محارمه.., عوق بتساءل\ طيب وش دراكم انها عهود با الذات.. ريم با استنكار \كيف وش درانا الي طلعت معه يقرب للي علم ابراهيم و كان يحذر ابراهيم يقول هذي بنت قليلة ادب خواتك لايقربونها.. وان ابوي هو الي طلعها من قسم الشرطه يحسبنا ندري عنها.., ابوي الي يومتس ماخبرنا عاد استنتجنا سبب جيت ابوعهود عند ابوي.., اذكر ايامها جننا ابراهيم خايف نسوي مثلها .., اردفت ريم\توقعتس تدرين ...؟ّ! عوق\لاوالله تخبريني ماواطنها بعيشت الله اول هبلت بي تلحقني هي ومعجباتها والمخفه الي معها.., ريم\ ابوها ماقصر على طول كم يوم وزوجها ولد عمها.., عوق تتنهد بوجع\زين ماسوى والله انه دواها ها النوعيه مالهم الا الزواج يشغلونهن با انفسهم قبل لا يشغلن اهلهن .., قطع مكالمتنا زيارة خالتي ام ابراهيم.. ام ابراهيم تسلم بفرحه \مبروك ما جاتس ذايقه نفعهم.., عوق\ الله يبارك فيتس .. ام ابراهيم بعتب \ورى مادقيتو علينا تبشرونا غير العيال الله يصلحهم قروا رسالة ابونمر على جوال عمتس والا كان مادرينا.. عوق منحرجه\ العذر والسموحه منتس جوالي مارجعوه لي الا قبل شوي وابونمر اكيد انشغل والا ماتفوته..., من جيتي معه..؟! ام ابراهيم تبتسم\مع نمر ويسلم عليتس يقول اطلبي من العوق تدعي اني ادخل الكليه العسكريه.., عوق با امتنان\عسى ربي يوفقه والله ادعي لكم كلكم با الخير.., ام ابراهيم\ الله يحفظتس يا الله تقعدين با العافيه لكن يوم دريت انتس والده قلت اجي اشوفتس.. عوق منحرجه\الله يجزاتس خير ليه الكلافه يا خاله اهل زياد العصر ماخلو شي ماجابوه.., ام ابراهيم بملامه\اهل زياد الله يستر عليهم وانا كلافتي لتس الي تقولين كلافة ام لبنتها.. طلعت خالتي نوره الي كل يوم تطوقني بجمايلها وتحسسني اني ما فقدت امي .. دخل زياد بعدها ... زياديبتسم \ كيفك الحين.., عوق \الحمدلله شفت العيال.. زياد\الحين مريتهم طيبين با الكثير يومين ويطلعون.., عوق تبتسم\ وش قررت تسميهم .., زياد\ تبين اسم معين في خاطرك اسم.., عوق\لا انا مايهم الاسم عندي شف الي يريحك.., زياد \مافي اغلى عندي من امي العنود البنت اسمها العنود وش رايك.., عوق\ زين ما اخترت العنود حلو والولد..؟! زياد \ وش رايك بساري.., عوق\زوج نجلا ء.., زياد \الله يرحمه يستاهل من يسمي عليه وحسيت نجلاء ودها ان اسمي عليه.., عوق \ ساري والعنود مناسبه اصلن لبعض.., زياد\تدرين استغربت ان خالتي حلفت ما تسمين عليها.., عوق تتنهدبحزن\امي الله يرحمها من مثلها تدري ان الاسامي لا تقدم ولا تأخر.. اردفت عوق با اشمئزاز\ وانا من الله ما احب وضحى بنت ناصر.. زياديضحك\ وخالتي رحمتك لا تسمين وضحى تبيك تنسين بنت ناصر.. عوق بتذمر\الله يسعدهم ويبعدهم بعدين نمر يكفي على اسم ابو امي وضحى.., اردفت عوق\ماتحس البنت شكلها شوي غريب .. زياد يضحك\شكلها شقرا انهبلو عليها خواتي وبناتهم وممرضات الحضانه يقولون انتاج سعودي جديد.., عوق تبتسم بتوجس\ تخيل زياد لو تشوف احد نسخة العنودوش بيكون شعورك.. زياد يبتسم \ بيكون محظوظ انه يشبه البرنسيسه عنودي. عوق بترددوتوتر\لا ما اقصد كذا يعني , يعني لو شفت احد يشبه لك او لي او طفالنا ما يجي في بالك يمكن يكونون يقربون لنا .., زياد يبتسم بسخريه\ واذا يشبهونا وش المشكلة يخلق من الشبه اربعين.. انا يا ما شبهوني بنات خواتي كل شوي مطلعين صوره من مجله والا من النت تشبه لي يعني كل ها البشريه تقرب لي ..!! امي العنود الله يرحمها كانت في ممرضه زنجيه ما تشبه لها وبس كأنها تؤمها اسألي بشرى عنها زميله لها .. عوق با استغراب ودهشه\معقوله نسخة نسخة من امك العنود..! زياد بضحك \طبق الاصل عزمتها بشرى لبيتها وشافوها كلهم انبهروا ماكانوا مصدقين شدة الشبه الي بينهم.., في صور لها هي وامي عند بشرى اتوقع بزواج منان بنت بشرى بقولهم يورونها لك خساره انتهى عقدها وسافرت كانت هنا بقسم الولاده قابله .., حتى امك الله يرحمها ترى فيها كثير منك ماهو شرط قرابه .., اردف زياد\وتذكرين صورة الرجال المريض الي جبتها لك نسخه من نمر يعني بيقرب لي والا يقرب لك .. عوق با ارتباك \اكيد لا .., زياد يبتسم بوجع\ عوق المفروض انك تعديتي هالمرحلة من زمان يشبه ويمكن يا ليته ... ماراح نستفيد شي غير حرقه بقلوبنا اهلنا لو يبونا مارمونا انا بطريق صحراوي وانتي عند محطة بنزين .. كانو يبون يتخلصون منا والاغلب انهم كانو مخططين انا نموت قطعوا مسافات علشان يرمونا ويهربون عن الأعين لاتكشفهم .. اردف زياد بسخريه لاذعه\وش الفايده يعني مثلآ لو شفنا احد يشبه لنا بننشب له تعال يمكن انك تقرب لي.., الا بيحاربني ويتهمني با الجنون يمكن يوصل الموضوع لأبعاد ثانيه.. والكل بيكون خسران انا وهو وبنجر با الرجلين معنا ناس واجدغير الاشاعات الي بتتضخم اضعاف الحقيقة ..., عوق بحسره\طيب والبصمه الوراثيه الي يقولون عنها ما تثبت شي .., زيادبضحك \الظاهر شوفتك للبنوته جلبت لك خيالات لكن بشرح لك وامري لله الخبراء والمختصين ( أقصد خبراء علم الوراثة والطب )اثبتوا أن فحص البصمة الوراثية والجينات ماهو دقيق مئة في المئة،وعلشان كذامخلينها الفقهاء في دائرة الادلة 'ظنية الدلالة' وليس 'قطعية الدلالة' بسبب الي يصير اثناء التحليل من اخطاء بشرية اومخبرية، وحدوث أي تلوث تتعرض له العينة يؤثر اكيد في دقة النتائج، فاحتمال الخطأ وارد. بعدين النسب ما يثبت إلا إذا كان من زواج شرعي، ((قال عليه الصلاةالسلام 'الولد للفراش وللعاهر الحجر' وماء الزنى هدر لا يلحق به النسب)). عوق \ما فهمت .., زياد \وش مافهمتي..!!؟ عوق\كلامك ما فهمت وش تقول..؟ زياد بممازحه\تدرين جيد جدآ كثير عليك.., اردف زياد\سبحان الله ما شفت احد يدور على الي يوجعه مثلك تبين الحقيقة يمكن تريحك وتبطلين فضول .., ولد الزنا لا يثبت نسبه حتى لو اعترف ابوه فيه ولا يلحق به .. معرفة اللقيط لأبوه إن كان ابن زنا ما تفيده بشيء أبدا غير زيادة الهم والغم واتهام رجل بالزنا وهذا الاتهام يستلزم اقامة الحد عليه .. والحد أصلا لا يثبت إلا بأربع شهود يعني الي بيطالب با اثبات نسب يكون بكذا وقع بالقذف لرجل يمكن يكون بريء وشوهنا سمعته .. حتى وان كان احتمال برائته هو 1 % الحدودتسقط بالشبهات.., يعني اي حد مثل حد الجلد, او الرجم لزاني المحصن اذا فيه شبه يسقط على طول عنه .., عوق بتردد\طيب مثلآ لو تزوجو بعد ما جاهم الطفل وش مصير الطفل.., زياد\ يعني قصدك بعد ما ينولد لهم طفل سفاح يجون بيصلحون الغلط ويتزوجون..؟! عوق \ايواوينسبون الولد لأبوه .., زياد \شوفي بجيب لك قول للعلامه ابن عثيمين.. قال الشيخ ابن عثيمين رحمه الله ( وأما الولد الذي يحصل من الزنا ، يكون ولدا لأمه ، وليس ولدا لأبيه ؛ لعموم قول الرسول صلى الله عليه وسلم : " الولد للفراش وللعاهر الحجر " العاهر : الزاني ، يعني ليس له ولد . هذا معنى الحديث . ولو تزوجها بعد التوبة فإن الولد المخلوق من الماء الأول لا يكون ولدا له ، ولا يرث من هذا الذي حصل منه الزنا ولو ادعى أنه ابنه ، لأنه ليس ولدا شرعيا. اردف زياد\ولد الزنا – ذكرا كان أو أنثى – لا ينسب إلى الزاني ، ولا يقال إنه ولده ، وإنما ينسب إلى أمه ، وهو محرم لها ، ويرثها كبقية أبنائها . عوق بدهشه\ماشاء الله عليك زياد كل ها المعلومات عندك ما توقعت.. زياديبتسم بوجع\ يعني عمري صك الاربعين ولا تبين اعرف مثل ها المعلومات ..! زياد يتنهد بحسره\عوق كل الي تفكرين فيه والا جا براسك قبلك فكرت فيه سنين وانا شاغلني ها الموضوع وماكل عقلي وقلبي واكيد كل الي بوضعنا فكرو فيه وطلعت بنتيجة وحده .., عوق بتوجس واستغراب \الي هي .., زياد بقهر وحسره\ مجهول النسب يبقى مجهول نسب ليش اسرح بخيالي واضيع حياتي با اوهام .., ابغى اهلي يعترفون فيني هذي كلها ما تنفع.., يعني لا يجي بخيالك يوم او تفكرين انه بيجيك احد يقول انتي بنتنااو انك تشكين انك تعرفتي على اهلك ماراح ينفعك بشي بتبقين مجهولة نسب عرفتي .., عوق بخيبة امل \لا ماهو قصدي اني بدور لي على نسب بس كنت استفسر.., زياد يبتسم \حاضرين لطيبين استفسري اهم شي عندي تكون نفسيتك مرتاحة اسألي مابدى لك .., عوق تبتسم بوجع \ جفت الاقلام وطويت الصحف ماعاد فيه ان شاء الله استفسارات.., اهم شي با الدنياعندي انت وعيالي اشوفكم بخير وهذي قسمة الله لنا مالنا يد فيها .., زياد يبتسم بحب \خطيره من فمك كلمة عيالي احس اني مستغربها بس حلوه الله يحفظهم لنا وينبتهم نبات حسن.., طلع زياد بعد ما قال لي كلامه الي فعلن ريحني رغم وجع قلبي من كلامه.. يعني بدر محد خبره بوجودي علشانهم عارفين ها الحكم انه مستحيل انسب له دفنو سري الي يعرفونه.., وان شاء الله انا بعد بدفنه مثل ما قال زياد مافي فايده ولو عرفنا اهلنا غير هم وغم.. حتى لو زياد مقتنع ان الشبه ماهو دليل قرابه انا ماهو لازم طريقي يصادف طريقهم وصيت امي قبل كل شي .., بعد الولاده بيومين طلعت للبيت .., كنت قبل اولد مجهزه غرفة تحت اكيد بيزوروني معارف زياد واهله .., مر اسبوع على ولادتي والحمدلله طلعوا عيالي من المستشفى با السلامه.., با البدايه انبسط نمر بشوفتهم لكن لما شاف اهتمامي فيهم صاريدور اي فرصه علشان يطلب منا نرجعهم.., مره يقول هذولا مزعجين يبكون ومره يقول ليش ما يتكلمون رجعوهم.., زياد\عوق اليوم لك اسبوعين من ولادتك تدرين نفسي اصلح حفل كبير.., اعوض فيه حفلة زواجنا الي ما صلحناها وتمايم نمر الي ما ذبحناها الا يوم كمل سنه.., عوق ترضع العنود\لا تكفى ماهو لازم .., عشا عادي هنا في البيت وخلاص.., زيادبتعجب \تدرين انك تحيريني دايم تحبين تعيشين با الظل زي الي ماتبين احد يشوفك.., عوق با ارتباك \عادي لكن العين حق والناس ما تعطي خير ليش اعرض نفسي وعيالي لشي انا في غنى عنه.., زياد شايل ساري بحضنه \اتركك من الوسواس بس حصني نفسك واطفالك وما يجيك ان شاء الله الا الخير.., عوق تبتسم \الحمدلله ان شاء الله ما نيب موسوسه لكن انا مكتفيه با العمره برمضان كل سنة وباالتمشيه السنويه من يحصله دين ودنيا .., زياد يبتسم بحب\دايم تقنعيني لو ماني مقتنع.. عوق ب امتنان \ الله يخليك لي ولعيالك.. اردفت عوق \نمر احسه ماهو متقبل اخوانه تدري شفته البارحه يسحب شعر ساري.., زيادبضحك \ ما يبي احد يشغلك عنه حاولي ماتهتمين فيهم كثير قدامه.., عوق\ الله يعينا على تربيتهم.., . . . (كلمه اخيره) ضاق بي أمر أوجب غماً لازماً دائماً، وأخذت أبالغ في الفكر في الخلاص من هذه الهموم بكل وجه، فما رأيت طريقاً للخلاص، فعرضت لي هذه الآية: { وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ } فعلمت أنّ التقوى سبب للمخرج من كل غم، فما كان إلا أن هممت بتحقيق التقوى فوجدت المخرج، فلا ينبغي أن يتوكل المؤمن إلا على الله، فالله عزّ وجل كافيه، فيقوم بالأسباب ولكن لا يعلق قلبه بها. . ابن الجوزي . . . الي الملتقى قريبآبأذن الله مع السالفه الاخيرة. طيف الأحباب ام الوليد تذكروني واحبابي بدعوه طيبه |
اقتباس:
تستاهلين الاهداء لك من الاعذار ملايين يكفي انكم متواصلين با القراءه والردود واحد يكفيني ويبني لي متابعتكم صادقه ماهو لازم اللقيط انه يتزوج لقيطه لكن انا حبيت اجمع بين لقيط ولقيطه وابين مشاعرهم وفي كثير زواج لقيط من لقيطه مانجح اسعدني مرورك ورايك يا الغلا اقتباس:
هلا وغلا عزيزه مشاعل مجبوره تدفع الثمن وعوق اكيد شبه مرتاحه بحياتها لابد من اثر انها مجهولة نسب يلقى بظلاله على حياتها بنشوف توقعاتك تصيب او لا اسعدني مرورك الراقي |
ياهلا ..ويامررحبا.فيك ..ام الووليـــــــــــــــــد..ومشكوووره بحجم ابداعك..........
ياااااه حززينه ان الباارت الجاااي هو آخـــــــــــرباارت ..بس حاال الدنيا كـــــــــــذا...بس نبـــــي وعد منك ..بروايه ثااانيه بنفس نكهة ورووعه نووح الحمااام بجد..طبعآ إّذاربي يسررلك وماعندك ظرروف ..هههه شفتي اني سنعه ورعييت واجب ....................... عـــــــــــــــــــوووق ياااربي من البنت ذي ماازال شبح انها لقيطه يدمرر كل لحظه حلوووووووه في حيااتها ... زيـــــــاد...يااوسع قلبك لعووووووق ..... مشااعل .........................................اكثرشخص كاسرخااطرري هي والله ام ابراهيم شبيهة ام عوووق ...................... ام الــوليد ..آسأل الله ان يعطيك ..حتى يررضيك ..قوووووولي ..آمين ....... |
اقتباس:
اقتباس:
انا والله انا الي اخاف اناقشك وافقد ردك جماله عوق حسمت امرها بعد بارت اليوم لكن مشاعل هي الي ماهي مرتاحه زياد انسان واعي وذكي اساسآ وتربى على الوضوح والصراحه والإيثار اتوقع شخصيته بتكون كذا مشاعل ذل الخطيئه كسر شخصيتها واضعفها نهاية الروايه والله مجبره ماعادعندي شي اضيفه وانا الي بفقد تواصلكم اسعدني مرورك ونقاشك العذب الراقي |
هاااااااااي طيووووووف:lol:
مشكووره يالغلا على الاهداء وربي فرحت فيه كثييير لدرجه شليت الجهاز وركض أوريه أختي <<وحده مهبوله عاااتي بالنسبه لزياد وعوق فرحت لهم كثيير اللي عانوه وااجد بس ماشاء الله عليهم صبر نااادر جدا اللحين وربي الواحد مايتحمل همه بالعكس تشوفينه يشكي للناس وناسي ربهم وهذا أكثر شي كبر زيااد في عيني متحمل همه وهم عوق احسه متفائل وعنده بكره أحلى وأحلى الله يسعده:peace: مع أني أقرا كثير وتقريبا يوميا بس الصراحه في روايتك كميه حكم ومواعظ كنا غافلين عنها "فعلا الدين المعامله" والبارت هذا اللي فيه نسب اللقيط صحييح مؤلم لكن أول مره أعرف انه ينسب لأمه يااااقلبي على بنت عوق والشعر الاشقر روايه ماتحتاج تقيمي لكن أقولك ياام الوليد ابداااااع <الله يجعلها في ميزان حسناتك يوم الدين> يسلموووووووووو:55: |
طيف حبيبي أسفة كثير على الرد في البارتات الي فاتت
عندي تحدي مع الحوارات الطويلة بين الأبطال في الروايات ابدعتي اليوم في سرد معلومات قيمة عن حالة عوق و زياد شكرا احبك سامحيني انا اسفة |
السلام عليكم ام الوليد
ماشاء الله تبارك الله تسلم يدس على هالابداع جزء اليوم قريته بعيون دامعه وذاتا وقت ولادة عوق سبحان الله الوحده وقت الولاده تكون ضعيفه ومحتاجه احد يكون معاها وحزنت على عوق انها ولدت لوحدها وانها كانت خايفه انها ما تعيش لعيالها ياااااه احساس بشع ومريت فيه الله لا يكتبه على مسلمه اهل زياد يا حبي لهم ماشا ء الله عليهم نفسياتهم حلوه وقلوبهم نقيه قلو الناس اللي مثل كذا عهوود سبحان مغير الاحوال تحمد ربها ان الله ستر عليها وان ابوها تصرف التصرف السليم وفعلا هالاشكال مالها الا الزوااج يمكن تعقل زيااااااد ماشا ء الله عليه تعجبني شخصيته ورضاه النفسي عن حاله سبحان الله من رضي فله الرضى يعز علينا يا ام الوليد قرب النهايه بس نتأمل ان بيكون في ابداع جديد تتحفينا فيه وبكل شوق انتظر الجزء الاخير |
السلام عليكم ورحمة الله وبركاته
مسائك هدوء وراحة بال اللهم يامجيب الدعاء تقبل منا دعائنا ياحي ياقيوم اللهم إرنا في بشار عجائب قدرتك عاجلا غير آجلا حسبي الله على من طغى وتجبر ام الوليد سالفه حلوه تجمع الاهل حول عوق مخليها تشعر باالالفه وعدم الغربه اهل زياد ابد ما فيه مثلهم العنود الصغيرة لونها وجمالها بيأكد لعوق ان زياد موب سعودي بس زي ما قال زياد وجود الاهل ما راح يقدم ولا يأخر الا بيجر الفضائح على ناس ما تستأهل من وجهة نظري ان الواحد يتعب عشان يثبت نسبه لهم اذا هم رموه وهو قطعه حمرا وش له يوجع راسه من فتره شفت برنامج عن اللقطاء حكاية توأم أمهم رمتهم بس البنت راحت ودورت على الام واجتمعت فيها هي واخوها بس يقول ابد ما هزت فيني شعره وكمان هي ما تبي أحد يعرف عنهم لأنهم لقطاء يعني يخرب حياة أمها يقول طاحت من عيني وتمنيت أني ما أشوفها فعلا حياتهم حياة عذاب واهانه الله يستر على عيالنا وعيال المسلمين وجود العيال بينسوا عوق اهلها شوي بس تدرين متى بنتسى اذا مات بدر ومشاعل ما عاد تجي مشاعل حطه مرض بدر حجه عشان تقدر تيجي وتشوف البنت بس يموت خلاص بتنسى ام الوليد الله يرزقك ما تتمنين |
اقتباس:
بأذن الله لو لقيت فكره جديده اقدر اقدم فيها شي للمتابعات ماراح ابخل فيها عوق وضعها صعب فوق مرارة انها لقيطه الا انها تعرف بوجود اهلها ام ابراهيم الحياه لازم مثل ماموجود الي يتسبب بنزول الدمعه فيه من يسخره الله ويمسحها زياد اترك تقييمه لكم اسعدني مرورك يا الغلا اقتباس:
هلا وغلا تستاهلين والله الاهداء ويسعدني رايك اتمنى اني قدمت شي يسوى وتستفيدون منه اسعدني مرورك يا الغلا اقتباس:
هلا وغلا جيلو الله يسعد ايامك خوذي راحتك ردي الرد الي يعجبك اسعدني مرورك وانا بعد احبك اقتباس:
هلا وغلا شهاده وربي اعتز فيها لازم كل شي له نهايه واتمنى والله ان النهايه تكون مرضيه للجميع وماحب المط تعرفيني لحظات الولاده عاد غير الوحده تسوي افلام منها بخيالها زياد فعلن من رضي له الرضا اسعدني مرورك الراقي |
اقتباس:
هلا وغلا اموله عوق وزياد با اخلاقهم كسبوا الي حولهم وضع اللقطاء وضع جدآ محزن فمابالك بعوق بين زوجها واطفالها واهلها الي ما ينفعها كشف وجودها لهم بنشوف توقعك اسعدني مرورك يا الغلا |
يسعد مسآكـ
وربي بفقد سوالفك طيوف :( نحتاج التجاهل مهما كان مقدار الالم ..عشان نقدر نعيش.. العوق معرفتها بأهلها هالشي هذا ما فادها..كل اللي صار يزيدها وجع والاكيد ان المراره موجوده بكل الحالتين الاصرار على الحياه مهما كانت الاوضاع شي جميل..والاجمل ان لانجعل طيف الماضي يلاحقنا بالحاضر اصرار زياد بالحياه رائع.. بالنهايه أحب أقول ان فئه اللقطاء للأسف مظلومه.. مظلومين من نظره المجتمع لهم..أبواب كثير تتسكر بوجيهم والسبب انهم لقطاء.. نوح الحمام جسدت حآال العوق و زياد بوضعهم و الظروف اللي مروا فيها..بمقدار ما تجرعوا من الالم.. و... فماذا عن النهايهّ!؟؟ ستظل نوح الحمام بالذاكره .... |
بسم الله الرحمن الرحيم السلام عليكم ورحمة الله وبركاته مساؤكم معطر بشذى الياسمين وصباحكم أرق من قطرات الندى على وريقات الجوري كم هو مؤلم أن تشعري بأنك لوحدك رغم كل من حولك أن تحسي بالضعف وليس لك القدرة أن تستمدي القوة من أي أحد مهما كان قربه منك لحظات يحسها الإنسان كأن الدنيا أضيق عليه من ثُقب الإبرة ولا يعلم أن هناك من هو أقرب إليه من الهواء الذي يتنفسه ولو التجأ له جل شأنه لما احتاج لكل من على الأرض مهما كان قربهم منه عوق........... إحساسها بألم المخاض ربما لم يكن أقوى من إحساسها بوحدتها في تلك اللحظة وحاجتها لوجود أمها بقربها تمسك بيدها تخبرها أن كل هذه الآلام والخوف ستزول عندما ترى أطفالها حين يولدون تشعرها بأنها ليست لوحدها وأنها تشاركها الألم وفيما بعد ستشاركها الفرح ولكنها مجرد آمال حُرمت منها بداية لنشأتها لقيطة وختاماً لفقدها وضحى التي ربما ما كانت أمها لتكون أحن عليها منها لو كانت نشأت في كنفها هل كان لتواجد زياد بقربها في حملها هذا ومتابعته لها ما جعلها تحس بحاجتها لقرب من تحب وإحساسها بالوحدة الذي عانت منه بوجود الممرضات فقط حولها ثم هل كان هذا سبب إصرارها على أن من يقوم بتوليدها هو زياد نفسه رغم أنها بنمر كانت الدكتورة سديم هي من قامت بكل شيء ولم تسمح لزياد بأن يولدها رغم أنه استشاري وزوجها زياد............. إحساسه بالرضا عن حاله وعدم تعلقه بماضيه أمر يحسب له في تسيير حياته فهو رغم معرفته بوضعه لم يقف مكتوف اليدين بل شق طريقه بنجاح وبنى حياة يحسده عليها ربما الكثير من الناس كلماته لعوق حين تحدثت عن الشبه الذي قد يحمله أبناؤها لغيرهم من الناس كان واقعياً جدا فمن ذا الذي سيلتفت لهذا الشبه ممن يقربون لها أو يحاول أن يربطها بهم وهو يعلم جيداً أنها لقيطة وأنها ذنب اغترفه أبواها في لحظة نزغة شيطان وعليها أن تنسى هذا الأمر وتعيش حياتها بسعادة بعيداً عن المنغصات التي تجلبها هي لنفسها رغم أن أحداً غيرها لن يهتم لهذا الأمر عهود............ للأسف بتنا في هذا الوقت نرى البعض من مثيلاتها وللأسف ليس هناك من يستطيع أن يعالج مشكلتها ويجتثها من جذورها إن تحدثت لأولياء أمورهن لقالوا ليس بيدنا حيلة وإن تحدثت للمختصين لقالوا مرض نفسي يحتاج لعلاج مكثف ومراعاة لنفسية الفتاة رغم أن الأمر ليس بحاجة لأكثر من تواجد الأهل حول هذه الفتاة لتوعيتها والتعامل معها بحزم إن لم تفِد معها النصيحة تصرف والدها حين أخرجها من المدرسة وزوجها درأً للفضيحة كان سليماً وبمحله رغم أني ضد حرمان الفتاة من حقها في التعليم ولكن لمثل حال عهود ومن على شاكلتها لا يفيد بها إلا الزواج وسيطرة رجل عليها يعاملها على أنها أنثى ويبعد عنها كل من يمكن أن يزين لها غير ذلك اليوم بالذات كانت أختي وهي معلمة بالمرحلة المتوسطة تحدثنا عن مشاجرة حدثت بين مجموعة من الفتيات عندها في المدرسة حتى وصل الأمر بإحداهما أن أرادت إلقاء الأخرى من الدور الأول لتتخلص منها وكان السبب للأسف شجار فتاتين فيما بينهما على ثالثة (( بوية )) كما يسمينها وتطور الأمر حتى وصل لما وصل إليه غاب الوازع الديني فأين المربي!!!!!!!!!! أين الرجل في بيته إن قلنا أن بعض الأمهات ضعيفة شخصية أمام بناتها لم انحدر الأمر إلى هذا المستوى رغم أنه في هذا الوقت ما عاد هناك جهل في الدين فالمدارس تعلم والتلفزيون لا يخلوا من برامج دينية وتربوية والنت فيه ما لا يعد ولا يحصى من المواقع التي يمكن لأيٍّ كان أن يطلع عليها إن جهل بالأمر قلبتي علينا المواجع في هذا الموضوع بالذات نسأل الله أن يحفظ أبناءنا وأبناء المسلمين من هذه الأمور غاليتي............ تسابقني الحروف لمدح فنٍ على الأوراق خطته يداك وتعجز أن تصل بي حروفي إلى ما كان وصل مستواك سلمت يداك يا غالية بانتظارك دائماً بشوق حفظك الله ومن تحبين بحفظه وعذراً على الإطالة |
عزالله بنفقد الإبداع والسوالف الي تشرح البال بس أكيد مانهون عليج بترجعين لنا بروايه عن قريب وبيكون للفرح جانب اكبر فيها (طرار ويتشرط)بس أمون :واثقه الاخت...عوق الحمدلله ربي عوضها بالعيال والزوج الجنتل بس للأسف موحاسه على نفسها وحابسه عمرها بالخوف المبالغ ياختي عيشي حياتك واحتكي بالمجتمع وانسي هالوضع عاد وزياد مافي منه اثنين دايم مبديها على نفسه ولا يضايقه بشي حتى بغى يسمي ع امها والله احتريت منه بهالموقف وين امي وامي واخرتها بغيت تسمي على غيرها المفروض مايكون فيه مجال العنود العنود رد جميل للي ضفتك من الضياع بس مايمنع انه جنتل مان خاصه اني متأكده انه عارف عن مشاعل وساكت ويمكن هالسكوت عشان عوق او عشان وضعه هو والريم أخيرا طلت علينا على انه ودي أشوف النهايه كيف تصير ومشاعل وشبيصير عليها الا اني مابيها تنتهي وأخيرا تقبلي حبي وتقديري لشخصك الكريم وقلمك الرائع *
|
السلام عليكم ورحمه الله وبركاته
يسعد صباحك يام الوليد ..... وجعل ربي يستجيب دعاءك ويهلك الطاغيه وزبانيته انه على ذلك لقدير والله يام الوليد حسيت ان العبره خانقتني يوم قلتي ان البارت الجاي هو الاخير ليييه ترى لسى ماتشبعنا من ابدااااعك ولا زلنا نطالبك بالمزيد ......ز الله يسعدك دنيا واخره عوق الحمد لله على السلامه وربيتي ماجبتي جعلهم من الصالحين والبارين يالله صعب جداااااا على الوحده انها تولد ولاتشوف حد جنبها يساعدها او يهونها عليهاااا دائما يكون وجود الام بهذي اللحظاااات مهم جدااا ويهون على الوحده بس زياد كفى ووفى ويمكن طلب عوق انه هو الي يولدها يمكن لانها حست انه هو اشخص الوحيد الي تنتمي له وتقدر انها تستمد طاقتها منه اجل طلعوا المزايين على ابوهم شقر يالله اجل هذا راح يعزز ان زياد اصله مو سعودي زياد تعجبني شخصيته كثير احسه انسان متصالح مع نفسه وراضي بوضعه ومتصالح معه عشان يقدر يعيش ويثبت وجوده ويحقق احلامه ويكون العز والسند لخواته وزوجته وعياله وحلووو انه سمى على امه وزوج اخته الي ماقصرت لامعه ولا مع زوجته ياااربي على اهل زيااد تاثرت كثبررر من وقفتهم بجنب عوق وزياد وكيف هم ملتفين حولهم ولا حسسوهم انهم مو منهم بالعكس قاموا بعوق قومة الاهل الي انحرمت منهم الله حتى البنات معطين الجلسه جو مرح ويقدورن يرسمون البسمه على وجه عوق يجزاهم خير ويكثر من امثالهم عهووود يالله هذا نموذج بسيط لبعض بناتنا الله يهداهم الي انحرفوا وصاروا صوره مشوه للغرب في ظل غياب الاهل وتوجيهاتهم ومراقبتهم وغياب الوازع الديني لان هالفئه لو لقت الاهتمام والمراقبه والتوجيه الصحيح والعاطفه السلميه كان ماسلكت هالطريق الضايع بس عهود لحق عليها ابوهاااا وقدر انه ينقذها قبل لاتضيع نفسها ام ابراهيم هالانساااااانه اتعب وانا اقول عنها انهاااا فعلااا امراء طيبه ومعطاءه وصدق ان معدنها اصيييل الي رغم ابتعاد عوق عنهم وانشغالها الا انها لاتزال تسال عنها وتهتم لها ولاخبارهاا لدرجه انها جااااات لهاعلى طووول ما انتظرت لوقت ثاني ام الوليييييد الله يجزاك عنا خير الجزااااء ويحرم وجهك عن النااااار ويرزقك من حيث لاتحتسبين |
وصلنا للنهايه وماتمنيناها صراحه لأن في روايتك لقينا المتعه والفائده وعبر ومواعظ وسوالف حلوه ...أتعب وأنا أقول مبددددددعه ياأم الوليد ....وبالنسبه لعوق أنا أخالف بعض البنات لما يقولو عنها أنها نكديه وماتقبلت سالفة أنها لقيطه واشوف أن معها حق هي للحين يبيلها وقت لأنها ماعرفت وضعها الا وهي بالثانوي مو مثل زياد اللي عرف بدري والصغير يتقبل أي شي بسرعه مو مثل الكبير ومثل ماقال زياد أنه كان عنده وقت وفكر بوضعه ودرسه لحد ماوصل لطريق مسدود والبحث فيه بيرهق نفسياتهم ويضيع عليهم وقت ممكن يستغلونه في تطوير أنفسهم والنظر لمستقبلهم وتقبل حياتهم وهذا هوالشي اللي بدا يوصله لعوق وأتوقع يسير عليه في تنشأت أولاده ....زياد مشأالله تفكير ناضج وعقل واعي وأسلوب وأخلاق كامل والكامل وجه الله سبحانه...مشاعل هي جانيه ومجني عليها بنفس الوقت جنت على نفسها وعلى بنتها وجنو عليها أهلها بتقصيرهم في الرقابه عليها وهي في مثل هذا السن الحرج ومثلها بعد عهود لولا ستر الله عليها بأخر لحظه ..الله يسترعلينا وعلى المسلمين أجمعين ..في أمان الله أخيتي ..وألتمسي لنا العذر في قلت الردود والله أنا من اشد المتابعين لك ولكن عدم التفرغ هو عذري الوحيد وليس نقص في غلاك والله يشهد ..أسأل الله العلي العظيم أن يجمعنا وأياك ومن نحب في دار خير من هذه الدار في جنات الخلد أنه ولي ذلك والقادر عليه... |
اقتباس:
اقتباس:
اقتباس:
اقتباس:
اقتباس:
ممتنه للجميع على هذا الحضور والردود الراقيه تمنيت اناقشكم لكن ماعندي وقت اعذروني اعذروني اعذروني بنزل البارت شكرآ من الاعماق |
بسم الله الرحمن الرحيم
اللهم لا مغيث لأهل سوريا الا أنت اللهم أغثهم وفرج همهم وسددرميهم وأنصرهم على عدوهم, ياحي ياقيوم بك نستغيث فأغثهم, هذه جباه عبيدك الموحدين , ذليلة لجلالك , وهاماتهم منحنية لسلطانك , وألسنتهم لاهجة بذكرك , يا غياث المستغيثين , ويا ناصر المستضعفين , ويا رب العالمين ,نسألك باسمك الأعظم , يا حي يا قيوم , يا حي يا قيوم , يا حي يا قيوم , اكشف الغمة عن أهلنا في الشام ,واجعل لهم مخرجا من هذا المصاب الجلل, اللهم عليك بطواغيت الشام ومن يعينهم ويرضى عنهم , اللهم مزقهم كل ممزق , واجعلهم أحاديث لا إله غيرك ولا رب سواك. . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., الاخوات الي ارسلو لي وبذات كلامهم لي اني حطيت يدي على الجرح واوجعت .. والله ماهو قصد اني اجرح احد وانا اشوف اني جملت حياة عوق وزياد وبالأخص حياتهم قبل يلتقون في بعض .., . . اعتز بشهادتكم ان نوح الحمام كانت فكره غير مسبوقه في عالم الروايات تناقش اقل القليل من هموم ها الفئه. المظلومة في مجتمعنا وتعاقب على ذنب ماكان لها يد فيه.., . . . كلمه قبل نزول البارت وتحملوني للمره الاخيره؛ البنات الي كانو مصدومات من حكم الابن الغير شرعي لا ينسب لأبوه حتى لو انعرف هذي هي الحقيقة.. ماهو مثل مايصور لنا المرجفون الداعون لرذيلة.. حبيت اقول بناتي خواتي اي علاقه خارج إطار الزواج محكوم عليها با الفشل والخاسر الاول والاخير البنت هذي حقيقه ماراح تتغير بيوم وليله وتستند لأحكام شرعيه .., اي علاقة حب ما يسبقه زواج فاشلة وخصوص اذا كان فيها تواصل بين الطرفين, واي علاقة تسبق الزواج تأكدي انهااستدراج ومخدر للبنت من ذئب بشري, البيوت لها ابواب والي يبي يدخل معها يعرفها لأن القلب الي حبيتي فيه الشخص, ماراح يكون فارس الاحلام وحده محتله طول العمراذاما انكتب لك نصيب مع الفارس بيكون فيه فارس غيره وقلبك بيحتله ابناءك وما ادراك ماحب الابناء, لا تسمحون لأحد يسحبكم بدعوى الحب العذري الطاهرلطرق موحله تدنس طهركن , بعد الزواج تنقلب كل الموازين الي ماينبنى على خوف وطاعة الله لامحاله بيكون الفشل مصيره, فالحذر.. الحذر ..الحذر, . . اليوم بنشوف عوق المزايين با اخر سالفه لنا تجمعنا معها وهي ان الدنيا صحيح صغيره, البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., . . يا الله تعالوا معاي...!! والسالفه الاخيرة؛ . . البارت الثاني والاربعون والأخير. . . اليوم التؤم كملوا سنه وبدو يمشون وتبان ملامحهم العنود كان فعلآ شكلها غريب ماتشبهني ولا تشبه زياد.., عيونها ملونه وشعرها اصفر وملفلف وساري كان نسخه طبق الاصل من زياد.., نمر تقبل اخوانه ولوانه مرات يضربهم بدون سبب لكن اتغاضى عنه واسوي نفسي ما شفته.., وبديت امتص جانب الغيره فيه من اخوانه.., نمر ولد خالتي ام ابراهيم دخل الكليه العسكريه حلمه القديم..., امس كانت اول اجازه له بعد ل45يوم تدريب.., كلمتني خالتي ام ابراهيم تقول نمر خلص الدوره الاجباريه وبيجي بكرا مع خالتي يشوف عيالي.., قلت خلاص انتظركم قفلت الجوال وبكيت ما ادري وش الشعور الي جاني.., يمكن احساسي ان عايلة ابو ابراهيم هم اهلي الي فقدتهم.., وبا الذات نمر كانت معزته عندي مثل عيالي على الرغم اني ماسكه وصيت امي.., يوم قالت انتي يمكن قلبتس ابيض لكن وش يدريتس عن قلوب الناس.. دخل زياد راجع من دوامه.., زياد بذعر \ عسى ماشروش فيك تبكين.., عوق تمسح دموعها\لا والله مافي شي عادي ضايقه شوي.. نمر \ماما كانت تكلم جوال وقفلت وبكت.. زياد \من كنتي تكلمين.. عوق بحده\نمر كم مره اقولك اترك عنك اللقافه.. زياد بهدوء\ماما صادقه نمر اللقافه ماتصلح روح بابا العب مع اخوانك.. عوق وعينها على نمر الي دخل غرفة الا لعاب\كنت اكلم خالتي ام ابراهيم.. زياد با اهتمام \عسى مافيهم شي..؟ عوق بحزن\لا بس تقول ان نمر امس طلع من التدريب وبيجي يسلم عليك وعلى العيال.., زياد يبتسم \طيب عادي وش الي يبكي با الموضوع.., عوق تنهار با البكاء\ما ادري حسيت بشعور غريب ان لي اهل يهتمون ويسألون عن عيالي.. زياد بمعاتبه \لا عاد هذي بحق وخواتي الي عيالك عندهم هم المبجلين والمفضلين.., عوق\لا والله ماهو قصد بس عايلة ابو ابراهيم ما ادري احس اني بنتهم.., وحتى بناتهم يعتبروني اخت لهم ويقولون لنمر حنا خالاتك.., زياد بملامه \ افاااا وخواتي .. عوق \على عيني وراسي لا تزعل من كلامي لكن شي ما اقدر اسيطر عليه بداخلي لناس هذولا.., زياد بسخريه مصطنعه\شوفي جزاء لك وردع لأمثالك با احكم عليك حكم قديم اصدرته عليك زمان وبكرره بما اني شامم ريحة كأنك تفضلين بيت مسلط على اهلي بكرا عشا نمر عندي ومحد بيطبخه غيرك ولا مانع انك تطلبين مساعدات خارجيه.., عوق تبتسم وتمسح دموعها \ابشر احسن خبر واعزم الي تبي وبدون مساعدات خارجيه.., عزم زياد عمي ابو ابراهيم ونمر وحاولو يعتذرون ان نمر ماعنده وقت.., لكن زياد اصر عليهم وافقوا على العشا.., اليوم الثاني بعد المغرب في بيت زياد.. عوق بفرحه\ يا حي الله خالتي ليش نمر يكلف على نفسه.., ام ابراهيم بمعاتبه\الله يهديتس الي لو قلنا لتس وشلونتس قلتي كلفت عليكم, والله ما نشوفتس غير مثل رويم وخياتها. اردفت ام ابراهيم بضحك\والله ياهو يعلق على عويلتس .., عوق تبتسم\مقبول من نمر كل الي يقوله..., ام ابراهيم \يقول عويل عوق بسم الله عليهم من كل بستان ورده كل واحد شكل.., عوق تضحك\كلن يقوله ما يتشابهون.., ليش البنات ماجو معتس..؟ ام ابراهيم \البنات كلن في بيتها الله يوفقتس ويوفقهن.. ريم بغت تجي بس ام جزاع الضعيفه صخنت وتنومت كم يوم با المستشفى وجلست عندها.. مستحيه تقول فشيله احضر عشا و خالتها اليوم طالعه من المستشفى.. والجوهره الله يصلحها طموح عندنا رجعت اليوم متهاوشه هي نواف. عوق بذعر \عسى ماشر.., ام ابراهيم بتذمر وقهر\ الله يهديها كنها معرسه على نواف البارحه جننتها الغيره عليه لو في يدها طلعت معه لشغله.., عوق بضحك\ماهقيتها من الجوهره العاقل. ام ابراهيم بضحك\الرجال وانا امتس خشير العقل لا وصلت عنده العلوم ضاعت تقول كل يوم اسمع قصة دكتور مع مريضه عالجها واعرس عليها والا دكتور اخذ زميلته.., مارضت وراحت لبيتها غير يوم جا نمر ودرى هاوشها والله ماخلى ولا بقى عليها يقول سوالفتس هي الي بتفطن نواف على العرس وهو معرس معرس.., يامن تفطينتس له والا تنكيدتس عليه اخذتيه وهو دكتور وش الي تغير وماصدقت بس دق عليها رجلها قالت تعال خذني.. منحاشه من سوالف نمر وملامته. عوق بضحك\والله ماقصر فيها خله يخرشها بس لايكسرها قدام رجلها..., ام ابراهيم بضحك\نمر ماعنده مجاملات الي يشوفه عايل والا غلطان طقه على خشمه ان كان البنات والا رجالهن.. الله يطول بعمره حار ولا يحب الغلط كل خواته يهابنه .., عوق بضحك \والله اني مشتاقه لشوفت البنات وجمعتهن سقى الله ذيك الليالي.., ام ابراهيم \اي والله البيت الي كان مليان تعالي شوفيه الحين ما غير انا ومسلط والخدامه.., البنات في بيوتهن يمرن لهن شوي ثم مشن والعيال ابراهيم في بيته وعبدالله بكندا ونمر بالكليه .., عوق\ ما اسرع الدنيايا خالتي والله كنها البارحه والبنات يركضون من بيت امي الله يبيحها لبيتكم مراسيل.., يجيبون لي دفاتر ريم والا ياخذونها.., ام ابراهيم تبتسم بوجع\ امتس الله يرحمها ماتحب البنت تمسك تلفون, كم مره ريم تشتكي تقول ادق على عوق ابغى دفاتري وامها تصرفني وترسل خياتهاعليكم.. عوق تتنهد بحزن \ ياعسى مثواها الجنة ليتها تشوف الحين البنات كل وحده معها جوال وجوالين.., ام ابراهيم \ يا بنتي هذي فتن عسى الله يكفينا شرها.., عوق\وعمي مسلط بشريني عنه.., ام ابراهيم \ما عليه طيب تزوجته وانا صغيره وهو ماشاء الله رجال كبير شوفيني عجزت وهو تبارك الله عمتس الي انتي خابرته غير ان المشي شوي يتعبه العصا الي اول ما يدانيها ها الحين ماتفارقه يتعنز عليها..., عوق بضحك\تبارك الله وانتي ياخالتي زوجه صالحه عاونتيه على دنياه.., بديتوا اثنين والحين انتي وعمي صرتوا اثنين من غير شر.. ام ابراهيم \هذا حال الدنيا.. عوق\لو انتس ما زوجتي بناتس الصغار يونسونكم.., ام ابراهيم \لا والله ما نيب قاطعة نصيبهن يوم خطبوهن ريا جيل كفو وفيهم خير.. خليهن يشوفن نصيبهن واشترطنا عليهم يكملن دراستهن.. عوق\ ودي والله انهن يونسنكم والااناتعرفيني مع الزواج المبكر.. وازين ما سويتي هذي ريم اعرست وحملت يوم كنا با الكليه وكملت ونجحت بتفوق ماشاءالله.., ام ابراهيم \والله يا بنتي ان البنت الي ترد الرجال الطيب الي فيه خير ودين بيجيها يوم تعض اصابعها ندم.., عوق \ يا ليتنا نرجع الاحاديث الرسول صلى الله عليه وسلم كان تعدلت حياتنا وعشنا بسعاده.., قدمت العشا الي انبسطوا منه ضيوفنا والرياجيل عاتبوا زيادليش يكلف على نفسه.., خوات زياد ودينا لاموني ليش ارهقت نفسي وعاتبوني علشان ما طلبت مساعدتهم لكن يظل عتب الحبايب مقبول.., مشيوا عايلة ابوابراهيم ولا بقى الا نجلا وبشرى وبناتهم مجد واصايل واثير.., زياد ودع الضيوف ودخل عندنا.. زياد با اعجاب\ تسلمين ام نمر على العشا بصراحه انا انبهرت.., نجلاء \ام نمر سنعه ماشاء الله عليها.., بشرى \بسم الله عليها والله انك محظوظ .., عوق منحرجه\ عاد لاتنفخون راسي ماسويت شي لكن انتوا من معزتكم لي تشوفون اي شي اسويه حلو.., مجد بضحك \لوماانتي سنعه ما كان خالي صار دب , نجلاء بحده\اذكري الله يام اللسان. زيادبضحك\ هذا اكبر دليل ان زوجتي سنعه. اصايل \من يصدق خالي انك كنت نحيف كل ماشفت صورك اضحك معقوله خالي زياد كان جسمه كذا بشرى بتأثر\ زياد وهو صغير ماكان نحيف ما نحف الا بعد مرض خالتي .., زياد بممازحه\كنت شايل هم العرس .. اردف زياد\والله مسلط وعياله استحوا يقولون اتعبنا اهلك.., عوق تبتسم \ يستاهلون والله هم الي بمكان اهلي.. زياد يضحك \نمر احرجني بهداياه.., عوق بملامه \كلف على نفسه وهو توه الضعيف طالب تلقاه ماخذ الفلوس من خالتي.., زياد\نردها له ان شاء الله اذا تخرج والا بزواجه.., بشرى تبتسم \يستاهل والله شفت هديته للعنود روعه ماشاء الله.., اصايل بفضول\وش هديتها..!؟ بشرى تلتفت لزياد\الاسواره الي لابستها والا انا غلطانه توني اشوفها عليها.., زياد يضحك\لا والله ما انتي غلطانه يوم فتح العلبه ولبسها مدت يدها الثانيه تبي بعد.., طاح وجه نمر لا ومصره تنفض يدها تبيه يلبس يدها الثانيه.., اصايل تضحك بتهكم\ احلى ام قراعيط تعرف الزين .., مجد بضحك \ كلها من دعاوي خالي والي طاحت فيها العنود مسكينه عمركم شفتوا شعر اصفر ومجعد.., اصايل بتهكم تمسح على شعر العنود\ الحمدلله الي جات الدعوه با الشعر والا كان علوم.., نجلاء بضحك \ياويلكم من الله تهبل عنوده هي وقريناتها الي ما ادري كيف تمسكهم عوق وتربطهم.., بشرى\يعني ماشاء الله قال انك تمدحينها انتي خلك على ساري.., نجلاء تضم ساري بمحبه\الا ساري والله جامع الزين كله اسمه على الغالي ساري الله يرحمه وولد الغالي زياد وش تبين اكثر من كذا.., اصايل بضحك\خالي باقي عليكم تسمون على ابوي ترى هذا العدل بنيان وساري ازواج خواتك.., عوق با اعتراض \لا تكفين ثلاثه وطلعوا عيوني تبين بعد رابع الله يرزقك وتعرسين وسمي على الوالد الله يخليه لكم.., مجد بضحك\ لا عمي بنيان ان شاء الله تسمي عليه دينا حملها هالمره ماشاء الله تقول ولد .., اصايل \ لا خالي ناجي ها المره بيسمي زياد.., بشرى \وازين ما يسمي على زياد..’ زياد بضحك\ ان شاء الله ها المره ابي اخت لعنودي وباسميها النيره.., عوق با استغراب \وش معنى.., زياد\امي الله يرحمها كانت تتمنى ان عاش لها بنت تسميها النيره.., نجلاءبتأثر \ما شاء الله عليك زياد فعلن هذي كانت امنيتها تحب ها الاسم وكلنا نسيناه وانت متذكره.., زياديبتسم بحب وامتنان\لا والله ما انسى كل شي يخص امي العنود ها المره بنتي على اسمها والبنت الثانيه على الاسم الي تمنته ملحوقه ان شاء الله.., مجد بفضول\واذا ولد خالي .., زياد بضحك\ما يبي لها مساعد ها المره..؟ انتهت السهره بعد يوم حافل طلعوا كل الضيوف حتى اهل زياد.., صعدت فوق نومت عيالي ودخلت على زيادالي كان بينام لكن شافني وصحصح.., زياديبتسم ويفتح ايديه لعوق \هلا والله با ام المزايين.., عوق تبتسم بحب \ذكرتني با امي يوم تناديني عوق المزايين.., زيادبااستفهام \ كل ما بغيت اسألك عن معنى اسمك انسى وش معناه .., عوق \امي الله يرحمها معجبها تقول كان عندها ناقه مزيونه وغاليه عليها اسمها الوضحى والوضحى جابت بكرةاجمل منها سمتها امي عوق المزايين.., و معناه ان المزايين ما يوصلون لجمالها.., اردفت عوق بغرور مصطنع \وبما اني حلوه وامي احلى تناديني عوق المزايين.., عوق بضحك\ طيب زياد تعرف معنى بكرة.., زياديبتسم \بنت الناقه يا ذكيه ما تقولين الناقه الوضحى ولدت بكرة.., عوق بضحك\ صح عليك وانامعروفه عند معارف امي بعوق الوضحى.., زياد بتهكم \الله يرحمها الي اعرفه ان الناس تسمي اسامي زهور عطور لكن ناقه على قولتك اول مره اسمعه عوق بتهكم \ليش ماهو معجبك.., زياديرفع حواجبه بسخريه مصطنعه \يعني اسمك كله بعارين في بعارين.., عوق بحده\والله امي ام الذوق كله.., اردفت عوق بتهكم \ليه والاسامي الي كل يوم ناس راصين لهم حرف حرفين واذا سألتهم قالو ا ولله معناه الغزال الشارد والا الغزال الطاير.., زياد بضحك \يا زينك زيناه بكل حالاتك الا كلام ينذكر فيه اسم امك تقلبين وحش يخوف.., عوق\ما ادري عنك كنك تستهزئ .., زياد يضحك ويغمز بعينه\لا حرام عليك وش استهزئ خالتي كل شي منها حلو.., عوق\ اخبار نمر مع الكليه.., زياد \ماعليه طيب بس لو تشوفينه ذاك الدب صاير جلد وعظم ومسود من التعب.., عوق تبتسم\ هو يبيها رغبته يتحمل من يوم طوله شبر وهو يدعي انه يدخل هالكليه وبعدين فتره واذا تخرج بيرتاح ان شاء الله.., زياد بعطف\مسلط كبر مره لو تشوفينه اليوم وعياله يسندونه علشان يجلس وعصاه بيده.., عوق\ الله يكون بعونه من شفته وهو شايب لكنه رجال قلبه ابيض وفيه خير.., زياد \والله ياهم يعزونك وطاروا بعيالك حسيتهم فعلن اهلك.., عوق \الله يصلحه نمر ماهو مخلي لعبه في السوق ما اشتراها.., من اليوم اجمع الالعاب الي اشتراهم انا والخدامه خفت ساري والا عنوده يحطونها بثمايهم.., زيادبخوف وتحذير \لا تكفين انتبهي لهم والا تخلصي من الالعاب الي زي كذا..., كثير ناس تهدي هدايا من محبتهم لشخص هذا وخصوص الاطفال لكن ما يفكرون با اضرارها او فوايدها لطفل.., عوق بتذمر\ماتتخيل زياد ياكثر ما ارمي العاب تجي عيالنا هدايا من الخوف لايبلعونها.., وانحرج لاقول لاتجيبون هالنوعيات من الالعاب على ان مكتوب عليها تحذيرات ومحدده لأي سن لكن مافي وعي لها الاشياء.., زياد بقلة حيله\ مجبوره لازم تجاملين علشان ماتجرحين احد.., والا خطر ها الالعاب اكثر من نفعهم سمعتي بالطفلة الظبي بنت بتال العاجي كيف توفت اختنقت بلعبه وعلى طول ماتت الله يرحمها.., عوق بخوف\ بسم الله على عيالي والله اسوي جهدي واحصنهم واستودعهم الله صبح ومسى.., زياد \هذا المفروض ان الانسان يبذل الاسباب ويوكل امره لله.., اردف زياد با ابتسامه\انتي للحين ماخبرتي خواتي بحملك ترى والله ياخذون بخاطرهم..., عوق تبتسم\الا خبرت بشرى ونجلاء من فتره وخالتي نوره اليوم., وهم احترمورغبتي اني ما ابغى احد يعرف بحملي والا متى احمل والا اولد.., زيادبحيره\نفسي افهمك ها العقده عندك ليش احس ودك ان عندك طاقية الاخفاء وتختفين عن عيون البشر.., عوق تبلع ريقها وتبتسم با ارتباك\اي والله انك صادق ولا ابي احد يشوفني غيرك انت وعيالي ليه انت ماودك.., زياد يضحك وهو حاط يده على بطن عوق\ حتى البيبي يضحك على هبالك شوفيه يتحرك .., اردف زياد بتهكم\انتي نفعك سمنتك بعد ولادة التؤم والا كان كشفوك مجد واصايل قبل تخبرين امهاتهم ماشاء الله عليهم عندهم دقة ملاحظه.., عوق بخيبة امل وتناظر جسمها\ بالله زياد ماهو معجبك جسمي تبيني انحف.., زيادبمحبه \كم مره قلت لك تعجبيني بكل حالاتك اخلاقك ودينك ماشاء الله عليك تزيد حلاك حلى.., ويكفيني حديث الرسول صلى الله عليه وسلم (" ألا أخبركم بخير ما يكنز المرء ؟ المرأة الصالحة إذا نظر إليها سرته , وإذا أمرها أطاعته , وإذا غاب عنها حفظته " . وهذولي الحمدلله كلهن فيك والله اني اغبط نفسي مرات اني تزوجتك. عوق بممازحه\يعني قولتك زياد مااسوي ريجيم.., زياد بضحك\ريجيم وانتي حامل بخمس شهور..., اردف زياد \اقول بس قومي طفي النور وتعالي نامي ورانا يوم حافل وانتي وراك عيالك.., عوق بنفسها\الله يا زياد ذكرتني بكلمة امي يوم حملي بنمر الله يرحمتس ياميمتي.., مرت سنه على عزيمتنالنمر.., ولدت با السلامه وجبت مساعد الحين عمره ثمان شهور.., وطول فترة حملي ادعي ربي يرزقني بطفل معافى ولا يشبهني انا او اهلي.., ادعي ان شبهه غير مثل ما ادعي بعافيته وصلاحه.. زياد واهله عادي عندهم الشبه وهذا مريحني من جهتهم.., لكن انا نفسيتي ماهي مرتاحه لو بيشوفه احد من معارف اهلي وش بيقول..! يكفيني نمروالرعب الي عايشته من شدة شبهه في بدر.., وجا مساعد شكله غريب فديته ولا يشبه حتى اخوانه.., العنود عيونها عسليه فاتحه .., مساعد غير شكل عيونه رماديه غريب لونها وشعره اسود وماخذ بياض زياد.., عيالي من شافهم مايصدق اني انا امهم الا نمر.., اليوم زياد بيسجل نمر با المدرسه.., سجله ورجع للبيت وطلع مستعجل سألته وش فيك قال بعدين اخبرك اذا رجعت.., تأخر مارجع وانشغل بالي عليه و حسيت بضيقة ولا قدرت اكلمه جوال خفت انه مشغول.., رجع زياد بعد العشا شكله تعبان ومهدود.., عوق بخوف\زياد وش فيك عسى ماشر صاير شي.. زياد بحزن\ لا بس في واحد توفى نسيب خوي لنا با الاستراحه وقفت مع اهله.., عوق\ ان لله وانا اليه راجعون الله يرحمه ويصبر اهله هذا حال الدنيا.., زياد\اي والله لازم تعزين اهله بكرا.., عوق\ مو مشكله المتوفي من زملائك.., زياد\خليني اخذ شور واخبرك متكسر جسمي من الصباح وانا واقف.., عوق\ ابشر تعشيت والا احضر لك شي.., زياد \ياليت عصير فرش من ايديك الحلوه.. دخل زياد للحمام وانانزلت للمطبخ اصلح لزياد عصير واتطمن على عيالي نايمين رجعت للغرفه زياد كان يصلي وتره جلست انتظره.., زياد ينهي صلاته ويناظر عوق\ الله لايحرمني ها الوجه كيف يومكم.., عوق تعطي العصير لزياد\ابد والله ركض ومراكض ورا العيال الله يصلحهم سجلت نمر.., زياديبتسم\اي خلاص سجلته ولدك صار طالب مدرسه عقبال ما يتوظف.., عوق\الله يلحقنا ذاك الوقت.., زياد\ آمين .., اردف زيادبترجي\عوق بطلبك طلب.., عوق با استغراب \ابشر اذا اقدر عليه.. زياد\ ابي عيال غير عيالي هذولا.., عوق بخوف\حرام عليك التؤم ومساعد توهم صغيرين والله كني والده ثلاث توائم ذبحوني الله يحفظهم.. تدري مابقى الا اركب اجنحه واطير وراهم. اردفت بضحك\انت اليوم اكيد مكلمينك مجد والا اصايل اعرفهن هذي سوالفهن .., زياديبتسم \لا والله لا كلمتهم ولا شفتهم اليوم مشغول مره ما فضيت .., اردف زياد\انتي ما شاء ولادتك طبيعيه واحنا وضعنا المادي ممتاز وانا ابي عزوه انا رجال وحيدوشوفي كم عمري الحين .., عوق بضحك\ العمر كله ان شاء الله توك صغير .., زياد \ با الاربعينات عندك صغير والله شايب لكن الحمدلله روحي شباب والا الشيب بدا يغزو مفرقي.., عوق بتهكم \لا اليوم فيك شي خبرني لا يكون ناوي تعرس علي بس.., زياد بممازحه\لوفي مثلك بطق ثلاث حريم لكن الشكوى لله مافي الا عوق الوضحى وحده.., عوق \ لاعاد صدق البارحه كنت تنتقد الحريم الي عيالهم على بعض صغار ويحملون وحتى سعودي يا قلبي حمله غلطه مطبعيه وش غيرك اليوم.., زياد\الرجال الي دفناه اليوم غيرني مافي ولد من صلبه يقوم بعزاه.., عوق با استغراب \ لا حول ولاقوة الابالله ماهو متزوج .., زياد \الا متزوج لكن ما عنده عيال ولا هو من الرياض اصلن لكن توفى هنا ولا بغوا ياخذون جنازته لديرتهم.., عوق بتأثر \لا اله الا الله (وَمَا تَدْرِي نَفْسٌ بِأَيِّ أَرْضٍ تَمُوتُ ) زياد بوجع \الي قام با العزا انسباه ازواج خواته وقريباته وعيالهم هو اخر من بقى من عايلتهم من الرجال.., لو تشوفين اقاربه شخصيات هم وعيالهم باين النعمه عليهم تبارك الله.., لكن وش ينفع اذا ماهو عياله الي يقومون بعزاه.., المستشفى اليوم قلب فوق تحت بس علشانه من كثر الامه الي جات يوم سمعوا بوفاته.., وطلعوا فيه علشان الدفن جنازته الكل يتسابق يشيلها..., والي ياخذ عزاه ناس اغراب صلة القرابه بينهم مجرد نسب .., عوق بتوجس\نعرفهم انا وانت ..؟! زياد با ارهاق \الي توفى قلت لك عنه زمان..؟! عوق بترقب\من الي قلت لي عنه ناسيه..! زياد وهو يدخل لسريرمرهق و بينام\الرجال الي زعلتي يوم قلت لك يشبه نمر خفتي نفاول على نموري.., عوق تصرخ وتضرب على صدرها\بدر...؟!!! قام زيادمفزوع \بسم الله عليك عوق وش فيك اي هوبدر.., عوق تجلس على الارض وتعض شفايفه \انا لله وانا اليه راجعون انا لله وانا اليه راجعون.., زياد يحاول يقومها \مسكين موته افضل من حياته تعذب طول عمره مريض.. عوق بشرود ويدها على فمها\لا اله الا الله ان لله وانا اليه راجعون.. زياد بحزن \ما توقعتك عاطفيه الي ها الدرجه تعوذي من الشيطان.., اغسلي وجهك عن هالدموع ونامي " قل لن يصيبنا الا ما كتب الله لناّ".. عوق تحاول تتمالك نفسهاوتمسح دموعها \وانت وش ها المعرفه تروح تعزي فيه والا توقف بجنازته.., زياد بنعاس \ماهو بس انا العيال كلهم الي معانا با الاستراحه وقفوا بعزاه.. المهم بكرا لاتنسين با اخذك انتي وخواتي تعزون اهله..., عوق بوجع \طيب.., غسلت وجهي ودخلت لسرير وغمضت عيوني اوهم زياداني نمت انتظره ينام.., ولما انتظم تنفسه وحسيته نام طلعت من الغرفه.., نزلت تحت ودخلت المقلط وبكيت بشده بكيت الاب الي ماشفت الا صوره.. الاب الي هو سبب عذابي وانا سبب عذابه ماادري ليش بكيت..! هل هو حرقه على شبابه الي قضاه على كرسي..؟! والا على ان بنته ما تقدر توقف بعزاه او فعلن مقولة ان الدم يحن صحيحه..؟! انا جيت لدنيا وانت بعيد والحين انت طلعت من الدنيا وانا بعيده.., ما الي حق اشوفك حتى وانت بكفنك.., وحده بوحده ما شفتني بكافولتي..! ولا شفتك بكفنك..؟! يارب ثبتني ولا تفضحني وارحمه واعف عنه وتجاوز.., عسى مرضه كان تكفير ذنوب .., نمت بمكاني بعد ما بكيت الاب الي يمكن ما درى هو كان له بنت اولا.., لكن شعور حزين اكتساني عليه ما ادري ليش .., صحيت على صوت باب البيت شكل زياد طلع لصلاه.., صعدت بسرعه فوق قبل يرجع زياد.., تطمنت على عيالي وصليت دخلت سريري بنام اكيدزياد بيسألني وين كنت.., لكن زياد دخل الغرفه قبل انام.., زياد يبتسم\صباح الورد وينك صحيت ماشفتك.., عوق بتردد\ها ايه نمت بغرفة عيالي.., زياد بشك\دخلت غرفتهم ماشفتك .., عوق بخوف\ايواصح نزلت اشرب مويه.., زياد يغير لبسه ويستعد لنوم\ وش ينزلك والمطبخ الي هنا فيه ثلاجه وبراده..! المهم لاتنسين بس كلمي خواتي علشان تروحون تعزون اهل بدر.., عوق تصرخ بذعر\لاااااااا زياد بحده \وش فيك انتي كل ماجبت طاري ها العايله كن ضاربك شوط كهرباء.., عوق\ لا لا لا مافي شي مافي شي بس انا تعبانه.., زياد با استغراب\غريب امرك عن جد..؟! اردف زياد بتهكم\امس سعد وسالم كانو موجودين با العزا ويناظروني بحقد.., سألني فهد هذولا وش فيهم عليك..؟! قلت لا بس زوجتي ربتها حرمة ابوهم وماخذين موقف مني..؟! عوق بخوف وألم \ومن فهد بعد هذا.., زياد\هو الي علشانه حضرنا العزا انا والعيال .., عوق بتوتر \وانت وش عرفك فيه.., زياد\كان يدرس با امريكا معي من زملاء جزاع مهندس متزوج من خوات بدر اتوقع..؟! عوق بذعر \ ولك علاقه فيه الحين.., زياد\كنت اعرفه عرفت وجه ايام الدراسه.. والحين لا والله كثير اشوفه با الاستراحه اذا اجتمعنا وتعرفت عليه اكثر.., اردف زيادبا استغراب\لكن الي الحين ماني مصدق ان امك تقرب لبدر.., عوق بحده \وانا وش دراني من يقرب لها من مايقرب لها.., امي شكل الناس هربوا عنها ولا يتقربون لها من يوم اخذتني من دار الايتام.., وبعدين اي طريق يمسكونه عيال ناصر والا اي مكان تدوسه رجولهم انا ما اجيه.., ولا اوصله لاهم ولا اي احد كدر خاطر امي وضحى والا زعلها.., زياد يهز راسه بقلة حيله\لا حول ولاقوةالا بالله انتي فيك بلا يبي لك تراجعين اخصائي نفسي.., عوق بسخريه \ مافيني غير العافيه لكن الي قهروا امي وهي حيه.. ما ابي لا اعرفهم ولااعرف حتى الي يعرفونهم هذولا ناس الله يكفينا شرهم طماعين وحسودين وعيونهم حاره.., زياد \اقول روحي بس شوفي عيالك اسمعهم يصيحون شكلك بتموتين وانتي شبح سالم وسعد وراك.., عوق بغضب مصطنع وهي تمشي بالغرفه وتدعي\ حسبي الله عليهم, حسبي الله عليهم.. حتى سيارة امي طردوا السواق واخذوها لو بيدهم كان نوموني با الشارع ولا تبيني اكرهم..؟؟!! طلعت لعيالي وحمدت ربي اني لقيت سبب لثورتي على زياد الي هم سالم وسعد اول مره يصير لكم فايده الله يسامحكم مثل ما عطيتوني سبب اعتذر فيه عن اني اروح اعزي بوفاة بدر ياربي والله ما احقد عليهم سامحتهم ونسيتهم لكن وش اسوي ما قدامي الا هم عذر اهرب فيه من قرب اهلي.., بعد وفاة بدر جلست كم شهر وانا ما ادري ليش صرت بس افكر فيه..! اصحى وانام اتخيله قدامي خصوص بعد ما شفت صوره ليتني ما شفتها.., يعني لو انا تبرعت له يمكن كان عاش حتى زياد لاحظ ها التغير .., ونزل وزني بشكل خوف زياد وكم مره يصر اني افحص فحص كامل ولا يطلع فيني شي.., وحاول زياد يعرضني على اخصائي نفسي ولا شيوخ يقرون علي رفضت لأني عارفه علتي .., قررت با الأخير اسأل زياد يمكن عقلي يرتاح من التفكير فيه.., عوق بترددوتوجس \ زيادتذكر الرجال ذاك الي قلت فيه من نموري الي توفى الله يرحمه.., زياد با اهتمام\ ايوا اذكره وش فيه الي يجيك بلى اذا سمعتي طاريه.. عوق بتساءل حذر \هو ماعنده عيال.., زياديناظرعوق با استغراب\ تستهبلين انتي والا ناسيه ماقلت لك الي قام بعزاه انسباه ماعنده لاعيال ولابنات.., عوق با ارتباك \اي صح تذكرت كلامك.., اردفت عوق\ يمكن لو تزوج قبل حادثه جاي عليه عيال..! زياد بسخرية وانتقاد\كيف يجي له عيال حادثه كان بمرحلة الطفولة قبل يبلغ يمكن 10او 11سنه عمره .., عوق با استغراب \وانت وش دراك .., زياد\ الكل عارف قصته ان ابوه شاري له سياره مسكين مستعجل عليه يبيه يكبر واخذ السياره وصدم فيها.., عوق بنفسها\ يا الله كيف الناس تقلب الحقايق بدر عمره كان 15سنه وقت حادثه .., احمد ربي اني ماتهورت بيوم وقلت اني بنت بدر من بيصدقني.., ومشاعل من بيصدق انها حملت منه.., الله يعوضك عليتس يا مشاعل محد خسر غيرتس با الاول والا خير.. زياد بضحك\ وين رحتي يا ام سرحان.., عوق بتوتروارتباك \لا ابد معك لكن تذكرت كلامك يوم تقول انه بسم الله علينا وعلى عيالنا مصاب بسرطان الدم ومات بعز بشبابه.., يعني لو كان له ولد وتبرع له بنخاعه كان يمكن يعيش.., زياد\الله يرحمه حادثه سبب له عجز كامل وينه وين العيال..! عوق بخوف \لا ما اقصد يعني لوان حادثه صار وهو عنده عيال بينفعه لو تبرعوا له..؟! زياد \تحصيل حاصل اذا على الحاله الي انا شفتها والعلم عند الله ما راح ينفعه ..! طلب مني فهد اخر مره طلعت لألمانيا اعرض تقاريره على اطباء هناك ومختصين با امراض الدم.., التقرير النهائي لوضعه مافي امل لكن اهله هم الي كانوا يحاولون انهم يلقون له علاج في مثل حالته في الوقت الحالي الطب وقف عاجز عن علاجها.., لكن يكفيه انه صبر على اوجاعه وحرمانه من شبابه وان يكون عنده ذريه تحمل اسمه الله يعوضه الجنه.. عوق با انكسار\امين ويعوض امي وضحى .., اردفت عوق بتردد\زياد صدق ان التبرع با النخاع يسبب شلل او ان المرض ينتقل للمتبرع.., زياد يبتسم \ اموووووت فيك وانتي تاخذين وتعطين با الاسئلة يعني تحاولين تدخلين مجالي .., اردف زياد\شوفي هو ماهو اي واحد يتبرع.., التبرع يكون على اساس نسبة التطابق النسيجي بين المتبرع والمريض.., وبالنسبة للمتبرع مافي اي ضرر عليه ولا راح يكون عليه اي مخاطر صحية.., وجسمه قادر على تعويض كميه نخاع العظام أو الخلايا الجذعية التي تبرع فيها في وقت قصير.. واصلن ما يحتاج انه يتنوم با المستشفى اكثر من 24 ساعه هذا يبين لك سهولة التبرع.., عوق بدهشه \طيب والمخاطر الي نسمع فيها انها تصيب المتبرع..؟! زياد بضحك\هذي من المفاهيم الخاطئه والشائعه بين الناس مالها اي اساس من الصحه .., اردف زياد\على طاري الطب والعلاج.., تدرين عقم امك كان بسيط لو كان في وقتناهذا بتتعالج بكل سهوله.., عوق بتساءل \كيف عادي ...؟! زياد\الي فيها ورم ليفي ينشال وتحمل لكن اهمل وتطور وتحول لورم خبيث.., الطب وابحاثه با الثانيه في تقدم كل يوم فيه شي جديد.., عوق با استغراب \سبحان الله انحرمت من الامومه بشي بسيط.., زياد \وامي الله يرحمها سبب موت اطفالها على ضخامة جسمها ضيق با الحوض.., ما يسمح لطفل با الخروج طبيعي يختنق ويموت..., واحيان امهات عندهم ضيق حوض يولد الطفل طبيعي لكن ضغط الحوض على راس الطفل يتسبب له نقص في الاكسجين أثناء الولادة أو حدوث نزيف بالمخ مع الولادة تعتبر من الأسباب الرئيسية لتخلف العقلي للمولود ...! العمليات اسلم حل على ان الكثير يخاف منها.., لكن سبحان الله فيها حياة كثير من الامهات والا طفال.., اردف زياد بممازحه\وانتي تسمينا القصابين..؟؟!! مرت الايام سريعه كلمتني مشاعل على الثابت وطلبت تزورني وخصوص انها خلصت العده.., بتشوف عيالي اخر مره شافتني من اكثر من 4 سنين .., اتفقت معها انها تجيني الصباح يكون اهل زياد ماهم موجودين... وزياد بشغله علشان مافي احد يشوفها عندي .., جاتني مشاعل كان معاها سواقها وخادمتها.., عوق بحزن\اعذريني يا مشاعل ما قدرت اكلمك والا اجيك اعزي انتي عارفه الوضع.., مشاعل \عاذرتك يا عوق الله يرحمه ارتاح من العذاب الي شافه وخلاني وراه ليتني رحت وراه.. عوق بوجع \الحمدلله على كل حال الحين هو راح لرحمة ربه وانتي خلاص شوفي حياتك.., مشاعل بتهكم \وش اشوفها فيه تبينا ننفضح على اخر حياتنا.., عوق بتأثر \ماهو شرط تزوجين ما وقفت على العرس اشغلي نفسك التحقي بدار تحفيظ اكفلي لك يتيم.., اكسبي اجره شوفي ما شاء الله زياد كفلته العنود الله يرحمهاوالله لو عيالها ما يسوون سواته.., الله يجزاه خير حتى بنته سماها عليها .., مشاعل \بحاول لو اني عارفة اني بواجة رفض من خواتي وبنات عمي الكبار.., عوق\لا والله حاولي فيهم يوافقون واضغطي عليهم من جهت انك صرتي وحيده وهم كلن لاهي بحياته.., وخلي خواتك يرضعونه علشان المحرميه بينكم.., والله كفالة اليتيم مافيها الا تبارك باالرزق .., مشاعل با انكسار\صادقه .., عوق بتردد\مشاعل بسألك واذا ما بغيتي تجاوبين بكيفك.., مشاعل با ابتسامه موجعه\اسألي .., عوق با ارتباك\بدر الله يرحمة كان عارف بوجودي .., مشاعل تتنهد بحسره \الله يرحمة قلتها له بيني وبينه ان لنا بنت اول شي ماصدق وتهجم علي بكلام جارح وفسر الموضوع اني مليت من وضعي معاه واكيد شايفه لي شوفه وسكت ما ناقشته بشي.., عوق بذهول\يعني مات ولا درى بوجودي.., مشاعل بالم وحسره\ محد يدري بوجودك الا انا وساره.., ماصدقني يوم قلت له عنك ..؟! ما صدق الا ساره يوم خبرته بوجودك وانه محتاجين منك تتبرعين له بنخاع ورفض وقال لساره اقطعوا السيره مره وحده.. عوق بمراره\هو درى انا عايشه مع مين .., مشاعل \لا ساره قالت له انك عايشه بملجأ واذا يبغاك تقدر تجيبك له يشوفك وترجعك للملجأ.., عوق بتساءل\وافق يشوفني..؟! مشاعل بحزن\رفض قال ما ابي اشوفها وانتو انسوها خلوها با الملجأ ولاتحاولون تبحثون عنها يكفي واحد يتعذب ولا الكل .., عوق تبلع غصه\ هو صادق واحد يتعذب ولا الكل ..! مشاعل بحزن وشوق\وينهم عيالك ما شفتهم.., عوق\ نمر يدرس والصغار الحين بجيبهم تشوفينهم.., طلعت من عندها ورجعت بعيالي الصغار من يوم شافتهم مشاعل بكت والصغار بكوا معها.., مشاعل تمسح دموعها الحاره بطرحتها \يا قلبي روعتهم بسم الله عليهم.., عوق بمزح \ان بكيتي مره ثانيه ما اخليتس تشوفينهم هاه وش رايتس فيهم.., مشاعل \ماشاء الله يحفظهم لك يهبلون اخوهم الكبير ما يشبهون له كل واحد فيهم غير.., اردفت مشاعل بترجي \اقدر اصور عيالك بجوالي.., عوق بحزن \تكفين مشاعل لا اخاف احد يشوف الصور ويطلع لنا شي حنا في غنى عنه.., مشاعل وتغالب دموعها لاتنزل \براحتك.., عوق بتأثر\والله علشانك انتي ما ابي افتح عليك باب واجيب لك الكلام.., اردفت عوق\ كيف قدرتي تجيني محد سألك وين رايحه..؟! مشاعل \وحده من خواتي ساكنه هنا قريب منكم وجيت عندها اغير جو طفشت من الوحده .., وقلت لهم بشوف وحده من صديقات خالتي وضحى وجيتك.., حافظه عنوان بيتكم من المره الي طافت..., عوق با استفهام\فيه من خوات بدر زوجها مهندس اسمه فهد..؟! مشاعل\لا هذا زوج اختي ضي الي انا عندها الحين وحده من التؤم اخر ما ولدت امي الله يرحمها ضي ومضاوي .., عوق بنفسها\ياربي دخيلك طلع فهدصديق زياد زوج خالتي ماهي عمتي لا وزياد يبيني اتعرف عليهم والله لا ادفن نفسي با الحياه ولا اخلي احد منهن يشوفوني بعد رأي بدر فيني واحد يتعذب ولا الكل .. مشاعل\وش فيك ازهمك ما انتي معي بمشي لكن قبل بشوف نمر فديته بس شوي .. عوق با ارتباك\ لا معك نمر على وشك ما بقى شي ويرجع من المدرسه.. واخذتنا السوالف ومن حسن الحظ ان الي رجع نمر باص المدرسه والا عادة زياد هو الي ياخذه ويرجعه من المدرسه.., غيرت لنمر لبسه وقلت انزل عندنا ضيوف يالله سلم نزل معاي ورفض يسلم.., مشاعل بعطف تنادي نمر\تعال سلم علي .., نمر \عيب الرجال يسلم على الحريم الاجنبيات عنه.., عوق\ سلم وبلا طولة لسان.., نمر\ماعرفنا لكم تقولون اذا شفت حرمه غريبه حرام تناظر والحين تقولين سلم.., عوق\هذي صديقة امي يا الله سلم وانت للحين صغير.., نمربا استهزاء \مره صغير ومره كبير على كيفكم.., عوق بحده\ما اقول الا الله يصلحك.., نمر \ويصلح ساري ومساعد بعد.., عوق بضحك\ الله يعين ها المساكين عليك.., طلع نمر وهو رافض يسلم على مشاعل يقول ما يصلح اسلم على حرمه ما تقرب لنا.., مشاعل تأثرت لكن مافي يدي ولا يدها شي نسويه وطلعت من عندي تبكي وانا نفسيتي مره تعبت من شوفة مشاعل.., طلعت للمخزن ونزلت ملابس امي وختمها ما ادري ليش اشتقت لريحتها.., ضميت ملابسها الي باقي ريحتها فيها.., ختمها يذبحني اذا شفته ما تخيل الا اصابع يدها يوم تمسك الختم وتختم به.., زياد با استغراب \انتي هنا وانا قلبت البيت عليك ..؟! عوق تمسح دموعها وتحاول تتمالك نفسها\خلاص بنزل.., زياد\ابفهم الي متى وانتي كذا..؟ عوق بخوف \ليش وش فيني..؟! زياد\ طلعاتك هنا كثرت وتنزلين عيونك حمرا من البكى جيت بشوف وش فيها ها الغرفة..؟ لقيت شنطه وداخلها ثياب غريبه توقعتها لخالتي الله يرحمها.., اردف زياد\ما يصلح الي تسوينه بنفسك امك لها اكثر من سبع سنين متوفيه وانتي كل مالك تجددين حزنك عليها.., عوق\ والله لا اراديآ كل ما اشتقت لأمي اروح اطلع ملابسها واشمها ارتاح احس للحين ريحتها فيها.., وخصوص ختمها احس انها قدامي اذا مسكته بيدي لا تستغرب زياد الي اسويه.., يمكن علشاني بنت والبنات طبعهم عاطفيات اكثر وما ينسون.., زياد يجلس على الارض جنب عوق ويضمها \تدرين اني احاول ما ابين للعيال ان العنوداقرب منهم لنفسي على انهم كلهم اولادي لكن ها البنت احن عليها احسها غير عنهم اثاريها طالعه عليك .., عوق تضحك والدموع بعيونها\يمكن علشان قرعوطاتها فديتها تذكرك با امك الله يرحمها..؟ زيادبضحك\ والله يمكن ليتها مثل شخصية امي العنود و لو مساعد يطلع مثل شخصية ابوي مساعد بكون محظوظ.., نزلت انا وزيادتحت وكل واحد منا يشيل بقلبه حب وتقدير.., للأمهات الي اخذونا وربونا واحسنوا تربيتنا زرعوا وحصدوا.., انا وزياد ما ننساهم لا بصدقه باينه والا خفيه.., ندعي لهم بصلاتنا ونذكرهم بخير ونستغفر لهم كل ما تذكرناهم والا احد ذكرهم قدامنا.., لمونا من ضياع واحسنوا لنا الله يلم اعظامهم با الجنه ويحسن اليهم.., بعد كم شهر سمعت من زيادان مشاعل اكفلت ولد وبنت من دار الرعايه.., كانوا مواليد وخلت اختها الي متزوجه صديق زياد.., فهد ترضعهم على بعض علشان يكونون محارم لها وبنفس الوقت اخوان من الرضاعة.., وان شاء الله تزرع فيهم خير وتحصد خيروحتى زياراتها انقطعت انشغلت بعيالها الي كفلتهم.., وخصوص بعد رفض نمر انه يسلم عليها كان له اثر قوي انها ما تطلب تشوفني.., حاولت تتواصل معاي عن طريق الجوال انا رفضت انها تكلمني ما ابي افتح على نفسي ابواب مسكره.., اخبارها توصلني من زياد كنت اخذ منه اخبارها بطريقه غير مباشره.., انا شفت حياتي وقدرت أأقلم نفسي مع وضعي مجهولة نسب تزوجت من رجل مجهول النسب وسعيده بحياتي.., لكن الشي الوحيد الي مثل الموس بحلقي هو اني مجهولة النسب بنظر المجتمع..! لكن بيني وبين نفسي اعرف اهلي ولا ابي اطلع بحياتهم واهدمها ما يعرف مكاني الا مشاعل..؟! صرت لها مثل النار بفصل الشتاء تمرني من بعيداتدفى بي ولا تقدر تقرب مني تخاف اني احرقها.., وامي وضحى ما نسيتها ريحتها مافقدتها بقت في ملابسها الي عندي كل ما اشتقت لها طلعت ملابسها اتخيلها قدامي.., اشمها واضمها احسها تعطيني طاقه ودافع للحياه.., واني اعطي اولادي مثل ماعطتني امي وضحى .., ضحت بكل شي علشاني با البر الي هو هوى نفسها.., وابعدت عن عيال ناصر الي كانت على الرغم من انها تشوف طمعهم فيها الا انها راضيه ومتصالحه مع نفسها شاريه راحت بالها.., لكن يوم وصل الموضوع انهم غلطوا علي.., مارضت علي وقفتهم عند حدهم.., على الرغم من كل المواقف والاحداث الي مرتني وشفت كثير من مصايب الناس الي مرو علي.., وعلى صدق المثل الي يقول من شاف بلاوي الناس هانت عليه بلوته.., ما شفت بلوى اكبر من انك تطلع لدنيا ويطلق عليك مجهول نسب..., لكن مع هذانا وزياد نتأمل انا نكون اسره مثاليه ونربي اولادنا ونحرص عليهم مثل ما ربونا الي كفلونا.., بحب وحرص ومراقبة الله بكل صغيره وكبيره بحياتنا وحياة اطفالنا.., لما تمرني لحظات يأس وخوف على مستقبل اولادي ونظرة المجتمع لهم ..؟! كان زياديشجعني و يقول لنا رب رحيم ما ضيعنا تخلو عناالي جابونا لدنيا.., وعوض علينا سبحانه وتعالى با اهل افضل منهم .., نسيت اقولكم الختم اخذه زياد لأنه هو كان اكثر شي يخليني انهار وابكي كل ما شفته.., ومخبيه بسيارته لقاه نمر وجابه لي يبني اعرف وش مكتوب فيه.., ها الولد فضولي ما ادري من طالع عليه..؟! . . تمت بحمد لله. . . (كلمه اخيره) عن عائشة رضي الله عنهاوارضاها مرفوعا { من أتى إليه معروف فليكافئ به فإن لم يستطع فليذكره فمن ذكره فقد شكره . } اشكر من كل قلبي خواتي وبناتي الي تابعوا معي الرواية وماقصروا معي با الردودالي كانت تبهرني يضيق المتصفح بذكرهن.., تشرفت ان قامات عاليه زينت نوح الحمام بمرورها الراقي من امثال كاتبتنا الأسطوره انفاس قطر,والمبدعه بلاحدود ام وسن , والكاتبه المميزه ساعة بلاعقارب , والشكر موصول لصديقه غاليه الي مهما قلت ماراح اوفيها حقها من الشكر وكانت تدعمني من خلف الكواليس.., واول ماعرضت عليها الروايه قالت نزليها بقلب جامد تستحق ان البنات يقرونها.., وهي الي اختار ت لنوح الحمام ولزياد ها الاسماء لأنها كانت محيرتني طول ما انا اكتب الروايه ماقدرت استقر على اسماء لهم وهي حسمت الموضوع ساعات احس با احباط وتدفعني وتشجعني .., الي هي ضمني بين الاهداب ام اليزيد شكرآ من الاعماق ام اليزيد .. . . ختامآ؛ عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » . . . طيف الأحباب ام الوليد تذكروني واحبابي بدعوه طيبه كل ما جيت في بالكم. |
هنيئا لك. ام الوليد انهاء مولودتك ابداع ورب السماء دمت بود |
السلام عليكم ورحمة الله وبركاته
كما عودتينا ام الوليد مبدعه حد الوجع الف مليووووووون مبروك الختام كنت خايفه كيف بتقدرين تسيطرين على تفاصيل الحكايه حكايه نبذ وجرح وعقاب من دون ذنب هذه هي سمات حياه اللقطاء رائعه طيووووف ويعجز القلم عن شكرك كنت دوما متابعه رغم قله ردوودي الفتره الاخيره لاكن التمس من ثقتك الغذر والسموحه الف مبروك خط النهايه وننتظرك في ابداع جديد اختك نوف إرسلت من GT-I9001 باستخدام برنامج Tapatalk |
السلام عليكم و رحمه الله و بركاته
مساء الخير و الرضا من الرحمن مساء نهايات الحكاية مساء روعه و إبداع النهاية أم الوليد .. رائعه و مبدعه قليل في حقج .. بديتي الحكاية بــ قضية توجع القلب لما فيها من ألم و حرمان و نبذ ,, استشعرنا معاناة كنا نسمع فيها و لكن نجهل تفاصيلها .. أبحرتي فينا بـ تفاصيل وجعهم و حسرتهم على انفسهم .. اللقطاء قضية خاسره مهما قلنا و حاولنا نهون الموضوع المجتمع له قناعات مستحيل يتخلى عنها ... ألف شكر .. على هالتحفة الراقيه بــ رقي حضورج المبهر ألف شكر .. على همسات الختام المفيده جعلها الله في ميزان حسناتج الف شكر .. لــ كل حرف سطرتيه في متصفح نوح الحمام أتمنى ما يكون أول و أخر متصفح لـ إبداعاتج ام الوليد و في عز الكلام سكت الكلام ...<< فيس هتونه .. .. .. |
السلام عليكم ورحمة الله وبركاته
طيف .. لاحرمنا الله إياك :$:$ اشكرك من الاعماق على هالروايه الناجحه بكل المقاييس من ناحية انها فكرة جديدة !! ومن ناحية اخلاق الروايه وشخصياتها وتعايشنا معها وبكل لحظه من لحظاتها ! الروايه اللي ارجع من المدرسه كل سبت وثلاثاء احتريها ! الروايه اللي صار لي كم اتابعها من اول ما نزلت ! وكل بارت كنت اتحراه ! جد صارت شي من روتيني اللي اعتقد اني بفتقده كثيييير اشكر فيك حسك الديني بهالروايه ! .. حبيت اخبرك اني صرت اصوم ايام البيض بسبة تذكيرك الغير مباشر في ذا الروايه ! بصراحه ما كنت اصومها زيي زي اي بنت صغيره .. اسم انها سنه فهي مب لازم ومب لازم نصومها ونسينا ان على ايام الرسول صلى الله عليه وسلم كانوا الصحابه يقولون سنه ويستنكرون اللي ما يقتدي بسنته عليه افضل الصلاة والتسليم :"") .. وحبيت اخبرك اني صرت اهتم بوقت المغرب واتحراه اكثر من قبل واستغله بالدعاء وعلمت اهلي على هالشي :"") وكثيير كثير اشياء بس حابه اني احتفظ بها وما اقولها :$ حبيت اخبرك ان روايتك وصلت لمدى انتي تبغينه يوصل له وقدرتي توصلينه لنا بطريقتك ! روايه ممتعه باسلوبك وبشخصياتك وبنصايحك اللي كانت بكل بارت روايه اتعلم منها كثيير بكل بارت اتعلم لي شي شيين يفيدوني بحياتي وبمماتي باذن الله روايتك على ماقالوا ختامها مسك ! هالروايه ماكانت مجرد روايه والسلام تحمل الكثير من المعاني كانت متنوعه ! اتوقع اني ماراح الاقي مثلها جد :"") حبيت حسك فيها .. شفت انك قدرتي تضبطين مراهقة عوق ويوم كانت بعمري حسيت انك كبري من وصفك لعوق وهي بالسنه العمريه ذي ! قدرتي تضبطين وتمزجين مابين شخصية العجوز وضحى وشخصيه البنت الصغيرة عوق ماشالله عليك ولا قوة الا بالله اهنيك من قلبي واتمنى تطلعين لنا بعد فترة بسيطه "فترة راحه" خخخ .. بروايه جميله مثل ذي $__$ وننتظر منك الاجمل والاجمل وانا كمتابعه لك اتمنى هالشي :"") مثل ما اثنيت عليك وعلى الروايه فوق .. ودي ارجع اثني عليك وعليها احس ان الحروف جد معد تكفي .. ماني عارفه احس كلام كثير ودي اقوله ! جميلتي طيف اتأسف منك على اني ما ارد بكل بارت وصار لي فترة مارديت على ايام موت العنود بسبة انشغالي واني ما اقدر افضي لي وقت واكتب لك رد محترم ومو اي رد يليق بك وبروايتك عزيزتي <33 عاد ادعي لي ثانويه عامه :") :$:$:$ مابي اطول < كنك ماطولتي عاد خخخخخخ طيف اختي الكبيرة ومعلمتي كلمه اخيرة لك : هالروايه باذن الله راح تشهد لك يوم القيامه .. وشوفي كم شخص يتابعهها وشوفي كم شخص اقتدا فيها وشوفي كم شخص وصل لغيره اشياء تعلمها منك :$ والف شكر للمرة الالف على هالروايه الجميله :"") اختك او بنتك الصغيره : ريم :$ **على فكرة ترا لي سنه آخذه يوزر اختي عطر العبير :$:$:$ |
الله يجزاك الجنه على مخط قلمك
هنا يالغاليه قصه راااائعه تحكي الواقع باحزانه لله يستر على المسلمين عوق وزياد الله ستر عليهم ولقو من يرشدهم لطريق المستقيم ولا يامى كان في الحياه لقطاء كانو وبال على المجتمع الوضيحي ياني حبيتها مراءه حكيمه في كل اومورها ياليت الامهات ياخذو بسيستها لا تقولو تعسيف بل حذر فزمننا هذا مع التطورات اصبح شديد الخطوره على فلذات اكبدناء واخيرا تسلملي اناملك ام الوليد على ماقدمتي يالغاليه |
مفاجعة >>> للحين مو مصدقة ابد ماكنت اتوقع قرب نهاية الرواية يعطيك الف عافية ام الوليد ابدعتي .. رواية مليئة بالرسايل التنبيهية من هفوات ترمي الى الهلاك بهذا الزمان جزاك الله الف خير وجعلها في ميزان حسناتك ربي يحفظ غواليك من كل شر نلتقي على خير |
:
يعز علينا فراق نوح الحمام يعز علينا فراق قلم راقي ولكن لنا أمل بجديد يمحو فترة الغياب لـ اللحظه الاخيره كنت اقول عوق سـ تبوح بسرها لزياد ..ويحفظه هو الاخر ..على سبيل التنفيس موجع للغايه موت بدر ... فعلا مشاعل نالت النصيب الاكبر في الخساره ..لكن في كفلها لـ الايتام ان شاء الله تعوض ربما اذا وافق نمر على السلام على مشاعل..سينفضح امرهم خصوصا انه ( ما يبلع لسانه ) بوادر تربيه جيده ان شاء الله الود والورد لقلبك ..شكرا لك : |
رائع رائع ام الوليد قرأت جزء لا باس به من القصه حملت الباقي كي اقراه في غربتي اذهلتين يا غاليه من حبكة لمضمون حكآيه موجعه لكل لكل شي طيف كم أنتي رائعه رائعه وربي ففي نوح الحمام رساله ساميه ستصل وربي ستصل وفي ميزآن الحسنات عند ربا حكيم ستسجل لك اعتذر ام الوليد جئت متأخره جداً جداً فــ ردي خبئه عذري وحرفي الوجل |
السلام عليكم ورحمة الله وبركاته ,,
ان اقرا روايه بهذا الرقي والالتزام شرفا لي ,,, روايه رائعه لكاتبه واعيه لمضمون فريد ويسنحق الطرح ,, اشكررك على الواقعيه في الطرح فلو لم تكن بالصوره التي اخرجتيها لنا لما انتفعنا منها ولقرأناها في يوم واغلقنا متصفخها ونسيناها فلا فائده من قراءه يغذي الخيال بااحلام ورديه تنكرها حياتنا اليوميه , جميلة هي حياة ابطالنا استطعت جزاك الله خيرا ان تصنعي من الالم امل وتفاؤل وسعاده فلو ان كل منا اتخذ من حياة ابطالنا مثالا يحتذى به لعشنا بسعاده وهدووء وتصالح مع النفس ولم اقل هذا مبالغه بل لانني وجدت واجزم باان الجميع وجدها وبحكتمك ورجاحة عقلك استطعتي حل معاضل كنا نسمع بها ولكن نعجز عن حلها او ان نفكر في التخفيف منها ,, جزاك الله ماتتمني ورزقك بر ابائك وصلاحهم ,, وقلم مثل قلمك لا يستحق التوقف بل ينتظر منه حلول لمشاكل تنتشر ولا نجد لها حل يقنعنا وتغلفينها بروووح الروايه الذي ابدعتي فيه ,, وفي النهايه كلمة حق اتمنى ان تؤخذ بجديه ...روايتك تستحق الطباعه والنشر من يدري قد تقع في يد بائس ينتمي لهذه الفئه او شخص مل من الدنيا ومصائبها فترد له رووحه وتبعث في نفسه الطمأنينه والانشراح ليعيش بعد ذلك في سلم كما عاشه بطلنا زياد ,,, وان توزع على دور الايتام والانتفاع بها من يدري قد تكووون نقطة تحووول وبدايه جديده وجميله ومشرقه لبائس يبحث عن امل يتمسك به ,, ومثل هذه الروايه اجدر بالنزوول الى الاسواق بدلا مما نجده لايمت لا للاسلام ولا الاخلاق بصله ولا تستحق ان ينشر لها حرف واحد ,, اروجوك انظري في الامر بجديه ولا تستهيني بما كتبته ابدا فاانا ارى انك تتجاوزين بحكمتك ودينك نزااار قباني اللذي لاارى له ادبا يستحق الطرح سوى كلمات عاشق كرس حياته لكتابة العشق وكفى ومع سخافة الطرح نجد له في كل مكتبه كتاب ,, واتمنى ان اجد من القراء من يشاطرني هذه الامنيه,... محبتك في الله .. |
مسآكـ حمامة سلام..
قلم استحق وبجداره انتظاره بشغف كل سبت و ثلاثاء.. نوح الحمام تميزت باسمها وفكرتها.. أتمنى اشوف ابداع قلمك بروايه ثانيه يالغاليه .. |
الففففف مبرررروك يا ام الوليد
على اكتمااااااااااال اول قصه لك وان شاء الله ما تكوووون الاخييره |
السلام عليكم ورحمة الله وبركاته
مسائك ورد جوري ام الوليد تفاجات بنهاية الروايهـ الظاهر الاسبوع هذا اسبوع النهايات اول صدود والحين انت الله يجزاك خير عني وعن كل من قرأ الروايهـ ناقشتي قضيه غير قضية كانت مغيبه سلطتي الضوء على معاناتهم وكيفية حياتهم كنت انتظر أشوف وشلون راح تكون حياة عيالهم وكيف تقبلهم لواقعهم عوق/ فعلا الواحد اللي يعرف أهله غير اللي ما يعرفهم موت بدر شئ طبيعي يأثر فيك الدم يحن وخوفك انك سبب في موت عشانك ما تبرعتي لها بالنخاع علاقة الحب الحلوه بينك وبين زياد ووقفته معك هي اللي مقويتك زياد انت بالفعل نموذج لإنسان عانى الى ان وصل الى ما يريد عمرك ما التفت ورأ ابد كان كل همك تثبت للناس ان ما فيه فرق بينك وبين اي شخص عائله ابو ابراهيم نعم العائله هذه وجودهم اصبح نادر جداً ام الوليد استمتعت جداً بقرأة سوالفك الحلوه واتمنى من كل قلبي ان ماتكون يتيمه نبي لها خوات أستودعك الله الذي لايضيع ودائعه الله يرزقك ما تتمني أختك امل |
السلام عليكم
ماتتصورين قد ايش وحشتيني يام الوليد ووحشني متصفح نوح الحمام بلغتني وحده من العضوات انه اسمي مكتوب اهداء بارت ماتتصورين قد ايش فرحت شكرا لك من الاعماق وانصدمت انه الروايه انتهت حزنت اني راح افتقد عوق وزياد ومشاكل مجهولين النسب راح افتقد حروفك المسطره بابداع ماشاء الله بدأتي بابداع وانتهيتي بابداع اقوى الف من ذكره تناولتي قصه رائعه ومهما قريت ما امل من حروفك احس اني اخلص بسرعه الله يحفظك ويخليلك عيالك يارب اتمنى انك ما تحرمينا من روايه ثانيه من ابداعك وراح اكون منتظر بشوق اختك „ أحلآمي كبيره |
ام الوليييد
الحمدلله اللي تمت روايتك على خير وجزاك الله خير على كل ماجا فيها من نصايح وحكم وتذكير بأحكام شريعيه يمكن الكثير غافلين عنهاا.. الله يوفقك ويخليلك أحبابك ويقر عينك فيهم يارب.. راح نفقد سوالفك بس إن شاالله مااتوقفين هالموهبه وننتظر إطلالتك علينا بسوالف جديده بإذن الله.. عوااافي^^ |
الله يحفظك ويرزقك بكل خير ويخلي لك عيالك يأم الوليد
تسلم يدك ع قصة الرووووعه ومميزة وتنظر جديدك |
السلام عليكم
الله درك يا ام الوليد سلمت يدااك وخيالك الخصب. راااائعة بكل ماتحمله من معنى تصدقين بالله احس بالهدوء النفسي وانا ااقررأها وبعد احس بالحزن من حياة عوق وعذاابها هي ومشاعل سبحان الله غلطة سببت لها هي وبدر عذاب صاحبهم طول العمر عسى الله يعوضهم الجنه كل ما قريت عن الوضحي حسيت بالشوق الامي الله يرحمها. فقد الام شي عظيم. لايحس به الا من ذاقه الله يحفظ امهاتكم ويطول عمارهم ويرحم موتانا يارب كتبتي في شي جديد على ساحت الروايات وابدعتي. ونجحتي في حبك الرواايه بتعابير موزونه ومواااقف انسانيه جميله طاهره كطهر قلبك وونقاء الالفاظك العذبه زياد واطفاله محد يلومه يبي عزوه وهو الي عاش وحيد بلا سند واحسن بعد للاطفال انفسهم يكونوا كثار كل واحد يعضد الثاني ابو اراهيم وام ابراهيم ونعم والله فيكم وفي اصلكم الطيب هذولا جيران الوضحي والوضحي ما يجي منها الا الزين بدر سبحان الله زوج بنته حضر جناته وعزاءه الحمد الله الله يعوضه الجنه عوق ياقلبي ياعوق مندسه من كلام ناس ونغزاتهم وذا الناس مايتركون احد. بس لو يشمون ريحة خبر عقدوها هي واطفالها طول العمر * لاتتركينا ام الوليد نبي سالفه معتقه بريحة العود من سوااليفك الغاليه مارراح ننتظر السبت والثلاثاء بفارغ الصبر كما تعودنا الله يوفقك ويحفظك ويحفظ عيالك ويبارك فيهم يارب دمتي في حفظ الله |
يعطيج الف الف الف الف الف الف الف الف الف الف الف الف الف عااااااااااااافيه
|
بسم الله الرحمن الرحيم السلام عليكم ورحمة الله وبركاته أم الوليد.............. وضعنا رحالنا هنا ذات يوم لننهل من معين إبداعٍ لا ينضب وما كنا نتمنى أن نصل إلى النهاية بهذه السرعة ولكن لابد لكل شيء من نهاية مهما كرهنا ذلك ورفضناه نوح الحمام............ اسم بحد ذاته يحمل بين طياته أعمق معاني الألم ولكنك أعطيتنا أملاً مشرقاً لحياة هذه الفئة التي ظلمها مجتمعها لأنه حمَّلها ذنب خطيئة لم ترتكبها وعاقبها بسبب أخطاء غيرها طرقتي أبواباً مغلقة لم يجرؤ أحداً من قبل أن يطرقها وأبدعتي فيما كتبتي حولها عوق............. وجدت أخيراً السلام والطمأنينة وصرفت جل حياتها لبيتها وزوجها وأبنائها أصبحت أكثر انغلاقاً عن الناس وضيقت محيطها العائلي لتتجنب تعريض نفسها وزوجها لمواقف هي بغنى عنها خصوصاً أنها تعرف من هم أهلها آلمني كثراً موقفها حين علمت بموت بدر فهي رغم أنه لم تربطها به أي علاقة من بعيد أو قريب ولم تره إلا من خلال الصور إلا أنه أثر بها موته كثيراً فهل كان ذلك بسبب موته وحيداً ليس له أبناء أم لإحساسها بالذنب لأنها لم تتبرع له حين طلبوا منها ذلك مشاعل ............... ربما كانت هي الخاسرة الوحيدة في هذه القصة لأنها هي من تحملت وزر الخطيئة لوحدها رغم أن كل من حولها شركاء بذلك كان لا بد أن تشق طريقها بعد موت بدر ولا تكتفي بكفالة الأيتام فهي أحوج من غيرها لأن تعيش حياة جديدة بعيداً عن كل ما يذكرها بخطيئتها زياد............. نعم الإبن ونعم الأخ ونعم الزوج إنسان متصالح مع نفسه وراضٍ بواقعه رغم أنه لا يختلف عن عوق بشيء ولكن ربما لجهله بأهله وعدم معرفتهم مثلها كان هذا ما ساعده على أن يشق طريقه بهذه السهولة ويحاول أن يعيش حياته كما ينبغي لها أن تكون لا كما كان يتمنى فليس كل ما يتمنى المرؤ يدركه وهذا ربما ما جعله ينجح بحياته رغم كل ما مر به بدر............. عاش وحيداً ومات وحيداً أمر قد كتب له من قبل أن يولد فهل كان بإمكان أيٍ كان أن يغير هذا الواقع ربما لو كان أهله انتبهوا منذ البداية وعملوا بحديث الرسول صلى الله عليه وسلم وفرقوا بينه وبين الفتيات حين بلغ العاشرة لما حدث ما حدث ولكن لو تفتح عمل الشيطان غاليتي............ نبارك لك نهاية رائعتك هذه على أمل أن نراك قريباً بإبداعٍ آخر يجمعنا من جديد تقبلي مروري حفظك الله ومن تحبين بحفظه |
الحمدلله حمدا يوافي نعمه ويكافئ مزيد عطائه
ياربنا لك الحمد والشكر و أشرف الصلاة والسلام على حبيبنا وشفيعنا رسول الله محمد صلى الله عليه وسلم طيف الأحباب نهاية رائعة بقوتها تهمس للقلب العقل والفوائد فيهيم سكراا مشاعر من الحزن السكينة اليأس لكن تمخضت عنها أناس ناجحوون طيف بجد ابدعتي في تتمت هذه الملحمة قوية كما هيا البداية اصبت بحالة من الجموود والحزن وانا اقراء حوار عوووق الداخلي واردد أمتناني وشكري لخالقي ان اسبغ علينا من النعم ما نعلمها ومالا نعلمها رسالة و نية اطلقها للكون بأن أتبنى طفل و أكون له أم أرضعه مع أبني او أبنتي ربي اللهم ارزقني واجعلني أفضل احتمال شكرا طيف الأحباب أحبك سامحيني أنا أسفة وشكرا |
شكرا طيف الأحباب القصة رائعة وهادفة
لاتحرمينا من إبداعك |
مهما اقول. لن اوفي. هالروايه حقها من المدح والثناااااء ابدعتي. ووفقك الله لما يحبه ويرضاه. وجوزيتي الفردوس الاعلى
|
طيوووووووووووووف ابداااااااااع وربي نهايه حلوه وواقعيه جدا
يالله من لام إبراهيم كيف هي وعائلتها فعلا عاد في الدنيا عاد فيها خير ياااقلبي على العنود"" عنونه"" تخيلت شكلها هي وشعرها ها فديت عنووووونها انا عووق قمة قواك عندما تتظاهر بالقوه بينما أنت تعيش أصعب لحظات ضعفك شكرا لكي على الطرح الجميل والى شخصك الاجمل في الابداع اختي تقبلي مروري امام طرحكي الجميل ويالغلا لاتحرمييينا ابداعك وربي يجعلها في ميزان حسناتك |
ابد ماكنت اتوقع قرب نهاية الرواية
يعطيك الف عافية ام الوليد ابدعتي .. رواية مليئة بالرسايل التنبيهية من هفوات ترمي الى الهلاك بهذا الزمان جزاك الله الف خير وجعلها في ميزان حسناتك ربي يحفظ غواليك من كل شر نلتقي على خير |
رواية رووووعة
فكرتها جديدة ومميزة كانها حكاية جميلة سلمت يميناك |
صباح الورد على الجميع يعذروني خواتي الي تكرموعلي بردودهم والتهنئه بنهاية الروايه اني ما راح اناقش معاهم ردودهم الي تشرفني وتسعدني وكانت لي الدافع با الاستمرار شكرآمن الاعماق لكل من دخل ها المتصفح وحس انه طلع بفايده لو بسيطه حسستوني اني قدمت شي خصوص بحكم نسب اللقيط ما تتخيلون فرحتي لما اكتشفت اني قدمت شي جديد ونوح الحمام تضمنت حكم شرعي غايب مع معمعة الاعلام المسموم وتزيين الرذيله لبنات المسلمين وان الغلط يتصلح بسهوله الا وهو نسب اللقيط لا ينسب لأبيه واليوم مريت بروايتين يتعرضون في احداثها لأغتصابات والله ماتتخيلون فرحتي وانا اشوف البنات منزلات حكم نسب اللقيط لعله جرس يدق ويصحي بعض من الغافلات اسعدني مرورك غسق وكثير تمنيت انك موجوده في متصفح نوح الحمام والحمدلله تحققت ها الامنيه |
السلام عليكم و رحمة الله و بركاته كيف حالك طيووفة ؟؟ و اولا و قبل كل شي شكرا بحجم السماااء لبادرتك الجميلة بالدعاء لاهل سوريا قبل بداية كل باااارت اسأل الله ان يجزيك كل خير .... ثانيا كم وددت ان اكوون معك منذ البداية ولكن الظروف حالت بيني و بين مشاركتي معك فأعذريني ... روايتك ... كم هي رائعة ... مؤلمة ... جريحة ... و فعلا كسيرة ... تطرقت لواقع باتت اغلب الناس في تغاضي عنه ... اللقطاء ... كلمة لكن خلفها جروووح تنزف و تنزف و تنزف لكن دون طبيب ... ام و اب و هم ابعــــــــــد بكثييييير عن هذا المسمى جمعتهم لحظة جنون و مجون لتبذر ... لقيط او لقيطة ...فلم يرحمو حاله و لم يرأفو به ... لكن حتى نحن المجتمع لا نتقبل وجودهم بالرغم من تعاطفنا معهم الا ان بيننا و بينهم اسوارا مشيدة ... ام عوق ... كم هي رائعة هذه الانسانة بالرغم من قسوتها الا انها امرأة قلت امثالها في زمننا ... ليت جميع الامهات بحرصها و خوفها ومحبتها للبنت اللقيطة ... كم حزنت عليها و لكن بالتأكيد كل انسان له نهاية و اجل .. عوق ... انسانة ظلمت من اقرب الناس لها ... اناس تجردت من انسانيتها و ضمائرها ... تعلقها بـ وضحى و حبها لها كان له نكهة مميزة اهنئك اخيتي ... ارى انها كانت جدا رحيمة وحليمة بمشاعل فلقد استقبلتها في بيتها بالرغم من كونها اساس البلاء ... ولكن جاءها زياد رحمة من ربها ليرفق بها و يتعاونو على بلائهم معا لتخفف عنه و يخفف عنها ... زياد شخصية رااائعة .. بو نمر .. كم هي مؤثرة قصته وكيف تعلقت به العنود و عملت المستحيل لتحصل عليه تربيتهم له و حرصهم عليه .. والجميل هو تعامله معها رفقه بها عند كبرها ... تعامله مع عوق بالرغم من جفاءها و كلماتها الاذعة احيانا الا انه رحيييم بها عطوووف عليها .... ابدعت و تميزت وطرحت موضوع مهم وغائب عن الساحة وفعلا هذا الحكم لم اسمع به انه لا يجوز للاب ان ينسب اللقيط لاسمه ... سبحان الله ... اعلام كاذب مزيف يسمم الفكر .. يشوش العقل .. يغيب الحق و الذهن ... يجمل الحرام ... و يقبح الحلال ... اللهم استرنا فوق الارض و تحت الارض و يوم العرض ... الف شكر لك و بانتظارك برواية اخرى و طرح مميز وهادف و راقي و اعتذر عن غيابي لاني و بكل صدق احببت ان اشارك منذ البداية ولكن انا اريد وانت تريد و الله يفعل ما يريد بحفظ الله و رعايته |
السلام عليكم ورحمة الله وبركاته
يسعد صباحك ام الوليد مبدعة الحديث كم انتِ رائعه بما يخطه فكرك و يجرده قلمك جعله في موازين حسناتك رواية منذ بدايتها وهي تحمل رساله واضحه وهادفه لفتح الابصار لمن غفل وتهاون بحدود الله رساله حملت التوجيه والنصح لجميع الاعمار رسائل قرعت بمطرقة من حديد فرتج صداها في الافق حول التهاون والظلم للقطاء والنظره الشرسه لهم وتهامهم بجرم غيرهم فئه اصبحت يئن المجتع من كثرتهم فئه تهاون المنتهكون بحقوقهم ودنسوهم بسوا فعلهم واهانوهم بقتلهم او رميهم باحقر الاماكن فئه سوف يقتص الله حقوقهم يوم الحساب مبدعة الحديث الراقيه ام الوليد لا اعلم كيف اشكرك على فتح ابصار من جهل حكم القيط من نسبه لابيه وانه لا صلة بالنسب معه وان كانت مرأة فيحرم عليها الكشف على والدها الذي هو سبب في وجودها لانها ابنة فراش لا تمت له بصله ولا تنسب اليه كما ذكرتي وغير ذلك ان ابن الزنا وعذروني حين اكتبها ايتها الفئه الطاهره العفيفه عن جرم من كان السبب بكم ينسب الى امه لانها هي الاصل في الانساب ويوم القيامه الابناء ينسب الى امه فلان ابن فلانه ولا ينسب الى ابيه لام الام هي الاصل ومن هنا اخذ نسبه الى امه واخواله وليس الى والده واعمامه رحيل بدر وفاجعة عوق برحيله وعمق حزنها اجدتي يالغلا الوصف في حالها فكم هو موجع ان تعرف الى من هم اهلك لكن الحرام اصبح عائق بينك وبينهم وقطع الصله بينك وبينهم عوق حنونه ولن تنسى بدر من الصدقه حتى وان قطع النسب معه حكم الناس على العاصي بالذنوب والكبائر الكبيره انه مذنب ابد الدهر وينظرون اليه بدونيه دون عن الاخرين ويظل ذلك يحمله الى مدفنه وبعد ذلكيرث اقاربه النظره ولا تمحى تجاهلوا ونسوا ان الله غفور عفو رحيم وانه يعفوا عن من صدق في التوبه فالف شكر لك لتوضيح ذلك من خلال جنازة بدر رساله ارسلتها غير مباشره فبدر صبر على مرضه وصبر على وجيعته الاكبر حين علم ان له من صلبه ابنه لكن لن تنسب اليه فهذا بحد ذاته الم عظيم مثل الم اللقيط حين تعلم ان هناك من حكمت عليه بجرم ليس له يد به مشاعل وجدة طريقها الصحيح وهداية روحها بنهاية القصه خالة عوق الدينا صغيره فقربها منها عظه وعبره ان مهما تهربنا من ماضينا سوف يلاحقنا وربما يكشف مع مر العصور كتمان عوق اصلها كان قمة في الرقي في الروايه لانها لن تستفيد من نبش الماضي لا اعلم ماذا اكتب بعد او اخط بيم اروع صفحات عشت معها وتعايشتها برقي وابداع لا حرمنا الله من رقي ابداعك يالغلآ حفظك الله واقر بك عين احبتك |
نهايه جدا مقنعه ومرضيه ام الوليد
صدمني وجهة نظر بدر وحكمته الله يغفر لنا ولهم ويعطيك العافيه ماقصرتي امتعتينا واستفدنا بانتظار طلتك علينا بجديد ف عز الكلام سكت الكلام |
حبيبتنا ..صديقتنا..اختنا.. وكل شي تبين .. طيف الاحباب اهنيش على نهاية روايتش الثانيه .. وعقبال الثالثه قريب انا قريت البارت نفس اليوم بس ظروف اخرتني.. ابدعتي طيووفه وسلطتي الضوء على قضيه الكل تهاون فيها ولا زالوا فيه كثير يغلطون ولا يحاسبون لنتايج اغلاطهم .. واللي يضيع بالرجلين هم الاطفال .. ملزومين يعيشون في الظل وبدون اهل وعزوه مو كل اللقطاء بيلاقون نفس وضحى او مساعد او العنود.. ياما ناس يكفلون ايتام ويسيئون تربيتهم ... وانتي القصه الوحيده اللي كل بارت اقراه احزن فيه مهما كان حلو باحداثه بس ان فكرة انهم مقطوعين من شجره توجعني وخاصة البارت الاخير يوم تروح عووق وتضم ملابس الوضحي مع مرور السنين الا انها فاقدتها ومشاعل شلون لهت عن بنتها .. لا هي اللي اسمعت يمه ولا عوق اسمعت بنتي .. بس الله عوضها بزياد وبعيالها .. وفي شي توني عرفته منش ان الولد اللي من الزنا لا ينسب لابوه .. شفتي كيف ما يضيع فيها الا الاطفال .. والام يا انها مقتوله عشان يغسلون عارها او مرميه في الشارع والجاني مستمتع في دنيا ويلعب على غيرها وينسى ان فيه الله وفيه اخره .. مبدعه يا ام الوليد ورائعه اسلوبا وفكره ومضمووون يعز علي فراق عوق المزايين وزياد بس كل شي وله نهايه .. وننتظر جديدش .. ومتحمسين للفكره الجديده اللي بتبهرينا فيها الله يوفقش ويوفق احبابش ويرزقش ستر الدنيا والاخره تقبلي مروري اختش.. اثرني احبه |
تسلم ايدج الروايه حلوه وراقيه وفكرتها جديده بالاضافه للرقي الحوار شكرا لج وننتظر جديدج بقوه:55:
|
اولاً
السلام عليكم ورحمة الله يا ام الوليد مشكلتي مااعرف اصفصف كلام بس حابة اشكرك من اعماق قلبي على هذه الروايه الرائعه ووصفها بالرائعه قليل بحقها سوالفك فيها وخصوصا العبر والادعيه في اخر كل بارت يعلم الله اني استفدت منها كثير جزاك الله كل الخير غاليتي |
السلام عليكم
مساء الخير يَ الحرف الفريد نوح الحمام من خطوات البدايه الى قفل النهايه وهي تتحدى أي روايه أخرى مع أن البطلين شخصين الا أنه موجعه لمجتمعاتنا ولـقلوبنا وتطرق الابواب المغلقه فيها شفافية الحرف وعمق التجربه فيها ريحة الماضي ووجع الحاضر مبارك لك ختامها وفاتحة خير عليك لعالم الروايات ان شاءالله حبيت منطق وفكر الوضيحي حبيتها بجنون حسيتها قريبه سوالف وحكمة جداتنا عوق وزياد نهايتهم مرضيه واقعيه لاتزين لواقعهم ولامثاليه زايده مشاعل وبدر مدري من أخطى بحق الثاني بس الاكيد خطاكم كسرة ظهر ام الوليد أمتعتينا بحق |
رواية كتبببببببببببببر رائعة بالتوفيق اختي
|
السلام عليكم ورحمته وبركاته
تسلمييين على الرواييه بجد رائعه ننتظر جدييدك ^___^ |
سلام على صافي النفس والروح الي باسلوبه جذبني كلامه باين عليه طيب القلب ناموس جعل كلام خطه يسبب سلامه جزاك الله خير جزاك الله خير جزاك الله خير لم يفارقني الالم وانا اقرأ اسطر هذه الرواية قلبي يعتصر ودموعي تنهمر ومشاعر جياشة استطعتي يا اختي الكريمة ان تدخلي شغاف القلب برائعتك طرحتي أمراً عظيما لا استطيع ان اكمل التعليق من هول الامر وضحة هجاد انها شخصية جدتي العظيمة رحمها الله تعالى واسكنها فسيح جناته وموتاكم وجميع موتى المسلمين الأم الناصحة الرؤم العطوف تعطي دون مقابل تقدر الامور حق قدرها القلب النظيف المخموم حذرتي كثراً وبشكل غليظ ومن منطلق شرعي صحيح عن خطورة الزنا وعواقبه الوخيمة التي لا يمكن علاجها بينتي للقارئ أن معاناة اللقطاء في اكثر من موضع من مواضع القصة وجسدتيه من خلال شخصيتين محوريتين وشخصيات ثانوية كشفتي لنا عن اهمية الايمان بالقضاء والقدر والتسليم التام لله وضرورة التعايش وأن بناء الذات يبدأ من الداخل علوت بسماء العلم وأن الانسان بتوفيق الله جلا وعلا يستطيع أن يبني نفسه وصدق الشاعر بالعلم بل بالأدب ننال اعلى الرتب http://www.youtube.com/watch?v=zHKd1...e_gdata_player انك يا اختي الكريمة بنيتي بيت الادب وطرزت عالم الرويات دون قصور في بقية الاخوات وان كانت كثيرا من الاديبات في هذا المنتدى قد اثنو على قلمك امثال انفاس ونوف بنت نايف وغيرهن وغيرها كثير فما كان ذلك إلا لأنك تستحقين الثناء فشكراً من القلب واسال الله ان يصل للقلب اختي اني احبك في الله واسال الله يجمعني بك ومع باقي الاخوات في ظله يوم لاظل الا ظله والسلام عليكم ورحمة اللع وبركاته |
رد: نوح الحمام
الله يبارك فيكى اختى ويجزيكى كل خير قصة رائعه واسلوبك راقى جعله الله فى ميزان حسناتكشكرا لكى
|
رد: نوح الحمام
جميله جدا ما شاء من اروع الرويات اللي قراتها
ما شاء الله فكره جديده ومميزه تسلم ايدك حبيبتي ووفقك الله |
رد: نوح الحمام
أم الوليد هذي ثاني مره أقرأ فيها الرواية وكأنها أول مره
أستمعت فيها وحبيتها ومن أجمل الروايات عندي أتمنى تتحفينا برواية جديدة |
رد: نوح الحمام
رواية جميلة
وتعرض فكرة ما قرأتها من قبل يسلمووووووووو وما ننحرم من أبداعك |
رد: نوح الحمام
السلام عليكم الروائع جميله وأجمل ما فيها الخاتمه:55:
|
رد: نوح الحمام
السلام عليكم
قالتلي احدى العضوات في موضوع انه اسمي ع اسم رواية نوح الحمام عملت بحث واعطاني الرابط هاد ان شالله رح اقرأها الروايه :) ع فكره اسمي فكرته من اغنية يا حمام بتنوح ليه :) لي عودة ان شالله |
رد: نوح الحمام
السلام عليكم
صباح الخير أولاً الإبداع لايأتي الا من أهله وعلى ان الروايه قديمه شوي الا اني توي اقراها جمييييله بل ممتعه ومؤلمه الموضوع حساس لاكنك ام الوايد ناقشتيه بكل صراحه ووضوح وشفافيه مجهولين النسب ومعاناتهم الأزلية اللي لونتكلم من هنا لبكره ماراح نوصف ربع معاناتهم 💔 عوق وزياد كانو محضوضين ب تبني امهات حنونات لهم لاكن في غيرهم يعانون في دور الرعايه ولَك ان تتخيلي حياة طفل بدون جو أسره لا أب ولا أم ولا أخوه ولانبخس حق بعض المشرفات المتفانيات بأعمالهم لاكن المشرفه لها فتره محدده وتروح ولايمكن ان تعوض دور كبير ك دور ام وأب :( الموضوع فعلاً مؤلم ولم انتهيت من القراءه ماتتصورين ام الوليد دخلت في دوامة حزن وضيق على هالفئه المظلومه مجمتمعياً ف مهما صار نظرة المجتمع دائماً سوداويه حتى اني وصلت بالتفكير إلى أبناء عوق وزياد هل سيواجهون نفس مصير والديهم من النبذ من المجتمع الله المستعان 💔 :( عوق تختلف قصتها عن زياد بإنها اكثر إيلاماً ف هي تعرف والديها ولاكنننن الكلام صعب ولو اني توقعت اثناء قرأتي ان ممكن عوق تصيبها حالة هستيريه وتعترف ل زياد ولأهلها ول بدر ومشاعل وتواجه وتختار طريق المواججهه وأي شخص مكانها ممكن ذَا اول شي يسسسسويه بس تربية الوضيحي ماراحت عبث ويالله ياهالششخصيه كيف تذكرني ب جدتي الله يحفظها نفس القوه فالحق والكلام والحكم وكيف انها ماتحب الطريق المايل وككككيف هي حنونه وقلبها صافي ❤ ابدعتي في تجسيد الشخصيه ام الولييييد بل اني شعرت انها فعلاً جدتي من كثر اندماجي بالروايه وكمية الحزن في بارت وفاتها كان موجع قاسي 💔 اكثر شششششخصيه انحبت فالروايه وتضحياتها وقوتها عشان عوق فعلاً الشخصيه ابدعتي فيها ❤ اخيراً وليس آخراً لو نعمل بهذا الحديث الحديث: 298 (حديث مرفوع) 1 - 395 أخبرنا هِبَةُ اللَّهِ بْنُ مُحَمَّدٍ ، قَالَ : أَنْبَأَ الْحَسَنُ بْنُ عَلِيٍّ ، قَالَ : أَنْبَأَ أَحْمَدُ بْنُ جَعْفَرٍ ، قثنا عَبْدُ اللَّهِ بْنُ أَحْمَدَ ، قَالَ : حَدَّثَنِي أَبِي ، قثنا سَعِيدُ بْنُ مَنْصُورٍ ، قثنا يَعْقُوبُ بْنُ عَبْدِ الرَّحْمَنِ ، عَنْ أَبِي حَازِمٍ ، عَنْ سَهْلِ بْنِ سَعْدٍ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " أَنَا وَكَافِلُ الْيَتِيمِ كَهَاتَيْنِ فِي الْجَنَّةِ ، وَأَشَارَ بِالسَّبَّابَةِ وَالْوُسْطَى ، وَفَرَّقَ بَيْنَهُمَا قَلِيلًا " . لخففنا جزء من معاناتهم لاكن للأسف بعض نظرات المجتمع لاترحم 💔 ف أمثال سعد وسالم ووضحى كثر اللي لايعلمون الخير ولايكفون الشر عن الناس فالموضوع هذا يبي له قوه وإراده لإن ممهما كان اليتيم ماهو لعبه ! البعض ياخذهم يوم يوميييين شهر ويرجعه:( ولا الين يرزقه ربي اولاد ويتركه فالشخص لازم يكون قادر على ضبط نفسه ويخاف الله فهاليتيم وفاالختام سلام وشكراًً لطرحك بكثر ماثرتي فيني ❤ |
| الساعة الآن 10:37 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية