|
مساك الله بالخير ياام الوليد
الله يعطيك العافية على هالبارت اتوقع ان زياد دختور مخ واعصاب تتذكرين يوم الملكه يوم معط شعر عوق المسكينه يبي يشوف راسها يوجعها والا لا يمكن مخها فيه شي عنده هاجس من المخ والمخيخ فقال خلني اتاكد انها سليمه قبل مابتلش فيها واجيب معدات التصليح اصلحه لها اذا احتاجت >>> والله مخك اللي يباله تصلح اما قرابته اقول مثل البقيه يكون راضع مع ناجي بس ليه ابيضاني يمكن ماخذ الزين من ابوة يمكن ابوة كان سواق يشتغل عند جده وابوه مزيون اجنبي انتي ماقلتي لنا من ابوة :lol: عوووووووووويييق ماجاك النوم الا الحين خبري الحريم لقالولهم عن قصة والا سالفه عرق اللقافة ينط عندهم ويطير النوم مرة وحده وانتي جاك النوم خله يقولك السالفة بعدين نامي :8Pp04714: تسلم يدينك ام الوليد وربي يخليلك من تحبين |
اقتباس:
سبب انه معط شعرها بنشوف السبب في بارت قادم وهل بيكون توقعك صح او لا كل تسؤلاتك عن زياد بتعرفونها قريب وقريب جدآ النوم سلطان وش نسوي حكمه على الكل اسعدني مرورك |
مرحبا
معط شعرها يتاكد من طولة و أنه مش وصل يمكن لان نادرا الشعر الطويل . روايه رائعة نوح الحمام تحياتي |
اقتباس:
بنشوف توقعك في بارتات قادمه بأذن الله صائب او غلط اسعدني مرورك |
بسم الله الرحمن الرحيم
هلا وغلا بكل الغوالي الي يعطرون متصفحي المتواضع سواء با لردود او التقييم او الشكر.., او الرسائل الي تجيني على الخاص ممتنه للجميع ولثقتهم بخربشاتي .., اليوم عوق المزايين بتتعرف على شخصية زياد اكثر وبنعرف تخصص زياد في البارت الاستثنائي الي وعدتكم فيه.., في نهايةالبارت قفله حلووووه تمهيد لليله السرمديه الي وعدتكم فيها وخصوص الغاليه امووله.., بارت اليوم اهداء للكل العابرين من هنا من دون استثناء.., وخاصةالي توقعوا تخصص زياد الغاليات ؛ ساعه بلاعقارب ام تركي ,ملاذ,والهدوء المستحيل, مع انه ما جا في بالي ابدآ ان احد يتوقعه ماهو والله ثقه بلي اكتبه لكن لأن التخصص اكثر الاقبال عليه من العنصر النسائي يا الله تعالوا معاي...!! وسالفه جديدة؛ . . . البارت الثامن عشر . . . انا قلبي مع امي حتى لو تبي تبعدني عنها..! امي فيها شي وشي كبير صوتها با التلفون غير لما اقابلها .., ما ادري وشلون نمت لكن صحيت بنفسيه افضل من امس..., دخلت الحمام غسلت وجهي وفرشت اسناني وغيرت لبسي ونزلت .., دخلت على خالتي لقيت زياد عندها ..., سلمت على راسها وجلست اناظرهم هي وزياد يوكلها ومرات ترضى تاكل ومرات لا يعاملهاكأنها طفله حتى الاكل مرات ترميه من يده ياخذه وياكله وهو يضحك.., زيادبعطف\ يمه اليوم بنطلع لسوق انا وعوق بنجيب اشياء ناقصه تطلعين معانا...! العنود بتعب\لا الله يوفقكم..! يعجبني زياد محسس امه بأاهميتها وحتى وهي عاجزة طلعنا من غرفة خالتي ..! زياد \ترى ما افطرت انتظرك.., عوق بضحك\ خلاص بحضر الفطور مع اني اتوقع انك شبعت .., زياد يبتسم بدهشه \ليش..؟! عوق تبتسم\علشان الاكل الي خالتي ترميه ماترضى تاكله انت تقوم با الواجب.., زياد بضحك\امي حساسه مره اسوي كذا اخاف تحس اني مستقرف منها.., غير كذاانتي تعرفين نفسية المريض يحس مرات انه ثقيل على اهله وخصوص الام حساسيتها اكثر.., دخلت المطبخ وصلحت فطور وقهوه وطلعت لزياد الي كل تصرف منه يزيدني اعجاب فيه واستغراب منه.., عوق\ وين تبغانا نفطر..! زياد\ بكيفك ..؟! عوق\هنا با الصاله ..., ونزلت الفطور وشغلت التلفزيون على الاذاعه.. يومي احسه كئيب بدون ما اسمع قرآن الصباح فقدت صوت الشيخ عبد الباسط والشيخ محمد ايوب..., من تزوجت 3ايام لا قرآن ولا اذكار ببدى من اليوم.., افطرنا على صوت القرآن..., عوق\ يوميآترى هذا برنامجي الفطور على صوت القرآن.., زياديبتسم\احسن برنامج انتي مخططه وش بتسوين او وش بتغيرين والا بس كذاضربةحظ.., عوق\اصبر خليني ارفع الفطور واجيب القهوه علشان اعرف افكر...! حضرت القهوه وقعدنا نتقهوى.., عوق\ با ابدى من فوق ارتب وانزل تحت ..! زياد\ خلاص سوي الي يعجبك ...؟! عوق منحرجه\ترى ماراح اتعبك واجد..! زيادبمحبه\تعبك راحه بس ليش تقولين كذا تحسسيني انه احنا اغراب عن بعض .., عوق تبتسم با ارتباك\لا ماهو قصدبس البيت كله لونه واحد صبغتكم قديمه .., زياد بممازحه \ليش تردينها لي.. عوق منحرجه\لا والله بس استفسر ., زيادبتفهم\علشان اللون بيج موحي لك ها الفكره..! العالم كلها طاحت با الالوان ما اعجبتني تبين اصبغ لك عادي .., عوق \ لا الصبغ شغلانه طويله ماهو لازم مع انه ودي والله..! زياد\الألوان تقيد لون الاثاث والا ترى صبغة بيتنا اخر ما نزل ..! غرفة النوم توني مغير البويه حقتها خليتها تختلف عن باقي البيت لمعه بزياده واضفت لها لون ثاني .., وعمومآبيتنا كله ناقص اشياء كثير ماسويتها مافضيت له.., اردف زياد وهو يناظر ساعته\بتطلعين الحين السوق والا اطلع اخلص اشغال عندي وارجع ..!؟ عوق\خلص شغلك وترجع تلقاني جاهزه..., طلعت فوق بعرف من وين با ابدى جناحنا با اخليه اخر شي..! دخلت مكتبة زياد واخذت ورقه وقلم علشان اعرف وش اسوي.., لازم اتخلص من كل الاشياء الزايده...! وطلعت لسطح الي قال عنه زياد لقيت غرفة غسيل وغرفه ثانيه لشغاله..! جات الخادمه تركض تسألني ابغى شي قلت لا ..., الخادمه مافي داعي تنام فوق تنزل تحت با الغرفه الصغيره الفاضيه ..! والغرفه الي فوق تتحول لمخزن..! كتبت بورقه كل الخطوات الي راح اسويها والاشياء الي محتاجينها فوق.., رحت ادور على جوالي الي دايم ناسيه وجوده ...! ولقيت مكالمات لزياد اتصلت عليه.., زياد\وينك عن الجوال..؟ عوق\موجوده بس انسى وجود هالجوال.., زياد\يا الله تجهزي دقيقتين وانا عند الباب من يوم اعطيك نغمه تطلعين.., اخذت عباتي وقفلت غرفتي ولبست قفازي وشرابي .. دق جوالي على طول طلعت وركبت السياره زياديبتسم\تأخرت عليك ..! عوق\لا عادي ماحسيت با الوقت كنت اشوف وش ناقص فوق وش بسوي..! زياد\كويس عرفتي وش تبين .., عوق\سجلت كل شي بورقه..! عوق بتردد\زياد ..! زياد\هلا ...! عوق\الخدامه ما ابغاها فوق السطوح...! زياد با استفسار\والسبب..؟ عوق\عدة اسباب بعيده ما ندري وش تسوي فوق...! وغرفتها ابيها مخزن للاشياء الزايده وخصوص الي بغرفة الاشباح بطلعها فوق.., زياديضحك\ ابشري ما طلبتي أي اوآمر ثانيه..؟ عوق\الخدامه في الغرفه الصغيره تنام وتكوي فيها وبعدين الحمامات كثيره تحت واحد نخصصه للغساله..؟ زياد با ابتسامه\وبعد.., عوق بخجل\خلاص سلامتك .., زياد\الله يسلم الي بيخلي بيتنا جنه وين تبين الحين وقولي لي خطتك..؟ عوق\غرفة الاشباح بخليها جلسه خاصه تلفزيون وكنب والمطبخ التحضيري يبي له اضافات.., وحتى المكتب حقك على ان موقعه غلط فوق لكن عادي بس يبي له ترتيب ..! زياد بتسأل\طيب الصاله الي فوق وش بتسوين فيهاتصميمها جلسة خاصه با الاساس ولاتنسين الي فوق لنوم ماهو اي احد يطلع .., عوق \ زيادة الخير خيرين اذا تبي رايي والا بكيفك.., زياد\ لا ماهو ماشي الا الي انتي تبينه..! نزلنا السوق وزياد كان كريم جدآمعاي يحاسب بدون تردداشترينا كنب وستاير للغرف واخذنالوحات وتحف اعجبتني .., زياد\الحين سيارتنا ما تاخذ شي العصر برسل واحد من عيال خواتي واعطيه الفواتيرو يخلص شغلنا بسرعه ويوصلها للبيت.., رجعنا للبيت مع صلاة الظهر ما اشوف الطريق.., زياد نزلني وطلع يصلي وانا دخلت غرفتي دايخه ابي ارتاح علشان العصر ابدا بشغلي..., نمت ولا صحيت من التعب الا مع المغرب ..! الي صحاني زياد.. قمت مفزوعه ما ادري حلم والا كابوس والا ثقل نوم.., زياديبتسم\ من اليوم طلباتك وصلت والبنات تحت يسألون عنك..!؟ عوق بكسل\خلاص الحين بنزل لهم... نزلت على طول بعد زياد..! لقيت عبير واثير واصايل يتقهوون .. سلمت عليهم وجلسنا نسولف ونتقهوى عبير \عوق انتي اي مرحله تعليميه واصله..! عوق \ الحمدلله معي بكالوريوس .. عبير \وش تخصصك..! عوق \لغه عربيه ...؟ عبير\ تدرين انك مع خواتي وخوات اصايل ما مر عليك وفاء وسناء ساري.., ومنان وتذكار بنيان.. عوق\عبير الجامعه جامعه امة محمد والبنات كثار يمر عليك با اليوم اكثر من الف وجه با القسم الواحد..! يمكن مروا علي لكن نسيت وبعدين ترى صديقاتي محدودات.., اصايل \كم لك متخرجه.. عوق \السنه هذي ثالث سنه.., اثير تبتسم\ لا هم تخرجوا العام وها السنه علشان كذا انتي ماتعرفينهم..., عبيرتلتفت لأثير\ لابس البنات يوم جاو للعشا عرفوها..! وفاء اختي تقول عوق نعرفها مميزه اسمآ وشكلآ.., عوق بخجلوارتباك \لا عاد اختس تبالغ .. اصايل \لا والله ما شاء الله عليك حلوه لاتستهينن بنفسك.. اردفت بضحك\ توقعنا انكم سافرتو لكن خالي فاجئنا اليوم طلب من امي ترسل ساري اخوي مع السواق يقول محتاجينه..! عوق\ايه طلعت انا وزياد ناقصنا اشياء للبيت.., طلعوا البنات من عندي ودخلت المطبخ لقيت الشغاله تصلح عشا.., ياربي جوعانه على فطور الصباح وانا ما احب طبخ الشغالات .., سمعت زياد ينادي وطلعت.., زياد\ ماشاء الله با المطبخ .., عوق\ايه كنت بصلح عشا لكن لقيت الشغاله سبقتني .. زياد\ لا انا وانتي بنتعشى برا هذا لأمي هي ماتاكل اي اكل اطلعي البسي بنطلع .., صعدت فوق تفاجئت ان زياد طالع وراي عوق بدهشة\في شي انا بسرعه ماراح أأخرك ..؟ زياد بضحك\لا ابد وش فيك خفتي كنت بقولك ترى كل مشترواتنا اليوم وصلوا...؟ نزلوهم ودخلناهم بمجلس الرجال باقي بس كنب غرفة الاشباح على قولتك.., عوق\الحمدلله اجل اللوحات الله لايهنيك شف لنا عامل يركبهم والكتب الطبيه والا شباح لازم نطلعهم فوق بسرعه..؟! زياد\خلاص ما عليك بكلم خدامات خواتي يجون يساعدون خادمتنا لبست عباتي ونزلناواحنا با السياره كلم عبير..., زياد\بسرعه عبير شوفي خدامةامك وخالتك بشرى واطلعي فيهم لبيتي..؟ الغرفه الي فيها كراتين ونماذج تعرفينها...! ايوا ابغى كل الي فيها يطلع لغرفة السطوح .., تسلم عيونك عبوره .., انا وعوق طالعين .., لا ماعليك الخدامه عندها خبر انا فهمتها كل شي انتي بس راقبيهم.., ما ابغى ارجع الا كل شي خالص .., انتهت المكالمه بين عبير وزياد وهو يضحك على كلامها.., زياد بضحك\عبير بتقوم با الواجب.., اردف زياد\ تقول ماصار هذا شهر عسل شهر عمل .., ونزلنا تعشينا ورجعنا للبيت.., زياد بتهكم \غريبه اليوم ما طلبتي امك.., عوق تبتسم \ لا عادي بس انشغلت اخلص شغلي الي هنا وبعدين امرها اكيد مالي غناة عنها.., وتركت زياد عند امه.., صعدت فوق لقيت عبير والخدامات مخلصين شغلهم با قي نكمل الفرش.. طلع زيادبعدي, زياد \ان شاء الله اعجبك شغل عبير.. عوق با اعجاب\ماشاء الله احسن مما توقعت .., زياد يبتسم\حددتي وين تبين اللوحات والتحف.., عوق\ايه خلاص بحط لك اشارات علشان تركبون اللوحات مكان الاشاره وبعدين كل يوم بنخلص شغله وش مستعجلين عليه.., زياد بتهكم\الظاهر ان عبير صادقه هذا صار شهر عمل ماهو عسل.., دخلت غرفتي وعلى اني نمت با النهار لكن دايخه ابي انام ماتعودت اطلع هالمشاوير.., قلبي موجعني على امي ولا ابي زياد يحس بشي غيرت ودخلت فراشي .., زياد كان يصلي وتره والتفت علي و ضحك يوم شافني اقرا اذكاري من كتيب معاي.., عوق تبتسم \ليش تضحك لايكون علشان اقرا اذكاري من كتيب ترى سنين وانا اقراها من الكتيب ولا حفظتها.., زياد بتودد\انا الي يضحكني اني اليوم حسيتك كبرتي .., ما طلبتي امك وبدون ما اقول تعالي نامي دخلتي السرير وبتنامين.., لا احنا في تقدم عقبال ماتكبرين شوي وتصيرين مراهقه وتحبيني.., ضحكت على تعليق زياد من قلب \يعني مايحبون الا المراهقين .., زياديبتسم\لابس علشان الفتره هذي انتقال من مرحلة الطفوله لشباب تكون انفعالات الشخص وتأثره مبالغ فيه.., طلع زياد لسرير وقعد يفرفر بجواله طرى في بالي سؤال..؟ عوق با استفهام\زياد انتوا عندكم سواقين ..؟! زياد يبتسم \لا هو سواق بشرى ..! عوق بدهشه\سواق بشرى والا نجلاء.., زياديبتسم\لابشرى نجلاء ماعندها سواق هذاكان عامل بمزرعة بنيان وخلاه سواق .. عوق با استغراب\بنيان الوحيد الي ماله حس بينكم.., زياد يضحك\ابوساري حبيب لكن الله يهديه ماتقدرين تتكلين عليه بشي مفوض بشرى بكل شي وبشرى ماشاءالله عليها صايره ام واب لعيالها.., عوق بتساءل\ولد بشرى ساري.., زياد\ايه عندها ساري اول ثنوي مسمينه على ساري زوج نجلاء وبسام ومسلم با المتوسط .., عوق \اهااا ساري هو الي طلع مع السواق علشان اغراضنا.., زياد بضحك \ ايوا السواق كان اخر انجازات بنيان علشان يريح راسه قال لبشرى بخلي واحد من عمال المزرعه سواق لمشاويركم وريحوني من ود وجب .., بشرى عيالها للحين صغار على السواقه وتخاف عليهم وبنيان اهم شي عنده المزرعه .., عوق \يمكن بشرى ماعودته.., زياد يبتسم \ماهو مسألة تعويد احيان يكون طبع با الانسان ماهما حاول ما يتغير .. زياد \ بعكس ساري الله يرحمه مع انهم اخوان.., عوق بدهشه\الحين بشرى ونجلاء متزوجات اخوان .., زياد\ايه اخوان نجلاءتزوجت ساري اول وبعدها بكم شهر بشرى على ان نجلاء اكبر من بشرى بثلاث سنوات .., ساري وبنيان امي تصير عمتهم هم متزوجات عيال خالهم.., عوق \سبحان الله الي فهمته من كلامك بشرى حاره وبنيان بارد كيف اتفقوا.. زيادبضحك\والله جبتيها واثنينهم ممرضين .., عوق تضحك زياد يبتسم با استغراب\ ليش تضحكين.., عوق تبتسم \لا عادي بس مستغربه ترتيب زواج خواتك الممرضه تزوجت ممرض والمدرسه مدرس .., زياد\لابعد ساري ونجلاء خريجين كليه متوسطه ونفس التخصص توظفوا وكملوا بعدين.., ايام ماكانت الوظايف تنادي الخريجين ماهو هم يدورونها.., عوق ترفع حواجبها بضحك \ماشاء الله بعد.., زياد يضحك \ لا بعد خوذي عندك بنيان وبشرى الله يسلمك .. زمان كانوايدخلون معاهد التمريض بعد المرحله المتوسطة.., بنيان درس تمريض وتوظف على طول وبعده التحقت بشرى بمعهد التمريض بعد المتوسط.. امي ماكان عاجبها الوضع خايفه على بشرى انتي عارفه التمريض اختلاط والبنت كانت بفترة مراهقه فبعد ماخطب ساري نجلاء امي اصرت على خالي مسلم الله يرحمه يخطب بشرى معاها.. رفضت بشرى با البدايه لكن امي اجبرتها قالت تبين التمريض وافقي على بنيان .., وبنيان ماكان يبي الزواج وقتها يحس انه صغير.. تخرجت بشرى ممرضة وهي متزوجه وتوظفت على طول وتعينت مع زوجها بنفس المستشفى.. عوق بدهشه \ماشاء الله عليهم وطاوعوا امك.. زيادبضحك\غصبآعنهم امي اذا قالت الكلام ينفذونه وهم ما يشوفون الطريق امي بزواج بشرى من بنيان كانت تشوف المصلحه لطرفين عوق \كيف مصلحه وهم شكلهم ماكانو مقتنعين في بعض .., زياد\بنيان لما توظف ماكان يستفيد من راتبه وخالي الله يرحمه كان يجي يشتكي لأمي منه انه ماعنده مبالاه ولا اهتمام بمستقبله.., خافت امي عليه من اشياء اكبر فا اجبرتهم على ها الزواج وزي مايقولون ضربت عصفورين بحجر.., زوجت بنت اختها لولد اخوها وفعلن بزواجهم تعبوا مع بعض فتره .., عوق بملامه\اسمح لي زياد ماهو حل هذا كل شاب بيعدلون اهله من حاله زوجوه والي يبتلون البنات.., زيادبتفهم\لا عوق مافي احد عاقل يرضى يضيع بنته بها الصوره..؟! اردف زياد\بنيان ماكان والله سيئ الي هذي الدرجه لكن انتي تصورتيه منتهي وصايع او انا يمكن ما قدرت اشرح لك صح.., عوق بتأثر\لاوالله زيادبغض النظر عن بنيان حقيقه كثير بنات راحو باالرجلين من منطلق زوج ولدك يعقل.. زياد\كلامك صحيح لكن بنيان كان حاله خاصه وبعدين عايلة امي ماشاء الله عليهم متماسكين والكبير فيهم كلمته ماشيه اردف زياد\امي مستحيل بتضيع مستقبل بشرى علشان تعدل بنيان ماتسويها العنودتفكيرها اكبر من كذابكثير.. بنيان كان توه متخرج وخوالي كانت حالتهم الماديه اقل من المتوسط .., وبنيان بعد ما توظف تحسينه استغرب انه ينزل له راتب بها المبلغ .. فتشوفينه ماهو عارف وش يسوي كان يصرف يمين وشمال بدون حساب وخالي ماكان ذيك الشخصيه القويه على عياله .., بنيان لما تزوج بشرى صارت بينهم مشاكل وصلت لطلاق لكن اهلهم قدروا يسيطرون على الوضع.. وبعض التنازلات من الطرفين مشت حياتهم .. عوق \احس انكم صراحه ظلمتوا بشرى اذا مشاكلهم وصلت لطلاق.. زياد\عوق انتي تعرفين مشكلةبشرى مع بنيان ايش ! انه انسان غير مبالي مايحب يربط نفسه بمسؤليات لدرجة انه قدم تقاعد مبكر وحكمته با الحياه اصرف ما بلجيب يجيك مافي الغيب.., تصادم مع بشرى الي عكسه انسانه حريصه ومنظمه وشخصيتها قويه تحب عملها.. فحاولت انها تغير من اطباع بنيان ويكون مثلهاومن هنا كانت مشاكلهم..! لدرجة انه الله يهديه ما يدري عياله بأي مراحل دراسيه مجلس الاباء ساري الله يرحمه هو الي يحضره.., ويحل مشاكلهم واذا قاله ساري يا بنيان عيالك محتاجينك.., يرد عليه ما عليك العم والد وانا وانت واحد ومع هذا والله بشرى غيرت بنيان كثير.., عوق بتساءل \طيب وكيف قدروا يوصلون لحل .., زيادبضحك\انا اقولك بشرى وخالتي موضي اي مشكله تصير بين بنيان وبين بشرى يلجئون لأمي بماان زواجهم كان برغبة امي.., فتشوفين امي على طول الخط مع بشرى ضد بنيان وهذا بنيان كل ماشكت بشرى منه يلقى حقه من امي على انه كثير بشرى تكون الغلطانه.., اخر شي اقترحت عليه بشرى يوم عجزت معاه انه يشتري مزرعه ويشغل نفسه فيها بدال ما يشغلها.., لما اشتروا المزرعه كلنا لمناهم ليش يضيعون فلوسهم فيها ماتنفع ابد وبشرى وامي هم الوحيدات الي يشجعون بنيان انه بيسوي معجزه من ها المزرعه وفعلن الحين خلاها بنيان ماشاء الله جنه واشتغل عليها صح.., ماتتصورين كيف ابدع فيهاحولها لمشروع زراعي ناجح بكل المقاييس .. وحتى انه الآن تاجرخضار كبيرو يبيع من محاصيل مزرعته وعليه طلب ..!! عوق بتعجب واستغراب \معقوله شخص ماهو عارف يتعامل مع عياله ولاحياته الزوجيه ابدع بمزرعه تبي اهتمام اكثر من البشر.., ابي افهم هذا كيف اقنعته بشرى.., زياد \ليش مستغربه بنيان يقدر ويحب بشرى بشكل ما تتخيلينه لكن طبعه الفوضوي هو الي كان واقف بينهم .., اردف زياد\كنت احيانآ اعاتب امي ليش زوجتيهم لبعض تقول الاثنين مالهم الا بعض بشرى شخصيتها قويه وطبعها حاد ولاتتنازل بسهوله ماهو اي رجل تقدر تعيش معاه بعكس بنيان الي لو ما تزوج وحده مثل بشرى راح يضيع ولا راح يكون له مستقبل .. عوق با استغراب\يمكن تكون نظريتها صحيحه عش رجب ترى عجب.. زياد\مره سألت بشرى لو رجع فيك الزمن توافقين على بنيان قالت وانا مغمضه بعد انا مستحيل اعيش مع غير بنيان او يستحملني رجل غيره .., اردف زياد\لحظه بجيب البوم صور با المكتبه بوريكيها رجع زياد ومعاه البوم وفتح الالبوم كان اول البوم صور لرجل كبيرواسمرحيل ولحيته بيضا زيادبوجع\هذاابوي اخر صوره له كانت علشان تجديد رخصة سواقه .., عوق\يا الله شايب ماتوقعته كبير .., زيادبحزن \الله يرحمه توفى من 17سنه ولما توفى كان عمره با السبعينات .., اردف زياد\ وهذي صورته في حفل المدرسه لما نجحت بنظام ثلاث سنوات بسنه نادوه وكرموه.. عوق تبتسم\ ماشاء الله عليه رزه ابوك ولابس بشت ومين الدب الي ماسك يده.., زيادبتهكم\معقوله ماعرفتيني .., عوق تضحك\والله توقعتك لكن وش قلب حالك من ماشاءالله الي ها النحف .., زيادبممازحه\ياويلك لو امي سمعتك تقولين يا الدب .. عوق تتهكم بمزح\يعني وش بتسوي .., زياد\اقل شي تمسك اذنك ولا تفكهاالا وانتي قاريه كل آيه ودعاء حافظتهم علي .., عوق بضحك\والله شكل امك ماهي بعيده عن امي ماتحب كلمة يازين بنتس والا وش اخبار بنتس.., اردفت عوق \تدري زياد انه مرات يكون معاهم حق احيانآيكون الانسان عنده نعمة هو ماهو حاس فيهاويظهرها بحسن نيه تجيه عين من صديق والا عدو تقلبها عليه نقمه .., زياد\العين حق مانقدر ننكر لكن شوفي صورة الي واقف جنبي من تتوقعين .., عوق\ما ادري والله بس اتوقع من عايلتكم علشان السمار لكن هذا نحيف وقصيرمره با النسبه لك .., بناتكم وناجي كلهم طوال واجسامهم مليانه يمكن من معارفكم.. زياد يبتسم\هذا بنيان.., عوق بذهول \معقوله هذااقصر منك بوااااجد واتوقع اقصر من بشرى.., زيادبضحك\تقريبآ طول بشرى او اقصر شوي امي تسميه عود كبريت محروق ولا عمرها نادته با اسمه ماتقول الا عود كبريت محروق .., عوق تبتسم بتعجب \امك عليها تشبيهات .., اردفت عوق \هذي الصوره شكله انت وبحفل ماشاء الله ناحف كثير عن صورتك الاولى لكن من الي معاك بالصوره يضحك.., هذا شكله منكم طويل وجسم ماشاء الله .., زياديتنهد بوجع \هذا ساري ابو راكان الله يرحمه بحفل تخرجي من كلية الطب .., عوق \وش فيك احس انقلب مزاجك.., زياد بحزن\ساري كان الاب الثاني لي يعاملني كأني اخوه بوفاته فقدت اخو لي من لحمي ودمي.., امي وابوي ماكانو يشوفوني الا طفل ما اكبروخصوص امي ويعاملوني على ها الاساس لكن ساري كان يعاملني كرجل.., عوق\يا حظ الي تذكره الناس بخير.., قفل زيادالبوم الصور ورجعه للمكتبه واناالنوم غلب عيوني ونمت على طول .., اليوم الثاني قضيته ترتيب للبيت وتنظيف وزياد جاب عمال .., ركبوا لي اللوحات على طلبي .., وكملت طلبات المطبخ التحضيري الي فوق.., وقررت اصلح عشا لزياد ذبحني با اكل المطاعم..! ودخلت المطبخ صلحت صينية دجاج با الفرن ورز ابيض ونوعين سلطه وحلى سريع .., جهزته وطلعت بغير لبسي عن ريحة الطبخ.., اخذت دش ورتبت عمري واخذت جوالي الي دايم ناسيته ونزلت .., مكالمات لم يرد عليها ..! اكيد كلها من زياد حتى قبل افتحها مافي احد يعرف رقمي غيره.., شفت المكالمات وفعلن كانت من زياد فتحت الرسايل برسل لزياد.., لقيت رسالة من زياد يسأل (قلبي متى نطلع مكه) استحيت من رسالته و تلفت حولي خفت احد يقراها معاي.., ارسلت له (وينك عندي مفاجئه حلوه) دخلت عند خالتي لقيتها كا العاده على سريرها طلبت منها تطلع معاي لصاله وحاولت معاها حتى رضت .., ساعدت الممرضه ونزلناها على كرسيها ام زياد ضخمه حيل طويله وسمينه.., تعبت وانا احاول انزلها تمنيت اني اشوفها بعافيتها تمشي احس انها شخصيه قويه خصوص بعد كلام زياد عنها البارحه .., المرض هادها هد ولاحول ولاقوة الا بالله .., دفت ممرضتها الكرسي وجلسنا با الصالون نتفرج على التلفزيون .., حاولت اسولف معاها كلامها بطيئ ولسانها ثقيل.., لكن سبحان الله على طول ذكر الله بفمها اكثر من كلامها.., دخل زيادوفرح يوم شاف امه جالسه .., زياديبتسم\ما شاء الله عنودتي اليوم تتفرج على التلفزيون هذي المفاجئه وانا راح بالي بعيد.., عوق بمشاكسه\ ليش ماهي حلوه ها المفاجئه.., زياد بفرح \الا واحلى مفاجئه بعد.., عوق تبتسم\ وبها المناسبه صلحت لك عشى طبخ بيت.., زياد\ماتقصرين وين العشا جاتني رسالتك وانا افكر اليوم اي مطعم اعزمك عليه..؟ انقذتيني الله ينقذك من النار.., جهزت العشا وتعشينا خالتي لها اكلها الخاص .., وانا وزياد تعشينا الي صلحته لمه حلوه لكن ناقصها امي .., زياد با اعجاب\تسلم ايدك ما توقعتك طباخه صراحه.., عوق بغرور\ليه ما قالولك تربية الوضيح.., زياد\الا قالت خالتي انك طباخه لكن مشيتها لها انتي عارفه من يمد ح البنت غير امها حتى يوم تغديت عندكم توقعت غداكم طبخ شغاله.., رفع عيونه لسماء وقال ياربي لك الحمد انك عطيتني عوق .., وناظر امه قال صح يمه والله ان دعوتك لي من قلب ضحكت على هبال زياد.., وخالتي تبتسم مثل عادتها وزياد يمزح معاها يمكن هي ما تستوعب كثير من كلامه لكن هو يعاملها كأنها انسانه عاديه .., يستأذن منها ويمزح معاها يهديها ياخذ رأيها..؟ كل هذا لاحظته عليه با الكم يوم الي انا معهم ..! طلعت فوق لغرفتي غيرت لبسي بقميص ورتبت نفسي .., وكلمت امي الحمدلله صوتها طيبه وقعدت تمدحني اني ما مريتها اليوم وتشجعني اني اهتم في بيتي .. سكرت منهاوجلست اخطط كيف برتب غرفتي هي الوحيده الي بقت لي.., دخل زياد زياد بمزح\ نفسي ادخل مره ولا اشوفك سرحانه .., عوق\لا ماهو قصد بس كنت افكر بموديل غرفة النوم ليه شكله كذا.., زياد بمحبه\تبين اغيرها ابشري من عيوني قبل جيبي.., عوق بخجل\لا با العكس حلوه وغريبه.., زياد با استغراب \ كيف غريبه...! عوق\كبيره بزياده غير الغرف العاديه.., زياد\لا اصلن كبرها له حكايه..؟ انتي عارفه اسرة النوم المزدوجه عادة طولها مترين في مترين اقصى حد... وبما ان زوجك الموقر متوسط الطول .., عوق بضحك\واضح صراحه لكن تعد ميزه ..! زياد بتهكم \اما عاد ميزه الا بلشه وين الميزه فيه ..! آردف زياد\ المهم طلبت انهم يخلون كبر السرير مترين ونص زياده علشان اخذ راحتي بماني صرت رجل متزوج وفي شخص ثاني بيشاركني سريري .., ما فهموا علي بدال مايخلون الطول مترين ونص بس لا خلو الطول مترين ونص والعرض مترين ونص ..! لما شفته اعجبتني الفكره وقلت خلاص كبروا كل ملحقات السرير علشان تتناسب مع بعض.., واللون انا احب ها اللون لو تبين اغيره عادي .., الغرفه عليها ضمان عشر سنوات وانا توني مفصلها بعد الملكه.., عوق\لا عادي اللون اصلن شكله فخم ويناسب مع اي مفرش مو مشكله زياد منحرج\ عوق قريتي رسالتي.., عوق تبتسم \ايوا... زياد\متى تبين نطلع عمره..؟ عوق با ارتباك\بكرا وبا الكثير بعده..؟ زياد بتفهم\عوق انا ما اقدر اطول بأجازتي محتاجيني المستشفى كثير.., مهنة الطب متعبه وتخصصي بزياده اضطر ادخل غرفةالعمليات با اليوم عدة مرات .., ومرات استدعى لحالات طارئه بغير وقت الدوام ..!! عوق بتساءل \زياد انت ايش تخصصك ..!؟ زياد يضحك\تخصصي نساء وتوليد.., عوق بدهشه \معقوله .., زياد بتهكم \ليش .., عوق با استغراب\ لابس توقعتك باطنه ..! زياد يبتسم\ ليش جا في بالك كذا.., عوق\ زوجة جزاع قالت لي.., زياد\ الباطنه نواف ماهو انا.., عوق\الحين انت ونواف زملاء..؟! زياد\ نواف اصغر مني هو بعد الثانوي طلع لأمريكا وانا بعد بكالوريوس .., عوق\توقعته كبرك .., زياد\ لا انا اصغر من جزاع واكبر من نواف.., زميلي جزاع وهو الي درس معاي طب على انه اكبر مني .., عوق با استفهام \ جزاع مهندس على حسب علمي.. زياد\جزاع دخل طب سنه وبعدهاحول هندسه .., عوق بتعجب \ليش طيب..؟! زياد\لماطلعنا سنه ثانيه انهار ما قدر يستحمل.., وقت التطبيق بمادة التشريح استفتحو له براس آدمي..! طاح واغمى عليه واخذ فتره نفسيته تعبانه ..! بعدين الطب ما كانت رغبته هذي رغبة اهله وحول بعدها هندسه ومشى وضعه.., اردف زياد بضحك\ شكلك خفتي عادي كل طلبة الطب تمرهم ها الاشياء اناكرهت اللحم بسبب ها الماده والي الآن آكل اللحوم غصب زيادبا استغراب\معقوله ما تدرين انه كان طب ... عوق با انفعال واشمئزاز\وش دراني عنهم وش قالو لك فضوليه..! زياد بضحك\طيب وش فيك عصبتي عادي بنات خواتي لما يجلسون اخبار الكره الارضيه كلها يتداولونها توقعتك مثلهم..! عوق \الحين انت قضيت السنين الي فاتت با امريكا كلها بس دراسه.., زياد \حصلت الماجستير والدكتوراه واخذت دورات هناك وتعينت فتره ولو ما امي وخواتي مارجعت .., بعدين ترى ماهو كلها با امريكا انا درست فتره با المانيا.., عوق بدهشه واستغراب\المانيا .., زياد يضحك\وش فيك مستهينه با المانيا هذي تعتبر ثاني دوله با العالم من ناحية التطور بالمجال الطبي .. عوق \لا ماهو قصد انا ماسمعت الا انك دارس با امريكا .., زيادبضحك\اكيد الي وصلك المعلومه اهل جزاع علشان نواف كان معي بفترة دراسته هناك.., عوق تبتسم \صحيح انت تعرف عيال عبد الرزاق من زمان.., زياد بتهكم\ كل ها الاسئله ولا انتي فضوليه اعرفهم من ايام المدرسه واحنا صغار.., واثنيهم اعتبرهم مثل اخواني جزاع خوذي منه ضحك وناسه اذا جلست معه تنسى همومك .., ونواف حبيب ومظلوم مع الناس .., عوق با استنكار \ وش معنى..!؟ زياد \نواف الي مايعرفه يقول شايف نفسه والا هو والله ملك واخلاقه توب وسهل التعامل معاه .., عوق\ما اعرف الا عايلة عمي مسلط .., زياد\طيب انتي ماعرفت تخصصك ..؟ عوق \ بما انك عطيتني شرح مفصل عن دراستك اكيد تبي مني تفاصيل.., زياد يضحك بتهكم\اكيد بما انا في مرحلة تعرف على بعض ..! عوق تبتسم\ ببساطه خريجة لغه عربيه تخرجت بتقدير جيد جدآقدمت على وظيفه جا تعييني بمنطقه بعيده ورفضته.., درست سنه في مدرسه اهليه وتركتها.., زياد \ليش تركتيها..., عوق بقهر\تعب مو طبيعي والراتب ما يشجع.., قدمت ماجستير قلت اشغل فراغي.., خلصت السنه التحضيريه .., واجلت خفت ما افلح.., زيادبممازحه \والله يا انك صريحه اجل خفتي ما تفلحين لو غيرك كان جابت الف سبب انها ما قدرت تكمل الا ان الدراسه صعبه عليها..!! عوق تبتسم\رحم الله امرءعرف قدر نفسه.., زياد\ شوفي عوق تبين تكملين ما عندي مانع بغض النظر عن الشرط الي بينا.., عوق بمصارحه\لا ماهو قصد لكن انا ماني راعية دراسه حفظي شوي صعب .., زيادبضحك\ رجعنا نحطم مجاديفنا.., لو مثل ما تقولين حفظك صعب كيف حافظه القرآن على حسب ما سمعت .., عوق با امتنان \ الحمدلله من فضل ربي حافظه القرآن لكن فرق عن الدروس القرآن ربي ميسر حفظه.., اردفت عوق \نامت امك.., زياد\اخذت علاجها ونامت.., عوق بتساءل \امس كنت بتعلمني ليش بنات خالتك يفتشون عليك هم وبناتهم.., زياد\ السالفه طويله تسمعينها والا فيك نوم.., عوق تبتسم\لا عادي اسمع واذا جاني النوم نمت.., تبدى من عند امي العنود.., امي العنود وخالتي موضي الله يرحمها هم الي ربوني بينهم .., امي كانت متزوجه واحد من اقاربها..؟!! . . . (كلمه اخيره) سمعت محآضره گانت تتگلم عن [القنوت] وشلون نگون من [القانتين] للدگتور / خالد الجبير ماتصورت ان الأمر مررره بسيط والله مايستغرق أگثر من (عشر دقايق) الا وأنتو خالصين ! تدرون وشلووون نصير من القانتين مثل ماقال الد گتور خالد الجبير بأحد المحاضرات~ يقول لماتقرا باليوم( 100) آيه أوأگثر يومياَ تگون من( القانتين) بقولگم على طريقه سهله تخلينامن القانتين اللّي لهم اجر عظيم والّلي ذكرها الدكتور بمحاضرته (1) اقرا آيه الكرسي اعظم ايه بالقران عدد اياتها 1 (2) سوره الملك المانعه من عذاب القبر عدد اياتها 30 (3) سوره السجده وهي تغيض الشيطان عدد اياتها 30 (4) سوره الاخلاص وهي تعدل ثلث القران عدد آياتها 4 (احسبوا لحد الان صار المجموع65ايه )) نگمل،، (5) سوره الفلق عدد آياتها 5 (6) سوره الناس عدد آياتها 6 (7) سوره القارعه عدد اياتها 11 (8) سوره التكاثر عدد اياتها 11 (9) احسبوا هنا وصلنا 110ايه بگل سهوووله قبل النوم كل يووم ماتاخذ حول 10دقايق {فوائدهاإ} اولا: يكتب عند الله انه من القانتين ثانيا:- اتباع سنه الرسول عليه الصلاه والسلام ثالثاً :- لايكتب من الغافلين رابعا:- تشفع له سوره تبارك وتمنعه من عذاب القبر خامسا:- يتضايق الشيطان من سوره السجده لانه يقول امر الله عبدي فسجد وامرني ربي ولم اسجد.. سادسا:- يأخذ أجر ثلث القران واجر ربع القران سابعا:- سوره الاخلاص قراءتها من اسباب حب الله تخيلوا وانتم كل يوم تقرونها.. ثامنا:- اذا قرأت هذا بالبيت لايقربك الشيطان باذن الله تاسعا:- تاخذ ستين الف حسنه والحسنه تضاعف عاشراً:- انت بحرز من الجن احدى عشر:- سيكون القران نور لك بالأرض وذخر لك بالسماء بعد گل هذي الفوائد وشرايگم نعزم گل يوم قبل ماننام نگون من القانتين (وعسئ اللّھٌ يكتبنآ من القانتين ) . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
الي كل الغوالي متابعات الروايه
بارت اليوم طويل ويعتبر من اطول البارتات الي كتبتها فعلشان ياخذ حقه من المناقشه البارت الي بعده ماراح يكون بكرا بيكون يوم الاربعاء بعد الساعه العاشره دمتم بخير |
♪♪♪ متـــــآإبعين نوح الحمام .. حيآإكم هنا ~> http://www.liilas.com/vb3/t171917.html .. الرواية تحتاج دعمكم .. ادعموها واربحوا معنا ^_^ .. ♪♪♪ |
[السلام عليكم ورحمه الله وبركاته
تسلمين ياقلبي على هالسوالف العسل الله لايحرمنا منك ولا من سوالفك الي تبرد القلب وتخلينا نعيش جو ثاااااااني غير عن روايات هالايام الي كلها حبني واحبك طقني وازعل وغيرها فكرة روايتك فريده من نوعها ما اقول غير ربي يرزقك الفردوس الاعلى انتي ووالدينك ووالديني وجميع المسلمين ام الوليد يسلم لي قلبك صدقين كنت اقول شكل تخصصه نساء وولاده بس قلت لاا مادام طيوفي قالت خمنوا قلت يمكن تخصصه صعب اشوي واستبعدت هالتخصص الصراحه ما حب الرجال يكون هذا التخصص لو انا من عوق اقوله غيره عجبني حيييييل تعامل زياد مع امه وكيف انه يراعيها وكبر بعيني مررررره يوم انه ياكل الي ترميه امه وين الي يسوي زي كذا عسااه يطل على مره لو مره في اليوم يالله المستعان جعل ربي يجعلنا من البارين بوالدينهم ولا يحرمناوياكم من هالنعمه الغاليه وحلووو ان العوق بدت تتاقلم على وضعها وتمارس دورها كزوجه وتتصرف باريحيه في البيت وخاصه ان ما قدامها الا كذا وخاصة يوم شافت تعامل زياد الراقي معها وتفهمه لخوفها وخجلها منه ومن اهله وانه ماغصبها على شيء اما كلامه يوم يقول كبرتي وما طلبتي امك وعقبال ماتراهقين جد جد ضحكني الله يسعدك يام الوليد اما قصه بنيان وبشرى بالعكس قمه الواقعيه انا اعرف ناس كذااااا الزوج شايل يده من امور البيت والام هي الي مشيه البيت وماسكه زمامه وهو دوره بس انه يصرف عليهم اما الباقي على الام لدرجه انا اغراض البيت والعيال عليها لدرجه انها تتفق مع العمال اذا بغت تصلح والا تغير شيء بالبيت بالرغم من زوجها موجود وعيالها كبار بس تقول خلاص ابو فلان عودني اني اسوي كل شيء بنفسي والصراحه مو حلووو ان الرجال يسلم كل الامور والمسؤليه الزوجه ويخلي نفسه المفروض يكون بالتناصف بينهم بس على قولتك يمكن هو شاف راحته ونفسه بهالمزرعه لالالالالالالالا ام الوليد وشهالقفله الله يهديك حراااااااام عليك ابي اعرف قصة زياد وخواته وبناتهم يرضيك يعني نجلس نهوجس عن السبب ليووووووووووووووم الاربعاء لالا ام الوليد الله يرزقك بر عيالك ويذوقك حلاوة بر الوالدين |
♪♪♪ بارت اليوم بارت السواليف =) .. حبيت سوالفهم كثييييييييييييييييييييييييييير .. خخخخخ على قولة امولة يا ام وليد .. آخرتها نساء وتوليد ! مدري ليه انا طرى على بالي تخدير لما قريت البارت الماضي ! احسه ينفع له ههههههههههه .. عايلتهم مشربكة كنت اعيد المقطع مرتين علشان استوعب ^^ .. سلمتي يالغلا .. ♪♪♪ |
اممممممممممممممممممااااااااااااا نساء وولادة
هذي اختها يالوضيخ تكتور توليد يافضيحك بين العرب اماااا النذاله الكبرى القفلة شديت انتباهي معاها واخر شي .... يعطيك العافية وتسلم يدينك ... تم توقف التوقعات |
اقتباس:
هلا وغلا عبوقه حرام عليكم وش فيكم على زياد تخصصه حلو حتى عوق بتزعل عليه بيوم وتعايره بتخصصه تعامل زياد مع امه شفت وحده قدامي ربي يحفظها ويرزقها من حيث لا تحتسب امها مريضه والله العظيم ان امها قدامي رمت لقمها من فمها وجات بنتها اخذتها واكلتها حتى انها تمزح مع امها تقول ليش حرام الواحد يرمي النعمه بنيان اشباهه واجد وحده زوجها مسؤل كبير وله وزنه تقول لو ما اخبره بأي المراحل عياله يدرسون مادرى وفعلن ماله شغل بحياة عايلته الا بس يصرف زوجته تقول مجبوره اقوم بكل شي لا تضيع عايلتي عوق غصب تصير حرمه وراها الوضيحي اذا طيرت عيونها عليها خلتها ما تشوف الدرب القفله عاد خلوني مره اشوقكم اسعدني مرورك الغالي على قلبي الله يسعدك على ها الدعوه الطيبه ولك با المثل واضعاف يارب |
اقتباس:
هلا وغلا حنو والله سجع حلو نساء وتوليد يا ام الوليد لا عاد التخدير ما يحتاج عبقري زي النساء والتوليد اي ممرض شاطر يقوم فيه هههههههههه اما عاد مشربكه قولي لي وانا اشرح لك فديتك اسعدني مرورك الي مثل النسمه |
اقتباس:
هلا وغلا مشاعل الوضيح ماتدري عن تخصصه تكتور وبس اما عاد القفله خلوني اشوقكم شوي اسعدني مرورك واذا ربي اراد في توقعات ثانيه |
رواية رائعة جدا تأسر القارئ بسلاسة اسلوبها تأخذه الى عالم اخر وكأنه يعايش الشخصيات
تعجبني الرسائل التربوية التي تبثها الكاتبة من خلال الرواية لكن الا ما قدرت اتقبله تخصص زياد احسه ما يناسبه على عبقريته المفروض مخ واعصاب او جراحات قلب وكمان انه درس في المانيا كمان مرة ما قدرت اتقبله نساء ولادة سلمت يداك ام الوليد واسعدك في الدارين |
السلام عليكم و رحمة الله و بركاته شكرا ام الوليد و الله يحفضلك وليد شدتنى الرواية جدا رغم صعوبة اللهجة اعجبت جدا بتصرفات زياد مع امه الله يرزق جميع المسلمين الذرية الصالحة كذلك طريقة الرسائل بين زياد و عوف ما شاء الله عليهم صراحة طريقة جديدة و مبتكرة للمواقف المحرجة الغريب يعنى لهم ايام متزوجين و للان مازال الخجل سيد الموقف بانتظار القادم بفارغ الصبر و خليكى كريمة معنا و يكون بارت طويل ان شاء الله السلام عليكم |
السلام عليكم رحمة الله وبركاته
يابعد قلبي ام الوليد انتِ كشفتي تخصصه نادر رجال يقول لزوجته ارتاحي شي طبيعي وغير خذى شي دافي صحيح انه هالتخصص قليل تواجد الرجال فيه بس اكثر الرجال المتخصصين فيه ستشارين و شارين وخصوصا بالحالات الصعبه ...والله يعين عوق وغيرتها على رجالها ...وهذا بحد ذاته قربه من خواته وبناتهم ممكن يستشيرونه بكل شي حلو الترتيب والتنظيم بيحسس كل الي في البيت بالمسه الانثويه وذوقها الرفيع بالاختيار احلى شي انها نزلت الشغاله من البدايه حاسه وراها سالفه وهي مستفرده لوحدها بمكان منعزل حياة بشرى وبنيان تحدث وبكثره في مجتمعاتنا اذا كان الرجل مهمل تجدين المرأة من تحمل كل العبء على عاتقها او العكس سبحان ربي موزع الارزاق لو كان الاثنان مهملان لضاع الابناء زياد وبره بوالدته وتصرفه معها يدل على نبله و حسن التربيه التي تربها تحت جناح العنود شي طبيعي ان من بسن العنود وزوجها تربيتهم سوف تحمل الخوف على ولدهم ووجد العون من ساري الذي كان بمثابة الاب والاخ له رغم فارق السن الذي بينهم الترابط الذي بين اسرة زياد وقوته اشعر ان هناك حكايه خلفه و دخول زاد على هذه الاسره بسبب الاب وليس العنود عوق و اتصالها بوالدتها باخر اليوم ليرتاح قلبها تعلمين ام الوليد اننا مجبرين لبرنا بوالدينا ان نطمئن عليهم كل يوم باتصال اذا لم نستطع زيارتهم فهم من الاولويات الحتميه اهم من الابناء نفسهم >>هذا ما سمعته باحد المحاضرات وهناك خطأ دوماً نقع به وهو به سؤادب في التعامل مع الله حين نقول الله لا يهينك والفاظ اخري مثلها اعتدنا عليها لكنها بها لو تاملناها الله لا يهين عبد من عباده وهنا يتضح لنا لما نقع في النار بسبب حصائد السنتنا ...نحن نقع بالخطأ دون ان ندرك حجم الخطأ وهناك الكثير الكثير من الكلمات التي نقولها حياة عوق وزياد على ان لهم ايام مع بعض يشعرك تفاهمهم كان لهم فتره طويله و لكم ضحكت على اسلوب زياد حين يصف عوق بالطفوله والمراهقه فقدنا الوضيح بهذا البارت نتشوق دوما الى ابداع حروفك وحكاياتك التي تشرح الصدر وانتظر بارتي الخاص ههههه دمت بخير استودعك بحفظ الله |
السلام عليكم ورحمة الله وبركاته
اسعد الله قلبك ام الوليد الى الان وانا محتره من تخصص زياد ابد ما أحب الرجال يدخل التخصص لو بيدي كان كتبت لوحه على كلية الطب وقلت ممنوع دخول الرجال بس انت تقولين بنعذره اذا عرفنا سبب تخصصه في المجال هذا يكون السبب ان امه يوم كانت تولد اخوه ناجي صارت معها مضاعفات أثرت على ناجي وسببت له عاهات يمكن ليش لا لانه ما جاب سيرة ناجي وهو يسولف عن أهله تكلم عن الكل الا هو ما ادري ليش جاء السبب هذا في بالي عاد شحطه وقلت باسدحه وأشوف حظه من التوقعات قلتي في احد ردودك على واحده من البنات ان عوف بتعاير زياد بتخصصه معقوله تكون من الغيره في البارت هذا شفنا وشلون بدات عوق تهتم بشئ ثاني غير أمها من قبل كان محور اهتمامها أمها بس الحين صار عندها شئ تهتم فيه حتى زياد لاحظ وقال لها كبرتي ياحليك يازياد تبيها تراهق من جد رحمتك هذه تربية الوضيح جديه بالمره حياة بشرى وزوجها منتشره كثير خاصه اذا الزوجه شخصيتها زي بشرى ما لها الا تتحمل المسؤليه بر زياد بأمه شئ يفوق الوصف عاد القفله شئ ثاني ولا عاد عوق تقول اذا جأني النوم بنام تبني اًذبحك خلي الرجال يقول قصته مجهزه المناديل أنا تسلم أناملك اللي تخط لنا السوالف الحلوه اللي ننتظرها بكل شوق |
اقتباس:
من فضل ربي ان الروايه اعجبتك يارب اكون عند حسن الظن زياد هو اكثر دكتور مطلوب واكيد بيكون في سبب لدخوله التخصص اسعدني مرورك |
اقتباس:
يارب اكون عند حسن الظن الجوال لها خدمات كبيره خصوص مع الاحراجات تربية عوق تفرض عليها الخجل لأنها وحيده وتربية على يد سيده كبيره في السن البارت القادم طوووووووويل وبيكشف عن وضع زياد الحقيقي اسعدني مرورك وانه يكون لي اخت من الجزائر |
اقتباس:
هلا وغلا والله ماتوقعت احد بيلقطه لكن تبارك الله عليك جبتيه زياد تخصصه بيكون له امتداد مع عدة مشاهد بالروايه عوق دخلت على حياة زيادوهو ماعنده الا امه المريضه لمساتها اكيد بيكون لها اثر غير انشغال زياد بدراسته الشغالات الشر الي لابد منه بشرى وبنيان ثلاث ارباع الرجال با اتكال بنيان وحتى بنيان احسن من كثير رجال تذبحين نفسك ولا حمدآ ولا شكورا في شي من توقعاتك بتعرفينه في بارت اليوم ان شاء الله عوق وزياد في مرحله عمريه تفرض الاحترام اكثر من اي شي ثاني الوضيح راجعه قريب وبقوه بعد ابشري با البارت الي يكشف لك سر تمعط زياد لشعر عوق اسعدني مرورك ونقاشك الواعي الي والله انك من المتابعات الي يحيروني وش ارد عليهم |
بسم الله الرحمن الرحيم السلام عليكم ورحمة الله وبركاته مبدعة أم الوليد............ وضعت يدك على أكثر من مشكلة في هذين الجزيئين يعاني منها المجتمع بكثرة في هذا الوقت فمن طريقة موت ساري إلى قصة زواج بشرى إلى إهمال بنيان لأسرته ...........إلخ إلخ إلخ كم هو مؤلم ما نراه من نزف الشارع وليس هناك من رادع لا من دين ولا من قانون ولا من خوف على النفس أو الآخرين وكأن الشاب إذا استلم مفاتيح السيارة لم يعد هناك مثله على الطريق وكم رأينا ورأينا من أبرياء ذهبوا ضحايا هذا الاستهتار الذي لا ذنب لهم فيه إلا أن قدرهم وضعهم في طريق هذا الطائش والمصيبة الأكبر أن البعض لا يتعظ مما يحدث له أو أمامه ويعيد الكرة أكثر من مرة حتى يكون الختام بانتهاء حياته أو بإصابته بعاهة مستديمة تمنعه مرغماً على ترك هذا الأمر بشرى وبنيان............ قد يكونا سلكا في الحياة واستطاعا أن يتعايشا معاً لوقوف أم زياد في الموضوع ومحاولتها إنجاح هذا الزواج والحفاظ على هذه الأسرة من التشتت لأنها هي من أجبرتهما عليه ولسيطرة بشرى على دفة المركب مع ضعف شخصية بنيان وتخليه عن مسؤولياته بحيث أصبحت هي الأم والأب في آن ولكن في الواقع ما نسمعه ونراه في مثل قصتهما يذهب غالب الأحيان ضحيته الزوجة والأبناء خصوصاً إذا لم يكن هناك شخص رشيد يتحمل تبعات هذا الزواج ومحاولة إنجاحه وإذا صاحب الإهمال من الرجل وعدم تحمل المسؤولية استهتار بالتعامل مع هذه الزوجة واستسهال الحصول على غيرها إذا لم تعجبه وإبدالها بأخرى كلما كبرت المشاكل وعجز عن مواجهتها والمصيبة الأكبر إذا وجد من يسانده بذلك وكانت شخصية الزوجة ضعيفة ولم تجد من يقف معها في مشكلتها أو يحاول إصلاح ذات البين بينها وبينه ونرى للأسف أسر مفككة وطلاقات كثيرة والضحية الأولى والأخيرة الأبناء عوق وزياد.............. لم نعرف إلى الآن سبب مرض أم زياد ولكن من خلال حديثهما عنها يبدو أنه قد أصابتها جلطة أوصلتها لهذه الحال كم هو رائع تعامل عوق معها ومحاولة إخراجها مما هي فيه فغالباً حالة المريض تعتمد على النفسية وعلى مقدرته على مواجهة مرضه خصوصاً إذا كان قوي الشخصية كأم زياد والتي لن يكون سهلاً عليها تقبل أن تكون عالة على الآخرين كما أنها ترى مدى صبر زياد في تعامله معها ولأنها هي في الأساس تربت في كنف امرأة كبيرة في السن وذات شخصية قوية لا تنثني بسهولة ولشدة تعلقها بها قد تحاول أن تعطي أم زياد جزء من هذا التعلق وتعاملها كما كانت ستعامل أمها لو كانت في مثل هذا الوضع كم هي رائعة اللمسة الأنثوية في المنزل وأن يجد من يديره بطريقة صحيحة ومسيطرة دون تعنت ولكن هل ستواجه عوق مشاكل من هذه الخطوة بحيث تحتاج من يقف معها في مواجهة الموضوع قبل أن تُحكِم سيطرتها على الوضع خصوصاً أنها نشأت في ظل وضحى ولم يكن لها يوماً قدرة على فرض رأيها في شيء دون الرجوع لأمها من خلال الحديث الذي دار بين زياد وعوق عن أخواته يبدو أن والديه لا ينجبان لذا قاما بأخذه وتربيته وحتى يكون محرماً لأمه قد تكون أم ناجي قد أرضعته مع أحد أبنائها وغلاباً قد يكون مع ناجي إن لم يكن مع بشرى وغالب الظن أن سبب توجهه للتخصص في أمراض النساء والولادة ناتج عن عقم والديه وحتى يحاول أن يساعد من هو في مثل حالهما على الإنجاب بانتظار الليلة السرمدية لك كل الشكر على ما خطت أناملك من إبداع وبارك الله لك في حياتك وأبناءك دمت بحفظ الله ورعايته |
اقتباس:
هلا وغلا اموله ليش منقهره والله في دكاترة نسا ءعباقره بر زياد بأمه بنشوف في البارت القادم هي تستاهله اولا بنيان وبشرى اكاد اجزم ان ثلاث ارباع الشعب العربي مثلهم الرجال مايصدق زوجته تريحه يترك لها الجمل بماحمل ناجي بيكون له حكايه هو وزوجته بنشوف مشاهد منها با اكثر من بارت اهتمامات عوق الجديده كل بنت بتكون في بداية حياتها الزوجيه متعلقه با اهلها وشوي شوي يخف ها التعلق انا اشوف زياده على هذا ان كل طفل تنجبينه يبعدك عن اهلك اكثر واكثر مهماكان تعلقك با اهلك توقعاتك بنشوف اليوم الصائب منها وعلى طاري المناديل وحده من خواتي بكت وبغت تكسر جهازي لما قرت جزئية حكاية زياد انتظرك الليله بعد الساعه عشر اسعدني مرورك ونقاشك الراقي |
اقتباس:
وعليكم السلام ورحمة الله وبركاته تعلق الاولاد بسواقة السيارات صار شي ماهو طبيعي والله بوقتنا هذا وخصوص با الكم سنه هذي صديقه غاليه تقولي من طلع السوني هبل بعيالنا الواحد يتخيل نفسه مثل الي يسوقون با اللعبه مره فقدت ولدي عمره اربع سيارات وبغينا ننجن ندوره وين راح الولد لما طلع ابوه لقاه بمواقف السيارات ومعاه المفتاح ويحاول يفتح الساره الشيخ يبي يسوق ولد جيرانابا المتوسط قبل فتره هو ولد عمه واحد توفى والثاني له اكثر من 4شهور با المستشفى ضحية تفحيط ويستعرضون قدام زملائهم ولا في متعض لأن السيارات بكل بيت والولد الله يصلحه صار يشوفوها مثل الفريسه يدور اي فرصه يستغفل اهله عليها والواحد يحس نفسه ملك اذا اخذ له فره بالشارع بشرى وبنيان انا لو با اسوي دراسه اتوقع ثلاث ارباع الشعب مثلهم الام هي كل شي والاب ماعليه الا الناحيه الماديه وكم مره صارت مشاكل بين الزوجين وتلقين الزوجه عند اهلها تقول متهاوشه مع زوجي ابغاه يحس با المسؤليه وفي الاخير ابوطبع مايغير طبعه ام زياد كانت عارفه ان بشرى وبنيان بيمشون حياتهم حتى وان اختلفوا المصيبه لو فرض الزواج على البنت برجل مبكم ماله مفاتيح تدخلين عليه منها هذي هي الطامه الي مالهاحل عوق وزياد اليوم بأذن الله بنعرف جزء كبير من قصة حياة زياد مع العنود وعوق بتواجها اكيد مشاكل مع زياد وبنشوف وش راح تسوي اتمنى والله ان الاحداث القادمه تقنعكم وخصوص ان المشاكل تطرح من خلال لقيط ولقيطه اسعدني مرورك ونقاشك الممتع والليله بيكون البارت بأذن الله |
السلام عليكم شلون الحلوة طيوف عساج عالقوة ياقلبي
البارت وايد حلو عجبني زياد وايد شلون يداري امه ويراعيها ويهتم لها ولرايها ولاحساسها ياريت كل شبابنا بهالشكل والله جان دور المسنين مالها وجود بس الحمد لله على كل حال واكيد لله في خلقه شؤون نجي عاد على مستوى الزوج ااااااااااه ياقلبي عسى الله يخليلي ابو عيالي بس لو انه مثل هالزياد عزت الله عفت الدنيا على شانه يعني متفهم ومستمع وراعي صحبة طيبة وهذا غير طولت باله على عوق يوم انه رايح راد فيها على امها بس احلى احلى شي يوم يسالها متى يسافرون مكة يبوووووووووي مت ضحك مسكين الله يصبر قلبه والا عاد هالتخصص الغريب على الخليجين بالذات مو عشان شي بس فعلا النسا والولادة وبشهادة الدكاترة تخصص صعب ومو هين غير القرف والاحراج والهم والصراخ اللي له اول ماله تالي لين يجي البيبي صج اللي يدخل هالتخصص شخص قوي وقلبه حديد واعصابه ناسيها بثلاجة البيت طيوف ياعسل الله يحرم كلج ومن يغليج وتغلين على النار |
طيوف نسيت اقولج شي بصراحة الله رحمني بس انا وحدة فضيحة لازم افضح نفسي بصراحة مرضت بنتي وشغلتني عن الرد كنت بتوقع تخصص زياد بيطري يعني رايح بعثة وماجستير ودكتوراه في الطب البيطري فصلة مو الله يعيني على نفسي والله اني ضحكت لين قلت بس يوم قريت التخصص
سلام اخليج تضحكين على خيالي الواسع ثلاث حبات |
بسم الله الرحمن الرحيم
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., مثل ما قلت انا الروايه خالصه ومنتهيه احداثها عندي من فتره طويله.., لكن تقسيم البارتات هوالي اشتغل عليه قبل كل بارت.. ولا ابي انزلها مره وحده لأني حابه اتواصل معاكم واشوف ردودكم واعطي كل وحده حقها با الرد.., بما انها استقطعت من وقتها قراءه واتبعتها رد.. فمن حقها علي اني اردعليها ما اقدر انزل اكثر من بارتين با الاسبوع .., الي اعجبتها الروايه فهذا من فضل ربي والي ما اعجبتها الناس اذواق .., الي خايفه تابع معانا وما تكتمل الروايه تنتظر لنهايه. كثير كنت اتمنى اشوف انطباعهم ولو برد واحد يكفيني .. لكن ماكل ما يتمناه المرء يدركه يكفيني عدد المشاهدات.., ولهم بدال العذر اعذار.., البارت اهداء لكل العابرين من هنا من دون استثناء.., واهداء خاص خاااااااص للغاليه امووله.., اليوم بنشوف الليله السرمديه الي وعدتكم فيها.., البارت هذا من البارتات الي بجد اتعب نفسيتي با الكتابه يمكن يعجبكم ويمكن تقولون طيف ماعندها سالفه وتبالغ ..؟؟!! اليوم عوق المزايين بتعرف حقيقة زياد وهل هو لقيط فعلن اولا وبنشوف ردة فعلها.., يا الله تعالوا معاي...!! وسالفه جديدة؛ . . البارت التاسع عشر . . زياد\ السالفه طويله تسمعينها والا فيك نوم.., عوق تبتسم \لا عادي اسمع واذا جاني النوم نمت.., تبدى من عند امي العنود.., امي العنود وخالتي موضي هم الي ربوني بينهم .., امي كانت متزوجه واحد من اقاربها..؟!! وكل ما ولدت طفل توفى مع الولاده او ينزل ميت وتحمل بعده وتولد ويموت وسنوات هذا حالها ... والمشكله انها تولدهم على التاسع .., هم شخصوهابينهم انها التابعه ولا حول ولا قوة الا بالله لكن علميآ اكيدغير.., ينزل الطفل ويختنق ويموت او تنفصل عنه المشيمه اوالحبل السري يلتف على رقبته واسباب كثيره ..! وفي ذاك الوقت كان الطب بدائي مافي تطور والولادات اكثرها تتم في البيوت.. والا لو الحين بمشيئةالله بيكون في حلول..! ابوي مساعد الله يرحمه كان كداد بعد داومه يطلع بسيارته يكد مثل ما يقولون يترزق الله.., امي العنودكانت توها والده ومتوفي طفلهم وابوي كان مره متضايق على طفله الي مات.., اخذ ناس مشوار لجده يمكن الطريق يخفف ضيقته بفقدان طفله .., ولما وصل الركاب مشوارهم شاور نفسه انه يزور بيت الله وياخذ عمره بماانه قريب من مكه.., اعتمر ورجع لرياض وهوراجع كان الوقت ليل يقول وقفت سيارتي بااقضي حاجه وقبل انزل من سيارتي..! الا اشوف كرتون على يمين الخط مبعدينه عن الأسفلت مسافه شوي يعني مايشوفه بالظلام الا الي يوقف ومجتمعه عليها كلاب البر وتنبح تهيئ لي اني اسمع صوت صياح طفل مع نبح الكلاب.., قلبي اوجعني من شوفة الكرتون واكبس النور على الكرتون واتعوذ من الشيطان وانزل بعصى غليظه دايم معي بسيارتي .., واطرد الكلاب واناظر با الكرتون الا طفل ملفوف بقميص بدله رجالي ومرمي عليه قماش تلبيسة سياره غرقان دم..! ابوي توقع ان الطفل حديث ولاده من صوت صياحه.. و لما رفع الكرتون وكشف عن الطفل لقى السره ماهي مقطوعه كويس ودم الولاده ملطخ جسم الطفل.., وعلى طول اخذ الكرتون وللمستشفى حققوامعاه وكان اكثر شي نفع ابوي هواختلاف لون البشره بيني وبينه والاكان راح يدخل في مشاكل.., كنت في حالة خطره لأني تقريبآ من لحظة ولادتي تخلصوا مني على طول وشكلي مولود داخل سياره..! لأن المكان بعيد ومقطعه قليل السيارات تمرفيه الا المسافرين لأماكن بعيده.. حتى ابوي يقول لو ماكان الوقت ليل يمكن شفت الي رموا الكرتون الي فيه الطفل لأني لمحت سياره وفيها شخصين او ثلاث واقفه على يمين الخط الثاني ..؟! الوقت ليل وارعبني نبح الكلاب واربشني صياح الطفل اخذته ومشيت .., والسيارةالي كانت واقفه شكلهاتنتظر مصير الطفل شفتها مشت عكس طريقي..! كانوا يراقبوني وش اسوي اكيد عارفين وش با الكرتون.., اتوقع انهم هم الي رموا الطفل ينتظرون احد ياخذه من المسافرين والا كلاب البر تاكلة.., او ان الحرمه الوالده كانت معاهم تعبانه وأخرتهم لايمشون بسرعه .., زياد بتأثر\عوق ليش ها الدموع ترى خلاص ماراح اكملك اذا بتبكين.., عوق من بين دموعها\لا عادي كمل بسمع بقية الملحمه...! زياديبتسم ويبلع غصه\اما عليك مصطلحات ..! اردف زياد بحزن\ابوي يوم لقاني امي كانت والده من يومين طفلها متوفي ومريضه وتعبانه نفسيتها على طفلها الي مات.., الجيران وزملاءابوي بعمله عارفين بحالة ابوي وامي وفقدهم لأطفالهم والكل متعاطف معاهم.., يعني من جهه انسانيآ ومن جهه ثانيه امي وابوي ناس طيبين وفي حالهم ويقدرونهم جيرانهم ومعارفهم.., ابوي خبر هم انه لقى طفل لقيط وهو يوصل ناس مشوار.., والطفل تعبان احتمال يعيش والاغلب انه يموت وشرح لهم كل الي شافه.., كثير اقترحوا عليه قالوا اذا عاش اللقيط اكفله انت وزوجتك ..! يمكن ربي يعوضكم فيه وخصوص ان زوجتك توها والده ترضعه ويصير محرم لكم وكأنه ولدكم..! او يمكن زي ما يقولون تفك عن امي التابعه الي تذبح مواليدها ويعيش لها اطفال..! ابوي كان مترددلكن امي اصرت الا تكفلني.., وراجعوا المستشفى و ما طولت متنوم في المستشفى اقل من اسبوع..! لأنه لما احضرني ابوي للمستشفى كانوا حاطين وقت تقريبي لولادتي حوالي خمس ساعات وتلاحقوا وضعي وفعلن لما لقاني ابوي كان عمري اقل من نصف ساعه ومع مسافة الطريق كانت اكثر من اربع ساعات ونص حتى وصل للمستشفى..! خالتي موضي كانت تخبرني ان امي وهي توها والده ماتترك ابوي يراجع با اوراقي با الحاله تحس انه ماراح يكون حريص مثلها تركب معاه واذا في ورقه تعسر مرورها تقعد تبكي وتهاوش حتى تخلص المعاملةبدموعها.. واصلوا ليلهم ونهارهم مراجعات علشان ياخذوني ..! ومره في مسؤل كبير عقد الموضوع ورفض الواسطات ما رضى انهم يكفلوني علشان لون البشره مختلف..! ايش تتوقعين امي سوت..! عوق خانقتها العبره \ما ادري وش سوت ..! زياديتنهد ويبتسم بوجع \سألت عن بيت المسؤل ودخلت على عايلته هي وخالتي موضي.. وكان يوم مشهود في بيت ذاك المسؤل قعدت تبكي عندهم.., لدرجة انها طلعت صدرها قدام زوجة المسؤل وعايلته وهويصب حليب قدامهم .., وتصيح وتضرب صدرها كأنها تشحذهم وتستجديهم ولدها الي من بطنها ماخذينه منها .., تقول ارحموني توني دافنه مولود.., احسنوا علي بها اللقيط الله يحسن عليكم قبل يجف حليبي يمكن ينفعني ربي فيه ان كفلته وارضعته..., وفعلن مامر كم ساعه الا المسؤل بنفسه خلص اوراقي.., وارسل على ابوي مساعد وقال له وهو يبكي سلم على ام زيادوقلها تجي تاخذ ولدها.., والله لو كانت امه ماسوت الي سوته .., كانت بتسميني عبدالوهاب لأن هالاسم الكل يناديها فيه لكن لمسؤل سماني زياد..! وقال لأمي يوم قالت ابغى اسم عبد الوهاب ..! ان شاء الله يوهبك الوهاب عبد الوهاب واليتيم هذا زيادة الخير خيرين.. وارضعتني صدرها بدال الطفل الي مات .., ماكانت ترضعني مثل الامهات وهي جالسه او منسدحه لا..!! ترضعني وهي واقفه تقول اخاف يجيني النوم وانا ارضعه ويصير له شي.., ولا تجلس حتى اشبع وتنومني .., و دايم تغني لي وهبك الوهاب لأم عبد الوهاب.. اردف زياد با الم \انا قلت لك ها الكلام بغيتك تعرفين كيف عانت امي حتى اكفلتني .., ولاتفكرين بيوم تحطين نفسك بموقع مقارنه لأنها بتكون هي الفايزه بدون تردد او نقاش.. عوق بمراره \طيب كيف بنات خالتك صارو خواتك.., زياد\خالتي موضي ولدت ناجي بعدشهرين من كفالتي وطلبتها امي ترضعني علشان اصير محرم للكل.., اردف زياد وهو يبتسم بوجع\ارضعتني لأنهم خافوا على امي من شدة تعلقها بي تصير بعدين مشاكل بينا وبينهم بسببي.., وفعلن ارضعتني خالتي وصرت اخو لعيالها انا الي يخبرني بها الاحداث خالتي موضي بنفسها وزوجهاعمي خليل .. هم كان قصدهم يشرحون كيف عانت امي علشان تكفلني واتعلق فيها.., خالتي موضي وعمي خليل كل ما خبروني سالفه...! تشوفيني عندهم ساكت واضحك على تعليقاتهم واخذ وعطي معاهم .. ولما اطلع من عندهم شعور يجتاحني يخليني اتخبى بمكان محد يشوفني فيه وابكي بحرقه.., وارجع احب امي العنود وابوي مساعد اكثر واكثرواتعلق فيهم.. والا امي وابوي عمرهم ما فتحوا معاي هالسيره.. يخافون على مشاعري انهم لقوني بها الطريقه الغير انسانية.. اويمكن يجي في بالي اني اتركهم فتشوفينهم لو بيدهم سكروا اذاني علشان ما اسمع كلام يجرحني ..! امي وابوي كفلوني وهم كبار با السن امي كان عمرها بمنتصف الاربعينات وابوي اكبر منها .., بعدما كفلوني امي ماحملت تقدم فيها السن خلاص واكتفت فيني.., كبرت بين العايلتين ولا حسيت الا انهم اهلي توفى ابوي مساعدالله يرحمه وانا ادرس با الكليه..! وترك فراغ كبير بحياتي فقدت الاب الحنون العطوف .., اذكره يوم كان ياخذني للمسجد والا للمدرسه شايلني على رقبته..؟! ويقول بكرا ولدي يشيلني مثل ما شلته..! زياد يتنهد بمراره\راح قبل اشيله مثل ماشالني لكن ان شاء الله تتعوض با امي .., عمي خليل توفى بعد ابوي بسنه وخالتي بعده بفتره قصيره.., خالتي على انها ارضعتني لكن كانت هي وزوجها عمي خليل يقولون... انت امك العنود وابوك مساعدواحنا خالتك وعمك.., عمي خليل وخالتي كانوا خفيفين دم.. يقولون لأبوي وش دعيت يامساعد بعمرتك الي جابت لنا زياد من افواه وحوش البر.., الله يقدرني وابر امي العنود واكون عون لبنات خالتي موضي واخو لناجي .. عوق بوجع وقهر\سبحان الله الحين انت وش اسمك الكامل.., زياد يبتسم\ليه..! عوق با اصرار\ لاابي اعرف وش اختاروا لك اسم...! زياد بدهشه\اسمي زياد عبد الله محمد عبد اللطيف.. عوق بمراره\وانا تعرف اسمي ..! زياد يضحك\ايه اعرفه والا نسيتي انك زوجتي.. واردف با ابتسامه\ وابيك تخبريني كيف لقتك امك والا طلبتك من دار الرعايه عادي..! عوق تقاطعه بتهكم \بتعرف لكن علمني وش اسمي.., زيادبترقب \اسمك عوق عبد الله عبد الملك احمد.. واضحك ضحك هستيري حتى زياد استغرب من ضحكي.., ويمسكني مع ايديني وش فيك عوق وش ها الضحك.. وانقلب ضحكي بكى ما ادري وش جاني ماني عارفه افسر الشعور الي صارلي ذاك اليوم..!!! عوق ببكى مرير\ زياد اسمي واسمك اسامي شايعه ومصففه..! الحمدلله ما تصادف ان اسمي نفس اسمك والا يحسبونا اخوان ..؟؟!!! جابونا اهلنا ورمونا والي عاش مناالجهات المسؤله عن رعاية الايتام لزقوا له كم اسم يعيش فيه بين الناس لكن مافكروا كيف بنعيش والا كيف بتكون حياتنا..! وفي منا الي اكفلوهم ناس فيهم خير وفي الي للحين بدار الرعايه.., ويكبرون وينولد غيرهم نفس الحكايه و نفس السيناريو مافي احد يتعظ .., والي تحاول تجهضه امه هي تموت وهو يعيش او يموتون الاثنين..! والي يموت مننا يستخسرون اهله حتى يدفنونه ..؟!! تخيل عظم الجريمه اعماهم ربي حتى عن الدفن الي هو حق من حقوق الميت..! يغلطون ويرمونا كأنا حيوانات كم مره با الجرايد.. موضوع موجود فيه عثر على طفل لقيط متوفي على قارعة الطريق.., حرمو الطفل الي ماله ذنب من حق انه يدفن بعد موته مثل ما حرموه من حق النسب في حياته.., زياد بدهشه\عوق وش فيك اعو ذبالله ليتني ما فتحت معك الموضوع...! عوق تبكي بمراره\هذي الحقيقه زياد ليش نتجاهلها احنا عاله على المجتمع..! من قبل نخرج لدنيا واهلنا يحاربونا يبون يتخلصون منا ..! واخرتها محذوفين بكرتون والا بكيس قمامه وينسون ها اللقيط .., عوق تضحك بمراره\تدري زيادان اللقيط هو شاهد الاثبات الوحيد الي ما في احد يبي يسمع شهادته.., سواء الجاني او المجني عليه...ّ! تصور ان احنا الوحيدين الي اهلنا يفرحون بموتنا اكثر من حياتنا.., ولا يختارون لنا اسمائنا... عوق بتهكم موجع\اصلن من سابع المستحيلات انا نتشرف ان نسمى على اجدادنا او اقاربنا.., او حتى ال التعريف يلحق با اسمنا الاخير مثل العالم والناس.., انت ربي سخر لك مساعد وانقذك ..! والا كم واحد غيرك بنفس وضعك اكلت وجهه الكلاب شمت ريحة دمه والا سمعت صوته يصيح لقته محذوف بجنب طريق صحراوي والا بين مزابل بعيده..., لأن امه الحانيه الرءومه ابعدته عن العمران ورمته .., تدري ليش ...! عوق تجهش با البكى \ انا اقولك علشان مافي احد يسمع صوته اذا فتكت فيك الضواري وينقذه.., تخيل زياد لو ما امك وامي كفلونا كيف بيكون وضعنا ..؟؟!! لو اكفلتنا اسر مستهتره يهملونا ونكون عرضه لتحرشات وضياع اكثر من مصيبة كونا لقطاء.., تتوقع انت بتصير دكتور والا انا بكمل واخذ شهاده ويكرمني ربي بحفظ القرآن..! تصور لو انك عشت في دار الرعايه وخصوص انك ولد ومرحله عمريه معينه وينقلونك لمكان ثاني الي يشرفون على تربيتة رجال وتتربى على حزم الرجل وشدته .. يعني محروم من الحنان الي تتميز فيه الانثى وتعطيه اطفالها تخيل كيف بيكون قلبك قاسي .., عوق تمسح دموعهابكمهاوتحاول تضبط اعصابها\مره حاولت ازور دار الايتام بعد ما عرفت اني لقيطه...! يمكن احب الحياه ابي اي شي يعلقني با الحياه يخليني اتقبل نفسي على الاقل .. او من باب من شاف بلاوي الناس هانت عليه بلوته.., لأني صدمتي من كوني لقيطه افقدتني طعم الحياه خلتني اشوف نفسي شي مقززومستقذر...! يا ما حاولت اذبح نفسي لكن اتراجع با اللحظه الاخيره..؟! دخلت شفت بعيون الا طفال الانكسار وحياه جماعيه مافي خصوصيه..! كل عدة اطفال ينامون بغرفه وحده.., والعاملات هناك فيهم الحنونه وفيهم القاسيه وفيهم الجامده بدون مشاعر..! تدري كنت اتكلم مع وحده من الاخصائيات..!؟ تقول احنا هنا نعاني اكثر شي من الطفل الذكي الي يتعبنا بكثر اسألته..!؟ ليش ماعندي ماما وبابا..؟! ليش اسمي كذا ليش ماعندي اخوان يشبهوني..؟! انت عارف ان بعض الاطفال يعاقبون على مثل ها الاسئله..! الاسئله هذي الي كل ام واب ينتظرون اطفالهم يشاكسونهم ويجاوبون عليها وهم فرحانين..! واذا كبرو اهلهم يتذكرون ها السوالف وهم يتمنون يستيعدون ها الذكريات اللقطاء غير يعاقبون عليها معاقبه ما تتوقع كيف..؟! اطفال يغلطون ويشاكسون ويخربون ويكسرون مثل غيرهم من الاطفال..! انت عارف من وسائل التأديب لهم قطع المصروف عنهم فتره..؟! طيب من وين بياخذون مصروف لا ام تحن وترحمهم ولا اب يعطف ويعوضهم..؟! اوامر وتنفذ عليهم واساليب تربويه يعمل بها حرفيآ اوقات كثيره بدون تدخل المشاعر..؟! عوق تشاهق \احنا يا زياد ذنوب غيرنا نمشي على الارض..! ذيب وضحيه التقوا بغياب الرقيب والنتيجه اطفال يدفعون ثمن نزوة غيرهم الي ما اخذت خمس دقايق.. تخيل زياد نزوة دقايق بين حقيرين تجني على كائن بشري .., من ينولد لحد مايموت وهو بعذاب وحياته سواد بسواد سواء عاش يوم والا مية سنه.., زياد بغضب\عوق خلاص اسكتي فضحتينا صوتك لا يرتفع..! عوق بتهكم\ليش في شي غلط بكلامي ياليت امي ذبحتني يوم طلعت لدنيا..! زيادبحده\عوق انتي ما انتي طبيعيه الليله ...! اردف زياد بحده وتهديد\ والله ما يحصل لك طيب لو دق الباب والا جوالي احد يسأل وش صاير.. انتي شكلك مضغوطه من شي خلاص عبرتي عن شعورك اسكتي..!!؟ عوق تضحك بتهكم \ اسكت بالله معجبك حياتك.., زياد بتأكيد\ايه معجبتني انا متصالح مع نفسي وراضي بقدر ربي لي.., والله ماهو ذنبي اني لقيط اكيد ان الي جابوني اخذو جزائهم با الدنيا وبالآخره لهم عند الله حساب وعقاب ...! وانا الله عوضني با اهل متأكد انهم احن علي من اهلي الحقيقيين ..., انا ما انكر انه مرتني لحظات ضعف وتمنيت ان لي اهل من لحمي ودمي وادري انه مستحيل تتحقق ها الامنيه..! لكن تغلبت مع الايام على ها المشاعر..؟! ولو بيطلعون الآن اهلي ويخيروني بينهم وبين امي العنود اكيد با اختار امي العنود بدون تردد..! حتى لو كان الثمن الاعتراف اني ولد شرعي..؟! عوق بسخريه \يعني تبي تقنعني انك ما تتنمى انك ولد شرعي .., زياد بحده\اناكبرت على اني اعيش با الخيال امي العنود وبس هي امي وابوي واهلي وناسي .., تدرين لو تطلب عضو من اعضائي اعطيها وانا فرحان وبكون ممنون انها شرفتني بها الطلب .., لأن الام هي الي تربي ماهي الي تولد وترمي وغيرها يربي بأي شكل من الاشكال..! اهلي الي جابوني ورموني بوقف قدام رب العالمين يوم تجتمع الخصوم واخذ حقي منهم.., والا في الدنيا استغنيت عنهم من يوم العنود ضمتني وارضعتني صدرها.., عوق بمراره\يا حظك بنفسك يا زياد اذا فعلن هذي افكارك بصراحه اشك انك تقول الحقيقه .., زياد با استنكار\عوق والله فيكي شي وشي خطير وش الي قلب حالك ..! عوق بحزن\ما قلب حالي شي بس انت معيش نفسك بوهم وكل شي واضح قدامك..؟! زياد بتعجب\واضح وش الي واضح..!!!؟ عوق با استهزاءوسخريه لاذعة\الي واضح ملامحك ماتوحي ابدآحتى انك سعودي ..! الا احلف بعد انك ما انتي عربي اصلن ويمكن بعد اهلك ماهم مسلمين.., او امك اجنبيه ضحك عليها احدومن ويوم انولدت تخلصو هي واهلها منك بها الطريقه البشعه..! رحمك ربي وصرت سعودي لأنك انولدت هنا ولقاك مساعد محذوف بذاك المكان المهجور قبل تاكلك الكلاب.., سحبت زياد مع ايده للمرايه.., عوق بقهر وحسره وتهكم \يا اخي اذا انت مغمض فتح وشف وجهك با المرايه وانت تعرف صدق كلامي يا سعودي ...! يشهد عليك ملامح وجهك وتكوين جسمك ان دمك ماهو حتى عربي.., لوما قلت ان لقوك توك مولود كان قلت هذا ولد اجانب جايين يشتغلون هنا وضيعوه.., عند اخر كلمه ماحسيت الا بلي نفض يده من يدي و دفعني يبعدني عن طريقه وطحت على الارض...! اسمع صوت تسكيرة الباب الي هزت جدران الغرفه..! اول مره انهار في حياتي ومن قدامه قدام زياد الي ما كملت معاه اسبوع..! واقعد ابكي بكا سنين عمري ال25... ونمت وانا ابكي وصحيت الفجر ما شفت زياد.. ورجعت نمت صحيت على الساعه عشر.. قعدت اراجع كلامي تحسفت اني انفجرت في وجه زياد طيب وش ذنبه.., وش الفايده من كل كلامي الي قلته غير تقليب المواجع انا ليش قلت كذا..! والا تفكرين ياعوق الاسم الرنان لعيالتك خلاك تتحسفين انك تزوجتي رجل مجهول النسب هو بعد يمكن عايلته اكبر من عايلتك وابتلو بعرضهم.., يا بنت الاصل والفصل ناسية انتي مين ..؟!! انتي عوق اللقيطه الي كان المفروض نهايتك بحبوب تجهضك والا بعملية تنظيف عنداي دكتور والا حتى عشبه عطوها امك وسقطتك ماهو مهم بأي طريقه المهم انه ما يكون لك وجود الحين يا عوق وش تبين عمرك 25سنه وامك 92سنه الايام تمشي بتوقفين الزمن وهذي امك قدام عيونك مريضه يعصرها المرض عصر لكن تصبر علشانتس ماهي راضيه حتى تروح لمستشفى انصمختي وانعميتي عن حقيقتك..!! عار وشنار على حموله كامله لو يتعرف عليتس احد.., زياد مسكين ضحيه مثله مثلي با اختلاف ظروفنا نظل مجهولين نسب هو صادق اناما كنت طبيعيه...! ويعني واذا قلت له الكلام الي قلته والاملامحك والادمك ماانت سعودي وش بيغير بحياته وحياتي اكيد قالوها له غيري كثير وش غيرو في حياته لقى اهله والا تغير وضعه .., يمكن الي خلاني انفجر اني فعلن فقدت امي اواني ما لقيت احد مثل وضعي اشكي له...! وكبت السنين الماضيه لقى له منفذوثرت مثل البركان..! الحمدلله الي ما ناقشني زياد واخذ وعطى معاي يمكن انهبلت وعلمته طريق .. ياربي هو وش بيسوي الحين بيرميني على امي والا يتركني شفقه على حالي..! ان رجعت لأمي اكيد اما انها تهيني وترجعني اوانها تتعب ويصير لها شي وهي خلقه تعبانه وش الحل ياربي..! ياليتني اصلي واطلب ربي يدبرني..! نزلت تحت يمكن اشوف زياد.. مالقيته سألت الخادمه قالت انه افطر وطلع من الصباح.. افطرت وانا مالي نفس بس ابي شي يسد جوعي.., دخلت على خالتي ام زياد لقيتها نايمه طلعت لغرفتي ياربي وش اسوي مالي حتى نفس ارتب شي ...! كل تخطيطاتي امس لغرفتي طارت با الهوى ما صار لي نفس اسوي شي ابدآ ..! لا حول ولاقوة الا بالله هذا وين راح اظلم الليل ولا رجع..! توقعت يجي يغير ملابسه ماله اثر ...! نزلت تحت شغلت التلفزيون كل شي ممل ..؟! دخلت غرفة الشغاله الي تحت وسألتها زياد اليوم رجع قالت ايوااخذ ملابس جديده و اخذ بالطوا دوام وطلع ..! معقوله يروح ويرجع على البيت لكن ما يطلع فوق..! يطلع فوق وش يطلع له يشوف وحده معقده مثلتس سوالفها تجيب الهم والغم ياربي دخيلك انا وش سويت بنفسي وش عذري عند امي ان رجعت لهااليوم والا بكره صعدت لغرفتي برتبها بضيع الطفش وانسى التفكير الي شوي والا يجنني .., بديت فيها شغل من بعد صلاة العشا وانا مندمجه بشغلي ما سمعت الا اذ ن الفجر..؟! كل شي رتبته لبسي ولبس زياد رتبت السرير والتسريحه حتى الارضيات والحمام مسحتهم ورتبتهم..! حسيت ان جناحي صار شكل ثاني ..؟! لكن لو طلع الحين زيادوقال يا الله لمي عفشك وش بسوي..؟! يروح تعب الليل كله با الترتيب...! يعني ياعوق همك تعب ايديك ولا فكرتي بالناس الي بتطلع عليك اشاعات من كل حدب وصوب..! ووصايا امي لي كلها راحت با الهوا ياخسارة تربيتس يا الوضيح الظاهر كنتي تنفخين بقربه مشقوقه.., ما شفت شقها الا يوم صرت با الحالي واعتمدت على نفسي.., باخذ لي دش الحمدلله اليوم اول صلاتي في بيت زياد واطلب ربي..! فرشت سجادتي وصليت الفجر.., ودعيت ربي ((اللهم إني أعوذ بك من جهد البلاء ودرك الشقاء وسوء القضاء وشماتة الأعداء, اللهم اني اسئلك باسمك الحبيب الكافي ان تكفيني كل اموري مع زوجي مما يشوش خاطري ويسهر ناظري , اللهم الف بين قلبي وقلبه كما الفت بين قلوب عبادك اللهم اصلح بيننا, واكشف عنا ضرنا مسنا انت اعلم به منا اللهم انا نسألك رحمتك , اللهم انا نشكو اليك ضعف حالنا وقلة حيلتنا وهواننا على الناس, اللهم ان الم يكن بك غضب علينا فلا نبالي غير أن عافيتك هي أوسع لنا)) يمكن الي صار فيني عقوبه هاجره كتاب ربي من كم يوم .. ولا حصنت نفسي من ليلة عرسي .., قريت وردي واذكاري وخلصتها.., ناظرت جوالي يمكن لعل وعسى زياد مرسل رساله لو عتاب اهم شي يعبرني ..! ما لقيت شي رجعت نمت.., صحيت على دق الباب..؟! كانت الشغاله تقول مدام الحين بيطلعون عمال لا تطلعين..! رجعت نمت وصحيت على ازعاج وصوت سحب..! صحصحت من النوم وصليت الضحى .., توقعت ان زيادبأي لحظه بيفتح الباب ويدخل غرفتي وخاب ظني .. بعدها هدا الصوت انتظرت حتى اختفى الصوت.. فتحت باب غرفتي وانا لابسه جلالي خفت اصادف احد غريب كان المكان فاضي مافي احد...!؟ وطلعت اشوف سبب الاصوات لقيت غرفة الاشباح مفتوحه...! الشغاله تنظفها بعد ما العمال ركبوا الستاير..؟! وجابوا الكنب لها حتى التلفزيون وباقي لوحات حددت مكانها امس كملو تركيبها ..؟! سألت الشغاله وين زيادقالت طلع مع العمال ... يا الله يا زياد الي ها الدرجه حاقرني ..؟ الصباح مرسل الشغاله تخبرني ان فيه عمال ما تبي تشوف وجهي .., نزلت تحت بفطر اليوم الاثنين ليتني نويت اصوم من زمان ما صمت.., افطرت ودخلت لغرفة خالتي ام زياد... لقيتها صاحيه سولفت معاها شوي وطلعت لجناحي جلست اقرا قرآن قبل صلاة الظهر اذن وصليت..., قررت انزل اصلح غدا يمكن اشوف زياد صلحت الغدا وطلعت اخذ شور عن ريحة الاكل والبس.., كشخت من الخاطر حتى شعري الي كنت اتحاشى ان زياد يشوفه فكيته و خليته على طوله.., يمكن اذا شافني زياد كاشخه يحن شوي علي ويرضى.., بشوف تعليماتس ياريم اليوم يجي منها فود اولا.., يوم تقولين اذا زعل جزاع من يوم يشوفني كاشخه يطيح مابراسه .., شباك غرفة الاشباح كبير وعلى طول يطل على الحوش رحت بشوف سيارة زياد موجوده فتحت الشباك.., وماجات عيني الا بعين زياد الي توه نازل من سيارته وكأنه ينتظر بس متى افتح الشباك.., عيونه بغت تاكلني حسيت فيها تهديد.., ياربي زاد الطين بله وش اسوي لكن ما فيه الا المواجهه والي يصير يصير..؟! شيكت على شكلي ورشيت عطر نزلت تحت ما شفت زياد, سألت الشغاله وينه..؟! قالت بغرفة ماما كبير.., جهزت الغدا ورتبته على طاولة الطعام ومشيت لغرفة خالتي..!؟ عطري يسبقني وقلبي يرقع من موقف البارحه وكمله اليوم..؟! عوق بهدوء\زياد الغدا جاهز با المقلط..! مارد علي ولا حتى ناظرني.. رجعت للمقلط وطولت جالسه بعدها سمعت حركه احد جاي للمقلط يارب زياد.., ماخاب ظني كان هو..! الحمدلله اكيد اعجبه شكلي ولحقني يا بعد قلبي يارويمه انتي ونصايحتس .., جلس على كرسي قريب مني بدون ما يناظر وجهي.., زيادبحده وهوخافض صوته \اسمعي يا بنت الناس ها العايله الي معتبريني ولدهم طول عمرهم ناس مستورين..ّ! ما عمر احد نقدهم ولا شكك با اخلاقهم.., تفتح الشبابيك ماهو لهم ولاتخلينه لك طبع .., بنات خواتي عورات ولهم سمعتهم.., لو مر احد ولمحك مع الشباك ماراح يعرف انه انتي..! ماراح يقولون الا بنات ساري والا بنيان وهذا الي انا ما ارضاه لبنات عايله ضفتني واعتبرتني فرد من افرادها ..! استري علينا الله يستر عليك..! جمدت في محلي من قو كلامه ماعرفت ارد عليه بشي بس دنقت ودموعي ملت حظني بدون شعور..! زياد قام ولا حتى ناظر للي طبخته ولا شده شكلي ولا لبسي..., قمت لغرفتي مكسوره ومقهوره من كلام زياد ترك الموضوع الي زعل منه اساسآ..! ومسك على موقف الشباك ..! انا طول عمري محد شاف مني اظفر الحين يقول زياد استري علينا الله يستر عليك.., ياربي عفوك وش الذنب الي سويته علشان اتعاقب عليه...! قضيت نهاري بغرفتي مابين بكا وحيره بوضعي المعلق.., وحرقة كلمةزياد كنها خنجر بصدري .., تذكرت امي بسمع صوتها كلمت من الجوال على تيلفون البيت.., وردت الشغاله سألتها وين امي شوي وجاني صوت امي عوق\هلا يمه كيف حالتس ..! ام عوق\بخير يا مال الخير .., كلمتها والحمدلله ما حست ان في صوتي شي.., وهي بعد صوتها طمني حسيت بدوخه شكله من الجوع.., نزلت ابي اي شي يسد جوعي علشان اخذ بنادول..! البيت هادي مافي حس ابد الكل مشغول حتى بنات خوات زياد ماطل منهم احد اليوم..! دخلت المطبخ اكلت تفاحه اسد جوعي احس طعمها مر بحلقي غصب ابلع ..! اخذت حبوب بنادول وطلعت بصلي العشا وانام.., صليت العشا فتحت دولاب الملابس اناظر ملابسي الي اشتريتها..! انا والبنات واتذكر سوالفهم وتعليقات ريم وخواتها..., يا خوفي ياريم اني ارجع لأمي مالبست شي منها... اخذت لي قميص نوم خفيف غيرت ودخلت السرير اتذكر كلام زياد..! يوم يخبرني ان حجم السرير ماكان مقصود وانه غلطه لكن غلطه حلوه.., اخذت جوالي اتسلى فيه حتى يجيني النوم.. ناظرت الساعه الوقت متأخر وهو لاحس ولاخبر حتى سيارته ما اسمع لها حس با الحوش..!! فتحت الرسايل مافي الا رساله زياد يوم يسأل متى بنروح مكه..؟! فكرت طيب ليش ما ارسل اعتذار لزياد انا مسالمه ودايم امشي جنب الحيط عمري ما زعلت احد مني بقصد.., ويوم زعلت جبت الطامه مع زوجي...! زوجي كلمه غريبه علي واحس يجيني الضحك اذا قلتها ...! فتحت انشاء رساله وكتبت (اسفه زيادوالله ماكنت اقصد سواءموقف اليوم اوالموقف البايخ الي قبله.. وبعدين لايحق للمسلم ان يهجر اخاه المسلم فوق ثلاث) وارسلت الرساله انتظرت شوي ماجاني رد..؟! قلت يمكن الرساله ما وصلت ..؟ بدق اشوف دقيت وعطاني مشغول..! شكل الرجال بايع ومخلص ومنتهي وضعي عنده لأن كلامي يوم فكرت فيه لقيته قوي وما تقوله وحده فيها مخ..! زيادماهو مجبور على وحده مثلي مطيوره قمت كملت صلاتي ورجعت..! ضبطت المنبه على صلاة الفجر ونمت وصحيت على صوت المنبه مع الاذان.., قمت اجهز نفسي لصلاه وصدري ضايق والحيره ذابحتني..!! ورفعت ايديني لربي ودموعي تصب آلهي لاتكلني الي نفسي طرفة عين وانت ارحم الرحمين.., صليت وجلست على سجادتي اقرا قرآني واذكاري وقعدت ارتب غرفتي ابي اشغل نفسي عن التفكير خلصت شغلي لكن عقلي مشغول مع هالمصيبه..! ياربي هو وش قرر وش قصده من ها الصمت الي يذبح..! يعني خلاص بننفصل عن بعض..! ناظرت في ايدني ورجولي للحين اثر حنة عرسي علي ما انمحت ..! وهذا المعرس طفش مني ومن هبالي.., وش اسوي هو بس لو يعطيني وجه علشان اعتذر منه يمكن يرضى علي.., خلاص ما ابي شي منه حتى زيارات امي ما راح ازعجه يكفي مرتين اوثلاث با الاسبوع اشوفها...! والجوال يطمني عليها.., راحة امي ماهي بشوفتها لي ناطه بوجها كل يوم..! راحتها انها تشوفيني سعيد في بيتي..! لكن زيادشكله بيستغني عني بسهوله..؟! هو وش يذكر مني غير صياحي على امي ولساني الطويل..! اكيد هو مخطط كم يوم وانا وهو كل واحد يروح بحاله.., وارجع لحياتي قبل حياه بارده صقيع مافيها شي حلو الا امي وضحى..! الي لو رجعت لها الله اعلم وش بتسوي فيني..! آآآآخ عشت حياتي كلها احلام جميله واصحى على واقع مرير.., يا ماحلمت انه يكون عندي اهل ولما تحقق الحلم اهلي كانوا يبوني وسيله علاجيه وبا الخفاء..؟! مثل الي يراجع طبيب نفسي وبا الخفاء ما يبي احد يدري والا يكون نصيبه من المجتمع لقب مجنون..! ليالي طويله احلم اني اتزوج ويكون عندي اطفال مثل كل البنات .. يوم جاالزوج يعني ضاقت ما لقيت الا هو افرغ عقدي فيه...! استغفر الله ان قعدت كذا يمكن انجن مافي الا اني اواجه زيادواحدد معاه كل شي..! وخير وسيله لدفاع الهجوم اول مره ما نفعت نجرب ثاني مره وش ورانا..! انتظرت حتى صارت الساعه سبع ونص .., امس الشغاله تقول انه طلع لدوام يعني قطع الاجازه وبيرجع لحياته عادي.., يعني لاشهر عسل ولا عمره لمكه.., خلاص اعزمي امرتس ياعوق وانهي الموضوع يا ابيض يا اسود.., دخلت لغرفة الاشباح كنت بفتح الشباك خفت يشوفني زياد واقطع اخر خيط بيني وبينه.., نزلت ودخلت المطبخ مافي احد.., جلست في الصاله وهي المكان الي يفتح على البيت كله اذا هو موجودبشوفه ...! الساعه قربت ثمان ولا في له حس مافي الا الخدامه... داخله طالعه تشتغل وتنظف ... وقفت بناديها الا زياد طلع من المجلس الداخلي حق الحريم ...! شكله بيطلع الدوام لأن البالطوا بيده مشى قدامي حتى ما قال السلام عليكم سلمت عليه مارد مشى بدون ما يتكلم..؟! ناديته وهو خلاص بيفتح الباب ..! عوق بترددوارتباك\ زياد ابيك بموضوع ..؟ كلمني بدون حتى ما يلتفت علي...! زياد \ انا تأخرت عن شغلي خلي مواضيعك وقت ثاني .., عوق\خلاص اذا رجعت مو مشكله انتظرك فوق.., زياد بتهكم\ برجع متأخر عندي حالات مستعجله وانتي مواضيعك طويله ولا هو ضروري تنتظريني..., وسكر الباب وراه وطلع...!!!!!! صعدت لغرفتي ما شوف طريقي من الدموع يعني وش يقصد بكلامه..؟! ماهو ضروري تنتظريني يعني خلاص بينهي كل شي بينا..؟! . . . (كلمه اخيره) يقول د . عائض القرني ,, بعض الناس عنده مقدرة عجيبة في تكدير خاطره ,, ويجلب الهم والغم لنفسه ,, ويجيد فن الخيالات الفاسدة لذهنه ,, فكم يصفو له من هذه الحياه اذا كان دائما يتذكر الماضي بآلامه ويتوقع حوادث المستقبل ويخاف ان مرضا ما سوف يصيبه !! فيا من اراد السعادة والراحه ’’ لا تقصر حياتك ,, فهي قصيرة اصلا ,, عش في حدود يومك ,, ولا تبكي على مافات ,, واترك المستقبل حتى يأت ِ ,, ولا تلق بالا لكلام الحساد ,, وتوكل على الله فهو حسبك ,, وكفى هموم وغموم واحزان ,, الحياة قصيره فلا نقصرها اكثر ,, قلوب تريد ,, ورب يشاء ,, فيارب حقق لقلوبنا ماتريد بمشيئتك يا ارحم الراحمين,, . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
اقتباس:
وعليكم السلام دايم الروايات فيها مبالغات شوي وزياده تخبرين ليالي العرس ملس لازم لواحد يصير حبوب وخصوص الرجل يبين ازين ماعنده الحرمه تجيب احلى ماعندها با اللبس والرجال يجيب احلى ماعنده با الكلام تخصص زياد صعب جدآ خصوص انه مافي احد يستغني عن تخصص النساء والولاده الله يسلم قلبك على الدعوه الحلوه ولك با المثل ولخواتي ومتابعتنا وجميع بنات المسلمين |
♪♪♪ ياشييييييينك يازياد الحين تاركها وماد بوزك شبرين على لحظة ضغط وانفجاار !! طلع وجهك الثاني .. عوووق طنشييييييه يابعدي ولا عليك منه الدلوع > فيس التحريض خخخخخخ .. عوق ما خلاها تنفجر كذا الا انها عارفة اهلها وعارفينها وتاركينها برغبتهم .. عكس زياد اللي قصته اهون منها ‘ مرتاح انه مايعرفهم .. عوااافي ام وليد .. ♪♪♪ |
اقتباس:
عاد بيطري على ها العبقريه اسعدني مرورك |
عووووووق :8Pp04714::party0033:ننكديه بقوووووووووووووووه
تحمدربهاان زياااااادزوجهاواحدغيره كان فتح في وجههابوفيات وشووارع مالهاحق حتى لوووكانت مجرروحه من حقيقتهافي نااااس ترضى بقدررربي مهماسوووت مايغييرمن وضعهاشي وقدقال الطحاوي: وكل شيء يجري بتقدير الله ومشيئته، ومشيئته تنفذ، لا مشيئة للعباد.. إلا ما شاء، فما شاء لهم كان، وما لم يشأ لم يكن، لا راد لقضائه، ولا معقب لحكمه، ولا غالب لأمره. زيادشخصيه جسدهذه الحكمه التي اعجبتني (ليُخَفِّفْ أَلمَ البَلاءِ عَلَيْكَ عِلْمُكَ بِأَنَّهُ سُبْحانَهُ هُوَ المُبْلي لَكَ. فَالَّذي واجَهَتْكَ مِنْهُ الأقْدارُ هُوَ الَّذي عَوَّدَكَ حُسْنَ الاخْتِيارِ.( يقول الإمام أحمد القدر قدرة الله يعني: كل ما في الوجود فهو حادث بقدرة تعالى، فنؤمن بالقدر خيره وشره: ما أصابك لم يكن ليخطئك وما أخطأك لم يكن ليصيبك الله يسعدك ويحفظك ويجعل كل حرف خطته اناملك وكل دقيقه شاهدلك عندربي |
طيف الاحباب شكرا لك بارت رائع زياد واضح ان غضبه صعب و طبعه اصعب الله يعين عوق عليه عوق هى اخطات و تستاهل بس ليس الى هذه الدرجة فهى مازالت عروس و لم تتعود على طباع زياد كان عليه اخذ ذلك بعين الاعتبار زياد من اول ظهوره فى الرواية تعودنا عليه كشخصية طيبة حنونة بس الطبع الحاد جديد علينا و خاصة على عروسه ارجو ان لا يطول ذلك فى امان الله متى البارت الجاى ان شاء الله |
السلام عليكم سلمت اناملك
ابكيتيني فعلا تمنيت اصحي امي من النوم وارتمي بحضنها فعلا كلام عوق ومرارتها في روايه كيف بالواقع |
هلا وغلا بطيوف الله يجزاج خير عالدعوة الطيبة لبنيتي
طييوف الله يعينج على هالبارت شلون كتبتيه وقدرتي تصورين مشاعر عوق وتطلعين ما بقلبها صراحة انا وانا اللي اقرى تعبت نفسيا وماسكة دمعتي لاا يطب علي زوجي ويلقاني ابجي ويمسكها علي عاد شيفكني والله توصل لسبع جيل ام دميعة بجتا طيوف بالنسبة لعوق والله معذورة بكل اللي قالته وخصوصا انها اول مرة تطلع اللي بقلبها يمكن ان ردت فعلها مبالغ فيها بالنسبة لكثير بس انا شايفة انها كبتت وايد واللي كلاها المسكين زياد عاد اهو بعد معذور يزعل يعني انقاله كلام ما ينقال الزعل اكيد بيحضر وبقوة بس الرضا اعتقد يبيله شوية شطارة مو بس حابسة نفسها فغرفتها وبس وحتى بعد ما حاولت تلطف الاجواء لازم تحط ببالها الفشل وتحاول مرة واثنين وعشر عاد الرجال ياشين زعله يطول على ما يرضى بس بشوية صبر على شوية كيد وحركات بيرضى ولو على مضض بس لا للاستسلام (اسال مجرب هرته التجارب) وزياد اظن بيزعل وعقب بيرضى بس بيعطيها درس تتعلم منة تتحكم بانفعالاتها وخصوصا انه دارس طب يعني اكيد درس السلوكيات النفسية البشرية (جني قمت اتفلسف) عموما طيوف لج احلى تحية على المجهود النفسي الجبار بكتابة هالبارت وبما ان الدعوة المرة اللي فاتت كانت حلوة ورديتها بمثلها خلاص بصير اختم كل ردودي لج بهالدعوة عسى الله يحرم كلج ومن يغليج وتغلين على النار.......اختج نمورة |
السلام عليكم و رحمة الله و بركاته
صباح الخير و الرضا من الرحمن تسلم ايدينج يا ام الوليد على هالبارت الموجع و اعتذر عن تقصيري بالرد << مشاغل ^ـ^ ====================== (( عوق و زياد )) و ابدت الحياة بالصراحه اللي كانت موجعه عليهم الأثنين لو عوق انفجرت من الضغوط عليها و فراق امها و خصوصا أنها هي عارفه من اهلها و عارفه أنها سعوديه أصل و فصل و انهم تخلوا عنها و كنها شيء نجس و لما احتاجوا لها ما فكروا يصلحون الغلط بالعكس زادوا الجرح عليها و زياد رغم انه كان يقول الحكاية لعوق بطريقه تبين انه مو متأثر بس مهما كان الوضع صعب و و موجع و زادت عليه عوق بــ تحليلاتها و كلامها و كانت ردة فعله عنيفه جدا .. يحتاج بس شوية وقت لغايه ما ينسى و تقدر عوق تطيب جرحه و خصوصا أنها عارفه غلطتها ... اكثر شيء وجعني من ليلتهم السرمديه لما عوق اسئلة عن الاسم .. لإنه ممكن بطريقه ما الاسامي تتشابه و خصوصا الالم اللي كانت تحس فيه عوق و هي تسأل .. الله يصبر و يجبر على قلب كل منهم بــ حالة عوق و زياد ... و الف الحمد الله على نعمة الوالدين تدرين يا أم الوليد من تحليلات عوق قلت الحمدالله اللي ربي زرق زياد بهالعايلة اللي بــ سببها صار زياد مسلم و عارف ربه يمكن لو أهله اعترفوا فيه كان مجرد شخص كافر سبحان الله كل أمر المسلم خير ... =================== سلمتي يارب .. .. .. |
اقتباس:
هلا وغلا حنو بالله زياد مسكين وش ذنبه هي الي ماصدقت تنفجر حقيقه احيان الواحد بالع بقلبه قهر سنين وبلحظه على شي تافه يفجر الدنيا وحده تقول ما انقهرت الا على المسكين زياد الي يضحك ويسألها انتي كيف لقوك والا طلبتك امك من الرعايه مادرى انه بيثور البركان وضع عوق يختلف كثير عن لقيطات وخصوص معرفتها با اهلها وكثر توصيات وضحى لها انها ما تفضحهم في بارتات قادمه بنشوف ها النقطه وشدة حرص عوق بتسوي شي تتذرع فيه انه رغبة امها اسعدني مرورك حنو والسبت بنشوف وش تسوي عوق لدلوع زياد |
اقتباس:
ههلا وغلا عوق وضعها مأساه ولا حول ولاقوة الابالله زياد رجل وناضج وعاش في مجتمعات مختلفه حد شوي من تأثره بوضعه اسعدني مرورك |
اقتباس:
هلا وغلا عوق وزياد بنشوف كيف يقدرون يعدون اول مشكله تواجهم وهل بينفصلون او بيستمرون مع بعض خصوص انهم هم وضعهم شوي مختلف بما انهم لقطاء اسعدني مرورك البارتات كل سبت وثلاثاء بعد الظهر |
اقتباس:
وعليكم السلامورحمة الله وبركاته واقع اللقطاء واقع اسود مرير نسأل الله السلامه اسعدني مرورك |
اقتباس:
ربي يوفقك ويحفظ لك غواليك عوق بجنب فقدان امها ماالتقت ماعاشت مع لقطاء حتى زيارتها لدار الايتام مثل ما قالت كانت بتطلع على الوضع بنشوف ردت فعل زياد وهل بيرضى اولا اسعدني مرورك وتوقعك |
اقتباس:
هلا وغلا صبوحه معذوره ياقلبي والله يعينك زياد اكيد انه بيكون متأثر لكن رعاية العنود له الي بيكون لها تكملها اكيد هونت شي كثير عليه انا تعمدت اني اخلي زياد من جنسيه مختلفه لأن الخطيئه ماتفرق بين ابن البلد وغيره وللمعلوميه زياد ماراح يظهرون اهله الحقيقيين لأنهم مشوا عكس طريق مساعد الاسامي حقيقه دايم اساميهم كذا وشائعه ولا يحق لهم يضيفون ال التعريف قبل فتره سمعت ان في قرار يسمح للقيط يضيف ال التعريف لأسمه اسعدني مرورك صبوحه والله العظيم فئة اللقطاء مهماكتبنا ماراح نكتب عن واحد با المليون من معاناتهم نسأل الله السلامه |
مسائك رضى من الرحمن
يعطيك العافيه ام الوليد والف شكر على الإهداء الحلو هذا بارت سرمردي زي ما قلتي حقيقة زياد بالمره تقطع القلب لدرجه هذه ام ترمي ولدها في البر عند الوحوش اهم شئ انها تفتك من الفضيحه الله يستر على بناتنا وبنات المسلمين يالله ما عندها قلب تخيلت الموقف قطع قلبي أمي الله يرحمها كانت تقول القطه اذا خافت على ولدها كلته ولا تخلي احد يأخذه منها وبني ادآم يرمي في اي مكان المساجد قامت تشتكي من الشئ هذا ثورة عوق وردة فعلها كان مفروض من زمان من يوم عرفت حقيقتها بس كتمت في نفسها والكبت يولد الانفجار وما كان قدامها الا زياد لأنهم زي بعض وبعد هي عارفه اهلها وطريقة تعرفهم عليها زاد عليها كان من المفرض من زياد انه يتحملها ويحتويها مو تتركها وتزعل ما فيه شئ يستهل انك تهجرها المسكينه جأها وسواس الله يهديك تخاف تطلقها بس لاتخافين ماراح يتخلى عنك هو ما صدق لقاك بس انت وحده لو ما مرتفكرين ويعلب فيك الواسوس ما تصرين عوق تستأهل العنود البر والله اللي سوتها ما سوته امه اللي من بطنها في انتظار رضى الدلوع وشلون عوق بتراضيه ودمتي |
مساء الخير ام الوليد
بارت حزين وبكاني شويتين بس نطت في بالي فكرة او عرق المشاكسة اقترح علية اتعلم اهكر علشان ادخل على جهازك واسرق البارتات واقراها وبعدين ارجعها >>> هكر مؤدب <<<< وعلشان اتوقع توقعات صحيحة >> فيس ينظر لساعة بلا عقارب واموله |
اقتباس:
هلا وغلا امووله قصة زياد تمثل قصة اكثر اللقطاء والله شفت صور قبل كم يوم لقطاء مرسلتهم وحده يوتيوب لي عجزت امسك نفسي لا اصيح من غير الردود على الصور شي يوفق الوصف امتهان لكرامة الانسان مواليد مثل الورد بنات واولاد والله اكثر من صوره الحبل السري ماهو مقطوع منظر لو تشوفينه بصورة حيوان خلاك تشعرين با الحزن واكثرها ما اعمم كانت البدايه نظره والا اعجاب انتهى بروح ترمى بزباله والا مجاري صرف ثورة عوق بنشوف زياد وتفسيره لها وكيف عاد بتراضيه بنشوف تعليمات ريم تنفع ها المره او لا وتقبل زياد لااعتذارها والعنود تستاهل اكثر بنشوف زياد وش يقول عنها لما ينقلب الوضع ..؟؟؟؟؟؟؟؟!!!!!!! اسعدني مرورك وحضورك المتألق با الروايه |
اهلين اخت طيف انا من المتابعين لروايتك واول مره ارد عليك بس موتقليل من روايتك بس خفت مااوفيها حقها ولااقدر اعبر عن الي في خاطري بس مااقدر اقول الاانك مبدعه وروايه غايه في الروعه وتعالج قضيه مهمه الناس غافلين عنهم وكنت اتمنى ان لك روايات من قبل عشان نستمتع بقرائتها بس المقاطع صغيره ينتهي البارت كأنه مقطوع بصراحه انا صرت انتظر لين الثلاثاء واقرا بارتين مع بعض عشان ماافقد حلاوته الروايه انا ودي انك تطولين في البارت او تنزلين ثلاثه في الاسبوع يمكن يكون تعب عليك بس هذا من مصلحه الروايه وخصوصا انها عندك كامله اتمنى مااكون ثقلت عليك واتمنى لك التوفيق
|
اقتباس:
الروايه كلها حقيقتها حزينه والله ماهو قصدي ابكيكم واكره الاحزان با الروايات لكن يمكن احدمن العابرين على نوح الحمام يكون ذئب والا ضحيه يتنبه ويشوف لذة دقايق كيف تظلم انسان توقعي مشاعل ثلاث شخصيات بتتوفى اذا عرفتي الثلاث لك بارت خااااص با اسمك اسعدني مرورك العذب الرقيق |
اقتباس:
الحمدلله ان الروايه اعجبتك ومقدره والله انك تبين تعرفين كل الاحداث كنت با البدايه ابغى انزل بارت با الاسبوع على طلب خواتي نزلت بارتين انا ماهو هدفي ان تنزل روايه تختم با اسم طيف الاحباب القصد يمكن اكتب كلمه او وحده من البنات تنزل رد وينقرا يكون فيه تنبيه لبنات غافلات او في بداية السقوط وتتدارك نفسها والروايه ماهي طويله مره ترى اسعدني مرورك وطلبك على عيني والله |
اقتباس:
هلا وغلا البارتات سبت وثلاثاء بعد الظهر من كل اسبوع واذا في جديد اكيد بخبركم قبله اسعدني مرورك |
السلام عليكم ورحمة الله وبركاته
يعتصرنا الألم من حروف لم نعشها ولكن ندرك قليل من شعورها لقطاء على قارعة الطريق و وحوش بشريه تبصر بسعادة لشباع وحوش الصحراء بنبض حي لا ذنب له زياد لكم هو موجع ان يروي قصه روها له الغير عايش المها ومعانتها طوال حياته لتاتي بلحظة انهيار من اراد ان تكون له سند وعون لتاسيس جيل جديد له اسم وكنيه لتخترق الوريد بكلمات مخنوقه تثور من باطن حمم البركان لتأكد له ان جذوره ليست عربيه وما اثيت ذلك انه لف ببذله ربما تكون له جذور عربيه مختلطه لو كان سعوري للتف بشماغ او اي وشاح اخر ...لن قبل سنوات لم ينتشر لبس البنطال والتيشيرت كما هو الان ولكن ما النفع ان كان عربي او سعودي مسلم ام كافر الاهل الخطأ حدث ياعوق من اين كان وان كان كفار من فعلوها ارحم بكثير من من نطق الشهاده وعلم ما حرمت ذلك فقد منح اسره مسلمه ارضعته وتشرب من نسل دمائها فالرضاعه تغير تكوين الجينات لذلك يحرم على الرضيع ان يتزوج من محارمه بالرضاعه سبحان من يجري تكوين الانساب والخلاياء العود هني لها مافعلت فكم عانت بحمل وضياع ابناء لينتظروها بما احتسبت بجنات نعيم لتكفل طفل وترضعه روحها بدل ثديها فليس بغريب على من فعلت ذلك ابنها يلطقط لقيماتها التي ترفظها عوق جرحها وثورتها كبت قهر اهل تعلم بوجودهم ونبذهم فهذا بحد ذاته اكبر جرح لها من زياد الذى لايعلم اصوله واهله هي لم تغتر ان لها نسب واهل تعلم من هم وركبت لها اسماء فقط ودون الـ... البركان الذي نفث حممه لم يخمد بداخلها وتبحث عن اخماده تجاهل زياد وجرحه لها بكلمات بسيطه ليس ليرد لها ما فعلته به وانما ليعلمها ويخبرها ان له اسره هو لا يعترف بغيرها في حياته عوق لم تعتاد على اسره واخوه واب عكسه لذلك لاتعرف هذا المعني لانها ربيت مع ام فقط لذلك زياد متسامح مع نفسه وهي لا سوف تبحث عن حل لمشكلتها ولكن بطريقتها وليس بطريقة ريم للنتظر لنعرف كيف سوف تتصرف ليله سرمديه حتى النخاع ام الوليد لا اعجب ان ضاق صدرك مع كل حرف كتبته ومحوته ثم اعدتي صياغته ولم تبالغي بحرف واحد ربما لو شاهدتها قبل لقلت زيدي الوجع لانه لا ياتي قطره بوجع القطاء دموع تتدفق لتمحي الكلمات حين ترتفع اكف القطاء بالدنيا لاخذ حقهم فكيف يوم نقف عراه حفاه لا يلفنا سوى اعمالنا بارك الله لكِ باولادك وحفظهم من الفتن سلمتِ وسلمت روحك يالغاليه استودعك بحفظ المولى |
بسم الله الرحمن الرحيم السلام عليكم ورحمة الله وبركاته أم الوليد....... لله درك ما أجمل ما كتبت وكيف وصفت اللحظات المؤلمة وعذاب الاستجداء من امرأة ابتليت بفقد الأبناء فكان قدرها أن تقف على باب مسؤولٍ لم يرحم ضعفها ولم يحس بمدى ألمها وحاجتها لهذا الطفل.......... عوق وزياد.......... هل كانت عوق تقسو على نفسها بشخص زياد أم أنها أرادت أن تؤلمه بمقدار ما أحست بالألم وهي تكتشف أنها لقيطة لأول مرة أرادت أن تجعله يحس كم كرهت نفسها حين علمت أنها ليست سوى خطيئة لا تغتفر لشخصين عاشا متعة اللحظة ونسيا ما سواها هل كان انفجارها رد فعل طبيعي لكبت السنين الماضية التي اكتشفت فيها أنها لقيطة ووجدت من تصب عليه جام غضبها المكبوت على والديها الحقيقين أم أنه كره لوضعها أنها تزوجت من شخص مجهول النسب تشك حتى أن يكون سعودي أو عربي الأصل بينما هي تعرف هي ابنة من ولكن حالت الخطيئة دون أن تظهر للعلن باسمها الحقيقي هل تفجر غضبها لأنها وجدت زياد متسامحاً مع نفسه وراضٍ بقدره بينما هي لازالت تعاني من الإحساس البشع بأنها لقيطة وأنها لازالت ساخطة على وضعها والدليل أنها قالت له تمنيت أن تكون أمي قد قتلتني قبل أن أولد أم كان سبب غضبها أنه رغم أنه مجهول النسب إلا أنه قد حظي بأبٍ وأم رغم اختلاف لونه عنهما وهي التي تعرف نسبها جيداً حرمت هذه النعمة وتربت على يدٍ امرأة وحيدة وكان الرجال الوحيدون في حياتها إما ضعيف الشخصية كسعد أو معتدٍ لا يراعي الأمانة كسالم أو شخصٌ مريض كبدر الذي لا يعلم عنها شيئاً بغض النظر طبعاً عن جارهم أبو ابراهيم أنا لا ألومها بانفجارها هذا فالكبت يولد الانفجار خصوصاً أنها حين عرفت بوضعها لم تجرؤ على البوح بما يعتمل بداخلها لأحد ولم تحاول أن تتخلص من الجرح الذي بداخلها أو أن تداويه على الأقل بالبوح لمتخصص ولكن ما كان لها أن تسيء لزياد هكذا وتعري حقيقته أمامه وتظهر له مدى احتقارها لوضعها ووضعه وهو ليس له ذنب بما حصل هو لم يختر أن يكون لقيطاً ولكنه تأقلم مع الوضع الذي وجد نفسه فيه فهل كان ذنبه أن رضي بقدره ربما لأنها هي ساخطة توقعت منه على الأقل ألا يتحدث عن قصته بهذه الأريحية وأن لا يظهر رضاه بما وجد نفسه عليه ربما كانت تتوقع منه بعض الغضب على من وضعه في هذا الموقف ولم تتوقع أن يكون حبه وولاءه للعنود ومساعد أكبر من كرهه لوالديه الحقيقيين بحيث عاش إنساناً طبيعياً متصالحاً مع نفسه ولا يعاني من عقدها التي تعاني منها لا أظن أن زياد سيعيدها لبيت أمها ولو من باب التأديب ولكن يريد أن يلقنها درساً لن تنساه حتى تستطيع مستقبلاً التحكم في ردود أفعالها والسيطرة على لسانها قبل أن تنطق بما يجرح أو يسيء العنود............. قصة مؤلمة ما حدث لها في فقد أبنائها ولكن هكذا هي الحياة موقفها مع المسؤول مؤلم جداً فليس من السهولة بمكان أن تستجدي شخصاً أمراً هو بالنسبة لك كالحياة وهو لا يعرف هذا الشعور ولم يحسه يوماً رغم أني لا ألومه في رفضه لإعطائها الطفل نظراً لاختلاف لونه عنها فهو فكر فيما قد يحدث مستقبلاً حين يكبر هذا المولود ويرى مدى اختلافه عن والديه وما قد ينشأ بسبب ذلك من عقد نفسية قد تؤثر عليه سلباً وتجعله ينحرف سلوكياً أو ينشأ معقداً نفسياً لا يستطيع أن يتعايش مع وضعه فيصبح عالة على والديه وعلى المجتمع وساخطاً على وضعه وبالتالي قد يتحول من لبنة بناء إلى معول هدم تفكيرها بأن ترضعه أختها معها حتى يكون محرماً لبناتها تفكير سليم فهي بهذا قد أغلقت باب الفتنة وارتاحت من مشاكل لا حصر لها خصوصاً أن هذا الولد لقيط ولا يمكن أن تزوجه من إحدى بنات أختها على فرض أن إحداهن تناسبه عمراً غاليتي................. يطول الحديث وتزداد المتعة بمناقشة ما تبدع أناملك ويعجز القلم أن يخط لك ما يجول في الخاطر فلك كل الشكر يا راقية على هذا الإبداع بانتظارك دائماً بشوق دمت بألف خير |
اقتباس:
هلا وغلا ام تركي والله اعجز اجاريكم بردودكم الشق اكبر من الرقعه مثل ما يقولون اللقطاء معاناخ ابتلت فيها المجتمعات على مر العصور القصد من زياد ماكان سعودي وجنسيه مختلفه عن عوق ابين ان الرذيله والعياذ بالله ماله جنسيه فئة اللقطاء فئه مظلومه بكل المجتمعات والا ماكان شفنا دور رعاية لقطاء في جميع انحاء العالم او ظاهرة التبني في الدوله الغير مسلمه عوق ساخطه على اهلها وخصوص بعد ماعرفتهم انه مهماكانت مميزات زياد يظل لقيط ولحظة ضعف مرت على عوق صادفت كبت سنين وتفجر الموقف بنشوف اليوم كيف بتعالج مشكلتها لكن الخوف انها بدال ما تكحلها تعميها بر العنود بزياد ومواقف لهم بتمتد معانا في البارتات القادمه وبنشوف كيف تعلق زياد بأمه يوازي تعلقها فيه اسعدني مرورك ونقاشك الممتع |
السلام عليكم ورحمة الله وبركاته الله يعطيك العافيه اختي ام الوليد على الابداع المتواصل عجبني بالحيل تصويرك لبر زياد حق امه وطريقة تعامله معها وكيف يحسسها انها انسانه متعافيه ياخذ بشورها في الصغيره قبل الكبيره وهي راعية البيت حتى بعد زواجه ياريت كل الابناء يبرو بامهاتهم ويحسنو ويرحموهم في كبرهم... ياعوق خفي شوي على زياد تراه مايتعوض الي مثله. الله يوفقك في الدنيا والاخره ودمتي بالف خير |
اقتباس:
هلا وغلا اراده اللقطاء ماظلمت فئه في المجتمعات مثل ها الفئه على كثر تعاطفنا على كثر ظلمنا مشهد العنود وبكاءها مشهد مقارب له بنت عمي توفى لها ولد العام عمره اسبوعين والله كنت ماسكه نفسي عندها وساكته ما ابي ابكي حتى قامت تغسل صدرها الحليب ماهو راضي يوقف من شفتها تبكي ماصدقت طلعت مع باب بيتهم وانهار والي يومك كل ما تذكرتها تخنقني العبره وكيف دموعها تسابق حليبها عوق احيان الانسان يجيه شعور يعظم نفسه بزياده اجتمع معاه كبت سنين وشعور برفض المجتمع وان الرذيله ساوت بينها وبين شخص مجهول نسب وجنسيه زياد الي واضحه من شكله شخصية العنود في مواقف من ذكريات زياد بتوضح اكثر وهم الاشخاص الي يرهبك اشكالهم لكن من داخل غير نشوف كيف تعتذر عوق اليوم من زياد وزياد كيف بيتقبل ردت فعلها يارب اقدر اقنعكم بمواقفهم زياد حبوب بكل شي الي بشي يتعلق با العنود وهذا الي بنشوفه با البارتات القادمه اسعدني مرورك الي يعطي لروايه وجه آخر واجمل |
اقتباس:
المريض يصير حساس بزياده الله يرزقنا بر ابنءنا اليوم بنشوف وش بتسوي عوق اسعدني مرورك |
بسم الله الرحمن الرحيم
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., يا خواتي اللقطاء مآساتهم ماتصطرها روايه وربي كل الحزن الي نشعر فيه اتجاهم ما يجي جزء بسيط من حزن يوم واحد في حياة الكثير منهم الروايه بتكون نهايتها من وجهة نظر ي نهايه مرضيه وملمعه لأنه مهما سطرنا من وجع ماراح نوصل لوجعهم.. نسأل الله السلامه لنا والجميع اعراض بنات المسلمين والله الاعداد في ازدياد.. الف الف لابآس على بنت الغاليه حكيمه اسأل الله العظيم ان يشفيها شفاءلايغادر سقما وجميع مرضى المسلمين . . . اليوم بنشوف عوق المزايين كيف بتواجه اول مشكله في حياتها الزوجيه وهل بتستسلم او لا البارت اهداء للعابرين من هنادون استثناء...!! واهداااء خاص للغاليه نوفاه, . . . يا الله تعالوا معاي...!! وسالفه جديدة؛ . . . البارت العشرين . . . عوق بترددوارتباك\ زياد ابيك بموضوع ..؟ كلمني بدون حتى ما يلتفت علي...! زياد \ انا تأخرت عن شغلي خلي مواضيعك وقت ثاني .., عوق\خلاص مومشكلةاذارجعت انتظرك فوق.., زياد بتهكم\ برجع متأخر عندي حالات مستعجله وانتي مواضيعك طويله ولا هو ضروري تنتظريني..., وسكر الباب وراه وطلع...!!!!!! صعدت لغرفتي ما شوف طريقي من الدموع يعني وش يقصد بكلامه..؟! ماهو ضروري تنتظريني يعني خلاص بينهي كل شي بينا..؟! ياربي وين كلام البنات عن الحياه الزوجيه والعالم الوردي الي يعيشونه..؟! انا من اول مشكله انهد ما بيني وبين زياد ..! طيب المفروض انه يراعي نفسيتي اني اول مره ابعد عن امي..!؟ وضايق صدري يعني ما يصير الواحد يفض فض شوي.. وكلامي الي قلته حابسته من زمان بصدري يعني من بيفهمني غيره انا وهو نفس الجرح ياربي وش اسوي تسكرت بوجهي وضاقت على الوسيعه.., اللهم بحق قولك "وربك يخلق مايشاء ويختار ماكان لهم الخيره" خرلي مايسعدني ويرضيك في أموري كلها الدنيويه والأخرويه با اصلي الاستخاره واشوف وش ربي يهديني عليه ..! علشان بعدين ما الوم نفسي على اي شي يصير.., صليت الضحى وركعتين االاستخاره.., و حاولت انام ولا ادري كيف غفت عيوني.. اذكر الساعه تسع ونص قمت على صوت الاذان .. بيت زياد قريب منه المسجد اذا اذن صوت الاذان اسمعه داخل البيت.., بصلي الظهر وانزل اكل اي شي بس اسد جوعي على ان مالي نفس بشي.., صليت ونزلت وظهر اليوم مثل ظهر امس البيت جوه واحد..! الشغاله من المطبخ لغرفة الكوي ماشيه بشغلها ..! والممرضه ما اشوفها اكيد بغرفة خالتي.., خالتي يا الله نسيت حتى وجودها.. ليتها بصحتها كان اجلس اسولف معاها اضيع ها الملل والضيقه الي انا احس فيها.. دخلت غرفتها لقيتها صاحيه سلمت على راسها وجلست مقابلتها..! قلت للمرضه بنطلع نجلس في الصاله.., قالت لا الحين دخلتها غرفتها من اليوم هي في الصاله..! وقفت بطلع قلت خاله ادعي ان ربي يفرجها ..., ما ادري فهمت علي اولا لكن سمعت الله كريم.. ياربي وش اسوي النهار طويل .. وبعد ما استخرت حسيت بشوي راحه لكن ماعرفت اقرر امشي والا اقعد.., صرت امشي في البيت واتفرج على التعديلات الي طلبتها من زياد كلها نفذها وكل شي في مكانه .., كلمت امي من تيلفون الصاله كان صوتها فيه نوم قلت يمه وش رايك امرك قالت لا وش يجيبتس عروس وتدوجين قابلي رجلتس ازين.., تقول الي تقوله ام العوق اهم شي انها طيبه.., تذكرت ريم احس من زمان عنهابكلمها.., كلمتهافرحت يوم سمعت صوتها ... ريم بضحك\وينتس يا القاطعه اعو ذبالله كنتس ما صدقتي تعرسين.., انتي ناذره ان اعرستي ما تكلمين احد.., عوق\حرام عليتس ماهو قصد لكن توني القى تيلفون.., ريم بتهكم\يا النصابة كل ما كلمت خالتي وضحى تقول عوق كلمتني وطيبه.., عوق بضحك \اكلم امي من جوالي...! ريم بممازحه\احلى طلعتي جوال اخيرآهذا من بركات الزواج طيب ليش ما كلمتيني على جوالي..؟! عوق\وش عرفني بجوالتس انا تيلفون بيتس ويا الله بعد انتي خابره امي ما تحب تشوفني ماسكه تيلفون..! ريم بتساءل \عوق ماكنتوا بتطلعون عمره وش اخركم.., عوق بوجع \زياد عنده اشغال واجلها.., ريم \ الله يسهلها لكم دريتي الجوهره انخطبت ..! عوق بفرحه\بالله الف مبروك .., ريم\والي خطبها بعد تعرفينه.., عوق با ستنكار\وش عرفني فيه انا اهلتس ويا الله اعرفهم من هو هذا الي اعرفه..!؟ ريم\نواف ..,! عوق با استغراب\من نواف ...؟ّ! ريم \اخو جزاع يا مال الصلاح اخيرآاقتنع يعرس الظاهر ان زياد مادح له العرس.., الجوهره تقول ليت عوق معرسه من زمان.., عوق بضحك \ والله جوجو بايعتها... وام جزاع وش قالت..!؟ ريم\ما قالت شي هي بس تبيه يعرس ملت من كثر ما يترززن حريم جماعتنا عندها تبي ولدها يستقر.., اردفت ريم\البلا ماهو في خالتي البلا عيال عماني يوم سمعوا زعلوا ...؟! يقولون بنات مسلط كلهن راحن لخوالهن وطولوا لسانهم على امي ولا خلو ولا بقواعليها وانه كله من تحت راسها ..! عوق با استنكار\ استغفر الله هذي قسمه ونصيب مالهم حق يعترضون اذا ما كانو خاطبين قبل خوالتس..؟ ريم بقهر \لا خاطبين ولا شي بس قطع رزق بعدين ما تجوز خطبه على خطبه يا فهيمه... اردفت ريم \والله قهرو ابوي يوم تبلوا على امي وقال كنت ناوي ازوجكم من الصغار.. لكن عقب كلامكم هذا مالكم لا صغيره ولا كبيره عندي..! عوق بدهشه\عاد عمي مسلط حليم وباله طويل مايزعله الشي الهين...! ريم\حركة عيال عماني تدبل الكبد, لكن عماني الله يعافيهم تعذروا عن كلام عيالهم.., وقالو يا مسلط لا تفوت نواف على بنتك وعيالنا بيلقون نصيبهم.., اهم شي ان عماني سمحو من خاطرهم والباقي ماعلينا منهم..! عوق بشرود\ما توقعت ياريم عمي مسلط يسوي كذا علشان خالتي..! ريم بضحك \وليه يا حبيبتي ما توقعتي هذي زوجته وام عياله وامي ما مثلها با الحريم.., عوق \وخالتي نوره وش سوت.., ريم \ما سوت شي ابوي الله يطول بعمره واقف معها ماهمها لو كل عماني ضدها يعني وش بيضرونها فيه.., اذا زوجتس على قلبتس ما عليتس من باقي الناس تزعل ومصيرهاترضى..!! البلا يا عوق اذارجلتس جفاتس والا وقف ضدتس والله تحسين ان كل البشر محاربينتس.., عوق بضيقه\ صادقه ياريم .., ريم بضحك\البارحة زياد عند العيال تحت والله يا ضحكهم استغفر الله كنه صياح..!! اسمعهم وانا فوق بشقتي حتى جزاع يقول ما شاء الله زياد باين في وجه الراحه.., يقول لهم يويلكم من الله تاركيني عزوبي كل ها المده ذنبي برقبتكم ورى ما زوجتوني غصب ..!! عوق با استنكار\امس زياد عندكم..! ريم بدهشه\لاتقولين ما تدرين وين انتي عن رجلتس.., عوق باارتباك\ هو جا متأخر بس ما سألته استحيت وهو ما خبرني.., ريم بضحك\كل ليله البارح وهو عندنا جزاع يقول نشبنا لزياد ما خليناه يطلع .., وهو يقول فكوني من شركم شوفوا زوجتي ترسل وتدق تدورني وانتم ماسكيني..., المهم عوق متى اشوفتس دوري اي طريقه نتلاقى فيها تعالي في بيتي.., والا في بيتس والا عند خالتي مشتاقه لتس يا الدبه..؟ ودي اشوفتس وانتي مدام ورجلتس هو الي يجيبتس لنا.. قهرني جزاع يقول زياد صاك صكه على حرمته عزمته شكله يتهرب ما يبي يجيبها.., عوق بضيقه\مو مشكله خليني افضى وارتب وضعي وما يصير الا كل خير..! ريم\خلاص قبل تقفلين عطيني رقم جوالتس..؟ عوق بحزن \والله ما عرفه اكلمك وقت ثاني واعطيك ..!؟ قفلت من ريم كلمتها ابي استانس زاد همي هم.., هو مستانس وفالها وانا دموعي على خدي.., ما عليه اليوم لازم يقرر يا نستمر يا كل واحد يمشي بطريق هذي ماهي حاله ..؟ اشغلت نفسي بشغل البيت غيرت ورتبت مع الشغاله صلحت قهوه وحلى .., يمكن خواته يمرون والا بناتهم.. طلعت لغرفتي صليت العصر وخلصت وردي واذكاري .., دخلت غرفة الاشباح شغلت التلفزيون وجلست افر با القنوات ..! ياربي النهار طويل ماهو راضي ينتهي .. غريبه نفسية الانسان يبي حتى الوقت على كيفه... يوم زواجي كان النهار قصير والليل طويل .. ومع مشكلتي مع زياد انقلب الوضع النهار طويل.., نزلت تحت وجلست با الصاله با الحالي .. يا ليتني اعرف ارقام تيلفونات نجلاء ولابشرى كان كلمتهم يتقهوون معي هم والا بناتهم.., واخيرآ دق جرس الباب مين يا ترى .., دخلو بنات ناجي وهم مستحيات ويناظرون وراهم...! كانت معاهم امهم شايله صواني حلى وقهوه وكيس دخلتها وسلمت عليها هي وبناتها..! عوق \وين تبينا نجلس هنا والا داخل.., ام موضي\الي يريحك داخل احسن مابدنايجي زياد وينحرج .., عوق\ حياك بنتقهوى بمجلس النساء العربي..! اخذت الصواني منها.., ام موضي\بدخل على خالتي العنود اسلم وجايه وراك .., ناديت الشغاله تساعدني اخذت القهوه والحلى للمجلس..., وجلست انتظر ام موضي اهم شي وجه جديد يغير جوي الكئيب ..., رجعت من خالتي وجلسنا نتقهوى ونسولف ..! بناتها مؤدبات ما شاء الله.., عوق\ماعندك غيرهم.., ام موضي\لا بس موضي سبع سنين وسمر خمس سنين وحامل بشهرين يارب يكون ولد..! عوق\تبارك الله .., الله يعطيك الولد الصالح ما شاء الله مرتبه فترات حملك.., ام موضي بضحك\ لا ترتيب ولا أشي .., ناجي عندو مشاكل صحيه وانا سليمه وفتره نتعالج علشان يتم الحمل والحمدلله على كل حال الله يطعميك عوق موهيك اسمك..! عوق تبتسم\ايوا.., ام موضي\اسمك غريب.., عوق تبتسم بخجل\كل من سمع اسمي اول مره يستغربه بعدين عادي يتعودون عليه..! ام موضي تضحك\انا اسمي دينا ئبل ما تسئلي.., عوق\لا انا بقولك ام موضي احلى..! وموضي تضحك مستانسه على كلامي..., عوق \انتي شفتي خالتي قبل تتعب. دينا\انا متزوجه من شي عشر سنين وهيا اجتها الجلطه بعيد عنك ئريب اردفت دينا بوجع\يالله ياعوق ما بتسدئي انو هي هذيك الانسانة القويه حبابه كتير وما بتجامل حدا ولو تفوتي على بيتها وتاخديه كله ما بتئول ليش الا ازا اشي يتعلق بزياد تنئلب شخص تاني مابتعرفيه وزيادكمان ماشاء الله عليه حباب كتير ترك وظيفه كبيره با امريكامن شانه .., جلسنا اكثر من ساعتين انا ودينا وبعدها استأذنت وقبل تمشي..! دينا منحرجه\ هديه مو من مئامك .., عوق بخجل\ ليش تكلفين على نفسك دينا\لا كلافه ولا أشي احنا اخوات.., يالله مع السلامه.., طلعت ام موضي لبيتها ناديت الشغاله ترتب المكان وترفع الحلى..؟! وانا طلعت اصلي المغرب صليت المغرب وفتحت هدية ام موضي لقيتها طقم عطورفاخر..! رفعتها على التسريحه.., طلعت لغرفة الاشباح شكلها حلو ما ناقصها شي .., اذن العشاء وصليت بغرفة الاشباح اول مره اصلي فيها.., اتجاه القبله خمنته من شكل المسجد الي قدام بيت زياد.. اعتمدت على نفسي وحددت الاتجاه عسى صلاتي صحيحه... نزلت وانا بالي مشغول كيف بواجه زياد وش الكلام الي بقوله له..! جلستي مع دينا طلعت منها بدروس تصحي الغافلين..؟! انا ليش احكم على نفسي اني مثل الارض البورالي ما تستصلح ولا فايده تنرجى منها..!! دينا بنت بعز شبابها جميله وتنبض با الحياه..؟! متزوجه ناجي فرق بينها وبينه بكل شي ناجي انولد اطرافه السفليه رجل طبيعيه والثانيه قصيره ومشوهه .., وحتى النطق تعجزه بعض الكلمات يتأتأ الي ما يركز بكلامه ما يفهم وش يقول كم مره سمعته يسولف مع زياد..! من غير وظيفته البسيطه حتى بيته الي ساكن فيه الي بناه له خواته وزياد..! دينا هي الي خبرتني بكل هالتفاصيل الا انها مبسوطه وهي تتكلم عن ناجي وحبه لها.. والله لو ما شفت ناجي كان قلت تتكلم عن شخص ثاني ..! كل شي في حياتها كانت تفسره لي با اجمل صوره.., الاعاقه الي انولد فيها ناجي امتحان من الله له..., وحتى تأخرها با الحمل الي هو كان السبب فيه فسرته انه ربي كافئهم على صبرهم وهبهم ها البنات وحملهاالي يتمنونه ولد.. حتى بيتها الي عايشه فيه تقول عيلة زوجي احسن عيله وقلوبهم على بعض ساعدونا نبني جنبهم علشان ما نفترق.., ماقالت احنا عاله على خلق الله والاحاولت تستنقص من رجولة ناجي.., انسانه بانيه حياتها على التفائل وان بكرا بيكون احلى وافضل من اليوم.., ماهو مثلي دافنه نفسي بصفحات الماضي وماني قادره انسى اني مجهولة نسب ..! تشائمي نقلته لحياتي هنا ربي يعطيني من النعم وانا لاحمدآ ولا شكورا..!! انا كنت راضية بناجي حتى بعد ماشفت اعاقته كنت ابي زوج يستر علي واستر عليه حتى اعاقته ما كانت مهمه عندي وربي رزقني بزياد اكبر من كل احلامي.. مهما كانت جنسية اهله الحقيقين والا دينهم ماعاد لهم وجود.., زياد نعمه ربي انعم فيها علي لو كنت بنت شرعيه لايمكن احصل على زوج بها المواصفات خلاص بغير نفسي من ها الحين وراضية بأي عقوبه من زياد الا اننا ننفصل عن بعض.., الي جابوني لدنيا لقوا جزاهم مثل ماقال زياد وانا بعيش حياتي.., دخلت المطبخ وصلحت عصير تذكرته زمااااان ازعجتني فيه ريم اسمه عصير الحب..! وعملت تورته بسيطه وسريعه بشكولاته وانا ما ادري هو زياد يحبها او لا..؟! اهم شي اني اخطي خطوه اعدل بها حالي المايل الي ميلته بلساني ..! قلت لشغاله تطلعهم با الثلاجه الي فوق مع اكواب وصحون وشوك في المطبح التحضيري ..! دخلت عندخالتي ام زياد لقيت الممرضه تساعدها علشان تاكل ..! اخذت من الممرضه صينية العشا وانا الي صرت اوكلها وتحاول تتكلم معي ..! لكن لسانها ما يساعدها الا بكلمات بسيطه ..! سألتني عن زياد قلت بيجي بعد شوي عنده شغل ضروري.., وانا ما ادري هو بيجي الليله او لا .., تذكرت كلام زياد عنهاوخنقتني العبره كيف حاولت وحاولت يوم رفضوا يعطونه لها..., واصرت عليه تاخذه وتمشي وهي توها نافس وفاقده ظناها.., كيف جتها الجرأه تطلع صدرها علشان زوجة المسؤل تشوف حليبها الي ما جف وتصيح تبي زياد يرضع..! وش ها العزيمه والااصرار الي تمتلكهن ها الانسانه ماخلت اليأس يكسرها.., مالوم زياد يومه يتنفس غلاتس .., زرعتي وحصدتي يا العنود..! وزاد اصراري اصرار اني اتمسك بزياد.., لو يصدني زياد بحاول واحاول لحد ما اصلح الي خربته ماراح ايئس..! تعشت خالتي والممرضه عطتها ادويتها وانا طلعت من عندها.., جلست شوي على التلفزيون ياربي للحين ماجات الساعه عشر.. طلعت فوق رتبت شكل غرفة الاشباح ورشيت فيها عطر شبكت المدخنه الكهربائيه وبخرتها سكرت بابها.., شيكت على الاغراض الي قلت لشغاله تطلعهم فوق.., جهزت التورته الي صلحتها وخليتها با الثلاجه خفت تذوب.., رتبت الشوك والصحون والسكين وخليتهم في مكانهم على طاولة المطبخ..! سكرت انوار القسم الي فوق كلها الا نور بسيط خليته يعطي جو للمكان.., دخلت غرفتي رتبتها ورشيت فيهاعطر وبخرتها بعود ريحة العود تحسسك بجو الافراح والمناسبات السعيده ... والعود ميزته انه ما يكتم الصدر.., وعلشان لا يلقى زياد حجه يقول كتمتينا بريحةالبخور.., وشغلت فواحه اضائتها معطيه جو للغرفه.., طلعت قميص نوم طويل ومفتوح مع الجنبين وصدره شيفون وعليه روب طويل.. يستر شوي على الاقل من ها الفتحات الي تروع والشيفون .., الله يذكر امي باالخير يوم كانت ترفض اني البس قصير ولا حتى بنطلونات في البيت .., تقول عيب اذا اعرستي البسي الي تبين عند رجلتس حتى يوم جهازي كنت احاول ادور استر شي واشتريه..! على ان ريم ما قصرت لكن لبس ريم الي اشترته خليته بشنطه حتى ما فتحتها على طول فوق الدولاب..! وجلست بغرفة النوم افكر بزياد ما ادري كيف بتكلم معاه...! وكيف با اعتذر منه واطلب منه يسامحني..! والا بقوله يحدد موقفه اتجاهي.. خير هو وهالسكوت الي يذبح.. لاانا لازم اضبط نفسي ولا احاول اثير اعصابه اذا كنت فعلن ابي اعيش معاه .., طيب اجلس انتظره هنا بغرفة النوم والا اروح للغرفه الثانيه..! احس جو الغرفه هنا يرجعني ليلة الانفجار الي عساها ماترجع .., اخاف اذا رحت للغرفه الثانيه يفهمني غلط يظن اني اراقب من الشباك..! اخذت شور معتبر.. فكيت شعري بخرته.., وعطيته هوا سريع على شان يجف ورتبته بتسريحه بسيطه على طوله.., لبست عدسات عسلي.., مشكلتي على اني ماهره برسم المكياج الا اني اكرهه ريم حطت براسي انه ماهو كل الرجال يجذبهم المكياج حطيت تبييض خفيف ومسكرةوالروج اليوم خليته احمر صارخ ...! كان ودي البس عدساتي الرماديه لكن ميعادوالجوهره يقولون اللون الرمادي ما يصلح الا للي عيونهم صغاروانا ما ابي لزياداي ملاحظه على شكلي او انتقاد.., غرقت نفسي عطر.., ولبست طقم حلق وعقد واسواره ناعم قررت اجلس بغرفة الاشباح اتفرج على التلفزيون واذا جازياد لحقته للغرفه... اكيد هو على طول بيروح لغرفة النوم .. طلعت للغرفه الثانيه وشغلت التلفزيون.., وجلست اتفرج انا اخترت للغرفه كنب جلد اسود والخداديات فوشي كنت ابي لون الخداديات اصفرلكن زياد رفض يقول الاصفر حار ويثير الاعصاب.., الفوشي احلى ومريح لنظر.., وبا النص سجاده فوشي با اسود عليها طاولة خدمه فوق الطاوله رتبت شموع علشان اخلي التورته بينهم وانا ما ادري ليش سويت كذا..!!!!؟ وش دراني ان زياد راح يطلع فوق يمكن مثل كل يوم يجلس تحت..! بس انا عطيته خبر اني با انتظره فوق اكيدهو طالع طالع هنا يمكن يدورني تحت وما يلقاني ويطلع فوق.., احس كلام ريم يوم قالت ان زياد يقول زوجتي تدورني عطاني شوية امل.. طيب يمكن زياد الحين يطلع فوق ويطردني ولا يقبل اعتذاري .., لوكان بيشوفتس ياعوق كان شافتس ذاك اليوم يوم كشختي.., ماهو قعد يهزئك على فتحت شباك بدون قصد ونسى سبب الزعل الاول..!! سمعت صوت سيارة دخلت الحوش ..! اكيد سيارته هو الوحيد بين بيوت اخوانه الي مخلي مساحه لسياره مثل مايقول.., قمت بلم الشموع ياربي بطني مغصني عجزت اقوم طقتني ام الركب ..! الحين اذا طلع فوق وش بيقول عني انا وجهي لابسه ها القميص يا فضحي فضحاه ..! لا وبعد حاطه شموع مالت على العدو بالله وش احس به يوم سويت كذا ..! الحمد لله اناباالحالنااذا جا وطردني والا فشلني مافي احد يسمعنا ولا يشوفنا غير الله سبحانه .., ياربي لك الحمد الشغاله نزلتها تحت لاتسمع ولا تشوف شي تخلي اخباري الخاصه على كل لسان.., يارب هون ها الليله وعدها على امتك الفقيره عوق بنت الوضحى بيسر وسهوله..! ما في صوت با العاده اذا طلع اسمع صوت مشيته على الدرج..! شكله ماهو طالع فوق احسن بعد عن الاحراج.. بقوم اغير ها اللبس الي ما ادري كيف تجرأت ولبسته وارجع الم ها الحوسه والحفله الي انا مسويتها وربي يفرجها من عنده..!! وبكرا ندور خطه ثانيه لايأس مع الحياه ولاحياة مع اليأس .., وقفت بطلع من الغرفه الا زياد بوجهي .., زيادبهدوء\ مساء الخير.., انربط لساني وانا بس افرك بيديني وهذا الي بهاوش واقول واحدد مواقف.., زياد\اجلسي عوق ليش واقفه.., رجعت لمكاني وجا وجلس جنبي ما اشوف الا جزمته البيضاء شكلها غريب كنها رياضيه يمكن حقت شغله.., زياد\اخبارك الحين عسى هدت اعصابك.., عوق با ارتباك\الحمدلله .., زياد بجديه \شوفي عوق انا متعمداليومين الي فاتوا نتحاشى بعض حتى تهدا النفوس.., وتفكرين زين وتراجعين كلامك الي قلتيه والحين انا الي بتكلم ولا ابيك تقاطعيني..! يمكن اقول كلام مايعجبك كل الي بقوله القصدمنه المصارحه التامه بينا.., علشان نتحاشي بعدين اي انفجارات تصير مثل المره الي فاتت او اي ردود افعال لاتحمد عقباها ابغاك تسمعيني الي الآخر وبعدها قولي كل الي بخاطرك.., سكت يعني وش بقول انا المذنبه وانا الغلطانه هو ما جا منه خطا.., زياد\عوق انا تزوجتك وانا عارف كل ظروفك وضعك ماهو جديد علي.. راضي فيك بكل مزاياك وعيوبك ..! اردف زياد بحب وامتنان\ يعلم الله ان كلك مزاياعندي ومهما سويت لايمكن اجازي الي كان سبب في زواجنا.., انا سافرت برى المملكه وانا عمري ماكمل22سنه شفت كل شكل ولون من بنات حواء .., كثير بنات اعرضوا انفسهم علي بزواج وغيره وكنت ارفض سبحان الله عيوني فيها غشاوه عنهم.., ما اشوفهن شي عمري ما غلطت ولا تهورت مثل الشباب.., ورجعت هنا و تعينت ونفس الحكايه مر علي حريم اشكال والوان .., سواء مريضات او زميلات عمل وفي كثير من اصدقائي عرضوا اني اتزوج منهم لكن انا كنت ارفض.., نواف كم مره يقول لي زياد جنب بيت عمتي حرمه عجوز مربيه بنت من دار الايتام ليتها من نصيبك عمتي دايم تقول والله ان جارتنا العجوز مربيه البنت تربيه يعجزون يربونها الي عندهم اعلى الشهادات.., وعمتي تتمنى ان ربي يرزق البنت بزوج قبل لا يجي العجوز شي لأنها تعبانه وكبيره با العمر.., قلت لا ما راح اخذ مجهولة نسب.., واصلن فكرة الزواج ماهي في راسي.., اذا فكرت اني اتزوج بتزوج من امريكا والا اي دوله اوربيه بنت عايله محترمه .. انا لي صداقات واسعه هناك ومع عوايل كثير ماراح يصعب علي الاختيار وهم هناك ما يهتمون انت ولد من والا من اي حموله مثلنا.., وانا عندي اهم شي اولادي امهم يكونون اهلها معروفين للمجتمع.., مجتمعاتنا قاسيه على مجهول النسب والاجنبيه زواجي منها بيعتبرهامجتمعنا خطوه موفقه حتى لو انهم ما يعرفون اصلهامن فصلها يعني شكليات ..! وبعدين اطفالي يحصلون على جنسية امهم .., وهذا كان قراري والكل عارفه خواتي وبناتهم وامي قبل تتعب كلهم عارفين اني بتزوج اجنبيه.., في رجعتي الاخيره جزاع ونواف دايم يعزموني وانا انشغل عنهم .., وقبل كم شهر اصروا علي مره وحلفوا اني اتعشى عندهم .., وافقت وحضرت العشا بعد العشا دق جوال جزاع ..! وكانت عمته يمكن تبيه يوصلها لبيتها المهم انها سألته ضيفك مشى..! قال لا هذا هو موجود عطاني الجوال وقال عمتي بتبارك لك.., اول مره اسمع صوت عمة جزاع .., باركت لي وقالت زياد طلبتك قل تم وانا عمتك .., قلت تم كنت اظن بتطلب مني شي المهم انه اي شي الا الي طلبته.., قالت لا تفوتك بنت وضحى والله ان راحت منك انك دافنن حظك..! الخطاب يصبحون امها ويمسونها لكن والله ما يستاهلها غيرك.., واني ما صفطتها لك الا وانا عارفه انك تستاهلها وتستاهلك البنت مكملها ربي زود على الزين عقل وثقل وانت ماشاءالله ما يحتاج امدحك خوي عيالنا من سنين وسمعتك الطيبه سابقتك.. تفاجئت من كلا مها ولا عرفت ارد الا بكلمة يصير خير.., قالت اوعدني يا ولدي انك تفكر.., قلت ابشري.., عطيت جزاع جواله وانا مصدوم من كلامها وش بردعليها كيف اطلع من ها المآزق.., انا رافض الزواج لكن استحيت اعطيها جواب مباشر.., قال جزاع وش فيك انقلب وجهك .., رديت عليه ما في شي بس عمتك احرجتني.., ضحك جزاع اكيد كلمتك عن بنت العجوز وافق تكفى والله ما تندم يازياد.., ورد نواف علي يمكن انها من نصيبك انا من زمان خبرتك عنها.. يا شيخ الي متى بس وانت عزوبي شف جزاع كبرك يلاعب عياله .. قلت نواف انت عارف وجهت نظري...!! قال اقول بس وش وجهت نظرك تبي اجنبيه ما تدري عن دينها..!!؟ والا يمكن فيهم امراض وراثيه تخاف تجي في عيالك .., وبعدين العجوز هذي من زمان وهم جيران عمتي .., وعمي مسلط وكيلها الحرمه عندها خير وفيها دين ومن عايله كبيره ومعروفه .., حتى البنيه الي مربيتها اسمع عمتي تقول انها حافظه القرآن وبنت حياويه.., جزاع ونواف كانوا جدآمتحمسين لزواجي منك بشكل ما تتصورينه.. واقتنعت لكن لو جا احد وقال لاتتزوجها اخذت رايه ورفضت الزواج.., اخذت فترةانشغلت ونسيت الموضوع .., دق علي جزاع ورديت وعطاني اكلم مسلط .., قال زياد يا ولدي ترى ام البنت موافقه وحياك الله متى ما جيت..! سألو عنك ولا عندهم مانع قلت طيب عطني فرصه يا ابو ابراهيم كم يوم اشوف وضعي وامرك نرتب كل شي سكرت الخط..؟!! وانا ما ادري وش اسوي ابو ابراهيم خلاني امام الامر الواقع..! لخبطني وحيرني ..! طلعت من دوامي للبيت وخبرت امي اني بخطب وحده سعودية ويمكن يصير نصيب واحتمال كبير لا.., والبنت الي بخطبها مثل وضعي.., امي رفعت ايديها ودعت لي بالتوفيق .., خواتي نجلا وبشرى رفضوا يوم قلت لهم قالوا زياد احنا مبرمجين تفكيرنا انك بتتزوج اجنبيه.., ماكان قدامي الا اني اقولهم وجهة نظر نواف على انه تفكيري انا..؟!! ومساوئ الزواج من الاجنبيه والدين بيكون عائق بينا..! اوا مراض وراثيه اويمكن ما نتفق ويكون بينا اطفال يضيعون.., وقالوا الحين الي بتاخذها هذي ضامن ان ما فيها امراض وراثيه..! قلت لا والله لكن على الاقل دينها معروف انها مسلمه ومدحوها لي يقولون ملتزمه.., خواتي رضوا مجبورات وبناتهم اساسآرافضينك وسحبوا ايديهم مني لا يشوفونك ولا يسألون عنك.., سألت عنك ناس وكلهم مدحوك انتي وامك.., والحقيقه والله اني دورت وراك الزله عجزتيني ما لقيت عليك شي .. وصلحت الاجراءات الازمه.., اخذت ناجي ونواف وطلعت لأبوابراهيم وقابلنا امك .., قلت بشوفك شوفه شرعيه ورفضت امك قالت بنتي ماهي حبحب على السكين..! حاولت اقنعها ان هذا الشرع رفضت تقول ما فيه تبي تشوفها ملك اذا ماهو بكرا ها الحين ..! ابو ابراهيم طلع بيجيب شيخ لكن الشيخ قال الملكه تكون با المحكمه لأنك مجهولة نسب ..! والصباح طلعنا المحكمه وملكنا وشفتك ما انكر ان شكلك اعجبني من وراء العبايه..! وزاد اعجابي فيك يوم رجعنا بعد الشبكه خواتي يمدحون فيك مره ..! وانا با اصدقك القول ان مدح خواتي لك ريح نفسيتي اكثر تقبلوك بسرعةوبشكل كبير.. علشان لاتتضايقون من بعض انتي وهم واصير انا بين نارين .., صار الزواج وحسيت اني مسؤل عنك خلاص مالك غيري..! خصوص ان امك تحاول بأي طريقه انك تتأقلمين با العيشه معاي وتحاول تبعدك عنها.., وانتو الثنتين تعانون على بالك انا ما ادري او ما احس بمشاعركم.., واخرتها يا عوق قلبتي علي بدون سبب وقعدتي تهذين بكلام ماله داعي ولا حتى مبرر ولا تبيني ازعل والا اخذ بخاطري منك طيب انا وش قصرت معاكي فيه.., ما ضغطت عليك بأي شي ومقدر خجلك وكل طلباتك عندي اوامر..! حتى المهر والله ماهو قصدي اتمنن عليك فيه هذا حقك وزود.., الحمدلله الخير واجد لكن دبلته لك وحتى لو امك طلبت اضعاف الي طلبته دبلته بنفس طيبه.. انتي عارفه ليش ..؟! لأني حرمتك اني اصلح لك حفل زواج .., اكيد انك مثل كل البنات توقعتي زواجنابيكون بقاعه فخمه وحفل كبيروتنزفين قدام العالم.., قلت يمكن المهر يعوضها وتاخذ كل الي نفسها فيه... تدرين ليش تحاشيت اني اسوي حفل زفاف كبير لك..!!؟ والله علشانك انتي اذا علي انا معارفي كثيرين واقارب امي وابوي الله يرحمه اكثر والكل يتمنى اعزمه..! لكن انتي وامك مالكم احد..., حتى سألت امك في لكم اقارب او معارف لو بنعزمهم يجون للعرس .., قالت لا ابدآ عيال زوجها وحتى تتكلم عنهم وهي متضايقه ولا حبيت اضغط عليها من جهتهم يمكن بينهم مشاكل تنحرج تقولها لي ولها اقارب من بعيد لكن مالها علاقه فيهم.., حسيت اني بحرجك والمعازيم كلهم من طرفي وانتي لا ..! اردف زيادبتأثر \عوق تصالحي مع نفسك وارضي بوضعك تجلدين نفسك وتعذبينها بذنب مالك دخل فيه..! من اسلوبك وثورتك علي ذاك اليوم باين قدايش تعانين وضاغطه على نفسك ولا انتي راضيه بوضعك.., انتي ماشفتي كيف انفعالاك وبكاك وكأنك تشوفين اهلك قدامك تبين تبينين لهم كيف معاناة اللقطاء او تحسسينهم با الذنب ..! ماينفع كل الي تسوينه لأن اهلنا الحقيقين يعتبرونا اشباح مرعبه.., وارواح شريرةومستحيل يقبلونااو يرضون فينا ولوتحقق المستحيل و رضوا فينا لمجتمع بينبذهم وبيعتبرهم اعضاء فاسدين ونظرت المجتمع نفسها لنا ماراح تتغير .., والله خليتيني ذاك اليوم اتحسف اني خبرتك كيف لقوني.. كلامي لك ذاك اليوم حبيتك تعرفين معاناة امي ولايجي في بالك انها مجرد انسانه كفلتني تدور الخير فضل امي العنود علي مثل فضل اي ام على عيالها الي من بطنها انا خلصت كلامي اذا عندك شي بتقولينه لا تترددين ..., خلينا اليوم نحط النقط الحروف ولا نرجع مره ثانيه للموضوع هذا.., انا وانتي ننسى انا لقطاء ونعيش حياتنا مثل كل الناس عوق با انكسار\جزاك الله خير ما قصرت يا زياد..! واذا قصدك المهر ترى ما صرفت منه شي امي تكفلت بكل شي..! زياد يتنهدويرفع راسه فوق بقهر \ياربي الصبر من عندك عليها.. اردف بقهر\بالله انتي كيف تفهمين بأي طريقه تبين اشرح لك وجهة نظري علشان اقدر او صلك المعلومه بدون سوءفهم..!! عوق بحزن \زياد انا ما اعرف اصفصف كلام مثلك .., لكن اذا انت تحس اني ما استاهلك ترى حنا الي الآن على البر نتفارق احسن ..., اردفت بغصه\انا والله ماعندي خبر من ان خالتي ام ابراهيم خطبتك لي... ظنيتك جاي من نفسك بدون وسيط قاصد ومتعني على شاني...! ماهو الناس تترجاك علشان تتزوجني ..., زياد بغضب\انتي مجنونةنتفارق والا افرط فيك انا ماصدقت عيوني اول مره شفتك فيها ظنيت نفسي بحلم.. عوق بوجع\ زياد ليش تقلب الحقايق انا انفرضت عليك فرض وانت انجبرت توافق.., انا ماني مضطره اضيع عمري مع رجال مجبور علي خلاص خل كل واحد يروح بحال سبيله من اليوم... زياد بسخريه \تدرين اني انخدعت فيك وان مخ سمر بنت ناجي اكبر من مخك..! انا كلامي لك ماهو قصد اني اذلك او ابين لك انك مفروضه علي..! كنت ابيك تكونين با الصوره وتعرفين الحقيقه يا هبله بيجي يوم وتسمعين من الناس.., ان مسلط وزوجته كانواواسطه بزواجي منك .. كل عايلتهم عارفين الموضوع وكلهم يبوني اتزوجك.. اناوصلت لك الحقيقه علشان ما تنصدمين من اي كلام تسمعينه ويكون عندك خلفيه عنه ..!! تعر فين الناس تضخم الاموروالكلام من اصحاب الشأن غير الي ينقلونه...!! انا وانتي وضعنا غير انتي فاهمه وش معنى غير..!! يعني لازم نكون واضحين لبعض ومع بعض من البدايه.., اتمنى انك فهمتي شرحي..! عوق بوجع\ما قصرت على الشرح رايتك بيضا .., اردفت با ارتباك\واساسآ انا كنت انتظرك من اليوم علشان اقولك اني قررت انا وانت ما نصلح لبعض وكل واحد يروح لحال سبيله..! زياد بهدوء\وهذا اخر كلام عندك ماراح تراجعين نفسك او تعطين نفسك فرصه تفكرين..! . . . (كلمه اخيره) لا تحــزَنْ ! إنْ مَررتْ بِـ أمور صعبَة في حَيَاتك ! أفقَدتْكَ تَوَازنْك ! وَربمَا عانيَت منْهَا الكثير . . فَـ القَلَمُ الرصَاص . . يَتعَرض لبرْي مُؤلمْ بيَنَ فَتْرَة وَ أخْرَى .. لكَيْ يُصبحَ قلماً أفضَل ! لــ عائض القرني . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
بنات البارت طوووويل وهو عباره عن بارتين
|
هلابك طيف
قلمك رائع .. والقصه اروع الشخصيات جميله وتشد والقصه غريبه والاجمل انها نادرة جدا وماقد قريت مثلها اهنيك على اختياراتك ووصفك اللي يعيش القارئ بواقع الروايه :") وبالنسبه للابطال انا مع عوق إلا بآخر بارتين :) ا ت ن ر ف ز :) وصادقه جدتي ناقصات عقل :$ خخخخخخخخ يعني معليش بس حرام تكون هذي نهايتهم .. !! متحمممسه جدا للبارت القادم واتمنى عوق تحكم نفسها بعقلية الوضيحي وتعرف اللي لها واللي عليها وما تكون متسرعه بقراراتها .. اما زياد .. فكان اسلوبه جمميل وراقي والخطوة اللي اخذها انه مايكلم عوق لين تهدى نفوسهم جدددا سليمه وبمكانهاا . رجال بمعنى الكلمه *عشرين خط بالاحمر تحت كلمة رجال* خخخخ مو ثوب وغترة وبس :) وام عوق بكل بارت اقول بس ماتت خخخخ وللحين ماشالله حية ترزق خخخخخ اهنيك ياطيف طلعتيني من طوري من خلف الكواليس خخخخ :$ قدرتي تشديني بهالبارت جدا واكيد البارتات اللي قبلها كانت تشد بس لين هنا وولعت من حركةعوق خخخخخ متابعه لك من اول بارت خلف الكواليس خخخخ (F) شكرا لك وبارك الله لك بوقتك وجعل الله عيالك من البارين بك ان شالله |
السلام عليكم و رحمة الله و بركاته عوق يعنى لهالدرجة النكد يجرى فى طبعها و دمها يعنى لان زياد حكى معك بكل هذه الصراحة تجاوبينه هيك الله يعين زياد عليها و يهدى سرهم زياد اعجبنى كيف انه صارحة زوجته على كل شىء من البداية لكى تكون حياتهم مبنية اساسا على التفاهم ان شاء الله هالغيمة الاولى فى حياتهم الزوجية تعدى على خير لانها طولت صراحة يعنى لسا عرسان و يقعدون متخاصمين هكذا اذا كيف سيتصرفون فى قادم مصاعب الحياة شكرا ام الوليد لقلمك الرائع و اختيارك المميز فى روايتك و لو انك مهما طولت البارت احنا بنشوفو قصير :smile: بانتظار البارت القادم باذن الله و ان شاء الله يكون اطول |
السلام عليكم أم الوليد بصراحة يوم عن يوم تبهرين ماشاء الله سردك للحكاية تحسسين الواحد أنو عايش معاهم وبالنسبة للبارتين السابقين ما أكدر الوم عوق لأني أحس أنها عندها شعور بالنقص والأنسان اللقيط صعب يتقبل نفسه لأنو يعرف بنظرة الناس اله وزياد كان صريح زيادة عن اللزوم لمن كاللها أنو أنتي انفرضتي علية أي وحدة بمكانها راح أتفضل الأنفصال لتلملم الباقي من كرامتها المهدورة لأن زياد حسسها أنو متفضل عليها لأنو أخذها وأنو يكدر ياخذ وحدة أحسن منها بس بالأخير زياد ما راح يتركها بس يجوز يعوفها فترة أتفكر زين وأعذريني كثرة بالحكي لأن ما نكدر أنوفيج حقج وننتضر البارت الجاي على أحر من الجمر
|
اقتباس:
ويارب اكون عند حسن الظن ممتنه انه ردك على نوح الحمام ثاني رد وانتي من الاعضاء القدامى فعلن بها البارت انا اشوفها مستفزه وزياد عرف شخصيتها انها تتأثر بسرعه فحب يخبرها عن طريقة زواجهم ويعطيها درس عن كلمة انت مو سعودي انه هي وهو جمعهم انهم مجهولين نسب وهو قدر يخلي له مكانه في احداث قادمه بنشوف تصرفها فيها اسعدني مرورك ونقاشك الراقي والله يجزاك الف خير على ها الدعوه الطيبه |
اقتباس:
الصراحه مطلوبه بين الزوجين لكن مو اي صراحه زياد عرف شخصية عوق انها حساسه المصراحه لتجنب اخطاء با المستقبل بنشوف المشكله القادمه من راح يكون السبب فيها اسعدني مرورك الراقي |
اقتباس:
وعليكم السلام ورحمة الله وبركاته فئة اللقطاء فئه مظلومه بكل المجتمعات صراحة زياد اتوقع كانت بوقتها علشان مايكون لها عواقب بنشوف وش راح يصير معاهم اسعدني مرورك الرائع |
سلالالالالالالالام عليكم
طيوفه البارت جدجدجد روعه وتسلم أيدينك عليه ماتلاحظين بس أنا زياد زوده على عوق المفروض ماصارت ردت فعله بها العنف لأنها هي مثله لقيطه يعني ماتعايره بالعكس هي منضغطه وصار الأنفجار فيه لأنه بيتفهم مشاعرها وحاس فيها هي المسكينه عمرها مافضفضت لأحد حتى وضحى لأنها تخاف عليها يعني من باب الميانه على بعضهم قالت اللي قالته صح ماهوب بسيط كلامها بس بنظر زياد حتى هي ماتعرف أصلها يعني الحال من بعضوا الله يستر على بنات المسلمين أجمعين |
السلام عليكم ورحمة الله وبركاته
يسعدك ربي ام الوليد وش الحال مع عوق وحساسيتها الزايده و انفعالتها هي اذا توترت ونقعلت تقطع كل علاقاتها مثل ماقطعت علاقتها ايام الثنويه والجامعه وحدت صداقتها مع ريم .... اصبح هذا طبع يتملكها تحب تهرب من المواجه تجد ان اسهل الطرق البعد مع اكتشافها لجميع ماحدث وعزمها واصرارها على اصلاح حالها ذهب في مهب الريح بحوارها مع زياد وكشفه لما كان يخفى عليها هي لم تفكر هنا بتركيز اخذتها العزه بالنفس وجرحها زياد دون ان يعلم حين قارن حجم عائلته واصدقائه واقاربه معها هي من لها نسب مبعثر ولا تستطيع الاعتراف به هي من لها عزوه وعائله معروفه واصبحت مجهوله النسب زياد فهم نفسيتها وعرف اطباعها فظهر هنا حكمته وحنكه كان من يدير ويتحدث رجل في الستين وهذا اثر التربيه من رجل كبير في السن وامره قويه حنونه حكيمه اقتباس:
مالذي يقصده هنا انه حصل على الشكل لملامح عربيه مع بياض ملفت كما كان يرغب بزوجه اجنبيه ام ماذا ام انه عشقها من اول نظره اسلوب الخطبه والمشاحنات التي تحدث من العمام على بنت الاخ بصدق شي يرفع الضغط هالاسلوب من الناس من هالنوع بس زين ان المشكله انتهت وكان ابو ابراهيم رادع لهم هذا وهم لم يخرجوا الى خارج العائله ذهبوا عند ابناء الخال كيف لو الى قبيله اخرى ماذا كان فعلوا بهم ؟ ريم هل سوف تشاهد فرق بالتعامل من عمتها مع الجوهره ام ان نواف له اسلوبه وسوف يكون خارج البيت وياتي لزياره فقط ام موضي رضيت بما كتب لها باسوا الاحوال وهذا هو شكر النعم وربما لم تكن من حفظة كتاب الله كان مقارنه جدا رائعه حين ارتبطت بعوق وتصرفاتها وهي من منحها الله وسهل لها حفظ كتابه ام الوليد عندي طلب صغنون تقدرين عليه ان شاءالله نزلي لنا بارت هديه بكره تفرحينا فيه ونشوف هالخبله وش بتسوي بتنهار شكلها مكانها من البكاء بعد ماتستوعب هي وش طلبت دمتِ بحفظ الرحمن |
السلام عليكم
هلا والله بطيوف وحبايبها جعلني وحدة منهم طيوف شصار يعني اللي اعرفه ان الواحد يزعل بس لما يراضي ويعاتب مايكون بهالصراحة المفرطة يعني زياد الله يهداه قالها تصالحي مع نفسج وانا عارف انج كابتة وانا مقدر وضعج خلاص اظن كلمتين قويات يفهمونها غلطها مو يقط الاولي والتالي يعني جان اجل شوي سالفة انها مو من اختياره وان ام ابراهيم اهي وعايلتها ورى زواجهم لين تسامح منه ويطيح الحطب وعقب يقولها بطريقة ما تجرحها يعني بروحها غاصة بحياها من انفجارها فيه ومن جرئتها بالكشخة هالمرة لجل عينه يعني مبين انها المسكينة تبي تراضيه بس شقول الله يهديك يازياد وماتاخذ على كلامها اتمنى البارت الجاي يبدى بانه يسالها (متاكدة ماتبيني اخر كلام تبينا نفترق ) تقوله (ايه)يقولها(عيل كل هالكشخة منله) عاد هني تنفجر بس هالمرة بجي ويلمها ويتصافون (جني مصختها وبديت انسى اني انا القارئ وانتي الكاتب) طيوف ما ادري شجاني بس والله كثر ما انا حابه القصة ووشلون اجتمعوا عوق مع زياد ماودي يفترقون تكفين قولي لزياد لا ياخذ على كلامها بزر وما تعرف مصلحتها حتى لوهي بالخمسة وعشرين انت الكبير وطوف وبعدين تظل ناقصة عقل ودين ارحمها وانا اختك طيوف اسفة اللي طولت عليج وشكلي طفشتج بس ميخالف لي كم يوم فاصلة مدري ليش وبالنهاية مالي غير اقول عسى الله يحرم كلج ومن تغلين ويغليج على النار وانشاء الله اني منهم...........نمورة فاصلة شحن |
اقتباس:
عوق كبت سنين واثارها موقف اهل زياد الحقيقيين وكيف رموه بنشوف كيف زياد يتقبل رفض عوق له اسعدني مرورك |
اقتباس:
وعليكم السلام ورحمة الله وبركاته تعبتوني ما اقدر اجاري والله العظيم ردودكم الي تبهرني عوق مثل كثير منا يفكر بشي وينفذ شي ثاني الي جاها من زياد تستاهل خلها قرصه لها اجل تسحب الرجال وتقول وجهك ماهو سعودي هو بعد وراها ان الخطيئه كيف تساوي بين الناس كلمة زياد يوم قال ماصدقت عيوني ماعليك هياط آدم اذا بغى يتمسكن انا من البدايه قلت ان عوق من اسره على قدر من الجمال بيتوضح في بارتا قادمه على لسان زياد نفسه واكيد ان زياد قارن بين زوجته وخواته الخطبه والي يصير فيها من حسد كثير خربت على بنات وفي منهم اهلهم يمتازون بحكمه ومصلحة بناتهم فوق كل شي وفي لا والله تاخذهم العزه با الاثم ويظلمون بناتهم بزواجهم من اقاربهن زواج غير متكافئ لنا رجعه مع بنات مسلط بأذن الله وتفسيرهم لموقف عمانهم وهو موقف حقيقي من المواقف الحقيقيه الي با الروايه ام موضي كثير بنات يدورون الستر ومنهم ام موضي اسعدني مرورك وطلبك من عيوني يا ام تركي انا ماقصدي امطط معاكم لكن البارت القادم بقدر ما يحمل من فرح بقدر ما يحمل من حزن وكمان اتمنى اشوف ردود افعال البنات |
السلام عليكم أم الوليد أبصراحة التعبير يخوني وما أكدر أعبر عن مدى أعجابي بما يخطه قلمك يا جعل أيدينج وأيدين كل من عز عليج تحرم من النار وبالنسبة للبارتين الأخيرين أشوف أن عوق معها حق بالي أتسوي فأنفجارها بزياد هو بسبب الكبت اللي بداخلها وما كدرت أتكول لأحد أو تشكي له غير زياد لأنو نفس حالتهة خاصة بعد ماعرفت أهلهة الحقيقين وطلبهم ألغير معقول أما بالنسبة لطلبها الطلاق فهو بسبب كلام زياد أنو هو اللي أنخطبلها وجان مجبر أيوافق وأنو جان أيريد ياخذ أجنبية عدهة أقارب وخوال وعمام فشي طبيعي أتكون رد فعلهة هو الأنفصال لأنها حست بشعور بالنقص والأهانة وها ألشي أكولة عن تجربة لأني متزوجة ودائمآ أهل زوجة أيحسسوني أنهم متفضلين علية بهالزواج وأنو هم أحسن مني ومن عائلة أحسن وأبنهم جان مطلب عوائل كثير فأني ما الوم عوق لأن ردت فعلهة طبيعيةوبالنهاية زياد عاقل وفاهم وضعهة وما أظن أنو يرخصهة بس أيجوز يتركهة فترة أتفكر وأعذريني أخت طيف أذا طولت عليج بس عندي رجاء ماعدنا صبر ننتظر للثلاثاء أتحفينة ببارت صغنون أنشوف بي ردت فعل زياد وأذا ما كدرتي مو مشكلة كل واحد وظروفة ودمتي لنا حبيبتي
|
السلام عليكم ورحمة الله وبركاته
تسلم عيونك ام الوليد اقتباس:
ابد ياقلبي انتي راقيه كالكريستاله البراقه التي تبهرنا ببريقها ونحرص عليها من ان تخدش وين الله يصلحك المط ابد بعيد كل البعد عنك تبعثين لنا الرسائل المهمه الموجزه بحوارات تنفذ الى الخافق بكل سلاسه دون لف وسرد احداث وحوار عديم الفائده وانفع ومن حقك ان يلتف حولك قرائك وتبهري بحصيلة ردودهم وما فسره كل واحد منهم من خلال الاحداث وتفاعلهم مع شخوص القصه وكانها كيان متجسد امامهم يعاتبونه ويوجهونه ويحقدون يمدحون بكل ما يدون بخواطرهم انتي مميزه بفكرك ورقيقي قلمك عن الزيف وهذه اول روايه وابهرتنا بها فكيف بعد ممارسة الكتابه سوف تكون الثانيه وما ياتي بعدها اكثر ابداع الله يحفظك لكل عين ترجيك |
اقتباس:
اكيد الكبت يولد الانفجار لزوجين اذا واحد ما تحمل الثاني ماراح تمشي سفينتهم وبا النسبه لأهل زوجك كثير من البنات يعانون من ها النقطه حتى لو الزوجه احسن منهم والا ماتعنوا واختاروها لولدهم وخطبوا ودفعوا مهر بذاك المبلغ الاهم مقتنعين انها الافضل مافي احد يخطب الاولاده الا مايحاول تكون الافضل لكن هذي حركات غالبآماتكون من الحريم هم الي يثرونها بدوافع الغيره اسعدني مرورك وطلبك انتي وام تركي على عيني لكن البارت القادم مفصلي با الروايه اذا شفت ردود اليوم من البنات ومناقشه راح انزل بارت الاثنين |
اقتباس:
هلا بك ام تركي يارب اكون عند حسن الظن حقيقه انا توقعت تفاعل مع الروايه اكثر ما اقصد هنا بليلاس وبا اصدقك القول كثير احبطت ان في قضايا كثير طرحت في بداة الروايه كثير من البنات ما التفت لها وهي تستحق المناقشه ماهو والله ثقه بقلمي وحتى قلة الردود ماراح تثنيني عن المواصله الي ادهشني ان في بنات ارسلو لي على الخاص يقولون الروايه مانحس فيها رومانسيه تدرين استغربت من كلامهم يعني احنا ندور با الروايات فقط الجانب الرومانسي اذا قراءتك ماحسستك با المتعه والاستفاده من جميع النواحي اعتقد تضييع وقت بس من خلال نوح الحمام الي ابي اوصل له ماهو بس معاناة اللقيطه الي جاني انتقاد لاذع من الي خلف الكواليس قبل حتى اقدم على الروايه وانزلها اني اجرح ها الفئه المظلومه وتوقعوا بيجيني هجوم اصريت انزل الروايه يمكن نحط ايدين على وجع ونكشف اشياء من خلال معاناة عوق خصوصآاكثر من زياد بما انها بنت بنشوف احداث ما ابي احرقها عليكم اسعدني مرورك ام تركي ونقاشك الراقي واذا شفت ردود راح انزل بارت بكرا اضافي |
اقتباس:
ياقلبي والله أني ما شفت البارت اللي نازل أمس راده ع البارت اللي قبله اللي فيه أنفجرت عوق ع زيااااد بس ما شاء الله علي ردي وتحليلي لأنفجار عوق طلع زي كلامك عن تصرف عوق ,,,,,,,,طيف لازمني نجيمه حليوه اما بارت أمس أنهبلت يوم جيت أشوف ردك علي وقريت الردود الثانيه فهمت منها ان عوق طالبه الطلاق قلت مابدهاااااش أكيد فيه بارت أنا ماشفته عووووووق حساااسه جدا الله يكون بعونها بس الشرهه على زياد اللي عارف عنها كل شي ويروعها بها الزعل ياقلبي عليها وعندي ملاحظه على زيااد يعني من باب مراعاة المشاعر كان ماقال أنهم هم اللي أشغلوه يبونه يتزوج عووق كان مثلا قال أنهم بكل مناسبة يمدحونك عندي وأنك دخلتي مزاجي وأن ابو ابراهيم بمكانة ابوا ورشحك لي بقوه حتى لو كانت الحقيقة غير إذا كانت سامعه ها الكلام منه قبل الناس راح تصدقه |
السلام عليكم ورحمة الله وبركاته
مسائك نقاء گ نقاء قلبك الابيض سلمتي ام الوليد بارت معاتبة النفس عوق بعد ما هدأت وفكرت في اللي قالتها عرفت انها تسرعت وما كان لازم تنفجر في وجهه بس هي معذوره والله ان وضعها مأثر فيها زياد مهما برردت لها هي تفكيرها محدود تخاف ترجع لامها وبس تبي تعيش حياة طبيعيه زيها زي غيرها بس حقيقة وضعها تعبتها ومخليها توسوس كثير وكلامها يسبق تفكيرها يعني هو جالس يشرح لك وشلون تزوجك وأنه متمسك فيك وانت تقولين له ان المهر ما لمستيها اذبحها ذي يا ام الوليد الرجال شرايك وانت بتفكرين في انتظار سالفة التفكير هذه مع أني متأكده من انها ماراح تتركه بس عاد انت حن على البنيه من الصبح وهي مشتقه دمتي لنا مبدعه |
- - طيف الاحباب (أم الوليد) http://www.buraidahal7urah.com/vb/im...ons/icon26.gif اذا بنظرك هذا الابداع والروعة خربشات وسواليف فياليت كل القصص والروايات سواليف انا من المتابيعن بصمت لا اعرف لما يستهوني هذا الصمت ولكن نوح الحمام ابت الا ان تستنطقوني لـ اشيد بروعتها وجمالها كتابتك للقصة جمعت جمال الفكره وتميز السرد واختبار موفق للفكرة باسوب راقي أم الوليد بكل صدق ابدعتي ودمتي بهذا العطاء وتلك الاشرقه وحفظك الله لأبنائك واحبابك |
اااااااااااااااااه من عوق مستفزة
|
اقتباس:
بالنسبه للموضوعات لا تحزنين انه ماناقشوها او التفتوا لها لا تنسين انك تكتبين لفئه عمريه كبيره تتراوح مابين 13 الى مافوق الخمسين وكل عمر سوف يرى الموضوع بزوايا مختلفه منهم من يمر عليه كقارعة الطريق ومنهم من ياخذ العضه والعبره منه ومنهم من يقف ويركز ويفهم ماهو المطلوب من رسالتك وبالنسبه لرمنسيه لا تعتبي عليهم فمن باعمار المراهقه لا يبحثون الا عنها وبستطاعة كل كاتب ان يعطيهم جرعات مايبحثون عنه بتوجيه سليم لا افراط ولا تفريط وكثير من البنات لا تبحث عن مضمون القصه بقدر رمنسيتها وهنا اجد السن له دور بها كما ذكرت و نقص الحنان بالمنزل و عبارات الود بين افراد الاسره تلعب دور كبير بذلك معانات القيط لن يستطيع احد التعبرير عنها بحجمها وكمها المعنوي مهما كتب وقيل ربما هناك من هذه الفئه التي ضلمت تتابع لك وتفخر بما تكتبين او البعض ينقد علي لتقصيرك وتزين واقعهم بقلمك هناك من القطاء من افنى عمره بتربية القطاء مثله ويهرم ويموت وهو يرفض ان يكون اسره كان هناك بالجاهليه مايسمونه القاص القصد هنا ليس من يحكي الروايات لا يقص الاثر و الشبه فاذا اتت امرأة وكانت من الغواني وقد حملت اذا اشارت الى اي سيد من اسياد العرب وقلت هذا ابنه فانه ينسب له حتى لو لم يكن ابنه او اذا احتارت يحضر هذا الرجل واذا اشار الى اي رجل من الرجال بحسب مايرى من فراسته ينسب له كان لا يرمى الطفل بمثل مافعلوا الان من جرم وان كان ايام الجاهليه ظلم وفجور وخلط بالنسب لكن كان يعيش الطفل في بيت من نسب له كابن لا حد يستطيع ان يمس عليه بالكلام الجارح استمرى برقي فكرك ولا تتظايقي من قل الردود فهذا حال الكثر من القراء يبحث فقط عن القراءة دون الرد استودعك بحفظ المولى |
تسلم يدينش على البارت
كسرت خاطري عوق الله يعينها لان الحقيقة موجعة والمفروض زياد مايذكر لها كل شي بالتفصيل على شان ما يجرحها مهما كان المراة ماتحب تكون مفروضة فرض على زوجها .. احس ام عوق بتموت البارت الجاي او اللي بعده بالكثير .. الله يعين عوق ويصبرها .. الله يعطيش العافية .. ولا تطولين علينا ترى مافينا صبر .. |
: طيف الاحباب لا تزعلين ي الـ( طيف الاحباب) ولك كل العتب وسعي خاطرك وخلي كل من ذمك يبور راقي تفكير قلمك يلمع كـ الذهب نصايح وعبر تنشري بحمل الجمل قرفنا جو رمنسي في كل محفل تقل هم هـ الشعب واقف على تلك القصص مـ سمعوا حكي شاعر في محبوبته عشق ( والله ي البنت بروعة حياها والخجل ) ناحت حمام الدار من ذل الـ لُقط ناحت دموع العين من هم يعيش طفل يرمى.. خوف من لسان الناس ما خافو رب العباد ..و لبو الشيطان نوحي ياحمام وارثي .. موت القلوب خذلان اب ..و..واما بعد صحوه لكوم ي الـ عوق ربي ارحم بك من ام خنوع ساق لك وضحى المزن ..وفوقها سند الزياد بقلمي(ترتيلة شتاء ) واعذروا ..كسور الوزن ..من القلب زياد كنك اللي يبي يحكهلها عماها ..مـله داعي بها الوقت قصة زواجك الغصيبه ..كان ترويت شوي .. >>>مـ ابي احط الحق على عوق ونفسيتها المتشائمه .. الود لقلبك : |
ليه مافيه تعديل ؟
طفل يرمى.. خوف من لسان العباد ما خافو رب العباد ..و لبو الشيطان |
اقتباس:
تستاهلين والله تاج ماهوب نجوم وبس مصارحة زياد كانت قاسيه صح لكن تسمعها منه ولا بعدين من الناس هي الي صدق بتكسرها وزياد فيه دفاشه بنشوفها في البارتات القادمه اسعدني مرورك يا الغلا |
اقتباس:
عوق فوق جرح انها اكتشفت انها لقيطه جرح معرفتها با اهلها وكثير اشياء نعرفها نتمنى انها ظلت مدفونه ولا عرفناها مامن ورى معرفتها الا حفر الكبد ليش مايكون عوق فكرت انه انا بنت الاصل والفصل اخذت واحد مثل زياد ربما انه حتى اهله ماهم على ملة الاسلام لكن الي جمع بينه وبين عوق انهم مجهولين نسب حتى لو كل المميزات بزياد الوسامه والمنصب الا ان ها الاشياء صورة لعوق ولو لحظه ان اهلها اظلموها لماخلوها تقدم على الزواج من لقيط زياد ردها لها وهو عارف قصدها لما قال الحوا عليه حتى يتزوجها يعني مثل ما تقولين يجرح ويداوي انه صحيح هو لقيط لكن قدر يكون لنفسه مكانه خلت الكل يتمناه زوج لعوق البنت الي ماكان يعيبها الا انها مجهولة نسب حقيقة خطبة زياد لعوق لها وجه ثاني وهو زياده على الي قاله زياد بنعرفه بعدين محاولة اعتذار عوق من زياد كثير تصير بين الازواج تكونين مخططه لشي وفجاءه تشوفين نفسك ماسكه خط ثاني بنشوف في البارت القادم وش راح يصير معانا والذبح ماعليك قريب بتنجرح جرح ماهو جرح ذبح بيستمر معانا بارتات اسعدني مرورك الراقي |
اقتباس:
هلا وغلا ميرال والله شهاده اعتز فيها والقصد من ورى الروايه ماهو الا دقة جرس خطر قبل فتره انه في احصائيه ان سنويآ 37لقيط يعثر عليهم فقط الاحياء والحقيقه اكثر بواجد من غير الي تتخلص منهم امهاتهم قبل يكشفون حملها والاعداد با ازدياد مع ثورة الاتصالات والنت والقنوات الفضائيه والبدايه كانت من غفله لاتذكر انتهت بكارثه اسعدني مرورك ورد ك المميز |
اقتباس:
هلابك بنشوف وش بيصير في البارت القادم اسعدني مرورك |
اقتباس:
هلا وغلا ام تركي والله ما بعد كلامك كلام لكن احيان الواحد يمشي بطريق يتوقع انه هو الصحيح تجيه حذفت حصاه من تحت لتحت تشتته تحسسه انه غلطان فلازم يستشير يا ناس انا امشي صح والا مضيع طريقي اكيد فهمتي قصدي ارحب با النقد الي وجه لوجه اسعدني مرورك وممتنه لتشجيعك وبأذن الله بنزل بارت اليوم يعز علي تطلبيني والا البيه |
اقتباس:
عوق وزياد مثل ما قال زياد وضعهم غير يعني المصارحه مطلوبه بمثل ها الموضوع خصوص مع شخصية عوق الحساسه هو بتموت شخصيه في البارت القادم وبنشوف توقعك صحيح اولا اسعدني مرورك |
اقتباس:
ممتنه ممتنه جدآ لك على الكلمات الرائعه والي من القلب اكيد بيوصل القلب عوق بنشوف وش بصير معاها زياده على التشائم بيجيها لقب جديد تمهيد لمرحله جديده من حياتها اسعدني مرورك الراقي |
السلام عليكم
شلونج طيوف عساج بخير ارد الحين بعد ما صحصحت وقريت البارت مرة ثانية ومريت على ردي الاولي يبووووووي يفشل واسفة وايد اني ما كنت بكامل قواي العقلية وانا اكتب ما لومج لو ما رديتي بصراحة واسفة جدا على التاليف الخايب اللي الفته اقراه وانا حاسة ان اللي كاتبته طالبة بالمتوسط اسفة مرة ثانية وياليت تسامحيني على تجاوزي لحدودي معاج تعودت استهبل مع كاتبات غيرج بس مع كاتبة برقيج وذرابت كلماتج احس لازم اتكن وما افصل بس عاد الطبع غلبني هالمرة واسفة من جديد وبالنسبة لعوق الحلو فيها انها عرفت غلطها وحاولت تصححه واللي ماعجبني انها ابد موقادرة تنسى الوضع اللي اهي فيه وانها حملت كلام زياد باللي براسها واللي ما قصد المسكين يقوله ولو اني اعتقد انه لو اجل سالفة شلون خطبها وانه ما كان باختياره كان احسن للاثنين واهي بعدما انتبهت يوم قالها انه يوم شافها ظن نفسه بحلم وحاستها متلخبطة ما تعرف شلون تتصرف ولا شتسوي وحساسيتها الزايدة موهقتها اخر وهقة بس اللي يشفع لها ان الحياة الزوجية باولها لازم مشاكل لين الاثنين ما ياخذون على بعض وختاما مالي غير اشكرج على ابداعج وعسى ربي يحرم كلج ومن تغلين ويغليج على النار...............نمورة |
اليوم بيكون في بارت جديد اضافي بعد الساعه عشر في الليل
|
اقتباس:
السلام عليكم و رحمة الله و بركاته الله يسعدك بهالخبرية و يرزقك بر الوالدين ان شاء الله تخلص المشاكل على خير بين عوق و زياد و يحاولو يفهمو شخصيات بعضم البعض و يتنازلوا بين بعضهم لان الحياة الزوجية ما بتستمر اذا ما فى تفاهم و تنازل بين الطرفين فى انتظارك ان شاء الله |
اقتباس:
ههههههه تدرين ردك شفته واعجبني وبالعكس استمتع وانا اقرا ردود ك خليتني ارجع احوس با الردود لحد ما لقيته شكلي ناسيته والا انا ما اطوف اي رد للبنات ليش تقولين عن ردك كذا با العكس حلو زياد كان يبي يوضح لها قبل تسمع من غيره عن الخطبه بارت اليوم راح يكون مفصلي بحياتهم نشوف وش راح يصير بينهم اسعدني مرورك وردودك الحلوه |
اقتباس:
وعليكم السلام زرحمة الله وبركاته ويسعدكم يارب بنشوف كيف تخلص المشاكل اليوم استعداد لمشاكل اكبر:8Pp04714: ومن راح يبدا فيها اسعدني مرورك يا الغلا |
اقتباس:
هلا وغلا بك نموره مره ثانيه توني اشوف ردك تحليلك صحيح لكن مرات الواحد تجيه تناحه بعيد عنك ما يفهم با التلميح زياد كان يبي عوق تتناسى وضعهم وهو الي الآن في مرحلة تعارف معاها بنشوف وش راح يصير اليوم والبارت القاد بشوف انتي بتوقفين مع مين زياد والا عوق تسعدني ردودك الي تعطرين فيها ثنايا الروايه |
أ
م الوليد أعجز عن التعبير بعد كل بارت أقراه وأقول صدقتي يوم قلتي عنها سوالف لأني أحس ماقرا روايه ولكن اسمع سالفه من اللي تدور في مجالسناكل يوم وحنا نسمعها وياأما نتعض منها أو نتستفيدونحاول نعطي فيها رأي أوحل أو تمر علينا مرورالكرام ... وفي البارت الأخير شفنا عوق وكيف تحاول حل المشكله بينها وبين زياد وأعجبني كثير تحليلها لأم موضي وكيف وصفة قناعتها صحيح القناعه كنز لايفنى وياليت الكل يقتنع بنصيبه ويحاول يحسنه قدر الأمكان أفضل ألف مرررره من أنك تجلس تقارن حياتك بحيات غيرك وتقول ليش فلان ولا علان أحسن مني وفلأخير مراح تجني في حياتك غير الحسررره ....أما زياد فياليته حاول يتكلم معها عن المشكله اللي أختلفو عليها وبس ولا دخل الأمور في بعضها لما تكلم عن خطبته وزواجه منها خصوصا في هالوقت لأنها ماراح تتقبل منه هالكلام وهي فهالحاله النفسيه....يعني لو أجل الكلام هذا لحد مايتصافوا كان أفضل لكن هو صار مثل اللي يبي يكحلها عماها. ..(وأنا أستغرب هااتصرف من زياد تونا نقول عنه حكيم اللي عطى نفسه وعطاها فرصه يومين تهدا النفوس قبل حل المشكله يجيها ويقول هالكلام )...أما عوق فلا زالت متسرعه أولعل الضغط النفسي أوعدم الخبره في الحياه الزوجيه هو السبب في أنها قلبت تخطيطها للصلح وحاولت تحرق كل الجسور بينهم لماقالت أنها تنتظره علشان تطلب منه يتفارقون (مع أني ماأعتقد يفوت زياد أن شكلها ولبسها ماهو شكل وحده تبي تطلب الطلاق ...وأتمنى يستغل هالنقطه ولا تاخذه العزه بلأثم مثل مايقولون).......طيوف شكرا لك على هذا الطرح الرائع وحتى كلمت شكرا لاتوفيك حقك وأعذريني على قلة الردود ولكن ظروف الحياه ومشاغلها تأخذنا بعيدا عمانرغب ....جزاك الله خير الجزاء ويسر أمورك ومن تحبين ....أختك مها |
بسم الله الرحمن الرحيم
هلا وغلا بكل الغوالي الي ينتظرون نوح الحمام ويشوفون ان طيف الأحباب قدمت شي يستاهل القراءة, انا مستمره بتنزيل الروايه مع قلة الردود وكثرة المشاهدات الي تخليني اعرف ان الروايه لاقت قبول.. ولا كنت بقول قلة ردود الا بعد ماجاتني حذفة حصاه خلتني اعيد حساباتي هل انا اسير با الطريق الصحيح..؟ او انا بس متعبه نفسي ونوح الحمام روايه لاتستحق القراءه..؟! مجرد روايه ختمت با اسم قارئه لها بعض المشاكسات في بعض الردود على روايات افضل من نوح الحمام بالآف المرات .., الحصاه الي جاتني ماهو ابدآ تعقيب على البارتات علشان لا احد يظن اني اتحسس من النقد با العكس ارحب با النقد الهادف قبل المدح, ممتنه جدآ لكثير من المتابعات واولهم كاتبتنا الرائعه ساعه بلا عقارب لردودهم المشجعه في البارت السابق, والشكر موصول لتراتيل الشتاء على القصيده والي من القلب اكيد بيدخل القلب , والي خلف الكواليس واقفه معي وتدفعني تقول استمري لها مني كل الحب والتقدير , بارت اليوم بارت اضافي طلبته ام تركي الغاليه ساعه بلا عقارب , البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح واونقد اوحتى يسأل عن مواعيد البارتات دليل اهتمامه با الروايه.., واهداااء خاص للغوالي الي ارسلو لي على الخاص وفاجئتني رسايلهم وتشجيعهم قالوا طيف الي يعيش المأساه ماهو مثل الي يكتب لكن لمستي شي بسيط من الحقيقه وهو فعلن احساس الي يمسك الجمره ماهو مثل الي ينفخ عليها يحاول يطفيها.., . . . اليوم بنشوف عوق المزايين واحداث متلاحقه من حياتها هي وزياد فرح وحزن وصمت قاتل يا الله تعالوا معاي...!! وسالفه جديدة؛ البارت الواحد والعشرون . . . عوق بوجع\ما قصرت على الشرح رايتك بيضا .., اردفت با ارتباك\واساسآ انا كنت انتظرك من اليوم علشان اقولك اني قررت انا وانت ما نصلح لبعض وكل واحد يروح لحال سبيله..! زياد بهدوء\وهذا اخر كلام عندك ماراح تراجعين نفسك او تعطين نفسك فرصه تفكرين..! دنقت ما قدرت ارد ما ابي انفصل عن زياد بداخلي..! لكن كلامه اني فرضت عليه كسر كبريائي وصغرني قدام نفسي.., وانا لوكنت بنت شرعيه لبدر ماكان زواجي راح يكون بها الطريقة اني انعرض مثل السلعه .., زياد بمعاتبه\تدرين عوق انك ظالمة وانا وامك ما نستاهل منك الي تسوينه فينا..!؟ امك ما صدقت يجي اليوم الي تتطمن عليك وانتي تبين تذبيحنها برجعتك لها..! وانا ولعتيني فيك وبتروحين وتخليني.., اي ناس تفهم وعندها وعي تشوف رجل مناسب لبنتهم او غيرها بتقول ترى في بنت على خلق ودين اخطبوها ها الشي ابدآ ما يعيب ليش انتي حساسه ماهو معقوله الواحد بيقول اخطبوا فلانه والا زوجو فلان وهم اشخاص ماهم ثقه هذي كارثة بحق الكل ومافي احد يحب يحط نفسها بموقع ملامه هم ماقالوا ها الكلام الا انهم حاسين اني استاهلك.., لكن عاد اذا هذا الي يريحك لك الي تبينه يا عوق ...! طارت عيوني وش الي ابيه لايكون بيطلقني.. عوق بتوتر وارتباك\ يعني وش قررت ...! زيادبحده مصطنعه \وش قررت ..!! قررت بكرا بنطلع عمره انا وانتي ماهو هذا الي انتي تبينه..! التفت زيادواردف وهو يضحك ويغمز بتهكم \بعدين جايه تصدرين قرارات وتسألين عن قرارات وانتي لابسه كذا وغرفة الاشباح على قولتك كلها شموع وعطور..! والله مع ها الجو الرومانسي كل القرارات الي بتصدر قرارات زوجيه صائبه...! يا ليت كل زوجين بينهم مشاكل اويقررون ينفصلون يكون اجتماعهم با الصوره هذي اكيد بيعيدون النظر.., ما تمالكت نفسي وضحكت على كلام زياد زياد يبتسم\ ايه يا شيخه اضحكي هي رحلة العمروش طولها الي نقضيها زعل وخصام وتنكيد على انفسنا اردف زياد وهويمسك ايدين عوق وبهمس\خلاص ندفن احزان الماضي ونبدى من جديد ياام القرارات.., عوق بخجل\ بمناسبة ها القرارات مصلحه لك تورته وعصيرابداع وقف زياد وسحب عوق معاه\ لا تكفين خلي حفلة التورته وقت ثاني يكفيني ها الاجواء الحالمه ..! اردف بتعب \خلينا ندخل ننام ولاحقين على ابداعاتك ترى لي يومين مواصل مانمت..!! ودخلت مع زياد اتمنى ايامي القادمه معاه احلى واجمل من الي فاتت..؟! ثاني يوم طلعنالطائف با الطائره وكانت اول مره في حياتي اركب طائره كنت بموت من الخوف وزياد يتكلم معاي حس بخوفي وانا بعالم ثاني من الخوف وصلنا با السلامه لطايف.. جلسنا فيها يومين وبعدها اعتمرنا ..., وهذي اول مره ادخل فيها الحرم تفاجئت اول ماشفت الكعبه.. بكيت بدون شعور يمكن رهبة المكان او ما كنت مصدقه اني شفتها حقيقة.., ماكنت اشوفهاالا باالصور او التلفزيون.. اخذنا شقه قريبه من الحرم وصليناالفروض كلها هناك.., ودعت مكه وانا قلبي يتقطع اني ارجع مره ثانيه.. ورجعنا لطايف نتمشى زياد\ غريبه عوق اول مره تنزلين مكه..؟! عوق بمراره\ من بيجيبني انت عارف ماعندي محرم.. زياد بدهشه\لا تقولين بعد خالتي وضحى مثلك.., عوق بحزن\ امي حجت مرتين قبل تكفلني ..! الطايف جوها سبحان الله غير عن مكه باردوامطار وارضها خضرا.., لكن فرق بين المكانين ما ارتحت با الطايف انقلبت نفسيتي.., حسيت نفسي حزينه غير عن فرحتي لما كنت بمكه.., والي زاد علي اني اول مره ابعد عن امي مسافه طويله .., اكلم ا مي با اليوم اكثر من مره ومع هذا قلبي شاب نار عليها اشتقت لها زياد حس اني غاصبه نفسي غصب على الجلوس با الطايف.. زياد \اقول بس وش رايك نرجع لرياض.., انتي معي بجسمك والا العقل الله يخلف عند امك.., عوق بوجع\ هذي اول مره احس انه انا وامي بينا مسافات... والله حاولت اضغط على نفسي ولا اشغل نفسي با لتفكير لكن غصب عني.., زياد يبتسم\ الامر لله من قبل ومن بعد خلاص جهزي الشنط انا ها التمشيه اساسآ كلها على شانك اردف زياد\وتستاهلين قبل نمشي عمره ثانيه بنحرم من الطايف نعتمر ونرجع عن طريق مطار جده.., عوق با امتنان\زياد ما ادري كيف اشكرك وآسفه والله ماهو بيدي ..؟ خربت عليك اجازتك وضيعت عليك التمشيه..., زياد بحب \ تتعوض ان شاء الله واهم شي احنا مع بعض.., عوق بفرحه \ نفسي اكافئك مقابل تنكيدي عليك اجازتك.., زيادبحب\والله انتي اكبر مكفاءه ونعمه كافئني ربي فيها.., زياد بضحك\ لكن لازم لك عقوبه بماانا قضينا هالكم يوم اكل مطاعم متواصل خلاص صدر عليك حكم لا للمطاعم واجب التنفيذ.. فيني ستين عله من اكل الشغالات والمطاعم نسيت طعم الاكل من يوم تعبت امي..؟! زياد يتنهد بحزن\على فكره ترى امي طباخه من الدرجه الاولى لكن الجلطه اقعدتها.. عوق بدهشه\يا الله ما اكلت اكل بيت من تعبت خالتي.., زياد\الا خواتي ما يقصرون لكن ما احب اتعبهم وخصوص ان عندهم دوامات .., وبعدين مرات اضطر اعزم زملائي او اصدقاي والله صار يطيح وجهي من خواتي.. من كثر مايحاولون يبيضون وجهي تشوفينهم يبالغون بلي يسوونه لدرجة انهم يحرجوني وانتي عارفه مهماكان الزوجه ماهي مثل الاخت.., الزوجين اي شي يتقبلونه و يطلبونه من بعض مايكون فيه احراج غير الاخوان يظل حاجز الحياءموجود.. اردف زياد با ابتسامه\وش رايك بها الحكم.., عوق تبتسم\ابشر هذا حكم بسيط تعويض لك وبعدين خلنا نغذي معدتك ونستولي على قلبك.. زياد يضحك \ عملآ بحكمة اقرب طريق الي قلب الرجل معدته .. اعتمرنا مره ثانيه ودعيت ربي من قلبي انه يحفظ لي امي وزياد.., ويجزى خالتي نوره الف خير انها كانت سبب زواجي من ها الانسان الرائع.. خوفي من الطائره برحلة العوده كان اخف بكثير ماهو مثل اول مره بعدما وصلنا مطار الرياض وركبنا سيارتناكان نفسي اقول لزياداول شي بشوف امي.., عوق\زياد بطلبك طلب ..؟! زياد يمسك يد عوق\ انا عارف وش الي تبينه بس ما يصيراني اول ما ارجع الرياض على بيت امك لعدة اسباب..! اول شي الحين احنا نص ليل واكيد امك نايمه بتخوفينها وخصوص ان ماعندها خبر برجعتنا..؟ خليها بكراوباخذك لها من اول النهار ..! ثاني شي ما ترضينها علي اني اتعدى بيتي وامي واروح لبيت امك.., عوق بحزن\ بكيفك.., وصلنا البيت آخر الليل مهدود ين من السفر دخلنا على خالتي اناوزياد انا سلمت عليها وطلعت لغرفتي ارتاح.., وزياد تأخر عندها ...! رجع وحسيت وجهه ماهو طبيعي..؟! عوق بخوف\ عسى ماشر.., زياد بقلق\ ماشر ان شاء الله لكن امي تعبانه بكرا لازم اطلع فيها للمستشفى..! عوق\الله يشفيها خلاص نم ارتاح ما بقى على صلاة الفجر شي.., نمت من التعب ولاادري زياد نام اولا..! لكن صحيت صليت الفجر ما شفته توقعته با المسجد.. كملت نومي وصحيت على الساعه ثمان زياد ماهو موجود..؟! حتى شنط السفر ما نزلهاكلمت على جواله يعطيني مشغول ياربي وش صاير.., نزلت تحت بشوف خالتي لقيت غرفتها فاضيه..! والممرضه ماهي موجوده ناظرت في حوش البيت سيارة زياد ماهي بمحلها ناديت الشغاله اسألها.. قالت ماما كبير تعبان وروح مستشفى مع بابا زيادومدام بشرى.. يارب سترك من يطمني .., اكيد الوضع خطير حتى شنطنا ما نزلها.., بيت بشرى ونجلا مالهم حس اكيد الكل بدواماتهم.. ولا اعرف جوالتهم او يمكن ما يدرون عن شي..!؟ ياربي وش اسوي مشتاقه لأمي بموت اشوفها.., برسل رساله لزياد استأذن اروح لها .., ارسلت لزياد وانتظرت الرد ما رد علي..! دقيت مره ثانيه يعطيني مشغول.., اخيرآكلم زياد زياد بوجع\امي حالتها خطيره والحين با العنايه المركزه ..! عوق\ طيب اجي للمستشفى.., زياد بحده\ تجين وش تسوين ماهو وقت زياره واصلن حتى الزياره ممنوعه.., عوق بترجي\ طيب اقدر اروح لأمي.. زياد بتذمر\مو مشكله كلمي سواق امك يجي ياخذك انا ما اقدر اطلع واترك امي .., ولا تركبين معاه با الحالك.., عوق با استغراب\ اكيد عمري ما ركبت معه با الحالي الشغاله دايم معاي.. كلمت على تيلفون البيت وردت علي الشغاله قلت تعالي بيتي انتي والسواق.., طلعت لبيت امي قلبي خايف على امي خصوص بعد ما تعبت ام زياد.., على طول دخلت لغرفة امي لقيتها مثل عادتها منسدحه بفراشها وتسمع لرادو.., رميت نفسي بحضنها وضميتها .. والمره هذي هي حضنتي بزود وضمتني.. بعد ما تزوجت كل ما جيت اضمها تبعدني عنها.., تقول خلي عنتس الدلع والتهنوص الحين صرتي مره..! اليوم ما ادري هي امي تغيرت والا انا يتهيئ لي.. ام عوق بفرح\متى رجعتوا.., عوق\ وصلناعلى 12الليل ام عوق با استغراب\ ليه عودتو بسرعه زياد قال انكم بتقعدون عشرت ايام.., لا يكون اقلقتي الرجال ورجعتيه..!؟ عوق بتذمر\احسن انه رجعني يمه طفش بالحالنا وبعدين من رجعنا شكل خالتي تعبانه..؟! اليوم نوموها با المستشفى.., ام عوق بتأثر\الله يشفيها يا بنتي كبر ومرض الضعيفه .., انتوا من خليتوها عنده يوم سافرتوا..؟! عوق \يمه اهل زياد مره متعاونين ما شاء الله واحد يسد مكان واحد.., تخيلي خالتي ما تطلع من بيتهاولو طلعت بسرعه ترجع علشان غرفتها ...!! لو تشوفينها قطعه من مستشفى كبيره مره واجهزه تخوف وفيها 3أسره.., ويتناوب عليها بنات اختهاوبناتهن كل ليله ثنتين مع الممرضه اذا كان زياد مشغول والا مسافر.., لكن اذا رجع زياد هو الي يتكفل فيها اكثر وقته يجلس معها.., ام عوق بوجع\المرض شين وانا امتس.., عوق بخوف\يمه الله يستر من تعب ام زيادالله يشفيها..! ام عوق\هذا شي عند الله و من دَنَّتْ رحايله رَحَل يا بنتي مريض والا متعافي.. عوق با اعجاب\سبحان الله يمه انا عندهم اكثر من اسبوعين .., عمري ماحسيت بوجود خواته والا بناتهم يدخلن عند خالتي يتطمنون عليها بدون ما ادري اتفاجئ من الشغاله اذا سألتها في احد جا اليوم..؟! حتى قلت لزياد ليش زيارات خواتك خفيفه حتى اني ما اشوفهم..!؟ يقول ما يبون يثقلون عليتس وامي ما تستحمل الازعاج الكثير..؟! ام عوق\ الله يجزاهن خير وماهو كثير هذي خالتهن بمكان امهن .. وزياد هذي اميمته الي ربته الي يزرع يبي يحصدشين والا زين.., ام عوق\عوق..؟! عوق\لبيه يمه ..! ام عوق\لبيتي حاجه رويم جابت صورتس تقول زينتها يوم شافتس ناسيتها..؟! عوق بضحك\ياحليلها ريم ماتنسى شي والله انها شقرديه.. ام عوق\مسلط ونوره ناس اجاويد وفيهم صلاح وعيالهم مثلهم.., لكن انتبهي من ها التصاوير يا بنتي شفتها روعني لبستس..؟ عوق \يمه كل الناس كذا..! ام عوق بحده\واذا كل الناس.., ان ضاعت العرب ضعنا وراها..! المهم لا تعرضين صورتس لكل من هب ودب كان تسمعين النصح .. عوق بممازحه\ابشري اهم شي الوضيحي ما تزعل وبعدين لبسي الي انتي تقولين توتس تفطنين له انا عندتس يوم العرس ورى ما شفتيه.., ام عوق با ارتباك\مادري مشغول بالي با الضيوف ..؟! عوق بمشاكسه \بالضيوف يا الوضيح علينا.. ام عوق بضحك\اقول بس خلينا نطلع لصاله نتقهوى واتركتس من الهبال.., نهاري كله قضيته عند امي ونسيت الدنيا .. رتبت اغراضي بناء على الحاح من امي ولقيت البوم صور لي وانا صغيره.. اكثرها كانت صور ايام العيد انا وريم واخواتها و صورنا يوم كنا نلعب بحوش بيتناالشعبي كانت بكاميرا فوريه.., اخذت البوم صور زواجي وصور طفولتي وخليتهم مع بعض ودخلتهم لدولاب وقفلت عليهم با اخذهم بعدين.., غرفتي صارت فاضيه تبرعت بكل شي ما احتاجه..! ارسلته مع السواق .., ما بقى فيها الا دولابي فاضي وسريري الوردي الي ماسكه علي زياد انتي وسريرك الوردي .. في بنت كبيره لا وبعد معلمه وسريرها وردي كنها طفله .., حتى كتبي رتبتها باخذها معاي لبيتي هي والصكوك حقت املاك امي الي با اسمي.., يعني بجي ها البيت ضيفه مالي اثر..؟! هل هي سنة الحياه او لأن امي خلاص حست انها سلمت الامانه لشخص يحملها عنها.., تأخر الوقت وزياد ما جا ولا كلم ولا يردعلى الجوال.., امي شافتني وش كثر انا قلقانه على زياد ام عوق\ نامي ومن اصبح افلح .. انسدحت بنام مع امي والا فكار تجيب وتودي واكثر ما اشغلني خوفي على امي.., امي اكبر من ام زياد لكن الحمدلله على انها ماتقدر تصلي الاوهي جالسه .. ويتعبها المشي حتى لو مسافه قريبةلكن يكفيني اني اشوفها واسمع صوتها.., دايم تقول عسى اخر المشوار في سجده.., من كثر ماتدعي ها الدعوه مرات اخاف اذا شفتها تصلي وطولت بسجدتهااوقف عندها حتى ترفع راسها ام زياد حولها بنات خواتها وعيالهم.., امي من لها بنات اختها والمصيبة الي من ورى بدر ومشاعل ابعدتهم عنها.., والاعيال زوجها الي ينتظرون الفرصة بس علشان يا كلون حلالها.., حتى زياد مصوره له انها مقطوعه من شجره ومالها اقارب .. ماتبي بعدين شي يشوش على حياتي اوزياد يشك بشي.. امي لها ايادي بيضاء سر وعلن.., ويمكن هذا الي مد لها بعمرها ربي يحفظها.., يكفي انها كفلتني وربتني وتركت حياتها في البر علشاني.., الله يجازي امي برفقة الرسول با الجنه.. صحيت اليوم الثاني وجلست انا وامي الصباح نفطر ونسولف .. وانا بالي عند زيادوخالتي..؟ واخيرآ هذا جواله يدق زياد بتعب \هلا عوق شفت مكالمتك مشغول ولا قدرت اردعليك..! بمر مسافة الطريق بسلم على خالتي واخذك.., دخل زياد وسلم على امي.., ام عوق\وشلون امك بشرني عنها..؟! زياد \نقول الله كريم ان شاء الله احسن.., ام عوق\الله يقومها لكم با السلامه.. عوق\ لي كتب واغراض با خذهم.., زياد بتعب \ خليهم وقت ثاني ورجعت لبيتي زياد ما قال ولا كلمه من يوم مشينا حتى وصلنا..! سارح بعالم ثاني بس اسمعه يتنهد وعيونه مثل جمر.., عوق بتوجس \زياد كيف خالتي ما اقتنعت بردك على امي..! زيادبوجع \ما ابغى امك ينشغل بالها امي حالتها مره تعبانه.., عوق \ طيب هي وش فيها.., زياديتنهدبحزن موجع\ جلطه ثانيه انا من وصلنا شكيت بو ضعها..! عيونها ماكانت طبيعيه وحتى لسانها ثقل بزياده..! كلمت بشرى هي صبور ماهي مثل نجلاء واخذناها للمستشفى.., وعلى طول للعنايه المركزه شكوكي كانت بمحلها..! بشرى تقول المغرب مافيها شي لكن فجاءه جا تعبها..!؟ عوق \ الله يشفيها.., زياد بوجع\آمين المشكله ان حالة امي صعبه... ضغط وسكر ومعاها القلب والكبد تعبانه عندها وسنها كبير.. باخذ دش واغير وارجع لها ما اقدر اتركها.., عوق\ حق واجب مهما كان امك مالها غيرك رجع زياد للمستشفى.. نزلت تحت البيت كبير ومافيه الا انا والخدامه.., ياربي الحين العصر وزياد لا حس ولاخبر من الصباح .. وقلبي منشغل على خالتي العنود سمعت صوت الجرس علق وطلعت الخدامه تركض تفتح الباب.., دخلت عبير تصيح بصوت عالي افجعتني عبير ببكى\عوق امي اغمى عليها.., خالتي بشرى كلمتها تقول جدتي العنود توفت..!؟ وامي معاها سكر طاحت علينا ومافي احد عندنا.. عوق بذعر\لا حول ولا قوة الابالله انا لله وانا اليه راجعون.., اصبري بلبس عباتي واجي معك.., لبست عباتي وطلعت مع عبير علشان اشوف نجلاءلقيت بناتها يصيحون حولها.., مجد ببكي\ شكل سكر امي انخفض.., حاولنا نصحيها وعت فينا لكن كان حيلها مهدود رفعناها عن الارض.. حاولت اصبرها تصب دموعها وهي ساكته ولا اسمع الا تحوقلها.. خبر وفاة خالتي العنود انتشر بسرعه في عايلتهم والكل اجتمع في بيت نجلاء.., والحزن مالي قلوبهم على خالتهم وانا بينهم غريبه.., هم يبكون خالتهم وانا ابكي حالي ..!؟ لو انا مكان خالتي العنود لا عمات ولاخالات مقطوعه ..؟ الي قطعني سواد وجه امي وابوي الي مايمحيه الزمان.., وزياد يقولي انتي انسانه معقده تصالحي مع نفسك..!؟ منين يجي التصالح وعار امي انا الي ادفع فاتورته..؟! حتى هي احسن من حالي على الاقل بين ناسها وفضيحتها بتقعد مدفونه اذا ماهي طلعتها..! زياد يتكلم من منظوره هو شخصيآ قدر انه يكافح ويكون له مكانه عند الي حوله وفي مجال عمله.. ما همهم هو لقيط اولا المهم وش انجز .., او يمكن مامر في امتحان بينت له نظرة الناس للقيط.., مرت ليله كئيبه وانا بحيره ارجع بيتي والا اجلس في بيت نجلاء.., قررت با الاخير اروح لبيتي والصباح ارجع هنا..! رجع زياد آخر الليل حزين ومنهار على امه دخل غرفتها ودخلت وراه ما قدرت اقول الا احسن الله عزاك زياد يبكي ويشاهق كنه طفل على سريرها.. وانا عجزت افتح فمي لو بكلمه الموقف اكبر من كل الكلام.., تركته بغرفة امه ونمت با الصاله كأني على شوك والفجر صحاني زياد زياد ب الم موجع\ انا طالع لمستشفى علشان اخلص اوراق امي.. البنات بيجون علشان يغسلونها ويجهزونها لصلاة والدفن.., تجين معهم والعزا هنا في بيتي.. عوق بحزن\ طيب.. طلع زياد وبعدها استوعبت كيف قلت طيب وانا عمري ما شفت جنازه..! وكيف بستحمل المنظر ...؟! دق تيلفون البيت وكانت اثير بنت نجلا تقول تجهزي... امي وخالتي بيطلعون مغسلة الاموات علشان جدتي العنود.., خالي يقول عوق بتطلع معكم... لبست عباتي وطلعت لهم.., حسيت قلبي بيطير من بين ضلوعي من الخوف رحت معاهم.., ولاادري كيف وصلنا المغسله الي غسلها وكفنها نجلا وبشرى ومعاهم حرمة شكله المغسله.., وانا اناظر من بعيد كانت لابسه اساور قصتهم بشرى بمقص.., وعطتهم الحرمه الي معاهم وقالت لها انتي تصدقي فيهم.., ويحركون جسدها ويقلبونه منظر جثت ام زياد رهيب..! ماكأن مر يوم على ها الجسد الضخم مشى فيه على الارض لفوها با الكفن .., هذي اخرتها حياه وشباب ومتع دنيا ونركض ركض المخلدين وناسين الموت وهذي النهايه.., وسلمت نجلا وبشرى على راسها..! وجيت بعدهم دنقت على راسه وسلمت عليها سبحان الله وجها بعد ماماتت كان احسن من يوم كانت حيه.., كأنها نايمه توقعت اني بخاف وبشوف وجه غير مثل ما اسمع عن الجنايز..! اخذوا الجنازه زيادوزوج بشرى وعيال نجلا وبشرى.., واحنا رجعنا لبيتي مع سواق بشرى انا ونجلا وبشرى .., دخلوا بنات نجلاء وبشرى وزوجة ناجي .., وحضرواحريم اقارب لهم امتلى البيت .., جات امي تتوكا على عصاها وام ابراهيم وريم عزوا نجلا وبشرى وحريم شكلهم اقارب خالتي العنود ام عوق بعتب \ورى يا امي ما دقيتي علي تعلميني بوفاة ام رجلتس.., عوق بحزن\ ما ادري نسيت فجعني موتها تروعت انتي من قالتس..؟! ام عوق \نوره دقت علي وهي تحسب ان عندي خبر تقول نواف معلمهم..! قالت بروح معتس اعزي وجات هي وبنتها معي.., مر يوم العزاء ناس طالعه وناس داخله البيت مافضى.., امي رجعت لبيتها حاولت فيها تنام عندي رفضت تقول ما ارتاح الا بغرفتي.., عدت 3ايام العزا زيادما اشوفه من الصباح الي اخر الليل يستقبل المعزين.., انتهى عزا خالتي العنود زياد صامت لكن الحزن بعيونه يدخل غرفة خالتي يجلس ساعات ويطلع عيونه كنه دم مر شهر على وفاة خالتي وانا وزياد في بيت واحد لكن كل واحد عايش با الحاله كم مره احاول اطلع زياد من حزنه لكن ما قدرت حتى امي خلال ها الشهر مازرتها الا مرتين والي ياخذني لها ويرجعني سواقها..! زيادصار ماهو يمي يانايم يا جالس بغرفة امه او في دوامه الي كان فتره والحين صار فترتين.., اذا جيت جلست معاه وسولفت يسمع وهو ساكت ولا يرد علي غير انه يهز راسه .., حياتي احسها صارت ممله الصبح نفس المسا واليوم مثل امس..!! امي حلفت علي ما اجي عندها..؟! زياد فاقد امه ولازم ما تركه وهو بها الوضع..! امي اذا جيتها تهاوشني وتطردني تقول لااشوفتس الا مع رجلتس .. ان تركتيه ها الحين ما ينساها لتس بعدين.. ورجلي ماهو معطيني فرصه اخفف عنه ..؟! محد حاس فيني خوات زياد كلن مسكر بابه على حزنه وساكت.., وانا انعزلت با الغرفه الثانيه غرفة الاشباح الي فوق.., اما اتفرج على التلفزيون والا اراجع حفظي للقرآن لعل الله ينفعني به.. حتى غرفتي صرت اكرها وانقرف منهااحس تجيني ضيقه فيها ما ادخلها الا اذا جا زياد.. وزياد ما اشوفه فوق الا اذا بيغير لبسه والا بينام ., زياد كل يوم عن يوم يسوء وضعه واحسه يبعد عني..؟ صارت حالته غريبه اذا نام يلم نفسه مثل البردان واسمع ونينه وهو نايم يروع ما ادري وش علة ها الرجال وانا الوقت الي ما يكون موجود وبدوامه اوالمستشفى احيانآ يطلبونه بوقت متأخر..؟! انام بغرفة الاشباح والا با الصاله الي فوق احس البيت الكبير ضاق بي .. ياربي مالي غيرك دبرني فأني لا احسن التدبير.. صرت بكل سجود وركوع ادعي ربي يطلع زياد من حزنه.. خالتي لها اكثر من شهر ونص من توفت واحنا على حالنا.. ما ادري متى تنقشع عنا سحابة الحزن..؟! شسوي مالي الا اكلم خواته يمكن يساعدوني نقدرنطلع زياد من جو الحزن.. كلمت نجلاء وقلت بمرك بعد المغرب.., طبعآ ارسلت رساله لزياد اني بطلع لنجلاء... مالي خلق اطلبه شي وجهآلوجه .. حزنه سد نفسي من حتى الكلام معه حتى مقاضي البيت واغراضنا.., ارسلها برساله على الجوال بدون كلام..! ردبرساله فيهاكلمه وحده او كيه.., طلعت لنجلاء الي كانت حزينه وحتى جو بيتهايجيب الكآبه.., لكن افضل من جو بيتي .., جلست معاه ماادري كيف افتح معاها الي جايه انا على شانه... ولا كان لها كلام الا عن خالتي وتعبها بمرضها وعسى الله يعوضها با لآخره.., وان الي سواه زياد لو كان ولدها من بطنها ماراح يسوي ربع الي يسويه عوق بتردد\نجلاء بطلبك طلب ولا تفهمني غلط.. . . . (كلمه اخيره) لا تحزنوا ، لأنّ هذهِ ليست حياتُنا هذهِ ليست وجوهنا الحقيقة هذهِ ليست طبيعةُ عيشنا هذهِ الأرض ليست مكاننا ، إنما هي معبَر مجهّز ومخلوق لأجلنا هذهِ الشّمس وهذا القمر إضاءة مؤقتة والنجوم زينة مؤقتة والفصولُ امتحانات دوريّة ، أخفيتُ عنّا درجاتُها ، وشهاداتُنا ، نحنُ هُنا بأجسام مؤقتة ، وجمال مؤقت ، وكلّ الأحزان والأمراض والمحن ، والأحداث والكوراث ، والابتلاءات ، طوارئ س تزول قريباً ... تنتظرُنا حياة مختلِفَة تماماً ، مُدهِشَة جدّاً ، يفصلُنَا عنها سجدَة خالصَة وإغماءة طويلَة ، ثمّ نستفيقُ منهَا على ضفّة نهر في الجنّة -بإذن الله - . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
البارت القادم بيكون الاربعاء بعد الساعه عشر الليل
|
اقتباس:
اتمنى يستمر اعجابك لنهايه اسعدني مرورك |
اقتباس:
اقول سوالف لأني عارفه نفسي مانيب كاتبه مجرد سوالف بمجلس وانتو تنورون ها المجلس صادقه مها ليت الكب يقتنع بنصيبه مثل ام موضي ولنا مشهد قادم معاها بتعجبك اكثر زياد عرف طبع عوق الحساس وموضوعهم الاول اشبعوه حكي فعلشان ماتصير ثورات جديده حب يسد ها الثغره ويخبر عوق بكل شي ممتنه جدآ لردك الراقي |
مبـــــــــــــــــــدعه الله يسعدككككك:55::55::55::55:بآأإآأإررت اليووووووووووووووووووم حزين مؤلم حيييييييل والله دموووووووووووووووعي نزلت بجد
من اجمل الروايات اللي مرررت علي وربي شاهدجسدت الووووووووووووواقع بكل حرررررف زيــــــــــــــادحززززززززززززززززززنه على موووت امه شي متووقع ذي سوووت له اشياءبعض الأمهاآأإت ماتسووويهابجدلعيالها مشكووووووووووووووووووووووووووووووووووووووووووووووووووووووووو ووووووووووووووووووووووووررررررررررره الله يسعدككككككك ويحفظككككك ويبارك في قلمككككككككككككككككككككككككككك |
السلام عليكم
هلابج طيوف وعساج بخير وامورج سهالة هالبارت كثر ما فرحت باوله للصلح اللي صار بين عوق وزياد كثر ما زعلت باخره على جزع زياد واستسلامه للحزن بهالشكل بصراحة انا وحدة من الناس ما احب الحزن يطول عندي اكبر مثال ابوي الله يحفظه ويطولنا بعمره كان متعلق بابوه ويحبه حب مبديه علينا كلنا وبعد ابوه امه وبعدها اخوانه واحنا نجي بالاخير وهالشي والله ماهو مزعلنا ابد بالعكس صرنا مثل ماشفناه مبدي اهله بديناه على انفسنا وعيالنا و لما مات جدي رغم حبه الشديد له ما جزع ولازعل الزعل اللي منعه انه يكمل حياته او يهملنا بالعكس حمد ربه وشكره ودعا لابوه وتصدق عنه بس اللي يسويه زياد بصراحة عمل انسان جازع وماابي اقول معترض على امر الله لكنه زعل على هالشي والدنيا ماتوقف على موت احد جان وقفت على موت الرسول عليه افضل الصلاة والسلام افضل خلق الله وانا شايفة ان عوق ما بذلت جهد اكبر علشانه بالعكس ما اسرع ما ملت يعني اللي المفروض يصير من وجهة نظري المتواضعة انها تحاول وتحاول وماتوقف عند محاولة وحدة بالعكس اصلا اذا شافها زياد متمسة بفكرة انه يطلع نفسه من الحزن اللي فيه وفارضة نفسها بحياته غصب اكيد انه بيطلع من الحاله اللي اهو فيها وبيذكرها لها انها ماخلته بعز ضيقته مو على طول تروح لاخته بعد كم محاولة فاشلة ليش ما سوت مثله يوم حاصرها وماتركها ابد الا مشكلتهم محلولة بجم يوم عسكها تماما له شهر ونص ولي الحين ما بينت اهمية وجودها بحياته طيوف زياد شخصية حلوة ومتفهم وباله طويل بس الجزع اللي صابه ما حبيته ابد وبالمقابل عوق حلو فيها طيبتها وخلقها اللي ماحبيته سلبيتها تجاه بعض الامور تحسين على انها بنت الخمس وعشرين سنة الا انا ما عاشت بهالحياة صح ولا شافت تجارب توعيها وتفتح عيونها على اخطائها قبل تشوف سلبيات غيرها وختاما مالي الا اني اشكر ايدج اللي خطت ابداع مخج النير والله يحرم كلج ومن تغلين ويغليج على النار..........نموره |
مرحبا يااحلى طيوف انا من المتابعات خلف الكواليس بس حبيت اكد لج ان جمال الروايه موبكثرة ردود والدليل كثرة المتابعين فنوح الحمام اكثثثثثثر من رائعه وتحكي واقع اليم لفئه مظلومه فالمجتمع بس ودي يعني يصير شوي أكشن فالأحداث بدون زعل من هالطلب وشكراً
|
بسم الله الرحمن الرحيم السلام عليكم ورحمة الله وبركاته إبداع أم الوليد كلمات في الصميم ما قاله زياد لعوق فسر الكثير من الأمور حول حياته ورغباته ولكن الإنسان لا يأخذ إلا ما كتب الله له هو أراد أن يشق طريقاً آخر بحياته ويختار امرأة غريبة من دولة غريبة ومجتمع غريب لتكون زوجته وأم أولاده فقط ليؤمن لأولاده أسرة ممتدة وحتى يقبلهم المجتمع من خلال أمهم ونسي أنك تريد وأنا أريد والله يفعل ما يريد فأتى زواجه بعوق بأهون سبب وأسهل طريقة وعلى يد أناس ما كان لهم مصلحة إلا أن يجمعا هذين الشخصين بالحلال ويجعلا وضحى تطمأن على ابنتها قبل أن يأخذ الله أمانته مع رجل يخاف الله فيها ويكون لها عوناً على الدنيا {{ بس الخبال ما يبات بالخلا فتح راس عوق وعشش فيه }} هي لم تفهم بعد أنه يريد منها أن ترضى بواقعها وتتصالح مع نفسها قدَّر موقفها وفهم سبب ثورتها وحاول أن يبسط لها الأمر لتقبل بالأمر الواقع إلا أنها لا زالت تعاني من إحساسها بأنها لقيطة وزاد على ذلك أنها علمت أنه قد خُطِبَ لها ولم يخطبها وهذا بحد ذاته قد يجرحها أكثر لأنها كانت تحلم على الأقل أن يختارها من يريد الزواج بها ولا تفرض عليه فرض رغم رجاحة عقلها وتربية أمها السليمة لها إلا أنها لا زالت جاهلة بأمور الحياة خارج محيط وضحى وقد تحتاج لوقت أطول لتعرف أنه ليس كل ما يتمناه المرء يدركه هي كانت تتمنى زوج يسترها ويصونها وكانت راضية بحال ناجي فماذا دهاها الآن لتعترض على هذا الوضع الذي وجدت نفسها فيه خصوصاً بعد الحديث الذي سمعته منه كان عليها التمسك بحياتها لا أن تطلب منه أن يذهب كلٍّ منهما في حال سبيله فهو لم يخطئ بشيء بل على العكس أتى ليصالحها ويشرح لها أنه قد تفهم موقفها وسبب انفجارها فماذا تريد بعد!!!!!!!!!!! غاليتي.............. سلمت يداك على هذا الإبداع المتواصل وجزيتي الجنة بانتظارك دائماً بشوق حفظك الله ورعاك |
ام الوليد تراااني متاابعه معك لو وقلة ردودي
بصراحه كلمة مبدعه شوي عليك بالنسبه لعووق تعلقها بأمها ماتنلام عليه اكثر شي اوجع قلبي خوفها عليها وهي تصلي.. وام عووق ياازين كلامها<< مااشاالله عليك طيوفه اذا قريت كلام ام عوق حسيتك حكيمه وزيااد اتمنى تعدي فترة الحزن عنه زي مااتحمل وتعدى فكرة انه لقيط كل الشكر لك ام الوليد وبإنتظارك دااائماً بإذن الله.. |
مرحبا ام الوليد صدقيني انك دائما في البال وان روايتك من اجمل ماقرأت ولكنها الظروف هي التي تقف حائله دون ردي دائما
بوركتي اخيه فتقصيرنا لم يجعلك تتوانين عن امدادنا بالابداع في هذا البارت ماقدرت اسكت واقرأ واظهر الاعجاب وليس ككل مره احتفظ برايي بيني وبين نفسي هذه الروايه واقعيه قريبه من القلب والروح وكأننا نعيش معهم حزنت كثير على موت العنود النصائح التي تكتبينها آخر كل بارت رائعه جعلها الله في موازين حسناتك قضيه رائعه واقعيه تناقشينها في روايتك الروايه تسير على خط ثابت من الابداع محافظه على العادات والتقاليد وش اقول واحكي مقصره لا تستخف بعقولنا وتكتب عن اشياء غير معقول واهم شي عدم المط والاطاله وتكرار المواقف والاحداث ا الى الامام ونحن معك حتى لو لم نرد عليك |
اقتباس:
تعلق زياد با امه لأنها تستحق كل هذا البر فيها لكن زياد بالغ في حزنه وبنشوف ردة فعله اليوم على عوق اسعدني مرورك ورأيك با الروايه |
اقتباس:
الله يرحم موتاكم وموتى المسلمين ومثل ما قلت الوضيح من زرع بيحصد شين والا زين واهنيك على ها الاب يمكن ربي يرزقك با أخ او ابن مثله بر الوالدين مثل السلف بيرجع لك مثل الي تسلفينه زياد بنشوف بكرا شي اكبر وردت فعل ماهي متوقعه منه عوق اكيد حاولت رغم قلة خبرتها با الحياه لكن هل زياد اعطاها فرصه او لا بنشوف وش راح يصير |
اقتباس:
لا والله مافي زعل ورايك احترمه بيكون فيه اكشنات عاد هي الاكشنات الي تعجبكم اولا فئة مجهولين النسب مهما تكلمنا ماراح نوصل لشي من معاناتهم اسعدني مرورك |
اقتباس:
يوم قالوا الزواج قسمه ونصيب ماكذبوا وفي حكايات اغرب من الخيال لو ماكانت قدام عيونا ماصدقناها كيف صار النصيب وتم الزواج وكثير من الناس يحبون الخير وسمعت مره من الشيخ المطلق الله يحفظه انك اذا سعيت بتزويج شخص بتكون لك مثل الصدقه الجاريه بس عاد ماهو اي شخص عوق قوقعت نفسها بعد معرفتها انها لقيطه وزادها معرفتها با اهلها ماتبي اي شي يلفت انتباه احد لها والله اضحكني ارادة كلمتك {{ بس الخبال ما يبات بالخلا فتح راس عوق وعشش فيه } حكمه تقولها وضحى لعوق في بارت قريب مقاربه لكلامك الحكمه دايم على لسان امي الله يشفيها شكلي بحذفها اسعدني مرورك وتعليقك الراقي مثل حضورك |
اقتباس:
عوق تشوف امها كل حياتها اعرف وحده تقول من كثر ماهي متعلقه با ابوها مرات تفز نص الليل من نومها وتوقف على راسه تشوفه يتنفس اولا الله يجعلنا عند حسن الظن ويرحم حال الحكمه الي اعرفها بنشوف كيف يعدي حزنه على امه وهل بيتقبل محاولات عوق اولا اسعدني مرورك الراقي |
اقتباس:
معذوره واسعدني والله ان الروايه اعجبتك وطلعت بفايده من الي اكتبه وهذا المطلوب قضية اللقطاء قضيه شائكه لكن حاولت افتح نافذه صغيره نشوف شي من معاناتهم والي اكتبه والله مجمل وملمع بشكل خيالي عن الحقيقه الاطاله والمط ماراح تنفع ولا تخدم الروايه الروايه بيجي يوم وتنتهي مهما مططنا فيها والي بيقراها وهي مكتمله بيكتشف اشياء وتغرات تضعف الروايه بعد اكتمالها اسعدني مرورك الراقي |
مساء الورد
إنتي مو مبدعه واللي قال عنك مبدعه ظالمك : : : : : : أنتي فوق الابداع بمراحل لاني أحس كلمة ابداع ما توفيك حقك:) الروايه نالت على اعجابي فكرتك وسردك للأحداث مميز حزنت على وفاة أم زياد والله يصبر قلبه أحس عوق مقصره في بيتها مع كل بارت أقراه أتوقع بشوف منها شي يبهرني بس يصير العكس رسمت لها صوره غير صورتك :) احترت شممكن يكون طلب عوق بس كل اللي طلع معي انها تكلمه وتوضح له ان اللي قاعد يسويع غلط وهالشي مو نهايه الدنيا<<تعبتي نفسك بالتفكير خخخخخخ وايه صح نسيت أقلك حبيت الوضيحي بشكل الظاهر بيصير فيني شي في البارت اللي بتموتينها فيه بالتوفيق يارب و من تميز الى تميز .. |
السلام عليكم ورحمة الله وبركاته
الله يسعدك يام الوليد بارت حزين في البدايه شفنا وشلون تقبل زياد لعوق واحتواه وماخلا تفكيره يخرب حياتهم بس هي لازم تخرب على نفسه يمكن رجوعهم كان خيره ولالا كان صار شئ لـ العنود ومكان راح يسامح نفسه اللي يسويه زياد شئ طبيعي ابن وفقد امه هل الام تتعوض جعل امي في جنات النعيم وهي كانت مكرسه حياتها لزياد وبس وشئ طبيعي اللي جالسه تحس فيها عوق انها تنفر منه لانها مرحله جديده عليها بس كان حاولت نفرض نفسها عليه وماتترك له مجال لهروب هو زي الطفل الحين محتاج حنان واحتواء بس هي قليلة خبره تبي تهرب من واقعها وتروح عند امها والله هالوضحى مافيه مثلها بكره ياعوق بيجي درك في الفقد ونشوف وش بتسوين ليله ماقدرتي تنامين الالما رحتي وشفتيها راح تعذرين زياد وقتها واسطة نجلاء اعتقد ان زياد بيزعل على عوق ويقول لو جأت وفالت له من تدخل من احد حتى لوصده مره ومرتين تحاول وماتيئس في انتظار ردة فعل زياد على الواسطه ودمتي لنا مبدعه |
اهلين اختي طيف الاحباب
بارت حزين وموجع لزياد الفقد شين وصعب تنسى وتسلى بسهولة وخاصة فقد اقرب الناس لك ام او اب تجي الانسان فتره يحس مرارة الحياة ان شاء ازمة ويتعداها زياد وعوق احن عليها من المستقبل وكيف تتقبل فقد الوضحي ااكيد كل حياة زوجية مبتدئة تمر ببعض الظروف نظراً لدخول انسان جديد في حياتك بس طلعت عاقل. عوق المزاين هذي تربية الوضحي وربي يوفقك عزيزتي طيف وبكل ثقة اقولك رواية متكاملة وليست مجرد دردشه بل العكس فيها مضامين كثيره واسلوب شيق وجميل ما احس بنفسي الااذا صادفت عبارة كلمة اخيرة دمتي في حفظ الله ورعاية |
السلام عليكم ورحمة الله وبركاته
كم الحزن يذهب بالبسمه والفرح ... التكاتف في الاحزان تكون اقوى من الافراح وهنا اجد ان عوق قد بنت حواجز بينها وبين زوجها منذ دخولها لبيتها بنت الحاجز لم تهتم بخالتها حين قال لها انها تعبانه وبدل ان تسهر بجوارها معه فظلت ان تنام لدرجة ان زياد فضل ان يطلب من اخته الذهاب معه وليس هي كان من الاحرى لو شعر بهتمامها ان يطلب منها صمتها و تفضيلها لعزلتها و اكبر خطأ تزيد على تقصيرها مع زوجها تخبر اخته وتشكوا لها كان بمكانها ان تكون بقربه طوال الوقت وان تتحدث معه وحتى وان لم يرد عليها سوف يشعر بوجودها ... والافضل في اوقات صمته ان تظل صامته سوف ياتيه وقت هو يبيح بما يكبت داخله عوق تتصرف بهذا البارت كانها مراهقه وليست راشده هي ينقصها الكثير منه لتتعلمه بمشاكل الحياة لحظات الوداع واغسال الميت اصعب لحظه يمر بها الانسان حين ينتظر من يودعه لمثواه الاخير لكن عن تجربه الانتظار بالخارج يكون اصعب من الذي يساعد بغسيل الميت فمن يساعد بغسيل الميت ربي يربط على قلبه كان جزء حزين مبكي حزن زياد العميق لوالدته شي موجع حد النخاع انكسار الرجل بهذا الشكل ودمعات الفراق تكون قطرات دم هو بمرحله الم لفراقها لم يجد في عوق المكانه التي كان يبحث عنها ليبيح لها مابداخله من وجع لانها كل همها وانشغالها بوالدتها حتى وقت عز محنته مع والدته وهي بلحظاتها الاخيره صمت وانعزل لانه لا يريد ان ينفجر بها ويسبب المشاكل بينه وبينها كان الله في عونه واعد له صوابه ولا يصل الى القنوط من رحمة ربه منذ ان قلتي لي بقدر الفرح هناك حزن توقعت موت ام عوق او ام زياد عوق سوف تعرف مقدار الم زياد حين تودع والدتها ولكن اتوقع ان تودعها بعد ان تعلم ام عوق عن حمل عوق وتفرح لذلك ام الوليد هنا اشعر بهذا البارت برساله غير محسوسه منك ان الانسان حين يحفظ القران غيب لا نتوقع منه ان كل تصرف سوف يتصرفه صحيح مثل محدث مع عوق بهذا البارت لان الحفظ ليس كافي اذا لم ندرك معنى تفسير كل كلمه به سلم فكرك وحفظك الله وكل احبتك استودعك بحفظ المولى |
السلام عليكم ورحمه الله وبركاته
هلاا وغلاا ام الوليد الله يجزاك خيرررر على هالبارتات الرووعه وجعل الفايده الي فيها تكون في ميزان حسناتك حلووو تفهم واحتواء زياد لثورة وزعل عوق وانه ماجلس يتاقشها وهي ثايره لان يمكن هي تشد وهو يشد اذكرعمي مره قال لنا وهو بالعمل وااحد اتصل على قاله استقبلني عند البوابه ودخلني كان تقريبا يمكن الساعه وحده الفجر استغرب عمي جيته قال العمل استدعوك قاله لاااا هاج من المره قلت مخي بحنتها لولا الله واني هربت من وجها والا كان رميت عليها اليمن وانا اقول حلو تصرف زياد انه خلاها الى ان تهدا والاحلى انه حوور طلبها للانفصال بدعوته انها تروح معه للعمره بكذا هو انقذ حياتهم الزوجيه من اول مطب لهم والله يجزاه خيررر يوم تفهم خوفها وشوقها لامها وقرر انه يقطع رحلتهم عشان يريح قلبها بس سبحانه هي ارتاح قلبهابشوفة امها وهو مات قلبه حسره حزن على امه انا اشوف رده فعل زياد على موتة امه جدااا طبيعيه هذي امه الي سوت الي ماينسوى بس عشان تظمه لصدرها ترجت افلان وعلان عشان يحنون عليها وتظمه وبالمقابل امه الي اولدته رمت بالبر ولا فكرت فيه ولا في مستقبله بعدييين العنود هي الي تستاهل انه يبكي عليها بدل الدموع دم لانها ظفتها وربته وسهرت على راحته لين خلته رجاااال تفز له المجالس والام فقدها موووووووووت مووووووت >> يارب تجعل مواطي ميمتي بالفردوس الاعلى صعب جدا شعور الفقد الله لايذوقه لاحد والله يام الوليد اني بكيت على موتى العنوود وحزن زياد عليها لاتستكثر عوق حزن زياد على امه لانها تمثل له كل شيء بالحياه هي كانت الام والاخت والصديقه وكل شيء ورحيلها عن الحياه يحس كان روحه هي الي راحت والمفروض انها توقف معاه ولا تمل من عدم تجاوبه معها لانه يبي له وقت طويل على بال مايستوعب موتها هي عوق ما ستحمت تجلس بمكان بعيد عن امها وكيف هو الي صار مو قادر يشوفها بعد اليوم يالله ليه تروووح تقول لنجلاء يمكن لو درى زياد يعصب عليها او يقول ما قدرت تستحملني وقامت تشكى علي الله يهديها بس المفروض اسمعت كلام امها الوضيحي واتبعت كلامها بوقوفها بجنب زوجها واهتمامها فيه ام الوليد تسلم يدينك يالغلاا لاخلا ولا عدم |
مدري ليه احسك مبالغه بـ هذا البارت :|
سالفة ان زياد صار له شهر ونص وهو مكتئب بسبة موتة امه .. وشهر ونص وهو ما تكلم مع عوق الا كلمه كلمتين ! مهما كان الحزن اللي فيه لابد انه يطلع شي منه ولو بسيط ! سواء بانفجار منه على عوق او غير عوق او حتى يطلع يتمشى لوحده عشان يغير من جوه ! احس ان فيه مبالغه بحزن زياد وسكوته .. ولو ان زياد احس شخصيته غامضه .. او مثل ماقالت اختي "ساعه بلا عقارب" انو زياد مالقى بعوق الشخص اللي يقدر انه يتكلم معه بحزنه او يحس فيه ! فانا قلت يعني ممكن يتنرفز من تصرفات عوق الطفوليه ويفجر بها ع الاقل شوي من كبته ! اما عوق .. غريبه هالبنت !!!!! وين قلبها يومها متصله على زياد وهو يقولها ان امه بالعنايه وانها تعبانه مرة وزياد مانام من رجع من السفر ولا ارتاح وين قلبها وهي تستأذنه تروح لأمها !!! اساسا انا مستغربه من جرائتها ! تلقت كلام زياد وماكان هامها شي ابدا ! هي تعرف مقدار الام ومكانتها ! وتعرف قد ايش زياد يحب امه .. ليه ع الاقل ماحست بهالشي .. ليه ماراجعت نفسها قبل تستأذنه !!! كيف كانت تنام !! سواء اول مادرت بالخبر او بعد مادرت ! عوق انانيه !! كانت تبي تكون جنب امها وماكانت تبي الحزن ابد وحتى زياد لما حزن ماكانت مهتمه بامره ولا امر انه فيه شخص مات بالبيتتت !!!!!!!!!!!!!!! ماكانت مقدرة هالشي ابد ! كانت خايفه تفارق امها وبسس !! وين دورها كزوجة تطلع زياد من اللي هو فيه !! وين دورها كأنسانه تكون عون للبيت واهل البيت واخوات زياد .. بدل لا تريحهم راحت تتشكوى + ماخفت زيارات امها الا بعد ماحلفت عليها عوق ما تتحمل المسؤليه ابدا ابدا على انها تربت بيد انسانه كبيرة وكل حياتها مسؤليات وبالطبيعي العجز دايم يعودون الطفله على تحمل المسؤليات .. ما انكر ان عوق عندها مسؤليه ! بس مسؤليتها على نفسها فقط ! |
صبآأإح الوووردلرروحكك النقيه الطاهره أم الوليد [SIZE="6"]حبيت اعقب على ردك على مشاركتي بخصوووص حزن زياادعلى مووت امه(تعلق زياد با امه لأنها تستحق كل هذا البر فيها لكن زياد بالغ في حزنه )هذاطبعآردك علي واناحبيت اقووول محديلووومه في حزززنه فراق الأم حييل صعب ومحديحسه فييه إلااللي جرربه وعاشه يمكن تقووولي اني متعاطفه مع زياادكثيررريمكن انك صادقه بس حالة زياادوحزنه على امه ردفعل طبيعي لانه بموووتهاصاروحييييدوهواصلاكان ولاشي بدوونهابعدربي كل مااذكرحاله لمايدخل غرفتهاويبكي يتجددالحزن بداخلي والله رغم انهارواية لكن لمست شي بداخلي وهومووووت امي الله يرحمها*********اسأل الله ان يرحم اموووات المسلميين جميع وإن يحفظ لكم امهاتكم يااارب ******** وحبيت اشاررك زيااده بقصيده رائعه تحكي حال زياادبعدموووت امه لشاعرالكبيرحميدالشمرري خايف عليها من الثرى غطاها والاالحصى حافي اخاف اذاها اكرم عليها بالكفن يامطوع بالبيت ضل فراشها وغطاها اكرم عليه بالكفن هذي امي وشهد عليهافي ماعطت يمناها هذي الضحى واليل يتحرونه هذي السماءونجومه تنعاها هذي السوالف مثلناتبكيها والارض تنشد عن اثر لخطاها هذي الكبيره كبر هذي الدنيا هذي العظيمه جل من سواها ابكي عليها مونهار وليله ولاسنه تمشي وعد قضاها ابكي عليهاكثر ماشالتني وكثر الحنين الي اختلط بغناها وكثرالاسامي وكثر من سموها وكثرالنجوم وكثرمن يرعاها ابكي عليهامن القهر يادنيا من لي انا من لي عقب فرقاها من فتحت عيني ولاخلتني وشوفو ولدها بالقبرخلاها هل التراب بوجها ماقصر شفتو ولدها كيف هو جازاها لوانهامكاني ماسوتها لاكن اعز عيالها سواها يادود شفهاذابله جنبها اناولدهاوحاضر وافداها قطعني هاك الي تبي من جسمي بس الكريمه لاتجي بحذاها ووصيك امانه قل لهاتعذرني وتكفى تروح تحب لي ماطاها ابيهاتغفر لي مثل ماكانت كل خمله مني بطيبها ترفاها يالله عساها بنعيم الخالد وعساها في جنة عدن سكناها يافضو هاذا الكون ياهو خالي ياضيق هذي الدنيا يامقساها يامر طعم فراقها يامره ماني مصدق ارجع ومالقاها وشلون اجي غرفتها ماهي فيها وش عذري لسبحتهاومصلاها وش اقول انا لدولابها ومصحفها واذاسالني مشطها وحناها وعباتها والمبخره ومي زمزم ورشوشها ودواها الكل في غرفتها متفقدها حتى الجدار متفطر ويرجاها الكل يبكيها مهو ناسيها يالله صبرني وشلون انساها ياليتها ياليتها مارحت وخلتني او وسعتلي بالقبر وياها ودمتي بخيرررريامبدعه |
اقتباس:
عوق سوت الي تشوفه من وجهة نظرها صح حاولت واستسلمت وماكان قدامها الا نجلاء الوضيحي قدام شوي ما بعد انتهى دورها اسعدني مرورك |
اقتباس:
اذا كانت الزوجه تبي حياتها مع زوجها تشوفينها تحفر بالصخرعلشان بس علشان ماتهدم بيتها عكس الرجل طبعآالقاعده ماهي عامه كثير نشوف ازواج احرص من الزوجات على حياتهم وخصوص اذا فيه اطفال زياد انا اشوف ان حزنه طبيعي بما ان امه كانت كل حياته فأكيد تركت فراغ كبير لا بتعجبك اكثر با البارتات القادمه بنشوف اليوم تقبل زياد لواسطة نجلاء ورأي الوضيح وش راح يكون بها الواسطه اسعدني مرورك الراقي امووله |
اقتباس:
اكيد الحياه الزوجيه في بداياتها بيكون في اهتزازات ولما صمد له واحد من الزوجين اكثر من الثاني ماراح يقدرون يكملون مع بعض الفقد موجع فمابالك اذا كانت الام مشكوره على ها الثقه واسعدني مرورك العذب |
اقتباس:
تحليلك والله روايه با الحاله عوق مين كان سبب في بناء الحواجز انا بنظري زياد هو من يوم دخلت للبيت كان شايل مسؤلية امه كامله حتى با الرغم من طلبه منها انها تعتبرها انسانه طبيعيه هو كان ينزل ويسهر مع امه ماكان يطلب منها الا فقط الاحترام لشخص امه عوق بسرعه استسلمت لحزن زياد وانجرفت معاه بنشوف في البارت القادم ردت فعل زياد على تصرف عوق مرارة الفقد موجعه عمتي تقول اكره اشوف الاسارور بيد اي حرمه والسبب انها حضرة جنازة اخت زوجها وكيف قصتهم لها المغسله منظر لايمكن انساه ماحييت اسعدني مرورك ونقاشك الممتع الي فعلن احسه يدفع با الروايه الي الامام ممتنه ام تركي لك |
اقتباس:
انا اشوف ان من اصعب مراحل الحياه الزوجيه هي السنه الاولى ماهو مثل ما يفكر الكثير بيكون صدام بين الزوجين يمكن يوصل للأنفصال اذا ماكان احد الزوجين عنده حكمه او حسن تصرف صديق عمك تصرفه حكيم هي ساعات يطلع من البيت يلقى النار طفت غير لو جلس بيزيد النار حطب فقد زياد لأمه اكيد موجع وخصوص انها كانت كل حياته وعوق سوت الي كانت تشوفه صح واليوم بنعرف ردت فعل زياد اسعدني مرورك ونقاشك الراقي والله يرحم امك عبوقه ويجعل مواطيها في الجنه |
اقتباس:
هلا وغلا عبير حزن زياد بالعكس انا ما اشوف فيه مبالغه زياد حس نفسه فجاءه يتيم وفقد امه الي هو عارف انه ماهي امه الحقيقيه وان كل الي سوته له حب فيه هو ماهي عاطفة امومه او حنان الام على طفلها الي من بطنها وحتى عوق يوم عرفت بوضع امه ما اعتقد تصرفها كان فيه شي انها طلبت تروح لأمها طلبت من زياد تجيه للمستشفى ورفض فطبيعي تشوف امها الي متعلقه بنفس تعلق زيا د بأمه ما ادري وجهة نظر انا ازداد تعلق با اهلي او اطفالي لما اشوف طفل بسنهم فيه شي انسى الدنيا وما يجي في بالي الا اطفالي او احد عايله صار لها مكروه اقعد على نار حتى اتطمن على اهلي كلهم انا اشوف الخطا ان عوق كيف واجهت حزن زياد واستعانت بغيرها واستسلمت بسرعه با الرغم من تحذيرات امها لها بنشوف في بارت اليوم تبرير عوق لطلبها المساعده من نجلاء اسعدني مرورك وملاحظتك ونقاشك الراقي حزن زياد وحده من اقاربي ماتت كمد وحزن على وفاة ابوها وهي كانت توها متزوجه و لها طفل واحد كانت تقول كيف انا امشي على الارض وابوي تحتها سنه كامله وهي مريضه وماتت بنفس الشهر الي توفى فيه ابوها وتركت وراها ولدها عمره سنه ونص الله يرحمها رحمه واسعه |
بسم الله الرحمن الرحيم السلام عليكم ورحمة الله وبركاته إذا طرق الحزن باباً فحاول أن تفتح للفرح نافذة فلعل تلك النافذة تكون عوناً لك على ما تعاني عوق............ كل له من اسمه نصيب اسمها عوق وللأسف قد يكون عوقاً لها في بداية حياتها فرغم أن وضحى قد أحسنت تربيتها إلا أنها للأسف لم تعلمها على اتخاذ القرار ومواجهة الواقع وأن لا تستسلم بسهولة عند مواجهة أي عائق في بداية حياتها زياد أحس بهذا الضعف في شخصيتها ولو كان شخصاً غيره لاستغله أسوأ استغلال ولكنه قدر أنها عاشت طويلاً تحت عباءة أمها وأنها لم تكن تجرؤ أن تتخذ قراراً أياً كان نوعه دون أن يكون لأمها فيه دخل لذا حاول قدر المستطاع أن يجنبها الإحراج في هذه المواجهة وفضل أن يكون هو المبادر لبدء حياتهما بعد كل ما قالت وفعلت مؤلم جداً الاحساس بالفقد وأنك لن ترى من تحب بعد اليوم زياد فقد الصدر الحنون الإنسانة الوحيدة التي كانت تحتوي ألمه وفرحه لذا لا ألومه على حزنه ولكنه بحاجة لمن يحتوي هذا الحزن لمن يمد له يده يحتضن ألمه ويشاركه فيه وللأسف عوق غير مؤهله لهذا الأمر ربما لو كانت أكبر سناً أو عانت من تجربة مماثلة لأحست بإحساسه وهي تراه ينطوي على نفسه كالجنين هو بحاجة لمن يشاركه الشعور بالألم بحاجة لأن يحس بوجود من يحمل معه بعض الحزن دون أن يطلب منه ذلك ولكن أن يمد له يداً تحتوي ألمه وتشعره بأنه ليس لوحده وهذا الشخص كان لزاماً أن تكون هي وليس أحداً سواها فلو أنه يريد من أخواته أن يتألمن معه لذهب إليهن ولم ينطوي في غرفة أمه ولكن لمعرفته بمدى الألم الذي يعانين منه لم يرد أن يحملهن ألمه أيضاً وكان على عوق أن تعرف ذلك جيداً من تصرفاته هذه وأن تبقى بقربه حتى ولو لم يحدثها أو يشكوا لها يكفيه فقط إحساسه بتواجدها معه فهذا دليل على إحساسها بمدى ألمه وحزنه ومشاركتها ذلك الألم كأنني به يقول لها............ ذلك العمر الذي قد عشتُه من بينهم لم ينسني ألم الفراق ودموعي وآهاتي التي أطلقتها لم تزح من ضيق نفسي بعد أن فارقتهم ما كان يسكن بالجوانح من ألم لا تلوميني لأني قد بكيت لا تلوميني لأني أنتحب فليس يبعد ضيق صدري واكتآبي كثر الانتحاب لكنها ّأدمعٌ أذرفها علها تغسل حزني وتداوي جرح قلبي من ألم الفراق لن تزيله ولكن قد تخفف من عذابي وشقائي وجراحي التي أخفيتها عن أعينٍ لم أرد أن تشعر مقدار حزني أو تعاني من عذابي وجراحي واكتآبي ورغم ذلك أنا لا ألومها على لجوئها لنجلاء فهي لم تظهر بعد من عباءة أمها وبالتالي هي بحاجة للنصح في كيفية التصرف في مثل هذا الموقف ولقرب نجلاء من زياد ومعرفتها بشخصيته قد تعطيها المفتاح لمعالجة هذا الوضع وكيفية التصرف في مثل هذا الموقف هي لم تلجأ لها لتتصرف بدلاً عنها وإلا لكانت لجأت لأمها فهي أقرب لها ولكن لأنها تريد النصح لمواجهة وضع زياد ممن يعرفه كان لجوءها لنجلاء غاليتي................ مبدعة كعادتك دائماً أعجزتني الكلمات كثيراً عن وصف هذا الجزء لما يحتويه من إبداع صورتي حزن زياد على فقد أمه وكأنني أراه أمامي طفل ينتحب منطوٍ على نفسه بحاجة لصدرٍ حنون يحتويه بداخله وينتشله من أحزانه وليس ذلك الرجل الذي يتخذ قرارته ويواجه حياته بصلابة شكراً لك من الأعماق على هذا الإبداع المتواصل بانتظارك دائماً بشوق دمت بحفظ الله ورعايته |
اقتباس:
هلا وغلا والله العظيم اني اوقف عاجزه عن الرد امام بذخ هذي الحروف الي اثريتي فيها نوح الحمام عوق ما زالت تنقصها التجارب واحيانآ الطرف الآخر ما يعطيك فرصه اذا انت ماعندك صبر وتستعجل الاحداث بتطيح بمواقف تكبر الفجوه الي بينك وبين الطرف الآخر وهذا الي صار مع عوق وفاة العنود وحزن زياد رجعه لحالة اليتم الحقيقيه الي تخيل نفسه فيها من غيرها بنشوف مشاهد لزياد يوصف جوانب من حياته مع العنود لعوق يمكن نلتمس له العذر بشدة حزنه عليها زياد مهما كان بشر وله هفوات ربما يندم عليها وربما يشوف نفسه صح وبنشوف موقف ام عوق من الي راح يصير بينهم ورأيها بتدخل نجلاء اتمنى والله اكون اقنعتكم بلي اكتبه ولا تحسون با الملل ما اقدر اعبر لك عن حجم امتناني لك على هذي الكلمات الي بحد ذاتها روايه كامله اسعدني مرورك المتميز |
بسم الله الرحمن الرحيم
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., . . البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح واونقد اوحتى يسأل عن مواعيد البارتات دليل اهتمامه با الروايه.., . . اليوم بنشوف عوق المزايين وهي تحاول تطلع زياد من حزنه وزياد كيف يتقبل الموضوع.. وهل هي غلطت بطلبها المساعده من نجلاءاولا بنشوفه في البارت القادم.., يا الله تعالوا معاي...!! وسالفه جديدة؛ . . البارت الثاني والعشرون . . . عوق بتردد\نجلاء بطلبك طلب ولا تفهميني غلط.. نجلاء با استغراب\ اطلبي عوق حنا خوات مابينا شي..!؟ عوق ب الم \زيادمن توفت امه وهو عازل نفسه عني وعن بيته.., وحاله كل يوم اردى من الي قبله..! الموت قضاء الله وقدرمن الله مالنا يد فيه.., بيتنا يا نجلاء صار ما ينطاق .. تحسينه ظلام قربت انجن من الوحده ومن كثر ما اكلم نفسي.., حتى امي تقول خلك مع رجلك لا تجين الا انتي وهو دليني حليني تعبت ما يعطيني فرصه حتى للكلام او ناخذ ونعطي مع بعض .. يا نايم يا بشغله يا بغرفة خالتي ماخليت طريقه ماجيته فيها توهني بصمته.., صرت ماني عارفه اتصرف معاه..؟! نجلا بتفهم\وليش افهمك غلط عوق انتي من حقك تعيشين حياتك طبيعي.., وزياد صراحه غلطان حابس نفسه بدوامة حزن وساحبك معاه لدوامته خالتي غاليه علينا كلنا ولا هي رخيصه بس الحياه ماشيه حزنا والا فرحنا خلاص بكرا بمركم ..! اردفت نجلاء وهي تناظر ساعتها\اليوم مافي وقت اكيدبيرجع من شغله تعبان ولا هو وقت مناسب اناقشه.., عوق منحرجه\ ما قصرتي نجلاءلكن ماكنت عارفه اروح لمين وآسفه على الازعاج.., نجلاء\لا عادي عوق با العكس انتي الحين منا وفينا.., عوق بتردد\نجلاء..؟ نجلاء\هلا...! عوق با ارتباك\لا يدري زياد اني قلت لك شي اخاف يزعل.., نجلاء تبتسم\ابشري عوق وبعدين انتي ما قلتي شي غلط خايفه على زوجك من بيلومك.., طلعت من عند نجلا حسيت اني غيرت جو ورجعت بنفسيه احسن لبيتي.. ارسلت لزياد انتظرك على العشا.. ورد برساله تعشي لا تنتظريني عندي شغل.. الله يصبرني بس ان شاء الله نجلاء تقدر تسوي شي ..! انا ما طلبت مستحيل طلبت ان زوجي يرجع لي مثل اول ما تزوجته ..! ابي اعيش مثل العالم والناس .. ياربي كنت عند امي وحيده وهنا وحيده.. يعني مكتوبه علي الوحده وين ما اروح..!؟ وش الفايده من زواجي مابي شي منه بس يعطيني وجه يحسسني اني موجوده معه..؟! نمت بغرفة الاشباح وانا غارقه با افكاري ولا صحيت الا على صوت زياد.. يقومني لصلاة الفجريقول ترى فاضوا من الصلاه وانتي نايمه..! قمت صليت الفجر وقريت اذكاري .. ورجعت لغرفة الاشباح انتظرته يناديني والا يجي يسولف معي ما عطاني وجه..! لحقته للغرفه لقيته متكور على نفسه ومعطيني ظهره .., عوق ويدها على ظهر زياد\زياد في شـي ..!! زياد وهو يوخر يدعوق\ تكفين عوق تعبان ابغى انام اجلي كلامك لبعدين.., قمت من عنده طاح وجهي واستحيت من صدته لي خفت اجلس واخذ واعطي معه يقولي كلام ما اتحمله رجعت لغرفة الاشباح فتحت التلفزيون ولا ادري وش يقول اهم شي صوت با البيت .., على الساعه تسع قمت صليت الضحى.., ودعيت ربي يعدي ها اليوم على خير...! انا ما ادري وش طبع زياداصلن ما كملنا شهرين مع بعض ... بداية عرسنا والمشكله الي صارت بينا.. بعدها سافرناوفاة امه... يعني للآن زياد احسه غريب عني .., ما ادري وش راح تكون ردت فعله حتى الفجر نفض يدي عنه ما يبيني حتى المسه .., الله يستر من اخرتها المفروض اني منطقه وساكته وش اسوي خلاص رجال هذا رجال بحسناته وسيئاته.., ياليتني مارحت لنجلاء ودخلتها بينا اكيد زياد بيحس اني قايله لهاشي.. الا لازم انط واتلقف اروح ادور حلول عند خلق الله .., طيب من يلومني يوم دخلت نجلاء ماعندي غيرها بعد الله .., انا ماخليت شي ماسويته عجزت فيه سواء كلام ولا لبس ولاتغيير بشكلي وفي بيتي نفع فيه مابقى شي طرا في بالي والا سمعته الا وسويته له لكن الرجال منطوي على نفسه وصاد عني .. والله يا زياد انك عقدتني وصرت استحي منك من كثر ما تصدد عني .. ماكذبت ريم يوم تقول اذا جفاتس رجلتس كن البشر كلها محاربينتس .. الحين لو زياد زعل مني وقال هذا اسرار بيتنا ليش تطلعينها وش راح ارد عليه.. يا عوق وش اسراره زوجك يبي احد عنده جراءه ويواجه يقول الحزن ماراح يقدر يرجع امك لك.. عش حاضرك وهذا قدرها تموت في ها اليوم مهما كان وضعها متعافيه والا مريضه..! قضيت يومي كله باالحالي وافكار تودي وافكار تجيب ونجلاء للحين ما بينت وش الي أخرها قرب يأذن المغرب ولا شفت احد لا هي ولا زياد.. زياديطلع ويدخل ما احس فيه.. أذن المغرب وصليت جات الخدامه فوق تخبرني ان نجلاء موجوده..! الحمدلله اخيرآ ما بغيتي تطلين يا ام راكان.. انا مستبشره خير من جيتها زياد يحترمها واكيد بيسمع كلامها.., ليتك ترجع يا زياد مثل ايام الطايف يومك تدور رضاي ..! آخ يا قلبي ايام حلوه تروح من اعمارنا ما نحس بحلاوته الا اذا عدت وراحت والا بوقتها ندور الي يتعسنا ونسويه بس علشان ننكد على حالنا.., لبست ونزلت سلمت على نجلا ء...! حضرت القهوه وجلسنا نتقهوى انا ونجلاء .. واسمع صوت زياد يرحب بنجلاء وهو من على الدرج نازل.., بسم الله هذا منين يدخل ومنين يطلع .., حتى قبل يشوفها شكلها مكلمته جوال.., نجلاء تبتسم \هلا ومرحبا وينك يا اخي شغل شغل افض شوي لنا.., زياد بحزن\موجود يعني وين بروح من المستشفى للبيت .., نجلاء \وش فيك زياد مره وجهك تعبان وزنك نازل ..! زيادبضيق و يمسح على وجه بيدينه\ ابد ضغط شغل ..؟! نجلاءتلتفت لعوق \حتى عوق بعد ضغط شغل متغيره ونحفانه..!! وشفيكم انتم ماتاكلون عايشين على الهوى .., عوق بنفسها\جاك الموت يا تارك الصلاه شكلها بتفتح معه الموضوع احس بطني مغصني من الخوف..! تكفين نجلاء خلاص ما ابيتس تقولين شي راضيه بصمت زياد قامت نجلاءودخلت غرفة خالتي.., ولحقها زياد ودخل وراها وخلى الباب مفتوح وانا جلست في محلي غرفة خالتي مقابله الصاله واسمع اصواتهم كأنهم عندي ..!؟ نجلاءبا استغراب \ توقعتك فضيت غرفة خالتي.., زياد بدهشه\ ليش افضي غرفة امي بتقعد طول ما انا حي مثل ما تركتها ..؟! نجلاءبملامه \وش ها الكلام زياد خالتي توفت الله يغفر لها ولافي داعي توقف غرفتها كذا.. الاجهزه تبرع فيها يمكن احد يستفيد منهم كثير المبتلين ومحتاجين ها الاجهزه..! الله يرحمها لو كانت حيه مار ضت بلي تسويه..!؟ زياد بحده و استغراب\من جدك با الله تسولفين .., نجلاء تتنهد بوجع\الحزن لو كان بينفع كان نفعني يوم مات ساري..! بغيت انجن حسبت حياتي انتهت بموته.. اهملت نفسي وعيالي بغيت انطرد من وظيفتي.. سنه كامله ما شفت الشمس اقوم واقعد بهمي وغمي واحزاني..! بغينا ننفضح وانت تذكر الي صار وقتها لو ما ستر الله علينا..؟! وثم تدخلك با الوقت المناسب ..؟؟ من غير توابع ذيك السالفه الي بغت تهدم بيت بنتي من شخص غير مسؤل وام غارقه باأحزانها لكن بعدها رجع لي عقلي تحسفت اني ما تصبرت ..! وان الصبر عند الصدمه الاولى وهذا انا قدامك بعد ساري زوجت بناتي وفاء وسناء.. وعبير قريب زواجها وهذا انا امارس حياتي طبيعي وعجلة الحياه ماو قفت لي ..! اردفت نجلاء با الم\ساري كان كل حياتي وشايل عني مسؤلية كل شي..! ما اعرف من المسؤليه الا وظيفتي ..! كل شي هو قايم فيه ما خلاني اشيل هم شي با الدنيا.., وبعده جبرت نفسي وعودتها على المسؤليه وانا الي كنت احسب نفسي اضيع من عقب ساري..! زياد بتساؤل\ليه انا وش سويت يخليك تقولين كل ها الكلام.., نجلاء\شف نفسك كيف صاير.. ما انت زياد الاول حزنك انعكس حتى على بيتك وحياتك ..!؟ زياد با استنكار\ وش فيها حياتي لا يكون عوق بزيارتها البارحه لك تشتكي مني..؟! نجلاء\وش تشكي منك حرام عليك لاتظلمها مسكينه..! مراعيه وضعك ومقابله بيتها وانقطعت عن العالم على شانك شف حتى شكلها كيف صايره ..! بالله عليك هذي عوق الي اول مادخلت بيتك ..! زياد بغضب \ليه وش فيه شكلها ست الحسن والدلال غير الدلع والفضاوه..! اردف زياد بغضب واستهزاء\وانتي وش عرفك انها ماتطلع من البيت غير ان وجه النحس شكت لك مني..! نجلاء بملامه واستنكار\عيب زياد تقول عن زوجتك كذاوالله عوق ما مثلهااستغفر ربك.. اعوذبا الله وش فيك ماانت زياد الي على خبري..!؟ زياد با اصراروغضب \الا وجه نحس وشر وبعد شكايه .., خير ماتبيني حضرتها احزن على امي على بالها بتعوضني امي تبطي عظم توصل لظفر امي وجه النحس المعقده.., صراخ زياد واصلني لصاله معقوله هذي عقلية دكتور .., والله المراهق ما يفكر ها لتفكير يا ويله من ربي وجهي نحس ومعقده وشكايه كل ها الصفات فيني .., هذا وانا الي استعجلته يرجع من الطائف اجل لوانها متوفيه واحنا هناك وش كان سوا بي..؟! يمكن يتركني وراه ويرجع با الحاله ..! معقوله الي قاعده اسمعه مستحيل هذا ماهو زياد هذا شخص ثاني انا من عرفته وامه مريضه..!!! استفزني كلامه ودخلت عليهم بالغرفه.., عوق بحده \وش نحستكم فيه يا دكتور زياد..! زياد بحده\ انتي فوق انك نحس ما تستحين تتصنتين علينا وبعدين تعالي انتي وجهك شايفتني طفل رايحه تشتكيني لنجلاء ومن بعد حضرتك رحتي اتشكوين و تدورين عنده حلول..!؟ عوق بغضب \وش اتصنت عليك انت صوتك واصل آخر الدنيا يسمعك الي برا البيت ماهو الي جنبك..!! نجلاءبترجي \تعوذوا الشيطان.., نجلاء تسحب عوق مع يدهالبرا الغرفة\عوق اطلعي فوق زياد اعصابه تعبانه ما يدري وش يقول..! عوق تنفض يد نجلاء بغضب\ وش تعبان هذا من شهر ونص ما يشوف احد غير نفسه..! ما يدري اصلن حتى عني كنت اظن انه نسى وجودي..., الحين عرفت السبب يتجنبني خايف بعد اني انحسه ويموت ..! يا اخي ما يحتاج تصبر نفسك علي ..! كان من يوم توفت امك قايل يا وجه النحس يا معقده اطلعي من بيتي لا تذبحيناولا تجيبين لنا امراض نفسيه..! زياد باستهزاء \والله ما فات شي كان تبين تنقلعين لأمك.. الباب طلعت منه امي ولا رجعت وانتي ما نتي احسن منها اطلعي ولاترجعين..! عوق بتحدي\خلاص انتظرك عند السياره بسرعه بلبس عباتي وجايه .., لكن خلك عند كلامك لاتتراجع بعدين وتطلب رضاي .., زياد بغضب\غصب عنك عند كلمتي وتشوفين وش بسوي ..!؟ نجلاء\زياد عوق وقفوا ها المهزله خلاص ...! عوق تكفين تعالي معاي ترى الشيطان وقف على روسكم..! عوق بوجع \نجلاء انتي ما قصرتي لكن اخوتس بايع ومخلص.., وشكل ها الكلام كان بقلبه من توفت امه لكن مالقى فرصه يقوله الا الحين..! زياد\يا نجلاء اتركيها تنقلع هذي قليلة ادب و لسانها طويل ومتبري منها ما تعرفينها ..! اردف زياد بسخريه\الله لايسامح من بلاني فيها ما سوو خير يوم عرضوها علي وانصحوني اخذها..؟! عوق بتهكم موجع \ لا والله ما سوو خير فيني ماهو فيك يالله القاك عند السياره.., زياد با استهزاء\كلمي امك ترسل سواقها يجي ياخذك الدرب الي يودي ما يجيب والله يعينها عليك وعلى بجاحتك انقلعي الله يردك..! كلام زياد ذبحني من الوريد للوريد انا بجحه وقليلة ادب وش سويت.. عوق تبلع غصتها بحسره\ اذا هذا أخرها يا زياد وصلتها لأخلاقي تذكر بعدين انك لو وش ماسويت مارجعت لك.., اردفت بمراره \انا ماشيه لكن ورقتي توصلني وفراقك عيد مامن على مثلك حسوفه..! وطلعت من الغرفةاحس اني امشي بلا روح با الغصب تمالكت نفسي لا ابكي وتحس امي بشي اذا درت قبل اجيها ماراح ترسل السواق بتقول لاتطلعين من بيتك وحلي مشاكلتس داخل بيتس.., وزياد ماعاد خلا بيني وبينه حبال وصل كلها قطعها انا يقولي تنقلع الله لايردها.., يا ليتني اعرف ذنبي وش قليت ادبي عليه فيه والا تبجحت هو كلامه ينطق الحجر ماهو البشر ولا يبيني ارد بعد.. كلمتها ترسل السواق سألتني زياد وينه...! قلت لها سافر فجاءه عنده شغل وانا تعبانه ولا عندي في البيت احد..! لبست عباتي وقفت برا البيت با الشارع.., طلعت وراي نجلاء وهي تبكي تحاول انها ترجعني لكن رفضت ارجع .., الدنيا ليل والحي الي فيه بيت زياد قليل البيوت فيه ومتباعده ...! اذن العشاء وانا واقفه برا وطلع زيادلصلاة وشافني واقفه عند الباب.., كأني متسوله واقفه اشحذ ولاناظرني ولا حتى كلف على نفسه يقول ادخلي للحوش ..! ولا استحى ان المصلين الي يروحون للمسجد يشوفوني واقفه.., ناجي وعيال خواته طلعو للمسجد وهم ويناظرون على باب البيت ..؟! مستغربين من الي واقفه عند الباب..! جا السواق قبل يفيضون المصلين من صلاة العشا والا كان هي الفضيحه الي صدق ..! ما اخذت معاي من بيت زياد الا لبسي الي علي وعباتي.., ركبت مع السواق ورجعت لبيتنا وانا خلاص مقرره انهي كل شي مع زياد..! دخلت على طول لغرفتي حتى امي ما شفتها.., الغرفه الي حسبت خلاص ماراح ارجع لها الا ضيفه الظاهر بقعد فيها لين يشيلوني جنازه... دقت الشغاله الباب تقول عوق ماما كبير يبغاك..؟! غسلت وجهي بماء باردوطلعت اطمنها علي ما ابي افاجئها اني خلاص الي بيني وبين زيادانتهى.., سلمت على راسها وجلست ابي اسولف واخذ واعطي معاها ما قدرت..! حلقي ناشف من القهروفيني عبره ما ابيها تطلع قدام امي..؟ وهي تسأل وانا بس اهز راسي ايه ولا..! ام عوق\وش فيتس تانسين شي.., عوق بوجع \لا .., ام عوق بتوجس\رجلتس فيه شي..! عوق بقهر \ما به بلا..! ام عوق بتهكم \ السالفه بها مابه بلا اجل البلا بتس.., عوق بألم\ مافيني شي ..! ام عوق يتساءل\هو وينه..؟ عوق بملل\ماقلت لتس يمه انه مسافر..! ام عوق\كل هذا ضايقن خلقتس عليه جيتي وعلى طول لغرفتس..! ما شفتس غير مرسال يا الله تجين ماغير روعتيني يوم تقولين تعبانه...!؟ عوق بتهكم\ايه بسم الله عليه تعبي منه فاقدته اشتقت له..! ام عوق تضحك \الله يخليه لتس ويرجعه با السلامه.., عوق بتململ \يمه ابي انام تعبانه صاحيه من الفجر..؟! ام عوق بتفحص\ وجهتس ابد ماهو الي انا خابره ..! عوق بتعب\ راسي يوجعني انام وان شاء الله يطيب.., ام عوق\ وش ينومتس الحين تو الليل .., عوق بقلة حيله \طيب .. ام عوق\متى بيعود زياد من السفر...؟ عوق\ ما ادري عنه يمكن يطول سفره.., ام عوق بملامه\وليه ما سافرتي معه وش يجلستس عقبه..؟ عوق تتنهد بحسره\ مسافر بشغل ماهو فاضي لي..؟! اعتذرت لها اني ما بعد صليت وقمت .. صليت العشا نمت وانا ما ادري وشلون نمت ..؟ صحيت على صلاة الفجر قريت اذكاري وردي طلعت.. شفت امي بغرفتها تصلي ورجعت لغرفتي احس اني مصدومه ماني قادره حتى افكر..! رجعت لسريري انام واصحى واتقلب كأني على جمرمتضايقه مدري وش اسوي .. الله واكبر يا زيادوين كلامك يوم تقول مرات احسك حلم ماابي اصحى منه ما كذب من قال هرج الليل مدهون بزبده.. هذا انت يوم زعلت طلعت كل صفه شينه ولزقتها فيني وكلامك صار مدهون بعلقم .., نمت صحيت ما ادري كم الساعه لكن الاكيد انه نص النهار طلعت اشوف امي ..! ام عوق\هلا بعوق المزايين ماهي عوايدتس تنامين لظهر..؟ عوق بكسل\كم الساعه الحين ...! ام عوق\ اذن الظهر صلي وتعالي ابيتس رجعت لغرفتي وتجهزت لصلاه وصليت وطلعت لأمي ام عوق\الخدامه تقول انتس من جيتي البارحه ما اكلتي شي.., عوق بحزن \الحين بقوم افطر..! ام عوق با استنكار\دافع البلا كل هذا زعل على سفر رجلتس..! عوق بضيق \يمه تبين تفطرين معي والا تنتظرين الغدا..! ام عوق\تعرفيني ما احب اخلط .., افطرت قبلتس واستنظر الغدا..! دخلت للمطبخ مالي نفس با الاكل ولا ابي امي يضيق صدرها..؟! كبدي وارمه وفيني عبره خانقتني من كلام زياد ما ابي امي تحس فيني.., افطرت فطور خفيف وشربت مويه حتى المويه احسها مره بحلقي طلعت من المطبخ..! عوق بتعب\يمه تبين شي بدخل انام ما ابي غدا.., ام عوق\سلامتس نوم العوافي يا النوامه..! دخلت غرفتي واناافكاري مشوشه ماني عارف وش افكر فيه ذبحتني الحيره.., نمت وصحيت مع صلاة العصرصليت وطلعت لأمي.., لقيتها جالسه بمظلتها وعندها قهوتها جلست عندها اقهويها..! ام عوق بتوجس \ من جيتيني وانتي نايمه وش عندتس.., عوق\ابد مافي شي من توفت خالتي ما نمت زين ماصدقت القى سريري عوضت النوم الي فات..!؟ ام عوق\عوق وش بلا وجهتس منقلب وعيونتس غايره..! يوجعتس شي تونسين شي..! اردفت ام عوق بضحك \يمكن صايده لتس صيده.., عوق بضيق واستغراب\ وش صيدته الا تغير جو ..! ام عوق\ اي بالله صادزه هالحين حنا اول الصفري.., كل يوم نهارنا شكل مره حر ومره برد ومره عجاج..! لين يدخل الشتاء الله يغيثنا با المطر الارض يابسه.. عوق\اي والله يمه اول مره اشتاق لشتاء الله يسوق الامطار علشان اطلع انا وانتي للبر.., ام عوق\لا والله اطلعي انتي ورجلتس.., انا السنه هذي بطلع مع سعد شاري له ذودآ طيب..! يقول ياعمه علشانتس شريته وبنخيم با لبر.. وانتي عاد قولي لرجلتس يجيبتس عندنا..!! عوق بتهكم\زيادوش عرفه با البر انا خويتس .., ام عوق بتوجس \طيب يا عوق من هنا لطلعتنا للبر مية فرج.., دقي على نوره خليها تجي تقهوى تسأل عنتس ما مرت اليوم ماهي لها عاده..! وجددي القهوه مبطيه عن قهوتس .. دخلت علشان اكلم خالتي ام ابراهيم وازين قهوه أمي .., كلمتها وقالت بتجي.. صلحت القهوه وجهزتها .. دخلت غرفتي بغير لبسي تذكرت اني ما جبت معي لبس.., وكل لبسي الي هناارسلته للجمعيه.., ياربي وش اسوي وجتني فكره ابي اغير شوي من جوي دخلت غرفة امي وطلعت من ملابس امي.., لبستها ولبست من طرح امي وبراقعها وزينت شعري جديلتين واطلع بالقهوه لمظلة امي وخالتي نوره تسولف عليها..!! يوم شافتني طارت عيونهاسلمت عليها من ورى برقعي .., وامي ضحكت وانا ساكته ماتكلمت... ام عوق بضحك\وش فيتس يانوره.. ام ابراهيم بدهشه\من عندتس يا وضحى..؟ ام عوق بممازحه\ ما عرفتيها.., ام ابراهيم منبهره\والله يا وضحى اني ما شفتس بشبابتس لكن ما اقول الا انه هذا انتي.., اردفت ام ابراهيم بتساءل\لايكون انها من حريمتس الي ماقد شفناهن عندتس .., ام عوق با ارتباك وتوتر \هذي عوق يانوره عوق.., اردفت ام عوق\يا منوة عيني انها تلبسه ماتفكه بس وش تقولين في بنات ها الحين.., ام ابراهيم بضحك\البرقع من اول ستر النساءالحين يادافع البلا غيرنه ماعاد هو برقعتس الي انتي خابره.., عوق بضحك\دامها رغبتس والله اني ان شاء الله ما خليها بنفستس يا الوضيح واني البس برقع امتس وجداتس ولا افكه .., واقعد اسولف مع امي وخالتي ونسيت همي الي جيت به من بيت زياد عوق بممازحه\ وش رايتس يا خاله انا وامي بنرجع بدو خلاص..؟! وناظرتني امي نظرت المستغرب والي حاس ان فيه شي.., ام ابراهيم بضحك\ يا الله الخيره الناس هاجه عن حياة البداوه وانتي وامتس تدورنها وش تبن با الشقى..؟! ام عوق بتوجس \ عوق تمزح والا رجلها ماهو تاركها..! ام ابراهيم با اعجاب \ومن الي عنده مثل عوق ويفرط بها انا اشهد انه فاقدآ صوابه...!؟ عوق بنفسها\وش بتقولين يا خالتي لودريتي ان زياد يدعي على حتى الي صار سبب زواجنا.., اذن المغرب وام ابراهيم طلعت لبيتها وانا سندت امي ودخلنا بيتنا..! ودخلت لغرفتي اصلي المغرب .. خلصت صلاتي لكن الحين وشلون اطلب من امي فلوس علشان اشتري ملابس.., ملابسي خليتها هناك ..!! وطلعت لأامي الي توها تخلص صلاتها.. عوق بتردد\ يمه معتس فلوس.., ام عوق با استغراب\وش تبين فيها.. عوق\ محتاجتها..! ام عوق \ورجلتس ماعطاتس شي ..! عوق\الا ما يقصر بس زياد متعود يحول على حسابي ماهو نقدي بيدي..! وانا بطاقة الصراف ما ادري وين مضيعتها ام عوق\والله ما ادري عنتس انتي وراتس شي عسى الله يستر منه..!؟ عطتني بطاقتها وطلعت لسوق اخذت لي لبس واغراض الي احتاجها.., يوم رجعت نزلتها في المجلس ما ابي امي تشوفني ودخلت لها بكيس واحد ام عوق\وش عندتس تأخرتي واخرتها جيتي بها الكيس ...! عوق\ما لقيت الي ابيه..؟! دخلت غرفتي ما ابي امي تضغط علي حسيت انها عارفه اني اكذب عليها بكلامي ولا ابيها تطلب مني البطاقه..! اخاف احتاج شي وانا ما معي شي كل شي تركته في بيت زياد..! صلحت عشا لأمي وتعذرت لها اني با انام.., دخلت غرفتي وانتظرتها تدخل غرفتها تنام .., طلعت واخذت ملابسي الجديده ودخلتها بغرفتي ..! وفتحت دولابي الي كان فاضي الا من البومات الصور.., رتبت الملابس وغيرت لبسي كملت صلاتي ودخلت سريري..! وافكار تروح وافكار تجي انا من البارحه وانا عند امي زياد لاجا ولا كلم الرجال شكله ما صدق بس يفتك مني..! حتى خواته ما كلموا ولا قالوا بنصلح بينهم..! احسن لايدقون ولا هو يجي ماعلى مثله حسوفه..! وهو من هو شايف نفسه يعني اني كله دكتور حريم لاقام ولا قعد..! استغفر الله وظيفته تقوم فيها اي ممرضه..! والاإي عجيز تقدر تولد حريم والا تعالجهن ..! وجع يوجعه هو وها الوظيفه الي تفشل .., لا وخواته الدكتور زياد والدكتور زياد..! لو كان اخوي دكتور نساء اصلن استحي اقول دكتور..! ولامن زين ها الوجه والا من حلاة ها الزول..! من طوله حتى سريره تفصيل..! كش عليه وعلى وجه المتشائم المريض والله هو المعقد مهو انا ..! الحمدلله اني افتكيت منه ..! نمت وصحيت الفجراليوم الجمعه عيد الاسبوع .., كل جمعه من يوم كنت طفله احب اللبس جديد واسوي تغيير بشكلي وفي بيتنا.., المدرسات غرسوا فيني وانا صغيره ان ها اليوم احب الايام الي الله .. وامي كانت تساعدني اسوي جو في ها اليوم.., قمت صليت وطلعت صلحت لأمي فطور مثل ما كنت اسوي قبل اتزوج..! ودخلت لغرفتهااناديها تطلع معاي تفطر جلسنا انا وامي با الصاله على صوت القرآن ياربي من زمان عن ها الجو ..! افطرنا ونسولف انا وامي عوق بترقب وارتباك \يمه الله لو نرجع انا وانتي مثل قبل..! ام عوق بتوجس \وشلون مثل قبل ..! . . . (كلمه اخيره) حين قرأت [إن الإنسان لربه لكنود]. . . ""سورة العاديات آية6 "" عتبت على نفسي لماذا لا أعرف معنى كنود . . ؟! ولما عرفت معناها / (الإنسان الذي يعد المصائب وينسى النعم,عاتبت نفسي أكثر و خشيت أن أكون كذلك) لـــِ د.سلمان العوده ربي آجعلنـــآ من الشآكرين . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
: مـ ودي الفصل يخلص ..وقفلاتك كل مره اقوى من قبل زياد ..فـ حالة صدمه ..يبي يعيش فـعالم ذكريات امه ..يبي يرجع الطفل اللي كان ينام بحضن امه وهذا من طريقة نومه ..يحس بخوف ووحده .. الحزن يأكل ارواحنا اذا ما تداركناه ..كل شيء بوسطيه واتعدال زين ..زياد حتى نجلاء عصب عليها بس لـ مكانة نجلاء ما كان بوضوح .. اما عوق..ننثر عشاه ..ما خلى شيء مستور ..وعوق مـ اخطت ..لما طلبت مساعدته نجلاء ..و..على الاقل عرفت تفكير د. زياد ..هل ياترى خدعنا في الصوره الاولى والا بس ارهاق الفقد ..الكارثه حتى مـ عذرها تتنظر داخل البيت ..تظل زوجته اللي يتكلم عليها كأنه يتكلم عليه ..مصلي وصايم ..وتتنحس بوجهها ..مـ ضربتك على ايدك تتزوجها ..ومـ انت بنت تنغصب ..كلها كلمه : ياعالم البنت مـ ابيها .. يـ هل ترى وش كان بيسوي ..اذا كانت عوق مثلا تستقرف من امه ..او تكرهها..بيطلقها اول ما ماتت امه ؟ .. كارثه اذا طلعت عوق حامل ..وتم زياد متحجر ايه يالوضيح شكلها فراستك صابها عجز فـ مظمون زياد .. كنت عاتبه على طريقة ابعاد وضحى لـ عوق يمكن في ظل التوتر يطري عليها ان وضحى ملت منها ..تعرفين على عوق طلعات >>>بدت تألف بـ اقضب الباب ^_* طيوف شكرا لك والود لقلبك |
بسم الله الرحمن الرحيم السلام عليكم ورحمة الله وبركاته لماذا حين نحزن نشعر أنه لم يحزن أحدٌ مثلنا ولم يشعر بحزننا ولم يصب أحدٌ بما أصبنا به ولماذا حين تسوء أخلاقنا لأي سبب كان نسيء أول ما نسيء لمن نحب ونبدأ بجرحه قبل غيره هل نعاقبه لأنه لم يشعرنا بأنه يتألم لأجلنا أم نعاقبه لشيء في نفوسنا لم نستطع أن نقوله له في لحظة صفائنا معه زياد حمل الحزن وذاق الألم وفقد الحضن الدافئ والصدر الحنون ولكن هذا ليس مبرر لأن يخطئ بحق نفسه ويظهرها بهذا المظهر البشع الذي ينافي أخلاقه ورجولته بين العقل والجنون شعره وعند الغضب يعمى البصر ويحضر الشيطان ليزين لنا ما نقول أو نفعل أنا لا أبرر له فعلته ولكن كان على عوق أن تبتعد عن وجهه تلك الساعة وأن تتركه لينفس عن غضبه لأخته حتى لا تكبر الهوة بينهما وتكثر التراكمات لو كنت مكانها وسمعتُ ما سَمِعَتْ لربما رددت بأكثر مما ردت وربما قذفته بأكبر ما عندي ولكن حين نفكر بموقفه قد نلتمس له عذراً بحزنه ولكن ليس بتطاوله عليها لم أتصور أبداً أن إنساناً متعلماً وعلى خلقٍ ودين أن يكون هذا تفكيره يتشاءم منها ويحس بأنها نحس فقط لأنه فقد أمه بعد وقت قصير من زواجه منها المشكلة أنه طبيب ويعلم أن الأعمار بيد الله والمشكلة الأكبر أنه مسلم ويعلم أن لكل أجلٍ كتاب وأننا لا نتأخر ولا نتقدم عن يومنا الموعود فلم وصل به الحال لما وصل إليه هو يعاقبها على شيء ما ربما لعدم تواجدها بقربه وربما لأنه قد سامحها في ثورتها الأولى وأتى الوقت الآن ليرد لها الصفعة وربما ليس هذا وذاك ولكن لأنه لم يتجاوز حزنه بعد وأغضبه أن أخته تلومه على هذا الحزن وحين وجد من شاركه الألم انقلب على من ظن أنها لم تحس به أتعلمين............ ربما لو أنها أمسكت يده في أي لحظة من لحظات حزنه رغم رفضه لذلك لخف عنه بعض ما يعاني لإحساسه بوجودها تشاركه تلك اللحظة ولخفت عليه التراكمات التي بات يجمعها لها ليفرغ جام غضبه عليها عند أول خطوة اتخذتها لإخراجه من حزنه هي لم تخطئ حين لجأت لنجلاء رغم أنها قد لا تعرف ذلك فمن أقدر على إخراجك من وضعك الذي تعاني منه إلا شخصٌ قد عانى أشد مما عانيت وأنت تعلم بذلك وزياد قد شارك نجلاء بمصابها بزوجها ويعلم ما مرت به وربما هذا ما جعله يثور كل هذه الثورة لإحساسه بأن ما عانت منه نجلاء أشد مما يعاني منه هو ولعدم قدرته على الخروج من هذا المأزق صب جام غضبه على عوق قد ألتمس له عذراً لحزنه وغضبه ولكنني لن ألتمس لها أي عذر إن سامحته على ما فعل بها بسهولة ليس فقط لما قاله أمام أخته ولكن لوقوفها كل هذا الوقت في الشارع أمام بيته فرجة للخلائق وكأنها متسولة دون أن يحرك ذلك به شعره فكل شيء يمكن أن يُتسامح به إلا الكرامة وعزة النفس وإن كانت ستتنازل له من أول مرة فعلى الباقي السلام وضحى لن يرضيها ما حدث وستحاول أن تصلح ما بينهما قد يطول الأمر ولكن لن تتركهما يفسدان حياتهما بهذه السهولة دون تدخلٍ منها وقد يكون حمل عوق سبب آخر يضغط عليهما ليصلحا ما فسد بينهما حتى لا يخرج للحياة طفل آخر يتيم وأبواه على الدنيا غاليتي............. مهما كتبت أو قلت فلن أفيك حقك بالشكر على ما تمتعيننا به من إبداع سلمت يداك وحرمهما الله عن النار ورزقك ومن تحبين ما تتمنين بانتظارك دائماً بشوق دمت بحفظ الله ورعايته |
ااااه ياعوق وبديتي بالمشوار الي كنت خايفه منه بس قوي عزيمتج وزويد بيجي على رويسه بس غريبه فعلاً يكون تفكيره بهالطريقه وهو متعلم ولا وطلع الاخ دكتور نساء بس بالرغم اني راحمه عوق بس مبسوطه ان هالموقف عطى حركه لحياتهم الرتيبه نوعا ما والسبب الثاني ان زياد افندي راح يفقدها ويحس بيقيمتها وودمتي سلامه يام الوليد
|
ياصباح الا بداع
ام الوليد الله يحفظه لك وخوانه <الا انتس توقفين ماصدقنا ربي يهديتس وتنزلين روايتك لك الحق تزعلين لكن والله هالفتره مشغوله حيل عن كل الردود والمخ ماخذ اجازه مطوله ياربي يالوضحي <اتمنى جزء بسيط من حكمتها عمق تفكيرها تعجبني نظرتها لبعيد رهيبه مره <احسها تعكس شخصية طيف عوق المزايين وين راحت وصايا الوضحي ياخلايف علم في المتبلم يصبح ناسي جبتي الاول والاخر ماصدقتي يجرتس سلك الحرر كل الفتره الا راحت والكبت الا انتي عايشته ولا تقدرين تفضفضين للوضحي توجعينها اكثر جت على راس هالضعيف زياد <كان لازم من ها الانفجار زياد احيان الاشياء الا مانقدر نغيرها نتعايش معها ونرضى بها وتصير من المسلمات عندنا اعجبتني جهة نظره وعمق تفكيره <يفرض على واقعي اعيش زماني لو مارضيته سبحان اله قصة زياد بره في امه ذكرتني بوحده اعرفها قديم لقو عند مسجد الحاره ولد لقيط واخذته وربته سبحان الله بار فيها اكثر من عيالها الا من بطنها ماشاء الله عليه من غلاه ماتناديه الا الامير مساعد جاكم اسم الولد مساعد بر زياد بامه عجيبببببببببببببببب وملاحظته ومراعاته لادق التفاصيل عشان مايجرح احساسها كانه ام داري خاطر لدها ام زياد وقصته الله بكيت عندها واثرت فيني وخصوص موقفها عند مرة المسؤ ل وربي عوضها خير زياد فجعته بموت امه الى الان في حالة الاشعور بالصدمه العقل الباطني عاجز انه يتقبل فقدانها <ماكان قدامه عوق اللا يفيض فيها اويحط حرته فيها نفس طريقة انفجار عوق عليه يوم تكلم عن اللقطاء اتوقع زياد بيراجع طبيب نفسي ولد خالتي يوم توفت خالتي الله يغفر لها عجز يتقبل موتها انهار واخذ مده طويله والى الا انا وهو مارجع يمارس حياته بشكل طبيعي مازال الحزن مغطيه عوق المزايين وحلطمتها ههههههههههههههههههههههههه الله انها ضحكتني اتوقع بتقول لامها لكن ماراح تذكر تفاصيل السالفه عشان ماتغث امها او ممكن تقول التفاصيل هي الا تخلي امها تموت من حسرتها عليها ويكون موت الوضحي سبب رجعت عوق وزياد وممكن يكون الحمل يرجعهم لبعض مبدعه ام الوليد واعذرينا على القصور بس بجد احيان ادخل واطلع المخ يعجز يعبر عند هلابداع |
سلام ام الوليد ما شاء الله على ابداعك .سوالفك روعة تاخذنا لمكان وعالم ثاني بالرغم من الحزن والضياع اللي يغلف عالم هالفئة الضايعة في المجتمع ابدعت بتصويرك لحالة عوق وحالة زياد البارت الاخير مؤلم جدا ابكتني عوق وكلام زياد الجارح لها يعني عوق طيبة ورقيقة وخجولة و ما تعودت عليه بشكل تقدر طلعه من حالته مثل اي زوجة متعودة عزوجها وبعدين زياد يقهر بشكل ... نحن ما نلوم حزنك على امك بار فيها ومفتقدها لكن وين الايمان والصبر اللي بتسويه ابدا ما يجوز وكلامه لعوق مو كلام دكتور فاهم ومتعلم... بجد الله يصبرنا لموعد البارت الجاي سلمت يمناك الله يعطيك العافية |
السلام عليكم ،،،
الله يعطيج العافيه ام الوليد ،، بارت قمة في الإبداع وشهد قمة الانفجار من قبل زياد ،، يعني يوم عوق تنفجر عليه بعد زواجهم ،، كنت اقول ،، انو كلام عوووق غير مبرررر ،، والمفروض تحمد ربها ع زواجها وتشكر الله تعالى انو وفقها بزوج ودكتور وفوقهم عايله كبيره ومترابطه ،، لكن لما شفت ثورة زياد عليها قلت والله انها مسيكينه ،، ع الاقل هي حرررمه وعصبيتها وان كانت غير مبرره الا انو موقفها طبيعي جدا ،، لكن المذهل والمفاجئ ،، موقف زياااد !!!! الصراااحه ثوره عااارمه وعاصفه وغير منطقيه وانهيار حاااد لايليق برجل قوي ايمان ومتعلم وفاهم !! اضافة الى الكلام الجارح اللي قاله عن زوجته اللي كان في يوم يقول لها مثل ماقالت عوق ( انت حلم اتمنى اني ماقوم منه ) وين هالكلام !!! والله عوررت قلبي عوق ،، وكنت اقرأ ودموعي ع خدي ،، المسكينه ماتستاهل ،، ولو انا سمعت هالكلام بسوي نفس ماسوت وأكثر !! الحين ،، ايش اللي بيرجع عوق لزياد ؟؟ ربما تكون حامل أو انو وضحى ترجعها له ،، مع اني استبعد هالحل لأنها اذا عرررفت الكلام اللي قاله زياااد لعوق ،، اعتقد ماراح ترضى انو عوق ترجع له الا بالشي الكايد والقوي ،، وهنا بنشوف ابداعج يام الوليد :) تحياااااتي للجميع ولكم |
طبعاً أنتي عاااااارفة يا طيوفه أنك مبدعة ماااافيها كلام الله يوفقك ع هالبارت الأليم
شفت رد إرادة ولقيتها قالت اللي بنفسي :55:مشكورة إرادة بس أتوقع عوق مااااراح تنسى كلمته وأهانته لها وهو حتى يدعي على اللي كانوا السبب بخطبته لعوق :8Pp04714:كلامه هينا مؤلم جداً وأتوقع أنه يعاقب نفسه لأنه كااان وده بالسفر مع عوووق وكان مصر عليه وأنه ابتعد عن أمه وأنشغل بحبه لزوجته وفرحته فيها وأنه وده يختلي فيها بعيد عن الكل وأكيد يعاقب نفسه أنه يحرمها من زوجته لأنه حبها وفرح فيها وأبتعد عن أمه بأخر أيامها ولو يوم واحد وأيضا يقول بنفسه عوق هي السبب في رجعتنا بدري والا كات ماتت أمي وأنا بعيد عنها يعني يجلد نفسه بسوط قوي وهو حرمان النفس من الشي اللي تحبه طيييييييييييييييف يعطيك العافيه متى البارت الجاي تكفين لا تتأخرين الله يخليلك الوليد وأخوانه |
السلام عليكم و رحمة الله و بركاته
مساء الخير و الرضا من الرحمن أبدعتي يا أم الوليد تسلم الايادي يارب ========================= (( زياد و عوق )) بداية حياة صعبة بينهم يمكن لإن وضعهم حساس جدا و من أي كلمة او ردة فعل يتأثرون .. و للأسف أن اللي مروا فيه أول ايامهم أثر عليهم حيل و خصوصا زياد اللي بعده شايل بقلبه من عوق و ذاكر كلامها .. و بعد أن عوق ما عرفت طبع زياد عدل عشان تعرف كيف تخفف عنه حزنه .. بس هي بنت الحلال سوت كل شيء تقدر عليه و مو عيب ان الزوجه تطلب مشوره من اللي أكبر و أعرف منها .. بس زياد أخذ الوضع بحساسية و انفجر مثل ما هي انفجرت باول ايامهم بس كلامه جدا قاسي بــ حياتنا أنا اشوف الوالد الله يحفظة و لا أخواني إذا عصبوا أو تضايقوا نسوا كل خير صار و ما يذكرون إلا الشين و كلامهم يكون قاسي يمكن لإن قلبوهم ما تحكمهم بعكس الأنثى حتى لو زعلت و تضايقت يبقى قلبها يحكمها و عاطفتها تسيرها لأن لو لاحظنا كلام زياد لــ عوق و قساوته .. و كلام عوق بينها و بين نفسها عن زياد كيف كان ... اتمنى انها سحابة صيف و تعدي ... عوق عندي إحساس أن تعبها و عيونها الغايرة أنها حامل و هذا زاد تعبها فوق ما هو نفسي ... سلمتي يا أم الوليد .. .. .. |
السلام عليكم طيوف
بصراحة ما ادري شاقول الله يسامحج رشيتي الملح على الجرح اللي ظنيته مات خليتيني انام وانا حاقدة على اول سنة زواج كتبتي اشياء لو انج معاي ما ظبطت معاج هالكثر بس قعدت الصبح على احلى صباح الخير ممكن احد يصبح احد فيها(بسج نوم العيال كلهم قعدوا قومي سويلنا ريوق) لا تضحكين والله انها احلى صباح الخير مرت علي لانها باختصار رسالة ان انا عايشة بسعادة بين زوجي وعيالي والحمدلله ماطعت الشيطان بهذاك الوقت ولا جان انا ماعرفت معنى السعادة ولا شفت احلى عيال بهالكون فاسمحيلي اشكرج انج فتحتي الجرح علشان افتح عيوني عالسعادة اللي انا فيها واتمنى ان عوق تفتح عيونها عدل وتشغل مخها الكرامة تنصان هذا مفروغ منه وانج تادبينه انا معاج وانج تخلين له البيت وتقعدين عند امج ماييدتج امية بالامية بس الطلاق مو حل بكل بساطة لان مالج عقب عين امج الا زوجج فخلي الطلاق بعيد حتى عن ابعد الحلول والوضع اللي انتي فيه اعتبريه فترة راحة لج وله اذا اهو تحمل انفجارج فيه اول اسبوع بزواجكم انتي لازم تتحملينه لان الرجال مو مثل المرة ,صبره قليل ولسانه سباق بالكلام الجارح بس خل يهدى والله ليندم واعتقد بما اني مجنونة بحب زوجي الله يصلحه ويهديه باوقف بصف زياد طمعانة يكون مثل الحبيب وقت العصبية ما يشوف جدامه ولا هدى قال شالسالفة ليش قالبة البوز (طبعا يقصد اسف بس كعادة الرجال ما يعرف هالكلمة وانا قطوة ميتة بخناقها) اتمنى اني ما طولت ولا اني خالفت بالرد<<فيس مدمع يطالع صبوح برجاء وهو عارفها مايهزها شي وختاما زاد حبي لج بهالبارت طيوف عسى الله يحرم كلج ومن تحبين ويحبج على النار........نمورة |
اقتباس:
صحيح زياد بدى يحس با اليتم الحقيقي وماهو شرط ان كلام الزوج بلحظة غضب هو الكلام الي في قلبه لزوجته ما اقدر اسهب با الرد معاك اجيب العيد بنشوف وش راح يصير با البارتا ت القادمه اسعدني مرورك وتحليلك الراقي |
مسائك هدوء وراحة بال
ام الوليد ابدعتي الله يعطيك العافيه ابد ماتوقعت تكون ردة فعل على واسطة اخته بالطريقه هذه من جد جرحتها وش الذنب اللي ارتكبته البنيه عشان تثور عليها وتقول اللي قلته صدك عنها المده هذه ماكان حزن على امك لا عشانك تشوفها وجه نحس على قولتك يعني انحستك وموتت امك هي ! الموت بيد ربك وهذا يومها وهي كانت تعبانه من قبل هذا وانت رجال مصلي ومسمي وتعرف ربك وتتشأم من زوجتك والله حرام عليك وشلون بترقع الحين وكيف بتتصرف جالسة عوق عند امها اكيد راح تعرف امها بقصتها حتى لو هي ماقالت نست ان زياد صديق نايف قريب ام ابراهيم واذا طولت قعدتك عندها راح تسأل ويمكن هو يرجع من نفسه اذا حصل وكنت حامل بس عاد الكره راح تكون في ملعبك ادبيه ياعوق وخليه يعرف يوزن كلامه تسلم أناملك وجعل ايديك ماتمسها النار |
اقتباس:
والله العظيم انك تعجزني كل مره ارد على فخامة حروفك بهذا المتصفح احيان تمر على الانسان لحظات يتعاظم المصيبه الي تصير وانه هو الوحيد الي يعاني على وجه الارض بمرور الايام كل ما تذكر الي مر فيه يستسخف تفكيره وانه ماكان الا يعاقب نفسه بدال ما يخفف عليها ما اقدر استرسل با الرد اخاف اضيع واكب عشاي اسعدني جدآ مرورك وتحليلك الراقي |
اقتباس:
وانتي والله ردودك غير الله يسعدك مثل ما اسعدتيني بها الكلمات الراقيه الموجعه اسعدني تواجدك ومرورك |
اقتباس:
ههههههههه والله كنك تشوفينه ماراح يطول انتظارك اسعدني مرورك وتحليلك الواعي |
اقتباس:
الله يكبر شانك انا حكيمه والله ما ظنتي تحلطم عوق تعرفينا يا الحريم اذا زعلنا ما نقدر نواجه الرجال تشوفين الوحده بينها وبين نفسها تطبخ ما تخلي عيب ما تطلعه عاد عوق مالقت على زياد الا انه دكتور حريم كثير والله اكفلو ايتام وكان باب فرج انفتح عليهم وهذا من ضمن اهداف الروايه اسعدني مرورك |
اقتباس:
الله يسلمك فئة مجهولي النسب ملاحم حياتهم وهذي صوره جدآ ملمعه بنشوف وش راح يصير مع زياد وعوق اسعدني مرورك وان شاء الله النهايه تسعدكم |
اقتباس:
هلا وغلا بهاله ههههههههههههههه زياد بشر طيب ليش مستغربين ثورته ما عليك بيلقى دواه زياد الوضيح بتمهد الامور وبعدين تقرصهم كم قرصه تأدب الثنين على طاري البكا البارحه قريت بارت النهايه على انه ماهو حزين لكن بكيت بكى خوف بنتي تحسب يوجعني شي فديتها ها الفئه غصب تشعرك با التعاطف معاها اسعدني مرورك هاله الي خلاني اكشف شي من القادم |
اقتباس:
هلا وغلا حكيمه صادقه والله اراده ما خلت بعدها لي قول بنشوف توقعك وش راح يوص له وضعه مع عوق اسعدني مرورك |
اقتباس:
هلا وغلا صبوحه الابداع والله وجودك با المتصفح عوق وزياد رغم حساسية وضعهم يضلون زوجين مثل اي زوجين تمرهم مشاكل ومثل ما قلتي والله الرجال اذا زعلوا ياساتر ينسون الاول والتالي اسعدني مرورك وتحليلك الراقي |
اقتباس:
هلا وغلا اول سنه زواج اصعب مراحل الحياه الزوجيه اذا عدت بأذن الله بتمشي سفينة الحياه بنشوف وش راح يصير مع عوق وزياد من خلال فترة زعلهم مشاهد اتمنى اني اقنعكم فيها وربي يحفظ لك زوجك واطفالك وكل غواليك لسعدني جدآ مرورك |
اقتباس:
ماعندي رد عليك ماخليتي شي موقف زياد والله ترددت كثير واني اخلي زعلهم بها الصوره لكن اقدمت على ها الفكره وبشوف القادم يقنعكم اولا اسعدني مرورك امووله |
اهلين طيف
ماتصدقين لو اقولك انقهرت من زياد احس ضغطي ارتفع وش ذا المعقولية وجهه نحس ومعقدة حتى لو حزين ماله حق يجرح ها المسكينه الوضحي هي حاسه ان بينهم شي بس اكيد تبيها تهدا وتقولها ماتبي تدخل وهي ماقالت لها ولا شكت تبي تشوف كيف تواااجه مشكلاتها بعدها ويازين البرقع لازال موجود عندنا ونلبسه بس اكيد دخل عليه تغير مو زي برااقع امهاتنا الله يرحمهم زياد مره احس اللسانه فلتان كل ها الصفات فيها مبجحة وقليلة ادب وجه نحس وشكاية عزتي لها وخلها تروح ماودها وين ذا ليه يسوي كذا مايستاهلها هو وجهه ومار عليها وهي عند الباب كذا ولاهان عليه يوديها ااخ اخ مقهوره من تصرفه مره هذا وهو رجال العاقل من اللحين بدا. يورد ويعير خليه يقلع بس ارب امها تشرشحه وتعلمه ان الله حق. بس يخوفي ان الي في راسك يطيح ياعوق اذا جا يبيك تكفين علميه درس ماينساه ابد ادري اني تحمست مرة من الاحداث في نتظار متسيحدث بفارغ الصبر سؤال انتي غيرتي موعد البارت من السبت والثلاثاء الاني نتظرته يوم الثلاثاء ولا نزل دمتي في حفظ الله |
صبحك / مساك الله بكل خير طيف <3
البارت حممممممميل وشددد اعصاااب جدا على كثر ما استفزتني حركة عوق بانها خبرت نجلاء وطلبت منها العون .. الا اني استانست وخططوة جيده جدا لعوق لان جد عوق مهما كان هي مسكينه ماكان لها احد حتى امها ! ورجالها اللي مهمشها وحتى اخوات ما عندها عشان تشتكي لهم .. فـ لقت من نجلاء الاخت اللي تقدر تفهمها وتفهم موقفها بنفس الوقت هي فاهمه طبع زياد وعارفته زين ماراح اشره كثير على انفجار زياد بعوق ونجلاء .. معه حق ينفجر ! ولو انه المفروض انه انفجر بوقت ابكر من كذا ! زياد ارتاح اخيرا ولو بشي بسيط من اللي كان شايله يصدره قدر يتكلم ويتنفس شوي وهذا اهم شي عشان ما تصعب حالته اكثر المشكله اللي صارت بينهم ! ماراح اعلق عليها كل شخص معه حق بوجهة نظري .. عوق ما تقدر تتحمل تسكت وهو يقولهاكلام قااسي .. وزياد كمان ماكان بعقله ولا كان حاس باللي يصير ولو انه عليه نسبة غلط باللي قاعد يصيبر واكبر غلط لما خلاها بالشارع !!!! قدام خلق الله يناظرون بهالبنت ! اللي مايدرون منهي وليش واقفه هنا .. كانت اهانه لعوق واهانه كبيررة .. هنا شرهت ع زياد زياد انفجر وهذا اللي كنت انتظرة بهالبارت ! عوق لازم تتحمل وتصبر بالبارت الجاي واذا جا اعتذر منها لازم ترضى .. لان زياد تحملها ببداية زواجهم لما كانوا داخلين لحياةجديدة مايعرفون بعض فيها ابدا ! صبر عليها ورجع راضاها ! يسعدك ربي طيف .. شكرا لاسلوبك الجميل بنقاشك معي بالبارت السابق حبيت اضيف كلمه بعدكلامك * انا يارب لك الحمد ما جربت الفقد والله لاا يذوقني اياه باحد غالي يمكن هنا انا ما تفهمت موقف زياد صح* واتأسف منك .. ماكنت فاهمه هالشي .. والله يرحم قريبتكم وابوها ويغفر لجميع اموات المسلمين .. بجنات الخلد يارب <3 شكرا لك عزيزتي |
السلام عليكم ام الوليد
بقولس شعوري وانا اقرا الجزء الاخير والله خنقتني العبره يشينها لا صار الزوج بايع ومستغني مره صعبه زياد يشفع له حزنه واكييد لا هدى وفكر بعقل بيلقى انه جرح عوق واكييد بيجي يراضيها واعتقد ان وضحى بتعطيه على راسه عوق الله لا يحطني مكانس اكيد مهما قال ومهما سوى بيضل هالجرح فيه وبتضل دكراها معاها دايم ومارح تقول لوضحى شي ان قالت بتقول لريم وريم بتدخل جزاع ويحاولون يصلحون ما بينهم ضحكتني وضحى يوم تقول صايده لس صيده قصدها ان عوق حامل هههه يمكن ويمكن يكون سبب رجوع عوق لزياد من نفسها سلمت ايدينس واكيييد بانتظارس على نارر |
♪♪♪ قلتها من قبل .. هالرجال دلوع ههههههههههههه .. حسبي الله على بليسه قهرني على عوووق .. لو ان عوق ما قالت خلنا نرجع بدري ! كان ماتت وهم بعيد وصدق مثل ما قالت عوق مو بعيدة يرجع ويخليها ! طيب امك ما قلنا شي .. تحزن عليها وتعور قلبك عليها .. بس مو توجع بنت الناس بكلام مثل كذا !!! ان شاء الله عوق تفتح مخها وتقول لآمها وش صار بالضبط .. عن تفهم الوضيحي الوضيحي على كيفها وتحملها الغلط ! سللمتي طيوووووف .. نحتري البارت الجاي على ناااار .. ♪♪♪ |
اقتباس:
زياد مثال لكثير من الازواج ما وقفت عليه اذا زعل جاب الاول والتالي والبراقع يا زين براقع امهاتنا ليتنا قعدنا عليها بنشوف كيف الوضيح تكشف زعل عوق وزياد وكيف بتتصرف اتمنى اقدر اقنعكم اسعدني مرورك ونقاشك الراقي |
اقتباس:
عوق وزياد زوجين بغض النظر عن انهم لقطاء المشاكل الي بينهم تصير في اي بيت بنشوف تبعات مشكلتهم ونظرة الوضيحي وحلها للمشكله اتمنى اقدر اقنعكم با الاحداث القادمه الله لايذوقك مرارة الفقد اسعدني مرورك ونقاشك الراقي |
اقتباس:
قالتها ريم اذا حاربتس زوجتس كن البشر كلها محاربينتس بنشوف كيف راح يواجوهن مشكلتهم وكيف بيرجعون لبعض <<اختي تقول طريقة رجعتهم اشبه با المعجزه بنشوف ها الصيده الي صادتها عوق حمل والا غيره اسعدني مرورك ونقاشك ام رنو |
اقتباس:
هلا وغلا حنو لا ما عليك الدلوع بتربيه الوضيح وتاخذ حق بنتها المشكله ان عوق مرات تركب راسها وتعاند وهي ماهي قد العناد وتعليمات الوضيحي تروح هباء منثور بمجرد ماتشوف خشت زياد اسعدني مرورك يا الغلا |
رجعت لكم
ام الوليد صادقه الزوج لحظت الغضب وخري عن طريقه يجيب الاول والتالي <وصية أميمتي لاتدلين سرتس للرجل ولا تعذربين بهله لحك عود عود جاب كل ماقلتي ولو كل مره بتصدق الكلام لحظت الزعل تسان مافيه حواء جالسه بيتها وبعدين الغلط من اول تالي راكب عوق <عادي ترى دايم المره غلطانه الرجال واصل به الغضب وترادينه طبعا بحكم قلةخبرتها وان مافيه بحياتها راجيل جهلة هالنقطه ولا لاشفتي المعاصير مقبله طقي وهجي ولايردتس الا اقصى زاوية في البيت ولا منهم فرقو تعالي وتفاهمي معه تدرين اتوقع الوضحي بتركب عوق الغلط قدامها وانهي الغلطانه لكن قدام زياد ياهي بتقرص اذنه لين تحمرررررررررررر وتجمر وعوق اتوقع صايده لها صيده وحويمل |
طريقه يجيب الاول والتالي <وصية أميمتي لاتدلين سرتس للرجل ولا تعذربين بهله لحك عود عود جاب كل ماقلتي
والله. حكمه. اعجبتن نشوف. كيف. تنتهي. مشكلة. عوق. |
السلام عليكم ورحمة الله وبركاته تسلم يدينك ام الوليد عذري تاخري ابدعتي بالوصف و الحوار ونقل العديد من المشكلات في بارت الانفجار نجلاء : الاخت الحنونه الحساسه وصفها لحالها حين موت زوجها كان رثاء يسترسل بألم ليعتصر القلب لحزنها وما كان عليها حالها ماذا حدث مع ابنتها حين كان يغشاها الهم والحزن واعمى بصيرتها عن ابنائها وما الفضيحه التي تحدثت عنها من من بناتها تعرضت للخطر وفاء ام سناء ..! ومن هي التي كان سوف يهدم بيتها هل بفترة بعدها عن بناتها تحرش ذئب منحل باحد بناتها واراد انحلالها قوتها التي كسبتها من بعد العديد من المواقف والصحوه التي لحقت بها أبناءها من الضياع كانت كسهم أنغرس بقلب زياد ليضغط عليها زياد من البارت السابق وهو ظهر ألمه وبدية البعد عن عوق نتيجة لكبت قهر بداخله لم ينفس عنه مثل ما فعلت هي وقال انه متصالح مع ذاته وهو يضغط على روحه فظهر ذلك برده بحده حين طلبت منه الحضور الزيارة والدته ثم زاد حين طلبت الذهاب لوالدتها الانفجار وانطلاق القذائف اولا الوقت الذى كان به الانفجار وقت غير مناسب وتكثر به والعياذ بالله الشياطين انفجاره بنجلاء قبل ان يصب جام غضبه عليها هو من محبته لأخته وحترام لعمرها لم يصب غضبه عليها ووجد المتنفس بعوق لكن اين نجلاء حين تعاتبه على اغراض خالتها كان من الأحرى هي من تتخلص منها بعد العزاء فورا او بوقت العزاء ولا تنتظر منه ان يفعل ذلك هو ربماما وصل الى ماوصل اليه الان القذائف والشتائم التي وجها الى عوق دلع وفضاوه / ينتقد عليها تجملها وهو في شد حزنه وهي كان هدفها خير ولكن تفكير الرجل غير عن المرأة مهما كان معقده / ربطها مع او موقف مر بهما قليلة ادب ولسانها طويل متبري منها / حين ثارت به و هي لم تدرك ما تقول من شد حزنها وهو يقول لها حقود وهو من استرجع المواقف وصبها على راسها دفعه واحده نحس وشر وشكايه / وصل به أنعماء البصيره حتى انه ممكن ان يدخل في الشرك الاصغر الانسان حين يكون في عز غضبه لقد تمكن الشيطان منه مجرى الدم ويفرح اشد الفرح حين يفرق بين زوجين وبعد كل ثورته ذهب للمسجد وهو معمي البصيره لو كان بوعيه لاسمعها بعض الكلمات ايضاً لكن بدأ هنا شره ينحصر لذلك لم يلتفت لها ربما بعد صلاته حين خروجه انه تمنى ان يجدها مكانها ومازالت لم تذهب بعد ان ذهبت شحنة الغضب بذكر الله والله يعينها عليك وعلى بجاحتك انقلعي الله يردك..! حتى وهو بعز ثورته يدعو لها الله يردها اتوقع انه ندم على ما قاله من بعد صلاته لكن لافات الفوت ماينفع الصوت فقد فتح على نفسه باب سوف يتأدب ويكون درس لها من مدرسة وضحى لن ينساه طوال حياته عوق صحيح ان الحزن مؤلم وخصوصا حين تكون مظلوم و تتهم بفعل ليس بك ولكن هي لم تتعلم فالحياه الزوجه تعلمها الحكمه والصبر وهي مازالت عجينه طريه ولكن عتب عليها كانت طوال وقتها وحتى من البارت السابق كلمتها انه يطلع وينزل ما احس فيه كيف تحس وهي تحصر نفسها بغرفه منعزله لا ترى ولا تسمع من البيت شي لو انها مكثت في الصاله اسفل لا علمت بدخوله وخروجه حتى ايام خالتها كانت علمت من يدخل بيتها لكن هي وجدت راحتها بغرفة الاشباح غرفة الاشباح كان بامكانها الجلوس بها حين تكون مع زوجها هي حتى لا تعلم عن حركة خادمتها وكيف تتصرف وأيضا كيف تطلب من نجلاء الحضور وحين تحضر تذهب لتلبس وتتحضر لنزول لها ليس من الادب ان تجعل ضيفها ينتظر وربما هذا من ملاحظات زياد عليها كيف تجعل ضيوفها ينتظرونها حوارها وانفجارها الصامت المحزن وشتمها بزوجها كان مضحك انت تندب حالها فهذا حال الكثير من النساء صعب ان تواجه الرجل ثم تتحلطم مع ذاتها المحزن الذى يدل على انها تبحث عنه وترغب بعودته لها واعتذاره منها حين ترثي حالها " الظاهر بقعد فيها لين يشيلوني جنازه " نومها المستمر حتى من البارت السابق الذى لفت انتباهي تنام باي مكان هي في بداية حملها وهنا اين طبيب النساء لم يلحظ ذلك وضحى هل فعلاً لا تعلم ماحدث معها ام هي تتجاهل هل من المعقول لم يحدثها احد مثل نجلاء او زياد في فترة نومها الطويله وهي تريد ان تعطي بنتها درس وتريد منها ان تبوح بما حدث معها اتوقع ان تقول لابنتها اذهبي الى ان تنتهي عدتك فبيتك لو طلقك وبعدين تعالي او بتعاقب زياد عقاب مؤلم بحرمانه من مشاهدتها وعوق سوف تخالف امر والتها حين تعلم انها حامل وتحن للعوده لبيتها ولزياد هناك الكثير من التساؤلات فتحها هذا البارت فهو من اجمل البارتات سوف يحدث انقلاب باحداث القصه ولكن وقتي لا يسعفني ان احلل كل شي فيه دمتِ مبدعه وبقلم براق وفكر راقي استودعك بحفظ الرحمن |
عسى درررب جااابك يااازياد مايردك << فيس إرتفع ضغطه مليووون خيييير وش هالكلام مستحييل يكون من نفسيه ومدري وشو هذا وااحد شاايل من قبل وإذا أمــك مااتت وش دخل عووق تقول لها هالكلام وبعدين كل السالفه تبغى تساعدك تطلع من الي أنت فيه هذا جزااتها << فيس مصدووم منه والي يقهر زوود وقفتها عند البااب ويين رجوولته ولا حزنه على أمه نسااه الأدب طيب على الأقل وصلها لبيت أمها ولا خلها بالداخل حتى يوصل سواق أمهاا ولا عشاانه عاارف إن ماورااها رجال يسوي كذا من جد يقهررر ودي بس أعرف كيف يجي له وجه ويرجعها ,,, ياقلبي يااعووق رحمتها بقووه من جد قمة الألم إذا أحد حسسك إنك شي رخييص موقف عوق يحززن فوق إنها عارفه إن مالها أحد إلا هالعجوز يجرحها بكلاامه والي مخووف هالحيين ردة فعل الوضيحي لما تعرف السالفه << ينخااف منها والله أتمنـــى إنهاا ترد لهاا كراامتها الي ماأهتم لها هالزيااد تسلم يمييييينك أم الوليييد ننتظر البااارت على أحر من الجمررر رووح |
هلا وغلا لي عوده مع الردود بعد نزول البارت
|
بسم الله الرحمن الرحيم هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., . . البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح واونقد اوحتى يسأل عن مواعيد البارتات دليل اهتمامه با الروايه.., . . اليوم بنشوف عوق المزايين وش راح تسوي بمشكلتها مع زياد وموقف وضحى من المشكله يا الله تعالوا معاي...!! وسالفه جديدة؛ البارت الثالث والعشرون . . . عوق بترقب وارتباك \يمه الله ياسلام لو نرجع انا وانتي مثل قبل..! ام عوق بتوجس \وشلون مثل قبل ..! عوق بتردد\ يعني اعيش معتس هنا..! ام عوق بدهشة\ورجلتس ..! عوق بعدم اهتمام\ بكيفه ..! ام عوق بحده \وش كيفه المره العاقل وين ما يعيش رجلها تعيش معه..! عوق با ارتباك \زياد كان يربطه في البيت امه وتوفت الحين عادي..! انا بجلس هناوهو مشغول تعرفين شغله متعب وكل نهاره با المستشفى متى مافضى يمر علي..! ام عوق بغضب وانتقاد تضرب راسها \يمر عليتس ..!!؟؟ يا فضحي فضحاه عساتس تبينه يرقد معتس في بيتي .. وش بتقول عنا العرب بنت وضحى اعرست لها على لها رخمتن تسحبه وراها تقومه وتقعده على كيفها ..! وبعدين بيتس الي اكبر من بيتي مرتين من تخلينه له ..!! اردفت ام عوق\لا بالله هذا ماهو راي وانا امتس ومن يوم يرجع رجلتس من السفر ارجعي معه.., ولاهو من بعد بيتس مقراط عصا متى ما بغيتيني تعالي والا انا اجيتس..! عوق بمراره\يمه بيت زياد موحش ما ينعاش فيه وخصوص بعد ما توفت خالتي ما ابي ارجع له..! ام عوق بحده \ هذي ماهي سالفه انتي وش وراتس..! عوق برتباك وخوف \يعني وش بيكون وراي غير كل خير..! ام عوق بتهكم \نصبر وانا امتس ونشوف تالي ها الخير.., قوميني ارتاح بغرفتي قبل الصلاة ..! ازين من سوالفتس الي لا تنزرط ولاتنبلع ..!؟ قومت امي لغرفتها وانا دخلت غرفتي.. ياربي وشلون افهم امي انه خلاص بنفصل عن زياد اجيها يمين تجيني يسار..! اليوم الجمعه ماهو لازم اضيعه اصلي واطلب ربي ازين من التفكير بزياد وسوالفه.. صليت الضحى وقريت قرآن.., بعدها طبخت غدانا انا وامي .., يا ما تمنيت يكون عندي عايله كبيره ونجتمع بعد صلاة الجمعه..! صلحت الغداء وبخرت البيت ..! تسبحت ولبست جديد مثل عادتي كل جمعه لازم لبس جديد..! ها العاده الي نسيتها من جنون زياد..! قريت سورة الكهف صلحت قهوه وصحيت امي تصلي ورحت صليت وجلست اسمع خطبة الجمعه.., طلعت امي علي وهي مستانسه..! ام عوق بفرح\ ماشاءالله زياد عودمن السفر.., عوق با استغراب\ لا ليه...! ام عوق تبتسم\ما ادري عنتس بخور وريحة الغداء والقهوه واصله غرفتي..!؟ ولابسه وطاقه الزين قلت يمكن رجلتس بيجي..! عوق \يمه وش لبسه ترى كله قميص ..! وانتي تعرفين طبعي من صغري احب البس جديد يوم الجمعه.., وبعدين زياد ماهو بجاي كلم يقول بيطول بسفرته شوي..! ام عوق\ايه زين يوم تطمنتي عليه..! اذا كلمتس مره ثانيه والا كلمتيه..! قولي امي تبي تكلمك و تسلم عليك.. عوق \خلاص يمه ابشري.., ام عوق تبتسم\خلي سورينا تحط كرسيي عند الباب الحين كني اشوف وريعات جيرانا يتحروني يناظرون بابنا..! عوق بنفسها\ياخوفي امي اذا درت تجبرني على زيادوهو رجالآ مايبيني وش اسوي...! يا حياة الشقا حياتس يا عوق..؟! طلعوا الشغاله وامي عند الباب وعادتها الي ماتتركها..! توزع ريالات للبزارين تفرحهم فيها ..! دق تيلفون البيت شفت الرقم ..! هذارقم بيت نجلاء اكيد هي بتكلمني ارد والا ما ارد..؟ّ! مافي احد يدري اني طلعت من البيت الا هي وزياد..! ماراح ارد بس وش عندها داقه معقوله مرسلها زياد..؟! انقطع الخط.. احسن خله ينقطع يعني وش بتقول زياد ما اخلى فيها اقوال.. من غير فشيلتي والسوالف الي سمعتهن مني ومن زياد يا طيحت وجهي منها.. ودق مر ثانيه شكلها مصره تكلم برد قبل تدخل امي ..! اخاف امي ترد عليها وتعرف السالفه ..! نجلاء\السلام عليكم.. عوق \ هلا نجلاء.. نجلاء \كيفك وكيف الوالده ان شاء الله طيبين..؟ عوق ببرود\الحمدلله بخير.., نجلاء بتردد\والله ما ادري وش اقولك لكن بدخل با الموضوع..! عوق تدرين بمعزتك عندنا ولو ماتهمينا ما كلمتك..! عوق بمقاطعه\اذا هو بخصوص زياد الموضوع منتهى..؟ زياد ما قصر ماخلى له عندي خط رجعه..! قدامك مسح بكرامتي الارض وطردني ..! نجلاء\يا عوق الحياه الزوجيه معرضه لأهتزازات وهذا شي طبيعي..! والزوجه لازم تكون واعيه لشي هذا..! وبعدين الزوج وزوجته ما بينهم كرامه..!؟ انتي عارفه ان زياد كانت نفسيته با الحضيض بعد خالتي وهو شوي حساس..! عوق بعتب\وانا يعني ما عندي احساس..! الاحساس بس له هو..؟! نجلاء\ والله ما اقصدلكن انا كلمتك لأني عارفه ان عقلك يوزن بلد..! وبتسمعين مني لا تعاندين وتخربين بيتك وزوجك يحبك لكن ساعة شيطان والله مافي مثل قلب زياد.., عوق بتهكم\ زياد ما مثل قلبه عندكم انتم..! اما انا با النسبه لي خلاص مسحته من حياتي ومستغنيه عن ها الحب الي كان واضح يوم انفجر علي قدامك ماخلى ولا بقى كلمه..! نجلاء تتنهد بوجع\ ياليتني ما تدخلت بينكم انا السبب..! عوق\لا تلومين نفسك يا نجلاء اصلن حياتي مع زياد منتهيه منتهيه سواء تدخلتي اولا..! انا ماشفت يوم حلو معه كلها مرار بمرارمن تزوجته وانا متعوستن معه..!؟ نجلاء\انتي الحين متأثره بلي صار ومنفعله..!؟ اذا هديتي راجعي نفسك ..! وفكري بتلقين شي حلو ولحظات سعيده بينكم تشفع له عندك.. وسامحيني على الي صار..؟! عوق بوجع \انتي مالك ذنب بشي با العكس الله يكثر من امثالك..! حاولتي تصلحين لكن انا مالي با الطيب نصيب..! انا وزياد لايمكن نكمل مع بعض ..! نجلاءبخيبة امل \توقعت لي خاطرعندك لكن خيبتي ظني..! عوق تتنهد بحسره \لا والله لك كل الخاطر الا بموضوع زياد ما استقبل اي محاولة اصلاح..! لأن الزجاج اذا انكسر صعب تصليحه مالنا الا نتخلص منه ..! نجلاء \ الله يصلح الحال ويهدي النفوس واتمنى هذي ما تكون آخر مكالمه بينا توصين شي ..! عوق\ سلامتك ..! سكرت من نجلاء واحس اني بردت حرتي بزياد شوي لو ان قلبي اوجعني اني زعلتها.., اهل زياد ناس محترمين وخصوص نجلاء وبشرى عكس اول مره شفتهم فيها ما كنت مرتاحه لهم لكن لما احتكيت فيهم غير سبحان الله ذوق واخلاق ونياتهم طيبه ..! دخلت امي من برا.., ام عوق \وين غداتس قلت ادخل القاه جاهز ..! عوق\ابشري الحين احضره اخرتني نجلاء على التيلفون تسلم عليتس ..! حضرت الغداء وجلست انا وامي نتغدى ام عوق با استغراب \وش عندها ام راكان داقه غريبه ماتعرف حتى رقمنا..! عوق بتوتر\ شافتني يوم انا تعبانه ودقت اتطمن ويمكن اخذت الرقم من زياد ..! ام عوق بشك\ايييييه الله يجزاها خير ..! كلام امي صار يرعبني وتلميحاتها تخوف ولو ماشافتني واقفه عند التيلفون كان ماخبرتها بمكالمة نجلاء ماصدقت خلصت امي من الغدا قمت على طول دخلت غرفتي بريح شوي.., ونادتني الشغاله تقول حرمه على التيلفون ..؟! ياربي سترك لايكون بعد نجلاء وش بقولها الحين اخاف امي تسمع ثم عادينكشف الي انا داسته عنها ..! رديت على التيلفون..؟!! ريم\هلا بعوق ..! عوق با ارتياح\هلابتس الحمدلله انه انتي ..! ريم بدهشه\ليه منتظره احد والا ما تبين تكلميني يا القطوع ..؟ عوق بضحك\ \نطح الصياح صياحن تسلم من القطوع انا والا انتي..! ريم بتهكم\ومن الخفيف يا عويق انا والا انتي..! تدرين ابلش بعيالي وين اخليهم..! عوق\الله واكبر الي يسمعتس من كثرهم كلهم ثلاثه..! ريم\تعرفين طبعي يا عوق مااحب اخذ عيالي معي خصوص اذا باازور احد..! الحمدلله والشكر طالعه اتونس والا اركض وراهم .., اتركيني من اخبار عيالي ابي اخبارتس .., عوق بوجع \ابد ماعلي طيبه.. ريم بضحك\امي تقول روعتني عوق دخلت علينا حسبت الزمن رجع ورى ..! وضحى رجعت شباب وش جاتس على ها الحركه.., عوق تبتسم\ابد قلت بونس امي وخالتي شوي.. ريم تمريني اليوم..؟ ريم \والله يا عوق بموت على شوفتس لكن اليوم انتي خابره لازم نجتمع على الغداتحت عند خالي.. الحين اكلمتس وجلالي على راسي بنزل لكن امي قالت عوق عند امهاوقلت بسمع صوتس.., استحي اكلم على بيتس والا جوالتس.., عوق بضيق\على راحتس .. ريم \ شكلتس زعلتي عوقه .., اسمعي اذا اليوم بتطولين عند خالتي وضحى مريت عقب المغرب ..! عوق بتهكم\لاابشرتس مطوله الجلسه عند امي..! ريم بضحك \لا والله انا الي ابشرتس نمر محرمكم تعلم يسوق ولا يرفض لنا طلب بدق عليه يجي ياخذني توه شايش با السواقه يدور الي يناديه يوصله..! عوق بفرح\على البركه الله يحفظه لكم ليتني اشوفه وهو يسوق خلاص انتظرتس..! سكرت من ريم .., ما شاء الله نمر يسوق يا سرع الايام البارحه وامي تناديه..! يركب مع السواق واطلع اقضي اشغالي معه صغير ما يبان اذا جلس جنب السواق ..! رجعت لغرفتي ونمت صحيت على صلاة العصر صليت طلعت لأمي الي منسدحه بغرفتها شكلها توها مصليه تسبح وتستغفر با ايديها وهي على سريرها .. ام عوق\صليتي العصر .. عوق\ ايه من يوم اذن صحيت وصليت..! اردفت عوق \يمه ريم دقت اليوم ..! ام عوق تبتسم\وش عندها رويم.., عوق \ابدتسلم خالتي ام ابراهيم خبرتها اني هنا..! ام عوق بمقاطعه \ يا ليت كل البنات مثل ريم ما شاء الله عليها جيده وصبور.. والله نفلاء ما يعيش معها القرد ..! عوق بشرود\يمه جزاع شاريها..؟ ام عوق بتوجس \حتى ولو كثر الدق يذوب الحديد.., ماتبي كل يوم فراش جديد وماهو على كل حال بيجي ازين من فراشها الاول..؟! ام جزاع تعلميني بها يادافع البلا لسانها يلوط اذانها على البعيد وشلون القريب..! ذوقت طخايم الله يرحمهاالمر والمرير..! الله يطول بعمر مسلط ونوره طخايم عندهم لين ماتت هاجه عن نفيل وضيمها..؟! ولا علم ولا خبر يدري به العدو والا الصديق .., تنشدها الناس يانوره وش قومها امتس عندتس وتاركتن بيت ولدها التسبير.., تقول امي ما تغتني عن بنياتي تبيهن والا نفلا وعبد الرزاق يبونها وزعلانين علي يقولون حارمتنا من عجوزنا تضوي بيتنا .., والخافي يعلم به الله عبد الرزاق رجالن ما يدري عن شي الطيب الي تمدحه نفلا.., ماتت امه الله يرحمها با المستشفى بين ايدين نوره ودقت نوره وجمعت اخوانها عند امها بالمستشفى تقول عبد الرزاق واخواني كل ليلهم عند راس امي الين توفت بين ايدين عيالها وهي تسذب تستر على اهلها ماتبي العرب يشمتون فيهم.., وانا خابره كنها الحين ليلة وفاتها طخايم اهل نوره معزومين بعرس.., وحريم اخوانها كل ليلهن يردحن با العرس مادرن من حيا من مات.., وهذا هي دارت الدنيا ونفلا وعبد الرزاق اخذو بنات نوره لعيالهم..! دارين انهن مثل نوره الي تستر الشينه وتطلع الزينه..! عز الله ان نوره ربت بنات ماشاء الله عليهن كلن يقول يا بنات نوره والا لاتدور .., عوق تتنهد بضيق \يمه ريم يمكن تمرنا بعد المغرب جيت اعلمتس .., ام عوق تناظر عوق بتفحص\حياها الله رويمه البيت بيتها .., ما صدقت اطلع من غرفتهاودخلت غرفتي صداع ضرب راسي وفجره من كلام امي.., ادري ان كل الي قالته علشان توصلي لي رساله.., ياربي سترك وهذي بس شاكه شك ان فيه شي اجل اذا درت انه طاردني وش بتقول..!؟ قريت اذكاري وتمددت على سريري يمكن ها الصداع يفك عني علشان اصحصح اذا جات ريم..! صحيت مع المغرب والصداع ما فكني ...! الحين ريم بتجي بقوم اجهز القهوه لريومه يا انا مشتاقه لخشتها .., صليت المغرب ربطت راسي من الوجع وجلست انا وامي با الصاله ننتظر ريم.., ما ابي افتح اي موضوع مع امي صرت اتحاشي اسولف معها.. ام عوق \ليه رابطه راستس ..؟! عوق بتعب\ لا بس راسي يوجعني ودورت بنادول شكل الشغاله مخلصه عليه ..! ام عوق\يطيب ان شاء الله بس اكثري من الا استغفار .., واتركي عنتس الحبوب ترى ما وراها زود..! دق جرس الباب وطلعت الشغاله وكانت ريم.. سلمت علينا وجلست..! ام عوق \ رويم ورى ما جبتي عويلتس.., ريم\ عند خالاتهم انفال تركتها تصيح ياالله اني هجيت عنها نشبت لي..! عوق تبتسم \ حرام عليتس ليتس جبتيها معاتس ..؟ ريم بضحك \والله ياعوق ما ادري وش عاجبتس با انفال غير انها تلبد وراتس وتلمس شعرتس..! فضحتني عند خالتي ام جزاع تقول ياجده ابي شعري مثل شعر عوق.., قالت خلي امتس تحنيه وتدهنه ويصير ازين من شعر عوق..! وهذاانا ما صار لي شغل الا انفال وشعرها ندهن ونحني كل نهارنا..! دق جوال ريم وكلمت خواتها.., ريم بضحك \الذيب عند طاريه انفال تصيح تبيني خالاتها طفشوا منها وبيرسلونها.. عوق \يالبى قلبها والله اني مشتاقه لها ..! ام عوق \وشلون خوالتس ياريم عساهم طويبين.. ريم\ ما عليهم ابشرتس وهذا هم يجهزون لعرس نواف والجوهره.., عوق \ ماشاء الله متى عرسكم.., ريم با استنكار \ ماعندتس خبر.., عوق بدهشه \لا والله وش يدريني ..؟ ريم\كان المفروض الايام هذي لكن اجله نواف علشان زياد.., يقول مره نفسيته تعبانه من يوم توفت عجوزكم الله يرحمها.., غريبةما قالتس زياد عن التأجيل ..؟! حتى زعل على نواف قال لا تأجل وخل عرسك بوقته..؟! عوق بشرود \ والله ما ادري يمكن قالي ونسيت..؟! ام عوق بتهكم\ الظاهر فيه شي واجد قايله لتس زياد وناسيته..! عوق با ارتباك\ماهو قصد يمه بس زياد يمكن نسى لا يقولي ترى مره متأثر بوفاة امه.. ريم با استغراب \ وش فيتس رابطه راستس.., عوق تمسك راسها\ صداع ماسك راسي من العصر ليتني قلت لتس جيبي معتس بنادول..! ريم با استنكار\ وانتي صاحيه تاكلين بنادول على كيفتس يمكن انتس حامل..!؟ عوق بذعر وارتباك\ حامل فال الله ولا فالتس .., ام عوق بحده \ بسم الله وش بلاتس فريتي تقل مقروصه..! وخيرآ على خير ان شاء الله انتس حامل.., اردفت وضحى \والله وجهتس الاصفر وتعكف رميشاتس ان وراه شي..! عوق با ارتباك \وش وراه وانا البارحه بس صليت .., ام عوق بسخريه \تعلميني يا عوق ..؟! ام عوق تهز راسها بسخريه \لتس الي تبينه اذا ما طلعتي حامل...! مير دقي على رجلتس بشريه والبشاره لي..! ريم بفرح\ مبروك ياعوق ترى خالتي صادقه عيونتس عيون الي طاقها وحام., عوق بتذمر \لا اله الا الله اقولكن امس اخريوم باالدورةوانتن تحللن على كيفكن..! مافيني شي حتى راسي طاب الحمدلله .., وفكيت ربطت راسي ..! اسكتت امي وقامت وجها وجه المقهور علي وش اسوي لو بقولها الحقيقه بتنقهر زياده.., والتفتت علي انا وريم وقالت انتبهن تسولفن شي قدام بنت ريم اذا جت.., ترا البزران على السوالف مثل الدجاج .., يلقط الحب الي ما ينشاف لا تلقط عنكن سالفه من سوالفكن .., وتقولها عند احد يفهمهاغلط ثم عاد يا الله دورن الاعذار دخلت امي غرفتها وانا وريم دخلنا غرفتي.., ريم با استغراب \انا وانتي ماهي عشرت يوم ويومين.. عمري ما شفت خالتي وضحى زعلانه منتس..! وتدور على الكلمه بس علشان تقهرتس فيها.. بينكن شي..!؟ عوق تبكي \لا مافي شي بس امي صايره حساسة واي شي يزعلها..!؟ ريم بحزن\يا عوق وش يبيكيتس امتس حرمه كبيره وش تسوين تحمليها العجايز مرات تضيق صدورهن يطفشن والي يجي بوجيهن الله يعينه ..! شوفيني مع خالتي امس سوت لي حفله ..! زارتنا حرمه من الجيران العصر تقهوى عندنا.. تخيلي انفال تلعب مع اخوانها وهي دفشه تعرفينها ضربت عبد الرزاق ..! وقلت نفوله ليه متسلطه على عبد الرزاق هذا اخوتس نطلع فوق وتشوفين..! وعينتس ما تشوف الا النور وش سوت فيني الله لا يوريتس ..! تقول للحرمه بنت نوره ما بغت اسمي وخلت ولدي يسمي انفال..! وها الحين تقول نفوله متسلطه على عبد الرزاق تقصدني.., المشكله ان عيالي هي وبناتها سموهم انفال يوم قال جزاع بسميها نفلا على اسم امي ..! قلت خير وبركه وبناتها عارضوا قالوا لا نبيها انفال قريب من اسم نفلا..! وعبد الرزاق سموه على خالي ابو جزاع حتى فراس بغيته على واحد من اخواني.. رفض جزاع قال لا امي لها خاطر بفراس وليتها تناديه فراس الا تقوله ابو راس.., عوق تضحك من بين دموعها\ياربي سترك بصراحه انتي لازم يرشحونتس لجايزةنوبل باالصبر..! ريم تتنهد بقلة حيلة \ نوبل وبس خالتي منقهره من نواف بيطلع شهر العسل لنمسا.., وهي زعلانه تقول وش مهججه عن ديرته ما اسرع ما بنت نوره ركبت راسه.. ماغير مخاسير على الفاضي .., ونواف يحلف يقول هذي هدية زياد لي هو الي حاجز كل شي ومسوي برنامج كامل على اساس له هو لكن ما كتب الله انه يطلع واهداها علي .., ارجع هدية الرجال والله عيب .., من عاد يفهم خالتي ها الكلام .., اخرتها نواف عطاها اذن طين واذن عجين ولا لقت غير ريم تبرد حرتها فيها.., اردفت ريم تضحك بتهكم\وانتي ضاق صدرتس من كلمتين قالتهن خالتي وضحى ..! عوق بنفسها\من هو الي منحوس ها الحين يا زياد انا والا انت الي حتى هديتك سببت مشكله.., ريم بضحك\طنشي بس والا ترى والله ان يجيتس مية علة ولا احد درى عنتس..! وخالتي ما قالت شي غلط يمكن هي صادقه انتس حامل..!؟ ماعندي رد لسؤال ريم وانا الي بقلبي مكفيني..! ريم\عسى اعجبتس البوم عرستس شفتس نسيتيه وتذكرت الوصل عندي من ليلة العرس ..! اخذته من المصوره يوم اوصلهاواخترت الصور والخلفيات على كيفي..! عوق\ما قصرتي ريم حلو مره تسلمين .., ريم\ رجلتس طالع شين با الصور على الطبيعه احلى.., عوق بقرف \والله انه شين طبيعه وصور..! ريم بضحك\ شكلتس وحده من ثنتين ياخايفه من العين يا توحمين عليه..! ريم رجعت لبيت اهلها بنتها تصيح تبيها وانا رجعت لغرفتي افكر بكلام امي.. انا الدوره ماجاتني الا مره من تزوجت حسيتها تخربطت علي كنت بقول لزيادبشكوكي لكن صدني.. الحين اذا صدق وش اسوي بها الحمل الي ماجا على البال ولا على الخاطر.. لو بطلع اصلح تحليل امي تنشب لي وين بتروحين بشوف لي طريقه اتطمن ان مافي حمل.. آآآآآآخ يا راسي...! مر اسبوع علي عند امي وزياد لاعلم ولا خبر ..! على مكالمة نجلاء الي ما دقت بعدها.., وامي تدور علي الزله بس علشان تهاوشني.., وجع راسي ماعاديفكني .., ولا قدرت اطلع للمستوصف خفت امي تكشفني اكتفيت اني اربط راسي احس الوجع يهدا...! او الشغاله تدلكه لي يخف عني وجعه..! غير الضيقه الي صاكه على صدري .. سمعت جرس الباب وناديت الشغاله تفتح الباب..! دخلت غرفتي مالي خلق اشوف احد اكيد هذي وحده من الجيران والا ام ابراهيم..؟! جاتني الشغاله قالت ام ابراهيم عند ماما يبغاكي بسرعه ..!؟ قلت قولي لهن عوق نايمه..؟! حاولت انام ما قدرت صار عندي فضول اشوف خالتي نوره وش تبي..! دخلت عليهن خالتي وامي معصبه و تقول لها ماهو ولي امرها يا نوره..؟! دريت ان في شي كبير ويخصني بعد..! جلست عندهن وقطعن السالفه..! ام ابراهيم بعطف \وشلون راستس الحين ..! عوق بتعب\ ما عليه طيب ان شاء الله ..! خاله انتي ارسلتي سورينا لي تبين شي ام عوق مقاطعه بتوجس \صاير شي بينتس وبين رجلتس..؟َ! عوق با ارتباك\ لا وش بيصير رجلي مسافر وكل يوم يدق على جوالي..! ام عوق بسخريه\وين جوالتس يا ام جوال وانتي دخلتي علي بعباتس وثوبتس الي على ظهرتس.., سكت ودريت ان امي عارفه من يوم جيت اني كذبت عليها..؟ ام عوق بحده\عندتس خبران رجلتس البارحه عند نواف وسالفة السفر كذبه جبتيها من راستس ام ابراهيم \زياد يقول انتس عند امتس وان بينكم خلاف.., عوق بغضب\ هو قال كذا..؟! ام ابراهيم\ايه وبيجي ها اليومين يتفاهم معتس هو مستحي منكن عقب الي صاربينكم وارسل نواف علي قال كلميهن..؟! عوق بحده\ما شاء الله عليه انا سالفة الخلاف الي بينا حتى امي ماعلمتها فيه وهو ما قصر نشرها..! ام ابراهيم منحرجه \الرجال ما قصده لكن معتبرنااهل لتس .., ومافي احد يدري بشي غيري انا ونواف وامتس ..؟ ام عوق بحده\ زياد رجال ماعليه يا خوفي البلا من بنتي..! عوق بغضب \وش الي ماعليه كل من قام قال زياد ماعليه وزياد ما مثله وزياد وزياد..! وانا ناسيني ماني بشر والا زياد آدمي وانا جدار وينه الي ماعليه كم لي يوم عندتس مدرى عن هوى داري .., اردفت عوق بتهديد\شوفي يا خاله انا كنت قبل اراجع نفسي انه لو جا واعتذر مني .. يمكن اقبل عذره لكن الحين لو مهما سوى ماله عذر..؟! ام عوق\ تعوذي الشيطان والحرمه مالها الا بيتها ..., عوق بسخريه\الله واكبر يا ها البيت انا زياد خلاص انغسلت نفسي منه..! خبري نواف الي صار المتحدث الرسمي با اسمه يقوله يرسل ورقتي.. وهذا انا حلفت ما ارجع لزياد والله ما ارجع له عقب سوالفه لو ينخاط جلدي على جلده.., ام عوق بأمر \اتركي عنتس الهبال ولا تفرطين برجلتس ..! عوق بسخريه\رجلي ما ابيه خلاص هونا من الزواج ماعاد له لزمه صفحه سوداء وقطعناها.. ام ابراهيم بعتب \ماكنت اظن يا عوق هذا عقلتس..! عوق بتهكم\والله عاد عقلي ماهوبعقلي..! محد نشبني بحلقه غيرتس انتي وامي..! امي تشكي لتس من ثقل حملي وانتي ما قصرتي عرضتيني عليه ..! الحين مثل ما مشيتي بزواجي فكيني منه خليه يطلقني ..! وفلوسه الي اشتراني بها تراها با البنك ما تحركت..! يطلق من كيفه والا غصبن عنه..! ام عوق بغضب \ اقطعي واخسي هذا ماعاد تحشمين احد..! ام ابراهيم بوجع \ لا يا وضحى خلي عوق تقول كل الي عندها هي صادقه.. والمثل الي قال امش بجنازه ولاتمشي بجوازه والله ماكذب .., التفتت نوره لعوق\ يا بنتي والله ما بغينا لتس الا الزين ما درينا وش بيصير بينتس وبينه..! عوق با انكسار \خاله انتي ما سألتي نفستس انا وش دراني انكم خطبتوه والا عرضتوني عليه بدال هو ما يخطبني.., هو الي خبرني يقول عمة نواف هي عرضتس علي..! هو لوكان يبيني ما قالي ها الكلام وانا قبل اكمل اسبوع عنده..! ام ابراهيم تمسح دموعها\والله يا بنتي انه غلطان كان هذا كلامه ماله حق.., عقب الملكه دق علي ماخلى ولا بقى من الكلام الزين ما قاله لي..! ويدعي لي اني صرت سبب بزواجكم..؟! و عقب العرس مسلط كل ماشافه وسأله عنتس يقول قام وحب خشمي وقال بيض الله وجهك يا ابو ابراهيم.., ليه الحين وش قلبه عليتس..؟! ام عوق بملامه\ يا نوره لا تغلطين الرجال وحنا ما سمعنا وش عنده والا وش الي حده على ها الكلام..! عوق من بين دموعها\وش عنده يمه الي عنده انه ما يبيني عافني طابت نفسه مني .., من ماتت امه وانا عايشه با الحالي يقوم ويقعد كنه ما يشوفني..! و يوم قلت لنجلاء ابيها تساعدني نطلعه من حزنه فضحني وفشلني قدامها..؟! يقول هذي وجها شر من دخلت علينا ماتت امي هذي منحوسه هذي فيها وفيها ..؟! واخرتها بغيته يوصلني هنا رفض قال انقلعي امتس عندها سواق ماعادهمه من اركب معه طلعت قدامه بس ابيه يناديني ولا كأنه يشوفني..! نجلاء تبكي وتصيح تسحبني ما تبيني اطلع وهو على الصامت ما سمعت حسه ولا حتى طلع يشوف ليه نجلاء تصيح وقفت عند باب الشارع بنصايص الليول من شافني يحسبني شحاذه..! وتقولين يمه ما سمعنا منه شي..؟! طلاق بيطلق ورجله فوق رقبته..؟! . . (كلمه اخيره) يجانب البعض الصواب عندما يظن أحدهم بأن الصبر هو أن يبتلى الشخص بمرض أو سجن أو نحوه فيصبر حتى يسمي حاله "صابرا"، والصحيح أن هذا النوع هو أهون أنواع الصبر؛ لعجز ذلك الشخص عن حل تلك الحالة فيصبر اضطرارا، وإنما الصبر الحقيقي: هو الشيء الذي تستطيع أن تفعله ثم لا تفعله، كالكاظم غيظه ولو شاء أن يمضيه لأمضاه. الشيخ صالح المغامسي . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
خير يا زيادوه هذا و توها متزوجته كذا لسانه اطول منه ما بقى عيب ما طلعه في المسكينه
|
ريم بضحك\امي تقول روعتني عوق دخلت علينا حسبت الزمن رجع ورى ..!
مادري. طيف. من. البارت. الي قبل. هذا. واحس. انك. تبي. تفجرين. قنبله. او مفاجئه. من. الشبه. بين. عوق. وام. عوق لكن. ارجع. واشوف. فيه. صله. مشاعل. وولد. عمه. يقربون. لام. عوق. نسيت. اخته. تصير. ام. البنت. او. لا. والمحرم. وش. دوره. في القصه. |
اقتباس:
سعيده بمداخلتك صحيح والله ماهو بس الرجل الي ما يعي وش يقول عند الغضب حتى الحريم والله ساعات يدافع البلا يقولون كلام وقت الغضب تقولين الي ماعاد بتجتمع هي وزوجها بيوم وصايا امك ربي يحفظها تكتب بماي الذهب اسعدني مرورك |
اقتباس:
ام البنين الحريم الكبار كلامهم عن تجارب ومرار ذاقوه اسعدني مرورك |
اقتباس:
والله العظيم من امس وانا اقرا ردك ما عندي كلام يرقى الي هذا التحليل الراقي الشامل اكتب وامسح بجد ابهرتيني وكشفت شي كثير من جوانب الروايه دعاء زياد كان غلطه مني والا المفروض احط لا بس خطأ املائي بجد ام تركي كشفتي كل المستور اسعدني مرورك الراقي ويارب اقدر في البارتات القادمه اقنعكم بلي راح يصير |
اقتباس:
بنشوف وش راح يصير وكيف بيدفع ثمن كلامه زياد اسعدني مرورك |
اقتباس:
هلابك ام البنين صلة القرابه مشاعل تصير العجوز وضحى خالة امها وضحى من نفس عايلة مشاعل وبدر اكنها كانت بدويه با البر الي طلعها لرياض عوق اسعدني مرورك |
مشكووووووووووووووره ام الولـــــــــــــــيدكاالعاده مبدعه في طرحك:55::55::55:
زيــــــــــــــــــــــادمرررره مكبرالموضوع امه ماتت وخلاص وش بيفيده الحزن على قولتهم الحي ابدامن الميت عـــــــــــــــــوق حالهامرره صعب وخاصه ان سالفة الزعل جت بوقت الوحااااااااام:zkc04699::zkc04699:يعني نفسيه في الحضيض ولاراح تقبل في اي نقاااش مهماكان واللي جررربت الووحم اكييدبتحس فيهااا:52::52: ام ابراهيم في مووقف صعب بجد.... بوجع قالت\ لا يا وضحى خلي عوق تقول كل الي عندها هي صادقه.. والمثل الي قال امش بجنازه ولاتمشي بجوازه والله ماكذب ..,)ام إبراهيم انامعهابجدعلشان اللوم مايرجع عليهامن الطرفين حتى زيااادفي البارت السابق قال((بسخريه\الله لايسامح من بلاني فيها ما سوو خير يوم عرضوها علي وانصحوني اخذها. وعـــــــوق قالت((لحين مثل ما مشيتي بزواجي فكيني منه خليه يطلقني ..! مسكينه ام إبراهيم توورطت بجد:fIi04592::fIi04592:واناضداللي تسعى انهاتوفق بين طررفين والله حتى في زواج اخواني اشيل يدي من المموضوع ام عــــــــوق الوضيحي فديتهايانااااس ودي تسلفيني إياااهاياام الوليدشوووي واعطيك بدلهاوحدهاعندي:lol::lol: كلهاعلى بعضهاتجنن وحكيمه وعاقله ((ام عوق بحده\ زياد رجال ماعليه يا خوفي البلا من بنتي..!م سبحان الله ماحكمتة ان الغلط من زيااادوهذامن العدل في القضاءاوحل المشاكل ضروري تسمع من الطرفين ............الوضيحي ويلووموني في حبــــــــــــكك ام الــــــــــــوليد...........عاجزه عن وصف ابداعكككك سلمت يمينككك وحرمة على النااار |
السلام عليكم ورحمة الله وبركاته
مسائك عذب تسلم الأيادي ام الوليد ياليت عوق تكون قويه كذا قدام زياد وتعلمه غلطته بعد شين وقوي عين تغلط عليها وتسبها ثم توسط الناس عشان يصلحونكم مو هذول اللي عرضوها عليك الحين لجأت لهم عشان يردونها لك ليش ماجيت لها على طول وش كان بينقص فيك البنيه ساكته وصابره ولا قالت لاحد مع ان أمها شاكه فيها وانت رايح تنشر الخبر عند العالم ما راح يربيك الا الوضحى عشان تعرف تتحكم في أعصابك وأكيد ان عوق حامل عاد انت منت مصدق وبتراضيها واللي وتبيه بتسويه لها عاد انت ياعوق حطي رجل على رجل وتتدللي خليها يعرف قيمتك ريم يالبى قلبها ما احد مثلك والله والا ام جزاع ما ينصبر عليها ام الوليد ابدعتي في انتظار عقاب الوضحى لزياد |
ترا البزران على السوالف مثل الدجاج ..,
يلقط الحب الي ما ينشاف لا تلقط عنكن سالفه من سوالفكن .., وتقولها عند احد يفهمهاغلط ثم عاد يا الله دورن الاعذار ياعمري يأم الوليد ذكرتيني بكلام الوالده الله يخليها لنا تسلم اناملك على ماكتبتي وبنتظار جديدك |
السلام عليكم ورحمه الله وبركاته
تسلم يدينك يام الوليد على هالابداع ياقلبي وتسلم لي سوالفك الي ماتنمل الله لايخلينا منك بارت اليوم بارت المواجهه بين عوق وامها بس الصراحه انا ضد الوضيحي هالمررره حرام عليهاتكسر البنت كذااااا مهما كان بس بعدين ارجع اقول والله ماتنلام خايفه عليها انها تتطلق وتضيع من بعدها والناس تاكل فيها ولا ترحمها وخاصه انها من غير عزوةولا سند وزياد يمثل العزوه والسند لعوق من وجهة نظر الوضحي عشان كذا تبيهاترجع لزوجها وتحل امورها معه بس عوق ياقلبي عليها مجروحه كثيرررر من زياذوخاصة انه ارخصها كثير وهانها وطردها بنص الليل ولا اهتم فيها كل ذا المده قلنا زعلان على امك ومحزون بس مو لهالدرجه تطيح بالبنت وهي مالها ذنب وياليت يوم بغيت تعتذر جيت على طول الا حطيت واسطات عشان ترجعها كنك خايف انها تفشلك وتطردك لان كلامك لها ماينقال ابداااا وهي الي استحملتك وستحملت تطنيشك لها واهمالك >> بس على قوله حنو دلووع الماما تدرين يالعوق ان رجعتك لزياد راح تكوون بسبب الصيده الي قالتها لك امك لانه اكيد ماراح ترضين ترجعين له بسهوله بعد الي قاله وسواه فيك وهذا واحنا غبطانه بعقله وخفة دمه طلع كله تقليد ومزيف بس ان شاء الله العوق بتطلع عيونك على بال ماترضى عليك ياالدلوووووووع ام الوليد تسلم هالانامل الذهبيه لاخلا ولا |
السلام عليكم هلا وغلا باحلى طيوف يابعد قلبي والله اخيرا هذا اللي كنت ابيه السالفة توصل لام عوق مو عشان تكبر السالفة لاااااا عشان ام عوق الوحيدة اللي بتقدر من بعد رب العالمين انها ترد كرامة عوق وتادب زياد اللي زودها شويتين بس بنفس الوقت ما راحت تسمح لعوق تتطلق (ياحافظ ما صدقت تتطمن عليها تقوم تطلقها عيل مهي الوضيح الحكيمة)
حبيبتي طيوف ما عندي تعليق اكثر لاني بدت تجيني اعراض كااااااااابة اسمحيلي اوقف هني وعسى الله يحرم كلج ومن تغلين ويغليج على النار ...........نمورة بوادر كااااااااااااابة الله يستر |
طيف تسلمين على هالأبداع
عووووق الله يكون بعونك كلش والا الكرامة لازم تاخذين حققك من زيود واللي تقول مافيه بين الزوجين كراااامة أقول الا فيه في مثل حالة زياد والكلام اللي قاله عن عوق لازم يعتذر وبقوه بعد المهم ياأخواتي لا تنسون أخوانا في سوريا الله يفرج كربتهم وينصرهم على عدو الدين وأعوانه يااااااااااااااااااااارب أكتب لهم النصر وفك الأسر اللهم عليك بأعداء الدين ومن تبعهم أخواتي أدعوا لهم لعل بيننا من تستجاب دعوته فهذا أقل مانعمله |
اقتباس:
الانسان وقت الزعل ما يسيطر على نفسه لا الوضيح ام نوح الحمام ما نقدر نسلفه بنشوف كيف تتصرف مع عوق وزياد اسعدني مرورك |
اقتباس:
هذا الواحد مرات يقول كلام ماهو قده بنشوف كيف وضحى تأدبه لكن البلا اذا عوق قامت تلعب من وراها هي وزياد حملها كيف راح يدري فيه زيادهذي عاد شي ثاني اسعدني مرورك ونقاشك الراقي |
اقتباس:
النقطه هذي الكثير يطيح فيها وهو ان الطفل كلن يصدقه لو بيقول كلمه ساعات يسببون مشاكل بسبت كلمه محد انتبه لها والي نقلها طفل اسعدني مرورك واقتباسك الرائع |
اقتباس:
هلا وغلا الي بغيت ابينه من خلال الاحداث ان الانسان بلحظات الغضب يتحول لشخص ثاني وحتى لما يجي شخص يشتكي من شخص المبلغات تعطي للمشكله اكبر من حجمها كلام عوق يوم تقول نص الليل وهو كان مع صلاة العشا يعني الي بيسمع بيقول الساعه 12 الليل ونقاط كثيره بتتوضح من خلال البارتات القادمه الوضيح بتربي زياد لكن با الاول بتشوف وش عنده وتضمن انه شاري بنتها بعدين عاد تسحب جلده على الشوك لكن البلا اذا عوق غيرت رايها وضحى وش راح تسوي فيها ساعتها اسعدني مرورك يا الغلا |
اقتباس:
ام عوق كانت راح تعرف بطريقه او اخرى طلاق مافيه ان شاء الله بس كم قرصة اذن لعوق وزياد الله يسلم قلبك ويحفظ لك غواليك على ها الدعوه الحلوى اسعدني مرورك وسلامتك الف سلامه من الكآبه |
اقتباس:
كل شي له سقف معين ويوقف عنده وزياد غلط على عوق غلط كبير بنشوف نظرة وضحى لواسطة نجلا ء ماعليك الوضيح بتوريهم الشغل اللهم آمين نسأل الله العلي القدير ان يكشف ضر اخواننا في سوريا ويحفظ اعراضهم ويحقن دمائهم وينصرهم على الباغي فأنه قد طغى وتجبر اسعدني مرورك |
اقتباس:
البارتات السبت والثلاثاء بعد الظهر واذا كان في بارت اضافي راح اخبركم فيه قبل ينزل اسعدني مرورك يا الغلا |
تسلم يمينك ام الوليد على هالابداع والطرح الراقى ياحبييلها ام عوق حكيمة وعقلها يوزن بلد فيه امهات ما تشوف خطا بناتهم ودائما الحق معهم وبدال مايكونون هم على قدر من الحكمة والراى السديد يصيرون سبب تكبير المشكلة واتساع الفجوة بين البنت وزوجها :wookie: والله درر ما تحويه الرواية من خبرات و فوائد تفيدنا سواء ام او بنت الله يحرم يدينك ومن ربتك على النار ودمتى بود
|
السلام عليكمـ..
. . . صباح الخير على المتصفح وصاحبته..., . . . من فتره طويله عن ها المكان =) بس كله منكـ أنتي تدلعيني وترسلين لي البارتات الي تفوتني...عسى الله مايخلاني منكـ ^^>فيس طماع . . . من ناحية التطورات الحين يازياد أحصد مازرعته أيديكـ...وش ها الكلام الي قلته لـعوق..! انت العاقل الفاهم الي شادين فيكـ الظهر مانقول الا [ أفا..]=) حتى لو أنك حالتكـ النفسيه سيئه وووو..الخ... ترى رب كلمة قالت لصاحبها دعني..! وش تبرر ووتقول لعوق..والله كبر الشق ماعاد يفيد في كثرة الرقع...,. خلكـ تعتذر.. وروح وتعال..الى ان تقبل أعتذاركـ.. . . عوق..! الف مبروك الحمل...ليش مخبيته عن أمكـ...! ترى هذا الشي يحز في النفس...حتى لو سقتي المبرارات انها ماتقول لزياد...! وبعدين ترى التسقيط اليوم على طول...لو تكح الوحده أعوذ بالله سقطت...فـا..حاولي تمسكين أرضكـ..مانبي ولد زياد يروح =) بكره القلوب تصافى ان شاء الله وترجع المياه لمجاريها.. . . . الوضيحي أنتي بلحالكـ روايه...حكيمه وبليغه... ماشاءالله يا طيف ..أحسك عطيتي الوضيحي خلاصة تجربتكـ با الحياة..! . . . أعذريني على تقصيري الدائم بحق هذا المكان المميز ... . . . لعوق..! أيَـه أحرقِي كلّ العطورّ الفآيَحِة بَ أسم الحنِين أيـَه أتركِيهم دآمّ لِك يَ صآحبَة عنهِمّ غِنآ . . . با الأنتظار..! . . . |
السلام عليكم ورحمة الله وبركاته
اعذريني عزيزتي ليس لدي الوقت لكي اتمكن من الرد قبل ذلك >>ولكن كل تاخيره فيها خيره حين تجرح مشاعرنا نداريها ببسمه وحين تجرح كرمتنا نتهرب من نظرات الاخرين حتى لا يفضح امرنا وهذا محدث مع عوق بهذا البارت كانت تتهرب من نظرات والدتها حتى لا تعلم مدى الجرح الذى اكل فوائدها متسرب الى عظامها وينخر بها كالسوس حدتها وعنفها وثورتها ونكارها لحملها هي ترغب به وبشده حتى يعود لها زوجها لكنها تتصارع الافكار لديها بخوف عميق تخاف من ضياع هذا الابن وتشتته مواجهتها المولمه مع أم ابراهيم من عمق المها وبعد ان تاكدت كل شكوكها بانها حامل ياتي ليطرق باب غيرها وهي من كتمت سر امر فضيحته بها عوق انفجارها لانها اضاعت على نفسها فرص كثيره من السعاده مع زوجها ومنها الرحله التي اهداها الى نواف حتى وان قالت عكس مايدور بداخلها ...حين كانت تشتم به هي تقول نص الليل اين نصف الليل وهو خرج امامها لصلاة العشاء ام ابراهيم اتوقع ان تسمع زياد بعض العبارات المعاتبه زياد طرق باب ام ابراهيم كرد دين لم افعله في ساعة غضب تكلم عنهم وهم لم يريدوا به الا الخير كانه يقول لهم اسف على ما قلته دون وعي مني ولكن لا استطيع ان اخبركم مافعلت وضحي لماذا اسكتت ام ابراهيم هل والد عوق عاد لمطالبتها لذلك قالت هو ليس ولي امرها فديت منطوقها وهي تعاتب ابنتها وحتى كلمتها عن الاطفال كانت رساله اتوقع غير مباشره لعوق ان لاتتحدث مع ريم بما حدث بينها ويبن زوجها هل سوف يكشف سر عوق لزياد انتظر وضحي ورد فعلها اليوم فهي اتقي شر الحليم اذا غضب فديتك ام الوليد لم اكشف سر الخيوط بعد فانتي كل يوم تشديني الى تساؤلات تفتح ابواب اخرى استودعك بحفظ المولى |
بسم الله الرحمن الرحيم اللهم يا مهلك الطغاة يا من اهلك فرعون اهلك بشار الاسد واخوانه وعائلته وكل من يتبعه ويعينه اللهم ارنا فيهم عجائب مقدرتك الله احمي أهلنا في درعا وفي جبلة وفي الشام وفي جميع انحاء سوريا اللهم فك قيد الأسرى والمعتقلين وشافي الجرحى والمصابين وارحم أمواتنا وأموات المسلمين وتقبلهم مع الشهداء والصالحين اللهم انت قلت وقولك الحق ، ادعوني استجب لكم وها نحن ندعوك يا حي يا قيوم برحمتك نستغيث اللهم انا ندعوك الله ، اللهم انا ندعوك باسمك الأعظم الذي اذا دعيت به استجبت يا الله انصر عبادك المستضعفين فلا ناصر لهم غيرك اللهم انصرهم على من عاداهم اللهم احقن دماء المسلمين واهلك الظالمين بالظالمين واخرجنا من بينهم سالمين اللهم هذا الجهد وعليك التكلان اللهم تقبل الدعاء . . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., ولا يرضيني ان اي رد با الروايه يحذف وخصوص اذا كان نقد ولا طالبت بحذف اي رد.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., والله العظيم انه في ردود من روعتها اوقف ما اعرف اكتب كلمه وفي ردود احسكم معاي يوم كتبت الروايه لدرجة ان في اشياء حذفتها يوم عدلت با الروايه لقيتكم تبارك الله كاتبينها ومتوقعينها..., فخوره ان متابعات راقيات ومثقفات يمرون على متصفحي المتواضع ويسطرون فيه من درر ابداعهم.., . . واهداء خاص للغوالي loost & ارجوانة الياسر اليوم بنشوف عوق المزايين والتطورات الجديده يا الله تعالوا معاي...!! وسالفه جديدة؛ . . . البارت الرابع والعشرون . . . وقفت عند باب الشارع بنصايص الليول من شافني يحسبني شحاذه..! وتقولين يمه ما سمعنا منه شي..؟! طلاق بيطلق ورجله فوق رقبته..؟! والله الغني عن ها الرجال عووع يا جدوع خلاص نفسي عافته عارفه وش معنى عفته ما ابيه.., ام عوق ساده اذانها بيديها\ خلصتي بربرتس الفاضيه..؟ ترى ما سمعت كلمه من الي قلتيه.., الرجال وهو زعلان كل شي يقوله واذا رضى ما كأن شي صار..!؟ لو كل حرمه تهاوشت مع رجلها وغلط عليها بساعة زعل شالت قشها وقالت يالله والله يابنتي ما شفتي بيتن عامر ..!؟ انا كم مره اعلمتس ان الرجال اليا زعل مثل اول شبت النار ان جيتي بوجها ان مااحرقتس اخنقتس بدخنها.., واذا هدت النار قربتي لها وتدفيتي بها واتنفعتي منها.., عوق بتهكم موجع\واضح زعله الي ماقالي وش لونتس من ماتت امه لين طلعت من قدامه..؟! يطلق وينقلع مثل يوم قالي يوم انا في بيته خلوها تنقلع وجه النحس ..! الحين انا اقول خله ينقلع غراب البين وجه البومه..!؟ هو الي من دخل حياتي صار فيني منه ستين عله..! بغيت انجن في بيته ما غير اكلم الجدران كرهني با الدنيا ..؟! ام ابراهيم بحيره \والله ما ندري من نصدق انتي ولا هو..؟! كل شي يجي با الخناق الا الزواج با الاتفاق ..؟! هذي عشرة عمر وخصوص الطلاق محد يقدر يظلم حظه ويتدخل فيه..؟ عوق بمراره\انا ما ابي شي منتس لكن مثل ما جمعتينا..! الله يجزاتس خير فرقينا فكيني منه وهذا اخر ماعندي ..! ام ابراهيم بقلة حيله\والله نواف يقول زياد تشوفين الهموم بوجهه يمشي الضعيف بلا روح ..! عوق تتنهد بوجع\ زياد خلاص مالي خبزتن اكلها معه النصيب انقطع بينا..! ورقتي تجيني وفلوسه با البنك .., ياخذها اذا جاب ورقتي وفوقها هديه كل الي خليته في بيته هذا مريض ما ينعاش معه..! وان كانه رجال عنده كرامه وفيه خير يطلق با الحسنى احسن ما اجرجره با المحاكم .., ام عوق با استنكارلأم ابراهيم \انتي صاحيه تبين تقولين لرجال ها الكلام ..! والله لوانه يشرق بغلاها غير يعافاها ويطلقها ما عليتس منها يا نوره هذي تهذر زعلانه والله لويجي ها الحين ويضحك عليها بكلمتين انها تنسى كل سوالفها قدامتس وكل واحد وقف ضد رجلها فازعن معها غير تشوفه عدو الي ها الحين ماخلت شي ماحطته بظهره..! ام ابراهيم تتنهد بقلة حيله \وش تبيني اسوي الذنب ذنبي يا وضحى انا الي طاوعتس .., لكن يعلم الله اني ما بغيت لها الا انها تعرس وترزق الله..! ما دريت انهم بيتخالفون وتوصل لطلاق وهي توها معرسه..! ام عوق تضحك بتهكم \ يا بنت الحلال وش طلاقه عوق حامل ..! ويمكن وحامها جاي برجلها..! ام ابراهيم بفرح \ما شاء الله ازين علمآسمعته مبروك ياربي لك الحمد ..! عوق بذعرتلفت لنوره وامها \و ش مبروكه وش طاوعتس فيه.., اردفت بقهر وهي تضرب على ر كبها\ الله لا يبارك بزياد ابو المصايب الله لايسامحه كانه قاهرني وغابني حاضر والا غايب.. ام عوق بضحك\عيني خير وانا امتس يمكن ها الحمل يصلح حالكم .., عوق بتحدي وغضب \من قال اني حامل من قااااااال وش تبين اسوي يمه علشان تصدقين اني مانيب حامل..! ام عوق بحده وحزم\ لا تقولين ولا تسوين وبينا الايام ياعويق هي الي تجيب العلم الوكاد..! التفتت عوق لنوره بذعر وارتباك\ خاله ترى امي تمزح معتس.., ام عوق تهز راسهاوتضحك بتهكم \لا والله ما امزح والعلم الصحيح بين جنوبتس.., عوق بذعر وتهديد\والله لو ادري ان اشاعة اني حامل طلعت من ها البيت .., اني لأاذبح نفسي ومحاولاتي قبل اني انتحر يوم دريت اني لقيطه لأاعيدها..! و بتنجح ها المره وذنبي برقابكن انتن وغراب البين وجه البومه زياد .. استغربت من امي ان ردودها بارده ولا همها كل الكلام الي قلته..؟! طلعت من عندنا ام ابراهيم وهي تبكي ..! ام عوق بملامه وحده\وش ها الهرج الي قلتيه قدام نوره .., عوق با اصرار \ماقلت غير الصدق الغلط راكب زياد من ساسه لراسه.., ام عوق \ واذا رجلتس غلطان تروحين تفضحين به عند العرب باتسر تصالحين انتي وهو وتنسين كل ها الي قلتيه لكن الي سمعوتس ما ينسون سوالفتس وعلى اداناة الدون يذكرونتس بها.., والحمدلله انها نوره ولا غيرها..., عوق تبكي بقهر \يعنى انا ما اهمتس وطلعت الحين انا الغلطانه والله لو يموت ما رجعت له ..؟ ام عوق با انتقاد\وش الي يبكيتس ياعوق انتس ماعرفتي تجيبين راس رجلتس.. ورحتي تفزعين عليه تبين المعونه من الحريم يا بنتي الي مايعين نفسه الناس ماتعينه كان صبرتي عليه وجيتيه با المسايس يبي يلين ويرجع لتس على ماتبين.., الحين وش استفدتي كم لتس مع رجلتس ولا فهمتيه.., رحتي تشاورين نجلاء الي اجهل منتس لو كبرت شهادتها .., لو انها حرمتن تفهم كان عطتس حل بينتس وبينها ولا يحتاج تنصح رجالتس وانتي تسمعين والا صبرت لين يمرها في بيتها من كيفه وان كان عندها نصيحه صبتها با اذنه وانتي كنتس ما تدرين بشي.., دخلت بينكم بحسن نيه لكن ماش وانا امتس دخلتها غلط رجالتس ضايقن خاطره من موتت امه ويوم اخته بغت تنصحه في بيته شاش راسه وزعل وقال الي قاله وانتي نطيتي بحلقه وثار الرجال وفرغ حرته بتس وماقصرتي قمتي تراددين هو يقول كلمه وانتي تقولين عشر.., عوق \انا وش قلت هو الي ماخلا ولا بقى علي.. ام عوق تهز راسها بقهر\بنتي واعرفتس تطق روحتس انا ماراددتي تحسبينها شطاره والله لو انتس مبعده عنه ساعة بس ساعةوحده انه غير يرجع يحب مواطي رجليتس مهو راستس وخصوص ان شك انتس سمعتيه وحشمتيه وعذرتيه ولا رديتي عليه يبي ينفشل من نفسه ويجي يترضاتس حتى لو انه عند نفسه ما ازعلتس الله يهديتس ويكفيتس شر نفستس .., ام عوق تتنهد بقهر\ترفقي بنفستس ترفقي تراتس حامل وخلي عنتس العناد.., وكلمتي حطيها بين عيونتس زياد راجعه راجعه له من انتي مرتكيه عليه وانا امتس على اهل والا عزوه..؟؟!! مالتس غير الله ثم ها الرجال .. وان كانتس اليوم مستظله بظلالي باتسر الله العالم ..؟ قامت امي لغرفتهاوتركتني ماقدرت اقول كلمه ..؟! كلام امي عارفه انه كله صحيح لكن فات الفوت ماعاد اقدر اتراجع زياد مرحله وانتهت من حياتي وامي صادقه من انا مرتكيه عليه ياخذ حقي من زيادويرجع لي كرامتي.., دخلت غرفتي وبكيت على حالي الي عمري مافرحت بشي الي وجا شي نقص علي..؟! الي فيني كلها اعراض حمل وامي صادقه.., هذا الحمل الي ياماتمنيته وصار ..! لكن عقب ايش عقب ما كسرني زياد وقهرني..؟! وطلعت من بيته مذبوحه والحين كملها يحط بينا مراسيل من غير ملامة امي لي .؟! الحين وش بسوي كان كلآ درى ان زياد طاردني واهاني ومرمط بكرامتي الارض .., مافي الا الطلاق قرار الطلاق هو القرارالصحيح وهو الي بيرجع لي كرامتي ..!؟ والطفل الي بجيبه بربيه مثل ما ربتني امي.., ان طلع علي والا على زياد ماراح اندم ..! زياد ما اظلمه مهما كان الي سواه فيني الا ان حنانه على امه غير..! وانا امي وضحى عندي با الدنيا كلها.., شهادتي معي اتوظف واعتمد على نفسي..., ماكذبت امي يوم كنت ابكي من صعوبة المواد واجي عندها..! اقول يمه ما افهم شي تقول عيدي وزيدي لين تفهمين ..! الشهاده هذي سلاحتس الي يحميتس من جور الايام..!؟ محد يدري ياعوق وش يصير بعدين..! لو بتكشر الدنيا عن انيابها شهادتس هي الي تحميتس بأذن الله .. الحاجه ومدت اليد لناس شينه والي يعطيتس اليوم باتسر يمن عطاه والايطردتس..! وهذي الدنيا بدت توريني وجها الشين..! الظاهرما طلعنا من ها العرس الا بها الحمل..! زياداكيد ماهو حريص عليه ماراح ينشب لي ..! والا كان شك والا لاحظ ان فيني شي كل من شافني قال ياعوق وش الي مغيرتس الاهو..!؟ وكلها كوم وطلعته للمسجد وماكأنه يشوفني كوم ثاني كل ماتذكرتها احس قلبي ينحرق كيف هنت عليه ..! لو انا مدعوسه والا مخطوفه من قدام الباب محد درى عني..؟ يومين مرو على اخر مواجهه بيني وبين امي وخالتي نوره..! الصداع فك عني شوي لكن على طول احس اني متضايقه وادوخ..؟! ولا عاد لي نفس للاكل ولا حتى الكلام..؟! امي مرات اجلس عندها بغرفتها ما تعطيني وجه..؟! اوالقاها بمظلتها جالسه تسمع الرادو الا تتقهوى مثل ما اجلس اقوم..! ادري زعلانه علي وهذا طبعها اذا زعلت صدت ما تعطي لاشين ولا زين ..! بعد اسبوع من مواجهتي معاها هي وام ابراهيم دخلت عليها الصباح عوق \ يمه..! ام عوق بعدم اهتمام \خير..! عوق بوجع\بطلع مع السواق بشوف المدرسه الاهليه الي جنبنا..! كلمت وحده من البنات الي كانوا يدرسون معي قالت محتاجين عربي بقدم اوراقي.., ام عوق بضيق \انتي للحين راكبه راستس..؟ عوق با الم\تكفين يمه خليني على راحتي .., ام عوق تتنهد بقلة حيله\ روحي عسى الله يهديتس ..! وصلت للمدرسه وقدمت اوراقي هم عارفيني ما يحتاج اشرح عندهم..! باقي بس اوراقي الثبوتيه قلت لهم بكملها لكم ما توقعتكم تقبولني...! وانا اكذب كل اوراقي في بيت زياد..! صورة لوثيقتي بس هي الي كانت معي حتى كنت ناسيتها في بيت امي..! قالوا لي من بكرا تباشرين البنات متأخرات..! وبسرعه كتبت العقد وطلعت..! فكرت ليش ما اطلع مستوصف خاص احلل اتأكدمن الحمل واقطع الشك با اليقين وافتح ملف عندهم اذا ثبت ان فيه حمل ولا من شاف ولا من درى..! طلعت للمستوصف دخلت عند الدكتوره وقلت لها الاعراض الي احس فيها..! الدكتوره \انتي متزوجه..! عوق\ ايوا من شهرين ونص.. الدكتوره\لازم تحليل حمل .. عملت التحليل ورجعت لدكتوره با النتيجه الدكتور\مبروك يا مدام النتيجه في حمل ..., بكيت ولا ادري ليش بكيت ..!؟ الدكتوره تبتسم \ايه يا مدام دموع فرح دي والا ايه..؟! عوق بوجع\ لاوالله دموع خوف...! الدكتوره\ ما تخافيش علشان اول حمل بتحسي كدا.. خلاص لو عاوزه تابعي معايا لازم تعملي التحاليل دي.. ونعملك ملف رعايه شامل من دلؤتي لحد الولاده ان شاء الله .. والنتيجه بعد المغرب بأذن الله .., عوق \خلاص بتابع معاك .. طلعت وسويت كل الي طلبته الدكتوره دفعت الحساب من بطاقة امي..! عسى بس امي ما تذكر البطاقه وثم عاد اقعد بها.., رجعت للبيت وانا احس خلاص ما عاد فيني حيل ابي بس اصلي الظهر وانام..؟! قبل انزل شفت سيارة زياد عند بابنا حسيت بدقات قلبي زادت وعرقت.., ما اقولكم دايم فرحتي ناقصه اليوم تأكدت من حملي والمدرسه قبلوني والحين زياد داخل بينكد علي.., نزلت وانارجليني ما تشليني ما ادري كيف دخلت البيت ..؟! الا على صوت امي تضحك وزياد عندها جالسين با الصاله .., ياربي ما ابي اشوف وجهه وهو مرتز با الصاله..! وابي ادخل غرفتي يعني لازم امر الصاله ويشوفني زياد.., اخذت نفس ودخلت من شافني زياد وقف يتبسوم ومد يده بيسلم.. ما عطيته وجه ولا مديت يدي .. عوق بحده \ عساك جاي ومعك ورقة الطلاق علشان ننهي ها المهزله..! ام عوق با انتقاد\الناس اذا دخلت تسلم ماتدخل متسلحه لسنها تعوذي الشيطان وتفاهمي مع رجلتس وانا بقوم اجهز لصلاه..! عوق بسخريه\رجلي جاي يتفاهم والا انتي وام ابراهيم سحبتوه يجي يرحم عوق المسكينه..! مثل ما تزوجها يبي يفكتس منها جاي يتفاهم بعد علشان يريحتس من همي..!؟ يمه الي يبي يتفاهم من طلعت لحقني.. ماهو كنه داخل غرفة عمليات .., والحين اصلن عنده فترة غدا.., بدال ما يقضيها با المستشفى جا على قولتس يتفاهم ماكلف على نفسه حتى يغير لبسه .., زياد واقف وساكت وانا وامي بس الي نتكلم.., ام عوق بتهديدوتحذير\ الكلام معتس ضايع وذنبتس برقبتس..! زياد جاي يصلح الي بينكم لا تهدمين بيتس بيدتس يا مره..! عوق بوجع\كلمه وقلتها له قبل اطلع من بيته ان طلعت مارجعت ..! امي دخلت غرفتها وخلتني انا وزياد واقفين با الصاله.. زياد يقرب من عوق وبترجي و يمسك كتفها \ طيب عطيني فرصه نتفاهم..., انتي من دخلتي اكلتيني ما ني عارف اسولف معك اسمعي الي عندي واحكمي..؟! عوق بعناد وسخريه وتنفض يده\ما ابي اسمع شي يكفي الي سمعته منك يوم كنت في بيتك..! وش تبي بمنحوسه نحسها بيذبحكم كلكم..! احمد ربك وقفت على امك والا كان نحستكم ولابقى منكم احد..! اردفت عوق بغصه\انت صادق انا منحوسه والا ماكنت لقيطه..! لوكان لي اهل وسند ماخلوا احديهيني ولا يشوفني شي..!؟ هذا انت دخلت وضحكت على امي علشانها عجوز وضعيفه.., اردفت عوق بتهكم\ضحككم اسمعه من فتحت الباب ما اسرع ماخليتها توقف معك.., زيادبترجي \ طيب هدي اعصابك خلينا نتفاهم ادري مالي عذر ..؟! عوق بمقاطعه\ وش نتفاهم عليه انا من طلعت من بيتك طلعتك من حياتي يا اخي ما تفهم وش معنى ما ابيك ما ابيييييييييييك..؟ زياد بنفاذ صبروقلة حيله\ والمطلوب..؟! عوق بسخريه\المطلوب الطلاق زواجي منك كان لعبه بينا..! لعبنا واستانسنا وانتهت كلن يروح بحال سبيله..؟! انت ما قصرت عمي مسلط وخالتي عرضوا عليك الضعيفه عوق..! وانت ماشاءالله نفذت لهم الي طلبوه منك..! عوق با انكسار\لكن شي ماهو بيدك المحبه من الله يمكن انا ماكنت الانسانه الي انت تمنيتهاوحلمت فيها..! وفوق هذا نحس وش يجبرك علي..؟! بتقعد كل مازعلت تدعي على الي كان سبب ها الزواج الافضل انا نتفارق علشان نرحم ها المساكين من دعاويك...؟! اردفت عوق بوجع\سبحان الله يا زيادعلمتني كيف تزوجتني علشان ما يجي يوم واسمع من احد كلمه تجرحني ان زواجي منك كان عن طريق جيراناالي عرضوني عليك وانت اول من عايرني وحسستني كنك متفضل علي بها الزواج واني ما استاهلك زياد بوجع \ لا ياعوق لا تقولين كذا والله انك اكبر واحلى من كل احلامي.., انا كانت نفسيتي بعد امي مدمره امي كانت كل حياتي.., وفجاءه فقدتها حسيت ان الدنيا كلهابعيني اضيق من خرم الابره ولا عاد لي رغبه با الحياه بـ عوق تقاطعه با استهزاء\ والله حياتك ماهي حياتك شي ما يخصني يوم كنت احاول اصير جزء من حياتك رفضتني الحين انا ابي ورقتي وبس ..! وخلني حلم حلو مر بمنامك اذا كنت فعلن صادق اني كنت اكبر من احلامك مع اني اشك بها الكلمه الي كم مره ترددها على مسامعي ولاعاد لها قيمه عندي.., زياد بوجع انكسار\تكفين يا عوق لاتقولين كذا..؟ عوق تتنهد بحسره وتذمر\لا تطولها وهي قصيره وتعاند معك مهله الي آخر الاسبوع..! طلق وخذ مهرك الي عطيتنياه كامل من غير الي تركته في بيتك حلال عليك وش تبي اكثر من كذا.. اردفت عوق بتهديد\اذا ماارسلت ورقتي راح ارفع ضدك قضية خلع..؟ وبعدين المؤذن اقام الصلاة الحق عليها.. ترى كلك مساوئ الحسنه الوحيده فيك انك ما تترك صلاتك.. لا تقول بعدالمنحوسه اخرتني عن صلاتي وسكر الباب بطريقك.., اتوقع وراك دوام ماراح ترجع بعد الصلاة..! ماهو كل زيارة بعد صلاة الظهر مرغوبه ..؟ بعضها عسل وبعضها سم وانتي من النوع الثاني طلع زياد و دخلت لغرفتي وانا ماني مصدقه اني قلت لزياد كل الكلام الي قلته.., بردت حرتي فيه رديت له كل تهزيئه لي يوم انا في بيته ..! خلاص من اليوم مافيه دموع انتبه لنفسي ومستقبلي ولأمي وحملي .., هذا زيادجاي يتفاهم معي في فترة البريك حتى ماكلف على نفسه يتعنى على شاني.., اكيد امي هي الي كلمته..! خلاص يا عوق خوذيها قاعده محديحب عوق الا عوق.., الحين ما عاد في حياتي الا امي وطفلي .., امي الحين زعلانه علي بحاول اترضاها واعيش حياتي مثل قبل ما قصرت معي من يوم طلعت لدنيا وهي تراعيني الحين با ارد لها الدين صليت الظهر وطلعت بشوف امي .., لقيتها للحين تصلي امي تطول بصلاتها الظهر تصلي 12 ركعه.., طلعت للمطبخ احس اني بموت جوع ودايخه ولا لي نفس بشي..! قلت لشغاله صلحي لي سلطه او اي شي بدون طبخ ابي اسد جوعي اكره ريحة الكشنه..., رجعت لأامي ام عوق\وش سويتي..؟ عوق\المدرسه قبلوني خلاص من بكرا بباشر ..! ام عوق بتذمر\ ما سئلت عن المدرسه وش سويتي مع رجلتس.., عوق \ رجلي انتهى موضوعي معه من طلعت من بيته..! يمه تكفين خلاص ماابي ادوخ راسي فوق وجعه..! ام عوق \والله انتي الي مدوخه نفستس..؟! يا بنتي وين البيت الي يخلا من المشاكل ...! هذا حال الدنيا لازم يمر الانسان يوم زين ويوم شين.., الدنيا ماتمشي على طريق واحد..! ورجلتس والله ما تلقين مثله رجال طيب وحبيب وعاقل..! الحريم صابرات على رياجيل واحدهم مايسوى التاليه من الغنم وتشوفينها قال ابو فلان وسوى ابوفلان الرجال اذا ماهو بخيل ولا يشرب ما حرم الله .., تقدرين تعيشين معه وتمشين حياتس وهذلين كلهن ماهن به رجال يخاف الله والي يخاف الله ما ينخاف منه ماشفتي وجهه وشلون صاير موتت امه ولحقاها مفارقتس له .., ماكسرت قلبتس فزته بتس يوم دخلتي والله ياشهق شهقه يوم سمع صوت فتحتس للباب , انه اضحكني المسلم تقل رادتن عليه روحه.. عوق تتنهد بوجع وتمسح دموعها\انا عارفه با لكلام الي تقولينه كله..! وفوق حبه لي اخلاقه عاليه وكريم معي بدون حدود لكن انا طابت نفسي منه..! مالي با الطيب نصيب وش تقولين بي مقروده..! هو بيلقى الي احسن مني وانا خلاص اكتفيت بنصيبي منه..! ماعاد افكر بشي اسمه زواج ..! يمه تكفين لا تضغطين علي انا تفاهمت معه وهو شكله وافق على الي طلبته منه..؟! وخلال ها الاسبوع بينتهي كل شي ونرجع انا وانتي مثل قبل ..! ام عوق بتوجس\وش طلبتي منه..! عوق\طلبت منه يطلق..! ام عوق با استنكار\ لاحول ولاقوة الا با الله وش طلاقه انتي مافكرتي بحملتس..! عوق با ارتباك\وش حمله انتي للحين مصره اني حامل..! تراتس وهمانه ولا يكون بعد قلتي لزياد ظنونتس..! ام عوق تتنهد بقلة حيله\لا اله الا الله ما قلت لزياد شي الله يعين ها الزياد عليتس عوق بترجي \يمه انا جايه استسمح منتس والله حتى بنومي ماتهنيت وانا اشوفتس صاده عني..! تكفين يمه ارضي علي تكفين ولا ترخصيني وتكسريني.., لا تربطين ارضاتس برجعتي له ترى والله لو ارجع اني لأاموت غبن عنده..! ام عوق با الم\الله يرضى عليتس ياعوق لكن بطلب طلب منتس وعقبه سوي الي تبينه انتي ما تقولين خلاص ماعاد تبين العرس عقب زياد..! عوق بذعروتأكيد\ يويلي يمه التوبه والله ماعاد البس ثوب العرس غير ما لبسته..! ام عوق \اجل خلاص اقطعي سالفت الطلاق وهو يروح بحال سبيله وانتي تقعدين عندي..! ان تطلقتي ودرت الناس ما سلمتي من القيل والقال ..! والله لوتوقف سياره عندبابناباالغلط ان تسمعين الي يغبنتس ويقهرتس..! لكن يوم تدري العرب انتس متزوجه محد بيتعرض لتس بكلام ..! واذا انشدوني ورى بنتس عندتس قلت رجلهاما قصر..! انا طلبته وخلاها عندي تونسني وش رايتس بكلامي..! عوق بتردد\ خلاص لكن انا.. ام عوق بترقب وحده \وش لكن في شي ما ادري عنه بعد..!؟ عوق\لا يمه مافي شي بس انا عطيت زياد مهله لآخر الاسبوع اذا ما طلق با اشتكي عليه واخلعه..! اواكيد هو مايبي فضايح بيطلق من نفسه وقلت له بعوضه خسايره ..؟! ام عوق تهز راسهاوتتنهدبحسره \لا اله الا الله يا بنتي فكرتي وش تعوضين زياد عن خسايره عليتس علشان يتركتس ولا فكرتي بخسارة نفستس وحياتس يا بنتي اللي يبيع الجمل ما هو متحسفن على الرسن .., اردفت وضحى بقلة حيله\خلاص بنتركها للقسمه والنصيب علشان انتي ترضين وانا ارضى..! ان طلق بها اسبوع بكيفه هذا الي ربي كتبه عليتس وان ما طلق بنخليه على وجهه..! عوق بترجي واستعطاف\يمه لا تدقين عليه وتخبرينه با اتفاقنا.., ام عوق تضحك \ ما نيب داقه عليه لكن ان كلمني قلت له يارجال رح انت بنصيبك ولا تطلق عوق هي راضيه انها تصير معلقه وانت دور لك حرمه واعرس..! واذا درت الناس ان عوق زعلانه قل انا راضيت حرمتي لكن خليتها عند امها.. والعرب خابره اني وحيده محد بقايل شي .., الا بيقولون كفو من عوق وزيادماتركوا عجوزهم ..! حتى ام ابراهيم بقولها عوق تصالحت مع رجالها لكن بتقعد عندي خلاص اتفقنا..! عوق تبتسم بحب\قولي الي تبين اهم شي انتس رضيتي علي .., ام عوق تبتسم\اي والله رضيت عليتس تدرين ان مالي با الدنيا غيرتس..! يالله روحي تغدي وارقدي قبل العصر والله ان التعب باين بوجهتس انا ما ابي غدا كثرت تمروقهوه..! سلمت على راس امي وايدينها وطلعت لغرفتي..! اهم شي امي رضت علي ما عاد يهمني شي حتى التعب الي كنت احس فيه احس خلاص راح عني..!؟ هل هو فعلن من تأثير رضى امي والا شوفتي لزياد يعتذر لي قوتني.., بناااام على شان اصحى العصر واكلم خوله زميلتي اشوف كيف الوضع با المدرسه..! والبنات وين واصلين با المناهج واطلع المغرب لدكتوره يا كثر اشغالي..! حسبي الله عليه توكلت وهو رب العرش العظيم.. صحيت بعد العصر صليت وكلمت خوله..؟! خوله\ترى متأخرين كثير وبتاخذين ثالث ادبي خمس فصول نحو وبلاغه..! عوق\ لا خوله صعبه علي ثالث وادبي بعد وانا عندي مسؤليات..! خوله\داريه يا عوق انك ما انتي فاضيه مثل قبل زوج وبيت ومسؤليه..! والمديره ما صدقت انك رجعتي..! بس وش نسوي انتي ما شاء الله مدرسه متمكنه..! وعندك قدره على توصيل المعلومه لطالبه بسهوله..؟! اول العام يوم كنتي معانا صراحه البنات نسوا هم البلاغه والنحو ..! ولا واجهتنا شكاوي من صعوبة المواد مثل كل سنه تبارك الله حتى رسوب ماكان فيه..! عوق بضحك\وش رسوبه خوله تدرين احنا بمدرسه اهليه نقعد وراهم لين ينجحون..؟! خوله\اهليه صدق لكن في بنات ما ينرقع لهم مهما تحاولين تدفين با الدرجات توقفين خلاص ما ينفع معاهم..! عوق\ اول العام مسكت ثالث علمي فصلين واولى ثانوي فصلين لكن ثالث ادبي ماعندي خبره..! خوله\عوق لا ثالث ادبي هم الي محتاجينك ومتأخرين..؟! عوق\مو مشكله لكن حاولوا تخففون علي شوي خوله..! وانا شاده الظهر فيك صديقتي ومساعدة المديره اكيد بتسند على ظهر قوي..! خوله\خلاص نشوف بكرا كيف الوضع انتي الاسبوع هذا خوذي المناهج ..! وادخلي للبنات وتتدبر ان شاء الله..! هذا نص شغل اليوم طاح بقى الحين كيف اطلع للمستوصف ..! في الليل ما اقدر اطلع مع السواق الا والشغاله معنا ..! اخاف امي تسألها والخدامه ثرثاره ما تصدق بس احد يسولف معها..؟! طلعت لأامي عوق بتردد\ يمه بطلع لسوق با خذ لبس باكر بباشر با المدرسه تحتاجين سورينا والا اخذها..! ام عوق\معتس وقت تو العصر والا بتأخرين عوق\ اخاف يجي المغرب وانا ما خلصت شغلي..! ام عوق\اجل خلاص خوذيها ولا تأخرين ..! عوق تبتسم \ابشري بسرعه باخذ لي لبس ماني مكثره الشتاء جاي..! ام عوق بضحك\وانتي صادزه الشتاء جاي والبطن بيكبر ولبس اليوم ما ينفع باتسر..! يا الله برزقآ تمده ما يقدر الحاسد يرده..! ما قدرت ارد والا اعلق الا اني ضحكت بسري على تعليق امي ومشيت ودي اعلمتس يا ميمتي بحملي لكن اكيد بتخبرين زياد وانا ما ابيه يدري..! علشان ما ينشب لي هو وجهه يقطع الرجا برجعتي ويطلق من نفسه .., طلعت لسوق وربي يسر بسرعه لقيت لبس وشنط وجزم..! دولابي فاضي الي في بيتي والي تصدقت فيه مافي شي غير قمصان البيت ..! اخذت الي يكفيني ها الفتره..! ما ابي اسحب واجد من رصيد امي احس اني اسرق منها..! على انها كم مره تقول كل الي بحسابي لتس مسامحه فيه دنيا وآخره..! واذا نزل راتبي برجع لأامي كل الي اخذته منها اخاف ما يجوز لي اني اخذ منها من دون علمها حتى لو انها اباحتني وحللتني قبل زواجي بعدها طلعت لدكتوره اشوف النتايج ..! دخلت عندها ماكان في زحمه والممرضه احضرت ملفي..؟ الدكتوره\تحاليلك كلها كويسه مدام عوق والدم نسبته ممتازه وحا اكتب لك على حديد وحمض الفوليك تحسب لفقر الدم ..! عوق\ دكتوره انا في اي شهر..! الدكتوره\انتي في الاسبوع الثامن..! عاوزه اعملك سونار علشان تتطمني على الجنين عوق بملل\ لا انا مستعجله ..! الدكتوره\ان شاء الله في المره الجايه حنعملها لك ..! لكن الي الآن ماشاء الله وضعك مطمن تعالي بعد 4اسابيع من النهار ده .., تبئي خلصتي الشهر التالت وتدخلي في الرابع واهم حاجه الاكل المفيد والراحه.. طلعت بسرعه وصرفت الادويه من الصيدليه ..! واكلت قلبي الخدامه با الاسئله ليش عوق ينزل هنا..! على اني خليتها مع زوجها با السياره علشان لا تسمع ولا تشوف شي الا اني ما سلمت من فضولها...!؟ رجعت للبيت امي كانت جالسه تنتظرني ..! ام عوق بقلق \وراتس تأخرتي روعتيني ..! عوق\لا يمه الشوارع زحمه ولا خلصت بسرعه دخلت الخادمه اغراضي لغرفتي .. ام عوق\ تعالي اجلسي عندي مبطين ما تقهوينا مع بعض..! عوق\ ابشري لكن اخرت صلاة المغرب بصلي وارجع لك نتقهوى صليت وجلست عند امي نتقهوى ونسولف مثل قبل ..؟! عوق بتردد\يمه بقولتس شي يقرقع بقلبي..! ام عوق\ قولي كل شي بسمعه منتس الا انتس ترجعين لزياد عوق\ لا مانيب راجعه وبعدين غريبه ما تبيني ارجع ام عوق\وانا صادقه وش يرجعتس له تقعدين عندي تونسيني وهو ماهو ضايع عقبتس ..! الحريم واجد وان كانه جا اليوم يتعذر ماهو بجاي باتسر ..! بيدور له حرمه وهو تكتور كلن بيقوله ياهلا ومرحبا لا بعد بيكيفون العرب حرمته ماهي عنده هاجه وتاركه بيتها مقابله امها..! عوق بتذمر\ ايه زين الله يوفقه لكن سالفتي غير.., ام عوق بتوجس \ وش عندتس ..!؟ عوق با ارتباك\يمه انا اخذت بطاقة الصراف حقتس وسحبت فلوس مامعي شي..! ام عوق ضحكت\اثا ريتس سروق..! عوق با اعتذار\سامحيني والله انحديت طلعت من بيت زياد يد ورى ويد قدام ماخذت معي ولا شي ...! ام عوق\ ماعليه وانا امتس الخير واجد بعدين انا داريه انتس ساحبه فلوس..ّ.ّ والا وشلون طلعتي لسوق وبطاقتي ما رجعتيها والا تحسبين امتس خرفت ..! عوق بخوف ومحبه\لا يمه بسم الله عليتس والله ما قصدي لكن تخبريني قلبي يوجعني اذا سويت شي انتي ماتدرين عنه..؟ ام عوق\مسموحه يا عويق اليوم ودوم والي تبينه خوذيه والي في خاطرتس سويه..! عوق با امتنان\يا ربي يخليتس لي يمه وبأذن الله من يوم ينزل راتبي ارجع لتس كل الي اخذته..؟ ام عوق\وش ترجعين احفظي دراهمتس وانا امتس محد نا فعتس وانتي وراتس مسؤليه ومصاريف الله يعينتس عليها..! سكت وغيرت الموضوع خفت امي تجيب طاري حملي ..! من يوم قالت مسؤليه عرفت انها تقصد حملي ..! عوق\يمه وش تبين عشا بزين عشاتس واصلي وانام وراي بكرا دوام..! ام عوق\الي تشتهينه صلحيه ما اخالف..! صلحت عشا لأمي وصليت العشا جهزت لبس بكرا ونمت مهدود حيلي من مشوار السوق والمدرسه..., صحيت الفجر وانا احس اني تعبانه واستفرغت حتى حسيت ان روحي طلعت ..! ياربي امس ماكان فيني شي وش جاني اعوذ بالله .., ماصدقت هدت معدتي صليت وتجهزت للمدرسه..! دخلت غرفة امي لقيتها جالسه على كرسيها شكلها توها مخلصه صلاة سلمت على راسها..؟! ام عوق بخوف\ بسم الله وش بلا وجهتس وعيونتس محمره..؟ عوق بتعب\ لا مافيني شي بس ما شبعت نوم..! ام عوق\افطري قبل تطلعين وجهتس اصفر.. . . . (كلمه اخيره) مَتَى رَأيتَ صَآحبَكَ قَد غَضِب, وأخَذَ يتكلَّمُ بِمَآ لآ يصلُح, فلآ ينبغِي أن تعقِدَ عَلى مَآ يقُولُهُ خُنصُرَاً, ولآ أن تُؤآخِذَه بِه,فِإنَّ حَآلَهُ حَآلَ السكرَآن لآ يدرِي مَآ يجرِي, بل انظُر لَه بعَين الرَّحمَة, وتلمَّح تَصرِيفَ القَدرِ لَه, وتفرَّج بِلعِب الطبع بِه, واعلَم أنَّهُ إِذَآ انتبَه نَدم عَلى مَآ جَرَى, وعرفَ لَكَ فضلَ الصبر. ابنُ المقفَّع . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
اللهم آمين...اللهم آمين أسأل الله ان ينصراهل سوريابنصرقريب على الظالم بشاارونهايته قريبه لامحاله لان الظلم زائل((إن الله ليملي للظالم حتى إذااخذه لم يفلته))
أمــا والله إن الظلـم لـؤم ومازال المسيئ هو الظلوم إلى ديـان يـوم الدين نمضي وعند الله تجتمع الخصـوم ستعلم في الحساب إذا التقينا غـداً عند الإله من الملـوم ابـــــــــــداع ام الوليد:55::55::55: عوووووووووووووووق لااحديلووومهاوضعهاصعب مرررره زياااااااادحطمهابوووقت غضب ومن سوءحظ زياااان المشاكل ماجت إلابوووقت الحمل اوالوحــــــــــــــام نفسيه مررره شينه يممممممممممممممه حتى عدوي مابدعي عليهاب الوحــــــام الحمل ب كفه وهو في كفه غيررر..........الوحده تحس انهابتستخف وان كل اللي حوولهاضدهاخاااصه زوجهاتطلع كل النفسيه فيييييه:ydJ05010::welcome_pills2::welcome_pills2: وارجع اقوول اللي جرب الوحااام راح يراعي وضع عوووووووق وام عــــــــوق مومرخه بنتهابس معهاحق هي تفكربمصيرعووووق بعدموووتها:confused::confused: زيــــــــــــــااآأإآآأإد....((زياد يقرب من عوق وبترجي و يمسك كتفها \ طيب عطيني فرصه نتفاهم..., انتي من دخلتي اكلتيني ما ني عارف اسولف معك اسمعي الي عندي واحكمي..؟! عوق بعناد وسخريه وتنفض يده\ما ابي اسمع شي يكفي الي سمعته منك يوم كنت في بيتك..! تووووك دحيين تبي تتفاهم وين التفاهم ماطلع قبل ....اكره شي بحيااتي إذاإنسانةغلط علي وعقب يجي يقووول نتفاهم مع نفسكك بقوووه اللي انكسررصعب يرجع بسهوووله.......... ليــــــــــــــــت الووحاااام ضااارب رووح زيأأأأأأأأدعلشان يعررف يعصب جد مشكــــــــــوووره ام الووليد......ويااااليت يكـــــــــون في بااارت قرريب غيررالسبت احسه بعييدحيييل:confused: هذاإذامافيييه ضغط عليكككك |
سلمت اناملك تعجبني حكمت الوضيحي وبصراحه انا اعتبر روايتك مدرسه كل بارت اتعلم الجديد والمواقف لمن تسمعيها مو مثل التجربه والموقف دائما تتطلب الحكمه
انا متشوقه لرده فعل زياد من عوق وطلب الطلاق وكيف بيعرف انها حامل مع اني اشك انه يعرف |
اقتباس:
الله يحفظك ويزاك الف خير على ها الدعوه الطيبه حقيقه اكثر خراب بيوت البنات وخصوص الي توهم متزوجين اهلهم والحكم من جانب واحد وينساقون ورا زعل بناتهم وكثير والله انخربت بيوتهن وتطلقن وفي الاخير اندموا وحطوا اللوم على اهلهم ليش ماحاولو يصلحون اسعدني مرورك ومتابعتك لروايه |
اقتباس:
اخاف اقطع عنتس الدلع ثم عاد اجيب العيد زياد يستاهل الي ما يتحكم با اعصابه ويتعوذ من ابليس هذا بعض رجال اذا صاربينه وبين زوجته خلاف وفي احد حضر الخلاف يادافع البلا يقلب بسم الله عفريت ماهو الي انتي تعرفينه عاد بنشوف كيف حضرة عوق تخبي الحمل اماعاد والله الوحده لو تعطس ماكذبتي ياليتني حكيمه يا ضمضم الله يرفع قدرتس بس من عوق لزياد.. آقسى { آآلم } .. لآ صـرت بآلحـيل " مجـروووووح ... مـن شخـص حآلـف { مـآتجي منـه زلــهـ ..!! . وانا با انتظارك |
اقتباس:
هلا وغلا ام تركي تدرين انك تحيريني بكل رد تردينه وكنك تقرين افكاري حقيقه انا اشوفها ان الخلاق بين الازواج وخصوص الزوجه يعني حتى لو يتعمد الزوج ويجرحها الا انها تقبل الاعتذار وتحط له مبررات حتى لو ثارت وقالت كلام بلحظات غضب ما ادري يمكن ان الحرمه بطبعها حنون ومضحيه عوق بنشوف كيف تخبي ها الحمل وزياد بييعرف او لا انها حامل وضحى تحاول تمسك زمام الامور وبعدين تأدبهم اثنينهم مرات الانسان يتغاضى عن اشياء حتى لو ما اعجبته علشان تمشي عجلة الحياه اسعدني مرورك ونقاشك الراقي ولك من الاعذار مليارات |
بيب بيب ام الغيوض وصلت السلام عليكم اختي طيف الاحباب في البدايه احب اشكرك على هالروايه الاكثر من رائعة ومدري وش اقول بعد الكلام واجد بس كله طاار المهم ان مافيه احد مثلك انتي ورواياااتك الجميله وبعلق على طول على زيااااااااااااااااااااااااااااااد وجع قلبي ذا الولد يالبيه تكفين حنني قلب ذا الخبلة علية مسكين مامداه يعيش ويتهنا مثل المعاريس اتوقع بعد عوق ترجع له لانه مستحيل يخليها اذا درا انها حاامل والوضيحي لبا قلبها مو مخليتها بعد بتلعب معها لعبه الغيرة وتخلبها ترجع له ان شالله وفي النهاايه احب اشكرك واقول لك انك مبدعه حيل واعذريني على الكلام المخربط بس :ydJ05010::ydJ05010::ydJ05010:
|
السلام عليكم ورحمه الله
كالعاده ام الوليد ابداع ابداع ماشاء الله عليك هنا زياد ماكان الزوج الحلم بجد اشوفه انسان عادي ماتناسبه ردة فعله مع كلامه النظري عن الرضى والمحاضرات اللي قالهم لعوق انسان سيره الحزن للاسف وربما يكون ذكي ويخلي عوف تسيرها الغيره ****** وبعدين طبيب نساء وماعرف مشكله مرته هنا لنا وقفه يازياد هل التطبيق ماتعلمته على ارض الواقع صعب مدري اتخيل زياد هو اللي بيولد عوق فيس ما حب هالفكره بس شكله ******** هل سترجع الغيره عوق لزوجها والا المصيبه موت وضحى وربما تعكس الادوار ويحل انتقام عوق لكرامتها غصب عنها لان حزنها بيسيرها انتظر القادم بشوق وعذرا على الرد السريع لاكن عذري الوقت |
اقتباس:
اللهم امين زياد يستاهل خله علشان يكابر مره ثانيه وش ضره لو قال سكري الموضوع يا نجلا ماهو وقته ام عوق عارفه وش راح يصير لو طاوعت عوق والمشاكل تصير بكل بيت في الي يعدي وفيه لا والله الي يحطم والله اتمنى انفذ طلبكم لكن جدآ مشغوله اسعدني مرورك ونقاشك الراقي |
اقتباس:
يارب اكون ند حسن الظن الكلام دائمآغير الفعل احيان تجي وحده لها مشكلها مع زوجها وتستشير فيها تبي حل شوفي ردود الافعال كيف في والله الي تقول اتركيه واطلبي الطلاق وارمي عياله عليه وووو وهي لو كانت بمكانها ما طبقت شي من كلامها بنشوف كيف يعرف زياد بحمل عوق وهل هو يعرف اولا اسعدني مرورك |
اقتباس:
ياربي لك الحمد في احد متعاطف مع زياد بنشوف وش بتسوي الوضيح فيهم اسعدني مرورك ونقاشك الراقي |
اقتباس:
هلا وغلا الانسان سبحان الله مجموعة متناقضات يعني ماهو دايم الشكل الخارجي يعبر عن داخل ها الانسان بنشوف شخصية زياد من خلال تحليل مجموعه من الشخصيات عنه اماعاد ولادات عوق هذي حفله بروحها بنشوف يولدها زياد او لا الوضيح بنتقم لها لكن هل عوق بتمشي على كلام الوضيح او لا اسعدني مرورك وردك الراقي |
السلام عليكم ...طيوف مبدعه وأبداعك يتجدد في كل باااارت ...أنا أتوقع أن عوق ماراح تسامح وترجع لزياد ألا بعد ماتذوق مرارة الفقد والحزن على أمها فبتعذر زياد وترجع له خاصة بعد ماتحس بالوحده فعلا وأن مالها ألا هو ....أماحاليا فعوق مرتاحه لأقتراح أمها أنها تجلس عندها وماتطلق ويمكن أنها تبي يكون لها خط رجعه في حال ساءت الظروف يظل عندها زوج وسند وخاصه بعد تحملها مسؤلية طفل ..لكن وين أنتقام أم عوق اللي أشرتي له هل هو في حبس عوق عندها عن زياد واللي خذته عوق على أنه حل يريحهاهي وأمها وما فطنت أنه أسلوب عقاب من وضحى لزياد ...بس لوكان هذا هو تفكير أم عوق ليش في البدايه رضت على زياد وعطته مجال يتفاهم مع عوق ليش ماسحبت فيه شوي وبعدين مسكته الباب ..ولاهذا من حكمت العجايز عشان ماتكبر راس بنتها وتقويها على زوجها وهي تدري فالأخير مردها له ...خلاصة القول الوضيحي داهيه ولاينعرف وش وراها ؟؟بس ألأكيد أنك ياأم الوليد تدرين وراح تخبرينا ...بأنتظارك ...وشكرا لك ..وفي حفظ الله ورعايته |
:
ام عوق اخذت اعتراف مبطن من عوق بـ انها رغم ثورتها العارمه ..شيء ما في داخلها لا يريد فقده ..عوق ربما لم تفكر فيه كـ اعتراف زياد تحمل مـ جاءك كماتدين تدان الغرابه وين ..في منطق ام عوق ..فعلا حلها لمشكلة زياد لما قالت اذا زار نجلاء في بيتها تنصحه ..بكذاء تعبد شكوك عن عوق ..بدل ما تطلع بمظهر الضائق ذرعا به ..الى خائفه عليه وحفاظ لـ كبرياء زياد ..كل رجل ما يحب ينصح قدام زوجته .وكأنه طفل .. كثير نساء اعمارهم قاربت التسعين لكن الحكمه في ديره وهم في ديره .... ي هي قويه في حق عوق انك بعد جاي تراضيها بلبس العمل ...ما درت بيوت الناس بلبس العمل وانت تنشر غسيلها ..والاقوى اذا جات بتسامح ..كرامتها قدام الناس متمرمطه ع الاخر مـ توقعت شخصيه عوق كذا ...قويه بس تفهم كل شيء على مزاجها .. كل مقطع اقول الحين بتنهار ...بيغمى عليها ...انتهت المواجه سليمه :) ترى هل بيكون لمشاعل بصمه في القادم |
السلام عليكم ورحمة الله بركاته
مساء الورد والوانه اللهم خذ بشارالاسد اخذ عزير مقتدر وانصر اهل حماه وماجاوراها من الطاغيه بارت حلو وسالفه احلى زين ان عوق تقدرت توقف في وجه زياد اجل انت يازياد بس اللي تعرف تثور وتجرح ذق اللي ذاقتها منك حتى لو كنت تمر بحاله نفسيه سيئه الكلام اللي طلع منك مره يجرح ماادري ليش احس ان الوضيحي متفقه مع زياد على عوق تبيها تحس انها فاقدته وتحن له عا انت تعرفين ياام الوليد حريم نثور ونتكلم ونتحدى وبعد ما تهدأ بكلمه حلوه ننسى اللي صار لو فكر بعقل ام عوق وبدون تحيز لـ احد نقل ام عوق عين العقل هي لو ما راددت زياد ماكان صار اللي صار لو ستكت وبعدين عاتبته ماكانت المشكله كبرت كذا زياد لازم يعرف بحملها يعني بيطلقها وهي حامل ابد ماتجي وهذا فرصتك يازياد استغلها ام الوليد جعل ما تخطينه حجة لك ودمتي مبدعه |
مسااااااااااااااااااااااااااااء السعاااده والخير
عليكم مرحبا طيوووفه الغاليه <<تسمحين اناديتس تسذا خخخخخ عوجتي لساااني اسمحيلي على القطاااعه بس والله ما يفوتني بارت ابد كل بارت اقراه بيومه لبى عيووونش .. شكلش انعديتي من صدووووودي وبديتي تقهرين عوووووق المزاايين لبى عينها ولو ان لسانها طويل حبتين انا معاها في انها تسترد كرامتها لان جرحها بكلااامه بس بعد لازم تعطيه فرصه .. مثل ما عطاها فرصه يوم ضايقته بكلامها وجرحته يوم شككت في انه حتى ما يكون سعودي يعني تساووا في الجرح اكيد بيدري انها حامل .. ما احس انش خليتيه دكتور نسااااا الا ووراش مقصد خخخخخخخخخ واظن يمكن يكون داري من زمان وساكت انها حامل بسبب حزنه على امه .. لبى نمرررر والله اللي بيرجعهم لبعض اتمنى ما تبكيني على ام عوق مثل ما بكيتيني على ام زياد تكفين خليها تعيش وتشوف عالاقل ولد عووق .. خلينا نقول انها ارتاحت وهي تشوف حفيدها تكفين تكفين تكفيييييين لا توجعين قلبي عليها اتوقع ام عوووق بتقعد تعيد وتزيد في انه بيدور غير عوووق .. وانها تبي عوووق لانها تدري كل ممنوع مرغووب .. يني دامهم يقلون عودي بتعيي بس اذا قالوا ما عاد هو بمعود بتقعد تفكر فيه وتغااار بانتظااارش يا الغلاااااا ومره ثانيه اعذريني |
مشاء الله ام الوليد اسلوب بسيط ياسرك حرفه مبدعه
لو في هالدنيا من الوضحي ثنتين تسان الدنيا بخير <ماشاء الله عليها ذكرتني بفراسة جدتي الله يشفيها طلع الحميل من العائله ههههههههههههههه ياربي حكم ودرر كلامها لله درتس يالوضحي فعلن اسوء شي نشر الغسيل قدام الناس بكره تصافون ويبقى الحدث عالق في اذانهم <اكثر شي يتعبني اذا احد فضفض لي من خواتي هي تتصالح وتروح مع رجلها وانا اجلس شايله بقلبي وعرفتي تجيبين راس عويق وتدقين على الوتر الحساس عووووووووووق وطيب بردتي حرتس والله ماعندتس الا هاللسان تلجلجين به وماوراك احد <ياخوفي انتي الا بكره بتروحين دورين زياد وتراهقون صدق ايام الملكه صكت الوضحي والحين بتعوضينها يختي ماثرت فيتس حكمة الوضحي ماتعلمتي لو شوي زيااااااااااااااااااااااااااااااد صدق انك غلطان لكن مدري وش لون بترد عوق اعجبني تصرفك وانك سكت وخليتها تبرد حرتها شو ي منك طيف الله يحفظك ويسعدك ياربي وكل مسلم |
اقتباس:
بنشوف عودة عوق لزياد بتكون كيف هل مرارة الوحده لهادور او لا الوضيح واسلوب العقاب بنشوف كيف تعاقب الوضيح زياد على الي سواه في عوق ويمكن العقاب جماعي للأثنين في البارت القاد بتتبين اشياء كثيره اسعدني مرورك |
| الساعة الآن 07:27 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية