بيت ضاحي بن فهيد \ في أخر العزيمه
في الحوش ,, وقفت الجده وهي تقول بشراسه للشايب – ماني براجعه برقد
عند بنات ناصر
الجد عصب – مالتس لزوم عودي لبيتس يامره
الجده – وهذه بيتي بقعد عند ولدي مابت عند غريب وابي ارقد مع بنات ناصر
الله يبيحه
الجد بقهر وهو يعطيها ظهره ومتجهه للسياره يركب مع ضاحي – الله لايبيحه
كانه ماريحني لاحي ولاميت من شفت وجهه وانا شايفن الضيم
الجده وشوي تبكي – هب عسى ربي مايقبل دعوتك الله يرحمه ويغفرله ولدي
كان مغرر به وانت شبيت فيه الله لايقبل دعوتك
الجد سكر الباب بعصبيه .. والجده مسحت دمعتها .. ومشت داخل بعصاها
وشافت الجو متوتر من دخول صقر للصاله وشيخه جالسه
ووجيهم ماتنتفسر
الجده – وش بلاكم
صقر – اقول لحرمتي امشي معي فوق تقول تخسي خبرتي حرمة تعصى
رجالها ياجده
الجده – يافقر وضحى فقراه ابك انت ماتستحي وش تبا أبها فوق هاه علمني
صقر حس ان جدته فاهمته غلط – لالالا ياجده بعلمها عن ترتيب العرس
الجده جلست جنب شيخه – هاه يالله علمنا وانا معها
صقر كشر .. كان ناوي اليوم مايعدي على خير مع ذا المستلعنه بس الجده
خربت مخطاطته كلها












في الملحق
ساره وهي تنسدح على السرير وهي تنفث الهواء بعشق – حبيته
هند مطت عيونها – منهو
ساره انبطحت على بطنها – من بعد نايف شفتيه
هند تلفتت يمين يسار .. وبسرعه سكرت عليهن باب الغرفه – انتي
انهبلتي صار بعقلتس شي
ساره بسرحان – لابالله غير اني ذبت لين شوشتي
هند كشت بيدها قدام وجهها – هيه هيه صحصحي لاتسمعتس شيخه قسم
لاتردتس على تريله لدوادمي مير ابلعي النعمه واقطعي
ساره وهي تتوعد – ماأكون ساره ان ماخليته يحبني وبتشوفين












في الصاله
شيخه بقهر – تحلم ولولا جدك وابوك ماحلمت بظفري
صقر انقهر وجاء بيتكلم
وقامت تروح لخواتها اللي في المطبخ يساعدن منيره في غسل المواعين
مع الشغالات
شيخه بعصبيه – امشن روحنا معاد قعد احد
وضحى امسحت المويه اللي بيدها وناظرت في اختها .. نوره تناظر في وجهه
شيخه
منيره – والله اني قلت لتسن معاد بقى شي الشغالات بيقومن بالباقي روحن
امرحن واخبر عمتي تبي ترقد عندتسن وتسولف معتسن طيبن خاطرها
وطمننها عليتسن
مشن خواتها معها .. ولقن محمد وصقر وسعد وفارس وعمهن جالسين
مع الجده اللي تعلمهم عن هوشة الجد فهيد
شيخه تقاطعهم – جده حنا بنروح نرقد
العم بو محمد – تعالن يابناتي اقعدن
وضحى – اسمحلنا ياعمي حنا تعابى ونبي نرقد
العم بو محمد – نوم العافي هوانا عمتسن ناقصتسن شي تبن شي
وضحى – خيرك سابق جانا اليوم السواق وجاب من كل شي ماقصرت
العم بو محمد – وان نقصتسن شي علمني
وضحى – ابدن لاتوصي
الجده قامت معهن واتجهن للملحق يرقدن ,, ومانامن غير عقب إستجواب
مطول من الجده عن حالهن وحال ابوهن اللي بكت كثير وهي تسمع أخباره
من بناته وبكن وبكت كثير معهن .. ونامت الجده وهي حاضنتن نوره
وهند
















غرفة صقر
جالس محمد معه وهو يحكيله – وبس بس يشهد بالله طلال ماقصر معي
صقر بعصبيه – يافرقا كل هذه صار لك وانا مادريت كان علمتني ابرد كبدك
فيهن
محمد – خلهن مقصرت فيهن بس انا قررت
صقر رفع حاجب – اللي هو
محمد – برد واخطب موضي
صقر انصدم من القرار – وش هو موضي !!












في بيت سعد بن فهيد \ جناح ضاحي
جاه إتصال من الشرطه مقر عمله .. واللي أستغرب أتصالهم هالوقت
رفع الخط – نعم
الشرطي – طويل العمر فيه مصيبه صارت ياليت تلحقنا
ضاحي فز من فراشه – وش هوووووووووو !!













( إنتظروني في بارت يحمل مفاجأت قادمه .. يوم الخميس بإذنه )

قهر يوم تحمست

خلص البارت





تسلم يمينش على هالاختياار الرووعه

جد وفقتي فيه ..



قصه رووعه .. احب اللي اكشناتها واااجد



ناايف ورااه سر كبير .. هو اللي مخليه يدمن

بس وش دخل صقر ؟؟



ضاحي اظن المكالمه اللي جاته بخصوص نور بنت بوخضر


فهيد ما ادري ليه احسه هو وسلطان

بياخذون نوره ووضحى

لان سلطان بما انه حزين ووحيد بيرأف لحال وضوح ..

هند لفاارس ..



بانتظار البارت على نـــار

تسلميييين ي عبق الرياحين ع الرد
فديتك لآ خلا ولآ عدم :)

يعطيك الف عااافيه 