|
هلا الحامل والمحمول
هلا وغلا بدهن العود http://dc12.arabsh.com/i/02974/szn2obbeahz0.jpg وريحة البخور من قطر هلا ببنت الخليج والفخر هلا بنت البوادي والبحر شلونك يا الغلا تتفاجيئن لو قلت لك إني متابعة جديدة لروايتك كنت انتظرها تنتهي وأراها مرة وحدة بس لم قريت إنك عائدة قررت أرها وما تحسفت بس عندي تعليق بسيط إن شاء الله تتقبلينه بصدر رحب ألاحظ أبطالك يضربون زوجاتهم على الفاضي والمليان..... ما راح أقولك إن هذا ما يصير ومبالغ فيه ، لكن أولك إن هذا يسبب الجفا الزوجة أكره ما عندها زوجها يمد يده عليها وأنتي ما قصرتي لا من لطام ولا فلاح ولا نايف ولا ناصر حتى نهار ضرب ثمينة..... الزوجة إلي يضربها رجلها تشيل في خاطرها عليه لو هي تعشق التراب إللي يمشي عليه...... والضرب لا هو من شرع الله ولا سنة رسولة بالعكس الرسول عليه أفضل الصلاة والسلام قال رفقا بالقوارير.... المهم يا قلبي متابعينك لا تطولي علينا الغية ترا ما عاد فينا صبر شكر يا الخنينة دهن عود http://rooosana.ps/Down.php?d=ndodt |
رد: غضو النظر عني تراني حلاله
السلام عليكم ورحمة الله وبركاته
ياحيالله شدونه وآخر الغيبات. ولا بنحبسك لين تخلصين الروايه وبعدهاااا الله يسمح أمرنا وامرك يابنت الحلال وش جرالك .......لعبتي بال لطام لعب تمسكهم واحد واحد لطام وشاهه .........واخيرااا يالشايب خلاص بركت ونوخت عند شاهه وقمت تلصق فيها عقب الخناق ودببة الكبد عز الله صدق الي قال ان الزين مرحوم ههه بس حلوة من المراقب الدولي ام سعد يوم مسكنكم متلبسين مع أني اجزم انها متشققه من الوناسه بس طبع العجز يموتون على النقد والتلبيخ يالله الحمدلله أنكم ركدتوا وخليتوا خبالكم اول والله يخليلكم بداح وسعد ثمينه الله يرحم ضعفك ويخليك لامك وأبوك ولا نهار حزنه عليك مثل طقة الكوع حاااااارة وتوووووووجع. بس تبرد بسرعه ولا له اثر هو الحين ذابحه انه هو سبب موتة ولده والي جرالك قليل من الرجال الي يذبحه حزنه على مرته مانذكر الا نمر بن عدوان وشاعر نسيت اسمه وبس نهاااااار عساك مستأنس الحين ابوك وهو الي يقرر حياة اختك مع صقر منتب صاير تحب اختك اكثر من ابوك. ياخوفي انهم يزوجونك انت من خوات او بنات عم صقر لو جرى لثمينه شي ....... حصه وفلاح. يابري حالي عليك ياحصه طلاق ويقول انه معرس وقاعده عنده لجل يمكن انه يردك ويراجعك كل هالحمل بقلبك ولا شكيتي لو لامك وعمرك كم ياقلبي وكل هالحمول على متنك مقيوله. حظ امك حطه بكمك. جاك ماجا امك من طلاق بس ياصبرك لو انا منك كان سويت شي يحرق قلبه وطلعت ماعلي لوم.... رجلي ومعرس علي يتكسر سيااارته حووووس اي شي شي بس ابرد شوي من حرتي وش حصلتي من قعدتك عنده لاهو راجعك ولا سلمتي من هزبه لك وكملها بهالفشيله قدام امه وابوه والي قهرني للحين ترجين انه يرجعك يابنة الحلال كانه عايف مره عيفيه الف مره ولو لكم نصيب بعض لو وش مانقطع ضفي قشش عساه عقبه قليل المروه لو وش ماسوى سواته ولا يقول علشانها هو حرها بطاري العرس اول ماسقطت امحق من حب وغلا يالصديع....... فهاد وعلياء الحمدلله جاها ماجا خواتها بدت علامات الحب والعشق يقولون اول الحب رحمة مدام انك رحمتيه ابشرك بيجي لطام وشاهه (2) بيت عمك سعد جوااهر وعساف هذولا الي عجزت افهم وش الي جرى لهم ام جواهر وش هالعمله بنتك لو شايفتها شوف العين سترتي عليها ماهو تقوين إخوانها عليها وتحرشينهم عليها وعقب تهدينهم عليها لا والحين نايف يتوعد بالذبح انتي الي فضحني بنتك بيدك والغريب انك سترتي على وضحى يوم جتك وهي في دعواها ذبح رجال بيتها وعندهاااا لحظه لحظه لا تكونين ان وضحى ربتها مثلها بس وضحى طلعت بريه من كل الي صااار مدري عجزت افهم جواهر الي حصلهاااا غريب لو هي مرت ابو ماسوت سواتها ام ناصر ...... ناصر صح بعلو حسك ولا هو نافع يالخبل اختك لحمك توطاه تقل ثورن هااايج تركد وافهم واانشدها وأجمعها مع عساف لا لقيت عليها او فيها خمال الله عطاك يمناك سو الي تبي بس على طول تكسره ياليت عساف منطيك مثل مأخذت منك جواهر والحين تصيح عند وضحى صح عساك ماسكت شعر وجهك ولحمك تعمل به هالعمل ماينشره عليك وانت تعرس مرتين على وضحى وانت خاير بلاك بس فضحت روووحك نايف الي سويته حلالك ولا حدن يقدر يقول لك شي بس يانايف الرحمة حلوة وش ضرك لو كلمتها كلام حلو كان هي من نفسها جتك بس تفجعها وانت خابر الي حصل اول وكملتها بهالضربه وووونعم على هاليمين عساها الكسر بس خابر لا ابو ولا اخو لو انهم لو فيه مثل قلتهم بنغير اسم الروايه. غضوا النظرعني يكسرني لأني حلاله تسلمين شدونه على هالروايه الي شدتنا من اول بارت وننتظر نهايتها بكل شوووووق* |
رد: غضو النظر عني تراني حلاله
يعطيك العافيه شدونه
بارت ارئع بس عندي سؤال ابطال الروايه متعلمين ودارسين ولا الجهل لاعبن فيهم ليس التحضر يربي الرجال ولا كن تعلم الدين وعلومه وقوانينه وواجبته ماتردعهم عن مثل هالتصرفات ضرب حريمهم خواتهم مثل السلام عندهم للاسف فيه ناس كثير مثل ابطال هالقصه للاسف اعجبتني حصه وقوية شخصيتها ماشاء الله عليها تبي اذا طلعت مايصير عليها الشينه والعيب بيصير بوجه فلاح الجوهره وش ذنبها للهدرجه امها مرخصتها وتبي الفكه ولا وش سالفتها ننتظر بقية ابطال الروايه ومايحدث لهم تكفين لاتبطين علينا تحمسنا ترى :) |
رد: غضو النظر عني تراني حلاله
السلام عليكم
يعااااافيك ربي يالغلا علئ هالبارت واخييييرآ نزل البارت زمان عن هالابداع لطام&شاهه ووه وه بس لبى قلوبكم بس الله لايغير عليكم ثمينه&نهار نهااار جد يكسر الخااااطر يحسبوون اللي فيه احسس بالذنب بس مادروو ان كل اوجااااع الدنيا فيها ثمينه يمكن ماتسمع او ماتكلم يارب تشفى بدون ان تفقد اي حاسه فقده لولدها اكبر فقد فلاح &حصه ليه هذا كله عقب الحب اللي بينهم جد فلاح حقير معها يجرح تحت مسمى صلحتها انا اتوقع انه كانت دوره عااادي او انه يتعااالج عند شيخ بس سالفة ان فيه مره لالا ابد موب متزووج بس حركته مع حصه مالها داعي ياليت يرجعها قبل لايكبر هالشي نايف &دلال له له وش اللي قلبك عليها ومهما سوت ماتئدبها بالضرب علئ انه كان مافيه مثله بس مدري وش اللي قلبه ناصر&ضحه رائعه ياوضحه زوجه رائعه انتيً ناصر صارح ماينلام ابد منجرح من اخته بشكل كبير السالفه كبير الله يعين جي جي بس عساف &جواهر ام جواهر هذي صراحه مدري وش تحس به طيب استري على بنتك مو تشرشحينها وتشوووهين سمعته ادري قلبك منحرق بس ولاو انتي فهمتي كل شي بالعكس وطرتي بالعجه عسااااف ذايب ومنتهي والخبل اللي عنده بعد ذايبه بس لو يتحرك ويرووح لهلها ويقوولهم وش السالفه هم فاهمممين خطا جي جي ياحياتي اوجع شي الظلم ولا من اقرب الناس بعد لو انه مسويه شي على تقول انا استاهل بس مظلووومه وربي ادعي ربك يفرجها عليك ويعااااافيك ربي شدوونه دمتم بود |
رد: غضو النظر عني تراني حلاله
السلام عليكم و رحمه الله و بركاته
قراء غضو النظر ... لاهنتوا يارب بلاش ردود مخالفه حتى ما اضطر اغلق الروايه للمره .....؟؟؟ و هالشيء يضايق دهن العود و يضايقنا جدا ...... |
| الساعة الآن 09:48 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية