|
اقتباس:
اعتذر عن تسرعي بالرد عليك وكلامي لكن انا بالنسبه لي موضوع عبد العزيز حساس مره وكثير اقولهم مات واتوقع اكثر من رد قلت كذا بس اصراراك ولو ادققي باسلوبك كان كانه اسلوب امر مو مشاوره بس عالعموم مااحب احد يزعل مني وتقبلي اعتذاري |
المفروض كان انو اخلص اختبارتي الاربعاء بس اتاجلت ماده لسبت فماقدرت اكتب اكثر من هالبارت القصير اتمنى يعجبكم واوعدكم بواحد اطول الاحد او الاثنين
لانو وعدتكم ماحبيت اخلف وعدي لكم رغم اختباري بكره بس نزلت لكم هالبارت الصغنون اتمنى يعجبكم دعوووووووووووووواتكم (الجزء الرابع والعشرون ) (الجزء الاولى ) صباح الجمعه (مجلس ابو ركان ) دخل بخوف وقلق :عسى ماشر ياجدي وش عندك جلس ابو سالم وبهدوء :اجلس ياعمر وانا ابوك مافيه شي بس بغيتك بموضوع عمر قام اخذ دلة القهوه قهوى جده وصب له فنجال وجلس :والله خوفتني يعني طالبني قبل صلاة الجمعه بهالسرعه وحنا كلنا مجتمعين عندك بعد الصلاه خوفتني ابوسالم بهدوء حط الفنجال :طلبتك ياابوك وانك ماترديني وانا قصدك عن خلق الله وانك تعز شيبتي ومانب شارب فنجالك عمر بحميه :تم وجاك لو عمري يالغالي والحق ومايلحق بس اشرب فنجالك ابو سالم بقلق :اجل هالامانه من رقبتي لرقبتك عمر بحميه :وانا لها كفو ابو سالم بهدوء وهو يشرب فنجال القهوه :شربت فنجالك وانت امانتك بنت خالك لك من رقبتي لرقبتك وعليك تحفظ عيال عبد العزيز انصدم عمر بدون ولاكلمه هو تممه وقاله جاك لكن ماتوقع يكون هذا الموضوع ابداحس راسه صدع م المووع يكفيه اختفاء جومانه اللي مااحد راضي يقوله وينها فيه مايبي يظلم رغد يكفي الظلم اللي جاها من عبد العزيز بس لازم يتصرف بعقل بصوت ثابت :بسالك سؤال وابيك تجاوبني بصراحه ابو سالم بهدوء :اسال وانا ابوك عمر بثبات :ليش انا بالذات وليش مصر انك تزوج رغد بالاول عبد العزيز والان انا تبي تزوجني اياها وهي ماكملت شهرين من العده حتى عيالها بالمستشفى ابغى افهم اسبابك ياجدي ترى الحياه مو مثل مانت متخيل تحدد مصير ناس لاسبابك ابو سالم بتعب نزل راسه بهدوء :ياولدي البنت شخصيتها قويه ومهمها كلام الناس انا والله خايف عليها من كلامهم وبعدين وضع عيالها لو يكبرو تعرف كلام الناس مايرحم ورغد مايهمها احد انا خايف على مستقبلها ومستقبل عيالها لاعندها اخ ولااب وهذا يخلي الناس تتكلم اكثر ارمله وعندها عيال وبالتمريض رايحه جايه كلام الناس وانا ابوك مايرحم وانت رجل والنعم بحالك وتقدر تغير امور كثيره تنهد عمر بتعب وهو يمسح راسه اللي يحسه ثقل من الموضوع تنهد وبصوت ثابت رغم التعب النفسي اللي سببه له الموضوع :امعني ياجدي كل اللي اطلبه منك لاتفتح الموضوع ولاتقول لااحد ولاحتى تطري انك قلت لي انا بجي اخطب بالوقت المناسب على الاقل عيالها يطلعو وماتحس ان الموضوع متعلق فيك انا بحاول اتصرف ابتسم الجد براحه :انا اعرف انك كفو وماتردني ابتسم عمر بتعب وقام :يلاه انا بسبقك للمسجد طلع بدون مايسمع رد جده يحس بختناق كل ماله يزيد بس هو اقوى من أي مشاعر ممكن تخنقه مشى بخطوات ثابته عكس العواصف اللي داخله والتعب النفسي اللي خنقه وصل المسجد تعوذ من ابليس وراح يتوضاء هو كان يتمنى احد يقوله مكان جومانه واللحين يبونه يرتبط بوحده غيرها هو تمم جده ومايمديه ابدا يتراجع بكلمته طول عمره كلمته وحده تنهد بتعب وبداء يتوضاء دخل المسجد مسك المصحف وبداء يقرا ء سورة الكهف وهو يحاول يتنسى كل شي (بيت ابو ركان ) صرخت بحماس وهي تمسك بطنها اللي وجعتها من الصرخه :مااتخيل نواف واماني واي بيسيرون ثنائي رغد ناظرتها بثقل وبصوت هاد ي:حنان تعرفي تسكتي باقي مااخذنا راي البنت خليني اقيس نبضها بعدين يسير خير حنان بضحكه وهي تجلس عالسرير :شسوي متحمسه والله وفرحانه لنوافو لفت رغد شعرها ناظرة نفسها بالمرايه وسرحت الان تحمل لقب مطلق وام لولدين بدون اب كل مالها حياتها تتعقد اكثر ناظرة بعيونها باصرار بس انا اقوى من أي ضربه ممكن تضرني ومو لاني حرمه بضعف ياما حريم اقوى من مية رجال ويام حريم ارامل ربو عيالهم وخلاهم رجال اه ياعيال كيف بقدر اربيكم كيف بخليكم رجال ومايقلون تربيت مره ناظرة رغد شافت نظرتها التايه وهي تناظر نفسها رغد قويه بس مستحيل وحده راح تتحمل الحياه بولدين بدون رجال يسندها صعبه تربية العيال اتمنى يارغد ربي يرزقك بالرجال مع انو متاكده جدي وعمامي ماراح يسكتون قامت حنان وبابتسامه :يلا ننزل اكيد بدو يجون رغد بصوت تايه :انزلي والحقك انا تنهدت حنان بالم على حال اختها تدري ان وفاة عبد العزيز ماهزتها وكانت اقوى لكن عيالها بدو يكسرونها سارت تايه وهاديه بس الله يستر يالغاليه (مجلس الرجال ) همس سلطان لسعد :تعال ابغاك برى طلع سلطان بثبات لحقه سعد بقلق الله يستر شاف سلطان واقف عند السياره ومعطيه ظهره سعد بخوف :وش فيه لف له سلطان بثبات :ابغى مريم تنهد سعد وبالم :سلطان مارضت تكلمن حنا حاولنا قاطعه سلطان بثبات :خليها تطلع اللحين انا حجزت وبنسافر سعد بصدمه :انت وش تقول سلطان بصوت ثابت قوي :اسمعني حالة مريم مالها تساهل حالتها كل مالها تتراجع انتم شفتو لمن كانت معي تقدمت اشوي انتم بس عطوني هالفرصه واوعدكم اذا مارضت بعدين بتركها سعد باقي بحالة الصدمه :شلون هي ماهي راضيه تقابلك كيف تبيها تسافر معك سلطان تنهد :سعد انا تعبت حجزت لنا بس انت خلها تيجي معي بعالجها بطريقتي بس انت اجبرها تقابلين سعد لف وجه عنه :اسف سلطان مااقدر اجبر اختي انفعل سلطان بوصت عالي :سعد ماتبي اختك تتعالج سعد بنفعال اكثر :مو غصب عنها اذا كان مو بنفسها مستحيل ارضى صرخ سلطان :تدري انه ذنبكم خلتيوها على هواها بدون علاج ولو انكم ضغطو عليها شوي كان اللحين اتعالجت كيف تفهم الللي فيها مرض مرض نفسي يحتاج يتعالج وانتم منتظرين رايها اللشخص بهالحاله مااحد ينتظر رايه افهمني ياسعد انا ابي مريم تعبت ومافي حل الا نجبرها ومع الوقت بتتحمل اهمني ياااخي انتم قطع كلامهم جاسم :استهدو بالله ايش فيكم خلاص انا سمعت كلامكم ناظر بسعد اللي يمسح على راسه وسلطان اللي ياخذ نفس كمل بهدوء وهو يلف :سلطان تعال معي مريم بالبيت تعال خذها قرب سعد من جاسم ومسكة ياقة ثوبه :ليش اختك ماعندها اخون جاسم سحب نفس من سعد وبهدوء :اذكر الله اول مسح سعد على وجهه وهو يستغفر وسلطان واقف مكتف ايدينه ينتظرهم تكلم جاسم بعقل :سعد سلطان صادق احنا سكتنا على حالة مريم من زمان والمفروض نجبرها بس حنا تساهلنا ناظر بسلطان قدا ياولد عمتي ابتسم سلطان وهو يناظر سعد :وقدود وانا واثق ناظرو بسعد اللي نزل راسه ينتظرو رده تنهد بتعب :تكفى سلطان مافينا ضربه ثانيه حطها بعيونك ابتسم سلطان براحه وهو يحط يده على اكتاف سعد :ازهلها جاسم بابتسامه :يلا نروح بس كيف تقنعها ابتسم سلطان :سر المهنه ومشوا رايحين لبيت ابو ماجد (داخل البيت المقلط ) جلست جنب موني بابتسامه :امون تعالي ابيك ابتسمت موني وقامت معها راحو الغرفه اللي جنب المطبخ جلسو فيها موني حست الوضع فيه شي غريب ابتسمت رغد وبدون مقدمات :نواف يبي يتقدم لك شهقت موني وناظرت رغد بصدمه ضحكة رغد :بسم الله عليك يابنت عمي وش فيك بلعت موني ريقها نزلت راسها انصدمت رغد وهي تشوف دموعها اطيح على ايدينها رفعت وجه موني باصابعها :وش فيك موني انهارت اماني تبكي وتشهق وهي مغطيه عيونها بايدينها ماعرفت رغد ايش تسوي موني ماتعرف ايش فيها بسكانت حاسه انها بتنفجر تبي تبكي بدون ماتوقف تحس مثل القنبله بقلبها وانفجرت سارت تبكي ورغد جالسه جانبها ساكته موعارفه مشاعرها متضاربه معقوله لهدرجه يحبها انه يرجع لها يعني حبها بصدق ماكان يلعب عليها مثل ماتوقعت لمن تركته ماتنكر انها الى الان تموت فيه تعشق ترابه بس متوتره مستانسه متضايقه ماتدري ايش فيها مشاعر مختلفه مختلطه خلتها تبكي تخيل لمن يختفي احد من حياتك بعد ماتفقد الامل تلاقاه باقي بييك وراجع علشانك انت وبس انسان اتوقعته انتهى بس هو اثبت لك انه كل هالوقت بالانتظار اخذت نفس قوي مسحت دموعها قلب وجهاا احمر من الجل ردت فعلها كانت غريبه بالنسبه لرغد ناظرتها يمكن الحب الشعور اللي ماعرفته طلال كان طيش وعبد العزيز كان تحدي ماحاولت تعرف ايش في موني لانها مهما حاولت ماارح تعرف ايش يعني حب شي ماعاشته مستحيل تعرف مشاعره او تحسها شافتها وهي تمسح وججها وهو محمر ابتسمت رغد وبخبث :شكلك ماتبين نواف خلاص اجل ندور له وحده ثانيه صرخت موني بدون شعور :لا والله ابيه ناظرتها رغد بضحكه نزلت موني راسها بخجل رغد بابتسامه :يعني نطقي نار المشتاق ونقوله توكل على الله وتقدم تنهدت موني بحب ونزلت راسها رغد بجديه :موني استخيري اول ابتسمت موني وبصوت خجول :انا كل مره على سجادتي ادعي اذا فيه خيره ربي يجيبه واذا مافيه خيره الله يصرفه وهذا ربي رجعه لي اخذت نفس ووجها احمر تحس ابتسامتها تيبست من الخجل قامت بسرعه ضحكة رغد الله يوفقكم مسكت جوالها بدق على نواف بس هونت تبي تشوف ردت فعله وجها لوجه قامت ودخلت الصاله الكل موجود الا مها وامها وهدى علشان انفاس مهاومريم اللي ببيتهم شافت موني اللي السه ووجهها احمر دانيه ورون وريوف يسولفو وهي ساكته سرحانه اشرت حنان لرغد بس رغد رفعت حواجبها ولفت عنها نذاله (بيت ابو ماجد ) دخلو البيت جاسم لف لسلطان :هاه تدخل لحالك ابتسم سلطان :ايه بس لازم نستعجل الطياره العصر جاسم بضحكه :يالمجنون حتى ماقلت لاحد ضحك سلطان :لاتخاف جدي تولى الموضوع وقال للكل جاسم بغمزه :عرفت من تختار دفه سلطان :يلا بسرعه شوفها جاسم مشى :تعال معي بوصلك لها طلعو الدرج وراحو لغرفته رجع جاسم وهو ياشر عالغرفه اخذ نفس سلطان ودخل جالسه وشعرها على وجهها بالبجامه وتقرا كتاب اول ماحست بالباب رفعت راسها اول ماشفته رجف قلبها غمضت عيونها ونزلت راسها وشعرها طاح على وجهها يمكن من كثر التفكير اتوهمته قدامها فتحت عيونها وثبتت الكتاب بيدها تبي ترجع تقرا تضيع هالافكار واقف يتاملها خياف يخسرها بس هو مستعد يخسر الدنيا ولايخسرها شكلها جننه بشعرها المنتثر على وجهها وبجامتها الزرقاء طالعه عليها غير قرب بهدوء وهو مسحور فيها جلس قدامها حست فيه ورجعت يعني واقع مو خيال بدون ماتهمه ردت فعلها وانتفاضتها دخل يده بشعرها واصابعه تخلل شعرها وبصوت هادي حنون :ضعت انا بعدك يامريم عيونها مغمضتها ودموعها تنزل دمعه دمعه تحرق قلبه قبل قلبها بصوت يرجف مخنوق بين دموعها وشهقااتها وارتجافت شفايفها وجسمها اللي ينتفض :سلطان همس بحب وهو يبوس جبهتها :لبيه ياروح انتفظت اقوى من الاولى وانهارت تبكي :انت تعبتني تعبتني لاتذبحني بقربك تكفى سلطان ضمها له بقوى وهو يهمس بحب وحنان :تكفين هالفرصه بس غيري نفسك علشاني تكفين انا مو قادر اعيش بدونك شهقة بقوى قربه نار وبعده ونار وحياتها جحيم مو قادره تتحمل أي شي بعدها بهدوء وبحب وهو يمسح دموعها :قومي جهزي شنطك بنسافر وقفت مريم بنقزه لفت له وبصوت قوي :اطلع برى انصدم سلطان ماتوقع هالعدائيه بعد ركودها بحضنه همس :مريم مريم بصوت قوي قوه ماتدري من وين جابتها حست انها تعبت ماتبيه خلاص تتعب بعيد ولاتنحرق من قربه :قلت لك اطلع مالك علاقه فيني يااخي ماابيك طلق انت عارف انهم جبروني عليك واانا ماابيك سلطان تمالك نفسه وقف بصرامه توقع الحنيه تمشي معها بس شكلها ماعرفت سلطان زين بصوته الجهور :دقايق شنطتك جاهز بسرعه خافت من صوته بس حاولت تقوي نفسها :ماني بطالعه معك قرب منها وسحبها من ذراعها وبقوى وبين اسنانه :اللي خلقني تراك ماعرفتي سلطان انا كنت متساهل معك بس اللحين تقومي تجهزي اغراضك بسرعه ترك يدها ولف عالباب دقايق القاك وراي مريم بنفعال وهي تبكي بدون ماتحاسب على كلامها :مايحق لك بخليهم يطلقوني منك بقول انك منت رجال بقولهم انك ناقص لف لها والشرار يتطاير من عيونه :انتي ماتستهالي شي بس باخذك غصب عنك اذا كانت السالفه بالاولى حب وخوف عليك اللحين هي اصرار اربيك من جديد ومعلومه بقولك اياها انا سليم مافيني شي وكل هذا سويته علشان تجلسين ناظرت فيه بصدمه كل شي اقوى منها مستحيل ليش يكذب علي وانا ايش اللي قلته ليه اجرحه انهارت تبكي مسكها من كتفها وبنفعال وبصوته الجهور :اللحين اذا ملميتي اغراضك بضربك ومااحد هنا غيرنا فاهمه يلا لمي لبسك وانا هنا وقف عند الباب مستحيل يسويها ويمد يده عليها هي خلت اعصابه تفلت منه بس لازم يعطيها درس وتعرف ان الدنيا ماتنتهي على ماضي رحمها وهو يشوفها تبكي وتنتفض وتلم ملابسها وتشهق لف وجهه مايبي يضعف ويروح يضمها لمت اغراضها خوف منه اول مره تشوفه كذا اصلا الرجال كلهم وحوش اتحس مثل الجرح اللي ينفتح بقلبها كل ماله يزيد ويذبحها كل ماله الالم يزيد اكثر لمت كل شي لبست عبايتها واخذت شنطتها وبصوت مخنوق :خلصت مشى وهو معطيها ظهره وبصوته الجهور :قدامي نزلت وهي تسحب شنطتها نزل وقلبه معها يحس بخطواتها المهتزه وراه وصوت شهقاتها اللي تخترق قلبه بسس لازم يكون حازم شاف عمه ابو ماجد وماجد وسعد مااستغرب اكيد يجو يودعونها تنهد خايف انهم يوقفوها ومايقدر ياخذها ناظرهم بقلق وبعد عنها اول ماشافت ابوها رمت شنطتها وجرت ورى ابوها وهي تبكي :يبه ماابي اروح معه ابو ماجد هو خايف عليها بس كلام ابوه اقنعه الى متى وهم متساهلين الوضع محتاج حزم وسلطان هو اللي فوقهم عالموضوع تكلم بصوت قوي وهو يمسكها من ايدينها ويحطها قدامه :الله يسهل لك يابنتي روحي مع زوجك رجعت بصدمه ناظرت باخونها ولاواحد تحرك قرب منها سعد يسلم عليها تركته وراحت تطلع من البيت خلاص باعوها بهالسهوله تنهد براحه خاف انهم يضعفو بس اول ماراحت مريم كل الانظار عليه رجع لشنطتها سحبها وهو يبتسم يطمنهم :لاتخافو انا قدها باس راس خاله وسلم على اخوانها طلع لاقاها واقفه وجسمها يهتز عرف انها تبكي مر جاسم من جنبهم ركب السياره اشر سلطان لها عالسياره وركبت جاسم بيوصلهم المطار والله يستر من الجاي العصر (المستشفى ) (الحضانه ) واقفه تتامل فيهم وعيونها مليانه دموع عزام نسخة عبد العزيز اتمنت الزمن وقف وهذا عبد العزيز لمن جابته زادت حرقة قلبها تشوف عياله اللي كان يتمنى يشوفهم راح بدون مايعرف حتى انه خلف له ذريه بالدنيا صعب لمن تعرف شخص متعلق بشي ولمن يرحل تعرف ان الشئ هذا سار حرقه لقلبك وكيف حرقة ام على ولدها راح وهذول عياله كل ماشافتهم شافت ابوهم لابغت تشمه تشمهم لابغت تناديه نادتهم مسحت عيونها من تت البرقع حست بيدين حنونه على اكتافها لفت له ابتسم بحب :فديت ترابك يمه بدون دموع هذول عيال الغالي الله يرحمه بكت وبصوت مخنوق :من لهم بعد ابوهم ياولدي من يربيهم عالمرجله عمر المره ماتربي رجال تنهد فهد من هالاسطوانه :قلت لكم انا رجل متزوج واحب زوجتي وماراح اتزوج عليها وعيال اخوي ماني مقصر فيهم ام عبد العزيز بصوت مخنوق :لاتزوجت المره فهد بثبات :عيالنا عندنا ماحنا بقاصرين عليهم ربت على اكتفها بحنان :يمه لاتفكري ببعيد ادعي لهم ربي يسلمهم وبعدين الحمد الله حالتهم كويسه احمدي الله على حالهم ام عبد العزيز تمسح دموعها :الحمد الله الحمد الله لفت تناظرهم اتذكرت لمن بلغوها بولادت رغد كانت تجري خايفه وتبكي تدعي من كل قلبها عند غرفة الولاده يارب ياكريم حرمتني من ولدي لاتحرمني من عياله يومين كاملت ورغد بغرفة الولاده تعاني وام عبد العزيز مو راضيه تترك المستشفى كيف تترك عيال ظناها اللي راحه وخلفهم لاول مره بعد وفاة عبد العزيز تزغرت من كل قلبها لمن بشروها بولدين ماهتمت هي وين او ايش بيقولو العالم فرحتها انه بقى من ريحة ولدها غير راح وخلف لها مين يذكرها فيه مع انها ام ومستحيل تنسى ظنها اللي فرحها كثر حلف رغد انهم هم اللي يسمونهم ولمن شافتهم اتعلقت فيهم اكثر عزام نسخة عبد العزيز وهو طفل انتشلها من افكارها فهد وهو يضحك :بالله شوفي فهد مو طالع لعمه مزيون ابتسمت بحب :والله لو طلع لعمه يحمد ربه الله لايخليني من حنيتك ياولدي تنهد بالم لا يمه الله لايكتب لهم يكنون نسخة عمهم اللي ضاع ولا له رجعه (بيت مطلق ) دخلن مع بعض حنان ورغد وحنان باقي تزن من الظهر نفسها تعرف ايش ردت موني وش سار ورغد معنده دخلو لقو جدهم قربت حنان باست فوق راسه قربت رغد بتسلم عليه حط يده بينها وبينه وبصوت قوي :رغد وش اللي سمعته رغد بقلق مع انها واقفه ثابت :وش ياجدي الشيخ مطلق بثبات :التمريض يابنت حصه ماعدتي هذيك البنت انت اللحين ام وارمله انتهى البارت نلتقي الاحد او الاثنين بالجزء الثاني |
يسلمو حسوسة مافصرتي والله ومعذورة يالغلا اصلا حتى لو مانزلتي البارت اكيد بننتظرك لين تخلصين اختباراتك الله يوفقك يارب ومايروح تعبك ويسهل لك كل صعب ..ومرة انبسطت يوم في بارت الاحد او الاثنين راح ننتظرك واكيد في احداث مميزة جاية بالطريق
عمر مايقدر يتراجع عن وعده مع اني اشوف زواجه احسن من انو يضيع عمره بدون عيال بس بعد مالهم حق اهل جمنة يخفوها عن زوجها .......اتوقع لو عمر تزوج راح يرجعو جمانة مكانها لانهم خايفين عليه والسنين تجري وهو لاولد ولا تلد دافن عمره بهالشغل ........ اتمنى من كل قلبي يتم هالزواج احس حياة عمر بتتغير بسبب وجود اطفال بحياته وبسبب رغد الانثى القوية على الاقل هي نقيض جمانة الي فقدت عقلها بسبب الحادث الي راح فيه ابوها وولدها ...والله العالم جمانة كم بتعيش لو لها امل بالعلاج كان قلنا ظلم بس سنين وحالها ماتغير ومالها اي امل ترجع مل قبل رغد اكيد بتظل على عنادها بس اذا تبي مصلحة عيالها توافق .......... طلالوه مابيتركها واي شي بيسويه بيشوه سمعتها والناس بتاكلها لانها ارملة وتروح وتجي على كيفها دوامها الي اكيد بيكون شفتات وماادري كيف بتسوي مع عيالها ي عني حياتها معفوسة رغد مابتضحي بعيالها لو تزوجت من برة العيلة مابيتركون عيالها لها بس لو تزوجت عمر مااحد بيتكلم بعد كلام الجد عجبني تفكير عمر مايبي رغد تحس انو جدها قاعد يعرضها من واحد لواحد يبي يحفظ كرامتها ورغد مابتوافق برضاها اكيد في شي بيجبرها بس مااقدر اخمن هل بيستغلون عيالها علشان توافق وطلال الخسيس هل بيخلي الزواج يمر بدون مايدمره او مابيعرف الا اذا تم الموضوع والله محتارة واخاف كل توقعاتي تكون غلط بس راح ننتظر ونشوف الي مخبيته لنا ياحسوسة موني واخيرا قالت رايها واستقرت والله يتمم عليها اممممممم اعتقد رغد بتتنيذل على نواف وتحرق اعصابه وبعدين بتزف له البشرى ومتحمسة لردة فعله بس ياخوفي اهلها هم الي يرفضون ويصدمونا سلطان عجبني بالي سواه الي متى ومريم على هالحال وماحد مسوي شي هي موطبيعية يتركوها على هواها الي فيها مرض اذا ماتعالجت منه بتدهور حالتها ويمكن حتى تنهي حياتها لانها تشوف حالها ماتستاهل تعيش مثل بنات جيلها سلطان بيكون صارم معاها بس هي المستفيدة في الاخير دام حالتها لها حل لازم تتعالج وننتظر مريم الجديدة فهد ماعجبني استسلامه يعني دامه مصر انو بيظل مع العصابة ليش يتزوج دانية وممكن يجيب عيال كيف مافكر فيهم والله لازم تنظر دانية علشان يتشجع .... مااعتقد بس الي سوته مراموه بيخليه يبلغ عن العصابة اعتقد بيصير شي كبير بيطلع فهد من طوره اتمنى ينقذ نفسه بأقل الخسائر قبل مايفوت الفوت ويندم في انتظارك يالغلا على نار جدا متشوقة لمفاجأتك الجاية |
السلام عليكم ...............انا مستغربة من جد رغد بالاول جبرها على عبد العزيز والان يكلم شباب العيلة يشوف من يوافق يتزوجها ولاكن لها وجود والله لو انا منها لو يحب السماء ما انجبر مرة ثانية ويسون الي يسونه انسانة قدرت توقف وتطالب وتتشرط على رجال العيلة ترضخ مرة ثانية ابدا ما اتوقع يا احاسيس واتوقع بيكون لطلال دور اكبر في الرواية
( استمري فروايتك اكثر من رائعة) |
واااااااااااااااااااااااااااااااو فديتك كنت انتظرك على احر من الجمر يالغلا..
اشوا جيتي وكملتيها..انا معندي توقعات والا نقد اخاف اتوقع او انقد اجيب العيد هع كل لي اقوله الله يعطيك العافيه ويوفقك ب ختباراتك يالغلا..انتظرك غلاتي.. |
البارت الفجر ياصبايا
انتظروني |
اقتباس:
وحنا بالمثل نعتذر ونعتذر على الأزعاج |
اعذروني عالتاخير
الاوضاع عندي ملخبطه اشوي مااقدر اقولكم شي بس كل اللي اطلبه منكم اصبرو علي اشوي بس وان شاء الله ارجع لكم بارت يرضيكم اتمنى انكم تعذروني واسفه على تاخير وانو مارديت بس ماكان عندي وقت اقدر ارد عليكم اتمنى انكم تعذروني وتعرفو ماوقفني الا شئ قوي بس اوعدكم انو اقرب وقت بنزل البارت |
رد: كأنك نويت اتذل هالراس أخطيت
♪♪♪ تفتح الرواية بطلب من الكاتبة .. والبارت بينزل اليوم او بكرا بالكثير .. ابتعدوا عن ردود النتظار والردود المخالفة .. و للجميع تذكير بقوانين القسم ~> http://www.liilas.com/vb3/t178243.html .. الحمدلله عالسلامة أحاسيس ~_~ .. ♪♪♪ |
رد: كأنك نويت اتذل هالراس أخطيت
اقتباس:
الله يسلمك يالغلا ويعطيك العافية |
رد: كأنك نويت اتذل هالراس أخطيت
ماادري كيفي معكم
هذي محاولة انو اسوي ملخص تذكيري للروايه اتمنى ياسعدكم ماادري اذا نجحت فيه اولا الملخص رغد اختارت التمريض كمهنه وكانت محاربه من الجميع لهذه المهنه الا انها صمدت قدام الكل كان فيه حقد بينها وبين اهلها لكن من خلال الايام اكتشفت حقائق غيرت مجرى حياتها وخلتها تسامحهم وتمسح أي حقد بقلبها اجبرت انها تتزوج ولد عمها حاولت التخلص من هالارتباط بكل الطرق الا انها ماقدرت لكن حكمة الله غير مات زوجها بسفره مع زوجته الاول رجعت الان تقاوم الكل بس هل تقدر وهي ارمله ومعها طفلين عمر رجل عشق زوجته لدرجة كبيره لكن بعد حادث قدر الله انها تنجن مع هذا بقى متعلق فيها رغم قوة شخصية وهيبته الا انه يتميز بالهدوء اخفوها عنه حتى يخلوه يمارس حياته اضطر انه يكون الرجل الاول بعائلته خواله بعد وفاة ولد عمه والان حط على عاتقه مسؤلية رغد وعيالها هل راح يقدر انه ياخذها حنان تركي بالاول زوجها غصب حبة ولد عمها الاول وشاءت الاقدار انها تتزوج ولد عمتها اللي كان رافض الزواج تركي حبها وقدرت تنسيه زوجته والان يعيشون مع بعض هي نست الماضي اللي قدر تركي بحبه وحنانه ينسيها كل شى هل بتستمر حياتهم على هالوضع او بتتغير مها ومحمد زوجين طبيعين لكن شخصية محمد البارد احيان تشكل مشاكل بينهم ومها المتطلبه عاطفيا كيف بتسير حياتهم مع بعض دانيه وفهد البنت الدلوعه اللي اجبروها تتزوج فهد الشخص اللي كانت تخاف منه حاولت تتقبله ولمن قربت تحبه طلع بحياتهم ناس تحاول تفرقهم صدقتهم وكرهته وتحاول بكل الطرق انها تتطلق لكن ايش اللي راح يسير فهد رجل غريب غامض مزيج من الحب والنان والطيبه قوة الشخصيه والشراسه رجل يحمل الكثير من الخير والشر كيف بتكون حياته وايش ينتظره وهل يقدر على الطفله الدلوعه اللي قدرت تدخل حياته وقلبه هدى ومروان حب طفوله توج بالخطبه وقريبا الزواج حياه رومانسيه هادئه هل تستمر لبعد الزواج مريم وسلطان اغتالت برائتها من الطفوله حادث سبب لها تعقيدات نفسيه كانت عايشه وراضيه بتعقيدتها ومهمها شي الين دخل بحياتها سلطان وحاول بكل الطرق انه يحل عقداتها هل يقدر سلطان يغير اللي ماقرو اهلها يغيره بسنين سلطان لمن اخذها بالبدايه كان مجرد احساس بالذنب لكن حبها وعلشان هالحب سعى بكل الطرق انه يعالجها هل يقدر يطلعها من اللي هي فيه هيا وراشد وريم بعد 30 سنه اتزوج عليها بطريقه قديمه جته هديه بمجلس الرجال كانت الاوضاع سيئه الين وفاة ولدهم قربتهم اكثر من بعض وبعدت زوجته الثانيه اكثر من قبل ايش اللي راح يسير معهم موني ونواف حاول يتقرب منها علشان ينتقم ولكن مع الايام اكتشف انمالها علاقه لكن بعد فوات الاوان تعلق فيها بشكل مجنون وحبها حبته هي كمان لكن فكرة بعقلها ودينها وبعدت عنه لكن بقى حبها له هل بيجمعهم الله او يفترقون سعد اخ حنون يحاول قد مايقدر يحتوي اخواته وهم كل دنيته ماجد زوجه غصب وهو براسه بعثه ترك بنت عمه وسافر وتزوج هناك لكنه رجع بطفل وحب قديم لبنت عمه اللي تركها بس الصدمه كانت لمن مارضت ترجع له واخذت ولد عمته حاول ينسى ويبداء حياته من جديد مع انسانه ثانيه يمكن تحتويه وتنسي حبها اللي باقي بقلبه جاسم كان شاب مدمن ضاع نتيجة اهماله وثقته بغيره لكن الله راد ان يهديه ويصبح شاب مهتدي هل بيستمر او لا ريوف ضاعت بطريق الغلط نتيجة اهمال اهلها لكن بفضل الله قدر اخوها يرجعها للطريق الصح رون البنت المرح اللي عايشه يومها وحياتها بكل راحه طلال الماضي اللي يلاحق رغد هل يقدر يسوي شي لها او لا رنيم الشر اللي يحاول يفرق بين دانيه وفهد هل راح تقدر وتنجح بافكارها وشخصيات كثيره بالروايه |
رد: كأنك نويت اتذل هالراس أخطيت
(الجزء الرابع والعشرون )
(الجزء الثاني ) (بيت مطلق ) دخلن مع بعض حنان ورغد وحنان باقي تزن من الظهر نفسها تعرف ايش ردت موني وش سار ورغد معنده دخلو لقو جدهم قربت حنان باست فوق راسه قربت رغد بتسلم عليه حط يده بينها وبينه وبصوت قوي :رغد وش اللي سمعته رغد بقلق مع انها واقفه ثابت :وش ياجدي الشيخ مطلق بثبات :التمريض يابنت حصه ماعدتي هذيك البنت انت اللحين ام وارمله زفرت بهدوء جلست قدام جدها وبصوت ثابت :الارمله مو ادميه الام مو انسانه خلاص انتم ماتعبتم مو ذنبي ان زوجي مات مو ذنبي انو انكتب اكون ارمله وام جدي انا كياني لقيته بالتمريض اعذرني ماراح اتركه لو وقف الكل بوجهي الله يخليك اذا انت مارحمتني مااحد راحمني سكت الجد وحنان ورغد الابدخول نواف بابتسامه :حيا الله بنات الغاليه حاولت رغد تدارك الموقف حتى جدها مايرجع للموضوع :هلا والله بالمعرس اللي عروسته تنتظره يتقدم رسمي ترى كلمتها يعني خلاص لاتاجلون السالفه وقف نواف بمكانه مو مستوعب ابتسم الجد وحنان ابتسمت بفرحه نقز نواف بصراخ :واخيرااا الحمد الله يارب سجد سجود شكر من الفرحه قام بسرعه لاابوه جلس عند رجله ومسك لحيته :تكفى ياللحيه الغانمه بكره نروح نخطبها ابتسم الجد مطلق :خلاص شوف اخوك عزام وناخذ لهم جاهاه ونروح دام ان بنت اختك سالت البنت رغد تحمد ربها اللي السالفه عدت تعرف جدها لحط شي براسه الان بس حست بالقلق اذا اثنينهم عليها كيف بتقدر الله يستر منكم ابتسم الجد مطلق بهدوء هو اكبر من ان لعبة رغد تمر عليه هالمره مشاها بهدوء بس مستحيل يسمح بهالحال لوقت اطول (بيت ابو ماجد ) قفلت باب جناح امها وابوها تنهدت بتعب الله يعينك يامريم ويهدي امي قطع مشيها جاسم اللي وقف قدامها :كيفها اللحين موني بتعب :الحمد الله نامت الله يهديه ابوي كان مهد لها مو لمن تسافر مريم يقول جاسم بهدوء :سار اللي سار يلا تصبحين على خير ابتسمت موني بتعب :وانت من اهل الخير كملت طريقها لغرفتها جسمها تعبان ونفسيا مرهقه بعد ماكانت طايره بالهوى مع المشاعر الجديده اللي تفجرت حست انها هوت على الارض بسفر مريم اللي صدمهم دخلت غرفتها قفلت الباب وراها بهدوء دخلت تبدل ملابسها وافكارها مشتته من نواف لمريم لامها لابوها هل بيوافق على نواف خلصت وجلست على سريرها اخذت نفس عميق واتمددت يمكن تقدر تنام تتقلب يمين ويسار مو قادره تنام كيف تنام وحلمها قريب يتحقق او كيف تنام واختها ماتدري ايش مصيرها كيف تنام وامها كذا تعبانه وماتظمن موافقة ابوها اوجدها تتمنى بكره يكون احسن نزلت دمعه ضياع من عيونها لحقتها دمعات امل والم صعب اختلاط المشاعر صعب السقوط بعد الطيران المانيا برلين من اول ماطلعو من السعوديه وهي ماقالت كلمه تمشي معه بصمت استغربت انه مجهز كل شي حتى الشقه مااجرها كانت بسيطه جدا اول مادخلت بدلت ملابسها بسرعه رمت نفسها على طرف السرير تغطت ونامت بس الان سار لها ساعه صاحيه بس ماتبي تتحرك من مكانها الى الان تحس مو مستوعبه شي سامعه صوت التلفزيون وعارفه انه جالس بالصاله اصلا الشقه كلها صاله ومطبخ وغرفة النوم اللي هي فيها ابي اكلم امي محتاجتها مخنوقه ماابيه ليش استسلمت بسهوله بكت وهي كاتمه شهقاتها ماتبيه يسمعها انهارت وهي تكتم صوتها ودموعها تنزل على يدها اللي مقفله فمها تكتم صوت وناتها وبكيها تكتم المها واختناقها كل شئ حولها يخنقها التعب كل ماله يزيد تتمنى تختفي عن هالدنيا ووجعها دخل الغرفه بهدوء وشاف كيف تهتز من تحت اللحاف قلبه يتقطع تاكد انها صاحيه ماتبي تقوم الى متى الهروب يامريم قرب منها بهدوء جلس قريب من وجهها شافها هدت عرف انها هدت حالها علشان مايعرف انها صاحيه بصوت مخنوق : الى متى بتهربي ما لقى أي رد منها كانت تسمعه صوته ضاعف الالم صوته رعش قلبها صوته هز طبلت اذنها حست بهزات قويه بجسمها كله من صوته المخنوق بس ماقدرت ترد ماقدرت تتكلم فجاءه سحب اللحاف رفعها بيده سحب يدها اللي على فمها وحط وجهه بوجهها الشاحب التعبان وعيونها الحمرا الملتهبه من الالم تنهد بتعب :مريم والله ماابي الا راحتك ابي لك السعاده ترى اللي تسوينه مايفيدك حاولت تنزل عيونها الملتهبه تخفيها عنه تبي تبعد اكبر مسافه بس ايدينه الثنتين مسيطره على وجهها بصوت متعب مخنوق متقطع :اتركني سحب جسمها التعبان وضمها لصدره بكل قوته يبي يعطيها الامان يبي يحسسها بحبه باهتمامه يبيها اتحس انها دنيته اللي يبيها بدى بصوته القوي يرتل الايات القرئانيه ويقرا عليها يمكن تهدى هالنفس التعبانه يمكن ترتاح من الارق اللي فيها بالبدايه انتفضت بس ماقدرت تسحب نفسها اولا تعبها ثاني كل مقاوماتها انهارت وغير كذا احساسها بالامان اللي ماتحسه الا جنب سلطان والقراءن زاد شعورها بالراحه كل هذا خلاها تغمض عيونها بسكينه (بيت سلمان ابو عمر ) جناح عمر شاف عبد العزيز وهو داخل فز له بفرحه :عبد العزيز انت عايش قرب منه وضمه بس رجع اشوي وهو يشوف دمعه عبد العزيز والله مااخذت رغد عبد العزيز ودموعه تنزل وجه مبتسم مسك يده :امنتك الله بعيالي ورغد راح عبد العزيز وعمر يركض وراه حس يد من وراه لف لها شاف عمه عبد الرحمن اصغر من عمره ووجه منور :احفظ الامانه ولاتظلمها احفظ الامانه ولاتظلمها صح من النوم مفزوع مسح على شعره قام من السرير والحلم يتكرر براسه امنوه على رغد وعيالها الامانه قويه كيف من ميتين اخذ كاس مويه وشرب من الجركل وكل تفكيره بالحلم من اليوم بيتحرك وبيكون قد هاالامانه وبياخذ رغد ويعوضها عن كل شي ويحمي عيالها لازم يفكر بطريقه توافق عليه هو رجال امين ويخاف ربه وبيحاول يحكم عقله قد مايقدر رجع تمدد عالسرير تذكر جومانه اللي مستحيل ينساها لكن بنفس الوقت مستحيل يظلم رغد بيتزوجها وبيخاف الله فيها غرق بالافكار ماحس بحاله ونام ( بيت ام محمد ) غرفة دانيه بصوت عالي وبعصبيه :دانيه بدون دلع هذي حياه قلت تنزلي السوق تقضي مع حنان وانتي ساكته دانيه بصوت مخنوق :ماما قلت لك ماابيه وماراح اقضي لو ايش سار اكره فهد ام محمد اخذت هوء وحاولت تهدي حالها سحبت دانيه وجلستها جنبها :طيب قولي ايش شايفه عليه وليش اللحين ماتبينه بكت دانيه وبين دموعها وشهقاتها :ماما هو قوي وانا اخاف اعيش معه ماابيه تكفن فكوني منه مايناسبني ابدا عصبت ام محمد من جديد وقفت تكلمت بصرامه وهي تناظر بعيون دانيه :دلع البنات هذا مو عندي وبتقضين لزواجك غصب عنك وهالزواج بيتم غصب ولاتسيرين انانيه اذا سار شي بينكم بيكون بيني وبين اخوي وبين مها ومحمد وهدى ومروان مو علشان دلع بنات اخرب بيوت فوقي لنفسك دانيه شكلي دلعتك كثير طلعت وتركتها رمت دانيه نفسها على سريرها وهي تبكي منهاره حرام عليكم والله ماابيه ماابيه كل يوم تحس ان نهايتها قربت ليش مايفهموني هالحقير الغشاش اكرها حرام عليك يمه كنت املي ليش كلكم تشوفونه الملاك الطيب الحنون اتذكرت من فتره لمن قالت لاامها ان وحده قالتها ان فهد مو كويس كيف هزئتها قالت لها ياها بالصريح لو اشوف بعيوني مااصدق يعني مااحد مصدقها ليش بكت زياده قامت من سريرها بقهر مسكت جواله وكتبت رساله ارسلتها و قفلت الجوال ورجعت اتمددت بنشوف انا او انت يافهد ( بيت ابو عبد العزيز) الصاله كانو مجتمعين يتفرجو على برنامج رون جالسه وبيدها شاي وفصفص (حب ) وريم ماسكه مجله وكل اشوي تناظر جهة ابو عبد العزيز اللي مو مهتم لها وجالس يتامل بهيا ام عبد العزيز اللي سارت كل وقتها تشغل نفسها بالصوف وفهد جالس معه اوراق شغله والاب توب دق جوال فهد نغمة رساله فتحها اول ماقراها انقلب وجهه اسود حس بعصبيه بقهر بضيق كانت كاتبه (اكرهك يافهد وطلاقي منك قريب مره طليقتك مستقبلا ) ام عبد العزيز اللي لاحظة وجه ولدها :عسى ماشر يمه حاول فهد يرسم ابتسامه وهو يلم اوراقه ولاب توبه :ماشر يالغاليه بس امور بالشغل عن اذنكم اخذ اغراضه وراح غرفته ماعنده أي شي يقدر يسويه غير انه ينتظر الزواج وقتها بيحل كل شي هو واثق ان عمته مابترضى يسير بينهم أي خلاف وبتمشي الامور بس كل يوم يزيد قلقه منها رمى اوراقه والاب عالمكتب وهو يزفر عايش ضغط مو طبيعي رجعو العصابه يبو يكملو الشحنات حاول يتهرب مو قادر من غير دانيه اللي تضغط عليه من غير اعيال عبد العزيز كل شي حوله جالس يخنقه يارب رحمتك صباح اليوم الثاني بيت ابو ركان نزلت من الدرج والابتسامه على وجهها اول ماشفت جدها وجدتها بصوت ملينا فرحه :صباحكم سكر السلام على الحلوين سلمت عليهم وجلست بابتسامه :عيالي بيطلعو اليوم ام سالم بفرحه وهي تمسح دمعتهابطرف طرحتها :الحمد الله يابنيتي ابو سالم ابتسم بفرحه عميقه :الله يتمم لك يابنتي ناظر بزوجته وانتي ياحرمه ادميعاتك جهازه على طول ام سالم بصوت مخنوق :والله تذكرت ابوهم الله يرحمه كان يتمنى هاليوم راح قبل مايشوف ذريته اختفت ابتسامت ابو سالم تنهدت رغد وبهدوء :انا بروح نواف ينتظرني برى ابوسالم بصوت مكسور :ومين يروح يوقع خروجهم رغد بهدوء وهي تاخذ شنطتها ونقابها :بنقابل فهد يوقع اوراق الخروج طلعت وهي مكسوره أي لازم تحتاج رجال علشان كل امورها هالشي مستحيل تنكره لانه واقع تنهدت بتعب ركبت السياره بهدوء سلمت على نواف اللي ماعلق وحرك السياره كلام جدتها حزنها كسر قلبها بس مو على عبد العزيز على هالعيال اللي هيعيشو يتامى ماشافو ابوهم ولاعرفوه كيف بتقدر تخليهم يواجهو الدنيا وتخليهم رجال بدون أي انكسار داخلهم بسبب يتمهم هالموضوع يتعبها بكل مره تفكر بمستقبل عيالها .0 ( المستشفى ) من اول مادق عليه نواف ترك الشغل والشركه و على طول توجه للمستشفى يخلص الاجرائات عهد اخذه على نفسه بيكون دائما الاب لعيال اخوه عمره مابيخليهم يحتاجو مخلوق بيربيهم بيخليهم مثل ابوهم رجال كل الرجال تهابهم والمجالس تنتفض لطاريهم خلص الاوراق كامله واقف قدام الحضانه ينتظر امهم تاخذهم ابتسم وهو يتاملهم بس منزعج من الممرضه اللي قدامه ووقاحتها مانزلت عيونها هذا الفئه اللي تخلي الناس اللي تجمع الشر تفكر ان التمريض مهنة فساد اول ماشاف نواف مقبل ووراه رغد تقدم لنواف قرب منه سلم عليه نزل راسه وبصوت ثابت :اخبارك ياام عزام رغد بهدوء وصوت منخفض :الحمد الله خلصت الاوراق ابتسم فهد وهو يناظر جهت الحضانه :أي والله من بدري بس انتظركم تجون علشان اطلعينهم وعطى الاوراق نواف دخلت رغد الحضانه بفرحه وروح مشرقه فقدتها من زمن اول ماشافتهم ضحكة بدون سبب ولفة لنواف :عادي اشليهم اثنينهم ضحك نواف :رغيد اشوف مع هالبزران سرتي مخفه رغد بصوتها المنشرح :نوافو ترى باقي ماخطبت ابتسم وهو يشيل فهد :خلاص يابنت الغاليه اسفين شالت عزام بهدوء ومشاعر كثيره تتفجر داخلها مشاعر حب حنان مشاعر امومه صعب تنوصف حست بدمعه وهي تدعي من كل قلبها الله يرحمك يمه اللي اتحملتي تعبنا الله يرحمك يمه اللي تحملتي الألم الولاده ضمت عزام وهي تشمه زادت نبضات قلبها ومشاعرها القويه لفت بتطلع وقفت مكانها وهي تشوف فهد ولدها بحظن عمه فهد حست باهتمام فهد الكبير بعيالها يمكن هالشي بيساعدها على تربيتهم بس الخوف لانشغل باسره وعيال مشت تلحق نواف اول ماشافها فهد عطى فهد الصغير لنواف وبصوته الرجولي القوي :أي شي تحتاجينه او يحتاجه العيال لو بنص الليل تدقين علي يابنت العم هذول عيال الغالي وبرقبتي واي حاجه لهم انا حاظر ابتسم نواف براحه :كفو والله ياابو راشد هذا العشم فيك رغد بهدوء :الله يحفظك لهم مشت رغد ابتسم نواف لفهد سلم عليه ولحقها تنهد فهدومشى لسيارته كل يوم يغرق بالمسؤليات وكل ماله يغوص بالغلط كيف يقدر يعدل حياته علشان هاالعيال وطفلته المدللـه اه يادانيه شاللي غيرك حسيت اني قدرت اقرب من قلبك لكن فجاءه تغير كل شي تنهد و ركب سيارته بيروح لامه اكيد تبي تروح تشوف عيال عبد العزيز (سيارة نواف ) رغد بنرفزه وهي تشوف نواف يسوق ويضم فهد اللي بحضنه :نواف هاته نواف جلسه وانتبه للسواقه :خلاص بنتبه رغد بهدوء وهي اطالع الطريق :وديني بيت عمي ابو عبد العزيز ابتسم نواف بهدوء وغير طريقه رغد مزيج غريب من القوه والرحمه انسانه غريبه بس تعجبه ابتسم وتذكر اماني الهاديه النعومه اه يااماني يارب يكتبك لي اليوم ان شاء الله تكونين لي يارب يسرها وصلو بيت ابو عبد العزيز نزلت رغد بهدوء هذا اللي المفروض تسويه عيالها لازم يعرفو ان اهل ابوهم كلهم بمكان ابوهم اللي راح مشت بخطوات ثابته ومعها عزام اللي غطته بالبطانيه وشنطتهم بيدها لدرجة انها تركت شنطتها بالسياره علشانهم وفهد كان مع نواف وقفت قدام الباب الداخلي وبدون أي تردد دقت الجرس نواف اشر لها انه بينتظر بعيد عند الباب الخارجي وراح انفتح الباب كانت رون اول مشافتها وشافت البطانيه اللي بيدها صرخت صرخه دخلت رغد وبضحكه :اسكتي يالمجنونه خرعتي الولد اخذته رون منها بسرعه :يالبيه فديته اول ماباست خده بكت وراها ام عبد العزيز اللي جت على صرختها اول ماشافت رون شايله عزام نزلت دموعها بهدوء رغد حاولت تتدارك الموقف اخذت عزام :خلاص يابنت لاتعقدي ولدي اخذته لام عبد العزيز خذي ياعمتي لااطيحه دموعها جاهزه بروح اجيب فهد من نواف راحت تحاول تكون بعيده عن مشاعرهم بتهرب ماتبي يعرفو البرود من وفاة عبد العزيز وانه ماياثر فيها شئ مراعاه لظروفهم غطت وجهها اول مافتحت الباب لقت فهد معه فهد بصوت واطي:جيت اخذه ابتسم فهد وهو ينزل راسه بالارض :لقيت نواف وكان مستعجل فاخذت منه فهد دخلت رغد جوى عرفت انهم بالغرفه اللي تحت فيها مها دخلت عندهم شافت الكل عينه حمرا وولدها بحظن مها اللي ضامته لها تنهدت :رون روحي جيبي فهد مع فهد قامت ام عبد العزيز وهي تمسح دموعها : انا اروح اجيبه مااحد علق حست ان عيالها شئ مهم لهم يمكن يشوفو عبد العزيز فيهم الان بس تاكدت ان اللي سوته صح دخلت هدى بابتسامه وبيدها فهد الصغير :سلام عالحلوين مها بلهفه :عطيني اياه جابته هدى حطته عندها واخذت عزام جلست جنب مها عالسرير وتضمه دخلت ام عبد العزيز وعيونها حمراء بصوت مخنوق :ودو العيال ابوكم يبيهم اخذت رون فهد وهدى اخذت عزام وراحو لاابوهم جلست ام عبد العزيز تحس بالتعب اليوم مشاعرها كلها انهارت استنزفت كل صبرها وكان اليوم عبد العزيز اتوفي بشوفت عياله تجددت ذكريات كثيره اما رغد كان موقفها صامت ماحبت تتكلم خليهم يعيشون ذكرياتهم اهم شي وثقت من حبهم الكبير لعيالها وانها بتلاقي من يساندها مهما كانت قوتها يبقوى رجال صعب تربيهم لو حدها كل خوفها يجي اليوم اللي يقول لهم تربية حريم وهالشي هو اللي خلاها تطلع عيالها هنا علشان تثبت لهم ان هذول عيالكم محتاجين لكم لاتفكرو بيوم تتخلو عنهم في الصاله الثانيه اول ماشاف بناته وهم يشليون عيال عبد العزيز هاجمته الذكريات بشراسه اضعفت قلبه صور كثيره اول ماشاله واذن باذنه مشاعر الابوه اللي حسها لاول مره ريحة ولده وهو طفل واخر صوره اللي عذبته صورة عبد العزيز بالكفن نزلت دمعة اب مفجوع لموت ولده حاول يمسح دمعته بطرف شماغه هدى ورون ماقدرو يتحملو حطو العيال مع ابوهم وطلعو اول ماطلعو بدو يبكون بحرقه دمعة ابوهم غاليه اما هو كان يتامل فيهم وهم باحضانه بس اللي قدر يسلب قلبه عزام لانه نسخة ابوه حس بالضيق والم بصدره تمم بصوت هادي :يارب الصبر من عندك يارب الثبات حط فهد عالكنبه وضم عزام يشمه رفع راسه وشافها جايه وكان العمر زاد فيها عيونها حمراءومشيتها مكسوره جلست جنبه واخذت فهد بحظنها وبصوت مخنوق ودموعها ماوقفت :شفت عيال الغالي عياله اللي راح وماشافهم اه ياراشد احس اليوم فجيعتي بعبد العزيز بحرقة قلبي على وليدي ضم عزام ويده الثانيه ضم اكتافها وهم يهمس لها :اذكري الله يا هيا الله عوضنا بعياله الحمد الله ربي يحفظهم وعبد العزيزمات الله يرحمه واحنا مطلوب منا نصلح عياله ونربيهم تربيه صالحه يدعون لابوهم اللي انقطعت اعماله من دنياه وماله الا ولد صالح يدعي له اذكري الله ياهيا وخلي ايمانك بالله قوي الله عطانى والله اخذ حطت راسها على كتفه وهي ضامه فهد ودموعها ماوقفت العصر (بيت ابو ركان ) دخلت مجلس الرجال بابتسامه :حيا الله الشيخ عمر جالس بصدر المجلس له هيبه وحظور قوي ابتسم بوقار ووقف يسلم على هند :حياك الله اخبار الحلوين ابتسمت هند براحه عمر ماتقدر الا تبتسم مع وجوده على هيبته وقوة شخصيته الا انه سمح ومريح جدا :الحمد الله ادخل امي وابوي يتقهون داخل حياك تقهوى معهم عمر بهدوء :اجلسي هند عندي موضوع مهم معك بالصاله قدمت له فنجال القهوه وبنبره مستنكره :مطلق بن نايل يخطب عند سالم اخذ الفنجال منها وبنبره ثابته :وش فيها يامره مااحد يرد نسبه وولده معروف بصيته بالمجالس له صيت ابوه ام سالم بصوت هامس :اخو حصه ياعزام ابو سالم بصوت قوي :سالم رجال يحكم عقله والماضي راح ولاتنسي انهم اهل بناتنا ام سالم بصوت متردد :ماظنتي مناير ترضى ابو سالم بصوت قوي منهي النقاش :من متى شورنا بيد حريمنا وترى راشد كان بيسوي عشاء لحفاده لكن علشان الخطبه بياجله بكره ام سالم بقلق الله يستر منكم ياخوفي من اللي جاي اعرف مناير ماراح ترضى يالله يستر بالمجلس وقفت بصدمه :عمر من جدك تبيني اسوي كذا لاتحاول ابدا قام عمر من مكانه بشموخه وهيبته وبصوته الرجولي القوي :انا طلبت ياهند اذا ساعدتيني كانا بها ماتبغين احفظي سري في صدرك تركها وطلع من المكان الان هو مصر يكمل اللي بداء فيه المانيا برلين قامت بتعب وارهاق ناظرت الساعه وانصدمت كل هالوقت نايمه ماحسيت بحالي فاتتني الصلوات لفيت بالغرفه ماله وجود حسيت بالراحه دخلت الحمام اتوضيت وطلعت بس وقفت محتاره ماادري ايش الصلوات اللي فاتت سمعت الباب انفتح سحبت عبايتها وطرحتها وسالت بجمود :ايش الصلوات اللي فاتت ووين القبله اشر لها عالقبله وبهدوء :مافاتك الا الظهر والفجر وطلع وتركها استغفرت ربها وبدت تصلي خلصت صلواتها لفت السجاده وقلعت العبايه حست بجوع فضيع بس ماتبي تشوفه تنهدت وحاولت تقوي حالها وبراسها مخطط كبير طلعت من الغرفه شافته جالس بالصاله ومعه جواله يقلب فيه وقدامه اكل مشت بدون كلام وجلست عالكنبه وبدت تاكل ابتسم سلطان براحه حس من حركتها انها بترضى وبدى ياكل معها لانه وصى الاكل من بدري بس ماقدر ياكل بعد ماخلصو اكل قامت بهدوء شالت الاكل عالمطبخ المفتوح وحطته رجعت بهدوء وسلطان يتاملها بابتسامه جلست عالكنبه اللي قدامه داخليا نظراته تعذبني لكن انا مو مريضه هذا مواسلوب يعاملني فيه مو من حقه يسحبني كذا مو من حقه يرسم خط حياتي حست انها لازم تسوي شيحاولت تقوي نفسها ناظرته ببرود وباسلوب جاف :سلطان ان مستعده اتعالج واروح لااي دكتوره تبيها بس عندي شرط اختفت ابتسامته من نظرتها وصوتها البارد وبترقب :ايش شرطك مريم ببرود :اول قول كلمة رجال وانك موافق عالشرط حاول يرسم ابتسامه هاديه وبصوت ثابت :لك اللي تبين وعد مريم وقفت وعطته ظهرها وبصوت جامد :تطلقني بعد العلاج وانت عطتيتني كلمه وانا موافقه اتعالج صدمه قويه تركته وراحت مستحيل يتخلى عنها ماسوى كل هذا الا علشانها علشان يساعدها يعيش معها حياه ثانيه مستحيل اللي تطلبينه يامريم بس بسكت وامشي الموضوع واعرف كيف اغير رايك دخلت الغرفه اخذت نفس قلبها يرجف و دمعه خانتها ونزلت مسحتها بطرف اصابعها لازم اكون اقوى ماراح اسمح له يهيني بهالسهوله ماراح اسمح له جرت عحمام الغرفه وانهارت هي اضعف من أي ضغوط تتصنع القوه لكن هشه من الداخل (بيت ابو عبد العزيز ) المقلط جالس وبحضنه ولده عبد العزيز وهي جالسه قدامهم قالت بابتسامه :شكل ولدك اخذ الاضواء مني يامحمد قام محمد وهو شايل ولده جلس جنبها على طرف السرير وحط عبد العزيز جنبها :اصلا ماحبيته الا من حب امه مسك ايدينها وباسه بهدوء متى تنورين بيتك يالغاليه ابتسمت وهي اتناظر عيونه :اشتقت لي يامحمد ضحك محمد :لا بصراحه انفكيت من صدعت الراس وحسيت بالراحه والاستقرار كانت عيونها تفتح مع كل كلمه يقولها لها ضحك من ردة فعلها وبين ضحكه :والله امزح يابنت الناس اشتقت لك والله اشتقت بس لانك قهرتيني لمن ماجاوبتي على سؤالي دخلت تجري ونقزت بحضنه :بابا حبيبي ابتسم وهو يضمها :رهوفه حبيبي مها بصوت واطي :ايه الله لنا الحب لعيالك محمد بابتسامه : مهاوي رجعنا طير يااللي ترى انتي الاصل والغاليه مها تمثل الدلع: كيفي بعد بشوف غلاتي عندك رهف بملل :ماما بابا حلونا نسولف كنا مع بعض ضحكو مها ومحمد عليها الليل بعد صلاة العشاء (بيت ابو ماجد ) مجلس الرجال يتصدر المجلس العملقين عزام ال ومطلق ال جنب عزام نواف وجنب مطلق سالم والباقي متوزع عالمجلس مااحد غايب من عيال مطلق واحفاده وعيال عزام ولااول مره من سنين كانت الجلسه بينهم عزام ومطلق بدون الماضي اللي فرقهم عزام بصوت قوي :والله ياخوك مالنا غير بعض مهما فرقتنا الدنيا والمشاكل ابتسم مطلق :هذا الكلام الزين وهالمره انا جايكم خاطب لولدي ناظر سالم انا جايك خاطب بنتك ابيها زوجه لولدي ابو ماجد رد الابتسامه بنفس صافيه رجال الماضي بالنسبه له راح ومايرجع :والله شرف لنا وولدك رجالن ماينرد لكن نشاور البنت ونرد عليكم داخل البيت جالسه بالصاله تحت وضامه رجولها بارتباك ماتدري شيسير بالمجلس هي عارفه سبب جيتهم بس خايفه ابوها يرفض تعرف العلاقه بين اهله واهلها بس ان شاء الله الامور زينه سمعت صوت امها انتفضت خوف وقمت لها تجري للمطبخ :ايش تبين ماما ناظرت بنتها باستغراب :ايش فيك موني بارتباك حاولت تسيطر عليه :كنت سرحانه وسمعت صرختك ابتسمت ام ماجد :تعالي ساعدي الشغاله بالسلطات راح السواق يجيب صحون المندي تقدمت عند امها وسارت تساعدهم ارتاحت ان امها تحسنت نفسيتها عن امس بس على طول سرح بالها فيه في اللي بالمجلس وايش بيسير مصيرها معه ماتدري ليش حست بالقلق (بقصر بعيد ) جالسه سرحانه وبقلبها غيظ معقوله الى الان ماطلبت الطلاق معقوله تحبه بس اللي اشوفه انه مايهمها لازم اشوف طريقه اقوى تفرقهم مستحيل اسمح لك يافهد تبقى معها انت ملكي وحدي لاتنسى منو ابوي بس المره الاول طلقني وبالعافيه رجعني كيف اضمن ابقى معه لازم اطير هالبزر من طريقي باي وسيله مسكت جوالها ودقت على هيا اننتظرت الين ردت وبصوت مقهور :ايش سار عليهم هيا ببرود :ماسار شي لاتتوقعي انها تتركه بسهوله صرخت رنيم بعصبيه وقهر :انطمي لازم تتركه باي طريقه ابيك تروحين لها زياره وانك ناصحه لها وانك عرفتي انه متزوج بالسر حاولي باي وسيله تبين انك متردده حتى ماتشك انك بتخربين عليها بنفعال اكثر ابي ادمرها فهد لي انا وبس لازم تتركه مابقى على زواجهم شي باقي اقل من شهر لازم يتركها لازم فهمتي هيا بخبث :ريلاكس مستعده اخدمك بعيوني بس كل شي بثمنه رنيم بقهر :لك اللي تبينه بس هالزفت تبعد عن طريقي هيا بحماس :طيب ايش رايك نرسله صور لها مفبركه وكذا قاطعتها رنيم بنفعال : لا ماابي فهد يدري بشئ لان وقتها راح يعرف انو انا اللي بخرب عليه سوي اللي قلت لك عليه لاتزودي شئ هيا بهدوء :تامرين امر قفلت جوالها وابتسمت نشوف يافهد ايش هتسوي لمن تطير هالبزر اللي شاغله افكار وشغلتك عني حتى ماسرت اشوفك هين اذا ماقضيت عليك يالبزر وبعدتك عن حبيبي مااكون رنيم |
رد: كأنك نويت اتذل هالراس أخطيت
(مجلس ابو ماجد )
خلصو عشاء وجالسين يتقهو وكل مجموعه لها سوالفها ناظرهم بثبات جده عزام ومطلق جدها وبدون تردد وبصوت قوي :ياجماعه بما انا مجتمعين جايكم بطلب واتمنى ماتردوني الكل لف له بنتظار كلامه كمل بثقه وصوت قوي وثبات عجيب وهو يناظر لجدها مطلق تحديدا بدون خوف وتردد :انا جاي خاطب لبنت عمي عبد الرحمن الله يرحمه انرسمت الصدمه على وجيه الكل واولهم الجد عزام ماكان متخيل ان عمر يتحرك بهالسرعه فهد اول شي ناظر جده وشاف صدمته حس بالراحه اشوي بس لازم يكلم عمر ويعرف اسبابه ابو عبد العزيز حس الدنيا تضيق فيه حاول يشتت نظراته ناظرهم عمر بهدوء ينتظر أي واحد فيهم يرد قطع الهدوء صوت الشيخ مطلق :اللي فيه الخير يقدمه الله وانت رجال ينشرى وان شاء الله الله يكتب لك الخير وهذا جدها يسالها عزام بصوت ثابت :الله كريم ابتسم عمر بهدوء ناظري ابوها اللي شاف الصدمه بوجهه ماحب يخبر أي احد شاف فهد ياشر له على برى كان متاكد ان فهد ماراح يمرر الموضوع قام بهدوء ولحقه فهد وهم برى فهد بصوته القوي :عمر اذا كان جدي قطعه عمر وبصوت واثق :فهد كلكم تعرفو انو مو انا اللي احد يضغط علي وتبي الحقيقه انا حلمت بعد العزيز وعمي يوصوني عليها وعلى العيال انا مو صغير عقل ولارجال ناقص حتى اضيم حرمه وهذا انا خطبت قداكم كلكم علشان مااحد يجبرها على شئ قال نص الحقيقه وخبى الباقي فهد وهو يربت على كتفه :الله يكتب لك اللي فيه الخير واذا ربي كتب نصيب ترى عيال عبد العزيز امانه برقبتك عمر بثبات وصوت واثق :مو انا اللي اخون الامانه ومن اول ما توافق هم عيالي ابتسم فهد برضى ورجع للمجلس اما عمر ترك المكان وراح داخل المجلس عزام بهدوء :هالمره لك ابتسم مطلق بثقه :انا واثق بعمر وان شاء الله تتم الامور بخير والحرمه مالها الا رجال يشيلها (بيت ابو ركان ) جالسه على سريرها تتامل عيالها مااتوقعت انها تتعلق فيهم كذا وتشوفهم الدنيا كلها سمعت صوت نغمة رساله اخذت جوالها اول ماقرتها حست بالقهر غمضت عيونها بقوى وهي تضغط على اسنانها والله ياطلال لو تحب السماء مابسير لك رمت الجوال وهي تفكر لازم تلاقي طريقه تبعده عنها ساير الايام هذي يتعمد يرسل رسايل غراميه لازم توقفه عندحده سمعت دق عالباب قفلت الجوال وحطته جنبها :ادخلي دخلت هند بهدوء وجلست جنبها عالسرير وهي تفرك ايدينها رغد باستغراب :ايش فيك هند تنهدت وبصوت مهتز :انا بغييت اقولك سكتت ناظرتها رغد باستفهام كملت هند بتردد :جاني سالني يعني رغد باستغراب :هند ايش فيه اتكلمي اخذت نفس حاولت تقوي صوتها ورمت القنبله مره وحده :رغد عمر جاني يقول بيخطبك وانا قلت له رغد موافقه ناظرتها بصدمه مو عارفه شتقول وبهمس :عمر ولد عمتي هاله هزت هند راسه :ايه مو حاسه بالدنيا صدمه كبيره اتوقعت انها اتخلصت من أي رجال لا مو كذا حست انها بترجع لمعانتها مع عبد العزيز وبتجلس تحاربهم من جديد مستحيل تستحمل لحظه هند باي حق توافق حاولت تصرخ لكن حست صوتها مكتوم مستحيل توافق هند كانت تناظر بوجه رغد وهي تشوف الصدمه والضياع بملامحها الله يسامحك ياعمر مابغيت العبها معك قامت بتهرب منها وراحت غرفتها اول ماخفت صدمتها لفت لهند مالقتها قامت بسرعه وانفعال وراحت تشوفها بغرفتها لقتها جالسه وتفكر رغد بصوت قوي وثابت :مو انا ياهند اللي ينلعب فيني ولد اختك خليه يبعد فاهمه اذا قدرو علي وزوجوني عبد العزيز مستحيل اخذ عمر فاهمه ومره ثانيه خلي قراراتك لك مالك دخل بحياتي خلك بنفسك هند بنفعال :رغد احترميني وانا ماسويت كذا الا لمصلحتك رغد بعصبيه :أي مصلحه وانتم بس تخططون حياتي وتبون تجبروني وتتوقعي ابوك بيمشيها هند بقهروصوت عالي :احترمي نفسك ابوي يسير جدك يامحترمه ولاتنسي انك ارمله وعندك عيال يحتاج لهم ابو يربيهم وعمر خير الرجال احمدي ربك رغد بعصبيه اكثرتقاطعها :مين رملني غيركم من زوجني عبد العزيز اللي مو طايقته من غصبني عليه واذا ارمله مالي رب مااختار اللي ابيه لازم انتظر قرارات حظرتكم قطعتها هند بعصبيه :رغد احترميني اشوي رغد بعصبيه وانفعال :ليش انتم احترمتو اختياراتي بالاول ابوك واللحين انتي سكتت اشوي كتفت ايدينها وببرود :دوري لولد اختك حرمه تقبل فيه طلعت وقفلت الباب ورها بقوى (بيت ابو عبد العزيز ) فهد بهدوء وهو لف وجهه بين امه وابوه :انتم شافين بعمر عيب ابو عبد العزيز بصوت مخنوق :لاوالله ياولدي وانه عمر احسن من غيره لكن غصب عني غصه بالقلب عيال اخوك يتربون بعيد قطعت كلامه ام عبد العزيز بصوت باكي :وش فيها اذا انت اخذتها وربيت عيال اخوك بينا قطعها فهد بصوت معاتب :يمه هذا كلام تقولينه وانا عرسي باقي عليه اقل من ثلاث اسابيع مو انا اللي اظيم بنت عمتي وانا حتى مادخلت عليها وليش شايلين هم وكانهم بيروحو بعيد عمر منا وفينا وانا اذا مو واثق فيه كنت اول واحد وقفت بوجه الكل عمر رجال كفو والكل يشهد له بالاخلاق رجال ماترك زوجته حتى وهي فاقده عقلها ومافرقها عنه الا اخوانها مابتنضام معه ارمله ويتاما فكروفيها زين لو مو عمر كان واحد ثاني على الاقل حنا عارفين عمر وعيالنا بيكنون بينا ماتضمنون بكره مين يجي فكرو فيها زين قام وتركهم ابو عبد العزيز وهو يمسح على اكتافها :تعوذي من ابليس وان شاء الله عيالنا معنا وماهم منضامين شهقت وهي تحاول تمنع دموعها :الله كريم (بيت ابو ماجد ) المقلط روحو الرجال وهي متوتره واقفه عند باب المطبخ وهي تشوف امها وابوها واخوانها جالسين بالمقلط وتسمع الناقاش الحاد وهي خايفه عطتهم ظهرها وهي واقفه هزتها كلمت امها :مو انا اللي ازوج بنتي لاخو حصه ابو ماجد :تعوذي من ابليس ياحرمه ام ماجد باصرار :بنتي ماتاخذ اخو حصه لو على موتي ماجد بهدوء :اذكري الله يمه الرجال مافيه عيب مايفوت صلاته ومن غير اخلاقه ومرجلته اللي الكل يعرفها ولاتنسي منو ابوه ام ماجد بعناد :ولاتنسى منو اخته قلت لكم لو على موتي بنتي ماتاخذ اخو حصه وتركتهم طلعت عند باب المطبخ ضغطت على ايدينها وهي تحاول تمنع دموعها اللي نزلت غصب عنها لا يمه تكفين لاتسوين فيني كذا لاتحرميني منه يمه مو كذا طلعت منها شهقه سمعت صوت سعد باستغراب وبقوه :اماني انتفضت وطالعت فيه وهي تشوف بعيونه اتهامات انتهى البارت اتمنى ينال رضاكم نلتقي الاثنين بإذن الله |
رد: كأنك نويت اتذل هالراس أخطيت
السلام عليكم أحاسيس
فرحنا كثير برجعتك وآخر الغيبات انشأ لله قلم موهوب يصف الأحاسيس بعمق نادر قدرتي تشدين الانتباه بروايتك الاكثر من رائعه اشتقنا لعناد رغد وحياتها بعد عبدالعزيز جبروت الجد عمر وخطوته المقبله تركي واحساسي بعاصفة تكدر حياته مع حنان ومها و. و. و. ملحمة ننتظرها بكل الشوق والود حسوسة |
رد: كأنك نويت اتذل هالراس أخطيت
اقتباس:
وعليكم السلام ورحمة الله وبركاته بإذن الله اخر الغيبات الائروع تواجدك وكلامك شهاده اعتز فيها ان شاء الله يعجبكم اللي مجهزته لكم يسلموو عالمرور الجميل ياعسل |
رد: كأنك نويت اتذل هالراس أخطيت
مساء العوده بعد غياب
إن شاء الله آخر الغيبات تذكار رغد وعمر يعني بنتظلين عنيده لمتى عادت اول في عبدالعزيز وغصب عنك اخذتيه وهذا معك ولدين ومات الرجال والين الحين مسويه صادمه وما تبين احد يتشمت فيك طيب تبين ترجعين تعيدين الأول ليش فكري في الموضوع اول انت تشوفين ان هند غلطانه بس كل اللي سوته عمر قائل لها عليه عمر عارف انك عنيده فحب يختصر الموضوع ويوفر الوقت لا تنكرين انك بحاجة رجال يربي معك عيالك لو كنت تقدرين مأخذتيهم و وديتهم لأهلهم عشان تبيني لهم أنهم مسؤولين عنهم موب انت بس لوحدك سلطان ومريم ما أقول الا الله يصبرك على ما ابتلاك الرجال يحبك ويبي مصلحتك تكافئينه بشرطك اللي في مثل وضعك تحمد ربها على النعمه اللي هي فيها لاقيه لها زوج يحبها ومتغاضي عن اللي صار معك لانه عارف ان اللي صار معك غصب عنك وراضي بس انت ارضي بالمكتوب وريحي الولد دانيه وفهد ذا الدلوعه متى بس تتزوج فهد عشان يصلبها وش ذا الدلع ما أبيه سمعت كلام شين عنه احلفي انت من اول ما حبيته تخافين منه بسبب قوة شخصيته بس هو بيعدل أسلوبك الماصخ بس تبعد عنك رنيم هذا اللي تموت في تراب رجليه الى الآن ما عرفنا وش اللي ورطه مع ذا العصابه هو عشان يوقع بهم والا هو أصلا معهم نواف وأماني ما اعتقد ان أبوك يمشي وراء كلام أمك هو بيشاورك قبل يرد عليهم وانت مواقفه خلاص ماضي وانتهى ليش موب راضين تنسون ابو عبدالعزيز وأمه صدق موقف شوفتهم للعيال قطعت قلبي ياويل قلبي على ولد مات وما شاف ذريته اللي ينتظرها عمر ليش خايفين على عيالكم من عمر هذا ولدكم أحسن لكم من الغريب اللي ماتعرفون وش بيسوي فيهم وكيف يتعامل معهم طلال انت موب ناوي تتركها الا لين تجيب لها مصيبه وعمر هو اللي بيساعدها وبتعرف قيمة عمر ووجوده في حياتها تذكار دمتي مبدعه |
رد: كأنك نويت اتذل هالراس أخطيت
يامرحبا عد ماهل المطر والله اشتقنا لقلمك المبدع واحاسيسك المتأججه نأتي لبعض التعليق رغودة ياقلبي ترى عمر مو شين ويمكن الله يكتب لك الفكه من طلالوه على ايده واماني ونواف الله يكتب لكم اللي فيه الخير |
رد: كأنك نويت اتذل هالراس أخطيت
اعذروني اللي ماقدرت ارد عليهم الاتصال عندي سئ جدا
اتمنى يعجيكم البارت (الجزء الخامس والعشرون ) عند باب المطبخ ضغطت على ايدينها وهي تحاول تمنع دموعها اللي نزلت غصب عنها لا يمه تكفين لاتسوين فيني كذا لاتحرميني منه يمه مو كذا طلعت منها شهقه سمعت صوت سعد باستغراب وبقوه :اماني انتفضت وطالعت فيه وهي تشوف بعيونه اتهامات سحبها من يدها على غرفته طلعت معه الدرج وهي مرعوبه حاولت تقوي حالها هالوقت عطها فرصه تفكر وتبني افكارها دخلها الغرفه وبصوت قوي : اماني ليش تبكين علشان امي رفضت ولا تقولي شي ثاني لاني شايفك وانتي تناظري دفها بعيد عنه وهو يناظرها بقوه اماني وهي تمسح دموعها وبصوت حاولت يكون ثابت :ايه انا ابكي لان امي ماتبيه فتح عيونه بصدمه بس هي كملت بسرعه :لاتفكر فيني غلط انت تعرف انه خال بنات عمي دائما يتكلمو عنه وانه طيب وحنون عليهم حنا البنات مانبي الا الحنون ماابي اكون نفس ساره اخذ واحد قاسي يشوف المشاعر ماهي شي مهم يكفي انها تعرف انه يحبها لاتتوقع انو مااعرف حيات اختي كانت صابره وساكته ومن كلام ماجد حاسيته هو الرجال اللي تحلم فيه أي بنت ناظرت بسعد اللي حست ملامحه لانت اول ماجابت طاري ساره هذا تفكيري يااخوي والرسول قال من ترضون خلقه ودينه زوجوه رغد كلمتني قبل وانا فكرت كثير قالت لي كل شي عنه دموعي كانت صدمه برفض امي وانت عارف انا حساسه ودميعتي على الرف بصوت مخنوق حاولت يكون طبيعي :بس اذا انتم وامي ماتبونه اخذت نفس فانا معكم كان هادي ويفكر اقتنع باسبابها بس عجبته باخر كلمه قرر يساعدها بدون مايقولها قرب منها وباس راسها ابتسم لها :الله يوفقك يارب ابتسمت وداخلها مخنوقه وتحاول تكتم أي دمعه بعيونها المانيا بريلن مستشفى فيفانتس ناظرت بمجمع المستشفيات بربكه وخوف وهي تقدم خطوه وترجع وسلطان قدامها بخطوه طول امس وهي تحاول تتجاهله واليوم حاولت تقوي نفسها تبين له انها اقوى من أي شي بس اول مانزلو من التاكسي وشافت المكان حست بالخوف والتردد تبي ترجع تبي امها وابوها وحياتها الاولى ماعاد ابيك ياسلطان ماابي اتشافى انا مافيني شي رجعت بسرعه وكانها تهرب منه ودموعها نزلت تلقائيا بس سلطان حس عليها لف وشافها تجري لحقها بسرعه وثبتها من خصرها بيدينه اول ماحست بيدين على خصرها طلعت شهقتها بخوف حست بالاختناق عرفته من ريحة عطره نفسها تضربه ترميه تمحيه من حياتها همس لها بهدوء :مريم استهدي باالله وامشي سارت ادف يدينه بقوه وبصوت مخنوق :مالك دخل فيني رجعني السعوديه مو طايقتك لفت عليه وهي تنفض نفسها منه وبصوت عالي مهزوز وهي ترفع يدها بوجهه سلطان: ماعاد ابيك انا مافيني شي اتركني ناظر لها بعصبيه فك يده من خصرها بس مسكها من زندها وسحبها بدون ولاكلمه خلاص فاض فيه الامر استسلمت له سارت تجاري خطواته وهي تبكي وتشهق وكل قوه حاولت انها تبينها طارت اليوم الثاني العصر السعوديه (بيت ابو ركان ) بعد ماخلصت تلبيسهم سمعت طق عالباب بس ماردت اكيد هند خليها تعرف غلطها انا مو لعبه عندهم يزوجوني اللي هم يبون المره هذ لو يذبحون مااخذته حطت عزام جنب فهد بهدوء بس سمعت صوت جدها يناديها عن الباب استغربت بالعاده مايطلع الدور الثاني راحت وفتحت الباب شافته واقف قدامها بعصايته قربت منه وهي عارفه ايش يبي باست راسه وبهدوء :حياك جدي تفضل دخل بهيبه رغم عجزه الانه محتفظ بهيبته اللى زادها الشعر الابيض جلس على جلسه على جنب كرسين وطاوله اشر لرغد تجلس قدامه جلست رغد بهدوء وعيونها على عيالها ابو سالم بهدوء وبدون أي مقدمات :عمر ولد خالتك هاله تقدم لك جت بتتكلم مد يده وكانه يمنعها من الكلام انا ماراح اغصبك بتكلم كلمتين واروح وماراح اخذ ردك الا يوم ملكة ماجد عالخميس عمر رجال ماعليه كلام شايل حمل كل شي فكري زين بعيالك محتاجين رجال يربيهم ويهتم فيهم رجال ماقدرو على مسولية عيال كيف انتي يابنتي جت بتتكلم بس منعها ماابغى اسمع منك لاكلمه اهم شئ عيالك محتاجين اب محتاجين رجال لاتفكري فيهم اللحين كلنا حولهم وهم صغار بس لاكبرو يعالم من يعيش عمهم فيه الخير والبركه بس بيتزوج وينشغل بحياته انا ماراح اغصبك بس ابغيك تفكري زين وتستخيري ولاتحطي براسك انا نغصبك تاخذي الموضوع عناد انا بعد سالفتك مع عبد العزيز ماحبيت اجبرك بس اتمنى توافقي رغد بهدوء وقفت :حضورك ياجدي على عيني وراسي وخذ ردي من اللحين موموافقه واذا على عيالي ياما حريم طلعو رجال تهتز لهم المجالس وياما رجال طلعو رخمه الموضوع مو رجال وحرمه الموضوع طريقة تربيه وانا مو عاجزه اربيهم وقف وهز راسه بعجز بس قبل مايطلع لف عليها :بنتظر ردك الخميس وطلع بدون مايسمع منها كلمه لفت على عيالها بدون اهتمام لكلامه اخر همها هاالموضوع الليل –العزيمه ( بيت ابو عبد العزيز ) غرفة رون جلست جنبها بهدوء :يابنت ايش فيك من جيتي وانتي مو على بعضك يعني مو هذا اللي تبغينه جى نواف وخطبك موني وهي تحاول تمنع دموعها وبصوت مخنوق :امي مو راضيه عن الخطبه ابدا قطعتها رون وهي تقوم :قومي بس انتي تركتيه وهذا هو جى لك واذا ربي كاتبه لك بتاخذينه غصب عنك وعن الكل واذا ربي صرفه خيره لك خلينا بس ننزل غسلي وجهك والحقيني راحت رون من الغرفه قامت موني غسلت وجهه وضبطت مكياجها تنهدت بتعب وهي تحاول تقوي حالها ونزلت لهم صالة الحريم جالسه رغد بهدوء ملاحظه نظرات الكل بس ماهمها بحضنها فهد وعزام مع ام عبد العزيز اللي مستغربه منه شكل اماني وهي داخله وتحاول تشتت نظرتها اكيد فيه شي معقوله يرفضو لفت لاام ماجد اللحين عرفت سر نظرتها القويه معقوله تبي توصلهاانها رافضه خالها الله يستر حظ اماني خلاها تجلس جنب حنان تمنت ان حنان ماتفتح الموضوع وعلشان تلهيها سالتها عن دانيه :كيف دانيه وجهازها مسويه عروس ماتيجي حنان بصوت واطي :والله موعارفه شقولك بس مااحد راح يساعدنا غيرك موني بخوف :وش فيه حنان بهمس :مو راضيه تجهز ومااحد يجهز غير انا وعمتي حاولنا فيه حتى الفستان حق الزواج انا اخترته موني باستغراب :مستحيل من متى دانيه ترضى بذوق احد انا لازم اروح لها حنان براحه :أي والله حاولي فيها عجزنا معها وانتي شايفه العرس مابقى عليه الا كم اسبوع حتى اليوم مارضت تيجي مع ان عمتي سمحت لها المطبخ ماسكه جوالها بابتسامه فرحه ووجه مشرق وبصوت كله دلع :مروان حبيبي مابقى شي على زواجنا لازم ماتشوفني سمعت صوته وهو منرفز ومقهور :ايش هالخرابيط يعني في بيتكم ومااشوفك هدى بخبث ودلع زياده :حبيبي مابقى شي على زوجنا كلها اسبوعين واشوي والان فيه ناس لازم اروح لهم باي حبي قفلت الجوال وهي تضحك ضمته لها بفرحه وابتسامه حب الله لايحرمني منك سمعت صرخه نقزتها شافت رون واقفه :لاحبيبتي اتغزلي اكثر وانا خليني اكرف واقهوي ضحكة هدى ومرت جنبها طالعه :حبيبتي انا عروس لازم ادلل انقهرت رون منهاوبقهر كلمت نفسها : بس من يمسكك من كشتك قال عروس قال اوف المانيا برلين من اول ماجت من المستشفى وهي تحت الحافها ماتبي تشوفه للحظه كانت بتهرب بس كلامه خلها ترجع اتذكرت كلامه وهو يتريق عليها وقتها صممت انها تكمل للدكتوره وتتعالج وتوريه انها اقوى منه غمضت عيونها وكلامه باقي يتردد براسها :انتي جبانه ومستحيل تتعالجي مااقول الا الله يعين خالي وخالتي اللي حاطين الامل فيني مادرو ان بنتهم ماعندها قوه انتي اصلا تحاولي توهمينا وتوهمي نفسك انك طبيعيه لاتكذبي على حالك لانك اكثر وحده تعاني من اللي انتي فيه كوابيس بعد عن اخوانك ولو انك طبيعيه ليش تبعدي عني الى هنا انتهى دوري امشي يلا نرجع مافيه منك فايده بتبقين جبانه طول عمرك همست وهي ترد نفس كلامه انا مو جبانه انا اقوى من أي شي وقتها دخلت عالدكتوره الى الان تحس برجفه لانها لاول مره بعد الحادثه تتكلم عنها للدكتوره الجزائريه اللي كانت تحمل الجنسيه المانيه اختارها سلطان علشان يسهل العلاج ومايكون فيه مترجم كل اشوي تزيد الرجفه وعيونها ماوقفت ادموع حست بايدينه تضمها همست بتعب :سلطان ضمها بقوه له وهو يحاول يخفف من رجفتها :انا معك ياعيون سلطان ماكان فيه مجال اتقاومه او ترفض تواجده لانها ببساطه مالها بهالغربه غيره وبهاللحظه بالذات محتاجه احد يضمها يحتويها يخفف عنها مرهقه نفسيا وجسديا الليل بيت ابو عبد العزيز الصاله صرخت بقهر :مو بكيفها تتزوج وعيالنا صرخت عليها رون :ليش مو بكيفها من حقها انها اتعيش حياتها ولاتنسي كيف اخوك الله يرحمه اتزوجها مها بنفعال اكثر :رون انطمي رون بصوت عالي :مابي ماراح اسكت دخل فهد وبعصبيه :مافيه احترام لاامكم اللي جالسه قرب من امه وباس راسها وجلس جنبها ناظر مها ورون :وش عندكم رون سكتت وناظرة بمها اللي اتكلمت بقهر :عاجبك عيال اخوك يتربو عند الغريب وانت موجود ولا اخو بالاسم هذا حق عبد العزيز عليك ناظرها فهد ببرود :الله يوفقها وعمر مو غريب ولد عمتنا ومنا وفينا وماعلى عيال اخوي خوف ولا اني بمقصر معهم مو لازم اهدم حياتي علشان بس اربي عيال اخوي وانا اقدر اربيهم من بعيد ناظر مها وبصوت حازم :مها مالك علاقه بالموضوع ولو اسمع انك اتكلمتي ماراح يسير لك طيب فاهمه ناظر بامه وبحنان قرب وباس راسها :تصبحين على خير يالغاليه طلع فهد وهي تناظر فيه الين راح ناظرت برون اللي تحاول تكتم ابتسامتها لفت لاامها وبصوت واطي مقهور :عاجبك يمه ام عبد العزيز بهدوء :قلت لك من الاول الموضوع منتهي بس حبيت اعطيكم خبر بس انتي الله يهديك لازم تتكلمي رون بابتسامه استفزاز :ياحبها حق النقا ر الله يعينك يامحمد ياولد عمتي صرخت مها بقهر :انقلعي طلعت رون تجري وهي تضحك لفت مها لاامها :عاجبك يمه تنهدت ام عبد العزيز :الله يهديك يمه انت نافس ومو كويس عليك الزعل والصراخ وبعدين انا وابوك اتكلمنا بس تعرفي فهد مايسمع لااحد مها قربت لاامها وبصوت واطي :يمه فهد مايرفض لك طلب ولو ضغطي عليه وطلبت موافقته برضاك راح يوافق ام عبد العزيز بتفكير :بس لاتنسي زواجه مابقى عليه شي وانتي تعرفي دانيه دلوعه مو مثل ساره راح ترى بضره مها بابتسامه انها بدت تقنع امها :اذا هي دلوعه فاكيد عمتي ومحمد راح يعقلونها واذا على خطبته نطول خطبة عمر الين بعد زواج فهد تكون وقتها عنده ويقدر يلعبها صح معها ام عبد العزيز بتردد :بس يمك فهد مو شديد مثل المرحوم ماراح يقدر على رغد ولاتنسي تركي مايرضى على اخته ابدا اذا محمد ممكن يمشي تركي مستحيل مها باقناع :يمه فهد مشاء الله عليه عقله كبير ويقدر يوديك البحر ويرجعك عطشانه مااحد يقدر عليه واذا بغى يكون شديد يقدر يشد هو صح طيب وحنون بس وقت الجد تعرفينه كيف قوي وماهمه واحد من غير عقليته يعني راح يقدر على رغد وحتى دانيه واذا على تركي اذا شاف اخته راضيه بيرضى وفهد اكيد يقدر على دانيه يعني بس انتي سوي خطوه قويه وتشوفي اذا مارضى على الاقل عيال اخوي يربو بينا مو عند الغريب الصباح بيت ابو ركان غرفة رغد محتاره ايش تسوي بعيالها كانت تحطهم عند هند مااتئمن الخدم عليهم بس الان الوضع بينها وبين هند متوتر ناظرة الساعه باقي ساعه ونص عالدوام سوت لهم رضاعات وبدلت ملابسها وجهزت مسكت عبايتها بتنزل توصي الشغاله الا الباب يدق بدون ماتلف قالت :ادخل دخلت هند بهدوء : رغد ممكن نتكلم لفت رغد عليها جات بتتكلم قطعتها هند :بس اسمعيني بعدها اتكلمي حطت رغد عبايتها عالسرير وجلست جلست جنبها هند وبهدوء:ترى انا لمن سويت اللي سويته شفت فيه |
رد: كأنك نويت اتذل هالراس أخطيت
مصلحتك عمر رجال الكل يشهد له مصلي والكل يشهد
له باخلاقه وطيبة قلبه انسان وفي ومخلص وقادر انه يحتويك ويحميك حتى من نفسك وكلامه معي اكبر دليل لانه ماحب انه يجبرك وجا لك بطريقه ثانيه علشان ماتقولي انها افكار ابوي والعائله وترى انا بتصرفي حاولت احميك لاني اعرف ابوي كيف يفكر وانت اكثر وحده عارفه تقاليدنا وان الحرمه مالها الا اخو زوجها مابغيت تنحطين بنفس الموقف للمره الثانيه ودانيه مو ساره الله يرحمها انا حبية مصلحتك ولاتقولي مايقدرو يجبروني اذا سكت عليك اللحين لان عيالك يرضعو اول مايكملو سنتين لهم الاحقيه باخذهم يعني ماتقدري تتكلمي انتي اللحين مو البنت القويه اللي قدرت توقف عبد العزيز انت ام والام مهما كانت قوتها ماراح تقدر تفقد عيالها انا خفت من هاليوم يجي علشان كذا قلت لعمر انك موافقه مسكت رغد راسها بصدمه :هم كيف يفكرو معقوله ممكن يسوها اتنهدت هند وبالم :اتوقعي أي شئ قامت رغد وهي مصدومه اخذت عبايتها وشنطتها وبصوت هامس :انتبهي لعيالي نزلت الدرج وصلت لباب الخارجي وهي تحس بضياع مو قادره تجمع أي شئ براسها لبست عبايتها وهي افكارها بعيده غطت وجهها وطلعت للسواق ركبت السياره دق جوالها بنغمة رساله شافت رساله من رقم غريب مكتوب فيها قريب احنا لبعض طلال ضغطت عالجوال وركت راسها عباب السياره مشتته ضايعه تعبانه مو قادره تفكر كل ضربه اقوى من الثانيه هند صادقه ماعادت رغد القديمه حاولت تنتشل نفسها وتعيد ترتيب اوراقها لكن من قوة الضربات مو قادره تجمع حتى فكره المره هذي فعلا حست انها عاجزه وبحاجة احد معها بيت ابو ركان غرفة رغد بصوت هامس وهي تبكي :مو كذا ياعمر قسينا عليها سمعت صوته يتنهد وبهدوء :هند رغد تحسب ان حياتها معركه ياتكسب ياتخسر لازم تفهم ان الحياه مو ربح وخساره وفيه منطق لازم تمشي عليه مو لانها تبي شي لازم الكل يقول لها ايه ولاتخافي عليها ماني بضارها بشي انتي استهدي بالله وانتبهي لعيالها وكل شئ ان شاء الله بيتيسر مسحت هند دموعها :ان شاء الله بس لو ظلمتها يوم ياعمر ماراح اسامحك طول عمري سمعت صوته :افا عليك مو انا عمر اللي اظلم حرمه وبصوت حاول يكون طبيعي ومو أي حرمه بتكون زوجتي تنهدت هند :طيب يلا فمان الله الشركة مكتب عمر قفل الجوال شال شماغه وعقاله وطاقيته وسار يمسد بايدينه راسه هذا انا احاول بطرق ملتويه علشان اتمم هالزواج احس امانه ثقيله وانا احاول اني اكون قدها تنهد اه ياجومانه وينك تصدقي اني جالس اسعى علشان اتزوج وحده غيرك مسح بيده على وجهها اخذ نفس قوي كل هالمده وهو يحاول يوازن حاله علشان مايظلم رغد ويكون قد هالزواج اللي مرت فيه هالانسانه كثير بحاول اهتم فيك احترمك واقدرك وا سكت بهدوء اقدر امنحك كل شئ يارغد الا قلبي لها وحدها وين ماكانت الظهر بيت ام محمد غرفة دانيه دخلت موني الغرفه بعربجيه :العروس السوداويه ناظرتها دانيه بابتسامه : هلا والله اسفتر وانورت متى جيتي مشت موني وجلست عالسرير قدام دانيه اللي ماسكه كتاب :توي جيت وش عندها العروس جالسه تقراء بدل ماتجهز دانيه بدون اهتمام حطت الكتاب جنبها :لاتقولي عروس موني بقهر :غصبن عنك فهد مية بنت تتمناه بس انتي ماادري شاالافكار الغبيه اللي براسك حتى زواجك مو راضيه تهتمي بالتجهيزات عضت شفايفها بقهر وهمست :تبينه خذيه ناظرتها موني بصدمه اخذت شنطتها وقامت معصبه لحقتها دانيه ومسكتها: موني خلاص والله اسفه لاتروحي ناظرتها وهي تبكي موني مو قادره اتحمل لفت عليه موني واخذتها وجلستها عالسرير :احكي يادانيه انفجرت دانيه تبكي :تتذكري الحفله اللي كنا فيها يوم عزمتنا هيا سمعت وحده تكلم فهد ناظرتها موني بصدمه :مستحيل ويمكن يكون مو فهد دانيه هزت راسها وشهقاتها تزيد : لا متاكده حتى اتكلمت عني وقالت اختك وخطيبتك اللي تركتها سكت موني اما دانيه قامت الحمام تغسل وجهها رجعت دانيه بابتسامة الم :شفتي ايش وقعت فيها ضحكة موني :انتي غبيه ناظرتها دانيه باستغراب كملت موني :انا اقدر امسك جوال واول مااشوفك اوهمك اني اكلم فهد بتصدقي يعني اسمحي لي اعيدها لك انتي غبيه ليكون قلتي لفهد سكتت دانيه وهي تفكر معقوله تكون ظلمته قطع افكارها صوت موني :والله شكلك بهدلتي حرام عليك الوحده لازم تكون اكثر ثقه بزوجها انا وهو ولد عمي واثقه فيه ومااشك فيه شايفه رون كيف تتكلم عليه اللحين جننتي عمتي وجننتينا علشان وحده حاقده ماانتي متاكده من كلامها ناظرتها دانيه باصرار :لا حبيبتي مافيه وحده بتيجي من الباب والطاقه وتخرب بينا بدون مايكون لها هدف والاكيد انها تعرفه لاتحاولي تغيري وجهة نظري امون انتي اتعبي حالك عالفاضي قامت اماني بقهر :خللك مع افكارك وبيجي يوم تتندمي انا رايحه قلت يمكن تغيري رايك بس واضح انك قفله بس اتاكدي بيجي يوم تتندمي على كلامك وبما انك مو راضيه ترضي وتروحي السوق انا بروح اجهز لملكة ماجد دانيه سحبتها وضمتها بابتسامه :فديتك انتظري بروح معك السوق نجهز لملكة اخوك والعرس مالك فيه ابتسمت موني وبراسها موال مسكت جوالها وارسلت لرون مسج المستشفى طلعت من دوامها وهي هلكانه شغلت نفسها كثير علشان ماتفكر المواضيع سارت مشربكه ناظرت ادور سيارة السواق وانصدمت بسيارة جدها مطلق تنتظرها وجدها مع السواق راحت له وهي خايفه فتحت الباب :جدي ايش فيه ناظرها جدها بهدوء :اركبي مافيه شئ بس انا ابغاك ناظرته بنظرات تايه لا مو وقتك ياجدي مو بهالوقت انا باقي ماجمعت اشلائي ركبت بهدوء الان بس عرفت ان هاليوم راح يكون غير أي يوم انتهى البارت اعذروني الاتصال سئ ماقدرت اعدل السطور نلتقي ان شاء الله يوم الخميس اذا مداني يمكن انزل جزئيه قبل |
رد: كأنك نويت اتذل هالراس أخطيت
صباح الخير ... بارت حلو بس ماشبعنا منه وخصوصا انو ولا مشكلة انحلت ورست على البر .......اتمنى البارت الجاي تنحسم بعض الامور وتاخذ خطوة كبيرة
عمر ورغد رغد ماقدامها الا توافق على عمر دامه انسان مافيه اي عيب ورجال محترم ومحترم حقوقها كأنثى ماجاها لابقوة ولا بالغصب هو بعد حامل هموم مايعلم فيها الا رب العباد .......تتزوج واحد ماوراه مشاكل وحاط الاولوية لعيالها وانهم امانة برقبته ولا تنجبر على انسان مابغيها ويحب زوجته ومو ناقص مشاكل اما طلالوه واحد مثله مايراعي حرمة الغير مايستحق الثقة واحد بدون وجه حق يلاحق ارملة خويه ويتغزل فيها هل هذا يدل على احترامه لها وتقديره هل نرتجي منه تربية عيال ماهم عياله مااعتقد انو بيحبهم ولا بيرغب في وجودهم لانو مااحترم امهم من الاول واحد بعمره مازال تفكيره طايش واهم شي عنده رغباته ماتوقع يتأمن له الي يقدران ويحب انسها يروح يخطبها من اهلها ماله داعي التهديد والرسايل وهي مو حلاله لذلك لو تزوجت عمر بتلاقي الي يحميها منه ومن امثاله واتوقعه بيكون متفهم ضد اي اتهام منه رغد ارملة سمعتها اهم شي لها ولعيالها لو طلع عليها اي موضةع بخصوص طلالوه بتنحرم من عيالها وبتتعامل معاملة جدا سيئة من الكل هي مو بس عيالها محتاجين اب يربيهم ويحميهم هي نفسها محتاجة لرجل حنون يحتويها ومتفهم للظروف الي مرت فيها واحد يحتوي قلبها ويعوضها عن الحياة القاسية الي عاشتها قبل طلال مايعرف اي شي عن مشاكلها مع العيلة ومشاكل امها بس عمر شخص من دمها واهله تعرفهم ويعرفوها والاهم عيالها بيكونو بأمان ياليت تتم ملكتها قبل زواج فهد وبكذا يحط الكل امام الامر الواقع ويقطع على مهيو تخطيطاتها الخبيثة موني ونايف يمكن مايكون لهم نصيب مع بعض وهذي حكمة من رب العالمين يمكن لانهم غلطو بالبداية بس دام اماني تابت وتراجعت في الوقت المناسب ربي يكتب لها الخير اما ام ماجد ماراح تمشي كلمتها لاني ملاحظة انو الحريم كلهم مالهم كلمة بالعيلة اذا رغد القوية ماقدرت تمنع زواجها من عزيز وصارت ضرة بنتها الظاهر ام ماجد همها بس رايها مو مهم سعادة عيالها مو كافي بناتها وحدة ماتت والثانية مريضة نفسيا لو ردت نايف تضمن احد بيتقدم لبنتها وبيسعدها دام الرجال مافيه اي عيب ماعندها عذر بتقول اخو حصة وحصة وينها بقبرها ماتت وشبعت موت وهي بتموت مابتعمر يعني لو عذرها قوي عذرناها وهذا هي زوجت ماجد لبنت حصة وظلموها ومااشوفها خافت انو ربي يعاقبها ببناتها .......انا اقول اذا رغد بتقهر الكل تشرط انو ملكتها مع ملكة خالها على اماني وجدها مابيرفض هالطلب وهو يبغيها زوجة لعمر وبنشوف ام ماجد شراح تسوي لو الجد بكبره وقف بوجهها وامر ولده يزوج بنتها او هي تطلق وبعدين مين ولي امر البنت ابوها حتى لو اماني رفضت بسبب خباثت امها رغد تعرف الحقيقة وتدري بكره الخبيثة لهم ورغد من زمان مااستخدمت قوتها ووقفت احد عند حده وهذي فرصتها مريم وسلطان زين سوى فيها سلطان بصراحة بالاول عاذرتها وكاسرة خاطري بس الحين لاعت كبودنا منها يعني الى متى اهلها بيتحملو جنونها ومين بيصبر عليها اخوانها كلن بيتزوج وبيعيش حياته ماهم ملزومين بوحدة حابسة عمرها بقوقعة الماضي وعندها فرص تعيش وتكون طبيعية خلاص زوجها راضي فيها واختارها بنفسه باقي هي تتعالج وتتصالح مع عمرها مو من زين الحياة الي تبغي تعيشها الحين دانية وفهد اتمنى انو كلامها عن رنيموه يوصل لفهد علشان يقدر يتصرف مع رنيموه ويهددها لو بس وصل لها خبر انو متزوجها بدل مايطلق دانية بيطلقها هي وبدون رجعة هالمرة تذكار زوجيهم بسرعة قبل ماتنفذ رنيموه خطتها اذا تم الزواج فهد بتكون سلطته اقوى ويمكن يعدل من دلعها وتتعلق فيه وتدافع عن بيتها وتحرق قلب رنيموه وتفاجأها انها تبغي فهد ومتمسكة فيه ومايهمها انو متزوج غيرها دام قلبه معاها بنشوف رنيمو ساعتها كيف بتتحمل مهيوه انانية همها تمشي رغبتها تخرب حياة اخوها مع حماتها وتجبر رغد للمرة الثانية على اخوها الحين عرفت انها ماتحب دانية اصلا يوم عزيز بيتزوج رغد على سارة العقيم يعني عنده عذر قومت الدنيا والحين مايهمها اخوها كيف بيعيش مايهمها مشاعر رغد الي مستكثرة عليها العيشة السنعة لكنهم ماعرفو رغد مين ودام الجد اختار عمر والرجال خطب ورغد ان شاء الله بتوافق مابينفذو الي براسهم اشوف يوم محمد كان بارد معاها ماعجبتها الحياة اجل ليش ترضاها لغيرها اتمنى من قلبي يملك عمر على رغد قبل زواج فهد وبنشوف ساعتها كيف بتتصرف اما ام عزيز الحين حلت رغد بعينها المفروض ماتظلم بنات الناس علشان رغبات تافهة هي العجوز ماتقبلت الضرة كيف ترضاها على دانية اليتيمة هل هذا قدر البنت عندها ....... ومهيوه قبل ماتخطط تحط نفسها موقع رغد ودانية وبعدين تخطط ربي لايوفقها ولا يهنيها ومحمد يقلب عليها وتنصدم بردة فعله لانو دانية امانة برقبته واخته الوحيدة في انتظارك اتمنى البارت الجاي فيه احداث تبرد القلب |
رد: كأنك نويت اتذل هالراس أخطيت
السلام عليكم ورحمة الله وبركاته
باجل البارت بكره لجل يكونو بارتين ونسرع الاحداث نلتقي غدا باذن الله |
رد: كأنك نويت اتذل هالراس أخطيت
حبيبتي تاخرتي علينا ما اريد استعجلك بس فضولي كبير لمعرفة قرار رغد ولون حياتها مع عمر
|
رد: كأنك نويت اتذل هالراس أخطيت
غداً البارت ب اذن الله تعالى
|
رد: كأنك نويت اتذل هالراس أخطيت
السلام عليكم ادري اني تاخرت وحده من المتابعات قالت انتي تتاخري علينا ومواعيد مو ثابت والله موبيدي الموضع علشان كذا ماراح احدد لكم يوم للبارت قبل ماانزله بيوم بيكت لكم انه بينزل هذا هو الحل الوحيد عشلان مااتخر بالموعد (الجزء السادس والعشرون ) المستشفى طلعت من دوامها وهي هلكانه شغلت نفسها كثير علشان ماتفكر المواضيع سارت مشربكه ناظرت ادور سيارة السواق وانصدمت بسيارة جدها مطلق تنتظرها وجدها مع السواق راحت له وهي خايفه فتحت الباب :جدي ايش فيه ناظرها جدها بهدوء :اركبي مافيه شئ بس انا ابغاك ناظرته بنظرات تايه لا مو وقتك ياجدي مو بهالوقت انا باقي ماجمعت اشلائي ركبت بهدوء الان بس عرفت ان هاليوم راح يكون غير أي يوم وصلو بيت جدها نزل جدها ونزلت بعده دخلت وراه دخل المكتب ودخلت وراه اشر لها عالكنبه جنبه ناظرها بهدوء :ايش رايك بعمر ولد عمتك رغد غمضت عيونها اخذت نفس وبتعب :ماابيه ياجدي لاتكررون سالفة عبد العزيز انا الى الان اعاني من الموضوع تكفى وقف معي مطلق بثبات :وطلال انتفضت رغد ولفت لجدها بصدمه ناظرها بثبات وصوت حاد :واحد جاي لحاله وواثق ومن اسلوبه واثق من الموافقه واللي يخليه يجي لي مايروح لعمامك وكانه عارف حياتك بعصبيه ماهقيتها منك يابنت حصه علشان كذا رفضتي ولد عمك اول واللحين بترفضين ولد عمتك انتفضت رغد ووقفت مو عارفه شتقول بس حاولت تجمع قوتها وبصوت مخنوق الا انه ثابت :جدي طلال هذا مجرد مريض مرى علي وحاول بكل الطرق يقرب مني بس انا رفضت هذا عشمك ناظرته بثبات انا تربيتك يامطلق انا باقي رغد بنت حصه وحفيدتك وحفيدة عزام مو شغله تغير اخلاقي وتربيتي الا هالشي ياجدي لاتفكر ابدا اني ممكن اسويه الجد بثبات ناظرها :ليش ماتكلمتي جلست رغد بهدوء حست بالراحه انها قدرت اطلع حالها :جدي انتم من اول مو راضين بشغلتي ولو قلت لكم بالسالفه ماراح تسمحو لي بااني اكمل وبيكون لكم سبب علشان كذا سكت مطلق سند نفسه على عصاه وقام قدام الشباك وهو يضغط بيده على عصاه واثق فيها بس حب يستغل هالمواضوع ولا زم يعرف يستغله بدون مايتلفت عليها :اثبتي لي كلامك وانك بنت حصه وماترضى الغلط وافقي على طلبي رغد بتسرع :جدي موافقه على أي شي الا اترك التمريض مطلق لف عليها وبثبات بدون مايرمش له عين :توافقي على ولد عمتك ناظرته بصدمه :جدي انت ايش تقول مطلق بهدوء لف عليها :لك شي باخلاقه ودينه وشغله رغد انت رافضه لانك تحسبي الكل بيوقف بوجهك وبتتكرر حكايت عبد العزيز بس المره هذي هالزواجه مااحد له دخل فيها الرجال جى وخطب انا تدخلت لانه رجال كفو يابنتي انا ترى مااجبرك عليه ابدا بس ابغاك تفكري زين بمستقبل عيالك قبل مستقبلك وتشوفي عمر كرجال مو واحد احنا فارضينه وقتها اذا رفضتي انا اول واحد يوقف معك وحتى جدك عزام بيوقف معك انت ماخذه موقف عدائي بسبب طريقة زواجك من عبد العزيز هالمره جدك عرف غلطه وماراح يكررها كل اللي ابغاه منك تفكري اكثر وبالنسبه لرجال اللي خطبك انا اعرف اتصرف معه حست بالرحه من كلام جدها بيفكها من مشكلة طلال بس ضغط عليها اكثر ماكانت محتاجه احد يكلمها هاليوم بذات عن عمر بعد كلام هند تنهدت بهدوء وقامت بصوت مخنوق :بحاول افكر ياجدي خلي السواق يرجعني المجمع مسكتها على جنب ودانيه راحت تقوس فستان :اقولك دبري مقابله لهم لازم نقربهم قبل مايسير شى انتي عارفه انها مجنونه رون بقهر وعصبيه:هالغبيه معقوله اتصدق ان فهد يعرف بنات مسكتها موني من ذراعها :بطلي حركات العصبيه خذي الموضوع بعقل خلك عاقله لمره بحياتك سكتت رون وماعلقت اما موني حست انها جابت العيد رون مو الوحده اللي ممكن تصلح الوضع ممكن انها تقلبه فوق تحت نادتهم دانيه بغرفة القياس دخلو عندها لفت بالفستان الاسود :ايش رايكم رون بابتسامه غمزت :بتذبحين اخوي خفي عليه ناظرتها موني ابتسمت لها غمزت رون لموني ولفت لدانيه اللي حاولت تسيطر على ردت فعلها اسمعي يلا البسي خلونا نلحق بيتنا بسرعه لفت لها دانيه بسرعه بتعترض ماعطتها رون فرصه سحبت موني وراحت بيت ابو ركان غرفة رغد دخلت غرفتها حمدت ربها مالقت احد من جدانها تحت نزلت عبايتها ورمت نفسها عالكنبه بتعب وقفت لها هند :ايش فيك اتااخرتي رغد بتعب :كنت عند جدي مطلق تكفين مافيني اتكلم تعبانه بنام رحمتها هند :طيب انا بروح لااخوي راشد الكل مجتمع عند مها عادي اخذهم صحصحو اللحين رغد قامت عالسرير ابتسمت بعتب وباستهم اثنينهم لفت لهند :ايه عادي واذا صحيت يمكن الحقكم سويتي لهم حليب ابتسمت هند :وغيرت لهم ماتشوفيهم يهبلون ابتسمت رغد :اصلا عيالي يهبلون بدون شئ غيري لهم وخذيهم قامت هند :طيب بس اروح ابدل وارجع راحت هند ورغد تتامل بعيالها ايش مصيرنا حطت اصابعها بيد عزام بتساعدوني يماما او انا فعلا محتاجه احد يربيكم معي ليش الكل مصر على عمر تنهدت ممكن يكون نسخه من عبد العزيز مو ولد عمته غمضت عيونها حاولت تسترخي لو فكرت جديا بعمر كعريس واحد راضي بعيالي من كلام جدي والكل ان اخلاقه عاليه وظيفة محترمه ومستوى عالي شخصيه قويه وبنفس الوقت لينه هذي الاشياء اللي استنتجتها من هند وجدي معقوله بديت افكر فيه كعريس جدي صادق رفضي كان لاني ماابي احد يفرض رايه وهالمره الموضوع مو فرض راي لو فكرة بمنطقيه عمر رجال أي وحده تتمناه وانا كا ارمله بنظرة المجتمع مالي حظوظ قطع افكارها صوت جنبها فتحت عيونها بهدوء شافت هند تحط العربيه الثنائيه وتحط عيالها هند بهدوء :شكلي صحيتك رفعت راسها رغد :اصلا مانمت هند ليش عمر خطبني بالذات حطت هند عزام بالعربيه جنب فهد وجلست عالسرير جنب رغد اللي ضامه رجولها وجالسه :لان بينكم رابط مشترك ناظرتها رغد بصدمه :ايش بينا هند بحزن :رغد عمر عانا ومازال يعاني يشوف بعيالك ولده اللي ماشافه بباله ان عيالك ماشوفو ابوهم فهو يبي يعوضهم يمكن ماقال بس انا متاكده من هالشي احد اسبابه رغد عمر ضل سنتين بعيد وهو بس يشوف صور وله حتى ولادته ماقدر يحضرها والوقت اللي المفروض يجي يشوفه وهو متحمس لعائلته الصغيره يجي يشوف ولده بكفن متخيله ايش شعوره شئ لا يمكن احد يقدر يوصفه واللي كسره اكثر هو جنون زوجته اللي كان سكتت هند رغد ناظرت قدامها بضياع :كملي ماعليك وهذا من الاسباب اللي ابي اعرفها وفائه لها سنين فجاءه قرر يتزوج ومو أي وحده ارملة ولد عمه اللي عارف قصتها رغم اني اكثر من مره سمعت عمتي تحاول تزوجه وهو رافض تنهدت هند وسارت تناظر بعياال رغد وهي تحاول تبعد نظراتها عن رغد :اللي اعرفه ان اخوها وابوه اخفوها عنه وانه مايدري عنها شئ صح انه يحبها من زمن الا انه لازم يناسى ويعيش حياته انتي ممرضه وعارفه ان اللي يروح عقله مستحيل يرجع اللي فيها مرض عقلي مو نفسي حتى انها ممكن تتعالج منه من اسالتك حسيت انك فكرتي بالموضوع بجديه اللي ابي اقولك اياه عمر كرجال وزوج وكااب وكاخ هو نعم الرجال اسالي ريوف وهي تقولك اكثر وحده وقف معها حنون وطيب صح انه شخصيه قويه وله هيبته ومكانته بين الرجال ورجل بارد الا انه لين مع اهلها ومتفاهم رغد بهدوء بدون تفكير :قصدك عكس عبد العزيز الله يرحمه اللي كانت قوته حتى على اهل بيته هند بهدوء :رغد مستحيل اسوي مقارنه كلهم عيال اخواني وكل واحد منهم له غلاه حاولت تغير الموضوع لفت رغد غمزت لها ترى عمر احلى من عبد العزيز لاتخافي رغد ضمت رجولها اكثر ولفت لهند ناظرتها من طرف عينها الغريب بان رغد وجهها حمر اشوي ضحكة هند باستمتاع رغد بتصريف : قومي يلا تاخرتي بقوم اصلي واستخير وانام لي اشوي دقي على صلاة العشاء قامت هند واخذت العيال وطلعت وهي تبتسم يارب تمم لها على خير تجبر تعب عمر وفقدانه وهو يجبر لها جروحها من كل اللي مرت فيه عمر جال رائع تحمل اشياء مايتحملها غيره رغم كل اللي مر فيه الا انه باقي قوي مع اني متاكده انه من داخله مكسور المانيا برلين توهم راجعين من الموعد الثاني جلست عالكنبه بهدوء اشياء كثير حست فيها كيف كانت عايشه صادق سلطان بكل كلمه كنت حابسه نفسي بقوقعه المفروض اكون مؤمنه اكثر من اشخاص كثير القصص اللي سمعتها من الدكتوره تحسسني بتفاهت اللي مريت فيه الدكتوره خلتها تقرا قصة اوبرا وينفري اللي انولدت لمراهقين بدون زوج واغتصبها اكثر من شخص الا انها قدرت تنجح وتبني مستقبلها اما انا مجرد مره وكنت صغيره لكن مانسيت نفسي الا اني حبست نفسي بهذاك الحادث رغم انه بدت ذاكرتي تنسى اجزاء كثيره من الواقعه بس انا اللي رفضت اطلع نفسي الدكتوره صادقه لو كنت اكثر ايمان بالله كان قدرت اتغلب على كل شي مريت فيه معقوله مرتين بس واعرف اني كنت عايشه بوهم ضباب لازم اتغلب على نفسي وعلى كل شئ مريت فيه لازم اكون قويه اذا اوبرا عندها اصرار وعزيمه وهي غير مسلمه فانا عندي ايماني بالله واصرار وقوه بإذن الله اتغلب على كل شي مريت فيه ماادري كيف ضيعت حياتي لفت حولها مالقت سلطان خلاها لحالها علشان تراجع نفسها بدون ضغط تحت جالس بكوفي قدام العماره اللي ساكنين فيها اليوم حس براحه كبيره وجهها المرتاح وطلوعها من عند الدكتوره بدون دموع حس انه تقدم كبير ماكان متوقعه اللي يفكر فيه حالين كيف بيكون وضعها بعد ماتتعالج هو متاكد انها مراح ترجع معه كلامها امس بباله مهما اتعالجت لازم نفترق مع انها ماقدمت له شئ الا انها قدرت تتغلغل باعماق قلبه تنهد قام حاسب على الكوفي اللي ماقدر يشربه وراح يجيب لهم اكل بيت ابو عبد العزيز المقلط جالسه مرتاحه ماقابلت فهد ولاتتمنى تقابله اللي ريحها اكثر ان زوجة خالها قالت ان فهد باقي ماجي تتمنى الوقت يمر بسرعه ماتبي تتحرك من جنب امها مره عجبوها عيال رغد فجالسه جنبهم بالجهه الثانيه موني ورن وجالست يخططو موني بهدوء :يابنت لازم فهد مايدري عن السالفه صعبه لو درى بيكون بينهم حاجز رون بتفكير وابتسامت خبث :ليش مانخليهم يجلسو مع بعض يمكن يتغير شئ موني دقتها على كتفها :ماتشوفيها مو راضيه تتحرك من جنب عمتي حتى الصلاه صلت هنا رون بابتسامه خبيثه :افا عليك انا رون خليني ادق على فهد واضبط الوضع مها تناظر بامها وهي تشوف دانيه كيف تلعب اولاد رغد هزت امها راسها وكان الفكره بدت تثبت براسهم ام محمد جالسه جنب امها :يعني بتروحي عند سالم ام سالم وهي تشرب فنجال القهوه :ايه يابنتي مابقى شئ على ملكة ماجد خلينا نساعدهم الا حنان وين ام محمد :عندها مو عد عند الدكتوره ام سالم ناظرت ام عبد العزيز : الا وين ريم ماشفتها ام عبد العزيز بضيق :ماادري ياخالتي من ولدت مها ماشفتها ام سالم :وهالحرمه وين داجه عن بيتها صدق حريم اخر زمن الله يعين وليدي عليها مير خله يعرف قدرك وانا امك ابتسمت ام عبد العزيز :الله يسلمك ياعمتي اشرت هند لمنيره اختها اشرت لها منيره تسكت شكل مااحد يدري غيرهم بس هند كانت بتتكلم اشرت لها منيره بعيونها لوتكلمت مايصلح لها طيب سكتت هند دخلت رون وجلست جنب موني همست لها :فهد جاي موني بابتسامه :اجل انا اروح علشان يقدر يدخل رون بضيق :لاتروحي خلك نخليها تطلع له اقول ان فهد يبي العيال موني ناظرتها بقهر:ياغبيه راح تخلي هند تطلعهم وتطلع منها لكن اذا فهد دخل ماراح تقدر تقول شئ رون بقهر اكثر :ايش استفدنا اذا دخل عند الحريم موني ناظرتها وهي تفكر :ايش رايك نقول لهند خليني ارسل لها عاالواتس وبدت موني ترسل اما دانيه حاسه ان فيه شي البنات مو طبيعي من اليوم تنغيز ببعض علشان كذا جلست عند امها ومسكت عيال رغد هند وصلها مسج عالواتس من البنات انهم يبون دانيه تجلس مع فهد وان بين فهد ودانيه سوء تفاهم يبونه ينحل ابتسمت بهدوء رفعت راسها لموني واشرت بابتسامه انها موافقه بالمستشفى غرفة الدكتوره متمدده عالسرير وتكشف سونار وتركي جنباها تركي بفرحه :شوفي كيف يهبل طالع لااابوه ابتسمت حنان :لاتسير بكاش ناظرت بالدكتوره شافت وجهها ماتغير حنان بخوف :ايش فيه يادكتوره لف تركي للدكتوره :ايش فيه الدكتوره بهدوء :تعالو معي عالمكتب مسحت حنان الجل من بطنها وراحت ورى الدكتوره هي وتركي جلسو قدامها الدكتوره بمهنيه :اعذروني بس لازم تعرفون الطفل انتم عرفتو انه مولود لكن الولد مو طبيعي بصراحه نشك انه يعاني من اعاقه ومن خلال الكشف مانقدر نحددها حالين مااقدر اخدمكم الين تولدين نزلت دموعها وحاولت انها تثبت حالها وهي تردد بالم:الحمد الله الحمد الله تكلم تركي بالم :اللهم اجرني بمصيبتي واخلفني خيرا منها الحمد الله على كل حال قمات حنان لبست نقابها ويدها ترجف بصعوبه قدرت تلبسه مشت بخطوات مهتزه ساندها تركي :اذكري الله طلعو من عند مكتب الدكتوره الى سيارتهم وحنان طول الطريق تردد بصوتها المخنوق ودموعها ماوقفت :الحمد الله الحمد الله ركبت السياره قفل عليها الباب وركب جنبها السياره هاديه الا من صوت شهقات حنان وترديدها الحمد لله بيت ابو عبد العزيز المقلط جت رغد بعد العشاء وجالسه معهم ورون وموني وهند ينتظرون فهد يجي علشان يطلعو رون اللي قالت لهم هند خلوها علي وهي تكلمهم عالواتس رسمو كل شئ علشان ماتقدر تطلع منها طلعت رون بابتسامه رجعت ومعها صينية الشاي قالت بهدوء :هند فهد يبي يشوف العيال ارتبكت دانيه قامت هند وهي تشيل فهد ناظرت بدانيه بدون ماتعطيها فرصه ترد :جيبي عزام معك وطلعت ناظرت دانيه بموني وشافت ابتسامتها عرفت انها منهم وان ظنها في محله شافت امها اتاشر عليها تروح قامت بارتباك واخذت عزام من رغد اخذت نفس وطلعت للصاله المفتوحه شافت لبسها بمراية المدخل لابسه بنطلون جينز ازرق فاتح وقميص اسود خفيف حست بالقهر كملت طريقها اول ماشافته وبحظنه فهد الصغير بحظوره القوي حست برجفه بقلبها غصب عنها حضوره طاغي وريحة عطره القوي مثله سيطر عليها اول ماقربت هند طلعت من المكان بلعت دانيه ريقها وقربت منه اما هو من اول مادخلت ناظرها بابتسامه مشتاق لها وعارف انها مكيده من رون ولو عليها ماجته حط فهد عالكنبه وحط جنبه الخداديه علشان مايطيح قام وقرب منها مسك ايدينها اللي ماسكه عزام حس برجفتها ابتسم لها بجاذبيه وبصوت هامس :اشتقن لك ياحلوه همست برجفه وهي تناظر عزام وتحس بيايدنه الدافيه فوق ايديانها :لايطيح سحب عزام منها وهي سحبت ايدينها وضمتها وقفت بمكانها مو قادره تروح ولاتيجي سمعت صوت وراها الا رون داخله بعربيتهم الثنائيه :خلاص شفتهم باخذهم دانيه كانت واقفه وضامه ايدينها وعيونها مفتوح بصدمه اللعبه بانت اخذتهم رون وراحت بسرعه ودانيه باقي على وقفتها اول مااستوعبت لفت بتروح بس كانت متاخره لان فهد كان واقف قدامها ومسكها من ذراعها انتفضت وناظرت فيه برجفه مو قادره تقول ولا كلمه جت عيونها بعيونه همس لها وهو قريب :ايش فيك ماتبين تشوفيني نزلت عيونها حست بتخبط ليش ماتبي تبعد ليش تبي تناظر بعيونه تبي تبقى جنبه مو قادره تتكلم او حتى ترد عليه ليش لمن تشوفه كل شي يضيع منها سحبها معه وجلسها عالكنبه وجلس جنبها ووجه لوجهها لااول مره تحس نفسها مو قادره تتحكم بتصرفاتها شال شماغه وهو يتاملها المره هذي يحس بشوق غريب مجنون هالطفله جننته وجننه اكثر لااول مره تستسلم له بسهوله همس لها ثاني :ليش تبعدين عني ناظرته بضياع اتاملت عيونه اللي تذبحها ورموشه اللي نفسها تمسح عليها باصابعها فجاءه اتذكرت شئ كانت ناسيته حطت عينها بعيونه وعيونها فيها نظره قويه :فهد اقسم لي انك ماخنتني يوم ناظرها بصدمه |
رد: كأنك نويت اتذل هالراس أخطيت
المانيا برلين دخل بالغداء الشقه وقف بمكانه مصدوم بلع ريقه كانت واقفه قدامه رافعه شعرها بربطه لابسه برمود اصفر مع تيشيرت ابيض بخطوط صفراء ابتسمت له بارتباك:زين جبت الاكل جوعانه قربت منه بارتباك :عطني الكيس اجهز الاكل سحبته من يده وراحت للمطبخ المكشوف قدر يتعدى صدمته جلس على طاولة الاكل ينتظرها تجهز الاكل وهو يتاملها وهي تتحرك تجهز الصحون وتحط الاكل مبين عليها الارتباك ماحب يربكها وقف قلع جاكيته وحطه على الكرسي راح عندها المطبخ حك جبهته :يمدي اقدم خدماتي للحلوين ارتبكت وكان الصحن بيطيح من يدها بس هو مسكه ناظر عيونها اما هي حاولت تشتت نظراتها قلبها يدق ووجهها سار احمر حط الصحن على جنب ومسك يدها اللي ترجف بهمس :ناظريني مريم همست بصوت متقطع :سلطان لاتضغط علي خلي كل شي يمشي بهدوء ضحك بفرحه ناظرته باستغراب :الحمد الله يارب واخيرا قدرتي تتغلبي على نفسك ابيك تتاكدين يامريم انك شي مو عادي بحياتي باس ايدينها واخذ الصحن وطلع ناظرة فيه وهو يطلع اخذت نفس لفت تاخذ الصحن الثاني ابتسمت سلطان ساعدها كثير غير فيها شئ ماقدر غيره يغيره هي ممنونه له صح طلبت من الطلاق اذا تشافت لكن الان عرفت انها كانت على غلط ماراح تجازي انسان قدر انه يغيرها بالجحد والترك لفت وهي شايله الصحن الثاني حطته عالطاوله وراحت تجيب باقي الاغراض وهو جالس يتاملها بهدوء وهو يفكر كيف بيكسر هالحواجز دامها اتغيرت بيت ابو عبد العزيز الصاله تدارك صدمته وبثبات ناظرها بتأنيب :هذا تفكيرك يابنت العمه علشان كذا مسويه اضراب لازم تعرفين اني انا فهد راشد قام وهو يسحب اشماغه وعقاله وقفت بتردد :فهد لف ناظرها كانت تلعب باصابعها شفايفها ترجف وعيونها حمرا حاول يخفي ابتسامته طفلته تسحره يعرف ادق تفاصيله متاكد الان انها تحس بالذنب وعلى وشك انها تبكي سكت وهو ينتظر ردها رفعت راسها بصوت مخنوق :انا اسفه قرب منها باس جبهتها همس لها: وانا اقبل اسفك طفلتي تركها وراح وهي تتامله وهو يمشي بخطوات ثابته وهيبه وهو يعدل شماغه والعقال عالمرايه كيف قدر ببساطه يقلب كل افكارها كيف استسلمت له ماتدري كل اللي تعرفه انه بكم كلمه بسيطه قدر انه يقلب كل مشاعرها ويحول أي رفض الى قبول فهد شخص مو عادي ابد هذا الشئ تاكدت منه الان انتبهت له وهو يلف لها غمز لها وراح حطت يدها على قلبها اللي يدق بجنون ويدها الثانيه على خدودها الحاره همست اسمه بهيام فهد جمعها وبعثرها بدون أي مقاومه منها قطع سرحانها ضحك رون وموني ناظرتهم بهدوء ومشت بدون ماتعطيهم اهميه ودخلت المقلط شافت امها تناظرها بابتسامه بعد ماشافت وجهها احمر نزلت عيونها دانيه بخجل رغد بضحكه :ترى عيالي مو مراسيل غرام بينك وبين فهد ضحك الكل وانحرجت دانيه زياده (بيت ام محمد ) (شقة تركي ) من اول مادخلو الشقه وهي تحت اللحاف متمدده عالسرير وهو جالس جنبها تركي رفع الحاف وجلسها وبثبات وقوة ايمان :تعترضي على قضاء الله بالنهايه هو ولدنا فيه شئ او مافيه حنان بالم وعيونها حمرا من البكى ووجها شاحب :مو بيدي والله مو بيدي تركي مسح على شعرها بهدوء :اذكري الله ترى مو كويس لك التعب لاتنسي انك حامل تنهدت حنان بتعب وهي تمسح دموعها :الله كريم يفرجها من عنده بس طلبتك لاتقول لااحد ابتسمت تركي لها :تامرين امر واللحين قومي اغسلي وجهك وجهزي لنا عشاء من ايدينك الحلوه ابتسمت ابتسامه باهته :من عيوني حبيبي وقامت تنهد تركي بتعب وهو يمسح راسه اللهم اجرني بمصيبتي واخلفني خيرا منها بيت ابو عبد العزيز المقلط الكل روح الا هند ورغد الجده روحت مع اماني وام محمد ودانيه روحو مع محمد ورغد وهند جلسو لان رغد همست لهند انها تبي راي عمها بالموضوع تنهدت رغد استخارت حست براحه كلامهم كلهم عقلاني بس من حق عمها عليها انها تستشيره او حتى تبين له ان له راي بالموضوع مع انها حسمت امورها بالموافقه دخل ابو عبد العزيز وسلم على هند ورغد واخذ عزام بحضنه لان فهد نايم كان بالمقلط مها وام عبد العزيز وهند ورغد وابو عبد العزيز رغد بهدوء وثبات :بغيت رايك ياعمي ابتسم ابو عبد العزيز :امريني يابنتي رغد بدون مقدمات وبثقه :اكيد عارف بموضوع الخطبه حبيت اشوف رايك بعمر الصدمه كانت لثلاثه وبالذات لمها وامها اللي ماقدرو يسوى أي شئ اما ابو عبد العزيز تدارك نفسه :يابنتي انتي صغيره والعمر قدامك مانقدر نمنعك من شئ وعمر ولدنا احسن من الغريب وعني انا ماعندي أي مانع وعمر رجال كفو مانقدر نقول عليه شئ ابتسمت هند رغد ورغد ابتسمت لها وقامو يلمو اغرضهم رغد مافاتته صدمت مها وام عبد العزيز ونظراتهم تاكدت من ان الكلام اللي قالته هند صح وانهم يخططون يزوجونها فهد وكانها دميه يلعبون فيها لكن نجوم السماء اقرب لهم هي لاحظة تهميزات مها طول الجلسه لكن طنشت بمزجها فعزمت انها تكلم عمها اليوم وبهالوقت حتى قبل ماتقول لجدها المانيا برلين طلعت له وهو جالس عالتلفزيون رمت له شرشف ومخده :امسك نام هنا ابتسم سلطان وبخبث :افا واهون عليك قام قرب منها اول ماشافته قرب رمت الشرشف والمخده ودخلت الغرفه قفلت على نفسها سمعت ضحكتها تركت على الباب وابتسمت لاارديا الحياه حلوه وروح سلطان احلى ليش دفنت نفسها ماتدري تنهدت وراحت تنام بالصاله ابتسم لمن راحت مسك المخده والشرشف واخذه عالكنبه واتمدد انا سلطان يامريم الايام بيا اذا ماخليتك تشهقين باسمي مااكون سلطان الحمد الله اللي عدت الامور بخير على كذا بنرجع بدري نلحق ملكة ماجد اليوم الثاني بيت ابو ركان اليوم رغد اخذت اجازه رغم انها استهلكت اجازاتها الا انهم ساعدوها جالسه بالصاله عماتها حولها فرحة عمتها هاله غطت عالكل ومافاتها الضيق بعيون ام عبدالعزيز بس ماهمها ريوف طايره بينهم ماتنسى فرحة جدها بالموافقه لكن كان عندها شروط وطلبت انها تقولهت لعمر تنتظر يخلصو الرجال علشان يدخل وتقوله شروطها مجلس الرجال جالس بكل هيبه بين الرجال ماتوقع الموافقه بهالسهوله يسيطر على الامور ومتاكد انه يعرف جزء من شروطها قطع افكاره صوت خاله راشد :الله الله ببنتنا وعياله بموقف ثاني كان انقهر من توصيات الناس بالعيال لكن لانه ببساطه كل هالزواجه علشان العيال بس هو مو سئ لدرجة انه يسئ لحرمه مالها الا الرضى والاحترام ناظر خاله وبصوت واثق :لاتوصي ياخال لف لجده توكلنا ياجدي ابتسم ابو سالم بوقار وقام عالمقلط وخلاه يجلس وهو راح ينادي رغد نزل عيونه بالارض وتنهد الذ كريات سارت تحاصره تذكر النظره الشرعيه له مع جومانه كاننت بظروف غير وبفرحه غير تنهد وهو يعدل شماغه يمكن يشغل نفسه عن الذكريات دخلت مع جدها بعبايتها وطرحتها اول مادخلت المجلس تغلغلت ريحة عطر رجالي اعماقها ريحه مميزه غريبه من نوعها اول مارفعت نظرها طاحت عيونها عليه لاول مره بحياتها يرجف قلبها لرجال جسمها كله رجف حاولت تجمع شجعتها لكن قطع عليها صوته العذب اللي شتتها ماقدرت تشيل عيونها رغم انه هو رافع عيونه مكان ثاني:امري ايش بغيتي ومالك الا اللي يرضيك يابنت الخال ضاعت قوتها مع هيبته وصوته وحضوره هالمره حست نفسها مراهقه ضغطت على يدها يمكن تجمع شجعتها تكلمت بصوت هادي رغم البراكين اللي سكنتها : اهم شي وظيفتي مااتركها وعيالي امانه برقبتك ليوم الدين سوائا حيه او ميته ابتسم عمر وبهدوء وصوته الواثق :كل طلباتك مجابه غيره الان بس ضاعت من ابتسامته نفسها تقرب من جدها اللي واقف قدامها وتمسك فيه لان تحس رجلها مو شايلتها بس تكلمت بثبات :اجل اتفقنا وقف عمر وبان طوله وعرضه كان يحاول يجتنب النظر لها لكن قال بدون تفكير :اجل نجيب الشيخ ونملك اليوم نسوي عشاء واخذك الا اذا تبين عرس رغد بهدوء ناظرت جدها اللي كان ساكت :اللي يامر فيه جدي ابتسم الجد بفرحه :توكلنا على الله يابنتي طلع عمر من المكان بكل هدوء وبرود وكان ماسار أي شئ كانه كان يعقد صفقه ماهمه أي شئ شاف جدها وخوالها ابتسم :ياشيخ مطلق ايش رايك خير البر عاجله ونكتب اليوم وعشاء وصلى الله وبارك مطلق بابتسامه وهومرتاحه لعمر وفخور برجولته :توكل على الله ياولدي عند الحريم انتشر الخبر وقررو يكون عشاء عائلي بس بغرفة رغد كل البنات مجتمعين الا مها اللي ماجت بحجت انها نافس ماتقدر تيجي البنات يسولفو بحماس ويخططو عالعشاء رغد بعالم ثاني مستحيل تسمح لنفسها انها تضيع فيه هي اقوى من ان رجال يمتلكها وافقت على عمر وعندها ثقه كبره انه هدفه العيال وبس لكن مقابلتها له اليوم قلبت كل موازينها لوانها زواجه طبيعيه وهي ماتزوجت قبل نفضت الافكار من بالها ناظرت حنان اختها ابتسمت لها ابتسمت حنان وهي تخفي بداخلها الم نقزت ريوف بحماس :يلا رغد اجهزي يالعروس زوجة اخوي وناسه واخير عمور بيتزوج ويفك اشوي ضحكو عليها البنات رون قامت وفتحت الدولاب بحماس :اليوم فستانك من اختياري نقزت عندها ريوف :لااانا اختاره هي زوجة اخوي دخلت هند بضحكه ومعها كيس :لااانتي ولااانتي انا جبت لها احلى فستان ناظرتها رغد بطرف عينها مخططين لكل شئ مشت الموضوع بهدوء وبدو يجهزونها البنات وهي مستسلمه بهدوء انتهى البارت |
رد: كأنك نويت اتذل هالراس أخطيت
صباح الورد .......تسلم ايدك ياعسل البارت يجنن احداثة تفتح النفس ليتك بعد كملتيها بأتفاق الرجال على خطبة نواف وموني وبكذا تقهري ام ماجد وتخربي نخططاتها
رغد وعمر وطلال واو واخيرا بتجتمع رغد مع رجال غير عزيز وهالمرة بتعيش انوثتها بكل مافيها صح بالبداية ممكن تصاحبها بعض العقبات لانو مو ببساطة بتتعود على عمر وبتتقبله بس اتمنى تكون بدايتهم صحيحة هي وعمر كأي زوجين مثل ماكانت بينها وبين عزيز لانو بكذا بتتقرب مشاعرهم من بعض لو عاشو منفصلين مثل الاغراب مابتنكسر الحواجز بينهم وبعدين هم متزوجين زواج شرعي لازم يعيشوه بشكل صحيح من صالحهم وصالح عيال رغد يكبرو وهم بين شخصين متفاهمين انا متأكدة انو شخصية عمر بتفرض الاحترام على رغد لانو ببساطة مابيقصر بحقها ولا بيكون جلف معاها دامها مع الحق وطلباتها مافيها اي شي غير مقبول قبول رغد لعمر من صالحها قبل صالح عيالها دام طلال مهدد حياتها وسمعتها وغير كذا مخطط ام عزيز وبنتها ببناء حياة على حساب هدم حياة لسى ماابتدت ورغد اكتفت من العيشة بحياة شخص انفرضت عليه وهي انجبرت على هالزواج منه بدون مراعاة لمشاعرها وبالنهاية ترملت وهي عروس وعمر نفس الشي احسه ماعاش سنين طويلة مع جمانة بحكم شغله وابتعاده بعض الاحيان احس انو بيكون بينه وبين رغد قصة عشق مختلفة وناضجة ورغد مشاعرها بتتغير بس بتكون جمانة وحب عمر لها حاجز الين هو يعبر لها عن مشاعره متوقعة ماراح تعيش حياة هادئة وطلال يحوم حوالينها والله يستر منه الخوف انو يخرب سمعتها وعاد مها تنتظر منها الزلة علشان العيال بس واثقة انو عمر هو الي بيحميها ويوقف الكل وبكذا بتعرف رغد انو زواجها فعلا كان لصالحها لانها تحتاج رجل قوي ومتفهم بس هذا مايمنع غضب عمر من الموضوع مهما كان هي عرضه وشرفه حتى قبل ماتصير زوجته ..........متحمسة لاول لقاء يجمعهم لحالهم واحلى شي بالموضوع انو عمر عجل بالملكة والزواج بنفس الوقت بكذا بيقطع الامل على مها وامها اي مخطط لتخريب الموضوع حنان وتركي مااعتقد انو الطفل فيه شي بس الدكتورة غلطانة ياما ناس اعرفهم من قرايبي صارت لهم نفس المواقف بحملهم وانو الطف مشوه وراسه متضخم وغيره والمفاجأة يوم الولادة الطفل سليم وبصحة وعافية ...... حنان وتركي طيبين وقلوبهم نظيفة وعدم جزعهم من الي صار بيكون جزاهم من ربي كل خير وانا احساسي يقول انو بعد المعاناة الي عاشتها حنان وهي من مصيبة الى مصيبة بس دايم راضية وحامدة ربها مابتنفجع بطفلها وبتجيبه سليم وبتقر عينها هي وتركي فيه ... دانية وفهد تمنيت فهد يسأل دانية ليش سألته عن الخيانة ويعرف انو في مخططات تنحاك من وراه لتدمير زواجه من دانية واكيد بيعرف مين وياخذ اختياطاته الحين الامور تحسنت بس اتمنى من قلبي خطت مراموه هالمرة ماتنجح مثل مانجحت اول مرة يصير اي شي وماتصير هالخطة دايم لما اقراء مواقف برواية نفس هالمخططات اتمنى يصير شي غير متوقع يقلب الامور خصوصا سالفة فبركة الصور او نشر صور او اتصال من مجهول واتهام للبنت وتروح ضحية دايم هالامور نقراها والنتيجة وحدة اتمنى مرة اقراء شي يكون غير عن ماهو متوقع مراموه مابتترك فهد الا اذا خربت حياتها هي اول ويمكن الي بتسويه من صالح دانية وفهد ويتخلص منهم ويتحرر من شرهم للابد حسوسة لاتنهي حياة فهد دام موتي عزيز اخوه ومازال الحزن بقلب امه وابوه لاتحرقي قلوبهم على ولدهم الثاني وخصوصا فهود شخصيته محبوبة سلطان ومريم اخيرا برد قلبي يوم حسيت بتحسن حال مريم والله الشي الي صار لصالحها هي انسانة من حقها تعيش مثل غيرها ودام ربي عطاها زوج يحبها ومتمسك فيها لاتفرط فيه لانها تستاهل تعيش وتصير ام بعد مثلها مثل كل بنات عمها وخواتها .......والعلاج بيكون اول طريق نجاج في حياتها وسلطان بيتمسك فيها وبيملك قلبها لاتطولي علينا وخصوصا والاحداث بدت تحلى |
رد: كأنك نويت اتذل هالراس أخطيت
طيب بذمتك يا شيخه وانا راضيه بيها فى واحده ممكن تكتب بالاسلوب ده والجمال ده وتكون احاسيس طفله ههههههه اومال لما تبقى احاسيس امراه هتعملى فينا ايه خخخخخخخ بجد تسلم ايدك قصه جميله جدا انا بصراحه متابعه جديده لقصص لمنتدى وحي الاعضاء بس بجد كلكم ماشاء الله عليكم ادباء كبار والله بجد عاجبتنى القصة جدا اينعم انت شكلك بتاسمى مع الحانوتى وكل شويه بتموتى حد خخخخخخخخخخخ بس كفايه كده وخلينا نفرح شويه وممكن تقسمى مع الدى جى هههههههههه اعتقد ان طلال كده موضوعو المفروض ينتهى والشيخ مطلق يخلص الموضوع وياريت كمان فهود موضوع مافيا المخدرات ده ينتهى على خير الولد راجل وبلاش تموتيه :asd:تسلم ايدك مره تانيه وفى انتظار الفصل على نار
|
رد: كأنك نويت اتذل هالراس أخطيت
متحمسه مررررة لزواج رغد وعمر
وعلاقة سلطان ومريم وحكاية فهد إلى الآن مافهمتها |
| الساعة الآن 12:16 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية