منتديات ليلاس - [قصة مكتملة] نوح الحمام

منتديات ليلاس (https://www.liilas.com/vb3/)

- - [قصة مكتملة] نوح الحمام (https://www.liilas.com/vb3/t170206.html)

تسلم الايادي ام الوليد

مشاعل ضحيه في كل الحالتين وهي صغيره نتيجه اهمال وثقه ممطلقه تغيب الرقابه العائليه
وهي كبيره ضحية مافعلته يديها وان كان اهلها وبدر يضيقون الخناقعليها بسسبب عدم الثقه

ريم تبين حسن التصرف والتربيه الحسنه في محاولات كسب ثقة ام الزوج

صالح وامه عسى بزايد وتوريكم العين الحمره وتاخذ حق فايزه المسكينه
صالح وامه صارو مثل عين عذاري تسقي البعيد وتخلي القريب

عوق عسى الله يوفقها واهم شي تاخذ وصات وضحه لان كان الماضي مامنه خير
فتركه ونسيانه ابرك الرضا بما قسم الله وحمده يجلب النعم

زياد شكله فله من مناكشته لعوق يكن شده لشعرها يبي تاكد انه موتركيب او توصييل
او كان يبي يسمع صوتها
زياد امه اعتقد انها امه من الرضاع

في انتظار البارت القادم

السلام عليكم طيوف الله يسلم هالايدين على هالسوالف السنعة اليوم خلص اخر بارت ياربي وش هالقصة والله عجيبة انا وحدة من الناس اايد زاواج مجهولين النسب من بعض بصراحة لان رايي من راي ام العقل ام عوق (لاتعايرني ولا اعايرك) وباهالزمن النفوس ضعفت وحتى البني ادم الصايم القايم المصلي للشيطان مدخل عليه ومجهول النسب بعد انسان من حقه يكمل حياته ويكون اسرة ويشوف مستقبله وعياله وان كان اهو غلطة اكيد ما جا بالغلط الا لحكمة من رب العالمين بصراحة موضوع يستاهل الطرح والمناقشة اهنيج عليه واهنيج على السرد الرايق للقصة احس نفسي وانا اقرا هادية جدا ومستمتعة بهدوء القصة ككل عكس التوتر اللي يصاحبني بالعدة وانا اقرة بارت جديد من قصة متابعتها والحين عاد نجي للتعليق انا بعلق على اخر بارت بصراحة ماظنيت ابد ان مداعبات قبل الزواج تكون بشد الشعر الله يعينج ياعوق على ما بلاج اللي قبل العرس جذي عيل عقب العرس الغشمرة بالمقص نص الشعر بح الله يتمم عليهم ويطول بعمر ام عوق لين تتتيسر عوق لبيت زوجها الخوف تموت قبل وتتشائم عوق من هالمعرس بالنسبة لموضوع عوق اللي تبي تفاتح فيه امها اظن بيكون عن سكن امها وشلون بتخليها بروحها لان هالموضوع كاسر ظهري انا واحاتي بهالعجوز شلون بنيتها وحبيت اعلق على عايلة ابو ابراهيم مسلط ونورةبصراحة الله يزيد من شرواة هالناس منو بهالوقت يسوي سواياهم الاهل وهم الاهل ما سوها بس سبحان الله لو خليت لخربت ام الوليد عسى ايدياتج تنحرم على النار وعساج عالقوة وناطرين سالفتج الجاية على احر من الجمر سلامي وقبلاتي ,,,,,,,,نمورة الامورة

اقتباس:

المشاركة الأصلية كتبت بواسطة رآحُلهـ خُلف حُلمٌ (المشاركة 2964587)

,’ *
غــآلـيتي آم الولييد
يعجز القلم عن مجارات حرفك
دعيني اولآ؛؛ابارك لك تميزك فحقا هو ماتستحقينه التميز وبكل جداره
روايه رائئئعه بكل ماتحمل الكلمه من معنى بسبب انك تطرقت لفئه مجهوولي النسب
يمكن تكوون عووق افضل من غيييرهآآ كثيرر
ولكن الآلم واحد
يمكن البعض يجهلووون اهلهم تمااام ومايعرفوون
من هم لكن الم عووق اششد لانها تدري من هم
اهلها الى انهم رافضين الاعتراف بهآ بسبب طيش شباب كآنو سبب بضياع رووح
لكن نسو ان الله مايخلق نفس الا ويتكفل بهآ
فلو ان عووق تربت عند اهلهآ ماتوقع بيربوونها احسن
من الوضحى الله يطوول بعمرهآآ <ياعشقي للعجايز الحكيمات
ام الكل يتشرف فيهآ وفتربيتها وان شاء لله ان ربي يطوول فعمرها وتشووف عيال عووق
عووق الله يوفقها مع زيـآآد وان شاء لله يكوون
سبب فسعاده عووق
عووق يااحبي لهاا حسسيت فيها يوووم ملكتها
صعب حيييل انك تكون بدوون سند وظهر مهمآ كانو جيرانهم او غيرهم يبقوون الاهل عزوه وسند
وان شاء لله يكوون زيااد سندها واهلها كلهم
اعجبني مووقف زيااد مع امه يعني ان شااء لله ان عووق
ماتذووق الظيم فبيته ومهمها كاان الي مافيه خير لاهله
مافيه خير لهاا بس المشكله ان بعضهم يفهم هالشي بالمقلووب يعني يخلي زوجتهاا اخر اهتماامه
واهلها اهم اولوياته بس زيااد ماتوقع انه من
هالنووع مرتااحه له حييييل
لاني متااكده ان ام عووق ماوافقت علييه الا وهي
مقتنعه فييه مئه بالمئه وهالعجووزرايها مابعده راي ؛؛ والله اني استحي اقوولها عجووز ههههههه احسسها احسس من كثييير من البنات< هع
الله يرزقنا برجاحه عقلها وحكمتها
ام ابراهيم وريم ومسلط ونعم الجيران والاهل وال
اخواان
يآآآآه وشكثر نفتقد هالشي هالايام الي صارو الاخوان اغراب عن بعض بس فعلن لو خليت خربت
ومتااكده ان ربي ياخذ منا شي ويعووضنا بشي احسسن
ام الووليد والله حبييت رووايييتك من كل قلببي
احسس اني اعيشها كلمه كلمه كل شي احس انك كنك جالسه قبالي وتسولفين لي بجد مشكوووره ومانسسسى اوول باارت يووم تتكلمين عن
نور على الدرب وام حديجان رجعتيني لااياام جدتي
وجدي الله يرحمه يووم قريتها رجعتت لي ذكرياااات يااحلوووها من ذكريات لوالشخص يقدر يدفع عمرره عشاان يرجع لوو لحظه منها خاصه مع هالجيل
تحسين انهم يفتقدوون الكثيرر من ذكرياات زماان <<وسامحيني ادري هذت واجد
مشكووره يــآم الــوليد الله يخليه لك ويفرحك فيه يااارب
و انتظرك فالباارت القادم على خير يااغاليه..*

هلا وغلا

الله يبارك فيك التميز الحقيقي هو ردودكم ومدحكم الي فعلن يخجلني

عوق عوقبت على ذنب ما ارتكبته ورفضت من مجتمع عايلتها الحقيقيه لأن بخروجها بيكون زلزله مدمره للعايله كلها

حتى وضحى لما كفلتها اختفت عنهم

تربية العجايز اكيد افضل حتى لو قسو علينا تقويمهم للعوجاج نتيجة تجارب طويله

بنشوف حياة عوق وزياد الجديه قريب ان شاءالله

وبيت مسلط والله كثير من الجيران الي مثلهم

اسعدني جدآ مرورك واعجابك بخرابيشي

ويارب يستمر الاعجاب الي اخر كلمه با الروايه

اقتباس:

المشاركة الأصلية كتبت بواسطة سمانور (المشاركة 2964624)

السلام عليكم ورحمة الله وبركاته اهنيك اختى طيف على الابداع والسرد الرائع الى ما ينشبع منه وفي انتظار المزيد واحييك علي اختيار الموضوع الى من النادر جدا او يمكن ماحد تطرق له وهو حياة مجهولى النسب وتعجبنى ارائك وخصوصا موضوع الخطيب وتردده على زوجته فترة الملكة وياليت البنات يسمعون ويتعظون وكذلك الاهل المفروض مافيه تساهل وان حصل فلابد من الحشمة وليس الامر استعراض للجمال من جهة البنت بملابس تظهر اكثر مما تستر فالرجل مهما كان يحب المراة بحيائها واسفة على الاطالة مع جزيل الشكر والتقدير والله يكتب لك الاجر على ماخطت يمينك ودمتى بخير

هلا وغلا سما نور

الموضوع خطير وبدى ينتشر حالات اللقطاء الله يستر اعراض المسلمين با ازدياد

موضوع الخطيب المشكله الحين ان الكثير صار يعاكس الرأي ويغلطك ومافيها شي هذي زوجته

لنا وقفه با البارتا ت الجايه مع كم مشهد بنشوفهم

اسعدني مرورك واطالتك

آمين يارب ومشكوره على الدعوه ولك با المثل

اقتباس:

المشاركة الأصلية كتبت بواسطة ساعه بلا عقارب (المشاركة 2964759)

السلام عليكم ورحمة الله وبركاته

مبهره بسرد الاحداث و تملكين اسلوب رائع مريح مشوق ..

عوق
تمنت وحصلت ماكتب الله لها من خير لصبرها ....>>فلا يعلم الانسان مذا يدخر له رب العباد من خير ويدفع عنه من شر ..
رضيت بالاعرج ..كما اعتقدت و لم تفكر ان الاخر هو نصيبها ..
دخلت بدوامة الجهاز واستعداد لدبشها فكيف ستوجها وضحى الى هذا الامر ام ستدعها دون ان تتحفنا بكلمات مبهره كعادتها ام اكتفت بكلمات ريم الصابره على بلاها مع عمتها ....
هل ريم لو لم تحب زوجها وتعشقه سوف تصبر على هذا ؟؟؟
زياد
تربي في اسره لا تحمل نفس لون بشرته من ارضعه لانه لا يصح ان يكشف على امه الا اذا كانت عمته او خالته ؟
هل من حضر معه هم اخوته بالرضاعه ؟
ما قرابته للعجوز ام زياد هل هي خالتهم ؟
ما قصة حياته مع امه ؟
اسلوبه وحنانه عليها لكم هو بار بها و ينفطر له القلب اين هذه الام والاب الذان تخليا عنه ليشاهدوا حنانه ..الذى كان من المفروض ان يوجه لهم
صدمته واعجابه بعوق جعل منه يريد التاكد من ان شعرها ليس كبنات اليوم توصيله او باروكه تسقط في يده الى اخر لحضه وهو يتهور بسحبه ...نريد ان نعلم ماهو تفسيره لفعلته هذه منه هو بنفسه

اعتذر عن عدم تواجدى المستمر لكن متابعه لك ...وانتظر ليسمح لي اوقت بالقراءة والتعليق
عوافي ...
استودعك بحفظ الرحمن

هلا وغلا با ام تركي

شهاده اعتز فيها وسام على صدري ان اسلوبي اعجب كاتبه وقارئه متمكنه مثلك

الصبر يا ام تركي مر المذاق حلو العواقب لكن من الي يفهم

اصدقك القول مر فيني ظرف بفتره وكان الي حولي يقولون طيف اصبري كنت اقول يا ليت الصبر ينباع والله لأشتريه

والحمدلله على كل حال

عوق وجهازها اكيد امها بيكون لها كلمه وبنشوف عوق كيف بتتصرف يمكن يعجب بعض وبعضهم لا

انا اتكلم عن تجربتي انا وخواتي كنا جدآ مبالغات ومسرفات وتحسفنا على الي سويناه

ريم اكيد ماراح تصبر الحب يصنع المعجزات

والزوج المتفهم الي ينصح ويبين انه معك يخفف كثير ترى من المشاكل خصوص الي بين الزوجه واهل زوجها

توقعاتك وتسائلاتك كلها بنشوفها قريب

ولك بدال العذر ملايين عارفه والله ان الوقت هذا وقت امتحانات الله يعين