منتديات ليلاس - غضو النظر عني تراني حلاله

مرحبا يمرحبا بالطش والرش
مرحبا هيل عد السيل
مرحبن الف
هلابتس يبعد حيي

شوفي يعمري هذي تراحيب اهل المملكه اللي احفظها صدق نور ليلاس وفتخر بوجودتس
عندي هذر واجد بطول وعرض ودي اقوله قبل مبدا بارلرد واتكلم عن الابطال
اول شي اهنيتس من كل قلبي على الروايه الغااااااااااااااااويه الطرررررررر اخياااااااااااااال الجناااااااااان
بصراحه بصراحه حبيتها وعجبت فيها
اول شي انها ابدويه بما تحمله الكلمه من معنا انا قريت روايات كاتبتهم بدوايات من السعوديه وقطر والكويت على سبيل المثال نبض ومشاعر انفاس قطر الغرنوقه مئثره وحبيتهم وحبيت روايتهم ومن كثر حبي لهم والقصصهم حافظتها بالمفضله كل ماضاق صدري قريت منها كم بارت قرائه عشوائيه بس اوسع صدري عليها لان كل حوار ممتع اكثر من الثاني
قريت روايتس انتي صحيح بدوايه بس بداوتها غير هم اثر فيهم اختلاطهم بالحضر شوي وبما انهم بنات ودرسو وخالطو فيه تاثير

لكن بروايتس حسيت اني اقراء لامي وجدتي اسم الله على قلبتس ضابطتها صح وبكلامتس استمتاع غير طبيعي وبما انسانه احب الاقتباس من كلمات البدو واضيفها في مفضلت الساني عشان استعين فيها مالقيت مثلتس خير ممول تصدقين اعجبتني قولت الجده ام سعد امي شاهه الدلال (انتي ابيضهم وجعل مهوب في ذمتي)حلوه جعل مهوب فذمتي يعني اذا بغيت ارفع بحد وامدحه وهو مهوب مديح اقوله العباره الممدوحه بس مادخلها بذمه

من فتره وانا اقرا فيها بس بما ان هرمون الدلاخه زايد عندي ذا اليومين فماقدرت استوعب القصه الكثرت اسمائها المتشابهه لطامن مسما على لطام وشاهه على شاهه وناصرين ماخذين وضحتين وكلن له قصه اول وانا منلحسه اقر عن وضحى اللي رميت بشرفها وطلقت وخذو بناته وزوجها تزوج وجاله ولد ثم اعود و اقرا عن وضحى ثانيه طلقت وزوجها يجدل منذا الحريم ويطلق ولا لها عيال ثم كل الناصرين مايبي يرجع مرته وبقلبه عليها حقد لين انا بعدها معاد جمعت ضربت الفيوز بينهم ياله فهمت
ثم دخلو عاد الشباب وش كثرهم واسمائهم تقارب من فلاح وبداح ونهار ولطام وووووو وابشرتس الى الان مابعد ضبطتهم زين ومنهم عيالهم وخوانه

تدرين دهن العود انا احب ادلع حبيباتي الكاتبات في ردودي اذا ماكان لها اسم دلع سميتها ولا بسم ام فلان يعني نحط لها القاب ودلع
مدري انتي عجزت اكتب لتس شي مدري حسيت ان اسمتس قوي
خفت يجي لطام يلتني كف لو دلعتس اصلن كبر علومتس وقوة كلامتس يخلين اقول ممنوع الاقتراب
تدرين دلعي نفستس تسمحين تعطيني اسم دلع لتس <<<<<<فيس عيونه تراقص من الخوف

بدايتي بتكون بناصر الشيبه ووضحى اللي فهمته ان ناصر خذ بنت عمه وضحى ويموت بالارض اللي تمشي عليه بس صار موقف ويمس الشرف وذا الموقف خلاه يطلقها ويكرها ويحرمها من بناته وشكل لطام له دخل بالسالفه
حبه حبه نفصل الموضوع وشوفي انا بستفسر فرجائن ردي دهن على استفساراتي عشان افهم

اول شي موضوع الشرف مهوب هين وخاصه عند البدو هل ناصر شاف رجال عندها ولا سمع قاله احد اني شفت احد طلع من عند مرتك بذا الحاله ياهون ذبحها عندهم ليش ماقتلوها يازوجها او اهلها
دايم البدو ماعندهم بذا الامور حل وسط
شك بدون شوف او قولت احد هذا مايرضي الله ولا خلقه يناصر الله سبحانه يقول اذا جان الفاسق بنباء انتبين من خبره
طيب وضحى اعترفت على عمرها لها مبررات البنت لو ماكانت بريئه اكيد اهلها ماراح يستقبلونها ويشهدون برائتها
اذا هم واثقين منها ليش ماثبتو البرائه وعمها وعمتها لطام وشاهه ليش هم بصفها وسلفاتها واخت زوجها ام نهار بعد شكلهم ماصدقو فيها الموضوع
اذا الامر معشعش براس ناصر الحاله ومعه سند ومئيد واحد اللي هولطام
نجي للموئيد لطام انت وشدخلك بالموضوع هل انت اللي شايفها ولا متهمها ولا بس مع الخيل يشقرا قاله عمك قلت ايه يعني قال وين قال معك
ولا لك مئارب اخرا يعني بتهامك المرة عمك بتاخذ شاهه لا يتزوجونها عيال خواها
لالالالالالالا الموضوع اكبر من كذا شكل اللي بينك وبين ام شاهه شي كايد ولا كان ماترشقتو بالكلام انت داخل تسلم على عمك يبالفيت ام زوجك
سالفتكم سالفه منتظرينها
تصدقون تمنيت انكم تخانقون على السفره والنهايه تروحون اثنينكم وبتصير علوم
اللي بناصر من طاحت عينك عليها وعلومك ضايعه اجل وش بيصير لين سافرت معها وبنفس المكان يربطكم ببعض علاج شاهه اللي كانت ثمرة حب وعلاقه بينك وبينها الى الان عندي احساس انكم بتسافرون معها
اللي وضحلي من الروايه انك تضغط على شاهه من دون خواتها ياترا وش السبب هل لانها تشبه امها ولا يوم تصير السالفه وهي اللي وعت على الاحداث وعندها خبر باللي صار
طيب موضوع وضحى وناصر هل الكل يدريبه ولا بس المعنين بالامر

لطام وشاهه يويل حالي على ذا الشاهه حبيتها وحبيت اسما اعجبتني رزانتها وعقلها تنازل عنها لطام بخطبها الواحد مايبي الا مثلها وبيدفع فيها اللي تبي (حسيتها ابل فمزاين ) صدق شيهو حرمه والحريم قليل
شيهونه انتي شكلتس محتره من لطام وشكل الرجال وكلتس المر اشكال والوان بس وشهو السبب هل السبب امتس ولا العيب فيتس
طيب اذا فيه خلافات ورواسب بينتس وبينه ليش وافقتي عليه ولا قلتي من زين عيشتي في بيت ابو تس قلتي هي خاربه خاربه او انتي تحبينه وماتبين تفقدينه لو انتي تحسين انه مايحبتس وقلتي العوض ولا القطيعه او هو موضوع انتقام من لطام والسبب ماسواه فيتس
اما انت يلطام سالفتك سالفه تبي البنت ومعذبها وشنت معذبها فيه شكل البنت من ضغرتها معانيه
طيب اذا تحبها وتبيها وشله التعذيب للبنت لا وشكلك منتب جايبها للبر نيتك نيه فيها
تبي تروح معها وتعالجها ماعليه مسموح روح بس وضحى وناصر اول هم اولى بنتهم وبعدين حاجه بنفس يعقوب نبي الاثنين يلتقون ونشوف وش يصير شكل بيتهيا علوم
شف لطام على اني متاكد انك رجال ونعم بس الى الان ماشفنا منك خير شرك انت وعمك عام وخيركم ماشفناه حرمتوا الام من بناتها وحرمتو النبات من امهم

ديدو وش ديدو بعد ولله مهوب لايق دهن العود مرض شاهه هو سرطان الدم اذا هو حرام عليتس ماينجون منه مالهم علاج الا كيماوي او تغير الدم
يوم قال ابو سعد ابسوي عمليه توقعت بشلهه فشل كلوي

دهن العود اتمنى اتمنى انتس تستمرين بدون انقطاع لان حلاتها بستمرارها
شي ثاني احس البارت قصير مع اني اشوف انه وافر بالاحداث لان كثر الاحداث يمتع في الرد
تصدقين دهن استهواني الرد على الروايه والتعليق على اللي بقلبي مع اني ماتحمس الا على الكاتبه اللي تحمسني وتعلق على ردي واضطر انا ارد عشان اعلق على كلامها باذن
حبيت يقلبي اهنيتس على روعة القصه واقول اللي بخاطري عن ابطالها واذا جاء بخاطري حتسي سدحته