|
اقتباس:
وضحى ماتبي بيت بنتها ينهدم وهي صادقه دخلت نجلاء غلط وخصوص ان في زوج اذا نصحتيه قدام زوجته او بينتي غلطه ثار بنشوف تبريرات زياد وعوق الي جاها ماهو بسيط خصوص بعد معرفتها انها لقيطه في مرحله متقدمه من عمرها قواها لكن تظل نقطة ضعفها انها مجهولة نسب عند الكل الا نفسها بتظهر اكيد مشاعل وبنشوف كيفية ظهورها هي وبدر اسعدني مرورك ونقاشك الراقي |
اقتباس:
زياد غلطان ويتحمل نتيجة طولة لسانه والله احنا يا الحريم ضعيفات وش ماقلتي وهددتي من يوم يعتذر زوجها منها خلاص تقبل الاعتذار تبي تمشي سفينة الحياه عكس الرجال الي يقعد يتغلى اذا اعتذرتي له بنشوف الوضيح هي متفقه مع زياد اولا اوانها ضد زياد وعوق حمل عوق الي مخبيته عن الكل بنشوف كيف ينتشر وعن طريق مين ؟؟!! وهل رجوع عوق لزياد بسبب الحمل او اسباب ثانيه اسعدني مرورك |
روووووووووعه
مبدعه ياام الوليد متابعه لك من خلف الكواليس لكن جمال روايتك شدني للتعليق خصوصااا انها تتكلم عن فئه موجوده بيننا في المجتمع اممم الوضييح فيييها حكمه اتوووقع طلبت من عوق هالطلب لانها عارفه ان الشخص بوووقت حدوووث المشكله يكوون متعصب لرااايه ولايتنازل لكن بعد مرور وقت على الموضوع تلغى اغلب القرارت الي ماتتنازل عنها وقت حدوث المشكله يعني يمكن عووق بعد ووقت تحن وتتنازل عن رااايهاا الف شكر لك يااام الوليييد بااانتظااار البااارت الجاااي * |
السلام عليكم ورحمه الله وبركاته
اللهم آآآآآمين..اللهم آآآآآمين.. اللهم آآآآآآآآآمين اللهم اهلكه هو وزبانيته اللهم ارنا به عجائب قدرتك انك على ذالك لقادر تسلم يدينك يالغلاا على البارت الرووووعه ابدعتي الله لايضرك ياقلبي على عوووق كل الوجع والقهر ال كابتته بقلبها من زياد فجرته بوجهه يستاهل الدلووع اجل بس هو الي ينفعل ويصارخ ويسب ويبي الكل يسامحه ولا ياخذ على كلامه خيررررر عسىى الاخ مرفوع عنه القلم والا لسى مابلغ هذا وانت الرجال الي المفروض تتحكم باعصابك وتكظم غيظك مو من اولها على طول هبيت بالمره وسبيتها وطردتها من البيت وعقب فتره جاي تبيها تسامحك على سواد وجهك ترى مو بسهوله هذه قدامك مشوار طويل يا ان عوق وامها يخلونك تمشي على العجين ماتلخبطه اذا عوق ما عندها رجال يردعك ترى امها الوضيح تكفي وتوفي >>لبى قلبها اموت على هالعجيز وترى اذا صار لها شيء ببكي صدق وهي صادقه مالف على عمره جاء مخصوص لها عشان يراضيها استغل فترة برييك الغدى جاء حجه وحاجه واتوقع زياد مصر انه يرجعها له واذا درى انها حامل بيزيد اصراره اكثررر صدقين ام الوليد اوعني قلبي من كلام عوق لزياد انها ماوراها عوه ولا سند تقدر تحتمي فيهم وياخذون حقها من الي يضيمها ويقهرها كلامها مس قلبي بشكل ماتتصورينه الله يمون بعونها لاضيق ياعوق ترى الرجال هم كذا يبون يصارخون ويسبوون وانتي اسكتي لاتتكلمين وبعد فتره يرجعون يكلمونك ولا كان صار شيء وحنا يالحريم لازم نسكت ولا نراددهم في وقت غضبهم لان الرجال في وقت غضبه يكون بايعها بالمره الوضيح يالبى العجيز ياناس اموت عليها جالسه تربي الاثنين وتطبخهم على نار هاديه وتعلمهم ان الحياه مو دايما عسل وفرح فيها الشين والزين وبتعطي كل واحد قرصه باذنه عشان يتعلم عدل الله يجزاك الجنان يام الوليد على سوالفك العسل |
مرحباً ملايين ولا يسدن .....اخيرا ياعوق قررتي انا مابيها ترضى من اول محاوله يعني بلهجتنا(تمسه)يعني تثقل عليه عشان يتأدب ويمسك لسانه عدل وخصوصا ان كفتها الرابحه بما انها على قولت زياد مالك القلب وضوحه خفي عالبنيه وقفي مع بنتج قدام زوجها اوخليج حياديه اما بالنسبه لج يام الوليد حنا بالكويت نعيش اعياد وطنيه وهي الاستقلال والتحرير وبهالمناسبه نبي منج بارت زياده هذا الاسبوع ....كهديه ...تم تم ودمتي بصحه وعافيه ياغاليه
|
اقتباس:
فئة مجهولي النسب اكثر فئه مظلومه بكل المجتمعات الوضيح بنشوف كيف تحل الخلاف واتمنى اني اقدر اقنعكم وقت الغضب الانسان ما يتمالك اعصابه والا ماكان شفنا كثير من البيوت انهدمت بلحظة غضب اسعدني مرورك |
اقتباس:
هلا وغلا الله يسلم روحك عبوقه عوق حاز بنفسها ان زياد الي الآن مطنشها بنشوف وجهت نظر الوضيح في البارت القادم وكيف دخل عليها زياد ماعليك بتربيه الوضيح لكن الخوف من عوق يكسر خاطرها الدلوع وتنسى سواياه عوق كسرها كبير لعدة اسباب انها عارفه اهلها وانها تربت على يد عجوز بدويه محافظه جدآ وتعتز بتربيتها مهماكان وضع عوق الا ان تربية الوضيح صارمه اسعدني مرورك وردودك الي تثلج الصدر |
اقتباس:
ما عليك بيلقى جزاه زياد بيمسهن عوق وامها الوضيح بتأدب الكل لكن على طريقتها وابشري با البارت القادم اهداء خااااص لكم وبحاول ان شاء الله بأذن الله بارت اضافي لكن مضغوطه ها اليومين اسعدني مرورك يا الغلا |
اهلين اختي البارتان كان رائع بس ماحبيت رضوت وضحى على زياد على طول يعني كان المفروض انها تخاف عليها بعدين منه يعني من اول مشكله طردها والحين هي عندها بس بعدين من بتروح له وهي مقطوعه من الدنيا يعني المفروض تقرص اذنه وبعدين ترضى عنه وفي الاخير نتمنى بارت هديه زياده عاى البارتين و اشكرك على تحملك لنا والله يوفقك ويتمم لك روايتك على خير
|
السلام عليكم ورحمة الله وبركاته
الله يعطيج العافيه ع القصه الرائعه انا اقراها عن طريق الايفون ولااقدر اعلق ع القصه فنكون متابعين من خلف الكواليس بصراحه الكلمه الاخيره الي تختمين فيها البارت اكثر من رائعه وانا انسخها وارسلها برودكاست :rdd12zp1::rdd12zp1: الله يوفقك ويحقق لك كل ماتتمني الله يعز الاسلام ويعم الامن والامان في البلاد الاسلاميه |
اقتباس:
والله سقط سهوآ من حرصي على ردود البنات انه ما يفوت رد بدون تعليق اكتشاف زياد لحمل عوق سالفه حلوه حيل بتشوفون كيف واتمنى تعجبكم عاد بنعرف كيف بيتراضون والوضيح وش مدبره لهم وفاة الوضيح ضروريه والا ما بدينا با الروايه اساسآ اسعدني مرورك يا الغلا وتوقعاتك الرائعه |
اقتباس:
بنشوف وش عند الوضيح احنا للحين ماعرفنا وش هي مخططه اكيد انها بتحرص على مصلحة بنتها اكثر من اي شي ثاني والله مضغوطه لكن ابشرو في بارت اضافي ثريب ان شاء الله اسعدني مرورك |
اقتباس:
واللهم امين الحمدلله ان الروايه اعجبتك اسعدني مرورك |
بسم الله الرحمن الرحيم اللهم يا الله عليك ببشار وأعوانه , اللهم يارب انتقم لنا منهم عن كل قطرة دمٍ أريقت , وروحٍ أزهقت , وونفسٍ وأدت , وزوجاتٍ ترملت , وأطفالٍ تيتمت , وأعراضٍ انتهكت , وحرماتٌ استبيحت , ومساجد دنست , وبيوتاً هدمت , ونفوساً آمنة أرعبت , وشوارع وطرقاتٍ وأزقة هجرت ودمعاتٍ ذرفت , الله انهم لا يعجزونك اللهم ارنا فيهم عجائب قدرتك وانتصر لأهلنا في سوريا وكن معهم واحقن دمائهم , اللهم لا تحاسبنا عنهم فإنا لا نملك إلا الدعاء لهم وليس الدعاءُ بقليل , يارب استجب ياااارب . . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع .., البنات الله يسعدهم الي يرسلون تقييمات اقرا التقييم ولا ادري مين هم اذا ممكن الي تكتب تقييم تذكر اسمها في وحده من البنات ارسلت تقييم ذكرت فيه كيف بداية الصلح بين زياد وعوق تمنيت اعرف مين هي.., والبنات الي ما يشوفون ردي على تعليقاتهم يعطوني خبر لأنه ابدآ ماهو تجاهل مني لا والله لكن احيان الحرص يعطي نتايج عكسيه..! البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., اهداءخاااااص لأهل الكويت بمناسبة افراحهم بيوم الاستقلال واليوم الوطني دامت افراحكم يا اهل الكويت وللغوالي الي يتابعون نوح الحمام من الكويت.. اليوم بنشوف عوق المزايين ويوم عملي جديد ومناوشات خفيفه مع الوضيح.., يا الله تعالوا معاي...!! وسالفه جديدة؛ . . . البارت الخامس والعشرين . . . ام عوق بخوف\ بسم الله وش بلا وجهتس وعيونتس محمره..؟ عوق بتعب\ لا مافيني شي بس ما شبعت نوم..! ام عوق\افطري قبل تطلعين وجهتس اصفر.. عوق بوهن \لا بفطر مع البنات با المدرسه اليوم بروح بدري علشان اشوف الجدول وتوزيع الحصص..! ان شاء الله نتغدى مع بعض يمه ادعي لي..! ام عوق بحنان\ الله يسخر لتس من عنده ويرشدتس لطريق الصواب.., عوق\آمين يمه.., طلعت للمدرسه ودخلت على غرفة خوله علشان اخذ جدولي..! كان نصابي يقطع الظهر شي مو معقول..! عوق با اعتراض\الحين 4 فصول نحو و3ايام با الاسبوع بتكون 12حصه.., والبلاغه مثلها يعني 12حصه 24 با الاسبوع لا يا خوله ..!؟ لو اترك المدرسه ما رضيت بها الظلم انا اتعب با الشرح وتوصيل المعلومه..! ما ابي اظلم البنات وشرح مش حالك يوميا خمس حصص متواصله الا يوم بيطلع 4حصص ..! خوله بقلة حيله\مافي احد يا عوق ..., عندنا نقص مو طبيعي والطالبات عددهم كبير..!؟ عوق با استنكار\ حرام عليكم معقوله الي تقولينه..! مافي اكثر من خريجات العربي اكيد قدموا عندكم..!؟ خوله\ يووووه بس لو تشوفين الملفات الي تجينا..!؟ لكن المالك الله يهديه حاط شروط تعجيزيه للقبول ..؟! دخلت علينا استاذه شيخه مديرة المدرسه سلمت عليها..! عوق\احضرينا استاذه شيخه خوله عطتني جدول يقطع القلب ..! شافته ضحكت .. شيخه تبتسم\ والله ادري لكن انتي عارفه صعوبة المادتين على بنات الادبي..! والبنات الي محولين من حكومي لناخصوص الي ثانويه عامه يبون مجموع..! عددهم كبير ما شاء الله وانتي تبارك الله شرحك وتوصيلك المعلومه للبنات قمه بصراحه.. عوق بقلة حيله \ بجرب نفسي ها الاسبوع لكن اذا ما قدرت اعذروني ..!؟ لو عطيتوني العلمي نحو وادب عادي ..! بنات العلمي متجاوبات اكثر معاي لما درستهم قبل والمنهج اقل..! شيخه \ مالك الا الي يرضيك لكن نبيك عوق الي خابرينها ..؟! اردفت شيخة\خليها على الله يا عوق تدرين ان النحو لو في امكانيه كان خليناه 4حصص لكن مانقدر نضغط عليكي اكثر من كذا.., عوق بقهر\لاحول ولاقوة الابالله يعني 4فصول بيطلع 16 حصه هذا يبي معلمة وحده تمسك منهج واحدفقط اذا انتو تبون شرح ومعلومات تعطي نتايج مرضيه..!! اخذت جدولي ولا حول ولاقوة الا بالله خمس حصص با اليوم آلات ما احنا بشر متى احد يحس فينا..! ولا حوافز ولا تشجيع ولا رواتب زي العالم تبين والا بكيفتس..! روحي وغيرك يجي ولو اتأخر بالحضور كم يوم مهماكان ظرفي حتى لو حصصي كانت الاخيره ما يصدقون ..؟! خصم يطير نص الراتب واصير ادوام بدون فايده.., من غير اذا جات لك وظيفه رسميه والا بديله ينشبون بحلقك لحد ما تطير الو ظيفة حسبي الله وكفى.., طلعت وبديت اول يوم دراسي مع الطالبات لقيتهم متأخرين لازم الحق معهم الا متحان الشهري..! ونحضر لأمتحان نصف العام البنات اكثرهم درستهم في اول ثانوي وفي منهم بنات الجيران.., كانوا متعونات معاي لأقصى حد..؟! عدت ثلاث اسابيع..! ارجع من المدرسه مهدود حيلي بس ابي انام ..! خلال هاالثلاث الاسابيع نسيت كل مشاكلي مع زياد..! بالي مشغول با المدرسه والا استفراغ الي كل صباح احس عيوني بتطلع منه..! ليتني ما حللت كنت بخير قبل التحليل و قعدت على شكي اني حامل يمكن ما كان حالي كذا.., الظاهر من قال ان الوحام حاله نفسيه ما كذب ..! وفوق هذا كله اناطبعي اذاكر واحفظ الماده الي بدرسها اكثر من طالبه ليلة امتحان..!؟ حتى امي ما صرت اشوفها كثير الا الصباح قبل امشي وفترة الغدا والعشا دقايق.., وانا وقتي امانوم والا مشغوله احضر واصحح..! زيادما سمعت عنه خبر من يوم طلع من بيتنا ..!؟ لاهو الي قال بطلق ولا هو الي عاند وقال ترجعين..؟! على ان الشغاله خبرتني انه جا بعد جيته الاولى وكان معاه ابو ابراهيم لبيتنا.. وامي صارخت عليه وكان صوتهم عالي ..! ما اهتميت من كثر ما كنت مشغوله وامي ما لاحظت عليها شي ولاخبرتني بشي احسن خله ينسى وجودي ما نيب فاضيه لسوالف والمشاكل ..! داومت السبت كا العاده خوله جاتني لغرفة المعلمات..؟! خوله\ عوق بكرا بتحضر لك موجهه..؟! عوق\ على خير والله كنت ناويه اصلح درس نموذجي..! وارسل دعوه تحضر المديره وموجهة عربي لكن يا الله جات منكم.. خوله با امتنان\ الله يعينك ويكثر المخلصات الي مثلك..؟ وقبل تطلع طستني بطلب غثني خوله با استفهام\عوق وين بقيت اوراقك ورقم حسابك.., بنكمل لك بياناتك ونرسلها والا ماتبين راتبك ..! عوق بتوتر\ابشري لكن ما فضيت ها اليومين انا عند امي واوراقي في بيتي وزوجي مسافر..., عوق بنفسها\يا الله بكرا عندي الف شغله وشغله والدرس الي بتحضرلي موجهه..! وعندي مناوبةرحماك ياالله غير مصيبة ها الاوراق ..! رجعت للبيت لقيت امي حياتي تنتظرني على الغداء..؟ سلمت على راسها وغيرت وطلعت لها., عوق بتردد\يمه امممم ..!! ام عوق بتوجس\عوق وش فيتس ..!؟ عوق\ مافي شي بس طالبين المدرسه اوراق لي وكلها في بيت زياد..., الاصول كلهاهناك ماعندي الا صورة الوثيقه بس..! ام عوق با استفسار\ وش الي تبينه منها..؟ عوق\يمه ابي كل اوراقي وبطاقة الصراف علشان راتبي..؟! ام عوق بحيره\والله انها مشكله الحين انا صرت مثلتس مادانيه خيب ظني فيه ..؟! اردفت ام عوق بتردد\طيب انتي دقي عليه وقولي ابي اوراقي يبي يجيبها ماهوبقايل شي ..! عوق بطفش \فكيني منه حتى صوته يدبل تسبدي..! ام عوق بقلة حيله\يدبرها الله وانا امتس الحين بطاقتي معتس..؟! خوذي الي انتي تبينه ورواتبتس ماهي ضايعه يجمعونها لتس ماخذتها, ماخذتها..؟! اللقمةالي توعد بها احسن من اللقمةالي تاكلها..!؟ تغديت غصب مالي نفس با الاكل ولا ابي امي يضيق صدرها اني ما اكل وتشيل همي..., قمت ونمت ابي ارتاح واصحى علشان اشوف بكرا وش بسوي ..؟! صحيت مع المغرب راحت علي صلاة العصر.., عن أبي هريرة رضي اله عنه قال: قال رسول الله صلى الله عليه وسلم :" يتعاقبون فيكم ملائكة بالليل، وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم، فيسألهم الله - وهو أعلم بهم - كيف تركتم عبادي؟ فيقولون: تركناهم وهم يصلون، وأتيناهم وهم يصلون " متفق عليه. وعن بريدة رضي الله عنه قال: قال رسول الله صلى الله عليه وسلم : " من ترك صلاة العصر فقد حبط عمله " رواه البخاري ياربي عفوك استغفر الله الذي لا اله الا هو واتوب اليه.. اللهم لاتجعلني ممن حبط عملهم.., اسابق اذان المغرب وصليت العصر وهو يأذن المغرب..! وبعدها كملت صلاة المغرب ...! وطلعت لأامي لقيتها جالسه على كرسيها تصلي خلصت صلاتها., عوق وهي ضايقه\راحت علي صلاة العصر ليش ما صحيتوني..! ام عوق بضيق\والله ما دريت قلت يمكن صليتي ونمتي مثل عادتس.., عوق\ بطلع للمكتبه ناقصني اوراق بكرا بتحضرلي موجهه..! ام عوق\ روحي و بسرعه ارجعي انتي خابره يا بنتي هروج العرب..!؟ بيقولون عوق امها عجوز ماتدري عنها وهي ماغير سردادي مردادي مع السواق .., عوق با انكسار \ طيب برجع بسرعة..! طلعت للمكتبه وكلام امي مثل المسمار الي اندق بقلبي ... امي صادقه الناس وش دراها وين اروح وين اجي واكثر جيرانا عارفين اني لقيطه..!؟ لا زم اخلص اشغالي با النهار مشاوير بعد المغرب ماهي للي مثلي ..! اخذت من المكتبه كتيبات وهدايا للبنات بكرا.., واوراق وادوات كانت ناقصتني..! ورجعت بسرعه دخلت وامي كانت تكلم با التيلفون..؟! سلمت على امي ما ردت علي تكلم وشكلها زعلانه..! دخلت انزل اغراضي وعباتي بغرفتي واسمع امي تقول مالك شي عندنا..؟! وكانك تبيها هي ما تبيك..؟ لا بالله ما لك خاطر عندي ابد ابد..! مانبي الا اوراقها الي عندك في بيتك جبها وجزاك الله خير..! ويارجال اعرس انا وبنتي ما نزيد السمن الا عسل .., لاماعليك بتمل وبترجع تعرس ما انت قاعد في بيتك كذا لاحنيس ولانيس.., اقول بس اعرس ولو تبينا نحضر عرسك ما قلنا شي..! جبها با اقرب فرصه..؟! طلعت لأامي.. عوق بتساءل\ وش فيتس كنتس زعلانه ..! ام عوق بحده\ زعلانه من هي الي ما يفهم اقوله شرق يقولي غرب..! سألت امي وانا عارفه انه زياد\لايكون من عيال خالي ناصر..! ام عوق بتذمر\لا ماهو من عيال ناصر ..! هذازياديقول توسطي لي عند عوق ترضى علي ولهاالي يرضيها وانا بشورها..؟! قلت له ما نبيك لا انا ولا بنتي..! ليه وش ظنه يومه يتهددتس ويهاوش وطاردتس نصايص الليول وفاضحتس قدام خلق الله ..! لا بالله ماله مره عندي ..! والتسذوب قلت له اعرس يقول ما ابي الا عوق والا مثيلها..! وجع يوجع العدو.. يومك داري انك ما تلقى مثل بنيتي وراك تسوي سواياك..! خليه يويلي تسذبان..! والله ياهو نادم كثر شعر راسه وبيندم اكثر بعد اذا اعرس ماهو لاقي مثلتس..! عوق با ارتباك\يعرس ولا ما يعرس شي راجع له انا ابي اوراقي وبس جزاه الله خير..! ام عوق \بيجيبها ان ما جابها اليوم وانا امتس بيجيبها باتسر..؟ عوق بتعب\يمه لاتناديني على العشا عندي شغل واجداذا جعت انا ادبر عمري ..! ريحة الاكل ما احبها وارتاح بنومي اذا نمت جوعانه.., حتى المويه ما احب اشربها احس اذا شربتها تجرح معدتي..! زودآعليه كلام امي الي غثني وزاد المر بتسبدي هي وش تبي فيه تقول له اعرس ..! وش دخلنافيه يعرس والا عساه ما يعرس..!؟ صليت العشا وخلصت شغلي بنام بكر ا الحصه الثانيه بتحضر لي موجهه.., صحيت الفجر الحمدلله اليوم خاف عني الغثيان لكن ذبحتني الدوخه..؟! الغثيان يخف عني اذا نمت ما تعشيت لكن الدوخه هذي وش اسوي فيها..؟! وحبوب الحديد صرت انساها مرات..! لأنها تكون بعد الاكل وانا من خوفي من اني استفرغ حتى الاكل كرهته..!؟ شربت كوب حليب مع عسل على شان ما ادوخ با الفصل وراي شرح وقلق..! طلعت للمدرسه والحمدلله عدت حصة الموجه على خير.., البنات الله يجزاهم خير كانوا متحمسين معاي ومع الهدايا والتشجيع..! اثنت الموجهه على ادائي ولا انتقدتني ولله الحمد.., اليوم لازم اطلع بدري لدكتوره تشوف لي حل بها التعب ما ابي اطلع بعد المغرب واجيب لنفسي الكلام..؟! كلمت خوله.. عوق \ خوله بطلع للمستوصف ساعة با الكثير وارجع.., الدكتوره ينتهي دوامها مع صلاة الظهر.., خوله بقلة حيله\ شوفة عينك ما في مجال .., خليها يوم ثاني انتي شايفه الربشه مع الموجهات وعندك مناوبه..! وش رايك بكرا وقعي واطلعي.., عوق با استسلام\ خلاص مو مشكله انتهي اليوم الدراسي عندي قبل اذان العصر بدقايق..! لأنه في بنات شكل اهلهم ناسين ان عندهم بنات يدرسون.., جلسنا معاهم لحد ما اهلهم اخذوهم..؟ رجعت للبيت هلكانه واحس رجولي ماهي شايلتني.., اخذت دش يمكن اصحصح شوي وطلعت لأمي.. ام عوق\وراتس تأخرتي ..؟ عوق\كان عندي مناوبه وفي بنات اهلهم تأخروا عليهم..! يمه بعد الصلاة بطلع للمكتبه...؟ ام عوق\ وش مكتبته يا بنتي فكينا من ها المدرسه تعب وارهاق عليتس .., والراتب ما يسوى ثمن الي انتي تخسرينه على الاوراق والخرابيط .., عوق بتعب\يمه ما قدر اترك البنات با الفتره هذي محتاجيني.., ام عوق \روحي لمشوارتس وعودي بسرعه.., صليت العصر وطلعت للمستوصف.., دخلت عند الدكتوره ماكان في زحمه.., خبرتها ان معي دوخه ومرات احس ماغص ..! اخذت لي تحليل دم والنتيجه ان عندي فقر دم بسيط المره الا ولى لماحللت كانت نسبة الهيمو جلوبين عندي 12الحين 9.. الدكتوره با اهتمام \لازم تتغزي كويس الجنين بياخد حاجته من جسمك طبيعي وكامل والتعب بيكون عليكي.., انا حاكتب لك على حديد وفيتامينات واهتمامك بأكلك بالدرجه الاولى هو الي حيساعدك اكتر من الادويه.., وعملت لي سونارواسمع اصوات غريبه با الجهاز..! الدكتوره\انتي عارفه الصوت دا ايه .., عوق بترقب\ لا هذا اول حمل لي.., الدكتوره\دانبض الجنين ..! اوجعني قلبي يوم سمعت ازعاج نبض الطفل .., اول ما عرفت اني حامل كان عادي شعوري .. لكن الحين ما ادري حسيت بخوف عليه ما ادري من ايش ..؟! عوق\ دكتوره متى الولاده..؟ الدكتوره\ احسبي مدة الحمل من 36اسبوع اقصى حد 40اسبوع .., ونزلت من على السرير .., عوق بقلق\دكتوره طيب والماغص.., الدكتوره \مطوليش وائفه.. ارتاحي سبب المغص الي عندك.., انتي بتؤفي وتتحركي كتير ودا مش كويس عشانك اهتمي براحة جسمك عشان ما نلجأش للمسبتات..! اخذت الادويه من الصيدليه ورجعت للبيت.. لقيت امي جالسه بمظلتها ما توقعت القاها جالسه هنا ناظرت كيس الادويه.., ام عوق با استنكار وسخريه\ما شاء الله وش ها المكتبه الي تبيع علاج ..! عوق تتنهد بضيقه \ لا يمه بس دخت شوي وطلعت للمستوصف الي جنبنا.. ام عوق\سلامتس لكن انتبهي من كثر العلاجات ترى ضررها اكثر من نفعها دخلت لغرفتي ونزلت عباتي وتمددت على سريري .. الحين الدكتوره تقول لازم ارتاح والمغص الي يجيني لأني اطول واقفه... طيب وش اسوي انا اليوم ما قدرت اطلع الصباح ضغط دروس والمدرسه محتاجتني .. اما الوظيفه واما الحمل .., او ان الاداره تساعدني وانا ما ابي احد يدري بحملي..., ناديت الشغاله وقلت لها تصلح لي عصير فواكه الدوخه ذبحتني شربت العصير واخذت الادويه صليت المغرب وبديت احضر لدروس بكرا وانا جالسه على سريري .., دخلت امي علي..! ام عوق بحنان\عويق يمي وش فيتس تعبانه.., عوق با ارهاق\ لا بس شكل معي فقر دم من ارهاق المدرسه.., وجلست على حافة سريري وعصاها بيدها وفجاءني سؤالها المباشر.., ام عوق بهدوء \كم لتس حامل..! عوق با ارتباك\ وش فيتس ترى ذبحتيني بسالفة الحمل.., ام عوق بوجع\انكري على كيفتس..؟ لكن ترى اي شي يجي ورعتس انتي محاسبه عليه .., انتي ان ماخاب ظني لتس 3شهوروالعلاج الي تاخذينه مابه زود..! المدرسه الله مغنيتس عن تعبها.., خيرنا واجد من فضل ربي .., يا بنتي حمل الحين ماهو مثل من اول .., حريم قبل الوحده منهن تركض نهارها كله ورى شغلها والا وريعاتها ومسهل الله عليهن .. لكن الحين على جريف والله لو تشيل كرتون طماط ما يردها الا المستشفى.., الورع فيه والحمل مدري وش جاه لاتركبين راستس وتضيعين ضناتس..! طلعت امي من غرفتي ورجعت..؟! ام عوق بقهر\ نسيتيني وش ابي..! رجلتس جا اليوم وانتي طالعه وجاب كل اوراقتس واكياس معهن .. وقال بنتظرها ابي اشوفها وطردته شوفيهن بغرفتي .., قلت له المره الثانيه نبي كل اغراض عوق الي في بيتك ماهو بس هذولي..؟! انت ما انت بقاعدآكذا اكيد بتعرس والحرمه الجديده اكيد ما تبي تشوف اغراض عوق جبهن قبل تدخل عليهن مرتك وتحذف اغراض بنتي .., وطلع الضعيف متكدر خاطره .., عوق بحسره والم \ازين ما سويتي وش يتكدر خاطره عليه..! يمه الرجال واضح من البدايه مايبيني رجال تزوج كبير با العمر.. ماتفرق معه غيبتي وحضرتي عنده واحد متعود طول عمره يعيش با الحاله.., من يوم ماتوفت امه الله يرحمها وهو مايدري معه مره والا عايش با الحاله..! يمشي مثل المسبوه يقعد ويقوم وعيونه على غرفة امه واكثر وقته ينام فيها ..., ناسي كان عنده غرفة نوم ماهو بس انا ناسيني ما يذكر ها الغرفه الا اذا بغى يغير لبسه., ذبحني الجوع في بيته ولا درى عني ما يسأل ويقول البيت وش ناقصه مرات اسكت ومرات لا والله ارسل له ناقصنا وناقصنا البيت مافيه شي فاضي .. ما يسأل عن اي شي اذا زينت اكل وناديته مرات يعيي ومرات لا يجلس مقابلني ما اسمع الا طق صحنه.., وبس يجر ونينه نايم والا صاحي يجيب الهموم على بعد.., اردفت عوق بتهكم موجع\ واحساسه بي معدوم يشوفني جالسه قدامه 24ساعة يطلع دوامه ويرجع ولا عمره قال عوق شفتي امتس والا كلمتيها..! ليش هو امه غاليه عليه وانا لا..! هو عنده احساس وانا ماعندي ..! ماهو بس هو يتيم انا بعد يتيمه مالي بعد الله غيرتس انتي وهو.. واخرت صبري فشلني وفضحني قدام نجلاء طردني ويتحداني تحدي اني اطلع من بيته..! ماخلا لي وجهن قدام اخته المه ..., ويقول الله لايسامح من بلاني فيها..! والحين مراسيله عليتس وكلامه موجه لتس .. والوسايط الناس الي مشو بعرسنا ماشفت منه عزم قوي انه يبيني والا يصر علي انه يراضيني يمكن يلين قلبي عليه شوي واتناسى الي سواه.., خلاص يمه جا والا راح والا طس اعرس لاتجيبين لي اخباره النفس عافته وكل يوم يمر يبعدني عنه اكثر..! وضحى تتنهد بوجع \يوم تمنيته لتس و زوجتس له ما بغيت لتس الا الستر لكن عاد وش نسوي وانا امتس مادرينا وش المكتوب..! عوق بضيق ومراره\والله يمه داريه انتس ماتبين لي الاالستر انتي والا ام ابراهيم وانخدعتن فيه..! دكتور ورجال متفتح وتوه جاي من امريكا..! قلتوا اكيد هذا الي بيشيلني فوق راسه وهو شالني صدق فوق راسه لكن عقبها جابني سابع ارض..!؟ والله يمه انه يعز علي شوفتس متضايقه والا طلعت خالتي نوره تبكي من بيتنا وهي والله ما تستاهل.. بس وش اسوي بعدانا عازه علي نفسي اني اكسرها له يهني واسكت.., ام عوق تتنهد بقلة حيله \ والله يا بنتي ادري ان معتس حق لكن ما ابيتس تهدمين بيتس زياد ما منعه يلحقتس غيرانه طايح وجهه من الي سواه واستحى مني ومنتس يحسبتس من جيتي عطيتيني العلم قال ان جيتهن الحين بياكلني.., وانا ترى يوم جا ماقلت له كلمة..!؟ غير وشلونك كيف حالك.., حتى انه روعني بدخلته علي وجهه وجه المنفشل ويقدم رجل ويوخر رجل ولا بغيت ازيدها عليه ولا توقعت والله جيته..؟! قلطته وجلس وما قالي وش صار بينكم غير ان بينكم خلاف وانه غلط عليتس غلطآ كبير وجاي يتعذر ويتفاهم معتس .., ماجادلته ليه ماجيت قبل والا وش غلطك ..؟ كنت ابيتس تفاهمين معه بنفستس وتاخذون العلم من روس بعضكم.., ولياصار هذا رايتس وش تبينا نسوي ماتبينه خلاص ماني غاصبتس ..؟! ماهو كل ماحاشت النفس لها ولا كل ماتمنيناه بنحصل عليه عسى با الامر خيره .., وقفت ام عوق واردفت بوجع\ يفرجها الله يا بنتي قومي اذن العشا صلي وتعشي و نامي وراتس جهاد الله يعينتس عليه..! صليت العشا ونمت وانا في قلبي هم ما يعلم فيه الا ربي.. وصحيت قبل الفجر كملت صلاتي ودعيت ربي ؛ اللهم أسترني فوق الأرض وتحت الأرض ويوم العرض عليك .. اللهم إسترعيوبي وإغفرذنوبي وإجعل حياتي بردآوسلامآكماجعلت الناربردآوسلامآعلى أبراهيم.. اللهم إذقني بردعفوك وحلاوةمغفرتك اللهم سخرلي وإخترلي فإني قدعجزت عن صلاح نفسي وفوضت أمري اليك.. اللهم اني اشكو اليك ضعفي وقلة حيلتي وهواني على الناس سبحانك اللهم فرجآمن عندك قريب.., دخلت غرفة امي ولقيت الاكياس اخذتها وطلعت لغرفتي ..!؟ فتحتها لقيته مرتب اوراقي وبطاقة الصراف بكيس..! وكيس جوال جديد فتحته لقيت مركب شريحتي القديمه فيه.. وحاط رقمه وكاتب لقبه انت الحب..!!! وكيس فيه ذهبي كله جامعه مع بعض ..! ما قصرت يا زياد مرسل لي الذهب وش اسوي فيه الذهب مانفع امك قصته بشرى من يديها وعطته الحرمه الي ساعدتهم بتغسيلها.. وقالت تصدقي فيه كان تعرفين محتاجين .. يا ليتني ما عرفتك يازياد ما استفدت من ها المعرفه غير نارآ بجوفي تصطلي .. وهذا انت اقفيت .., حتى كلامك واعتذارك كله لأمي وانا ولاشي.. عوق تتنهد بقهر \لاوكاتب انت الحب الله واكبر يا ها الحب الي انت تعرفه انت لقبك المفروض انت العذاب .., رتبت الاوراق الي باخذها معاي للمدرسه.., والجوال والبطاقه في شنطة يدي وذهبي بعطيه امي تتصرف فيه.., اذن الفجر وصليت الفجر وقريت اذكاري وردي وجهزت نفسي للمدرسه .., واخذت الادويه الي صرفتهم لي الدكتوره بشنطتي.., دخلت غرفة امي عوق \يمه هذا ذهبي شوفيه با الكيس خفت اتركه با الغرفه ينسرق والا يجيه شي..., ام عوق\ خوذي المفتاح افتحي الخزنه واقفلي عليه الله لايحيجتس له.., عوق\آمين .., ام عوق با اهتمام\ افطرتي..؟ عوق\لا بفطر بالمدرسه .. تأخرت السواق ينتظرني من اليوم ام عوق تبتسم \ مع السلامه استودعتكم الله انتي وضناتس..., عوق تبتسم وبنفسها\وانا استودعتس الله يا نور حياتي كلها لا والله انتي الحب ماهو غراب البين زياد المراهق.., طلعت للمدرسه اليوم لازم اشوف حل مع ها النصاب 24حصه با الاسبوع انهد حيلي.. الاولى ماكان عندي حصه جلست بغرفة المدرسات في معلمات ماعندهم حصص مثلي.. سألتهم قلت بنات الي معه فقر دم وش يسوي علشان يرفع نسبة الهيمو جلوبين في دمه ردت وحده من المدرسات اسمها ناهد ناهد \ شوفي فقر الدم له اسباب انتي حامل .., عوق با ارتباك\ الي الآن ماحملت .., ناهد \ مع الحمل طبيعي كثير يجي لهم فقر الدم .. وفي ناس ما يتغذون كويس ينقصهم فيتامينات وحديدويهملون انفسهم ويجي لهم فقر دم .., حتى في ناس تستغربين انهم معهم فقر دم وهم ما شاءالله يعانون من البدانه كله من التغذيه الخاطئه.., شاركونا كل الي با الغرفه الموضوع.., اسماء\اسمعي عوق انتبهي من الآن لا تهملين تغذيتك ..! علشان اذا ربي كتب لك حمل تدخلين مرحلة الحمل وانتي نسبة دمك ممتازه..! عليك با السلطات والفواكه اذا في بيتك خادمه على الغدا تبوله وسلطة فواكه قولي لها تجهزها لك ..! دلال \والموز والتوت بعد يمدحونهم..! المدرسات الموجودات معي با الغرفه ضحكوا كلهم استغربت من ضحكهم على كلام دلال والا علي دلال بقهر\ياربي انا الغلطانه الي قلت لكم .., اسماء بضحك\تكفين دلول عيدي الموقف خلي عوق تسمعه يمكن الحين تحسبنا نضحك على كلامها..! دلال بممازحه \ فضحتوني ماتسوى علي ها السالفه ومسكتوها علي ..؟! اردفت دلال بضحك\لكن لعيون عوق بقولهاوامري لله.. عوق بنفسها \لعيون عوق فديت عيون عوق يا ما قالها زياد ويوم زعل نسى عيون عوق ويدعي على الي اجمعه بعوق..! عوق تتنهد بوجع\تسلم عيونك كلي اذان صاغيه..! ناهد تضحك\الحمدلله عوق ماهي حامل اخاف يجيها شي من موقفك دلول..! دلال \اسمعي عوق هذا الله يسلمك اول ماتزوجت طلعت با الاجازه عند اهل زوجي..! كنت توني حامل في بنتي وفترة وحام يا ساتر اضيفي لها اول حمل واتدلع.. وطبعآ بيت اهلي واهل زوجي بنفس المنطقه ..! المهم طلعت من بيت اهلي راجعه لأهل زوجي بنص الطريق جا في بالي اكل موز واحنا بعد الساعه12في الليل.. قال زوجي يا بنت الحلال مافي موز كل المحلات مسكره..! قلت ما فيه الا تجيبه..! و بعد جهد جهيد زوجي لقاه ومن فرحته انه لقى الموز اخذكميه واجده..! قال يالله يا دلول هذا الموزعليك با العافيه قشرة موزه واكلت نصها..! قال زوجي اشبعي موز ما ادري وش القرد الي بتجيبنه لنا.. انا سمعت كذا بغيت انفجر من القهر قلت انا تقولي وش القرد الي بجيبه لكم.. خلاص ما ابي الموز وهو يا بنت الحلال ماهو قصدي وانا اسف.., قلت لا مافيه اشبع فيه انت ..! هو اكل وحده وثنتين بعدها قال الله يسامحك وش نسوي با الموز اذا رمينا خفنا من غضب ربي... واذا نادينا احد با الشارع وقلنا له خذ كيس الموز ... اكيد بيحسبها وحده من الثنتين يا ان الموز فيه بلا يا انا مهابيل..! عوق بدهشه \طيب عادي خوذوه معاكم لبيت اهل زوجك..! دلال با استنكار\ تبينهم يفضحونا داخل عليهم ولدهم بكيس موز.. والله كنه مسوي جريمه.., بيقولون قدرنا عند ولدنا كيس موز بنص الليل بيقعدون يتمسخرون ويسوونها تاريخ ذيك السنه الي دخل علينا ولدنا بكيس موز ..! عوق تمسك ضحكتها \طيب وش سويتو فيه..؟! دلال بتهكم\وش سوينا زوجي اكله كله ما وصلنا بيت اهله الا هو مخلص على الموز كله..! الله لايوريك نزل من السياره وهو ماسك بطنه بيديه الثنتين وطاح قدام بيت اهله ..! وادخل داخل انادي احديشوفه حسبته مات ..؟! واخذوه اخوانه للمستشفى تنوم يومين وطلع .. ومن بعدها ما دخل الموز بيتنا زوجي كره حتى اللون الاصفر منه.., عوق بضحك \بصراحه قويه هذي يا دلال..! ناهد\عوق انتي كم لك متزوجه.., . . . (كلمه اخيره) الله كَريم مَـاذا تعني؟ يُعطي كثيراً بل أكثر مما يدرك عقلك الصغير أكثر من خيالاتك، أوسع من جدران يأسك، قادر على تحقيق أمنياتك، وعلى أن يخلق لك أمنيات أجمل، قادر على أن يعطيك حتى تنسى أنك قد حزنت يوما. د. سلمان العوده الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
:
عوق في حالة تنبيش الوجع والهموم ..يعني مالحقت تسلا شوى الا وهي تعيده بس بأحساس مغبونه رسمت حلم وردي وصحاها زياد على واقع رماد اعتقد ان الوضيح بدت تلّعب الطرفين على حبالها ..تحسسهم انهم في مرحلة خساره وفقد كل واحد لطرف الثاني ...فعلا كثير منا ما يحس بأهميه الشيء الا اذا فقده ..وشكل عوق مـ هيب مستتمه النعمه وتحرص على بزرها لين تجيها قرصه :مافي اكثر من خريجات العربي اكيد قدموا عندكم..!؟ عوق تبين مساعده ابدن ماعندي مانع ...فعلا العربي من اكثر التخصصات عندنا لدرجه تحسسنا انه سهل والعكس صحيح ..و..بعد التخرج تركن شهادتك بأقصى الرف وتبحث عن تخصص ثاني لا فض فاك على رسم شيء من معاناة المعلم والطالب على حد السواء ..وسلمتى على التذكيرات الدينيه في كل فصل الود لقلبك حاابه اسال سؤال من وين تقييم العضو ؟ ....والتقييم غير الشكر ؟:confused: |
مبــــــــدعه آم الوليــــــــــد:55::55:الله يعطيككك العافييه
بـــــــــــارت اليووم عنوانه الهـدوء الـذي يسـبق العـاصفـه ام عوووق خليهاتربي زيـــادالهيس زيـــــــــــــــــــن:wookie: عـــــووق مسكينه الووحام شاادمعهايمممه الله يكفينا:zkc04699: الله يسعــــــــــــــــــــدكككككككككككككككككككككككككك |
سلام ام الوليد وربي يعطيك العافية من دعائك للمستضعفين بسوريا انتهاء بأحداث البارت فعلا بارت الهدوء اللي يسبق العاصفة كما قالت احدى الخوات احس ان انقلاب موقف الوضيحي مع زياد لغاية فنفسها وكلامها ضده وتهجمها عليه وبالأخص سيرة العرس والمرة الثانية واللي بتاخذ مكان عوق كل هذا احس ان وراها شي حتى تحسس عوق بالغيرة او يمكن متفقة مع زياد يعني هي لها موقف برجوع عوق لزياد وبس وربي يسلم يمناك فعلا روعة بانتظارك ...لك ودي واحترامي |
تسلم يدينك طيوف على هالبارتات
من مبطي مادخلت على المنتدى او النت بشكل عام خبري على ماقلتي توقعي ثلاث شخصيات تموت بهالبارتات الجاية اول شخصيه العنود الثانية الوضيح الثالثة اتوقعها شبابيه وبما ان نمر بدا بسواقة اتوقع انه يصير علية حادث ويموت نرجع لاخر البارتات كلام الوضيح مع عوق وانه معاد تبيها ترجع اتوقع انها خطة منها بس تنتظر انتهاء فترة الوحام وبعدين تفاتحها بالموضوع وبهدوء الله يعطيك العافية طيوف ويخليلك كل من تحبين |
سلم إيدياتك طيوفه
الحقيقة عاجزه عن التعبير رواية روعة جداً ومتحمسه لرضوة عوق على زياااد حاسه أنها بتجي سهله ما أدري ليه لأن أحيانا تجي أمور جدا عصيبه بس بقدرة قادر تنحل بسهوله ام الوليد عجبتني قصة اللي أكل الموز وشكلها واقعيه |
نسيت أقولك طيف توقع عن الوضيح هي واااااااضح أنها تحاول تثير غيرة
عوق على زيـــــــــاد لأنها كأنثى تحس بأحساسها وتعرف أن عوق حلبه زياد بس هو كسرها وأهانها وزي ما قالت عوق عازه عليها نفسها تحبه ويسوي بها هالسواة فيني قل صبر ودي أسمع تبرير زياااد للي سواه ووشلون بدا يندم ويراجع نفسه ام الوليد يارب يحفظ غاليك نبي بااارت هديه أنتي كريمه وحنا نستاااااهل :55: |
اقتباس:
الله يسلمك اسعدني مرورك |
السلام عليكم طيوف عساج تكونين بخير
انا ابي اامن على دعواتج ويارب يرحم شهداء سوريا ويفك اسر معتقليهم وينصرهم على فرعون العصر وزمرته الباغية بالنسبة لبارت اليوم ودي بس اعلق على ام عوق انا شفت ناس بس بحكمتها ومشاكساتها ما مر علي اللي اعرفه الشخص يا يكون عقل وثقل والايكون راعي مقالب وحركات بس الثنين متجمعين خطيرة ياالوضيح حدج خطيرة تقلبين الاثنين على نار هادية وتلبعبين باعصابهم عشان يردون حق بعض تحاولين تثيرين غيرة عوق وتختبرين صبر زياد الله يطول بعمرج لين يردون ويقر عينج بشوفتهم متصافين ويريح بالج على هاليتيمة طيف حبيبتي طول عمرج مبدعة ما عندي وصف يوفيج ابداعج ومالي غير اني اتمنالج الصحة والعافية وعسى الله يحرم كلج ومن تغلين ويغليج على النار ...........نموره |
سلام طيوف تذكرت شغلة
في البارت الثاني والعشرون ام عوق بممازحه\ ما عرفتيها.., ام ابراهيم منبهره\والله يا وضحى اني ما شفتس بشبابتس لكن ما اقول الا انه هذا انتي.., اردفت ام ابراهيم بتساءل\لايكون انها من حريمتس الي ماقد شفناهن عندتس .., ام عوق با ارتباك وتوتر \هذي عوق يانوره عوق.., الشبهة قارنته بقرب عوق من جدتها ام مشاعل لان الوضيح تكون خالتها فممكن يجي شبه الدم واحد على قولتهم بس المثير للشكوك >>> الله الله الله عل هالكلمه لبى الثقافة هو توتر الوضيح لمن قالت ام ابراهيم من الحريم اللي ماقد شفناهم عندك ويش قصتهم يالوضيح يعني اهل بدر ومشاعل يترددون على االوضيح وهي مخبية هالشي زادت الاسرار بالرواية ام الوليد تسلم يدينك |
مسائك عذوبهـ ونقاء
سلمت انآملك ام الوليد بارت رائع عوق على ما قد ما تعاني من الحمل وتعبه تعاني من حقران زياد لها لو كان جأ لها واعتذر كان نست كل شئ بس هو ما عرف الطريق الصحيح راح لكل الا هي حال عوق أذكــر مواقف بيــنـنا.. _ في خــيالــي ثم آتبسًم.. و " أكـــتم الدمـع " .. و اللوع ..!! ملـــيــت.. مــن تمثــــيل دور الـمـثالـي اللـي يشـوف الشـــوق و الـحـب.. ممـنوع ..!! صحـيــح اكـابــــر.. لو الاحـــزان فــــالي و أتــظاهــر الشــبعه.. وانـــا ميـــتٍ جــوع ..!! هذه حالتها بس تكابر تبيه يجيها هي مو اي احد ثاني كان يضن ان حبها لامها فدخل لها عن الطريق هذا بس ما درى ان عوق زعلانه وبقوه خبرة الوضحي هي اللي بترجعهم جالسه تلعب على الحبلين تضغط على زياد وتبي تفهمه ان عوق عايفه عشان يعرف قدرها ومن جهة عوق تبي تثير غيرتها عليه انه بيتزوج عليها والله منتب هينه يا ام عوق يعطيك العافيه ام الوليد جعل يدك ما تمس النار لأهل سوريا يآ رب يآ مرسل ( طيور الـأبابيل ) يوم أبرهه الأشرم سعى ضد بيتك أرسل أبابيلك جنووودٍ غرآبيل واقصف بهآ ( بشآر ) ربي رجيتك |
روايه روووووووعه تسلم ايديك طيف لاسلوبك الرائع و البسيط مثل السهل الممتنع وموضوع الروايه مهم جدا
اما بالنسبه للتوقعات فانا اتوقع زياد يعرف عن حمل عوق بما انه دكتور نسائي تدخل المستشفى مريضه فيعرف بالصدفه ما بعرف بس هيك بتخيل اخيرا اتمنى لك التوفيق |
اقتباس:
الانسان في حالة الغضب وبعدها العتاب يدور على الي يزيد جروحه بنشوف وش محضره الوضيح لهم معاناة المدرسات يبي لها روايات القييم ف منتدىثاني ماهو هنا الله يسعدك اسعدني مرورك |
اقتباس:
ماعليك الوضيح بتربيهم كلهم اسعدني مرورك |
اقتباس:
وعليكم السلام ورحمة الله وبركاته بنشوف توقعاتك واسباب تصرفات الوضيح مع زياد وعوق الله يسلم روحك اسعدني مرورك |
اقتباس:
لا ماهو نمر بسم الله عليه شخصيه ثانيه بنشوف وش بتسوي الوضيح فيهم اسعدني مرورك |
اقتباس:
بنشوف كيف بترضى عوق على زياد كلامك حقيقه خصوص الزوجين ابعد الناس اذا حصل خلاف واقربهم اذا تراضوا قصة اكل الموز اي والله حقيقه سمعتها من صاحبة القصه نفسها اسعدني مرورك |
اقتباس:
اكيد لحظات الغضب تعمي وزياد وعوق بنشوف وش راح يصير معاهم البارت مشغوله في ها الوقت لكن ابشرو في بارت اضافي لكن بعد كم يوم |
اقتباس:
الشبه طبيعي لأنهم اقارب وبنشوف تبعات ها الشبه في البارتات القادمه اكيد الوضيح بتوتر وتخاف لأنها ماتبي احد يعرف بصلة قرابة عوق فيها اسعدني تعقيبك ونقاشك الراقي |
اقتباس:
هلا وغلا امووله صحيح زياد طق الابواب الغلط ونسى انه هو اول شخص بحياة زوجته وكل الي يسويه علشان يراضيها كان يكسرها بدون ما يحس القصيده كانت بمكانها وتحليلك ما اقدر اقول فيه شي اللهم آمين اصلح احوال المسلمين اسعدني مرورك الراقي |
اقتباس:
بنشوف كيف راح يعرف زياد بحملها الي مخبيته عن الجميع مادرت ان الكل عارف اسعدني مرورك |
ابدعتي طيوفه مع لميس قصدي عوق هههههاي
شكلك يا عوق متاثره بلقصص التركيه اجل مخبيه حملك عن زياد و امك اتوقع ب بيغمى عليها في المدرسه و بيودونها المستشفي و زياد الى راح يكون مناوب |
اقتباس:
هلا وغلا سعوديه رايقه والله عوق ماجابت خبر الاتراك لميس مجرد اسم تسمعه با المجالس خبر حملها بنشوف كيف راح يكتشفه زياد هذا اذا ماكان اول واحد بعد عوق عارف فيه اسعدني مرورك |
مساء الخير طيوفه وكل متابعينك....
بصراحة روايتك اكثر بكثير من رائعه تناولت اشخاص للاسف المجتمع يعتبرهم عاله واخطاهم ولو كانت صغيرة فهي تكبر وتضخم متناسين انهم بلا ذنب وليس لهم يد فيما هم عليه... والحلو فيها المصداقية .....انو اللقيط تزوج لقيطة يعنى مخليتيه يتزوج وحدة معروفه نسبها...تعرفين طيوفه مجتمعا مجتمع قاسية يعنى عادي يتزوج وحدة من برا عربية او اجنبية يتقبلوها وهم ماهم عارفين اصلها بس السعوديه غير لازم يوصلون لسابع جد صديقتى لها عم مربي لقيط ومربية احسن تربية ومتعلم وشهادة ووظيفه مرموقه ووسيم وكل الصفات الحلوة فيه خطبها وفرضت هي قبل اهلها ... وتزوجت هي من غيره وتزوج هو من غيرها ....وتزوجت واحد مستهتر وما طولت تقولى يازهرة لو ترجع فينى الايام والله لاخذه وماعلى من كلام الناس....انا اللى بعيش معه مو الناس.... تعرفين ليه قالت لى هذا الكلام لان اللقيط شخص عان طول حياته ماراح يرضي لعياله يعشون ربع اللى عاشه ولانه يدور على الاستقرار النفسي والعاطفي....فهو يخاف لى بيته اكثر من غيره... نجي لعوق هي كمان تعبانه نفسيا وجسديا وراح تتعب زيادة لو صار في امها شئ بس اح تلاقي زياد واقف معها وامها حاولت تامن على مستقبلها بالى تقدر عليه... طيوفه ياقلبي زودي البارتات وطويليها خليها يوم عن يوم دام انها كامله والله من حلاتها انى اجلس اهوجس وش بيصير لزياد وعوق كانهم حقيقه قدامي...تكفين قولى تم لو اليوم تسوين استثنااااء <<< واثقة |
طيوف نسيت اسال بالرد الاول هل زياد على علم ان عوق تعرف اهلها
ما ادري اذا نورة بعد تدري انا عبالي عندها علم بكل سالفة عوق بس شكل ام عوق ما قالت لهم عن اهلها الاصليين وبصراحة معاها حق السالفة ماتنقال حتى لاقرب صديق عساج عالقوة طيوف وعسى الله يحرم من تحبين وتغلين ويغليج على النار.......نمورة |
اقتباس:
فئة مجهولين النسب على كثر ما نتعاطف معاهم على كثر ما نظلمهم وكثير اعرف ناس سافرو اوروبا وامريكا يدرسون وتزوجو من هناك با العكس الاغلبيه كان يشوفه شي مميز ويدورون له الاعذار اقلها فلان تزوج يعف نفسه وهم ماهم عارفين شي عن ها الزوجه با الروايه لما اخترت لعوق زوج لقيط كنت احاول اوصل لشي من الواقعيه وقليل من معاناة الولد اللقيط مثل البنت اللقيطه موقف صديقتك مشكلتنا ما نفهم الدرس الا بعد فوات الآوان فكرت بنظرة المجتمع ولا فكرة بنفسها وراحتها اسعدني مرورك ونقاشك الراقي واتمنى والله با الردود ان البنات يذكرون لنا قصص لقطاء والمعوقات الي واجهتهم |
اقتباس:
زياد ما يعرف شي عن اهل عوق وان شاء الله ما يعرفه بنشوف وجهة نظر عوق من معرفة زياد للموضوع في بارت قريب اسعدني مرورك ونقاشك الراقي |
بسم الله الرحمن الرحيم السلام عليكم ورحمة الله وبركاته مساؤكم أمل يتجدد وفرح يطرق الأبواب ليقول للأحبة غداً يوم أفضل مساؤكم جمال وإبداع بقدر جمال ما سُطر في هذا المتصفح من إبداع مساؤكم رضا ودعوة من القلب أن تسعدوا أينما كنتم أتيت أقدم الخطوة وأُأَخِّر الأخرى يسبقني اعتذاري لتقصيري في الردود على الأجزاء الماضية فهل لي من عذر وهل لازال لي متسع بينكم لأضع ردي المتواضع قبل أن تنطوي الصفحات ويسدل الستار عوق.............. يمامة مكسورة الجناح ليس لها بعد الله ثم وضحى من تستند عليه إذا جار عليها أحد وهي تعلم ذلك فهل كان انفجارها بأم إبراهيم حاجز تقف خلفه حتى لا يظهر انكسارها للعلن أم أنه كان دفاعاً عن خطأ ارتكبته في حق نفسها قبل أن يكون في حق الآخرين ألم يكن بإمكانها أن تحاول على الأقل أن تسيطر على غضبها أمام أمها وألا تجرح أم إبراهيم بترديد كلام زياد لها هي أحسنت بكتم سر تواجدها عند أمها عنها حتى لا تسيء إليها أو تحملها هماً ولكن كان عليها أن تحاول قدر المستطاع أن تسيطر على ردود أفعالها وعلى غضبها المتزايد مما آل إليه حالها ربما كانت تظن أنه حين يهدأ ويفكر بطريقة سليمة سيأتي معتذراً عما فعل ولم يكن في حسبانها أن يحاول توسيط أحدٍ بينهما خصوصاً أنه قد أساء لهذا الأحد في نظرها حين تطاول على أم إبراهيم وزوجها بسبب خطبته لها فهي وإن قالت أنها لن تعود إليه ولن تقبل الصلح وتريد منه أن يطلقها فهناك شيء بداخلها ينكر عليها ذلك والدليل ثورتها حين علمت أنه وسط نايف عند عمته لتحاول أن تعيد المياه لمجاريها كذلك إحساسها بالألم وإن لم تظهر ذلك وهي تسمع أمها تتحدث عن زواجه بغيرها لأنها لا تريده وهذا يحسب لصالح وضحى في سعيها لإصلاح ذات البين فهي تضرب على هذا الوتر لتجعلها تحس بالغيرة وتنطق بما تنكر كما أنها تحاول أن تدفن نفسها بعملها حتى تشغل نفسها عن التفكير بزياد ومشكلتها معه ولم تفكر للحظة واحدة أن تسأل نفسها ماذا بعد الطلاق وماذا إذا اكتشف أنها حامل هل هي على استعداد للرجوع لأجل ابنها الذي لم يرى النور بعد أم أنها ستظل على موقفها حتى يعلن زياد استسلامه للأمر الواقع وحينها ترضى بما تحكم به أمها وضحى............. كل يوم يزداد إعجابي بهذه الشخصية وبحكمتها وكيفية معالجتها للأمور فهي رغم معرفتها بما تعاني منه عوق إلا أنها اختارت الانتظار حتى ترى إلى أي مدى ستقدر عوق على الصمود ومجابهة واقعها المؤلم الذي تعانيه من فراق زوج في بداية حياتهما الزوجية وقبل أن تهنأ معه وإحساس بالإهانة للطريقة التي خرجت بها من بيته ومتاعب نفسية وجسدية بسبب الحمل والعمل المضني إلى متى ستظل وكأنها مبتعدة عن أصل المشكلة وهي منذ بدايتها تحاول حلها سواء مع زياد أو مع عوق دون أن يدري أياً منهما عن نواياها فهي تأخذ كل منهما على قدر تفكيره حتى تلم بجميع جوانب المشكلة ثم تجبرهما على اتخاذ القرار الذي ترى أنه في صالحهما وصالح ابنهما هي لن تصغِّر ابنتها وتعيدها له بسهولة كذلك لن تسمح لابنتها أن تهدم بيتها بيدها وهي تتفرج دون أن تحرك ساكن فكلاهما بحاجة لقرصة أذن ليعلما أن الحياة الزوجية ليست حبر على ورق أو فورة عواطف يستمتعان بها وحين تنتهي ينتهي كل شيء ستعلمهما أن الحياة مشاركة فيها الحلو والمر فمتى سيعيان ذلك زياد............ قاتل الله الغضب كم يعمي البصر والبصيرة وحين نفيق لرشدنا نجد أننا قد خسرنا الشيء الكثير بسبب لحظة غضب لم نستطع أن نسيطر عليها أو ندفعها فهو لم يتصور للحظة واحدة أن يجد من يعاتبه على إهمالها في الظرف الذي يمر به وحين أتى العتاب ممن يعاني من نفس مصابة كانت ردة الفعل عنيفة ولم يكن أمامه أن يفرغها إلا بعوق ولو أنها صدت عن وجهه تلك الساعة لما وصل الأمر لما وصل إليه فهو حين هدأ وفكر جيداً بما حدث أتى معتذراً ويطلب الصلح ولكنه أخطأ الطريق فبدل أن يذهب لصاحبة الشأن أو أمها ذهب لمن كانوا السبب في جمعهما وربما هذا ما زاد بغضبها منه أنه لجأ إليهما بعد أن أساء لهما بسبب زواجه منها ولم تعرف أنه قد تغير كل شيء حين ذهبت فورة الغضب وعاد كما كان زياد الهاديء الرزين الذي عرفته في بداية زواجهما هو أخطأ بحقها لا شك بذلك ولكن هي أخطأت بحق نفسها أكثر قبل غيرها حين بدأت بالإساءة لمن أحبوها وأرادوا لها الخير فهل سيطول الأمد بهما قبل أن يتم الصلح وهل ستُقدِّر موقفه وتعذره على ذلك وتقبل بهذا الصلح أم أنها ستبقى على حالها حتى تضع مولودها ثم بعد ذلك تعود له لأجل هذا الطفل لينعم بدفيء حضن والديه هي ستلقنه درساً لن ينساه ووضحى كذلك ولكن ما موقفه حين يعلم أنها حامل هل سيقبل أن تعيش لحظة واحدة بعيدة عنه أم أنه سيحكم سيطرته على الوضع ويعيدها لبيته بذريعة رعاية ابنه وأنه بحكم تخصصه قادر على مراعاتها أفضل من غيره ويمنيها أن يطلق سراحها بعد الولادة حتى تقبل بالأمر الواقع ثم حين تعود يتغير كل شيء بفضل حبه وحنكته ووضحى غاليتي........... مبدعة كما عهدناك دائما فلك كل الشكر على ما تخط أناملك بانتظارك دائماً بشوق دمت بألف خير |
اقتباس:
هلا وغلا اراده ولك من الاعذار قد ما تبغين على كثر ما اشتاق اني اشوف ردودك اعذرك لأن ظروفنا ماهي على الكيف والله اني اعجز واقولها صراحه اجاري ردودك ام عوق عارفه ان وضع عو ق حساس ماهو مثل اي بنت بحكم انها مجهولة نسب وبحكم خبرتها با الحياه عارفه ان الي حصل من زياد كانت ثورة غضب وماراح تطول لكن عوق طورت الموضوع اكثر وزياد ما كانت عنده الشجاعه انه يواجه خلت الكل يشبع من رايه وبعدين تأدبهم وضحى ماراح تترك عوق تحس با الاهانه وانها مالها ظهر لكن بنفس الوقت ماراح تكسر زياد قدامها تصويرك لعوق انها يمامه مكسورة الجناح ارعبني والله لأنه نفس المقطع موجود في بارت الثلاثاء لكن لشخصيه ثانيه اتمنى والله العظيم قدام ها الردود العملاقه ان ربي يوفقني واقنعكم با المشاهد القادمه كل رد منك يا اراده يخوفني اكثر ان مسودة الروايه عندك اسعدني مرورك العذب |
السلام عليكم ورحمه الله وبركاته
يسعد صباااااحك ام الوليد مثل ماتسعدينا بسوالفك الي تفرح قلوبنا وبالاضافه والله اني جالسه استفيد كثيررررر من مواقف الوضيح وكيف تمشي حياة عوق وتسعى الى اسعادهاااااااا جعل كل حرف تكتبينه شاهد لك وفي ميزان حسناتك عووق صعب جدااااا على اي وحده انها تحسسسس بلا سند ولا ظهر تحتمي فيييه وخاصة اذا ظامها زوجها او قهرها اي وحده ثانيه بتركض لاهلها وتشتكي لهم وهم بدورهم بياخذوون حقها واصلاا حتى زوجها بيحسب الف حساب لاهلها قبل لايفكرررر انه يظلمها اما عوق فهي حست ان زيااد مستهين فيها ومرخصها لانه يدري ان مالها احد يدافع عنهااا ويحميها منه مادرى ان الوضيح عن الف سند وظهررر وغير كذاااا انه خذا له وقت على بال ماتنازل وجاء يراضيه وياليته جاء على طوول الا دخل كذا واسطه بينهم عشان ترجع ولو انه على طوووول جاء ووراها وراضها من غير ما يعلم احد يمكن كان رضت بسرعه ن المراءه قلبها رقيق وبسرعه تحن والي جالس يذبحها اكثر واكثر ترديد الوضيح ام زياد راح يتزوج وحده غيرها مهما ادعت انه مايهمها ولاياثر عليها تكذب على روحها لانها تشعر بالغيره والغبن من الطاري بس ةواد وغطى الوحااام وتعبه ام عووووق اتعب وانا اقووووول ان امثالك شبه انقرضوا يالله هالمره عندها قدره عجيييييبه تخلي الواحد يحبهاا من كل قلبه تعجبني طريقة معالجتها للامور هي جالسه تادب الاثنين تدب عوق انها ماصبرت على رجلها وتركتخ وجااات ولا رضت انها ترجع معاه يوم جاااااء بانه تطري زواجه دائما وكيف بتكون حياته بعدها وتادب زياد انه ماحافظ على الامانه الي عطته اياه وفرط فيها ولا راعى الله فيهااا بانه تكسح كل ماجاء وترد بكلام يسم بدنه الى ان تحس انهم خلاااااص اكتفوا من البعد والفراق راح ترجعهم لبعض بعد ما يعرف كل واحد فيهم قيمه الثاني روعه روعه تصويرك ام الوليد لجو المدرسات وتصويرك لمناقشاتهم والمواضيع الي يتكلمووون فيها حسستيني فعلاا انهم بمدرسه وهذي همومهم تسلم يدينك يالغلااااا لاخلا ولا عدم |
بسم الله الرحمن الرحيم
اللهم عليك بحاكم سوريا وحزبه. اللهم عليكم بحاكم سوريا وحزبه. اللهم إنّهم جاهروا بحربهم ومعصيتهم لك يا أالله.إنّهم والوا الكفر واهله وقاتلوا الاسلام وأهله ، خلّصنا منهم يا الله ، خلّصنا منهم يا الله ، خلّصنا منهم يا الله . اللهم اقصم قروءهم واكسر شوكتهم ، واذلّ عزيزهم. اللهم إنّا نجعلك في نحورهم ، اللهم يا ناصر المظلومين ، ومغيث المستجرين ، ورافع الكرب عن المكروبين ، اللهم كن مع اخواننا في الشّام ، اللهم كن مع اخواننا في الشّام، اللهم كن مع اخواننا في الشّام. اللهم انصرهم على من ظلمهم ، وانصرهم على من عداهم . اللهم ارحم شهدائهم وموتاهم الذّين شهدوا لك بالوحدانية. اللهم امددهم بجنود من عندك . اللهم انصرهم على من ظلمهم وانصرهم على من عاداهم. اللهم اغسلهم بالماء والثلج والبرد واجعلهم عندك من المقرّبين في جنّات النعيم . اللهم شاف مرضهم واجبر كسرهم واشف جرحاهم . اللهم فكّ قيد أسراهم ومسجونيهم . اللهم انزل السكينة والصّبر على أهليهم وذويهم . اللهم وفّقهم لما تحبّه وترضاه . اللهم ألهمهم الرشد والصّواب لقول الحقّ والعمل به ، ولنصرة الاسلام وإعلاء راياته والعمل بكتابك وإقامة الخلافة الرّاشدة . انت وليّ ذلك والقادر عليه. . . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., اعجز عن شكركم عملاقة ليلاس على التميز وممتنه لثقتكم الغالية ما عندي شي اقدر اكافئكم فيه على ثقتكم وعلى هذا التكريم المميز الا في بارت استثنائي بأذن الله يوم الخميس شكرآ من الاعماق آ ل ليلاس .. . . . اليوم بنشوف عوق المزايين واسم زياد يحاصرها بكل مكان..! يا الله تعالوا معاي...!! وسالفه جديدة؛ . . . البارت السادس والعشرون . . . ناهد\عوق انتي كم لك متزوجه.., عوق بحزن\تقريبآ4شهور .. ناهد\رتبي وضع حملك علشان ولادتك تكون على اجازه ترى مافيه اجازة امومه عندنا..! المسموح فيه اسبوعين اذا حملتي وجات ولادتك وقت الدراسه بتتعبين..! عوق \ان شاءالله .., طلعت من غرفة المعلمات للأداره بشوف استاذه شيخه بقولها تدبرني.. لقيت عندها خوله .. عوق \السلام عليكم.. شيخه وخوله\وعليكم السلام.., شيخه تبتسم \هلا عوق كن عندك شي والا انا غلطانه..!؟ وقفت خوله \عن اذنك استاذه شيخه .., عوق بقلق وتوتر\لا خوله الموضوع الي جايه علشانه لازم انتي واستاذه شيخه تسمعونه.., خوله بخوف \عسى ماشر.., عوق \ماشر ان شاء الله لكن انا نصابي كثير ومتعب جدآ.., شيخه بتفهم \قلت لك بس الفتره هذي وان شاء تنحل المشكله ..! عوق بتوتر\لا والله استاذه شيخه انا ما يشكل عندي مشكله لوكنت زي اول..! لكن انا تعبانه يا استاذه شيخه وبا امكاني اترك المدرسه لكن حاسه بمعاناة البنات ولا ابي اخذلكم..! شيخه با استفهام \الله يجزاك خيروالمطلوب ؟ عوق بتوتر\استاذه شيخه انا ما اقدر على اكثر من منهج وخصوص الفتره هذي..! خوله \ليش ! عوق با ارتباك وتردد\انا, اناحامل وأواجه مشاكل بحملي..؟! والدكتوره طالبه مني الراحه علشان ما اضطر اخذ مثبتات للحمل او افقد حملي..! شيخه وخوله بفرحه\الف مبروك عوق .., خوله\ الله يتمم لك وتقومين با السلامه.., عوق منحرجه\الله يجزاكم خير... شيخه بعطف \المدرسه سبب تعبك..! عوق بضيقه\لا والله استاذه شيخه ماهو بس المدرسه..؟ عندي امور عالقه بحياتي الشخصيه وزاد عليها ضغط الحصص...!؟ خوله \عوق انتي مدرسه كفؤ وخساره كبيره على البنات انك تتركينهم با الوقت هذا.. انتي عارفه احنا محتاجينك اكثر من حاجتك لنا.., شيخه \عندي حل لك وان شاء الله يعجبك ومرضي لنا ولك..! عوق \ليت والله استاذه شيخه.., شيخه \انتي خلك على منهج النحو ونصابك الاول كويس وبنزيد لك حصةنحو .., عوق \مومشكله.., شيخه \ونظيف لك مادةالانشاء 4 حصص في الاسبوع بيصير عندك 20 حصه عوق بتذمر\مافي فرق استاذه شيخه انا اكبر مشكله عندي طلوع السلالم..! شيخه \لا فرق بيطلع نصابك 16نحو والانشاء 4 ونزلي البنات للمعمل تحت..! خوله \خلاص وانا برتب لك مع مدرسات العلمي نريحك من طلوع السلالم ..! حصصك راح تكون با المعمل تحت.. شيخه\ونعم الرأي خوله اذا هو معجب عوق .., عوق با امتنان\ والله ما قصرتوا الله يجزاكم الف خيرلكن لي طلب ..!؟ شيخه وخوله \اطلبي.. !؟ عوق بتردد \ما ابي احد داخل المدرسه او خارجها يعرف بموضوع حملي..!؟ ضحكت خوله \يا شينكم يا بعض الناس كل هذا خوف من العيون...! عوق بضحك\ وش تبينا نسوي محد حمل الا عوق..! طلعت من الاداره وانا فرحانه الحمدلله ان شاء الله انه لاضر ولا ضرارعلي او على الطالبات .., انا احب اذا مسكت عمل اتقنه وما اخلي لأحد مجال للأنتقاد والا بأمكاني امشي الحال با الشرح ولا اضغط على نفسي لكن هذي امانه..., دخلت حصصي واخر الدوام رجعت للبيت امي بغرفتها وتنتظر متى اجي علشان نتغدى سلمت عليها.. عوق بفرح \بغيرواطلع لك... وضحى \ماشاء الله اليوم راجعه مستانسه دخلت غرفتي ولبست وطلعت لأمي.., وضحى تبتسم \وش عندتس ونسيني معتس عوق\لا ابد والله مشاكل با المدرسه وانحلت .., وضحى \الله يسخر لتس ويهون عليتس كل عسير.., عوق \آمين يارب .., حضرت الشغاله الغدا وطلبت من الشغاله تصلح لي تبوله وسلطة فواكه كلام المعلمات اليوم لي يخوف عن فقر الدم وضحى با استغراب\ليه ما اعجبتس الغداء.., عوق تبتسم \با العكس يمه حلو الخدامه تعلمت وصارت كربون طبخي لكن انا بخفف وامشي على ريجيم ودي انحف..! ضحكت امي على كلامي..؟؟؟ وضحى تهز راسها بسخريه \رجيم الله لايبلاناوانتي حامل وشلون تجي.. مير انتي ذايبه وضعفانه لكن الي نافعتس عظامتس اعراض ما يبين عليتس الحمل ولا يلاحظ الا الي يعرفتس حملتس بصدرتس وكتوفتس ..؟! رحتي با الجسم وكبر العظام لشقحا الله يرحمها تسمن لو على شربة الماءوما تضعف من الشي الهين..., عوق تبتسم بتهكم\الحين ابي افهم يا الوضيحي اقولتس ماني حامل وانتي مصره على كلامتس .., الحين انتي وش دراتس.., وضحى بضحك \دراني ازيدعن شهرين عندي ما قطعتي صلاتس .. ودراني كل فجر تطلعين علي طالعه عيونتس معدتس قالبه عليتس طاقتس الوحام.., ودراني مانيب بنت البارح علشان يجهلني الحمل...! انا صدق ماجربت الحمل لكني فطينه واعرف ... وان ماخاب ظني انتس تعديتي الثلاث شهورحامل عوق با ارتباك\لا يمه لا حمل ولا شي ..! الدوره عادي تلخبطت علي بعد زواجي واصلن اتحراها ها اليومين..؟ وضحى تضحك بتهكم \تحريها وانا امتس تحريها عساتس ماتشوفين الي يروعتس.., لكن لا تغضبين ربتس تفوتين صلاتس تبين تقنعيني انتس ما انتي بحامل..! الشغاله نزلت التبوله وسلطة الفواكه وقلت لها عطيني شنطتي.., عطتني شنطتي واخذت الادويه الي صرفتها الدكتوره وضحى بغضب \وش تبلعين انتي مهبوله..؟! عوق \يمه ليه هذي صرفتها لي الدكتوره عادي.. وضحى بسخريه\وعساتس بعد داسه عنها حملتس ..؟ امي حشرتني بزواية وشلون اصرف نفسي ...!!! عوق\يمه هذي حبوب لفقر الدم والدوخه الي تجيني.., ماتضر ياخذها الكبير والصغير والحامل والمرضع عادي.., وضحى با استنكار\والله ماخبرت مره اخذت علاج وعينت خير بحملها من خلقت ...! وفقر الدم ليه وها الانعام من مسكر فمتس لاتاكلين ...؟ عوق بحسره\يمكن علشان نفسيتي بعد الي صار لي مع زياد.., وضحى تتنهد بضيقه \متى بس عطلة المدارس..! عوق \باقي يمه عليها ليه..؟ وضحى\نسيتي بطلع مع سعد للبر..؟ والله اني اتشفق لشوفة الربيع عسى الله يغيثنا ولا يجعلنا من القانطين .., عوق بفرحه \اي والله يمه وانا مثلتس ابي اغير جو.. وضحى بحده\لا بالله انتي تقعدين با البيت وش يروحتس معي .., قبل ما اقدر اتركتس وراي واروح ولا اقدر اخذتس ونطول با البر اخاف عليتس الدنيا وحالها..؟ لكن الحين خلاص انتي حرمه متزوجه وكل الناس داريه وماعلينا من احد.. هذا غير حملتس الي اتعبتيه بها الوظيفه الي ربي ماهو بمحيجتس لها.., بعد تبين تعذبينه با البران.., وعندتس الشغاله والسواق يونسونتس .., عوق بملامه \يمه هذا كلام كيف تروحين بدون شغالتس وتتركيني با الحالي من تتركيني له.., وضحى بحزم\مع ال سعد بدال الشغاله ثنتين وش نبي فيهن نجمعهن.., وانتي محتاجتها اكثر مني بااطول معهم وعقب المدارس بعود.., ام عوق تضحك وتبلع غصه\وبعدين وانا امتس تاركتس تاركتس با لحالتس رضينا والا نرضينا .., ان كان مهو اليوم باتسر.., عسى الله يجملنا با الستر ويختم لنا بموته هينه لينه وحنا على طاعة ربنا.., عوق بوجع وخوف \لا يمه لاتقولين كذا الله يطول بعمرتس.., غثني كلام امي يعني لا زم تنكد علي.., قمت لغرفتي مهمومه ومقهوره عكس يوم رجعت من المدرسه.., وظيفتي بغض النظر عن راتبها مسويه تغيير لروتين بحياتي.., يمكن لو ما توظفت وعلى كلام امي هذا اذا ما انتحرت ما يردني الا نفسية شهار.., حتى دموعي صارت عصيه الا اذا اطرت امي الموت.., فتحت شنطتي بشوف الساعه كم با الجوال لقيت رساله بجوالي من زياد كاتبه فيها؛ (لا اجيد فن الااعتذار ولكن عذري ان لي قلبآهام بك حبآ وذاب شوقآ للقائك ) متأخره جات رسالتك يا زياد وش عقبه بعد ما مات قلبي حولت جوالي صامت بنااااام تعبانه صحيت عقب العصرصليت طلعت اشوف امي لقيتها بمظلتهاجالسه وضحى \كلمي وانا امتس نوره ضايق صدري خليها تجيني.., روعني طلب امي لخالتي نوره .., عوق بخوف \يمه وش فيتس عسى ماشر يوجعتس شي...! وضحى \لاحول ولاقوة الابالله وش بلا وجهتس انصفر ما فيني شي خليها تجي تقهوى بس..! طلعت كلمت على بيتهم وانا ادعي ان خالتي ام ابراهيم ما ترد علي.., وجهي طايح منها عقب اخر مره غلطت عليها وحملتها مسؤلية فشل زواجي .., يعني هي وش دراها انه بيصير كذا ..؟ عوق منحرجه \السلام عليكم.., نمر بفرح\هلا عوق واخبارتس طيبه بشرينا عنتس.., عوق بتهكم\ نمر..!هلابك وشلونك يا شايبنا..! نمربضحك\الحمدلله تطورت من محرم لشايب.., عوق \سقى الله ذيك الليالي يا نمر يوم امي تناديك تطلع معي ومرات تنام با السياره.., نمر يضحك \لا ابشرتس الحين انا الي اسوق ماعاد فيه نوم بالسياره..! عوق \وين خالتي..؟ نمر\طالعه لسوق مع جهير.., من تصبح لين تمسي وهي با السوق اقلقتنا يا شيخه وطفشت امي.., عوق تبتسم\الله يعين .., نمر بممازحه\اي والله الله يعين على مثل الجوهره ما كأن احد تزوج الا هي.., تدرين الصباح تطلع مع امي وابوي لسوق وتخم, تخم, تخم الي با السوق كله..؟ واذا جا العصر رجعت لسوق ترجع الي اخذته الصباح اجلوا عرسها وابتلشنا فيها.., عوق بضحك \عدوي يجي على لسانك.., نمر بتهكم\هذا وانا امدحتس اليوم .., عوق بضحك \الله يسلمك من طيبك..! نمر بسخريه\الجوهره اذا جات تطلب شي قالت بسرعه حرم الدكتور نواف ما تنتظر..؟! قلت لها والله لو انتس عوق رجلها استشاري وصوره ماليه الجرايد ماكبر راسها علينا.., وانتي راستس صار كبر المنطاد شوي والا تطيرين وزوجتس ها الدربحه توه اول المشوار.., عوق بضحك \حرام عليك نمر منين تجيب ها السوالف.., نمر بسخريه \لا ودبلت الكبد يا عوق نواف ازيد منها.., قدر ولقى غطاه هو والجوهره سبحان الي جمعهم..؟! البارحه عشا عند خالي عبد الرزاق ومن جلسنا الين قمنا ونواف ماغير اناوانا.., شكيت انه الدكتور الوحيد على وجه الارض بغيت احرج عليه قدام المعازيم.. لكن خفت من ابوي وابراهيم يزعلون..., رجلتس كان موجود ماقال كلمتين على بعض ما شاء الله عليه كلمه ورد غطاها.. يوم سلمت عليه قال لي هو انت نمر سمي ولدي ما ادري ولدي سميك.., تستاهلينه ويستاهلك ملك با الاخلاق والتواضع هالزياد.. الووووووووعوق انتي معي.., عوق تغمض عيونهابوجع \معك , معك نمر سلم على خالتي والبنات واذارجعت قلهاتمر امي.., نمر \ ابشري لكن انتي بطولين عند خالتي وضحى! عوق با استغراب\ليه تسأل..؟! نمر \لا بس البارحه زياد يتكلم عن امريكا ما فهمت وش يقول ..! لكن شكله بيسافر وبيطول عنده شغل سمعته يقول شهرين .., تكفين لاتسافرين الامتحانات على الابواب.., علشان ارسل لك كتاب النحو والنصوص تشرحين لي على الكتاب وتحلينه.. ان سافرتي جبت العيد قبل رمضان.., عوق \علشانك بجلس اجل .., نمر \الله يسلمتس احرجتيني والله من طيبتس يا ام نمر.. طلعت لأامي وكلام نمر في بالي زياد بيطلع لأمريكا اكيدفي شي اخاف اسأل امي وتفهمني غلط ..., يا حليلك يا زياد الظاهر شوفتك لنمر ذكرتك فيني وخلتك ترسل ..! عوق \ام ابراهيم طالعه لسوق اذا رجعت ان شاء الله تمرتس.., وضحى با استغراب \من رد عليتس اسمع ضحكتس وانا بمكاني..! عوق تبتسم\ومن غير ابو لسانين نمر.., وضحى \ايه يا حليله ماشاء الله عليه غدى رجال الحين ابو 14والا15 لا تطولين با الهرج معه مره ثانيه.., عوق بتذمر\الا نمر عاد والله انه مثل ولدي ..., وضحى با انتقاد\جعل الي في بطنتس ولد صالح ما قلنا شي .., انتي تشوفين نمر مثل ولدتس لكن هو ما فتشنا قلبه وشفنا وش فيه ولا العرب فتشت قلبتس وعرفت وش هي نيتس .., عوق بعصبيه \وش الي في بطني مافيه شي والناس وش لها عندي..! وضحى بحزم وحده\اسمعي انا ماشيه بعد كم يوم مع سعد للبر وكلامي احفظيه زين.., لا تجسرين احد عليتس با الكلام لانمر ولا غيره.., كثرة المزوح مع الرياجيل حتى لو قلوبكم بيضاءتبرد الوجه وتنزع الحيامن الانثى .., واظنتس فاهمتني ماهي اول مره اصب ها العلم با اذنتس.., قمت من عند امي ودخلت غرفتي قعدت ابكي من القهر ياربي الي متى ها الانتقادات وشلون لو تطلقت اذا هذا كلام امي الي ربتني وعارفتني اجل وشلون البعيدين..؟ اسمع صوت امي تنادي شكلها دخلت تصلي المغرب طلعت لها.., وضحى بخوف\بسم الله عليتس ليه تبكين ! عوق بضيق \لا مافيني شي بس متضايقه .., وضحى بخوف\الله يكفيناشر ضيقة المغرب لاتخلين قرآنتس الحصن الحصين.., عوق من بين دموعها\لا ماهو مثل ما انتي فاهمه لكن ضايقني كلامتس لي قبل شوي .., يعني الي متى بيلحقني عار مشاعل.., وضحى بحسره وحزن \عار مشاعل وسمه كوي نار ما يتغير على طول الزمان الله يعينهاعلى بلواها.., اردفت ام عوق وهي تتنهد بوجع\يا عوق مشاعل مثل الحمامه الي كسروا جنحانهاوخلوهاتنوح.., محد درى عنها هي تغني والا تبكي.., وسبحان الله يا بنتي فيه الي ازود من مشاعل لكن ربي ساتر عليهن الله يكفينا الشر.. وكلامي لتس كل ام تقوله لبنتها تنبها..! مرات الانسان يغفل والذكرى تنفع المؤمنين والله ماهو قصدي اجرحتس والا اضيق صدرتس.., تعوذي الشيطان قومي تجددي وصلي المغرب واتركي عنتس وساوس ابليس..! قمت صليت المغرب وكالعاده الرحله اليوميه تحضير دروس ولبس لبكرا ملابسي بدت تضيق علي والا انا يتهيئ لي.., نادتني الخادمه تقول امي تبيني با الصاله ام ابراهيم عندها قلت خلاص روحي انا طالعه لها.., يا ربي طايح وجهي من ام ابراهيم عقب الي صار وشلون اقابلها سميت بالله وطلعت لها.., يوم شافتني فزت وقامت بوجهي وسلمت علي ام ابراهيم بفرحه \وشلونتس ياعوق مبطيه عنتس ..! عوق منحرجه \طيبه ياخاله لكن مشغوله مع المدرسه.., ام ابراهيم با استغراب \وش فيتس متغيره بسم الله عليتس..! وجهتس نحفان وعيونتس باين بها التعب وجسمتس ماهو الي حنا خابرين.., عوق بتوتر\لا مافيني شي تعرفين المدارس الاهليه ضغط مو طبيعي.., ام ابراهيم تمسك ايدين عوق بدهشه\ماهي سالفة مدرسه وجهتس اصفروتعبان..؟! وشوفي عروق يدينتس طالعه والله مالتس شبيه الا الي ماكل اكل ملوث ومتسمم.., ام عوق تضحك بمشاكسه\صادزه يا نوره عوق تعشت عشا دسم غث تسبدها ولا تبي تعترف يمكن نلقى له علاج..؟! فهمت امي وش تقصد ما ادري وش ارد عليهاوقفت ابي اهرب لغرفتي من كلام امي.., عوق با ارتباك واحراج \سلمي خاله على البنات وباركي للجوهره.., ام ابراهيم\يوصل وانتي وش بلا حابسه نفستس اطلعي سيري عليناالبنات فاقداتس..! عوق بتوتر\والله مشغوله ما افضى والا والله انكم على البال..! ام عوق بتبرير\نهارها كله تقضيه با المدرسه والا حابسه نفسهابغرفتها..؟! ام ابراهيم \الله يعين يا وضحى والوقت ما عاد فيه بركه اجلسي وين تبين لاحقه على ها الدروس ..! عوق\عندي تحضير واجد مابعد سويت فيه شي.., طلعت لغرفتي وانا اغبط خالتي ام ابراهيم تضحك عادي معي وتسولف..! وهي طالعه اخر مره من بيتنا تبكي من كلامي لها وبناتها فا قداتني ويسئلون عني ونمر يرد علي عادي اكيد ما عطتهم خبر عن الي صار..! لوكنت انا كان قومت الدنيا وقعدتهاهو العيب فيني والا في الناس ..؟! مر اسبوعين على جدولي الجديد ادرس مادتين النحو الانشاء ..., وضعي تمام حتى الماغص الي كنت احس فيه ماعدت احس فيه..! اليوم رجعت للبيت متأخره امي جالسه تنتظرني.. ام عوق بخوف\هلا يمي ليه تأخرتي با المدرسه..! عوق تجلس بتعب\الي اخرني بنت في اول ثانوي من اليوم اتنظر اهلها..! ما في احد جا لها اضطريت اني اوصلها آخر الدنيالبيتها ..! والمشكله حتى بيتها ما تعرف وينه قعد يسأل السواق حتى وصلناها..!؟ ام عوق با استنكار\مافي مدارس قريبه من بيتهم ؟ وش الي يحد اهلها يبعدونها! عوق بتهكم \ إلا فيه قريب منهم مدرسه خبرتي حي مافيه مدرسه والا مدرستين المدارس اكثر من المدرسات..! سألتها قالت استاذه صديقاتي الي كانو معي با المتوسط انقلوا هنا وانا معهم..! ام عوق بتعجب \بعض اهل هم الي يرخون الحبل لبناتهم ويعطونهن على كيفهن..! عوق\المفروض من الاهالي ما يطاوعون البنات خلاص يشوفون اقرب مدارس لبيوتهم ويسجلون بناتهم..! الواحد ما يعرف ظروفه يتعب يصحى متأخر .., مشوار المدارس يقطع القلب والدقيقه محسوبه على الطالب ..! ام عوق \خلينا من سوالف المدارس الي ما تخلص قومي تغدي ...! عوق\طيب بغير لبسي واجي ..! ام عوق على الغدا \اليوم مع المغرب بيجي ناصر ولد سعد بياخذني..! ؟ كلمني سعد يقول تعالي وسعي خاطرتس الجو زين و شوفي الذود الي انا شريت على شانتس..! عوق بألم \تروحين وترجعين با السلامه..! ام عوق \وش فيتس تعبرين مانيب متأخره..! سكري بيبانتس زين والخدامه والسواق عندتس.., والجيران يحسبون رجلتس يضوي عليتس كل ليل ماعليتس شر ان شاءالله.., عوق بقهر \ليتنا افتكينا من ها الزواجه كان ارتحنا..! ام عوق\تعوذي ابليس وهو رجال راح في حاله ..؟ وانا نبهته لا يحاول يزعجتس ماعاد نبيه غير ضلال تشوفه الناس وترهب قربتس..! عوق بوهن \بقوم اصلي العصر واريح.., دخلت غرفتي وبكيت غصب عني حتى امي صارت تتهرب مني تتركني هنا با الحالي.., عمرها ما سوتها الا يوم تزوجت هالعله الي اسمه زياد..! صليت ونمت صحيت على صوت امي تبي تودعني ناصر ولد سعد ينتظرها.., طلعت اودعها عند الباب حاولت اكون جدآطبيعيه ما ابيها تحس اني متضايقه ..! فضى علي البيت برجع للوحده الي كنت عليها في بيت زياد..! صرت اكره الليل احس هموم الدنيا تجتمع على راسي فتحت الجوال لقيت رساله من زياد؛ (ليتك مثل طيفك تجيني على طول ياروح روحي يا شريك بحالي) هذاوش جاه قام يرسل لايكون يدري ان امي طلعت للبر..!؟ ترسل والا ماترسل يا زياد.., لافات الفوت ما ينفع الصوت .., هذا الجوال وقفلناه علشان نريح روسنا من هبالك.., اسبوعين من يوم امي طلعت للبر وانا بعدهاكل يوم ازيد انطوائية.., حتى المدرسات ما قدرت اندمج معهم على ان كثير منهم حياتهم مآسي يرمونها وراهم من يوم يدخلون سور المدرسه..؟! انا ماعندي ها القدره عايشه بصمت.., اعطي الدرس وبعده سؤال جواب سواء الطالبات او حتى المدرسات..! امي تكلمني من جوال سعد على البيت تتطمن علي والا جوالي من سكرته نسيت وجوده..؟! الجيران من طلعت امي للبر ما صار احد يمر وجهي بوجه الخدامه تخلص شغلها وتطلع للملحق عند زوجها..! واجلس كل ليلي با الحالي احس بوحشه ماادري خوف على اني متعوده اكون دايم با الحالي..! لكن فاقده امي حيل ما في صوت الا التلفزيون.., افتحه على اذاعة القرآن الكريم 24ساعه حتى اذا طلعت للمدرسه منبهه على الخدامه تترك القرآن شغال في البيت.., اليوم في غرفة المدرسات اسمع اثنين من المدرسات يسولفون.., ناهد\معقوله للحين الجنين ما تحرك.., اميره بخوف\لا والله على اني قربت اخلص الرابع وتعرفين ناهد اول حمل لي ماعندي خبره..! لكن خواتي يقولون على 16اسبوع يتحرك وانا اتوقع اني كملت 16اسبوع..؟ عوق بنفسها\غريبه انا بعد ما احس بحركه مثل ما يقولون لا يكون صار للجنين شي وانا ما ادري..! بطلع للمستوصف اليوم اشوف.., ناهد \عوق وش فيك ساعه انادي عليك ماتردين الي ماخذ عقلك عوق \لا ابدمعك بغيتي شي..! ناهد تبتسم\سلامتك لكن بغيت اسألك انتي حامل عوق بتوتروارتباك\لا ليه باين على شكلي ..؟! ناهد با استغراب \صراحه باين من وجهك وشكلك انك حامل انتي صادقه والا تمزحين ..! معقوله ما انتي حامل طيب متى اخر دوره لك..؟ عوق بتردد \ما ادري ناسيه انا دورتي متلخبطه .., ناهد بملامه \ ما ينفع كذا لازم تشوفين نفسك..؟! اميره \عوق صدق بساءلك كم مره وانسى.., عوق تبتسم با ارتباك\لايكون على سالفة الشبه .., اميره تضحك \لا ها المره سؤال اقوى من الشبه ويويلك اذا قلتي اني غلطانه.., عوق بنفسها\الله يستر من سؤالك.., اميره تضحك بممازحه \ وش فيك انخطف لونك.., اردفت \كنت بسألك صدق الدكتورزياد عبد اللطيف استشاري نساء ولاده زوجك.., عوق با استغراب وقلق \ايوا ليش .., اميره تبتسم با اعجاب \ ماشاء الله دكتور مره شاطر ومعروف وزحمه مواعيده با الموت تدخلين عليه... اردفت امير ه با استعطاف\اذا ما في احراج انا اراجع عنده لكن تطول مواعيده تكلمينه يقدم لي موعدي..! ناهد منبهره \صدق عوق هذا زوجك ..!! كم مره اتابع لقاء له في التلفزيون استشاري عقم واطفال انابيب هو صح..؟ عوق منحرجه\ما ادري لكن هو دكتور نساء ولاده..! ناهد بضحك\يا حظي زوجك استشاري وانتي مهمله نفسك صدق من قال باب النجار مخلع..! اميره تلتفت لعوق بوجع \معاها حق ناهد لا تهملين نفسك انا ترى حملي هذا ما جا الابعد شق الا نفس.. ناهد بدهشه\ على انه عمره صغير على اختصاصه سمعت انه عالج حالات كثير يئسواانهم يحملون..! اميره \انا كثير والله انصحوني اروح له وراجعت عنده..! والحمدلله ربي رزقني بها الحمل الله يتممه ويجزا الدكتور زياد كل خير.., اردفت اميره\انا ما افوت اي برنامج يختص با الحمل وكم مره شفت برامج يستضيفونه.. لماراجعت عنده با المستشفى شكله با الحقيقه يختلف عن التلفزيون ..! ناهد با استغراب\صدق عوق تدرين ما كنت اظنه سعودي اول مره شفته..! كثير قريت له لقاءات با الجرايد وانه كان با امريكا لفتره طويله.., توقعت يوم يتكلم بتكون لهجته مكسره يوم سمعت كلامه انفجعت سعودي مره.., اميره \لا بعدو كلامه مطمئن ما تتخيلين جيته يا ئسه اني احمل و زوجي متحطم وخلى عندنا امل من اول مراجعه معاه ..؟ اردفت اميره با ابتسامه \وحتى حياوي وكلامه قليل ويتكلم ولا يناظر بوجهك ..! تدرين عوق انتي وهو قدر وغطاه بصراحه تستاهلينه ويستاهلك ..!؟ عوق تبتسم\ قبلك قالوها ناس ..؟! اميره\ اكيد اتابعين البرامج الي يطلع فيها زوجك صدق عوق ما تغارين يوم تسمعين كل الي يكلمونه حريم ..؟ عوق بوجع\ليش اغار مايكلمونه الي ضايقه فيهم الدنيا.., ناهدتبتسم بعدم تصديق \ معقوله زوجك كل ها الوسامه وبتقنعيني انك ما تغارين..! أو ماواجهته مضايقات من الجنس اللطيف.., عوق تبتسم بتهكم \ما عليك واثقه من مكانتي عنده وبعدين هو ماعنده لف ودوران .., اميره \اليوم في برنامج له على الساعه9 مباشراعلنواعنه الاسبوع الي فات قالوا بيستضيفونه.., ناهد بضحك \اجل يا الواثقه بتصيرين لنا واسطه بالنساء والولاده لكن واسطه مهمله نفسها..! اردفت ناهد بترجي\تكفين عوق ما ابي اخوفك لكن لاتهملين نفسك شوفي بطنك كيف صايره اكبرمن بطن اميره الحامل..! عوق تبتسم \ بس علشانتس ناهد بشوف نفسي.., ناهد بممازحه\تخيلي عوق تطلعين حامل وانتي ما تدرين.., عوق تبتسم بتهكم\كل شي جايز.., اليوم طلعت بدري من المدرسه فترة مراجعه وقريب الامتحانات النصفيه.., بعد العصرنزلت لسوق ملابسي ضاقت علي بشكل ملحوظ والبرد دخل علينا احس فجاءه..! اشتريت لبس مريت للمستوصف بشوف سالفة حركة الجنين..! انا طبعي احب اخلص مشاويري مره وحده بيوم واحداقضي شغلي كله ما احب اروح وارجع..؟ دخلت عند الدكتوره فحصت عادي... الدكتوره \وضع الجنين تمام لكن انتي لازم تهتمي بنفسك..؟ واهم حاجه نبعد عن فقر الدم مش عاوزين مفاجاءت مع الولاده..؟! عوق بخوف \كيف مفاجاءات ..؟! الدكتوره\متخافيش انا بئول كدا تحسب لنزيف مع الولاده وانك تحتاجي لنئل دم بس..؟! عوق بقلق\دكتوره انا الجنين للحين ما احس بحركته انا اسمع ان الجنين يتحرك ب16اسبوع..؟! الدكتوره\عادي علشان انتي بكريه ممكن من 18الي 19اسبوع تبدى الحركه.., اهم حاجه انو احنا بنشوف حركته على الجهاز..؟ راجعيني كمان 4اسابيع وان شاء الله يكون الجنين بيتحرك وتطمني.., طلعت للبيت اليوم طفش بزود.., المناهج ختمتها وسلمت الدرجات ..! جلست بمظلة امي اشتقت لها هذا مكانها با الصيف... وبا الشتاء تدخل المشب وتشب نارها من الصبح ... ياربي يا طول الليل الوقت للحين بدري.. اوووووه صح الساعه9موعد البرنامج الي بيستضيف زياد.. لاشعوريآدخلت وفتحت التلفزيون وقعدت افرفر با القنوات ما ادري اي قناةيطلع عليها..!؟ اخيرآ شفت البرنامج الي مستضيف زياد.. زياد با البرنامج كلامه واسلوبه غير عن الي اعرفه.. البرنامج كان ساعه ماحسيت با الوقت الا يوم خلص البرنامج.. الله يسعدك يا ناهد مكذبتني اني مااغار وش اغار عليه ..!! كثير حريم كلموه يدورون عنده حلول وهو يرد .. يطمن ويشرح وينصح ان العلاج يعتمد با الدرجه الاولى على الحاله النفسيه.., وان الانسان ما ييأس من رحمة الله ناسي وش سوى فيني.. كلامه لناس عسل وكلامه لي سم.. والا حالته النفسيه من بعد وفاة امه وانهياره ليش ما طبقه على نفسه الكلام واعطاء النصايح سهل لكن البلا تنفيذها..! تعشيت عشا خفيف مالي نفس بس علشان ها الطفل اجبر نفسي.. دخلت بنام واحس ما فيني نوم الساعه 11الليل .. اخذت الجوال بشوف وش فيه على قفلته من اخر رساله من زياد..؟ فتحته ومنبه الرسايل ما وقف رسايل كثيره..! من ريم وخواتها ومن زيادورساله من رقم غريب ..! ريم وخواتها تعليقات وسلامات ..! وزياد مرسل رسايل حب واستعطاف لي..!؟ والرقم الغريب الرساله فجعتني والمشكله عارف اسمي..؟! . . . (كلمه اخيره) المتفائل ليس أعمى ولا واهماً يعيش في الأحلام وإنما هو واقعيٌ؛ يدرك أن الحياة بقدر ما فيها من المشكلات يوجد إلى جوارها الحلول ، وبقدر العقبات فهناك الهمم القوية التي تحوِّل المشكلة والأزمة إلى فرصة جميلة. سلمان العودة . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
الله يعطيج العافيه ام الوليد ،،،
بااارت رائع ،،، بدت عوق تدخل في مواقف محرررجه مع اللي حولها ،، خاااااصه المدرسااات اللي مايغترهم ولا يخفى عليهم شي !!! ومن واقع تجررربه ،، يلاحظون ع الواحد اشياء يمكن هو نفسه مانتبه لها ،، والدليل معرفتهم باسم زياااد ،، شلوون عرفوه المدرسااات وعوق ماتكلمت عنه ولا جابت طاريه !!! اعتقد والله اعلم ،، انو غيبة وضحى وطلعتها للبر ،،، امر مدروس ومخطط له ،، هذا اذا ماكانت الوضيحي متفقه مع نوره وموصيتها ع عوق ،، والهدف من هالغيبه انهاتبي عوق تتأقلم ع الوحده مما يضطرها للتفكير في الرجوع لزياد ،، وحتى كلام وضحى وتشينها لزياد ،، احس انه من ورا قلبها ،، والا مره حكيمة وبعقل وتكانة وضحى ماعتقد انها بتذم بالرجال قدام زوجته الا لهدف معين ،، وهي مثل ماقلتي طيف ،، بتصرفها هذا تبي تقرص الاثنين ،، عوق وزياااد ،،، انا بس مستغررربه من عوق ،، ليش اخفت حملها الى الان عن امها ،، وهي تشوف انو امها عارفه وحااسه ،، وبعدين الى متى بتخفي هالامر !! خاصه انو اللي حواليها كلهم ذوات خبرره في الحمل ومايخفى عليهم هالامر ؟؟ لكن هالشي يؤكد قلة خبرة عوق وجهلها لكةير من اامور ،، بالنسبه للرساله المجهوله ؟؟ قعدت افكر من مين ؟؟ هل هي من مشاعل الحمامه المجهوله في القصه والاكثر عذاب ،، تحياااتي لج ،، ام الوليد ،، ولكل من مر من هنا ،،، * |
هلا والله بطيف....
حلوة سالفتك اليووووم بس زياد توقعت انه يزورها لا عرف ان امها مهي فيه وخاب ظنى... اتوقع ان الوضيحي لمن راحت البر وطولت اكثر من اسبوعيين تبيى تعطي عوق فكرة عن الوحدة لافقدت امها وزياد مع بعض وتبغى منها تفكر...في حالهاااا ولا عوق احيانا احسهااا ما تفكر بس تنتظر ...ايش يصير عليها اتوقع ان الرقم الغريب له علاقة بمشاعل وساره بنتظارك اذا اراد الرحمن يوم الخميس |
نسيت صح وش موقف زياد لا عرف ان عوق لحالها بالبيت اتوقع راح يزعل
|
اقتباس:
وضحى ماهو خافيها حب زياد لعوق وعارفه انه شاريها لكن الي صار لحظة شيطان بين زوجين صحيح ماهم صغار لكن خبرتهم با الحياه قليله بحكم انهم عاشوا كل واحد في اسره وهو كان وحيدها بنشوف كيف بتعالج موضوعهم لكن في نقطه وهي وجهة نظر شخصيه مني ان الرجل اذا با يع زوجته او انها انسان خسيس ماراح يحط اعتبار لأهل زوجته ويبيعها ويتخلى عنها من اول موقف عكس لما يكون شاريها والله حتى لو ما كان لها احد بيحطها على راسه هي تعتمد عند مكانتك عند زوجك صحيح الاهل لهم هيبه والزوجبيحسب لهم الف حساب لكن يظل القبول بين الزوجين سيد الموقف اسعدني مرورك ورأيك فيني ويارب اكون قدمت شي من الواقعيه او كلمه يستفيد منها العابرين لنوح الحمام مرورك عذب وراقي ومميز |
اقتباس:
الله يبارك فيك والله اضيع ساعات ويفوتني ردود للبنات الي ما تشوفني راده عليها ترسل لي وتنبهني اكيد اني ماراح اهمل اي رد بأذن الله تعنت صاحبته وكتبت وابدت رايها |
السلام عليكم ورحمة الله وبركاته
اسعد الله أوقاتك بكل خير اللهم آمين يارب يعطيك العافيه ام الوليد بارت وسالفه حلوه يا قلبي ياعوق بدأ التعب يوضح عليك يعني ليش تكابرين على امك وما تقولين لها انك حامل خايفه تروح وتعلم زياد الحين عرفنا من بيقول لزياد أكيد صديقتك اذا راحت موعدها عنده والا ان زياد بيجي يزور عوق اذا عرف ان ام عوق في البر عاد نواف موب مقصر بيقوله وهو موب مصدق بيروح لها خاصه انها جالسه بـحالها بيخاف عليها وهي عاد متشفقه لشوفته وهو عاد هنا بيجي دروه فاياليت يقدر يستغل الامور لصالحه خاصه ان روحة ام عوق لـ البر موب عبث تبي البنت تستوي وتعرف ان مالها الا بيت زوجها ودمتي لنا مبدعه |
مساء الورد بانواعه مساء النرجس
ام الوليد تسلمين والف مبرووك التكريم تستاهلين نجي لسالفة اليووم الحمل بداء ينكشف اتوقع زميلات عووق الي يرجعوون عن زيااد بيجيبون العيد عن زيااد ام عووق المشوار ماهو عبث بتترك زياد وعوق وجهن لوجه تبيهم يحلوون مشكلتهم بدون تدخل احد عوق سيرة زياد حاصرتها من جميع الجهات وبدت تضعف السؤال من الي ارسل لها رساله معقولة من عيال ناصر مأاتوقع اتوقع انه زياااد يخووفها وبتتطر انها تدق علي زياااد تستنجد فيه وبكذا بيحلوون مشكلتهم بانتظاارك بكرة ام الوليد ويعطيك العافية |
طيوفه يامبدعه وش هالأبداع ماشاءالله تبارك الله
أتوقع الرساله من مشاعل تستعطف بنتها تحن عليها وتسامحها ع غلطهم بحقها قلتي برد ع وحده من الأخوات يمكن يكون زياد أول واحد يعرف بحملها بعدها يمكن من الطبيبه بما أنها تطلب من المريضة أسم الزوج ف يمكن تعرف زيااد بما أنهم نفس التخصص وتكون شايفته بدورة أو ندوة طبيه ومباركه له وش رأيك شطحتي حلوه أو أن زياد موصي السايق يخبره بكل مشاوير عوق |
مساء الخير طيف الاحباب
سلمت اناملك على ما سطرتي لنا في هذه الروايه فعلا لامست شريحه حساسه من المجتمع اول الاجزاء كانت ممتعه لكن حين وصلنا لمشكة عوق وزياد تحولت كل المفاهيم .... فالمراه حين يغضب زوجها لا تاخذ بكلامه فكلنا يعرف طبع الرجل تصرف عوق ووالدتها اكبر مما حصل فما حدث لعوق قد يحدث لاي فتاه طبيعيه ربما لا يكون زوجها حزين على وفاة احد غالي عليه .. زياد اللتى توفى له هي والدته اللتي ذاقت الامرين في سبيل الحصول عليه يكفي لها هذا المعروف في نظري لاننسى انها من ربت وتعبت وجاهدت حتى اصبح رجلا مهما ... كلنا يحصل معنا مشاكل مع ازواجنا لاكن المراه بطبعها هي من تسامح وتغفر وانتي ذكرتي ان عوق فتاه ملتزمه لذلك لايجوز لها ان تخفي امر حملها عن زوجها بصراحه من وجهة نظري اعطيتي الموضوع اكبر من ما يستحق خصوصا ان زياد اعتذر اكثر من مره عن كلامه وعن تصرفه في لحظة غضب ما حصل بينهما هو امر طبيعي تقبلي مروري واعتذر عن الاطاله |
بسم الله الرحمن الرحيم السلام عليكم ورحمة الله وبركاته مساؤكم ورد مساؤكم مشاعر جميلة بدأت تعود لقلب من يحب هل كان هروب وضحى للبر بحجة التمتع بأجواء البر حصار جديد لعوق لتفكر ملياً بحياتها بعد وضحى!!!!!!! أم أنه درس تلقنه إياها لتجرب الوحدة في بيت أمها كما جربتها في بيت زياد لعلها تثوب إلى رشدها وتفكر في حياتها وحياة ابنها مستقبلاً؟؟؟؟؟؟ عوق........... بات واضحاً للعيان كم تعاني من تبعات ما فعلت خلال هذه الفترة فهي حين ثابت لرشدها أحست بالخجل مما فعلت بأم إبراهيم وحين فكرت بنفسها بدأت تحاسبها على أخطائها بحق من أساءت إليهم فهل هذا طريق للتفكير بموقفها مع زياد ورسم الخطوط العريضة لحياتها معه حين تحين ساعة الصلح وينتهي الخصام أم أنها لازالت تكابر على الجرح وتحاول أن ترسم حياتها بعيداً عن حصار اسمه في حديث كل من حولها قبل أن يحاصرها وجوده فعلياً حين يعلم أنها تعيش لوحدها بالمنزل وأنها تحمل ابنه في أحشائها عوق ترى في ما يحصل لها امتداداً لجريمة مشاعل بحقها ولم تفكر للحظة واحدة أن هذا قد يكون ابتلاء لها وأنها يجب ألا تجزع مما حدث فلعل بالأمر خير وأن المشكلة التي طرأت بينها وبين زوجها إنما هي لصالحها فمنها تعلم معدنه الأصلي ومنها تتعلم كيف تواجه مشاكلها معه مستقبلاً ويعرف هو أنها ليست ضعيفة وأنها قادرة على الدفاع عن نفسها تحت أي ظرف من الظروف كما أنها ليست وحيدة لا سند لها يوقفه عند حده إذا فكر مجرد تفكير أن يسيء إليها ذكرتي في سياق حديثها مع وضحى مدى شببها بالشقحا في بنية جسمها فهل يمكن أن يلاحظ ذلك شخصٌ آخر غيرها ويلفت نظره الشبه الكبير بينها وبين وضحى والذي أشارت إليه أم إبراهيم في الأجزاء السابقة مما يسبب لها مشاكل مستقبلية هي بغنى عنها؟؟؟؟؟؟؟؟؟ زياد.............. شخصية متزنه ومسيطرة على زمام أمور حياتها وكانت جريمته الوحيدة أنه حين غضب من نفسه صب جام غضبه عليها وجعلها كبش الفداء لما يعتمل في صدره من ألم وفقد وحزن فهو قد يكون أحس بإهماله لأمه في الآونة الأخيرة حين تركها وسافر مع عوق للعمرة والسياحة ولم يعد إلا في اليوم الذي كانت أمه تعاني فيه من سكرات الموت فما كان منه إلا أن عزل نفسه بعد موتها في حجرتها عقاباً لنفسه على ما عاشه من لحظات الفرح بينما أمه تعاني من جلطة جديدة وهو بعيد عنها وحين أفاق من لحظة غضبه وجد أنه قد خسرها وأنه بات من الصعب عليه أن يصلح ما فسد دون أن يدخل من يظنهم أفضل الناس لعمل ذلك ولم يعلم أنه أخطأ للمرة الثانية حين بحث عن سواها ليكون حلقة الوصل بينهما فهي الأحق بالاعتذار وهي الأحق بالمواجهة لأنها هي من كانت في وجه الإعصار حين انطلق أوليس من الأفضل أن تكون في الواجهة حين تأتي لحظة الهدوء وانقشاع العواصف لتنال ما تتمنى من تطييب الخاطر والمصالحة وضحى............. ماذا تخبيء عن عوق ولم تكشفه حتى الآن فهي باتت تؤهلها لتقبل فراقها عنها فهل هي مريضة وتحس بدنو أجلها أم أنها فقط تريدها أن تستشعر وحدتها بعيداً عن زوجها وأنها ما عادت هي محور حياتها الوحيد أعلم يقيناً أنها لن ترضى بإعادة عوق له قبل أن تلقنه درساً لن ينساه ولكن هل هي على اتفاق معه بعد أن لقنته ذلك الدرس أن تعيدها إليه لذا لجأت للذهاب للبر وتركها في البيت لوحدها علها تحتاج يوما لمن يساعدها فلا تجد بداً من طلب المساعدة منه مما يساهم في إعادة المياه لمجاريها وهذا يجرنا للرسالة التي وصلتها من الرقم المجهول فهل هي مفتاح عودتها إليه أم أنها مجرد رسالة من شخص ما يريد أن يلعب بأعصابها ليس إلا قبل أن تكتشف أن الأمر مجرد مزحة من أحد معارفها غاليتي............... كل جزءٍ أجمل من سابقه وكل سالفة جديدة تحمل لنا المتعة والفائدة فلك جزيل الشكر على ما أمتعتنا به بانتظارك دائماً بشوق حفظك الله ومن تحبين |
طيف الأحباب
أسفة على تأخري للأنضمام لمتابعة هذه الروية اللي لو اوصف ما اوفي حقها أبدعتي في كل شي الابطال المشهد الحوارات بكل روعة وأنسيابية و جمااال عوق شخصية مركبه ما بين الماضي والحاضر ومع هذا هناك بساطة وحظور في اللعيش في اللحظة أنسانة عملية تظهر لديها العواطف فقط عندما يمس الموضوع والدتها التي ربتها أتمنى تكتشف انواع عديدة من العواطف الغيرة الهيااام وضحى و موقفه الأصيل اتوقع انها تعمدت ان تظهر عدم رغبتها لعودت عوق لزياد تى تقلل من قوة الرفض ومقاومة عوق لزوجها وحتى تشعل فتيل الغيرة والشوووق لذاللك الزياااد زيااااد كلام كثير لا يفي للوصف شخصية متزنة مع حب روح الفكاهه اللي بجد خلتني افقع ضحك عليه في الرواية ومن تعليقات عووق وكلامها الباطن عنه ثنائي اتمنى واتوقع وبشده انهم سوف يعودوون لبعض مع المزيد من المشاعر المتأججه من الطرفين واتمنى الكثير من الفرح والضحك يسلمك ام الوليد انتي موو طيف الأحباب انتي كل الأحباب شكرا أسفة أحبك |
اقتباس:
للتبريكات حياكم http://www.liilas.com/vb3/t171917-16.html .. .. .. |
اقتباس:
المدرسات تجمعهم المدرسه وكل وحده جايه من مكان غير الثانيه عندهم مشاكل وسوالف كل وحده تختلف عن الثانيه بنشوف بشكل مختصر قصة كل وحده فيهم والنظره الاولى من عوق لهم وفعلن مافي شي يخفى عليهم من خلال وحده من المدرسات بنسمع قصة حياة زياد وهي تستفسر من عوق عنها ودور الاشاعات بحياتنا عوق وضعها بنشوف ريم كيف وصفته وخبر حملها الي خاشته عن الكل وش الي كان يدور من وراها وهي تظن نفسها محتفظ بسر الرساله بنشوف من مين وش تأثير الرساله على عوق اسعدني مرورك ونقاشك الراقي |
اقتباس:
بنشوف وش راح يسوي زياد وغيبته وين كانت الرساله بنعرف من مين في البارت القادم اسعدني مرورك |
اقتباس:
|
اقتباس:
عوق مخبيه الحمل مادرت وش يدور من وراها والا كان طقت وماتت لكن وصفتها ريم وصف صح بنشوف وش الوصف الي اطلقته ريم على عوق كيف بيكشف الحمل انا لو ما كنت كاتبه الروايه ومخلصتها كان اعدت الكتابه وحطيت نفس فكرتك بنشوف زياد وش بيسوي وردت فعل حضرت عوق وتهدديها وش راح يصير فيه اذا شافت خشة زياد اسعدني مرورك ونقاشك الراقي |
اقتباس:
هلا وغلا ارجوانة الياسر عوق مشكلتها تشوف الامور من زاويه وحده بتجيها كم دقه براسها علشان تفهم ان مثل ما قالت امها مالها غير الله ثم زياد كيف زياد بيكشف حملها عاد هذي انا اعتبرها روايه با الحالها انك تخبي شي عن العالم وماتدري وش صاير وراك بنشوف الرساله من مين في البارتين القادمات اسعدني مرورك |
اقتباس:
بنشوف الرساله من مين في البارتين القادمات وسبب ارسالها بنشوف كيف يعرف عاد هو دكتور نساء اذا ماعرف وش فايدة شهادته ريم تقول انها بتسحب الشهاده لو عرفت بخبر حملها قبله اسعدني مرورك الراقي ونقاشك الممتع |
اقتباس:
اتمنى والله اني لامست الواقع ولحظات الغضب ماهو كلن يعذر فيها عوق قالت لها وضحى لو ابعدتي عنها ساعه وقت ما ثار كان رجع يعتذر منك لكن عوق كانت تظن ان زياد مستهين فيها واخذت واعطت معاه وصار الي صار ولا هو كل زوجه تتسامح والدليل حالا ت الطلاق الكثيره في لحظات الغضب فعلن قلت عوق ملتزمه واكيد ان تخبية حملها جهل منها ولحظات زعل ومشكله عالقه بينها وبين زياد لأنهم ما بعد استفردو في بعضهم والا كان تغير اشياء كثير اول الخلاف الي بينهم كانت موجوده نجلاء ولماجا يصالحها عند امها كانت امها في البيت اكيد عوق ماراح تعطيه فرصه وهي الي كانت تهدد وتبي الطلاق انا اشوف ان الزوجين لما يكون بينهم خلاف بعد ما يهدون الافضل يناقشون امورهم في معزل عن الكل اسعدني مرورك واطالتك ماكانت الا اراء نيره في متصفح نوح الحمام اسعدني مرورك |
اقتباس:
هلا وغلااراده صاحبة الردود المعجزه والله احتار ما ادري وش اقول وانا اشوف مقاطع من الروايه واحداث قادمه تختصرينها عوق محتاجه لزياد لكن زياد مازال يطرق الابواب الغلط وخصوص في الخلافات الزوجيه كل ما كثر عدد المصلحين كل ما ابتعد الزوجين عن بعض اكثر واكثر وضحى عارفه يشخصية زياد لكن ماتبي تكسر بنتها وتكبرها بعين زياد لكن مع هذا ترص على زياد اكثر من عوق بدون ماتدري عوق شبه عوق با اهلها هو من المشاكل القادمه الي بتواجها عوق وبنشوف قرار بتتخذه عوق من وجهة نظرها انه صائب بسبب ها الشبه وضحى فعلن تحاول تهيئ عوق لفراقها وبنشوف ردت فعل عوق بعد وفاة امها بتكون مثل زياد او انها بتكون اقوى منه في تحمل الصدمه اسعدني مرورك وردودك الي اعتبرها روايه منفصله با احداث ممتعه |
اقتباس:
هلا وغلا جيلو الابداع والله هو حضورك في متصفح نوح الحمام ام عوق عارفه بنتها لو شدة معها بتعاند مسكت معاها طريق ثاني الي هو الغيره والابتعاد علشان تحسسها بقيمة زياد بنشوف وش راح تسوي فيهم اذا رجعت من البر المواقف الفكاهي والله الروايه ما تستحمل ضحك لكن مجبور الانسان يساير حياته في مواقف قادمه فيها فكاهه مع شخصيات اخرى اسعدني مرورك وانا احبك اكثر |
عزيزتي طيف <3
الف الف مبروك على تصويت الأعضاء لك تستاهلينها والله <3 .. الشخص اللي دلني على روايتك واقنعني فيها .. كان يقولي قد ايش هي جميله وقد ايش مليانه دروس تفيد كل شخص في حياته . مدحها لي كثير .. وهذا اللي خلاني اتابعك عزيزتي طيف تعرفين المقوله الشهيرة اكيد واللي تتضمن .. ان العقول الكبيرة تناقش الافكار والعقول المتوسطه تناقش الاحداث والعقول الصغيرة تناقش الاشخاص .. هنا انا اقولك انك بروايتك تناقشين الافكار .. افكار مجتمعنا الجاهل بذي الفئه !! جد كثير يجهلون مشاعرهم وحياتهم وهم كيف غلطة مالهم علاقه فيها !!! هالمرة ماجيت اناقش بالبارت هالمرة جيت وانا مستانسه لك بصدق <3 وجيت اتكلم عن الرواية بشكل عام .. طيف .. اتممنى اقرا لك روايات مطبوعه =$ متحممسه لك بشكل <3 اسم الله عليك والله يحفظك لانك انسانه مبدعه توصلين الفكرة بطريقة سلسه وقريبه من افكار البنات ..! انا ما اعتبر روايتك " رواية بالمعنى الصحيح " بل هي ( دروس للحياة مغللفه بروايه ) شكرا لك وحرمت يداك عن النار انتي ومن تحبين <3 |
السلام عليكم ورحمة الله وبركاته الف مبروك ام الوليد على التكريم تستاهلين اكثر... قيم من مدرسة الحياه . ودمتي بالف خير انتي ومن يعزعليك....ا عتذر منك لاني مقصره في الرد والله من ظروف الحياه واشغالها بس انا متابعه واتحرى كل جزء متى ينزل.. نجي لعوق كل بنت في بدايةزواجها تتعرض للمشاكل احيان توصل لي الطلاق لانهم في لحظة الغضب كل واحد منهم يجرح الثاني ويقول الحق عندي وانا ضد انه الوحده تطلع مشاكلها برى بيتها واحيانا تدخل الاهل يخلي المشكله الصغيره تصبح كبيره لازم يكون فيه تساهل من الطرفين علشان مركب الحياه يسير الى وجهته الصحيحه . واعتقد ان زياد ماكان في شعوره ياعوق واعتقد انه يحبك بس كل واحد منكم يحتاج التوجيه الصحيح راح تقوم به الوضيحي مع قرصة اوذن .. وياعوق كل شي يندس الا الحمل يفضح ومشتاقه اشوف زياد كيف يكون شعوره انه راح يكون اب عسى انه يشد حيله موبس بالرسايل يواجه عوق ويحسسها انه ماراح يفرط فيها وانها غاليه عليه الوحده من الحريم لازعلها زوجها تحب انه يراضيها حتى لوقالت طلقني يكون من ورى قلبها لانها تبغى تشوف قدرها ومدى تمسكه فيها..اسأل الله انه يصلح حال كل المتزوجين وبعد عنهم الشيطان واعوانه . جزاك الله كل خير على كل ماخطته يدك ويجعله في ميزان حسناتك كل جزء فيه درس |
بسم الله الرحمن الرحيم
اللهم منزل الكتاب ومجري السحاب وهازم الأحزاب سريع الحساب اهزم بشار الاسد وجنودة اللهم عجل بهلاكهم واجعلهم عبرة لمن يعتبر اللهم أرنا فيهم آية تشفي صدورنا اللهم منزل الكتاب ومجري السحاب وهازم الأحزاب سريع الحساب اهزم بشار الاسد وجنودة وزلزلهم وانصراهل حمص وحماة واهل السنة فيها ربنا إنهم مغلوبون فانصرهم ربنا إنهم مغلوبون فانصرهم ربنا إنهم مغلوبون فانصرهم اللهم أهزمهم وزلزلهم , اللهم أقذف الرعب في قلوبهم , اللهم فرق جمعهم اللهم شتت شملهم , اللهم خالف بين آرائهم , اللهم أجعل بأسهم بينهم اللهم أرنا بهم عجائب قدرتك , يا قوي يا قادر ولاحول ولاقوة الا بالله.. واستغفروا الله الواحد الأحد . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., الغوالي الي يقولون طيف لا تموتين وضحى طيب انا من البدايه حطيت عندكم خبر انها بتتوفى لأني عارفه كثير بيتعلق فيها علشان كذاماخليت موتها مفاجئه وحتى مع الاحداث بتشوفون عوق كيف بتسير حياتها طبيعي وان وضحى بيكون وجودها ثقل على الروايه اما حبايب قلبي الي ما يبون الروايه تخلص انا ماراح انهيها الا وانا عارضه عليكم كل الي عندي والنهايه بأذن الله بتكون مرضيه للجميع ..’ . . البارت اهداء لكل من سطر في متصفح نوح الحمام ولو بكلمه وحده .., سواء مدح اونقد اوحتى يسأل عن مواعيد البارتات دليل اهتمامه با الروايه او الي يتابعون من خلف الكواليس وراقت لهم نوح الحمام.., بارت استثنائي با احداث استثنائيه اهداااء خااااص لعملاقة ليلاس .. ممتنه للجميع بهذا التشريف من الالف الي الياء.. . . . اليوم بنشوف عوق المزايين الي تهدد وقومة الدنيا على راس زياد وش بتسوي مع مناوشات زيادلما استفرد فيها بتصده وتهزئه والا ...!! والا شاعات الي نسمعها من مصادر موثوقه ونرددها هل هي حقائق فعلآ مهما كانت حبكتها والدلائل على صدقها؟؟!!!!! يا الله تعالوا معاي...!! وسالفه جديدة؛ . . . البارت السابع والعشرون . . . دخلت بنام واحس ما فيني نوم الساعه 11الليل .. اخذت الجوال بتسلى فيه من الطفش على قفلتي له من اخر رساله من زياد..؟ فتحته ومنبه الرسايل ما وقف رسايل كثيره..! من ريم وخواتها ومن زيادورساله من رقم غريب ..! ريم وخواتها تعليقات وسلامات ..! وزياد مرسل رسايل استعطاف واعتذارت لي..!؟ والرقم الغريب الرساله فجعتني والمشكله عارف اسمي..؟! (عوق ممكن تردين علي ابغاك ظروري عندي شي خطيربقوله لك ) ياربي ماني عارفه الرقم لمين..! ما تعودت ارد على ارقام ما اعرفها الا اذا المرسل عرف بنفسه ناظرت تاريخ الرساله شفته من اسبوعين..!؟ وقت ما طلعت امي للبر..!! من مين يا ترى هالرساله لأن جوالي مايعرف رقمة الا بنات ام ابراهيم و استاذه شيخه وخوله ..!؟ والخادمه انا عطيتها اذا صار شي لأمي بغيابي تدق علي ..! وامي اذا بغيتها اكثر مكالماتي من الثابت على جوال سعد .., احتمال وحده من المدرسات اخذته من خوله..! جوالي دق كان رقم زياد كأنه ينتظر متى افتح الجوال ما رديت ..! يكفيني الوجع والاحساس الي ضرب قلبي يوم شفتك با التلفزيون بعد تبي تسمعني صوتك تبي تقضي علي خلنا بعاد احسن وبلاش ملامس للجروح.., جاني تنبيه رساله فتحتها كانت من زياد: (الليل موحش لا رفيق ولا صديق ولا ونيس مافيه من يسعد مساك بخير ولا تسعده حتى الرفيق اللي تنومس به وتختاره جليس اقفى عليه الحظ من جور الليالي وابعده) وش طرى لك يا زياد تالي ها الليل تدق وترسل كنك داري اني شفتك با البرنامج عوق تتنهد بوجع\تدور ونيس وينك عني يوم انا عندك كل ما جيتك بمكان صديت عني كنك ماتشوفني ما ادري وش الي خلاني ارسل له؛ (يمدحون النوم تغط ونم وراك مراجعات مايبون لهم دكتور سهران ويفحص وهوعين مسكره وعين مغمضه ) ارسل ؛ ( متعود على السهرمن طلعتي من بيتك وانا نسيت وشلون النوم عايش مع طيفك ) ارسلت ؛ (اتركك من طيفي ماهو بنافعك واشبع نوم شغلك يبي له واحد مصحصح ماهو فاتح فمه يتثاوب ويطيح في خطأ طبي ويسحبون شهادته ويضيع مستقبله) ارسل؛ ( لا ماعليك مصحصح انا ما يفتح فمي ويخليني افهي وانسى الي حولي الا شوفتك تبهرني واذوب بسحر عيونك حتى الكلام يضيع ما جمع ) ماكذب من قال ان الرياجيل بياعين كلام تبي تضحك علي بها الكلمتين تبطي يا زيادوانا عوق مارديت عليه هذا تمادى صدق ما ينعطى وجه..؟! ارسل ؛ (حبي مسكره ومغمضه نفس المعنى يا مدرسة اللغه العربيه من هو الي طاح بخطأ تعبيري وبتنسحب شهادته ويضيع مستقبله) كنت اظنه يكذب قفلت الجوال..؟ صار عندي فضول اشوف هو صادق او لا رجعت فتحت الجوال وشفت الرسايل المرسله لقيت كلامه صحيح ضحكت على هبالي مسكره ومغمضه..! دق الجوال الا زياد.., ياربي ارد ما ارد ارسلت ؛ (يا مزعج بطل ازعاج لا تصحى امي على صوت الجوال وتغسل شراعي انت ماتمل من الدق ما افتح الجوال الا رقمك ناط بوجهي امارسالة والا اتصال ) ارسل ؛ ( حبي تدرين اني على طول معلق رقمك ماعاد اشوف با القائمه الا هو وادق عليه والا ارسل له وبعدين ماخبرك نصابه امك في البر وين بتسمع صوت الجوال) ماشاء الله هذا عنده كل اخبارنا..! دق زياد والح با الدق ورديت عليه بوقفه عند حده ازعجني .., تشوف يا زياد اذا ما خليتك تحرم تدق مره ثانيه.. عوق بغضب \خير زيادوش عندك اقلقتنا..! زياد\........ عوق با استغراب\زياد انت معي ..!؟ زياد\..... عوق بحده\ والله لو ماترد وتقول وش تبي سكرت.., زيادبفرح\لا تكفين لاتسكرين انا يوم رديتي ماكنت معك حذفت الجوال ورحت سجدت سجود شكر ماني مصدق اني سمعت صوتك.. عوق تبتسم \ طيب وش عندك داق.. زياد با استعطاف\ابي اسمع صوتك بس والله ما اطمع منك با اكثر .. عوق\وهذا انت سمعته يا الله مع السلامه.., زياد بترجي \لا تكفين شوي خلينا نسولف والله طفشاااااان ومتضايق ذبحتني الوحده .., عوق بتهكم \ليه وش مطفشك كل نهارك مشغول منين بيجي الطفش المستشفى ماخذ كل وقتك.., زياد يتنهد بوجع\عوق الضيقه تجي من داخل الانسان ماهي من برى احيان يحس بضيقه وهو تحت ايده الف شغله..! عوق با استهزاء\صادق لكن الضيقه الي يحس بها المشغول ماهي مثل الانسان الفاضي ..! زياد\كلها مثل بعض.., عوق بقهر \وين مثل بعض مرات الوحده تخلي الواحد يوسوس ينمرض وينسم حاله ولا احد درى عنه.., صابر ومتحمل واخرت صبره يكافئ بالأهانه والطرد.., زياد بوجع وترجي \ عوق والله اخذتي حقك مني اضعاف اضعافه انا شوي والا انجن اطلع لبيتكم والف وادور عليه كني مضيع شي واذا رجعت لبيتنا اسمع صوتك واتخيلك بكل زوايه في البيت عوق انا بشر وعندي قدره معينه على التحمل فقدت امي وعقبها فقدتك امي ماتت ماعاد لها رجعه للحياه.., لكن انتي تكفين ارحمي حالي وارجعي لي والله لو يصير لي شي ان ذنبي برقبتك عوق ترى بعدك عني نحرني نحر.., عوق بسخريه\والله محد طقك على يدك انت الي جبته لنفسك.., زياد بألم \والله عارف اني مذنب وخطاي كبير لكن غصب عني وفاة امي الله يرحمها فجعتني..! فجاءه اختفت وحسستني بمرارة اليتم حتى يوم توفى ابوي ماتأثرت مثل كذا..! ابوي يوم توفى الله يرحمه امي عوضتني فقدانه لكن امي مافي شي يعوضني عنها.. عوق امي كانت كل شي بحياتي تدرين على كبري هذا الا ان اي قرار اخذه احسه ناقص اذا ما وافقت عليه حتى بمرضها كنت احب يكون لها رأي بكل شي حتى لو ماتدري وش ابي اهم شي اشوف بعيونها نظرة الرضا لوما تكلمت انا ماكنت ابي من الدنياشي بس اشوف راسها حي لكن قدر الله وما شاء فعل .., عوق انا امي على كثر ما كنت متولع فيها واحبها ما يجي شي عند حبها لي وحنانها وعطفها علي .., زياد بوجع\لمادخلت للمدرسه مدرستي ما كانت بعيده من بيتنا كثير.., ابوي ماكان يخليني امشي ياخذني على رقبته من باب بيتنا الي باب المدرسة وهي تمشي ورانا وشايله شنطتي تناظرني لحد مايدخلني ابوي لباب المدرسه.., والظهر ابوي بشغله هي الي توقف عند باب المدرسه حتى اطلع ..! ما عليها من احد لا من تعليقات الماره ولا حتى الطلاب تجي للمدرسه سواء كانت تعبانه والا مريضه ماتتركني... اطلع من باب المدرسه تشيل شنطتي بيد وانا تدخلني داخل عباتها صيف وشتاءواذا اعترضت ترفض با الصيف تخاف علي من الشمس وبا الشتاء تخاف علي من البرد والايبللني المطر وامرض ..؟ عوق با استغراب\زياد وش في صوتك تغير..؟ زياد يتنحنح \ مافي شي.., عوق \كل الامهات كذا.., زيادبوجع\لا والله ماهو كلهم كذافي امهات خساره كلمة يمه فيهم.., امي لو ترتفع درجة حرارتي شي بسيط ماتتخيلين وش يصيرفيها تطيح وتمرض من خوفها انه يجيني شي.., اردف زيادبحسره\تدرين عوق انها تعتبرني دايم انا الصح ولا يمكن اغلط او اكذب.., يوم كنت صغير مافي احد يقدر يضربني او يتعدى علي حتى لو كنت غلطان.., اذا طلعت العب بحارتنا امي تفتح باب بيتنا على كبره.., وتراقب معاها عصا ولا تخلي احد يتعرض لي ..! امي انتي شفتيهاكان جسمها اضخم بكثير من كذالكن اثرعليها المرض عيال الحاره يخافون منها بدون شي.. حتى ناجي على انه ولد اختها الوحيد وانولد عنده إعاقه الا انه ما يسلم من عقابها لو تعرض لي لو بمزح.. وخالتي موضي كانت تعلق وتضحك على امي تقول عنود ابلعي ها الولد وارتاحي .. ماخليت لك صديق بسبته كل البزارين يتنافضون منك ..! انا اختك ما اقول شي ولدي ولدك لكن الناس تزعل عند بزارينها..! وامي تقول زيودي ما يغلط على احد الي يغلط عليه يزعل ولا يرضى .. حتى يوم بغيت اسافر لأمريكا بعد الثانوي امي وقفت لي قالت زياد صغير من بيحميه هناك..؟! ابوي بعد ما تقاعد من وظيفته صار مؤذن..؟ وصعب انه يترك المسجد الي كان يأذن فيه وياخذ اجازات طويله.., وحاولت انها تجي معاي ما قدرنا واقنعتني اخلص الكليه هنا.., وبعد الكليه لما رحت للبعثه جات معاي ..! اول سنه جلستها كلها معاي تشجعني اكمل ..! وبعدهاصارت تروح وترجع علي تجبر ناجي انه يسافر معاها يوصلها ويرجع علشان ما احس با الوحده هناك.., عوق انا تخصصت نساء وتوليد علشان امي والا كان با مكاني ادخل اي تخصص ثاني ماعندي مشكله ..! قالت لي اذا تبي تبرني يازياد وترضيني ادخل ها التخصص.., حتى كثير انتقدوني ليش نفذت رغبةامي ودخلت ها التخصص لكن انا ما همني الا اني ارضيها.., تقول يمكن تنقذبأذن الله حياة كم طفل تفرح قلب امه .., والا تساعد كم ام تقطع قلبها مثل قلبي على ظناي وانا مافي يدي شي .. عوق تبلع غصه بوجع \زياد سرقنا الليل واذن الفجر قم صل وريح كلناورانا دوامات.., زيادبألم \والله ما حسيت با الوقت عوق خلاص ما ابي شي منك لكن اذا دقيت ردي علي تكفين.., عوق تتنهد بضيق\يصير خير لاتفوتك الصلاه واشيل اثمك.., قفلت من زياد وانا افكر فيه يسولف معي عادي ويوم جاب طاري امه يبكي ويشاهق يحسب اني ما اميز نبرة صوته.., يا حظ العنود فيك ما كذبت نجلاء والله لوولدها الي من بطنها ما حزن عليها مثلك ولا سوى سواتك.., بقوم اصلي والله يعينا نروح مواصلين.., وصلت للمدرسه وانا خلاص مهدوده من سهر امس ابي انام.., الحمدلله مافي دروس تحتاج تركيز فترة مراجعه.., دخلت غرفة المعلمات... واليوم البنات الاكثريه غايبين ..! والمدرسات اكثرهم موجودات ماعندهم دروس فاجئتني اميره بسؤال..؟! اميره بقلق \عوق كلمتي زوجك علشاني..! عوق منحرجه\لاوالله لكن سألت لك عن حركة الجنين ..! ترى وضعك عادي علشانك بكريه انتظري 3اسابيع واذا ما تحرك الجنين راجعي..! اميره با امتنان \ماقصرتي الله يجزاك خير.., اردفت اميره بترجي\تكفين عوق لا تنسين قولي لدكتور زياد يقدم موعدي..! ابي اتطمن ولك مني هديه اذا جيت اولد ادعي انك تحملين بتؤم..! عوق بضحك\تؤم والله ان دعوتك من قلب نسأل الله الصلاح واحد والا عشر..؟! ناهد بتهكم\وانتي يا ام الصلاح وش سويتي..! عوق مستغربه\بأيش ..! ناهد \ ما قلت لك شوفي نفسك يا بنت الحلال ترى شكلك ما يطمن لايكون فيك شي.! والله انك تقهرين زوجك مقابلك 24ساعه لاهو الي كشف عليك ..! وانتي شكلك فاهيه ما قلتي له ..؟! اردفت ناهد بقهر\تدرين عوق قاهرني زوجك معقوله مايلاحظ ان فيك شي مو طبيعي عوق تبتسم\زوجي كل يومه مشغول با المستشفى ما اشوفه الا اخر الليل..! ناهد\ واذا مشغول خير ان شاء الله ماتشوفون بعض والا الكهرباء مقطوعه في بيتكم .., اسماء بضحك\يمكن عوق وزوجها يكرهون المستشفيات والتحاليل ودوختها..؟ ناهدتتنهد بحسره\لا والله تعب ساعه با التحاليل ولا معناه طول العمر ..؟ اميره \الله يعينك ناهد بلوتك بلوى فحص ماقبل الزواج والله انه رحمه للعالم خصوص بلي مثل وضعكم..؟ خلودبضحك\عاد الا الفحص ياهو زعل ناس واجد وتحايلوا من وراه وندموا..! ناهد تبتسم بوجع\خلوها على الله انا معرسه من سنة السبلة ايام زواجي ماكان فيه هالنظام المهم عوق لاتهملين نفسك..؟! شاركونا النقاش المعلمات الموجودات .. دلال باهتمام وتحذير\ صادقه ناهد يمكن فيك ورم والا حمل كاذب ..! وحده مثل وضعك ما تحس بشي وبطنها يكبر لقوا اللهم يا كافي في بطنها ورم كبر الجنين..! اسماء بملامه\جات ام التشاؤم لا عوق ان شاء الله انه حمل والا سمنه عادي كثير بدينات اشكالهم حوامل..؟! دلال تتنهد بوجع\ حرام عليك اسماء والله انا ام التفاؤل والا تلقيني اعالج با النفسيه اردفت دلال بممازحه\عوق انمغطي على الارض خليني افحص عليك واحدد حالتك.., ناهد بضحك\بتلقينهاان شاء الله شحم والا يارب بيبي سليم ومنخش عن عوق وعن الاستشاري الكبير.. دلال \بنات تصدقون انه عندنا عجوزتعرف الحامل من تنفسها ولو كان حملها اقل من شهر..!؟ اسماء بدهشه\ معقولة..؟! دلال \اقولكم انهبلت يوم طلعنا الصيفيه عند اهل زوجي...؟ اخت زوجي حلفت لو تحمل ماراح تخبرنا حتى تولد والعجوز كانت موجوده..! قالت لحماتي ها المره راحت عليك لا تحلفين انتي حامل.., وتقعدحماتي تحلف لهم انها غلطانه..! اسماء بفضول \وش طلع من الي صادق العجوز والا حماتك ..؟! دلال \اكيد العجوز وحماتي الحين حامل ولادتها قريب .., اسماء با استنكار \يمكن سامعه من احد.., دلال بتهكم\وش سامعه يا بنت الحلال حماتي على طول طلعت للمستشفى وعملت تحليل ..؟! قالو ا احتمال يكون فيه حمل واحتمال لا ماهو اكيد كانت حماتي بداية حملها..! عوق تبتسم \وحنا عندنا عجوز ربي يحفظهابعد تعرف لكن هذيك بعد ما يعدي اكثر من شهر على الحمل.. دلال بضحك\اجل اختاري وحده من العجايز عجوزنا والا عجوزكم تفحص عليك اضبط من فحصي وفحص زوجك..؟! كل الي با الغرفه ضحكوا على كلام دلال .., ناهد\عوق بسألك سؤال فيه فضول شوي.., عوق تبتسم \اسألي يا فضوليه ..! ناهد\البارحه انا وزوجي كنا نتابع البرنامج الي فيه زوجك وقلت له زوجة الدكتور هذا زميلتي با المدرسه .., قالي ايوا الدكتور زياد شخصيه معروفه وخبرني قصه غريبه شوي عن زوجك.., اردفت ناهد بفضول\عاد اناقلت بسألك عن القصه تعرفين حريم نموت اذا سمعنا بشي ولا عرفناه.., عوق بنفسها\ياربي سترك هذي وش عندها بعد .., ناهد بضحك \عوق وين وصلتي .., عوق با ارتباك\هاه لا معك .. ناهد \هي صدق اولا قصة حياةزوجك .., عوق بتوتر \ما انتبهت عيدي الي قلتيه.., ناهد تبتسم با احراج\لا والله ما راح اعيدها شكل ما ودك تقولينها اسمحيلي عوق ترى والله كثير ناس يتناقلون ها السالفه.., ما ادري عاد اشاعه والا صدق.., اسماء بحزن\حرام عليك ناهد احرجتي عوق تكفين لاتعيدين السؤال انا أكتئبت منها ماهو عوق.., عوق تبتسم\ما راح اشبع فضولك ها المره لأنه ليس كل ما يعرف يقال..!! مجموعة المعلمات الي معاي كلهم طيبات ومرحات..! الي يسمعهم يقول يا حظهم ما شالوا هم بيوم وقتهم كله وناسة وضحك ..؟! اول ما تعينت معاهم كنت اهنيهم في قلبي ما هم شايلين هم مثل همي .., ومع الايام كل يوم اكتشف ان وحده فيهم وراها مآساه...! دلال زوجها مدرس واهل زوجها ناشبين له يبونه يتزوج ارملة اخوه علشان عيالها.., وتكره الاجازات السنويه لأن اهل زوجها ينكدون عليها وكل يوم مشاكل مع زوجهابسبب ها الموضوع..! اسماء زوجها راعي سفر وخرابيط وعايشه برعب من خوفها انه يبلاها بمرض لكن صابره علشان اطفالها.., وتقول مرات يتهيئ لي بيدخل علي بطفل يسحبه وراه و يقول هذا طفلي من وحده من الي تعرف عليهم با الخارج.., اميره كانت راح تنهدم حياتها وزوجها كان معطيها فرصه بسيطه لو ما حملت..؟! يا انه يتزوج او يطلقهابما انه هو سليم والسبب منها..!! ناهد متزوجه ولدعمها وكم مره تحمل وتسقط لأن الاجنه تكون مشوهه والسبب وراثي لأنهم اقارب ..!؟ وحاولت تتطلق من زوجها لكن عايلتهم رافضه الانفصال بينهم عندهم ان الطلاق عيب وبيفرق عوايلهم..؟! ولا يعترفون بشي اسمه امراض وراثيه ...؟ وبتموت علشان تصير ام وكل ما شافت وحده حامل قعدت تنصحها من قلب ..؟ وخلود كانت متملكه وتطلقت لأنها بعد الملكه اهل خطيبها شافواخالها وكان جسمه في برص ..! وطلقوها لأن البرص مرض وراثي ..؟! اهل خطيبها ما سألوا كفايه قبل الخطبه واهل خلود ما خبروهم ان عايلتهم تحمل ها المرض .., والنتيجه ملكه وطلاق وخلود حملت لقب مطلقه بدون ذنب ..؟! من شاف بلاوي الناس هانت عليه بلوته..؟! الا بلوتي ما بعد لقيت الي يوازيها والا يخفف علي اني مجهولة نسب..!؟ حتى قصة زياد الي قالتها ناهد على حسب ما سمعت من زوجها عندي اهون من قصتي .., ما صدقت بس تجي الحصه الاخيره وارجع للبيت بصلي وانام..؟! رجعت للبيت وانا في بالي سؤال ناهد الي تظاهرت اني ما سمعته لأن ماكان عندي رد على سؤالها فكان السكوت ابلغ جواب ناهد تقول ان زوجها سامع من مصادر موثوقه ان زياد امه كانت بنت لشخصيه كبيره في البلد وكانت مريضه با القلب .., وسافرو فيها اهلها لأوروبا لعلاجها و كان مشرف على علاجها دكتور اوربي وحبها حاول يتزوجها ورفضوا اهلهالأختلاف الدين والعرق وتواعدت هي والدكتور وهربت معاه وتزوجت غصب عن اهلها وصارت قضيه كبيره واشتكوا على الدكتور وكسبوا القضيه وكانت حجتهم ان الدكتور تلاعب بعقل بنتهم الي كانت مريضه با القلب وان الزواج خطر على حياتها لما رجعت اكتشفوا اهلها انها حامل ولا خبرو زوجها الاجنبي ومع الولاده توفت امه لأنها مريضه با القلب عاد اهلها كرهو الطفل وتشائموا منه ولا تقبلوه وكانو بيحطونه بملجأ ايتام لكن بعدين اعطوه لرجال كان يشتغل عندهم سواق يربيه هو وزوجته مع عيالهم..! ويقولون زياد كان منقهر على اهل امه ليش رموه هو وش ذنبه وصمم يدرس طب مثل ابوه ولما صاردكتور مشهور حاولو اهل امه انهم يتصالحون معاه ورفض وهرب لأمريكا منهم فتره طويلة وفي ناس يقولون انه بحث عن ابوه ولقاه وكان يبي زياد يترك جنسيته السعوديه ودينه مقابل انه يعترف فيه لكن الدكتور زياد رفض انه يبدل دينه او يغير اسمه ورجع لسعودية وبقى على اسمه الي متعارف عليه .., ناهد كانت تسولف بكل ثقه وانا شوي والا اصرخ بوجهاحرام عليكم وش ها الكذب الي ها الدرجه الاشاعات خلت الناس تصور احداث خياليه لا ومصادر موثوقةبعد يا الله يا زياد كنت بصدق الي سمعته لو ما قلت لي من راسك قصة حياتك يا ترى انا بعد كم قصه واشاعها الفوها عن حقيقتي ..؟!! صليت حتى الغدامالي نفس فيه انغثيت من كلام ناهد نمت على افكاري وصحيت قبل صلاة العصر...؟! الخدامه صحتني الخادمة\عوق قوم تيلفون يدق يمكن مية مره..؟! عوق بتعب \مين ..؟! الخادمه \رجال هذا كل يوم دق وين روح عوق متى يجي عوق الحين يبي يكلم..؟! عوق بذعر\بسرعه جيبي التيلفون يمكن من آل ناصر امي يومين ما كلمتني..! المتصل \مساء الخير عوق..؟! عوق \وعليكم السلام خير من انت...؟! المتصل \كم مره ادق على جوالك ليش ما تردين..؟! عوق بعصبيه\انت مين وش عرفك بجوالي..؟! المتصل\ليش العصبيه خلينا ناخذونعطي مع بعض..! عوق بحده \بتقول والا بسكرالخط..؟! المتصل\انا اعرف كل شي عنك..؟! عوق بقهر\والله انك ما تخاف الله ولا تستحي.., سكرت التيلفون وشفت الرقم لقيته مكلم من جوال..؟! طرى في بالي الرقم الغريب الي عندي شفته طلع نفسه..؟! ناديت الخادمه عوق \سورينا الرجال هذا من متى يدق تيلفون بيتنا ..؟! الخادمه \من زمان ماما كبير يسافر ..؟! هو يكلم قول انا ابغى جوال ماما كبير والا عوق.., انا كلام ماما كبير مافي جوال ويعطي رقم انتي عوق بقهر\الله لايعطيتس عافيه ومن عطيتي بعد رقمي..! الخادمه بخوف\بس هذا عوق والله ما في احد ثاني.., روحي راحت روحتس جبتيلي هم جديد فوق همومي..؟ صحيت وطار النوم من عيوني صليت العصروطلبت ستر ربي.., رفعت ايديني ودعيت <<اللهم كل من ارادبي او با المسلمات الغافلات سوءفاشغلةفي نفسة.., وردكيدةفي نحرةواجعل تدبيرةفي تدميرةيامدبرني ولاأعلم لي حسبي انت ونعم الوكيل.., اللهم اني اعوذبوجهك الكريم وكلماتك التامةمن شرماأنت أخذبناصيتة >> على ان هدت نفسيتي شوي لكن انا بحيره وش اسوي ..! نغمة رسايل على جوالي فتحتها من الرقم الغريب؛ (مصير الصخر يلين) ورساله ثانيه؛ (خلينا نفلها مافي احد يدري زوجك مشغول والعجوز مسافره) الي يرسل عارف من انا وشكله حولنا والا وش عرفه بسفر امي..؟ ياربي استرني.., ما طلعت علي سوالف وانا بنت بتطلع علي الحين فضايح.., قضيت اخر النهار بحيره وخوف وادور حل الخادمه خلصت شغلها وطلعت للملحق وانا زاد خوفي.. نغمة رساله جديده صرت اكره تنبيه الرسايل ينرعب قلبي اذاسمعتها.., واسمع الثابت يدق ما رديت .. رساله من زياد: (مهما تروح وتبتعد ما اقدر انساك صورتك في داخل عيوني سكنها أعيش كل الوقت مع طيف ذكراك ياروحي الي ما تبريت منها تنور حياتي لا تقابلت وياك وتذبل ورودي لا بتعدت عنها يا كثر ما احبك وياكثر مهواك محبتي لك ما يقدر ثمنها) والله انك فاضي يا زياد انا وين وانت وين ورساله من الرقم الغريب ؛ (ردي مسويه نفسك شريفه وانتي بنت حرام انتظريني قريب داخل غرفة نومك ) قعدت اصيح ياربي استرني هذا من وين طلع لي ..! قفلت كل الابواب وفصلت التيلفون وحولت جوالي صامت ونمت ما ادري كيف نمت ..؟! صحيت قبل الفجر صليت الوتر ودعيت ربي يرشدني لصواب ..! الحين لو اخبر زيادمعقوله بيفهمني والا بجيب لي حاجز جديد يبعدنا عن بعض فوق ماحنا بعاد...؟! بصبر واشوف اليوم وش يصير..؟! طلعت للمدرسه وانا راكبه السياره لاحظت سياره تتبعنا..!؟ المدرسه قريبه من بيتي ولو بمشي بوصل اسرع من السياره..؟! المدرسه بين بيوت وبا السياره امسك طريق اطول علشان اوصل لها..؟! اطلع با السياره استحي امشي با الحالي..؟! سألت السواق مين الي ورانا..؟! السواق \هذا ولد جيران بيت انتا..! عوق بخوف ودهشه \انت تعرفه ..؟! السواق \هذا ولد خربان مافي كويس مافي مدرسه مافي شغل ..؟! ياكل حبوب خمس يوم اربعه يوم مافي نوم كل يوم مشكله ..؟! بعدين سجن بعدين يطلع..؟! نزلت عند باب المدرسه واسمعه يقول الموعد قريب..؟! دخلت وانا انتفض داخل المدرسه ما صدقت ادخل غرفة المعلمات وعلى اقرب كرسي جلست..؟! اجتمعوا علي المدرسات .. سلامات عوق قلت لابس شوي ارهاق وشفت منظر روعني.. دلال با استغراب\ شكلك خوافه.., عوق\بزياده بعد.., هدت اعصابي شوي وحاولت ادور حلول عند البنات بدون ما يشعرون انه انا..؟! عوق \بنات انتو لو جاتكم ازعاجات على الجوال وش تسوون..؟! ناهد \على طول احول رقمي على جوال زوجي وهو يشوف شغله..؟! اميره بتحذير \لا وين مشكله الي زوجها شكاك بتفتح على نفسها ابواب مسكره..؟! عوق بتوتر\بنات وحده من صديقاتي جوالها تجي عليه رسايل من ارقام غريبه وهي شريحتها جديده..؟! اسماء بوجع \يمكن ان الشريحه كانت لوحده والا واحد راعي حركات ولا يخاف ربه..؟! خلود\لا اسماء ياما با الحبس مظاليم يمكن الشريحه عرفوا رقمهاناس هوايه عندهم الازعاج.., وطفش صاحب الشريحه وباعها..؟! دلال \وش نوع الرسايل الي تجي صديقتك..؟! عوق \رسايله قذره وهي متزوجه..؟! دلال \قولي لصديقتك لاترد على صاحب الرسايل وخوذو الشريحه واشتكوا على المزعج لكن عسى شريحته با اسمه..؟! عوق تتنهد بقهر\ماعليه لا تبوق ولا تخاف والله يفرجها من عنده.., غيرت الموضوع خفت يشكون فيني ماني ناقصه اشاعات ..؟! طلعت من المدرسه وانا في بالي شي واحد خالتي ام ابراهيم.., نزلت في بيتي وكلمت علي بيتها تجيني ضروري ما بغيت اروح لبيتها اخاف احد يسمعني وانا اقولها ..؟! وعلى طول جات وهي مرعوبه ام ابراهيم \خير عوق فيتس شي امتس بها شي ..! عوق\لا خالتي مافينا شي بس ابيتس بخدمه..؟! ام ابراهيم با ارتياح \الحمدلله يوم انكن بخير كل شي يهون والله اني ارتعت ياربي الصبح وضحى كلمتني مافيها شي يوم دقيتي كل طاري اقشر جا في بالي ..؟! عوق بقلق\خاله انا من امس يجيني ازعاج على الثابت والجوال وتهديد وشكل الي يسوي كذا من حارتنا..؟! ام ابراهيم \وعرفتيه..؟! عوق\لا بس هو عارف عني كل شي واقري رسايله هذا هي..؟! قرت ام ابراهيم الرسايل.., ام ابراهيم بعصبيه\الله يخسه هذا شكله ماهو بعقله .., اردفت ام ابراهيم بترجي\يا بنتي ارجعي لرجلتس يحميتس ويفكتس من ها البلاوي..؟! عوق تتنهد بوجع\ياخاله برجع لكن ماهو الحين بعدين خليني افتك من ها المصيبه ورجعتي لزوجي ما بعد تشافيت من طعونه..؟! ام ابراهيم\عطيني جوالتس انتي عارفه ان ابراهيم موظف با الاتصالات بيعرف من هو الي مرسل ها الرسايل وعقبها نتصرف..؟! عوق\خاله خوذيه وبسرعه رجعيه اخاف امي تدق علي ولا ارد وتقلق علي..؟! ام ابراهيم تناظر ساعتها \اجل بكلم ابراهيم هالحين من التيلفون ما بعد طلع من شغله..؟! كلمت ام ابراهيم ولدها وعلى طول عطاها الاسم وطلع ولد جيرانا الي لحقني الصباح وجات شكوكي بمحلها انه هو ..؟! عوق \خاله هذاواحد منتهي وينخاف منه ..؟! ام ابراهيم\ ايه اعرفه هذا الله يكفيتس شره طاح له بشله فاسده وخربته والحين هايت با الشوارع اهله بس يبون الفكه منه ماغير طاردينه من البيت وشره على خلق الله مافي حرمه تمر الا سمعها كلام مثل وجهه .. اردفت ام ابراهيم\بكلم مسلط ها الحين واقوله يروح لأابو الولد ويقوله..!؟ ان ولدهم ماترك بناتنا بحالهن يلحقهن لمدارسهن..؟! ورسايله على الجوالات ينشد الورعان الصغار عن جوالات خواتهم ويدقدق عليهن ويزعجهن..؟! نعمم السالفه وانا خالتس لا يفكر احد انتس معطيته وجه والله يسامحني على ها التسذبه..؟! بكيت من كلام خالتي ام ابراهيم عوق تبكي بقهر \يا خاله والله العظيم اني بحالي ولا طرت لي الشينه الناس وش تبي مني..؟! ام ابراهيم بوجع \يا بنتي هذي ضرايب توخذ على طول الازمان ما وقفت عليتس..؟! وكل من دق له مسمار بجدار بيندق بجداره مثله..؟! ارجعي لرجلتس وخوذي حقتس منه وانتي في بيته ترى البعد يقسي القلب وان طلب قربتس اليوم وابعدتيه بكره ينساتس..! ما تسمعين الي بعيد عن العين بعيد عن القلب..؟! وضحى ماهي تامه لتس الحرمه تعبانه وتماسك لاتطيح بس علشانتس عوق بذعر \خاله امي وش فيها انتي تدرين عن شي ما ادري عنه ام ابراهيم با ارتباك\امتس مافيها غير الكبر عجوز مالها جيل الله يرحم حالها.., عوق با ارتياح\ بسم الله على امي خوفتيني الكبر ولا غيره.., طلعت ام ابراهيم وكلمتني في الليل قالت ان ابوابراهيم كلم اهل الولد انهم يمسكون ولدهم والا الشرطه قريبه وان شاء الله انه خلاص ماعاد بيزعجني..؟ّ! شبكت الثابت وشغلت جوالي..؟ مكالمات لزياد.. ومكالمه من جوال سعد اكيد امي كنت بكلمها..؟! ناظرت الساعه كان الوقت متأخر بكلمها الصباح ان شاء الله..؟! ياربي متى امي ترجع علشان احس با الامان..؟! تمددت على سريري واقلب جوالي ماادري ليش تمنيت زياد يدق خيب ظني ما كلم نمت وانا انتظر.. صحيت نهار جديد..! ناظرت بجوالي اليوم جثه هامده ماله صوت..! قبل اطلع للمدرسه كلمت امي.., والحمدلله طيبه تقول الجو زين ولا راح ترجع الا بعد الاجازه النصفيه..؟! طلبت منها تجي وتاخذني رفضت المكان بعيد ولا في احد فاضي لي..؟! سكرت وطلعت لدوامي السبت تبدأالامتحانات النصفيه واليوم الاربعاء..؟! نغمة رساله على جوالي.. يارب سترك . . . (كلمه اخيره) قال ابن القيم : " إن دور الجنة تبنى بالذكر " فإذا أمسك الذاكر عن الذكر ,! أمسكت الملائكة عن البناء " فكرر قول : ( لاحول ولاقوة إلا بالله ) فإنها تشرح البآل ,وتصلح الحآل وتحمل بها الأثقآل .. وترضي الرحمن .. وَ كنز من كنوز الجنة ..! . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
السلام عليكم و رحمة الله و بركاته
الرجاء الإطلاع على قوانين القسم قبل إضافة اي رد http://www.liilas.com/vb3/t134089.html مشرفات القسم .. .. .. |
اقتباس:
هلا وغلا فيك اسعدني رايك والله اتمنى والله ان الناس يناظرون للفئه هذي بعين الرحمه ولا يعاقبونه على ذنب مالهم يد فيه اسعدني مرورك والله يجعلنا عند حسن الظن |
اقتباس:
يسعدني والله ان الروايه اعجبتك الخلافات الزوجيه تمر كل زوجين ومعروف ان اكثر حالات الطلاق تكون با السنه الاولى من الزواج بنشوف وش راح يسوي زياد وعوق وش ردت فعلها اسعدني مرورك |
مبروك التكريم وعساج على القوه بالنسبه لام عوق احس طولت بالغيبه عشان تحسس عوق بأهمية الرجل او الزوج مهما كانت الخلافات بينهم وتبين لها لو ماتت بيصر هذا وضعج خوف وحده وكلام ناس مايرحم اما الدكتور المفروض يستغل استجابتها له ويدق الحديد وهو حامي ويراضيها بوجود الكل عشان يجبر خاطرها ومتشوقه اشوف ردت فعله على الحمل
بس مستغربه اسئله المدرسات لها باشياء خاصه عاده تكون وحده ملقوفه وتحب النشده موالكل وأخيرا الله يعطيج العافيه على هالسوالف الحلوه |
السلام عليكم
شلونج طيوف عسى تكونين بخير ام عوق شتقصد بغيبتها عن بنيتها بهالشكل غير انها تخليها تعرف انها لو غابت اليوم مدة بسيطة باجر الموت بيغيبها على طول فماج بهالدنيا ياعوق الا زوجج وعوق الحين بعد ما سمعت صوت زياد وسمعت شكواه بس اعقلت وتبي ترد عقب ماتادبه على اللي سواه الله يرحم(يطلق ورجله فوق رقبته) ويمكن بعد حركة ولد الجيران الصايع تخليها تحكم عقلها وترجع لهالمسكين اللي ذلته وخذت حقها منه بالتغلي انا اشوف اللي صار كله فمصلحة عوق ادبت زوجها ,وريحت نفسيتها ,وفتحت عيونها وصارت على ما اظن تفكر بعقل اكثر من اول وهالشي بين بردها على ام ابراهيم يوم قالتلها ان مالها الا زوجها بس اظن ان ام عوق فيها بلا المرة شكلها مريضة مرض جايد ويمكن مرض موت الله يرحم المسلمين برحمته طيوف ابدعتي كالعادة الله يحرم كلج ومن تغلين ويغليج على النار..........نموره |
السلام ام الوليد
أولا مبروك التكريم والله وتستاهلين أكثر ما شاء الله عليك سوالفك روعة من بداية الأحداث حتى الكلمة الأخيرة والقضايا اللي تتناولينها كل مرة...مثل المضايقات على الجوال بالفعل يا ريت كل وحدة تكون واعية وتعرف تتصرف مثل عوق حتى ما توقع بالمشاكل اكثر وبالنسبة للاشاعات الناس تكذب الكذبة وتصدقها تقولي ولا فيلم بوليسي الله المستعان بالفعل بارت استثنائي وعوق بلشت تلين بانتظار سوالفك وابداعك لك كل الود عزيزتي |
الــــــــــــف مـــبــــروك طف طف على التصويت وتستاهلين كل خير
ارجع للاحتمالات بما ان نمر لا فا احول على جزاع >> يممممممممممممممه من ريم وخالتها بيذبحوني لالالالا جد جد جد عندي توقع من اللي يقربون لزياد يا ناجي يا زوج اخته اللي بالمزرعة بس اكيد رجال كفاية حرمتين وضحى خرجتها للبر اتوقع كذبه اتوقع انها بالمستشفى تسوي عملية بما انها رفضت ان عوق تروح معاها وام ابراهيم مرتبكه فاكيد مو طلعت بر الا طلعت مستشفى اميرة وعوق ويش الشبهه اللي بينهم هم يقربون لبعض ؟؟؟؟؟؟؟ تسلم يدينك ام الوليد ودام هالابداع |
مساء الخير ام الوليد
يعطيك العافيه سالفه جديده وحلوه عوق بدأت تلين واللي جالس يصير لها من مضايقات راح تعجل برجعة لزياد اذا هي ما قالت لها عن إزعاجات ولد الجيران أكيد ام عوق اذا عرفت بتضغط عليها خوف على سمعتها والله ياعوق كلامك لزياد فيه غيره عليه حتى لو ما بينتي له هالشئ كلامها كله نغزات لي هو ما دقق فيه ما صدق بس الحرمه تكلمه اللي سواته لك امك يازياد فعلا فيه أمهات ما يسونه لعيالهم بس البنت ما لها ذنب تحط حراتك فيها والحين اجنى ما حصدت ودمتي لنا مبدعه |
بسم الله الرحمن الرحيم السلام عليكم ورحمة الله وبركاته يا مساء التميز الذي لا يليق إلا بأهله مساؤكم ورد أم الوليد............ ألــــــ1000000ـف مبروك حصولك على لقب الكاتب المميز وحصول روايتك على أعلا نسبة تصويت فأنت تستحقين ذلك بجدارة وحق للتميز أن يفخر أن تقلدته مبدعة مثلك راقية بطرحها مبدعة بسردها لحكايات جميلة تدخل القلب دون استئذان لما تتمتع به من رقي الفكرة وجمال الطرح جزء ولا أروع يبهرنا في كل مرة بما يحويه من جماليات وتسلسل رائع بالأفكار والمواقف عوق............ تكابر على جرحها وتحاول أن تظهر مالا تبطن فهي تتهرب من الرد عليه وقلبها ينبض فرحاً برؤية رسائله ومكالماته المتواصلة التي أشعرتها بمدى أهميتها لديه لو لم ينقِّص عليها ظهور ذلك المعتوه الذي لا مهنة له إلا هتك ستر الغافلات ومحاولة التعرض لهن بالسوء فتش عن الخادمة إذا أردت أن تعرف أدق تفاصيل أسرار البيوت فهي للأسف وكالة أنباء متنقلة تعطيك الخبر حتى قبل أن تسأل<<<< إلا من رحم الله فلولا عدم فطنتها لما كان لهذا الآبق أن يتعرض لعوق بسوء من خلال الرسائل والمكالمات ولاكتفى بمتابعتها في سيارته وهي خارجة لعملها وربما حينها ما كانت لتهتم له كما فعلت الآن لأن تربيتها وأخلاقها تمنعها أن تتابع من يسير في طريقها حتى لا يظن بها السوء أتعلمين.......... بعض الأهالي يبتلون بأبناء كهذا الشخص رغم أنهم يتمتعون بسمعة حسنة بين جيرانهم ومعارفهم فيأتي مثل هؤلاء الأبناء ليسيئوا لهم ويهزوا نظرة الناس لهم أنا أرثى لحال هؤلاء الأهل خصوصاً إذا كانت علاقتهم بجيرانهم أكبر من علاقة الجيرة واكتشفوا للأسف أن ابنهم يسيء لبنات جيرانهم اللاتي هن بمثابة بناتهم هنا من سيحس بالألم أكثر من ابتلي بتعرض هذا الشخص لبناته أم أهله الذين خسروا جيرانهم بسببه!!!!!!! زياد............. للمرة الألف يخطيء بالطريقة التي يجب أن يتبعها في الحصول على ما يريد هو يعلم أن أمها في البر أما كان بإمكانه أن يحاصرها في عقر دارها ليدك حصونها التي تتمترس خلفها ويواجهها وجهاً لوجه ويخبرها بكل ما في قلبه لها ليرى ردة فعلها على الطبيعة ويأخذ زمام المبادرة لاتخاذ القرار في عودتها بدل أن يحادثها على الهاتف ويعطيها مجالاً أوسع للتفكير في وضعها ومن ثم إمكانية المماطلة في العودة وهي من تتحرق شوقاً لقربه هو يعلم مدى خوفها من البقاء لوحدها فكان لا بد أن يعزف على هذا الوتر ويحاول التقرب منها على الأقل ليؤنس وحدتها ويحميها من أي شيء يمكن أن يسبب لها القلق ولكنه فضل التواصل معها من بعيد وهذا قد يطيل الأمد في حل المشكلة أم إبراهيم............. هذه المرأة منجم ذهب من الأخلاق وحسن التعامل كيف فكرت بحل مشكلة عوق مع ذلك المجرم الذي يتعرض لها دون أن تمسها بسوء حيلة حتى عوق لم تفكر بها فكيف خطر لها أن تجعل بناتها طرفاً في الموضوع لكي تبعد الشبهة عن عوق وهذا لم يكن ليتأتى لها إلا لما تتمتع به من الثقة العمياء من قبل زوجها وأبنائها فلو لم يثقوا بحسن تربيتها لبناتها لما تقبلوا أن تذكر هذا أمامهم دون أن يساورهم الشك في الموضوع ذكرتي في معرض ردودك على القراء أن حزن عوق على أمها قد يختلف عن حزن زياد أنا معك في ذلك وأظن أنها ستتغلب على حزنها وتتحكم بردود أفعالها أكثر منه ليس لأنه يحب أمه أكثر منها ولكن لأنها ستكون في كنفه وتجد من يحمل عنها بعض الحزن ويحاول أن يخفف عنها بسماحها له بذلك وعدم انطوائها على نفسها فكلما توسعت مساحة المشاركة خف الحمل نوعاً ما لا يسقط عن كاهلنا ولكن تخف وطأته بمدى سماحنا لمن نحب أن يشاركنا به غاليتي.............. مبدعة كما عهدناك ولازلنا ننتظر المزيد من هذا الإبداع لك كل الشكر على ما خطت يداك حفظك الله ومن تحبين |
الف الف مبارك التميز وفعلا انتي كاتبه مميزه سواء بالاسلوب او الطرح
عوق المزاايين وزياد يا خوفي توصل مع زياد لمرحلة من تغلى تخلى حزنت بالحيل على زياد وهو يوصف غلا امه وغلاه عند امه وحسيت فيه الله يلوم اللي يلومه زميلا ت عوق ومشاكلهن ومن شاف مصيبة غيره هانت عليه مصيبته الا عوق مسكينه حالها صعييب اشاعة قصة اهل زياد وكيف ان الناس تتناقلها من دون خوف من الله او حتى حيا انهم يواجهون عوق فيها اكره الفضول وتناقل الكلام و الحمد لله ان زياد معلم عوق عن سالفته والا كان دخلت بدوامه ثانيه المعاكسات والمضايقات بالتلفون زمان كانت الاسر تعاني ولازالت من المعاكسات والسبب الفراغ وقل خوف الله والحمد لله ان عوق تصرفت صح وبحكمه والا كان ابتلشت مشتاقه لحروفس ام الوليد لا تتركينا ننتظر كثير على انس ماشاء الله ملتزمه ربي يسعدس ويوفقس في الدنيا والاخره واعذريني على قلة ردودي |
السلام عليكم ورحمه الله وبركاته
ام الوليد الله يسمع منك يااارب ويعجل بهلاك هالطاغيه ويفك الشعب السوري منه ومن اعوانه وجعله عبره ودرس لكل طااغيه ام الوليد الف الف مبروووك على الفوز بالتصويت والف مبروك على التميز والتكريم وهذا ماجاء من فراغ جاء نتيجة تعب وابداع وروعه وتالق خلتيينا نستمتع فيهاااا مااقول الا ربي يحقق لككل امانيك وينعم عليك بالراحه والايماااان العوق ياقلبي عليك والله ان الغيررره لاعبه فيك لعب ومو قادره تتحملييين والدليل كلامك مع زياااد وهذا نتيجة كلاااام امك الي جالسه دقك بالحكي وانتي خايفه انه يتحقق صدق ويتركها زياد عااااد انتي مصختيها ترى البعيد عن العين بعيد عن القلب ورجال لو صبر شهر شهرين سنه مصيره يمل ويدور راحته وانتي وضناك الخسرانين اعقلي يابنت واقضبي بيتك وزوجك ترى مالك حج بالدنيا غيره حسبي الله عليه جاار العازه الي مايخاف الله وجالس يتعرض لها ولا راع حرمه الجاااار الله يرد كيده بنحره ويفك عوق من شره واشوى انها علمت ام ابراهيم عشان تساعده وياليتها معلمه زيااااد عشان يوقفه عندحده لانها مايخاف الا من رجااال يوقفه عد حدهفيه سالفه بقولها لك>> في وحده توها صغيره بالعشرينات ومنزوجه وعيالها صغااار ساكنه بعماره وجارهم كبير بالسن نهاية الخمسينات وعنده زوجتين وصاير جد في يوم ثبت ان جار راح العمل يقوم يروح يتسلل لشقه الجار والمره لاهيه مع عيالها ولا انتبهت له انه دخل شقتها مانتبه الا البنت الصغيره وقال لامها ان العم فلان دخل بيتهم كان تقوم المره تاخذعمرها وعيالهاااا وتقفل عليهم الغرفه وبسرعه تتصل باهلها تستفزعهم ويجوووونها يركضون يشفونه ناط من الشبااك كنه شيطان ولاقدرو يصيدونه وبلغوا الشرطه عنه والبنت كرهة الشقع وتركت العمارع بكبرها وتعالي سمعي الاشاعااات الي يقول انها كانت خويته ومواعدته والي يقول كانو ربع واختلفوا واخذ وخلي حسبي الله ونعم الوكيل وهالشغالات وبااااء لانستطيع الاستغناااء عنه والله انهم شر وعلى قولة الاولين اذا تبياخبارهم اسال صغارهم اللحين يقولون اذا تبي اخبارهم اسال شغالتهم لان عندهم الخبر اليقين الي تبيه وزود بعد وعلى طاري الاشاعات الي حاشت زيااااد هذا النااس ماعندهااا غير الشيل والحط بغيرها ماخلوا احد بحاله وشعليهم بغيرهم وكيف حياتها ليتهم يشوفون اعمارهم ويدلهون عن غيرهم كل بيته فيه الي مكفيه زياااد والله عورني قلبي وانت تتكلم على امك الله يرحمها صحيح مو كل ام تسوي مثلها في امهاااات حرام عليهم كلمة ام وصحيح الام ماحد في مثل غلاهااااا ابدااااا>>الله يجعل اميمتي بالفردوس الاعلى بس وشذنب عوق انك تهملها وتجرحها بالحكي وتطردها من بيتك ولا تهتم فيها وتجي تبيها ترجع بسهوله بس اللحين خابينااا دكتور وشاطر وجايب الذيب من ذيله ووينه ذكاؤك اللحين لو انا منك استغل سفره امها وابلط عندها بالبيت>> حجه وحاجه<< يعني اني ماقدر اخليك بروحك واخاف عليك ومنها تكحل عيونك وتصلح الي خربته ام الوليييد يسلمو ياعسل على سوالفك الناعمه والمفيده يالغلاااااااا |
يعطيك العافيه ياام الوليد كل سالفه احلى من الي قبلها الحمدلله عوق بدت تلين درس وضحى جاب فايده و انشاء عوق بترجع لزياد
|
السلام عليكم ورحمة الله وبركاته
اللهم آمين اللهم آمين اللهم آمين اللهم بخير ما اسعدت قلوبنا بزخات نفحطك ومطرك اسعد قلوب اهل سوريا بالنصر المبين وارنا عجائب قدرتك ببشار واعوانه وكل من سانده و كان بصفه اللهم دمرهم ووحد شمل كلمة لا اله الا الله بين جنودك في سوريا ام الوليد لكم اشتقت الى سواليفك ايتها النقيه الممتعه الف مبروك التميز و حصولك لقب كاتبه الف مبروك المركز الاول سوالف كثيره استمتعت بها خلال البارتات السابقه التي لم اتمكن من التعليق عليها سابقاً حياة عوق وعزلتها وحدتها التي حاصرتها معنات المعلمات مع المدارس الخاصه ورواتبهم التي لا تسد حاجتهم عدد الحصص وارهاق المعلم حياة المدارس هي بحد وحدها عالم اخر للمجتمع لو تحدثت عنها لن تكفنا الصفحات ولكن سوف اقف على بعض السوالف اميره ووضع جنينها عوق كسبت اكبر خطأ حين قالت لها انه طبيعي هي حملت بصعوبه وليس كل بكريه شرط انها بكريه جنينها يتاخر بالحركه ربما من هنا سوف يعلم زياد عن حمل عوق حين تراجع اميره وتخبره انها اخبرت عوق وقالت لها طبيعي دلال اسوبها صحيح فالوحده تقدر تميز حملها من اول اسبوع مثل الاولين ان تكشف على نفسها في الصباح قبل ان تتناول اي شي تضع اصبعها على السره وهي مستلقه مع كتم النفس فان لم تشعر بنبض فانها حامل ام ابراهيم حكيمه كحكمة ام عوق فهي منذ زمن جاره لها فكيف لا تتاثر بحكمتها غير انها امرأة كتوم وصبوره فزمان قبل ان يسكن الشخص يبحث عن من هو جاره حتى يسكن بجانبه اما الان لا احد يعلم عن جاره الذى امامه ام عوق ذهابها عن ابنتها خطه مدروسه منها فلا استبعد انها هي من طلبت من سعد ان ياخذها معه حتى تدع مجال لعوق لتفكير في بعدها وربما هي بها مرض تريد ان تحصل على هواء نقي ولكن هل سعد ليس لديه ابناء في المدارس زياد حديثه مع عوق ورسائله هو يعلم بحبها وعتذر منها اكثر من مره فحين المحادثه لم يرد ان يحدثها اكثر عن وضعه واراد من يسمعه وهو يعتذر باسلوب غير مباشر حين وصف لها معاملة والدته له واسلوب تربيتها مع اني اجد خطأ كبير ارتكبته العنود حين كانت تعاقب الكل على حساب ابنها فمن رحمة ربي انه ظهر سوي السلوك لان من يعامل والديه الابناء بهذه الطريقه يكون ابنهم به انانيه وعدم رحمه لغيره غير انه ممكن ان يخطي بتصرفاته ومن هنا يكمن خطأ زياد حين لم يواجه مشكلته مع عوق ومن هنا يكمن تريثه بمشكلته وعدم الاسراع بحلها حين كان يتحدث مع والدته كان يسرد احداث وسواليف لم تسمعها منه عوق حتى يشدها بالحديث مع لانه لو تحدث عن حالهم و تحدث باسلوب رسائله بشوق لن تستمع له وترد عليه لان يعلم ان جرحها منه كبير وخصوصا حين كانت تقف ولم يعبها عوق والشبه بينها وبين جدتها بحملها ...سوف يفتح لها ابواب اخرى للمقارنه حملها الذى تخبيه وهو على لسان الجميع ويمكن ان يكون زياد يعلم بحملها وصمت حين كانت تثور بغضبها في وجهه هناك سوالف كثيره ولكن مايشغلني سالفته زياد مع ام عوق انتظرها بشوق تحدثتي عنها لكن سوف اسرردها مره اخرى ننتظر ابدعك وسالفه جديده |
اقتباس:
الله يبارك فيك اكيد ان حاجة المرأه رجل اضعاف حاجته لها بنشوف ام عوق وش ردها على غيبتها عن عوق في بارت قريب زياد ماعليك ما ينخاف عليه صحيح والملقوفه كانت ناهد هي الي اسئلتها كثيره والباقي مجرد مشاركه عابره وتقديم حلول اما اميره بيكون لنا وقفه بسيطه معاه في بارت قادم اسعدني مرورك |
اقتباس:
ام عوق بنعرف سبب الغيبه منها وعوق حرمه مثل اكثر الحريم قلبها رقيق وليتها وقفت على رجله فوق رقبته الا حلفت حلف يا ساتر يبي له كفاره لو رجعت وهذا حالنا بلحظة الزعل نخرب كل شي بنشوف توقعاتك في بارتات قريبه اسعدني مرورك الراقي |
اقتباس:
الله يبارك بعمرك مضايقات الجوال على ان الارقام مكشوفه ومع هذا صار الازعاجات اكثر خصوص مع الشرايح الي بدون اسم وهي نقطه لازم يتصرف بحكمه الواحد والا عرض نفسها لشي اكبر اسعدني مرورك ونقاشك |
اقتباس:
الله يبارك فيك ريم وخالتها مثال كثير لا مهات الازواج بنشوف توقعاتك الي في منها صايب ومنها لا اسعدني مرورك |
اقتباس:
زياد ماهو زوج سيئ لكن تمر الانسان حالات يثور فيها ويتراجع يعني حسناته تغلب على سيئاته عوق جات في وجه زياد في لحظة غضب وماقصرت فيه بنشوف كيف بيتراضون اسعدني مرورك وحضورك المميز في ثنايا الروايه |
اقتباس:
هلا وغلا اراده الله يبارك فيك ويارب اكون عند حسن الظن والراويه يستمر اعجابكم فيها لنهايه عوق راحة السكره وجات الفكره على رغم جرحه بكلامه لها الا انها لان جانبها له لأن مافي شي يثير اعصابها ويخليها تكابر كل شي حولها يظهر لها اماحاجتها لزياد او يبين لها صوره حلوه عن زياد حقيقه الخادمات صارت اسرار البيوت للعلن بسبتهم والقهر انه ما يتخبى عنهم شي ولد الجيران صحيح يا اراده كثير من العوايل ابتلت بعيال جرو عليهم مشاكل وهم في حالهم بنشوف الوضيح وش بتقول عن ولد ها الجيران كلمه سمعتها من كثير من ناس ابتلوا بمثل ها الولد ولا حول ولاقوة الا بالله زياد من كثر ما طقطق الابواب ماعاد يميز بنشوف وش بيسوي في بارت اليوم وتعليق ريم عليه في بارت الثلاثاء ام ابراهيم لوما كانت اهل لثقه ما كانت ام عوق فتحت لها قلبها وامنتها على اشياء كثيره ومع هذا بنشوف لها منتقدين من نفس اسرتها بنشوف ردت فعلها وحزنها على امها واتمنى والله اني اقنعكم في ها النقطه لأن عوق تختلف ظروفها عن زياد زياد شعر با اليتم الحقيقي بعد موت امه وانهار لكن عوق في اشياء ثانيه تجبرها على الصبر والثبات الابداع والله هو مرورك وردودك الي تخليني اقراها وانا احس اني اقرا روايه |
اقتباس:
هلا وغلا ام رنو لا ماعليك زياد شاريها لو تغلت العنود زرعت وحصدت الا شاعات يا كثر ما نسمع قصص من الخيال واذا عرفتي الحقيقه من اصحابها تستغربين كيف احبكت ها القصه وصارت أنها حقيقه مع انها مجانبه لصواب عوق ومصيبتها الي ما توازيها مصيبه مافي شك المعكاسات ومصايبها الحين جد جديد الرسايل الي تخرب البيوت من ارقام مجهوله كم عياله دخل بينها الشك بسبت رساله من مستهتر اسعدني مرورك وانتظريني اليوم بعد الساعه عشر الليل |
اقتباس:
هلا وغلا عبوقه الله يبارك بعمرك ومشكوره والله على ها الثقه والتشجيع وجهة نظر اذا كبرت المشكله بين الزوجين بعدهم فتره عن بعض هو اسلم حل يخلي كل واحد يفتقد الثاني ويصير يشوف مزاياه اكثر من عيوبه الولد المستهتر في كثير على شاكلته يبتلون الغارات الغافلات والقصه الي ذكرتها تتكرر كثير با اشكال مختلفه الي يروح فيها سمعت البنات حتى لو مالهم ذنب اماعا الشغالات حدث ولا حرج اعرف عايله فرقت بينهم شغاله ماهو بسحر لا من كثر ما كانت تجمع سوالف وتنقلها بينهم والمصيبه ان الكل ساكت ماطلعت سوالف الشغاله الا بعد ما سافرت ام زياد وخصوص الحريم الي مثل وضعها يكونون حيل حنونات يدفعها حرمانها من ضناها بنشوف وش يسوي زياد في بارت يمكن سمع كلامك والرجال ماعاد عنده صبر الجوال وردت عليه اكيد ماهي طاردته اسعدني مرورك الراقي |
تسلم ايدك اختي طيف على المواضيع الهادفة المطروحةمن خلال الرواية
|
اقتباس:
ويعافيك يارب بنشوف كيف بترجع عوق والوضيح ما بعد عطتهم الدرس صح اسعدني مرورك |
اقتباس:
هلا وغلا ام تركي اللهم امين اللهم ازل القمه عن الامه واحقن دماءهم واحفظ اعراضهم وانا والله اشتقت لك اكثر وضع المعلمات وخصوص المدارس الخاصه ما اقول الا بس عسى الله يعوض صبرهم خير عوق كانت بتخرج من المأزق وتحسب نفسها على صواب والا الوصفات والفتاوي الي اسال مجرب ولا تسأل طبيب ضيعت ناس واجد ام عوق بنشوف وين راحت في بارت قادم بتخبرنا الوضيح تربية العنود لزياد كثير شفتهم امامي وخصوص الطفل الاوحد او الطفل الي يعاني من مرض وشي والله جربته شخصيآ في واحد من اطفالي زياد عارف بكبر الي سواه وكان حاس ان عوق ما تدري العنود وش كانت با النسبه حتى لما شرح لها معاناتها حتى حصلت عليه كان بيقولها انه ولا شي قدام حبها لها الشبه لنا وقفات معاه في البارتات القادمه وحتى انه يخلي عوق تتخذ خطوه بنشوف في البارت القادم كيف بيكشف زياد حمل عوق اسعدني مرورك ونقاشك الراقي |
اقتباس:
والله يسلمك على المرور اتمنى والله اني اطرح شي هادف ويلامس بعض من الواقع |
بسم الله الرحمن الرحيم
اللهم يا الله عليك ببشار واعوانه, اللهم احصهم عددا وابدهم بددا ولا تغادر منهم أحد, اللهم إنهم طغوا وبغوا وعاثوا في الارض الفساد, وساموا المسلمين سوء العذاب, اللهم عجل بنهايتهم واشفي صدور قوم مؤمنين , اللهم لاترفع لهم راية واجعلهم لمن خلفهم عبرة وآية, اللهم اجعل بأسهم بينهم شديد, وفرق جمعهم وشتت شملهم, أنك ولي ذلك والقادر عليه , ولاحول لنا ولاقوة الابك, انك على ذلك شهيد وبالاجابة جدير. . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., اهداااء خاااص للغاليه صدوود اليوم بنشوف عوق المزايين والمواجهه الاولى مع زياد وجهآ لوجه . . يا الله تعالوا معاي...!! وسالفه جديدة؛ . . . البارت الثامن والعشرون . . . نغمة رساله على جوالي.. يارب سترك فتحتها من زياد؛ (الجادل اللي حلاها غير ضيعت في شمسها فيي بعيونها سلسبيل رماح و الموت بالسود متهيي موت و انا اموت انا بالموت كثيرها غرق شويي لا قلت تكفين قالت جاك و ان جيتها فجأة تعيي و لا قلت مالي و مال الغيد قالت وهم بينهم زيي ؟ و ان قلت انا تبت مالي كار مقفي زمانين عن غيي قالت و هي تلتفت للناس زياد موته على يدي محبك زياد ابو العنود) حتى رسايلك هبال.., ياربي دخيلك لايكون عرف بس اني حامل والا ما قال ابو العنود...؟! انا ما ابيه يرجعني الا علشاني ماهو علشان حملي .., ابي اعيش معاه وانا واثقه انه يبيني ماني على هامش حياته..؟! ما ابي يرجع لي احساسي اني مفروضه عليه فرض .., والا مصيري مثل ما قالت امي راجعه راجعه مالي غناة عنه يعني وين بروح ..! انا وضعي غير البنات لو بيتركني بتاكلني الناس بدون ملح..؟! حاجتي لزياد اكثر من حاجته لي بكثير لا اهل ولا سند مالي الا اتمسك فيه..؟! ابي ارجع وانا نفسيتي مرتاحه ماهو اضيع حياتي با التفكير يبني ما يبني..؟ خوله بضحك\صباح الخير دبه .. عوق بضحك\هلا خوله حرام عليك لا تحطميني تقولين دبه..., خوله\عادي حامل اكيد بتصيرين دبه.. عوق بترجي\خوله تكفين ما ابي احد يدري..! خوله بدهشه\العمى يشوف حملك الي متى بتخبين انتي وش فيك..؟! عوق تبتسم\خوذيني على قد عقلي .., خوله\امتحان بناتك الاثنين جاهزه.., عوق\الحمدلله كل شي جاهز..؟! خوله با ارتياح \الحمدلله مافي شكاوي عليك ولا على الماده.., والبنات عادي عندهم ناقشتهم قلت تبون النحو يوم با الحاله والا مع ماده كثير قالوابكيفكم ما تفرق معانا المادة مفهومه.., عوق تبتسم\الحمدلله هذي نعمه من الله.., خوله با امتنان \الله يجزاك خير والله شلتي هم عن البنات.., عوق \خوله تدرين اني انا المادة الي ما افهمها اعيد وازيد على نفسي واعاني بجد لين احفظ ..! لكن با الشرح اوصل المعلومه صح والبنات يتقبلونها مني من فضل ربي..؟! خوله با اعجاب \عوق لا تستهينين بنفسك فيك مميزات كثيره ما شاء الله عليك.., بنت اختي بثالث ادبي تدرسينها تقول استاذه عوق ثقافتها عاليه.. عطوها مواد الثانويه العامه بتبدع لكم فيها.. حصةالنحو مرات تصير حصة دين ومرات اجتماعيات ومرات عربي واحيان علم اجتماع .., عوق بضحك\ لا والله تبالغ بنت اختك لكن حلو انك تغيرين شوي من روتين الدرس.., وتجيبين معلومات عامه فيها قيم وتغرسينها بطالباتك.. اردفت عوق بتساءل\خوله اي وحده بنت اختك ما اعرفها..؟ خوله با استغراب \ما عرفتيها رانيا عبد العزيز .., عوق بدهشه\عرفتها لكن ما طرالي انها تقرب لك ابد ما كنها منكم فرق بينها وبين امها..؟ خوله تضحك \ ولا تشبه احد فينا نسخه من اهل ابوها لكن تعجبك ذكيه وشاطره.., عوق\لا ما عليها ما شاءالله متفوقه.., اليوم مافي شي خوله بطلع بدري..؟! خوله\خلاص وقعي حضور واطلعي ما عليك .., طلعت للبيت على 8الصباح احس نفسيتي اليوم غير.., افضل بكثير من الايام الي فاتت.. دخلت المطبخ من زمان عنه قلت للخدامه تكتب الاشياء الي ناقصه ..! طلعت لسوق اشتريت اشياء كثيره ناقصه بيتنا.., اخذت مفرش لسريري ثقيل انا دمي بارد واحس با البرد بسرعه.., احس كل يوم تنخفض درجة الحراره اكثر.., اليوم الجو غيم وحلو ما ادري انا اشوف الدنيا كذا والا هو فعلن الجو حلو..! دخلت المطبخ طرى لي اصلح غدا وارسل فيه السواق لعمال يشتغلون في بيوت قريبه من بيتي..! صلحت الغداءبدري وزعته بصحون وغلفته ارسلت فيه الخادمه تعطي السواق يوزعه.. قبل اتزوج كل فتره كنت اطبخ ووزع لعمال يعرفهم سواقنا.., لكن من تزوجت تركت ابواب كثيره من ابواب الصدقه..! لكن ان شاء الله ملحوقه... صلحت سفره غداءكامله ونويت اكلم خالتي نوره تقول لبناتها يتغدون معاي .., اكيد كل بناتهاالي يدرسون غايبات السبت تبدى الامتحانات.., بعزمهم يتغدون عندي ويرجعون يذاكرون يعني فترة راحه لكن يقضونها معايا.., خصوص الجوهره زواجها بعدالا متحانات وانا مقرره مااحضره ما ابي احد يكشف حملي .., بشوف وش نا قصها واكمله لها عايلة مسلط مهما سويت مستحيل بجازيهم على رعايتهم لي خليت الخدامه ترتب غرفتي من زمان ما رتبتها من قلب وتفرش لي المفرش الجديد.., اول كنت اكره دخول الشغالات لغرفتي لكن الحين صرت اتعب بسرعه من الشغل ما اقدر اسوي اكثر من شغله بنفس الوقت .., ودخلت للمطبخ مبطيه عن العزايم وترتيبها.., خلصت شغلي واخذت دش عن ريحةالطبخ الي بديت اتقبلها.., با اكلم خالتي ام ابراهيم واحضر السفره واغرف الاكل..! غرفتي تغير شكلها حسيت صار فيها حياه.., سبحان الله كيف كنت دافنه نفسي وانا حيه..! باقي البخور الي مع الشتاء يعطي جو ويغير النفسيه لبست قميص بيت جديد غامق يخبي ها البطن الي صارشكله كنه مخده جايه با العرض .., وسرحت شعري تذكرت يوم يسحبه زياد ورتبته بتسريحه بسيطه ..., حطيت روج وكحل ورشيت عطر خفيف العطور كلها كرهتها حتى الشامبوالمعطر ما احبه ما تقبلت ريحتها الا من اسبوع.., يعني معقوله تأثير الوحام بدا يخف لبست اجلال الصلاة وصليت الظهر بكبر اتسنن دق جوالي الا زياد بسم الله هذا وش يبي .., دق اكثر من مره ياربي ياهو لحوح ها الانسان وش دراه اني موجوده.., رديت عليه زياد\مرحبا عوق انتي في البيت..! عوق \ليش ..؟! زياد \كنت مار من عند بيتكم وشفت سواقكم وسألته عن خالتي رجعت اولا..؟ وقال لي انك موجوده طالعه بدري اليوم.., عوق \امي بتتأخر ماراح تجي ها الوقت.., زياد \طيب افتحي الباب انا عند الباب بسرعه.., صعقني كلامه هذا وش جابه ها الحين لو اني تمنيته ماجا.., زياد \عوق انتي معي.., عوق با ارتباك \هاه ايه هاه بتفتح لك الشغاله انا شوي تعبانه .., زياد\مو مشكله انا ما راح اطول فترة البريك وماشي.., ياربي وش اسوي منين طلع لي هذا لا بعد كاشخه انا وجهي وبخور وغدا.., ان دخل كشف كذبتي ودرا بحملي.., ابد ماهو وقتك يا زياد استاهل انا الي عطيته وجه...؟! ناديت الخدامه وقلت اذا سأل عني قولي مدام تعبانه وبتنام.., وش اسوي انا حتى صلاتي ماكملتهاللحين اجلال الصلاه على راسي ..! سمعت صوته يقرب من غرفتي ويناديني.., دخلت سريري بسرعه وغطيت كل جسمي لا يشوف مني شي وتسندت على ظهر السرير وحطيت مخده على بطني .., دق الباب وعلى طول بسم الله فتح الباب ودخل للغرفه ما انتظر حتى اقول ادخل.., مد يده يسلم واضطريت امد يدي له ودنق وسلم على خدي .., زيادبقلق \سلامتك عوق وش فيك الخدامه تقول تعبانه مره.., عوق بتوتر وارتباك\لا بس شوي بردانه وتعبانه تخبر تعب حريم.., زياد يضحك بتهكم \ اهااا تعب حريم ..!! ماعليك الا العافيه ان شاء الله.., سحب كرسي وجلس عليه الاخ شكله مطول.., اردف زياد با ابتسامه\ماشاء الله وش عندك عطر وميك اب وحركات وانتي تعبانه.., عوق با ارتباك\ يمكن اثر ميكاج وعطر الصباح لما طلعت للمدرسه.., زياد يناظر حوله \عوق احس شكل غرفتك احلى من اول مره دخلتها ..! عوق بملل \ علشان ترتبت اول مره انت شفتهاكانت حوسه..! زياد يقرب الكرسي اكثر لسرير عوق ويحط يده على المخده وبهمس \متى بترجعين تنورين بيتك..؟ عوق تبلع ريقهابرتباك\زياد ماهو وقته ها الكلام انا الي الآن احس بمرارة كلامك بحلقي.. زياد يكتف ايديه ويسند ظهره للكرسي ويتنهد بوجع\عوق انا اي كلام بقوله ادري انه ناقص.. يمكن علشان ما اعرف اعتذر او ما تعودت اعتذر لكن والله عارف نفسي غلطان والغلط راكبني من ساسي لراسي..؟ عوق بضيق \انا صدمتي فيك يبي لها وقت تدري الي الآن ماني مستوعبه كلامك ذاك اليوم ولا انت كيف قلته.., زياد بحزن ووجع\عوق انا كنت راح انجن كل مافكرت لو امي توفت وانا بعيد عنها.., او كنا مسافرين مثل ماخططت بداية الملكة والله اني افز وارتاع بدون شعور كل ما جا في بالي لو امي ماتت وانا بعيدما شفتها..! تتوقعين سهل علي يوم اسمع صوت نجلاء تبكي وهي تناديك او وقفتك بالليل في الشارع والعالم طالعه لصلاه .., خفت اطلع ويتطور الموضوع اكثر واكثر.., ويمكن نستفز بعض واقول كلام اكبر من الي قلته انا طلعت صدق قدامك ولا تكلمت كنت عاجز عن الكلام وخفت يصير بينا صدام وعناد با الشارع .., لكن وقفت قدام المسجد اراقبك ما قدرت حتى ادخل اصلي الا لماشفتك ركبتي سيارتكم ورجعت لحقتك بسيارتي لحد ماوصلتي بيتكم وتطمنت عليك .., اردف زيادبا انكساروترجي \ عوق وش الي يرضيك واسويه الا الطلاق..! عوق بتوتر \انا بقولها لك صريحه انا استخرت با الطلاق مرات ماهو مره ولا ابي اتطلق.., اردفت عوق با ارتباك وتردد\وانت لو تبي تشوف حياتك عادي مع غيري..؟! وقف زياد حسبت انه خلاص بيمشي الا راح وجلس على مكتبي ويفتش بسم الله وش يدور.., اخذالبوم صور زواجنا والبوم صور طفولتي كنت اتفرج فيها وتركتها فوق مكتبي .., ورجع على الكرسي مع الالبومات .., زياد يناظرالصور\حرام عليك عوق كيف تقولين ها الكلام انا راضي بوضعنا هذا.., لكن لا تقولين شف حياتك مالي حياه مع غيرك..! عوق بملامه \ انا هذا قراري ولا راح اتراجع عنه وش يضمني انك اذا زعلت ما يتغير كلامك .., زياد\انتي وين من البنات هذولي.., عوق\ماعرفتني بينهم.., زياد يبتسم ويرفع حاجب\ما ادري لكن بشبه من عندي.., الي تضحك وسنونها طايحه تشبه نفوله بنت جزاع يمكن امهازوجة جزاع..! والبنات الثنتين الي جنب بعض اتوقع بنات مسلط يشبهون عياله..؟ وهذي الي لابسه عبايه شكلها عباة امها والطرحه ما ادري كيف جايه من خوات جزاع.. والي شعرها طويل وعلى جنب يقال يعني انها تسريحه شكلها انتي..! عوق تبتسم\كلامك كله صح.. زياد با استغراب\والصوره هذي الولد الصغير الي اتوقع انتي الي شايلته اما عبدالله او نمر عيال مسلط.., عوق تبتسم \ صح هذا نمر وقتها عمره اقل من سنه .., زياد يضحك \والله شكلك تحفه با الصوره شايله شنطه وشايله الولدوش حادك على ها التعب.., عوق بخجل\ نلعب حريم وهذا كأ نه ولدي والشنطه معاي جايه زياره لريم صورتنا اخت ريم الي بياخذها نواف..! زياد يناظر المخده الي على بطني \ الله كريم.. حسيت بطني مغصني ويا الله ابلع ريقي ..! عرفت معنى المثل كاد المريب ان يقول خذوني زياد با استغراب \قديمه حيل الصور.., عوق \مومره لكن الكاميرا فوريه وتحسسك انها قديمه..! زياد بدهشه وفرحه \صور زواجنا ماشاء الله متى طلعتيها والله انها في بالي ..! عوق\ طلعتها ريم يوم شافتني تأخرت عليها..؟ زياديفتح الالبوم يبتسم بحب\تدرين انك الحين احلى بكثير من الصور احس في شي زاد حلاك حلى .. اردف زياد بضحك\ بنات خواتي ازعجوني يقولون وين صور زواجك..! عوق با ارتباك\عادي تبي الصور خذها ..؟ زياديغمض عيونه ويتنهد بهمس \وش ابغى با الصور اذا الاصل للحين قلبه شايل علي..!! سكت ما ابي اطول الكلام معاه.., زياد بضيق\نجلاء مره متأثره من الي صار بينا وتقول انا السبب خربت بيتك بدون قصد.., عوق \نجلاء مالها ذنب كلمتني اول ماجيت عند امي..! زياد يبتسم \انا عطيتها الرقم وقلت لها تكلمك ..! اردف زياد\ ترى كم مره يبون يجونك هي والبنات لكن مستحيات وخايفات ما تعطينهم وجه والا تطردينهم..! عوق با استنكار\لا والله متى ماجو حياهم الله ..!؟ زياد بضحك\لو يسمعونك جو لك بكرا..!؟ عوق با ارتباك وذعر\لا زياد تكفى انا تعبانه ومرهقه ها اليومين وبعدها امتحانات وتصحيح اذا فضيت خبرتك ..َ! زياد بتهكم \ تم يا مرهقه والف سلامه عليك انا ماشي توصين شي..! عوق بتوتر \ما عليش زياد ما اقدر اوصلك للباب .., زياد\عادي انتي ارتاحي عارف طريقي يالله سي يو.. مشى زيادوما صدقت بس طلع مع الباب واقوم اقفل الباب واكمل صلاتي.. الله يسامحك عيشتني برعب ما بغيت تمشي.., طلعت علشان اشوف عزيمتي لبنات ام ابراهيم...!؟ كلمتهم قالوا جايات من يفوت طبخ عوق..؟! حضرت السفره ورتبتها ولبست شال طويل بحجة البرد ما ابي احد يلاحظ حملي منهم.. دخلو بنات ام ابراهيم الجوهره وروان وميعاد وملاك يا الله من زمان احس عنهم.., سلموا وعتاب وهواش اني قاطعه .. عوق با استعطاف \ طيب انتوا ليش ماتمرون..؟! ملاك \انتي داريه عوق احنا ما نطلع الا لبيتكم وحتى بيتكم لازم عزيمه..؟! روان تضحك \يعني افهميها عوق ملوكه موعارفه توصل المعلومه ليش ما تعزمينا ونجيك..؟! عوق \ترانا بيت واحد تجون بأي وقت ماهي بينا ها الاشياء.. ميعاد با استنكار\تبين امي تتبرى منا كل ما قلنا ها الكلام هاو شتنا..! عوق بدهشه\ليه يا كافي بيتنا ماهو بيت مسلمين..! الجوهره بضحك\وكل هذا علشانه بيت مسلمين ..! تعرفين احنامانجي الانسهرامي تقول انتن ازعاج وام عوق ما تستحمل اصواتكن تسوهرن الليول..!؟ الناس وراها صلاة فجرعاد الافضل انا ما نجيك هذا قرار النوري الاخير..! عوق بتهكم\طيب يا خليفات ريم توني عرفت انكن خوات ماغيروكم با المستشفى..؟! امي بتتأخر با البر مرو علي اذا خلصتو ا امتحانات الحين معذورات.., ملاك بسخريه \ورانا عرس الشيخه الجوهره من يوم نرفع روسنا الا جا العرس..! عوق \الف مبروك جوجو.. الجوهره تبتسم بخجل \الله يبارك فيك ..! ميعاد\ عوق لازم تحضرين خلينا نستانس عرس الجوهره بيصير خطير الي ما يشتري يتفرج..! عوق \اكيد ان شاءالله بيصير حلو ماشاء الله جماعتكم واجد اذكر عرس ريم..! روان با استهزاء \لا عوق القصد ماهوكذا..ّ! ميمي تقصد ان حريم خوالي شابين على امي شبه.. اول ريم تزوجت جزاع والحين الجوهره اخذت نواف..! عوق با استغراب\ خير ان شاءالله وخالتي وش دخلها..! ميعاد ترفع حواجبها بقهر\والله من الحسد يا عوق والا صدق امي وش دخلها..! خالتي نفلا هي الي بغت الجوهره ولا ماكان تم العرس خالي وعياله ما يشكون خيط با ابره الا بشورها حتى امي وريم عارضوا وامي قالت لنواف فكنا يا نواف بنات عمك وراك والجوهره بيجيها رزقها.. ورغم معارضة امي وريم الا ان نواف اصر على الجوهره.., عوق با استنكار\ليش يعارضون البنت اذا جا يخطبها الرجل الكفؤ ما يجوز انها ترفضه شرعآ.. تستخير وتتوكل على الله.., روان \والله اذا جينا للجد ترى عيال خالي عبد الرزاق ماعليهم..! راعين صلاة وصلاح وصلة رحم وبارين في والديهم يعني مافي شي يعيبهم و خالتي نفلا تعرفينهاشوي حاره..! ملاك بحزن\حتى خوالي الثانين من ورى حريمهم الله يهديهم..! قبل كم يوم واحد من خوالي يقول لأامي ليت حريمنا مثلتس .. يمدن ايديهن ويرجعن بعظام وانتي يا نوره تمدين يدتس وترجعين بلحم..! عوق بتعجب \وش قصده من هالكلام ! ملاك \قصده ان امي اذكى من حريمهم هي تجيب لنا اللحم وحريم خوالي يجيبن لبناتهن العظام..؟ عوق\ياربي على التفكير ترى المزوج الله ماهو الناس..!؟ ميعاد \من يفهم ها الكلام والله امي تكسر الخاطر ان كانه من عماني والا خوالي..! روان\تخيلي عوق انها بس تبي الستر منهم لكن محد معجبه..؟ عيال عماني وامهاتهم حسبي الله عليهم كل ماجا احد يسألهم عن الجوهره بيخطب نشبوله قالوا لاتخطب نبيها..! موقفين حال الجوهره لا هم الي جو يخطبون ولاهم الي قالوا خلوها تعرس ..!؟ ينتظرون امي تخطب لابراهيم من بناتهم وبعدين يتكرمون يخطبون..! وابراهيم اخوي يا قلبي عليه صغير.., توه مخلص دبلوم ومتوظف من وين بيفتح بيت..؟! ملاك بتهكم \والحين وش استفادو عماني ابراهيم حلف ما ياخذمنهم لو يقعد بدون عرس..! عوق با استنكار وملامه\ليه يحلف هذي قسمه ونصيب الواحد ما يدري وين قسمته..؟ الجوهره بقهر\ابراهيم معه حق يا عوق يقول انا ماني لعبه لهم يفرضون علي بناتهم .., عماني سوو علينا ليله سودا بعد ملكتي على نواف.., وينهم من زمان انا ما طلعت لهم فجاءه ..!؟ من متى وانا مخلصه كليه وقاعده با البيت ..! اردفت الجوهره بقهر وسخريه\ريم اكبر مني بسنه وهذاهي عندها 3اطفال تعرفين جماعتنا يزوجون البنات بدري.., عماتي وعماني بينهم ماشاءالله الي فيه خير من عيالهم اخذوه لبناتهم والا بنات مسلط بطقاق..؟ وابراهيم اصغر مني بسنتين وهو ولد كانوا مخططين عليه..! عوق \ وش عليك منهم خلاص انتي تزوجتي وماعليك من الي يعارض والا يوافق ..؟! روان بحسره وقهر\عوق شي يحرق القلب فعايلهم فينا..! تخيلي وحده من حريم عماني دايم تسب عيال خالي عبد الرزاق ماهم عاجبينها يوم سمعت ان خوالي يدورون لنواف بيزوجونه راحت وخطبت نوف بنت خالي عبد الرازق على امل ان خوالي يخطبون من بناتها تحسب الناس عميان ما تشوف ولا تدري وش تفكر فيه .., لكن تعرفين خالتي نفلا جنيه ورافضة اصلن مبدأ الشغار خذ اختي واخذ اختك خلتهم لين يملكون على بنتها وصقعتهم بخبر خطبة الجوهره.. حرمة عمي بغت تنجلط بس وش تسوي تورطت واخرتها قالت لعمي لا تترك الجوهره ياخذونها خوالها نبيها لسلطان وسلطان اصغر من الجوهره با اربع سنين وطردهم ابوي صاحين انتم ازوج بنتي واحداصغر منها وللحين طالب يدرس با الجامعه.., ملاك بقهر \الله يكفينا شرهن ماهن مرتاحات الا لازم نصير مثل حظ امي.., ونتزوج شيبان ما يصير ناخذ شباب عوق \ انسوهم خلاص الرازق الله وعمي مسلط يستاهل كل خير.., روان بوجع\ابوي عندنا با الدنيا كلها الله يطول بعمره لكن من مثل ابوي ... انا لو يخطبني واحد مثل ابوي كان تزوجته لو انه كبر ابوي الحين وانا مغمضه ماتراجعت.. عوق بمحبه واعجاب \عمي مسلط من الي مثله والله عندي اغلى من الاقراب ..! روان \والله حتى ابوي يعتبرك وحده من بناته..! ملاك بضحك\روان خبري عوق كيف ابوي تزوج امي تصلح مسلسل بدوي قصتهم..! روان تبتسم\ سالفتهم تهبل اسمعي عوق .., عوق بدهشه\لايكون عن قصة حب .., روان بضحك\ هي قصة حب لكن بين ابوي وجدي ابو امي.., ابوي اكبر اخوانه توفى ابوهم وعماني وعماتي توهم صغار وابوي قام فيهم وكدوتعب عليهم وزوجهم كلهم.. يوم تقدم با العمر انتبه لنفسه وخطب من ناس واجد ورفضوه .. ابوي يقرب لجدي ابو امي من بعيد ويعزون ويقدرون بعض مره.., زاره ابوي مره وقال له جدي وراك للحين ما اعرست.., قال يا ابو عبد الرزاق ضيعت شبابي على اخواني..؟! والحين تناصف عمري وكل ما خطبت انرفض اني كبير با العمر.., قاله جدي ولك عندي الي ما ترفضك.., وتزوج امي وربي رزقهم فينا الحمدلله ميعاد\ربي عطى ابوي على نيته..! عوق \الطيبون لطيبات الله عوض تعبه في اخوانه.., روان \وليتهم يستاهلون ناشبين لنا نشبه الله يرزق خواتي من عنده عوق \ماعليه يابنات هذا حال الناس ما وقفت عليكم الحياه متناقضات محد يشوف خطاه..! ميعاد بقرف\بالله غيرو ها الموضوع المآساوي احنا جايين ننبسط ورانا السبت البعبع الله يعينا نواجهه..!! عوق\الجوهره خلصتي شغلك..؟ الجوهره\خلصت من زمان .., ميعاد بسخريه\هي خلصت بس عساها ما تقعد بالليل تهوجس والصباح تهبل في امي لسوق.., المشكله انها من هبالها ترجع تشتري نفس الشي مرتين..! روان بضحك\عوق لو تشوفين نمر جننها يقول انتي لو ماخذه رجل عوق وش كان سويتي فينا..!! عوق وهي عوق ما سوت سواياتس ولا شرت مثلتس..؟ عوق بضحك \لا عاد نواف والله يستاهل زياد يمدحه ما شاءالله ..! ملاك تضحك بتهكم \ما قلنا شي لكن الجوهره على ان نمر توه يتعلم يسوق.. وتعرفين شفقة العيال با السواقه اول ما يتعلمون طفش من السواقه بسبب كثر مشاويرها لسوق..! عوق \لا تبالغين ملوكه احرجتي جوجو.., روان ب استغراب \عوق ترى شفنا رجلك قبل ندخل كان واقف عند بابكم يكلم جوال..؟! يوم شافنا ركب سيارته ومشى.., ميعادبدهشه \استغفر الله ما عرفته الا بسيارته اذكرها يوم عرستس متغير ونحفان ..! استغربت عوق الطباخه رجلها جسمه كذاوالله يوم العرس ماكان كذا..! الجوهره\شكل عوق تطبخ له لكن تاكل الاكل قبل يوصل تشوفينها صايره دبه .., عوق بضحك \ كان موجود رجع لشغله فترة غدا عندهم وبعدين ترى شغله مرهق علشان كذا الاكل ما يبين فيه..! روان بضحك\لا قصدك بسم الله عليه ها الاكل وين يروح مع طوله ماشاءالله.., ملاك بممازحه \ فكونا من رجل عوق المهم تكفين عوق تعالي معانا.., شوفي جهاز الجوهره كانت تلوم ريم صارت اخس منها..! روان بتهكم \ملوكه بالله احناوش خسرانات كله بكرا يرجع لنا مثل ريم..! عوق بمشاكسه\سبحان الله با الانسان ينصح ولا ينفذ ليتني سجلت نصايحكم وسمعتها لكم يوم جهازي ..! ميعاد\والله عوق لاتتحسفين على شي انتي الي ربحانه فيهم..؟ عوق بتساءل\جوجو اخذتي مفرش والا باقي ..! الجوهره \لا للحين باخذه ان شاء الله بعد الامتحانات يمكن ينزل شي جديد..! عوق \لا تشترين باخذلك على ذوقي.. الجوهره منحرجه\تسلمين والله ماله داعي .., عوق با اصرار\شاريته شاريته والله لا ازعل لو اسمع انك شريتيه المفرش خلاص علي.. روان \من قدك جوجو عوق ام الذوق بتشتري لك مفرش.., انبسطت مع البنات اليوم وطلعوا بعد صلاة العصر.. صليت العصر وبريح شوي من الصباح وانا اشتغل.. اخذت الجوال علشان المنبه لا تفوتني صلاة المغرب.., <معلومه قريتها مره ودايم تحفزني ما افوت ها الفريضه> ( صلاة المغرب فإنها الساعة التي تاب فيها الله تعالى على آدم عليه السلام فما من مؤمن يصلي هذه الصلاة محتسبا ثم يسأل الله تعالى شيئا إلا أعطاه إياه) لقيت تنبيه رساله فتحتها من زياد؛ (ام العنود طبخكم اليوم ريحته شي مو طبيعي من طلعتي من بيتك اما مطاعم والا خدامات خواتي مافي احد يحن على حال اليتيم الي مثل حالي والله ما اصدق بس متى احد يعزمني كأني ماني شايف خير) ياليل ابو لمبه هذا ماهو جايبها لبر..؟ بينط لي كل شوي ماني فاضيه كل يوم عذر علشان ما يشوفني.., ارسلت له؛ (هذا طبخ خدامتنا كان عندي بنات عمي مسلط جايات يشوفوني عارفين اني تعبانه وتغدوا) اكيد هو داري انهم بنات ابو ابراهيم شافهم يوم يطلعون من بيتهم الي مقابل بيتنا على طول ودخلوا عندي .., ناديت الخدامه وقلت لها صحيني على اذان المغرب.., جوالي قفلته مره وحده عارفه ان زياد ماهو معتقني وانا ابي اناااام.., نمت وصحتني الشغاله على اذان المغرب صليت وقريت اذكاري وردي متعوده اقراهم على طول بعد صلاة العصر لكن اليوم اخرتهم بعد المغرب اليوم فاضيه لا تصحيح ولا تحضير.., الحمدلله حتى نفسيتي افضل بكثير من الايام الماضيه طلعت لسور بيتنا الجو بارد..؟ رجعت لغرفتي البوم الصور على مكانه فتحته فعلن زياد متغير عن يوم زواجنا.. من تزوجت تو كملت خمس شهور وزياد مره نحف على نحفه يمكن متأثربموت امه الله يرحمها تذكرت امي اشتقت لها بكلمها لكن خلاص ما راح اقول لها ترجع خلها تستانس.., فتحت جوالي وكالعاده تنبيه رسايل رساله من زياد؛ (تسمحين لي اليوم اجيك واتعشى من طبخ خدامتكم من يوم شفته با الحافظات وانا انسدت نفسي عن الاكل مشتهي طبخ خدامتكم ارحمي حال اليتيم الي ماعنده ام ولا علشان انتي عندك ام تكبرتي علينا) لاحول ولاقوة الا بالله هذا وش الحل معه.. ارسلت له ؛ (مو مشكله بقول لخدامتنا تطبخ لك وتحضره لك با المشب الخارجي تعشى وتتوكل على الله انا تعبانه وبناام ) ارسل على طول ؛ (اللهم اجز عنا كافل اليتيم خير الجزاءاللهم اجعله مع الرسول الاعظم في الفردوس الاعلى) عسى بس ما يقول افتحوا انا عند الباب ارسلت له؛ (اذا انت تبي عشا مضبوط خلك في بيتكم واذا خلصت الشغاله عطيتك خبر) ارسل؛ (على اني قريب من بيتكم لكن خلاص برجع وانتظر اتصالك) ارسل بعدها رساله؛ (طويله قصة عيونك وانا عمري بها موجود تعيشني الا مل لحظه وتكسر حاجز الواقع يقولون من قديم الوقت من سافر مصيره يعود وانا سافرت بعيونك ولا ادري متى راجع) يا ليل الرسايل الا ماعاد تخلص هذا وش بلاه.. يا خوفي ان سيارته عند بابنا ماهو على قولته قريب هذا ما صدق اعطيه وجه.., بخلص شغلي لا يطب علي هذا خلاص اخذت رجله على بيتنا والله ما عاد يفك.., صلحت عشا لزياد وحضرته له بالمشب.. وحذرت الخدامه اذا سألها زياد من صلح العشا تقول هي..! ارسلت لزياد عشاك جاهز وخبرت الخدامه تنتبه للباب الحين بيجي زياد.. ودخلت غرفتي وقفلتها تحسب لجنون زياد وكلمت امي على جوال سعد قبل تنام.., ام عوق\هلا وش عندتس اليوم داقه مرتين.., عوق\لا يمه حياتي بس مشتاقه لتس.., ام عوق\الله يسلمتس وشلون امورتس .. عوق\ابشرتس طيبه من البيت للمدرسه.. ام عوق\وال مسلط اخبارهم.., عوق\ماعليهم طيبين عرس الجوهره اول الاجازه تحضرين.., ام عوق \عندي خبر اشوف يمكن اني احضره.. نوره ما مرتس ..؟ عوق\الا والله ماتقصر تمر هي وبناتها.., ام عوق\ الحمدلله ما قصروا قبل بيقصرون ها الحين المهم لا تنسين وصاتي لتس عوق \وش وصاته يمه.., ام عوق \والله ماعندي الا سعد وام ناصر وشابين نارنا.. ازين من حبست البيوت الي جابت لنا الامراض والتكاتره الي يعلون القلب بسوالفهم..! عوق\يمه وش تقولين ..! ام عوق\سلامتس يوصل سلامتس وهم بعد يسلمون عليتس.. عوق بخوف\يمه اسم الله عليتس وش فيتس ام عوق \مافيني غير العافيه ما ابي شوفت التكاتر والله لايحيجنا لهم .. ولا تتركين البيت لين اعود وماهو تفتحين الباب لكل من هب ودب..! وانا موصيه نوره ما تخليتس تعستس كل يوم .., عوق با ارتباك\طيب يمه..؟! ياربي امي وش قصدها بكلامها لايكون تدري ان زياد هنا يا فضحي منها وهي اخر مره طاردته.., تلميحاتها ماتبي سعد واهله يدرون وش بيني وبين زياد لكن توعدني لودرت اني عطيت زياد وجه انا وش خلاني ارد عليه واعطيه وجه يويلي منها لودرت من الشغاله انه دخل غرفة نومي والا اني طابخه له عشا وجا وتعشى هي وش قلبها عليه كان خلتني بس انا وهي محايده بينا.., انا استاهل كبرت السالفه وامي دخلت فيها.., حتى لو برجع وشلون بحط عيني بعين امي عقب الي قلته لها.., قمت صليت العشا وفتحت قرآني اللهم اني اسألك الانس بقربك اخذني الوقت وانا اقرا قرآن .., ما انتبهت الا على صوت الجوال وناظرت الساعه كانت ثلاث الفجر والمتصل زياد ما رديت عليه قمت كملت صلاتي وانسدحت بفراشي اخاف انام وتروح علي صلاة الفجر.., امي حياتي بعيده والا هي الي كانت تصحيني ما ترتاح لين اصحى قدامهالصلاة الفجر ارسل زياد عوق؛ (اذا انتي صاحيه ردي) ما رديت ارسل رساله ؛ (تسلمين حبي على العشا والله ما ادري وشلون اشكرك انتي وخدامتك يوم عطفتواعلى حال اليتيم المسكين الي هو انا) ارسلت له؛ (الحمدلله يوم اعجبك العشابوصل شكرك للخدامة ) ارسل؛ (عوق تكفين ردي ما فيني نوم) يا بلشتي انا وش خلاني ارسل بينشب لي مثل امس سبحان الله بكل شي مستعجله وان درت امي اني اكلمه بتزعل علي وهذا ازعجني يدق برد عليه وبسكر الصلاه قربت عوق بحده\نعم انت ماتنام.., زياد\هلا اخيرآرديتي عوق بتهكم\والله من ازعاجك رديت..؟ زياد\مسموحه ام العنود.., عوق بتذمر\ياليل ام العنود.. زيادبحزن\ليش هذا اسم امي الله يرحمها ماهو عاجبك.., والله لو يصلح ان الواحد يسمي بناته نفس الاسم لو يجوني عشر بنات مالهم الا ها الاسم.., عوق\وانا وش دخلني الموضوع هذا احتفظ فيه وناقشه مع امها.., زياديضحك \وهذا انا اتناقش معها.., عوق بسخريه\يا حليلك تحلم بروح اتعشى جوعانه.., سكرت وبدون ما انتظر جواب زياد فتحت باب غرفتي وطلعت با كل شي ذبحني الجوع .., دخلت المطبخ الا بوجهي .... . . . (كلمه اخيره) يا ابن آدم . خالف موسى الخضر ثلاث مرات , فقال : هذا فراق بيني وبينك .. وأنت تخالف الله في اليوم مرات , ألا تخشى أن يقول لك : هذا فراق بيني وبينك ؟! الحسن البصري . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
بارت رائع كعادتك ام ا لوليد. سلمت يداك
عوق الى متى بتخبي حملها. المكشوف. زياد واضح انو بعارف بحملها متشوقه لأرى ما سيحدث. مبدعه دوما دمت بود |
لاااااااااااااااااااااا وش هالقفله ام الوليد خلتيني اشهق معها حرام عليك وش ينطرنا ليوم الثلاثاء
ام عوق رسالتها المبهمه لبنتها رهيبه جايتك مره ثانيه بتعليق مطول لكل حدث بالبارت وش يصبرنا الله يهونها و يسامحك على هيك قفله |
عوافي أم الوليد البارت روعه بروعة كاتبته بس يااااااليت تخفين علينا من القفلات مايكفينا قفلات صدود ؟....ولا متفقين علينا ....وبالنسبه لوقت نزول البارت هل بتكون دائما مسائيه ؟؟..... عوق أعترفت انها مالها الازياد بس كويس انها للحين مالانت له لأني أشوف الكلام اللي قاله لها كبير مره في حقها ولايشفع له ابد كونه حزين أوحتى غاضب ..رحمتها مره وهي تقوله صدمتي فيك يبيلها وقت ..وأهو بعد يبيله وقت يراجع كلامه ويندم أكثر على غلطه بحق وحده خطاها أنها حاولت تطلعه من حزنه بطريقه غلط ...أما وضحى فماشألله عليها حتى وهي بعيده لازالت مستمره بخططها بعيدة المدى ..وماأستبعد أبد تكون موصيه نوره تراقب لها عوق وتعطيها أخبار زوارها .......وفقك الله وسدد خطاك |
يعطيك العافية قفلة مشوقة بعتقد ان زياد هو من تفاجئت به صعب ان تكون وضحى شكرًا لك على استفتاحك بالدعاء لبلدي جعله الله في ميزان حسانتك وتقبل منك الله يرضى عليك في الدنيا والاخرة
|
بسم الله الرحمن الرحيم السلام عليكم ورحمة الله وبركاته تقف الكلمات حائرة أمام هذا الإبداع المتواصل فلا تصل لما أريد أن أوصل لك سلمت يداك على ما خطَّت وجزاك الله خيراً على هذا الدعاء اللهم آمين فرج عنهم كربتهم وسلط على عدوهم من لا يخافك ولا يرحمه وأرنا به عجائب قدرتك يا حي يا قيوم جزء ولا أروع رغم أن قفلته تكتم الأنفاس خشية ألا يكون من خرج لها من المطبخ هو زياد لا أدري لم يراودني الشك أن يكون ابن جارهم قد تسور منزلهم دون أن يحس به أحد وهذا ما سيدعوها للعودة مع زياد دون قيد أو شرط خصوصاً أنها تعلم كم يحبها وكم هو متعلق بها ورغم أني أتمنى أن يكون زياد إلا أني آمل ألا يلاحظ حملها حتى تطمأن حين تعود إليه أنه أعادها لأجلها وليس لأجل حملها عوق............ تعرف جيداً أن الخيارات أمامها تكاد تكون معدومة فهي بوضعها هذا لا يمكن أن تتحمل أن تحمل لقب مطلقة خصوصاً ومعها طفل ثم كيف ستقدر على مواجهة نفسها أولاً وهي تعلم أنها تحبه وأمها ثانياً حين تعلم أنه قد زارها في منزلها ودخل غرفة نومها ولم يكن بالبيت سواها وأنها قد دعته للعشاء في بيتها وطبخت له بنفسها من يصدق بعد هذا أنها لازالت غاضبة منه وهي تكلمه وتراسله وتدعوه وتستقبله فهي بهذا كمن يرفض الشيء وهو أحرص الناس على الحصول عليه كما يقول المثل {{ يغصبني وأتغيصب }} هو قد اعتذر وبرر نفسه وأخطاءه فكان لزاماً عليها أن تتخذ المبادرة وتلمح أنها على استعداد لقبول الاعتذار بشروطها لأنها تعلم أنها عائدة لا محالة فلم لا تتخذ الخطوة من موقع قوة قبل أن تُفرضَ عليها زياد............. رغم أنه ليس له من عذر فيما فعل بها إلا أنه يحسب له أنه لم يكابر على خطئه واعتذر منها بشكل مباشر وغير مباشر وحاول أن يبرر لها أسبابه لم فعل فالمواجهة نصف الحل للمشكلة لأنه لو ظل يتهرب من مواجهتها كما فعل في بداية مشكلتهما لما لان قلبها واستطاعت قبول اعتذاره وتبريراته هو يحتاج لقرصة أذن شديدة من وضحى قبل أن تعود له عوق أولاً على خطئه بحقها وثانياً لدخوله البيت دون إذن صاحبته حتى ولو كانت عوق فيه فلابد أن يستأذن وضحى ويطلب منها السماح له بمقابلة زوجته ومحاولة إصلاح ما فسد بينهما عائلة أبو إبراهيم........... منطق أعرج ما تحدثت عنه الفتيات ولكنه موجود في الواقع ولا نستطيع إنكاره فكثير من الناس الآن إذا أرادوا أن يخطبوا لأبنائهم ذهبوا لأبعد مكان وبحثوا عن أجمل النساء بغض النظر عن تربيتها وبيئتها وكيفية نشأتها وحين يتعلق الأمر ببناتهم ينتقدون أبناء العمومة لم لم يتقدموا لهن وإذا سمعوا بخاطب يتقدم لإحداهن قالوا أنها محجوزة لفلان علَّ فلان يسمع ويُحرَج ويتقدم لخطبتها والعكس صحيح بحيث إذا تقدم لإحداهن خاطب وهم يريدون أخيها قالوا سنخطبها علَّ أخاها يسمع بذلك ويتقدم لإحدى بناتهم فيخطبون أخته بالمقابل أعرف امرأة قالتها لي بصريح العبارة {{ ما بناتي كخا وعيالي حلوين }} حين سألتها لم لم تخطب لأبنائها من بنات جماعتهم فقالت أنهم ذهبوا يبحثون لأبنائهم عن زوجات عند الآخرين ولم يخطبوا بناتي بحجة أنهن غير جميلات فكيف يريدون مني أن آخذ بناتهم لأبنائي!!!!!!!!!!! الرازق بالسماء والحاسد بالأرض ألا يعلمون أن الزواج قسمة ونصيب وأن الله عز وجل وزع كل شيء بقدره ففلانة لفلان وفلانة الأخرى لايكتب لها أن تتزوج وفلان الآخر يتزوج هذه ويطلق الأخرى أليس هذا مكتوب بصحائفهم فلم الجزع ومحاولة قطع الأرزاق غاليتي................ سلمت يداك على هذا الإبداع بانتظارك دائماً بشوق دمتي ومن تحبين بحفظ الله ورعايته |
مبـــــــــــدعه ام الولــــــــيد.:55:.كاالعاااده..استمتاااع بكل حررف خطته آنااملـــك..كل يووم اربعاءواناواخوواتي سوالف عن عوواق وامهاوزيااد..وبين حش في زياادودعااوي عليه..وبين مؤيدلعووق ومعاارض....
حمل عووق وانهاماتبي احديعررف مدرري ليه.......؟رغم ان كل شي واضح مهماسووت وشكلهامشكله نفسيه..الحمل مهماصاررمايتخبى ابد...دايم العجايزعندنايقولوا..ثلاثه ماتتخبى طال الزمن اوقصر..الحمل والزواج والطلاق.... وضحـــى حكيمة زمانهامازالت ترسل رسائل لعووق بطرريقه غيررمباشرره.وعووق فطينه تعررف بكل شي.... عجبني حكاية خووفهامن امهاانهاتعررف ان زيااديجي عندهاهههههه ذبحهاهاالزيااد..احسه عفووي بطرريقه غرريبه .....بجدفشله والله قبل نافخه نفسهاوطالبه الطلاق واهمهاتحااول فيها..ودحين طاقه حنك معه وعشى قوويه بجد..رغم انه طبيعي وموحررام..بس حناتحكمنااكثرشي الآعراف والسلووم والعادات زيـــادابووالعنوود..واثق الرجال انهابنووته...وبعدين احس تخصصه مدري كيف رغم اني اتمنى ان يكوون هناك مستشفى متكامل نساءوولاده كله دكاترحرريم .لااشووف خشتة رجل ...اسأل الله ان يتحقق دام قلمك المبدع :welcome3::welcome3: |
طيف الأحباب يسلموو يالغلا على هالبارت
الخطيير اتوقع بل تمنى يظهر الوحام ويشتد على عوووق وحام فيض المشاعر و الحساسية وتصير ما تشوف في هالدنيا غيير هاليتيم المسكين زياد كلام وحده مجربه الوحام النفسي ما غير ياشر بعلي شمال طرت للشمال يمين يمين وبعد ولادتي ببنتي مها فقت من الغيبوية و اطالع في البيت تغييرات مستحيل كنت أقبل فيها وانا بكمل قوايا العقلية خخخخخخخخخ حلوة قوايا العقلية عجبتني بس جد طيوووف احس عوووق ناشفه حبتيين و بدى موقفه او ردة فعلها مبالغ فيه اكيد هو قلمك الرشيق والرأي الأخير والأول لك بس من تجربتي في الترحال بين الروايات والسطوور هناك سطور مشاهد مواقف بعض الوقوف عليها لبارتات كثر تجعل منها ممله وننسى الموقف او المشاعر التي بنيت عليه هذه البارتات من الجفاء والهجرآن أمنى لك السعادة السلام الحب التوفيق أحبك سامحيني أنا أسفة شكرا |
اهلين طيف الاحباب
قفلة قوية للبارت زياد بدأ يذوب زعل عوق باسلوبه ويلتمس منها العذر علي مابدر منه وان شاء الله ينصلح الحال بينهم الوضحي مدري عندي احساس انها في المستشفي او تقول دكاتره وقرقتهم تقصد زياد اكيد تلمح لها ها. الوضيحي. سنعه لبى قلبها بس يمكن الوضحي عندها خبر وزياد مستأذن منها المسكين شاف الحافظات وشم ريحة الاكل الله عليك ياعوق علي الاقل عطيتيه غداء ارحموا من في الارض يرحمكم من في السماء / ااااعتقد هو الي شااافته اااكيد مارااح شافها تعبانه وجلس عندها اذا احتاجت شي الا هو موجود بنات مسلط ياحليلهم وسواااالفهم وقصة امهم وابوهم والناس ماتخلي احد اجل تاخذ اللحم وهم ياخذون اعظام الى متى بتخبين حملك ياعوق هههههههه حاطة مخدة عارفة انه بيفطن لها بس زي ماقلت اكيد الوضحي موسدة العلم هذاهو يناديها ام العنود وتسلم اناملك الراااائعة التي كتبت لنا هذة التحفة الفريدة التي في خباياها عبر وعظاات وفي انتظااارك عزيزتي دمتي في حفظ الله |
السلام عليكم ورحمة الله وبركاته
اااااااااااااااااااه قلبي عورني طيوف عهدي فيج طيبة ليش هالجلطة اقصد القفلة الغير شكل واااااي ما ابي اتوقع شي خايفة حدي لا اقول زياد عمود الانارة اللي في الشارع يطلع الصايع يبي ينتقم منها والا امها تكون جت يبووووووووووي والله حرام قلبي عورني كنت شايفة نفسي امشي ورى عوق جني مصور سينمائي وفجـأة احد فصل الكهرباء هذا احساسي بالضبط حبيت اعلق على نورة يختي هالمرة كل بارت احبها اكثر وهالمسلط يازينه شفت ملامح جدي الله يرحمه فيه تصدقين طيوف والله ودي اكون مع بنات مسط يازين ايام الربكة والجهاز والله ما اخلي جوجو الا اطفشها بتعليقاتي اعوفها العرس ما اخليها حتى عالكوشة المسكينة ما صدقت وانا الا اخرب عليها وعلى طاري الخراب تراهم كثار اللي على شاكلة عمان وخوال الجوهرة اكثر بواجد من اشباه امها وابوها والواحد لو ما الستر من الله وربي ليبلعونه قرابته ولحمه ودمه من غير ملح على قوله عوق واللي قال القرايب عقارب ماكذب الله بس يبعد عنا الخبيث من الناس وعقارب الانس والله الدنيا من غيرهم بخير طيوف صج وقفتي قلبي وخليتيني احاتي هاليتيمة بس تستاهلين الف عافية وعسى الله يحرم كلج ومن تغلين ويغليج على النار.........نمورة |
السلام عليكم ورحمة الله وبركاته
اسعد الله مسائك برضى الرحمن الظاهر ان عدوى القفلات انتقلت لك ام الوليد اللهم آمين يارب إرنا في بشار عجائب قدرتك عاجلا غير آجلا سالفه حلوه ام الوليد كنت أتوقع ان ام عوق متفقه مع زياد طلعت غلطانه الحرمه شايله عليه وواقفه مع بنتها وعارفه ان عوق بتستسلم له في وقت غيابه فحبت تحذرها من انها تلين له عشان يعرف قدرها زين ما اعتقد انها شافت زياد زياد كان معها على الخط ويكلمها يعني بتسمع صوته قريب خاصه ان الوقت برد ولا فيه تكيف يمنع الصوت ولد جيرانهم له فتره ساكت يمكن يخطط على شئ النوعيه هذه عندها قدره على الصبر الى ان تأخذ اللي تبي حسبي الله عليه اذا افترضنا ان ولد الجيران كيف بتتصرف الهرب حل والاتصال على زياد هو الحل الأمثل بس ليش ما نفرض ان أمها رجعت وهي اللي كانت في المطبخ والله حيرتني يا ام الوليد دام لنا نزف قلمك المبدع |
اقتباس:
الله يسم روحك ماعليك عوق مالها الا وصف ريم لها في البارت القادم الابداع هو وجودكم في متصفح نوح الحمام اقتباس:
هلا بك ام تركي المشكله ان القفله ضروريه علشان الاحداث القادمه لو كملت وقلت من طلع لها حسيت ماراح ينفع قلت بشوف توقعاتكم مع ان التوقع سهل في انتظارك ام تركي |
السلااام عليييكم ياهلاا والله وغلاا .. تستااهلييين التمييز يا ام الولييد وتستااهل الرواايه الصدااره بلاا منافس .. لامن حيث الفكره المميزه .. ولاا من حيث الاسلووب السلس البسيط اللي يدخل القلب بدون تعقيد .. ولاا من حيث الحكمه والنصاايح اللي في الرواايه ،، عوق وزيااد قصه مؤلمه جداا ومهماا طغت الرااحه والسعااده على حياتهم الاا ان الالم الدااخلي راح يكون رفيقهم للابد .. الااا اذا العبد ايماانه قووي .. وصبر واحتسب .. وايقن بان لله حكمه في ذلك .. ولعل في ابتلااء واختباار من الله .. عوق و زياد بنظري .. اهوون من امثتالهم اللي في مثل وضعهم .. ربي سخر لهم امرأتين حنووونتين .. وعاملووهم مثل ابناائهم او اشد حناان .. لكن غييرهم لازاال يعاااني .. وغيييرهم يرفض واقعه ويبي يلجأ لاسااليب يعتقد انه فيهاا ينتقم من مجتمعه ووضعه .. وهو ما ينتقم الاا من نفسه .. بلحظه ضعف .. روااااايه رغم مافيهااا من التفاااؤووول الااا انهاا حقاا مووجعه .. وفيهااا عبرر ودرووس رائعه .. لاحرمك الله اجرهاااا ... وحرم يديك عن النااار .. وجميع من أمن ... بآذن الله راح تكوون نقطه قوويه لانطلااق ابدااعك .. بالتوووفيييق ياارب .. ( ام وسن ) |
بارت و لا اروع طيوفه و قفله تحبس الانفاس المتوقع ان زياد الي شافته طيف و يارب يكون هو و لا غيره حرام عليك وش يصبرنا ليوم الثلاثاء
|
اقتباس:
والله القفله مجبوره فيها والا الغاليه انفاس قطر والمبدعه ضمني بين الاهداب ماقصرو فيني قبل عارفه شعوركم البارتات لا على موعدنا قبل بعد الظهر اذا بارتين با الاسبوع اما اذا ثلاث بتكون مسائيه بعد الساعه عشر بنشوف كيف بترجع عوق وتنسى اساءت زياد وضحى رجوعها قريب بيكون في بارت السبت بأذن الله البارت القادم لعوق وزياد وريم بس اسعدني مرورك مهاوه اقتباس:
هلا وغلا الله يعافيك وبكر ى بأذن الله بتعرفون من الي شافته عوق الي في المنتديات الثلاث مافي احد اشار له من بعيد ولا من قريب اللهم امين وينصر سوريا الابيه اسعدني مرورك |
اقتباس:
اقتباس:
عوق مالقى وصفها الا ريم الي بنعرف وش قالت في بارت بكرا الوضيح عارفه ان بنتها تهدد بس كلام وبتوريها شقلها اذا رجعت من مشوارها بنشوف زياد ابو العنود بيصير والا ابو نمر والله امنيه نتمناها كلنا معشر النساء وعوق معانا ان يكون في مستشفى متكامل من العنصر النساء اسعدني مرورك الراقي |
اقتباس:
هلا وغلا لا ما عليك عوق وحامها خفيف الي بيرجعها لزياد شي اكبر من الوحام والسطر الاخير مافهمت والله المقصودمنه يا الغلا قصدك اني اعيد المشهد والا كيف انا والله ما ادري وش المعاد لكن الروايه انا منتهيه عندي مجرد ما ارتب البارت وانزله ما ادري وش المكرر اسعدني مرورك الراقي في ثنايا نوح الحمام احبك الله جيلو واصلح لنا ولك النيه والذريه |
اقتباس:
زياد وعوق كلهم غلطانين هو يمشي ويدق الابواب الغلط علشان يراضيها وهي تكابر انها ما ترضى بنشوف الوضيح ارجعت من مشوارها وش بتسوي فيه بنشوف الي شافته عوق بكرى بأذن الله تمنيت والله ان احد عرف مين هو اسعدني مرورك الراقي اقتباس:
هلا وغلا نموره والله القفله مجبوره عليها وبتعرفون بكرا خلاص بنات مسلط وكلامهم شي من واقع مجتمعنا ما نقدر ننكره فعلن كثير من الاقارب عقارب ومرات يجي الخراب من اقرب الناس بحجة المصلحه اسعدني مرورك ونقاشك العذب المميز اقتباس:
هلا وغلا والله القفلات عندي عقده منها سببوها لي الغاليات المبدعه انفاس قطر والمتألقه ضمني بين الاهداب لكن وش اسوي مضطره خصوص بها البارت علشان البارت القادم احداث بيكون نتيجة ها القفله تتوقعين الوضيح تتفق مع زياد وزياد لما زعل دعى على الي جمعهم لا الوضيح لها تخطيط ثاني بنشوف من الي طلع بوجها ولد الجيران اكيد ماراح يسكت اسعدني مرورك العذب الراقي |
اقتباس:
هلا وغلا ام وسن الابداع هو وجودك في متصفح نوح الحمام المتواضع والفوز با التصويت ماهو دليل فوز ابدآ انا واثقه وعارفه ان روايتك افضل وبمراحل من نوح الحمام من الظلم مقارنة كاتبه عملاقه مثلك في كاتبه مبتدئه مثلي وبصراحه اتمنى فوزك من كل قلبي واعتبره اكيد فوز لي ما انسى ما حييت رواياتك وبا الخصوص اعطني حريتي الي تعتبر من اجمل ما قرات اللقطاء الشي الوحيد الي ما كنت افكر بيوم اني اكتب عنه لو مهما كتبت لقوة معناتهم ومستحيل بنوصل شي منها او نلمس احساسهم لكن قدر الله وما شاء فعل ودفعت من خلف الكواليس اني انزل نوح الحمام الي ما توقعت بيوم انها تدخل قلوب الا الاف من القراء سبقتي الاحداث يا مبدعه في حوارات بتكون بين عوق وزياد عن مشاعرهم الحقيقيه اتجاه كونهم لقطاء اعرف انه ماراح يلامس من واقعهم شي لكن لكن مشاعر احبرتني اني احولها مشاهد حضورك مميز واعطى لنوح الحمام تميز وبريق خاص |
السلام عليكم ورحمة الله وبركاته اللهم آمين اللهم ليس بيدنا شيء سوء الدعاء فأنت اعلم بحالهم و ما خفي علينا تعلمه اللهم تقبل شهدائهم و ثبت عزيمتهم و اهزم بشار أعوانه سالفه جديده برسائل جديده مفعمه بالروعه اول رساله غير مباشره ان كل انسان حين تكون نفسيته مرتاحه و منشرح يرى كل شي جميل ومريح ويكون مفعم بالتفاؤل والامل وهذا محدث مع عوق هي شعر براحه بعد ان علمت وايقنت من تمسك زياد بها بدأت ترتاح من الوحم الذى ثلاث ارباعه حاله نفسيه حتى انها لم تلحظ تغير زوجها الفعلي بسبب بعدها وهم فراق والدته الا الان بعد ان بدأت تشعر بالحنين له و هنا رساله غير مباشره اننا حين نغضب من شخص لا نراه بصورته التي هو عليها وانما ننظر بالم جرحنا منه الذى لا يبصر الرساله الثالثه ان الزوجين تصغر المشكله بينهم حتى انها تمحى ولا يعد لها اثر لكن تظل عالقه بذهن الوالدين اذا علماء بها ولا ينسونها وتظل حسره بقلوبهم مهما فعل احد الطرفين ليمحيها مع اي موقف يحضر الموقف بذهنهم الذي فعله ام عوق هي تعلم بكل مايدور في بيتها ولم تقل ماقالته الا بعد علم يقين اما بعد محادثه من زياد الذى اتوقع على تواصل معها ولم يقطع الاتصال بها تعلمين من هذا البارت شعرت ان زياد يعلم بحملها منذ مده وتاكد من ذلك برويتها لانه لم يتفاجئ من تغيرها وممكن ان علم من تغير جسمها حتى من فوق العبايه فالعاشق يرى بقلبه وليس بصره زياد وزيارته لها مرتين في اليوم لمدارات عيون الناس عنها وهنا يمكن ابو ابراهيم اخبره بشكل غير مباشر ان لا يقطع حضوره لزوجته فالجميع يعلم بذهاب والدتها فلا يدعها لكلام الناس اسلوبه بالحديث مع عوق وهو بغرفتها اسلوب شخص دارس علم نفس ويفهم بنفسيات الاخرين لدرجة انه حين كان يتحدث معها كانه ليس هناك مشكله من الاساس حتى تهربه من سؤالها وتغيره للموضوع وحديثه عن الصور فهو اخذ يتحدث عن القديمه وهو متشوق لرؤية صور زفافهم وارسل لها اكثر من تنبيه غير مباشر انه يعلم بحملها ولم تلتقط ذلك عوق بسبب انشغالها بكشف حملها الذى اصبح كارتفاع الشمس بكبد السماء بنات مسلط وحكاياتهم كم هو محزن مع العلم وانتشار الوعي الديني بين الاسر مازال هناك عادات تشربها المجتمع وعتبروها كانها منزله عليهم من الكتاب والسنه لم تتغير ومنها تعليق البنت على حساب ابناء عمها وهم يرتعون ويلعبون من كل حدب وصوب والإرداء من ذلك ان اخوة ابو ابراهيم لم يكلفوا انفسهم بسبب انانيتهم ان يردوا لو جزء بسيط من جميل اخوهم عليهم الذى من المفروض يكون بمثابة الاب لهم الحسد الذى اعمى بصيرة زوجات اخوة مسلط يحسدون الاعمى على كبر عيونه هنا اجد رساله اخرى ان الانسان يستطيع رد كل حسد الناس عنه بالعمل الصالح الذى يعمله و التحصين وهذا ما لمسناه من حياة نوره و ابو ابراهيم ابراهيم من كان غائب عن احداث القصه كنت اتوقعه ميت وذكره باقي طلع موجود ومن شابه اباه ما ظلم عوق وهروبها من تواجدها مع زياد فتح له مجال ان يمكث في البيت طوال الليل وسيارة تقف امام بابها وهذا سوف يبعد عنها ابن الجيران هل تناول العشاء بشهيه مفتوحه بعد ان تاكد من حملها ؟ ام انه فقط اراد اسلوب لمكوثه ولم يجد غير هذا الحل و لم ياكل سوى الشي البسيط ننتظر تدفق قلمك المبدع النير ياراقيه استودعك بحفظ الرحمن |
السلام عليكمـ...
. . . الف مبروك التميز الي أنتي أهله... الف شكر للحبايب هنا الي يقدرون الأقلام الجاده بطرح...الله يثمن تعبهمـ... . . . عوق تبي تأدب زياد وضاعت في السالفه...=) قصة زعل زياد وطردته لعوق.. فيه حريم يمتصون غضب الزوج حتى لو طردهم بحزة زعل بينهم لآيجلسون ويصممون لأنه مكانهمـ... عندهم قوة صبر ونظره للبعيد... وفعلاً فيما بعد سنين من الصبر يصير الزوج خاتم با الاصبع ..حكمه في بعض الحريم=) . . .. زياد طاح الي في راسه وتأدب خلاص... بقى نتظر الصغنون يشرف...^^ أقول أذا ماصارت بنت الي ببطن عوق فرضٍ ...=) وفاجئتينا بـ ولد مثل البدر...^^ فا سميه.. [ اليزيد....] وش تبين بـ أسم نمر الي ناويه تسمينه ....يختي أسم متوحش ويحسسك با الرعب ... شوفي موسيقى الأسم ... اليزيد أبن زياد.....فخامه صح...=& الزبدهـ سمي على ولدي لآ أوريك شغلك هناكـ>>فيس التهديد..:peace: . . . أسفه على عدم تواجدي بشكل مستمر... والله هذا المتصفح متميز وأكبر من أن يفقد تواجدي..لكن أقدم اعتذاري بكل الأحوال و دعواتكم لـ اليزيد بشفاء... . . . |
السلام عليكم ورحمه الله وبركاته
اللهم آآآآمين.....آآآآآآآمين.... آآآمين اللهم ارنا به عجائب قدرتك وازل شره عن الشع السوري عاجلا غير اجل الف مبرووك ام الوليد على التكريم تستاهلين كل خير لالالا ماتفقنا كذااااش هالقفله الي توجع القلب حراااام انا اقول يمكن انها الوضحي او الفاسد جاارهم ام الوليد شكل زياد عرف بحمل عوق من بعض المدرسااات الي يراجعون عنده وحده فيهم بطت السالفه عنده وهي ماتدري بالي بينهم وشكل رجعتهم لبعض قريبه مره وخاصة ان الوضيح قربت تجي وتسنعهم عدل اعذريني يالغلااااا على ردي مو قدرك والله بس ظروف الله يعينا عليها ام اليزيد اللهم يشفي ولدك شفاء لايغادره سقما وتقر عينك بشوفته سالم معافى ويخليه لك ولا تشوقين فيه مكروه |
الف الف الف مليون مبرووووووووووووووووووووووووووك تستاهلين الزود فديتج ما هي غريبة فوزج لان القصة ما تعبر بس عن اثنين ابطال تعبر عن ملايبن الاطفال المتشردين اللي كبروووووووووووووووا وهم ياللصوص او مجرمين او أطباء او مدرسين الله العالم شو صارووووووووا تسلم ايدج ع الرواية المبدعة في كل كلمة وكل سطر و حوار الله يرزقج الجنة تعليقي ع عوق بيسط من تغلا تخلى ياعوق يمكن اليوم يترجاج تردين له بس الله العالم باجر شو بيصير |
بس بتوقع من شافت يمكن ام ابراهيم هي الي معها المفتاح
وجات تتطمئن علي عوق ام اليزيد الله يشفي ولدك ويلبسه لباس العافية |
السلام عليكم ورحمة الله وبركاته ...
صبـــــــــــــاح التميز والـــرقي ... ألــــــف مبروووك على التميـــــــز يا مميزة ...,, أم الوليــــد أعلم بأني مقـــصرة بحقك وحق رائعتك .. فــ عـــــذراً بحجم الكون غاليتي ... وشـــــــكراً على إهدائي البارت .. كنت بادخل اول وحدة وأقول لا أحد يرد البارت لي لحالي كيفي فيه ^_^ بس خفت تعلقيني على باب المنتدى يا عسوولة ة_ة أنا مع عوووق بكل تصرف تتخذهـ فيه صد وجفاء لزياد.. وهذا ما يعني إني كنت معها بأكثر القرارات اللي أتخذتها.. بس في هذا القرار انا معها .. لان زياد يستحق منها التنكر.. فهو بلحظات فقدانه لإنسانة غالية عليه .. جـــرح إنسانة بريئة .. وما اكتفى بجرحها وبس.. إلا تمادى وطردها واتهمها إنها السبب في وفاة أمه.. وإنها مشئووومة ودخولها حياته سبب له مشاكل.. زواج الجوهرة هل بيعدي على خير ولا اهلها بيخربونه عليها باستهبالهم وافكارهم الحقودة ..؟؟ عوق دخلت المطبخ واتوقع انها لقت زياد بوجهها لانه بعد ماخلص من العشاء فتحت الشغاله الباب حتى تاخذ الاغراض من الملحق وهو دخل بعدها وبقي داخل وخاطر ثاني يقولي إنها لقت ولد جيرانهم اللي ما يستحي .. أم الوليـــــد فيه شيء اول مرة اعرفه من كلام عوق لجوهرة والبنات.. ومعلوومة مهمة ومفيـــدة رغم إني أنصدمت فيها مشكوورة عليها يا عسووولة .. ما بأقووول وش تكووون عشان لا احد يضحك علي ويقوول توها تعرف ^_^ كونــــــــــي بخيــــر .. صدووود’’’ |
اتوقع الوضيحي رجعت من البر بدون لا تعلم عوق صح :55:
|
بسم الله الرحمن الرحيم
اللهم يا الله عليك ببشار واعوانه اللهم يا الله عليك ببشار واعوانه اللهم يا الله عليك ببشار واعوانه اللهم لاترفع لهم رايه واجعلهم لمن خلفهم عبرة وايه وفرق بين كلمتهم وفرق وبينه وبين جنوده اللهم اجعل تدبيرهم تدميرهم و اجعل الدائرة عليهم اللهم اجعل بأسهم بينهم و اقذف بينهم العداوة و البغضاء اللهم سلط عليهم شرارهم و دمرهم بأيديهم و ارمهم ببعضهم و اجعل نارهم تحرقهم اللهم إنا نشكوهم إليك يا جبار عجل لأخوننا في سوريا نصرك و فتحك المبين . . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., ولد الغاليه ضمني بين الاهداب تعبان من كم يوم اسأل الله العظيم رب العرش الكريم ان يشفيه شفاء لايغادر سقما البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., واهداء خاااص للكاتبه الغاليه الي اضاء بحضورها وتعليقها سماء نوح الحمام الكاتبه المميزه ام وسن. . . اليوم بنشوف عوق المزايين وثورتها على وضعها كالقيطه مع شخص ثاني غير زيادوكيف عرف زياد بحملها ..! والاهم الزائر الغريب الي طلع بوجهها.., . . يا الله تعالوا معاي...!! وسالفه جديدة؛ . . البارت التاسع والعشرون . . . فتحت باب غرفتي وطلعت با كل شي ذبحني الجوع .., دخلت المطبخ الا بوجهي...!!!!!! نط قطو لكن تفاديته بيديني صرخت وطحت من الخوف واقوم واركض لغرفتي.., قفلت الباب وقعدت اصيح من الروعه.., بغى يوقف قلبي من الخوف ولا حولي احدلو انا ميته الخدامه ماهي فاقدتني لصبح.., اذن المؤذن وصليت وجلست على سجادتي ما صحيت الا النهار طالع..؟ قمت وانا رجولي ماهي شايلتني..!؟ ما ادري من نومتي الغلط والا من الي صار الفجر.., طلعت لقيت الخدامه .., عوق بغضب\في قطو داخل الفجر المطبخ ليش ما تأكدتي قبل تنامين ان الابواب كلها مقفولة.., الخادمه\سكرت الباب كويس هو يدخل مع شباك مطبخ مفتوح فتحه صغير علشان تهويه عوق بتعب \صلحي لي فطور وطلعيه لصاله .., ياربي احس وجع في بطني وظهري عسى حملي ما جاه شي .., ما قدرت اجلس ما ادري هو الم ولا خوف بطلع للمستوصف اشوف الدكتوره..., ما عاد عندي صبر على الالم طلبت من الخدامه تترك الفطور وتساعدني البس .., قلت لها قفلي البيت وتعالي معاي ماني قادره امشي انقص ظهري.. دخلت على طول لدكتوره الدكتوره \اهلين مدام عوق انتي طالبه كشف مستعجل..؟! عوق\ ايوا دكتوره الفجر طحت وتعورت واحس وضعي مو تمام ..! الدكتوره \اطلعي على السرير وان شاء الله خير حاسه بنزيف اواي حاجه..! عوق\احس شي بسيط لكن ذبحني الم ظهري واسفل بطني الم وثقل..؟! عملت لي الدكتوره سونار الدكتوره\الوضع مش مطمئن خصوص ان في دم مهماكان بسيط عاوزه تحويل للمستشفى العام..! او عاوزه اديك ابر مسبته وتلتزمي باالراحه التامه وتنامي على ظهرك ماتتحركيش كتير ونشوف يحصل معانا ايه..! عوق بتعب\خلاص دكتوره انفذ الي تطلبينه والجنين كيف وضعه .., الدكتوره بتحذير\اطمني ان شاء الله بخير لكن خودي بالك..! لو ما وئفش النزيف بعد الابر والا زاد معاكي على طول تطلعي للمستشفى العام ما تجيش على هنا..! هناك الامكانيات اكبر.., عمومآالابر مفعولها سريع وان شاء الله يوئف النزيف..! طلعت من عند الدكتوره واخذت الابر حسيتها مثل النار بجسمي..! بكيت والخدامه تطبطب على ظهري وتمسح دموعي.., رجعت للبيت وطلبت من الخدامه تساعدني اوصل لغرفتي..؟ جلست على سريري وبكيت وحدتي ويتمي بين ها الجدران محد درى عني..؟! عماتي وخالاتي كثرهم يغطون عين الشمس ..! وانا هنا ماني لاقيه الي يمسح دمعتي غير خادمه من اخر الدنيا جابتها لي الحاجه ..! ذنبي من برقبته وتقول امي سامحيهم ليش اسامح الله لايسامحهم كلهم من كبيرهم لصغيرهم ..! الي مافكروا وش حالي غلطه وتصلحت بنظرهم يوم رموني وتخلصوا مني ..!؟ تمددت على سريري جوع وقهر والم وخوف ..؟! صحيت الظهر دايخ راسي واحس الدنيا تدور فيني ..! تجهزت لصلاه وصليت وانا جالسه ناديت الخدامه.., عوق با ارهاق\حضري لي شي اكله ماعاد اشوف من الجوع ..! اكلت وشربت عصير حسيت نفسي افضل من الصباح.., ما طرى في بالي الا ريم هذا وقتها ارسلت على جوالها ريم ابغاك ضروري با اسرع وقت انا في بيت امي ..! قفلت جوالي ما ابي ريم تستفسر ليش عن طريق الجوال.., ولا ابي زياد يدق ويلقى جوالي مفتوح خله يظن اني نايمه..! ساعه وجرس الباب يدق سمعت صوت ريم تسأل الخدامه عني .., وعلى طول دخلت غرفتي.. ريم بخوف\وش فيك عوق عسى ماشر ..؟! ما قدرت اتكلم رديت عليها بكى ودموع وهي تبكي معي ولا تدري وش السالفه ..؟ ريم ببكى \علميني فيتس شي خالتي وضحى فيها شي لتس ساعه تصيحين فهميني وش فيتس يا بنت الحلال قطعتي قلبي ردي علي .., عوق ببكى مرير \انا هذي مصيبيتي وسبب بلايا لواني بنت حلال ماهذا حالي..؟ لكني بنت حرام ياريم بنت حرااااام.., ريم من بين دموعها\لا يا عوق لا تقولين كذا والله العظيم محد مثل اخلاقتس وتربيتس.., وكل ام عندها بنات تتمنى انهم با اخلاقتس وعقلتس وسترتس.. عوق تبكي وبملامه وقهر\وش نفعني فيه هذا انا بالحالي ادفع ثمن شي مالي يدآ فيه .., ليش وش ذنبي هو انا اخترت اكون بنت حرام الله لايسامح الي جنو علي .., ريم بوجع\الكلام ما ينفع بس تجديد جروح.. يا عوق كل ما ضايقتس شي قعدتي تلومين بنفستس والا انعزلتي عن الناس .., واخرتها سوءالتفاهم الي بينتس وبين رجلتس ما تبين احد يتدخل فيه.., كلنا حاولنا نصلح بينكم لكن امي ارفضت.., تقول لا خلو عوق على كيفها لين تشبع من رايها.. عوق تبكي بوجع\انا لو كان لي اهل كان من جيتهم وقفوا زياد عند حده.., ولا انتظرو وش بسوي لكن مقطوعه مالي والي والا احد يدافع عني زياد داسني دوس .., وما شفت من يبرد قلبي فيه ويرجع كرامتي.., ريم بملامه\يا مهبوله الرجال شاريتس وهو تعبان اكثر منتس .., لا يغرتس انه دكتور وشهاده والله انه ضعيف وعلى وجهه..! عوق تمسح دموعهابقهر \ليه وش متعبه من الي وقف على راسه واجبره يطردني بليل ليته حتى نهار..؟! ريم بقلةحيله\ياربي انتي ماتعرفين شي اسمه تسامح غفران زله..! زوجتس غلط غلطه كبيره عارفين وهو مابقى احد مالامه كل الي عرفوا الي بينكم..؟! اتوقع يمشي ويتلفت خايف حتى من الي مايعرفهم يلومونه بلي سواه فيتس..! ابوي لليوم مايسلم عليه علشانتس ..! سافر ورجع وابوي ما قاله تفضل على فنجال قهوه..؟ الي كل ماسافر قبل يعرس عليتس لو يومين ذبيحته جاهزه يقول ما ارضى عليه لين ترضى عوق..! وامي كلمته ولا خلت ولا بقت عليه ياجاه شي الضعيف والله لو ما يبيتس كان طلق وارتاح من كثر مالاموه اهلي.. خالتي وضحى يقول ابوي هدت عليه بغت تضربه بعصاها وطردته قالت له مالك حرمه عندي..؟! وتقولين محد دافع عنتس ..؟ وش تبين اكثر من ها الاهانه ان حرمه تهد على رجال وتحاول تضربه..! لو ما كان ابوي عندهم ساعتها كان صارت علوم..! عوق بدهشه\ متى هالسوالف ليه هوماكان يبي يسافر ماهو فاضي لي..! ريم بملامه\انتي والله مثل الي رابط عيونه ولايشوف الناس ويحسب الناس مثله ما تشوفه..؟! اردفت ريم \ الرجال سافر ومارجع الا قبل كم يوم.., عوق \نمر قالي انه يبي يسافرلأمريكا شهرين.., ريم بتذمر \نمر بزرآ ماعنده سالفه خم العلم من غير تفكير وانتي تصدقين كل شي تسمعينه.. جزاع ماخذ العلم من زياد وعلمني يقول المفروض انه يقعد شهرين وجا قبلها زياد سافر بعد ماخلى ولا بقى احد يدور الي يتوسط له عندتس وعند خالتي..؟! عوق بحيره \غريبه سفرته عمري ما سمعته قال انه بيسافر.. ريم\يقول جزاع له اوراق متعلقه بشغله هناك اجلها على حياة امه و سافر خلصها بسرعه.., رجع قبل تمشي امتس للبر بيوم ما ادري يومين.. الله يعينه مرض امه الله يرحمها اثر مره عليه الضعيف حتى جزاع قال لي سالفة بس تكفين عوق بخبرتس وخليها بينا والله ما قلتها لتس الا علشان تعرفين زيادوش كثرى عانى من وفاة امه.., عوق بخوف\خوفتيني ريم وش صاير.., ريم بتردد\عوق ترى جزاع اخذ زياد لشيخ الرجال بغى ينجن بعد ما ماتت امه اعوذبالله.., بس تكفين عوق اذا تصالحتوا لاتطرين له شي.. ترى كثير ناس تراجع الشيوخ والاخصائيين النفسيين عادي .., عوق بسخريه\ليه يعني مافكر فيني ورجع له عقله الا بعد ماقروا عليه.., ريم بتذمر \ ياربي عاد هذي الي بتفضحني ليتني ما علمتس جزاع يقول زياد من طلعت حرمته من البيت طقته الحسايف لكن ما قدر يلحقها كان خايف انكن تطلبن الطلاق .., اردفت ريم\وبعدين المشايخ قرو عليه الضعيف يشكي لجزاع يقول من توفت امي ما انام .. وان كان قصدتس قراية الشيخ والله ان الي يراجعون الرقاه والمشايخه كثر الي يراجعون المستشفيات اذا ماهو اكثر.., تعالي لبيتي وشوفي بيت المهندس جزاع.., عندي دولاب كامل زيوت وعزايم ومويه مقري فيهاونوزع منها بعدكان تبين .., اردفت ريم بتهكم \لأن عندي شك انتس مطسوسه عين ماخبرتس عنيده وش جاتس اعوذبالله عوق تتنهد بوجع \ انا بحيره يا ريم وش اسوي..؟! ريم \ارجعي لزوجتس ولمي شملتس الي متى وانتي هذا حالتس.., عوق با انكسار \ تحسبين انه ما ودي ارجع لكن ما ابي يظن اني راميه نفسي عليه..؟! انا مالي ظهر يوقف زياد عند حده ان استسلمت ها المره بيركب راسي..! وكل ما تضايق من شي صب غضبه على راسي عارف اني بسكت ..!؟ يغبني ويقهرني ولا يحسب لي حساب ..!؟ ريم \انامعتس بكلامتس لكن الحرمه ماهي مثل الرجال ولا تحط راسها براسه..! ماتخلي احد يدوس على كرامتها ولاتسوي من الحبه قبه مثل ما سويتي ..! عوق بقهر\انا سويت من الحبه قبه والا هو يتحداني ويحتقرني.. ريم \هذا الغضب وما يسوي لو كلن مسك اعصابه ماكان شفتي بيت انهدم.., اردفت ريم تمسح دموعها بضحك وتسلم على عوق\الله يهديتس نسيتيني حتى السلام وبعدين وش فيتس شكلتس متغير وتعبانه ما انتي عوق الاوله..؟! عوق \الفجر طلعت للمطبخ نط علي قطوا غير دفعته بيديني بغى يطير قلبي وطحت من الخوف ..! ريم بذعر\ بسم الله عليتس عسى حملتس ماجاه شي ..! عوق با ارتباك\وش حمله.., ريم بضحك\ ما قلت لتس انتس رابطه عيونتس وتحسبين الناس ما تشوفتس ..! كلنا دارين انتس حامل يا ذكيه..؟! عوق با استغراب\كلكم من قاله..؟! ريم \زياد يمشي ويبشر بحملتس من زمان والرجال مسمي نفسه ابو العنود.. مايرد حتى على الي يقوله زياد لازم ابوالعنود ..! عوق بدهشه\الحين زياد داري اني حامل ريم بسخريه\اقولتس يبشر بحملتس تقولين داري ..؟! اكيد داري ويمكن قبل تدرين بعد يعني دكتور نساءولاده والحريم من شرق وغرب يحجزون عنده مواعيد ولا هو عارف ان زوجته حامل ..! انا لو كنت ادري قبله كان طالبت بسحب شهادته.., عوق بدهشه \ انا ماعلمت احد ولا في احد يدري الا شيخه وخوله.., ريم بضحك \اقولتس درينا من زياااااد ولا تظلمين شيخه وخوله وش فيتس انتي.. المهم وش سويتي بعد ما طحتي.., عوق تتنهد بوجع \طلعت للمستوصف واخذت ابر مثبته وقالت الدكتوره لاتتحركين.., ريم \نفذي كلام الدكتوره وارتاحي خلي ها الحمل يتم .., ياعوق عيشي مع الناس وجيب لتس ظنا يونستس شفتي كيف نطت قطو وش سوت فيتس .., يمكن انها خيره علشان تفكرين بوضعتس وترجعين لبيتس خلاص يكفي وانتي عايشه وحيده.. الله يرحم حال ضعفنا الوحده تذبح الرياجيل وشلون الحريم الضعيفات..؟ قعدت انا وريم من بعد الظهر الي اذان المغرب .., ريم بضحك \ يا انا مشتاقه لتس ولأيامنا الخوالي والحوش النخل والمراجيح ويوم نلعب حريم وانتي ونوف الي تبن تكبرن بسرعه ويجيلكن بزارين تذكرين يوم اقولتس عن روحتنا مع خوالي يا انا اكلت طق من امي عقب مارجعت من عندكم ما فكني الا ابوي منها مسكتني وبا الخيزرانه ومنين الي يوجعتس .., وكملها ابوي جا يهاوش امي يقول وش بلاتس على رويم ذبحتيها قالت له بنتك قهرت عوق على ها المغرب وبكتها ماشفت الا الي سحب اذني بغى يقطعها ليتني قعدت على خيزرانة امي ولا اذني الي بغت تنقطع .., انتي تصيحن في بيتكم وانا اصيح في بيتنا وليومتس كل ما طلعنا لمنتزه والاحديقه اضحك با الحالي كل ماتذكرت الي صار يا زينها من ذكريات ياليت دولاب الزمن يرجع.., عوق تبتسم بمراره\لو يرجع كان تغير شي واجد.., ريم بممازجه \اقول ترانا من اليوم مبسوطات فكينا من تشاؤمتس وشيلي عنتس ها النظاره السودا الي تناظرين الدنيا فيها.., اردفت ريم \وش بلا ماتصيرين مثل نوف ما شاء الله عليها تذكرين الضعيفه يوم اقولتس قطعت قلبي متحطمه ومتشائمه كم مره تجيني تصيح تقول تهقين ياريم بعرس.., كلكن كبري وعيلتن وخواتي الي اصغر مني اعرسن وانا لازقه بحلق اهلي.., واقولها ماعليتس بيجيتس نصيبتس توتس صغيره.., ويوم اولد فراس زارتني حرمة عمي ام متعب تقهويني ودخلت نوف شايله انفال نايمه تخيلي وبوجه نوف قالت الحمدلله ان انفال مثلتس ياريم اشوا الي ماجت لعمتهانوف والله ان تنشب بحلوقكم سويده ودبه وتنزل نوف انفال وتختفي حمدت ربي ان خالتي نفلا ماهي فيه والا كان مسكن شوش بعض مافيه الا امي وتعرفينها بالها طويل ولا تداني الكلام الي يجرح قالت لحرمةعمي نوف حظيظ الي ياخذها ليت عيالي كبرها و ما ادري لو يجي يوم تدورينها لواحد من عيالتس ردت مرت عمي بتكبر وما لقيتي الا انا اخطب بنتاخيتس الشينه امي سفهتها وانغثت من كلامها ونزلت تحت عند خالي .., وانا ما صدقت حرمة عمي تروح وانادي نوف بكت الضعيفه عندي تقول من بياخذني اكيد كل الناس هذي فكرتهم قلت يا بنت الحلال الرزق بيد الله ماهو بيد حرمة عمي قوي صلتس بربتس وبيرزقتس من حيث لا تحتسبين.., افااا عليتس يا نوف تخافين ولتس رب اسمه الكريم .., وسبحان الله يا عوق ما جا سنه على كلام عمتي ام متعب الا وهي جايه تخطب نوف لولدها متعب ولو شفتي متعب يوم العرس مستانس تقول نوف يويلي ياريم احس اني بحلم وهذا هي ماشاء الله تبدل حالها وامس تبشرني بحملها ومتعب ولد عمي الي يتشرط يبي لبنانيه هذا هو بالع العافيه ومستانس متعب ممرض بمستشفى وشايف لين قايل بس وهي ماهنا زود حلى تخبرينها لكن تبي تعيش ومسيره حياتها صح تدور كل شي يسعدها ويسعد رجلها وتسويه تقول والله متعب ما يداني يشوفني زعلانه صبرت وشكرت وربي عوضها.., وانتي يادافع البلا كل ها الزين والذكاء ولا انتي قادره تعيشين سعيده تدورين الهم والغبن دواره .., عوق بوجع \الله يوفقها تستاهل كل خير.., ريم \وانتي بعد تستاهلين كل خير انفضي عنتس الهبال وعيشي يومتس كم بنعيش الف سنة هقوتي لو نعيشهن بعد انتي ياعوق بتقضينهن زعل وتنكيد على نفستس اردفت ريم وهي تناظر بساعتها\من متى وانا مقابلتس وتاركه بيتي وعيالي ماغير حذفتهم على امي خواتي يذاكرن محد فاضي لي..؟ عوق\عيالتس هنا غريبه خالتي ما دقت تدورتس...؟ ريم\لا امي داريه اني عندتس وحتى تقول ليني راسها خليها ترجع لبيتها..., عوق بضيقه\البلا الحين ماهو فيني افرضي رضيت امي تقول لااشوفه.., ريم بمشاكسه\دام فيها افرضي اجل طاح الحطب وخالتي ان شاء الله بيهداها الله ...؟ عوق بقلة حيله \والله ما ادري خايفه انها ماترضى..؟ ريم بضحك\يا قرادة حظك يازياداستفردن بك الحريم منين بتلقاها هي من عوق والا من امها..؟ عوق تبتسم \بتفرج ان شاء الله اقعدي تعشي معي .., ريم\لا تكفين بروح لبيت اهلي اشوف احد يوصلني لبيتي جزاع محذرني ما اطلع لين يرجع.. عوق با استغراب \ ليه هو وينه..!؟ ريم\سافر عنده مشروع خاص بشغله خبرتس المهندسين وشغلهم ما ينعرف له كم يوم ويرجع ان شاءالله .., عوق \ريم كل ماجيت اسألك انسى صدق جزاع كان يدرس طب.., ريم بضحك\لايكون زياد قالتس... عوق تبتسم\ اكيدمن غيره مره نسولف وجاب طاري ها السالفه .., ريم با اشمئزاز\لا عادت من دراسه تروع الرجال يقول بمادة التشريح يوم طلع سنه ثانيه طلعوا لهم جثه يشرحونها..؟! بغى يموت طاح عليهم وانصرع و اخذ شهور وهو من شيخ لشيخ واستشاريين نفسيين .., ماتشوفينه طار بزياد من يوم شافه تعبان لشيوخ خاف عليه يجيه ماجاه قعد اللهم يا كافي فتره كل ما يتذكر الجثه الي طلعوها لهم يستفرغ ويتعب... راحت عليه سنه ونص من دراسته يوم رجع يدرس حول هندسه .., اردفت ريم بتعجب واستنكار\مشكله يا عوق الي ما يعرف امكانياته حتى لوشاطر لكن في فروق فرديه ربي ميز فيها ناس عن ناس..! خالتي لو على كيفها كان عيالها كلهم دكاتره..؟! نواف نفذ رغبتها ومشى وضعه لو انه تلكك شوي لكن قدر يواصل ويتخرج... جزاع اشطر منه بواجد لكن ماقدر يكمل.. خالتي مسكينة ماتبي لهم الا الزين لكن وش عرفها هذا سهل وهذا صعب اهم شي المظاهر والناس يقولون عيال نفلا دكاتره.. اردفت ريم\يا الله عاد انا بمشي ترى والله طولت عندتس.., عوق بترجي \لا تقطعيني .., ريم بمزح\ ماني قاطعتس الله يقطع ابليس بكرا اذا جالتس بزران عرفتي كيف القطاعه عوق بترجي\ريم تكفين ما ابي احد يعرف بلي صار لي اليوم ريم بدهشه \ مع اني ماني عارفه وش هدفتس لكن ابشري ودعت ريم وصليت المغرب وحسيت نفسي دايخه ابي اناااام..؟ صحيت على مثل الطيف جالس جنبي ما ادري حلم ولا علم ..؟!! صحصحت ابي اتاكد من الي قدامي كان زياد..؟ جالس على كرسي هزاز بغرفتي شريته ايام دراستي با الجامعه.. كل ما شافته امي قعدت تضحك تقول الي يقعد على ها الكرسي كنه راكب هودج على بعير.., زياد جالس ورافع راسه ما ادري نايم والا سارح بسقف الغرفه.., غريبه جيته...؟!! حس فيني يوم حاولت انزل من السرير.., زياد با ابتسامه باهته \صح النوم.., عوق \صح بدنك كم الساعه الحين.. زياد يناظر ساعته\ عشره ونص.., عوق \ياربي ما صليت العشا.., زياد\قومي الحقي الوقت تبيني اساعدك تقومين.., عوق بتوجس \لا اقدر عادي الحمدلله ما فيني شي.. دخلت الحمام سمعت حركه با الغرفه..؟ طلعت ما شفت زياد صليت عادي احس نفسي احسن بكثير من الصباح .., حتى النزيف البسيط انقطع الحمدلله.., طلعت من غرفتي ناديت الخدامه عوق\سورينا من متى بابازياد موجود الخادمه \من زمان ممكن بعد صلاة عشاء .., هو يجي انا كلام انتي في نوم هو يقول ما في مشكله.. عوق\شوفي الادويه حقتي بغرفتي جيبيها.., الخادمه\انتي مافي عشالازم اكل بعدين عيلاج.., عوق\والله يا سورينا اليوم انتي اهلي خلاص صلحي اي عشا خفيف.. تعشيت واخذت الادويه.. ودخلت غرفتي برتاح ولو انه ما فيني نوم .. سمعت صوت جرس الباب ناظرت الساعه كانت على 11ونص الليل مين بيجي ها الحين الخادمه طلعت للملحق طلعت بشوف مين ..؟ عوق بخوف\مين عند الباب ..!؟ زياد\افتحي بسرعه.. فتحت الباب ودخل زياد بدهشه\ليش قافله جوالك والخدامه وينها..؟ عوق با استغراب\خلصت شغلها وطلعت للملحق وجوالي مدري وينه وش المشكله..! زياد بقهر \المشكله خلينا ندخل ما ينفع الكلام على الباب دخل زياد وانا وراه داخل البيت وجلس في الصاله عوق\تشرب شي ..! زياد بحده\ما ابي شي تعالي ارتاحي مانيب جاي اخر الليل ادور اكل وشرب..! يارب استر هذا وش بلاه لايكون درى وش صار..! اجل وش جابه اول الليل لغرفتي الا ان فيه بلا..! معقوله ريم قالت شي وانا حلفتها ما تخبر احد..! زياد بتهكم\وين رحتي انتي ما تتركين طبع ها السرحان الي فيك ..!؟ عوق بتوتر\لا معك بغيت شي.., زياد با انفعال \ليش ماخبرتيني بلي حصل لك..! عوق با ارتباك\وش حصل لي...! زياد بتهكم وملامه\وبعد تسألين وش حصل لك انا شفت عدم مبالاه لكن مثلك ما شفت ..! اردف زياد \اسأل عن طيحتك.., عوق بتوتر\يعني وش الي حصل طيحه بسيطه والحين انا طيبه.. زياد بحده وملامه\كيف طيحه بسيطه وانتي طيحتك سببت لك نزول با المشيمه وش تنتظرين لين يصير شي اكبرمن كذا..؟! عوق\الدكتوره ما قالت شي.. زياد بتهكم\ماهو كل شي لازم ينقال للمريض .., عوق باارتباك \وبعدين انت وش دراك مافي احد يدري اني طحت الا ريم.. زياد\ لايجي في بالك اني عرفت عن طريق اهل جزاع الي عرفت منه هو الي خبرني بحملك.., عوق بتعجب\مين الي خبرك..! زياد\ماهو مهم من خبرني لكن انتي يبي لك رعايه خاصه..! اذاانتي ماتبين نفسك وطفلك انا مافي يدي شي لك اي كلام بقوله راح تفسرينه على كيفك..؟! انا رجال شاريك وابيك ويهمني اني ما افقدك ولاافقدالطفل.., وحريص على صحتكم وسلامتكم لكن ماراح اكون احرص منك على نفسك واظنك فاهمه كلامي..؟ عوق انتي لو بتهملين نفسك ما تتخيلين المضاعفات الي بتصيرلك.., اقل شي واهون شي ولاده قيصريه حرصآعلى حياتك وحياة الطفل.. كثير امهات فقدوا حياتهم بسبب المشيمه واطفال اكثر توفو .., وانا ما اتمنى لك ولا لطفلنا ها المصير.. عوق\اكيد اني حريصه عليه وكل شي بيدي سويته واذا ربي ماهو كاتبه لي ماراح ينفعني حرصي.., زياد بتهكم\واضح حرصك من الهالات السوداء الي حول عيونك.., عوق بتوتر \هذي من الارهاق والسهر زياد\ماهو بس ارهاق وسهر انتي عندك نقص حديد و يبي لك رعايه اكبر مماتتخيلين خليني ادخلك للمستشفى .. هناك بتكونين تحت رعايتي والقرارلك ماراح اجبرك على شي.., عوق\مومشكله الامتحانات السبت وبعد عشر ايام ادخل المستشفى زياد بنفاذصبر\انتي كيف تستوعبين الكلام بتنتظرين عشر ايام ..!! في البيت وراحه ما ينفع كيف راح يكون وضعك وانتي دوام وجلوس فتره لتصحيح.. القرار بيدك اولآ واخيرآ.. ! هاه وش رايك اشوف المستشفى احجزلك غرفه والا كيف ..!؟ عوق\زياد امي ماتدري اخاف تزعل اذا درت اني طلعت من البيت معاك.., زياد بسخريه\يعني من طالعه معاه بالله...! والا وين طالعين للمستشفى..؟ اردف بقلة حيله\اعوذبالله من الشيطان لحظة شيطان حضرة بينا ابعدتنا عن بعض والله يهديك كبرتي الموضوع ودخلتي امك.., عوق بقهروملامه\الحين اللوم علي انا طلعت من بيتك قدام عيونك ماهو من وراك ولا كلفت على نفسك تلحقني وفتره وانا جالسه هنا مافي احد عارف ليش انا هنا..! من سألني قلت انك مسافر..! زياد بندم\بعد ماطلعتي من البيت ارسلت نجلا تكلمك وكلمتك وانتي رفضتي تتفاهمين وقطعتي كل طريق لتفاهم وجيتكم هناوماقصرتي فيني .., ورجعت مره ثانيه وامك كملت الناقص واهانتني بشكل ماتتخيلينه و طردتني على شانك.., عوق\طيب ليش ما عطيتني خبر بسفرك تخليني على نار هنا ولا ادري وش مصيري معاك.., ما اطلع لأحد ما ابي احد يسألني ليش رجعت لبيت امي من عقب شهرونص من زواجي.., زياد بقلة حيله \ ما ادري مخك كيف متركب.., انا جيتك و انتي طردتيني ما عطيتيني فرصه حتى اتكلم وما كان براسك الا الطلاق والا الخلع..؟! با الله كيف اقولك اني بسافروانا طاح قلبي يوم قلتي برفع عليك قضية خلع.., رجعت بعدها الصباح مع ابو ابراهيم امك طردتني وقالت مالك حرمه عندي لين تعرف قيمتها.., و فعلن سافرت كانت لي معاملات متعلقه تركتها وراي ماكان عندي وقت لها تعب امي ما خلاني اقدر اسافر وبسرعه خلصتها ترى ما تأخرت با السفر المفروض تمتد لشهرين سفرتي لكن خلصت اموري بسرعه وبوقت قياسي وتوني راجع وبعدين البعد كان افضل علشان تاخذين راحتك با التفكير.., لأني لو بجلس هنا ماعندي صبر على بعادك بقعد رايح جاي عليكم وانتو بتعاندون اكثر فا السفر كان افضل حل من وجهة نظري و يمكن تكون وجهة نظر صحيحه ويمكن خاطئه تفاجئت لما امك طلبت اوراقك و بطاقة الصراف والجوال وانهم كانو عندي في البيت دقيت على جوالك كثير يمكن اقدر اتفاهم معاك ولاحصلت رد وبعدين صار يعطيني رد خارج الخدمه كان خالص شحنه.., عوق\امي صادقه انا كل شي تركته وراي .., زياد با استعطاف\قبل تقولين شي مصروفك كنت احوله لحسابك توقعت انك عارفه..! واكررها للمره المليون انا آآآسف وغلطان ماعندي اكثر من الي قلته لك كل اعذاري حطيتها قدامك .., اردف زياد وهو يمسك ايدين عوق ويقبلها\يعني العنود ما تستاهل انها تخلينا نبدى من جديد.., عوق تتنهدبضيقه\خلاص سوالي تبيه والمدرسه انا مخلصه وضعي .., الاسئله والنماذج عندهم ماراح يكون غيابي له تاثير كثير.., لبست وطلعت من البيت للمستشفى و زياد كان حاجز لي غرفه خاصه بقسم الولاده من اول ماعرف اني طحت لكن كان ينتظر اوافق ادخل المستشفى يوم الجمعه حضروا اهل زياد كلهم..؟ بشرى ونجلاء وبناتهم قضينا وقت حلو مع بعض في المستشفى حسيت بدفئ العايله على اني فاقده امي.. خالتي ام ابراهيم ماتركتني ماترضى اني اكل من اكل المستشفى يوميآترسل لي طبخ بيت اما هي بنفسها تجي او ترسل الاكل مع شغالتي والسواق امي رفض زياديخبرها .., كنت اكلمها با استمرار ماابيها تحس بشي .., اذا بغيت تعرف نعم الله عليك ادخل المستشفى يوم واحدتحس ان كل اهل الارض في ابتلاء.., وتحمد ربك على العافيه مهما كان وضعك..., غرفتي مافيها الا انا بما انها غرفه خاصه احس بملل بعد اوقات الزياره زياد كان يجي ويجلس معاي كان هو مشرف على حالتي..! على ان وضعي ماكان خطيروزياد ماكان يستدعى الا لأوضاع خاصه يشرف عليها..! زياد يبتسم\كيف ام العنود اليوم.., عوق بتذمر\الحمدلله تمام لكن تعبت ومليت ابي اطلع حاسه اني هنا محبوسه زياد \ليش هنا افضل لك وبعدين الحمدلله وضعك تحسن كثير.., خلاص تقدرين بعد اوقات الزياره تطلعين من غرفتك لكن لا ترهقين نفسك با المشي.. وعلى العموم يومين با الكثير واحتمال اكتب لك خروج ..! عوق بتردد\زياد بسألك سؤالين ولا تتهرب زياد بضحك \ على حسب الاسئله عوق\كيف عرفت اني حامل .., زياد بضحك\لو اقولك كيف عرفت ماراح تصدقين ..؟! عوق بدهشه\ يمكن ماراح اصدق لأن كل فكره جات براسي كيف عرفت بحملي وارجع اقول لا غلطانه..؟ زياد\الحكايه جدآبسيطه وابسط مماتتخيلين..! الي خبرتني هيام..؟! عوق بتعجب \من هيام ! زياد\الدكتوره هيام الي انتي تراجعين عندها..؟ عوق بدهشه \كيف وصلت لك الخبر زياد\ بنفس اليوم الي عملتي تحليل كلمتني تبارك بحملك.., انا طلعت من عندكم منقهر ومغبون يوم اجيك الظهر ودق جوالي قالت لي هيام دكتور زياد اسم زوجتك عوق عبد الملك قلت ايه وبشرتني بحملك وانك توك طالعه من عندها فاتحه ملف رعايه ولفت انتباهها اسمي بملفك الي فتحتيه عندها عوق با استنكار وغيره\وهي وش عرفها فيك ..! زياد بضحك\هيام دكتورة نساء وبينا زمالة عمل.., كثير حالات تحولهم لي انتي ناسيه اني دكتور نسا ء وحتى اخر مره راجعتي عندها كلمتني اخر النهارتسأل عنك تقول المدام كيفها خبرتني انك مريتيها الصباح وضعك ماهو مطمن..؟ وطيحتك اثرت عليك كثير لكن ما حبت تخوفك وتسأل كيف وضعك عوق بدهشه \وانت عارف بحملي وانا اخرمن يعلم.., زياد\اي عارف وقلت لأمك لماجيتها انا ومسلط انك حامل وما يجوز تطلبون الطلاق.., و قالت اي عارفين بحملهالكن انت ما انت عارف قيمتها توقعت الكل عنده خبر.. حتى استغربت لما جيت عندك في البيت اخر مره وقلتي انك تعبانه من الدوره لكن مشيتها لك..؟ عوق\يعني تاخذني على قد عقلي... زياد بضحك\تقدرين تقولين كذا في اسئله ثانيه.. عوق تبتسم بمكر\انت عارف جنس الجنين لأني سألت الممرضه الصباح تقول اسألي الدكتور.., زياد بممازحه\اي عارف لكن زي ماخبيتي علي حملك ماراح اخبرك بشي.. لكن لا تتفاجئين الجنين احتمال يتحرك ها اليومين..؟ عوق تبتسم\قصدك الجنين تحرك من يومين وبعدين انا عرفت نوع الجنين زياد بمحبه\صحيح تحرك الحمدلله .. حركته جدآمتأخره المفروض قبل لكن حطيت الاحتمال الابعد يا الله يا ام العريف وش نوع الجنين..؟ عوق \واذا قلت لك الصدق.., زياد يبتسم\خلاص اذا قلتي الصدق بقولك الحقيقه.., عوق \ما ادري حسيت من يوم تقول العنود انها بنت.. زياد\بنت ولد مومشكله اهم شي تقومين با السلامه.. عوق\لا تتهرب زياد من الجواب.. زياد يضحك\ليش اتهرب انتي ماشاء الله عليك المفروض انك على ها الاستنتجات داخله طب زياد جات له استدعاءواستأذن وطلع.. وانا طلعت برا غرفتي اشوف العالم في احد من الموجودات متعوسه داخليآمثلي والا بس انا..؟! من باب اذا شفت هم الناس تقولي لهمك تعالى اضمك..!! . . . (كلمه اخيره) ليس المؤمن بالذي يؤدي فرائض العبادات صورة ويتجنب المحظورات فحسب إنما المؤمن هو الكامل الإيمان .. لا يختلج في قلبه اعتراض ولا يساكن نفسه فيما يجري وسوسة وكلما اشتد البلاء عليه زاد إيمانه .. و قوي تسليمه .. وقد يدعو فلا يرى للإجابة أثرًا وسره لا يتغير .., لأنه يعلم أنه مملوك , وله مالك يتصرف بمقتضى إرادته فإن اختلج في قلبه اعتراض ,خرج من مقام العبودية إلى مقام المناظرة كما جرى لــ إبليس ابن القيم . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
ررررووووووووووووعه ام الوليد ،،،
ابد ماتوقعت انو اللي شافته عوق ،،قطوة ،، ههههههه والله ماتنلااام ع الروعه والطيحه ،، قطوره وبتااالي الليل !!!! رعب حقيقي :( اخيراً رجعت عوق لزيااااد ،، وطلع الكل عااارف بحملها وهي تظن انها تقدررر تخبي اكثر ،،، المهم انهم رجعوا لبعض ،، الله يهدي كل من ف حالتهم ويصلح من بين كل زوجين ياااارب مبرووووووك ياعمررررري ع التميز اللي تستاهلينه وعن حدارررره واستحقاق ،،واسمحي لي ع التاخير ،، صدقيني ظروف خارجه عن ارادتي ،، |
اقتباس:
سعوديه رايقه اقتباس:
اسعدني مرورك |
اقتباس:
هلا وغلا ام تركي من امس وانا اروح وارجع اقرا ردك بجد ابهرني تحليلك والله ما عرفت وش اكتب وهذي حقيقه في متا بعات تمنيت اني عرض عليهم الروايه قبل انزلها علشان استفيد من اراهم وانتي من ضمنهم والله تحليلك هو الي انا بغيت يفهمونه البنات من بين السطور وخصوص الاحداث الي حول عائلة مسلط وان الانسان اذا زرع بيحصد وبياكل من زرعه سواء كان مر والا حالي با النسبه لزعل عوق من زياد واثر اللقاء الاول بينهم بعد الي صار انا فيني طبع والله ام تركي اذا زعلت على الشخص مهماكان بعيد والا قريب ما احب انا ظر بوجهه لو اقعد معاها سنين لا يمكن انا ظر بوجهه حتى لو اتكلم معاه واخذ واعطي اسعدني مرورك المميز وتحليلك الي اعتبره والله العظيم فوق مستوى الروايه بمراحل الي اتمنى البنات الي يدخلون الروايه يقرونه ما يفوتونه بحفظ الباري |
اقتباس:
الله يبارك بعمرك والله اتمنى اني قد ها الثقه عوق الظاهر تسمع بلي افرضي شخصيتس سوي وافعلي وضاعت بطوشه تقول يا ليت يرجع راسي الاول النظريه انا اشوفها صحيحه الزوجه ماله الا زوجها مدام انها رضت من البدايه بها الزواج وتخلي قدامها ميزان توزن امورها فيه بكفه السلبيات وبكفه الايجابيات وبكفة الايجيبيات تحط زياده احتسابها عند الله لصبرها اما عاد نمر والله فاتت علي ها الاسم فيني غل عليه وعلى كل الاسماء الثلاثيه وكان ودي اخليه ولد جيرانهم الداج لكن هونت خفت من ساهر يكفشني اما اليزيد ولا يهمك زياد يبي درزن بنسمي اليزيد واحد منهم اسعدني مرورك ضمضم وعارفه والله انك مشغوله يكفي وقفت معاي من وراء الستار |
اقتباس:
القفله كانت اجباريه بنشوف في بارت اليوم وش الي طلع بوجه عوق تسائلاتك كلها اجوبتها في بارت اليوم اللهم امين ويشف ي مرضى المسلمين ولك كل الاعذار انا انزل البارت وعيالي الله يحفظهم صراخهم للجيران يبون الغدا اسعدني مرورك |
اقتباس:
هلا ولا غلا الله يبارك بعمرك يارب كون عند حسن الظن اسعدني مرورك وثقتك بلي اكتبه اقتباس:
امين الله يشفيه زيودي الي دخل البيت ما يحتاج مفتاح اسعدني مرورك يا الغلا |
:
الله يهديك يـ طيف ..كل الافكار تجي وتروح ..مين اللي طلع بوجهها ..واتلى قطو ..صحيح يموت من الرعب بس أرحم من تخيلاتنا موووجع الحوار بين ريم وعوق ...وحالة الوحده والتشتت اللي عايشتها عوق ..مدري متى بـ تنطمر هـ الحفره ..يمكن اذا صار عندها اطفال ي ويلك ي عوق لا درت وضحى بتعبك ..ي هي بتزعل زعلتن كايده واخيرا طاح الحطب .. الاثنين عانوا ...وأعتقد كل واحد عرف قدره عند الثاني ...بس الغريب ليه عوق ماتحب زياد ...يعني احسه زوج وبس ..؟.عس زياد مفضو ح اكثر ...عاد تخيلو تقول عوق برجع بيت امي ..كل شئ متوقع منها ..! قفله هاديه :) ما تتعبن بـ التفكير شكرا لك غاليتي |
اقتباس:
هلا وغلا صدود الانسان في حالة الزعل تظهر منه تصرفات تقسمين بيوم انك ماعرفتي ها الانسان لأن ابليس لقى له مدخل عليه ويزيد النار حطب عوق بعد ماقصرت فيه طرده معتبره اجل تقول ماهو كل زوار الظهر يرحب فيهم بنشوف ها الي تتحدى وش بتسوي اذا رجعت امها زواج الجوهره بيصير فيه حدث كبير بس من نوع ثاني حديث بنات مسلط كلام يدور في كثير من البيوت اسعدني مرورك يا الغلا وكأني فهمت وش تقصدين |
اقتباس:
هلا وغلا ارتواء تبارك البنات كاشفين الروايه خليه القطو يحيرهم شوي والله الحطب طايح من زمان لكن زياد ماعرف الباب الي يدخل معاه الا متأخر بنشوف رجعت الوضيح في البارت القادم وش بتسوي فيهم وكيف اصلن بتعرف بتعب عوق عوق وعلاقتها بزياد با العكس انا اشوف انها تحبه لكن ما كان في فرصه يمارسون حياتهم طببيعي في مشاهد قادمه تجمعهم بس تراني خيبه با المواقف الرومانسيه اسعدني مرورك الراقي اقتباس:
من خلال مشهد القطو حبيت ابين ضعف الحرمه مهماكابرت اللهم امين ويبعد الغباء عن بعض الزوجات ولك كل الاعذار يا الغلا محد ضامن ظروفه الله يصلح الاحوال اسعدني مرورك الراقي |
اقتباس:
برد عليك إذا رجعت من الدوام بس قلت اب نجمتي |
مممممممم بعد التفكير والبارت الأخييير
أزين لك عووق هالعقل والا زوجك دكتزر نساء يعني اذا حبيتيه من قلب و بدأت الغيرة احس بتتعبين كثييييييييير |
مآسيهْ أنتي يـَ أختي .,~
http://www.7meel.net/upfiles/BOw92061.jpg آلســلآمُ عليكمْ ورحمةُ آلله وبركآتهْ .,~ يآآآآآهْ ..ْ~ لآ أعلمْ كيفْ أبدأ .,~ فقدْ بدأتْ أرجعْ للأحدآثْ منْ يومينْ .,~ أحدآثْ ودررْ كثيرهْ فآتتنيِ لـلأسفْ .,~ زوآج آلعوقْ .,~ حيآةْ عوقْ آلزوجيـهْ آلقصيرهْ .,~ طلآقهآ ..~ حملهآ .,~ دموعهآ .,~ أمــهآ .,~ لآ أدري منْ أينْ أعلقْ .,~ لكنْ .. حقآ حقآ حقآ حروفْ مآســيهْ بخيوطْ ذهبيهْ .,~ .......... اقتباس:
..... اقتباس:
........ اقتباس:
........ اقتباس:
آلرحمــهْ يَ طيفْ .. جدآ أبدعتي هنآ رآقْ لي آلوصفْ جدآ جدآ .. وكلآمْ منطقي مئهْ بآلمئهْ .,~ ........ بــإختصآرْ تآمْ .,~ لمْ نعهدْ منْ آلعـــوقْ هذهْ آلتصرفآتْ .. فصــرآحهْ في تصرفآت سوتهآ أيآمْ زوآجهآ تعلْ آلقلبْ خخخخ .,~ حــقآ أفتقدْ للعوقْ آلتآضجهْ آلذكيهْ آلوآعيهْ ق1 .,~ لآ أدري لمآذآ أشعرْ بأنْ أمْ آلعوقْ تمثلْ معَ زيآدْ لكيْ تعودْ آلعوقْ لهْ .,~ ............................................................ .,~~ طيفْ آلأحبآبْ .,~ أعتــذرْ جدآ أخــتآهْ على تأخري آلشديدْ .,~ حقيقهْ لمْ أقرأ آلروآيهْ ولآ حتى خلفْ آلكوآليسْ .. جدآ كنتْ مشغــولْ >,< ..~ لكــنْ جدآ جدآ جدآ آستمتعتْ بمآءْ آلذهــبْ آلذي يطرحْ هنآ وبـآلمجآنْ .,~ حقآ حقآ أنتي ذهــبيهْ ومذهلةْ .,~ أ . ب . ج . د . [ أبجديةْ آلحروفْ أتقنتيهآ وَ أبدعتي بهآ ] .,~ يَ ســيدةَ آلحرفْ هأنآ أعودْ لسطوركْ آلذهبيهْ وأتمنى حقآ تطيلي بـ منبعْ آلأبدآع ~~~~> نوحْ آلحمآم أعتذرْ لردي آلـعآدي .. لكنْ أعدكْ في آلمرةِ آلقآدمهْ بآلأفضلْ .,~ آلى آللقآءْ يَ نقيهْ .,~ حزينْ آلأحزآنْ .,~ http://www.7meel.net/upfiles/BAF89452.jpg حقآ وَ ترحــلْ ~~~~> شطــحهْ ~~~~> موتْ آلوضيحي قريبٌ جدآ وَ أشعرْ بأنهآ ستموتْ ولنْ ترى آلعوقْ |
من باب اذا شفت هم الناس تقولي لهمك تعالى اضمك..!!
ايوه الله انك صادقة عجبتني هالوصف كثير مثل مايقال ( من شاف مصيبة غيره هانت علية مصيبته ) تسلم يدينك على هالابداع ويعطيك الف عافية |
بسم الله الرحمن الرحيم السلام عليكم ورحمة الله وبركاته مساؤكم ورد مساؤكم إبداع متجدد أم الوليد........... مبدعة مبدعة مبدعة وقليل بحقك هذه الكلمة رسمت لحظات الألم التي مرت بها عوق حين خرج لها القط وسقطت فأبدعتي وحدة وألم وخوف وضعف وقلة حيلة في لحظات مثل هذه هي بحاجة لصدر حاني وقلب كبير يستوعب ألمها وضعفها ولكن أين هو؟؟؟؟؟؟؟؟؟ فأمها غير موجودة وزوجها بينها وبينه ما طرق الحداد فهل كان لا بد أن تمر بهذا الظرف لتعرف أنها لا بد أن تعيد حساباتها مجدداً وأنها يجب أن تفكر ألف مرة قبل أن تتخذ خطوة قد تهدم حياتها وتضيع منها حياة كانت تحلم بها منذ علمت أنها لقيطة وهي بناء أسرة واستقرار يحفظ لها حياتها وسعادتها التي حظيت بها مع أمها انفجارها في ريم أمر متوقع لأنها لم تخرج بعد من قوقعتها التي وضعت نفسها بها منذ عرفت أنها لقيطة رغم أنها أفضل حالاً من كثير ممن هم على شاكلتها فهي حظيت بتربية رائعة وتعليم عالي واستقرار عاطفي بكنف أمها وضحى ولو لم تعرف أنها لقيطة لما تغير عليها شيء من حياتها المستقرة ولكنها للأسف لم تستطع أن تتصالح مع نفسها وترضى بواقعها وتقنع بما كتب الله لها فهي قد حظيت بأفضل ما يمكن أن تحصل عليه وهي بوضعها هذا أم حانية لا ترضى أن تمس بأذى وزوج محب رغم خطئه الغير مقبول في حقها إلا أنه لم يكابر على الخطأ وحاول قدر المستطاع أن يصلح ما فسد بينهما وجيران كانوا لها أقرب من الأهل وأفضل لا يقبلون أن تمس بحرف يسيء إليها ولكن هي للأسف حبست نفسها في ثوب ضيق ولم تعد ترى أبعد من جريمة أمها وأبيها في حقها لم تنظر للجانب المضيء في حياتها والذي لو أعطته مساحة أكبر من مساحة الكره لوضعها لتبدلت حياتها بأسرها ولرأت كل شيء يحدث لها على أنه خير وأنه لصالحها زياد............ عرف كيف يعود إلى محيط حياتها وباختيارها وموافقتها الغير مشروطة عليه أن يستغل هذا الوضع ويخرجها من المستشفى لبيته حتى لا يكون لها عذر إذا عادت لبيت أمها أنها تريد أن تبقى حتى تكمل فترة حملها لتجد من يراعيها ويقوم على خدمتها ريم........... ريم هنا ضميرها الذي تبحث عنه ومرآتها الصادقة التي تريها الصورة الحقيقية لنفسها فهي قد وضعت يدها على الجرح وأرت عوق ما تتهرب منه طوال هذه الفترة ومنحتها القرار الذي كانت تتخوف من اتخاذه وهو العودة إلى زوجها وربما لولا حديثها معها لما وافقت بهذه السهولة على العودة لزياد فأحياناً نبحث عمن يمسك بيدنا لنجتاز العتبة المعوِّقة لإكمال طريقنا ولعل ريم ستظل هذه اليد التي تمتد لعوق كلما مرت بمشكلة ما لم تستطع أن تتخذ بها قرار لتنتشلها مما قد يلم بها قصتها عن أخت زوجها واقع مرير تمر به بعض الفتيات فالبعض هداه الله لا يراعي مشاعر الآخرين حين يتحدث عن وضعهم بسوء وهو لا يضمن أنهم لا يسمعونه وربما كان هذا لصالحها لتعلم أنها مهما قيل بها فالله عز وجل قد ادخر لها الأفضل كم من فتاة انتقدوها لشكلها أو مستواها التعليمي ..........إلخ إلخ إلخ ورزقها الله أفضل ممن انتقدها وأحياناً جعلها الله عز وجل سبباً في خيرٍ فتحه لمنتقدها فأصبحت عنده أفضل مليون مرة مما كان يطمح إليه والعكس صحيح بالنسبة للرجال أيضاً فلا تحقرنَّ أحداً لعله عند الله جل وعلا أفضل منك بكثير غاليتي.............. سلمت يداك على هذا الإبداع المتواصل بانتظارك دائماً بشوق دمت ومن تحبين بألف خير |
:55:بصراحه روايه رائعه فكرتها مميزه تحمل الكثير من القيم و تناقش قضيه مهمه
الله يعطيك العافيه طيف الاحباب نجي للابطال عوق المزايين شخصيه منفرده لها مفاهيمها الخاصه التى احيانا صحيحه واحيان خاطئه اما زياد فهو بالنسبه لي الى الان غامض لم افهم طريقة تفكيره نجي للوضيحي بصراحه احببتها كثيرا فيها عبق الاجداد وحرص حريم اول اقف لها احتراما واسمحي لي اتابع ما تخطه اناملك بصمت:0041::party: |
اقتباس:
تستاهلين والله تاج ومقص ونجمه على ها التوقع لما شفته والله ضحكت ماشاء الله عليك اسعدني مرورك اقتباس:
هلا وغلا جيلو لا ماعليك تعجبك عوق الغيره بنشوف جوانب بسيطه منها اسعدني مرورك |
هذ ي فتوى لكل الغوالي الي سألوني عن العزايم والرقيه الي كانت في البارت السابق
سواء بردودهم او على الخاص ربي يسعدهم ويبعد عنهم الشر بسم الله الرحمن الرحيم أذِن النبي صلى الله عليه وسلم في الرقية بالقرآن والأذكار والأدعية ما لم تكن شركاً أو كلاماً لا يُفهم معناه ، لما روى مسلم في صحيحه عن عوف بن مالك قال : كنا نرقي في الجاهلية ، فقلنا : يا رسول الله كيف نرقي ذلك ؟ فقال : " اعرضوا عليَّ رقاكم ، لا بأس بالرقى ما لم تكن شركاً " . وقد أجمع العلماء على جواز الرقى إذا كانت على الوجه المذكور آنفاً ، مع اعتقاد أنها سبب لا تأثير له إلا بتقدير الله تعالى . أما تعليق شيء بالعنق أو ربطه بأي عضو من أعضاء الشخص ، فإن كان من غير القرآن فهو محرم ، بل شرك لما رواه الإمام أحمد في مسنده عن عمران بن حصين رضي الله عنه أن النبي صلى الله عليه وسلم رأى رجلاً في يده حلقة من صفر ، فقال : " ما هذا ؟ " قال من الواهنة . فقال : " انزعها فإنها لاتزيدك إلا وهناً ، فإنك لو مت وهي عليك ما أفلحت أبداً " . وفي رواية لأحمد أيضاً : " مِن تعلّق تميمة فقد أشرك " . وما رواه أحمد وأبو داود عن ابن مسعود رضي الله عنه قال سمعت رسول الله صلى الله عليه وسلم ، يقول : " إن الرقى والتمائم والتولة شرك " . وإن كان ما علقه من آيات القرآن ، فالصحيح أنه ممنوع أيضاً لثلاثة أمور هي : 1- عموم أحاديث النهي عن تعليق التمائم ولا مُخصص لها . 2- سد الذريعة فإنه يفضي إلى تعليق ما ليس كذلك . 3- أن ما عُلَّق من ذلك يكون عرضة للامتهان ، بحمله معه في حال قضاء الحاجة والاستنجاء والجماع ونحو ذلك. وأما كتابة سورة أو آيات من القرآن في لوح أو طبق أو قرطاس ، وغسله بماء أو زعفران أو غيرهما ، وشرب تلك الغسالة ، رجاء بركة أو استفادة علم أو كسب مال أو صحة وعافية ونحو ذلك ، فلم نعلم عن النبي صلى الله عليه وسلم أنه فعله لنفسه أو غيره . ولا أنه أذن فيه لأحد من أصحابه أو رخص فيه لأمته ، مع وجود الدواعي التي تدعو إلى ذلك ، وعلى هذا فالأولى تركه وأن يُستغنى عنه بما ثبت في الشريعة من الرقية بالقرآن وأسماء الله الحسنى ، وما صح من الأذكار والأدعية النبوية ونحوها مما يعرف معناه ولا شائبة للشرك فيه ، وليتقرب إلى الله بما شرع رجاء للمثوبة وأن يفرج الله كربته ويكشف غمته ويرزقه العلم النافع . ففي ذلك الكفاية ومن استغنى بما شرع الله أغناه الله عما سواه . والله الموفق |
اقتباس:
افتقدو ابطال نوح الحمام اقتباساتك الرائعه الي تعطي لنوح الحمام وجه اخر اجمل ممتنه من الاعماق للمتابعه بنشوف توقعاتك وش الصائب منها اسعدني مرورك الراقي اقتباس:
هلا وغلا بنشوف عوق بكرا بتقتنع بها المثل او لا اسعدني مرورك |
اقتباس:
هلا وغلا اراده ردودك هي الي والله ابداع ابداع ابداع واقراها قسم بالله بمتعه موقف القطو مر فيني بس بشكل ثاني والمصيبه كان معي ولدي عمره عشر ايام لكن من فضل ربي جات سلامات حقيقه يا اراده تمر على الانسان مواقف ينهار فيها ويدور الي يسمعه وريم كانت من زمان بير الاسرار وضع عوق ما ادري البنات لمسو معاي ها النقطه او لا اكتشافها لحقيقة اسرتها وو ضعهم الاجتماعي اصبح لها هاجس في كل شي حتى بالرغم من حبها لزياد ومميزاته الي تتمناها كل بنت بخلاف انه لقيط الا انه حاز بنفسها انها تزوجت لقيط وهي بنت اسره معروفه وبيكون لنا مشاهد عن ها الموضوع على للسان زياد نفسه رجعت عوق لزياد بنشوف راي الوضيح قبلها ربما تكون صائبه وربما خاطئه ريم احيان يكون لنا اصدقاء ما نتذكرهم الا اذا اسودت الدنيا بوجيهنا وتسكرت الابواب ندور عونهم نوف حماة ريم كثير بنات يحطمهم كلام غير ويهبط معنوياتهم وكأن الناس هي الي تتحكم بمصيرك ويتناسون ان ربي اسمه الرزاق الكريم وكثير شباب تشرطوا وجو على روسهم با الاخير اسعدني مرورك ونقاشك الراقي |
مساء الورد
سلمت يمينك طيف الروايه شي ثاني <<مثلا يعني مزوووووووح مزووووح خخخخ الوضيح تسلم عليك و تقول لايكون نسيتيني :) اشتقت لها كثير أتوقع بتصير كارثه بعد خروج عوق من غرفتها الله يعطيك العافيه يالغلا ومن تميز الى تميز يارب .. |
اهلين طيف
زياد الحمد الله ان الامور صارت احسن بينك وبين عوق وعقبال ماترجعرلبيتك ويرتاح بالك ابو العنود كان عارف بحمل عوق كنت اظنه من الوضحي بس طلعت الدكتورة زميلة عمل ههههه وكانت كل اخبارها عنده عوق فعلا الصديق وقت الضيق عندما حست بالألم احتاجت لصديقة الصدوقه الحمدالله رضيتي علي زياد بس خايفة من ردت الوضحي ان شاء الله ماتزيد الخير الاخير هي فاهمة وعارفة الدنيا واكيد عرفت ان زياد خذا درس وانتي بعدي خذيتي درس من خلافكم ريم ونعم الصديقه ياريم وعيتيها ونبهتيها علي اشياء خافيه عنها وفعلا كل انسان بياخذ نصيبه من الدنيا واالي كاتبه له ربي بيشوفه وتكبر دليل زواج اخت زوجها الي كانوا يقولوا من بياخذها ربي عوضها طيف في انتظار ابداعك ونزف قلمك الجميل دمتي في حفظ الله |
بسم الله الرحمن الرحيم اللهم يا هازم الاحزاب ويا مجرى السحاب يا رب الارباب, نسالك يا الله يا قاصم الجبابره ان تدمر نظام بشار واعوانه اعداءنا واعداؤك , وتشتت شملهم وان تفرق جمعم اللهم اصبهم بالداء السقيم, وبالوباء العقيم اللهم احصهم عددا واقتلهم بددا ولا تبقى منهم على الارض احدا, اللهم اجعل الدائرة عليهم, اللهم قد ارانا قوته على اخواننا .. فأرنا قوتك عليه, اللهم اني اسالك ان تزلزل الارض تحت قدميه اللهم لاترحمه اللهم ارنا قوتك عليه فقد طغى وقتل الاطفال والنساء الشيوخ والرجال اللهم انه ظالم ابن ظالم فنتقم منه اللهم انت المرجع وانت المجيب لااله الا الله وحده لاشريك له . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., . . اليوم بنشوف عوق المزايين والا بتلاءات الي بتسمعه من المريضات با المستشفى ورجعت الوضيح وعودة ابن الجيران...!! يا الله تعالوا معاي...!! وسالفه جديدة؛ . . البارت الثلاثون . . طلعت برا غرفتي اشوف العالم في احد من الموجودات متعوسه داخليآمثلي والا بس انا..؟! من باب اذا شفت هم الناس تقولي لهمك تعالى اضمك..!! تعبت من المشي بين اسياب القسم جلست با الاستراحه ارتاح..؟! شفت حرمتين جالسات با الاستراحه .. وشكلهم ماهم حوامل استغربت وجودهم هنا وحده منهم تبكي بحرقه ..؟! الحرمه الي كانت تبكي تقول ماراح اوقع على العمليه والثانيه تحاول تقنعها..؟! دق جوال الحرمه الي كانت تصيح وطلعت ترد على جوالها وبقيت انا والحرمه الثانيه.., سألتني الحرمه \سلامات شكلك حامل..؟ عوق\ايواعندي مشاكل با الحمل المشيمه نازله..؟ الحرمه\ سلامتك تقومين با السلامه ..! عوق \الله يسلمك وانتي..؟! الحرمه\انا حكايه طويله يا بنت الحلال..؟ عوق \انتي حامل..؟ الحرمه \لا توني والده من كم شهر..؟! عوق\الحمدلله على سلامتك طيب ليش متنومه هنا..؟! الحرمه\ الله يسلمك انا في بداية حملي عملت سونار..؟! قالت الدكتوره احتمال حملك تؤم وانبسطت لكن زوجي ابدآماكان فرحان وعملي مشاكل ..؟! عوق بدهشه\ ليش..! الحرمه بتذمر\ لأن لسا في بداية زواجنا ويقول زوجي بسرعه بنصير عايلة وبدري على المسؤليات..!؟ عوق با استنكار\لا حول ولاقوة الا بالله الهدف الاول من الزواج تكوين أسره..؟ الحرمه بحسره \ عاد هذا الي صار بعدها بفتره تعبت وحسيت حملي فيه شي راجعت المستشفى..! قالوا مافي تؤم حملك جنين واحد لكن عندك كيس فوق الرحم ولازم لك متابعه لا يقتل الكيس الجنين .. وقعدت فتره اراجع وبعد الولاده قرر الدكتور يشيل الكيس .., لأن بقاءه في جسمي ممكن يتسبب بوفاتي او يتضرر الرحم وقررو يعملو لي عمليه قيصريه ولما فتحو البطن اكتشفو ان الاكياس كانت اجنة التوائم الي قالوا لي عنهم في بداية حملي وكانوفوق الرحم حتى ان الدكتور الي عمل لي العمليه يقول الكيسين سبحان الله كانوا متخلقين عظام ومخ وشعر .., والحين الخوف انها سببت لي عقم وزوجي زعلان يقول ماعندنا الا طفل واحد .., عوق \الله يشفيك ويرزقكم يارب وتطلعين با السلامه.., الحرمه بوجع \آمين ويشفيك ويرجعك لاولادك سالمه.., عوق بتأثر\هذا اول طفل لي طيب الحرمه الي قبل شوي تبكي وش فيها.., الحرمه\هذي مسكينه تصوري حامل خارج الرحم.., والطفل يكبر وخطر على حياتها ولا هي راضيه توقع ينزلون الحمل ..؟ عوق\كم لها حامل ..؟ الحرمه \لها شهر تقريبآ حامل..؟ عوق \الله يعين ويشفيكم..؟ رجعت الحرمه بعد ما انهت اتصالها وانا تركت الا ستراحه برجع لغرفتي.., كان في غرفه مفتوحه والممرضه دخلت بسرير فيه طفل تبارك الله شدني شكله وقعدت اناظره الحرمه الي داخل شكلها والده قالت لي تفضلي دخلت داخل غرفتها وهي شكلها تعبانه..! عوق \ الحمدلله على السلامه والده قريب..؟ الحرمه بحزن\امس في الليل .. عوق \الف مبروك ما شاءالله بنت والا ولد..! الحرمه \بنت.. عوق\ اول ولاده لك ..ّ؟ الحرمه\لا عندي اربع اولاد وبنتين وهذي الثالثه.., عوق\ الله يخليها لكم تتربى بعزك وعز ابوها.., قعدت الحرمه تبكي ياربي انا وش سويت وتشاهق اعوذ بالله..؟! ما تعودت اكون فضوليه..!! لكن با المستشفى غصب اذا شفتى المرضى تسألي يمكن احد مثلك..؟ و يطمنك على وضعك.., عوق\بسم الله عليك وشفيك..! الحرمه ببكى\بنتي انولدت يتيمه..ّ! عوق بحزن\انا لله وانااليه راجعون. الحرمه من بين دموعها\ قبل اسبوع مثل اليوم زوجي كان معانا فجاءه شكا من قلبه.. وعلى طول جلطه وتوفى من 3ايام وانا ولدت بعده بيوم حتى عده ما اعتديت عليه الا يوم واحد.. بطلع الحين على طول اخذ اطفالي واعيش في بيت اهلي..!؟ عوق بوجع\الله يصبرك ويعينك.., تركت الحرمه وطلعت لغرفتي تمددت على سريري.. صدق من شاف بلاوي الناس هانت عليه بلوته..! الا بلوتي ماتهون على كثر ماشفت مالقيت الي يهونها..؟! الي محتفظه بحمل عارفه انه راح يقتلها لو تم.., والي زوجها استكثر على نفسه ان ربي رزقه بتؤم والحين هو وزوجته خايفين من العقم وهو ماعندهم الا طفل واحد من غير هم الارمله الي توها صغيره وبأول شبابها وبرقبتها عايلةكبيره وطفلتها الي بتطلع لدنيا من غير اب.., اليوم الثاني الصباح كانت المفاجاءه ..؟ سمعت صوت عصا ماهو غريب علي.., اكيد صوت عصا امي حياتي.. وماخاب ظني دخلت والخادمه معهاوامي معصبه.. حاولت انزل من السرير رفضت وجات سلمت علي.. ام عوق بغضب\ وشلونتس من متى وانتي متنومه وليه ماعلمتوني.. عوق\يمه ابشرك طيبه وان شاء الله اليوم والا بكرابطلع من المستشفى.. ام عوق بحده وملامه\يعني انا ما ادري الا من البعيدين.. عوق با استغراب\يمه من قالك ..؟! ام عوق\حرمة سالم اختها متنومه هنا وشافتس وعلموني..؟! عوق بقهر\سبحان الله الناس ماتجيب العلم الي يسر..؟! ام عوق بحده وزعل\ يسر مايسر حسابتس بعدين.., اردفت ام عوق \رجلتس وينه ..؟ عوق بتوتر\ اكيد مشغول والا با العاده يمر...! كيف دخلتي ماهو وقت زياره..؟! ام عوق بتذمر\غصب دخلوني قلت لهم بنتي متنومه قالوا ممنوع ما يفتحون الباب الا وقت الزياره.. يوم قلت لهم رجلها التكتور زياد متوظفن عندكم واخذت شوي وجابوني لتس.. عوق \يمه اشتقت لتس احس اني لي مية سنه عنتس..! ام عوق بتهكم وتوعد\لا والله يا بنيتي ما جبتي خبري تسرحين وتمرحين مع رجلتس وانا محذرتس منه ولا اشوفه حول بيتي..! اردفت ام عوق بسخريه\ماشاء الله الشغاله مير تعلمني انه سكن عندتس با البيت .., ما عرفت ارد يعني وش بقول ..!! امي زعلانه علي وانا استاهل كل شي يجيني دخل علينا زياد .., زياد يبتسم\هلا والله بخالتي تو مانورت الرياض..! ام عوق بسخريه لاذعه \اقول ما يمشي عندي تمسح الجوخ انا وش قلت لك اخر مره كلمتني ما قلت مالك مره عندي.., زياد يضحك\الخيرٌ يقول ويغيرً .. ام عوق بتهديد\اعلمكم الخير وش يسوي خلها تطلع من المستشفى .., متى تطلعونها..؟ زياد يضحك بممازحه\هي كانت راح تطلع اليوم لكن يا خاله مع كلامك يمكن تطول شوي عندنا .. ام عوق بتوعد \مصيرها تطلع يا زياد اليوم والا باتسر و لبيتي والا ما يصير طيب .. زياد يبتسم\ابشري ياخاله اهم شي ترضين علينا لو تبين الحين اكتب لها خروج وتطلع معك.. ام عوق \كان مافيه ضررعليها اي بالله بيتها ازين لها .. كتب زياد لنا خروج وطلعت للبيت .., امي على انها زعلانه علي وعلى زيادالا ان اهتمامها فيني تضاعف.., خلت الشغاله ترتب لي سرير بمجلس الحريم تحسب لزيارة الجيران زياد قال لا تتحرك كثير.. وانام با الليل بغرفتي على سريري وامي بغرفتها.., تسولف معي من غير نفس و من جات من البر احس امي جسمها هزلان اسألها وش فيتس ما تعطيني وجه وتتعب من اقل مجهود ومع هذا صاده عني وعن زياد.., وكم مره زياد يجي للبيت ترفض امي تطلع له.. طلب يشوفني ورفضت وما طلعت له ما ابيها تزعل علي .., صار تواصلي مع زياد بالرسايل حتى مكالماته ماارد عليها اخاف تسمع امي وتزعل علي .. هذي امي قبل يطلع زياد في حياتي تركت الدنيا على شاني والله لو تطلب اتطلق منه تطلقت عادي.. زياد ماهو احسن مني يوم كان يقول امي لو تطلب عضو من اعضائي بعطيها وانا فرحان.., وبعد ما تسببت بزعل امي على زيادو خليتها تاخذ منه موقف تصالحت معه من وراها ..! انا تسببت على نفسي بها المشاكل ملزومه اتحمل نتيجة تهوري.. ام عوق بحده وانتقاد\وش عنده رجلتس كل شوي جايني منه مرسال.., مره ابوابراهيم ومره خواته يبي الصلح هو في شي يصير من وراي.. عوق با ارتباك\وش بيصير من وراتس .., ام عوق بتهكم ساخر\الرجال مالي يده من رجعتس يقول هي بس امها ترضى الباقي بسيط .., عوق بحزم\يمه خوذيها كلمه وحده انتي الاولى والاخيره ولا راح يصير الا الي انتي تبينه.., تبيني اتطلق بشكيه للمحكمه من بكرا تبيني ارجع عادي تبيني معلقه ماعندي مشكله.., انتي لتس بس الامر وانا علي التنفيذ.. ام عوق بحزن\والله ما ابي الا صلاح حالتس ولا ابيه يشوفتس رخيصه .. انتي لو ما كبرتي الي صار بينكم ما كان والله تدخلت لكن الحين مجبور زياد ياخذ درس وانتي معه علشان تعرفون قيمة بعضكم ولا عاد ترجعون لهبالكم.., سوالفكم تحرمون تطلع برى جدران بيتكم الي يزعل منكم على الثاني يبعد عن خويه لين تفوت عجاجة ابليس وعقبهاترجعون ماكن صاربينكم شي .., اردفت وضحى \طلعتي للبر ماهو والله علشان اتونس ماعاد لي والله شف با الدنيا ياعوق لكن ابيتس تعرفين ان الحرمه ضعيفةوش ماكابرت محتاجه لرجال يسند ظهرهاويحميها ولا تحسبين ان ماعندي خبر ان زياد يحوم حولتس لكن ماهقيت انه يدخل البيت مادخل والله البيت الا وشايفآ منتس لين جانب خليه يتحرقص كم يوم ويعرف انتس غاليه.., اردفت ام عوق بتهكم موجع\تدرين ليه سعد دعاني للبر يبي يعرف وش عندي من مال موزيته عنهم وعطاني دراهم اطلبه من مبطي هو وسالم يبونها طعم يستدرجوني به علشان ياخذون شي اكبر ويحالون بي اني ارجع البيوت با اسمي الي كتبتهالتس والوكاله ارجعهامن مسلط لسعد يقولون عوق اعرست ورجالها يضمن مستقبلها اخذت لها تكتور راتبه عن عشر موظفين ماهي محتاجه الي انتي عطيتيها.. وحجتهم عيالهم كبروا واولى منتس بمالي وانا مثل جدتهم وهم ابدى من الغريبه.., ام عوق تتنهد بحسره\وبرايهم ان الي يحوشونه من مالي غنيمة محد محاسبهم عليها شفتي وشلون الناس محضره وبارده سكاكينه عليتس وانتي ما تدرين كلامي لتس علشان تعرفين قيمة رجلتس وتشوفين الناس وشلون تفكربشي ما جا على بالتس انا ما وقفت بحلقه الا ابيه يتأدب ويعرف قيمتس كل يوم والثاني منزل دمعتس وعقبها يجي يحبحب راستس وترضين خليه يتوب وعقبها نشوف وش نسوي.., يويلي لو درت امي اني اراسل زياد يمكن تطق وتموت امي صادقه خل زياد يتأدب .., بكرا اخر يوم با الامتحانات ومابقى على زواج الجوهره الا اربع ايام.. وانا وعدتها بمفرش ولا اقدر اطلع لسوق ولو بقول لأامي ما تعرف مافيه الا زياد يحلها لي ارسلت ؛ (زياد انا واعده زوجة نواف بهديه ولا اقدر اطلع لسوق اذا عندك وقت تمر السوق) ارسل ؛ (كم ام العنود عندي انتي بس امري تبين شي محدد والا على ذوقي ) ارسلت؛ (وعدتها بمفرش وخله على ذوقك وابيه يبيض الوجه) ارسل : (تم اليوم ان شاء الله وهو عندهم بنزله واقول انه منك ) وارسل زياد في الليل (وصلت الهديه وقلت لهم انها منك) ثاني يوم خالتي ام ابراهيم كلمت امي قالت بتجي بعدالعصرهي والبنات.., بيشوفوني كانو مشغولات با الامتحانات جو معاها ملاك وروان وميعاد.., روان بفرحه\الحمدلله على السلامه عوقه شكلك صاير تحفه.., ملاك\نفسي اشوف عوق ام ومعاها نونو ما تخيلك ابد.., وسوالف وتعليقات البنات وامي وخالتي ام ابراهيم ميعاد با اعجاب\اما المفرش الي ارسلتيه للجوهره بصراحه خقق شي يفوق الوصف ..! عوق \ميعاد ترى كلمة خقق ابد ماتصلح لا تخلينها بلسانك.., روان \والله يا ابله عوق تعودنا عليها على ان حتى نطقها تحسين انه شي مو زين.., ام ابراهيم منحرجه \ قالت لي الجوهره عوق تقول بتاخذ لي مفرش ما توقعت بتشترون هذا مره كلفتوا على انفسكم.. ملاك \تدرين عوق ان الجوهره شافته يوم كانت تجهز.., بغت تشتريه لكن قالت اذا شريته لازم استغني عن اشياء ثانيه وسبحان الله ربي جابه لها..! ام عوق با استغراب \وش كلافته يا نوره كله مفرش..! روان بدهشه\ خاله لو شفتي المفرش يوم جابه زياد كيف خواتي انبهرو فيه ما قلتي كذا ..؟! ام عوق با استفهام\من جابه لكم..؟ روان بااستغراب\زيادزوج عوق البارحه كلم ابراهيم في الليل وقال جايب لكم اغراض من اهلي لزوجة نواف.., ناظرتني امي نظره تمنيت الارض تنشق وتبلعني.. صرت ادعي ان خالتي ام ابراهيم وبناتها يجلسون طول العمر ولا يطلعون من بيتنا.. امي ما يفوتها شي يا فضحي وش بقول وش برد وشلون درى زياد اني بهدي الجوهره مفرش.. على اذان المغرب طلعت ام ابراهيم وبناتها لبيتهم وحانت ساعة العقاب من امي.. صليت وجلست انتظر القصاص..؟! لكن غريبه امي مشت الموضوع عادي ولا علقت على شي يمكن ما انتبهت لكلامهن او ما فهمته..!؟ تعشيناودخلت غرفتي بناااام جاتني رساله من زياد؛ (كيف العنود وامهااليوم) ارسلت ؛ ( طيبات ومشكور على الهديه الي ارسلتها لزوجة نواف ) ارسل؛ (ما سويت شي ونواف يستاهل عساه اعجبهم ) ارسلت ؛ (مره اعجبهم وحتى يقولون المفرش حيل غالي حسيتهم يجاملوني بكلامهم ) ارسل ؛ ( ههههه يجاملونك تدرين كم سعره..!! ) ارسلت ؛ (كم يعني كله مفرش..؟) ارسل؛ ( قيمة المفرش مقدار راتبك في المدرسه الاهليه 3مرااااااات ) ارسلت ؛ (انت صادق) ارسل؛ (اما عاد اكذب عليك تداومين من الصباح لظهر وحصص وتعب واخرتها تجمعين رواتب ثلاث شهور علشان تشترينه) ارسلت؛ (اكيد تمزح) ارسل؛ (لا بعد الراتب صافي ماتصرفين ولا ريال منه) فجعني كلامه وش قصده يوم يرسل هديه بالقيمه هذي.., ارسل ؛ (تبين تتأكدين امرك ونطلع للمحل تشوفين السعر واشتري لك واحد مثله زوجة نواف ماهي احسن منك) ارسلت ؛ (خلاص ما يحتاج مصدقتك) ارسل؛ (تكفين عوق بطلع معك نتمشى ساعه وحده وارجعك عند امك شوفي لك اي عذر صرفي امك فيه ليتني خليت مواعيدك با المستشفى يوميه ماتتخيلين وش كثرمشتاق لك وربي اتخيلك بكل مكان) ارسلت ؛ (الي فيك كله من السهر يا دكتور قلة النوم تخلي الواحد يهلوس ) ارسل ؛ (الله لايوريك حالتي مستعصيه فوق قهر اليتم ذبحني الجوع يا ليت امك مطوله في البر كان ما انحرمت من اكل خدامتكم ان كان امك بترجع بوصلها بنفسي ) ارسلت ؛ ( بوضعك يمدحون النوم ) ارسل (والي ذبحته الوحده ومافيه نوم وش يسوي) ارسلت ؛ (ابد ما يسوي شي ياخذ دش ويشرب حليب دافي وينام) ارسل ؛ (آه بس انتي تتكلمين و ما تحسين بلي احس فيه يا شين الشوق با الليل يا ستار تسهركن ما بالعيون جفون ) قفلت الجوال ونمت زياد ماراح يعتقني من رسايله.., الصباح صحيت وطلعت افطر واتقهوى مع امي ام عوق با انتقاد لاذع \وش عرف زياد انتس تبين لبنت مسلط مفرش.., عوق منحرجه\يمه انا ارسلت له ماكان قدامي حل الا هذا .. ام عوق بتهكم\ترى ماكأني سويت شي انا اصده من جهه ابيه يعرف قيمتس.. وانتي تغافليني من وراي وتضكحون علي انتي وهو.., عوق بخجل \يمه والله ماهو قصدي ولا تقولين اني اضحك عليتس .., ام عوق با انتقاد\ للحين انتي صغيره زياد مهما ضحك لتس وعطاتس من معسول كلامه احذري منه الرياجيل ما ينأمن لكلامهم.. انا ادري انه يحبتس وشاريتس لكن ابي الي اسويه الحين له قرصة اذن بعدين هذي فرصتس تعلمينه قدرتس.. يا عوق من هي الا م الي ترضى بخراب بيت بنتها بس وش اسوي انتي الي حديتيني.., عوق با انكسار\ ابشري .. ام عوق \تروحين لعرس الجوهره..؟ عوق \والله ودي لكن ما اقدر اطول با الوقفه.., ام عوق\اجل على خير انا بروح لهم واقوم با الواجب وارجع بسرعه.. عوق \يمه استانسي عادي لا ترجعين الا اذا طاب خاطرتس.., ام عوق \الحاره اكيد بتخلا الجيران كلهم بيحضرون العرس ما اقدرابطي مالي حيل على السهر وانتي تعبانه.., الحمدلله عدى الموقف على خير ... زياد صار يرسل ويدق ولا ارد عليه .., . . يوم عرس الجوهره . . ام عوق بتحذير\انا الحين طالعه مع السواق انتبهي لنفستس بسلم على ام ابراهيم وام جزاع وبسرعه بعود ماهو من بعد القصر.. عوق بضحك\ يمه كني اول مره اجلس با الحالي .., ام عوق تضحك وبسخريه\وانتي الصادقه اول مره تجلسين وفيه ذيب يحوم حولنا يبي له غزيلن يصيده.. عوق تضرب صدرها و بمشاكسه\لا ما عليتس خليتي وراتس ذيبه تطمني..! ام عوق بضحك\ والله اني خايفه ان الذيبه هي الي مصوته لذيب.., عوق\يمه وش رايتس ان جا الذيب بدون صوات احبسه لتس .., ام عوق با استفهام\وشلون يا بنت الوضيحي..! عوق\انا وانتي عارفات انه من يشوف سيارتس ماشيه.. جا يركض طايره شماليله يبي يشوفني واسكت عنه لين يدخل البيت وادخله وحده من ها الغرف ثم قفلتها عليه..!؟ ام عوق بتفكير\ اسمعي كان تبين ارجعتس له اليوم سويها وهو وحظة .., اردفت وضحى بتهديد\ لكن والله ان دريت انتس انتي مكلمته والا جايه خبر منتس لا تلومين الا نفستس خليه يدخل برضاه داخل البيت ..؟! عوق بضحك\طيب يا الوضيحي وان حلفت لتس اني ما سمعه صوتي لين ترجعين من عرس ال عبد الرزاق.., ام عوق\مصدقتس بدون حلف مير قفلي عليه الباب ولا تفتحين له لين اعود وانا ماني مبطيه ان شاء الله.., اردفت ام عوق\ ان كتب الله وواجهته اليوم وانا فرضت عليه شروطنا ولاعاد له وجه يزعلتس وهو الي حاول بيديه ورجليه انه يرجعتس ويصير الحق راكبه .., وان جينا لصحيح ترى انتي الغلطانه كبرتيها بينتس وبينه..؟! عوق بندم\يمه خلاص صار الي صار والله اني تبت واخذت درس.., ام عوق \استودعتس الله.., امي كلامها صح انا كبرت الموضوع لو اني انثبرت في بيتي ماكان كل ها الاحراجات مع امي.., كان تزاعلنا يوم يومين وهو اكيد بيعتذر لي ولا كأن شي صار.. هذا هو يوم كلمني وجا واعتذر نسيت سواياه.., بدال ماهو يدور رضاي والا ادور ارضاه صرنا نبي بس امي تسمح لنا نرجع لبعض .., من غير طيحة وجهي من خالتي نوره ونجلاء يوم ماخليت حلف ماحلفته اني ما ارجع وش استفدت الحين من الي سويته كم شهر وانا ورجلي كل واحد في جهه وانا تسوقني عليه الظنون.. كل ظنآاقشر جا في بالي..! بعد ما طلعت امي من البيت وصلتني رساله على الجوال من زياد.. ارسل؛ (عوق تكفين بشوفك لو دقايق) ارسلت ؛ (ما اقدر على زعل امي ) ارسل ؛ (خالتي شفتها قبل شوي طلعت مع السواق والشغاله انا عارف انك في البيت با الحالك محد بداري والله ما اطول انا بطلع للعرس ماراح اتأخر عندك) مارديت عليه ارسل ؛ (انا عند الباب افتحي والي يصير يصير) سمعت صوت الجرس الخارجي .., طلعت وقبل افتح الباب اخذت مفتاح المشب الخارجي وخليت المفتاح من برا.. فتحت الباب ودخل زياد وريحة عطره تسبقه سلم علي بحراره..! وهو لابس وكاشخ شكله بيطلع لعرس نواف .., لابس ثوب وشماغ شكله طالع عذاب.., زياد بتذمر وقهر \ حرام عليكم والله حتى شكلك نسيته اردف زياد بحب\ مشتاق لك والي تسوونه انتي وامك فيني من يرضي بالله ..! حتى سيارتي وقفتها بعيد عن البيت خفت امك ترجع وتعرف اني هنا..؟! ما رديت عليه دخلت قدامه داخل المشب وهو يمشي وراي .., زياد با استغراب\عوق وش فيك اكلمك ليش ماتردين.., اشرت له بيدي اصبر وصلت للباب وهو جلس على مركى يناظرني.., زياد بملل وتذمر\زوجتي وشوفتها با الحسره علي اردف زياد \عوق تعالي اجلسي ما بي شي لا تعبين نفسك الحين ماشي .., ما رديت عليه على طول سكرت الباب فجاءه وقفلته واخذت المفتاح .. ركض للباب لكن انا كنت اسرع منه..! زيادبضحك\عوق افتحي وش ها المزح الثقيل.., مارديت عليه دخلت داخل انتظر امي يا ليتني خليت جوالي مع امي علشان اكلمها.., امي قالت بترجع بسرعه الحين لها نص ساعه وزياد يضرب الباب يبيني افتح..؟! وان فتحت له وش بقول له وانا حالفه لأامي ما اردعليه..؟! من غير رسايله واتصالاته.., واخاف امي تدخل علينا وتروح علي فرصة رجعتي له مثل ما وعدتني امي.., دق التيلفون الثابت شفت رقم جوال غريب..! المتصل بصراخ وتهديد\تحسبين انك بتسلمين ما قلت لك الموعد قريب..؟!! عوق \انت مين..؟ المتصل\انا الي ارسلتي ابو ابراهيم يشتكي مني اني مأذي بنات الحاره..! ليه انتي مثل بنات الحاره يا بنت الشوارع الحين جايك...!؟ قفلت الخط وانا ما عاد تشيليني رجليني من الخوف ياربي وش ها البلوى..,! طرى لي زياد بروح افتح له..؟! جاني اتصال من زياد ورديت.., زياد بهمس\عوق قفلي على نفسك بسرعه شفت من شباك المشب واحد راكب على سور البيت شكله حرامي..!؟ ما ني قادر اطلع كلمت الشرطه وان شاء الله الحين جايين..؟ دخلت غرفتي وقفلت على نفسي زيادمعي على الخط ..؟ زياد \ قفلتي على نفسك.. عوق ببكى\ايوا قفلت غرفتي كنت بطلع اقفل باب الفله خفت يسبقني ويدخل زياد بصوت منخفض\ ما يمديك دخل داخل غاب عن عيوني..! احتياط ادخلي لحمام غرفتك واقفلي على نفسك.. لو بيحاول يفتح باب غرفتك ماراح يلقاك ولا تعلين صوتك عشان ما يسمعك انا معك على الخط..؟ عوق من بين دموعهابهمس \خايفه زياد واحس وجع بظهري وبطني .., زياد بطمئنه\هدي اعصابك واجلسي باالارض وممدي رجولك وخوذي نفس وان شاء الله ما يصير الا الخير.., لا تتركين جوالك خلك معي ثواني بقفل وادق عليك خلي جوالك بيدك فاهمه.., عوق بخوف \طيب.., زياد متواصل معي على الخط وانا احس نفسي انتفض من الخوف من غير وجع بطني وظهري دعيت بقلبي ان ربي يحفظني ولا يفضحني واستودعت الله نفسي وجنيني <<اللهم اكفني شرماأهمني واجعل همي فيمايرضيك اللهم إني أستودعك نفسي وجنيني يامن لاتضيع ودائعك ياالله يارب أحفظنا واحمنا من شياطين الانس والجن>> حسيت صوت داخل البيت يفتح ويضرب الابواب وينادي يا بنت الحرام.., اطلعي وينك يعني وين بتروحين مني.. من بيسمعك مافي احد اطلعي..؟ وقعد يصرخ بصوت عااالي اسمعه يضرب باب يبي يكسره شكله باب غرفة امي مقفوله كان متوقع اني فيها .., وقفت ودخلت بسرعه الحمام وقفلته على نفسي وزياد معي على الخط يهديني زياد\لا تخافين هذا انا احاول اكسر حديد الشباك وجايلك انتي اهدي بس .., ماعليك بوصل لك قبله بأذن الله .., تخالطت علي الاصوات صوت تكسير عند زياد وصوت الحرامي الي داخل البيت يضرب باب غرفتي.., هداصوت التكسير عند زياد وصوت باب غرفتي حسيته انكسر..! اصوات ضرب داخل الغرفه بعدها حسيت اني ماعدت اقدر ابلع ريقي من الخوف ولا حتى اتنفس ..! يمكن هذا الموت الي يا ماكنت اتمناه بعدها ظلاااااااااااااااام...!!! . . . (كلمه اخيره) آحلامنا التي لم تأت لم تخذل مواعيدها ربما هي تنتظر وقتاً أفضل لتباغتنا بالفرحة أو لعلها تختبر صبرنا وجديتنا ! أو تحفر في وجداننا أهميتها لئلا نرمي بها بعيداً فلا تسأموا انتظارها سلمان العودة . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
:
يارب يارب ما يصير لـ بيبي عوق شيء طلع من حبس زياد فايده ..مع اني مافهمت المقصد من الحبس ..أحسه احراج اكثر لزياد .. هل نقص وزن ام عوق بسبب البر ..أم شيء اخر ...تخفيه ودي لك وتسلمي على القفله ..بستنر هنا ان شاء الله لين الاثنين : |
لاآآآآآآآآآآآآآآآآآآآآآآآآآآآآآآآآآآآآ
شهالقفله خطيره أتوقه عوق أغمى عليها وبعد أتوقع زياد يمسك هالرجال اللي مدري شسمه:) اممممممممممم ممكن بعد الوضيح تشهد هالحدث بس الاكيد انه بعد كل هذا بترجع عوق لزياد و برضا الوضيح فديتها سلمت يمينك طيف والله يصبرني ليوم الثلاثاء .. |
الله يعطيج العاافيه ام الوليد ،،،
بااارت روووعه ،،، مسكين زيااااد ،، تكتور وينحبس ،، وهو كاشخ لزواج صديقه ،، موقف لا يحسد عليه !! لكن زين انه كان موجود عشااان يحمي عوق ،، ومثل مايقولون ،، رب ضارةٍ نافعه ،، لان عوق بعد هالسااالفه بتحررم تقعد في بيت امها لان فيه خطر يهدد حياتها ،، بس ان شاء الله عوق والبيبي مايصير فيهم شي !!!!! |
اقتباس:
عوق ما اكتشفت انها لقيطه الا بعد ما اكتملت تربيتها وبعدها عرفت عايلتها اكيد بتشوفون تناقضات بتصرفاتها ليش با العكس شخصية زياد واضحه ماعنده لف ودوران يمكن تربيته انه طفل مدلل اثرت شوي عليه بنشوف شخصيته اكثر في البارتات القادمه الوضيح فيها كثير من امهاتنا وجداتنا اسعدني مرورك اقتباس:
بنشوف وش سمعت عوق في بارت اليوم من ابتلاءات ورايها فيها اسعدني مرورك اقتباس:
عوق بنشوف كيغ ترجع لزياد والا صدقاء الاوفياء مثل ريم قلو ها الايام اسعدني مرورك |
اقتباس:
رب ضاره نافعه الوضيح هي تبي تحرج زياد انه دخل بيتها بغيابها البارت الثلاثاء فديتس اسعدني مرورك اقتباس:
هلا وغلا بنشوف توقعك في محله او لا الله يسلم روحك وتواجدك الراقي اقتباس:
هلا وغلا با الهاله صحيح احيان سبحان الله دقيقه تفرق في تحديد مصيرك مثل تأخر زياد في بيت عوق بنشوف وش راح يصير للبيبي الي امه عوق على قواة اختي عوق ام النفسيه اقتباس:
طيب انا بعد اتمنى اشوف تفاعل البنات وردودهم على البارت حتى مرات قلة الردود على بعض البارتات تحسسني ان البارت موشي اسعدني مرورك وطلبك والله على عيني وراسي |
ام عووق يمكن تبغا شغل قوي المفعوول وساري مدى العمر
عشان كذا مصره تلقن زياد درس المشهد الأخير عجيييب مخيف تكفيين طيوووف لا تنبطيين علينا |
واااو
طيوفه وقف قلبي من الخوف حرراامي واصوات تكسير الابواب اشياء ماتتحمل الله يكون في عونها عوق هذا وهي حامل بعد الله يستر لا يصير فيها شي وزين انها حجزت زياد نفعها في ها المصيبه واكيد الوضحي وصلت قبل الشرطة ويارب مايجي فبها شي من خوفها علي عوق زياد اكيد تحمد ربك ان عوق حبستك عشان تساعدها الحرامي الله يهديك ويهدي الي امثالك طيوفه في انتظارك ياقلبي يوم الثلاثاء دمتي في حفظ الله |
اقتباس:
اقتباس:
بنشوف كيف راح يتصالحون اسعدني مرورك |
بنات المنتدى جدآ’ثقيل يفتح معي بصعوبه
وتسود الشاشه معاي ماني عارفه المشكله بجهازي والا المنتدى |
طيووف انا عندي عادي حتى من الجوال
تاكدي من متصفحك وحملي قوقل كروم تراه اطلق من الاكس بلورر |
روايه جميله جداً جداً ياطيوفه متابعه لكم من زمان :) فعلا انتي كاتبه متميزه ربي يحفظك
تحمد ربها عوق ان زياد جاها للبيت ..بس هي متخلفه ليش تقفل عليه الباب :) والوضيحي اكيد هي اللي يتفتح الباب لزياد وبيلحقون على عوق والحرامي وعوق بتتعب وبيأثر على حملها ومن بعدها الوضيحي بتقول لعوق تروح مع رجلها يحافظ عليها ويستر عليها ..بس وين الشغاله عن عوق ؟ ولا رايحه مع ام عوق متحمسه للبارت الجاي لا تطولين علينا ..وكثري من الاحداث بين زياد وعوق :) |
طيوفه أخيرا قدرت أحمل البرنامج وأدخل عشاااانك تستااهلين أم الوليد
بس صااار فتح المتصفح ثقييييل الله يعيين المهم موقف عوق لا تحسد عليه الصراحة وأتوقع بعده الوضيحي بتسمح لها ترجع لزوجها خصوصا بعد قفلة الباب واتوقع بيضحك عليها إذا عرف أنها قافله عليه عشان ترجع له |
اقتباس:
رب ضاره نافعه واحيان الانسان يكون مخطط لشي يلقى خطته اخذت لمنحى ثاني مثل عوق حبسة زياد علشان ترجع له لكن حبسة زياد اخذت طريق ثاني بنشوف من يسبق على عوق زياد والا الحرامي او الشرطه اسعدني مرورك اقتباس:
بنشوف وش راح يصير مع عوق بعد مادخل الحرامي ورجعتها لزياد في البارت القادم بنعرف سببها وهل عوق استفادة من الي صاره واخذت درس انها مالها غناة عن زياد او بترجع لدلعها اسعدني مرورك اقتباس:
هلا نوف ما اقدر احمل الآن اي شي على جهازي اخاف العب فيه والروايه مكتوبه كامله عليه انتظر حتى تخلص الروايه جهازي والله مرات تقلب الشاشه سودا مره بيضاء والمتصفح حيل ثقيل وساعات يحذفني المنتدى |
اهلين ام الوليد روايه بجد روعه تلتمس الواقع وفيه بعض الادوار سبحان الله كانك عايشه معنا وخاصه الوضيح انا احب الحرص على البنات لان الزمن تغير غدار:55:
|
السلام عليكم ورحمه الله وبركاته
الله يجزاااااك خير على هالدعوه الطيبه وجعل ربي يستجيبها ويكتب لاهل سوريا النصر على هالطاغيه ويعم عليهم الامن والامااااان انه قادر تسلمين ام الوليد على سوالفك الراقيه والمبدعه الله لايخلينا منها يوالفك يالغلاا تجيب العافيه وتنعشنا والله واخيرااااااا تكرمتي علينا يا العوق وطليتي والله فقدناك وفقدنا كلامك الي زي البلسم للروح والا حكمتك الي جالسين نتعلم منها مدري وش نسوي اذا قررت طيووف انها تموتك ساعته يمكن نسوي عليها انقلاب ياسبحان الله ابتعادك عن عوق وزياد كان سبب في انهم يتقربون من بعض وان كل واحد فيهم يعرف قيمه الثاني ويحس انه مايقدر يستغنى عنه وانتي بعد علمتي عوق ان مالها بعد الله بهالدنيا غير زياد و تنتظر من اهل العازه اهلها اي شء او انهم راح يتقربون منها تبيها تعرف ان ماحد راح يصفى لها وتهمه غير زياد هو السند والعزوه وعلمت زياد انه يحترم عوق ولا عاد انه يزعلها او يفكر انه يطردها تالي الليول وان زعل العوق وامها كايد ولا ترضى الا بطلعه الروح ما اقوووول الا كبييره يالوضيح كبيرررررره نجي للمخبل عوق وزياد والله كل واحد فيكم ميت على الثاني ذي الخبله عوق الي خربت تخطيط امها بس تنتظر من امها كلمه عشااان تطير مع رجلها وهي الي كانت تتوعد وتهدد طلعت خرطي ماعندها ماعند جدي ونتظر اليوم الي تروح فيه مع زياد الا يالخبل اللحين امك مسويه لك قدر وقيمه عند زياد ومانعتك تكلمينه تروحين تطلبين منه يجيب لك هديه لجواهر واخونا في الله ماصدق عوق تطلبه رااح فوريره يجيبه لها بس عشان ترضى عليه بس اشوى ان الوضيح ذهينه ولقطته على طول عشن تحرم عوقوه مره ثانيه تخالفهاااا اماااااا عااااااد تقفل عليه بالمقلط والله قويه ليه و قطو خايفه يهرب منها هههههههه الصراحه ضحكت عليهم لا والمصيبه جار السوء مالقى ينط عليهم الا وزياد محبوي بالمقلط بالله كيف يصيده لاا والخبله الثانيه تراكض هي وكرشها تحسب روحها في سباق اهجدي يامال العافيه لا يخر ورعك انتي بروحك ملزقه بعلك تقومين تراكضين لناااا الله ياخذ يا هالجار كانك منت ناوي تجيبها للبر شكلك لازم تاخذ لك اكله من عصاة الوضيح عشان تتوب وتعقل وتحرم انك حتى ترفع نظرك بالبيت او انك تفكر تمر من قدام البيت ام الوليد جعل يمينك تحج يالغلاا لله يونسك مثل ماونستينا |
السلام عليكم و رحمة الله وبركاته
اللهم امين ...اللهم لقد ضاقت صدورنا لحالهم ..يارب انت ارحم الراحمين قلت وقولك الحق لقد مس اخواننا في سوريا الضر فرفع عنهم البلاء وانصرهم بعزك وقوتك يارب العالمين تسلم يمناك يامبدعة السواليف تفوقتي وبجداره في البارت السابق من حيث الحبكه والوصف نقلتي تفاصيل ضعف المرأة باسلوب مبهر سو فهمنا لمن حولنا ... ونعصب اعيننا عن الناس ونعتقد انها لا ترى لاننا لانرى سوى تحت اقدامنا حال عوق مع اهلها وعتبها لن ينمحي حتى تواجهم وتدخل عقر دارهم وترى ان حالها افظل بكثير من غيرها ومن حال والدتها التي تحمل النسب هي باعين الناس مرفوعه كسيره بين الجدران سواليف المستشفات التي لا تنتهي ولكم هو رائع المثل من شاف هموم الغير هان عليه همه تعليمين هي لو لم تبحث عن هموم الناس لتهون على نفسها كان اخير لها لا اعلم هل لم يتمكن القران وحفظها له من قلبها اين هي عن حال النبي صلى الله عليه وسلم حين كان بعام الحزن فربط الله على قلبه وانزل عليه سورة يوسف فكم بها من العبر والمواعض فكانت هي سلوته وونيسه لماذا لم تجعل من هذه السوره سلوتها وهي تحفظها فمن قرأها وهو مهموم خف همه وهو يرى ماذا حدث مع نبي الله ما تعجبت له كيف يتكون كيس به جنين كامل فوق الرحم كيف خرج من الرحم كيف تغذى اين ذهب الحبل السري ....جعلتني ابحث في مواقع طبيه عن هذا الموضوع ولم احصل على نتيجه اعلم ان هناك حمل كاذب ولكن لا يكون جنين متشكل...سبحان الله ولله في خلقه شؤن زياد هل سيعتب وتحدث مشكله بينهم حين يعلم بانها اخفت عنه تهديد ابن الجيران ... رب ضارة نافعه فحبسه سوف يمحيه ماحدث معها من اغماء من شدة الخوف ام عوق حياك الله يامبدعة الحديث و درة الكلمه لكم اشتقنا الى عتبها بسلوبها القيم المبهر ضحكت معها باسلوب مشاكستها لعوق لو كل ام كانت مثلها لما حدثت هذه المشاكل والطلاق لدي احساس انها هي من سوف يحدث له شي بسبب ابن الجيران وليس عوق في مجرد اغماء و هبوط نتيجة الخوف هل سوف تودعنا بالبارت بعد القادم ونفقد سواليفها التي ستستمر بتذكر الاخرين لها اسفه لعدم التواجد المستمر وما اخرني عنك تحميل التولبار سلمتي وسلم كل غاليك ننتظر طلتك وسالفه جديده حفظك المولى |
بســم الله الـرحمــن الرحيــم اللهم نسألك بنور وجهك الذي أشرقت له الظلمات , وصلح عليه أمر الدنيا والآخرة , من أن يحل بنا سخطك أو ينزل علينا عذابك , لك العتبى حتى ترضى ولا حول ولا قوة إلا بك اللهم إن عبادك المؤمنين في سوريا يستصرخونك ويستغيثون بك اللهم اغث لهفتهم اللهم فرج كربتهم اللهم اجب دعوتهم اللهم اقض حاجتهم اللهم استر عوراتهم اللهم آمن روعتهم اللهم اشف مريضهم اللهم لا تكلهم إلى أنفسهم طرفة عين ولا أقل من ذلك اللهم أخذل عصابات بشار الأسد وكل من ينصره على الظلم وكل من يعاونه على الباطل اللهم خذهم اخذ عزيز مقتدر اللهم أزغ أبصارهم وقلوبهم اللهم ألق الرعب في قلوبهم اللهم زلزل الأرض تحت أقدامهم اللهم أذهب عن أرضك سلطانهم اللهم لا تدع لهم سبيلاً على عبادك المؤمنين اللهم خذهم أخذ عزيز مقتدر اللهم إنا نسألك أمراً رشداً من عندك تعز به أسودك المؤمنين في كل مكان وتذل به عصابات الإجرام الكافرين وصلى الله على سيدنا محمد وعلى آله وصحبه أجمعين اللهم منّا الدعاء ومنك الإجابة اللهم آمـــيـــن . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., او الغوالي الي كلفوا على انفسهم يسجلون علشان يتابعون الروايه ممتنه من الاعماق للجميع.., واهداااء خااص لحزين الاحزان &الزعيمه الهلاليه . . اليوم بنشوف عوق المزايين بعد العواصف الي مرت فيها وهل عرفت فعلآ حاجتها لزياد...!!! نسأل الله العظيم رب العرش الكريم ان يجعل لأختنا ارجوانة الياسر من كل همآ فرجا ومن كل ضيقآ مخرجا يا الله تعالوا معاي...!! وسالفه جديدة؛ . . البارت الواحد والثلاثون . . فتحت عيوني حسيت ضباب قدام عيوني وفي شي على فمي شكله اكسجين ..!! التفت كان في ممرضه داخل الغرفه حركت يدي فيها مغذي الممرضه طلعت ورجعت كان معاها زياد شكلها نادته .., زياد يبتسم\ الحمدلله على السلامه طيبه ان شاء الله .., عوق بوهن \انا وين..؟ زياد\انتي با المستشفى ..!! عوق بتعب\وين امي .. ! زياد\ موجوده الحين تجي كنا ننتظرك تصحين.., عوق بخوف والم\وش جابني هنا وش صار..؟ ظهري ماني قادره اتحرك..! زياد يبتسم\ارتاحي ماصار الا الخير بروح ابشر امك انك صحيتي وبجيبها لك امس يوم شافتك ارتفع شوي عندها الضغط اتنومت هنا بغرفه قريب منك .., عوق بخوف \لايكون صار لأمي شي .. زياد\ لا الحمدلله امك ماشاءالله عليهاعمري ما شفت احد بقوة ايمانها و صبرها بتشوفينها الحين .., عوق بنفسها\ياربي وش الي صار احسب نفسي خلاص في عداد الاموات .., حركت يدي ولمست بطني الحمدلله ماطاح جنيني.. دخل زياد وامي على عصاها تسندها شغالتها زياديبتسم\هذي امك مارضت حتى با العربيه تقول بطلع لعوق مشي .., وضحى تسلم على راس عوق \الحمدلله على السلامه صحيتي يمي وشلونتس الحين طيبه ان شاء الله .., زياد\لا الحمدلله ابشرك ماعليها طيبه .., ام عوق وهي تمسح دموع حاره\والله مادريت انه بيصير عقبي كذا كان ماتركتها لحالها ..! زياد \مقدر ومكتوب والحمدلله ربي لطف فيها وهذاهي قدامك ما فيها الا العافيه.. ام عوق بمراره\والله ياوليدي شوفة ها الاجهزه عليها انها ماتبشر بخير.. زياد\ياخاله كنا وين وصرنا وين اليوم او بكرا بتنزل للجناح بنتطمن عليهااكثر ونشيل ها الاجهزه.. انتي اجلسي ارتاحي مسافه من غرفتك الي هنا.., ام عوق \كل شي لعيون عوق يهون انا طيبه ماعلي اهم شي هي وضناها ..! زياد يبتسم \ ماعليهم طيبين وبخير .., ام عوق بفرحه وامتنان \الحمدلله الحمدلله الي سلمها ربي .., عوق بتعب \ خبروني وش صار.., زياد\لا ترهقين نفسك بخبرك وش صار..؟! بعد ما قفلتي الباب علي وقفت عند الشباك اناديك وحسيت في حركه غريبه على الجدار شفت واحد طالع على الجدار بينزل داخل السور من طلع على سور بيتكم عرفت انه بيدخل داخل وشكله عارف الحي مافيه احد.., كلمتك بسرعه بدون لا الفت انتباهه لي شكيت انهم اكثر من واحد وتوقعت معاه مسدس او سلاح يضربني فيه وانا محبوس ولا اقدر اسوي شي..؟! وحذرتك وبعدك كلمت جزاع بسرعه..!؟ قلت له بيت خالتي داخله حرامي كلم الشرطه اوصف لهم البيت .. ومثل ما فكرت دخل داخل البيت.., اخذت يد الهاون الي موجوده بدولاب مشب النار وكسرت فيها حديد الشباك .., طلعت لقيته كاسر باب غرفة خالتي وخلاص كسر باب غرفتك بيدخل عليك.., هو ماتوقع ان في احد في البيت ضربته بيد الهاون الي معي على كتفه بدون لا يدري من الي ضربه.., وتعاركت معاه وعلى طول وصلوا الشرطه واخذوه وكسرنا الباب عليك.., لقيتك مغمى عليك وطوالي للمستشفى و من البارحه وانتي هنا وهذي الحكايه.. عوق بخوف وتعب \الحمدلله يعني ما تعرض لي.. زياد بحده وقهر\يخسي وبعدين ترى ماكان في وعيه شكلها يتعاطي مخدرات والحين من رمي با السجن.., عوق بوجع وقهر \حسبي الله عليه فضحنا بين جيرانا.., زياد بقهر\لا والله هو الي انفضح متهجم عل بيوت خلق الله خير الدنيا سايبه .., عوق بخوف\تعرف كلام الناس وش بيقولون عني وهم مطلعين الحرامي من داخل بيتنا.., زياد بتهكم \ خيروش بيقولون الناس ..؟! العالم التمت داخل بيتكم ما ادري من وين طلعوا اتوقع من يوم شافوا الشرطه واقفه اجتمعوا وادخلو مع الشرطه وشافونايوم كنا نحاول نفتح الباب عليك يعني الكل عارف انه ما قدر يوصلك..! هو وش يبغى فيك شكله داخل يسرق عارف انكم طالعين للعرس وتوقع البيت فاضي .., وبعدين كل الموجودين تفاجئو ان في شخص داخل الحمام لما طلبنا منهم يطلعون واحنا نحاول في الباب نفتحه .., ام عوق\الحمدلله عوق صايمه ومصليه وربي حفظها والله اني اصبح وامسي استودعها الله .., زياد\الحمدلله يا خاله احفظ الله يحفظك الي صارالعوق شي عجيب لو سمعته من احد ما صدقته وقلت يبالغ.., انا مريت عوق بوقت ماهو متوقع تأخرت في المستشفى وكنت متردد اني اجي لها خصوص بها الوقت.. جزاع ازعجني اتصالات وينك وينك قلت له دقايق واكون عندك..! طلعت لبيتي لبست وقلت بمر عوق حتى اني اروح وارجع على شارعكم اكثر من مره.., وقفت سيارتي بعيد عن بيتكم وجيت مشي ..! ودخلت عند عوق وكنت بدخل ثواني واطلع...؟ لكن قدر الله انها تقفل علي الباب واتأخر عن العرس ويدخل الحرامي.., يعني لو ماقفلت علي كان طلعت قبل لايجي الحرامي.. وجزاع ما قصر بسرعه بلغ الشرطه.. و قدرنا نسيطر على الوضع قبل يصير شي لعوق.. عوق بفرحه\الحمدلله ثم الحمدلله ثم الحمدلله حتى يبلغ الحمد منتهاه ان ربي نجاني وسترني.., زياد\ويمكن بعد درس للمدمن انه يدخل مصحه يتعالج فيها.., شكله يسرح ويمرح ولا احد داري عنه انه متعاطي..! ام عوق\ والله ان اهله ناس اجواد في حالهم لكن ولدهم فاضحهم اعوذ بالله ماغير يهابد بها الشوارع عجزو فيه كلن يشكي منه .., امه اذا سألها احد عنه قالت انه مسحور و فيه سبب عجزوا منه الشيوخ .., زياد بحده\ماعلينا منه فيه سبب والا مافيه بيلقى جزاه الناس ماهي لعبه عنده وعند كل واحدآ مايخاف الله.., مر اسبوع وانا با المستشفى كان عندي هبوط با الضغط والمشيمه نزلت ولازم رعايه خاصه.. زياد كان متابع وضعي وصارحني احتمال اذاتطورالوضع انه يكون في تدخل جراحي لكن الجنين مره صغير.. بيحاولون يأخرون ولادتي قد ما يقدرون علشان الجنين يكبروتكتمل اعضاءه داخل الرحم .., طلعت للبيت ضاق صدري من المستشفى وخصوص ان الجو شتاء وامطار.., جو المستشفى كئيب ارتحت عند امي افضل من المستشفى امي رضت على زياد بعد الموقف الي صار وانه بفضل الله ثم وجوده ماقدر ولد الجيران يسرق بيتنا او يوصل لي ويضرني ماخبرت امي ولا زياد عن تهديدات ولد الجيران خفت من ردة فعل زياد وافتح ابواب على نفسي ماني قدها والولد انمسك بصفة سارق لبيتنا وهو اصلن سمعته سيئه عند الجيران يعني بيعتبرون الي سواه ماهو غريب عليه كان من الممكن انه يدخل اي بيت من بيوت الجيران وامي ما ابيها تشيل همي اذا عرفت با الموضوع سألني زيادوش الهدف من اني قفلت عليه المشب وقلت له ابغى امي تعرف وش كثر انت شاريني وترضى عليك فسر الموقف بأنه يتمنعن وهن الراغبات وان هذي حركه من كيد النساء زياد اكثر وقته عندنا من دوامه يطلع لبيتنا نادرآما يروح لبيته.. مواعيدالمستشفى هوبنفسه يجي وياخذني .. مرات يحاول نطلع نتمشى لكن اعتذر منه.. ما اقدر اطول جالسه با لسياره خايفه من الولاده المبكره.., نقوم من صلاة الفجراناوامي ونجلس با المشب ونشب النار ماندخل داخل الا وقت النوم.. زياد ما كانت تعجبه ريحة الحطب دخل مره علينا الصباح قبل يطلع لدوامه.. بيتنا على طريق المستشفى واقرب لزياد اذا بيطلع من بيتنا جلسنا انا وامي با المشب نتقهوى.. زيادبضيق \ انتو عارفين ان ناركم هذي دخانها سام ماهو كويس لعوق ولا للجنين.., ام عوق بممازحه\هذاحطب سمر ما يضر ابد.., خايف على مريتك خذها لبيتك وهي ما يجيها شي وريحة السمر خلوها لي.. زياد بترجي\ والله اتمنى ياخاله لكن هي ماهي راضيه اقنعيها تكفين.., عوق بتذمر \الكلام هذا ماهو وقته.., زيادبملامه وتذمر\كيف ماهو وقته اجل متى..!؟ تدرين كم لك عن بيتك لك ست شهور يامدام.., عوق بحده\واذا ست سنين انا ما ترك امي با الحالها.., زياد بقهر\ يعني عاجبك وضعنا ترى مليت تسمعين مليييييييت ما عاد عندي صبر استنفذتي الصبر الي عندي كله.., ام عوق بملامه \ عوق تعوذي من الشيطان وش ها الكلام.., عوق بزعل\والله يمه هو الي من دخل وهو ماهو طبيعي .., زياد بملامه\انا الي مو طبيعي ليه وش شفتي مني علشان تقولين ها الكلام..! عوق بغضب \ايه انت ما انت طبيعي من دخلت اعوذبالله تدور المحارش.., من طلعت لدنيا والسمر مافارق بيتنا والشتاء من يدخل حتى يطلع وحنا نشب ونتدفى على سمر ما جانا شي.., زياد بقلة حيله ومعاتبه\الله يجزاك خير وانا استاهل على حرصي عليك .., سوي الي تبينه ياعوق خلاص ماتفرق معي تجين والا تروحين يا الله مع السلامه.., وطلع زياد من بيتنا زعلان .., ام عوق بملامه \ارتحتي ها الحين يوم هججتي الرجال.., عوق بقرف\والله عاد هو شكله يبي الهجه بكيفه لا يرجع اذا جيتي وروحتي عنده واحد.., ام عوق \وانتي ما مسكتي غير ها الكلمه..؟ السوالف معتس ضايعه ولا اخذتي درس من الي صار لتس .., عوق بذعر\ليه يمه...!! ام عوق بزعل\وش الي ليه مير على طول قبيتي بوجهه.., الرجال خايف عليتس كان سكتي وقلتي ابشر لكن ما تعرفين تسكتين غير ترادين .., تحسبين كثر محارش الرجال به خير.., عوق بضيق \يعني وش تبيني اسوي انا عارفه وش يبي.. يبغاني ارجع معه للبيت بأي وسيله طيب انا تعبانه.., ام عوق بملامه\هو طبيب وادرى منتس لا تشدين اكثر ترى مالتس غناة عنه ولا لتس رجل غيره.., يعني للحين ماعرفتي قيمته لولا الله ثم هو وش كان صار بحالتس ليلة يدخل بيتنا الحرامي.., عوق با انكسار\يمه والله اني عارفه كل شي لكن هو يحط يده بحلقي وينطقني غصب.., والله استغرب له تصرفات انسان متعلم ودكتور لكن مرات يرمي كلام ما يعرف عواقبه.., ام عوق بتهكم\ والله ما ادري من هو الي مايعرف عواقب كلامه.., اردفت ام عوق وهي تتنهد بقهر\لك الله يا زياد لو انه محتال وبياع كلام كان حطتس بجيبه من زمان.., مبطي مقيوله ان قام حظك باع لك واشترالك ..وان طاح حظك لا شراك ولا باع.., والله ان زياد على نياته لكن ماله حظ معتس وش ما سوى.., عوق بتهكم\واضح على نياته والله ماتدرين عنه.., ام عوق بسخريه\ما شاء الله انتي الي تدرين.., اصلحي ما بينتس وبين رجلتس ولو يبيتس تروحين لبيته اليوم روحي معه الرجال معه حق ومن يصبر صبره عليتس من تاركه بيتس له .., وهو رجالآ يبي يختلي بحرمته ويجلس معاها وانتي كم لتس مقابلتني .., عوق بملل وتذمر \تعبانه ما نيب رايحه.., ام عوق بملامه\خلي عنتس الخبال والعناد تراه احرص منتس على نفستس بقوم اصلي الضحى واطلب ربي ازين من سوالف معتس مالها سنع.., قامت امي من عندي ودخلت للبيت تصلي واتركتني بحيره.., من تزوجت ما ارتحت لا مع زوجي مرتاحه ولا بدونه مرتاحه.., كلام امي حقيقي بس وش اسوي ما ادري وش يجيني اذا شفته .., بنتظر منه اتصال واحاول اصلح الي بينا بدون ما احسسه اني راميه نفسي عليه.., اليوم كله انتظرت من زياد اتصال الحين بعد المغرب ولاكلم ولا حتى ارسل با العاده ما ينقطع عني بالشكل هذا.., دق جوالي توقعته زيادوخاب ظني كانت خوله..؟ تسأل عن اخباري وهل في امكانيه اكمل معهم النصف الثاني حتى لو ماده وبيساعدوني .. اعتذرت منها ما اقدراكمل معاههم الحمل متعبني .. وخبرتني انها بتزورني هي ومعها مدرسات .., مر على اخر مره شفت زياد فيها اربع ايام وهو لاحس ولا خبر.., حتى امي ماصارت تجيب طاريه قدامي وانا الحين تقريبآحملي صارله 27اسبوع.., مراجعاتي صارت اسبوعيه للمستشفى زياد مشرف على حالتي.. بكراعندي موعدمراجعه ماادري اطلع مع السواق والاهو بيجي ياخذني والااسحب على الموعد.., عوق بتردد\يمه بكرا عندي موعد با المستشفى.., ام عوق با استغراب \ليه اول مره تروحين للمستشفى انتي حملتس مير قضيتيه با المستشفى.., عوق بقلق\لا بس موعدي مع زياد وما ادري وشلون.., ام عوق\وشو لونه ..! باتسر ان ماجا ياخذتس مثل كل مره.., البسي عباتس واطلعي انتي والخدامه مع السواق وادخلي عليه مثل كل الحريم.., عوق بحزن\يمه خايفه ما يعطيني وجه والا يحول ملفي لغيره.., ام عوق بسخريه\من هو زياد ماهقيت الضعيف يموت على اثرتس بس انتي راسآ يابس.., عوق بتهكم\واضح الي ساحب علي اسبوع.., ام عوق بضحك\ياالله با الستر اسبوع كلهن اربع مدري خمس ايام خليتيهن اسبوع.., باتسر وانا امتس ليني الهرج معه ولا تركبين راستس وان قال با خذتس لبيتنا لا تعيين روحي معه.. عوق تتنهد بضيقه \بنفذ كل الي تقولينه واذكرتس بكرا ان ملفي ماهو عنده بيحوله على غيره.., تصبحين على خير بنام .., دخلت غرفتي برتاح احس بطني ثقيل ياربي وشلون بخلص من هاالبطن من كبرهالااقدراقوم ولااقدراقعد.., هم الحمل وهم حالي مع ها الرجال معلقه لا انا با السماء ولاانا با الارض.., وش اسوي بكرا ارسل رساله والا اكلم والا اخليها على الله .., نمت على افكاري وصحيت على صلاة الفجر صليت ورجعت نمت بعد ما قريت وردي واذكاري اليومية.., خصوص بعد الي صار من ولد الجيران صرت احرص على الاذكار اكثر من اول.., نمت وصحتني امي على الساعه عشر.., ام عوق بااستغراب\وش عندتس اليوم طولتي با النوم لا يروح عليتس موعد المستشفى.., عوق بكسل\هلا يمه لا الموعد بعد الظهر.., ام عوق \اجل نامي وانا اقعدتس على صلاة الظهر.. عوق \لا خلاص بقوم الحين شبعت نوم من البارحه وانا نايمه.., قمت صليت الضحى طلعت ورى امي للمشب هجرنا البيت وصار هو مجلسنا.., ام عوق\من الي بياخذتس للموعد..؟! عوق بضيقه\زياد ما عطاني وجه ولا كلم بطلع مع السواق تجين معي.., ام عوق\وش يوديني خلصي شغلتس وعودي.., عوق بتذمر\اكيد بخلص وارجع ماعندي مشاوير عقب المستشفى..! ام عوق بتوجس وشك\من هي البنت الحامل الي مع خوياتس يوم جاو قبل يومين.., عوق\من.. ؟ مافي حامل الا اميره .., ام عوق\والله ما ادري وش اسمها لكن وجها ماهو غريب علي وش يقالهم.., عوق\والله ما ادري يمكن اميره الـ... ام عوق برعب\ تقولينه صادزه..؟؟!! عوق با استغراب\اي والله يمه الظاهران هذا اسمهم لكن ليش مستغربه..؟ ام عوق بتعجب\يا صغر الدنيا يا بنتي هذي ان ماخاب ظني انها بنتاخي للهنوف واهلها هم الي ماخذين ساره.., عوق با استنكار\من الهنوف ..! ام عوق \الهنوف ام ساره و بدر رجل مشاعل.., عوق تضحك بوجع \يمه تدرين انها كم مره تشبهني في بنات خالدوبنات تركي..! تقول ياعوق كنك منهم ان قلت انك مثل بنات خالد تشبهينهم وان قلت مثل بنات تركي تشبهينهم.., قلت يخلق من الشبه اربعين.., ام عوق بحسره \ازين مارديتي وابعدي يا بنتي عنها مانبي عقب ها السنين نفضح الي سترناه.., عوق تتنهد بوجع وحسره\يمه لاتوصين حريص داريه يعني حتى لودرت الناس من هم اهلي وش الفايده..! هذا انا تزوجت لقيط مايندرى من اي ديره جابته الاقدارلي وغيركذا المجتمع مايرحم.., الكل بيجيه من شرارنارالفضيحه الي صارلهامدفونه اكثرمن 26 سنه .., ام عوق تتنهد بوجع\الناس هذا طبعها دايم عينها وسيعه على الزلات وشلون فضيحه مثل هذي.., هذا زين بعد ان ماقالوا بنت خالد ما يدري منين جابت هالبنت.., ليت يقولون ابوها بدر الا بتسمعين الهوايل عن مشاعل.., وانتي يا بنتي هذا قدرتس وش بتسوين.. مرات اوجس منتس كبرت نفس على رجلتس لا يغرتس كبر اسم اهلتس ماهم نافعينتس عوق تبلع غصه با الم وتمسح دموعها\ ماكذبتي يمه والله مرات اجلس وافكر الحالي ليه انا من بد بناتهم كذا وخصوص اذا سمعت احد اطراهم قدامي من زميلاتي والا اي احد من معارفهم واحس نيران بجوفي تواقد مايطفيها غير خوفي من فضيحة اهلي.., ام عوق بتأثر \السوالف ما تفيد مابها غير تجديد اوجاع احمدي ربتس الي جاب لتس ها الرجال حبيب وعاقل ولا عنده لف ودوران ويتمنى بس يرضيتس ترى هذي يا بنتي بعد نعمه عظيمه تبي من يشكرها ولا اوصيتس سرتس لا يطلع حتى بينتس وبين نفستس انسي كل شي يتعلق بهاك العرب عوق تبتسم بوجع\ما عليتس يا الوضيح السر في بير مير حتى اني افكر البس برقع ولا ينزل عن وجهي الا في بيتي..! ام عوق تتنهد بتمني \يامنوة عيني ان برقعتس ما ينزل من وجهتس .., اردفت وضحى بتوجس \اهل زياد ماهم اهل براقع خوفي ينقدونتس .., عوق تبتسم بتهكم \ ياليت كل الناس مثلهم والا بطيبتهم وبعدين في بيتي مانيب لابسته.., بلزم برقعي اذا طلعت عند احدوالا زارني احدغريب.., انا وش عرفني بمعارف زياد يمكن احد من زملائه والا اصدقاه يقول ودي اتعرف على اهلك يا زياد ويكون من معارف الـ خالد والا الـ تركي والكل داري انتس انتي ماتفكين برقعتس بيقولون العرب الوضيح ربة اليتيمه وعودتها عوايدهامحد بناقدني.., ماصدقت سنين الكليه تعدي وانا كل ماجات دفعه جديده نشبو لي فيتس من بنات البندري بنت تركي وكنتس بياض بنات شهاليل بنت خالد.., ليالي عساها ماتعود كل شوي مروعاتني وانا ماعندي الا يخلق من الشبه اربعين والا اصددعنهن كني ما اسمع وش يقلن.. ام عوق تتنهد بحسره\يا جرح قلبي عليتس يا عوق جرحاه.., عوق بحزن\ليه يمه..! اردفت ام عوق باالم \ متحمله شي محد يتحمله الله يكملتس بعقلتس يا بنتي ويصلح حالتس ويستر عليتس ويهون عليتس .., عوق بوجع \اي والله يمه اني محتاجه ها الدعوات بروح اجهز نفسي اصلي واطلع للمستشفى.., ام عوق تبتسم \مامثلتس عسى الله يوفقتس لكن توصلين لزياد وتخربين..!! احترت وش اسوي اكلم زياداو اطلع مع السواق.., صليت الظهر ودقيت على زياد ماردعلي دقيت مره ثانيه وعطاني مشغول .., عوايدك يا زياداذا زعلت تعطيني مشغول ليتك ترد بشين والا بزين ...؟! لبست عباتي وطلعت للمستشفى قدمت او راقي وجلست بصالة الانتظار .., اليوم طولت وانا جالسه مواعيدي السابقه على طول ادخل vip لكن الحين عادي استغليت الوقت كنت منزله بجوالي القرآن الكريم كامل وقعدت اقرا.., نادتني الممرضه دوري ادخل على الدكتور.., دخلت وكان ملفي مع زيادومعاه وحده شكلهايادكتوره او ممرضه.., وممرضه فلبينيه اول مره اشوف وجه زياد كذا كان جدي مره معاي .., يسألني مثل اي مريضه غريبه عكس المواعيد السابقه.., ويرجع يتكلم مع الحرمه الي معانا شكلها سعوديه طلعت فعلن دكتوره.. زياد كرر اكثر من مره كلمة دكتوره.. انقهرت ولا ادري وش يقولون انا با الانجلش ميح..!! احس أني اول مره ادخل على دكتور.. زياداذا كلمني يطالع با الملف ما يطالع وجهي.. وانا استحيت من الدكتوره الي معانا اني اتكلم معاه.. اخاف ما يعطيني وجه كنت ارد على اسئلته بس.. طلبت مني الممرضه اطلع على سرير الكشف شكل زياد طلب منها تقولي.. ساعدتني علشان اطلع على السرير جا زياد ولا ناظر حتى بوجهي.. يناظر بكل شي الا وجهي وانا نقابي علي ما ادري ليه يوم جلس جنب السرير.. علشان يعملي سونار جاني شعور اني اضحك وابكي بنفس الوقت.. زياد نادى الدكتوره الي معانا با الغرفه وجات تناظر معاه.. يسولفون ويضحكون زياد والدكتوره حتى الممرضه شاركتهم.. ويأشرون على شاشة الجهاز وشكلهم يناظرون الطفل وانا محد معطيني وجه.., عوق بتردد\كيف الجنين.., زيادبهدوء \كل شي تمام.., الدكتوره \ماشاء الله طفلك حجمه كويس واعضاءه متكامله ونموه مناسب لأاشهر الحمل.., تركت زياد وصرت اكلم الدكتوره ما صدقت انها عطتني وجه.. ولا ادري ايش اختصاصها هي نساء ولاده والا اي شي بس ابغى اتطمن.., عوق\ دكتوره كم باقي على الولاده.., الدكتوره\هذا شي علمه عندالله لكن انتي وضعك خاص علشان كان عندك مشاكل في بداية حملك.., باقي با التقريب من 7اسابيع الي عشر اسابيع وممكن قبل.., عوق بتوتر وخوف\يعني ممكن اولد طبيعي والا مستحيل خايفه من القيصري.. الدكتوره\مافي شي مستحيل والقيصري صار عادي جدآلا تخافين دكتور زياد ماسك حالتك.., اردفت الدكتوره بضحك \وزيادة اطمئنان لك ماراح نلجأللقيصري الا اذا في خطر عليك والا على الطفل.., عوق با امتنان\مشكوره دكتوره الله يطمنك اول مره احد يطمني من بداية حملي للأن .., الدكتوره\لا ماشاء الله كل شي عندك طبيعي ليش ما تتطمني .., عوق بتردد\دكتوره ممكن اعرف نوع الجنين.., الدكتوره بدهشه \واضح مره جنس الجنين ليش ماخبرك دكتور زياد ان ... زياد بمقاطعه يبتسم\دكتوره سديم احنا نحب المفاجئات والمدام عندها خبر.., ضحك هو والدكتوره وخلاني على نار نزلت من على سرير الكشف.., لبست وطلعت من غرفة الكشف خلاص با اطلع للبيت توقعته بيقول شي لكن ظل صامت ... وصلت للبيت مع صلاة العصر ولقيت امي تنتظرني .., ام عوق\هاه بشري وش سويتي.. عوق بتعب \انتظري خليني بس اغير لبسي واصلي واجي اعلمتس وش صار.., دخلت وحذفت عباتي وقفازي على الشغاله تغسلهم اكره ريحة المستشفى احس تتعلق بملابسي.. اخذت دش عن ريحة المستشفى والجل حق السونار ولبست وصليت وطلعت لأمي.., ام عوق بخوف\برد عليتس وش يطلعتس وانتي متسبحه.., عوق بممازحه\ماعليه انتي تقولين الحامل ماتبرد ولا تحس با البرد.., ام عوق بضحك\اقربي لنار من الي ما يحس با البرد هذا حنا على تالي الشتاء والبرد كل ماله بزود عطيني علومتس.., عوق\والله يمه دخلت وطلعت ما شفت وجهه هو الي فحص علي ومعه دكتوره ماغير يقرقر هو وياها.., ولا فهمت منهم شي غير يأشرون على الطفل بالجهاز.., ام عوق بطمئنه\زين يومه هو الي متابعتس .., عوق بخوف\يمه خايفه من العمليه.., ام عوق\اقول خلي عنتس الخبال ولا تفاولين على نفستس وخلي ثقتس بربتس اكبر من ظنونتس.., عوق بحزن \الله كريم.. ام عوق\ القابله ان شاء الله عشا عند ابو ابراهيم للجوهره توها راجعه من السفر.. من عرسها سافرت ولا رجعوا الا البارحه خلينا نحضر عشاهم نوسع صدرونا.. عوق\يمه ما اقدر امشي واجد اخاف.., ام عوق\اقول خلي عنتس الطيره نوره تقول خلي عوق تجي.. وبيتهم ماهو من بعده حذفت حصاه اقول بس البسي وانا امتس بنروح لهم بدري بعد صلاة المغرب.., عوق\ابشري يمه اكلم زياد اقوله اني بروح .., ام عوق بضحك\كلميه لو اني داريه انه ماهوقايل شي.. عوق منحرجه\لا بس انا عمري ما طلعت هذي اول مره ومستحيه اطلع وهو ماعنده خبر هم اكيد بيعزمونه.., ام عوق بضحك \كلميه كلميه الله يعين المستحي على شي جايز له طلعات المدرسه والسوق ماكانت طلعات .., وقت العصر قصير ما قدرت اكلم زياد ارسلت له ؛ (زياد بكرا بطلع المغرب لبيت ابو ابراهيم معزومه عندهم اذا ماعندك مانع ) ارسل ؛ (لا ماعندي مانع وبمر اعطيك الموعد الجديد للمراجعه الي طلعتي وخليتيه وراك) قريت كلامه اكثر من مره ماني مصدقه انه بيجي ها المره جيته احسها غير على ان رسالته فيها سخريه لكن ماعليه اهم شي عطاني وجه.., خبرت امي ان زياد بيمر بكرابيجيب موعد نسيته.. ام عوق\اجل انا بروح قبلتس علشان تاخذون راحتكم ولا ارجع والقاكم متذابحين عقبي..! عوق بضحك\ لا خلاص التوبه.., ام عوق بسخريه\كم مره تقولين ولا تنفذين.., مر اليوم بسلام ونمت بعد ارهاق المستشفى .. اليوم الثاني صحيت بدري ودخلت للمطبخ وصلحت حلى دخلت امي علي بالمطبخ ام عوق بضحك\ماشاء الله وش ها النشاط .., عوق\ابد وش نشاطه اصلح حلى وانا جالسه بناخذه معنا لبيت خالتي نوره.., ام عوق \ الله يقويتس ويعافيتس.. طلعت امي بدري لبيت ابو ابراهيم حتى قبل المغرب وانا قلت للخدامه ترتب البيت وتطفي نار المشب وتدخن المشب عن ريحة السمر.. ودخلت اخذت دش مستعجل جففت شعري علشان ما اخذبرد واحترت وش البس..!! استقريت با النهايه على فستان حمل لونه ازرق نيلي من زيادهديه .., وبسرعه خفت يجي قبل اخلص اكتفيت بروج وردي ومسكرا ورشيت عطر.., الحمدلله كل ما شميت عطر حمدت ربي اني صرت اتقبل ريحة العطر بعد ازمة الوحام وكرهي لكل شي .., اذن المغرب وصليت وجلست انتظر زياد انشغلت با اذكاري الي نقلتها لجوالي.., جاني اتصال من ريم.., ريم\وينك عوق تأخرتي خالتي تقول بتلحقينها..؟ عوق \شوي واجي مشغوله الحين.., ريم \ايه تكفين لا تتأخرين ترى ننتظرك انا والبنات.. وانا اكلم ريم جات تنبيهات على جوالي سكرت بسرعه من ريم توقعت انه زياد..؟ مكالمه من زياد وبعدها رساله؛ (ساعه مشغول جوالك افتحي انا عند الباب واقف) استغفر الله وش ساعه ريم مكالمتها ماتعدت دقيقتين..!! يارب اربط على قلبي لأانفجر بوجهه.. ارسلت الخدامه تفتح وتدخل زياد داخل للمشب .. افتحت وارجعت تقول رفض يدخل للمشب ودخل للمجلس داخل .., قلت خلاص جهزي القهوه والحلى الي صلحتهم وطلعيهم لزياد انا جايه وراك.. طلعتهم له الخدامه ورجعت ومعاها ورقه.. فتحتها كان فيها موعد المراجعه الي نسيته حسيت بخيبة امل عوق بيأس \ وش فيك تأخرتي ..! بابا زياد خلاص طلع ! الخادمه\لا بس هو يسأل يقول مين صلح حلى وقهوه انا يقول مدام عوق وممكن يطلع الحين .., مشيت للمجلس وانا اقدم رجل وأأخر رجل.. ما ادري كيف وقفت داخل المجلس وقدام زيادوهو جالس يتقهوى ولا رفع راسه لا بس ثوب اسود.., وبالطو جلداسودطويل وغتره بيضاء حسيت نفسي اول مره اشوفه..! من زمان عن شكل زياد با الثوب حتى لماكان يجي ويجلس عندنا ماكان يلبس ثياب.. اخر مره شفته لابس ثوب بزواج نواف الي ما قدر يحضره بسببي .. زياد جماله خرافي وفعلن مثل ماقالت ناهد زياد وجه مناقض للهجته .. وقف وسلم علي اناظر بيده وهي ماسكه يدي احس يدي سمرا..؟! وين الي يقولون يدين عوق حليب.. جنب ايدين زياد كنها ظهر قدر يطبخ على حطب كرهت حتى شكل ايديني.. زياد\وش فيك اجلسي والا مستعجله بتروحين.. عوق منحرجه\لا ابد عادي لا مستعجله ولا شي.. زياد بضحك \ على هالكشخه مااتوقع عادي.. عوق تبتسم بتوتر\لا والله اصلن ماني متحمسه على اني اروح للعزيمه.. زياد غمز بعينه \بنشوف اذا انتي صادقه او تصريفه.., عوق با ارتباك\لا والله ماهي تصريفه.. زياديبتسم\ يا الله البسي عباتك بنطلع مع بعض وخلي عشى المسلط.. عوق\طيب لكن صلاة العشاء على وشك.. زياد\خلاص اجل نصلي ونطلع.. جلست انا وزياد اقهويه وجاه اتصال.. زياد\هلا نواف نواف\... زياد\لا والله ما اقدر كنت بجي لكن جالي شغل مفاجئ .. نواف\..... زياديضحك\وش اسوي حظي معك كذا..! نواف\..... زياد\خلاص بمرك دقايق وانا طالع لصلاة..! نواف\..... زياد\اي والله اهم منك ما يتأجل اخاف اجله ويروح علي.., زياد بضحك \ مع السلامه عوق\شكله نواف زياد يضحك \نواف بينفجر من القهر يقول الظاهر الي مسك عن حضور عرسي هو الي حرمني شوفتك الحين.. عوق بحيا\لا عادي بتحضر العشاء خلاص انتظرك هنا..ّ! زيادبمشاكسه\لا والله ماراح تصيرين اطيب مني يا ام العنود..! اذن العشاء وطلع زياد يصلي.. وانادخلت اصلي وجلست لاذكار الصلاه انتظر زياد.., كلمني اطلع ركبت السياره مع زياد.. الجو اواخر الشتاء و بعد العشاء لكن بياض الغيم معطي الليل جمال سبحان الله .. زياد\وين تبين تتعشين.., عوق\بكيفك بعدين تو العشا .. زياد\اجل بنطلع مكان على مزاجي ويفرح فيك والا وش رايك.., عوق\بكيفك..! زياد يضحك با استغراب\لا الدنيا اليوم فيها شي انتي صادقه والا تمزحين.. عوق\وليش امزح لا والله صادقه تعبت وانا وانت كل واحد بجهه.., وعلى قولتك العنود ما تستحق انها تعيش بين امها وابوها.. زياد\انتي رجعتي مقتنعه والا احد ضغط عليك ولا علشان الطفل.. عوق\انت وش رايك.. زياديبتسم \انا اسألك .. عوق\انت وش تبي الجواب.. زياد\الجواب الي يريحك وتحسين انه الحقيقي لرجوعك.. عوق تتنهدبوجع\لو كان على الضغط كان رجعت من اول يوم طلعت من بيتك.. والطفل انا طلعت لدنيا ماعندي الا امي وهذا انا ماضعت .. تربيت وعشت احسن من بنات عاشو بين ام واب واخوان .. زياد\يعني افهم ان رجعتك على شاني.. عوق\بكون صريحه معك انا رجعت على شان نفسي اولآ.. انا اكتشفت اني بدونك ولا شي الطفل الي بجيبه بغض النظر ولد او بنت .. اكيد ماراح اقصر بتربيته وبيكبر ويروح ويتركني.. اذا بنت بتتزوج وتنشغل بحياتها واذا ولد اذا ما ابتعد عني بعد ما يتزوج يمكن وظيفته تبعده عني.. زياد انا محتاجتك اكثر من حاجتك لي بغض النظر عن كل شي ما ابي اعيش وحيده.., تعبت من الوحده انا ابي احس با الآمان معاك.. زيادبممازحه\افاااوانا اقول ام العنود رجعت علشان تحبني اثاريك تبين بودي قارد..! عوق بضحك\عاد والله ناقصك كم كيلو وتضبط عليك الوظيفه.. زياد يبتسم \عوق من جد تحبيني.. عوق بحيا\ عن الاحراج عاد.., زياد بحب \يكفيني هالجواب.., اردف زيادبضحك\نفسي اشوف وجهك بس وهو يتقلب الوان عوق ترى الاحتياج احيان اكبر من الحب.., عوق\الحب ماهو كلمة تنقال احبك وتحبني الحب الي ما يترجم افعال وش الفايده منه.. زيادبضحك \يا ام الفوايد الكلام الحلو بين الزوجين له دور.. بالله من يرضى بحالة الجمود اذا الزوجه ماتعبر عن حبها لزوجها بجنب الفعل على قولتك با الكلام.. عوق بضحك \هذا طريق بيتنا.. زياد\ايوا بيتنا اكثر مكان بيفرح برجعتك وخصوص غرفة الاشباح.., عوق تتنهد براحه\والله حتى انا فرحانه فيه ومشتاقه لغرفة الاشباح.. دخلت لبيتي احس كل شي على حاله ماتغير غرفة خالتي مسكره.., جلست با الصاله الي تحت نزلت عباتي ونقابي كنت متردده اطلع فوق.. زياد يضحك\وش فيك تناظرين الدرج اطلعي عادي لكن بشويش ان شاء الله ماعليك شي عوق بتذمر\والله خايفه.., زياد يبتسم وبطمئنه\لا الحمدلله وضعك جدآمستقر والحركه اصلن لازم لك لكن بدون اجهاد .. طلعت فوق انا وزياد كل شي على حاله ماتغير لكن اثر غبار.. زياد\وش فيك تناظرين ترى من طلعتي الخدامه انتهى عقدها وسفرتها وخواتي بين فتره وفتره يرسلون خدماتهم يهتمون في البيت وش اسوي عزوبي والناس تتصدق علي.., عوق\الله يعين وانا طبعي حار وسواس نظافه الله لا يوريك.., زياد\لا عاد اذا على كذا يا الله لبيت امك حتى اشوف لي خدامه ما ينفع كذا وانتي شكل مالك امان.., عوق تضحك\احسن حل.., زيادبدهشة مصطنعه\خير صدقتي بكرا بجيب خادمه مؤقته لحد ما اشوف حل.. ما توقعتك ترجعين الا بعد الولاده والا كان اخذت احتياطي واستقدمت خدامه.. عوق\مو مشكله.. دخلت غرفة النوم ياربي مآساه من الاعصار الي ضاربها..!! تذكرت زياداول زواجنا قال انا اذاتضايقت اصير ابو الفوضويه.., عوق بمزح\زياد في عصابه داخله على بيتنا والا حيكم ضاربه اعصار..؟! زيادبتهكم\ لاهذا اعصار زيادليش امريكا احسن مني كل يوم مسمين اعصار با اسم جديد ماعليك انتي ارتاحي كل شي له حل.., عوق بتهكم مصطنع \ خيبت ظني فيك والله ماكنت كذاوش جاك عقبي اذكرك منظم ولا تعرف الفوضويه.., زياد يتنهدبوجع\والله ماتدرين وش جاني .. عقبك صرت مثل الطفل الي عنده حاله نفسيه و ياكل اظافره.., عوق بتهكم \عسى بس ما انت على ها الكبر تقرمط اظافرك با اسنانك.. زياد بممازحه\ لا والله على قولتك اقرمط بغرفة النوم احوس وامشي بدون شعور.. عوق \اقول بس خلنا ننزل تحت احسن.. زيادبضحك \ لا تكفين خليك فوق وش ينزلك بعدين كل شي متوفر هنا بطلع اخذ لنا عشى وارجع ماراح اتأخر.. عوق بترجي\لا زياد تكفى لا تتركني با الحالي.., زياد\خلاص بشوف بنات نجلاء هم الي عندهم ارقام المطاعم بكلم مطعم يوصل.., عوق\ايواكذا افضل.., طلعنا من غرفة النوم الي شكلها يجيب الكآبه ودخلت غرفة الاشباح وزياد ما ادري وين اختفى.., الغرفه على ما تركتها قبل اكثر من ست شهوركل شي في مكانه شكلها مهجور ولا احد دخلها بعدي.., فجاءه دخل ومعاه كاس عصير.. زياد\ياحي الله ام العنود في بيتها.. عوق\الله يحييك الغرفه هذي مثل ماتركتها.. زياد\ خواتي ما يقصرون يرسلون الخدامات مع وحده من البنات لكن تعرفين ماحك جلد مثل ظفرك.. عوق\لا والله جزاهم الله الف خير بعد بيتنا شكله كذا نعمه يعني من متى تركت البيت.. آواخر الصيف الحين مابقى شي على الشتا ويطلع.., زيادبحب\الحمدلله يوم رجع للبيت نوره كان مظلم عقبك.. عوق با ارتباك\ماني مرتاحه هنا ابغى انزل تحت.. زيادبضحك\ ياخوافة وش الي ينزلك كثرة الطلوع والنزول لك ماهي كويسه.., زياد كلم اثير بنت نجلاء واخذ ارقام مطاعم كلمهم وطلب عشا.. عوق\زياد لا تكثر ما اقدر اكل كثير ما انام من معدتي.. زياد\ماعليه الي ماتاكلينه انا با اكله اليوم شهيتي مفتوحه على الاخر ما ني مصدق انك قدامي.. كلمي خالتي لا تقلق عليك وقولي انك معي ...!! عوق\امي ما معهاجوال اصلن رافضه الفكره من الاساس بكلم على جوال ريم واطلبها.., كلمت ريم عوق\هلاريم امي عندتس .. ريم\ايه هذا هي قدامي لكن انتي وينك احرقت جوالك ماتردين.. عوق\قريبه بس انشغلت.. ريم بصوت منخفض\انشغلتي لنا الله من لقى احبابه نسى اصحابه يا عويق.. خالتي تقول وش تبن فيها نايمه في احد ينام هاالحين والله ياعذرالعجايز مكشوف لا وقبلها قالت الحين تلحقني .., عوق بضحك\ فديتها بكلمها.. ريم بتهكم\ يا النايمه لا اشوفك في بيت خالتي الا والنونو معتس ترى اقلقتي امنا.., عوق بضحك\حاضر عمتي ريم ..! ام عوق\هلا ومسهلا.., عوق \يمه انا طلعت مع زياد لبيتي.. ام عوق \خيرآعلى خيرواطيب راي ولا تجين ان بغيتيني انا اجيتس انا اخف منتس.., عوق\يمه في خاطرتس شي علي..!؟ ام عوق\لا والله وانه احسن علم سمعته رجعتس لبيتس.., وبكرا ان شاء الله من اصبح بروح ادفع كفارات اليمين.., يميني على زياد يوم حلفي في ساعة غضب وحلفتس انتي على الطلاق.., . . . كلمه اخيره إذا أقسمت على شيء ثم رأين ان غيره خير منه فتكفر عن يمينك وتأتي الذي هو خير ، والكفارة مذكورة في قوله تعالى : لاَ يُؤَاخِذُكُمُ اللّهُ بِاللَّغْوِ فِي أَيْمَانِكُمْ وَلَـكِن يُؤَاخِذُكُم بِمَا عَقَّدتُّمُ الأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَن لَّمْ يَجِدْ فَصِيَامُ ثَلاَثَةِ أَيَّامٍ ذَلِكَ كَفَّارَةُ أَيْمَانِكُمْ إِذَا حَلَفْتُمْ وَاحْفَظُواْ أَيْمَانَكُمْ كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَشْكُرُونَ (89) . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
السلام عليــكم
يــارب لا يخيب من دعـاك الله استجب دعوانا و أرنـا عجـائب قدرتك في بشار و أعوانه و رحم المسلمين و افرج كربتهم يـا عزيييز يــا رحيم طيوووف تسلم انــاملك على الإبداع المتواصل و حبكة السوالف أنـا عن نفسي لما آقراها احس اني في جلسة عـائلية و نتبادل سوالف و ماشاء الله كلها فوائد و تعلمت منها كثيير الله لا يحرمك الأجر كل حرف كتبتييه لنه كله في سبييل التوعية هذا الجيل الحمد الله و آخيييرا عووق طـاح لي في راسها و رجعة لزيــاد الله يجمع شملهم و يقومها هي و جنينها بالسلامة الوضيح أم عووق أي امرأة هي فعلا حكييمة ولها بعد نظر و رأي صـائب نفتقده في زمننا الحالي كثيرا <<تدري أم الولييد والله كل لما تنزل سـالفة على قد ماني متحمسة أقراه على ما أكوون حـاطة يدي ع قلبي خايفة يكون آخر بارت نسمع فيه درر أم عووق أم الولييد دمت متألقة أنــار الله لكي طريقك عــارفة انــي مقصرة كثيير في حقك بــس اختك في الله التعبيير عندي 000 ههههههههههه خصووصــا لما يكوون ابداع و تألــق آكبــر بكثييير من انك توفيه حقه آخر قولي رحم الله يدا ربتكــي والله يحفظ لك كل من يعز عليك لبوونة نفسها لي هنــاك خخخخ |
تسلمين يالغالية على البارت
واخيرا رجعت المياه لمجاريها .. اتوقع موت ام عوق قريب مع اني اتمنى تموت بعد ماتشوف ضنى عوق وتفرح فيه .. لما تمزح ام عوق او تنغز لعوق او زياد لاشعوريا اضحك ونا اقرا هههههههه موفقة والله يعطيش العافية |
يسعدلي مسسسسسسسساك طيف
كالعاده بارت رائع بس خسسسسسآآآآآآره مافيه قفله:) فديت الوضيح يا ناس كلها حكم هالانسانه و أتوقع البارت الجاي او اللي بعد بتودعنا:( بعدي والله يالعوق أخيرا خذيتي ذره من عقل الوضيح و رديتي لزياد عندي توقع يقول ان الجنين ولد مدري ليه مو راضيه بأم العنود يمكن عشانه ولد<<صدقت نفسها:) حبيت زياد على تصرفه بموعد عوق كان فيني حره عليها وبردها خخخخخخ بإنتظار ابداعاتك القادمه بكل شوق سلمت يمينك يالغاليه على كل حرف كتبتيه .. |
أعجــوبة أنتي
http://27.media.tumblr.com/tumblr_m0...qqlwo1_400.jpg آلسلآم عليكمْ ورحمةُ آلله وبركآته .,~ أول شي تحملي ردي آلثقيل لأن آليـــوم جد جد متضآيقْ آلله يعينني هع .,~ اقتباس:
جزيــئية آليومْ علـى أن نهــآيتهآ سعيدهْ لكــنهآ دقتْ نآقوس آلحزنْ وآلخطر على حيــآة آلعوق .,~ لآ أدري ربمــآ بسبب مزآجي آلمتعكر قليلآ .,~ .......... اقتباس:
لكنــه حقــآ مخِيف للفتيــآت وللرجآل << خخخخخ أشعر بأني سخيفٌ قليلآ .,~ .......... اقتباس:
........... اقتباس:
.......... اقتباس:
........ اقتباس:
.......... اقتباس:
........... اقتباس:
......... طيــف آلأحبآب .,~ يَ رقيقة آلحروف .. حقآ كلمــآتي وحروفي لآ تستطيعْ آلتعبــير ‘ن آمتنآنهآ لولآدتك لــ [ نوح آلحمآم ] ., آلأسم بحــد ذآته روآيه وحزيــن جدآ جدآ .. أتمنى تخبــريننآ سبب آلتسمية بنهــآية آلروآيه كمآ وعدتينــآ بذكر سبب تسمية آلعوق في آلنهــآيهْ .,~ أختــآه شكرآ لكي بجميع كلمآت لغة آلضــآد .. شكــرآآ بحجم آلقمر .,~ آســتمري ي أنيقــة آلحرفْ .,~ ......... ملآحظه للحلوآت آللي يتآبعون آلروآيه .. حيــآة آلعوق وزيــآد آبتدت ببعض آلمشــآكل .. صحيح آنهآ مزعجه لكنــهم لم يعرفوآ بعض جيــدآ آلآ بعد هذه لمشــآكل .. آلمشــآكل أحيــآنآ مفيدهْ .. فـ آستفيدوآ جيــدآ ي رقيــقآت .,~ حزين آلأحزآن .,~ http://27.media.tumblr.com/tumblr_m0...qqlwo1_400.jpg |
طيف الاحباب*
جميل ان يخرج لنا تلميذ يتفوق على اساتذته ،، مع احترامي لجميع الكاتبات فانت تفوقتي وفقتي* ،، من عادتي اصنف الروايات روايتك رواية هادفة ورسائلك لا تعد ولاتحصى اسأل الله ان لايحرمك الاجر* ،، *طرحتي قضية اللقطاء لكن بافضل سناريو قد يحصل عليه امثالهم*،، لقيطين يتربون برعاية عوائل كريمة وطيبة بعيد عن دور الرعاية و ما يحصل فيها من تعدي و ظلم* الا من رحم الله* ،، عائلة زياد اختيارك لهم *اثار اعجابي لانك سلطتي الضوء على كرم و طيبة وترابط مثل هؤلاء لان البعض يظن لا ترابط و لا كرم الا للقبائل المعروفة بنسبها وحسبها*،، اعتقد لم يتبقى الا موت ام عوق و المواجهه الكبيرة بين عوق واهلها في ايام العزاء* ،، واتوقع عوق بعد ايام العزاء ستعلم انها بنعمة كبيرة بسبب ابتعادها عنهم* ،، *تاكيد ام عوق عليها بلبس البرقع عند الاغراب اظنها تقصد ايام العزاء لان المعزين جميعهم*اقربائهم وهذا ما قد يسبب احراج كبير للجميع*،، واظن سيكون هناك مشاكل كبيره مع سالم وسعد بخصوص الورث* كل هذي توقعاتي *وانت ابخص* الله يوفقك و يجزاك خير و يزيدك من فضله* ،، |
يسلموو طيووف على البارت مدري الفهم تششوووش عندي في هالبارت
الان طيف متوحمه على زوجها عشان كذا الأخلاق مييح ولما خلص الوحام صارت تشتاق بس مدري ليش أحبطت من انقلاب زياد المفاجأ ولا كأنه سافهها تمنيته يزيد عليها حبتين وحتى لما يرجعها يكون رسمي وابد ما يبتسم ابغا اشووف عووق خاقه طيووف حتى لما قامت طيف من الغيبوبة يعني كذا حوارها مع زياد كنهم صحبة مدرسة ما هم زوجين يعني شوية لهفه من زياد دمعتين خووف من عووق ترطب المسائل يحفظك ربي طيف وفي أنتظار البارت الجاي |
اقصد انقلاب زياد لما جا زارها ورجعها لبيتها
|
السلام عليكم ورحمة الله وبركاته
اللهم آمين ...وجزاك الله كل خير بتذكير الجميع والدعاء ربما دعوه جماعيه تصادف وقت استجابه بالنسبه للموضوع الاجنه خارج الرحم ليس تشكيك في معلومات كاتبتنا المبدعه ام الوليد وانما فتحت عيني على شي قد غاب عني بعد التقصي والبحث المضني يتكون الجنين في قناة فالوب بعد التلقيح فوق المبيض و ماحدث مع المرأه في القصه هو عقاب من الله لزوجها وهذه صور اجنه اقل من الشهر الثالث http://im26.gulfup.com/2012-03-07/1331119907652.jpg http://im9.gulfup.com/2012-03-07/1331119994592.jpg http://im23.gulfup.com/2012-03-07/1331120107682.jpg بارت اليوم هادي جداً و هو يسبق العواصف لبارتات قادمه وانقلاب في بعض الاحداث تبرير زياد لموقفه لدخوله وتواجده في البيت يعتذر من ام عوق بشكل غير مباشر مشكله الاهل التي تطرقتي لها لتبريرهم لولدهم حين يتعاطى على انه سحر هذا ربما كان في الماضي ولكن الان الطفل الصغير يعلم ان كان الشخص متعاطي وهذا فائده الأعلام الوحيده لتوعيه من المخدرات واحيان يكون مردودها عكسي في المسسلات ترغب الشباب الذى لديه حب التجريب كل شي غريب للممارسه التعاطي وطريقته هل سوف تصمت عوق طوال الوقت ام سوف ينكشف ماحدث مع ابن الجيران بطريقه ما ويعلم به زياد عوق لم تتعود على التعامل مع الرجل سوى اب او أخ فلذلك لا تجيد التعامل مع زوجها لذلك نجد انها ترادده في الكلام ولا تغض الطرف عن التعليق حول كل كلمه وهذا اكبر خطأ فعليها ان تغض الطرف عن كلامه حتى تسير حياتها معه هي تتشاجر وهو لمصلحتها فكيف لو كان في موضوع ليس به مصلحه لها لا اعلم ماذا سوف تفعل الزوجه بشكل عام اذا حبت زوجها او اشتاقت له نجد انها تحب ان تلفت انتباهه لو بمشاكسته بالحوار والعناد والغيره عليه كان لها دور كبير في عودتها لبيتها زياد ما المفاجئه التي يخبيها لعوق بحملها هي حامل بولد وذلك من كلام الدكتوره حين قالت طفلك وليس طفلتك عوق لم تعش مع زياد لتعرف كيف تحكم احيان الافعال لا تنفع وخصوصاً مع الزوجه فهي تحب ان تسمع العبارات الحلوه والزوج كذلك جزاك الله كل خير على التنبيه لكفارة حلف اليمين الذى تساهل بها كثير من الناس واصبح يتهاون اما بالاطعام او الصيام ونسي ترتيبها الذى ذكرتيه تنبيه عوق محمله القران في جوالها الرجاء ثم الرجاء لمن لا يحفظ القران ويعلم بصحة الايات هناك روابط يتم تبادلها وارسالها غير موثوقه و محرف بها القران الكريم على اي وحده تتاكد من الروابط تكون من مصادر موثوقه حتى تكسب اثم بقراءة قران محرف او ترسله الى غيرها سلمتِ عيوني واسفه على المشاكسه في ردي السابق دمتِ سالمه وبخير وبحفظ الرحمن |
يعطيك العافيه بارت برد قلبنا شوي بعد ما تعبنا من ذا الحرامي الحين سته شهور و احنا ننظر رجعتها و متلهفين و اخر سوالفهم عن غبار و غرفه معفوسه كان و دنا بلقاء و تصريحات اقوي مالك حق يا ام ا لوليد
|
اقتباس:
بنشوف امنيتك تتحقق اولا اسعدني مرورك يا الغلا اقتباس:
بنشوف هو ولد والا بنت العوق بعض ناس ينفع معاهم التطنيش يخليهم يراجعون انفسهم اسعدني مرورك اقتباس:
ياهلا بحزين الاحزان ردودك معما تقرا لا يمل منها ردود مميزه اقتباس:
هلا وغلا اتمنى والله اني طرحت شي يستحق القراءه بنشوف وش راح يصير في موت وضحى وهو البارت الي بجد اخذت راي ناس كثير ولا اقنعني الا الي كتبته اتمنى انه يقنعكم اسعدني مرورك ونقاشك وراضيه والله بتصنيف القراء مهما كان اهم شي يخدم القارئ والروايه اقتباس:
والله طيف ماهو وحام قد ما موضوع معرفة اهلها شاغلها زياد انا راسمه شخصيته كذا اما عاد لما صحت من الغيبوبه هههههههههه وش تبونهم يسوون اكيد لهفه عوق شخصيتها فيها شوي جمود تعرفين تربية عجوز اسعدني مرورك والبطله اسمها عوق ماهي طيف :smile: |
اقتباس:
هلا وغلا ام تركي اتمنى والله اني اطلع بفايده لخواتي من الي ينكتب بنوح الحمام انا اذا مرتني معلومه بروايه والله احب ابحث عنها واشوف المعلومه والاراء حولها والبنت الي زوجها استكثر على نفسه النعمه اسأل الله يكتب لها الاجر هي وامثالها ويرزقهم زياد يبغى يعيش مع عوق بسلام لكن صدام الطباع اول الزواج قليل الي يتخطاه بسلام عوق تربت على ايد عجوز فيها شده شوي وزياد تربى على ايد ام فاقده ظناها حنانها عليها بدون حدود ولد الجيران والله قصه وقفت عليها بنفسي قبل فتره جدآ غريبه ام الشاب الله يرفع عنه كل تبرير قالته الا ان ولدها متعاطي قالت مسحور وفيه حسد لكن الولد كتن ضحية حبوب يتخذها فترة الامتحانات علشان المذاكره وصلته للادمان الله يرفع عنه ويحمي اولادنا واولاد المسلمين ما توقع عوق بتفتح سيرة ولد الجيران وبيروح موضوعه لصفحة المحذوفات وهذا المفروض يصير شي يجيب لزوجه الهم ويفتح ابواب مسكره ولا من وراها فايده يقفل نهائيآ عوق وزياد تربيتهم فيها تضاد فعلن حقبقه احيان لم تصير مشكله بين الزوجين تلقين الزوجه تدور اي شي تلفت انتباه الزوج وهذا الي قصدته انها لبست فستان كان هديه من زياد اسعدني مرورك وتنبيهك والله انا منزله برنامج القران لكريم بجهازي وحتى عيالي يحذروني يقولون انتبهي من التحريف لكن بأذن الله انه برنامج موثوق القرآن كامل منزلته بجوالي اسعدني نقاشك الراقي المفيد لي وللي يمرون عليها من البنات مشكوره ام تركي |
اقتباس:
وش تبينهم يسوون وشلون تجي غراميات والبيت ضاربه اعصار نشوف البارت الجاي ان شاء الله يعجبك اسعدني مرورك |
السلام عليكم ورحمه الله وبركاته
ام الوليد ... آآآآآآآآآآآمين جعل ربي يستجيب لدعائك ويعجل الفرج لهم ويزيح عنهم هالغمامه السوده ..... الله يجزاك خير على هالدعاء الطيب ربي يعطيك العافيه على بارت اليوم الي فعلاا روعه وكل مرررره تخلينا ننتظر سالفتك الجايه بكل شوق ومحبه الله لايحرمنا منك عوق والله حبستك لزياااد جابت فايده لانه كان ناوي يتركك ويروح عااااد حزتها وش راح تسوين مع قليل الخاتمه وانتي مره لا وبطنك قدامك عزة الله ان تروحين فيها بس الحمد لله ربي ستر عليك بفضل التزامك بالاذكار ودعاء الوضيح لك والله ياهالحريم لكم مليوون راي اللحين يوم الغبر جالس ينذل لك كل يوم وماغير مرتز عد باب بيتكم تقل شحاذ يبي بس نظره رضا وانتي جالسه تمنين فيها ويوم طقت كبده الرجاااال وهج عنك صرتي تدورينه دواره الرجااااااال ماخلى احد يقول لااله الا الله الا وسطه بينكم وانتي ماغير تعززين عليه خلااااااص امسكي مجنونك لا يجيك اجن منه واحمدي ربك الي رزقك بواحد مثل زياد يدور رضاك دواره ويحبالارض الي تمشين عليهااا لااا وبعد دختوووور حريم عشان صار ماصار هو جنبك والرجال مامنه قصور تعرفين ياطيوف مشكله عوق وشهي انها شايفه نفسها اشوي على زياد لانها عارفه اهلها منهم بعكسه هو بس تراك انتي وياه بالهواا سوااااا وينهم اهلك عنك ترااااهم مايدرون بوجودك والي يدري مو راضي يعترف فيك عيشي حياتك مع زياد وربي عيالك مثل مالوضيحي ربتك واهلك عندهم رب يحاسبهم على رميهم لك واذا على هالشبه الي ذبحوك الناس فيه مالك الا انك تلبسين برقعك واذا حد سالك قولي يخلق من الشبه الاربعين وسبحااانه هم خافينك خايفين من الفضيحه ماحسبوا حساااااب ان في يوم راح تكبرين وبيشفونك نااااس ويشبهونك فيهم زيااااد شفت ان الثقل صنعه هذا انت يوم انك ماضربت لها كرت ولا عبرتها على طوووووول جاتك طاااايره وهي شايله شلايلها ولا اهتمت بعزيمه ولاهم يحزنون يمكن خايفه انك تهوووووون هههههه وش عليك يادختور زياد>> يامهنا جاك ماتنمى وهذااااا العوق جالس بعقر داااارك وانت وياها جالسين تسولفون على اطلال غرفتكم بس هاااااا اياني وايااااااك ترجع لخبااااااااالك وتزعلها والله ماعاد تحلم بظفرهاااا الوضيح يابعدهم انتي والله حكيمه هالمره امووووت فيهاااا>> تكفين طيوف لاتموتينها ماتخيل الروايه من غيرها عرفتي كيف تاعالجين الي بينهم وتخلينهم يعرفوووون غلطهم لا عاد انهم يرجعون له ليت عوق ماخذه منك الحكمه والعقل بداااااال ماهي مطيره الرجااااال وراهاااا ام الوليد جهلك تسمين يالغلااااا على سوالفك الناعمه |
صباح الخير ام الولييد
ماشاء الله تبارك الله عليس كل مالي واتعلق بعوق والوضيحي رب ضارة نافعه لو لا الله ثم تهجم ولد الجيران على بيت وضحى ما رجعت عوق لزوجها حبيت كلام عوق لزيااد ورده عليها وحبيت فرحة وضحى برجوع بنتها لبيتها وزوجها الله يستر شكل منية الوضيحي قريبه والله اني شايله هم وفاتها ومن الحيين مكتئبه خخخخ الله يجزاس خيير على تذكيرس لنا ودعواتس لسوريا وربي يبييييد الطاغيه ويفرح المسلميين بالنصر ويعلي كلمة الحق |
بسم الله الرحمن الرحيم اللهم فرج عن إخواننا في سوريا ، اللهم عجل بنصرهم ، اللهم فرج همهم ونفس كربهم ، واكشف عنهم الغمة ،وأبدل همهم نصرا وفرحا وسرورا اللهم كن لهم عونا ونصيرا اللهم كن لهم عونا ونصيرا اللهم كن لهم عونا ونصيرا اللهم يا خير من دعي ويا خير من سئل ويا خير من أجاب ويا خير من أعطى نسأل الله لهم الثبات و أن تعجل لهم بالفرج القريب يااااااااااااااارب وحسبنا الله ونعم الوكيل حسبنا الله ونعم الوكيل حسبنا الله ونعم الوكيل . . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., او الغوالي الي كلفو على انفسهم وسجلو لمتابعة نوح الحمام .., . . اليوم بنشوف عوق المزايين وزياد في بيتهم.., . . يا الله تعالوا معاي...!! وسالفه جديدة؛ . . البارت الثاني والثلاثون . . . عوق\يمه في خاطرتس شي علي..!؟ ام عوق\لا والله وانه احسن علم سمعته رجعتس لبيتس.., وبكرا بروح ادفع كفارات اليمين.., يميني على زياد يوم حلفي في ساعة غضب وحلفتس انتي على الطلاق.., عوق بتأثر\الله يخليتس لي يا ميمتي .., ام عوق بأمر\يالله اتركي عنتس التهنوص وشوفي رجلتس وترفقي بعمرتس.., سكرت الخط هذي امي من عرفت الدنيا هينه لينه قوية با الحق.., زيادبتهكم\وين وصلتي انا افكر ان ربي رزقنا بولد بنسميه سرحان على كثر ما تسرحين اخبارامك..! عوق تبتسم \ماعليهاطيبه تقول ازين راي انك رجعتي لبيتك وتوصيني على نفسي وعليك.., زياد\لوتشوفينها يوم جيت بحاول ارجعك احرجتني قدام ابو ابراهيم وانا جايبه واسطه.., حسستني اني ولا شي كأني طفل يلومونه على غلط سواه غصب عنه.., ولاكأن عمري 35سنه طاح وجهي خصوص يوم رفعت عصاها بوجهي..! قالت عوق متربية ومتدينة ما تطلع منها الزلة انت الغلطان عليها ولا انت قد الامانه وخيبت ظني فيك.., ابو ابراهيم يوم شافني انا وامك احتد النقاش بينا سحبني وطلعني من مجلسكم وانقهرت والله يوم طلعت من عندها وقلت لأابو ابراهيم خلاص هذولي حريم بايعات بطلق واريح راسي لكن ابو ابراهيم قال تعوذ من ابليس حرمتك ما تلقى مثلها .., وامها بثورة زعل وعجوز كبيره لو صار للبنت شي ذنبها برقبتها وهي الي بغتك لها وزوجتك والاانا كنت ناوي من جد خلاص اطلقك..! لكن لما رجعت لبيتي وهدت اعصابي تذكرت كلام ابو ابراهيم وانه انارجال والحريم ضعوف ومن ها الكلام وامك ما قالت كذا الا انها حست اني اهنتك واستضعفتك ..., عوق بدهشه \معقوله .., زياد يبتسم ويضم عوق\واكثر مماتتصورين..! الحمدلله ماكان معاي الا ابو ابراهيم وهو رجال فيه حكمه والا كان خربت بيتي بيدي ولا شفتك الحين قدام عيوني عرفت الحين معنى كلامه انه انا وانتي مالنا الا بعض .. اردف بضحك\على انه بعد هالسالفه زعل علي مسلط حتى اذا سلمت ما يرد علي يقول الي يزعل بنتنا عوق يزعلنا ..! عوق با استغراب\ امي ماخبرتني عن شي بس قالت مالتس رجعه له والحين تقول بتدفع كفارة يمينها عن حلفها.., ما توقعت امي تدافع عني كذا تدري انها اكثر وحده تبيني ارجع لك واقفه معك ضدي..! اردفت عوق بحزن\امي فعلن تحس اني امانه ولا تبي احد يقول وضحى قصرت بحق اليتيمه الي عندها..! تقدم راحتي على راحتها ولما اناقشها واقول خلاص اني معزمه على الانفصال ياليتك بس تسمع وش تثني عليك وتمدح فيك.., زياد بتعجب \ ما اصدق صراحه والله كنت حاقد عليها بقلبي .., عوق با استنكاروحده\ يويل حالي امي من يحقد عليها .. وربي طيبة الدنيا كلها بقلبهاوالله ما تتخيل معزتك عندها.., زياد يبتسم\لو سمعتي الي سمعته منها والاشفتي وجه مسلط اذا شافني ماقلتي كذا.., اردف زياد\صحيح ماهو كل شي يحكم عليه من ظاهره..! عوق بضحك \عمي مسلط الله يطول بعمره ما اتخيل يصد عن الي يسلم عليه ..! زياد بضحك\ ياقو زعل الشيبان وعتابهم خلوني اتوب ازعلك .. مسلط يقول مابي سلامك لين ترضي عوق ... قلت له وش اسوي كل باب طقيته ابي رضاها وهي معانده يرد علي دبر عمرك ومثل ما ازعلتها راضها عوق ما تغلط على احد انت الغلطان.., صوت الجرس شكل العشا وصل ونزل زياد.. صحيح ان الشيطان له مداخل على الانسان .., الله يجزاك الف خير يا ابو ابراهيم بعض الناس تحضر محضر خير وبعضهم تزيد النار حطب..! وهذا زياد كان بلحظه راح ينهي كل شي بينا من غير الفكره الي اخذها عن امي.., وامي ما تستاهل الا كل خير الحمدلله انه تفهم وجهة نظرها وغير فكرته عنها.. زياد داخله ابيض ما يعرف الحقد ولا الخبث ولا تفسير الامور على غير ما تستدعي.. له الي في وجهه.., مصيبه اذا الزوج وام زوجته بينهم صدام او سوء تفاهم بتأثر بشكل كبير على حياة الزوجين..! زياد بحب\وهذا العشا وصل لأاحلى ام عنادي با الدنيا.., عوق\الله يسلمك لكن حرام عليك الاكل كثير.., وش رايك تكلم خواتك يجون يتعشون معانا..! زياد بممازحه\لا تكفين فكيني شبعت من وجيهن.. بكرا من يوم يدرون انك جيتي تشوفينهم يتسابقون عليك مره منحرجين منك..؟ عوق بدهشه\ليش ..! زياد\علشان ما زاروك في بيت امك ولا حتى باركوا لك بحملك.. لا يصير في خاطرك من جهتهم شي ترى انا الي قلت لهم لا تتدخلون لابخير ولا بشر.., عوق بتفهم\تدري فقدتهم بس قلت انتو طبعكم كذا ما تتدخلون بشؤن بعض .., زياديبتسم\لا تدققين كثير بتتعبين من زار والا من كلم احيان تكون في البال لكن مشاغل الحياه ماتعطي فرصه لتواصل.., عوق \صادق الله وانا نسيت الموضوع بمجرد مازاروني با المستشفى .., ثاني يوم رجعت لبيتنا واخذت ملابسي واغراضي الشخصيه واشوف بعيون امي الفرحه اني رجعت لزياد مر اسبوع وانا عند زياد .. بشرى زميلتها عندها خادمه استأجرها زيادوهي بنفسها كانت واقفه على شغلها.., زياد عزم نواف واهله وبيت ابو ابراهيم وطلب مني ما اسوي ولاشي نجلاء وبشرى تكفلوا بكل شي.. امي اليوم بتزورني لأول مره في بيتي بعد رجعتي كنت على اتصال دايم معاها وكل ماقلت بجيك ترفض .. مع المغرب ارسلوا نجلا وبشرى خدامتهم بصواني حلى وسلطات ومقبلات ومعجنات مصلحينها في بيوتهم..., زياد تكفل با العشا الخادمه الي استأجرها زياد كانت مره شاطره وسريع شغلها ريحتني كثير.. رتبت كل شي بسرعه وانااول مره انزل تحت من بعد ما رجعت من بيت امي .. لبست وجلست انتظر الضيوف.. امي حياتي جات بدري هي وريم وخالتي ام ابراهيم.., ام ابراهيم\ما شاء الله تبارك الله بيتكم كبير..! عوق\ايه فوق نوم وتحت مجالس.., ريم بدهشه\ حيكم هادي تحسين البيوت خاليه ما زاروتس جيرانكم ولاتعرفتي على احد..؟! عوق\ لا والله ما اعرف الا اهل زياد وتعرفيني ما احب المعارف الواجد.., ريم بضحك\ تعلميني فيتس تدرين واحد من زملاء جزاع ساكن حولكم قبل شوي جزاع يورينا بيته يقول هذا بيت فهدزميلي تبارك الله كبيرمره عوق\ قطع الاراضي هنا كبيره زياد واهله ماخذين قطعه وحده وقسموها بينهم.., الي حولنا اتوقع كل فله على ارض كبيره مستقله كبر اراضي بيوتنا مجموعه.. وزميل جزاع يمكن بيته قطعه وحده.., ريم \ تدرين كم مره فهد يعزم جزاع يقول خل اهلك يتعرفون على اهلي بس ما رضيت اروح..! عوق بضحك \ليه اخبرتس ام الواجب انتي وخالتس نفلا غريبه ما تعرفتو عليهم.., ريم بضحك\لا تكفين الا عاد زملاء جزاع تبين خالتي تشكوى مني عندحريمهم وتكب عشانا خالتي ما تقدر على نفسهاوجزاع ينغث وهو ساكت اذا درى وش قالت لا خلينا بحارتنا وش زينا عارفينهم وعارفينا والي بيزورنا في بيتنا حياه الله.., اذن المغرب وصلينا.. وصلو نجلاء وبشرى وبناتهم وجلسنا با الصاله المفتوحه.., ام عوق با استنكار\الحين انتي تطلعين وتنزلين الدرج ماهوبخطر عليتس..؟! عوق\لا يمه اليوم اول يوم انزل فيه وقتي كله فوق وما قصروا البنات وبناتهم يطلعون لي فوق... بشرى بضحك \بنات مره وحده الله يرفع من معنوياتك ويجبر بخاطرك ياعوق.. ريم\ طيب نزلي غرفة نومك تحت عادي الي بعد الولاده وطلعيها بعدين .., عوق\لا انا بولد عند امي.. نجلاء\عوق غرفة خالتي طلعنا كل الي فيها ليش ماتنزلين فيها ها الفتره.. ام عوق بحده\ماهو لازم انها تصير بغرفة ام زياد الله يرحمها وبعدين يمكن الرجال ما يجوز له رايكن.. انتن تشرعن وتفتن من كيفكن..؟ ام ابراهيم\يا وضحى ام راكان شورها طيب والحي ابقى من الميت وزياد اكبرمن هالسوالف.. بشرى بحزن \والله اتعبنا معاه حتى قدرنا نطلع اغراض خالتي الله يرحمها حتى يوم حاولنا نطلع اغراضها طلع من البيت مارجع الا بعد مافضينا الغرفه وقفلها ما اتوقع راح يفتحها.. ريم\ ترى ما يجوز تسكير الغرف بدون فايده لازم تستغلونها.. عوق\انا بصراحه ما اقدر اكلمه وعادي اطلع فوق ماعندي مشكله الحين جلستنا صارت فوق .. بعد صلاةالعشا وصلوا باقي المعازيم بنات نجلاء وبشرى ودينا وبناتها.. رضيت عن شكلي يوم شفت دينا وبطنها مره كبير.., والجوهره وام جزاع وصلوا مع بعض.. عوق بهمس\ريم الحين خالتس جايه مع الجوهره.., ريم بضحك\ابشرتس حولة الموجه للجوهره وانا ارتحت من الهمز واللمز.., عوق\اخبر الجوهره حاره ماهي مثلتس.., ريم بهمس \لا ما عليتس الجوهره استفادة من تجربتي معاها كثير واهم شي تحب زوجها.. لو اني اشوف الله يستر ها اليومين بوادر غيره من الجوهره تلوح با الافق عوق بدهشه\ماتوقعت الجوهره كذا.. ريم بتهكم\لا حبتك عيني ما ضامك الدهر على ان نواف شايف نفيسته لكن تعجبتس فيه جوجوماكملت شهرين وماشاء الله عليها.., تسوي الي تبيه وتلزقه بظهر نواف ونافخه نواف لسماء قدام العالم .. اردفت ريم بضحك\الله لايوريك خواتي مسميات نواف الطاووس وهي ماغيرتمدح فيه الله يسخره لها.., عوق بضحك \ تلعب على وتر المديح مثل بعض الناس الله يوفقها تستاهل كل خير.., انتهى العشا والكل طلع لبيته حتى امي كالعاده ترفض تنام الا في بيتهاوما بقى الا انا وزياد.., زياد جلس جنبي والحركه الي ما ادانيها يوم يمسك يدي واشوف بياض يده ويديني صايره تروع مع الحمل.., عوق تبتسم \كيف العشا.., زياد با اعجاب \بصراحه شي يبيض الوجه تسلمين.. عوق \الي يسمعك يقول اني سويت شي اللهم اشرفت على القهوه حتى وانا جالسه وخواتك وبناتهم هم الي صلحوا كل شي.. زيادبتهكم \من عاد بيقول غير ان زوجة زياد راعية بيت مادروا من سوى والا من صلح.. عوق بتهكم\ يا كثر والله الي يستفيد من تعب غيره وينسبه له والمشكله انه يكذب الكذبه ويصدقها.., زياد بضحك\ ماعليك يجي يوم وينكشفون وتصير فضيحتهم بجلاجل وخصوص ها النوعيةهم يكشفون انفسهم.., اردف زياد\ما علينا منهم تبين نجلس هناوالا نطلع فوق.., عوق بتردد\زياد ممكن طلب .., زياد بضحك\ شكل الطلب جامد وابشري قبل تطلبين.., عوق بحذروتوتر\شوف لاتفهمني غلط وانا ماكنت صاحبة الفكره.., زياد ترك يدعوق وبتوجس \عوق وش فيه هذي ماهي سالفة طلب هذا شي كبير.., عوق\لا والله لكن بقولك وانت مخير بقرارك والي تبيه يصير..! زيادبتوجس \بسرعه قولي اش عندك.., عوق \البنات اقترحوا علي ليش ماتكون غرفة نومنا بغرفة خالتي العنود.., زيادبهدوء\وانتي وش تبين .., عوق\انا عادي لكن حبيت انا نفتح الغرفه وكل من دخلها ترحم على خالتي.., ولا فكرت تكون غرفة نومنا تحت مايصير نهجر غرفه داخل البيت.., زياد بحزن\ لك الي تبين لكن ماراح انزل الغرفه لأنها مصممه خصيصآلمساحة غرفة النوم الي فوق.., باخذلك غرفة نوم صغيره فترة حملك وبعدين عندي فكره ثانيه للغرفه.. عوق\وش فكرتك.., زياد يبتسم بغموض\ خليها مفاجئه تجي افضل.., عوق\ خلاص بطلع فوق اليوم وبكرا يحلها الله طلعت لغرفتي مهدوده من التعب ورجلي صرت ما اقدر امشي عليها اسحبها سحب ما ابي زياد ينشغل علي .., الصباح زياد طلع لدوامه وانا كا العادةاجلس بغرفة الاشباح كلمت امي من الثابت اتطمن عليها.. عوق\السلام عليكم.. ام عوق\هلا وشلونتس اليوم.. عوق\يمه ابشرك طيبه لكن رجلي من امس مع الورك ذبحتني .. ام عوق\راح الكثير مابقى غير القليل وغمضي فتحي الا انتي والده ومرتاحه.. اردفت ام عوق بتساءل\انتي قلتي لرجلتس انتس تبين تجلسين تحت .. عوق\ قلت له ولا عارض عادي عنده لكن طلعت البارحه ابي ارتاح تحت كلها مجالس مافي مكان انام فيه والارض ما اقدر انام عليها ما ارتاح بنومي.. ام عوق \ ان شفتي منه راي ثاني لاتعارضينه ولا تعاندينه اهم شي قلتي له هو بيدبرتس وبيشوف الشي الي يصلح لتس ويرضيه .., عوق\لحظه يمه الخدامه جايبه فطور.. ام عوق \اجل روحي افطري انفعي نفستس .., عوق\ماعليه افطر وانا اكلمتس.. يمه امس سألت الخدامه وش تتوقعين حملي بنت والا ولد.. قالت انتي بطنك عرض يمكن بنت.. ام عوق بغضب\ وانتي تصدقينهن..؟! ان شاء الله تجيبين ولد يتبعه ولد وقولها لها ومردود على وجها.., عوق بضحك\والله عادي بنت ولد اهم شي اني اقوم با السلامه والطفل متعافي لكن كثير يقولن ويطلع صدق.., ام عوق بتحذير\اقول بس خلي عنتس تنشد الخدامات يجرنتس لسوالفن غيرهذي سالفه تجر سالفه ويطيحنتس با الشرك والا شي يغضب الله وكلها اولها تبدى بضحكه.., عوق بخوف\ ماكان قصدي غير امزح .. ام عوق \هي اكثر المصايب تبدى بمزوح انا حذرتس وانتي بكيفتس.., انتبهي وانا امتس منهن والله مالهن امان ولولا حاجتهن كان مادخلن بيوتنا لكن الشكوى لله .. عوق \ان شاء الله يمه تمريني اليوم .., ام عوق\لا بالله وضحى بنت ناصر زعلانه علي مرتني من كم يوم واتشره .., تقول ورى ياعمه ماتجيني قلت ابشري بجيتس بروح لها مانيب مطوله.., عوق بقهر\سبحان الله يا اني اكرههاها الانسانه.., ام عوق\وش علينا منها وانا امتس اوصلها صلة رحم لله تعالى والا هي ماعلي منها.. يوم يومين وراجعه لبيتي والا والله سوالفها هي واخوانها وسم على التسبد ما ينمحي.. عوق\يمه لاتتأخرين عندهم اخاف اولد وانتي بعيده.. زياد يقول الاسبوع الجاي تروحين تجلسين عند امتس.. ام عوق بسخريه\الله اكبر بتولدين بها اليومين باقي عليتس ازيد عن الشهر.. ومن هنا للأسبوع الجاي مية فرج يالله روحي شوفي امورتس هرج التلفونات مابه لا فودولازود.., سكرت من امي وناديت الخادمه ترفع الفطور انسدت نفسي من وجع رجلي ومن زيارة امي عند وضحى بنت ناصر.., خايفه تمسك امي مثل سعد يومها اخذها للبر ولا رجعت الا بعد ما تعبت وتنومت.., قمت ودخلت لغرفتي بريح واسمع صوت الجوال يوووووه زيادشكله من اليوم يدق.., عوق \ايوا زياد زياد بخوف \وينك عن الجوال من اليوم ادق انتي نايمه زياد\لا الجوال كان بعيد بغيت شي.., زياد\لا سلامتك لا تنتظريني على الغدا بطلع متأخر.. عوق\لا تتأخر علي البيت مافي الا انا والخدامه ولا اقدر انزل.. زياد\ماعليك بكرا بحاول افرش غرفة امي وتنزلين تحت عوق بطفش \على راحتك بترجع تلاقيني مكان ماخليتني زيادبضحك\ لا شكل النفسيه اليوم ماش تعوذي من ابليس واقري قرآن خلك مثل زمان وابعدي عنك التفكير السلبي.. عوق\طيب انتظرك وقت ما تجي يرضيك ها الكلام.. زياد بحب \ اكيد يرضيني ام عنودي تكون مرتاحه..., قفلت الخط وافكر بشغل زياد تعب وجهد غير طبيعي خصوص قسم الولاده الله يعينه ويعين الي يشرف على حالتهن.. ياربي حلم وعساه يتحقق قسم الولاده من ادارة المستشفى الي اصغر موظف كلهم نساء.. يارب سترك انا رجلي وقلبي يوجعني اذا فكرت انه يمكن يولدني وشلون الحريم الي يراجعون عنده الله يستر على من دور الستر انشغلت عن قرآني بشغل البيت وعن صيام من كل شهر با الحمل.. حتى اذكاري الحمدلله اني منزلتها بالجوال وهذا ساعدني كثير اني ما انساها.. مر يومي وانا مابين غرفة النوم لغرفة الجلوس الثانيه لمكتبة زياد.. نفسي انزل تحت لكن خايفه على حملي زياد تأخر الي بعد العشا سمعت صوت سيارته داخل السور.. وخفت اناظرمع الشباك اعيد الغلطه دخلت غرفة النوم انتظره .., زياد بتعب \مساء الخير.., عوق\وعليكم السلام ورحمة الله مساء النور شكلك تعبان.., زياد بتهكم\تعبان وبس الا هلكان وجيعان وكل الي على وزن فعلان .. عوق بضحك\ دقايق والعشا يجهز.. زياد \تكفين على ما اخذ شور.. عوق بمزح \لا تقول تكفين الحين انزل ركض للمطبخ.. زيادبضحك\لا تكفين تجيبين العيد واناماعندي قدره اتحرك شبر واحد من البيت بتعشى وانااااااااام.. عوق \مو مشكله انت خذ دش وانا بنادي الخدامه تجهز العشا وتطلع فيه فوق.. جهزت العشا بغرفة الجلوس وزياد جلس يتعشى .. عوق\غريبه تأخرت اليوم.. زياد\حالات ولاده متعسره.. وخصوص اليوم انشغلنا في وحده جدآحالتها تعبانه الله يشفيها.. عوق بذعر\ لا تخوفني من الولاده.. زياد بملامه\وش اخوفك انتي وضعك جدآطبيعي الحاله الي جاتنا اليوم صعبه..! عوق بخوف\كيف ولا دتها تكفى لاتقول قيصري.., زياد\الا قيصري والحين هي با العنايه.. عوق تتنهد بوجع\وتقول وش يخوفك لا بعد با العنايه وقيصري.. اردفت عوق بحده\حرام عليكم صارواكل الحريم ولادتهم قيصري انتو ما انتودكاتره انتو جزارين..! زيادبا استنكار \اما انك انسانه غريبه خليني اقولك سالفتها وانتي شوفي تستحق العمليه او لا.. عوق بتذمر\ ياالله اسمعك.. زيادبكسل\بقوم لغرفة النوم واقولك الحكايه هناك لأني مهدود حيلي ولا ابي انام هنا.. عوق \الحين بنادي الخدامه تاخذ العشا والحقك لا تنام شوقتني اسمع القصه..! زياد يهز راسه\مشكله اذا اجتمع با المرأة خوف وفضول وتقولين ماانتي فضوليه .., ناديت الخدامه نزلت العشا وقفت لحد مانزلت السفره وقفلت انوار القسم الي فوق .. ودخلت غرفتي اسمع حكاية زياد..! عوق بفضول وترجي\زياد لا تنام خبرني يا الله.., زيادبكسل \تخلينها لصباح بكرا.., عوق بترجي واصرار\ابي اسمعها الحين.. زياديبتسم \طيب يا ستي هذا وحده تقريبآعمرها مقارب لعمرك بين 26و27سنه.. ماعندها اطفال لها اكثر من ست سنوات متزوجه.. راجعت كثير اخذت منشطات وابر وتعبت كثير علشان تحمل.., حملت اخيرآبعد معاناه حولوها لي وهي با الشهر الثاني..! وراجعت معاي اكتشفنا من خلال مراجعتها ان عندها توائم عملت لها سونار اكثر من مره ما كنت مصدق...؟!! عوق بفرحه \ما شاء الله ولدت اثنين.. زياد يبتسم \لا تستعجلين جايك با الحكي دايم مسرعه.. عوق بخوف\زيادكلامك ما يطمن.. زياد بضحك\ قربي جنبي علشان تسمعين صح وين رايحه اخر السرير .., عوق باهتمام \ لاقريبه اسمعك.. زياد بتهكم\ناسيه ان حجم سريرنا غرفه كامله قربي بس.. عوق بضحك\قربنا يالله كمل.., زياد\شكلك اعجوبه وانتي حاطه يدك تحت ذقنك كنك طفل..! المهم بكمل علشان ماتكليني طلع عندها اربع توائم وتابعت معاها فترة حملها.. جدآتعبت المسكينه واثر الحمل عندها على وظائف الكبد وضغط على الكلى.., وكم مره انصحها تعمل عمليه ترفض قاومت الي ان دخلت التاسع وحتى على نهايته اجبرناها تولد قيصري..! عوق بخوف و استغراب\ياربي اربعه لاحول ولاقوة الابالله الله يعينها شايله عايله في بطنها مسكينه..! زيادبتعجب\ سبحان الله لو تشوفين الاطفال لما عملنا لأمهم فتح بطن علشان نخرجهم تستغربين كيف كانوا محشورين ..!! وشكلهم الي ما صدقوا يطلعون يتحركون بشكل عجيب بين ايدينا..! المفاجئه انه كان في طفل خامس محشور بينهم وملتصق بكبد اللأم .., اضطرينا نستدعي اطباء علشان نفصل الطفل عن كبد الام ونحاول ان الكبد ماتتضرر وقعدت مسكينه فتره تحت البنج.., عوق بدهشه وخوف \ زياد انت صادق والا تمزح..؟! زياد \لا والله صادق والحين كلهم با العنايه اربع اطفال طيبين والخامس يقاوم علشان يعيش .., اخوانه في فترة الحمل كانواضاغطين عليه وامهم تعبانه لكن ان شاء الله انها طيبه..! عوق\سبحان الله شي عجيب وغريب خمسه مره وحده..؟! زياد\والأعجب ان الام رفضت تعمل عمليه الا لما كملت شهور الحمل وهي عارفه انه كل يوم والاطفال في بطنها بيأثر على صحتها اذا ماهو على حياتها.. عوق بخوف وترجي \بالله كم طفل في بطني..؟! زياد يبتسم بكسل \بكرا افتح ملفك واشوف لأن التوائم ها اليومين كثير..؟! عوق\طيب انا رجلي تعورني من يومين يمكن تؤم وانت ما خبرتني.., زياد بملل وارهاق\والله اخر مره كان طفل واحد..! بكرا اخذك معي للمستشفى ونتأكد يمكن في واحد جديد والامنخش ما شفناه.. عوق بزعل \انت ما ينعرف مزحك من جدك.., زياد\اتركي عنك الهبال وطفي النور ونامي..., طفيت النور ودخلت سريري وام التوائم في بالي.. سبحان الله خمسه وقاومت لحد ماوصلت فيهم لشهر التاسع سبحانك ربي ما اعظمك.. صحيت الصباح زياد ماكان موجود والم رجلي يزيد.., سحبت نفسي لغرفة الجلوس اليوم حتى صلاة الفجر ما قدرت الا وانا جالسه..! كلمت زياد بيتغدا معي او لا.. وخبرته عن الم رجلي .. زياد\اتركي عنك الغدا واجهزي انا بجي اخذك اشوف سالفة رجلك هذي على اني متأكد ان موضوعك بسيط لكن انتي تبالغين.. عوق بمعاتبه\انا رجلي احسها بتنكسروانت تقول تبالغين.., زيادبضحك\من يوم اعطيك نغمه تطلعين ترى مستعجل ولا تكثرين كلام.., عوق \خلاص بنزل الحين انتظرك.. لبست ونزلت تحت انتظر زياد غرفة خالتي الي الآن قافلها ادري انه يتهرب ما يبي يفتحها بحاول اخليه يلغي فكرة انه يفتحها ذكرياته مع امه مالي حق ادخل بينهم.., دق جوالي نغمة زياد طلعت له وصلنا المستشفى واخذت سونار لوضع الطفل.., زيادبتهكم\قلت لك مافي شي الطفل جالس على الورك الايمن عادي وهذا الي يخليك تحسين بثقل والم وفتره ويغير وضعه على شان يتهيئ للولاده وبعدين شوفي طفل واحد ولا في ثاني معاه.., عوق بشك\ بنت صح.. زيادبضحك\ماهو باين احتمال بنت لكن يبين بعدالولاده بنت او ولد.. عوق بضحك\ ياشينك اذا ما بغيت تقول شي ترى اقدر اطلع اي مستوصف واعرف نوع الجنين.. زياديبتسم \ طلبتك لا تسوينها صدقيني ما بتكون مثل المفاجئه انا تمنيت اني ماعرفت الا بعد ماتولدين.. عوق \خلاص علشانك ماراح اسأل مره ثانيه وانتظر المفاجئه على اني حاسه انها بنت .., نزلت من سرير الكشف بمساعدة زياد هاالمره بدون مساعدة ممرضه وجلست بغرفة الا نتظار.., رجعني زياد للبيت ورجع لدوامه.. حاسه بطفش امي ماكلمتني اليوم ولا سمعت صوتها.., اليوم صلحت غدانا بنفسي وجلست انتظرزياد غدانا بعد صلاة العصر .., رجع زيادمن شغله وجلسنا على سفرة الغداء.. زيادبفرح \عندك خبر ان زوجة ناجي ولدت.. عوق بدهشه\ما شاء الله مبروك مسكينه المفروض من زمان والده لها عشر شهور من حملها .. حتى تفاجئت يوم عشا نواف ماولدت استحيت اسألها.. زياد بدهشه\كيف عشر شهور ولدت طبيعي وبوقته ... عوق\ ايام زواجنا قالت انها حامل واحنا قربنا ثمان شهور.., زياد\مشكلتكم يا الحريم بكل شي مستعجلات ربي يقول تسع شهور خلاص تسع شهور يمكن لظروف ينولد خديج.., بعدين المشيمه اصلن تمد الطفل با الغذاء فترة تسع شهور فقط منين تجيبون ها الخيالات عوق بضحك\ بشر ولد والا بنت.., زياد\ابشرك ولد وطيبين هو وامه ما يحتاج تروحين مكالمه تكفي كثر الحركه لك مضره.., عوق\ مو مشكله انا كنت مستحيه منك اكثر منهم اني ما اوصلهم.. زياد \لا ما عليك اهلي جدآمتفهمين وهم عارفين وضعك.., عوق\زياد بنام بمجلس النساء الداخلي تعبت من الحبسه فوق.., زياد \اليوم انشغلت بكرا بشوف غرفة امي عوق\لا ماله داعي خساير وبس وانا ما راح اجلس كثير فيها زحمة اثاث على الفاضي لو بتفرشها غرفة نوم.., زياد يبتسم \شورك وهداية الله في كنبه عندي با المكتبه فوق نقدر نحولها سريربنزلها لك تحت.., ولبسك انا انزل لك الي تبغينه والحين بطلع للمستشفى عندي شغل اخلصه وارجع بدري ان شاء الله.. طلع زياد وكلمت نجلاء ابارك لها بولد ناجي.. واعتذرت انهم ما يمروني كثير الكل مشغول واخذت جوال دينا علشان ابارك لها.. كلمت بعدها دينا الي كانت فرحانه انها ولدت ولد.. قلت للخادمه ترتب لنا المقلط الداخلي لأنه كانت جلسته ارضيه.., غرفة الحريم حسيتها صعبه المقلط نقدر نستغني عنه عندنا غيره احتياط لمارجع زياد انبسط من الفكره وطلع نزل الكنبه مع الخدامه وتحول المقلط لغرفة نوم رتبناه علشان النوم زياد \اعجبك عوق والا ارتب لك غرفة امي .., عوق \لا با العكس ارتب هنا خلنا نطلع لصاله نتعشى ونرتاح كم لنا ساعه واحنا نشتغل.., تعشينا وجلسنا على التلفزيون.. عوق \زياد.. زياديبتسم بحب\عيونه.. عوق تبتسم بخجل\ ما ادري جا في بالي سؤال غريب شوي .., زياد \اسألي سؤالك الغريب ترى عمومآالليل يكون فيه اسأله غريبه واعترافات ليليه..! عوق\لا والله ماهو قصد لكن بسأل عن اغرب حاله مرت عليك.., زياد بضحك\ وهذا سؤالك عادي طيب... كثير حالات تمر ...! لكن قبل فتره واحد من زملائي خبرني عن حاله غريبه جات عنده.. دخل عليه حرمه ومعاها رجالين واحد كبير با السن والثاني شاب با العشرينات .. كانت بينهم مشكله كبيره وهي ان البنت حامل وتقول حملها من زوجها الي هو الشاب.. وهو يقول كذب الحمل ماهو لي انا ما دخلت على البنت وانهم لسا في فترة الملكه.. اضطروا يجيبوا دكتورة نسا ء وتفحص عليها.., المفاجئه انها كانت فعلآ بكر.. عوق با استنكار \والحمل طيب .. زياد بوجع\الحمل كان في اقل من عشر دقايق اختلى فيها في بيت اهلها بحجة خطيبها جالس معاها لاتزعجونهم.., متعه تهاونو ا فيها هم الاثنين وتوقعوا الموضوع بيعدي على خير.., عوق بذعر \ وش صار بعدها.., زياد\ يقول زميلي ما ادري وش صار با الأخير لكن زوج البنت كان باين انه خلاص بيتملص منها.., وحالوا بزميلي انه يجري لها عمليه قيصريه يخرجون الجنين ورفض وطلعوا من عنده.., واكيد الخسران با الاول والاخير البنت المسكينه في جميع الحالات .., عوق بشرود\هذي المصيبه يا زياد هي ان اللدغه تجي من مكان انت مأمن له .., زيادبتأكيد\صحيح كلامك انا الحين دائم احذر خواتي من انهم يطولوا فترة ملكة بناتهم.. خلاص ملكه وعلى طول زواج الي ماهو جاهز لزواج ليش اصلن او افق عليه يروح ويجي الي احسن منه.., عوق\ليت والله الكل يفكر كذا.. اردفت عوق با استغراب \سناء بنت نجلاء تزوجت اكثر من مره .. زياد\لا ليه ..!! عوق \سمعت مجد تقول لها اخت طليقك معانا با المدرسه.., زياد بشرود\سناء قبل زوجها هذا كانت متملكه على واحد ابوه من اصدقاء ابوها الله يرحمه..!؟ وطلقها قبل يدخل عليها .., عوق بتساءل\تدري سناء كنت اظنها طرمه عمري ما سمعت صوتها.., على ان خواتها يقولن سناء كانت معاي بالكليه وتعرفني احسها صوره بدون صوت وخصوص اذا شافتني يزيد هدوءها ومره تستحي مني..ّ! وش فيك سرحت زياد الحين من ابو سرحان انا والا انت... اردفت عوق با استغراب \حاسه ان سناء وراها سالفه.., زياد يتنهد بحزن\لا معك معك سالفتها طويله ..! عوق بفضول وتردد\زياد تكفى وش سالفتها ولو ماتبي تقول عادي..؟! زياد يبتسم بتهكم موجع \ لا يا الفضوليه بقولك تخبرين الليل وش يسوي با الواحد اعترافات بدون ضغط..؟! . . . (كلمه اخيره) إذا سألت الله الجنه فلا تقل اللهم إني أسألك الجنه لان هناك أناس يدخلون الجنه بعد دخولهم لنار ولكن قل ((اللهم إني أسألك الجنه بغير حساب ولا سابق عذاب )) الشيخ/صالح المغامسي . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
اقتباس:
والله نفسي اناقش ردك لكن جدآ مشغوله عوق مالها الا الي قلتيه ماراح تستفيد شي اهلها الغوا وجودها ظهورها ماراح يفيد الجميع بشي اسعدني مرورك وتواجدك الراقي وتعليقاتك الي ما ينمل منها اقتباس:
ام رنو وانا اكثر منتس حتى افكر بارت مووت الوضيح اسحب سنه عليكم <<فيس النفسيه وبعدين انزله خلاص النهايه قربت ما بقى شي الله يسلم قلبك اتمنى والله اني اكتب شي يقنعكم اسعدني مرورك يا الغلا |
مسآآآآآآآآآك ضحكة طفل
طيف غيرت رايي بما انه عوق غمقت بشرتها يعني بنت :) سلمت يمينك يالغلا على هالبارت وبالمبارك عوق رجعتك لبيتك وبانتظارك .. |
الله يعطيك الصحه والعافيك جدا شيق وفية استفادة
|
اقتباس:
اسعدني مرورك اقتباس:
هلاوغلا سحوبه بنشوف ولد والا بنت والا يمكن اثنين البشره تغمق ماهو دايم احيان حمل البنت بالعكس الام تصير بيضا والولد تسمر اسعدني مرورك |
السلام عليكم ورحمة الله
ماشاء الله عليك طيييف الاحباب ابدعتي بالكتابة احساسي ان عوق تبي تجيب تؤام بنت ولد ماشاء الله على ام عوق حكييييمه تعجبني ننتظر البارت القادم |
طيووف يسلموو على البارت صحيح هنا الأحداث اقل أثارة وتشويق
حوارات نحى منحنى نصحي فخ يغري الكاتب للنفع النية صح وبعد يصير مفعولها قوي أحيانا صحيح طيوف لمست تغيير طفيف في أسلوب وصف المشاهد اتسم بالسرعة مدري يمكن على حسب الأحداث وتسلسلها شكرا أحبك شكرا على ابداعك و أسفة سامحيني يالغلا |
بسم الله الرحمن الرحيم السلام عليكم ورحمة الله وبركاته تأخذنا الأحاديث بعيداً ويستمر الإبداع وتستمر الحكاية تحمل بين طياتها أملاً بغدٍ مشرق وسعادة تستمر ما استمر العمر نعلم يقيناً أنه سيشوبها بعض الألم ولكن نقتنص منها في الوقت الراهن ما نقدر عليه من السعادة فقد اكتفينا من الجراح وذرف الدموع عوق........... عادت بروحٍ جديدة لا تخلوا من بعض المنغصات ولكنها تحاول قدر المستطاع أن تتحكم بردود أفعالها وتحاول إرضاء نفسها قبل إرضائه فهي تعلم أنها ما عادت إليه إلا لأنها ما عادت قادرة على الفراق ورغم رضاها بما آل إليه وضعها إلا أنه يبدو عليها أنها لازالت تعاني من عدم الثقة بنفسها حين يتعلق الأمر باتخاذ قرار ما فهي مترددة نوعاً ما في التعامل مع حياتها الجديدة التي تتطلب منها الحزم في بعض المواقف ومواجهة الأمور بقلب قوي لا يخشى شيئاً ولازالت تبحث عمن يتخذ القرار نيابة عنها نقلت إليه ما دار بينها وبين أخواته فيما يتعلق بغرفة أمه وحين سألها عن رأيها تلعثمت ولم تقدر على إعطائه رأياً فهل كان ذلك بسبب مراعاة شعوره أم خوفاً أن يتكرر ما حدث في تلك المرة حين طردها من البيت ليس بمقدورها أن تواجه ذلك الأمر مجدداً فقد يقضي عليها ولكن هذا لا يعني أن تتخلى عن شخصيتها وتترك له اتخاذ القرارات أياً كانت ربتها وضحى وأحسنت تربيتها إلا أنها لم تخلق منها إنسانة مستقلة وقادرة على مواجهة الآخر والدفاع عن أفكارها ومعتقداتها فهل ستقدر مع الوقت والصدمات على صقل هذه الشخصية ونرى عوق نسخة مصغرة عن وضحى؟؟؟؟؟؟؟ زياد......... وعين الرضا عن كل عيب كليلةٌ ولكن عين السخط تبدي المساويا هو يراها بعين المحب وللحبيب مكانة لا يدانيها أحد ولا يقدر على الوصول إليها أرادها أن تعود بأي طريقة وبأي ثمن لذا ليس بنيته أن يخسرها لأجل أي شيء حتى ولو كان هذا الشيء يتعلق بأمه ربما كان في نيته مع الوقت أن يحول غرفتها لغرفة مكتب له أو يجعلها غرفة ألعاب ودرس لأبنائه حتى تظل روح أمه محيطة بالمكان ويستشعر وجودها حول أبنائه نعلم يقيناً أنهم حين يرحلون لا يعودون يعرفون عنا شيئاً ولكن نظل نحلم بأن أرواحهم محيطة بنا نستذكرهم ونبحث عما كانوا يحبون لنفعله على أمل أن يكون لرضاهم فهل فكر زياد هكذا حين قال لها أنه يفكر بأمر ما مستقبلاً بشأن الغرفة سناء............ لم هذا الألم بصوت زياد حين تحدث عنها هل كانت مرغمة على الزواج من ابن صديق والدها أم أنها اكتشفت بعد الملكة أموراً لم تكن ظاهرة في البداية ولم تقدر على البوح بها لأحد ثم حين تدهورت حالها والتفت لها أهلها كان الشفاء طويل الأمد ولم يتم كما يتمنون ذكرت نجلاء ذات يوم في حديثها عن نفسها بعد موت ساري أنها كانت ستخسر ابنتها فهل كانت تقصد سناء؟؟؟؟؟؟؟؟ وإذا كان الأمر كذلك هل كانت هي سبب زواجها من ابن صديق زوجها وهل كانت تعلم شيئاً رأت أنه قد يتعدل بعد الزواج إلا أنه زاد بعد الملكة عن حده مما حداهم لطلب الطلاق؟؟؟؟؟؟؟ أم الوليد......... مبدعة كما أنت دائماً وتعجز كلمات الشكر أن تفيك حقك شكراً ملئ السماء على هذا الرقي وهذا الإبداع المتواصل دمتِ ومن تحبين بحفظ الله ورعايته |
اقتباس:
ما ادري والله بس احس الاحداث بمسارها الصحيح ورايك اعتز فيه ما احس اني متسرعه اسعدني مرورك يا الغلا اقتباس:
بنشوف ولادة عوق قريب تؤم والا بنت اسعدني مرورك |
اقتباس:
هلا وغلا اراده عوق ما احتكت با الناس كفايه علشان تعطيها تجارب الحياه صلابه زياد اكيد بيكون من جانبه في تنازلات الاياك كفيله انها تخلي الانسان يقبل با اوضاع ويوافق على قرارت رغم عنه وبرضاه اما الغرفه حقيقه ابهرني توقعك ولا فكرت ان احد بيتوقع وش راح يسوي فيها زياد فكرته تنميت بيوم انا اسويها في بيتي لكن ما قدر الله سبحانه قصة سناء بنشوفها اليوم و هو خطا يتقع في كثير من العوايل اسعدني مرورك وتحليلك الراقي |
بسم الله الرحمن الرحيم اللهم يا الله عليك ببشار واعوانه ومن سانده وداهنه, اللهم احصهم عددا وابدهم بددا ولا تغادر منهم أحد, اللهم إنهم طغوا وبغوا وعاثوا في الارض الفساد, وساموا المسلمين سوء العذاب , اللهم عجل بنهايتهم واشفي صدور قوم مؤمنين , اللهم لاترفع لهم راية واجعلهم لمن خلفهم عبرة وآية, اللهم اجعل بأسهم بينهم شديد, وفرق جمعهم وشتت شملهم , أنك ولي ذلك والقادر عليه, ولاحول لنا ولاقوة الابك, انك على ذلك شهيد وبالاجابة جدير. . . هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر.., او با الرسائل الي تجيني على الخاص ممتنه للجميع.., البارت اهداء لكل من سطر في متصفح نوح الحمام ولو بكلمه وحده من دون استثناء.., سواء مدح اونقد اوحتى يسأل عن مواعيد البارتات دليل اهتمامه با الروايه.., . . اليوم بنشوف عوق المزايين واعترفات ليليه..!!!!! يا الله تعالوا معاي...!! وسالفه جديدة؛ . . . البارت الثالث والثلاثون . . . زياد يتنهد بحزن\لا معك معك سالفتها طويله ..! عوق بفضول وترجي\تكفى زيادوش سالفتها ولو ماتبي تقول عادي.., زياد يبتسم بتهكم موجع\ لا يا الفضوليه بقولك تخبرين الليل وش يسوي با الواحد اعترافات بدون ضغط..؟! هذا الله يسلمك بعد وفاة ساري كثرت دخلات خطيب سناء عليهم.., نجلاء في حداد ونفسيتها مره كانت تعبانه ولا هي داريه عن الدنيا... في يوم جاتني عبير قالت خالي سناء بتطلع مع خطيبها ومارضيوا ان راكان يطلع معاهم.. واطلع على طول وراها لقيتها راكبه معاه وبيمشون وانزلها من السياره.., ثار علي خطيبها وقال انت وش دخلك زوجتي وبتطلع معاي قلت ما تطلع معك الا اخوها معاها.., المهم ان سناء نزلت ودخلت البيت وصار بيني وبين خطيبها مشاده كلاميه مشى وهو زعلان ويهدد.., دخلت ورى سناءوناديت امها وحذرتها تنتبه لبنتهااذا هو يبي زوجته امها ايام وتنتهي عدتها... يحدد زواجه وبسلامته هو وزوجته.., سناء واقفه معاه ضدي واتهمتني اني ابي اخرب عليها.., تخيلي بعد الي صار بكم يوم الا الاخ مرسل لي رسايل على جوالي كلها تهكم وتهديد.. بعد ما يكتب الرساله يكتب لي اسمه الكامل..!!!!؟ عوق با استغراب\انت سويت الصح والمفروض سناء تعرف ها الشي..! زياد بقهر\ماهو هنا المشكله سناء تحب الولد ولحظتها لو قالها طيحي بنار بتسمع له..! عوق با استنكار \مصيبه والله اذا انت تحاول تحميها وهي ماهي مساعدتك بعدين وش صار.., زياد\رسايله تمادى فيها وحتى سيارتي كنت اوقفها برى اطلع القى الكفرات منسمه عرفت انه هو..؟! عوق با استغراب\ اشوفك دايم السياره داخل..؟! زياد بضحك\ عقده الله لايوريك وسيارتي غاليه دافع فيها دم قلبي وسور بيتي كبير ليش ما ادخلها فيه..؟! عوق با انفعال\يا طول بالك لو كان واحد ثاني كان سوى مصيبه..؟! زياد\ ماني قليل شر لكن مهنة الطب علمتني الصبر واني احاول اختار اصلح الحلول علشان النتايج تكون مرضيه.., كم مره اطلع من بيتي ويكون هو واقف اذا شافني راكب سيارتي غبر على سيارتي وهرب.., راكان ومازن ذيك الايام صغار وكثير يطلعون معاي ويعصبون اذا شافوا حركاته واستفزازاته لي .., ويرجعون للبيت يطينون عيشة سناء كنت احذرهم ما يخبرون امي.. لأنها لو عرفت خربت بيت نجلاء على بناتها فماعندهم الا سناء مسكينه ينكدون عليها.., عوق بدهشه\وانت على كل هذا صابر.., زياد\انا اقدر اتخذ معاه اي اجراء وعارف نفسي انا الي صح .., اقل شي امسكه اكفخه لين يعض الارض او ابلغ ابوه لكن كان تخطيطي غير..! عوق بفضول\وش كان تخطيطك اذكر انك تكتور على قولة امي ماانت مهندس..؟ زياد بضحك\ اقولك تخطيطي... اذا مسكته وكوفنته بيصير قدام سناء البطل المضطهد.., واذا كلمت ابوه بعدين بيمسكها على سناءاهلك دخلوا ابوي بيني وبينك وخربو علينا...! خليته يفرغ كل شحنات الشر الي عنده وبعدين حركاته كلها طفوليه ما شفت ذاك الضرر الي ماقدر اسيطر عليه.. انا كان هدفي الاساسي اني اشغله عن سناء حتى نجلاء تخلص العده وبعدين لكل حادث حديث.. عوق عوق مستغربه\واذا خلصت نجلاء العده يعني وش بيصير..!! زياد\انا اقولك اذا نجلاء خلصت العده ماعاد في شي يمنع انهم يحددون موعد العرس ..! ونجلاء تقدر تطلع وتدخل على كيفها وهذي امها... اي خطوه تتخذها محد راح ينتقدهابيعرفون انها بصالح بنتها عكسي.. انتهت عدتها وطلعت لبيتهاوناديتها هي وبشرى وسناء.. وقلت شوفي سناء انا عارف انك زعلانه علي ولوبيدك كان ذبحتيني.. انا الي عندي بقوله انا عطلت دراستي وشغلي وجيت على شان وفاة ساري الله يرحمه وماشي بعد كم يوم لكن قدام امك وخالتك الي بيكونون معاك ما ناديت امي معانا علشان ماتقولين خالي زياد وجدتي ضغطوا علي..؟! حددي موقفك من مشاري اذا هو شاريك خلاص وش المانع انه يحدد زواجكم ويكون قريب.., اما مسألة انه طالع داخل عليك ابدآما تنفع ..! وقبل كم يوم يبغاك تطلعين لوحدك معاه..! حتى راكان نزله من السياره قدامك ولا حاولتي تمنعينه..؟! با العكس كنتي فرحانه وصلحتيها مشكله يوم نزلتك من سيارته..؟! ردت سناءاكيد هو شاريني وبعدين احنا متملكين ماهو خطبه ومشاري زوجي شرعآ..! استفزني كلامها وقلت لهاهذي المصيبه الي ضيعت بنات كثير والعذر زوجها شرعآ.. ثارت علي وقالت انت مالك دخل لا تخرب علي .., نجلا ء يوم سمعت كذا ماتمالكت نفسها با الموت مسكتها انا وبشرى عنها.., هدينا الوضع نجلاء تبكي وسناء مثلها.., وانا وضعي حساس بينهم وكنت بكلم ابوه يتمم العرس .. لكن بشرى اعترضت وقالت انا وبنيان بنتكفل با الموضوع زياد خلك بعيد ما نستحمل احد يجرحك .. واتفقناعلى كذا نقولهم صلحو حفله بسيطه وتمموا الزواج.. بعد ما طلعت من بيت نجلاء على طول يمكن عشر دقايق جاتني رساله من خطيب سناء؛ مرسل ؛(انت تعرف الشرع يا لقيط مكانك الملجأيابن الحرام وش دخلك بزوجتي وباخذها غصب عنك وبدون حفل زواج وهي راضيه) وارسل بعدها رساله هي الي خلاص وصلتني للأخير ؛ ( ليش تبي تمنعني عن سناء شكل لك علاقه معاها وصخه مثل اصلك الوصخ وخايف اكشفكم) صدمني كلامه كنت راح انجن كيف يتهمني ها الاتهام بنات نجلاء وبشرى بناتي انولدوا وكبروا قدام عيني.., بلعت غضبي وقهري منه وتعوذت من الشيطان علشان نجلاء وبشرى الي معزتهم عندي لو كانوا خواتي من لحمي ودمي ماراح يكونون مثلهم.., وطلعت للبر عبرت عن شعوري بكيت بكى ما تتخيلنه ماهو على كلامه.., لا والله لكن خفت ان غيره ينظرلي نظرة مشاري لبنات خواتي.., ويظن فيني السوء خصوص ان البنات متعلقين فيني هم وامهاتهم.., معتبريني اب واخ ويلجئون لي بأي مشكله تواجهم.. بقدر ما جرحني كلام مشاري بقدر ماعرفت ان المجتمع لايغفر ولا ينسى.. وانا لازم احافظ على سمعة ها الناس الي ضفوني وانقذوا حياتي من الموت ومستقبلي من الضياع.. كلمت بشرى قلت الحين كلمي اهل زوج سناء يستعجلون بعرس ولدهم.., المهر واصل على حياة ساري وبيت سناء انا اتكفل بأثاثه وعلى ذوقها هي ومشاري.., وشهر عسلهم با المكان الي يحددونه على حسابي هديه من عندي مالهم اي عذر.. سكت عن الموضوع اكثر من يومين وطلعت لبيت بشرى خلاص ببري ذمتي.. طفشت من ها الموضوع كله خصوص بعد الرسايل الوقحه الي جتني من خطيب سناء.. ونادت بشرى نجلاء واجتمعنا ما كنت ابغى سناء تسمع شي .., سألت بشرى وش سوت.., قالت زياد اناكلمت امه والولد شكله ما يبي الزواج الحين يقولون انه بدري ماكون نفسه.., ردت نجلاءكيف ما كون نفسه والي اخر العرس وفاة ساري والا المفروض من زمان تزوجوا.., قلت بشرى انتي قلتي الي قلت لك.., ردت واكثر من الي انت قلت بعد.., والله ما بقى الا اقول تفضلوا على العشا اليوم.. صلحنا حفل العرس على حسابناتعالوا خوذوا بنتنا وبنيان كلم ابومشاري..؟ سألتها طيب وش ردو عليكم..؟ الي فهمته من كلام بشرى ان الولد لعاب ومراوغ وان ابوه وامه قاعدين يحاولون فيه.., بكت نجلاءتقول ماهو على كيفه والا علشان ساري توفى خلاص استضعفنا.., قهرني بكى نجلاء فوق حزنها على ساري طلع لها موضوع بنتها.., قلت مافي احد يستضعفك وانا حي يبيها يا خذها والا يضف وجهه.., دخلت علينا سناء وجها ما يبشر بخير وتصارخ علي.. انت وش دخلك بينا والا مصدق يا اللقيط انك خالنا.., تسمع انت غريب بينا مالك كلام ولا رأي ولا سلطه علينا.., بشرى ونجلاء كانوا بيذبحونها لكن انا وقفت لهم قلت الكلام بيني وبين سناء.. ردت بشرى عليها وقالت انتي مخك مغسول ماعادي ينفع معك كلام.. ونجلاء مسكينه تبي الستر قعدت تترجى بنتها.. لا تفضحينا بعد ما توفى ابوك اذا هو يبيك خلاص يجي وياخذك... وسناء انفجرت وتصارخ علي تقول.. خلاص اذا سمح لي الي مسوي نفسه ولي امرنا بكلمه واشوف وش عنده.., قلت لهاما يحتاج اسمح لك وانتي 24ساعه مكالمات انتي وهو.., انكرت سناء وتصارخ انا متى كلمته وانت ظالمني.., رديت عليهاوهو وش عرفه برقم جوالي والكلام الي كان بينا.. يوم اقول ان عذر زوج شرعآ ضيعت بنات من الي خبره غيرك.. فتحت جوالي ورسايله القديمه والجديده كانت موجوده.. وقلت لها شوفي الرسايل الي جات للقيط الي يظن انه خالك الرقم تعرفه سناء ما يحتاج بان من وجها لماشافت الرقم.., بشرى ونجلاء انهاروا يبكون... لكن سناء على موقفها معاه ولا عندها مانع يأجل الزواج..! عوق بقهر\واضح ان مشاري قالبها انتقام ضدكم والنهايه وش صار.., زياد\نجلاء كلمت ابوه شخصيآ واعتذر لها.. ان الولد ما يبي الزواج الحين ونجلاء وبنتها بكيفهم وانه حاول يضغط علي ولده مانفع.. وفي النهايه انا اقترحت حل وسط على سناء لأنها خلاص البنت ماعاد تسمع الا له خفت تجيب لنا مصيبه والولد مستهتر.., وهو انها تكلمه قدامنا وتقول ان امها خصصت لها مبلغ من ورثها من ابوها الله يرحمه.., وبتعطيه له ويتمم الزواج كلمته وطلع لها بستين عذر .. طلعت مع امي لأمريكا كان الوضع معلق بينهم بعدها بكم شهر... كلمتني نجلاء انهااقنعت بنتها با الانفصال وفعلن طلقها.., وبعدهاعلى طول تزوجت سناءمن شاب من معارفهم والحمدلله توفقت معاه.. , عوق\وطليقها وش سوى ما اتوقع راح يتركهاشكله راعي مشاكل..!! زياد بسخريه موجعه\وهو على توقعك.. اردف زياد\طليقها تدرين ماني عارف وش يبغى منها با الضبط.. تعلمني عبير انه كان يرسل رسايل لزوج سناء انه كان يحبها وتطلع معاه وصلها لدرجة ان بينهم علاقه قبل الملكه ومن ها الكلام.. زياد بوجع وقهر\اتوقع الخسيس انه كان يظن ان سناء لها علاقه فيني بما اني دخيل على العايله حسبي الله عليه.., وحب يخرب على سناء ويوهم زوجها انه دخل عليها قبله .., لكن زوج سناء كان جدآعاقل وسناء انكرت نهائي ان لها علاقه فيه تعدت حدودالشوفه الشرعيه ولقاءاتهم كانت بوجود اهلها ونفت ان بينهم مكالمات مثل ما قال مشاري .., وزوج سناء صدقها لأنه تزوجها بكر وكلام خطيبها السابق كان بقصد الافساد..! والي خدم موقف سناءان نجلاء وسناء هم الي طلبوا الطلاق وخلعوه با المحكمه.., والحمدلله ان سناء ماكان معاها جوال وقتها وتراسل مشاري والا كان استعمل رسايلهاضدها وهدم بيتها يعني مثل ما تقولين ستر الله عليها .. عبير كانت تجي عندي وتبكي من كلام تسمعه من مشاري يقوله لسناء با التلفون وسناء طايره من الفرحه.., اردف زياد بوجع\مكالمتهم كانت بداية الشراره الاولى لطلاقهم لكن رب ضاره نافعه.., عوق تبتسم بتهكم \سبحان الله تنتقد سناء على انها كانت تكلم خطيبها وانت كنت بتموت علشان تكلمني.. زياد بضحك\انا ماني صغير وبعدين ضامن نفسي لكن خطيب سنو ماني ضامنه ولا هاضمة ولاتنسين اني كنت محدد العرس.., وابي اتناقش معك با التفاصيل..! اردف زيادبفضول\صدق عوق انتي ماكان ودك تكلميني وتعرفين عني شي خصوص انه انا وانتي كل شي صار مستعجل.., عوق تبتسم بتهكم\ بصراحه بيني وبين نفسي يمكن كنت اتمنى اعرف وش وراك لكن اتذكر كلام امي واقول مصيري اعرفه.., زيادبا استفهام\ليش وش كلامها..؟! عوق\تقول المكالمات مابها فود غير ان كل واحد يجيب ازين ماعنده... وعقب العرس تبين العلوم الصحيحه شر المكالمات اكثر من خيرها.. كل واحد من الزوجين يعيش على سوالف قبل العرس ويبي خويه مثل ما تخيله..!؟ زياديضحك \شوفي يا خويتي على قولة امك..’ بغض النظر عن كسحتها لي الا ان كلامها حقيقي...! كثير من زملائي يشتكون من زوجاتهم انهم تغيروا عليهم ماكانوا مثل فترة الخطبه... وصاروا باردين وحياتهم ممله ماهو زي ما تخيلوها.., عوق بضحك\حلوه زياد ان الزوجين كل يوم يكشفون شي جديد في بعض.. اردفت عوق بتردد\كيف علاقتك مع سناء الحين احس انها غلطت بحقك كثير.. زياد بوجع\شوفي احنا بشر ولو بقولك اني سامحتها بكون كذاب ... على انها حاولت تعتذر لكن هي عارفه ان كلامها لي ماله عذرعندي وقلت لها بستقبلك في بيتي علشان امي ماتحس بشي والا انا انسي بيوم انك قلتي خالي.. واهم شي انها عرفت انا ليش وقفت ضد خطيبها.. الي كان يقولها انه سبب تأخير زواجهم وضعه المادي.. بعد زواج سناء بكم شهر تزوج.. عوق\انا مستغربه ناجي وبنيان وينهم من ها الاحداث.. زياد بعطف \ناجي مسكين يا الله يجمع ينطق الكلمه.. عنده شوي صعوبه با النطق وتبينه يتفاهم مع واحد مثل خطيب سناء.. وبنيان بمزرعته ماهو داري عن العالم عوق بتذمروملل\ما ادري الي متى زياد واحنا بنعيش كذا..؟! زياد بدهشه\ليه وش فيها عيشتنا..! عوق بحسره \زيادمافهمت قصدي اقصد نظرت الناس والمجتمع.., زياد با ألم \لو بجلس افكر با الناس والا نظرتهم لي ما تقدمت خطوه بحياتي.., عوق\من جد زياد بسألك حكاية انك مجهول النسب ما كانت تنقص عليك حياتك بما انك عارف الحقيقه وانت صغير.., زياد يتنهد بوجع\انا بطفولتي عانيت كثير من نظرات الناس لي..؟ اردف بسخريه\ بكل الاحوال مسخوط علي.. مع اني كنت بحالي وماكان لي اصدقاء كثير اثنين ثلاثه ومن نخبة الطلبه.., امي وابوي كانوا كل شي بحياتي مغنيني عن الكل ..؟ ومع هذا ما سلمت من كلمتين كنت اسمعهم داخل المدرسة وخارجها.., اما الدافور في حالة المدح والا اللقيط في حالة الذم.. مره في يوم النتايج لما كنت بثاني ثانوي طلعت اصلي الظهر بعد الصلاه ابوي طلع قبلي وانا تأخرت عنه في المسجد يمكن دقايق تعرفين ابوي مؤذن وانا دايم اشيك على المسجد واقفله اذا طلعت من المدرسه قبل الآذان..! قفلت المسجد وطلعت والااشوف واحد من الجيران ماسك ولده الي كان يدرس بنفس فصلي.., ويضربه جيت مسرع بفك بينهم لكن قبل اوصله سمعته يقول للولده وهو يضرب اللقيط ولد الشوارع زيادوه ينجح وانت تسقط.., ضربته على كتفه لأنه ماكان منتبه لي وقلت له...؟!! اللقيط ما سهرت تذاكر عنه ولا اعطاك ورقة الامتحان وحليتها عنه لا انت ولا ولدك والحمدلله ان الارزاق بيد الله.., عوق بتعجب\ ما شاء الله عليك عندك تحكم با اعصابك بصراحه تنحسد عليه.., زياد بضحك \ لا واسمعي النكته بعدهادخلت للبيت .. قالي ابوي ما شفت ابو علي جارنا هو وولده سألوني عنك وبشرتهم انك ناجح.., يدورونك يبون يباركون لك با النجاح لو شفت يا زياد فرحتهم بنجاحك ماتنوصف.., قلت الله يجزاهم خير لقيتهم وباركولي ودعوا لي با التوفيق.., عوق بعطف \يا كبر قلب ابوك.., زياد يبتسم بوجع\ابوي كتلة من الحنان والمسامحه تمشي على الارض...! وباله طويل ودايم مبتسم مرات لما اطلع انا وهو نمشي با الحاره.., عيال الجيران يعلقون علينا فانيليا وشوكلاته جنب بعض ..! انا كنت انقهر وهو لاعادي ينبسط من كلامهم ويمزح معاهم ...! وتشوفين كثير منهم صاروا يستحون يقولون قدامنا كذا يخجلون من ردة فعل ابوي عليهم.., عكس امي الله يرحمها بسرعه تزعل وبسرعه ترضى ..! مره كنت جالس انا وامي بسور بيتنا وعيال الجيران يلعبون كوره بين البيوت ودخلت الكوره في بيتنا.., كنت بطلع لهم الكوره وقبل افتح الباب سمعنا واحد من العيال قال كورتنا دخلت في بيت السودا ام الابيض.., امي على طول اخذت الكوره من يدي و دخلت وجابت سكين شقت الكوره من النص والولد كان معلق الجرس يبي الكوره.., فتحت الباب وسحبت الولد مع اذنه وبيدها السكين قالت السودا ام الابيض ها المره شقت الكوره .. المره الثانيه تقطع لسانك با السكين وحطت الكوره فوق راسه.., عوق بضحك\الحمدلله انك ما اكتسبت من امك العصبيه.. زياد بحزن\الله يرحمها على كثر عصبيتها على كثر ما كانت طيبه وكريمه وحنونه والكل يذكرها بخير.. لايمكن احد من الجيران يطلب منها شي وترده والا يطلب مساعدتها وتخذله .., واذا سمعت وحده من الجيران مريضه او والده اول من يزورهم هي.., عوق\فعلن ايام عزاها الحريم الي جو يعزون من كثرهم البيت ما اخذهم.., زياد بحسره\حتى جنازتها حضرها امم الله يغفر لها.., عوق \ يا الله زياد ذكرتني بموقف صار لي زمان.., زيادبممازحه \ اتوقع طفولتك حلوه بعد ما شفت صورك مع بنات مسلط.., عوق بضحك\ هو الموقف اساسه بنات مسلط.., شفت المشب والملحق كان قبلهم حوش فيه نخل وشجر سدر.., زياد \اي ماشاء الله مساحته كبيره.. عوق \ من يوم طلعت لدنيا وانا عايشه فيه كل اكثر ذكريات الطفوله بذاك الحوش.., مره ريم راحت مع خواتهاوبنات خوالها للحديقه وتعلمني انهم استانسوا باالملاهي والعبوا با المراجيح.. وقالت عوق مره ثانيه تعالي معانا خوالي يطلعون بناتهم اذا نجحوا والله تستانسين ..! جيت عند امي وقلت ابغى الحديقه بلعب با الملاهي والمراجيح.. ماعطتني وجه انقهرت وقعدت ابكي عندها.. ابغى اروح مع ريم اذا نجحنا.. قالت عيب البنت تبعد عن امها وين ماتروح امها تروح معها.. اذا جا الربيع ان شاءالله بنطلع مع سعد عند الابل ونخيم معهم ازين من الحديقه.., وانا ابكي مافيه الا اروح للحديقه ابي المراجيح اذا نجحنا.., انا عندي العاب كثيره عرايس وسيارات وفي هدايا من المدرسات.., على اني ما كنت شاطره بس مدري وش يعطوني الهدايا عليه الله يجزاهم خير... وهدايا ما ادري منين كانت تجيني اكتشفت بعدين انها من دار الرعايه يرسلونها لي مع الراتب الشهري حقي .. والعاب اذارحت مع امي لسوق اشتريها..! المهم ان عندي العاب تكفي عشر بنات .., امي نادت الشغاله وقالت جيبي كل العاب عويق وخليها تلعب با الحوش.., وانا مافيه ما ابي الا المراجيح الي با الحديقه واخذ الا العاب من يد الشغاله واحذفهن با الحوش وتكسير وتقطيع فيهن ما ابيهن من غير صياحي الله لايوريك تورمت عيوني..! ريم يوم سمعت بكاي حطت رجلها لبيتهم وعلمت خالتي نوره اني اصيح ابي الحديقه.. وجات خالتي نوره فازعه وعلمتها امي اني ابكي ابي المراجيح.. قالت خالتي بنشتري لتس مرجيحه ونخليها بالحوش مثل مرجيحة الحديقه وانا مافيه صياحي يسمعونه الي اخر الحاره .. و تطور الموضوع ابي الحديقه ها الحين ماهو اذا نجحت.. وتروح خالتي نوره وتصلح لي مرجيحه بين السدرتين حبل و وتخيط عليه وساده واتمرجح فيها وانسى سالفة الحديقه.. ولا عاد طلبت حتى المراجيح امي بعد فتره اشترت لي مراجيح وخلتهم با الحوش .. صرت انا العب با المرجيحه الي صلحتها خالتي نوره.., وبنات خالتي نوره يلعبون با المراجيح الي امي اشترتهم والي يومك ريم تضحك على ذيك السالفه من كثرما انضربت عليها.. خالتي نوره وعمي عاقبوها ليش تقهرين اليتيمه وامها ما تنفذ لها الي قلتيه..! زياد بدهشه\طيب ليش ماتاخذك للحديقه احس عادي طلبك .. عوق با استنكار\زياد انت وش تقول امي زود على انها كبيرة عمر تخاف علي خوف موطبيعي.. تخاف اذا طلعنا للحديقه اضيع منها بزحمة الناس .. تدري الي اليوم ماشفت حديقه ولا ملاهي ولا مطاعم الا معاك ولا سفر الا للبر.. زياد يضحك ويرفع حواجبه \احسن ما سوت امك علشان تكون ذكرياتنا مشتركه واحداث اول مره تصير معاك تكون معي... اردف زياد بحب وامتنان\انا وانتي جدآمحظوظين الله سخر لنا ناس تكفلو فينا وربونا احسن تربيه.. عوق بحزن\الحمدلله .. زياد يبتسم \لا تكفين نظرة ها الحزن فكينا منها تدرين اني اتكلم معاك واقول ها الحين بتنفجر علي مثل المره الي فاتت.. عوق بحزن وقلة حيله\لا تعودت خلاص انا ما كنت افتح ها الموضوع هذا مع احد ويمكن ذيك المره اول مره اواجه احد صراحه بحقيقتي.. زياد با استنكار\ليش انتي ما كنتي عارفه من صغرك انك يتيمه.. عوق \لا انا ما عرفت الا با اخر سنه با الثانوي.., زياد بدهشه\اووووف والله معرفتك كانت متأخره.., عوق\حكايه طويله لكن جدآتأثرت منها.., زياد\طيب وش سويتي احس صدمه وخصوص ان المرحله الثانويه هي بداية المشوار الحقيقي للأنسان يتحدد منها مستقبله العملي..؟! عوق تتنهد بوجع \ يمكن سبحان الله اكتشافي لحقيقتي با الوقت هذا بذات كان رحمه لي..! يعني عسى ان تكرهو شيئآوهو خيرآ لكم..؟! كم يوم بعد ما عرفت الحقيقه انام على فراشي وادعي اني اموت وارتاح..! تخيل مرات امسك نفسي ماتنفس يمكن اموت..؟! حاولت انتحر مره بلعت كم حبة بنادول ..! والحمدلله انها بنادول ولا هي حبوب الضغط والسكر حقت امي.. يوم تعبت وطلعوا بي للمستشفى من اثر الحبوب.. كنت ادعي با الطريق يارب ما اموت يارب تشفيني التوبه ياربي.. صلحو لي غسيل معده .. زياد با استغراب\امك ما درت انك حاولتي تنتحرين احس خالتي ما ينلعب عليها.. عوق بحب \ امي على الفطره ترى.. زياد بدهشه \الي اشرفو على حالتك ما خبروها.. عوق\ الا لكن قالوا البنت ماخذه كميه من الحبوب.. يوم سألتني قلت يمه من وجع راسي من المذاكره صرت اخذ كل شوي حبه.. ما درت اني بلعتهم مره وحده ومشت عليها وبعدين ساعتها امي مشغوله فيني.. اردفت عوق بضحك \ماتتوقع زياد من الي عرف اني حاولت انتحر .. زيادبا استغراب \لايكون الخدامه.. عوق بضحك \لا والله نمر ولد خالتي ام ابراهيم كان معانا يوم كنت في المستشفى وسمع كلام الدكاتره لأمي.., زياد بضحك\المحرم على قولتك.. عوق با اعجاب\يا زياد الولد ذيك الساعه صغير بس عقله يوزن بلد اتوقع عمره تسع سنوات اذامو اقل ..! تخيل بعد ما طلعت من المستشفى جا في يوم الصباح قبل نطلع لمدارسنا.. وانا راكبه السياره قال عوق ابيك توصليني معاك بطريقك قلت ابشر يا المحرم .. واصلن متعوده مرات ما يروح بسيارتهم يجي معي.., يوم ركب معاي السياره.., قال عوق انا ادري انك ما كله حبوب واجد تبين تموتين المستشفى قاله وانا سمعتهم..! وانتي كبيره وتعرفين ان الي بيذبح نفسه يبلع حبوب واجد وتموته..., انا كم مره اشوف با التلفزيون ان الي يبي ينتحر يبلع حبوب والا يجرح يده.., لكن اذا ذبحتي نفستس والله ان تدخلين النار.., المنتحر ربي ما يسامحه و كلنا بننساتس .. محد بيحزن عليتس مثل خالتي وضحى هي الي بتتعب .., هي ماعندها بنات غيرتس وش بتسوي لو ان صار لتس شي من وين لها بنت.., تدري زياد كلام نمر من ضمن اسباب واجد خلتني انولد من جديد.. طفل عمره صغير فكر با امي وانا لا.. ومن يومها تغيرت كليآ.. زياد\لا تستهينين بعقول الا طفال والله مرات عليهم اسئله واجوبه يتنح عندهاالكبيرما يدري كيف طرت لهم..! عوق بترددوارتباك\زياد تخيل لو يطلعون لك ناس ويقولون احنا اهلك وش بتسوي..؟! زياد بوجع\اهلي ماتوا ودفنتهم..! عوق \من جد اسألك وش راح تكون ردت فعلك.., زياد بمراره\عقب ما مشى الشيب براسي ماعاد ابيهم با الدنيا.., بنجتمع عند الواحد الاحد واقتص حقي منهم.., عوق بوجع\تدري مره لما كنت ادرس با المدرسه الاهليه سمعت اشاعه عنك انك ولدبنت شخصيه كبيره.., وحتى وحده من المدرسات تتكلم وشوي والا تقسم ان كلامها صحيح وان ابوك دكتوراجنبي زياد يبتسم بوجع وتهكم\ما شاء الله وعسى انولدت بجنيف والا باريس ماهو داخل سياره قديمه وسريري كرتون .., هذا الناس تحب الاساطيروالغموض وخصوص الشخص الي يكون معروف عند شريحه من المجتمع وياما سمعت اكثر من كذا .., انا احمد ربي ان عمي خليل خبرني كيف لقوني والا يمكن كنت عايش بوهم اهلي وينهم.., اردف زياد بتهكم موجع\قومي واتركك من الخيالات شوفي الساعه كم..؟ تحلمين اهلنا يطلعون لنا كان الاموات يرجعون..؟! عوق بتوجس \طيب افرض لو يعني طلعوا.., زياد يتنهدبقهر\مالهم مكان بينا ولا لهم عذر ولايستحقون نفكر فيهم ثواني.., عوق تناظر الجوال وبتوتر\يووه الساعه وحده ومن متى واحنا نسولف.., زياديبتسم\من الساعه ثمان لكن اقتنعت بشي ما كنت مقتنع فيه..!!؟ عوق با استغراب \وشو..! زياد\اني اشكر الشخص الي نصحك ونبهك ان الحياه ماشيه ماهي واقفه لأاحد واسمي ولدي عليه.. عوق بضحك \لايكون قصدك نمر.., زياد \ومن غيره على اني كنت حابب يكون اول ولد لي اسمه مساعد.., عوق بترجي\لا عاد انا واعده نمر اسمي عليه.., زياديضحك\والله ما بعد صورتك وانتي وهوبيكون عندي خيارات ضابطه ام ولدها والشنطه اكبر من الام والولد..!! زياد يتثاوب\خلينا ندخل نناااااااام ورانا دوام واجيال جديده تنتظر من يساعدها تطلع لدنيا . . . (كلمه اخيره) النملة إذا وضعت إصبعك أمامها و هي تسير لم تـ {ــقف ..! بل تحاول! فتغير اتجاهها و تستمر في طريقهاآ ..! فما بال أحدنا يضرب رأسه إذا حصل له عائق و لا يفكر في تغيير} طريقه؟! ما دامت الإمكانآات تسمح .. و الهدف يقبل ..! لـ / د. سلمان العودة . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
شوكرن ام الوليد
بارت جميل..لكن ملاحظه عليك تكثرين السوالف يروح البارت سوالف نبي احدااث مهمه ومواقف حلوه:) متابعين لك يالغاليه والله يعينا ننتظر ظهر السبت ..متحمسه لروايه ومايدور فيها..ودي اعرف شعور زياد لامن عرف اهل زوجته وموقفه منهم اسلوبك جميل كلك حكم :55: |
يعطيك الف عافية ام الوليد سالفه مشوقه وطلعت الفضول اللي فينا تعجبني الرسائل الموجودة بروايتك والعبرة منها .... ربي يجازيك خير عليها فية كثير من البنات يغلطون بقصة الخلوة مع خطيبها قبل حفلة العرس وياما انهدمت بيوت بسبب هالغفلة ... يعني انا شفت عروس في ليلة عرسها كانت حامل وبشهر الثالث واهلها مادرو عنها الا بليلة العرس انها حامل بسبب بروز بطنها الواضح وفضحوا عمرهم .. يارب سترك.. وفية البعض يقول خطيبي ولد عمي عادي يعني حتى لو صار ماراح يضرني يعني ولد عمك ملاك مايغلط والا الشيطان مايقدر عليه بعض الحيان مايجبلك الهم الا ولد العم جزاك الله الف خير ام الوليد |
صباحك سحابه محمله بالخير :)
رجعت لرايي الاولي وهو ان اللي ببطن عوق ولد<<خلاص قرار نهائي ..بدري :) سالفتك ممتعه سلمت يمينك يالغلا على كل حرف كتبتيه ماعندي للأسف توقعات بس ان شاء الله انك تقرين ردي قبل ما ينحذف ما هان علي أقرا سالفتك وما أرد بانتظارك يالغاليه .. |
سلمتك يمناك ام الوليد على هالبارت الرائع وبخصوص سالفة سناء صحيح ماكل أنسان يتأمن له والخطيب مهما كان مفروض مايعطى حريه مع البنت عالأخر لأنه ممكن يجر مشاكل الأنسان في غنى عنها أقلها مثل ماقلتي في المكالمات واحساس كل من الخطيبين بالأختلاف أيام الخطبه عنه بعد العشره وسناء يقهرني تفكير بعض البنات ألحين ممكن واحد ماعرفتيه الامن كم شهر بيهتم من مصلحتك أكثر من امك وأختك مثلا أستحااااااله بس تلاقينها تتبعه كأنها مسيره ماهي مخيره الله يصلح حالنا وجميع بنات المسلمين يارب ....وفقك الله لمايحب ويرضى غاليتي .... |
السلام عليكم ورحمه الله وبركاته الله يعطيك العافيه طيووف البارت حلوو وعجبني جدا والله يعين على الدنيا زياد ينفع له المثل سو خير وقطه بحر فوق ماهو كان الاب والاخ لخواته وبناتهم لقى الجحود من سناء البنت الخفيفه اللي قدر يسيطر عليها خطيبها بكلمتين وباعها عند اول رابط للالتزام والادهى والامر انها كانت انسانه سطحيه باعت عشرة سنين بكلمتين حفظهم اياها خطيبها الداشر ******** زياد غريب صراحه كل يوم تتجلى فيه الصفات الانسانيه والتناقض الغريب من يصدق انه الانسان الخفيف اللي اهان زوجته بكلام جارح قبل كم بارت نكتشف مدى صبره وحنكته وذكائه بتصرفاته مع خطيب سناء صراحه ابدعتي ام الوليد اعذريني يا غاليه على بساطه الرد بس قلت اكتب كلمتين بمتصفحك كعربون شكر على جهودك لا اكثر |
صبــاحك أمــل و رحمة و محبة و رضـا من الله عز و جل أم الولييييد طبعــا شهادتــي فيك مجرووحة يعطيك ألف عــافية مبدعــة كالعــادة كل سوالفك نــاخد منها حكمة و عبرة قصة سنــاء عــايشتها في واقعــي مثل ما قلتــي تماما بــس الإختلاف كــان في البنت لأنها ماشاء الله واعية و خطيبها في الأول كـان يلمح لها و هي تسوي نفسها غشيمة ما تففهم و على فكرة بينهم عقد شرعــي يعني مالك عليها بــس لسة ماسوو عرس عشان الإشهار و مررة جـابها لها علي بلاطة مثل ما نقولو تروح معـاه لبيت أهله و رفضت و بشدة و مر كم يوم و قـالها لها ثاني قـالتله سوي عرس ان شاء الله من بكرا بلي ربي كتبه و ديك السـاعة مافي يدي شيء أقولك لا قـام أخينا زعــل و قـالها أنـا زوجك وجلس يخربط عليها لسة مو وقت عرس ما جهزت الخ ..قـالتله براحتك لما تجهز أنـا في بيت أبوي تعال هو كانه ما صدق خبر زعــل و سـافر للدولة لي مغترب فيها و للآن صـارلها مدة شوي طويلة لا يكلمها و لا تعرف عنه شيء <<الله يفرج عليها يـارب ءأدعولها أخواتي مــع العلم انه من قرايبها طولت هذرة علي رووسكم ههههه تسلم يميينك أم الوليييد الله يحفظ لك الولييد و اخوانه و أبووهم و كل من يعز علييك يــارب |
مسسسسساء الخيرات والليرات لاحلى كاتبه وقارئات...........يعطيج العافيه ياقلبي على بارت الذكريات هذا والله وانا اقرأ اقول اللحين الخبله بتخورها وتجيب العيد خاصه تتأثربسرعه بس الحمدلله عدت على خير وزياد بهالبارت عرفنا الوجه الثاني له الاخ والسند والعاقل بس احس الخطأ مو على سناء كثر مالأم النصيب الاكبر مهما كانت بحزنها هذي بنت وعلى قولت المثل هم البنات للممات ودي يكون لريوم وخفة دمها مساحه اكبر خاصه انها تذكرني برفيقتي تقول لاضايقتني خالتي أخذت الموضوع على مزح ولدبلت كبدي حطيتها مزحه برزحه تسلمين يالغاليه من كل عثره واشكرج على التزامج معنا هذا الالتزام الي نفقده عند بعض الكاتبات واكثر شي يغثني لقالت بنزل اليوم بارت وتقعد اسبوع !!!!!!ولا بدون ماتنزل تنويه او اعتذار لكن انت غير فديت عيونج *
|
صباااح الخيرااات والمسرااات
مشكووره أختي على الروايه الحلوة والمؤلمه وربي زعلني كثير كلام سناء وخطيب الغفله على زياد بس هذي نظرة المجتمع للاسف للقطاء مع انه مالهم ذنب ماألوم زياد أذا أنجن بعد وفاة امه الصراحه سوت له شي مستحيل والديه يسونه له سبحان الله اللي عوضه هو وعوق بناس يخافون الله فيهم طيييييوف مشكوره ويعطيك العافيه اتوقع الاكشن لسى مابدى اتوقع ظهور أهل زياد ودمتي بخير |
[صباااح الخيرااات والمسرااات
مشكووره أختي على الروايه الحلوة والمؤلمه وربي زعلني كثير كلام سناء وخطيب الغفله على زياد بس هذي نظرة المجتمع للاسف للقطاء مع انه مالهم ذنب ماألوم زياد أذا أنجن بعد وفاة امه الصراحه سوت له شي مستحيل والديه يسونه له سبحان الله اللي عوضه هو وعوق بناس يخافون الله فيهم طيييييوف مشكوره ويعطيك العافيه اتوقع الاكشن لسى مابدى اتوقع ظهور أهل زياد ودمتي بخير |
السلام عليكم طييوف عسى تكونين بخر يارب
البارت حده روعة و احلى مافيه احتواء عوق وزياد لبعض استصغرت سناء على تفكيرها وقلة عقلها وطولة لسانها مع زياد والله سبحانه وراها معدن هاللي كانت بتزوجه غصب واهو مابنيته الا الخراب واللعب زياد انا عاذرته على ردة فعله منها سواء لما بدت المشكلة او حتى لما تعذرت منه ياخي الحريم صج ناقصات عقل ودين سمعت كلمتين حلوين من ولد امس ونست اللي تربت عمرها كله بحظنه وتحت عينه ومايجرح بنادم كثر نكران احبابه لحبه لهم مو ملاحظة ياطيوف اني مع زياد على طول يا اختي رغم عيوبه الا ان شخصيته روعة وعيوبه هينة حيل ويارب يارب الله يخلي لي عيالي واشوف واحد بشخصية زياد والثاني بشخصية نمر طيوف تسلم الانامل اللي خطت وابدعت الله يحرم كلج ومن تغلين ويغليج على النار.........نموره |
أم الوليد.. أتمنى أن أكون وصلت قبل خط النهاية؟؟
يا الله.. عام مر منذ دخلت آخر مرة للمنتدى كالغريب يؤوب لبيته ويفتح الأبواب.. وهو يتساءل : ماذا تغير بعدي؟؟ ماذا؟؟ أ حقا ؟؟ قصة باسم طيف الأحباب.. أحلى الأطياف وأعذبها وبحنين الغائب التهمت الفصول التهاما أم الوليد عرفتها قارئة مختلفة ببعد نظر مختلف بذائقة مختلفة وحساسة.. ثلاثة أسلحة بيد من يقرأ أو يكتب.. وها أنا أتعرف عليها اليوم كاتبة مختلفة أنتظر منها الكثير بوقع خطاها المختلف بين جنبات عوالم الرواية وهي ترسم لها خطا مختلفا عن الجميع منذ البداية عوق وزياد حكاية وجع أعاقت القلب وزادت أحزانه عوق وزياد ذنوب لا ذنوب لها أهنئك أم الوليد على هذا الطرح المختلف الخلاق وسأعيد القول أنني سأبقى أنتظر منك الاختلاف الذي أنتِ رهانه . . أختك .. واليوم قارئتكِ أنفاس قطر . . . |
هلا وغلا ام الوليد
بارت جدا رائع
زياااااد وقسوة المجتمع عليه ونعته عند الغضب بالقيط نعم نحن نعيش بمجتمع لا يرحم ولا يغفر مهما كان صلاح هذ اللقط ومهما وصل من مراتب مشرفه بالسلك الوظيفي عند الغضب او الغيرة والحسد سينعتونه باللقيط ليس ذنبه ما جناه عليه والديه من لم يرحموا ضعفه ورموه للقطط الجائعه والكلاب الضاله وهوا في مهده لا حول له ولا قوه لا اقول الا اللهم استرنا فوق الأرض وتحت الأرض ويوم العرض عوق مشكلتها أحس اكبر لأنها عارفه من أمها ومن ابوها يعني كل ماسمعت او شافت أحد من عائلتها بتفجر جروحها وغضبها عليهم اللي طاوعتهم قلوبهم يرمونها مع انه كان باامكانهم يسترون على عيالهم ويزوجونهم ويضمون لهم بنتهم بس غضب الأهل ساعتها وخوفهم من الفضيحه ومن ان بدر يموت بس كان عندهم فرصه وضيعوها وهي لسى صغيره انهم يضمون لهم بنتهم سناء وخطيبها اللي ماكان قد المسئوليه حسيت تصرفاته تصرفات مراهق وأخيرا طلت علينا أنفااااااس قطر. اهنيك ام الوليد على طلت انفاس علينا من خلال روايتك وان دل على شي فانما يدل على نجاح مولوتك البكر أهنيك مره ثانيه وثالثه ...........:55: |
مساء النقاء ام الوليد مساء مخملي مايليق الا باحبابي فيني حررررررررررررررررررررره ودي اطفيهايمن يمسكني رقبت سناء وخطيب العازه واكسرها اححححححح صدق من قال الملافظ سعد <وارجع اقول بزران وحرمو من لعبه يتسلون فيها ماينشره عليهم قامو يقطون خيط وخيط لكن خطيب سناء قطيعه تقطع ابليس وسنينه قهرني وهو تفكيره الغبي مثله كل يراى االناس بعين طبعه <تدرين ام الوليد ربي ماهوب مضيع حق زياد بدور الدنيا يانه ربي بيسلط عليه ذنب اسود ويعيفه حياته طعن في الشرف قوووووووووووووووووووووووووووويه تفكير قذر وجع ثم وجع للحين مقهوره سناااااااااااااااااااااء صدق الااختشو ماتو وتراددين نعنبو ذالفيده ودي امسكها واصرم رقبتهااااااااااااا واشرب من دمها قهرتني هذا اللي اخذناه من الطلعات مع الخطيب تدرين عاد ربي سخر لها زياد وتغانمها وربي ستر عليها طيف تدرين وقفت على احداث قصه جلست شهووووووووووووووووووووور وانا متاثره فيها وحده كانت تطلع مع خطيبها وحصل المحظور تدرين وش سوى عقب طلقها وقال هذي وسيعة وجهه من خانت ثقت اهلها كيف اامنها على بيتي المصيبه الاهل غافلين مثل حالة نجلا مايدرون ليته عقب سترها الانشر غسيلها عند العالم وجلست مثل البيت الوقف وياطول صبرك وحلمك يازياد <قلب ينبض لك اثرني كثيرررررررررررررر زياد وذكرياته مع ابوه والجيران والمعاير <صدق من قال يحسدون الفقير على موتة الجمعه عووووووووووووووووووووق نعنبو ابليس واهله ابتس وصايا الوضحي وين راحت هذي الا مايقر في بطنها علم واذا طلعولي اهل وترجع وتعيد تدرين تمنيت عمري اني جنبها واقرررررررررررررررررررررررررررررررصها قرصة عجوز <تعرفينها قرصة العجز طيف واقول وصات الوضحي وين احس عوق ماهيب هاجده لين تقول لزياد منهو اهلها <سبحان الله احيان الجهل في بعض الامور ابرك واحسن يعني لوعوق مادرت من اهلها كان احسن لها الووووووووووووضحي ياربي معقوله تكون مريضه مرض قوي ام الوليد الله لايخلينا ربي من طلتس علينا ف عز الكلام سكت الكلام |
اقتباس:
السبت يحمل احداث مهمه اسعدني مرورك اقتباس:
هلا وغلا قصة سناء صرنا كثير نشوفها مع ثورة الاتصالات انقلبت حياة بنات كثير الخطيب يلاحقها بكل مكان والعذر زوج شرعآ واذا طاح الفاس با الراس اول من يتخلى عنها زوجها شرعآ وحتى لو كان ولد عم والله ابليس مامات لا ولد ولا غيره وش الي يمنع انه يستعجل الزواج وخلاص اسعدني مرورك اقتباس:
جنس المولود انتظري عوق وردك حلو ليش ينحذف اسعدني مرورك اقتباس:
الله يسلم روحك والله يصلح احوال بنات المسلمين الي بعضهم ترخص نفسها تحس ان ها الخطيب خلاص بداية الحياه ونهايتها معاه تخاف اذا زعل تنتهي حياته وصحيح كثير شباب مستهترين اذا لقوا من البنت خفه ضيعها والعيب على البنت اسعدني مرورك |
السلام عليكم ورحمه الله وبركاااااته ام الوليد الله يسمع لدعاءوك ويستجيبه ويكشف الغمه عن اهل سورياااا وجعل يمينك ماتمسها النااار على هالابداع الراقي .. وعلى هالرسائل التوعويه والارشاديه الي ترسلينهااا والله اتمنى الكل يقرا روايتك ويتعض منها صدقين لدرجة قلت لاختي عندي لك روايه ولا اروع راح تعجبك بس استنى تكتمل واخليك تقرينها لانها ماتحب تنتظر ام الوليد اناااا ضد المقابلات في فترة الملكه لانها مايجي منها غير وجع الراس والمشاكل شوفينا وشحليلنا يازين ايامنا زيناه مافيه وحده عرفت رجلها الا ليله العرس لاااا وكنهم مدخلينها على عزرائيل الدموع اربع اربع والقلب بيوقف من كثر دقاته ولااا نظل سنه مانقدر نرفع نظرنا بازواجنا بس بعد السنه كل شيء مسموح حتى الصراااخ هههه والمساكين يقولون يازين اول سنه مالكم صوت واي شيء نبيه ماتعارضوون مو اللحين صوتكم يلف الكره الارضيه مو اللحين خزني واخزك لاا وتبوسم له والطااامه عااد اذا جلسوو ايتبوسون وهي تضمه وهو يضمها ويتسدحووون بالكوشه والله شوف عيني مابقى الا نجيب لهم سرير ويقضون مرة وحده لاحيا ولا مستحى وفيه بعضهم تلقين الزوج يستحي اكثر من العروووسه عفانا الله وسناء امثالهااااا كثيرر وهي الضحيه الوحيده والخسرااااااانه والا شين الحلايااا بيلقى من ترضى فييييه سنيه ووجعة جدي ’آآآآآآآه بس من يقضبني رقبتها عشااان امصع قليله الحيااااا كنها ماصدقت تلقى واحد ياخذها خذالله روحها هي وياااه بالله عليك وش لاقيه فييه من زين طبع والا اخلااق عشان تبيعين اهلك عشانه والا ترخصين روحك له هذااااا هو عافك ولاااا بغى يخرب حياااااتك الجديده وفوقه خسرتي حب واحترام خالك لك زياااد ناصح القوم فاضحهم انت بغيت مصلحة الخبله وهي ماتشوف قدام عينها الا شين الحلاياااا بس الحمد لله تعبك ماراح على الفاضي صحيح انك انجرحت جرح مايلتئم من اقرب الناس لك بس على الاقل قدرت تحافظ على بنت اختك ومواقفك وانت صغيرر اوجعتي قلبي حييييل يا سبحان الله >> حاسدين الفقير على موته الجمعه فالمجتمع ينظرون لهم بدونيه فظيعه متناسين انهم بشر لهم مشاعر واحاسيس وان الرسول الكريم عليه االصلاه والسلام وصانا بهم فهم يشوفون تفوق اللقطاء ونجاحهم شيء مايستحقونه الا عيالهم وعووق مع المرجيحه فعلااااا يازينا اول اقل شيء يفرحنا كنا قنوعييين حييييل مو عيال هالوقت الي ما يعجبهم العجب اقولك سررر ام الوليييد >> ايام طفولتي كل ماشرى ابوي لنا مرجيحه لعبنا فيها اشوي تعرفين بعدين وش اسوي فيها اكسيرهااا واسدح المرجيحه على جنب والبسهاااا عبايه جدتي او بشت ابوي وافرشها من داخل واخليهااااا خيمه لي واكشت بهاااااواجيب دلال الرسلان الي بالمجلس والفناجيل واحطهم قدام خيمتي واصب فيهم القهوه ميرندااا والشاهي بيبسي واقلط اخواني وبنات جيرانا واقهويهم هههههههه لاااااا وكل ماجاب ابوي جديده كسرتهااااااا<< ام الولييييييد جعل كل حرف تكتبينه بميزان حسناتك وشاهد لك |
اقتباس:
هلا وغلا ام نواف لك فقده والله سناء اعماها مشاري با العالم الوردي الي عيشها فيه قبل تدخل بيتي وعبى راسها على زياد الغريب بينهم وهو مثل ماقال زياد كان شاك ان بين سناء وزياد علاقه وضع زياد صعب مهما زيناه با الروايه زياد بشر وله هفوات مثل ثورته على عوق لك من الاعذار ملايين ام نواف اقتباس:
والله قصة سنا ءقاعده تتكرر كثير والاهالي صارو يتساهلون بها الشي كأنهم اذا رفضوا ان بنتهم تكلمه او تطلع معاه بينخرب بيتها ينخرب وهم على البر احسن من انه يشوه سمعت بنتهم ويصير يطاردون وراه بس يبون الستر اقتباس:
هلا وغلا يا مساء الورد والله ما ندري عن عوق الله يستر لا تجيب العيد وتقول لزياد عن كل شي سناء الخطا مشترك بين الام والبنت لا ان شاء الله بأذن الله نستمر مع بعض لنهايه الا اذا شي فوق طاقتي اسعدني مرورك يا الغلا |
| الساعة الآن 01:53 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية