|
هلا وغلا ساعه بلا عقارب
اكيدر رضاء الناس غايه لاتدرك لأن العقول ماهي وحده وبعض الزوجات تبلع وتسكت وحتى لو كانت بموقع اقوى من زوجها لكن في اشياء تفرض الخنوع ومنها وجود الاطفال استحاله بيكون رد فايزه مقتضب وخصوص مع ظروف عوق للعلم فايزه ماتعرف ان عوق لقيطه الانسان لما يكون وقع عليه ظلم تتبدل مشاعره يبي يبن للكل انه مظلوم وبما ان عوق يتيمه اكيد فايزه بتتعاطف معها تتخيل اطفالها الي تركتهم وراها غصب عنها ام عوق ام ومصلحة بنتها فوق كل شي وهي حتى انها قالت انا مزوجه صالحه مزوجته ومقتنعه فيه وحتى انها نسبت رفض صالح لبنتها ماهو لها لأن عوق مستحيل بيرجعها لعقلها الا انها تاخذ ضربه قويه تخليها تصحي ولا راح تضيع نفسها بدليل انها كان عندها امل انته ام صالح با اتصالها لما قالت ما يبون عيال من عوق قصة فايزه الآن وحده تعيشها با اختلافات بسيطة اسأل الله ان يرفع قدرها با الدنيا والاخره والثلاثاء بيكون من البارتات الي هزتني لدرجة يوم راجعته انا نفسي خفت ما ادري كيف كتبته لكن مجبوره على كتابته اسعدني جدآ مرورك ونقاشك الراقي |
مرحبا ,, دام الإبداع وراعيته يام الوليد ,, قصه انا اعتبرها مرجع لي في اللهجه الأصيله ومفرداتها ,, ناهيك عن القضية الأجتماعية الكبيره اللي تناقشها القصه واللي المجتمع بكل أطيافه يغض النظر عنها ألا وهي قضية التحرش الجنسي للأطفال سواء من الأقارب او غيرهم ,, تصرف الوضحى يوم تاخذ عوق لفايزه منتهى العقل والحكمه ,, بغض النظر عن مدى صواب الكلام اللي قالته وضحى عن صالح ,, او وقته المناسب ,, لكن انا اعقتد انها تصرفت بحكمه ,, لأنها بذلك قطعت على عوق التفكير في الزواج من أول خاطب يدق الباب وضرورة التريث والسؤال عنه ,, لأن مب كل من قصر ثوبه وطول لحيته قال أنا مطوع ,, ولا كل مطوع بيكون حكيم في تصرفاته وعارف بسنع الرجال ,, لذلك ياعوق لا يغرج المظهر ,, بعدين فيه أمر ثاني أكدت عليه وضحى بتصرفها وزيارتها لأهل فايزه واعتقد انها هذي الرساله غير المباشره من تصرفها ,, وهو انها أثبتت لعوق انها تحبها فعلا كبنتها الحقيقيه ,, لأنو عوق مكن تفكر انو وضحى ترفض زواجها لمصلحتها الشخصيه ولرعايتها ,, مجررد رأي !!! أما فايزه ,, الحمامه الرابعه في هالقصه ,, واللي تنوح بكل ألم وانكسار وتعاني من ظلم الرجل الي ياخذ من الدين ستاااار له ومرجع لتصرفاته ,, فهي كانت نعم المرأه وأثبتت لي أنها كفو ,, ليش !! لأنها وان طلعت بعض عيوب صالح ومساوئه ,و ألا أنها اتقت الله تعالى بعد وبينت بعض حسناته اللي تعرفها ,, وماكتمتها عشان تخلي الحق في صفها ,, ومثل فايزه قليل ,, يوم يتطلقون ,, مايتركون شي الا ويطعلونه ,, أخيرا ,, شقصة زيارة سالم وسعد وولده ؟؟ معقوله جايين يخطبون عوق ؟؟ ننتظر البارت القادم عشان نعرف هالأمر ونعرف ذكريات عوق اللي بتكشف عنها من مجرد نظره ,, تحياااااتي لج ,, |
هلا وغلا بياض الصبح
بجد المنتدى رفع ضغطي ما ني قادره ادخل ثواني ويحذفني تشوفين حالتي حاله اناظر ردودكم وارد على مستند ومادري هو نفس ردودكم اولا وضحى ما كانت راح تقنع عوق اذا ما سوت كذا عوق خوفها من فقدان امها وحركة عيال ناصر معاها خلخلت توازنها وافقدتها شي من ثقتها بنفسها فايزه مثال لزوجات كثيرات وهو تدخل اهل الزوج بحياة زوجته ام صالح هو كان من البدايه واضح قال اهلي اعترضوا وبعدين وافقوا معناته كان بينهم نقاش كبير على وضع عوق انتهى با الاتفاق انه تكون مجرد مسمى زوجه وكرت تخرق فيه ام صالح اعصاب فايزه سعد وسالم ارتباط ابوهم بوضحى ومن بعدها استفادتهم من حلالها يخليهم ما يرتاحون وفوقها اعتبارات اجتماعيه وخصوص انها زوجة ابوهم وكل اقاربهم عارفين من هي لو بيقطعونها بتنقدهم الناس وضحى معروفه انه حرمه فيها خير الله يسلمك القادم بأذن الثلاثاء الساعه العاشره ليلآ عيالي بفترة امتحانات وتقويم مستمر |
هلا ومرحبا حزين الاحزان
صالح ياكثر اشباهه حولنا رجال وحريم دايم هم الي على حق وحتى لو يغلطون مجبور غيرهم يتحمل خطاهم البارت القادم من اصعب البارتات الي كتبتها اسعدني جدآ مرورك وكلامك الرائع الي تسطره في بداية كل رد |
وعليكم السلام ورحمة الله وبركاته
هلا بك امووله لازم وضحى توقف لعوق لتضيع نفسها عوق كانت تبي زوج والسلام لكن وضحى عارفه انه ما يصلح لها ولا راح تستمر حياتهم فايزه حملتها وضحى امانة صدق القول وذنب يتيمه بيكون برقبتها وهي قالت كلامها ولا بعد عرفت ان عوق لقيطه والرجال مافي ابخص من زوجته فيه موقف ياسمين ماهو بس حرقه على اخته حرقة قلب على عوق الي كانت بتورط نفسها بزواجه فاشله ام صالح في كل مكان وزمان تلقينهم لا بعد زيادة القهر يوم قالت لها فايزه ما تخافين الله يبلى بناتك زعلت من كلامها رب ضاره نافعه خل عوق تذاكر والفارس الملثم قريب بيطق الباب في اخر البارت التاسع لكن ما راح نشوف وجهه لا في البارت الحادي عشر وهل هو فارس على حصان ابيض والا حصان اعرج سالفة التحرش بنعرفها الله يحمي اعراض ابنا ءنا وابناء المسلمين اسعدني جدآ مرورك |
بسم الله الرحمن الرحيم السلام عليكم ورحمة الله وبركاته ألــــــــــ1000000ــــف مبروك التثبيت والتميز كنت موقعة ذلك منذ مدة لأنها بالفعل تستحق فهي نجمة ساطعة في سماء وحي الأعضاء كل الشكر لمن سعى لتثبيتها والشكر موصولٌ لك أم الوليد على هذا الإبداع وضحى............ تتجلى حكمتها في كل موقف تظهر فيه وتعالجه بحنكه علمتها لها خبرتها الطويلة ومعرفتها بمعادن الناس كان من السهل جداً عليها أن ترفض صالح دون أن تكلف نفسها عناء الوقوف على رأي عوق لأنها رأت أنه لا يصلح لها ولكن لمعرفتها بما سينتج عن ذلك من ألم لعوق لتعلقها بالزواج من رجل صالح يخاف الله بها وتبني معه أسرة سعيدة أرادت أن تضعها أمام الأمر الواقع لترى بأم عينها سبب رفض أمها له منذ البداية فواجهتها به بدأً ثم واجهتها بطليقته لتطهر الجرح كما قالت رغم أني لا أُأَيدها بذلك فما حاجتها لأن تطرق الأبواب للحصول على المزيد من الألم وفتح الجروح التي ليس هناك من فائدة في فتحها فعوق كفاها جرحاً أن سمعت بأذنها أنه ما رغب بها إلا ليذل زوجته فهل هي بحاجة لسماع مأساة جديدة عن فقد الأبناء وعذاب بعض المطلقات في نيل حقوقهن عوق.............. أتى في صالحها ما سمعته من فايزة فانكبت على دروسها وتناست أمر الزواج في الوقت الحالي ولكن أتى شرط أم صالح ليذر الملح على الجرح ويعيد إليها التفكير مجدداً في من سيقدم على الارتباط بها وهي من هي موقفها من سالم له ما يبرره فكما تبين من حديثها عن سالم أنه قد حاول التحرش بها ذات يوم يجعلها تكرهه ولا تطيق رؤيته عند أمها ولكن ما موقفها من سعد لو لم يحاول أن يستولي على حلال أمها ويخرجها هي خالية الوفاض هل كانت لتكون لطيفة معه بحكم أنه ابن خالها ولم ترى منه ما تكره سابقاً أشك أن سعد آتٍ ليخطبها لابنه إلا إن كان به عيب شرعي يمنعه من الارتباط بذات حسب ونسب فقالوا نضرب عصفورين بحجر واحد نزوجه إياها ونستولي على الحلال أو أنهم أتو به لأن وضحى تحبه وقد يكون شفيعاً لهم عندها لتعود المياه بينهم إلى مجاريها بعد أن طردتهم سابقاً فهم مهما كان لا يستطيعون نسيان أنها زوجة أبيهم وسبب العز الذي هم فيه فايزة............... لبؤة مجروحة فكان لابد أن تخرج مخالبها لتدافع عن نفسها فهي قد صبرت وتحملت وكانت النتيجة أن طردها دون رحمة ولم يسرحها بإحسان كما كان المفروض منه بحكم أنه رجل يخاف الله لا ألومها على ما قالت رغم أني توقعت منها ألا تسهب نظراً لموقف أمها من شقيقتها حين انتهرتها وطردتها من المجلس حين تحدثت عن صالح وأمه فمن هذا الموقف توقعت أنهم لن يتحدثوا عن الموضوع إلا بإيجاز ما يوضح الصورة دون تفصيل ونزولاً عند طلب وضحى حين استحلفتها بالله أن تخبرهم أم صالح.............. للأسف هناك الكثير ممن هن على شاكلة أم صالح ونسيت أنها ذات يوم كانت تعاني مما تفعل هي الآن كما تناست أن لها بنات وكما تدين تدان والجزاء من جنس العمل ولكن المصيبة الأكبر إن كانت مسيطرة على الزوج والأبناء ولم تعاني يوماً من ظلم أم الزوج بل على العكس كانت هي الظالمة لها هنا ليس لحالتها علاج وسيظل ابنها تحت جناحها وحين تفارقه سيبحث عن امرأة مسيطرة تسيّر له حياته كما كانت أمه تفعل فرجل في حالة صالح يقبع تحت سيطرة أمه يحتاج امرأة قوية الشكيمة توقف أمه عند حدها وتحاول أن توازن الأمور لتسير حياتها كما تريد دون تدخلات من أحد غاليتي............ سلمت يداك على هذا الإبداع بانتظارك دائماً بشوق لك كل الود |
صباااح الخير طيوفه
بارت موجع بصراحه فعلا الاخلاق اهم شي في الرجال واول ماينسال عنه اخلاقه وصلاته ويكثرهم الملتزمين بس تعاملهم صفر الله يهديهم ام عوق رايتك بيضا وماقصرتي في السؤال ماشا الله عليك فصفصتيه فصفصه وماخليتي شي ماتركتيه عشان تريحين بنتك وتبرين ذمتك وشغلك زين العقل رغم اني اشوف روحتك لحرمته مالها داعي كان كلمتيها بالتلفون يكفي بس يمكن تبين عوق تشوف بنفسها وانك بخاطرك عارفه انها راح ترفض فرحتي فايزة معاناتها قوية مع طليقها وامه وشافت منهم الويل مسكينة الله يعوضها ومايقطع قلب الام الا فراق عيالها وكأن هالرجال يلوونهم من اليد الي توجعهم ام صالح شين وقواه عين تبين تقطعين رزق البنت وماتبين منها ذريه ليه هي ناقصة يد او رجل يالظالمة لكن ام عوق دواك ورتك الشغل عوق المزايين لايضيق صدرك حبيبتي وان شاء الله ربي يعوضك خيرا منه وانتي توك صغيرة واحس انك بتاخذين من اقاربك من اهلك الي ماتعرفينهم بس اهتمي بدراستك وبامك جيت سعد غريبه لايكون بيخطبها لولده ناصر وينيته ضف هالحلال والخير ام الوليد هذا الي عندي وننتظرك بسالفه جديده يالغلا |
♪♪♪ خطيرة والله الوضيحي .. اخذتها لين عند طليقة صالح وخلتها تسمع باذنها وتشوف بعينها .. المفروض تعرف عوق الحين انه ماخذها يبيها .. ماخذها مثل ماقال واعترف هو بلسانه انه بيحرق قلب فايزة انه بياخذ وحدة اقل منها وازين منها .. واكبر دليل يوم قالت ام صالح مانبي عيال .. يعني مستعرين منها ! جد ناس اغبياء ويعترفون بكل قواة عين .. نبيها مزيونة تحرق قلب فايزة ! مانبي منها عيال ! فايزة مسكينة ضاقت المر لين خلاص ماعاد فيها تكمل .. عواافي ام وليييييييييييد .. ننتظرك الثلاثاء يالغـــــــــــــــــــــــــلآإ .. ♪♪♪ |
اقتباس:
هلا وغلا اراده الله يبارك فيك والله الابداع تشجيعكم وردودكم الي تفتح النفس وتفع للكتابه وضحى السنين التسعين مامرت عبث صحيح رفضها لصالح كان سهل لكن الصعب هو الي بيتبع ها الرفض من ردة فعل لعوق مواجهة فايزه انا برأيي لابدمنها عوق كانت مصره على ها الزواج لأنها ما سمعت لطرف الثاني الي هو فايزه مسألة رفض وخلاص بتخلي الموضوع معلق بذهن عوق لكن قطعت العرق وسيحة دمه رجوع عوق مكسوره بعد خطبت صالح ينطبق عليه رب ضاره نافعه شرط ام صالح كان هو الضربه الي صحت عوق من الغيبوبه خصوص ان عوق عارفه هي بنت مين ليش يحرمونها تكون ام لأنها مجهولة نسب والنسب الي واضح لها لكن مستور عن غيرها فايزه موقفها صعب وخصوص وهي تشعر بمرارة الظلم ولا تبيه يقع على غيرها وخصوص انها ماكانت تعرف ان عوق مجهولة نسب ام صالح ابشرك يزخر بهم المجتمع الله لايجعلنا اذا عجزنا نصير على شاكلتها تشوف ولدها كامل الاوصاف لازم تكون زوجته كاملة الاوصاف وبعدين ها النوعيه نظرتها قريبه لايمكن انه باكر وش راح يكون توقعاتك بتنكشف قريب ولا اقدر اناقشك فيها لأن فيه ناس موصيني يقولون اراده لا تناقشينها بتكمل عنك الروايه فخليها على مبنى الشايب اسعدني جدآ مرورك ونقاشك العذب وتحليلاتك الي بجد تبهرني وتخوفني انتظر ك الثلاثاء العاشره ليلآ فلذات كبدي عندهم تقويم وامتحانات واخرت موعد البارتا ت علشانهم |
اقتباس:
هلا وغلا ام الشهد كثير من الناس اربطت الاخلاق با اعفاء اللحيه وتقصير الثوب ناسين ان الناس اخلاقها تتفاوت وان الانسان ما يمثل الا نفسه يعني اذا صار بينه وبين مطوع خلاف كره كل المطاوعه لا ليش المطاوعه بشر يخطئون ويصيبون وكثير اشياء تتحكم في حياتهم ماهم معصومين ام عوق ماكان قدامها الا المواجهه شافت بنتها متمسكه بصالح في البدايه واجهتها انها هذي فرصتها الوحيده وحتى لما رفضت وضحى شافت بعيون عوق الرغبه بها الزواج التلفون في مثل اندفاع عوق ماراح يوفي با الغرض ماكان قدامها الا الكي الي كان با المواجهه ام صالح يا كثر اشباهها دائمآ هم الي صح وغيرهم غلط ما خذين كل شي تملك عوق بنشوف الفارس الملثم بكرا لكن ماراح نتعرف عليه الا في البارت الحادي عشر بأذن الله هلا بك انتي والي عندك والسالفه القادمه هي الي فعلن موجعه ما ادري انا اثرت فيني بشوف ردة فعلكم الثلاثاء |
هلا بك هاله
اتمنى والله اكون قدمت شي يعجبكم والله الروايه كانت بدايتها كلمه سجلتها وصرت اضيف لها مواقف من مواقف صرنا نقرا عنها كثير ومنها التحرش با الاطفال والله المشهد الي انا كاتبته اهون بكثير من الحقايق الي احنا نقراها ومع هذا لما راجعت البارت بكاني قلة حيلة الاطفال الي يتعرضون لتحرش من وحوش يطلق عليها مسمى بشر وضحى مواجهتها لفايزه لا بد منها علشان زي ما يقولون تقطع العرق وتسيح دمه عوق بدت تشعر بنفور المجتمع منها حقيقه ماهو مجرد خيال وشافت ان صالح فرصه لا يمكن انها تنعوض مهما كانت عيوبه فماكان من وضحى الا انها واجهت عوق بفايزه الي كانت اقوى من شخصية عوق وضعها الاجتماعي غير لكن ما قدرت تستمر حياتها مع صالح في كلمه قالتها عوق لما انبهرت بمسمى خطيب وحسيت ان في احد قبل فيها وهو عارف وضعها لما قالت امي تبيني عندها حتى تدفني او ادفنها كانت تفكر ان امها مستبعده فكرة انها تزوجها فايزه وامثالها كثير تدافع وتضحى لكن با الاخير لصبر حدود فايزه انسانه رائعه بحياتها مع صالح لكن ماله با الطيب نصيب وحتى بنصيحتها لعوق كانت صادقه ماغشتها بينت الوجهين لصالح وانه ممكن ينعاش معاه لكن هي ما قدرت الذكريات بنشوف منها الكثير سواء عوق او شخصيات جديده بتدخل معانا الهاله اسعدني جدآ مرورك ونقاشك الراقي |
هلا وغلا معزوفه
الوضيحي عارفه ان عوق حتى لو رفضت بتكون ماهي مقتنعه فمكان فيه غير المواجهه صالح قال ان اهله كانو رافضين وافقوا لما شافوها اكيد جميله والموافقه جات بعد محاولات وشروط الي كان من ضمنها انهم ما يبون منها اولاد يا كثر الفايزات بمجتمعنا يا حنين اسعدني مرورك يا الغلا |
السلام عليكم طيوفه
اولا ماشاء الله تبارك الله ومبروك التمييز والتثبيت تستاهلين وعن استحقاق يازين سوالفس يا ام الوليد والله كني مع وحدة من خواتي وجالسه تقص علينا ونتسلى حنا واياها حبيت الوضيحي سبحان الله اي وحده اسمها وضحى تلقين فيها حكمه وعقل ورزانه طبعا اقيس على كذا وضحى عرفتهن في حياتي اولهن ام زوجي الله يرحمها وضحى وقصة تبنيها او كفالتها لعوق سبحان الله كيف الله ساق عوق لوضحى وانعشت حياتها من بعد ما كانت مهمله بالبر وبعيد عن الناس والحياه قصة بدر ومشاعل بعد ياسبحان الله كيف تساهل الاهل بالحدود والستر لبناتهم وان الولد ما يخالط البنات ولا يستصغرون عقله وعمر تدرين والله يبان على الولد اذا كان ينتبه للحريم والا ما عنده ما عند جدتي في عيال صغار ومن سن 6-7 يميز ويعرف بالحريم هذي زينه وهذي مملوحه وهذي مليانه شوي وذيك لو تلم شعرها تطلع ام الزين عشان كذا البزر اللي يميز ويعرف يصنف لا يمكن ادخله عندي او اجلس معاه كل ها الامورجنت على بدر ومشاعل واكييد عوق عوووق حبيبتي والله جد ما تمنيت اشوف شخصيه في روايه مثل ما تمنيت اشوفها صعب معرفتها لوضعها والاصعب انها تعيش في خوف من حياتها قب عين امها حبيت علاقتها بأمها سهله صريحه وفيها صداقه نجي للحراميه سعد وعلي اعتقد يا ويلكم من الله فرطتو بالامانه وخنتوها وبعد لكم عين ومتأملين تاخذون زياده ما اتمنى ان يكون نصيب عوق مع احد من طرفهم اتوقع بيحاولون يخطبون بس تردهم الوضيحي وعوق مالهم امان وعوق نصيبها مع واحد مثل وضعها لان يتقبلون بعض بوضعهم ماحد يزيد على الثاني بالنسب والعذر والسموحه منس توني اليوم قريتها من الجزء الثاني الى ان انهيتها واستمتعت مع وضحى وعوق وقبلهن مع ام الوليد |
مسااء الخير والرضــــــــى من الكريييم حيااا الله أم الولييييييييييد وسوااليفها الي تشرح الخااطر أولاً مبروووووووك التميييز وتستاااهلين والله وبجداااره كنت متوقعه هالتمييز لأن من اول بااارت والرواايه التمييز عنوااانها مووفقه يالغااليه,,, أحدااث البارت هالمره هاادئه وألييمه من جبهة فاايزه وقصتها مع سوويد اللحيه صالحووه << حسيتني بحرب خخخ بصرااحه قصتها تقهرر والي يألم أكثر إنه وااقع نعييشه وياااكثرهاا مواقف شفناها مثل هالقصه ويمكن السبب الرئيسي للي صاار لفايزه هو تساامحها مع صالح وأهله من البدايه يعني على كثر الي شاافته عمرها مااوجهت صالح وقالت له بالي يضايقه وهذا التساامح والطيبه المغفله خلت حقها مهضووم عند صالح واهله ولماا كثررت عليها المشااكل وضااقت بهاا طلعت الي بقلبها كله وهذاا اكييد بيخليها الظالمه بعينهم لانه طوول الوقت ساكته وتجي هالحين تتكلم ماااعاد ينفع الصوت وش تعدل وش تخلـــي كان من البداايه حطت لها خطوووط عريضه محد يتعدااها بس صار الي صار ويمكن يكون درس لها وصاالح الله يصلح حال منهم مثله يعي مايخالف بر بأمك خلها الكل بالكل وأخوااتك لاحد يغلط علييهم بس بالمقاابل رااعي ظروف زوجتك بالنهايه هي ام عييالك هي أسااس أسرتك لو ماوقفت يمها من بيعرف الي بخاطرها من جد ودي أمسك الي مثل كذا وأسوي لهم غسيييل دمااغ <<آآآخ بسس سعد وساالم ولمحة الحزن والإنكساار أكييد ورااهم سالفه الله يستر من بلااهم هذولاء ينخااف منهم الوضحى وعرفنا وش كنتي نااويه علييه من جد خوفها على عووق وعلى مشااعررها ومراعاتها لها تقطع القلب احس كأنها ورده تخاف عليه من أدنى هبة رييح << أهم شي التعبيير خخخ كان بإمكانها تقول ناس وماتصلح وتنهي الموضوع بس تروح وتعني نفسها وتسأل زوجة صالح عن سبب الطلاق وقبل ذا كله تنااديه هوو هذا إن دل دل على شدة إهتمامها بمشاعر عوق وخوفها علييه عووق فرحه صغييره مااإن تجلت بالظهوور حتى إنكسرت وخلفت ورااءها تحطييم وجرح عمييق بس الأهم إن هالدرس يزييد من قوتها ومواجهتها لمواقف أصعب من كذا والتأني بقراراتها أم الوليييييييد بالشوووق كالعاااده للبارت القاادم تسلم يمينك ويحفظك ربي بإنتظــــــــــارك رووح |
هلا وغلا ام رنو
هي الروايه سوالف وتعتمد على ذكريات البطله في مراحل من حياتها وبنشوف بعد كم بارت البطل وهو يشاركها الذكريات وضحى كل الحريم الاولات فيهم حكمه وذكاء كفالة وضحى من يفعل الخير لا يعدم جوازيهُ لا يذهبُ العرفُ بين الله والناس قصة بدر ومشاعل الحين الناس صارت متساهله اكثر من قبل انا ما يذبحني غير كلمة يا بنت الحلال بزران وش مفهمهم هذي ترفع ضغطي وضحى هي الي بنت العلاقه بينها وبين عوق تعاملها من صغرها انها كبيره وكل شي تعلمها فيه سعد وسالم مازالوا يشوفون ان الحق معهم مال زوجة ابوهم ولا له وراث بنشوف لهم بعدين مواقف لكن ها النوعيه جبانه ما يطلعون الا اذا ما شافوا احد توقعاتك بنشوف وش يصيب منها اسعدني جدآ مرورك ام رنو |
هلاوغلا روح
يا مساءالانوار الله يبارك فيك التميز والتثبيت والله هو متابعتكم وردودكم الراقيه وضع فايزه مع الآسف واقع للكثير من الزوجات الي ازواجهم ما يعرفون يوازنون بين علاقتهم بأهلهم وزوجاتهم صالح رجل الكل اثنى عليه من الي يعرفونه لكن مافي احد يعرف اخلاقه في بيته وامه لها دور كبير مشكلة حب التملك عند بعض الامهات وتضرب على وتر انا الي تعبت وانت افضل اخوانك وتناست ان زوجته كائن حي لها حق فيه والله يعين الي على شاكلة صالح فايزه سلبيتها من البدايه هي الي طورت الوضع ما خلت لكل شي حد وضحى تعتبر عوق امانه في ذمتها مستحيل انها بتتركها تضيع نفسها اسعدني جدآ مرورك روح |
بسم الله الرحمن الرحيم
هلا وغلا بكل الغوالي الي شرفوني بردودهم ونقشاتهم المثريه اليوم بتعرفون اسم الفارس الملثم ..!!!! والغوالي الي يسئلوني على الخاص والعام عن احداث الروايه هل هي حقيقه اوخيال..!!؟؟ الاغلب خياااال ممزوج بقليل من الحقيقه.. الروايه بمجملها ذكريات تعيشها البطله يعني منتهيه احداثها وبتشوفون احداث قادمه وذكريات لعوق و.... والحقيقي من الاحداث هو من مصادر موثوقه وفي ازمنه مختلفه ولعدة اشخاص فعلشان ادمج الاحداث وتكون لشخصين لابدما يكون هناك شوية مبالغه وتضخيم لبعضها وتجميل للبعض الآخر فتحملوا البهارات الي في بعضها حار وبعضها فيه مراروبعضها مالحه وفي بعضها ساااااامجه الي هي نقطة الرومانسيه الي ابلشوني فيها الربع الي يقرون وكني اشوفهم يضحكون.. يقولون طيف تكفين لا تخلين الروايه جامده والله يستر لانكون جبنا العيد...!! . . بنشوف عوق المزايين والذكريات المؤلمه البارت اهداء للجميع .. يا الله تعالو معاي ...! وسالفه جديده؛ . . . البارت التاسع . . . تذكرت ذاك اليوم الرهيب وانا با المتوسط في بيتنا الشعبي القديم .. امي لما تركت البر اقترح عليها سعد يشتري لها بيت قريب من بيته هو واخوانه علشان بيوتهم قريبه من بعض ويقدرون يخدمونها ويقضون مشاوريها رفضت تقول انا اخذت على الوحده والبعد عن الناس من اول حياتي وطبعي ولا ني مغيرته يوم جيت المدينه..., واشترى لنا سعد بيوت وطلب من امي تشوفها والي يعجبها تسكنه ..., امي اختارت الحاره الي سكنا فيها تقول من دخلت الحاره قلبي انشرح لها وبعيده عن كل جماعتنا وعيال ناصر..., بيتنا شعبي ومبني داخل حوش كبير وفيه مزروع نخل وشجرتين سدر كبيره.. في بزاوية الحوش غرفة صغيره مبنيه اذا جا الشتاء امي تمليها سمروفحم وجنبها حمام تكرمون ومغسله .., في الجهه الثانيه سعد مزين غرفه وحمام لشغالات وازواجهم الي نستقدمهم..., طلبته امي يستقدم لها سواق وزوجته ويشتري لها سياره..., تقول انتم عندكم حياتكم وعوايلكم وش بتلحقون عليه وانا ربي مقدرني والخير واجد ليش احملكم همي بتقضون شغلي يوم وتنسوني عشره.., وهذاانامن عرفت الدنياوالسواق والشغاله ما يفارقونا. سكنهم مستقل يعني الشغاله لما تروح لزوجها لازم تطلع من برى وكان هذا طلب امي.., غرفهم داخل الحوش لكن ابوابها تفتح على برا... حتى شبابيك غرفة الخادمه وزوجهارفضت امي يكونون من جهة حوشنالأنا كثير نجلس با الحوش وامي ماتبيه يكشف عليناشي قالت لسعد يشوف لهن صرفه وسعد غيراماكن الشبابيك على طلبها... استبدلتهم امي في بيتنا الجديد ملحق كامل لسواق وزوجته ونفس النظام السواق ابدآماله دخول على بيتنا الملحق منفصل تمامآ عن بيتنا... امي كل عصرتفرش لها الشغاله فراش بظل النخل .. تجلس فيه وانا اذاكر والا العب عندها با المرجيحه الي ربطتها لي خالتي نوره بين السدرتين .., كنت نايمه بعدصلاةالعصر وصحيت قبل المغرب بشوي .., انام مع امي بنفس الغرفه على فراش واحد ..., ما صرت انام با الحالي الا بعد ما نقلنا لبيتنا الجديد.., وحتى اخذت فتره اخاف لكن امي تشجعني وتقول اني صرت كبيره لازم انام با الحالي.., طلعت ادور امي مالقيتها...؟ّ! ناظرت با المطبخ الشغاله معطيتني ظهرها تكنس .., غريبه امي وينها ماهي عوايدها تطلع وتخليني با الحالي..! امي معطيه اوامر لسواق سيارتنا تكون قريبه جدآمن بابنا الي يفتح على الشارع.. الي يمر من قدام بيتنا السياره تكون بينا وبينه ما يشوف بابنا ولا يشوف الي يدخل علينا..! ناظرت من تحت الباب سيارتناموجوده..! اكيد امي قريبه بس مستغربه وين راحت..!؟ اخذت كتبي وطلعت لحوش النخل اذاكر كنت في اول متوسط وأول اسبوع بالسنة الدراسيه ..., جدار الحوش مخليته كأنه سبوره كبيره..., وكا العاده انسخ الماده الي اذاكرها واسمع لنفسي..., سمعت احد يطق الباب ما اهتميت امي معاها مفتاح...! واذا من حريم الجيران الخدامه بتفتح لهم الباب وتقلطهم لين تجي امي..., مندمجه اكتب ما شفت الا يدين كبيره جات من وراي وحضنتني و مسكت يديني بقوه...!! يوم رفعت راسي واناظرالاهو سالم يضحك طار قلبي من الخوف اسنانه صفر لاعب فيهم الدخان..؟ وعيونه فيهن شي غريب حسيتهن يخوفن ..؟!! وانا من زمان اكره سالم عيونه ماتريح واكره نظراته لي ...! كل ما طلعنا معاهم للبر وكان هو موجود ما ارتاح من مغامز عيونه لي .., يترصد لي من يوم يشوفني ابعد عن امي لو ثواني الا هوطالع لي بسم الله .., اكره وجهه وصوته يوم يتلفت بسرعه..!! ويقول بصوت واطي مغزز عوق ورى ما تقولين لعمتي تخليتس با الاجازه عندنا..., انا اجي اخذكم بنفسي وارجعكم وتستانسين مع البنات ومرات يقول عوق تعالي اركبي معي بسيارتي بعلمك كيف تسوقين سياره .. على كثر حرص امي علي و حرصي اني ما ابتعد عنهانهائي اذااجتمعنا معاهم .., انام معاها واصحى معاهاالا انه يلقى فرصه لو ثواني ويسمعني كلامه السم حاولت استنجد بأحد يفكني منه ماقدرت ... حاط يده على فمي وكاتم صوتي حذفت كتابي والطبشوره الي بيدي..., ابي اعض يده علشان يفكني واقدر اهرب ما قدرت ..., كان مثبت ايديني وجسمي بيد واليد الثانيه على فمي ويسحبني يبي يدخلني لغرفة الحطب .., وصوته وكلامه المثير للأشمئزاز بأذني.., حاولت وحاولت ودست على رجوله وخبطتهن بكل قوتي..., وماقدرت اتفلت منه الا لما وصلني للغرفه وهو يسحبني غصب عني دف الباب بكتفه بيفتحه وارتخى جسمه وقدرت افلت منه ..., وبسرعةاخذت تراب وحصى من الارض وارميه على عيونه واركض داخل البيت ..., سمعت صرخته وانا اركض وصوته وهويسبني ويشتمني.. وادخل غرفةامي واسكر الباب واحس رجولي ماعاد تشيلني من الخوف وقلبي يدق بسرعه .., واجلس ورى الباب اتخيله يلحقني ويمسكني وامي ماهي فيه...! ماادري كم مر من الوقت وسمعت صوت امي ..! طلعت حضنتهاواناابكي وانتفض وهي تضمني و تسمي علي وتلمس ثيابي..., ونادت الشغاله وقالت لها تجيب لي ملابس لأني من الرعب الي شفته بللت ملابسي واستفرغت عليها... امي تسألني وتسمي علي وش الي خوفني وروعني وقت المغربيه ووصلني الي هالحاله.., وشربتني كركم مخلوط بمويه عن الروعه .. خفت اقولها تكذبني وتحط اللوم علي... سالم رجال كبير وابو عيال ماراح تصدقني ..., اواذاقلت لهاالحقيقه بتكبر السالفه..., وهذا ما يخاف الله يمكن يقلبها علي يقول عوق قليلة ادب ومسويه شي مو زين وامي تذبحني.. هو ما دخل داخل البيت وتهجم علي ... لقاني با الحوش على وقت المغرب... وامي دايم تحذرني ما اجلس با الحوش با الحالي خصوص مع المغرب..., ولااقرب اي مكان فيه رياجيل حتى ولو انهم عيال خالي..., قلت لها حلمت حلم روعني وصحيت ما لقيتس وخفت.. سألت الشغاله وش مخوفني ..! احد دخل با البيت وهي ماهي فيه ..؟ قالت لا ما في احدو عوق كانت نايمه با الغرفه.. الحمدلله ان الشغاله ما شافتني يوم طلعت للحوش والا كان صارت مصيبه الشغاله خبرتها ان سالم دق الباب وفتحت له لكن ما دخل للبيت راح لحوش النخل .., وامي مستغربه منه وين اختفى..! حسيت بعيون امي شك يوم قالت لي انتي قاعده يوم دق الباب .. قلت ما ادري عنه ماسمعت شي توني صحيت.. سألتها انتي وين رحتي وخليتيني با الحالي.., قالت سالم ناداني علشان بياخذ شوري با اشياء بيضيفونها لبيتناالجديد...؟! الي كنا تونا بادين نبني فيه وكان البناء على طلب امي..., لأن الشعبي ماهو آمن واذا جامطر نتضررمنه والحاره طيبه ماتبي تبدلها وطلبت من سعد يبني لنا فله با ارضنا الملاصقه لبيتنا الشعبي ..., يعني الي يطلع من العماره على طول يدخل لشعبي النذل تركها هناك واستغل ان امي منشغله مع العمال وطلع من وراها.. امي ظنت انه جا يبغى يشرب مويه والا بيتوضا لصلاة المغرب . و دخل للحوش وطلع وانا نايمه ... اخذت فتره وانا احلم ان سالم يركض وراي ويبي يعتدي علي واقوم مفزوعه..., واحضن امي واحب عيونها ولا انام الا وانا اشم شعرها..., وامي دايم تلح علي تسألني سامعه شي با المدرسة وحده من زميلاتك متعرضه لشي ومعلمتك فيه..!؟ وانا انكر ولا اعترفت لها بشي حتى نست الموضوع ... ومن يومها اخذت الحذر منه ومن غيره بدال المره الف مره..! عرفت وش معنى خوف امي علي وتحذيري خافت ان يطلع لي كم ظالم بجلد مسالم..., وكل ما تذكرت ان ربي فكني منه ودي اسجد سجود شكر.., . . . صحيت من افكاري وانا دموعي ماليه وجهي.., كم با الدنيا من سالم مالطفوله وبراءتها عندهم حرمه والا احترام.., يدخلون بيوت على حين غره من اهلها ويهتكون براءة اطفال..!! ما يرحمون صرخاتهم والا صغر اجسادهم مسحت دموعي بيديني وطلعت ادور امي ..., حسيت اني مشتاقه لهاوابي ابوس عيونها.. احس براحه وآمان اذا حبيتها مع عيونها والا شميت شعرها .. واسمع صوتها تنادي علي جالسه با المشب.., دخلت عندها وحبيت راسهاوعيونها.., رفعت راسها لي وهي مرتكيه .., ام عوق بمحبه\يا عيون امي وراتس تأخرتي... عوق بتأثر\جعلني افدى عيونتس عندي محاضرات متأخره وانا قلت لتس الصبح قبل امشي... ام عوق بمزح \وش عندتس على حبة عيوني مبطي ما حبيتني على عيوني ولا شمشمتي قريناتي اكيد انتس حلمانه..! عوق \لا فديتس بس تذكرت انتس اكبر نعمه عطانيها ربي.., ام عوق با ابتسامه \واشوف رموشتس مفتلها الدمع كل هذاخايفه على اميمتس العجيز.., عوق تضحك وتبلع غصه بألم\ لا والله يا امه بس مرات اذا ربي انعم عليك بنعمه.., ما تحس الا عيونك تصب دموع شكر على ها النعمه..!! اردفت عوق بتساءل \وش عندهم قرايبنا المصونين جايين ومير سعد طالع وهو متشقق من الفرح.., ام عوق \ جايين يتعذرون ويقولون ياعمه تكفين سا محينا والله انا غلطنا ومالنا غناتن عنتس واطلبي الي يرضيتس ونسويه.., عوق با استنكار\وعسى سامحتيهم...! ام عوق با استعطاف\يا بنتي من واخذ خويه با الزلات خلاه الزمن بلا خوي اي والله سامحتهم ..., عوق بقهر \يمه الي سووه ترى مهو شوي والله لو بيديهم كان طردونا من حلالنا بالشارع.., ام عوق بثقه\ما علينا منهم وانا امتس وش مخوفتس ..., كل شي با اسمتس والحين انتي كبيره وفاهمه ومتعلمه محد يقدر يدوس لتس على طرف..., عوق بتحذير\يمه ترى مالهم آمان وبدال المره بيكررونها مرات.. ام عوق \ماهم مكررينها ان شاء الله ماهم مهابيل..! درو انا كشفناهم وعارفينن من انا.. لو ابي التفتلهم والله لخليهم يمشون حفيانين وانا امتس بس اني متغاضيه علشان عشرتي مع ابوهم ..., ولا ابي الفضايح على تالي عمري علشان وصخ دنيا..., ام عوق با استعطاف\وترى سعد حبيب وكم له موقف ما ينسى لكن ابليس شاطر.., والله يا بنتي اني ما انسى سعدوفزعاته..., كم ليلة وانتي رضيعه اذا مرني ولقاتس مرضانه يركض بتس قدامي من مستشفى لمستشفى شايلتس على متنه يدور الطبيب الزين لتس .., وتخبرين سواويقنا وخداماتنا انه يسافر بنفسه و يتخيرهم تخير ويجيبهم ويدربهم على يده.., اردفت ام عوق بألم\ يا بنتي فتنة المال عظيمه وماهو كل نفس تقدر تصمد قدامها.., ويكفيهم الي جاهم مني من زعل وملامه خلينا نصفي النفوس ومحد يدري وش يصير باتسر.. وش بقى با العمر يا بنتي نقضيه عداوات...! الحين عيال ناصر يبونا بس نسكت عنهم وما نعلم بسوايهم بحلالنا قبل ...! يكفيهم الي بقلوبهم .., عوق بقهر \ما اقول الا بس الله يكفينا شرهم وخصوص الحيه الرقطاء سويلم والا سعد ماله كلمه يمشي وراه يدربي راسه ما يدري وين الله حاطه..! ام عوق بضحك\ سعد جاي يعزم على عرس ولده ناصر على بنت سالم ويقول والله مايصير عرس لين تحضرين انتي وبنتس عوق. عوق ترفع حاجبهابتهكم\الحين بنتس عوق يا سبحان الله ...!! عرسهم مانيب حاضرته تبين حريمهم ينغزنا با الحكي ويغثنا ...! ما سلمنا وحنا في بيتنا بنسلم وحنا بينهن..! ام عوق \لا والله ان شاء الله بنحضر ونتونس انا وانتي وعين عمار با النار الي له شي عندنا يجي يطلبه وانا امتس.., ام عوق با استعطاف\ناصرولد سعد يا قليبي بكى وسلم على راسي وايديني يقول ياجده مالنا قيمه بدونتس.., عوق بألم \يا كبر قلبتس يا يمه الي ما يشيل على احد.., آردفت عوق بقهر\هم يبونتس باالعرس واجهه اجتماعيه بنت نمر بن هجاد مشرفه عرس عيال رجلها والا هم ما فكرو فينا..! جماعتنا مسويه لهم قدر من قدرتس والله لوان الجماعه تسمع منتس كلمه شينه عليهم..؟ ما صب لهم فنجال بمجلس لكن مديحتس لهم عندالجماعةهو الي رافع خشومهم..! ام عوق \الحمدلله يابنتي الله لايجعل لناحاجتن عند الناس ..., . . . فكرت بكلام امي هي صادقه كل شي مكتوب بأسمي ورسمي بيع وشراء.. والدوله تتعاطف كثير مع الي في مثل وضعي.., وسعد وسالم لو يركضون بيدينهم وارجولهم ما يقدرون يسوون شي.. وانا الحين راشده والله لو يوزهم الشيطان ويلعبون من وراي..., اني لأانومهم با السجن لكن دامهم هاجدين.., ليش احرم امي تستانس معهم ما يكفي اني قطعتها من لحمها ودمها الصدق ... خلها تحضر عرسهم وتكسر عيونهم وعلى قولة امي عين عمار با النار.., . . . مرت الايام وحضرنا زواج ناصر ولد سعد على بنت عمه سالم.. وضحى وحريم سعد وسالم غصب بالعيني عكس بناتهم انبسطت مع بنات سعد وسالم وبنات وضحى ولا كأني اشوف امهاتهن .. البنات حبوبات راعيات فله ووناااسه .., ومع هذا ما حاولت اعطيهن مجال يكلمني على التيلفون يوم طلبوا مني قلت امي ما تحبني اكلم احد الي يبيني يزورني في بيتي..! حبيت علاقتنا تكون في بعض رسميه لأني اول شي ما اضمن اهلهن وبعدين قرب عيال ناصر مهماكان قرب نمله..! سعد بناته ثلاث وضحى وغزيل وانتصار غزيل مسميها على امه..., وسالم بناته ثنتين وضحى وافراح .., وبنات وضحى ثنتين ابتهال وامجاد... العروس كانت وضحى بنت سالم وزوجها ناصرولد سعد وضحى بنت ناصر و حريم سعد وسالم يضحكون ويمزوحون مع امي .. يقولون ياعمه التاريخ يعيد نفسه ناصر تزوج وضحى .., سوالفهن يا ثقلها على قلبي وخصوص انه باين كل الي يسونه غصب عنهن من كثر ما يبالغن..., حتى المعازيم سمعت منهم طراطيش حكي الاغلبيه كاسره خاطرهم وبالشين فيني وبمصيري.. الي تقول ان عيال ناصر بياكلوني بدون ملح لو صار للعجوز شي..؟! والي حاسده عيال ناصر على حظهم الكبير ان امي كانت زوجة ابوهم.., والا ها الخير الي هم فيه ماكانوا يحلمون به ..!! وفي منهن الي متأكده وسامعه من ناس ثقات ان امي تنتظرني اتخرج وتزوجني سالم والا سعد يا حليلكم يا عيال ناصر معازيمكم عارفين بنصبكم وانتم تحسبون محد يدري عن سوايكم..!! ومع هذارجعت مبسوطه من العرس حتى امي ارتاحت يوم شافتني مستانسه. كله علشانتس يا الوضيحي يهون..., . . . مرت الايام سريعه وتخرجت من الجامعه بتقدير جيد جدآوهذا تقديري من عرفت نفسي...!! ام ابراهيم خبرتنا ان صالح سمح لفايزه تاخذ عيالهاقبل تحكم لها المحكمه ..., وتزوج بعد ما طق الف باب وباب وحده مطلقه ومعاها طفلين...! وعايش في بيت مستقل جنب بيت امه مع زوجته الجديده زوجه صالح الجديده موظفه واشترطت عليه ان اولادها يكونون معاها... , والطريف با الموضوع ان ام ابراهيم شافتها..., فرق بينها وبين فايزه... فايزه احلى منها بكثير .., والاطرف ان زوجة صالح اذا طلعت لدوامها تترك اولادها عند ام صالح ...! يقولون زوجته الجديده حالفه ما تدخل شغاله في بيتها ما تثق في الشغالات وانهم راعيات سحر ودجل..., سبحان الله الحياه فعلن مجموعة متناقضات ...؟!! ام صالح ما رضت تمسك عيال ولدها انجبرت تمسك عيال الناس...! وصالح كان يبحث عن الجمال طلق زوجته الي على طول كان يعلق على شكلها واخذ وحده اقل منها جمال...! يا ترى يا صالح زوجتك الجديده تشوفها بعيونك والا بعيون امك...؟ اي صح نسيت اخبركم ان زوجة صالح الجديده تخصصها نفس تخصص فايزه..! . . . كثير كانت تمر علي ساعات ندم.., وانقهر من نفسي انا وين كان عقلي يوم كنت افكر با الزواج...! كيف ما فكرت بأمي وضعها وكبر سنها...! وان الي بتزوجه ماراح يسمح لي اجلس عند امي .., الحمدلله ان ربي ماكتب لي مع صالح نصيب واكيد كنت بتحسف لكن وش عقبه..! عقب مايطيح الفاس با الراس ولا عاد فيه تراجع.., لو كان وحده غير امي يمكن ضعفت ووافقت تزوجني يوم شافتني مندفعه للعرس.., لكن امي نظرتها بعيده حتى برفضها لصالح .., قالت انها حاولت فيني اتزوجه لكن انا الي رفضت واعتذرت با الاستخاره والدراسه.., يا قلبي يا الوضيح نسيتس مع افكار المراهقه والهبال الي سيطرت علي لكن ان شاء الله بعوضتس لا زواج ولا بعد عنتس بعداليوم.., قدمت على وظيفه وجا تعييني بهجره بعيده و رفضت..., والا امي قالت عادي اروح معتس كان لتس نفس با الوظيفه رفضتها علشان امي ليش احرمها من جيرانا وبيتنا الي هي مستانسه فيه.., من غيرحارتنا الي امي تحب ناسها وناسها يحبون امي ويقدرونها.., ماهو لازم ها الو ظيفه اذا هي بعيده..., قدمت على مدرسه اهليه قريبه من بيتنا وقبلوني..., درست فيها سنه لكن استغلال للمعلمه شي موطبيعي.., احيان يوصل نصابي با اليوم خمس حصص متواصله با الاضافه للأنشطه.., تركت المدرسه الاهليه اخذت خبره سنه حاولو يمددون معي العقد لكن رفضت .., خليت المجال لبنات احوج مني للوظيفه ..., وقدمت على الماجستير اشغل وقتي .., الفراغ يذبح وهذااناطول عمري جهاد مع الدراسه كلها تعب في تعب.., خلصت السنه التحضيريه .., الدراسه بتنفعني وبتشغل تفكيري عن اشياء كثيره وانا ما ابي ارجع لأافكار الماضي وخرابيطه.., احس امي كبرت وتتعب من المشاوير البعيده... وانا الحين دخلت 25سنه اتمنى اني احج ولااعتمر .., شوفة مكه با التلفزيون تقطع قلبي لكن ما في محرم لي.. عيال ناصر قليل صاروا يمرون علينا من بعد عرسهم.. لكن يتطمنون على امي با التيلفون انشغلوا كثير عنا.. سعد هو الي كان ما يقطعنا ابدآ لكنه طلب تقاعد مبكر وصارت حياته اكثرها با البر وسالم ما يجي الا مع سعداذا جانا بعد حركته القديمه معاي ..., اقارب امي اقصد اهلي يا كبر ها الكلمه اعجز حتى انطقها بيني وبين نفسي انقطعوا ماعاديسألون عنا شكلهم لقوا لبدر متبرع غيري.. واحيانآحريم الجيران يمرون علشان يشوفون امي ويتطمنون عليها.., مافي الا عايلة ابو ابراهيم هم الي يوصلونا با استمرار..., ام ابراهيم وبناتها حلقة الوصل بينا وبين العالم الخارجي.. الحمدلله ما احنا في حاجة احد من خلقه.., لكن انك تتلفت ولا في احد يسأل عنك ويحس فيك من لحمك ودمك صعبه عايشين بوحده والوحده موت بطيئ..., في يوم كلمتنا خالتي ام ابراهيم الضحى على التيلفون وسلمت وسألتني..؟ ام ابراهيم\عوق ابيتس في بمويضيع عسى امتس ماهيب نايمه ...؟! عوق بممازحه\ لا امي فديتها شيخة البنات جالسه تتقهوى تعالي خالتي لاتفوتس قهوه تقعد الراس.. جات خالتي ام ابراهيم على طول يا حبي لها شكلها تكلم وعباتها على راسها.. دخلت وسلمت وجلست وانا اقهويها هي وامي ..., وحسيت من وجها ان عندها سالفه كبيره بتقولهاومثل ما توقعت...., التفتت علي وقالت...!!!!!! ام ابراهيم بتساءل \ عوق تشكين بيوم ان معزتس عندي مثل بناتي.. عوق بألم \لا والله ياخاله اصلن مالنا بعد الله غيركم اقارب وانتي عندي مثل امي .., ام عوق بضحك\كله منتس عجزنا فيتس والا كان الحين نوره امتس .., ام ابراهيم بضحك\يويلي عنتس يا وضحى مانسيتي ذيك السالفه.., عوق بفضول\ليه وش السالفه.., ام ابراهيم بمزح\تعلمتس وضحى هي ادرى ما اقول الا عسى اميمتي في جنات النعيم.., ام عوق بحسره\آمين ام عبد الرزاق قليل با الحريم مثلها..! عوق بترجي\يمه علميني تكفين حاسه اني مسويه بلوى وانا صغيره.., ام عوق\لا والله بسم لله عليتس من البلاوي السالفه بسيطه واعلمتس بها بعدين...؟ التفتت ام عوق لأم ابراهيم\عوق تقول انتس تبينها بسالفه..! عسى مسلط لقى لها وظيفه حولنا تونسهاوصيته مبطيي ولا رد لي خبر.., عوق بمزح\لا تكفون ما ابي وظايف بقلايع وادرين اذا ماهي رسميه وجنب البيت ما ابيها... ام ابراهيم \لا والله ما اطري شي يا وضحى مير الي عندي لعوق اطيب من الو ظيفه..!؟ اردفت ام ابراهيم بتعجب\ عسى بس ما نسيتي يا وضحى هرجتنا الي انتي خابره.., ام عوق \ لابالله ما نسيت بس كنت استنظر مسلط وش عنده من اخبار ..!! ام ابراهيم بضحك\ وانا وش جايبني لتس من صبح الله غير الاخبار الطيبه البارحه علمني مسلط ما صدقت الصبح يصبح وجيتكن شماليلي طايره..! وابشرتس يا وضحى انها اخبار الخيروعلى ما تبين وتشتهي نفستس..! وناظرتني امي وهي تضحك\وان شاء الله ان يتممها الله ويسرها لعوق ومثل ما قالت نوره اطيب من الوظيفه..., عوق بتوجس\ما اتوقع في شي اطيب من وظيفه رسميه ودخلها ثابت وقريبه من بيتنا.., ام ابراهيم \ الظاهر ان وضحى ما عطتس العلم الي بيناوبينها.., عوق بممازحه\والله ما ادري عنكن يا العجايز كلامكن اليوم الغاز وانا مثل الاطرش با الزفه..! ام ابراهيم\اسمعيني يا عوق انا من زمان ناساُ واجد كلموني عنتس يبونتس وخصوص عقب عرس ريم... كم وحده جاتني بس انا ادري انهم ما يصلحون لتس.. وامتس عندها خبر كل ما كلمني احد حطيت الخبر باأذنها ابري ذمتي قدام الله يمكن لها راي ثاني.., اليوم انا جايبه لتس رجال كفو ...! عوق بذعر\لا ياخاله توبه , توبه, توبه با الثلاث ... ام ابراهيم با اصرار\اتركيني من خرابيطتس وش توبته..., هذي ريم كبرتس عويلها يركضون وراها.., انتي شوفي وش عندي ولاتصيرين طفقه وتستعجلين واستخيري وشاوري امتس.., اما عن الرجال لا تشيلين هم ما خليت ولا بقيت..., لا انا ولا ابو ابراهيم سألنا وبحثنا مانبي نشيل ذنبتس.., عوق بزعل\ انا ما اترك امي وكانه كفو ليه ما زوجتيه من بناتس..!! ام ابراهيم بضحك\مقبوله منتس يا عوق.. انتي داريه ان بناتي ماسكينهم اهل مسلط حتى على عيال اخواني..! ريم وياا لله بحب الخشوم عطيناها جزاع.. والرجال هذا الي جا ما يصلح لنا والا كان عطيته من بناتي.., عوق بدهشة\ اجل انا وش ابي فيه اذا ما يصلح لبناتس..! ام عوق بحده\ ما تخلين يا عويق عجلتس مامن صبر الله لايبلى خلي المره تكمل هرجتها.., ام ابراهيم \ عوق صادقه يا وضحى ماتدري وش عندي والا ما قالت ها الكلام...؟ ام ابراهيم بألم\ قصتس يا بنتي ماجهلتني من يوم سكنتوا جنب بيتي ادري انتس ما انتي بنت وضحى اول ما جت وضحى من البر وسكنت جنب بيتنا انتي معها عمرتس شهور وكبرتي قدام عيونا ومع بناتنا والله ما انشوفتس انا ومسلط الا مثل بنياتنا والي نتمناه لهن نتمناه لتس.., وانتي ضحيه مالتس ذنب حلالآ بين حرامين,,’ وضعتس صعب عسى الله لايبلا المسلمات بعراضهن..., والله ما قصدي اجرحتس بكلامي لكن انا ابصرتس بلي ما تشوفينه..., الرجال الي جاي يخطبتس طبيب وهو من ربع نواف وجزاع درس معهم يعرفونه عيال اخوي من مبطي وهم صغار .., وتوه جاي من امريكا قريب وهو مثل حالتس.., و عمره تقولين با الاربع وثلاثين حول جزاع او يمكن اصغر بسنه ... عوق با استغراب \34ولاتزوج غريبه اكيد فيه بلا ..ّّ!! ام ابراهيم بضحك\ لا ان شاء الله مابه غير الخير.., ماتزوج عمره كله قضاه با الدراسه من طلع لدنيا وهو يدرس وهقوتي انه بعدللحين يدرس.., انا يوم عرفت سالفته قلت بس هذا الي يصلح لبنتي عوق... وحيدآ ماعنده الا امه عجوز فيهاشلل من اثر جلطه الله يشفيها وحركتها قليله.., وامه يوم كان يدرس وهي بعافيتهاتروح وترجع عليه مرات تجلس معه.. ومرات تجلس بالمملكه نواف يعرفها مبطي ودايم يذكرها بخير.. يوم طاحت عن حيلهااستقر علشانهاهناوحاله ميسوروراتبه طيب عنده بيت وضعهم زوين ماتقولين انه طامع فيتس ..., ورجال فيه صلاح ماهو عاد بمطوع مثل طلبتس لكنه راعي صلاة ولا عنده خرابيط الشباب.., ومن صغره محد انقده بشي عشرة عمر هو وعيال عبد الرزاق..., والعيال دقوا صدورهم وحطوه بذمتهم انه رجال يستاهل وفيه من مخافة الله واجد..,, والي يخاف من ربه بيخاف الله فيتس.., والانثى يا بنتي وش تبي من الدنيا غير زوج صالح يخاف الله فيها عوق بحيره\ يمه انتي وش رايتس...؟! ام عوق\ انا الرجال خبرتني عنه ام ابراهيم قبلتس ..! وكل الي وصلني عنه انه رجال ماعليه ومتفاوله فيه خير .., يا عوق انتي الحين ما انتي صغيره وانا يا بنتي ان عشت لتس اليوم الله اعلم باتسر..! عوق بذعر \بسم الله عليتس عسى يومي قبل يومتس.., ام عوق \الموت والحياه بيدالله ماهي بيدلا محب ولا مبغض يا بنتي شوفي مصلحتس جلوستس عندي مامنه فود.. عوق بملل\رجعتني لحيرتي وانا خلاص تناسيت شي اسمه زواج والتفكير فيه.., وهذا انا مشغله نفسي بدراستي الي ماني عارفه راسي من كرياسي فيها.., اردفت عوق بتهكم\اسمعن انا بستخير علشان ما تلوموني بعدين..., ام ابراهيم بضحك\اغصبوني واتغيصب والله ياعويق لو تشوفينه ما شاء الله عليه انتس تدعين لي بكل صلاه.., عوق بتوجس \لكن يا خاله وش الي يحده على وحده مثلي.., ام ابراهيم با استغراب\انتي ماتفهمين وش انا اقولتس من اليوم..!! مثل وضعتس الولد مجهول نسب .., سكت هذي الحقيقه يعني وش با اقول لكن استغربت ها الكلمه اول مره خالتي نوره تقولها بوجهي.., ام ابراهيم على طول قامت ولحقتها بوصلها للباب وقبل تطلع لبيتها التفتت علي..!! ام ابراهيم بترجي\ فكري زين يا عوق والله ما تلقين اصلح منه ووضحى له خاطر فيه مبطي .. عوق بشرود\الله يقدم الي فيه خير.., ام ابراهيم تضحك\ترى اسمه زياد.. . . . (كلمه اخيره) عجزت عن تخيل العالم دون ستر الله لنا.. ماذا لو كان للذنوب روائح؟ تخرج منا على قدر معاصينا! ماذا لو كتب على جباهنا المعصية التي ارتكبناها؟ ماذا لو وجد على باب بيوتنا شرحا لما فعلناه؟ ماذا لو علم الناس بما ستره الله علينا؟ ماذا لو وماذا وماذا؟؟ الحمدالله على نعمة الستر اللهم لا تنزع عنا سترك واسترنا فوق الأرض وارحمنا تحت الأرض واغفر لنا يوم العرض د. الشيخ محمد العريفي . . . الي الملتقى قريبآبأذن الله وسالفه جديده طيف الأحباب ام الوليد |
السلام عليكم
اولا الف مليوووووووووووووووووون مبروك التميز ام الوليد ماصار لي ارد الجزء الماضي مادري كانك فقدتي توقعاتي العوجاء بس انا فقدت متصفحك الغالي على قلبي برررررررررررررررررررررررررافو اراده اذكر انها ردت علي قبل انها تتوقع تاخذ عوق واحد نفس حالتها وزياد نفس حالتها مجهول نسب متعلم مثقف يخاف الله وش باقي لك ياعوق المزايين غير الاستخاره وتسمون عيالكم نواف ونمر ويمكن جزاع ^_^ ****** سالم ومنهم على شاكلته لاحول ولا قوه الا بالله من يصدق انه ولد ناصر الرجل العفيف اللي سيرته الطيبه تملى المجالس صراحه توقعته طماع بالدنيا والفلوس لكن تصل فيه المواصيل لهذي الحقاره صدمني ابدعتي يا طيوف بوصفه ووصف حالت عوق بعد هالماساه والحمد لله اللي حفضها ونجاها منه والا كان بليت بمشاعل ثانيه ******** تدرين يوم بدت العجيز تمدح سعد خفت وحطيت يدي على قليبي ليكون ذا الملثم بس الحمد لله من قلتي انه كبير ولاهو بمزوج سمي ناصر الا بوجود وضحه ارتاااااح قلبي وزياد طلع على النور وان شاء الله يكون نصيب عوق المزايين ********* بنات عيال ناصر وش الفايده من ذكرك لاسمائهم هل ناويخ تشركينهم بالاحداث والا كانو على سبيل الذكر لا اكثر ******** رائعه همستك الاخير ام الوليد الله يسترنا فوق الارض وتحت الارض ويوم العرض بانتظااااااااااااااااااااااااارك ياغاليه |
مراااااااااااااااااااااااااااااااااااااااااااااحب بالغالية ام الوليد
السموحة منك بس اليوم ما فيه تعليق اليوم فيه 7 7 7 7 7 7 7 7 7 7 7 اعتذااااااااااااااااااااااااااااااااااااار بقدر البحر و اكبر على تاخري و السموحة منك يا قلبي 7 7 7 7 7 7 7 7 7 7 7 7 هذا ما هو قدر بس اتمنى يعجبك كلوووووووووووووووووووووووووووووووووووووووووووووووووووووووووو ووووووووش أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأاالف مليوووووووووووووووووووون ترليووووووووووووووووووووووووووووووووووون مبرووووووووووووووووووووووووووووووووووووووووووك على التمييييييييييييييز و التثبيت يا قلبي و الله مو قدرك قدرك في قلوبنا اكبر من هذا احترت كيف ابارك لك و كل حاجة احسها مو قدرك بس استوقفني الورد الابيض و ذكرني في قلبك اللي اكثر بياض و نقاء منه قلت ما يستاهله غيييييييييييييييييييرك يا عيوني سمممممممممممي [IMG]http://www.liilas.com/up/uploads/liilas_13250232501.jpg[/IMG] |
♪♪♪ اكشششششششششششخ يازياد هههههههههههههههههههه .. لا صالح ولا سالم > فيس يشوفهم بنظرة مزدرية ههههههههههههههههههه .. بعد الحماس والضحكة اللي وصلت اذاني خخخخخ .. بعلق عالبارت .. سويييييييللللم جعله الماحي مايخاف ربه ! مافكر ان عنده بنااات ممكن يصير بهن هالشي !! ماخاف من وضحى طيب انها تطب عليهم فجآه ! ولا ماخاف من عوق انها تعلم امها !! قسسسسم بالله واحد اهبل .. بس وش نرتجي من واحد مثله ! سعد فيه الخير اللي قايم بالعجيز وبنتها ولاهو قاطعم .. حبيته ^_^ .. صالح و زوجته الجديدة ووضعها احسن رد اعتبار لـ فايزة .. اخذ وحدة اقل منها بكل شي .. عندها عيال ونص تخصصها واقل جمال ومشت كلامها عليه ههههههه .. الظاهر ان كان الاعتراض على فايزة من اول من امه .. علشان كذا ماحببته فيها من اول .. ام ولييييييييييييد نحتري عرس عووق باقرب فرصة .. ويعطيك العافية .. ♪♪♪ |
السلام عليكم تشويق بلا حدود
الف الف مبروك التميز بصراحه تستاهلين اكثر روايتك تشرح القلب وانا اقرا بالشريط نزل الجزء واقول الله يسعدها امالوليد عارفه اننا متحمسين للبارت ولحكايه جديده بصراحه تفاجئت انه العريس مجهول النسب لاكن الله يوفقهم مع بعض كل بارت احط ايدي على قلبي انه ام عوق ما تموت بس الحمدلله للحين موجوده ويخليها لعوق ربي ما ابي اتوقع بصراحه احب استمتع باللي تكتبينه والله يسلم ايدينك يارب وننتظر القادم بشوق |
هلا وغلا ام نواف
اكيد فقدتك لكن ادري ما منعك الا الشديد القوي والله يبارك فكيك التميز هو ردودكم الي تنور الروايه اراده لا في من توقع قبلها الي هي ام البنين الله يحفظها قالت ان في وحده بوضع عوق وتزوجت مجهول النسب اراده ربي يسعدها توقعت شي ادهى من زواج عوق من مجهول النسب لدرجة ان الي خلف الكواليس استغربوا كيف لقطت ارادةما شاء الله تبارك الله وش راح يصير لدرجة انهم قالوا لو لاسمح الله بتوقفين يا طيف ما عليك اراده بتكملها للبنات.. فلذلك البارت الحادي عشر اهداء لإراده على توقعها وهي لما تقراه بتعرف ليش قلت اهداء مخصوص لإراده ^ـ* عوق ان شاء الله ربي بيهداها وتوافق وحتى اسامي عيالها بيكون لها اسباب سالم اللهم استرعورتنا وآمن روعاتنا ياكثر الي على شاكلته اجتمع في قلبه قلة مخافة الله وغيره من عوق انها عايشه بخير زوجة ابوه الي يشوف انه اولى بمالها وبعدين ما يهم عنده هذي بنت غير شرعيه ناسي ان العرض سلف ودين وناسي ان اهلها مهما كانوا عيال حلال.. مدح العجوز لسعد ترقق قلب عوق من جهتهم والا هي عارفه وش وراهم توقعاتك بنشوفها وش راح يصير منها آمين ام نواف والله انا محتاجين كلنا ستر الله من الي قاعدين نشوفه من فتن مروعه اسعدني جدآ مرورك البارت العاشر اذا اراد الله بيكون يوم الخميس لأني بنزل كم بارت قبل امتحانات فلذات كبدي ربي يوفقهم وبنشغل معاهم |
هلا بك ام عصفوره الله يبارك فيك
ومقبوله منك الهديه مشكوره على الورد وعذرك مقبول يا الغلا اهم شي ان الروايه اعجبتك اسعدني مرورك |
هلا وغلا حنو
سالم الله يفني الي على شاكلته مافكر لو فكر ما سوى سواياه بلحظة حظور الشيطان ما يفكر ينكشف او ما ينكشف سعد ما عليه على قولة عوق بس لو ما يدربي راسه ورى سالم صالح كثير يتشرطون ويطيحون فيها بس تقعد تتذكر الناس منهم شروطهم الي ما يحصلون منها ولا واحد با الميه سواء كان شاب اعزب او متزوج عرس عوق قرب ما بقى شي لكن قبله احداث ليش تبون عرس على طول مافي فترة خطوبه وطلعات ودخلات للخطيب حلوه خبط لزق لا زم يكون بينهم تفاهم وانسجام *ــ^ اسعدني جدآ مرورك |
السلام عليكم و رحمة الله و بركاته
صباح الخير و الرضا من الرحمن أبدعتي يا أم الوليد تبارك الرحمن السوالف معج و مع عوق المزايين له لذة و متعه كل بارت أقول يارب تطول السوالف و ما تنتهي لإني تعودت عليها و يمكن عشقتها ======================== (( عوق )) و أخيرا يا عوق جاء الفارس الملثم جعله من نصيبج و لا تفكيرين كثير استخيري و الخيره فيما اختاره الله و بما انه الوضيحي حابته اكيد أنه الولد راعي خير و صلاح << حتى انا اشرح صدري له << وانتي شكو يا صبوحه *ــ* اتوقع عوق راح توافق إن شاء الله و خصوصا بعد ما سمعت هالمدح كله و أنه وضحى حابته و الشباب ضامنينه ... ======================= (( سالم )) يااااااااا كرهي له وجع بعينه بنت صغيره ما استحيت على عمرك جايها و تهجم عليها بس سبحان الحليم الستار ... ======================= سلمتي و بــ انتظار القادم .. .. .. |
هلا وغلا فيك احلامي كبيره
والله يبارك فيك ويسعد قلبك ويحقق احلامك الكبير قبل الصغير ليش تفاجئتي با العكس كان متوقع واصلن لازم يكون كذا علشان بنشوف جوانب ثانيه من حياة عوق ام عوق في اول بارت وش قالت عوق ختم امي الله يرحمها اسعدني جدآ مرورك وانتظريني الخميس بأذن الله |
هلا وغلا بك حنو
سالم الله يفني الي على شاكلته مافكر لو فكر ما سوى سواياه بلحظة حظور الشيطان ما يفكر ينكشف او ما ينكشف سعد ما عليه على قولة عوق بس لو ما يدربي راسه ورى سالم صالح كثير يتشرطون ويطيحون فيها بس تقعد تتذكر الناس منهم شروطهم الي ما يحصلون منها ولا واحد با الميه سواء كان شاب اعزب او متزوج عرس عوق قرب ما بقى شي لكن قبله احداث ليش تبون عرس على طول مافي فترة خطوبه وطلعات ودخلات للخطيب حلوه خبط لزق لا زم يكون بينهم تفاهم وانسجام *ــ^ اسعدني جدآ مرورك |
هلا وغلا صبوحه
وعليكم السلام ورحمة الله اتمنى والله اني عند جسن الظن وتحبون سوالف عوق ولا تملونها عوق قالت لها الوضيحي لا تستعجلين رزقك الحمدلله انها سمعت كلامها الفارس الملثم حاجه كثير غافلين عنها اهالي البنات اذا انخطبوا بناتهم المفروض يشوفون ربعه واصدقائه هم ابخص فيه من شغله او حتى جيرانه سالم قصته مع عوق من اكثر القصص شيوعآلكن ماهو دايم على سلامه تجي كثير يدخلون البيوت ويكرمونهم اهل البيت وهم شياطين با اشكال بشر نسأل الله السلامه وان يستراعراضنا واعراض بنات المسلمين اسعدني جدآ مرورك صبوحه البارت القادم بأذن الله بيكون يوم الخميس ماني قادره اقتبس الردود المنتدى يحذفني |
مساءك هدوء وراحة وبال
تسلم الأنامل التي تخط هذا الجمال برافو إداره فعلا ما راح يأخذه الا واحد مثل حالتها عشان كذا نمر ولدها كان يقول ليش ما لي خوال واعمام كلهم مجهولين النسب بس وش راح يكون وضع العيال بعدين ماراح يسألون وش اصلنا ليش مالنا عزوه والاباء ردهم وش راح يكون يقولون لهم الحقيقه والا ها لشئ يبقى بينهم* سؤال حيرني وضع العيال في المستقبل ايش راح يصير معقوله الزمن يرجع نفسه ويستمرون في يدرون في دائره مفرغه سالم حسبي الله عليك ما خفت ربك وان ربي يبلاك في احد بناتك من يزني يُزنا به ولو بعد حين الله يأخذ من على أشكاله لا يخافون من رب ولا من عقاب ويحمي عيالنا وعيال المسلمين منهم ام عوق صادقه مايقدرون يسون شئ خاصه بعد ما كتبت كل شئ لعوق وراجحة عقلها هي اللي رجعتها لعيال زوجها ياترى مشاعل بتدري عن زواج عوق وبتحضر* واذا حضرت على اي اساس بيكون حضورها هل هي ام وحضرت عشان تشوفها عروس والا عشان غصه في قلبها وبتجي تطلعها في انتظار المزيد من سوالفك الحلوه |
اقتباس:
توقع ان عوق تتزوج مجهول نسب فيه بنات رجحو التوقع اراده لها توقع بتنبهرين اذا عرفتيه ببارت السبت لذاك بارت السبت اهداء خاص لأراده ربي يسعدها وضع عيالهم سألت او با الاحرى هي فتحت معاي الموضوع بتشوفين سؤالها وجوابها في البارتات القادمه سالم الله يقلل اشباهه المجتمع مليان من نوعيته بجنسيات مختلفه ام عوق حاسبه حساب كل شي حتى الي اخذوه عيال زوجها كانت تشوفه ثمن دفئ العائله حضور مشاعل ماراح يكون الا ذكريات من وضحى وسيلة ضغط علشان توافق على زياد بكرا بنشوف حضور مشاعل بأذن الله اسعدني مرورك امووله |
السلام عليكم ورحمه الله مراحب بنات ام الوليد تدرين حيرني وشهو توقع اراده المبهر حق بارت السبت ومالي حيل اراجع ردودها قلت يمكن انه يتكلم عن اولاد عوق يمكن هي وزياد ما يخلفون ويربون اطفال نفس حالتهم من الملجاء او ممكن يبنون بيت او مدرسه من رواتبهم وفلوس عوق اللي عن طريق وضحى ويربون فيه اطفال ويشكلون عائله من الايتام فيس حالم صح ام الوليد |
بسم الله الرحمن الرحيم السلام عليكم ورحمة وبركاته مبدعة أم الوليد بكل ما لهذه الكلمة من معنى أعجبني كثيراً موقف وضحى من أبناء ناصر فهي لم تنسى عشرتها لأبيهم ولم تنسى مواقف سعد معها رغم ما تعرفه عنهم من سوء استغلال ثقتها بهم وتعديهم على حلالها دون علمها ولكن معدنها الأصيل حال بينها وبين أن تعاملهم بالمثل وجعلها تعاملهم بما هي أهله وما هو متوقع من أمثالها سالم.......... الدنيا سلف ودين ألم يخشى أن تتعرض إحدى بناته لما أراد أن يفعله بعوق فكما تدين تدان والجزاء من جنس العمل ثم كيف راودته نفسه أن يفعل بها هذا وهي بعمر بناته كيف لم يفكر أنها صغيرة السن وأمانة سيسأل عنها ذات يوم كيف لم يفكر بوضحى التي اتمنته على بيتها وابنتها وعلى مالها وعرضها كيف يخون الأمانة!!!!!!!!!!! عوق............ أخيراً ظهر الفارس الملثم أوَ تعلمين............ من حسن حظها أن لديه أم يفكر بها قبل أن يفكر بغيرها لذا فهو لن يبعد عوق عن أمها بل قد يساعدها على القيام بشؤونها والسهر على راحتها ولكن ما علاقة هذه المرأة به والتي يبدو أنها قد تولت تربيته دون زوج كوضحى لذا هو حريص على أن يبرها هكذا وقد يكون ابن لها بالرضاعة ربته بعد أن فقدت أبناءها قد يكون زوجها هو من وجده وطلب مثل وضحى أن يتولى تربيته وحين أخذ الله أمانته قامت هي بإكمال المسير ولكن السؤال الذي يطرح نفسه كيف تقبل واقعه حين اكتشف الحقيقة ومتى اكتشفها؟؟؟؟؟ هل كان مثل عوق اكتشفها بالصدفة أم أنه كان يعرف منذ البداية أنه ليس ابن لهذه المرأة وأنه مجهول النسب أم الوليد............. سلمت يداك غاليتي على هذا الإبداع المتواصل ووفق الله أبناءك بدراستهم ورزقك برهم بانتظارك دائماً بشوق دمت بحفظ الله ورعايته |
[ حروفْ ذآتْ طآبع ملكي ] ,~
http://up.graaam.com/forums/596051/01324235929.png :yjg04972: ,~ مَِ هذآ آلجمآلْ ,~ مَِ شآءْ آللهْ .. جزيئة آلْيومْ تفتحْ آلْنفسَِ ,~ معَ آني بآلْبدآيهْ آنفعلتْ شوي بسببْ آلـ ##### سآلم << هههههه قويهْ خخخ ,~ صرآحه وين عآيشينْ ,, يعني وحده كبر بنيآته يسوي فيهآ هآلْشي ,~ مَِ يستحي أبدآ ,~ ................... اقتباس:
معَِ آني رجآلنْ يحبْ آلرومآنسيهْ بس بحدودْ ,, صرآحه روآيآت بنيآت آلحين شسمه آستغفرَ آلله مَِ بقوآ شي آلآ وقآلوهْ ,, بنظرهمْ آلرومآنسيه آممم أستحي مدري وش أقولْ بس أتمنى ـآ آذآ فيهْ رومنصْ بعد زوآج آلعوقْ مو يَِ دآفعْ آلبلآ مثلْ آلبعض لآزمْ قبلْ آلزوآج خرآبيطْ خخخ ,~ ................... اقتباس:
اقتباس:
.......... اقتباس:
............. اقتباس:
آممم لو ترآجعْ عوقْ كلآمْ آم آبرآهيم بتنجرحْ شوي >.< ,~ متأملْ خير فيهْ ,~ لككَِنْ يؤْ .. لآيككَِونْ آلنهآيه قربت >.< ,~ آذآ آلنهآيهْ قريبهْ لآنمآنعْ أبدآ بروآيهْ أخرى وأطول ,~ .............. طيفْ آلأحبآب ,~ لقبككَِ محزنُ قليلآ .. لككَِن أنآ لآ أرى ـآ آلآ أطيآفآ منَ آلأبدآع وليس طيفآ ,~ أختآه ,~ حقآ تملكينْ آسلوبُ مشوقْ ,~ أختآه .. أعتذر لتأخري بآلْتعليق على آلْجزئيه ,~ أمرْ ببعضْ آلمشآكلْ ^.^ .~ أختآه سأغيب لفتره قليلآ .~ آممم قد لآترينني لمدةْ ثلآث أجزآء << أتمنى ـآ لآتنتهي آلْروآيهْ وأنآ بعيدُ عنهآ >.< ,~ آستمري يَِ رآقية آلحرف ,~ آستمتعتُ حقآ بقرآئةْ حروفك آلمآسيه ,~ دعوآتكَِ .. آلى ـآ آللقآء ,~ حزين آلأحزآن ,~ http://up.graaam.com/img/bbfc3c1842a...b122abfa55.png |
السلام عليكم شاخبارج طيوف اسمحيلي اقولج طيوف ما ابي اكبرج واقول ام الوليد مع انه خوش كنية عموما انا اكتبلج هالرد عقب بارتين بس بصراحة مافيني صبر لين اخلص كل البارتات تراني مطفوقة وقليلة صبر المهم وايد عجبتني قصتج وايد واحلى ما فيها انها بدت بمرحلة وبعديين رجع لفترة قديمة ما ادري ليش احب هالنوع من السرد ومن هالبارتين اتوقع اني بكمل معاج واقرى القصة بارت بارت واعلق واتوقع ويارييت اذا صح توقع من توقعاتي تعلقين لي نجمة الموضوع بدا يعقدني المهم عساج عالقوة وربي يوفقج وتراني متذكرة انج اللي فكيتيلي ازمتي وطرشتي الادعية عساج عالقوة وربي مايحرمج الاجر بس تكفين كملي جميلج وعلقيلي نجمة لو بس عشان تحفظين بعض الناس من عيني لانهم قاعديين يتشيحطون بنجومهم ومعلقينها وبس يغيظوني الله يسامحهم ملتقانا بعد ما اخلص كل البارتات بحفظ الرحمن ياقلبي اختج نمورة الامورة(مصدقة نفسي كيفي)
|
بسم الله الرحمن الرحيم
هلا ومرحبا بكل الغوالي الي يخجلوني بمديحهم وثناءهم على الروايه اتقبل اي نقد اوتصحيح لمسار القصه بكل صدر رحب انا عارفه ان محور القصه مرعب لكن مشكلة اللقطاء بدت تتفشى والمجتمع مكتم ومغمض عنها بارت اليوم هو عودةمشاعل لأحداث الروايه يمكن مشهد مشاعل ماراح يعجب الكثير وبيقولون طيف انتي تبالغين لكن مجبوره احطه في سياق الروايه لأنه اجراس خطر لازم تندق علشان لو في احد نايم يصحى .. (((لا احلل ولا بيح اي ناقل لروايه خارج المنتديات الثلاث الي انزل فيها الروايه بنفسي الا بأذن مسبق مني ))) اليوم بنعرف بتوافق عوق على زياداو بيكون لعوق رأي آخر بنشوف ذكريات عوق المزايين عن الخطبه وشعورها ..! البارت اهداء للجميع وخصوص ناقده ادبية يا الله تعالوا معاي...!! وسالفه جديدة؛ . . . البارت العاشر . . . ام ابراهيم تبتسم\ترى اسمه زياد..! سكت ما علقت ولا قدرت اقول كلمه..! طلعت ام ابراهيم وانا رجعت لأمي عوق بشرود \يمه تبين شي بروح غرفتي ام عوق\تعالي اجلسي ..؟! وجيت وجلست عندها ام عوق \وش فيتس يمي كني اشوف خاطرتس ماهو كل هذا ..؟ اردفت ام عوق برجاء\ بطلبتس طلب هالادمي لاتردينه وانا استخرت بدال المره عشره قلبي مرتاح له..؟!! وهذي وصاتي لتس يمكن يمسي علي الليل ولا يجي عقبه علي صبح اعيشه معتس ..., انا حاسه ان ايامي قريبات ... حضنت امي من قو كلامها وبكيت\ لا يمه لا تقولين كذا اناوين اروح ان خليتيني.. ام عوق وعيونها مليانه دموع\ يا بنتي ربي سبحانة مااظهر احد على غيبه ...! وانا عشت بما فيه الكفايه والحين عمري فوق التسعين كل جيلي ما بقه منهم احد.., كل ما نشدت عن احد من الي انا خابرتهم بسني قالوا الله يرحمه ربعي كلهم مشوا وخلوني .., الحمدلله ربي كان حارمني نعمة الظنا عوضني فيتس .., انولدتي على يدي وربيتس .. ما قهرتيني ولاعذبتيني راضيه عليتس الله يرضى عليتس .. يمكن لو انتس من بطني ما صرتي لي كذاوريحتي بالي .. عمرتس ماعصيتيني حتى لوان الي اسويه لتس ما يعجبتس تبدين ارضاي على هواتس .. سامحيني يا عوق ادري اني ياما قسيت عليتس .. بس يا بنتي من خوفي يجيتس ماجا مشاعل..!! مشاعل يوم جابتها امها وخلتها في ذمتي بزير صغيره يوم قرب شهرها تقوم وتطيح من كبر بطنها مرات اقومها ما تقدر تشيل بطنها..., اهملوها اهلها ويوم ابتلت رموها.., تركوها مع ولد عمها تسرح وتمرح لاحسيب ولارقيب.., وهو ولد اول شبابه ودمه فاير ويشوف ما يشوف من شين وزين خفى وبيان ولا احد يدري عنه..! وهي على صغر عمرها عظمها كبير وزينهاواجد..؟ اختلو في بعضهم بليلة ظلمه وفرطت بنفسها على حروةانهم يتزوجون تدرين ياعوق ان بدر اختلى في مشاعل مرات ...!! ماهو مثل ماقالت لي وسميه يوم جاتني انها مره وحده وكتب الله ها الحمل.. بس الحقيقه غير...!!؟ الي محيرني ان البنت بزر وشلون ابتلت ها البلوى من فتح عيونهاعلى ها السوالف الي كبرها لاهيات يلعبن.., و اقعد اسولف انا وهي وانشدها وتعلمني..؟! تقول اولها ناداها بدر بغرفته على شوفتن قشره با التلفزون جعله يمحق وصارت اول المصيبه.., ومره في بيت اهلها والكل موجود ما غايب منهم احد ما جا في بالهم ان ها الولد داخل طالع بين ها البنات وش يبي ...!! ويمكن ابليس يزين له الفعل الشين.., ومره بمزرعتهم تقول كنا طالعين اهلي وعماني ايام اعياد..., وابوي اعجل با المرواح قبل عمي .. وقال بدر لاتروحين مع اهلتس تكفين يا مشاعل اجلسي.., ترجعين مع خواتي اهلي بيمشون متأخرين واطلب امي وابوي اجلس مع بنات عمي.. امي ماجازلها ورفضت لكن ابوي هاوشها وقال محد بياكلها بترجع مع تركي وبناته خليها..!! وجلست على اساس اني بقعد مع بنات عمي لكن الجلسه كانت لبدر.. زوجة عمي تحسبني مع بناتها مأمنه علي والبنات كانوالاهين عنا الي نايمه والي مشغوله .., ونسوا حتى اني معهم كل وحده تظن اني مع الثانيه ما تذكروني الا يوم جاو يمشون شافوني يوم رجعت معاهم.., عوق بذعر\ياربي سترك يا يمه كل هذا ولا لاحظوا اهلهم..؟! ام عوق بحسره وألم\الله يا بنتي يكفينا شر عمى البصيره .. ربتس يستر مره ومرتين لكن وين الي له عيون ويشوف ..؟ تعلمني مشاعل وتقول انا من اسباب هلاكي خواتي وخواته ..!! هم الي شجعوني وابليس مامات ...؟ بيتنا كنه بيت واحدوعايشين مع بعض وكلامهم لي جات خطيبة بدر وراح خطيب مشاعل.. وبدر دخل علي من ها الباب اطاوعه بلي يبيه غصب عني واقعد عقبها كم يوم مريضه وقلبي يوجعني.. يقنعني ان آخرتنا زواج ولا راح يتركني انا بنت عمه وماهو متخلي عني. اناعارفة بدر صادق بكلامه لكن ما حسبنا حساب الحمل ولا حساب ان واحد منا يموت والا حتى ملك الموت يمكن يقبض ارواحنا اثنيناوحنا على الرذيله.. حاسه ان الي نسويه مصيبه لكن ما لقيت الي يوجهني والا يسألني وش فيتس..؟! واخرتها يوم كشفوا اهلي المصيبه عمي بغى يذبح بدر وتهدده برشاش ليش سوى سواته.., انابنت عمه ولحمه ودمه وهرب بدر من خوفه من عمي وصدم.., هو بغيبوبه ما يندري وش اخرتهاوانا عندتس مدري وش يجرالي ..؟! لو ذبحوني بينفضحون وان اتركوني بينفضحون .., ام عوق ببكى \ياعوق هالغفلة تدرين وش سوت بمشاعل..؟ الضعيفه كم مره تدق علي با التلفون ..؟ تبكي شبابها الي اندفن مافي احد تشكي له بعد الله غيري.., تقول ياخاله بعد ما طلع بدر من المستشفي ما يقدر يسقي نفسه الماء.. زوجوني ابوي وعمي له علشان نداري ها الفضيحه.. والعرب كلها متأسفه على حالي مع رجال ما يتحرك منه الا راسه .. يمدحوني مشاعل ضحت بشبابهاعلشان ولد عمها تخدمه.. صرت بين جماعتنا مضرب مثل للصبر..., وخواتي الي اكبر مني واصغر مني تزوجن ورافعات روسهن على طيب سمعتي.., وحتى لو بتطلق محدبيلومني بدر عاجز.., الحادث اتلف الجهاز العصبي عنده.., من غير العمليات الي با الحوض والكل عارف بعجزه.. ان مات بدرانا داريه ان الي بيخطبوني اكثر من الي يخطبون البنا ت الي مااعرسن ببيوتهن.., على اشاعة بنت الاصول الي اخذت ولدعمها ولا همها عجزه.., وياما حريم ورجال نشبوا لأمي وابوي يبونهم يطلقوني من بدر علشان اشوف حياتي..! وامي وابوي يردون مشاعل معيه وتزعل ان احد اطرى لها ها السوالف .., بدر خطبهاوهو متعافي يوم طاح عن حيله ماتبي تتركه.., والله عالم با الخفيات...؟!! حكمواعلي با السجن المؤبد بس الفرق انه سجنن كبير ما يشمله عفو.., والعفو فيه يدخلني سجن اضيق منه..! مجبوره انفذ الحكم لا ينكشف الي ربي ستره..؟! حتى دراستي رفضوا ابوي وعمي اكمل خايفين علي مدري مني ..! لا زوج ولا حياه ولا ضنا ماغير مقابله بدر وادفه على كرسيه وانا الي بعمري تو بدن حياتهن خواتي وبنات عمي ضيعني بدون قصد والحين ادفع الثمن علشان لا تنخرب بيوتهن بدر ما يواطن يشوف وجهي يصدد عني وانا ازود منه بس وش نسوي مضطرين نعيش مع بعض .., ياخاله عمرتس شفتي ميت يمشي مع الحيين هذا انا...؟! شفتي ياعوق وشلون حال بدر ومشاعل ..!!؟؟ ادري ان قلبتس نارمنهم وشايله عليهم من عرفتي الحقيقه.. سامحيهم وانسيهم علشانتس انتي ماهو علشانهم..’ مشاعل اذا دقت علي ما تقدر تقول حتى وشلون عوق من خوفهامن الفضيحه..., عوق من بين دموعها\خلاص يمه الي تشوفينه يصلح لي سويه ولا تشاورين.. ام عوق\ اجل وانا امتس استخيري وان شاء الله خير.. عوق \يمه انا ما اقدر اتركتس لو ربي بيكتب لي شي..! ام عوق \هذي حلها بسيط بس خلينا ها الحين نشوف الرجال..؟ . . استخرت اكثر من مره وحسيت براحه يمكن علشان شفت امي فرحانه فيه انعكس على نفسيتي ..., . . و بعد يومين ... . . خبرت امي بموافقتي وتهلل وجها فرح وبكت ... امي دموعها غاليه عليها على رهافة قلبها اذا سمعت قرآن ماتتمالك نفسها والا خطبه مؤثره.., اما انها تبكي لشي ثاني شوفت دموعها قليله وكلها بسبتي فديت عيونها..! عرفت ان زواجي من زياد يعني لأمي الشي الكثير والا ما ارخصت دموعها..! امي كلمت ام ابراهيم وخبرتها بموافقتي وحذرتها مانبي احد يعرف شي ..؟ وخالتي ام ابراهيم قالت احسن راي ونبي نستعجل با الملكه .., والدنيا ماتنضمن ولا نبي الرجال داخل طالع ونطولها وهي قصيره ...! بعد ما عطيت امي الموافقه ما ادري ليش جاني شعور بحيرةوخوف احس اني تحسفت ما ابي اترك امي..؟! يعني معقوله لو با اشرط عليه اني ماترك امي بيوافق ..؟ وانا صراحه الزم ماعلي امي عندي اهم من نفسي.., . . بعد ثلاث ايام . . كلمتنا خالتي تخبرنا ان زياد بيجي يخطب رسمي .., قلت لأمي اهم شرط انا ما اخليتس.. ام عوق بحده\ اسمعي الهرج الي ماهو هرجتس انتي ماعليتس مني.. اشرطي الي يخصتس دراسه والا عمل.., اما انا ماهو شغلتس بيني وبين زياد متفاهمين.., قهرتني وش متفاهمين هي وين شافته كل الي بينا خالتي ام ابراهيم تجيب لنا اخباره ..؟! عوق بأالم\يمه انا ما اتركتس لو يخرب ها الزواج كله.., ام عوق بغضب\ما ابي اسمع منتس شي ياعويق وتفضحيني بسوالف فاضيه.. الحين الريا جيل جايه نبي نخلص قبل يطلع لنا شي يلدناويخرب علينا.. جات ام ابراهيم عندنا بعد العصر وقالت لها امي عن شرطي... ام ابراهيم \عوق الرجال اخذ احتياطه وخلص اموره كلها.., وجاب اوراق من الاماره والحين كلمني ولد اخوي يقول بعد المغرب جايين.., تعوذي من ابليس وخلي امتس ترتاح.. وضحى مهي ضايعه وكانتس تبين راحتهااتركي عنتس الوسواس وابليس لا يلعب عليتس... تسوين لنا زوبعه وتطول السالفه وعقب يخرب كل شي وخصوص الخطبه من تطول السوالف فيها تخرب.. اناامشي واحذرمسلط وعيالي لا يطلع خبر..! ونبي الملكه بسرعةعلشانتس وعلشان امتس هاالضعيفه تطمن .., لحطت راسها على مخدتها ماهوجست بتس الله يهديتس بس ..؟! . . ما ادري ليش خنقتني العبره وقعدت ابكي احس محدفاهمني..!؟ انا ادري اني حمل ثقيل على امي بس ماهو بيدي ما ابي ابتعد عنها.. كان قصدهاتزوجني خلاص تشرط على زياد اني اجلس عندها.. واذا ماوافق بكيفه بيجي غيره ما وقفت عليه..؟!! ام ابراهيم بحنان\يا الله بنتي اغسلي وجهتس عن الدموع وتعوذي من الشيطان وسهالات ان شاءالله.. امي تضحك علي وتعلق هي وخالتي نوره.., وانا قمت جهزت قهوة الرجال وبخرت المجلس احس داخلي شعور غريب..! لافرح ولا زعل يعني يتم ها الموضوع او ما يتم عادي .., وجا زياد ومعاه ولداخو ام ابراهيم وابوابراهيم ورجال ثالث تقول ام ابراهيم انه اخوه..! سبحان وش اخوه اذا هو مثلي من وين له اخوان..؟! لا يكون العايله الي هو عندهم كافلين ايتام غيره..!! يا الله ياخبر اليوم بفلوس بكرايصير بلااش..؟ قعدت اتقهوى انا وامي وخالتي ام ابراهيم .., ما سمعنا الا صوت ابو ابراهيم ينادي على ام ابراهيم..؟! وطلعت له ورجعت قالت يا وضحى يبونتس.., راحت لهم امي وجلست انا وخالتي ام ابراهيم.., ام ابراهيم بترجي\ عوق ان طلبوا الملكه الحين لا تعارضين سمعت مسلط يقول ان الرجال مستعجل..! خفت من كلامها \ لا وش ملكته ها الحين ...! ورجعت امي واشوف عيونها من ورى البرقع تضحك..! ام عوق بفرح\ عوق اطلبوني وانا امتس وعطيتهم ..؟! الملكه باتسر الصبح با المحكمه.. وعمتس ابو ابراهيم يجي معانا اذا احتاجوا وكيل والا شي الاهو موجود..!؟ عوق بملامه\ يمه ليش العجله ما توقعت كل شي بسرعه ..! ام عوق بضحك\هم بغوها الليله لكن وضعتس غير انتي لازم با المحكمه..؟! واقعدوا ام ابراهيم وامي يسولفون عن زياد..! ام ابراهيم بمزح\هاه يا ام عوق وش شفتي من نسيبتس..؟ ام عوق بااعجاب\والله يانوره الولد من دخلت عليهم مارفع راسه مستحي وقليل هرج..! لكن اذا تكلم كلامه موزون ما شاء الله عليه.., ام ابراهيم تضحك \مسلط والعيال طايرينن فيه ويدعون يا الله انك تجعله من نصيب عوق ونمرالعياريفتح جيبه ويتوجه للقبله ويدعي يا الله انك تجيب نمر..! اردفت ام ابراهيم بدهشه \ما قالتس ورى الحريم ماجو معه..؟! ام عوق \يتعذر يقول امه ماجات تعبانه الله يشفيها.., وخواته ودهم انهم جو معه لكن انشغلن بعويلهن يقول تنعوض با العرس ان شاء الله.., ام ابراهيم بتأكيد\اجل العرس ماهو بعيد يوم قال تنعوض با العرس..! طلعوا الضيوف وام ابراهيم رجعت لبيتهاوبقيت انا وامي احس ماني على بعضي ومضطربه..! ام عوق بتساءل\ وش فيتس يا بنتي وش انتي خايفه منه والله ما تلقين مثله.., تكتور وتوه شباب وما شاء الله قاضب عقله وانتي وهو مثل بعضكم الليالي يا بنتي ما كلها سمحةمحيا..!! ولا انتي خايفه باتسران زعل عليتس والا ضاق خاطره منتس والا احدانغزه عليتس جاوعيرتس وكسر عينتس .., انتي وانتي والي فيتس ما يخطيتس...ّ! ما يقدر يقول شي عيبتس وعيبه واحد..., عوق بوجع\يمه توني احس ان مالي والي ومقطوعه.. ام عوق بأالم\السوالف والتحسر كلها مهي مسوي لتس شي لكن يا بنتي خوذيه مني وصاه واقضبيها للممات لايطري لتس بيوم من الايام..., لاانتي نايمه والا قاعده انتس تعطينه خبر عن اهلتس..! والا تجيبين طاري انتس تعرفينهم ماهو الي دفناه انا واهلتس تطلعينه له.., ترى ما انتي مستفيده غير الغبينه والفضيحه.., تفضحين عماتس وخالاتس وانتي ما يتغير شي بحياتس .., وكل ما ذكرتس وحدتن منهن قامت تدعي عليتس.., تشوشين عليهن وتفطنين عدوانهن وبيوتهن تنخرب وانتي تبقين مجهولة نسب محد يعترف بتس حتى ان صادفتيهن بطريق والاسمعتي بطاريهن كانهن شرق ابعدي عنهن غرب.., الدنيا صغيره وانتي تعرفينهن من الاسامي.. تبين تسمعين يوم عن بنات خالد والا تركي ..! لكن هن ما يدرن عنتس سدي اذانتس وابلعي اللسانتس عن طرياهم.. عوق بحسره\الله يسعدهن ويبعدهن ما قصرن خيرهن سابق..!! ام عوق \ انتي عاد اقضبي العلم ولا علينا منهن هن بطريق وحنا بطريق .., اردفت ام عوق بفرحه \اشوفتس ما نشدتيني عن زيادانا قلت الحين تبلشيني وش قال وش ما قال..!! عوق بشرود \عادي مادامه معجبتس خلاص انا وش ابي من لدنيا غير رضاتس.., ام عوق با ابتسامه\الله يرضى عليتس اي والله انه معجبني وخصوص يوم قال ياخاله الزم ما علي امي تراها مريضه.. وقولي لعوق الي ماتبي امي ماتلزمني من ها الحين .. قلت لا بالله حنا الي ما يبي امه مانبيه ..., وشرطت عليه ما يمنعتس لا من علم ولا شغل والرجال ما قصر وافق .., وحتى المهر قال اطلبوا الي تبون قلت له الي تجيبه راضين فيه..., حنا دارين ان خيرك واجد وانت داري ان خيرنا واجد..., اردفت ام عوق بفرحه\يا سقى الله يا عوق يوم اشوف عويلتس يلعبون حولي عوق بحزن \الله يستر يمه حاسه انا استعجلنا خايفه من الندم..؟! ام عوق \لا والله ان شاءالله انها ماهي على ندامه وتشوفين ياعوق ..! ان بيجي يوم تقولين الله يوفق امي الي زوجتني ها الرجال..؟ نوره ومسلط زكو الرجال عندي وها الثنين امشي وراهم وانا مغمضه.., اردفت ام عوق بضحك \ماتبيني اعلمتس ليه نوره ما صارت امتس ..! عوق تبتسم بوهن\ كم مره بسألتس وانسى يا الله علميني..؟! ام عوق بضحك\ تاخذيني على قد عقلي لكن بعلمتس...! هذا وانا امتس يوم اجي بتس من البر عمرتس 3شهور وعليها تقولين 4شهور.., وسكنا بيتنا الشعبي الي انتي خابره ومن كثر العذاب الي شفتيه غديتي جلد وعظم.., وخفت من الرعايه هم كل فتره لازم يشوفونتس ويتطمنون على حالتس..., وان شافوتس تعبانه اخذوتس مني يخافون لاسمح الله يصير لتس شي.., نوره ذيك الليالي توها والد بريم وصغيرة سن لكن قلبها ما شاء الله حي .., وامها عندها واجي واشورهن قلت يا بنات الرجال انا كفلت ها اليتيمه ابي آجرها وعساني ما اشيل اثمها.., وهي قربت4 شهور ومن شافها قال توها مولوده..؟ّ! وتاخذتس طخايم ام عبد الرزاق الله يرحمهاوتقلبتس وتشوفتس وهي ما شاء الله عليها طبيبة ورعان ..! قالت ياوضحى البنت معتله وداخلها هوا وفي حلقها عظيم ساد حلقها عن العيشه..! البنيه بلاها الحليب الصناعي لكن ان شاء الله ان امرها بسيط ..! وتصلح لتس دواءواعطيتس منه وزان حالتس وقمتي ترضعين وتعافيتي ..! بيوم اسولف انا وطخايم قلت لها وش رايتس لو اطلب نوره ترضع عوق وش تهقين هي توافق..؟ قالت ما ضنتي بتعيي لكن اطلبي اخوتس مسلط ..! لكن يا وضحى والله ان لتس هدف مير علميني فيه..؟! قلت والله هدفي ان عوق يغدي لها اخوان من الرضاعه بدال ما تطلع لدنيا بلحيلها والرضاعه محللها الله .., واطلب مسلط ولا قصر قال عوق مثل ريم كان نوره وافقت انا ما منعها.., وحاولت نوره ترضعتس ولا قدرنا كل ماجات ترضعتس قعدتي تصيحين ..؟! قلت اجل ربي ماهو كاتب ها الخوه ومن يومها دريت انهم ناس فيهم خير.., وقلت بس هذولا الي ماتبدل عشرتهم .., عوق با استغراب\سبحان الله يمه الاصيل اصيل قريب والا بعيد.. ام عوق \انا اشهد والله ما يسوي سواياهم الي من اللحم والدم.., ويا الله قومي وانا امتس نامي لا تروح علينا صلاة الفجر ترى ورانا مشوار من الصبح .., وقمت من عند امي لغرفتي.., انسدحت على سريري وبدت الافكار تخابط براسي..؟! يعني بكرا ملكتي خلاص الحلم الي كنت احلمه بيتحقق ..؟! لكن ليه انا ما احس بشي يمكن اميل للحزن اكثر في ها الليله...! زياد جاي با الحاله لا ابو ولا عزوه جاي مع صديقه وشخص ثاني يقول انه اخوه ومن يخطبني منه من جارنا...!!؟ مهما كانت مميزات زياد بتظل فرحتي مبتوره ومشوهه .., لا اب ولا اخ ولاخوات ولا عزوه اشد فيها ظهري وليي الشيخ الي بيعقد لي والا جارناابو ابراهيم الي هو من قبيله وانا من قبيله..! العزوه سعد وسالم ولو دروا بينشبون لأمي...؟! بتزوجين عوق وفلوستس بياخذها الغريب ..! حتى مشاعل وساره اختفن من حياتنا..! غير مكالمات مشاعل لأمي وضحى وشكلها با السر كل ما ضاقت عليهاالوسيعه دقت على امي تفضفض لها..!؟ يا ترى يا زياد بتكون لي نعم الزوج والا مثلك مثل غيرك عندك هدف..!؟ يارب يسر اموري واجعل لي من كل همآفرجا ومن كل ضيق مخرجا...’ . . . . ثاني يوم طلعنا للمحكمه انا وامي ومعنا ابو ابراهيم بسيارتنا.. ابو ابراهيم\عوق..؟! عوق بخجل\نعم عمي..! مسلط\ قولي الي بخاطرتس قبل نوصل للمحكمه والله يا بنتي ما اشوفتس الا مثل رويم وخياتها .., عوق بخجل\جعلك سالم غانم يا عمي ما ابي شي غيران شرطي ما ابعدعن امي.., مسلط\هذا ماهوكلام وانا ابوتس زياد رجال فاهم ولاهو قاطعتس من امتس وها الشرط ما يصلح والرجال يطلب المره لزواج يبي يستقرويعيش ويبدا حياه جديدة.., وغير هذا امه الي عنده مريضه وين يروح به وانا عمتس يرضيتس يترك امه ويتبعتس...! ام عوق\يا ابو ابراهيم ذبحتنا ذبح تقل ان ها الرجال بياخذها لأخرالدنيا..!! وتزعل علي يوم اقولها ان شرطها اعوج ماله سنع..!؟ مسلط\افااا وانا ابوتس انا اقول عوق الفهيمه العاقله وشلون يطلع منها ها الكلام..! زياد حبيب واجودي والله لو اني ناقد عليه بشي اني ما صفطته لتس ..؟ لا بالله دوري شروط غير ها الشرط الي ما يجوز..؟ واذا ازعلتس والا مامشى بشروطتس لايردتس غير تلفوني دقي علي وشوفي وش يسوي عمتس مسلط..! بكيت بقلبي ما ابي امي تحس بشي من كلام ابو ابراهيم الي حسسني اني انسانه.., وعندي ظهر لو باالكلام..؟! وقفنا عند المحكمه وابو ابراهيم نزل سلم على رجال دخلو قدامنا.., ورجع علينا وقال لنا انزلوا هذولا الربع ..؟! نزلت انا وامي وتمت الملكه على خير ..., ولا ادري اي واحد فيهم بيكون زوجي .., يسألني الشيخ واجاوب وقعت بعدها وانا ما ادري وش وقعت عليه..!؟ والا وش قلت لشيخ حسيت نفسي مثل العميا او بحلم ..! كل شي تحول لسواد قدامي حتى امي الي يدي بيدها اختفت من قدام عيوني..! وانا الي كنت ناويه اشوف شكل الي ذبحوني امي وخالتي يمدحونه..!؟ طلعنا من المحكمه وابو ابراهيم نادى امي لرجال واقفين عند سيارتين واقفات جنبنا..؟! وانا ركبت سيارتناانتظر امي واناظر من تحت الغطا.., لرياجيل الي امي راحت لهم ملامحهم واضحه حيل واقدر اميزها..! ياربي اي واحد منهم الي بيكون زوجي ...؟! الثلاثه كلهم لابسين نظارات ..؟! واحد فيهم لابس نظاره شكلها طبية وطويل وابيض ونحيف وله شنب خفيف وعوارضه خفيفه..! والثاني لابس نظاره شمسيه طوله يميل للقصر اكثر واسمر ومليان وجهه احس ماهو غريب وحالق لحيته وشواربه..؟! والثالث طويل واسمر سماره غامق ومشيته ماهي طبيعيه زي الي يعرج وعرج واضح مره وعوارض محدده..؟! ونظارته طبيه حتى شكل النظاره واضح ان عنده ضعف نظرشديد..؟!! سبحان الله قلبي حاس انه هذا هو زياد لأن شكله خجول ومثل ما قالت امي امس مستحي مارفع راسه .., كل الي واقفين يسولفون الا هو ساكت ومدنق ماناظر سياراتناغير عن اثنين الي معاه شادين حيلهم با السوالف مع عمي مسلط وامي اكيدهذا هو الي وقعت اني قبلت فيه زوج لي..؟! والثانين هم الشهود على العقد.., با المحكمه انعميت ماسمعت الا صوته ليتني رفعت راسي يوم يسألني الشيخ وشفته..! الاسمر المليان يمكن اخوه ..!؟ والابيض اكيدقريب ام ابراهيم تبارك الله يجنن وشبلاه كل شوي يسلم على راس عمي مسلط...!!؟ كنه يطلبه شي طايح تحبب براس عمي مسلط وعمي مره يضحك له مره يهدده با اصبعه .., يا الله تذكرت كلام ريم يوم توصف جزاع ايام خطبتها.., هذا الي طول وبياض وسكبه ماهو جزاع والله عمي مسلط صاير كنه ولده ...؟! الظاهر ان ذاك الوقت عندها عمى الوان..!! لو كنت مكان خالتي نوره وهذا ولد اخوي اني لأزوجه من بناتي..!! استغفر الله ياربي اكلت الرجال بعيوني ياربي تسامحني.., راضيه با الاعرج ولا اعتراض على قسمة ربي لي .., ياربي استغفرك من كل ذنبآاغترفته بنعمة البصر.., اللهم اني رضيت بقضاءك وقدرك فأعطني حتى ارضى.., اهم شي رجال مثل وضعي ويعفني ويحميني من مصايب الايام ومعجب امي يكفيني هذا.., جات امي تتكي على عصاها ونزلت الشغاله تساعدها تركب السياره وركبت.., اليوم امي غير فرحانه ..! من الصباح صاحيه ونشيطه .., سبحان الله فرحت امي بزواجي نستها حتى تعبها الروماتيزم الي متعب رجولها عوق با استغراب\يمه وين عمي ماهو راجع معانا...! ام عوق بضحك\ لا بالله يقول ماني خويكن بيرجع مع بناخي نوره التكتور.. وحلف ان عشا الملكه في بيته احرجني انا وزياديقول عوق بنتي ومثل ما سويت لريم بسوي لهاوانا وافقت.. وصلنا بيتنا ونزلنا..’ ام عوق \الرجال بيجي العصر يشوفتس جهزي عمرتس وبيجون معه حريم... ما رديت على امي ودخلت غرفتي صدمتني امي بكلامها..! وش اسوي لو هو با الحاله بمشيها لكن معه حريم..!؟ انا كل لبسي تنانير وقمصان عمري ما فكرت اشتري فستاين ما احضر مناسبات .., يا فضيحه والحين قرب صلاة الظهر وش بسوي ..؟!! يا الله حسبنا الله سيؤتينا الله من فضله انا الي الله راغبون.. نادتني امي قالت خالتس ام ابراهيم على التيلفون تبي تبارك لتس .., ام ابراهيم بفرحه\ الف مبروك وعساه زوجتس با الدنيا والاخره.., ريم يوم درت با الملكه جتنا طايره حتى ماهو مشي خوذيها بتبارك لتس.., ريم بفرح \ مبروك عويق.., عوق بتوتر\ الله يبارك فيتس وتعالي طيران مثل ما طرتي من بيتس الحقيني نكمل سوالفنا عندي ضروري ضروري..؟!! تروعت ريم درت اني طايحه بمشكله جات بسرعه سلمت على امي الي اليوم هي الي تضاحك ضلالها وتسولف على نفسها..!! ودخلت غرفتي انا وريم عوق با ارتباك \ ريم دبريني الرجال بيجي يشوفني هو اهله وانا ما عندي شي يجمل انزلي لسوق وجيبي لي فستان ..!! ريم تناظر ساعتها بقلق\ ما بقى على الاذان ساعه وين القى محل فاتح..؟! عوق با اصرار\بكيفتس دبريني انا بجلس هنا ارتب مع الشغاله .., تعرفينهن ما عليهن اتكال وانتي اطلعي السوق خوذي صرافتي معك ..؟! ريم\ شوفي بطلع ها الحين لسوق قبل كم يوم شفت فستان..! اعجبني مره لكن ماهو مقاسي يبي له شمحوطه مثلتس ومليانه.., اتوقع يضبط عليتس لكن عساني القاه.., تعرفين يا وخيتي القصر شين والنحف اشين وانتي وحظتس ..! عوق بتهكم \اذا على حظي اعرفه اعرج لكن لا اشوفتس راجعه الا بفستان..! ريم بدهشه\ وش عرجه يا بنت والله ان شاء الله انتس صبرتي ونلتي .., عوق بقلق \ بسرعه ريم سوالفتس ما تخلص جيبي بس فستان كل شي عندي موجود..! طلعت ريم وانا سويت حالة استنفار با البيت بيتنا نظيف ومرتب يعني من الي بيحوسه..!؟ لكن زيادة الخير خيرين اشوف امي فديتها تناظرني وتضحك ..! اليوم امي رجعت 40سنه ورى من فرحتها فيني بسم الله عليها .., خلصت شغلي خلال ساعه حتى الحلى حجزت.., رجعت ريم بسرعه من السوق ريم بضحك \ابشرتس لقيت الفستان متمسك با المحل معيي لايطلع يبيتس..! يهجهج عن الزباين يا ام حظ اعرج..؟! اليوم حظتس ان شاء الله بيصير له اربع رجلين وماهو اعرج يا ام التشائم..! اخذت كيس الفستان من ريم تعرف مقاسي وهي ذوقها رايق دايم اكيد بيجي ضبط .., ريم وهي مستعجله\ بروح واجي ان شاء الله وقت ثاني تركت عيالي عند امي.., جزاع ان درى اني تاركتهم بيوجهني للقبله وينحرني.. عوق بتردد\ريم..!؟ ريم بملل مصطنع\نعم بعد وش تبين فستان وشريناه لتس ومكياج تبارك الله ما يصف جنبتس احد اي صح لا تفكرين تلبسين صنادل واطيه والله ان تروحين فيها شفتي طولتس الي انتي بازتن به اليوم ما ينفع إن كنت ريحا فقد لاقيت اعصارا. قولي ما قالت ريم ...!! عوق منحرجه\ اكيد بلبس كعب بس بغيت اسأل...؟ ريم بدهشه\وش بلاتس تغاصصين اسألي ...! عوق بتردد\لا بس الي يقرب لكم الدكتور فيه شي تعبان مريض رجوله فيها شي...!؟ ريم با استهزاء\وليش تسألين عرس واعرستي لا اشوفتس تسألين الا عن زياد...؟!! عوق\لا والله بس كذا سؤال طرا في بالي .., ريم با استغراب\لاما به بلا بسم الله عليه الحريم الي يخطبونه من خالتي اكثر من الي يخطبون خواته.. اردفت ريم \يجنن يهبل يطير العقل بياض وطول يقول ابوي حضر ملكتس وشهد عليهاما شفتيه با المحكمه عوق بشرود \لا ما شفت ابشرتس الا حظي الاعرج ... . . . (كلمه اخيره) الإنسان يلح على ربه في الدعاء ولا يستصغر أمرا مطلوبا وليعظم المسألة فإن الذي تناديه تدعوه ترجوه رب عظيم جليل لا تنفد خزاءنه البته (مَا عِندَكُمْ يَنفَدُ وَمَا عِندَ اللَّهِ بَاقٍ) ألا ترى إلى النبي الله سليمان وهو يستجدي رحمة ربه (قَالَ رَبِّ اغْفِرْ لِي وَهَبْ لِي مُلْكاً لاَّ يَنْبَغِي لأَحَدٍ مِّنْ بَعْدِي إِنَّكَ أَنْتَ الوَهَّابُ). (الشيخ صالح المغامسي . . . الي الملتقى قريبآبأذن الله وسالفه جديده طيف الأحباب ام الوليد |
وعليكم السلام ورحمة الله وبركاته
هلا وغلا اراده تأخر ردي المنتدى يلعب معاي كل شوي حاذفني وضحى معدنها اصيل اكيد وهذا الاصيل ما تغيره الايام شرت دفئ العايله بفلوسها ولو ماكانت اصيل ما احترمها الجميع سواء من قبيلتها او حتى الجيران الي سكنت بينهم فعل سالم لو كل من اقدم على ها الفعل فكر ان له محارم وان الي يسويه سلف ودين ما كان اقدم على فعلته لكن الكثير يغيب عقله وفي الي يندم ويتوب وفي الي ينسى وفي الي يعيد فعله بدم بارد الفارس الملثم بنشوف وضعه وكيف كانت حياته وبارت السبت اهداء مخصوص لك على توقع ما فكرت ان احد بيجيبه لكن توقعتيه تبارك الله اسعدني جدآ مرورك ونقاشك العذب |
هلا ومرحبا حزين الاحزان
والله بعض الردود اعجز اني اجاري القراء فيها ومن ضمنها ردودك الي هي فعلن ذات طابع ملكي حتى اقتباساتك لما تكون بردودك يكون لها شكل ثاني اتمنى ان القادم يلاقي نفس اعجابكم اسعدني مرورك والله يسهل امرك ويجعل لك من كل همآفرجا ومن كل ضيق مخرجا انت واولادي وجميع المسلمين |
هلا وغلا نموره
اتمنى اني عند حسن الظن ابشري يا نموره بنجوم ماهو نجمه ما طلبتي شي الادعيه الحمدلله ان ربي فك عنك ازمه اسعدني مرورك وانتظرك سبت وثلاثاء بأذن الله |
الله الله ياعوق المزايين اخيرا ابتسم الحظ ومشى على اربع رجلين
توقعاتي المزيوناللي عجب عوق وهو زياد والاعرج اخوه والعادي هو نواف نظرا لجوده وصف الشيخه ريم الليمدري شلون ذوقها قالب شمال ******* قصه مشاعل لاحول ولاقوه الا بالله المسؤل الاول والاخيرعنهاهم اهلها وذنبها واللي مثلهابرقبتهم كلكم راع وكلكم مسؤل عن رعيته والخوات الكبار بصراحه صدمهاختهم البزر وماانتبهو لتصرفاتها ويشجعونها بعد لاحول ولاقوه الابالله ****** للان افكربتوقعاراده اللي ببارت السبت ومالقيته بس توقعي ان ام عوق راح تفارقنا بالبارتالجاي بلحظه توقعتها هي اللي كفلت زياد وصرفت عليه وهي بتكون امه المريضه لاكنن طلبه وشرطه لامه غيرقناعتي **** انتظر بارت السبت واحداث ملكه عوق وشوفتها لزيااااااااااد بشوووق يامنتهى الذوق |
صباح الخير
طيوفه مبدعه دوما كما عهدناكي واعذريني لاني ماعلق ع كل بارت بجد اعذريني لكن مشاغلي مامنعتني اني اقرا ابداعك واسجل اعجابي فيه بجد كل بارت وانا اشوفه احلى من اللي قبله السواليف بين وضحى وعوق وتلقائيتهم دخلت قلبي عجبني ولاء عوق بجد الام مي اللي ولدت الام هي اللي ربت ربتها واحسنت تربيتها اكثر ماحزني حكاية مشاعل جد محزنه قاعده تدفع الثمن غالي ثمن اهمال اهلها لها وبعد ماطاح الفاس بالر اس بدال مايوجهونها ويتحملون نتيجة الاهمال تخلصوا من عوق اللي مالهاااي ذنب وقاعدة هي تدفن شبابهاوامومتها عشانهم يالله موقف مؤلم وصعب الله لايحط احد بموقفها وبالنسبه لصالح الحمد لله اللي الله فكها منه الرجال مخابر مو مناظر زين اللي وضحى عندها بعد نظر وخلصتها من ذا الصالح ومبروك لعوق ودام انها استخارت ماعليها ماخاب من استخار ربه وان شاء الله انها بداية الافراح لعوق وامها وموفقه يالغلا وحبيت اسأل عن مواعيد البارتات متى ودمتي بكل ود وغلا |
صباح الخير
طيوفه مبدعه دوما كما عهدناكي واعذريني لاني ماعلق ع كل بارت بجد اعذريني لكن مشاغلي مامنعتني اني اقرا ابداعك واسجل اعجابي فيه بجد كل بارت وانا اشوفه احلى من اللي قبله السواليف بين وضحى وعوق وتلقائيتهم دخلت قلبي عجبني ولاء عوق بجد الام مي اللي ولدت الام هي اللي ربت ربتها واحسنت تربيتها اكثر ماحزني حكاية مشاعل جد محزنه قاعده تدفع الثمن غالي ثمن اهمال اهلها لها وبعد ماطاح الفاس بالر اس بدال مايوجهونها ويتحملون نتيجة الاهمال تخلصوا من عوق اللي مالهاااي ذنب وقاعدة هي تدفن شبابهاوامومتها عشانهم يالله موقف مؤلم وصعب الله لايحط احد بموقفها وبالنسبه لصالح الحمد لله اللي الله فكها منه الرجال مخابر مو مناظر زين اللي وضحى عندها بعد نظر وخلصتها من ذا الصالح ومبروك لعوق ودام انها استخارت ماعليها ماخاب من استخار ربه وان شاء الله انها بداية الافراح لعوق وامها وموفقه يالغلا وحبيت اسأل عن مواعيد البارتات متى ودمتي بكل ود وغلا |
السلام ليكم ورحمه الله وبركاته
ام الوليد تسلم يدينك يا عسل على هالبارت المفرح بالرغم من انه فيه انفعالات ومشاعر كثيره منها فرح وتوتر وقلق وخوف بس فعلاا اسعدنس وانا اقراه يكفي ان عوق لقت نصفها الثاني الي راح ان شاء الله يكون لها السند والحامي بعد الله الوضحي يالله من هالانسانه الرائعه والمضحيه في كل مره احبها اكثر ويعلى قدرها اكثر وكلامها لعوق واعترافها بالي حصل لمشاعل احسها تبي تنبها على اخطاء مشاعل زتنبه لعيالها بعدين واعجبني انها حذرتها انها تعترف لزوجها او اي حد يخحقيقة اهلها لانها فعلا ماراح تستفيد شي غير الكره والبغيضه منهم واهم يحملونها الي راح يصير لهم فخلها بعيده عنهم اسلم لها ولهم اعجبني في عوق اهتمامها بامها وانها تبديها على نفسها وتحرص على رضاهااا بكل شيء لدرجه انها قامت تتنازل عن اشياء في سبيل ارضاؤها في المقابل نجد ان في ابناء يعوقون في امهم الي حملت وولدت وربي واتعبت عليهم وكان جزاتها النكران والعقوق الله لايبلانااا اما قصة مشاعل بالعكس ما احس فيها اي مبالغه بالعكس واقعيه الله يكفينا شر الغفله ويستر علينا وعلى جميع المسلميييين ام الوليد ننتظرك بكل شووق لتستمتع بابدااعك في ملكه عووق |
اقتباس:
ان شاء الله ابتسم الحظ لها وبنشوف توقعك صح او لا قصة مشاعل كثير تتكرر والكلمه الي ما احبها فلانه لفلان زياد لنا معاه وقفه طويله هو عايلته لا ابدآ ما فكرت ان وضحى تكون كافله زياد توقع اراده بيكون واضح السبت اذا ما عرفتوه بتعرفونه في بارتات قادمه اسعدني مرورك الغالي على قلبي ويارب حماسك يستمرلآخر الروايه |
اقتباس:
هلابك ولك بدال العذر ملايين العلاقه بين وضحى وبنتها انا حبيتها تكون مفتوحه لأنه هذا المفروض ان الصراحه والتفاهم يكونون موجوجين بين البنت وامها مشاعل كثير فيه ضحايامثلها غيرهم يدفعه للغلط وبا الاخير ينسحب ويتركهم وضحى عارفه من البدايه ان صالح وعوق ما طريقهم واحد وان شاء انها بداية افراح لكن عاد لازم يكون فيه منقصات بنشوفها مواعيد البارتات السبت والثلاثاء اسعدني مرورك |
هلا وغلا عبق
الحمدلله ان البارت اعجبك وضحى زود على انها حرمه عاقله وفاهمه كانت مصيبتها ان مشاعل بنت بنت اختها يعنى لحمها ودمها حتى ام بدر في بداية الروايه لما انولدت عوق حطت اللوم على مشاعل وان الي سوته جاها من عرق امها الي وضحى منه وثارت عليها وضحى وزعلت واخذت البنت يعني عوق في الحقيقه تعتبر وضحى جدتها وفي كثير ابناء يعقون امهاتهم وفي امهات الله يعين عيالهم وبناتهم عليهم قصة مشاعل المصيبه انها واقعيه وكثير قريت عن اشياء مشابهه الله يحمي اعراضنا واعراض بنات المسلمين اسعدني جدآ مرورك عبق انتظريني السبت على قولة خواتي بتبدا الهجوله وانا والله مدري وش معنى هجوله |
اسعد الله أوقاتك بكل خير
يعطيك العافيه ام الوليد بارت في قمة الروعه حضور مشاعل كان قاسي جداً على عوق هي طفله واستغلها بدر زي ما يقول أنا خطيبك وماصيرنا نتزوج* الكل له دور في اللي صار ما راح تقول لو قالت لـ أمها من اول مره كان وكان بس هي لازم ما كانت تطاوعه في رغباته فرحة الوضيحي بزواج عوق لو كانت أمها يمكن ما فرحت* تحس انها أمانه عندها وتبي تأدي واجبها على اكمل وجه ماقصرتي يأم عوق رأيتك بيضاء بس ياخوفي ان دورها خلص ولا عادنا شايفنها* زياد يتكلم عن إخوان وخوات يعني اللي ربته لها عيال وأخذت زياد تربيه ليش والا ما جأ لها عيال الا من بعد ما كفلت زياد في انتظار السالفه القادمه بشوق لمعرفة تسأل إداره وش بيصير لعوق اذا شافت المزيون زياد والله ياعوق الظاهر ان ريم مأثره عليك مو هي بس اللي ماتعرف توصف وتختار ودمتي مبدعه ودام نزف قلمك المبدع |
بسم الله الرحمن الرحيم السلام عليكم ورحمة الله وبركاته صباحكم إشراق صباحكم ورد جزء مؤلم رغم ما شابه من الفرح بخطبة عوق وفرحة وضحى التي لا توصف بها مشاعل وبدر............. من نلوم ومن نحمل الخطيئة فيما حدث وما آل إليه حالهما المشكلة في الأمر أنه مراهق وكان يجب على أهله مراعاة هذا الشيء وكان على سارة حين اكتشفت ما كان يشاهد على التلفاز أن تنتبه له أكثر وتراقبه عن كثب حتى لا يحدث ما لا يحمد عقباه مشاعل صغيرة بالسن ولم تُنَبَّه لمثل هذا الخطأ وإلا ربما ما وقعت به وهو زيَّن لها الأمر وربما أقنعها في بداية الأمر أن هذا لعب ولهو ليس منه خطر لذا انساقت وراءه وفعلت ما يريد ثم أنها منذ البداية تسمع أنه زوجها والأطفال في هذه الأمور قد ينساقون لأمور أسوأ مؤلم جداً هذا الحديث ومؤلم أكثر التفكير به لما يجره من ويلات على الأسر ولكن من يعي ما آلت إليه حال مشاعل وبدر متوقع وهذا الذي يجب أن يكون فكلاهما يلوم الآخر ضمنياً على ما أصابه هو حُبِس قسرياً في كرسي متحرك جثة هامدة ليس فيها إلا قلب ينبض ونَفَس يطرق وهي حُبست في رداء ليس لها، اسمه التضحية لأجل الآخرين وربما لو أنها خُيرت لما بقيت معه ثانية واحدة فكلاهما لا يجرؤ على النظر للآخر لما يذكره به من شنيع فعله فهل لوضعهما من خلاص لا أظن مشاعل حتى لو مات بدر ستقدر على الارتباط برجل آخر لما عانته من جراء ما فعلت ولأنها قد تخشى من انكشاف الفضيحة بعد هذا العمر ما دام بدر عاجز بهذه الطريقة فمن سيصدق أن بينهما علاقة زوجية كاملة وهو لا يتحرك منه إلا رأسه عوق.......... فرحة ناقصة ومستقبل مجهول كحالها أنا معها في شرطها ألا تترك أمها حتى لو اضطرت أن تنتقل هي وإياها للسكن في منطقة أخرى فهي ولله الحمد ليست بحاجة لأن تفرض أمها على أحد لتسكن معه بل بإمكانها أن تشتري لها بيتاً بجوارها وتلاحظها كما تريد دون أن تقصر في حياتها الزوجية ولكن نظرة الناس قاصرة لهذا الأمر من هنا رأينا كيف وبخوها على هذا الشرط وثنوها عنه أنا مع أم نواف أن زياد هو الرجل الأبيض الذي ظنته عوق ابن أخ أم ابراهيم وهذا يعزز توقعي أن إخوانه الذين ذكرهم نمر لأمه حين أخبرها أنه يريد أعماماً مثلهم يختلفون عنه في اللون قد يكونو إخوته بالرضاعة وكحال أم عوق مع مسلط جيران لأنه ذكر أنه لا يريد أن يترك أمه مما يوضح أنه ليس لها أحد سواه غاليتي............... مبدعة كما عهدناك سلمت يداك بانتظار الجزء الهدية على أحر من الجمر ولا يسعني إلا أن أقول ألف شكر على الهدية مقدماً أسعدني والله أن يكون الجزء القادم إهداءً لي رغم أن تواجدي في هذا المتصفح هو أغلى هدية فلك كل الشكر حفظك الله ورعاك |
اقتباس:
هلابك امووله الله يعافيك ويسلمك على حرصك على الحضور في كل بارت مشاعل نموذج بسيط البنات انخدعوالكن الفرق انها هي وبدر اخذوا جزائهم غيرها الرجل يفلت بجريمته وهي بس الي تدفع الثمن الوضيحي زواج عوق با النسبه اتمام لمهمتها الي بدتها من كفالة عوق الي تربيتها والحين زوجها من زياد لكن هل راح يكون نعم الزوج اويخيب ظن الوضيحي الي كفلوا زياد بنشوف السبب وعلاقتهم فيه ويارب تقنعكم المشاهد الخاصه بزياد بنشوف زياد مين من الثلاثه كان وريم من احب الشخصيات لقلبي هي وشخصيه نسائيه قادمه بتشوفونها اسعدني جدآ مرورك امووله |
بسم الله الرحمن الرحيم
هلا وغلا بكل الغوالي الحاضرين والغايبين والي من وراء الكواليس يعطوني أوامر..؟! انا قلت توقع اراده ماجا في بال احد من خواتي المتابعات..! لأنه فعلن استغربت مافي احد جابه الا هي ربي يسعدكم كلكم ويسعدها .., والي ما اكتشفت توقع اراده في ها البارت لأني ماراح اصرح فيه..! الا اذا توقعتوه تنتظراعترفات زياد بليلة سرمديه بينه وبين عوق وبتشوفون توقع اراده فيه..! علشان كذا البارت كان اهداء للغاليه اراده مخصوص كنت راح اهدي اراده بارت حفل زواج عوق لكن بارت زواجها من جد نزل دميعاتي فتستاهل اراده بارت فرفوشي ونخلي ذاك لوقته (((لا احلل ولا بيح اي ناقل لروايه خارج المنتديات الثلاث الي انزل فيها الروايه بنفسي الا بأذن مسبق مني ))) اليوم بنعرف من هو زوج عوق المزايين من الثلاثةوحفلة الملكه ورأي عوق بزيادواهله وحركات زيودي وتبريراتهالعوق بعدين ..!! البارت اهداء للجميع وخصوص اراده يا الله تعالوا معاي...!! وسالفه جديدة؛ . . . البارت الحادي عشر . . . اردفت ريم \يجنن يهبل يطير العقل بياض وطول.., يقول ابوي حضر ملكتس وشهد عليهاما شفتيه با المحكمه...؟! عوق بشرود \لا ما شفت ابشرتس الا حظي الاعرج ... اردفت عوق بخيبة امل \ما شاء الله هوالابيض وطويل مره ..! ريم بتهكم\ امزح معتس لا ابيض ولا طويل وش بلا خشتس قلبت دافع البلا طماط ماهو وجه..!! ومنين بيجيهم الطول والبياض وخالي عبد الرزاق وخالتي نفلا وراهم..! وش فيتس انتي نسيتي اخو رجلي نواف الي باامريكا ..!! كم مره وانا اقولتس اخو جزاع يدرس طب با امريكا..؟ بعدين كل عايلة خوالي شيون ازينهم واملحهم واطولهم جزاع اي صح نسيت وامي بعد..؟ ما ادري كيف ها الاثنين طلعوا من ها العايله الظاهر طفره جينيه..! عوق بضحك\ يا ليل جزاع والله من يوم شفت اخوه وانادايخ راسي افكروين شفته..!؟ تخبريني التشبيه هوايتي الا نسخه من جزاع الي طفره صدق هي خالتي نوره..! ريم تهز راسها بضحك\ وهذا وانتي ما شفتي احد..! مقبوله عروس وكل شي نمشيه لتس يا ام حظ اعرج.., يالله بروح السوالف على البيبان ما تخلص اكثر من سوالف المجالس...!! لا تطلع علينا الوضيح وحنا على الباب تعرفينها ماتواطن الوقفه على البيبان...؟ والله لتطردني ولا عليها مني .., عوق بضحك \ فديتها اليوم ماهي حولتس فرحانه.., ريم بضحك \عساها دايم افراحها ام العوق تحتاجين شي قبل امشي..! عوق \تخبريني تربية عجايز كل شي تلقينه عندي ما كان ناقصني الا الفستان..., ريم\اقول بس لاتنسين دوري كعب طوله متر والا ترى بتورطين ..!! كان مالقيتي ترى كني اليوم شفت انفال مطلعه من دولاب خالاتها على قولتها كعابه..! شكلها جديده ما لبست بنهرب لتس واحد...!! عوق\لا ما عليتس عندي كعابه واجد على قولة نفوله..., طلعت ريم وانا دخلت بشوف الفستان وطلعته من الكيس..! ريم كانت شاريه الفستان من حسابها وكاتبه بكرت صغير ..! الف مبروك عوق هديه بسيطه مني وبطاقة الصراف مع خالتي وضحى... آآآخ يا ريومه من يلومني بغلاتس يصبح ضريرفاقد شوف عينه ويتلمس عصاه.., طلعت الفستان الي كان لونه خربزي ومقاس جسمي با الضبط .., ريم دايم تقول ها اللون ما يصلح الا على عوق يطلع بياضها..! لكن الله يسامحتس ريومه وش بقى من ظهري واكتافي ما طلع..!؟ لو تشوفه امي حلفت ما البسه هي حتى البجامات ما ترضى البسهن تقول لبس ما خيط علشاناولا هو لنا..., لو تشوف هذا وش بتقول لكن بدبره ان شاء الله..! ها الشعر الي اربي فيه سنين هو اليوم الي بينقذني من زعل امي.. شيكت على كل شي وصلت طلبية الحلى بقى اجهز عمري .., يا حسرتي على حالي كل شي انا اسويه لنفسي عساني ماتحسر با اخرتي ..., اخذت دش وصلحت شعري وحطيت ميكاج بقى الفستان ماراح البسه حتى يوصلون الضيوف.., افكر كيف بدخل على اهل زياد لا قدامي ولا وراي غير امي فديتها من بيقهوي الضيوف والا يشوف واجبهم لتس الله يا عوق..., جات الشغاله قالت عوق تعالي ماما تبغاك ..!! وطلعت لقيت خالتي ام ابراهيم وبناتها ملاك وروان والجوهره وشغالتهم وباركت لي هي وبناتها ..!! ام ابراهيم با ابتسامه \ تحسبينا بنتركتس بمثل ها اليوم..؟! اجل ما فيناخير يا بنتي فهمي البنات وش تبينهن يسون وش ترتيبتس.. لضيوفتس وانا عيني من وراهن والخدامات بيقهوون وانسي كل شي الا انتس عروس.. وشوفي التورته هذي من نواف مرسلها يقول باركي لعوق وقولي والله انها ان شاء الله ما تندم على ها الزواج..! ما ادري وش جاني واقعد اصيح ماالوم امي يومها تغلي هاالعايله وتقول الله عوضنا بهم عن القرايب الادنين.. الدموع حاست شكلي وتقعد امي وام ابراهيم والبنات يضحكون..!! ما ادري على شكلي والا هم يشجعوني علشان ما ابكي..! قلت لبنات ام ابراهيم ترتيباتي ودخلت اعدل شكلي خلصت ولبست فستاني .., ورقعت الفضايح الي ورى لا تشوفها امي بشعري الي كان مغطي كل ظهري.., يا ما تمنيت اني اقصه وامي ترفض تقول ستر الانثى بشعرها.., وجلست بغرفتي انتظر امي وام ابراهيم ينادوني الشغاله جات وخبرتني ان في ضيوف جو..؟! بعدها ام ابراهيم جات لغرفتي..! ام ابراهيم با اعجاب \ ماشاء الله تبارك الله ياعوق قمر بسم الله عليتس.., حصنتي نفستس العين حق لو من عيونا وانا امتس والاحتى انتي تفزين بعمرتس.., عوق با ابتسامه\ياليت كل العيون تشوفني مثلكم بدون ماتقولين ما اترك اذكاري فديتس.., ام ابراهيم بتحذير\ما ابيتس تدخلين انتي عليهم..؟ عوق \ داريه انا مجهزه غرفةالجلوس الثانيه لكن من الي جا..؟! ام ابراهيم\الي جاوثلاث حريم وحده الله يشفيها تدفها شغالتها بعربيه الله العالم انها امه.., واثنين شكلهن يقربن لها يشبهنها سمر الاجوديات مثلها.., طلعت لغرفة الجلوس علشان يشوفوني واكيد لازم اشيك على كل شي قبل يدخل زياد واهله الحين هو ماله اقارب الا هذولي امه والحرمتين والا يمكن مقطوع مثلي...! خالتي ام ابراهيم وبناتها ماقصر و لو كانوا خواتي ما اهتموا مثلهم الحمدلله كل شي مضبوط.. ام ابراهيم\اقول لوضحى خلاص تناديهم..؟ هزيت راسي با الموافقه وجلست انتظر دخول حظي الاعرج ..! الجيران صارو اهلي بدال ما امي والا خالاتي وعماتي يكونون حولي .. مكسوره من كل جهه يا عوق احمدي ربك على الاعرج على الاقل امي راضيه عليه.., وضعه مثلي وظيفته مرموقه دكتور وش ابي غيرها .., يكفي كلام امي البارحة لازم اقطع كل طريق يوصلني لأهلي واوله الزواج من مجهول نسب مثلي ... امي صارت مثل شمس المغربيه كل مامر الوقت تبعد.., واهلي مافي امل حتى بحلم الليل اني ارجع لهم والا يعترفون فيني.. صحيت من افكاري على امي وهي واقفه جنبي وتقول ادخلوا حياكم الله هذي بنتكم...!! دخلت حرمه كبيره على عربيتها سمينه مره وسمرا حيل...!؟ وجها مريح من يوم تطالع فيه تحس براحه ومبتسمه تدفها شغالتها.. ودخلوا معاهاثنتين ذكروني با الموجهات ايام المدرسه سبحان الله يشبهون زياد كيف يقولون مجهول نسب مثلي..!! واكيد ام ابراهيم فديتها واقفه بعباتهاوغطاهاوامي بجلالها وبرقعها..., بقى زياد للحين ما دخل سلموا علي الحريم ...!! وانا قمت وسلمت على راس الحرمه الي على كرسيها ورجعت لمكاني.., وحده من الحريم \بنادي زياد..؟ّ وطلعت وثواني ودخلت وراها رجال ماسكته مع يده شفت طرف ثوبه الابيض وجزمه سودا.., استغفر الله بغيت اضحك تذكرت خبال ريم..! يوم تقول لاينكسر كعبي ثم يسحبني جزاع يحسبوني الناس بنته ..., رفعت راسي بشوف وجهه يوم ما اقدرت اشوفه با المحكمه.., الي دخل ماهو الاعرج الي دخل الثالث الي معهم الي حتى استحيت امس اني اتخيل انه هوزياد...! ياربي لك الحمد انه هذا يارب اربط على قلبي ولاتفضحني اقعد اتضحوك قدام ها الحريم..! بغيت اسجد سجود الشكرلو ما خفت يمسكونها علي..ّ هذي ما صدقت تعرس ماكذبتي يا الوضيح يوم قلتي بيجي يوم تقولين الله يجزي امي خير..!! ياربي لك الحمد جااليوم اسرع مماتصورت..! سلم على راس امه وهي على كرسيها واشر من بعيد بيده لأمي ولخالتي ام ابراهيم.. يوم جلس جنبي تقعد امه تصيح قام وبرك عند رجولها يمسح دموعها وكنه الي ترضاها..؟!! ياربي هي وش بلاها تبكي يعني ما عجبتهاوالا متحسفه ولدها فيني..؟ !! زياد بمحبه\ ليه يا امي ها الدموع ...!؟ انتي الي ذبحتيني تبيني اتزوج وهذاانا نفذت كلامك لا يكون بس تندمتي..! ام زياد بصوت واطي\الحمدلله الحمدلله.. عوق بنفسها\ياربي لك الحمد شكلي اعجبتها كنها تقول الحمدلله.., يارب تطول بعمرها وعمر امي .., زيادقومها من كرسيها وجلسها با الوسط بينا.., وقعدت تضحك مستانسه حسيتها مثل الطفل وحتى كلامها متقطع..؟! حركته جدآ اعجبتي اكيد الي يعامل امه كذا ماراح يقطعني من امي معقوله في احد با الدنيا يحب امه اكثر من حبي لأمي وضحى ...!! وجلسوا امي وام ابراهيم والحريم الثنتين الي معاه قبالنا.., قامت وحده من الحريم معاها كيس طلعت منه علبه كبيره قالت لزياد لبس زوجتك.., ونزلت العلبه على طاوله قدامي.., وقام وفتح العلبه ولبسني دبله ومعاها خاتم وهو واقف قدامي وانا ما رفعت راسي يوم وصل للعقد ماعرف يفتحه واسمعه يعلق يقول نجلا ءافتحيه والا كسرته..! وقامت الي اسمها نجلا وفتحته له.. نجلاء\انت وحده من ثنتين يا قروي يا تستظرف..! ما يبيله عرف والا شوفت عوق خربطتك ..! زياد يضحك\لا بالله شوفت عوق ما خربطتني الا حاستني..! دنق علي يبي يلبسني العقد وحسيته خنقني وهو يحاول يلبسني..! ماعرف يصك مفتاح العقد ورفعت راسي وطاحت عيوني بعيونه.., حسيت سهم خرق قلبي وترني زود ما انا متوتره..! وتلخبطت ما قدرت انزل عيوني وحراره ضربت جسمي ..! واختفى كل شي حولي ما عاد اشوف الا عيونه وشكلهاالغريب ..؟! اول مره اشوف لون عيون سود كذاوعدسة عينه مره كبيره.., غمزته لي رجعتني للواقع يارب سترك هذا الي امي تقول يستحي هذا وشلون لو ما يستحي..! ورجع وراه بغى يطير التورته على الطاوله حتى الحريم قامو يسمون عليه جلس جنب امه واشوف الحلق والاسواره داخل علبة الشبكه شكله نساهم.., امه اشرت له تبي ترجع لكرسيها.., وقام ساعدها حتى جلست على كرسيها.., جلس جنبي احسه كل شوي يزحف حتى قرب جنبي مره..! وانا اشوي والا اهرب ما مسكني الا حافة الكنبه.. صدق تمنيت اتزوج وليالي كثيره اتخيل اني بحفلة خطوبتي..! وكيف بلبس واجلس واتكلم لكن يوم صار صدق تغير كل شي... لساني انربط وجمدت في محلي ماعاد اقدر اتحرك زادها قلبي الي قام يعورني.., ما ادري وش جاني من حطيت عيني بعينه..!! صحيت من افكاري على شي ورى يسحب شعري قلت يمكن يوم تحركت جلست على شعري.., حاولت اتحرك بسم الله الا زاد الشد على شعري..؟! كنه ناشب بشي مديت يدي برفع شعري الا لمست يد..؟ واجمد بمكاني يوم عرفت انها يدزياد هي الي تجر شعري.., يارب سترك هذا اولها الرجال ماهو صاحي ما صدقت فكيت يدي من يده.. كنه ينتظرها علشان يمسكها ما فكها الابعد ما بغى يكسرها..؟! ورجع يسحب شعري بسم الله وش جاه ..؟! حسيت فيه يأشر للحريم الي قبالنابراسه ..! نجلاء \وش رايكم يا ام عوق نخلي العرسان با الحالهم شوي..! ام عوق با اصرار\ لا والله يا بنتي مالتس لوى ماحنا بطالعين هذا حنا جالسين ومتونسين .. الحرمه الثانيه بترجي\عاد يا خاله خليهم شوي ياخذون راحتهم تراه زوجها.. ضحكت ام عوق\ انا ماعندي راحات زوجها ما قلنا شي ولويبيها تمسي في بيته ذا الليل ما منعته.. يشهر زواجه وياخذ حرمته ما ارده من شرع الله وياخذون راحتهم ويشبعون من مقابل بعضهم .. زياد \ترانا جالسين يا بشرى وخالتي معها حق.., عوق بنفسها \لقط وجهك مسوي ذكي.. زياد بمكر\ خاله انتي عند كلمتك والله انه احلى خبر اشهر الليله العرس واخذها..! ام عوق\ اي بالله اشهر عرسك وشل حرمتك محديردك .. عوق بنفسها\ياربي دخيلك امي وش تقول وهذا يجاريها با الكلام..! خروف ماني آدمي يتعازمون عليه.., ام ابراهيم معصبه \وش ها الكلام عزالله رايتس يا ام عوق ماهو راي..! الصبح ملكه والعصر عرس والبنت ماجهزت نفسها..؟! والتفتت ام ابراهيم لزياد\عوق ماهي رخيصه امهلهاواناعمتك اقلها شهر الجهاز يبي له وقت .., زياد\ لا والله محشومه عن الرخص لكن شهر كثير وانا مستعجل وراي اشغال..! ام عوق\ عاد الحين انت والبنت شفتوا بعض .. ترى مااحب النسيب قبل العرس يسوي له طريق سردادي مردادي خلص شغلك وخذ حرمتك.., زياد يبتسم\ خلاص يا خاله اجل بيني وبينكم تلفون نتفاهم على تفاصيل العرس.. ام عوق \وانا بعدبيني وبينك الهرج بالتيلفونات للبنات ما احبه..؟ ضحك زياد\ يا خاله لا تسكرينها من كل جهه ..؟! ام عوق\ يصير خير ..يصير خير استأذنوا بشرى ونجلا وعزمتهم ام ابراهيم وقالت الليله عندنا عشا الملكه .. واعتذروا ان وراهم اشغال وان ولد نجلا هو الي جابهم ومن اليوم واقف عند الباب ينتظرهم.., طلع زياد معاهم وصلهم للباب الاخ صاير راعي بيت .., ورجع يسولف على امي ويستعجل امه وطلعوا كلهم من غرفة الجلوس.., امي تسولف على ام زياد وهي توكى على عصاها.. وام زياد تدفها شغالتها ما ادري هي تفهم كلام امي اولا..! وام ابراهيم قبلهم طلعت لبيتها بناتها استعجلوها.. زياد وراهم يمشي ما قلت لكم مسوي نفسه راعي بيت وماخذ راحته.. وانا ما ادري وش الي نقزني وخلاني امشي وراهم..؟! رجع شوي زياد على وراه .. وأشر علي شي با السقف ناظرت للي يأشرعليه وهو ويسحب شعري صرخت و بغيت اطيح..! التفتوا علي كلهم وامي تسمي علي ما يدرون وش جاني وزيادكاتم ضحتكه.., لو ماكانت امي وامه واقفات كان يمكن ذبحته على خباله...؟! كبر جدي وكنه بزر ذكرني في بنت ريم اذا شافتني جادله شعري تجلس وراي وتلمس شعري.. طيب هذيك بزر ويلعب هذا وش جاه بسم الله..؟! الله العالم ان مخه فيه بلا وهذا الي ماخلاه يعرس الاوهو كبير..! سبحان الله مافيه شي كامل مزيون وعليه قل صح..!؟ طلعوا ورجعت انا وامي يارب ما تشوف فستاني من ورى..؟! دخلت غرفتي وانا امشي على وراى وجات سلامات..! غيرت لبسي واتلمس راسي يوجعني من سحبته...ّ!! طلعت لأامي بسرعه خفت من تعليقها علي لقيتها منسدحه على فراشها..! عوق بخوف\ تحسين بشي يمه.. ام عوق بوهن\لا بس ابي ارتاح شوي اليوم تعبت مبطيه عن المشي الواجد عوق \ما شاء الله يمه اليوم رجعتي شباب خفت انك تتعبين يوم طلعنا للمحكمه..؟ وضحى بفرحه\تدرين ياعوق ان الي مشيني اليوم قلبي من فرحتي فيتس.. يمكن لو قايلين تعالي يا وضحى للمحكمه مشي جيتهم ركض ..! عوق تحضن وضحى بحب\ لبا قلب ميمتي عساها دايم افراحتس ..! وضحى وهي تبعد عوق عنها \هاه وش رايتس باالرجال..؟ عوق بتهكم\ماشي حاله اهم شي انه معجبتس ما انتبهت له زين ..! وضحى وهي تقرص عينها وتهز راسها\صادقه ماشي حاله الا ازين من خشتس ما شاء الله عليه .., عوق با انفعال\بالله وش به من الزين طويل يروع طوله ونحيف ماله شبيه الا عمود الكهرب .. ومعروف كل طويل هبيل ومع ها اللحيه الي مدري كيف حالقها والا ...؟!! وضحى\على هونتس على هونتس هذا وانتي منتي منتبهه.., دافع البلا قطعتي الرجال والله كله ما مثله بس اسمه شين لو اسمه زايد والا مزيد كان ازين..! عوق بتوتر\يمه بقولتس شي..؟ وضحى با استغراب\خير...! عوق \ يمه امه شكلها اجوديه وتدخل القلب الله يرفع عنها..., لكن الحرمتين الثانيات ما تريح وجيهن خايفه منهن يسوون لي مشاكل معه...! وضحى\وانتي وش عليتس منهن تريح والا ما تريح وجيهن ..! اهم شي امه الضعيفه راعي الله فيهاوالحريم ما عليتس منهن.. الحرمه لا بغاها رجلها والله لو كل الناس تجتمع تبي تخرب عليها ما قدرت..! وان عاد نفرها والله انها على جريف ادنات ماطيحها.. وبعدين هن حريم كبار ومعرسات عندهن ما مكفيهن ماهن فاضيات بس يدوخن راس عوق..؟! وانتي بعد اشغلي نفستس بالي ينفعتس .., واتركتس من الظنون والتفاكير ومراقب خلق الله مامنه فود.., ماتسمعين المثل الي يقول من راقب الناس ما تهنى ..! عوق بضحك\ يمه مااااات همآ مات همآ ام عوق بحزم\ عاد الي هو ..؟! انتي مالتس الا بيتس ورجالتس وباقي الناس سلام عليكم السلام .. لا تجسرين احد عليتس وكثر المزوح تراها تضيع الهيبه ولا تخلين احد يدري وش وراتس ... ورجالتس لا تقطعينه من اهله ترى لتس با المثل .. عوق بشرود\يصير خير يمه .., عوق بنفسها\الله يستر من حياة فايزه وصالح لكن بشكل ثاني...!؟ وقمت اصلي المغرب وارتاح شوي بطيح من التعب.., صليت وانسدحت ما ادري با الدنيا وصحيت على دق باب غرفتي..؟! ريم جايه وجايبه معاها عشى لي ولأمي .. ريم با استهزاء\ اصحي عروس ونايمه المفروض الحين اجي القاتس بعالم ثاني .. اشوف عيونتس بسم الله بتنفقع من النوم..؟! توقعت اشوف قلوب حمر ورديه..! عوق بتعب\تكفين ريم خليني انام احس لي الف سنه مانمت.., ريم\اقول الليل طويل تنامين لكن اقعدي عطيني التفاصيل امي وخواتي ما بردوا قلبي..! عوق بخمول \اذن العشا ريم\ مبطي فاضوا من الصلاه كان ما صليتي يا الله قومي صلي وانتظرتس شوفيني عند خالتي .. راحت ريم عند امي وانا صليت وطلعت لهم حضرت عشى امي وتعشينا.. عقبها امي قالت انا ابي انام وانتن يمكن عندكن سوالف ما تصلح للعجايزالي مثلي..! ادخلت لغرفتها واناو ريم لغرفتي.. ريم \ياالله جيبي اخبارتس وش رايتس با المعرس ..؟ عوق\والله ماعليه المعرس شكلآ لكن ماهو صاحي تحسينه ملحوس بسم الله ..؟! ريم بتعجب \ياربي سترك دكتور وملحوس وشلون تجي..! عوق\تخيلي كنه بزر والله ما ذكرني الا بنتس يوم تجي وتجلس وراي وتمسك شعري.. حتى بنتس ارحم منه هو ماغير يمعط شعري .., وزاده يوم جا يطلع مع اهله سحب شعري سحبه حسيت عيوني طلعت من محلها .., تخيلي للحين يوجعني راسي ما اقدر المسه والله ان عليه قل صح وقولي عوق ما قالت .. ريم بتعجب\ والله غريبه المفروض يوم شافتس قعد يمدح فيتس ماهو لعب بزران طقني واطقك..! اردفت ريم بضحك\صدق عوق اعجبتس شكله...! عوق بتهكم \ليش ما تعرفين شكله ويوم تقولين البسي كعب طوله متر..!! ريم بضحك\انا شفت له صور مع جزاع ونواف شكلها قديمه مالفتني غير طوله يروع.., خواتي منهبلات عليه يقولون ماشاء الله ماحسبنا عوق بتلقى الي يناسبها وربي سبحانه جمعهم قدر ولقى غطاه.., عوق بتوتر\ خايفه ياريم..؟! ريم با استغراب\بسم الله وش يخوفتس لايكون طقنتس خواتي عين..! عوق \الله يصلحتس وش طقني بعدانتي انامن فضل ربي ما انسى اذكاري واحصن نفسي من ها الناحيه ارتاحي.., لكن احس ما ادري ما ادري كيف اشرح لتس..؟! حياه جديده وارتباط وفوق هذا امي ما اقدر اتصور يمر يوم ما اشوفها فيه.., وهو بعد على ما سمعت ان امه عنده..! ماهو معقوله هو بيعيش معي هنا اناوامي .. وامه تجلس با الحالها وامي ما راح تترك بيتها وتجي معي احس اني بورطه..؟! ريم\هذي بتلقون لها حل ان شاء الله اذا تفاهمتم كل شي ينحل ريم بضحك\الا الورطه الي بغت خالتي وضحى تورطكم تبي الرجال يشيلتس الليله..! يا انا ضحكت على امي يوم علمتني .., تقول الرجال طارت عيونه مير ماعنده مانع من صدقه يبي اليوم..!؟ عوق بتهكم\ لا ما شاء الله عليه يوم قالت خالتي نوره شهر كنه ما اعجبه.., ريم تضحك\هو وش جاه بغى يطيح با التورتة تقول امي شكل عوق اعجبته الضعيف ماعاد يجمع..! عوق بتهكم\ابشرتس كيكة حماتس على محلها محد حركها..! قعدت على طاولتها لين مشواوالله ماحركها الا يده يوم بغى يطيح.. ريم \يا ويلي عنك يا نواف ان درى ان كيكته مالمست غير ينجلط .. من صبح وهو مشتط الضعيف يدور لزياد المحلات الزينه..! عوق بحيره\بالله ريم وش بسوي ما ني عارفه من وين ابدى..؟! ريم\ وش منين تبدين ...! عوق \اقصد الجهاز... ريم\الحين اول شي بنشوف العرس كيف بيسوونه حفل كبير والا عايلي..!! عوق\وش حفل كبير والا صغير تعرفين نظريتي لزفة العروس لا يمكن اطلع لناس.., ريم بحالميه\با العكس عوق وش العرس بدون زفه وتمشين بين الحضور والكل يشوفك بصراحه لو جزاع يطيعني كان تزوجته مره ثانيه وانزفيت بعد ونفوله واخوانها يرمون علينا ورود.., عوق بممازحه\والله انتس فاضيه كل كلمه والثانيه جزاع وياليت بس سمعت بجزاع ولا شفته..! ريم\يويلتس من ربي ياعوق جزوعي والله ما مثله..؟! عوق\الله يخليه لتس ويزينه في عينتس ويزينتس بعيونه .., ريم\لاما عليتس والله يشوفني ملكة جمال .., تخبرين خواته الله يصلحهن ماهنا زين.., وعاد انا مصوره له ان خواته اجمل بنات الجماعه.. والضعيف مصدق وهن طايرات با العجه .. هن عارفات اني ازين منهن ولا يقدرن يقولن في احد ازين من ريم.. يكسر كبريائهن بما انهن جميلات .., عوق بضحك\ ياحبي لتس ياريم ما تفوتين شي كل شي ما شاء الله تخليهن لصالحك.., ريم\اجل وش اسوي تبين الناس تاكلني وانا حيه ..! عوق بحيره\المهم خليني من علوم جزاع واهله.. انا وش اسوي كيف اجهز..؟! ريم بتساءل\ عطاكم المهر..؟ عوق\ ما شفت شي يمكن عطوا امي بس ماقالت لي ..! ما شفت الا الشبكه ...! ريم \ شوفي ما يبي لها بنبدا من بكرا تحسب لأي طارئ..؟! الحمدلله سواقكم موجود وانتي عندتس فلوس تقضين فيها شغلتس لين يجيبون المهر اذا هو ماعطى خالتي وضحى شي..! وبننتشر انا وخواتي با الااسواق .. والا نسيتي ما شاء الله انا وانتي وخواتي سبع وهن بس يبون يخدمونتس .. ولا يغرتس ترى والله يعرفن كل شي..! بنات الحين بسم الله الدش ماخلى شي يعني لا تقولين هذا موضته قديمه والا هذا ما يصلح..؟! وبعدين انتي بسم الله عليتس يصلح لتس كل شي تلبسينه..؟! مقاسك متوفر وين ما تروحين ما تبلشين با المقاس .., ولا تكثرين كنتس رايحه لصحراء جرداء..! تسوين الي سويته بلشت بجهازي ما خليت ولا بقيت.. وابوي الله يطول بعمره ما يبي يكسر خاطري وامي ماتبي ام جزاع تمسك عليها شي تدرين وش اخرتها..؟! جهازي على كثره طلعت فيه خالتي ام جزاع عيوب..! تقول حرمة جزاع كنها ماهي شايفه خير شاريه جهاز ياربي لك الحمد يكفي قبيله بالله يا عوق هذا كلام..! عوق بتعجب\غريبه ام رجلك..! ريم \رضا الناس غايه لاتدرك..؟ امسكي ورقه وقلم واكتبي الي تحتاجينه..؟! تخيلي نفسك في بيتك عند رجلتس وشوفي من تصبحين لين تنامين واحسبي حساب الزيارات الي بتروحونهااو تمشيه..! وش الي تحتاجينه لبسك مكياجك عطوراتك اكسسوراتك.., وكل الي تبينه لو ابره وخيط اكتبيه با المعقول خوذي لبس ست شهور.., انتي عارفه الشتاء ست شهور والصيف ست شهور.., يعني مافي يا نفطس حر يا نفطس برد.. عوق بضحك\ يا زين البرد على الحر... ريم\ الله يرحم والديتس العطور لاتكثرين كل ما اتذكر خيبتي ودي اصيح .., تخيلي قشيت عطور ومكياج كميات ما يعلم فيها الا الله ..! خبرك رايحه لصحرا الربع الخالي لا بعد يمكن فيه اسواق هناك.. انا الظاهر احسب اني بعيش بجزيره مقطوعه عن الدنيا..؟! المهم المكياج طلع جزاع ما يهمه المكياج وحتى يقول ريم ترى وجهتس الطبيعي ازين.. لا تعذبين نفستس بها الالوان والعطور ..؟! حملت بعد عرسي بشهرين كرهت الشقه كلهاماهو بس غرفتي من ها العطور.. تخيلي شلتهم وانا رابطه خشتي بطرحه واجمعهم بكيس زباله.. واعطيهم خواتي تكفون بس فكوني منهم حرام ارميهم وهي كلها عطور غاليه..! وبعد ماكانوا خواتي يترجوني علشان ياخذون من عطوراتي صرت اترجاهن بس يفكوني منها..! عوق\ومنكم نستفيدخلاص شورك وهداية الله .. ريم كلامك صدق لكن لاتنسين اهله احسهم غيرنا محتاره.., وامه والحريم كشخه وذوق لو شفتيهم وهذي كشختهم وهم عارفين ان مافي احد بيجي لشبكه.. وانا تخبريني ما احب اكون بمحل انتقاد اذبح نفسي ولا اسمع من احد كلمه توجعني...! ريم \اسمعي خلك من الحساسيه الزايده اهم شي حطي بين عيونك رضا الله سبحانه وبعدها كل شي يهون..., لا تحاولين تتعبين نفسك برضا فلان وعلان خوذي الحياه ببساطه .. عوق \الله يستر والله بديت اخاف من قلب امي من الحين معه ضدي.. ريم \ خالتي ماعليتس ما يخفاها شي وقت الجد بيتغير الهرج عسى الله لايجيب خلاف بينكم.., شوفيني انا ترى خالتي ام جزاع ما تنعاشر ناركبرى..! لكن عايشه با التطنيش اهم شي جزاع معي والباقي بسلامته .. تدرين ان خالتي ام جزاع من النوع الي اذا سولفتي معها بلشتي وان سكتي بلشتي..؟! وجربت كل الطرق اذا جلست معها وسولفت وضحكت قالت الله يعينك يا جزاع على ام اللسان..! واذا سكت قالت من حاشي راسها علينا..! واذا شكيت لجزاع قال هذي امي السوق ما يبيعون فيه امهات والا كان شرينا..! مالتس الا تحملينها انا ما ابدلتس ولا ابدلها .., تدرين با الاخير وش سويت ...؟! عوق بدهشه\لاتعليق بعض المواقف لايصفها الالصمت.., ريم\ لا والله الا اجي واجلس واسولف واضحك معهاولا اخلي وحده لمحتها خالتي معي جالسه تسولف.., الا قلت يا خاله لو تسمعين مدح فلانه وعلانه فيتس الناس حاسديني ان عندي خاله مثلتس..! وتشوفين كنها شوي اعتقتني عرفت لها جيتها عن طريق المدح.., حتى جزاع يوم اقوله يشجعني يقول جزاتس الله خير الانسان اذا كبر يزعل ويتشره بزود عاد انتي استحمليها... عوق\ تدرين ريم ما اقدر اسوي مثلتس يمكن اشيل قشي وامشي لواحد بيجرحني والا يحاول يقلل من قدري.. ريم\ بتغيرين يا عوق الكلام على البر غير التجربه المهم الحين طولت عندتس وانتي خابره عيالي صياحهم واصل اخر الدنيا..! بروح وانتي خلصي امورك تحسبآ لكل شي ومثل ما قلت لك لايردك الا لسانك اي شي تبينه.., ولاتنسين ورقه وقلم ترى القلب ماهو كتاب سجلي طلباتك .., طلعت ريم من عندي ها البنت الي يشوفها غير الي يقعد معاها..! سبحان الله ام جزاع فيها كثير من ام صالح ..! ريم ماهي اذكى من فايزه علشان قدرت تستمر مع جزاع ..! لكن الفرق بين جزاع وصالح جزاع ماسك العصى من النص وقادر يرضي الكل .., عكس صالح الي يتم اطفاله وهو حي.., رجعت لغرفتي وانا براسي الف شغله وشغله .., وامي الي ما ادري كيف بيكون وضعها ..ّ!؟ غير الجهاز الي ما ادري من وين ابدا فيه..؟! والله مالي الااسوي الي قالت لي عنه ريم .., خلاص الله واكبر وش المشكله كلها عرس ..!؟ ويعني من وين جاي زياد من كوكب ثاني..!! " اللهم لا سهل إلا ما جعلته سهلا و أنت تجعل الحزن إذا شئت سهلا " نمت على افكاري وصحيت على صلاة الفجر..! صليت وطلعت لأمي الي مثل عادتها تصلي صلاتها وتجلس بمكانها تسبح وتستغفر..! حبيتها على راسها..! عوق\يا صباح النور على المهاالوضيحي .., وضحى\هلا بعوق المزايين ماشاء الله اليوم قايمه من صبح ما يحتاج ادق باب غرفتس لما تكل وتمل يدي يالله تقومين..! عوق\لا يمه بس نمت بدري.., وضحى\اجل ما طولت رويم عندتس ..! عوق\لا شوي وطلعت يمه بغيتس بسالفه..؟! ام عوق با اهتمام\عساه خير..! انتظري بزين فطورنا وقهوتنا علشان تزين السوالف ...! صلحت الفطور وجلست عند امي و صوت عبد الباسط عبد الصمد يصدح في بيتنا عادةامي الصباحيه من عرفت الدنيا.., احس صباحنا ناقص اذا ما سمعت تلاوته اوتلاوة محمد ايوب ..., ام عوق\ يالله وش هي السالفه الي عندتس ..؟ّ! عوق منحرجه\ ماادري وش اقولتس ..؟! . . . (كلمه اخيره) ?يآهل الكريسمس ..؟! في الكريسماس سيحتفل أكثر من 200 مليون إنسان بعيد ميلاد ابن الله ? (وقالت النصارى المسيح ابن الله) والله يقول: (ما اتخذ الله من ولد) في الكريسماس يقوم "سانتا كلوز" أو بابانويل بتوزيع الهدايا بمناسبة عيد ميلاد ابن الله ? (بديع السماوات والأرض أنى يكون له ولد ولم تكن له صاحبة) اسأل أصغر عيالنا.. وش حافظ حبيبي ؟ يقولك: ( قل هو الله أحد- الله الصمد- لم يلد ولم يولد- ولم يكن له كفواً أحد) ويقولون عيد ميلاد ابن الله ? حتى الجن يعلمون أنه ليس لله ولد !! (وأنه تعالى جد ربنا ما اتخذ صاحبة ولا ولدا) يقول الله: شتمني ابن آدم وما ينبغي له أن يشتمني.. أما شتمه إياي فيدعي أن لي صاحبة وولداً وأنا الله الأحد الصمد.. ما اتخذت صاحبة ولا ولداً المخلوق اللي اسمه إنسان يشتم الله ? ويقولون اشفيها: هابي نيو يير.. ميري كريسماس ? سلامتكم ما فيها الا موافقتك على شتم وسب الله * اصحو يا [ مسلمين ] . . . الي الملتقى قريبآبأذن الله وسالفه جديده طيف الأحباب ام الوليد |
اقتباس:
هلا وغلا اراده بدر ومشاعل ضحية اهلهم حركات بدر الي كانت في بعض المرات لخواته كانت ما تشغلهم الا بوقت ما يكتشفونهاوخصوص الافلام الغير اخلاقيه وتطور الموضوع وآل ما ال اليه مشاعل فعلن ماراح تقدر تبدى حياه جديده لأن الكل فاكر ان زواجها من بدر ماهو زواج حقيقي مجرد تضحيه من بنت عمه له نقطه من بيصدق بيكون لنا معه وقفه قادمه ودور الاشاعات في حياتنا مشاعل صارت رمز ومافي احد عارف با الحقيقه بسبة تضخيمنا للأمور عوق بنشوف كيف حياتها الجديده مع زياد وتصرف وضحى وتقويمها لها ونصايحها اسعدني جدآ مرورك وتستاهلين الاهداء |
آلقفصْ آلذهبي يَِ عوقْ ,~
[IMG]www.7meel.net/upfiles/bb617178.jpg[/IMG] يَِ زينْ حظي حظآه << خخخخ ,~ دخلتْ أشيك ولقيتْ فيه جزء ,~ تسسَِلمين يَِ أم آلوليد ,~ ,,,,,,,,,,,,,,,,,,,,,,,,,,,,,,,,,,,,,, آلْيومْ .. خطتْ آلْعوقْ خطوتهآ آلأولى بآلْحيآهْ ,~ يَِ تُرى هلْ ستبتسمْ لهآ آلحيآه .. أم ستصفعهآ صفعةً تودُ بعدهآ فقدآن ذآكرتهآ ؟!! ,~ ,,,,,,,,,,,,,,,,,,,,,,,,,,,,,,,,,,,,,, اقتباس:
أنآ حآس آنهآ بتموتْ قبلْ آلْعرسْ ولآ في ليلتهْ ولآ عقبه بأيآم ,~ ,,,,,,,,,,,,,,,,,,,,,,,,,,,,,,,,,,,,,, اقتباس:
,,,,,,,,,,,,,,,,,,,,,,,,,,,,,,,,,,,,,, اقتباس:
كلمآتهآ مؤلمــهْ حدْ آلـنخآآآعْ ,~ رفقآ بآلقلوبْ يَِ فتآة ,~ ,,,,,,,,,,,,,,,,,,,,,,,,,,,,,,,,,,,,,, اقتباس:
بتنصدمْ وبيطلعْ آلْمزيونْ هعْ ,~ أو آنه حظــهآ آلأعرجْ =,= ,~ ,,,,,,,,,,,,,,,,,,,,,,,,,,,,,,,,,,,,,, طيفْ آلأحبآبْ ,~ يَِ فتآة .. آلْتألقْ وسلآسـ’ـة آلأفكآر وآضحْ ,~ جدآ جدآ رآقت لي روآيتكَِ ,~ أشكركَِ من قلبي عليهآ ,~ لآأستطيعْ آلكتآبهْ أكثرْ ,~ فأحرفكِ كخيلِ أصيــلْ .. تخترقْ آلريآحُ بجمآلهآ ,~ شككَِرآ بحجمْ آلسمآءْ ,~ وآصلي ِ يَِ أنيقةْ آلْحرفْ ,~ خروجْ مؤقتْ منْ صفحآتْ روآيتكَِ ,~ أستودعككَِ آللهْ ,~ حزينْ آلأحزآنْ ,~ \ [IMG]www.7meel.net/upfiles/bb617178.jpg[/IMG] |
أم الوليد (طيف الأحباب) تفاجأت جدا عندما شاهدت أسمك ككاتبه لقصه ....فأنا ماعرفتك الأعضوه ذات ردود جميله ونقاشات رائعه وخاصة في متصفح الرائعه دائما أم اليزيد (ضمضم) وكم شعرت بالحنين لتلك الأيام الجميله فلا شيء أروع من الأستماع لأراء الغير والأستفاده منها والنقاش حولها خاصة اذاكان موضوع النقاش يدور حول العلاقات الأنسانيه والصفات الأخلاقيه أوبعض الأمور المستحدثه والطارئه على المجتمعات كمافي رواية أم اليزيد وروايتك كم لاحظت من المقتطفات التي قرأتها..... فهذه المواضيع تجذبني أكثر من أمور الرومانسيه الخارجه عن أطار الشرعيه والمعاكسات والشات والعلاقات المفضوحه بين الشباب والبنات التي تزخر بها روايات النت هذه الأيام والتي لا تفيد القارئ ولاكنها تزيد الطين بله بتأثيرها المعاكس على جيل المراهقين من القراء ....عزيزتي سجليني متابعه لروايتك من الأن وأن قلت ردودي فأنا للأسف غير متفرغه .....واصلي في أبداعك وأطيلي فيه قدر ماتستطيعين وأمتعينا بسوالف جديده ....أعجبني أسلوبك في السرد رغم أن قلمك جديد لكنها بدايه تبشر بالخير وأرجو الأتكون روايتك الأولى والوحيده......أسمحيلي أن اسجل هنا حبي وأعجابي بالرائعه ضمني أم اليزيد فأنا لم أطلع على متصفح روايتها الابعد النهايه وأحس أن متصفح روايتك سيكون هو الرديف له لمافيه من طرح راقي وفكر مبدع .......أعذريني عالأطاله وسلمت يداك ..........ودمتي ...أختك مها ..ز
|
السلام عليكم و رحمة الله و بركاته
مساء الخير و الرضا من الرحمن تسلم ايدينج يا أم الوليد بارت يبرد القلب ======================== (( عوق )) جعله الحظ دوم يبتسم لج يارب و أخيرا تزوجتي إن شاء الله يكون وجه زياد وجه خير عليها يارب .. بس سبحان الله الإنسان دايما ما يعجبه العجب يعني يوم ربي رزقها الزوج الصالح اللي الكل يضمنه و يثني عليه تكدر خاطرها لإنها بس حطت برأسها انه أعرج و ليش عاد يا عوق نسيتي قول ربي " و ليس على الأعرج حرج " إن كان خير و بيراعي الله فيج .. اصلا اتوقع ماهو زوج عوق و خصوصا بعد كلامها مع ريم اللي شكلها فهمت انه عوق ملخبطة بين زوجها و واحد ثاني بس ما بينت إلا بتنغيرات بس عوق ما هي يمها عشان تفهم .. اتوقع هو اللي يحبب رأس أبو ابراهيم و الأعرج هو أخوه ... ======================== (( مشاعل )) مدري اتعاطف معاها على حكايتها اللي توجع القلب و لا الومها على غبائها و سذاجتها اللي وتها بداهيه يوم ربي ستر عليكم أول مرة و عرفتي انه غلط ليش سمحتي له يتمادى و لا الغلط على الاهل اللي زينوا لهم الوجع ككل و لبسوه حرير و ورود .. ياربي كلن راعي و كلن مسوؤل عن رعيته ليش الأهل ما يعتبرون من غيرهم إلا لا طاح الفاس بالرأس ووقتها تعال دور حل للمشكلة و ما تلقى إلا القاسي المؤلم منها ... ===================== تدرين يا ام الوليد شنو اللي شاغلني ان وضحى نهت عوق تروح صوب أهلها و تنسى هالسالفة و لا تذكرها لزوجها زين الأجيال اللي تجي ما توقعوا لو 1% أنه ممكن يصير بينهم تزاوج و هم ممكن محارم لبعض ؟؟؟ هالسألة جدا مهمه يمكن غشان الأغلب يبي يطمس الحقيقة عشان يعيش يومه مرتاح و ينسى حدود ربي بالمستقبل اللي ممكن يتعدى عليها .. سواء بسالفة عوق و لا زياد و لا غيره من اللي تأرسين المجتمع ... انا اعرف وحدة متبنيتها صديقة عمتي البنت مو متزوجه بس لإنها داعيه سمحوا لها تربي البنت و لما بغت تتزوج تزوجت واحد كان معاها بالدار بس قبل لا يملكون لهم سوا تحليل و البصمه الوراثيه عشان ينفون انه بينهم نسب ... ابدعتي كــ العادة سلمتي يارب بــ انتظار القادم .. .. .. |
ام الوليد ارفع لك القبعة في هذا البارت الجميل
استمتعت فيه كثييير بداية بالملكة الهادية والبسيطة وشوفت زياد لعوق واعجابه بشكلها وهي مثل الحمد لله حصل بينهم ارتياح الله يتممه وحركات الرومانسبة انا ماقدر عليها طيوف تجننننن شكلك كاتبتها وانتي ذايبة بثيابك ههههه ريوم ياحبي لك والله ماقصرتي مع عوق ونصايحك كلها درر الله يسعدك الوضيحي ياملحك تكفين انتي وشدتك ماتخلينها خليتي قلب زياد بربعه وصكيتي عليه كل الابواب طيوف ابدعتي بالوصف حبيبتي لاحرمك الله الاجر على الهمسه |
السلام عليكم ورحمة الله وبركاته
مساءك فرح وسعاده بارت اكثر من رائع تشكرين عليه من بدايته الى نهاية الهمسه بداية حياة جديده على عوق ودخول انسان غريب عليها مختلف عنها بكل شئ الا ببره بأمه هم الثنين كل واحد يقول أنا ابر منك* الشئ اللي اعتقده ان زياد تكون العائله هذه لا قينه عند مسجد* لان الام عندها عيال ولا هي بحاجه لـ زياده فاختلف لون البشره يرجح الشئ هذا لان نظام الكفاله يركز على النقطه هذه اذا ما خانتي الذاكره قرأت مقال بس من زمان عن نظام كفالة اليتيم زياد اذا كانت هذه حركاتك الرومنسيه مسكينه راحت فيها عوق بس اللي ما تعرفينه ياعوق اللي يحب الشعر يسوي اكثر من كذا هو شكله اغرم بشعرك* تصرف ام عوق ابد ما توقعته منها وش اذا يبي يأخذها يشهر ومن الليله البنت كذا تحس انك ما عاد تبينها زين اللي سوته ام ابراهيم وتدخلها في تأجيل الزواج* بصدق ابكاني موقف عائلة ام إبراهيم ووقفتهم مع عوق يأما صديق اقرب لك من أخ معلومه صغيره لو كانت عوق تفكر قبل ماتتسرع كان عرفت ان من شروط القبول في الكليات الطبيه *الصحه الجسمانيه السلميه بس وش نقول دوم مستعجله في انتظار المزيد من احداث الخطوبه تارى ابد مو مستعجلين على الزواج دمتي مبدعه ودام نزف قلمك |
السلام عليكم
. . يسعد مسائك ام الوليد ومساء كل غاليه بـهذا المتصفح..., آعذريني ي الغاليه كم بارت فات وماتواجدت فيه لـ ظروف خاصه الله المستعان..., . . . المـهم... ماشاء الله ي ام الوليد..عقلية السرد بـ الروايه عقلية أنثى ناضجه تـسكب خلآصة تجربه ب الحياه.. سواء ب حوار الابطال او بتفاصيل القصه... شهادتي فيك مجروحه تبارك الله..لكن الابداع بعد كل بارت يفرض نفسه من غير أي شهاده من أحد... مراهنه على ترأس نوح الحمام لـ أبرز روايات النت الناضجه... . . . وأخيراً ي عوق... أنخطبتي عقبال بناتنا=) و الطفاقه والشفاحه مرافقتكـ طيب حتى لو ان خاطبكـ أعرج...والله فيهم خير وبركه ..بس النفس البشريه دائم تنشد الكمال لـها او لـ الشخص الي بترتبط فيه... تدرين ام الوليد هذي النقطه تنحسب لكـ ..لما وضحتي خوف عوق انها ترتبط بـ أعرج... لانها تمثل رأي المجتمع للأسف وكأن الاعرج حظ سيء ... ومآيندرى الاعرج يمكن العشره معه الطيبه أفضل من رجل كامل ..و..وسيمـ.. . . . الوضيحي.. تبارك الله ي الوضيحي ليت مثلك كثير عندنا..حرص شديد وكبير... ب الفعل اشوف الخاطبين ها اليومين تمادو وصارت مو خطبه...آلآ زواج كامل..! على خبري فـي جيلي كانت ي الله تصير الشوفه الشرعيه.. الحين انفتح الباب وتشرع بعد..=( مره دخلت بنقاش ظريف بين ابنت جاره كانت عندي... وكانت من قبيله ثانيه .. قالت أم اليزيد..خطيبي يجي عندي ويبات بـعد...! قلت ي ام فلانه..هذي فيها قطع رقاب ..بنتكـ وش تقول خطيبها ينام عندها...! آبتسمت الأمـ بـكل أريحيه...\عادي ي ام اليزيد..هو زوجها ..ونبيهم ياخذون راحتهمـ وهذا شي عادي عندنا..وكل جماعتنا بنفس هذا الشي...أنتم بس المتشددين.. قلت لآ والله ماحنا متشددين الا انتم الي انهبلتو..حتى لو زوجها..كل شي له نظام وله اصوله..=) . . . آعجبتني ام ابراهيم وبناتها.. بعض الجيران والله يبدون على ألاهل بسبب العشره الطيبه والاخلاق ... الله يرفع قدر الجار الطيب ويجزاه عن جاره الفردوس..., . . . زياد وش ها الطخامه ي شيخ>تغيض عوق ماشاء الله طريقته في الحنان لـ والداته أعجبتني بس الله يهديه خربها بـ الرجه الي صابته عقب ماشبك شبكت عوق تركد الله يعافيكـ..توهقنا بعدين بزفتكـ =) . . . ي ترى يوم الوضيحي قرب..؟ و زياد هل هو الصدر الحنون لعوق بعد الوضيحي..؟ و عوق وش الحيله ي عوق بعد الوضيحي الحكيمه لو تغيب شمس مغربيتها..؟ . . . الرد مانزل الابعد مصارعه حره من حذف الرد كل ماعتمدته=\ . . لـ زياد..! صدري صحاري .. وأنت في [ طلتك ] ري .! . . . بآ الانتظار...! . . . |
مساء الخير عليك ام الوليد ماشاء الله
صدق الا يقول الكلام الا يطلع من القلب يدخل القلب امتعتينا باسلوب بسيط بعيد عن التكلف مري من وين ابتدى رجعتينا للوقف على الاطلال وبرنامج نور على الدرب وصوت المذيع حمد الدريهم ولا اجتماعنا حول المسلسلات البدويه بعد المغرب عاد انا من عشاق الرادو وكنت مدمنة مسلسلاته <قلب ينبض الوضحي حملت الامانه وكانت خير من حمل كفت وفت وهل جزء الاحسان الا الاحسان وربي ماخيبها حبيت شخصيتها وحكمتها وحسبتها لالامور <احس شخصيتها تتجسد فيك ياطيف وجهان لعمله واحده عوق المزايين وباي ذنب حملت خطاياهم وخطايا الجهل والاهمال سبحان الله يوم كنت صغيره ياكثر ماكنت اتضايق من حبسة أميمتي جعلها للجنه لي واني ملعب مع العيال <لكن ماادركت اهمية هالحرص الا بعد ماكبرت اكره حركة فلانه لفلان وفلان لفلانه تخليهم يبنون قصور بالرمال ويشطحون واجد وفي النهايه تطلع سراب مشاعل وعفى الله عما سلف نوره ورجلها ونعم الجيره وشدة الظهر فيهم زياااااااااااد وملامح مستقبل بدت ترسم وبترسم وبيحط النقط على الحروف من ليلة الدخله حتى يبدون على صفحه بيضاء حياتهم مبدعه ام الوليد حرم الله يدياتس عن النار |
ياملح هالزول الازرق ضمني منوره <قلب ينبض لتس
صادقه مصيبه التساهل بالخلوه الشرعيه وقفت على حادثتين وحده توفي وهي حامل كان باقي على زواجهم فتره بسيطه والثانيه حكيت لي طلقها بعد مامل منها بحجة انها قليلة حياء ههي كذا وحنا لسه مملكين كيف بعد الدخله والزواج |
اقتباس:
اقتباساتك با الرد له وجه آخر اجمل من لماكانت في ثنايا الروايه الرد كان بعد نزول البارت الحادي عشر الي كان مفسر لأحداث البارت العاشر اسعدني جدآ مرورك واتمنى والله ان الي اكتبه بحجم ما تسطره حروفك الماسيه |
اقتباس:
اتمنى والله اني عند حسن الظن والله يذكر ايام ضمضم با الاخير ان شاء ترجع لنا برائعه جديده مثل بعض العيون الروايه اذا ماكانت من الواقع بسرعه تنسى والدليل ان اغلبية القارئات ما يتذكرون الا رواية ضني بين الاهداب والغائبه الحاضره انفاس قطر لأنها كل الي نقراه نشوفه واقع قدامنا اما الروايات الي حب ورومانسيه اكثر من هدف ومضمون انا اعتبرها فلاش لمعه وقتيه وتطفي اما با النسبه لنوح لحمام ماراح تنتهي الا وانا كاتبه كل الي عندي من افكار على ان الفكره موجعه لكن الملفت لنظر في دراسه قبل فتره بسيطه ان عدد اللقطاء الاحياء بدى يتزايد وخصوص مع وسائل الاتصالات الجديده ومساحات الحريه الي صارت تعطى للجنسين وخصوص البنات والخاسر الاول والاخير فيها البنت اللهم استر اعراضنا واعراض المسلمين اسعدني جدآ مرورك وان شاء الله ان ضمضم يسر لها ربي وتنزل روايتها الجديده وتكونين اول المتابعات |
اقتباس:
الله يسلمك عوق وش تقولين با ابن آدم طماع بعدين لا تلومين عوق هي ما يحتاج تجلد نفسها وكل شي تلومها لا ريم ماهي غلطانه كانت تمزح مع عوق صحيح زياد هو الي كان يحبب راس ابو ابراهيم لأنه حلف ان عشا ملكة عوق في بيته وهذا الي وضحته ام عوق لما رجعت لسياره مشاعل ضحيه جهل اهلها وغفلتهم وب النهايه هي الي تدفع الثمن مع بدر عوق لايمكن تروح لأهلها بأي شكل لأنهم ماراح يتقبلونها اساسآ بينهم وحتى زواج ابناءها مثل ما قلت با البدايه ان عايلتهم معروفه لايمكن انه يتزوجون لقيطه او احد مشكوك بنسبه في احداث انتظريها بتفسر لك تسائلاتك زواج اللقطاء زواج معرض لنجاح والفشل والامراض الوراثيه مثل اي زواج اسعدني جدآ مرورك صبوحه واتوقع تعليقك كان على البارت العاشر *ــ^ |
اقتباس:
ما ادري انا تصورت الملكه ماراح تكون الا كذا وبها الشكل الوضيحي مافي سردادي مردادي وهذا المفروض صراحه ريومه لها نصايح واجد انتظروها وكثير والله بنات عقولهم كبيره ويبون يعيشون بسلام اما عاد الرومانسيه ما لقيتيها الا عند طيف والله مجبوره يا ام شهوده على قولة الربع علشان الروايه ما تصير جامده لا انتظري القادم بيعجبك اسعدني مرورك يا الغلا |
اقتباس:
هلا وغلا امووله في الروايه الفكره الاساسيه هي عن حياة اللقطاء وانا حاولت ابينها با اجمل صوره علشان يتقبلها القارئ وكان في افكر تمنيت امررها وان شاء الله الي يقرون بيخرجون بفائده لو ما كانت من الروايه على الاقل يكتب الي ربي اجر اللهمسات صحيح انا سمعت كثير انهم يحاولون يكون لون بشرة اللقيط نفس الاسره الي تكفله قبل كم سنه حضرت مناسبه عند اقارب زوجي وكان في من ضمن المعازيم صديقه للعايله بشرتهاسمراء ومعاها طفله بيضا شايلتها ما نزلتهاكأنها امها البنت عمرها يمكن 8شهور اذا ما خانتني الذاكره قالت لي ام زوجي هذافلانه اخذت بنت تونسها بعد ما كبروا عيالها الحرمه السمرا عندها ولدين وبنت وتعرضت لمشاكل بحملها وبنت وحالتها النفسيه الله اعلم فيها وتشوفين المعازيم ناس متعاطفه مع البنت اللقيطه وناس مستقذرتها كأنها حشره ضاره عوق كانت مقدمه اسوء الاحتمالات وخصوص ان امها وصفت زياد بأنه خجول توقعاتك بنشوف الصائب منها قريب اسعدني جدآ مرورك الراقي امووله |
اقتباس:
هلا وغلا ضمضم لك بدال العذر اثنين بس وجهي حمر من مديحتس يارب والله ضمضم صراحه احداث الروايه والله اتمنى انها تكون قريبه جدآ من الواقعيه خطبةعوق والا فكار الي راودتها هي واثقه ان امها على صح من بعد رفض صالح لكن تعرفين النفس البشريه تواقه للكمال وصار الحكم على الشخص من مظهره ما نبدى نفكر با العواقب الابعد ما يطيح الفاس با الراس والزواج توافيق من الله لو على جمال المظهر ماكان كثير من البنات والشباب تزوجوا با العكس كثير فيه بنات مزايين تتفاجئين انهم مطلقات او متأخرات با الزواج حتى شباب نسمع وشفنا الكثير من الي يمتلكون وسامه طاغيه كانوا فاشلين بحياتهم الزوجيه مسألة التهاون بدخول الخطيب او خلنانقول الي كاتب كتابه على اهل خطيبته لي وقفه معها بعدين ها النقطه جرت ويلات على البنات قبل وقت قريب سمعت عن بنت بعد زواجها بست شهور ولدت وهي متملكه قبل سنه من عرسها يعني زوجها دخل عليها بفترة الملكه والله ما سلمت من الهمز واللمز واللوم من كل الي حولها اهلها واهل زوجها العلاقه بينهم مقطوعه المسأله ماهي تشدد المسأله انك تحمي ناس وتطيح با النار و تهلك نفسها وبعدها تقول يا ليت الي جرا ما كان بيت ابو ابراهيم الرسول صلى الله عليه وسلم وصى على سابع جار وهذا يعني ان الغالبيه من الجيران فيهم الخير وانا اعرف شخصيآ عوائل مثل بيت ابو ابراهيم الجار كأنه قريب لهم اماعاد زياد هذا حفله با الحاله هو وطخمته والله كنت هاجه عن الو سامه لكن مجبوره احطها شخصية زيادلازم يكون بها المواصفات وليلاس انا وهم معاناها قطعوا قلبي من كثر ما يحذفوني واتشكوى وللحين مافي احد لقى لي حل اسعدني جدآ مرورك الرائع ونقاشك الاروع من عوق لــ زياد أحس روحك شمس واحساسك الفى يا موقد شموعي بصدق المعاني |
اقتباس:
هلا وغلا هتونه من خلال ردود البنات اكتشفت ان الرادو كان يشغل حيز بحياتنا كلنا انا الي الآن اصوات مذيعين رادو بأذني برامج كثير من الماضي ومسلسلات كنا نخرج بفوائد منها في برنامج يجي على اذاعة الكويت مدته ربع ساعه لكن فيه معلومات مهوله كان يتكلم عن عجائب وغرائب الي اليوم اولادي سمعتي ها المعلومه وهم يحسبونه جديده وانا اقول اعرفه قبل اعرف ابوكم يستغربون اما عاد المسلسلات جماعتنا نص المواليد الذكور راكان والبنات روابي وشروق وجواهر كله من اسامي بطلات مسلسلات بدويه الوضحى يا ليتني بحكمتها لا يغرك الي اكتبه والله اني محط انتقاد من الكل من كثر ما انا مدلعه عيالي الوضحى الامانه ثقيله وخصوص وهي عارفه من هي عوق وحتى المصيبه الي راح تصير لو بيعرف احد بوجودها او انها بنت غير شرعيه عوق مثلها مثل كثير من اللقطاء الي يعاقبون على ذنب ما ارتكبوه حركة فلانه لفلان اتمنى ان عندي لساطة نودي الله يذكرها با الخير حقت الذباب وكل وحده تقول ها الكلمه على فمها علشان تتوب والله بنات تحطمت حياتهم بسبب ها الكلمه وقبل كم يوم كنا نتذكر اقارب لنا في بنت الكل يقول فلانه لفلان من يوم انولدت وهم عيال عم ولما كبروا الولد رفضها واخذ بنت عمه الثانيه والكل لاحظ كسرت عينها مع انها تزوجت وكونت اسره لكن يبقى الجرح انه فضل وحده ثانيه عليها حتى لو كانوا عيال مثل ماقالت وضحى لاتستعجلين الرزق ياعوق ربي ماشق فم الا هو كافلآرزقه سبحانه جيرة مسلط ونوره لو خليت لخربت مثل ما يقولون وكثير مثلهم زياد وليلة العرس انتظريهم قريب عسى الله يستر من طيف اذا عصرت مخها والله ما كان ودي في بعض مشاهد لكن غصب الي خلف الكواليس عاوزين كدا اما با النسبه للخلوه قبل اشهار العرس جرت الويلات والعياذ بالله انتظري في واحد من البارتات بناقش ها القضيه التى لا حل لـــــــــــهامع البنات المرجوجات اسعدني مرورك هتونه دعواتك لعبدالله ولدي با النسبه العاليه |
,’ *
غــآلـيتي آم الولييد يعجز القلم عن مجارات حرفك دعيني اولآ؛؛ابارك لك تميزك فحقا هو ماتستحقينه التميز وبكل جداره روايه رائئئعه بكل ماتحمل الكلمه من معنى بسبب انك تطرقت لفئه مجهوولي النسب يمكن تكوون عووق افضل من غيييرهآآ كثيرر ولكن الآلم واحد يمكن البعض يجهلووون اهلهم تمااام ومايعرفوون من هم لكن الم عووق اششد لانها تدري من هم اهلها الى انهم رافضين الاعتراف بهآ بسبب طيش شباب كآنو سبب بضياع رووح لكن نسو ان الله مايخلق نفس الا ويتكفل بهآ فلو ان عووق تربت عند اهلهآ ماتوقع بيربوونها احسن من الوضحى الله يطوول بعمرهآآ <ياعشقي للعجايز الحكيمات ام الكل يتشرف فيهآ وفتربيتها وان شاء لله ان ربي يطوول فعمرها وتشووف عيال عووق عووق الله يوفقها مع زيـآآد وان شاء لله يكوون سبب فسعاده عووق عووق يااحبي لهاا حسسيت فيها يوووم ملكتها صعب حيييل انك تكون بدوون سند وظهر مهمآ كانو جيرانهم او غيرهم يبقوون الاهل عزوه وسند وان شاء لله يكوون زيااد سندها واهلها كلهم اعجبني مووقف زيااد مع امه يعني ان شااء لله ان عووق ماتذووق الظيم فبيته ومهمها كاان الي مافيه خير لاهله مافيه خير لهاا بس المشكله ان بعضهم يفهم هالشي بالمقلووب يعني يخلي زوجتهاا اخر اهتماامه واهلها اهم اولوياته بس زيااد ماتوقع انه من هالنووع مرتااحه له حييييل لاني متااكده ان ام عووق ماوافقت علييه الا وهي مقتنعه فييه مئه بالمئه وهالعجووزرايها مابعده راي ؛؛ والله اني استحي اقوولها عجووز ههههههه احسسها احسس من كثييير من البنات< هع الله يرزقنا برجاحه عقلها وحكمتها ام ابراهيم وريم ومسلط ونعم الجيران والاهل وال اخواان يآآآآه وشكثر نفتقد هالشي هالايام الي صارو الاخوان اغراب عن بعض بس فعلن لو خليت خربت ومتااكده ان ربي ياخذ منا شي ويعووضنا بشي احسسن ام الووليد والله حبييت رووايييتك من كل قلببي احسس اني اعيشها كلمه كلمه كل شي احس انك كنك جالسه قبالي وتسولفين لي بجد مشكوووره ومانسسسى اوول باارت يووم تتكلمين عن نور على الدرب وام حديجان رجعتيني لااياام جدتي وجدي الله يرحمه يووم قريتها رجعتت لي ذكرياااات يااحلوووها من ذكريات لوالشخص يقدر يدفع عمرره عشاان يرجع لوو لحظه منها خاصه مع هالجيل تحسين انهم يفتقدوون الكثيرر من ذكرياات زماان <<وسامحيني ادري هذت واجد مشكووره يــآم الــوليد الله يخليه لك ويفرحك فيه يااارب و انتظرك فالباارت القادم على خير يااغاليه..* |
السلام عليكم ورحمة الله وبركاته اهنيك اختى طيف على الابداع والسرد الرائع الى ما ينشبع منه وفي انتظار المزيد واحييك علي اختيار الموضوع الى من النادر جدا او يمكن ماحد تطرق له وهو حياة مجهولى النسب وتعجبنى ارائك وخصوصا موضوع الخطيب وتردده على زوجته فترة الملكة وياليت البنات يسمعون ويتعظون وكذلك الاهل المفروض مافيه تساهل وان حصل فلابد من الحشمة وليس الامر استعراض للجمال من جهة البنت بملابس تظهر اكثر مما تستر فالرجل مهما كان يحب المراة بحيائها واسفة على الاطالة مع جزيل الشكر والتقدير والله يكتب لك الاجر على ماخطت يمينك ودمتى بخير
|
السلام عليكم ورحمة الله وبركاته
مبهره بسرد الاحداث و تملكين اسلوب رائع مريح مشوق .. عوق تمنت وحصلت ماكتب الله لها من خير لصبرها ....>>فلا يعلم الانسان مذا يدخر له رب العباد من خير ويدفع عنه من شر .. رضيت بالاعرج ..كما اعتقدت و لم تفكر ان الاخر هو نصيبها .. دخلت بدوامة الجهاز واستعداد لدبشها فكيف ستوجها وضحى الى هذا الامر ام ستدعها دون ان تتحفنا بكلمات مبهره كعادتها ام اكتفت بكلمات ريم الصابره على بلاها مع عمتها .... هل ريم لو لم تحب زوجها وتعشقه سوف تصبر على هذا ؟؟؟ زياد تربي في اسره لا تحمل نفس لون بشرته من ارضعه لانه لا يصح ان يكشف على امه الا اذا كانت عمته او خالته ؟ هل من حضر معه هم اخوته بالرضاعه ؟ ما قرابته للعجوز ام زياد هل هي خالتهم ؟ ما قصة حياته مع امه ؟ اسلوبه وحنانه عليها لكم هو بار بها و ينفطر له القلب اين هذه الام والاب الذان تخليا عنه ليشاهدوا حنانه ..الذى كان من المفروض ان يوجه لهم صدمته واعجابه بعوق جعل منه يريد التاكد من ان شعرها ليس كبنات اليوم توصيله او باروكه تسقط في يده الى اخر لحضه وهو يتهور بسحبه ...نريد ان نعلم ماهو تفسيره لفعلته هذه منه هو بنفسه اعتذر عن عدم تواجدى المستمر لكن متابعه لك ...وانتظر ليسمح لي اوقت بالقراءة والتعليق عوافي ... استودعك بحفظ الرحمن |
السلام عليكم أم الوليد رأئعة في سرد المشهد وروايتك بيها كثير من الواقع مو مثل بعض الروايات الخيالية وروايتك بيها حكم هواية يستفاد منها كل من قرأها نجي للبارت الحمد لله طلع العريس هو المزيون وأعتقد سبب سحب زياد لشعر عوق هو لأنو شاف ظهر مكشوف وحب ينبهة لهلشي بس عوق ما فهمت المسألة والله أعلم
|
نسيت اعلق على مشاعل وهي اهم مقطع بالنسبه لي في سرد الاحداث
نتيجه الى الجهل و نتيجه الى ترابطنا الاسري نغفل بكثير من الاحيان عن الابناء ونعتقد انهم في امنين ونتناسى وجود الشيطان بيننا اذا كانت الام تجهل توعية الطفل الصغير ...كيف سوف يحمي نفسه ؟ العاتق الاكبر لى الوالدين لا حصل لابنائهم هنا فهم من يحملون الاثام فمن في سن 14 اليست يانعه ... والخوف اكبر عليها من فتاة العشرين وهنا اجد رساله منك الى كل مربي ان يحذر الف مره لحياة ابناءه ..ورساله غير مباشره الى كل من له يد التوجيه ان يوعي و يوجه هولاء الصغار ولمراهقين الى امور دينهم ... وليس المراهين فقط ...الابن بين اهله واقاربه عليه ان يحذر في كثير من الامور وعلى ام ان توعي ابنها ...حتى قبل دخوله الروضه عن نزع ملابسه او ان يراه احد وهو مكشوف العوره ... فهناك قصه محزنه حدثت لاطفال في الروضه ...طفل لم يتجاوز الخمس سنوات قام بالتحرش والاعتداء على صديقه ... اين يكمن الخطأ هنا في الام ام المعلمه ... انا احمل الام الخطأ والروضه تتحمل الاهمال بعدم المراقبه على تصرفات وسلوكيات الاطفال الذين يظهر لديهم بعض الانحراف ومخاطبة اوليائهم وعلاجهم ...باسلوب تربوي .... حياة مشاعل وماعناتها وظلم اهلها ...هي اخطات وربما تابت توبه نصوح وغفرالله لها ... هنا اجد لحياتها رساله اخرى غير مباشره وهي ظلم الرأة من قبل اهلها و نفسها ان تضحي بحياتها من اجل مساعدة شخص معاق لا حول ولا قه له ...حتى وان ارادت الاجر ونالته الم يخف عليها اهلها وهي اطفله الصغيره ان تنحرف مع مغريات الحياه والفتن التي حولها الم يحن لعقوبتها ودمارها لنفسها ان ينحل ...هل سوف تعاقب طوال عمرها ....و المشكله انها مع شخص يضع كل عاتق الوم عليها بما اصابه .. لكم اتمنى ان نرى حياة بدر مع مشاعل عن قرب...! ننتظر ابداعك بشوق |
تسلم الايادي ام الوليد
مشاعل ضحيه في كل الحالتين وهي صغيره نتيجه اهمال وثقه ممطلقه تغيب الرقابه العائليه وهي كبيره ضحية مافعلته يديها وان كان اهلها وبدر يضيقون الخناقعليها بسسبب عدم الثقه ريم تبين حسن التصرف والتربيه الحسنه في محاولات كسب ثقة ام الزوج صالح وامه عسى بزايد وتوريكم العين الحمره وتاخذ حق فايزه المسكينه صالح وامه صارو مثل عين عذاري تسقي البعيد وتخلي القريب عوق عسى الله يوفقها واهم شي تاخذ وصات وضحه لان كان الماضي مامنه خير فتركه ونسيانه ابرك الرضا بما قسم الله وحمده يجلب النعم زياد شكله فله من مناكشته لعوق يكن شده لشعرها يبي تاكد انه موتركيب او توصييل او كان يبي يسمع صوتها زياد امه اعتقد انها امه من الرضاع في انتظار البارت القادم |
السلام عليكم طيوف الله يسلم هالايدين على هالسوالف السنعة اليوم خلص اخر بارت ياربي وش هالقصة والله عجيبة انا وحدة من الناس اايد زاواج مجهولين النسب من بعض بصراحة لان رايي من راي ام العقل ام عوق (لاتعايرني ولا اعايرك) وباهالزمن النفوس ضعفت وحتى البني ادم الصايم القايم المصلي للشيطان مدخل عليه ومجهول النسب بعد انسان من حقه يكمل حياته ويكون اسرة ويشوف مستقبله وعياله وان كان اهو غلطة اكيد ما جا بالغلط الا لحكمة من رب العالمين بصراحة موضوع يستاهل الطرح والمناقشة اهنيج عليه واهنيج على السرد الرايق للقصة احس نفسي وانا اقرا هادية جدا ومستمتعة بهدوء القصة ككل عكس التوتر اللي يصاحبني بالعدة وانا اقرة بارت جديد من قصة متابعتها والحين عاد نجي للتعليق انا بعلق على اخر بارت بصراحة ماظنيت ابد ان مداعبات قبل الزواج تكون بشد الشعر الله يعينج ياعوق على ما بلاج اللي قبل العرس جذي عيل عقب العرس الغشمرة بالمقص نص الشعر بح الله يتمم عليهم ويطول بعمر ام عوق لين تتتيسر عوق لبيت زوجها الخوف تموت قبل وتتشائم عوق من هالمعرس بالنسبة لموضوع عوق اللي تبي تفاتح فيه امها اظن بيكون عن سكن امها وشلون بتخليها بروحها لان هالموضوع كاسر ظهري انا واحاتي بهالعجوز شلون بنيتها وحبيت اعلق على عايلة ابو ابراهيم مسلط ونورةبصراحة الله يزيد من شرواة هالناس منو بهالوقت يسوي سواياهم الاهل وهم الاهل ما سوها بس سبحان الله لو خليت لخربت ام الوليد عسى ايدياتج تنحرم على النار وعساج عالقوة وناطرين سالفتج الجاية على احر من الجمر سلامي وقبلاتي ,,,,,,,,نمورة الامورة
|
اقتباس:
الله يبارك فيك التميز الحقيقي هو ردودكم ومدحكم الي فعلن يخجلني عوق عوقبت على ذنب ما ارتكبته ورفضت من مجتمع عايلتها الحقيقيه لأن بخروجها بيكون زلزله مدمره للعايله كلها حتى وضحى لما كفلتها اختفت عنهم تربية العجايز اكيد افضل حتى لو قسو علينا تقويمهم للعوجاج نتيجة تجارب طويله بنشوف حياة عوق وزياد الجديه قريب ان شاءالله وبيت مسلط والله كثير من الجيران الي مثلهم اسعدني جدآ مرورك واعجابك بخرابيشي ويارب يستمر الاعجاب الي اخر كلمه با الروايه |
اقتباس:
الموضوع خطير وبدى ينتشر حالات اللقطاء الله يستر اعراض المسلمين با ازدياد موضوع الخطيب المشكله الحين ان الكثير صار يعاكس الرأي ويغلطك ومافيها شي هذي زوجته لنا وقفه با البارتا ت الجايه مع كم مشهد بنشوفهم اسعدني مرورك واطالتك آمين يارب ومشكوره على الدعوه ولك با المثل |
اقتباس:
هلا وغلا با ام تركي شهاده اعتز فيها وسام على صدري ان اسلوبي اعجب كاتبه وقارئه متمكنه مثلك الصبر يا ام تركي مر المذاق حلو العواقب لكن من الي يفهم اصدقك القول مر فيني ظرف بفتره وكان الي حولي يقولون طيف اصبري كنت اقول يا ليت الصبر ينباع والله لأشتريه والحمدلله على كل حال عوق وجهازها اكيد امها بيكون لها كلمه وبنشوف عوق كيف بتتصرف يمكن يعجب بعض وبعضهم لا انا اتكلم عن تجربتي انا وخواتي كنا جدآ مبالغات ومسرفات وتحسفنا على الي سويناه ريم اكيد ماراح تصبر الحب يصنع المعجزات والزوج المتفهم الي ينصح ويبين انه معك يخفف كثير ترى من المشاكل خصوص الي بين الزوجه واهل زوجها توقعاتك وتسائلاتك كلها بنشوفها قريب ولك بدال العذر ملايين عارفه والله ان الوقت هذا وقت امتحانات الله يعين |
اقتباس:
الحمدلله ان الروايه اعجبتك وبنشوف توقعك ان شاء الله قريب لأني اتذكر لك تعليق قبل ها المره كان في محله اسعدني مرورك الراقي |
اقتباس:
صحيح ام تركي كثير اطفال تعرضوا لتحرش من الي اكبرهم وخصوص با الاجتماعات الكبيره مثل المناسبات المفروض الاهل يوعون اطفالهم ولا يخوفونهم والله قصص يندى لها الجبين صارت بين اطفال اقارب وتحرشات تبكي القلوب قبل العيون مشاعل ضحيه وانتهى ماراح يكون لها حل لأن هذي الحقيقه المجتمع ما يقبل توبة المرأه بأي شكل الا بحالات نادره ولا تنذكر وبنسبه لطلبك حياتها عن قرب لايمكن بوضع مثل نوح الحمام لأن القصه على لسان بطله وحده والاحداث من خلال الي تسمعه وتشوفه وهي بيكون لها لقاء مع بدر بنخليه لوقته كيف وشلون ها اللقاء العابر بينهم اسعدني مرورك ام تركي |
اقتباس:
هلا وغلا شموخ مشاعل ضحية اهلها بكل الحالتين صالح وامه يكثر اشباهم ما تعرف قديري الا لما تجرب غيري ريم البنت الذكيه تقدر تمشي حياتها وتكسب الكل ولنا وقفات معاهاقادمه اسعدني مرورك وقريب نشوف حياة زياد وعوق عن قرب |
اقتباس:
الله يسلمك ام عوق عارفه البير وغطاه مثل ما بيقولون وزياد كان فرصه ذهبيه لعوق وضغطت عليها علشان ما تفوتها القصه راح يكون فيها مشهد تشائم قريب جدآ عايلة ابو ابراهيم لو خليت لخربت ولو نرجع لسنه راح نعرف ان النبي صلى الله عليه وسلم وصى على سابع جار توقعاتك بنشوفها قريب |
طيوفه متى مواعيد البارتات
|
بسم الله الرحمن الرحيم السلام عليكم ورحمة الله وبركاته مبدعة أم الوليد سلمت يداك وشكراً من القلب على الهدية الرائعة جزء رائع وجميل وخفيف على القلب فرفوشي كما قلتِ رغم أن به لحظات تدمع العين خصوصاً حين كانت عوق تعد لاستقبال الضيوف وتشكو عدم وجود الأهل والأخوات في مثل هذا اليوم ولكن لا تقطع من جهة إلا وتوصل من أخرى عاضها الله بجيران أفضل من الأهل وقفوا معها وساندوها وحققوا لها ما كانت تتمنى بوقفتهم الرائعة التي أثبتت أنه....... {{ رب أخٍ لك لم تلده أمك }} وضحى............. تثبت هذه المرأة كل يوم مدى حكمتها وحنكتها في المواقف فرغم حنيتها ورغبتها الجارفة بزواج عوق إلا أنها لم تنسى المحافظة على العادات والتقاليد ووزن كل أمر بما يحتمل فلا إفراط ولا تفريط فهي لم تمنع زياد من رؤية زوجته ولكنها بينت له أن الشيء إذا زاد عن حده انقلب إلى ضده فرغم أنه زوجها في شرع الله إلا أن تكرار زياراته لها قبل الدخول بها قد لا يكون محمود العواقب وأنا أقرأ كلامها ونصائحها لعوق كأنني أسمع أمي أطال الله عمرها على طاعته وهي تنصح أخواتي في كيفية التصرف مع الزوج وأهله لا أدري هل هذه الخصلة فقط في النساء الكبيرات في العمر اللاتي عاصرن الحياة الماضية بحلوها ومرها أم أنها تنطبق أيضاً على أمهات هذا الزمان وأصدقك القول حين أستمع لبعض زميلاتي في العمل أو بعض بناتنا وهن يتحدثن عن أزواجهن وأهلهم أتمنى من كل قلبي أن يقرأن ما تكتبين على لسان أم عوق ليعرفن أنه مثلما أنت زوجة ابن وتتحدثين بهذه الطريقة فإنك ذات يوم ستصبحين أم زوج أو زوجة وقد تتصرفين تصرفاتٍ أنت تتذمرين منها الآن ريم وجزاع ووالدته............. مشكلة حين تقع بين زوجتك وأمك ولا تعرف من ترضي أعجبني كثيراً تصرف ريم مع أم جزاع فهي عرفت كيف تتقي شرها وتبعدها عن التدخل في حياتها ومحاولة التنكيد عليها في كل مناسبة لدينا مثل يقول {{ امدحه وخذ عباته }} وهذا المثل ينطبق على أم جزاع كثيراً فهي رغم معرفتها بأن الكلام الذي تقوله ريم قد لا يكون صحيحاً مئة بالمئة لمعرفتها لحالها إلا أن هذا الأمر وجد قبولاً لديها ولو زادت ريم على ذلك بإحضار الهدايا لها لربما أصبحت أثيرة لديها أكثر من السابق أتوقع أن السؤال الذي ستسأله عوق لأمها هو هل أعطاها زياد المهر وإذا كان بإمكانها البدء بالتجهيز حتى ولو لم يكن قد دفع المهر بعد غاليتي............. يعجز اللسان أن يفيك حقك بالشكر على هذا الإبداع المتواصل بانتظارك دائماً بشوق دمت بألف خير |
اقتباس:
سبت وثلاثاء بأذن الله بعد الظهر |
اقتباس:
والله انكم تحرجوني لدرجة اني صرت ادعي يارب لا تخذلني قدام ها المديح والثاء من البنات ام عوق هذا هو الصحيح لا افراط ولا تفريط دخول الخطيب والاختلاء بخطيبته جر ويلات على البنات وبنشوف على لسان واحد من الابطال بعض المصايب الي هي حوادث حقيقيه صارت لناس بنخليها لوقتها صحيح اراده الحين صار هم البنت وامها كيف يستولون على ها الزوج بس باقي ما يسجلونه با اسمهم وقليل تلقين الي تنصح بناتها انها توازن الامور بين زوجها واهله ولا حظي الحين كثرة حالات الطلاق ماعادفي تفاهم بين الازواج وكثير من الاهالي وخصوص اهل الزوج ينسحبون من مشاكل عيالهم مع زوجاتهم ولا يحاولون يصلحون بين الزوجين مثل ما تقولين يبون الفكه منها لكن ماهو عن طريقهم امدحه وخذ عباته هذا المثل حتى ولدي الصغير حافظه ودايم يمررها علي بمزاجي اكثر الحريم الكبارلهم مفاتيح لكن احيان زوجات الابناء ما يكلفون انفسهم يدورون ها المفاتيح ريم لنا وقفات معاها هي وام جزاع توقعك بنشوفه بكرا اسعدني جدآ مرورك ونقاشك الراقي |
بسم الله الرحمن الرحيم . . . هلا وغلا بكل المتابعات بناتي وخواتي العابرات على ها المتصفح.. جاني انتقاد من وحده من خواتي الي يتابعون من خلف الكواليس.. هي قرت تقريبآ ثلاث ارباع الروايه.. تقول طيف انتي مرات احسك تعيدين نفس السالفه..! ويمكن لاحظها او بيلاحظها كثير من الي يتابعون معانا الروايه.. الكلام موجه لأختي ام عبودي ربي يشفيه ويصلحه لها ولكل المتابعات.., انا ماني كاتبه >>رحم الله امرء عرف قدر نفسه هي سوالف عندي وكتبتها وقلت بجمعكم واخبركم فيها .., الاحداث خيال ممزوج بالواقع مثل ما قلت قبل .. والحكايه على لسان البطله تسولف الاحداث الي عاشتها.. وتتكلم مع عدة اشخاص وتسمع منهم ...! حتى الابطال لما يسهبون بشرح بعض الاحداث شي متعمد مني علشان تكونون با الصوره والا كيف بتعرفون وش صار لهم مشكلة الروايه الي تعتمد على شخصيه محوريه وهي الي القارئ يعرف من خلالها الاحداث لا زم يكون فيها الشرح بزياده وبصوره شوي مبالغ فيها مثل حكاية فايزه هي قالت لأم عوق بقولك الحكايه با اختصار وشرحت لها قصة حياتها علشان القارئ يكون عنده فكره كيف كانت حياة فايزه مع صالح وبيكون فيه احداث قادمه فيها شرح من خلالها بنعرف احداث وكيف كانت علشان نكون بصوره صحيحه انا الروايه احاول اقربها من الواقع على قد ما اقدر واتمنى اني وفقت بها الشي وكلامي مااقصد ان ما ابي احد ينتقدني..’ لا والله با العكس ارحب با النقد قبل المدح..! وياليت من يمر من ها المتصفح يطلع بفايده ولو من الهمسه الاخيره.. . . . اليوم بنشوف عوق المزايين وش كانت تبغى من امها.. وذكريات عوق عن جهازها او ما يسمي في بعض المناطق الدبش ..! تذكرو طيف الأحباب واسرتها بدعوه طيبه.. البارت اهداء للعابرين من هنادون استثناء...!! يا الله تعالوا معاي...!! وسالفه جديدة؛ . . . البارت الثاني عشر . . . ام عوق\ يالله وش هي السالفه الي عندتس ..؟ّ! عوق منحرجه\ ماادري وش اقولتس ..؟! وضحى تضحك\دام فيها حيا اجل كني عرفتها..؟ عوق منحرجه\ها وش عرفتي ..! ام عوق\ العلم الي بين اذانتس انتي تبين دراهم..! ? عوق بخجل\يمه ريم تقول اخلصي شغلتس بدري لا يروح عليتس الوقت وانتي ما سويتي شي..؟ ام عوق\اجل من بكرابروح للبنك انا وانتي وتاخذين الي تبين..., عوق\ بكرا الجمعه انتي ناسيه ..! اردفت عوق بتردد\ عطاتس المهر..!؟ ام عوق\لابا لله ما عطاني شي وماضايع شي وانا امتس.., عوق\عارفه ما ضايع شي لكن ظنيت انه عطاتس المهر قلت اجهز منه.., اردفت عوق \ كم طلبتي عليهم با المحكمه..؟ ام عوق\ مثل كلامي يوم الخطبه انتي بكرة والا فحل اتربح من وراتس ..! يوم قالو ا كم تبون مهرالبنت قلت ما اطلب شي الي هو يقدر عليه راضين فيه ...! وكتب عند الشيخ خمسين الف واصله.., ام عوق بتساءل\هو البنك يفتح اليوم..؟ عوق\اتوقع الخميس مافي دوام ..! ام عوق بهمس\ اجل انا عندي دريهمات حافظتهن لوقت عازه..! بطلعهن لتس يمكن ماتكفيتس.., عوق \ لايمه معي صرافتي فيها فلوس واذا نقصني شي طلبتس.., ام عوق بحده\فلوستس الي با البنك لا اسمع والا اشوفتس تلمسينها الا با امري والا ما يصير شي طيب.., بقوم اطلع لتس الي عندي وتشري منها اليوم .. والسبت بنعس البنك انا وانتي .., عوق بتوتر\يمه ترى ريم وخواتها بيجهزون معي انتي وش رايتس..؟ ام عوق\هذا شورآ طيب ترى بنات نوره جيدات مثل امهن.., روحي معهن عسى الله يوفقتس يا عوق ولا يقهرتس يا بنتي ويبارك لتس بحياتس .., عوق يمي اذا جا مهرتس انوي انتس تطلعين منه صدقه علشان ربي يبارك لتس..., عوق بتأكيد\وهذا الي انا ناويه عليه والله يمه بدون ما تقولين.., وقمت لغرفتي الحمدلله مرتاحه نفسيتي وانا اشوف امي بخير قدامي وتسابقني بالكلام على جهازي.., انا وش ابغى من ها الدنيا الا رضاها نظمت لي قائمه مثل الجدول وش ببدا فيه..! كلمت ريم على بيت اهلها هي من امس عندهم .., وقلت لها تجي مع خواتها نفكر سوى كيف بنتقاسم المشتروات .., جات بسرعه هي و ميعاد والجوهره وجلسنا بغرفتي بعد ما سلموا على امي.., ميعادتأشرعلى ريم\ اسمعيني عوق العاقل من اتعظ بغيره لا تكررين اخطاء غيرتس ..! شوفي الي يصلح من اغراضتس الي عندتس تضمينه لجهازك..! تبارك الله كل اغراضك ماركات وغاليه ماراح تجيبين افضل منها.. ناظرت ريم والا هي تحوس بدواليبي..! عوق بممازحه\ خير الاخت مضيعه شي..! ريم تفتش الدولاب \لا عوق لكن كل شي عندك رسمي ما في شي من لبسك ينفع صدق بنت عجوز..!! عوق بقلق\بالله ريم تتكلمين جد..! ريم تضحك\لا والله امزح ترى ما يبي لك اشياء كثيره..؟ يعني يبي لك كم فستان وكم تايوار وبناخذ لك جلابيات فخمه.., وقمصان بيت مرتبه وقمصان نوم.., ومفرش او اثنين فخمات حرام عوق اغراضك روعه ولا راح تشترين احلى منها..! ميعاد بضحك \عوق الجلابيات اختصاص امي تقول مالكن شغلهن انا اشتريها لعوق .., عوق \الله يسلمها خالتي كلها ذوق... ريم بمشاكسه\جد عوق انتي ماعندك ذوق ...!!! الا انتي الذوق نفسه..., ميعاد بتعجب \ريم صادقه والله استغرب من ذوقك الخطيرعلى ان امك حرمه كبيره الله يحفظها ... وانتي ما تطلعين وتشوفين العالم كثير يعني بيتك وبيتنا والكليه ..., عوق \ميعاد الذوق لا ينشرى ولا ينباع هذي موهبه من الله وتبي لها بس صقل ..! آردفت عوق بضحك\وانا قارئه ممتازه ماهو بس ناسخه.., والله يخلي لي ريم الي كانت تسرب لي مجلات الازياء والموضه والمكياج واقراهم..! ريم بضحك \لا تذكريني يا عوق جمالك خطوه بخطوه..! كل ما اتذكر ان امي هي الي تجيبهن لك بنفسها اضحك وانا ماحولي احد...!! اقول يمه تكفين هذي كتب من برا ضروري توصلونها عوق عليها بحث لازم تخلصه...؟! عوق بضحك\وامي يا حياتي تحسبني اذاكر ما درت ان عوق مدخله ممنوعات...!! الجوهره با استغراب \انتوا من صدقكم ..؟؟! عوق بضحك\ اي والله المجلات الي الحين تسمعتس داخل المخزن الله لايفضحنا و بعض مرات عمي مسلط هو الي يدق بابنا ويعطيهن امي..! لا بعد امي تشكر وتدعي لريم انها متعبه نفسها وجايبه لي الكتب ...! ميعاد بتعجب\يويلكم من ربي يا ريم انتي وعوق تضحكون على ها الشيبان .., ابوي وخالتي وضحى آمنا بالله نقول ما يعرفون...؟ ما يفرقون بين الكتاب والمجله تقدرين تمشينها .., الا اذا بتفضحكم الصور اذا لقطوها..! لكن امي وشلون يطلعن من تحت يدها...!!؟ ريم بتهكم\وشلون يطلعن حلوه هذي الا احلى طلعه..!! بعد ماتزوجت ما ييبي لها فهلوه..! اغلفهن والفهن بكيس مكتوب عليه بحوث خاصه بقسم اللغه العربيه..؟! وادق على امي واقول يمه جزاع نزل عندكم اغراض بالله اقري الي مكتوب عليها وزعيها..! في شي لخواتي خوذوه وشي لعوق ما لقته..! وجزاع حاس الدنيا وبصعوبه لقاه..؟! وامي عاد ياعمري كني اشوفها وهي تقرا لي مكتوب على الكيس وترسله..؟! اما قبل اعرس انا بنفسي اطلع مع ابوي كل ما بغيت شي للمكتبه.. اتغافل ابوي واخذهن وهو ما يدري كنهن كتب واجيبهن لعوق..! الجوهره بدهشه \واحنا وين كنا ما كشفناكم...!؟ ريم بضحك\علشان تفضحنا لا السر اذا طلع من بين اثنين انتشر..! ميعادبا استغراب \الحمدلله والشكر ليه اللف والدوران كان عوق تطلع بنفسها وتشتري الي تبيه ..! ريم بتهكم \ليه حبيبتي نسيتي ان عوق ما تروح الا وخالتي معها وعلى بالك خالتي وضحى ما تفهم.., تبينها تفضح عوق يمكن تجلسها با البيت لو درت عن مجلات الازياءوالالمحت اللبس الي فيها..! و لو فرضناراحت باالحالها نسيتي اخوتس نمر بسم الله الي عقل شايب بجسم طفل كنه ظلها والله ان يفضحها..!؟ كل شي يفهمه الا يقول بنت وضحى بدال ما تشتري من المكاتب كتب تشتري مجلات..ّ! فيها صور حريم لبسهن يا دافع البلاا...؟! اخوتس هذابسم الله عليه مرات يخوفني وهو يسولف احسبه جدي..! ولله الحمد كنت انا وعوق امشيات امورنا .. ولا عمر احد من شيبانا نقد علينا .., الجوهره\ يوم قالوا ياما تحت السواهي دواهي ما كذبوا.. ياربي من يقدر على كيد النساء الا رب العالمين.., ريم \اقول يا الله خلصونا بنروح نخلص اشغالنا فتحت الاسواق.., وبعدين ان شاء الله الي تبي دروس من خواتي ..!؟ بكيفية الحصول على الي تبينه قدام انظار اهلك بسهوله بعطيها دروس مجانيه..؟ طلعنا لسوق انا والبنات واستفدت كثير من ارآهن .., الا انهم احرجوني والزموني اخذ ملابس ما ادري كيف طاوعتهم وشريتها ..!؟ انهد حيلنا من اللف والمشي با الاسواق .., ريم \احسبي حساب انك تاخذين لزوجك هديه... عوق بتعجب\ ليش..!؟ ريم بعصبيه \وش ليش اقول بس اذا معاك فلوس خليني نشوف له عطر ونغلفه.., عوق\ لا خليها بعدين كل الي معي بشنطتي صرفته.., ورجعت للبيت ونزلت الاكياس وعلى طول دخلتها لغرفتي خفت امي تقول وين اغراضك اشوفها .., وطلعت اشوف امي ولقيتها بسريرها فديتها تنتظرني...! ام عوق\هلا ورى تأخرتوا..!؟ عوق\السوق مافي زحمه لكن كل غرض نلقاه في مكان بعيد عن الثاني.., ام عوق بتساءل\عسى شريتي شي يبيض الوجه.., عوق تبتسم\ما عليك ما خليت بنفسي شي..., ام عوق بفرحه\وين اغراضك وريني بشوفها .., مغصني بطني يوم اسألتني لكن ما ودي اكسر بخاطرها.. ورحت جبتهم لها يوم اطلع الي با الاكياس مره تضحك ومره تنتقد.., حتى يوم شافت القمصان الي شرتهم لي ريم استغربت ردة فعلها..! ام عوق بضحك\ورى وجهتس قام يتقلب الوان ..! عوق بخجل\ يمه والله هذي كلها بلتني فيها ريم بلوى..., ام عوق\مافيها شي ريم معرسه وهي عارفه الي يصلح لنسوان .., يا بنتي كل زمان وله ناسه ولبسه الي يصلح لحريم اول ما يصلح لحريم الحين..! والي يصلح لجيلتس ما يمشي مع الجيل الي قبله..! لكن عاد وانا امتس مخافة الله هي الباديه على كل شي ان كان بلبس والا غيره..! عوق\الله يعين يمه.., ام عوق \اي والله الله يعينتس ويوردتس موارد الخير يا بنتي .., طلعت لغرفتي وقعدت ارتب اغراضي الجديده والقديمه الي تصلح اني اخذها معاي .., سبحان الله ما ادري وش جاني نشاط ماهو طبيعي كأن عرسي بكرا..! واشيل واحط با اغراضي بما ان سفرنا قليل ما عندي شنط سفر نسيت لأاكتبهن..! قضيت يوم الخميس كله سوق ونوم وترتيب..! متعوده من يوم كنت صغيره رغم وجود الشغاله ملابسي ما احب احد يلمسها انا اغسلها واكويهاوارتبها..! امي الله يحفظها علمتني الحرص على اغراضي واعتمادي على نفسي .., يوم الجمعه عادتنا انا وامي نصحى الصباح نفطر ونتقهوى واذاعة القرآن الكريم شي اساسي في حياتنا..., احيان عن طريق الراديوا وبعدها لا صار عن طريق التلفزيون..., امي بعد جهد جهيد رضت انه يدخل الستلايت لبيتنا ومع هذا ما نستغني عن راديوا امي.., نقرا سورة الكهف انا قراءه وامي تستمع لها من الردايو او التلفزيون..., اجواء يوم الجمعه احسها اجواء يوم عيد نقل صلاة الجمعه من مكه وعادة امي توزع على اطفال حارتنا فلوس .., و ترسل السواق يوزع مويه عند المسجدبعد ما يفيضون المصلين من صلاة الجمعه.. اشياء غير مكلفه لكن تدخل السرور لنفس وتشرح الصدر .., السبت بنروح انا وامي علشان نسحب فلوس واكمل جهازي...! حتى المبالغ الي اسحبها من رصيدي عن طريق الصراف احب امي تكون معاي وتعرف كم سحبت .., يوم السبت صحتني الشغاله تقول ماما تبغاك بسرعه با لمجلس طلعت اركض خفت امي فيها شي وادخل فجاءه...! الا رجال جالس و لابس لبس غريب واصرخ ذيك الصرخه الي هزت جدران بيتناوارجع لغرفتي...!! ما ادري اصيح خوف والا حيا من الرجال الي موجود..!!؟ ياربي وش بيقول عني الحين يا فضحي ..؟! اكيدبيقول ما تستحي دخلت علي طايره..!؟ بعدها لحقتني امي لغرفتي وهي متروعه علي وتسمي بالله علي..؟! ام عوق بذعر\ وش فيتس ..؟! عوق بخوف وحيا \ ما دريت ان في احدبالمجلس الشغاله نادتني وانا فيني نوم.., خفت عليتس ورحت اركض ..؟! دخلت وجهي بوجه رجال غريب جالس ..؟! ام عوق بضحكه\ ماعرفتيه هذا زياد..؟ ها الشغاله مادري تسيف تفهم ما قلت لها خلي عوق تجي للمجلس .. قلت صحي عوق وخليها تزين القهوه لرجلها..! تخبريني ما احب الشغاله تزين قهوة الضيوف والا هي الضعيفه مصلحه القهوه والشاهي من راسها ..! اردفت ام عوق بتهكم\زياد تقهوى وشبع قهوه وهي توها تصحيتس يا الله الخيره ..؟! كان ودي انتس انتي صلحتي قهوته..., عوق بنفسها\وش عنده جاي على هالصبح غريبه ...! والي قهرني اكثر وش بيقول عني مرجوجه والا مطفوقه ...! لوشخص ثاني يمكن اهون عندي منه.., غيره بينسى دخلتي عليه من يطلع مع الباب .., لكن زياداخاف مع الايام يمسكها علي يا فضحي كله من ها الشغاله الي الفهم معدوم عندها..؟ عوق بقهر \ والله ما كنت اقصد بدخلتي عليكم..!؟ ام عوق تضحك\ دارين بس الضعيف بغى يطير يوم سمع صرختس ..؟! ويبس حلقه شرب بيالة الشاي وهي نار بغى يحترق فمه من الروعه..؟! وعلى طول مشى ظنتي راح يعالج فمه..!. هذا درس لتس عن الطيره ها المره جات سلامات رجلتس الي با المجلس مره ثانيه ما تضمنين من هو..! ام عوق بأمر\اغسلي وجهتس خلي النوم عنتس والحقيني..! استغفر الله قعدت اضحك وانا اتخيل شكله وهو يشرب الشاي الحار يا زينتس يا الوضيحي وانتي تعلقين..., غسلت وجهي و لحقت امي لغرفتها.., دخلت عليها وجلست على كرسيها الي اكثر المرات تصلي وهي جالسه عليه ...., امي جلست على سريرها مدت يدها تحت مخدتها ...! وطلعت ظرف بني قالت هذا من زياد مهرتس ..!؟ خوذيه ولاتلعبين فيه بنروح فيه للبنك..., عوق\ خلاص تبيني اودعه بحسابي والا حسابتس..! ام عوق\ لا بالله بحسابتس ولا تسحبين منه لين اقولتس..! عوق بتردد\كم المهر الي جابه..؟! ام عوق\استحيت اقول كم.., وهو بعد ما قال شي ظنتي انهن الخمسين الي كتبهن با المحكمه..!؟ ذاك الوجه على نياته ماعنده تسذب واحتيال..! اخذت الظرف معي لغرفتي بشوف كم فيه..؟! الظرف حجمه صغير يمكن فيه شي ما يسوى..؟! فتحت الظرف ابي اعد كم ارسل وعديتهم..؟!! لقيت حاط في الظرف مئة الف فئة 500علشان كذا الظرف كان صغير..., ياربي وش قصده يوم ارسل كل ها الفلوس .., جيت بدخلها داخل الظرف الا كاتب على الظرف من داخل انتظريني عند التلفون الساعه عشر الليله..!؟ وجع ماهو مخ بزر وبس الا قليل ادب صدق..! يا ويله يا سواد ليله لو امي درت وش بتسوي فيه..؟! اجل الساعه عشر انتظريني..!؟ الا ردد يا ليل مطولك...؟! تركت الظرف بغرفتي واخذت الفلوس خفت امي تلمح وش كاتب ...! وخصوص انها تعرف الحروف وامي لماحه خلقه فديتها ما يفوتها شي..! حطيتهم بشنطة يد وطلعت لأامي اخبرها كم جاب زياد مهر ..؟ دخلت عليها وهي مرتكيه وماسكه رادوها وتفر فيه..! عوق\يمه..! ام عوق\همممم.., عوق \ كم تتوقعين زياد حاط لي مهر...!؟ ام عوق\ والله ما ادري لكن الاجودي توه معود من سفر ودراسه..! ويمكن الضعيف ما عنده شي والي ارسله خير وبركه.., لا يصير بخاطرتس شي والله وانا امتس ما ينقص عليتس شي وانا اشوف.... عوق\الله لايحرمني منتس يمه بس هو مرسل با الظرف مية الف ..! ام عوق بتعجب\ تقولينه صادزه..!؟ عوق تبتسم\اي والله هذا هي تعالي نعدها وتشوفين اذا انا صادزه او لا..؟! ام عوق\يا بري حالي ياعوق يمكن انه متسلف والا ماخذ قروض على ظهره...؟! عوق بتهكم\ واذا والله محد جبره يهايط خليه احسسسسسسن يستاهل..؟! ردت بضحكه\ هذا جزاه الي مقدرتس ما قلت لتس انه ما مثله.., ان شاء الله ان ربي عوضتس يا بنتي والله انه حياوي وفيه دين ودخل قلبي من شفته..! الله يوفقكم يا عوق انتي وهولكن بوصيتس بعلم حطيه بذنتس ولا تضايقين مني..؟! عوق بملامه\ انا اتضايق من كلامتس والله يا ميمتي ماعمري عصيتس وافلحت..؟! ام عوق\ اجل اسمعي ماهو ضروري ان احد يعرف وش ارسل لتس والا كم ارسل رجلتس لا قريب ولا بعيد..؟! عوق بااستغراب\با العكس هذا دليل انه شاريني ...! ام عوق\ ادري انه شاريتس ولومايبيتس ما طق بابنا محد جابره بيلقى ماهو بلشان..؟! لكن يا بنتي العين حق وش ينفع لو عطاتس رجلتس مليون ثم عقبها جاتس عين والا حسد..؟! والله ان تشوفين الدراهم ورق والذهب نحاس..! يا بنتي العافيه وراحة البال ماحدوها با الاثمان..؟! الي يسألتس كم مهرتس قولي الحمدلله المهر ماهو بكثره وقله المهم البركه..؟! عوق بممازحه\ خلاص تم بقول ريال وشيمة رجال .., كم وضيحي عندي يمه وش رايك اليوم انزل اكمل الباقي من الجهاز..؟! ام عوق بفرحه\ لا اليوم بنروح انا وانتي نشتري ذهب ..؟! عوق بملل \ يمه وش ذهب ما عاد حد يلبسه ..؟ ردت بحزم\ يلبس مايلبس شاريه شاريه..! وعسانا ما ننسى ابي هديه لنوره تراها وجهن يستاهل.., عوق با استسلام\خلاص بعد العصر نتجهز انا وانتي لكن بشرط بسرعه نرجع..! ماهو مثل يوم رحنا للمحكمه قلبي تقطع كل شوي خايفه تطيحين علينا.., ام عوق\طيب بس الشغاله ماتروح تنثبر ماودي انها تدري انا شاريات ذهب نفتح عيونها هي ورجلها علينا.., عوق\ابشري من عيوني.., وبعدين محلات الذهب كلها مثل بعض ما يحتاج فرفره..! اردفت عوق \يمه خايفه على الفلوس الي معي وش رايتس اروح اودعهم با البنك واسحب كل ما بغيت ..؟! ام عوق \خليهن معتس بنشتري ذهب منهن والي يبقى روحي اودعيهم في البنك انتي ما تقولين مايصرفون الا خمس الاف با اليوم ..! عوق \لا يمه ترى عادي في شبكه في المحلات لا تخافين يا خذون حقهم .. ام عوق\ اجل سوي الي تبينه مير طلعي بطاقتي حقت البنك يمكن ينقص علينا شي الا احنا ماخذات احتياطنا..!؟ طلعت للبنك انا وامي مع السواق .. اودعت المهر بحسابي على طلب امي بعد صلاة العصر ركبنا سيارتنا.., ولسوق الذهب وقفت عند اول محل ذهب ما ابي اتعب امي كفايه مشوار الصباح عليها.., واشترت امي لي ذهب وانا وهي شيل وحط ..؟! انا احب الناعم وهي الله يرضى عليها تبي ذهب صب اخيرآ خلصنا..؟! واخذت اسواره هديه لأام ابراهيم على ذوق امي.., واسواره هديه مثلها لأم زياد.., وشريت لأامي انا على ذوقي خواتم جديده وغوايش ..., امي دايم تقول يا عوق ما احب ايديني بدون حنا وبدون ذهب ...! من عرفت امي ما فارقت ايدينها الحنه والغوايش والخواتم بين عيوني خاتمها ابوفص ازرق .., والا خواتمها الثلاثه الناعمه الي تلبس با اصبعها البنصر..! يوم جيت بطلع صرافتي علشان الحساب مسكت يدي امي....؟ قالت انا الي بحاسب ..؟ وطلبتني بطاقة الصراف حقتها وقالت يا الله حاسبي حلفت ما تحطين ريال من مهرتس..! ما بغيت ازعل امي با السوق وحاسبنا بمبلغ جامد..؟ واخذنا مشترواتنا وطلعت من السوق عجزت اتكلم كلمه ..! خانقتني العبره امي حاسبت با اكثر من خمسين الف..؟!! من حسابها هذا غير قبل فتره حولت برصيدي مبلغ كبير ..؟!! وكل ما بغيت شي تحلف ما احرك من رصيدي شي...! وخصوص بعد ما اقتنعت في بطاقة الصراف.., والا اول رافضه تطلع بطاقة صراف لازم نروح للبنك كل ما بغت شي واجراءات علشان تسحب الي المبلغ الي تبغاه...! صار كل شي ابيه من حسابها وانا بس اجمع برصيدي الي مدري وش فايدته .., وصلنا للبيت وساعدت امي تنزل ..!! دخلنا البيت هي دخلت غرفتها وانا دخلت غرفتي ..! قعدت ابكي ولا ادري وش السبب يا كثر ما ابكي واتحسربدون سبب من دريت اني لقيطه... وتزيد حسرتي اذا تذكرت ان ها الانسانه العظيمه ماهي امي ولا اقدر اصرح انها تقرب لي..؟! شعور ما ادري كيف اوصفه لكن الاكيد انه شعور حزين .., يغصب عيوني على ذرف الدموع.., سمعت صوت امي تنادي وجيتها اركض ..! ام عوق \وش فيتس يا دافع البلا من رجعنا من السوق اختفيتي.., عوق بوجع\لا يمه بس شوي مصدعه ..! ام عوق بفرحه\تعالي البسي الي شريناه وريني الزين لامنه لبس زين.., وافتح العلب والبس وانا ظر عيون امي من ورى برقعها تصب دموعها .. وانفجر خلاص ماعاد ت اقدر امسك نفسي واحضن امي واصيح ..’ عوق ببكى\ يمه ليش ما خليتيني ادفع فلوس الذهب ..؟! ام عوق\وانا وش ابي بكنوز الدنيااذا ما ونست بنيتي فيها.., عوق من بين دموعها\لا والله ماهو هذا قصدتس يمه انتي تحسين بشي..!! ام عوق \لا والله ما احس الا با العافيه والله من يوم صرتي من نصيب ها الرجال وانا اوجاعي راحن.., اردفت تضحك وتبلع غصه\احس اني رجعت شباب اصغر منتس.. عوق بحزن\لا والله فيه شي انا ما ني خبله يمشي علي الي انتي تسوينه..! يمه والله وراتس شي وشي كبير.., ام عوق\عوق اسمعي وانا امتس انتي ما انتي بزر ولا انتي الي يفوته شي ..! عيال ناصر ينتظرون بس روحتي من ها الدنيا وشوفي وش بيسوون فيتس..؟! وهم مالهم حق بريال واحد بس ابن ادم وش تسوين فيه الي ما يملا عينه الا التراب .., هم ماعاد لهم مطمع با الي سجلته بسمتس ما يقدرون يوصلون له..! كل الطقطقه الي يسونها من بعيد والا من قريب بس يبون ينكدون عليتس..! هم الحين عينهم على الي في البنك والله لو في يدهم شي كان مبطي رامينا انا وانتي با الشارع.., لكن عجزو ايديهم قاصره عنا .. انتي ما ضايع عندتس شي بنتي واعرفتس.., اردفت ام عوق بغصه \عوق يا امي ان مت لاتنسيني من دعوه والا صدقه.., عوق انهارت تبكى بشده\لا يمه تكفين لا تقولين كذا .. من تخليني له ما ابي ها الحياه الي انتي منتي فيها .., ام عوق تمسح دموعها\تعوذي الشيطان وش ها الصياح اعو ذبالله ما خبرتس كذا وانا امتس ..؟! انا ما فيني غير الخيرهذا الواحد ابد ما يقدر يسولف معتس.., الحياه والموت يا بنتي بيد الله غير انها كلمه بخاطري وقلتهاتعوذي من ابليس..؟! وش يدريتس يمكن اعيش لين ازوج عيالتس مثل ما زوجتس..؟ وقومي رجعي ذهبتس بصناديقه..! وخلينا نطلع نتقهوى ونكلم نوره نتونس حنا وياها..؟! قمت رجعت الذهب با العلب وانا قلبي مجروح على امي الي ما ادري وش فيهاامي كلامها ماهو عبث اكيد تحس بشي لكن ما تبي تعلمني ..! وصليت المغرب ودعيت ربي يحفظها لي .., انا ما ادري كيف بتكون حياتي من غيرها يمكن اموت لو يصير لها شي ..! كلمت خالتي ام ابراهيم تجي عندنا تتقهوى وجات على طول تقهوينا بغرفة امي..! ام عوق\عويق سكري باب الغرفه با المفتاح ..!؟ ام ابراهيم تضحك \ ما تقفل الباب ام العوق الا عندها شي خطير..؟! ام عوق\ لا سلامتس بس اليوم تشرينا ذهب لعوق وابيتس تشوفينه..! وطلعت امي الذهب وخالتي كل ما فتحنا علبه قعدت تذكر الله .., ام عوق\ شوفي يا نوره عوق ماهو جايز لها تقول وش ابي فيه كله ثقيل من يلبسه..! ام ابراهيم تغمز بعينها لعوق\ما عندها سالفه شورتس يا وضحى هو الزين.., وطلعت امي هدية ام ابراهيم ولبستها الاسواره .. ام ابراهيم \ الله يكثر خيرتس يا وضحى ما قصرتي وليه تكلفين على عمرتس عسى عيال عوق يلبسونتس .. ام عوق بوجع\ يالا حقين خيريا نوره متى هاك اليوم .., ام ابراهيم \الله كريم يا وضحى الله يطول بعمرتس وما على الله عسير.., ورجعت الذهب بخزنة امي وانا احس قلبي حزين ومقبوض..!! ياربي عونك ضاق بي كونك صليت العشا ونمت وصحيت على صوت التيلفون ..!؟ رديت الا صوت رجال عرفته على طول انه زياد ما يمدي قال كيف الحال الا امي طالعه من غرفتها..!؟ ام عوق بتعجب \ من الي داق بنصاص الليالي..! عوق\ يمه ما ادري شكله غلطان..! ورديت على زياد يا اخ تراك غلطان واسكر الخط وارجع لغرفتي..! الايام الي قبل زواجي كثرتفكيري في امي ما خلى مجال لأي شي ثاني يحتل عقلي.., ماعاد في راسي الا امي اشوفها ولا كأني اشوفها..! ما ادري وش جاني هل هو شعور اني با ابتعد عنها او شعور اني با افقدها.., امي حاسه انه فيني شي وكلمت ريم تبيها تساعدني اخلص جهازي ..؟ صرت امشي بدون وعي ريم هي الي تشتري وتحط وتجيب وانابس ادفع.., سبحان الله كانت ريم هي الي تاخذ رأيي وتثق فيني وبذوقي اكثر حتى من خواتها..!؟ الا انه في اهم مرحله من مراحل حياتي كل شي قلب عندي لونه رمادي ..! ما عدت احس بطعم شي ..؟! بسرعه ريم خلصت اغراضي .., ريم فيها عجله غير طبيعية ويدها ووقتهاسبحان الله فيهم بركه.., حتى ملابسي طبقتهم با الشنط .., ولا بقى الا فستان الزواج ننتظر بس يحددون كيف بيكون حفل العرس عائلي او عام..؟! . . . (كلمه اخيره) في خبايآ سراديُبنا.. ثمه سعادةٌ مخبئة ? لدينا أشياء بيضاء تسعدنا و لكننّا لم ننتبه لها ! لدينا ؛ ( أهل وأخوة و أصدقاء) لِـ نشعر معهم بِ الفرح ? " لدينا ؛ ( دين ) فضلنا الله به على الكثير لدينا صلوات وأذكار ترتاح بها الأرواح ? لدينا الكثير لنسعد به ، لك الحمد يَا ر بْ . . . الي الملتقى قريبآبأذن الله وسالفه جديده طيف الأحباب ام الوليد |
ام الوليد ،،،
الله يعطيج العااافيه ع هالبااارت ،،، والله يستر من احسااااس عوق ،،، فيض المشاعر الحزينه في البااارت وخوف عوووق ع امها كان طاغي بشكل كبير ع فرحتها ،،، تصويرج ام الوليد لعدة مشاهد ف البارت بداية من دخول عوق العاصف للمجلس لدرجة اني فزيت معاها ،، حسيت بالم زياد يوم شرب الشاي ،،، تجولت مع عوق وامها في سوق الذهب ،، وتصورت ردة فعل زياااد يوم سكرت عوق التلفون في وجهه ،،هههههه كل هالمشاهد كانت تنبض بالحياة ،،، وميكون هذا الا لكاتبه مرموقه ولها باااع عميق ف الكتابه ،،، تسلمين ام الوليد ع هالإبداع ،،، ودايما اقول مرجعي لمعرفة الالفاظ والمصطلحات القديمه والامثال العريقه ،،، بيكون روايتج المميزه ،،، تحيااااتي ،،،، |
تسلمين يالغالية على البارت
تكفين مانبي ام عوق تموت قبل العرس .. متشوقة لحياة عوق وزياد .. الله يعطيش العافية |
السلآم عليكم }
احببت ان اسجل اعجابي بما تكتبين ام الوليد :.. بعدني بالبارت الثالث لكن صدقآ الاحداث واضح انها مختلفه وتستحق المتابعه لي عوده باذن المولــــــــــى دمتي مبتهجه |
السلام عليكم و رحمة الله و بركاته
مساء الخير و الرضا من الرحمن ام الوليد هالروايه اللي تقولين انها مجرد سوالف تراها وصلت و سكنت القلب تعودنا عليها و على سواليفج الرووعه .. يمكن تتكرر السالفه شيء طبيعي و أبد ما أثر على جمال الروايه حنا بحياتنا مليون مره نعيد و نزيد بنفس السالفه ===================== (( عوق )) الله يستر من إحساس عوق انها بتفارق وضحى مدري هل من كثر ما هي متعلقه فيها و تصور انه فراقها صعب تحس هالإحساس و لا إنه جرس انذار على غياب وضحى و أن الله بيسترد أمانته .. هالاحساس صعب جدا و خصوصا على عوق لإنه وضحى ما هي مجرد أم ربتها هي قلب عوق اللي بين ضلوعها و روحها اللي عايشه فيها ففراقها صعب أكيد بس إن شاء الله وجود زياد يمها يعوضها و يسد الفراق لو شوي ... ================== (( زياد )) مدري تصرفاته هي وش تاليها و هل هي مجرد تصرفات خاطب بيعيش هالفترة بكل تفاصيلها و لا أنه إنسان متهور و مغامر لأني استبعد أنه يكون إنسان طايش و راعي مغازل لإنه الكل ضمنه لعوق .. بس و علي مسيكين أحترق لسانه من مطالع عوق و هذي الثانيه الاولى بقى يطب بالكيكة اللي اتوقع انه عوق سوت له شيء مثل أنها وطت بكعبها على رجله و هو فز و الله يستر من الثالثه لا يطب ساكت ... ================== سلمتي يا أم الوليد بــ انتظار السالفه الجديدة .. .. .. |
السلام عليكم ورحمة الله
ماشاء الله تبارك الله اختي ام الوليد رواااية جميله ومميزة ابدعتي في صياغتها حتي لو كانت من الخيال من عوق القيطة التي لا ذنب لها غير انها لقيطة الي الوضحي هذه المرأة القوية الصامدة والمربية الفاضلة والام الحنون لعوق انتي تقولي انها حكاية احكيها لكم وما اجملها من حكاية تقطر رقة وعذوبة ومعاني سامية وبين حناياها عادات جميلة ارى. انها. بدأت تندثر يالبيه ياطيف ذكرتيني. امي رحمها الله وقهوتها معي كل صباح. ورادوها. واذاعة القرآن انا متعاطفة مع مشاعل احس انها ضحية هي الاخرى ضحية الاهمال وعدم التنبيه من ذو الصغر بالمحافظة على نفسها فهي كذلك ضحية بس الاهل كيف يرمونها ولا يسألون عنها كله خوفاً من الفضيحه او لم يخافوا. من الله سبحانه بدر كذلك ضحية مراهقة وعدم متابعة ولا تبصير علي قولة مثل عندنا حطوا الذيب مع الغنم مسلط ونوره ونعم الجيران. بل اصبحواا. اكثر. من الاهل. عيال ناصر سالم وسعد طمع وجشع. في مال ام عوق الانه على رايهم هم اولى من القيطه والله يعينها. على الي بيجيها منهم بعد ماتموت الوضحي زياد. الي الآن لانعرف عنه الكثير ويارب. يوفق. عوق. معه واستمري عزيزتي طيف الاحباب فما. اجمل حكاويك وما احلى مفرداتها دمتي في حفظ الله |
السلام عليكم شلون احلى طيوف انشاء الله انج بخير وعافية بصراحة اليوم البارت عالعادة روعة بس الاحساس اللي عند عوق بالنسبة لامها خلاني حاطة ايدي على قلبي لاتموت العجوز قبل العرس بس انشاء الله انها ماتموت الابعد ماتتطمن على بنيتها اللي ماجابتها بطنها بس ياخوفي تموت بيوم العرس والا بليلتها ماادري ليش عندي هالاحساس وانشاء الله يخيب يعني مايمدي المسكينة تفرح الا امها تروح بس ما ودي اطول صح نسيت اقول ان ام ابراهيم ونعم الجارة والاخت وتستاهل الهدية وام عوق صج كل واحد يسوي باصله مانست صاحبتها ورفيقة رحلة التربية والمعاناة مع عوق البزر لين كبرالله يبلغنا بجيران واحباب مثلها ويبلغج الجنة يام الوليد
|
طيوووووووووووووووووووووف يا عيوني انتي اخبارك
امممممممممممم ام الوليد يا قلبي السموحة ثم السموحة منك يالغلا على تقصيري في ندرة الردود بس و الله اني اقرء السوالف على قولك و انا في قمة الاستمتاع يا قمر و صدقيني ما يردني عنك الا انشغالي مع العيال امممممممم القصة او مثل ما يحلى لي اسمها مثلك سوالف <<<<<<<<<<< فيس يقول يا زينها من سوالف مشاااااااااااااااعل: و الله وضعها جدا حزني صح لازم يكون فيه تواصل و تراحم بين الاخوان و عيالهم بس بعد لازم يكون هناك الحرص و التحذير و التنبيه للغلط و الصح لان الشيطان لسة ما مات يعني انا اخلي علاقة عيال مع اهل ابوهم من عمام و عماته و اهل امهم من خوال و خالات بس بدون ما اهمل الرقابة في الصغر و التفريق في الكبر بدون ما اثير انتباهم او افتح عيونهم لان ممكن هذا يكون عن طريق القصص او تحفيز الرجولة و الانوثة مثلا اقول للولد الله و الله و كبرت يا ولدي و صرت رجال ينتغطى عنك من اليوم و رايح و البنت اقول لها : و الله و كبرتي و صرت بنت كبيرة و حلات البنت لكبرت تتغطى لانها تكون جوهرة نادرة مو اي احد يقدر يشوفها فمشاعل اشفق عليها لجهلها و اهمال اهلها اكثر ما الوها الوم كله يقع على الاهل الي ما حاولوا يحطون حدود داخل الاسرة و ربي يستر على عيالنا بنات و اولاد ياااااااااااااااااارب ام ابراهيم يا بعد قلبي انتي و الله انك و نعم الجارة و الاخت جزاك الله عن هالمسيكينه كل خييييييييير انتي و ابو ابراهيم رييييييم يا كذا الاخت و الصديقة و الا فلالالالالالالالا يا قلبي جعل ربي يسخرك لجزاع و يسخره لك و يجمع بينكم بالخير طول العمر و يرزقكم بر عيالكم و فرحتهم و يرزقهم بركم ياااااااااارب زيااااااااااااااد انا اقول انه عااااااااااقل بس شاف عوق المزاين و الحس عقله من زود زينها ربي يوفقهم و يسخرهم لبعض و يجمع بينهم بالخييييير طول العمر اسمع زياد يا اخوي خف على نفسك مرة الكيكة و مرة الشاي وش انت ناوي عليه تراى وراك عرس ما نبغى اصابات يا اخي خل زينك للبنت بعدها ما تهنت فيه <<<<<<<<<<<<<<<< فيس يرفع حواجبه خخخخخخخخخخخخخخخخخخ عوووووووووق يقولون قلب المؤمن دليله الله يستر ما يكون الي تحسين فيه عن الوالدة يصير <<<<<<<<<<< فيس رافع يدينه و يدعي للوضيحي بطول العمر و الصحة يااااااااااااااارب <<<<<<<<<< و فيس يبوس راسها لانه يحبها مووووووووووووووت عوق مبروووووووووووووووووووووووووووووك الملكة و عقبال العرس يا رب و اذا على الجهاز و طلعت السوق عن وجهس و بعدين يا بنت الذهب في الجهاز يعتبر استثمار اكثر منه زينة بالنسبة لامهاتنا فلا تستغربين و لا تنسين تطلعين صدقة من مهرس و ان شاء الله ربي يبارك فيه <<<<<<<<<<<<<< فيس يذكر ايام تجهيزه و توصيات الوالدة و نص المهر الي راح على الذهب الوضيحي حالها حال أي ام تخاف على بنتها و حالها بزيادة لان البنت امانه عندها فشي طبيعي أي انسان سوي و ضميره حي اذا يعطى امانة تلاقينه يحرص عليها اكثر حتى من نفسه فشدة الوضيحي انا ما استغربها و الي تسويه لعوق وقت التجهيز و توصياتها و نها تقولها عن الصدقة الي تطلعها من المهر و كثر الذهب كل هذا رجعني لايام حلووووووووو مرررررررررة ربي يزقك بر عوق و تفرحين فيها و فعيالها يا اغلى وضيحي ام الوليد دوم العيال يشوفون شدتنا ما لها داعي بس لو يعرفون وش نخاف عليهم منه كان ما حد تحرك منها من بيته و الله ان الزمان قبل كانت الاخطار على تربية العيال اقل بكثيييييييييير من الان مع الانفتاح الاعلامي و غير الاعلامي بس ما في يدنا غير اننا ننصحهم و نوجهم و ندعو لهم بالستر الله يستر علينا و علي غوالينا دنيا و اخرى يااااااااااااااااااااارب الله يعطيكي العافية يا احلى طيووووف و الله مهما قلت عن القصة ما اعطيها حقها لانها تعطيني الاحساس بالمتعة الشديدة مع كل حرف اقراءه ربي يحرم يدينك عن النار يا قمرررررررررررررررررررر و مرة ثانية سامحيني على القصور |
اقتباس:
يسعدني والله ان الا حداث اعجبتك وعشتي معاها جو يا رب يسلمك على ها الثقه عاد كاتبه مره وحده عوق ومشاعرها عاد تعرفين البنات لحظات الي قبل عرسهم يدورون الي يبيكيهم اسعدني مرورك الراقي |
اقتباس:
هلا وغلا اميرا لا حفلة الزواج ماراح انكد عليكم يكفيها الدراما الي راح تصير فيها بنكد عليكم بشهر العسل وش رايتس اسعدني جدآ مرورك اميره |
اقتباس:
هلا وغلا اسعدني مرورك |
بارت رائع جدا سلمت اناملك
بس تكفين لاتموت ام عوق والله اني دخلت جو وبصراحه قصع احسها واقعيه واستفدت منها بس تكفين لاتموت ام عوق الي هي وضحى متى راح ينحط البارت الجاي؟ |
مساء الخير
رواية اكثر من رائعة ام الوليد الله يعطيك العافية متشوقة اعرف سر ضياع الختم وايش اللي وصله لسيارت زوجها وايش ردت فعل عوق فية سر في ضياع نسب زياد لانه ام ابراهيم قالت لعوق نفس وضعك وعوق لها اهل يعني زياد له اهل ...! وام زياد واضح انه فيها اعاقة في عقلها لان عوق وصفت تصرفاتها كتصرفات الاطفال امممممممم يعني يمكن احد اغتصبها وحملت بزياد واهلها ماعرفوا من اغتصبها او يعرفون وسكتوا عن الموضوع علشان الفضيحة ننتظر سالفتك الجديدة ام الوليد وبصراحة انتظر كل نهاية بارت لاقراء كلماتك يعطيك الف عافية عليها |
ام الوليد. وأخيرا سمحلي الوقت بقراءة رائعتك
اسلوب سلس وبسيط قريب للقلب احداث. وقصص تميل للواقعيه القيط. فئه لا يخلو منها اي مجتمع. على مر الأزمان ولكن ماسبب وجوده. اهو قصور في التربيه وقلة توعيه كما حصل مع مشاعل ام تلك كلمه نتداولها دائماً لسه صغير. ونغض النضر عن تلك تغيرات تحدث لذلك الفتى. في هذه المرحلي من سن المراهقة. كما حدث مع بدر وما نتيجة ذلك طفله بريئه لولا رحمة ربها لرميت في دار رعايه اما زياد. متشوقه لأرى سبب اخر لوجود تلك الفئه يا ترى ماسبب نسبه المجهول نجي للتوقعات أتوقع انو العجوز وضحه قربت منيتها. ليكون بتموتينها بصباحية. عوق المزايين تجئ تزورها تلقاها ميته بفراشها الفت قصه زياد انت وشدك بشعرها بت تأكد هي باروكه ولا شعرها للحقيقي. ام الوليد. دمت بود وحب |
اقتباس:
يسعدني تواجدك الراقي بسوالفي وان شاء الله تدمنينها عوق وضحى با النسبه لها كل شي بحياتها وبنشوف احساسها يصدق او لا زياد مانقدر نحكم عليه الحين يمكن ياما تحت السواهي دواهي ويمكن على نياته الله يسلم قلبك صبوحه واسعدني مرورك الغالي على قلبي انتظريني السبت مع اول يوم اختبارعندنا الله يعديه على خير |
اقتباس:
التميزوالله ردودكم الراقيه ظاهرة اللقطاء صرنا نقرا عنها كثيركل يوم نسمع لاقين طفل حي او ميت مرمي عند زباله والا مسجد اجراس انذار حولنا لكن كثير ناس ساد اذانهم عنها حبيتها اصوغها يمكن احد يمر من هنا ويستفيد كلمه احداث الروايه بداية احداثها عن حياة مولودة في بيت سعودي في فترة الثمانينات وامتدت الي الآن وحاولت اقربها من الواقع الي انا عايشته بعيد عن القصور والحياه المخمليه الي بكثير من الروايات حياة بسيطه اذا ما عشناها شفنا غيرنا حتى لو كانوا اهل مشاعل من الطبقه الراقيه لأن ابليس حاضر بكل مكان وضحى شخصيه موجوده بكثير من بيوتنا سواء حرمه اورجل نلقى بعقلية وضحى مشاعل وكيف رموها اهلها ماكان في حل الا كذا والا بينكشف حملها ما كان قدامهم الا وضحى لأنهم لو ذبحوها بينفضحون واذا بقت بينهن بينفضحون بدر ومشاعل ضحية عيالنا صغار وما يفهمون او احيان الاب او الام يغفلون وخصوص عن البنت مسلط ونوره كثيرين بمجتمعنا من فضل ربي والنبي وصى على سابع جار عيال ناصر يحركهم طمعهم وان زوجة ابوهم هم اولى من اللقيطه بحلالها اذا ماتت وضحى الاموال وش راح يكون مصيرها زياد بنشوفه عن قرب من البارت القادم بأذن الله اسعدني جدآ مرورك ويارب يستمر حماسكم الي آخر الروايه |
اقتباس:
وعليكم السلام ورحمة الله وبركاته بنشوف توقعك قريب ام ابراهيم تستاهل الهديه وترى كثير يسوونها عندنا لما تتزوج بناتهم يهدون اقرب صديقه الله كريم كثير الي مثل بيت مسلط اسعدني مرورك |
اقتباس:
هلا وغلا بندقه ام العصفوره لك بدال العذر اعذار بندقه عارفه دوشةالا متحانات انا الحين ارد عليك واولادي واحد ماسكته خالته وشيل وحط والثاني مع المدرس والي ماسك الكتاب وبعالم ثاني لو الكتاب مقلوب مادرى عنه متفقين على شي واحد ليش اخترعوا الرياضيات ؟؟؟؟؟؟ ما نملك الا الله يوفقهم ويهديهم مشاعل ضحية اهمال اهلهاومأمنين كل الي في البيت بنات مادرو عن الذيب الي بينهم ما صحوا الا يوم طاح افاس با الراس عاد ام ابراهيم صايره نجمة الروايه وبتعجبكم اكثر في احداث قادمه زياد تعرفين خبصة الخطيب اذا اعجبته العروس زين ماطاح باابريق الشاي بيالة شاي حاره ماتضر وضحى خلاص لكل رحله نهايه وهي قربة تنتهي رحلتها يعني 92سنه عمر سبحان الله طويل لكن الانسان الطيب خفيف على القلب كلآيتمنى له طولة العمر بندقه انتي نص مهرك طار على الذهب انا ابشرتس كله على الذهب والجهاز الله يعين قلب ابوي الله يحفظه من جيبه الله يسلمك بندقه واسعدني مرورك عيالنا الله يحفظهم والله الخوف صار مضاعف عليهم والواحد جالس جنبك تخافين عليه من نت والا جوال والا بلاوي سودا كل يوم طالع شي جديد با انتظارك يا الغلا |
اقتباس:
هلا ومرحبا ام عوق لازم تتوفى با الروايه عمرها 92سنه لأن لكل رحله نهايه اسعدني مرورك البارتات سبت وثلاثاء بأذن الله اذا ما حبسني حابس |
اقتباس:
يا مساء الورد بنشوف ان شاء الله كيف جا الختم لسيارة ابو نمر توقعاتك قريب بنشوفها الله يحفظك اسعدني مرورك الراقي |
اقتباس:
هلا وغلا اسعدني والله ان الروايه اعجبتك واللقطاء موضوع صرنا نسمع فيه او نقرا بشكل كبير وخصوص بعد ثورة الاتصالات في دراسه انه زادت اعداد اللقطاء عن السابق مشاعل وبدر ضحية اهلهم با الدرجه الاولى والضحيه الاكبر هي عوق قريب بتشوفين قصة زياد لكن حضري كرتون مناديل ولا يصير احد حولك وانتي تقرين اسعدني مرورك الراقي |
السلام عليكم | مساءك رضى من الرحمن
يعطيك العافيه ام الوليد ابدعتي اذا هذه شافينها البعض مو روايه اجل وش هو تعريف الروايهـ عندهم اسلوب في السرد رائع جداً وممتع سلمت يديك وجعل ما تخطينه حجة لك لا عليك في بارت اليوم واضح جداً ان نهاية ام عوق قربت جداً بس ياترى بعد الزواج والا قبله عندي إحساس انه راح يكون بعد الزواج بعد ما تشوفها عروس وتفرح فيها بيكون هذا اخر يوم في حياتها الله يكون في عوق على ذاك اليوم اذا إحساسها سوى فيها كذا اجل الفراق وش راح يسوي بس وجود زياد جنبها راح يخفف عنها كثير يا حب لك ياام عوق اجل ذهب بخمسين الف صادقه والله عوق من يلبس الذهب الحين وصب بعد ام ابراهيم تستأهل كل خير وقفتها معهم الأخت ما توقفها زياد والله ما تنلام اذا شربت الشاهي وهو حار عوق اللي يشوفها تضيع علومها وانت خلاص رحت فيها ولا تصارخ بعد رحمتك والله ليش احس ان سالفة زياد أحزن من قصة عوق في انتظار السالفه الجديده والله يوفق أبنائي وأبنائك في اختبارتهم ودمتي مبدعه |
اقتباس:
هلا وغلا امووله عادي والله عندي اتقبل كل الاراء للي ما يعجبهم الي اكتبه ماهو ضروري يضيعون وقتهم يقرون الي اكتبه على اني احب الي يوجهني يخبرني هذا خطا وهذا صح ام عوق بتنهي رحلتها معانا لكن بوقتها والذهب عجايزنا تعرفينهم ما يعجبهم الا الذهب والوضيح منهم ام ابراهيم حبوبه وعلى نياتها لكن بيجيها قرصه من انتظري شوي سالفة زياد بنشوفها قريب حضري مناديل وخليها جنبتس امين يارب ويوفق الجميع ويعدي ها الامتحانات على خير اسعدني جدآ مرورك الغالي على قلبي |
بسم الله الرحمن الرحيم السلام عليكم ورحمة الله وبركاته مساؤكم رضاً من الرحمن ومغفرة جزءٌ رائع ذكرني حديث الفتيات به عن كيفية تسريب المجلات لعوق بما كنا نفعلة حين كنا على مقاعد الدراسة أتعلمين............ لم يبقى شيءٌ لم نهربه بيننا من مجلات وقصص ليس دون علم أهلنا ولكن دون علم معلماتنا حيث كنا نتبادله بالمدرسة لأننا جيل تربينا على أنه من العيب أن تذهب الفتاة لزيارة صديقاتها وهي لا زالت ابنة البيت قبل أن نرى في هذا الزمان الفتاة وهي تسابق أمها للزيارات وكأنها هي الأم وأمها ابنتها زياد........... لم يعجبني أبداً تصرفه مع عوق حين كتب لها على الظرف أنه يريد الاتصال بها فهو حين تزوجها لم يتسور الجدار ولم يأتي من النافذة بل تقدم لها رسمياً وعقد عليها فلم هذه التصرفات التي تثير الشبهة حول سلوكه ومدى أمانته عليها أما كان بإمكانه أن يتصل دون تحديد موعد وموعدٌ متأخر بالنسبة لها وكأنه يريد أن يضمن عدم وجود أمها حولها ليخلو له الجو في محادثتها والاستماع إليها بأريحية هذا التصرف أظهر بشكل كبير الاختلاف الواضح في تربيتهما فعوق تربية عجوز شربتها كل تجربتها في الحياة وما تعلمته في صباها وفي مشيبها ثم أنها قد تربت وحيدة ليس معها أقران مثلها في نفس البيت بينما زياد كما يبدو قد تربى في أسرة لديها أبناء قد يكونون في سنه وربما أكبر أو أصغر وهذا يوضح سبب تصرفاته حين أتى ليلبسها الشبكة وجعلها تنتقدها بينها وبين نفسها لدي هاجس كبير أن زياد ليس مجهول النسب رغم أنه ابن غير شرعي وربما كانت المرأة التي ربته تعمل عند أحد والديه عند أهل أمه أو أهل أبيه وحين اكتُشِف الحمل أوكلوا لها رعاية أمه حتى تضع ومن ثم أكفلوها إياه حتى يضمنوا أن يبقى تحت أعينهم وربما ليضمنوا تربيته بعيداً عن أمه وأوهموها أنهم قد وضعوه في دار للأيتام وإلا فما حاجة امرأة لديها أبناء بتربية طفل آخر ليس ابنها وقد تكون قليلة ذات اليد فمن أين ستصرف عليه ثم هي تختلف عنه باللون وإن كانت لتربي لقيط لأخذت طفلاً مثلها على الأقل عوق............. دائماً أحاسيسنا تغلب على واقعنا فهل إحساسها بأنها قد تفقد أمها في هذه المرحلة قد يتحقق؟؟؟؟؟؟؟ حين نكون في قمة فرحنا وضحكنا نتعوذ من الشيطان ويتكون لدينا إحساس أنه سيقلب بِهَم ليس تشاؤماً ولا تطيراً ولكن إحساس داخلي يشعرك أن الفرح الزائد قد تكون نهايته مأساوية فهل هذا هو ما تحس به عوق الآن!!!!!!! هل تخشى من تحقق أحلامها وأنها مع تحقق ما تمنت قد تفقد مصدر سعادتها وأمانها هل قربت نهاية وضحى؟؟؟؟؟؟؟؟؟؟؟ كثيراً ما نكره أن نفكر هكذا ولكنه الموت الذي لا يبارح ساعته الموعودة أتمنى ألا تكون نهاية وضحى أثناء أو بعد الفرح مباشرة حتى لا ترتبط ذكرى فرح عوق بأعظم خسارة لديها غاليتي.......... مبدعة كما عهدناك فلك كل الشكر على ذلك بانتظارك دائماً بشوق لك كل الود |
اقتباس:
هلا وغلا اراده عاد تهريب المجلات والروايات حدث ولاحرج صديقه عزيزه لي الآن استاذه جامعيه تقول لماكانت با المتوسط والثانوي كان ابوها ما يعرف القراءه وكنت اكتب له اسامي روايات عبير واقول هذي مطلوبه من المدرسه وابوها على نياته يشتريهم وفي مره واحد من الجيران قاله وش الي انت شاريهن لبناتك هذي قصص تضيع البنات تقول رجع لنا ابوي بدال الروايات بخيزرانه البنات بهذا الزمان جالسه جنب امها ومعاها الجوال وضحك وكركره والا م تسأل وهي تضحك وش مرسلين لك ما تكلف نفسها تشوف لا تكتفي ان البنت تشرح لها الي تقراه زياد بنشوف تبريره بعدين لعوق لأن الانسان يشوف نفسه كامل ما يغلط لكن لو الغلط من غيره بيشرح ويوضح ويعترض زياد بيكون لنا وقفه معاه بموقف مشابه زياد راح يحكي لعوق قصته بليله سرمديه جهزي المناديل عوق واحساسها بغض النظر عن هل راح تفقد امها اولا ما ادري ليش احنا نستخسر با انفسنا لحظات الفرح دايم متشائمين حتى واحنا فرحانين ندور الي يغثنا اسعدني مرورك يا الغلا ونقاشك الي له عندي نكهه خاصه |
ماشاءالله عليتس والله كلمة مبدعه قليله عليتس
وش هالابداااااع وربي اني من كثر مو مستمتعه اقراء البارت اكثر من مره كل شي بالروايه خطيييير من القضايا اللي فيها الى اكثر شي يجذبني بالروايه نصايح وكلام ام عوق والله اني احس انها توجه الكلاام لي كلامها درر ماشاءالله عليتس بس الله لايضرتس ياقلبي تكفين ما نبي وضحى تمووت استمتع بكلامها ونصايحها الله لايخلينا من امهاتنا والله انا مهما تعلمنا واخذنا شهادات ما نجي شي عندهن ننتضرك يالغلااااا |
السلام عليم رحمه الله وبركاته..
صبااحك رضا وسعاده ام الولييد وصبااح الامتحانات لكل الي عندهم امتحانات الله يووفقهم ياارب بدخل على طووول لاااكثرشي شدني فاهالبارت ام عــوق ونهايتها ادري ان عمرها 92 بس ماني قاادره اتخييل حياه عووق بعدها يااعمرري يااعووق الله يعووضها مع زيااد ويسعدها وعارفيين ان ام عووق مرااح تجلس معانا للنهاييه يااللله تصصدقين فكرت مااقرى الباارت الييين ماتنتهي فتره مووت ام عووق لاني داااايم كل مااقرى هالنهاايه اعيشش جووهم واحززن من حزنهم لدرجه تلقيني ذااك اليووم محززنه بس وش اسسوي ملقوفه هع ومااقدر اشووفك منززله بااارت ومااقرى ومتااكده انه مو غير انا الكل مستحيل يقرى هالابدااع وماينشد له غصب عنه بسبب سلاسه الاسلووب اسلووبك يخليني اقررى وماحس بالنهاايه الله يقوويك ياارب ويعطيك العافييه وماشاء لله علييك .. عووق وماادراااك ما عوووق ياااعمرري يااعوق يقوولك لاتفكر فالمفقوود حتى لاتفقد المووجوود فهي الحين تفكر ان امها بتمووت وتتركها هذي الفكره مسيطره علييها ماتخلييه تنبسط باخر ايامها مع امهابس الله يلووم من يلوومك احسااس مؤلم هو الفققد وشلوون عااد فققد الام والصدر الحننون الي عمره ماحسستها الا انها بنتها ياالله يااااارب تهوون على قلببك يااعوق اكثر شي قططع ققلببي يوم تووريها الذهب وجلسن يصيحن حززنت على صيااح ام عووق انا متاكده انها مييته حززن على عووق لكن ماتبي تووضح لها بس الي مرييح بالها ان عوق بتتزوج زيـاد الي انشرح له قلبببها ومماقطع قلببي الا احسساس عووق باليتم وااه مااصعب الييتم الله يصبر قلب كل يتيم .. ام ابراهــييم يااكثر مانشووف بعض الجيرااان يكونون اقرب لك من بعض القرايب الله لايحرمهم من بعض ويبقوون سند لعوق وامها ولايفرقهم عن بعض .. ريــم ؛يمكن ربي مارزق عوووق بخووات لكن عووضها بريييم وحكاايه المجلااات شي ثاااني هههههههههههههه يااحلوووها من ذكرى الله لايحرمهم من بعض .. زيــاد ؛؛امآآل الكل فييييك لكن وش امالك فعوووق ؟؟ متحمسسه حييل لحياتهم هو وعووق زيااد للحييين علامه استفهاااام بس مقهووره على عووق ليش ماردت علييه يوم اتصل عليها باين ان الرجاال رااح فييها من عووق المزايين بس تعجبني عووق يقوولك الثقل زينه البنت بس عووق مادري وش تحس فيه ماحسه تحمل اي شي ناحيه زياااد وهذا اكثر شي لفت انتباهي يام الولييد عارفه ليش لانه شي واقعي يعني فييه كثير كذاا يمكن مايجي الحب الابعد الزواج يعني ماتخلي كل حياتها هازووج بس استغرب من بعض البنات بس تنخطب خطبه لااا وكمان كلااام وماتكوون تعرفه تلقينها تسووي فيها مثل عبله ههههههه .. كلام ام عووق وعووق عن علاقه عووق مع زيااد واهله واخوواته عجبتني حييل يالله الوضحى مو كلااام والله دررر احسسها كانه توجه نصاايح لنا كلناا سوواء كانت بنت ولا متززوجه وعسى ربي يعووض عووق فييهم ياارب .. ام الوليييد ادري ان كلامي واجد يمكن بعضه ماله داعي هع بس الله يعينك من جد عاااجززه عن وصف مددى اعجابي فقلمك بتنظــآرك ..} |
اقتباس:
هلا وغلا ان شاء الله يبقى ها الاعجاب لنهايه ام عوق من بداية الروايه واحنا عارفين انها بتموت وكثير عجايز مثلها وبحكمتها اسعدني مرورك |
اقتباس:
هلا وغلا ام عوق لازم وفاتها الحمدلله انكم تحسون الروايه واقع وتتجاوبون مع احداثها ام عوق تصرفت مع زياد با الي كان واجب تسويه وش فايدة الخطيب قبل العرس سردادي مردادي خلاص يبغى زوجته ويصلح العرس وياخذها كثير تهاون بها الامور جر ويلات اسعدني مرورك الراقي |
بسم الله الرحمن الرحيم
هلا وغلا بكل العابرين الي يمرون على ها المتصفح .., و الي حبوا سوالف طيف الأحباب .. ماهو كل من يقدر يكتب او يرد برد طويل اوقصير .., في الي مشغول وفي الي ماله خلق وكلن عنده ظروفه .. دعوه طيبه بينه وبين نفسه هذي تكفيني من احبابي .., و لكم عندي بدال العذر ملايين الاعذار.., العذر والسموحه من بناتي وخواتي الي يتابعوني وينتظروني.. بوقف تنزيل الروايه اسبوع بسبب اختبارات اولادي .., راح نتوقف بأذن الله فقط الثلاثاء القادم والسبت الي بعده .. ونرجع نكمل مع بعض بحول الله وقوته مثل ماكنا سبت وثلاثاء.. يعني موعدنا الثلاثاء اخر يوم با الامتحانات بأذن الله تعالى.. قبل ماانسى في ليله سرمديه قادمه من ضمن ليالي بتمر على زياد وعوق .., بتكون اهداء خاص لآمووله واذا قرته معانا بتعرف ليش اهديتها..!!! . . . اليوم بنشوف عوق المزايين وذكرياتها با الايام الي قبل حفل الزواج.., وشعورها وش كان ليلة العرس.., تذكرو طيف الأحباب واسرتها بدعوه طيبه.. البارت اهداء للعابرين من هنابدون استثناء.. سواء الي خلف الكواليس والا الي اسعدوني بتعليقاتهم..!! . . . يا الله تعالوا معاي...!! وسالفه جديدة؛ . . . البارت الثالث عشر . . . مر على ملكتي عشر ايام وكل يوم صرت افصل خط التيلفون قبل الساعه عشرالليل اخاف زياد يدق..! وامي تسمع او تدري انه يحاول يكلمني وتزعل..؟! وانا ما ابي امي يضيق صدرها من شي..! وفي الصباح اشبك الخط.. . . بعد اسبوعين من الملكه . . قبل الظهر دق التيلفون وردت امي قالت خلاص حياك الله ..؟! وانا عارفه انه زياد الي يكلمها ..., عوق \ مين يمه ... ام عوق\هذا زياد يقول بيمر يبيني بموضوع..؟! ترى با امسكه على الغدا يالله عاد ورينا شطارتس ..! عوق\ابشري لو انتس عارفه اني شاطره تربية الوضيح.., رحت شيكت على المجلس ودخلت المطبخ اجهز القهوه والغدا.. انا با المطبخ ودخلت امي علي...!؟ ام عوق\استعجلي الغدا ترى الرجال بيمشي ..؟! خلصت الغدا بوقت قياسي وجلست في الصالة انتظر امي وبعد الغدا جات امي ..!! ام عوق\الرجال تغدى ورجع لشغله..؟! الضعيف تلفونه النقال ما سكت من جلس الين مشى.. عوق با استغراب \وش عنده...!؟ ام عوق\ماعنده غير الخير يبي اوراق علشان يضيفتس معه... وصور شخصيه يقول بيطلع جواز لتس ..؟! والعرس حدده بعد عشرين يوم..!!؟ عوق بغضب\ خير بها السرعه العرس..! وبعدين جواز وش ابي فيه مانيب مسافره واتركتس وراي..!؟ ام عوق بحده\ وش ها الهرج الي ماله طعم..؟! ما زعلتيني وانتي صغيره تبين تزعليني وانتي حرمه في شور رجال..! ماهقيتها منتس تعاندين ..! عوق با انكسار\ يمه ماهو عناد بس..! ام عوق بغضب\وش الي بس يا عويق كلمه وما ثنيها العرس مثل ما قال الرجال والصور العصر نشوف لها دبره ...!؟ واشوف بسرعه الاوراق تجهز بيمر بعد ما يطلع من شغله ياخذها...!؟ ودخلت امي لغرفتها.., ليه هي وش زعلها انا كله علشانها ما ابي اتركها با الحالها مهما كان هذي امي..! وكل يوم اشوف عيونها عيون المودع ومع هذا صرت انا الغلطانه ...؟! حتى علاجها الي كانت تاخذه من يدي وانا الي اعرف مواعيده..! الحين تزعل اذا قلت يا الله موعد علاجتس.., تصدني وتقول اخذت علاجي وما يحتاج ان نسيت شغالتي تفطني ..؟ دخلت غرفتي محروره ومقهوره.... وانا ظر الشنط حقت جهازي ريم وخواتها ماقصروا تكفلوا بكل شي...! وصلحوا لي شغل سنه بعشر ايام ..! قلبي ما ارتاح وانا احس امي عصبت علي طلعت لها..., ودخلت لغرفتها وهي تجهز نفسها لصلاة العصر..! ام عوق\جهزتي الحاجات الي قلت لتس..؟! عوق \لا بس ما يحتاج كل الاوراق اصلن جاهزه ومحفوظه بالخزنه عندتس..! اردفت عوق با استعطاف\يمه ليه صايره بسرعه تعصبين وكل شي لازم يصير على مزاج زياد... ام عوق بحده\وش الي يصير على مجاز زياد..! الرجال سوى الي عليه ملك وارسل لتس المهر مدبول.. واليوم جاي يقول يا خاله انا رجال ملكت وابي حرمتي .. وترى حددت العرس بعد عشرين يوم يناسب والا ما يناسب..؟! قلت لا بالله يناسب وحرمتك اشهر عرسك وخذها محد بيوقف بوجهك...! عوق بوجع\يمه ماهو بس على هذي انتي حتى علاجتس استغنيتي عني .., ام عوق بحده\انتي وش عندتس قمتي تدورين الحجات والاعذار..! علاجي قبل انتي عندي مالتس شغل وتشوفين وش انا ابي.. لكن الحين عندتس شغلآ اهم من علاجي انا ادبر نفسي يا عويق.., والله الظاهر انتس انتي صرتي ولية امري.., وترى زياد جايب معه تلفون نقال يقول ابيتس توصلينه لعوق..! قلت ماعندي بنات يكلمن با التلفونات..؟! الرجال اذا ضوى حرمته تحت سقف بيته يهرج عليها ليله ونهاره محد قايل وش قالوا..!؟ ودامها تحت جناحي لا بالله ياولدي ما احب اطوالة الهرج وقصره.., واردفت ام عوق \ايه قبل انسى العرس في بيتنا وماهوب جاي معه الا اهله الخاصين ...! وبيسافر كم يوم واذا عودتو بيزين حفله كبيره انتي وش رايتس..؟! عوق بقهر \يعني وش رايي انتي وهو خلاص قررتوا ونفذتوا..! يمه من يوم قال عشرين يوم اعرفي انه خلص كل شي ..! ام عوق \الحين انتي علميني وش الي تبينه من ها المطمطه..؟ تبين عيال ناصر يدرون بعرستس ويجون يساومونا ..! والا تجي ساره وتقعد تنابح علي .., والله ان ما تعوذتي الشيطان وسويتي الي اقولتس انسي ان لتس ام وسوي الي يجوز لتس .., عوق با استسلام\ خلاص كل شي ولا زعلتس والله لو تبيني ارمي نفسي با النار ما قلت لا بس لا تضايقين.., ام عوق\الله يرضى عليتس والله ما ابي الا ان ربي يستر عليتس ويوفقتس.., عوق\خلاص بطلع الاوراق الي يبيها وبطلع للمشغل الي رحت له انا وانتي ذاك اليوم فيه مصوره بصور علشان الجواز..! ام عوق \يا الله انا بصلي وانتي صلي وبسرعه اطلعي للمشغل .., هذا هو جنبنا مامن بعد الرجال الحين يمر..! طلعت الاوراق وطلعت صورت صور شخصيه مثل ما طلبت امي .. استغفر الله مالي حظ با الصور طلعت شينه بس يا الله ماشي الحال اهم شي الوضيح ما تزعل.. ورجعت للبيت وكان زياد موجودعرفت سيارته ..! شفته راكبها يوم كنا با المحكمه..؟! دخلت مع الباب الثاني وارسلت الشغاله على امي وجات اخذت الصور علشان تضيفهن للاوراق.., رجعت امي قالت زياداخذ الاوراق وطلع... ودخلت امي لغرفتها.., دق التلفون بصالة البيت و رفعت السماعه..! .....\عوق عوق\من معي..! عوق\انا زياد زياد بترجي\عوق ابي منك خمس دقايق بكلمك ضروري...! ما ادري وش الي خلاني ادخل با التليفون لغرفتي عوق\ ياالله قل وش عندك..!؟ زياد\ عندك احد..؟ عوق بحده\اخلص الي عندك حتى لو عندي احد ماهو سامعك..؟! زياد\ ليش ادق كل ليله ما تردين..؟ عوق\ وهذا الضروري الي تبي تقوله..! زياد\ لا لكن ودي اسمع صوتك خالتي صاكتهاعلي صكه..! حتى الجوال الي جبته لك ردتني طاح وجهي يوم قالت مانيب ماخذته راحمه حالك.. من هروج الليل لا تروح عليك نومه ثم يطردونك من شغلك..! عوق بنفسها\ امي واعرفها ماعندها لف ودوران با الوجه.., ضحكت استغفر الله غصب على كلامه .., زيادبضحك\الحين اكثر العالم جوالات الا انتي..!؟ عوق \ مالي حاجه فيه والا لو ابي طلعت بدال الواحد اثنين..؟! زياد بقلة حيله\ طيب خلاص ماهو ضروري جوال تلفون على الاقل اسمع صوتك واخذ رايك بترتيبات الزواج..! خلاص الزواج ما بقى عليه شي وانا ما ادري وش تبين من ترتيبات اخاف اسوي شي ما يعجبك..؟! عوق بحزم\اسمع زيادانا ما خنت امي وانا مراهقه ولا زل عقلي مثل البنات ولا عمري خبيت عن امي شي .., يوم صار ذا كبري بكذب عليها واخدعها ..؟! امي ما تحب سوالف التيلفونات حتى مع صديقاتي وهم بنات.., وتضايق لو شافتني ماسكه سماعة التيلفون وانا الي يضايق امي مالي حاجتن فيه ..؟ وهذي اخر مره اردعليك وبسكر لكن قبل اسكر بطلب طلب واحد منك بس..! زياد يتنهد بضيق \اطلبي ...!؟ عوق\ انت ما طلبت صور للجواز الا وانت مقرر تسافر برا المملكه.., زياد\صحيح بحجز اسبوعين في بالك مكان معين..! عوق بترجي\ما ابي اسافر برا المملكه ما اقدر ابعد عن امي..! اخاف يصير لها شي وانا بعيده والله ما اسامح نفسي ولا اسامحك..؟! زياد بملل\ طيب والمطلوب ...!؟ عوق بتردد\اذا ضروري تبينا نسافر نطلع مكه عمره ونرجع.., واذا كاتب ربي لنا سفر للخارج بنسافر..! زياد با استغراب\امرك عجيب البنات يسوون مشاكل بس علشان يسافرون شهر عسل..! وانتي تترجين علشان ما تسافرين ..! لك الي تبينه والله ما خسرت الي ربتك ياحظها فيك .., وانا الله يصبرني ياعوق العشرين يوم الجايه ..؟! عوق \ وترتيبات الزواج خذ راي امي فيها ماراح اصير افهم من امي ومع السلامه وماقصرت.., سكرت الخط ورجعت التيلفون لصاله خفت امي تحس اني اكلم و تنزعج .., رحت بشوف امي بغرفتها لقيتها نايمه..! وكلمت ريم علشان اخبرها با التطورات الجديده ..! قالت لازم اجل بسرعه نشوف الفستان ..؟ اليوم الثاني خبرت امي اني بطلع لبيت ريم اخذهاعلشان اخلص الي باقي من جهازالعرس ..! فصلت فستان والمصمم قال اسبوعين ويخلص.. حجزت كوافيره تجي للبيت امي ما ترضى اطلع مشاغل..., وخلصت شغلي كله..., مرت الايام بسرعة البرق قبل زواجي بليله..؟! جات ريم وخواتها وامهم معهم علشان نشوف وش الترتيبات الي بنسويها علشان حفل بكره..! فستاني طلع ورجعته اكثر من مره لتعديل وزني حيل نزل خلال الاسبوعين..., وجات الحنايه وهذا طلب امي تقول وشلون عرس بدون حنا والا عروس بدون ذهب ...! وانا مستمعه ومنفذه ممتازه لتعليمات الغير...! تمثال يشكلون ويحركون فيني على كيفهم امي وبنات ام ابراهيم..., ما اعترضت على شي كل شي يقولونه انفذه ..., يتهاوشن ويتصالحن هن وامي وانا بدور المتفرج ما ادري احس اني بغيبوبه .., حتى التصوير ما اخترت شي ولاهمني اذا فيه تصوير اولا.. خالتي نوره اقنعت امي علشان بعدين عيالي يشوفون صوري.. وكل العرايس يصورون وش معنى عوق ..! تحنيت الحنه الي على مزاج امي يديني ورجولي حسيت اني صرت لوحه مانيب انسان..! ما اسمع الا امي تقول زينيه من هنا وضبطيه من هنا نبيه احمر مثل دم الغزال ..! اسمع اصواتهم ولا عندي قدره على الرد.. نمت بغرفة امي واحس با امي كل شوي تقوم تناظرني وترجع تنسدح ..! لا انا نمت ولا هي تهنت بنومها كل وحده فينا تمثل النوم على الثانيه...؟! صحتني وانا اصلن صاحيه على لصلاة الفجر..؟ قمت علشان اغسل الحنه طلعت امشي كني طفل توه يتعلم المشي..!! حتى وصلت جناحي ودخلت الحمام اغسل طن الحنه الي على يديني ورجولي...! شكل الحنه روعه مثل ما قالت امي دم غزال لكن مبالغ فيه..؟! صليت الفجر وانا اقرا اذكاري .., اسمع امي تنادي واطلع لأامي وهي جالسه با الصاله تقول وينتس ابي اشوف حناتس..! رفعت قميصي وريتها رجولي وجلست قدامها اوريها يديني .., قالت يا مشاء الله تبارك الله هذا الزين وتمسك امي يديني وتبوسها.., واقعد ابكي تذكرت يوم كنت صغيره تحنيني ليلة العيد.. وتقول عوق ارقدي ترى ما يصبغ حناتس الا اذا نمتي.., وانام علشان يزين الحنه واذا غسلته صبح العيد تبوس ايديني.., وتقول الحنا ما يزهى الا بيديات عوق المزايين.., امي قعدت تبكي يوم شافتني اصيح .., ام عوق تبكى وتبلع غصه\ياعوق وش فيتس تبكين والله لوماهي سنة الحياه.., وخايفه عليتس من عقبي اني ما اخليتس تفارقيني.., بس يا بنتي وش تبينا نسوي هذي كتبت الله والي مقدره على بنات حوا قبلتس .., احمدي ربتس يا بنتي واشكريه ان الله مد عمري لين حضرت يوم عرستس.. ان شاء الله ان زياد ما يخيب ظني وبيصير لتس نعم الرجال .., قطعت قلبي دموع امي لكن وش اسوي مالي حيله الا الصبر.. بعد الظهر جات الكوفيره علشان اخلص بدري..! خصوص ان الحفل في بيتنا..! صحيح مافي معازيم واجد...! لكن لو ضيف واحد يربك كيف بحفل زواج..؟! خلصت بعد المغرب ولبست فستاني..! وامي كل فترة ماالكوافيره تشتغل على وجهي وشعري تنتقدها..! مره قطعتي شعرها .., ومره تقول اعميتي عيونها ببلاويتس .., لكن الكوافيره كان بالها طويل مع امي.., طلع شكلي مرضى الي حد ماوانا لو كنت بصلح مكياج لنفسي بيطلع احلى..., لكن ريم قالت لا على الاقل التسريحه ماراح اضبطها لنفسي مثل الكوافيره..! قلت اجل خليها تسريحه ومكياج مالي خلق احط المويه بفمي كيف بزين نفسي..؟ خالتي ام ابراهيم وبناتها ما قصروا ..., رتبوا كل شي وانا جلست بغرفتي الي كلها شنط واكياس ..., زياد جا امس وطلب من امي الشنط حقتي لكن امي رفضت ..! قالت لا عوق هي الي تاخذ شناطها وترتبهن ..! اعجبني كلام امي مع اني ما طلبت منها تقوله..! ريم جهزت لي شنطه علشان حماها نواف قايل لأم ابراهيم..! زيادبيطلع لفندق مع زوجته ليلة العرس خبروها ..! من بعد طلبي من زياد انه ما يدق علي وامي ردت هديته شكل زيادخاف من انتقاداتها..! نواف يوصل لعمته ام ابراهيم وهي تخبرنا وش يبي..!؟ ما ادري وش الي حطته ريم با الشنطه.., لكن على الاقل ريحتني من الحيره .., . . بعد صلاة العشا . . دخلوا علي ريم وخواتها علشان اطلع با المجلس الخارجي صلحت فيه كوشه صغيره... من اختيار ريم وخواتها..., ميعاد كانت تعلق وتقول والله كنت ابي الكوشه على شكل عربة سندريلا لكن زياد وشلون بيدخل ويوقف فيها.. بيصير لكم احدب نوتردام..! كثير اعجب البنات شكلي وفستاني وخصوص ان فستاني كان موديل فرنسي فخم لونه سكري والمسكه ورد طبيعي .., ولبست طقم لولو رجعت اشتريته انا وريم من حسابي .., والفكره لريم لأن امي مايعجبها الا الذهب الاصفر.., طلعت وجلست على الكوشه.. وجاو ناس قليلين ما ادري وش الاشكال ما ميزت احد الا ام زيادعلشانها على كرسي متحرك.., لكن الاكيد ان المعازيم يعدون على الاصابع.., اسمعهم يقولون ان زياد بيدخل.., دقات قلبي حسيتها سدت اذاني .., لكن الي استغربته مافي احد تغطى يوم قالوازيادبيدخل يمكن الا حرمه وحده .., ما اشوف الا امي وام ابراهيم لا بسات براقع وبنات ام ابراهيم طلعوا.., يعني عوايدهم ما يتغطون عن بعض امحق عوايد..! دخل زياد يمشي با الحاله وعرفت ساعتها انه انا وانت يا زيادوحيدين .., مهما كثروا الي حولنا نبقى بنظر المجتمع لقطاء.., مقطوعين وكل الي يشوفونا الحين اجناب عنا حتى نظرتهم لنا شفقه ورحمه بحال ايتام.., جو لدنيا بغلطه ولحظه حظر فيها الشيطان بين اثنين.., جابونا ورمونا ما اهتموا وش بيصير علينا اواي صعوبات بنلقاها بحياتنا ..., ابآنا ذكور بينسى المجتمع الي سووه..! وامهاتنا الاكثريه منهن لذة ساعه اورثت هم وندامه طول العمر..!! الي انذبحت والي تحطمت حياتها الشي الاكيدان كلهن مشتركات با التعاسه الابديه للغلطه الي غلطوها.., وانا با افكاري ما اسمع الا زياد يبارك لي.., نسيت ما ادري وش ارد عليه ..!؟ هو يقول الف مبروك يا عروس..؟! وانا اقول طيبه بخير..! والحمدلله مافي احد يسمع.., كل الحاضرات جو يسلمون عليه.., واسمع الي تقول الف مبروك خالي والي تقول عروستك صاروخ والي تبارك وتمشي..! ام زياد جالسه على كرسيها جنبنا تكسر الخاطر شغالتها واقفه وراها.., وكل مارفعت عيني عليها شفتها مركزه على زياد ومبتسمه.., نادى زياد امي وقال ياخاله بنمشي..! انا سمعت كلمة بنمشي وطقتني ام الركب ابي اقوم ماعاد تشيليني رجولي وجات خالتي ام ابراهيم.., تسمي علي وش فيتس قلت خاله احس اني ما اقدر اوقف وسمت علي ومسكتني مع يدي قومتني... ! زياد صاد عني يسولف مع حرمتين اتوقع الي اسمهم بشرى ونجلا.., التفت علي يوم وقفت ومسك يدي قالت له خالتي ام ابراهيم انتبه لها تراها دايخه ومرتبكه .., اناظر امي ما ادري وين راحت ماعاد شفتها ابي اسأل خالتي ام ابراهيم حسيت اني انخرست ماغير ماسك يدي زياد كنه خايف اني اهج ..! طلعت وانا عيوني طايره ابي امي تلاشت بين الحضور الي حتى عددهم قليل اكيد امي دخلت داخل يمكن اتعبت ارتفع الضغط والا السكر عندها ابي اتكلم لساني ماعاد يعيني على الكلام..!! بس بشوفها ما احس الا خالتي ام ابراهيم وريم لبسوني عباتي والطرحه حذفتها على وجهي ما ادري كيف لبستها وريم تقول بلحقتس مع المصوره للفندق ..! ماعاد ابي عرس ولا مصوره ولا احلامي الهبله ..!؟ با الله يوم كنت افكر اني اتزوج مثل صديقاتي انا وين كان مخي بس ..! ابي امي ماعاد ابي شي..!؟ يا ناس ياعالم فكو عني صارت زحمه على الباب اسمع ضجيج اصوات وعبايات سود.., طلعت مع زياد والمعازيم ورانا يمشون.. فتحت خالتي ام ابراهيم باب سيارة زياد من ورى..., اسمع زياديقول لا الباب الي قدام محد معانا بس انا وعوق..! ركبت قدام وقبل تسكرالباب قالت الحين شنطتس يا امي معاي..! بنلحقتس فيها انا وريم مع المصوره..!؟ فاضيه يا ام ابراهيم اول مره احس ان دمتس ثقيل ..! انا ابي امي يلحقوني فيها ماهو شنطه ومصوره..!؟ مشتاقه احبب عيونها واشم شعرها ياطول ليلي طولاه..! حرك زياد السياره وهو يسولف ما سكت من طلعنا من شارع بيتنا..! وانا ما ادري وش يقول كنه بالع رادو..! ما اسمعه الا يتحمد ربي اني صرت من نصيبه..! واني اجمل ما شافت عيونه ولا اشوف شي غير انوار الشوارع من تحت الغطوه..! وصلنا الفندق ونزل زياد وفتح لي باب السياره.. وها المره صرت امشي وراه بدال ما هو ماسك يدي..! يعني الحين محتاجه احد يمسكني لا اضيع ماهو يوم كنت في بيت امي..! طلعنا للجناح الي حاجزه زياد.., ودخلت وانا امشي مثل الي مخدره احس نفسي بطيح ما ادري نوم ما ادري ارهاق ما ادري رعب او خوف على امي ..! الجناح كان صالون استقبال وشكل وراها باب ثاني يمكن غرفة نوم.. صالة الاستقبال صغيره فيها كنبات اثنين فرديه والثالثه مزدوجه بينهم طاوله..!؟ ما يمدي جلست الا جوال زياديدق رد عليه قال خلاص بطلع لكم نزل بشته على الكنبه.. وطلع اقل من دقيقه الا وراه حريم..! دخلوا رفعت راسي على صوت خالتي ام ابراهيم وريم والمصوره معهم..! ريم معاها شنطتي ودخلت للباب الثاني وخالتي ام ابراهيم وقفت جنبي ودنقت علي قالت عوق..!؟ وش فيتس بسم الله عليتس..! ما ادري كيف قلت سلامتس..! ام ابراهيم\ هذي المصوره بتصوركم زياد طلع شوي ويرجع .. وريم معاها شنطتس بترتب اغراضتس داخل عوق بحزن\ خاله لا تتركين امي.., امي ما تعودت ترقد با الحالها.., ام ابراهيم\ لاتشيلين هم الليله كلنا بننام عندها.. انتي لا تفكرين الا بنفستس وبس .. وانا امتس خلاص الحين انتي حرمة برقبة رجال لا تخيبين ظن وضحى فيتس .., طلعت ريم من الغرفه وجات جنبي.. ريم بهمس \ نزلت شنطتس وفتحتها ما طلعت شي منهاعيب الرجال برا واقف مع جزاع..! بسرعة المصوره تصور وتضف وجها ننتظرها تحت..! عوق بترجي\ريم تكفون امي لا تخلونها اختفت من عيوني ما شفتها يوم جيت امشي وين راحت ريم بتهكم \يعني وين بتروح اكيد واقفه على روس الشغالات على شان ترتيب العشا..! يا حبتس ياعوق لنكد اقول تعوذي الشيطان ..., اردفت ريم بضحك\يا ربي لا تعاقبني شفت زياد قبل شوي والله ان شوفته تمزع التسبدتبارك الله.., ماهو الي عندي لا وبعد امه ما كلتني عليه تبيني عقب كل صلاة اسجد سجود شكر على ان ولدها اخذني ..., الحمدلله اني احب جزاع والحمدلله ان الحب اعمى وجزوعي معميني غلاه... عوق بضيق بطفش\ياربي ياريم انتي وجزاع الي كنه شبه مع كل دواء.., الحين اسألتس عن امي وش جاب طاري جزاع .., ام ابراهيم بحده \امتس طيبه ما عليها يا بنتي وحنا افتضحنا با الرجال واقف برا..! وريم ماهي صاحيه من مرض جزاع لين يصقع راسها بحرمه علشان يمكن تصحى ..! ريم بغضب مصطنع\ياويلي يمه اعوذ بالله .., ام ابراهيم\اقول عن القرقره امشي قدامي .., ورجعت ام ابراهيم سلمت على راسي ام ابراهيم بحنان \استودعتك الله الذي لا تضيع ودائعه.., نفس الكلمه البارحه يوم نمت عند امي حطت يدها على قلبي وقالتها.. طلعوا ودخل بعدهم زياد..! لبس بشته الاسود الي مناقض لبياض بشرته..! وبدت المصوره تاخذ صور.., انا وزياد كلنا ملينا من التصوير انا قلبي ما كلني على امي .., وزياد ما ادري وش فيه شكله طفش مني..! كل ما قالت المصوره حط ايدك هنا والا ناظر من الزوايه هذي قعدت اتأفف.. قال خلاص بسرعه خلصينا شالت عدتها المصوره وطلعت وبقيت بس انا وزياد با الحالنا مره ثانيه.., زياد \ خوذي راحتك عوق شوفي غرفة النوم وراك كان بتغيرين لبسك..! قلت بقلبي جاك الموت يا تارك الصلاة..!؟ وش بغير لبسي الحين انا ادري عن ريم المرجوجه وش الي اختارته وحطته بشنطتي..؟! زياد يبتسم\انا بنزل دقايق وراجع لك على طول ما راح اتأخر ..! هزيت راسي وانا ساكته يعني وين ابي اطير بترجع تلقاني تأخرت والا استعجلت ..! هو طلع وانا اخذت عباتي وطرحتي ودخلت لغرفه النوم السرير كبير مره ومنثور عليه ورد اول مره ادخل فندق بحياتي ..! اول شي دورت ساعه ابي اعرف الساعه كم لقيت الحمدلله ساعه جداريه .. ها الليل معيي ينتهي وانا ظر الساعه الا توها ماو صلت احدعشر ونص ياربي سترك متى يصبح علينا الصبح... يا ها اليله لو انتس ليلة امتحان ومذاكره كان مريتي بثواني..؟؟!!! . . . (كلمه اخيره) عن أبي هريرة رضي الله عنه قال : أوصاني خليلي بثلاث لا أدعهن حتى أموت صوم ثلاثة أيام من كل شهر وصلاة الضحى ونوم على وتر . يأمرنا الرسول صلى الله عليه وسلم ... ان نصوم الايام البيض ولكن الغريب ليس بكلام رسول الله صلى الله عليه وسلم فالمخابر الامريكية اكدت ان القمر لديه القدرة على امتصاص الماء الراكد من جسم الانسان والغريب في الامر انه حسب المخابر الامريكية لا يمتص القمر الماء الراكد في جسم الانسان ايام اكتماله اي ايام 13 14 15 من الشهر القمري "اقصد بالماء الراكد هم الماء الذي لا يطرح في العرق والبول" لذا خرج المخبر بنتيجة وهي؛ "ننصح الشعب الامريكي بالانقاص من الاكل والشرب في الايام 13و14و15 من الشهر القمري وهو ما اكتشفه الرسول صلى الله عليه وسلم قبل 14 قرنا "وما ينطق عن الهوي ان هو الا وحي يوحى" اللهم صلي وسلم على محمد وعلى آل محمد . . . الي الملتقى قريبآبأذن الله وسالفه جديده طيف الأحباب ام الوليد |
مبدعه أم الوليد الله يحرم يدينك عن النار طرح مبدع وسلاسه في السرد ووصف جميل يقرب من الحقيقه حتى كأننا نشوفه يتجسد قدامنا فتوتر عوق وخوفها قبل العرس ومايشبه الغيبوبه التي مرت عليها قبل ليلة الزواج واستمرت فيها حتى وصلتها كلمة (بنمشي) هو تماما مانحس به أيام الزفاف لكن من بعد هذ الكلمه تنقشع الغيبوبه ويبداء الأحساس بالخوف والرجغه فهي الحين بتبدأ بمواجهة الموقف وحيده بعدما تغادر من كانو يشدون من أزرها من أهل وأصحاب لكن ليتك خليتيها تشوف أمها قبل لاتطلع (مرررررررررره حزني هالموقف) فهي في أشد الحاجه انها تشوفها في هالحظه عشان تطمنها وتستمد منها القوه وتعطيها كم نصيحه ع الماشي تثبتها فيها لكني أتوقع ان أم عوق ماصدت عن عوق لأنشغالها بالعشاء مثل ماقالت أم أبراهيم ولاكن لأنها متأثره ومابغت عوق تشوف تأثرها وتنشغل عليها .....أتمنى تعدي هاليله على عوق بسلام وأضحكتني لما قالت لوأنها ليلة أمتحان كان مرت بثواني ...وأتوقع تطول هاليله أكثر وأكثر عليها بسبب تحمس زياد وطولة باله ويمكن رومانسيته بعد في حين أتوقع أنها تكون جامده معه ومتصلبه وماتفك بسهوله وتثبت له أنها تربية عجايز صح......أم الوليد أسعدك الله مثل ماأسعدتينا ووفقك وأولادك ومن تحبين ويسر أموركم ....امييييييييييييييين ......أختك مها .....
|
الموقف المبكي الموجع ....دخول زياد وحيد ..حقيقه ما عليها غبار ..
حتى اذا تعامو عنها بوجود الناس من حولهم لـقطاء .. كم من شخص مر في هذا الموقف ..والموجع اذا كان يتم لكن الشعور القاتل اذا كت ف ها الموقف واهله حولك ...يتم روحي ام عوق تشبه والدتي الله يخليها ..ما يروق لها العرس الا بذهب وحنه .. حتى اذا صابك حساسيه ..تقول الهيستامين موعبث ......فصل موجع ام طيف سلمتي ودي |
اقتباس:
الله يسلمك على ها المديح ام عوق اكيد ان فراق عوق حتى لو با الزواج احزنها بنشوف رومانسيات زياد وحياته مع عوق من البارت القادم بأذن الله الله يسعدك على ها الدعوات الطيبه اسعدني مرورك |
اقتباس:
اليتم كل طعمه واحد لكن مرارة يتم اللقيط اشد بكثير من غيرها كل امهاتنا كذا مافي عرس بدون ذهب ولا حنا الله يحفظ امك ويشفي امي وهي صادقه الهستامين ما صنعوه عبث اسعدني مرورك |
السلام عليكم | مساءك سعاده
ابدعتي ام الوليد سالفه اكثر من رائعه سالفة عوق المره هذه سالفة فراق وحزن عاده فقدناه جداً وهي الحنه بنات اليومين هذه ما احد يحبه زياد تدري بتتعب مع عوق تربيته غير تربت وكبرت على عادات انقرضت في الوقت هذا الله يكفين الشر فيبلك صبر على البنت ما تتعود عليك استغرب عوق عدم تغطي الحريم منك الا انت مرضعتك أمهم الأكيد انك راضع مع أخوك اللي شافته عوق وضنته زوجها اقتباس:
وشلون بنت في مثل حاله عوق الوقت هذا يظهر ما دى حاجة الفرد لـ الاهل والعزوه ياترى ليس الوضيحي اختفت عن نظر عوق ما تبي تودعها خايفه على عوق تنهار والا صدق مشغوله بالعشاء زي ما قالت ام ابراهيم بس عندي إحساس انها ليلة الوداع قلبها بيوقف عن النبض وتسلم روحها لبارئها بعد اطمئنت على عوق وأنها عند رجال كفوا ريم ملح الروايهـ حبه لجزاع معمي عيونها عن كل شئ وتشوفه أحسن واحد في الكون يقولون الحب أعمى وقايده مجنون في انتظار السالفه القادمه أسأل الله التوفيق لـ أبنائي وإبنائك وجميع الطلاب في اختبارتهم ودمتي مبدعه |
اقتباس:
هلا وغلا امووله ارد عليكم ما صدقت القى فرصه اولادي الله يحفظهم بينهم تنافر هم والكتب يتم اللقيط غيرالله لايبلا المسلمات با اعرضهن بنشوف زياد وتربيته ومين هم الي معاه قريب بليله سرمديه البارت الي بيكون اهداء لك بأذن الله وضحى اكيد انها فاقده عوق خبرتي ام بعرس بنتها يشغلها عشا قلبها اكيد مع بنتها اسعدني مرورك ويارب يوفق كل الطلبه والطالبات ويعدي ها الامتحانات على خير |
هلا ام الوليد او طيف الاحباب
ما شاء الله روايه اكثر من رائعه او انت عن جد مبدعه انا لقيت صعوبه كتير اول الروايه اني افهم اللغه المكتوبه .... (يعني اصعب من الخليجي العادي اللهجه) لأني من القدس , و كنت ما راح اكمل الروايه بسبب صعوبة اللهجه , بس القصه شدتني و شوي شوي صرت افهم اللهجه حتى مرات بردد بعض الكلمات بيني و بين نفسي . انا كتير حبيت الروايه و موضوعها , او حبيت العادات الموجوده عندكم كتير مع اني بستغرب مرات من بعض الامور او بحكي بيني او بين نفسي معقول في هيك لهلأ او حاليا عم بستنى االبارت الجديد لينزل . انا تجربتي في قراءة اللاوايه الخليخيه حديثه ابتدت برواية اسى الهجران و قرأت الروايتين التانيين لأنفاس قطر ما شاء الله عليها مبدعه حتى انها خلتني لفكر في كتير اشياء برواياتها و قرأت نكهات من علقم الدنيا و حاليا بقرأ روايتك و روايه مصريه و كمان رواية اما غرام. انا حبيت الروايه الخليجيه و حبيت روايتك بالذات بسبب موضوع الروايه او بتمنالك التوفيق و النجاح الك و لأولادك او لأولادي كمان او الله لا يحرمنا هاي الانامل الذهبيه اريج:55: |
السلام عليكم ورحمه الله وبركاته
تسلمين ام الوليد على هالبارت الراائع جعل يمينك تحج سوالفك كلهاااا رااائعه ونستمتع وحنا نسمعها منك الله لايحرمنا منك ولا من سوالفك الرااااقيه واخيرررررا تزوجت العوق وارتاح قلب الوضحى واللحين تقدر تحط راسهااااا وهي مطمئنه ان العوق عند ايدي امينه ورجااااال كفو بيحافظ عليهاااااا ام الوليد ابدعتي كثيرررر في وصف حال عوق وخوفها وقلقها على امهااااا ميييين اللحين الي تهتم براي امها والا تحرص على رضاهااا لو على رغباتهااا الله يكون بالعووون اعجبتني ليله الحناااااا وكيف اهتمام وضحى في عوق وحرصها على ان تكون الحنا حلوه وعورني قلبي لدرجه البكااااا يوم وضحى باست يدين عوق المحناااا والله ان قلبي احسه وجعني ما اقدر اقولك شنو شعوري حزتهااااا زيااااد الله يستر ياترى راح تكون قد المسؤليه الي وكلتهااااا لك وضحى وقد الامانه الي سلمتها لك وانت احس ان تربيتك متفتحه اشوي بعكس عوق الي تربت تربيه انا برايي قممممه وتعجبني حييييييل تذكرني بتربيه جدتي لنا العيب عيب والمنقود منقووووود قل الي يهتم فيها هالايااااام يبي لك صبر اشوي وتفهم لهاااااا وخاصة ان عوق فوق توترها وخوفهااااا كعروسه زاد عليهااااا خوفها وقلقهااااعلى امها وفقدها لهاااا في ليله اهم ليله بحياة اي بنت وخاصه وحده مثل العوق الي تربت على ان تكون امها وضحى حولها وحوالينهااااا في كل لحظه وخطوه تخطيهاااا ام الوليد اختفاء وضحى غرييب مو معقوله ام تترك بنتهااااا على الكوشه وتروح عنها تهتم بالعشاااا لدرجه انها حتى ماتودعها مع رجلها معقوله تكون الوضحى موقادره تشوف بنتها تروح عنهاااااا سؤال محير يالغلااااا اللحين تقولين ان زياد لقيط حاله حال عوق اجل وش حلل بنات ام زياد يكشفون عليه هم وبناتهم لدرجه يجونه يسلمون عليه ويمزحون معه معقوله يكون راضع مع احد من عيالهاااااا ام الولييد الله يوفق عيالك ويسعدهم وينجحهم وان شاء الله تبلغين فيهم ماتمنين |
السلام عليكم و رحمة الله و بركاته صباح الخير و الرضا من الرحمن تسلم ايدينج يا أم الوليد على هالسوليف الرهيبه و الله يوفق وليد و اخوانه يارب و تفرحين بــ نجاحهم ===================== (( عوق و زياد )) يالله شكثر كسرت خاطري و هي تدور بعيونها عن وضحى و تبي بس تتطمن أنها بخير و عافيه تعلقها فيها رهيب و الله يستر من احساس عوق بقفد وضحى .. و الأكثر دخول زياد وحده عليها يمكن في كثير معاريس يدخلون وحدهم بس عندهم مليون شخص واقف برا ينتظرهم بس زياد دخل وحده و ما في أحد من أهله ينتظره برا .. بس سبحان الله ربي عوض هالاثنين بهالامهات اللي كلهم حينه و طيبه يمكن أكثر لو كانوا أمهاتهم الحقيقيات .. و عوضهم ببعض يداون جروح بعض و يسلون بعض .. بــ انتظار حياتهم مع بعض سلمتي يارب .. .. .. |
ياااااربييييه ياااطيف ذكرتيني بااااميمتي الله يرحمهااااااا ياااااااااااشيييين ايااااااااااااامناا بدونهااا و يااااااضييييييق الفضاا وانفاسهاا ماا تملاااه .. تكفييييييييين لاااتمووووتيين ام عوووق .. او ع الاااقل خليها تشووف عياال عووق .. امي تووفت بنفااسي ببكري ماشافت بنتي الاا لمحه .. ياااربييه والله جااني تكه وضييق .. حااسه ان زيااد له اصل وفصل .. |
السلام عليكم ورحمه الله وبركاته ..
صباااحكم سعآآآده زيااد وعوووق رغم اختلاف الاطباع والصفات لكن احساسهم ببعض وااحد لاني متاكده مافيه احد حس فالي حسووه قدهم لانهم كلهم تجرعوو نفس الكآأس اكثر شي كسر خاطري فهالبارت يووم جاات عووق بتطلع من جد الببنت ماتحسس بحاجتها لامها الاوقت الطلعه من العرس لااا وكل شي يتهيج علييها المشاعر غير والدمووع غيرر ماستغربت يوم راحت ام عووق قبل لاتشووف عووق اكييد ماتقدر تستحمل فرااق عووق مهما كاان عووق قطعه منهااا لو انها ماهي بنتها والام الي تربي مو الي تجيب وترمي وماتبغى تبدى حيات بنتها بدمووع عووق حسسيت فيها وتشتتها كنها طفله تدوور عن امهااا الله لايحرمها منهااا زياااد وقرببت الحكايه تنكشف وياترى ؟وشهي حكايته متشوووقيين كثيرر ياام الوولييد والله يوحفظ لك عياالك ويرزقك برهم يااارب وان شاء لله ربي يفرحك بنجاحهم واخذ اعلى المراتب يااارب ومنتظرينك بعد الامتحانات والله يعافييك ياارب..* |
اقتباس:
با القدس واهل القدس الحمدلله انك قدرتي تفهمي اللهجه والروايات كثير تخدم اللهجات العربيه المختلفه بيكون الواحد عنده خبره بكل اللهجات ويفهمها وان شاء الله الاعجاب يستمر لآخر الروايه اسعدني مرورك |
اقتباس:
هلا وغلا عبق الله يسلمك ان شاء الله ان زياد قد المسؤليه ولاتستفزه عوق اختفاء وضحى مثل اي ام ما تقدر على لحظات الوداع تسؤلاتك عن الي حضروا الزواج بنشوفها اجوبتها قريب اسعدني مرورك والله يجزتك الف خير على ها الدعوه الطيبه |
اقتباس:
هلا وغلا صبوحه عوق وضحى امها الواحد اذا خاف وش الكلمه الي يقولها بديهي اكيد يمه زياد والله كثير يدخلون معاهم على الاقل ابوه والا ابو العروس واخوانها ان شاء الله يكونون عوض لبعضهم اسعدني مرورك مزحومه حيل من الاختبارت الله يعين |
اقتباس:
علا وغلا لوك ات مي ام عوق من اول بارت قلت انها راح تموت بنشوف عاد متى بتكون وفاتها انا الروايه مكتوبه عندي كامله وانزلها اجزاء يعنى الاحداث منتهيه ما اقدر اغير شي فيها اسعدني مرورك |
اقتباس:
وضحى وعوق المشاعر بينهم مثل اي ام وبنتها عوق حست انها محتاجه امها في ها الوقت وضحى ماتبي عوق تحس انها فقدتها زياد خلاص بيبدا دوره من البارت القادم اسعدني مرورك |
السلام عليكم ورحمة الله وبكاته اختي ام الوليد كنت متابعه بصمت لاكن ابداعك اخرجني من الصمت لكي اعطيك ولو جزء قليل من حقك لانك تستاهلين اكثر بكثير من الشكر والاعاب على هاذي الروايه الرائعه التي تحوي على الاصاله والقيم النبيله في تربية الابناء على القيم الدينيه قبل الدنياويه.وطريقة تعامل امهات قبل وحفاضهم على بناتهم هاذي القضيه التي سردتيها في روايتك التي يتجاهلها بعض اولياء الامور والامهات بشكل خاص عندما يفتح للبنت باب الحريه المغلوط المنادي بالتربيه الحديثه والحضاريه وانا لست ضد الحداثه والتقدم بالعكس لاكن في هاذا الزمن يجب علينا التمسك بقيمنا واصالتنا التي تربينا نشأنا عليها انا يقولون عني قديمه ورجعيه لاني اخاف على بناتي من الحريه والانفتاح انا وشوف اشياء دخيله على مجتمعنا يندى لها الجبين واتحسر على هالبنات الي ينقصهم التوجيه الصحيح والوم كله للامهات لانهم مسؤلين امام الله يوم العرض. فشكرا لكي اختي ام الوليد على الابداع الذي تاصل في عوق والوضيحي . وجزاك الله خير الجزاء على العمل الرئع. ودعوتكم لعيلنا الطلاب بالنجاح في الاختبارات وان شاء الله بنتي تجيب نسبه عاليه. ودمتي بالف خير اختك ام خالد |
اقتباس:
الحمدلله ان الروايه اعجبتك تربية قبل افضل بكثير من الآن اول تعتمدين على البنت والولد وهم صغار الحين الله يرحم الحال اسعدني مرورك ويارب يوفق جميع الطلبه والطالبات وبنتك وولدي يجيبون نسب عاليه |
بسم الله الرحمن الرحيم
. . هلا وغلا بكل الغوالي الي ابعدتني عنهم الامتحانات ودوشتها.., في عضوه غاليه علينا والدها تعبان اسأل الله العظيم رب العرش الكريم ان يشفيه ويلبسه لباس الصحه والعافيه. الف الف مبروك لناجحين وعقبال الي ينتظرون النتايج.., . . اليوم بنشوف عوق المزايين وبطلنا الجديد زياد . . البارت اهداء لكل الي افتقدوني بدون استثناء.. سواء الي خلف الكواليس والا الي اسعدوني بتعليقاتهم..!! او الي طلعوا من وراء الكواليس ردودكم تسعدني وغيابكم عن الردود.., ومتابعتكم بصمت لها بدال العذرالآف الاعذار.. . . . يا الله تعالوا معاي...!! وسالفه جديدة؛ البارت الرابع عشر . . . ها الليل معي ينتهي واناظرالساعةالا توها ماو صلت احدعشر ونص .., ياربي سترك متى يجي الصبح ..! يا ها اليله لو انتس ليلة امتحان ومذاكره كان مريتي بثواني..؟؟!!! بشوف ريم وش مهببه كني اشوف الي حاطته لي ها المرجوجه .. لقيتهامنزله شنطتي وفاتحتها وبدون ما تطلع شي منها..! فتحت الشنطه الا فديتها اول مره تخيب ظني .., طلعت قميص نوم ساتر معركه انا وهي ماتبيني اشتريه لكن انا اصريت عليه..! طويل قطعتين ساتان القميص الداخلي والخارجي دانتيل مشغول واكمامه طويله وساتر.., الحمدلله هذا القميص وجات سلامات بقى ها الشعر وشلون افكه.., عسى ريم بس مانست البلسم ما يفك ها التسريحه الا بلسم.. واقفل باب الغرفه واحاول افكك البنس الي بعدد سكان الصين من كثرها..! والطرحه الي مادري وشلون ناشبه بشعري ..! نزلت الفستان والطرحه.., واخذت معاي لبسي واحط شعري على طول تحت المويه.., وبا الموت غسلته علبة البلسم كلها يا الله تفككه.., اخذت حمام حسيته هدى اعصابي المتوتره وطلعت من الحمام لبست القميص وقعدت امشط شعري.., الا الباب يدق..!؟ سبحان الله نسيت ان معي احد واقوم وافتح الباب.., زياديضحك \حسبتك نمتي كم مره ادق ما فتحتي..! عوق با احراج\لا بس كنت با الحمام ولا سمعتك من صوت المويه..؟ رجع وراه ودخل شنطته.., وبدون ما يتكلم ولا حتى يلتفت لي اخذ ملابسه ودخل الحمام ما خلصت شعري ولفيته الا هو طالع من الحمام ولابس بجامه قرب مني وانا جالسه على كرسي التسريحه وحط يده على راسي وقعد يدعي .., وانا قلبي بغى يطير على اني ماني خايفه ولا شي بس حسيت برهبه.., زياد\ترى القبله هذا اتجاهها بنصلي.., عسى الله يبارك لنا بحياتناالقادمه .., صليت با العبايه والطرحه استحيت اطلع اجلال الصلاه قدامه.., خلصنا صلاه والتفت علي ..!! زياد يضحك\خير عباه انتي بغرفة نوم..! عوق با ارتباك\ماهو قصد بس جلالي با الشنطه وانا استعجلت علشان اصلي معاك.., زياد\ نزلي عباتك تحسسيني انك بتهربين.., نزلتها على شنطتي.., وجلس زيادعلى طرف السرير...! زياد\ تعالي اجلسي هنا..! عوق\لا بجلس على كرسي التسريحه..! زياد با ابتسامه\ يا شيخه ماني ماكلك الليل من اوله وعندي كلام واجدبقوله لك .., تعالي بس وهدي اعصابك..! جيت وجلست مقابلته هو كان ماد رجل وثاني رجل على حافة السرير مسك ايديني.., زياد\ بردانه تبيني اقصر التكييف..! عوق بتوتر\لا .. زيادبهمس\اجل ليش ايديك تنتفض كنك بردانه..!؟ عوق بتوتر\عادي... ومسك شعري من ورى.., زياد بدهشه\ شعرك غرقان مويه ليش ما جففتي شعرك معاك استشوار..؟ اذا ما معك شوفي مجفف با الحمام يفي با الغرض ...! عوق منحرجه\معي بس الاستشوار مااستعمله دايم .., يهلك الشعر ومضر هو بيجف من حاله.., رجع مسك ايديني ويعلق على الحنه ما لفت انتباهي كلامه.., الي لفت انتباهي بياض ايدينه زياد بياضه ماهو طبيعي على بياضي الا انه ابيض مني بمراحل ...! زياد يبتسم\ عوق الحنه شكلها رهيب بيدينك اول مره يعجبني رسم حنه اكيد ذوقك ما شاء الله ..!! رديت\لا هذا ذوق امي وطلبها .., عوق بنفسها\اي صح تذكرت ابي اكلم امي انا طلعت من البيت وما سمعت صوتها.. عوق بترجي\زياد انت تعرف رقم البيت ابي سمع صوت امي.., زيادبا استغراب وحده\ انتي طفله خلاص صرتي حرمه امك لا حقين عليها.., عوق با اصرار\مالي دخل والله ما اسمع منك ولا كلمه حتى اكلم امي واسمع صوتها.., زياد بتهكم\ تدرين الظاهر ان عمرك خمس سنوات ماهو با العشرينات.., عوق بغضب\خمسه خمسين ابي امي اكلمها والا ترجعني لها..! زياد بضحك\ لا المكالمه اهون لكن لو كانت نايمه وش الحل ..؟! عوق بقلة حيله\لا خلاص اذا نايمه هذا عذرك بكره من يوم تطلع الشمس نروح نشوفها.., وقف وسحب يدي معاه وطلعنا من غرفة النوم لصالون..., زياد با ابتسامه \طلبت لنا عشاانا على لحم بطني من الصباح واتوقع انتي مثلي..! عوق بتوتر\ لا عادي ما فيني جوع الا لصوت امي.., اخذ جواله ودق على رقم بيتنا مارد عليه احد زياد\شكلهانايمه.., عوق با استعطاف\حاول مره ثانيه وهي اكيد بترد يمكن تصلي..!! دق والحمدلله في احد رد عليه.., طلب امي منه وقال للي رد عليه قولي لها زوج عوق.., احس اني استغربت كلمته زوج عوق..!! تأخرت امي حتى ردت على زياد..! زياد\ هلا بك خالتي.., ام عوق\.... زياد\الله يبارك فيك ويطول عمرك. ام عوق\....... زياد\ما عليها طيبه., ام عوق\...... زياد يضحك\ابشري ياخاله ما طلبتي.., ام عوق\......... زياد\عندي تبي تكلمك .., عطاني الجوال وقمت من عنده واسمع صوت امي حسيت انه لي سنين ما سمعت صوتها تسألني عجزت ارد..!!؟ ام عوق بتأثر\عوق امي انتي تبتسين..!! عوق تبكي\لا بس فقدتس .., ام عوق\الله يوفقتس يا بنتي ويرضى عليتس .. انا بخير وطيبه لا تخافين علي عندي ام ابراهيم.. وانتي بتجيني ان شاء الله ما انتي بعيده.., يا الله روحي شوفي رجلتس يا بنتي وطيعيه بما يرضي الله.., ولا تخلينه يقول وضحى ما عرفت تربي بنتها.. يالله بروح اكمل صلاتي مع السلامه.., ما قدرت اقول ولاكلمه كانت امي تعطيني تعليمات وتطمني انها بخيروقطعت المكالمه .., حتى صوتها صوت الي باكيه اكيد يوم اختفت عن عيوني كانت تبكي ولا تبيني اشوفها..! اخذ الجوال زياد من يدي وانا احس ان قلبي يتقطع على امي..! زيادبمحبه\ وش فيك خلاص تطمنتي على امك ليش طيب هاالدموع مسح دموعي زياد بيده واردف \ تعالي تعشي.., عوق بشرود\امي وش قالت لك..!؟ زياديبتسم\امك تقول لي الحين يا زياد اشبع سوالف من عوق واصل ليلك مع نهارك سوالف ...!! قلت لها ابشري يا خاله.., مديت يدي على الاكل ما قدرت ابلع شي اللهم شربت مويه.., زياد يضحك\ كويس اذا هذا اكلك ما شاء الله على كذا بتوفرين علينا .., عوق بهدوء\ماهو قصد لكن مالي نفس ولا اقدر اغصب نفسي .., زياد\اجل خلاص حتى انا ما ابي آكل تعالي معاي .., مشيت وراه لغرفة النوم وترك ايدي وفتح شنطته طلع منها كيس كبير..., وطلع من الكيس علبتين مغلفات ...!! زياد يبتسم\هذي هديتي لك ما عطتني امك الله يعافيها فرصه قبل العرس اهديك شي..؟! تذكرت ان ريم قالت لي بنشتري لزياد هديه ليتني طاوعتهاانا ما اهتميت وهي شكلها نست ..؟ زيادبممازحه\طيب ما تبين تعرفين وش هي هداياك.., وراح يفتحها الاولى كانت جهاز جوال.., زياد بتعجب\ابي اعرف انتي وامك بأي عصر عايشين مين الي مامعاه جوال بوقتنا الحاضر.., عوق \الجوال لناس الي تحتاجه وانا وامي ما احنا بحاجته.., زياد\ بيجي يوم الكل شايله...!! الحين ترى كثير من الناس غالي عليهم والرسوم جدآمرتفعه.., وفتح العلبه الثانيه وهو يضحك ..!! زياد \عوق الظاهر بنقضي ليلنا نتكلم عن كل المواضيع الي تخص الفرد والمجتمع. طلع علبه صغيره وكان فيها خاتم الماس عرفته من شكله مسك يدي ولبسني وباس يدي روعني سحبت يدي وقمت كني مقروصه رحت لشنطتي .., زياد يضحك \ بسم الله وش فيك..؟! عوق بتوتر\ مافيني شي واقعداحوس بشنطتي كني ادور شي.. وانابس بطلع من هاالاحراج ياربي يا جراءته ها الرجال..., لقيت كيس داخل الشنطه استغربت شكله او ل مره اشوفة..!! كل الي في الشنطه من جهازي شريتهم انا وريم وخواتهاالا ها الكيس..! فتحته والقى ورقه مكتوب فيها..؟ عوق هذي هديه بسيطه ساعه رجاليه اهديها لزوجك انا اشتريتها بأسمك لزياد..؟! اخذت الورقه وحطيتها بين الملابس لا يشوفها زياد ومن اولها مواقف بايخه..! عطيته الهديه...! عوق بخجل\ هذي هديتي.., زياد جالس على السرير وانارجعت جلست على كرسي التسريحه.., وقعدت اقلب بخاتم الا لماس شكله ذوق وراقي ما ادري هو اعجبني شكل الخاتم ..! والا اداري ها الاحراج الي انا فيه..!! رفعت راسي على صوت زياد فاطس ضحك.. بسم الله رجع له هباله يا صبح اصبح..!! زياد يبتسم\ عوق هديتك روعه.., عوق بتذمر\من ذوقك..!! زياد\بس وش عرفك اني كنت ناوي اشتري ها الساعه..!! عوق بدهشه\هاه ايه لا يمكن صدفه..!! زياد\ بعدين وش ها العبارات الرائعه الي كاتبتها.., عوق با استغراب\اي عباره نسيت ..!! زياد بتهكم\ قربي شوفيها..! عوق\لا مكاني مرتاحه لكن وش مكتوب...! زيادبتأثرمصطنع\عباره صراحه جميله من غير الخط الي مكتوبه فيه ابداع ثاني والله كأني اعرف ها الخط.., صار عندي فضول هذا وش بلاه قام يخربط.., قربت منه بشوف وش مكتوب مسك يدي وجلسني قباله.., زياديبتسم يهمس \عوق انتي متأكده ان الساعه ذوقك..؟ عوق\...... زياد بضحك\ والله متأكد انك ما تدرين عنها بس مقبوله منك..! وبعدين انا ما ابي بس الساعه ابي الهديه الثانيه..!؟ عوق بذعر\ بسم الله وش الهديه الثانيه .., زياد بتهكم\الي مكتوبه بالورقه ..! وعطاني الورقه الخط ماهو خط ريم هذاكنه نقر دجاج وريم خطها حلو..!؟ بغيت انصرع من الكلام الي مكتوب.., الله لايعطي ابليستس عافيه يا ريم..! يا فضيحتي من زيادوين اودي وجهي ..! زياد يضحك\ وش في وجهك قلب احمر..! قعدت ابكي عوق منحرجه وتفرك ايديه بعض \والله ما كتبت شي انا كنت ناويه اشتري لك هديه ..!؟ بس ماعرفت وش يهدون ولا عمري سألت وش تهدي العروس للعريس ..!!؟؟ اصلن كنت احسبه عيب الحرمه تهدي زوجها شي..! ونسيت الموضوع يوم كنت اجهز وانشغلت عن الهديه.., وريم ما نست هي الي اشترتها وبعد من حسابها لأنها ماخبرتني عنها.., واكيد هي ما كتبت الكلام يمكن زوجهاالخط ماهو خطها ...!؟ زيادبهمس \ليش الدموع بنبدا حياتناحساسيات ما ينفع كذا..! اردف با ابتسامه\ طيب عادي واذا ريم هي ما اهدتك الهديه الغاليه الا وانتي عزيزه عندها..!؟ ويمكن توقعتك تفتحينها قبلي بس جد كلامها عادي ..؟! عوق تمسح دموعهابتوتر\ وش عادي ياربي متى يصبح الصباح قبل اشوف امي بشوف ريم..! زياد يضحك\ليتك تشوفين مقالب اصدقاي في بعضهم الله يبيح جزاع وحرمته عندهم عوق بتهديد\ماعليه مصيري اشوفها.., زياد يضحك\ بتذبحينهايعني..! عوق با ارتباك\ بس ذبح..!؟ زياد\بس شكلها فله مثل جزاع..! اردف زيادوهو يناظر الورقه\اجل تكتب الف مبروك دكتور زياد..!! وهذي هديه بسيطةعقبال ما يهديك ربي السنه الجايه بنفس اليوم والتاريخ تؤم وضحى ونمر بصراحه قويه ..! عوق\ما عليه انت اضحك وهي بكره عقوبتها..؟! اسولف واهدد اني بذبح ريم ابي الصباح يطلع بس..! من غير حكايات عن مقالب ريم فيني ..؟! وزياد فاطس ضحك يمكن يضحك عارف تفكيري وما خذني على قد عقلي ..!؟ اذن الفجر ياربي لك الحمد وزياد قام غير لبسه ولبس ثوب وشماغ وطلع لصلاة .., وانا النوم قاطع قلبي من يوم طلع وعلى طول اصلي قبل يجي ما ادري وشلون صليت..! وانام بالسرير ما صدقت انسدحت على المخده واغمض عيوني..! سمعت فتحت زياد للباب وانا كأني ميته ماهو نايمه طلع على السرير..! زياد يضحك\ عوق ,عوق ما اسرع نمتي والله اسمع بلي يقول اقعد نايم ولا تقعد مستنوم..!؟ لين شفتك نامي وضرب على كتفي وقال كل مطرود ملحوق يا ام وضحى ونمر.., الصباح رباح اخر كلمه سمعتها من زياد الصباح رباح..! ولا صحيت الا على اذا ن العصر وحتى زياد الي صحاني زياد\ قومي راحت علينا صلاة الظهر واقوم مثل المقروصه..!؟ واركض اوضي واصلي الصلوات الي فاتتني.., زياد\عوق الحين وشلون انا بنهار من الجوع..! المشكله اني انا مثله لكن مستعجله ابي اشوف امي..! عوق بترجي\ تكفى ابي اشوف امي ما يكفي وقتنا راح كله نوم..! زياد\ طيب عندي حل وسط بطلب غدا خفيف ..! نتغدى لا يجينا شي من الجوع ونطيح وانتي جهزي اغراضنا تم ..! عوق بتوتر\تم خلاص..! غيرت لبسي بتايور ورتبت شكلي وفكيت شعري وربطته على ورى بشكل مرتب.., ما حطيت الا روج ومسكره ورشة عطر خفيف اغير نفسيتي..؟! يارب بس لاحد يشم معاي عطر واخذ اثمه.., بعد الحفله الي كانت امس بوجهي حسيت وجهي نار من اثر المكياج..! وخلصت وطلعت عباية وطرحه ونقاب غير الي لبستهم امس ..! وشنطة يد دخلت فيها طقم اللولو الي لبسته امس ولبست خاتم زياد والدبله كانت بيدي..! ورتبت اغراضي الي اصلن ما طلعت كثير منها بشنطتي ..., وشنطة زياد ما ادري وش اسوي فيها خليتها بمكانها..! وطلعت لزياد الي كان يلعب بجواله اول ما حس فيني رفع راسه..!؟ ما ادري استحيت منه لفيت بدخل للغرفه بعتذر بأي شي بغيت اطيح ..؟! زياد بذعر\ لااله الا الله بسم الله عليك ..! وغمض عيونه زيادوطاح من يده الجوال عوق بخوف وارتباك\وش فيك..!؟ زياديتنهد بقهر\وش فيني قولي وش الي مافيني صبر جميل والله المستعان ..! تعالي اجلسي خلينا نفطر ما ادري نتغدى ان الله مع الصابرين...!؟ عوق بنفسها\ياربي وش بلاه هذا مرات وش زينه ومرات يقط خيط وخيط..!! جلست جنبه محل ما اشر لي..! زياد\تأخرتي الاكل برد.. عوق\لا عادي بس نبي نمشي.., زياد بحده واصرار\مافي طلعه من هنا حتى تاكلين لا تدوخين علينا ننفضح بأمك..! اذا انتي نفسيتك كذا اجل كيف هي..! واغصب نفسي غصب بس ابي اسمع كلمة يا الله مشينا..! تغدينا وقام زياد يشوف اغراضه داخل غرفة النوم..!؟ وانا على طول قمت غسلت ايدي ولبست عباتي..؟! ما امدى البس شرابي وقفازي الا هو طالع يضحك..!؟ زيادبممازحه\ خير تبين تمشين وتتركيني وراك.., عوق با استغراب\لا ليش ..! زياد بتهكم\ تركتي شنطتي ما رتبتيها.., عوق بخجل\والله ماهو قصدي لكن ماعرفت وش تبي منها خفت ارتب فيها اشياء انت تبيها ..!؟ زياد \ها المره سماح.., ورجع للغرفه وشكله يرتب اغراضه وغير لبسه ولبس غتره بيضا وثوب ابيض وطلع علي زياد\ جاهزه..؟ عوق \ ايوا.. . . . طلعنا الشنط ونزلني لسياره تحت ورجع .., يخلص الاجراءات حسيت بصوت زياد وهو يركب الشنط با السياره ..! ركب السياره احس دقيقته سنه بيجي المغرب وللحين ما طلعنا من ها الفندق..؟! زياد\واخبار عوق عساها مرتاحه..! عوق بتوتر\ابشرك بس بسرعه بشوف امي...! زياد\ يا حليلي بالله من امس جبت طاري امي قدامك ...؟! عوق\لا ..؟ زياد\تدرين ليش..؟! سكت ما عرفت ارد زياد\انا اقولك لأنه ماهو وقته والا في كلام كثير بقوله لك عن امي..!؟ عوق بقلق \ماهو مشكله قل الي تبيه بس حرك..! شغل السياره.. زياد\ عوق تدرين تفاجئت يوم شفتك لابسه قفاز وشراب وحتى عباتك تكفين خلك كذا ..؟! عوق بحزم\اكيد حجابي ماغيره معي لقبري غريبه ما انتبهت للبسي با المحكمه..!؟ زياد \ الا بس توقعت علشانك جايه محكمه لابسه كذا.., اردف زيادبتساءل\عوق حلوه دبلتي..؟! عوق\ ايه زينه ماعليها ..؟ زيادبسخريه\وش زينه ماعليها تصرفيني عوق وهي ضايقه \لا تهبل .., زياد\ها الدبله ما شفتيها قبل .., عوق تناظر الدبله \ لا اول مره اشوفها وبعدين هذي شكلها من الفضه ورجالي يعني وين بشوفها..؟! زياد \الدبله هذي كل ما ضايقني شي ناظرتها وضحكت ..! عوق بتعجب وتهكم\ فيها مارد كومدي.., زياد بحب\ لا الله وفيها عيون عوق..؟! يارب سترك رجع له هباله متى نوصل لبيت امي.., زياد يبتسم\ عوق وش فيك سكتي.., اردف زياد\يوم الملكه يوم جيت اللبسك الشبكه كانت الدبله مع الشبكةوبعد ما لبستك دبلتك..؟ وجيت بلبسك العقدورفعتي راسك وجات عيونك بعيوني عجزت عقبها اسوي شي دخت وياالله امسك نفسي لا اطيح..! جلست جنب امي كأني طفل خايف احد يعاقبني يوم طلبت امي اقومها على كرسيها المتحرك.. ما ادري كيف مديت يدي للعلبه واخذت الدبله وخبيتها في جيبي خفتك تنتبهين انتي والا خواتي..! لكن ربك ستر و الحين ما فات شي ... ونزل دبلته ومسك يدي وحطها فيها قال يا الله لبسيني ... عوق با استغراب\هنا وانت تسوق..؟ زياد يضحك\وش فيها عادي..! عوق بدهشه واستغراب\ ترى انا كنت شاكه ان فيك شي لكن الحين تأكدت انك مصخن.., زيادبا اصرار\ مصخن مو مصخن والله ماتنزلين لين تلبسيني سكت ما عطيته وجه ودنقنت افتش بشنطتي ما ادري وش ادور .., بس ابي اضيع الاحراج الي انا فيه...! زياد\ عوق التفتي يمينك..؟! التفت الا احنا واقفين على باب بيتنا حاولت افتح باب السياره كان مقفله زياد..؟! عوق بترجي\تكفى افتح الباب .. زياديضحك\ مافيه لين تلبسيني الدبله عوق با استعجال\ وينها عطني بس افتح الباب..! عطاني الدبله وبنفس الوقت فتح الباب ما انتظرته فتحت الباب..! ونزلت بسرعه ادق بابنا نزل وراي بسرعه..؟! زياد بحده\ما انتي صاحيه وش فيك لاحقه على امك.., فتحت لي الشغاله حتى بدون ما تسأل مين انا.., جيت بدخل البيت الا يد ما سكه يدي ...! عوق بترجي\ تكفى بدخل اشوف امي اتركني اخرتني عنها وفضحتني قدام الشغاله.., قال لشغاله بسرعه داخل ودخلت تركض.., عوق بترجي\زياد اترك يدي اكيد بتقول لأمي .. وانا ما ابي امي تدري من الشغاله اني جيت ابي ادخل فجاءه لها.., انتبهت لدبله الي ما سكتها بيدي وبسرعه مسكت يد زياد.., ولبسته ولا ادري اي اصبع حطيت الدبله فيه اهم شي بس ادخل للبيت..! وحتى شنطتي رميتها عليه ورحت اركض داخل واسمع صوت زياد وراي يضحك .., وانا مابين عيوني غير امي... دخلت عليها لقيتها جالسه با الصاله واطيح عليها واضمها ما صدقت اني شفتها بكيت وهي تسمي علي...!! . . . (كلمة اخيره) فائدة جليلة من اقوال الامام ابن باز رحمه الله : عن ابي هريرة رضي الله عنه ان رسول الله صلى الله عليه وسلم قال ( لا يمش احدكم في نعل واحدة ، لينعلهما جميعا ، او ليخلعهما جميعا ) متفق عليه . سُئل الامام ابن باز رحمه الله عن هذا الحديث فقال : ظاهر النهي التحريم ، فقال السائل : قد تكون النعل في مكان والاخرى قريبة منها ؟ ، فقال لا يلبسهما الا جميعا ، فقال السائل : ولو خطوة واحدة ؟ فقال رحمه الله : احرص على ان لا تعصي الله تعالى ولو بخطوة واحدة . رحم الله شيخنا الجليل رحمة واسعة وجمعنا واياه في الفردوس الاعلى. . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
هلا والله طيوف اشتقنالج انشاء الله ماتكونين تعبتي وانتي تصارخين (ادرسوا,ليش قاعدين,المتحان باجر وانتوا قبال هالتلفزيون......)
بالنسبة للبارت بصراحة عجيب كنت خايفة العجوز تموت بهالليلة بس ربج ستر وعدت على خير الحلو في ام عوق مكالمتها لبنتها تحس وحدة من كثر ما قلبها على ضناها بس توصي وتوصي وناسية حتى تسالها شلونج كل همها على الجاي وجنها تقول الفات عارفته ابي اتطمن على احوالج عقب عيني عورت قلبي وهالزياد عاد صج عجيب الناس تبعد التوتر وابو الشباب يزيده يعني عباله بيطيح الميانة بس احلى ما في البارت واللي خلاني اضحك من قلب وانا اتخيل شكل عوق واهي بالاول تمثل انها اهي اللي جايبة الهدية وعقب انها ناسية الرسالة وبالاخير تخر الاولي والتالي وتنهار بجي واهي تبرر بس عشان تقوله مو انا اللي كتبت رهوف الله يحرم ايدياتج على النار والله يبرد قلبج وقلب ولدج بنسبة ترفع الراس والله يجمعنا فيج بالفردوس الاعلى اميييين |
السلام عليكم ورحمة الله وبركاته
مساءك طهر ونقاء مساءك حلم يتحقق بإذن الله والله ياعوق انك حنانه كل هذا سويته عشان بس رحتي ولا شفتي امك اذا صار لها شئ وش راح يصير فيك لا حظي هو قالك انه ما تكلم عن امه يعني ان لها قدر كبير عنده واحترم خصوصية الليله هذه وسكت بس لما يتكلم راح تعرفين انه عاقل مو مصخن انت المصخنه بحب ام عوق من اول وانا اقول انك متسرعه موقف محرج اللي حاطتك فيه ريم أتخيل شكلك وانت تبررين وأموت ضحك زين اللي سوته فيك من البدايه وانت مخليتها تسوي وتتصرف على كيفها ليش المكالمه كانت على الصامت ما سمعنا ام عوق وش تقول لزياد هي ما كانت توصيه على عوق لانها عارفه انها في يد أمينه يا أنا أكره الصامت بالمره والله انك رايق يا زياد اللي تلبسك الخاتم البنت بتنجن على أمها وانت احر ما عندها أبرد ما عندك ام الوليد ابدعتي في سرد السالفه الحلوه والخفيفة |
مرحبا ام الوليد ،،،
ساااالفه حلووووه ،،، وبااااارت هاااااادي ،،،، من ناحية الاحداث ،،، لكن مشاعر عووووق فيه كانت تعوض هالهدوء ،،، بالمقابل كان زيااااد محترررم مشاعرها ومقدرها ومخليها ع كيفها ،، وع راحتها ،،، بس هل ياترى لو كان زياد متصرررف بنفس طريقة عوق واهملها وكان يتحدث عن امه ،، هل يترضى ،،، الصرااااحه ،، زين انه استحملها وصبر عليها ،، هذا من طيب اصله ،،، تسلمين ياعمررري ع هالابداع ،،، وننتظر سالفه جديه تبين جوانب حياة زياااااد ،،، |
السلام عليكم ورحمه الله وبركاته
مساء الخيرااات ام الوليــد واااي والله اشتقنا لك وولعووق المزايين حيييييييييل الله يفرح بنجاحهم ويرزقك برهم ياارب الباارت روووووووووعه بس مستغربه احس عووق اخذه الوضع عاادي يعني هي وزياد كنهم متزووجيين من سننين ام عوووق يالبيييييييه بسس الله يعينك ياعووق على فراقها زياد احس عنده كلام كثييييييير حتى يووم قال لعووق انه هو ماجاب سيره امه اكيييييييد وراه ساااالفففه طووويله متشووقه لها حيييل امما حركه ريييم ههههههههههه خطييييره ريمووو ضححكت من قلب من جد خلت عووق ترووح فيها بس يالله مقلببب وفيوووم زووواجها من جد محتنسااه طوول حيااتها ام الووليييد الله يعاافيييك يااارب |
اقتباس:
والله كأنك عندي بس تبدل الوضع بدال التلفزيون صار الاب توب والجوال مقابلينه ام عوق عارف تعلق بنتها فيها فأكيد راح تحاول تهون عليها البعد الهديه بنعرف قريب من مين الله يسلمك نموره واسعدني مرورك الراقي |
اقتباس:
عوق انا اعذرها لأنها اول مره تبعد عن امها زياد الله يعينه وبنشوف وضعه عن قرب في البارتات القريبه القادمه بونشوف ردة فعل العجوز وضحى اذا دخلو عليها اسعدني مرورك الغالي على قلبي |
اقتباس:
الله يسلم روحك زياد ماهو صغير وعارف وش تفكر فيه عوق لكن والله لوهو الي يتكلم عن امه لتمسكها عليه وتقعد تذكرها فيها بكل طريقه مره بزعل ومره بمزح المهم ما تخلي في خاطرها شي اسعدني مرورك ونقاشك العذب الراقي |
اقتباس:
الله يسلمك ويوفقك على ها الدعوه الحلوه با النسبه لعوق وزياد ماهم صغار با العمر غير ان ربي ينزل طمأنينه على الزوجين والا كان علوم سالفة زياد بنسمعها منه قريب ان شاء الله الهديه بنشوف من مين وش سرهاددد اسعدني مرورك المميز |
يسلمو ايديك ويعطيك العافية قصة بتجنن كنت أتابعك بصمت ولكن حسيت أني لازم اشكرك على مجهودك
الورقة بتخيل الي كتبها هو نمر اخو ريم الصغير الله يوفقك ويديم عليك نعمه |
السلام عليكم ورحمة الله وبركاته الله يعطيكي العافيه علي الروايه الرائعه صراحه وفكرتها روعه لانك كتبتي عن فئه في المجتمع منسيين او متناسينهم في مجتمعتنا وأن شاء الله تعيش عوق مع زياد عيشه هنيه وعندي احساس ان اهلها ماراح يخلونها في حالها وان شاء الله نفرح بنجاح اعيالنا وعيالك يارب
|
اقتباس:
هلا وغلا الله يجزاك خير الحمدلله ان الروايه اعجبتك بنشوف با البارت القادم مين الي كتب الورقه اسعدني مرورك |
مسااااااااء الخير على ام الوليد بشري عسى عيالتس قدموا زين الله يعين هالحين مبتلشة برجلي اختبارات الثانوية العامة واولادي بعده على طول نخلص الامتحانات في بداية شهر فبراير الله يسهل ما صدقنا نفتك من الدراسة رجعنا ندرس اعوالنا والشياب ههههههه والله لو يعرف اني اقول عنه شايب يقول الكلمة المشهورة رجل اذ وصل الثلاثين يعتبر في نضج الشباب نترك بربرة الامتحانات ونجي للباارت الللي كتب الورقة مليون في المية انه زوج ريم صديقه هزاع عارف خطه والا كيف عرف انه مو هي اللي جابت الهدية فشيلة والله يوم عرف انها تكذب بصراحة انتي يا الغلا روايتج تحكي عن واقع بصراحة اتمنى ما يندثر هو حياء البنت ليلة عرسها وخجلها اللي هو اساس جمالها والله يستر من تاليتها مع زياد ابو خاتم حشا بزر ننتظرج يا الغلا
|
اقتباس:
هلا وغلا ام متعب فئة مجهولين النسب اكثر فئه نشفق عليها ونقسي عليهم بدون ذنب توقعك بنشوفه ان شاء الله يارب ان شاء الله نفرح بنجاح عيالنا وعيالكم اسعدني مرورك |
تسلمين يالغلا على البارت
مادري ليش احس وفاة ام عوق قريبة .. الله يعين عوق ويصبرها.. واحس زياد ماراح يطلع لقيط ومعروفين اهله .. الله يعطيش العافية |
اقتباس:
الله يعينك وينجح عيالك وشايبك والله الرجال لو على كيفهم عندهم سن الثمانين سن النضوج ماهوب ثلاثين والحريم ضعيفات بعد الثلاثين ودهم والله يحيلونها تقاعد لكن عاد وش نقول الله الله اقوى زياد بنشوف قصته وكيف تربى يمكن يفسر ليش هو يتصرف كذا توقعك با البارت القادم نشوفه اسعدني مرورك المميز يا الغلا |
اقتباس:
هلاوغلا اميره وفاة ام عوق لسا قدام شوي توقعك بنشوفه بعد كم بارت الله يعافيك اسعدني مرورك |
الروايه حلووووووه مافيهاكلام بس مااعجبني إلاالعجوزام عووق فديتهاياناس تجنن لوكل العجايزمثلهاكان الدنيابخيررروربي احيانااجلس برووحي واتخيلهاوخاصة حبهاللعادات والتقالييدوالالتزام وبصفه عامه انااحب العجايزرغم حركاتهم نص كم بس احبهم حيييل عادي تسلفيني ام عوووق شوووي ترى ماعندي جده قسم احــــــــــــــــــــــزن
|
اقتباس:
هلا وغلا فطومه الله يحفظ لنا عجايزنا ويازين حركاتهم اختلاف الاجيال له دور اكيد اسعدني مرور |
بسم الله الرحمن الرحيم
هلا وغلا بكل الغوالي الي يعطرون متصفحي سواء با لردود او التقييم او الشكر.., البارت اهداء للكل العابرين من هنا من دون استثناء.., يا الله تعالوا معاي...!! وسالفه جديدة؛ . . . البارت الخامس عشر . . . ام عوق بخوف\ بسم الله عوق وش مروعتس وين رجلتس..! عوق ببكى\ يمه فقدتس ...! ام عوق بحده\تعوذي من ابليس وشوي وخري عني ترى خنقتيني..., عوق با اصرار\ مافيه والله ما اتركتس ..! ام عوق ب استنكاروغضب\ وين زياد..؟ واسمع صوت زياد وراي زياد بضحك\ ياخاله الله يعينك بصراحه على ها البنت هربت وتركتني غير الشغاله جابتني لمكانكم...؟! ام عوق بضحك\ ماعليه يا زياد ماتعودت تبعد عني ...؟! اردفت بممازحه\ تدلع عليك تبي تشوف غلاها..؟! ودخل سلم على امي زياد\ يرضيك ياخاله من دكتور لشيال شناط شوفي عوق مشيلتني شنطة يدها...؟! انا طاح وجهي توني انتبه ان شنطتي حذفتها على زياد.. ام عوق بضحك\ مافيها شي وانا امك الرجال وحرمته ما بينهم مناقيد.., اردفت ام عوق \حياك الله لخمتنا عوق ما عاد نعرف حتى الواجب اجلس هنيا ياحي الله وليدي زياد.., سحب مركى وجلس مقابل امي .., ام عوق بأمر \قومي اعجلي بالقهوه خلي عنتس الدلع نبي نتقهوى..؟! قمت بسرعه ودخلت المطبخ روعتني نظرات امي دريت انها عصبت علي يويلي لو تستفرد فيني .., حسيت مطبخنا غريب علي وانا ماغبت عنه الا ليله ..؟! لقيت الشغاله مصلحه القهوه قلت لها ترتبها وتحط مقاديع الرطب.. وشلت صينية القهوه وطلعت فيها لأمي وزياد.., وجلست جنب امي ما ابي ابعد عنها وزياد مقابلنا.., وقهويتها هي وزياد زيادبا اعجاب\ ما شاء الله قهوتك يا عوق قهوة مضبوطه عمري ما تقهويت مثلها بصراحه تعدل المزاج..؟! ام عوق بفخر\عوق ما مثل شغلها ما شفت شي للحين ما اكلت طبخ يدها...! زياد \ الا ما شاء الله اعرفه يوم تغديت عندكم لكن القهوه غير..! طعمها ثاني..! عوق بتهكم\ القهوه انا ما صلحتها الشغاله مزينتها انا بس جبتها لكم..., ضحكت امي وزياد زياد بمكر\ماشاء الله وهذا انتي بس جبتيها طعم القهوه كذا اجل لو انك مصلحتها..! احرجني وهو ماغير يمدح فيني ويبالغ قدام امي عاد الوضيحي ما يفوتها شي... الحمدلله اذن لصلاة المغرب متى يطلع لصلاةيفك عنا شوي اووووف يا ثقل دمه.. وقبل يطلع للمسجد التفت لأمي ..؟!! زياد \خاله ترى اهلي مصلحين عشا ولازم تحضرين معانا.., ام عوق \ ابشر بنحضر اهلك اهلنا.., فاجأني كلامه عوق با استنكار\ كيف عشا عند اهلك ماخبرتني اجهز نفسي..!؟ ام عوق بدهشه\ غريبه ما تدرين..؟! زياد بضحك\ يا خاله بنتك ما عطتني فرصه اقول شي يا نايمه.. يا تصيح تقول ابغى اشوف امي... نستني حتى عشا اهلي..! على العموم مافي احد العشا خاص ... اذارجعنا من مكه ان شاء الله بنحط عشا كبير.., طلع زياد للمسجد وامي ما صدقت استلمتني.. ام عوق بمعاتبه\ يا فضحي منتس ياعوق تحسبين نفستس صغيره يا بنتي انتي الحين حرمه..! كان عقب ذا العمر خليتي العرب ينقدون على وضحى وتربيتها..! عوق بتوتروارتباك \ما قصدت لكن هو يمه ما يستحي ولسانه متبري منه.., وانا استحي ودي اسد اذاني بقطن ولا اسمع هرجه...! ام عوق بضحك\الحمدلله والشكر اجل وش تبين العرس لعبه تلعبين على كيفتس واذا مليتي رجعتي لهلتس ...! هذي سنة الحياه من يوم خلقت الدنيا..., انتي البنت الكبيره المتعلمه هذا كلامتس وش خليتي للجاهلات...!؟ ارفت ام عوق بتحذير وتهديد\لا اسمع انتس مزعله زياد والا جايتني بيوم تشكوين منه..؟! والله ياعوق ان تشوفيني مني شين ما يسرتس ...!؟ عوق بقلة حيله\ يمه تكفين الا زعلتس ..! ام عوق \ اجل يالله روحي غيري ها اللبس الي حاقطتن عمرتس فيه وطلعي من الزين الي شريتيه..., دخلت غرفتي زي ما تركتها امس..؟! اكيد امي حياتي ماخلت الشغاله تدخلها عقبي..! احترت وش البس ...! بلبس اللبس الي يعجبها وهي ما يعجبهاالا اللبس الساتر..., طلعت جلابيه بنفسجيه فخمه من خالتي ام ابراهيم هديه..., اكيد بتجي للعشا اليوم ابيها تفرح اذا شافتني لا بستها... خليني اونس عجايزي فديتهن...؟! قفلت غرفتي واخذت دش بسرعه جففت شعري واستشورته على طوله.. خليت غرتي على جهة الجرح الي فوق حاجبي ما ابيه يبان..., وشعري من ورى خليته طايح لميته بمشبك مع الجنبين.., حطيت على اظافري مناكير فوشي استغفر الله جاي مع الحنه تحفه الحنه مطفيه لونه .., وجهي ارهقه مكياج ليلة البارح وانا بشرتي على صفاءها حساسه بسرعه وجهي يتأثر كله.. حاولت يكون مكياجي الوان خفيفه وكحل فرنسي وعرضت شوي حواجبي وروج فوشي.., نادتني الشغاله..! قالت عوق ماما يقول بسرعه تعالي..؟ طلعت لغرفة امي..؟ ام عوق بأمر\بسرعه سكري الباب وتعالي..؟! سكرت الباب ...!! وتناظر امي في شكلي دريت ان شكلي اعجبها.., ام عوق بفرح\يا الله تحفظها اعوذتس بكلمات الله التامه من كل هامه ومن عيوني وعيون خلق الله عامه.., بسم الله عليتس هذا الزين ماهو قبل شوي دافع البلا الله لايضيق علينا.., تعالي البسي الذهب الي شريناه..! ما حبيت اكسر بخاطرها والله لو تلبسني حديد ماقلت لا .., جلست قدامها وهي تلبسني على كيفها اناظر ايديها وعيونها احس انه لي سنين ما شفت امي..؟! وطلعت علبه كانت رايحه عن بالي...؟! ام عوق \ خوذيها وخليها بشنطتس لبسيها خالتس ام زياد... عوق تبتسم\يوووه يمه نسيتها والله.., ام عوق\انتي نسيتي بس وراتس امتس ماتنسى .., حضنت امي ابي املى صدري من ريحتها ليتني اقضي كل عمري بحضنها احس ما شبعت من امي..! ام عوق بتذمر\اتركي عنتس اتحضن 25سنه وانتي بحضني ما شبعتي..! عوق بألم\لا والله ما شبعت لوهن مليون سنه.., ام عوق بضحك\ ياالله قومي الرجال على وصول انا وام ابراهيم بنطلع مع سواقي.., دقت قبل شوي تقول ان زياد مر ابو ابراهيم مع الصلاة وعزمه.. عوق بترجي\ تركبين معي وش تروحين مع السواق.., ام عوق بحده\ اقول خلي عنتس اتنهوص اركبي مع رجالتس.. يمكن عنده سالفه يبي يقولها لتس ولا يبي احديسمعها ...! انا بتجي معي نوره ومسلط..؟! ياالله اطلعي عني بكمل شغلي يمكن رجلتس عود من الصلاه.., عوق بتذمر\ياها الرجال الي هبلتونا به ليتني ما اعرست..؟! طلعت من عند امي واسمع ضحكها لكن الاكيد ان امي تحاول بأي طريقه توضح لي ان بعدي عنها عادي... علشان ما انهار قدامهاو ارفض امشي مع زياد.., طلعت وجلست با الصاله انتظر امي تطلع وارسلت الشغاله تجهز عبايتي ..! اخذت التيلفون ابي اكلم ريم قلبي فيه حره وقهر عليها.., من اول دقه رفعت السماعه بسم الله كنها تنتظرني .. عوق\الو ...؟ ريم بفرحه\هلا با الطش والرش من يوم مشيتي ظلمت حارة اهلي والحارات المجاوره كيف العرس..! وشلون زياد معتس .. امس شكلكم يجنن المصوره طلعت مقهوره من عندكم.. تقول ما صورو العرسان كثير.., بعدين عوق شوفي يوم تفضين فيه علشان تختارين صور العرس وخلفياتها..!؟ عوق بحده\هييييييييه شوي شوي عطيني فرصه اسولف ما كذبت ام جزاع يوم تقول ام لسانين اعوذ بالله كنتس بالعه لسان تيس..؟ ريم بضحك \يا قلبي ياعوق والله لتس فقده.., عوق بملامه\خليني من بربرتس وش الي سويتيه فيني امس ..؟! ريم بضحك \ماهو مني من جزاع ونواف..! عوق بقهر\الحين نواف وجزاع وش دراهم عن سوالفنا غير من لسانتس الي ما تقدرين عليه..؟! ريم\لايكون زعلتي عوق والله ماهو قصدي انا اقولتس السالفه..! سألت جزاع وش رايك عوق لو بتهدي زوجها هديه وش الي يصلح.., ما نبي شي تقليدي قال خلاص الحل عند نواف..! وكلم نواف وخبره ان زياد قبل فتره كان بياخذ ساعه كونكرد لكن انشغل..! والساعه اتوقع هديه حلوه..! اشتراها جزاع وغلفها ولا دريت وش كاتب فيها داخل العلبه الا بعد ما ارسلتها لتس علمني..؟! انا كتبت الورقه الي برى...؟ قهرتني حركت جزاع بس وش اسوي ..! تكفين لا يصير بخاطرتس علي وترى حركة جزاع ونواف بسيطه قدام غيرهم ..؟! عوق بتهديد\ما يبرد قلبي لين اشوفتس ..؟ ريم بضحك\ المهم بس خليني من خرابيط جزاع ونواف.., اخبار الاطخم اكيد طار عقله يوم شافتس .., عوق بتذمر\اقول انتي فاضيه وراي طلعه.., ريم با استغراب وترجي\وين بتسافرون بالله بشوفتس لو دقايق ..ّ! عوق\لا بروح عند اهل زياد...! وخالتي ام ابراهيم معزومه تعالي معاها مستحيه منهم ما اعرف احد..؟! المهم حاولي تجين اكيد زياد كلم جزاع.., ريم \ خلاص اذا جيت بتسامحيني عوقه.., عوق بترجي\تعالي تكفين ويصير خير.. ريم بضحك \ ابشري بس وش سويتي بشعرتس امس شلت همتس..؟ عوق \ استغفر الله يوم فكيته كنه جزة خروف من ها التسريحه غير رحمني ربي با البلسم نكمل سوالفنااذا جيتي مع السلامه.., قفلت الخط وانا اتمنى ريم تجي... ناس اول مره اقابلهم وانا بطبعي استحي كيف ناس ماعمري اختلط فيهم.., سمعت صوت الجرس اكيد اما خالتي ام ابراهيم او زياد..؟! دخل زياد وسلم مع طلعت امي من غرفتها وحسيته انبهر وفهى من لبسي وشكلي .., وهذا حظ زياد مع امي دايم يتصادفون وتطلع لزياد با اوقات غريبه.., مثل لما اول مره اردعليه بتيلفون.. ام عوق بممازحه\ زياد لاتاكل بنيتي اذكر الله وصل على النبي ترى العين حق.. زياد بضحك\ بسم الله عليها ولااحتياط واجب علشان ما اصكها عين بنفث عليها.., ويحط يده على راسي ويقعد يقرا وينفث قدام امي.. وامي تضحك عليه كن معجبها الي يسويه..! زياد\رضيتي ياخاله.., ام عوق بوجع\الله يرضى عليك يا زيادماابي منك الاانك تراعي الله فيها.. عوق مالها احد بعد الله غيرك.., ان قهرتها والا ظلمتها ترى مافي احد بيحاسبك غير ربك .., الله خصيمك ان ظلمت بنتي وياويل من كان ربه خصيمه.. زياد بذعر\ تكفين يا خاله لا تقولين كذا والله اني اخاف الله فيها وفي غيرها.., كثر ما حزنت من كلام امي كثر ما فرحت ان امي معي وتوصي زياد علي زياديناظر ساعته \ يا الله ياخاله بنمشي اهلي ينتظرونا.. ام عوق\ توكل على الله انت ومرتك .., الحين بطلع مع سواقي انا ومسلط واهله.. زيادبترجي\ما يصير يا خاله تعالي معي.. ام عوق با اصرار\ ان وش قلت قبل شوي خلاص هي كلمه والتفتت علي ام عوق بأمر\ روحي لغرفتي وخوذي الي نسيتيه.., تذكرت انها هدية ام زياد... دخلت واخذتهاولبست عباتي واخذت شنطتي وتركت امي وراي تتجهز علشان تحضر العشا..! ركبنا السياره زياد با استغراب \ ليش طيب مامعك ولا شنطه من شنط ملابسك..!؟ عوق\ شنطي جاهزه لكن ما طرا لي اخذ منها شي ..؟! زياد يضحك\ لايكون ناويه ترجعين تنامين عند امك..! سكت ما رديت عليه.. زياد\عوق في سؤال محيرني وسألت ناس كثير وبسأله لك..؟ عوق بتعجب \اسأل ..؟ زياد\ليش في حفلات الزواج عندنا ما يزفون العروس بدري مثلآ العصر والا ليش ما يكون الصباح والمعازيم محدودين يعني اهل العروس والعريس واصحابهم المقربين وحفله بسيطه ..!؟ يعني لازم التكاليف والخساير..! عوق بنفسها\ ياربي دخيلك جاته نوبة الهبال..؟! يعني خلصت السوالف ولا بقى الا ها السؤال.., زياد با الحاح\نا قشيني طيب و ش فيك ساكته..؟ عوق با استنكار\انت بالله من صدقك ها الكلام..؟! والا علشانك عشت فتره با الخارج تبي تغير شي..! هذي عادات طلعوا عليها الناس والعرس يجي في الليل وش الي يخليه الصبح..! خصوص بوقتنا يعني الناس متى تصحى الصباح ..؟! ومن الي فاضي يشتغل الصباح لبس وبعدها يطقها مشوار لأهل العرس ..؟! وكثرة المعازيم عندنا ضروره اجتماعيه لأن في الاغلب العروس من اقارب المعرس .., واكيد علشان العوايل عندنا كبيره لازم يكونون المعازيم واجد اجل يعزم ناس ويخلي ناس غير زملاء العمل الي يتشرهون ليش ما انعزمواوشاركوهم الفرحه..؟! وبعدين كم بيعرس الواحد با العمر..! ؟ هي مره خلاص بكيفه يصرف الي يصرفه على نفسه ويعزم الي يعزم..؟! زياد\ ما شاء الله صراحه افحمتيني...! تدرين الحين وش اتمنى ..؟! عوق بتهكم\ لا يكون تبي الناس تطاوعك وتقلب عادتها.., زياد بضحك\ لا اتمنى عزايم العشا تكون بعد صلاة العشا وبعدها كلن يتوكل على الله..! عوق با استغراب\كيف ما فهمتك ..؟! زياد\اقصد انه مثلآ الي بيعزم لعشا يكون بعد صلاة العشا الناس تتعشا وكلن يرجع لبيته..؟! عوق بنفسها\لا حول ولاقوة الا بالله هذا وش بلاه لا يكون يبلع شي والا فيه سبب..؟ زياد بتعجب\عوق وش فيك ما تسمعين عوق بشرود\وش تقول ..! زياد\لا شكلك ما انتي معي..!؟ عوق\لا ابد معك لكن افكر بكلامك..؟ زياد بتساءل\وش رايك طيب بكلامي.. عوق\رايي يا زياد ان افكارك غريبه عجيبه..! وش الي تبي حفلات الزواج با النهار..!؟ وعزايم العشا تكون بدري الناس تبي تسهر وتستانس وانت تبي تصك عليهم..؟! زياد يضحك\ يا ليت الناس تدرك مضار السهر كان تغيرت كثير من المفاهيم..؟! زياد انت علشانك دكتور دقيق شوي وبعدين صعب التغيير..! والحين العالم صار الاعلام يتحكم بوقتهم اول يفتح التلفزيون بدري ويسكر بدري والناس منتظمه حياتها.. الحين لا والله تغير الوضع طلاب يطلعون لمدارسهم مواصلين.., موظفين يمشون لدواماتها روسهم دايخه من السهروالله يعين المراجعين على نفسيات الموظفين..؟! زياد\صادقه عوق الانسان يحاول يصلح نفسه وان شاء الله يمتد التغيير لكل الي حوله.., عوق بملل\زياد احس بيتكم بعيد..؟ زياد بضحك\ افاااا ليه مليتي من سوالفي ... اردف زياد\ على العموم حيكم قريب من حينا لكن الاشارات والزحمه هي الي شوي تأخرنا خلاص قربنا ما بقى شي.. وفعلن وقفنا قدام اربع فلل بسور واحد..! زياد\ شوفي اكبر واحد با البيوت هذا بيتنا .. والي جنبه بيت نجلا والي جنبه من هناك بيت بشرى.., والصغير الي يفتح على الشارع الثاني بيت ناجي.., ما ادري ليش جا في بالي كلام امي عن اقاربها اهل بدر ومشاعل وتصميم بيوتهم ..؟! عوق بتساءل\ انت لك خوات...! زياديضحك بتهكم\ ليه مئطوع من شجره..!! عوق تبتسم\ لا ماهو قصدي لكن سؤال جا على بالي..؟! زياد\المهم عوق بقولك شي قبل ننزل من السياره ..! عوق با استغراب\ خير..! زياد بمحبه\ابيك تعتبرين اهلي اهلك تراهم ناس طيبين والي داخلهم ابيض ..., حتى لو شفتي شي ما اعجبك حاولي تمشينه علشان خاطري.. عوق بخوف\ابشر لكن خوفتني زيادلا يكون ما يبوني وزواجك مني ماهو برغبتهم ..!؟ زياد يبتسم\ حرام عليك احسني الظن .., لكن الي اقصده ان اهلي انتي شخص جديد عليهم ولا يعرفونك قبل..! واهلي الي ما يعاشرهم يحسهم شوي شديدين والا هم والله غيييييير..., دخل زياد السياره داخل سورهم الي كان من داخل مقسم وعازل الفلل عن بعض.., على ان الي يشوفه من برا يقول سور واحد..! قبل ننزل طلع من باب الفله رجال.., وجا مسرع ويضحك يوم شاف زياد..!؟ سبحان الله هذا الي كنت اظنه زياد الله يشفيه يقطع القلب وهو يمشي حيل واضحه عرجته ونزل زياد له بسرعه وحضنه.., شكل علاقتهم قويه وانا نسوني داخل السياره..! اخيرآتذكرني زيادورجع لسياره زياد \انزلي عوق البيت بيتك.., نزلت والرجال الاعرج سلم علي من بعيد ويبارك لي كلامه فيه تأتأه واضحه وحتى كلامه يا الله ينفهم..!؟ الحمدلله الذي عافانا مما ابتلاه به والحمدلله الذي فضلنا على كثيرآ ممن خلق تفضيلا مشى زياد والرجال قدامي وانا وراهم دخل الرجال مع باب اتوقع قسم الرجال..! زياد دخلني مع باب ثاني صاله كبيره مفتوحه وجالسات فيها حريم يتقهوون..! يوم شافوني قاموا يرحبون فيني زياد على طول راح عند امه سلم عليها وسلموا عليه الحريم.. بعده سلمت انا عليها ورجعت سلمت على الحريم الموجودات... وجلست على اقرب كنبه اول مره اطلع لناس من غير امي ..! حسيت نفسي غريبه بينهم وقلبي يدق ما ادري هو احراج والا حيا..! وكل شوي جايه بنت تركض ما ادري من وين يطلعون..!؟ وكلهم ينادون خالي الا بنتين صغار يقولون عمي..! يعني زياد عم وخال يمكن يقولونها احترام له..؟ الغريب ان كل الموجودات بشرتهم سمرا حيل ..؟! الا البنتين الصغار شكلهم صفر لا ابيض ولا اسمر.., بعدهم دخلت حرمه متغطيه وعليها اجلال سلمت علي ..؟! وجلست قريب مني ومن بعيد تبارك لزياد وهو يرد عليها..؟ انا ما اعرف من الموجودات الا بشرى ونجلا شفتهم يوم الملكه..! زياد اخذ كرسي وجلس فيه قريب مره من امه ويسولف عليها..؟! ما ادري وش يقول لكن اشوفه يمسح دموعها الصاله حيل كبيره والا اصوات واجد وحده من البنات قالت خالي زوجتك خطيره وتأشره له با اصبعها الاوكيه..! والثانيه تقول اهنيك على ذوقك والله لو انك معلن تبحث عن زوجه بها المواصفات ما اتوقع بتلقى مثلها..؟ الي تقول خالي زوجتك فاقت كل التوقعات اختيارك في محله.., والي تقول محظوظ يا ابومساعد.., وزياد يضحك على تعليقاتهم ...!! الحرمه البيضاء تسولف علي لكن بالي ماهو يمها ما ادري وش تقول..؟! الي استغربته اكثر لكنتها غريبه ماهي سعوديه اتوقع شاميه...! اسمع زياد يقول لنجلا ء.. زياد \ نجلا عرفي عوق على عايلتنا..! نجلاء تبتسم\ابشر الحين عوق صارت بنتنا.. نجلاء\انا نجلا اخت زياد الكبيره .. وهذي بشرى اختنا.. وهذولا بناتي عبير واثيرو مجد.. وبنات بشرى اصايل وحنين.. والي جنبك زوجة اخوي ام موضي بناتها موضي وسمر شوفيهم الصغار.. وفي لنا بنات متزوجات بيجون بعد شوي.. سكت ما عرفت ارد غير با ابتسامه.. عرفت ليش الحرمه الي جنبي تختلف بشرتها عنهم وحتى لكنة صوتها طلعت زوجة اخوهم .. قالت لي ام موضي ام موضي\نزلي عباتك وخوذي راحتك عادي مافي حدا يدخل هنا الا البنات هذا بيت خالتي ام زياد.., عوق بخجل وارتباك\ لا عادي مرتاحه.., قام زيادوناداني .. زياد \ بنطلع فوق انا والمدام علشان تشوف عش الزوجيه.., ياربي يا الاحراج ..؟! وقمت امشي ورى زياد وعلى تعليقات بناتهم ..! شكل دمهم خفيف وماخذين على بعض هم وزياد صعدت وانا اتنافض ما ادري حيا والا رهاب اجتماعي لكن الاكيد اني ماني على بعضي.. وزياد يوصف لي بيتهم.., زياد \ شوفي فوق كلها غرف نوم وصالة جلوس صغيره ومطبخ تحضيري صغير..؟ فتح باب غرفه يمين الدرج على طول.. زياد بوجع \هنا كانت غرفة امي لكن بعد ما جاتها الجلطه نزلت غرفتها تحت لصعوبة حركتها ..! عدلت غرفتها وخليتها مكتب لي ...! فتح باب ثاني غرفه فاضيه ما فيها الا كراتين وبسم الله هيكل عظمي روعني شكله زياد بضحك\وش فيك خوفك الهيكل العظمي..؟! واردف زياد بممازحه\الكراتين فيها كتب طبيه وكم جمجمه تبين تشوفينهن..؟ عوق بذعر\ لا تكفى طلعنا بس من غرفت الاشباح..؟! الصاله الي فوق مفتوحه ومقابلها مطبخ تحضيري صغير..؟ فيه ثلاجه ومكرويف ودولاب لكن على صغره الا ان شكله حلو.., بعدها فتح باب غرفه كبيره عرفت انها غرفة النوم شكله مغير كل شي جديد فيها وريحة اصباغ..! زياد\هذا جناحنا شغلي كان مستعجل فيه..! اذا ماهو عاجبك وبتغيرين فيه ما عندي مشكله عادي.. الغرفه كبيره لونها بيج لامع والديكور بني على بيج اعجبني شكل انوارسبوت لايت على شكل نجوم..؟! سبحان الله باين ذوق الرجال..! وتفتح على غرفه ثانيه بينهم شكله كان باب وبعدين مصلح عليه تعديل وديكور زي القوس..؟! الغرفه الاولى فيها سرير كبير مره اكبر من مقاسات الاسره العاديه كبره يلفت الانتباه..؟! وتسريحه شكلها ساده وكومدينتين لونها بني محروق ولا موجود لا مفرش ولا شي..!؟ والغرفه الثانيه دولاب ماخذ كل الجدار نفس اللون بني محروق.., وطاولة كوي جديده وشنط ملابس مسكره...! وفي باب فتحه زياد حمام كبير مره موجود فيه صيدليه ومجفف كهربائي وحمام جاكوزي..! باين شكل المكان كل شي جديد فيه...! استغربت المكان فاضي ولافيه لمسه انثويه..!؟ وكأن زياد كان يقرا افكاري زياد\ ترى خواتي كانوا بيفرشون الغرفه ويرتبونها لكن انا رفضت...! قلت الي بتعيش فيها هي الي مسئوله عنها ترتبها بطريقتها..؟! اردف زياد با استعطاف\انتي عارفه عوق الاذواق تختلف ...! يمكن هم مساكين يتعبون ولا يعجبك شي من الي سووه..؟ وبتروحين يا انك تغيرينه ويحز بخاطرهم ..., اوانك تقبلينه وما تكونين مرتاحه احس كلامي فيه ارضاء لطرفين ..!؟ صح والا انا غلطان..؟! عوق تبتسم\ لا والله صدق كلامك..! زياديبتسم بهمس\طيب بعد ها الجوله التفقديه نزلي عباتك بشوف شكلك..! حسيت قب وجهي نار واذاني تسكرت ويا الله ابلع ريقي.., زياد بضحك\ وش فيك قلب وجهك..؟! والحمدلله دق باب الغرفه .., وانقذتني دخلت عبير بنت نجلاء..!؟ . . . (كلمه اخيره) الدعاء الذي لا يكاد يُرد أبداً ....! قال ابن القيم ـ رحمه الله تعالى : إذا جمع الداعي مع الدعاء حضور القلب وصادف وقتاً من أوقات الإجابة الستة (وهي:-الثلث الأخير من الليل ، وعند الأذان ، وبين الأذان والإقامة ، وأدبار الصلوات المكتوبة ،وعند صعود الإمام المنبر يوم الجمعة حتى تقضى الصلاة ،وآخر ساعة بعد عصر يوم الجمعة أيضاً)، وصادف خشوعاً في القلب وانكساراً بين يدي الرب وذلاً وتضرعاً ورِِقة واستقبل الداعي القبلة وكان على طهارة ورفع يديه إلى الله وبدأ بحمد الله والثناء عليه وثنى بالصلاة على عبده ورسوله محمد صلى الله عليه وسلم ثم قدّم بين يدي حاجته التوبة والاستغفار ثم دخل على الله وألحّ عليه في المسألة ودعاه رغبة ورهبة وتوسل إليه بأسمائه وصفاته وتوحيده وقدم بين يدي دعائه صدقة؛ فإن هذا الدعاء لا يكاد يُرد أبداً.. ولا سيما إذا صادف الأدعية التي أخبر النبي صلى الله عليه وسلم أنها مظنة الإجابة أو متضمنة للاسم الأعظم (وهو:-الحي القيوم ،وقيل :- الله ، قال ابن حجر وأرجحها من حيث السند :"الله لا إله إلا أنت الأحد الصمد الذي لم يلد ولم يولد ولم يكن له كفُواً أحد". فما أحوجنا أحبتي لمثل هذا الفضل العظيم.. " من الجواب الكافي لمن سأل عن الدواء الشافي" . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
:dancingmonkeyff8::dancingmonkeyff8::dancingmonkeyff8:
:peace: تسلمي على البارت الروعه ....... بارت بيجنن او خفيف والله امها لعوق جدعه ماشالله و بتنتبه لكل شي شو قصة المواضيع اللي بيفتحها زياد ؟ تسلم ايدك ام الوليد |
السلام عليكم ورحمة الله وبركاته
مسائك هدوء وراحة بال سلمت أناملك ام الوليد سالفه هاديه وخفيفه بدايه لانتقال عوق من حياة أمها الى حياة زياد وأهله تدقيق عوق في لون البشره يؤكد لي ان اهل زياد لاقينه ما كفلوه ويؤكد انه راضع مع أحد من العيال يمكن الولد اللي كانت عوق تحسبه زوجها زين سوت فيك امك اجل في وحده تسوي اللي سويته خوفك عليها بيسبب لك وسواس وبتنكدين على زوجك وعلى امك نفسها اذا شاقتك كل شوي ناطة عندها اعتقد ان بعد العشاء هذا بتعرف عوق قصة زياد اللي أنا احرص منها لمعرفته تعرفين لقافة حريم في انتظار سالفه جديده من سوالفك الحلوه جعل ايدنك ما تمس النار |
تسلم الايادي ام الوليد
احيانا من حبنا للشخص نحاوطه بالاهتمام والرعايه كانه طفل صغير وهذا دليل المحبه بس لازم نراعي عدم مبالغتنا لان ذلك يسبب المشاكل لكل الاطراف زياد الله يعينك على هوق وحبها الزايد لامها ريم حلو الصداقه لما تتحول لاخوه وفيه |
اقتباس:
الله يسلمك اسعدني مرورك |
اقتباس:
اكيد عوق لو وضحى بتعطيها وجه بتبلط عندها ولا راح تطلع توقعك بنشوفه با البارت الهديه بأذن الله خلاص ما بقى شي قريب بتقرون قصة زياد اسعدني مرورك الراقي وممتنه جدآ لردودك الرائعه |
اقتباس:
صادقه احيان كثرة الاهتمام تسبب وسواس واختناق كل شي يزيد عن حده يقلب ضده اسعدني مرورك الراقي |
السلام عليكم ورحمه الله وبركاته
تسلم ام الوليد على سوالفك الرائعه الي كل سالفه تشدنا لسالفه الي بعدهااااا لاخلا ولا عدم ياحليلك يازيااااد احسه من كثر فرحته بعوق مو عارف شيسوي او وش يقول الله يهديه صاير متصربع وكل شيء مستعجل عليه ام العوق الله يخليك لعوق تاثرت كثيرررر بموقف عوق والوضحى واتضانه لها كانها من سنسن ما شافتها وخاصه يوم عطتها هدية خالتها وطلبتها تعطيها اياه صحيح الام وجودها ضروري بحياه كل بنت لانها هي الي تنبها على اشياء غافله عنهااا الله يرحم امي وامهات المسلمين ويخلي الاحياء منهم اختلاف الوان بشره اهل زياد غريب وهذا ياكد يانه مو ولدهم او ان انه وحده ثانيه غريبه عنهم وعجبني تعليقات البنات على المعاريس عشان يخففون من توتر العوق وعشان تتجاوب معاهم بس هي بدال ذا كله استحت زياده تسلم يدينك ام الوليد جعلها تحرم على النار |
اقتباس:
يارب اكون عندحسن ظنكم ولا يحرمني من تواجدك العذب الراقي في صفحات الروايه بنشوف سبب اختلاف البشره في بارتا ت قادمه زياد والله حبوب وباله طويل لكن عوق مرات تمصخها علاقة زياد مع بنات خواته في احداث قادمه اتمنى ان الاحداث تقنعكم الام ومن مثل الام كل شي منها حلو في مشهد بأذن الله في منتصف البارت القادم اتمنى اشوف تعليقك عليه هو بداية انفصال عوق عن وضحى اسعدني مرورك المميز تسلمين على الدعوه الطيبه الله يجعل لك نصيب منها |
بسم الله الرحمن الرحيم هلا وغلا بكل الغوالي الي يعطرون متصفحي سواء با لردود او التقييم او الشكر.., والغايبين اقول والله مكانكم خالي .., اليوم بنشوف عوق المزايين والعائله الجديده الي صارت عضو منها.., البارت اهداء للكل العابرين من هنا من دون استثناء.., . . . يا الله تعالوا معاي...!! وسالفه جديدة؛ البارت السادس عشر . . . زياد بضحك\ وش فيك قلب وجهك..؟! والحمدلله دق باب الغرفه .., وانقذتني دخلت عبير بنت نجلاء..!؟ عبير تهز راسها بتهكم \ خالي سلامات تاركينا تحت ..؟! كل هذا تفرج المدام على عش الزوجيه...! زياد بضحك\بسم الله وش عندك طبيتي مثل هادم اللذات ..؟! عبير بضحك\ اسفه خالي اذا كدرت عليكم جوكم الرومانسي.., وخصوص بها الاجواء الشاعريه مع ريحة الصبغ الي تكتم...! لكن اهل مدامتك وصلوا بسرعه لا تتأخرون فضحتونا.. تحت في عذارى يتحسرون على شبابهم...! زياد\اقول بسرعه انزلي الله يعينه عليك .., ونزلت عبير عوق منحرجه\مره جريئه بنت اختك متزوجه..؟ زياد يضحك \لا بس متملكه عرسها قريب..َ! عوق با ارتباك\ خلنا ننزل احراج هي صادقه الناس تنتظرنا..؟! زياد بهمس \الناس تنتظرنا والا اشتقتي للماما...! عوق با ارتباك\كلهن.., نزلنا تحت وانا ظر الصاله مافيهااحدالا بنت اتوقع من بنات بشرى ناداها زياد زياد\ حنين خوذي عوق للمجلس الي فيه الحريم .., زيادطلع مع باب من ها الابواب الي ما ادري كيف ها العايله حافظين بيتهم من كثر الابواب...! مشيت مع البنت ودخلت غرفه كبيره وكان فيه وجيه جديده..! هذولا شكلهم بنات نجلا وبشرى المتزوجات لأن فيهم اشكالهم حوامل..! والكل وقف يوم شافني الا امي فديتها جالسه وعصاتهابيدها..! وخالتي ام ابراهيم جنبهاسلمت عليهم وعلى خالتي ام ابراهيم وحتى ريم جايه..! خالتي ام ابراهيم حضنتني حسستني اني ماني وحيده وان لي ناس واقارب..! وريم شوي والا تصيح ما صدقت جلست بين امي وريم..! ريم بممازحه\ عوق احسك تغيرتي كأن لي سنين ما شفتك..! عوق با استهزاء\الحمدلله والشكر وش تغيرت انا هو انا..؟! ريم \لابجدعوق شكلك متغير يمكن علشان اول مره نجتمع بمكان غير بيتنا وبيتكم..؟! اردفت ريم بممازحه\ نزلي عباتك شكلك يفطس ضحك با العبايه ما كأن العشا لك ..؟! عوق با استنكار\ لا وين استحي من غير الذهب الي امي غصبتني عليه...! خلي العباه ساتره عليه لايشوفه احدتبينهم ينقدوني يقولون من وين جايه..؟! ما شفت الا خالتي ام ابراهيم قامت واجبرتني انزل عباتي..! ولا بغيت احرجها قدام المعازيم...! اشرت لها على جلابيتي ابيها تفرح اني لبست شي منها..؟! ما شفتها الا ترفع كمها توريني الاسواره الي شريناها انا وامي لها..., ياربي تسعدها ضحكتني بحركتهاوذكرتني بهديتنا لأم زياد..! الحين وش اسوي الهديه معي با الشنطه كيف بعطيها ..؟! عوق بهمس \ريم وش اسوي هدية ام زياد معي وشلون اعطيها..؟! ريم با استنكار\ وش هديته..؟! عوق\ اسواره.., ريم بتهكم\لايكون ذهب بعد..! عوق\اجل وشو.. ريم تضحك\ والله حالتكم صعبه يا آل وضحى.. بنتكم لابسه محل ذهب كامل ولا بعد هديتكم لأم المعرس ذهب..؟! عوق بتذمر\الحين فكري لي بحل وبعدين علقي على كيفك من اليوم عندهم ولا تذكرتها الا الحين..؟! ريم \ملحوقه لا تشيلين هم اذا طلعوا الناس اكيد زياد بيجي يدورعليتس .., سلمي على راسها قدامه ولبسيها هديتها وخلاص ما يبي لها خطط تكتكيه سهله..؟! ومنها تكبرين بعينه ولا ينساها لك ابد..! عوق\صادقه ريم وهذا الي بسويه..., بعد فتره قامو نجلاءوبشرى وقلطونا على العشا...؟ دخلنا بمكان شكله مقلط لأن له اكثر من باب وفيه طاوله طعام كبيره .., ام زياد جالسه بكرسيها شكلها يكسر الخاطر جلست جنبها نجلاء توكلها وتضحك وتسولف معاها ويناظروني ويضحكون..., بعد العشا جلسنا بغرفه ثانيه كانت جلسه عربي غير الغرفه الاولى الي جلسنا فيها قبل..؟! وطبعن انا لازقه بحلق ريم ما اقدر اسولف الا معها..؟! ريم\عوق الله يعينك على ترتيب شغلك ..؟! عوق بتذمر\اي والله خصوص الجناح فوق يبي له شغل فاضي زياد يقول انتي رتبيه بمزاجك..؟ ريم\ ايه هو كلم خالتي وضحى وقال نبي اغراض عوق..! عوق با استنكار\متى..؟! ريم\ما ادري بس خالتي جابت معانا شنط وش كثر..! سيارة خالتي وضحى وجمس اهلي ولا كفوا بعد باقي لك تقول للحين غرفتس مليانه..! سكت وش برد يعني خلاص بديت انفصل عن امي شوي شوي .., ريم با استغراب \عوق وش فيك قلب وجهك وانعقدت حواجبك .., لا يكون زعلتي بس علشان جايبين اغراضك معانا ...! يا وخيتي هذي سنة الحياه واحمدي ربك ان ربي خلى زياد بطريقك...! والله ياهو معجب ابوي واخواني .., حتى ابوي يقوم ويقعد يحمد ربي يقول الحمدلله ان ربي رحم ها اليتيمه به الرجال الكفو...! ترى كلنا طارت قلوبنا من اقارب خالتي وضحى خفنا عليتس..؟! خصوص سعد ينتظر بس يصير لخالتي شي..!؟ اردفت ريم بقهر\تدرين انه كم مره ينشب لأبوي على الوكالة الين ابوي هدده انه بيشتكي عليه وانثبر ..؟! عوق بأالم \ الله يطول بعمر امي ويكفيني شرهم..؟! ريم\آمين اما ياعوق البارحه فاتك مقلب صار لي..! عوق بشرود\خير وشو.., ريم\ البارحه بعد ما وصلت امي والمصوره.. يوم نطلع من عندتس ما ادري وش هفني بعد ما رجعت..! جزاع جلس تحت عند اهله وانا طلعت لشقتي واقعد ارتب واحوس فيها..؟! والقى كرتون شموع با المخزن ناسيته من زمن جدي وأشبهن كلهن واطفي الاانوار...! وارتب عمري عيالي دايخين ونايمين..؟! دق باب الشقه رحت اركض اهابد قلت اكيد جزاع ناسي المفتاح ..؟! وافتح الباب من تتوقعين...؟!! عوق تضحك\يا فضحي لايكون من اخوان رجلتس ..؟! ريم بقهر\ لاوالله خالتي جايه نص الليل تبيني اكلم امتس علشان تعتذر انها ما حضرت عرستس ..؟! اول ما دخلت قامت تصارخ وش هذا من قاطع الكهرب عليكم يوم شقتكم ظلام ..؟! وش بلا ها الشموع تبين تحرقيناحسبي الله عليتس قلت لا يا خاله فيني صداع من العرس..؟! وطفيت الانوار والشموع علشان اذا جا جزاع يشوف طريقه...؟! قالت اجل لا تعودينها لو انتس نايمه ومحترقه عليتس الشقه ..؟! وتروح تولع الانوار وابلش بلشه اكبر من الشموع..؟! وهي تثور بوجهي انتي وش بلا مطلعتن زنودتس كنها زنود مصارعي..؟! روحي البسي غطي ايدينتس ولا يقولون دارسه دين ..؟! ورجع جزاع ودخل نام وشبع نوم..؟! وهي للحين سهرانه مقابلتني الله يعافيها..! تقص علي قصص وش كانت جدتي طخايم الله يرحمها تسوي فيها..., وكيف انها صبرت على جدتي لين توفت وهي راضيه عنها..! تخيلي عوق من 12ونص الليل حتى اذن الفجر وحنا على جلسه وحده انا وهي .., عوق تضحك \ الحمدلله ان حقي منتس اخذته ام جزاع بعدين من وين لتس زنود انتي جلد وعظم ريم تتنهدبقلة حيله \ هي كذا لو تشوفني زايده كيلو قالت والله من الراحه اكل ومرعى وقلة صنعه.. لكن شكلك داعيه علينا من قلب...! عوق با استهزاء\ لا حرام عليتس انتي ورجلك ما سويتو شي يستاهل اني ادعي..؟! بعدين اتركينا من المزح تكفين ريم لا تشيلين على ام جزاع ...!؟ ريم بتهكم \ومن قالك با العكس احبها واصلن ادمنت هوشها لي لو ما تهاوشني انمرض ..! اردفت ريم بحسره\هي ما مثلها لكل الناس طيبه وحبيبه الا انا سبحان الله.. لكن مقدره وضعها ترى جزاع هو الوحيد الي متزوج من اخوانه...؟! وانتي عارفه زوجة الولد الكبير حقل تجارب ماراح يبقى شي على حاله...! بدوا اهل زياد يستأذنون و يطلعون ولا بقى احد حتى ريم ناداها زوجها وطلعت..؟! مابقى الا امي وخالتي ام ابراهيم ونجلاء..؟! ام عوق بهمس\وش سويتي بهدية خالتس...؟ عوق با ارتباك\ للحين معي..!؟ ام عوق با استنكار\للحين يا فضحي قومي لبسيها بسرعه اشوف...! واطلع الهديه من شنطتي اروح لأم زياد ادنق عليها واسلم على راسها وافتح العلبه والبسها الاسوارةوتقعد تضحك وتدعي لي بصوتها المتقطع حسيت حتى نجلاء استانست وارجع جنب امي.. ام عوق بتذمر\ وشفيتس لزقتي لي...؟! عوق بعتب \ لا بس ليش تجيبين شناطي..؟! ام عوق با استهزاء\اجل وش اسوي فيها وليه شاريتيها يوم بتتركينها...؟ّ! عوق بوجع\ لا ماهو قصد بس خلاص بنبعد عن بعض يمه..! ام عوق با انتقاد لاذع \الحمدلله والشكر رجعت اتهنوص اقول اعقلي تراتس صرتي مره.., وشوفي رجلتس وبيتس لاتخلين الناس تنقدني علي آخر عمري...! واصير علك بحلوق الحريم ومضرب مثل لهن يقلن لاتصرن تربية وضحى لبنتها..؟! ووقفت امي قالت كرمكم الله نبي نمشي...., ودي امسك عباتها مثل يوم كنت صغيره وامشي وراها..؟! وهي كل شوي تلتفت وراها تخاف اني ابعدت عنها..! لكن الحين خلاص حتى هي يزعلها شعوري اني ما ابي افارقها..؟! طلعت امي ونجلا جنبها يسولفون وانا وخالتي ام ابراهيم وراها...! توصيني خالتي على بيتي وعلى زياد وامه وسألتها عوق بتردد\خالتي امي وش سوت امس يوم جيت اطلع ما شفتها وكلمتها في الليل صوتها متغير..؟ ام ابراهيم بتأثر\تحسبين فراقتس هين عليها..! البارحةمن قبل تمشين دخلت غرفتها وقفلتها ما فتحت بابها الا يوم قلنا رجل عوق يبي يكلمتس .., عوق تتنهدبوجع وحيره \والله ان قلبي حاس بوجعهابس وش اسوي.., ام ابراهيم تهمس بتعجب\وش تسوين لا تغثين وضحى ياعوق امتس حرمه كبيره وكل يوم عن يوم تنقص عافيتها الله يعينهاغير الكبر مرضها.. استريها عند اهل رجلتس ولا تخلين وانا خالتس احد ينقدتس بشي وضحى ما تبي لتس الا الستر وانتس تتوفقين بحياتس .. طلعت امي وخالتي نوره مع الباب الداخلي لبيت زياد...! نجلاء شكلها رجعت لخالتها ام زياد.., وانا واقفه با النص اناظر امي تمشي وتسند على عصاها..؟ وخالتي نوره تبي تسندها لكن امي ابعدت يد ام ابراهيم عنها.., دريت ان امي متضايقه ومضايقها فراقي..! وانا ماني قادره الحق امي ولا قادره ادخل داخل..., ياربي سترك وش تقصدخالتي نوره بمرضها لايكون امي فيها شي غير السكروالضغط ..! نزلت دموعي ما ادري هي دموع فراق والا يتم والا خوف من المستقبل والا على امي ...! سبحان الله من عرفت اني لقيطه وانا شاغلني من بياخذني ...! متى اتزوج من بيرضى بلقيطه كل امانيي اني اكون زوجه وام كانت عندي مستحيله..! وانها ماراح تتحقق الا باالخيال هذا انا تزوجت وفي بيت زوجي لكن قلبي مع امي..؟ وشلون عقلي المريض قبل يفكر ذيك الا افكار..! وكله كوم ويوم بغيت استعجل رزقي واخذ صالح كوم ...! صحاني من عالمي صوت زيادالي كان جالس على كنبه وراي .., زياد با استغراب\ عوق ما تعبتي من الوقفه قدام الباب..! ترى لي ساعه جالس وانتي واقفه بشوف وش تناظرين..!؟ العالم كلها مشت ماعاد فيه هنا الا انا وانتي..! حتى امي دخلت نامت ترى بكرا بنطلع مكه...؟! مسك زياد يدي وطلعنا لجناحنا..! لقيت كل شنطي وحتى المفارش الي شريناهم امي ارسلتهم..! يعني وش بقالي هناك يا الوضيح غير روحي الي متعلقتن فيتس..؟! زياد يسولف وانا احس اني ما اسمع وش يقول وهذا طبعي اذا خفت والا استحيت اذاني احسها تنسد ما اسمع الي حولي..! زياد يبتسم\ عوق غيري ونامي ترى ورانا سفر..! على ان شكلك كذا خرافي ترى اعجبتي اهلي كلهم بدون استثناء حتى بنات اختي تفاجئوا يوم شافوك..! عوق با استغراب\ليش .., زياد بااعجاب\يقولون نعرفها عوق عبد الملك من اجمل بنات الجامعه.., عوق منحرجه \لا عاد يبالغون ..., زياديبتسم \تدرين انك حليتي لهم مشكله يعانون منها من زمان..! عوق بتعجب\اوف لهدرجه انا مهمه...! زياد بحب\ اكثر مماتتخيلين..! عوق با ارتباك\وش هي المشكله الي حليتها...! زياد \ الكل كان يتمنى اتزوج وكل يوم مقترحين اقتراح..! لكن الحمدلله جيتي با الوقت المناسب قبل ما يتطور الموضوع ويصير ازمه دوليه..؟! المشكله انه يسولف معي وانا ارجع ورى وهو يتقدم لحد ماردني الجدار..! زياد بضحك\ وش فيك احس انه ودك يصير لك اجنحه وتطيرين.. عوق بتوتر\لا عادي بس..! زياد با استغراب\وش بسه في شي ..؟! ياربي كيف اخبره ان ماعلي صلاه ولازم العمره تتأجل..؟! غريبه تخربط علي وقت العذر الشرعي يمكن علشان نفسيتي..! عوق بخجل\ لي اغراض بشنطتي الي كانت معانا با الفندق محتاجتها..؟! زياد \ موجوده با السياره تبينها ضروري..! عوق \ ايوا...! ونزل علشان يجيب الشنطه.. وانا بسرعه فتحت الشنطه الي كنت مرتبه فيها لبس البيت ... واطلع قميص بيت ساتر وركض للحمام ..! ذهبي بعد ما نزلته فوق المغسله ناظرته ما كذبت ريم يوم تقول صايغ متحرك ..! مسحت وجهي عن المكياج بمناديل زيتيه لقيتها بصيدلية الحمام وغيرت لبسي ولميت ذهبي.. وطلعت من الحمام لقيت زياد قدامي جالس على كنبه بزاوية الغرفه..! زياد با ابتسامه\ وين جوالك..! عوق\ موجود داخل الشنطه الي معانا انت جبتها..! زياد\ ايه شوفيها وراك...! وفتحت الشنطه وعطيت الجهاز زياد.. وذهبي رتبته داخل شنطه صغيره .., زياد\ تعالي با اعلمك كيف تستخدمينه .. قربت منه ويفتح الجهاز ويركب شريحه..! ويعلمني كيف استخدمه..! زياد\ فهمتي...! عوق\ ايه اصلن سهل ما يبي له شي...! كثير شفت مع البنات مثله.. طلع جهازه ودق على جهازي علشان يخزن الرقم..! زياد يضحك\ وش تبين اكتب اسمي بجوالك عوق بتوتر\ بكيفك اكتب اسمك ..! كتب اسمه وعطاني الجهاز .., جاتني فكره كيف بخبره انه ماراح نقدر نعتمر..! لكن ما ابي اشوف ردت فعله..؟! عوق\ابي مويه وين المطبخ..! زياد بدهشه\ تحت..! المطبخ التحضيري المفروض فيه مويه لكن نسيت ..! بنزل اجيب لك..! وما صدقت طلع وبسرعه افتح على الرسايل وارسل له.. (قدر الله انه يكون معي العذر الشرعي يمنعني من العمره) وارسل الرساله واسمع نغمه ناظرت الا جهازه على التسريحه .. وانقهر يوم ترك جواله وراه ليش يعني لازم الاحراج..! رجع معاه علب مويه ونزلهم على التسريحه..! عوق بخجل\ جوالك سمعت له صوت يمكن مكالمه او رساله..! اخذ الجوال وناظر فيه زياد بدهشه\ لا هذي رساله عسى خير...! فتحها وانا ما صرت اعرف امشي والا اجلس والا اطير ضحك , ضحك حتى شرق ..! فتحت له علبة مويه بسرعه وعطيته يشرب.. عوق بخوف\ بسم الله وش جاك..! زياد بتهكم\ عادي بس تذكرت سالفه ضحكتني...! عوق با ارتباك\لايكون تضايقت ان السفر بيتأجل...! زياد يبتسم\ لا عادي وش الي بيضايقني كل تأخيره وفيها خيرها..! وفرصه تتعودين على بيتنا ونشوف الي ناقص ونكمله..! نستغل الوقت والا انتي وش رايك ..! عوق بهدوء \ صحيح كلامك ..! زياد طلع للغرفه الثانيه جاب مفرش غير مفارشي وفتحه.. زياد\ تعالي ساعديني نفرش السرير بننام ترى ما ارتحنا..! وفرشنا السرير مع بعض زياد حنون وطيب وحسيت ان كل شي ياخذه بساطه..! الصباح صحيت متأخره ماشفت زياد با الغرفه..!! غيرت لبسي ونزلت وانا لابسه اجلال تحسب لأي مفاجئه.. سمعت اصوات كانت نجلاء و زياد وامه جالسين يتقهوون سلمت عليهم..! ودنقت على راس خالتي ام زياد وسلمت عليها..َ زياد بممازحه\ وش عندك يا كسلانه ما صحيتي ما عندي حريم يصحون الظهر..! نجلاءتناظر ساعتها \ حرام عليك تو الساعه عشر ونص .., وبعدين اليوم اجازه العالم لو ما صلاة الجمعه كان سحبوها نومه الي الظهر...! التفتت علي نجلاء \عوق ما عليك من زياد ترى ماعنده الا الهياط ..! اثار امريكا للحين ماراحت يبي كل شي بنظام واحمدي ربك بعد كانت دراسته باامريكاماهواليابان..! عوق بهدوء\ لا عادي اصلن انا متعوده اصحى بدري من غير شي اول مره اتأخر با النوم كذا..! نجلاءبضحك\ الحمدلله اجل وافق شن طبقه... ولا تربطين نفسك بخالتي عادي عندي..! ما ادري وش تقصد نجلاء..؟ عوق \ خالتي مثل امي..! وناظرت خالتي ام زياد كا العاده مبتسمه.., زياد يناظرني ويبتسم ماا ادري وش فيه..! نجلاءبا امتنان\ ما تقصرين عوق لكن صعبه ان خالتي تطلع معاكم لمكه وبعدين في رمضان الي فات اعتمرنا كلنا خالتي با اجلس عندها حتى ترجعون خوذو راحتكم وخصوص زياداجازته قصيره استغلوها ..., فهمت من كلام نجلا ان زياد قال لهم اني طلبته امه تطلع معانا عمره.. نجلاء وقفت \يا الله بقوم اشوف ها الشباب الله يصلحهم ما يقومون لصلاه الا هم منشفين حلقي..! وجلست عند خالتي وزياد طلع مع نجلاء وصلها الباب ورجع علينا..! زياد يبتسم\افطري لا تتعبين... عندنا شغاله ما شاء الله عليها شاطره وفي ممرضه علشان وضع امي.. يا الله قومي افطري وانا بجهز لصلاه..., زياد التفت لأمه \ يمه وشرايك بزوجتي..! واسمعها تقول حلوه ما شاء الله واحسها فرحانه فيني..! واسمع زياد يغني لأمه اغنيه غريبه..!؟ وهبها الوهاب لولد أم عبد الوهاب ويصفق لهابيدينه..!!! وهي فرحانه مره وتضحك له .. نادى زياد الشغاله الي جات بسرعه ..! وقال فطور لمدام عوق ..! زياد\ افطري وانا بطلع البس والحق الصلاة برجع ماراح أتأخر..! صعد زياد فوق.., والشغاله قالت مدام وين تبين فطور قلت با المطبخ مو مشكله..! جات الممرضه حقت خالتي واخذتها اتوقع لغرفتها..! لحقت الشغاله للمطبخ ولقيت الفطور جاهز..! افطرت بسرعةوانا ظر المطبخ كبير اكبر من مطبخنا بواجد واثاثه كامل.. طلعت لغرفتي ابي اشوف من وين با ابدى با الحوسه..! والشنط الي بكل مكان ..! الدوره متعبتني ظهري بينقص وماغص..! حاولت اسحب الشنط لكن كلها ثقيله على الاقل ابدى شوي شوي..! لكن ماقدرت وجلست اتذكر امي هذي اول جمعه ابعد عن امي..! نصحى بدري انا وامي حياتي..! ونحس يوم الجمعه فعلن يوم عيد .., دخل زياد وسلم ..! ونزل شماغه وعلقه با الدولاب ...! زياد فعلن منظم حيل ولا هو فوضوي مثل ما اسمع ان الرجال فوضويين..! سيارته مرتبه وريحتها حلوه ..! حتى جناحنا رغم ان ما فيه الا الاشياء الاساسيه الا انه كل شي منظم ومرتب وفي مكانه . . . (كلمه اخيره ) يقول الشيخ خالد الجبير اكثرو من قول ؛ (استغفر الله الذي لا اله الا هو الحي القيوم واتوب اليه) سترون عجبا من تفريج الهم.., وتيسير الامر كل دقيقه من عمرنا انفاس لاتعود فلتكن لانفاسكم حلاوة الاستغفار.., اللهم انت ربي لا اله الا انت خلقتني وانا عبدك وانا على عهدك ووعدك ما استطعت.. اعوذ بك من شر ما صنعة ابوء لك بنعمتك علي وابوء لك بذنبي .. فغفر لي فانه لا يغفر الذنوب الا انت سبحانك.. . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
تسلم الانامل الذهبيه
من جد ابداع يلامس الواقع انا اندمج كأني معهم استمري انا معكي من خلف الكواليس لاني مااعرف اعلق بس متابعه اول بااول |
يعطيك الف عافية
وتسلم يدينك بجد مااعرف شنو اقول يعجز الفكر عن التوقعات ودائما راح نكون بانتظار سواليفك وكلماتك |
♪♪♪ مرحبــــــــــــــــــا طيووووف .. من زمان ما علقت صح ؟ شخصية زياد حلوة ^^ .. عليه طلعات مدري منين يجيبها ههههههههههه .. موقف عوق والرسالة موتني ضحك هههههههههههههههههههههههههه .. اممممم فيه شي بعايلة زياد منيب فاهمته ! هو ولدهم .. ولا لقيط مثلها !! ولا ايش !! ♪♪♪ |
يعطيك الف عافيه طيوفه ومبروك نجاح العيال والف مبروك لكل طالب
طبعا لي فتره عن القصه من ايام خطبتها لصويلح الله لايرده ويقلل من امثاله قهرتني ثقته الزايده بنفه وغروره وتكبره الزايد عن الحد صراحه هاذا لق بينفدها من الدنيا الحمدلله امها ما تركتها وشافت الموضوع وا فتكو منه نجي لزياد سمي اخوي الصغير عاد من قريت انه معرس عوق وانا مبسوطه صراحه عاد هاذا زيودي عين السيح فديت حسه نجي لزياد عوق ماشاء الله احسه رجال بمعنى الكلمه والله عوضها خير عوق بها الرجال لاكن طيوفه والله انا خايفه كل بارت اقراه اقول بتموت ام عوق ثم اوصل للنهايه وهي عايشه انا بديت اشك لاهي بتموت ولا يحزنون خخخخخخخخخخ يسلمو ايديك طيوفه وننتظر القادممم بشوق |
.
. السلام عليكمـ... . . صبآحكمـ حرف أنيق... . . . ام الوليد أن شاء الله تكونين بأحسن حال... . . . قفشات ريمـ وحماتها ساخره وبصميم...وتحصل كثير ههههههه . . . تعلق عوق بأمها كثير واعتقد بدايات تمهيديه لكارثة لوعة فقد.. . . . العذر الشرعي طريقتها في ارساله برساله كسرة من صعوبة الموقف لو ينقال بشكل شفهي فكره حلوه ياعوق...=) . . . با الانتظار...! . . . |
الظاهر ان ام زياد مرضعه زياد او كذا وحده بالعائله رضعته عشان كذا صاير يكشف على الكل ..
|
اقتباس:
يسعدني متابعتك وان الروايه اعجبتك |
اقتباس:
اسعدني مرورك |
اقتباس:
فقدتك حنو عايلة زياد قريب بينكشف الغموض اسعدني مرورك |
اقتباس:
ههههههه ام عوق بتتوفى وهذا كان بأول بارت نزلته زياد حبوب بس لاتستفزه عوق اسعدني مرورك |
اقتباس:
الله كريم ياضمضم ما تضيق الا تفترج ريم جزاع معاها زالا كان شفتي وجه ثاني عوق قريب بتفقد امها الفقد طعمه واحد لكن الصدمه تختلف لمايكون عندك خبر عن فقد الفجئه العذر الشرعي ماكان في طريقه الا الجوال اسعدني مرورك ضمضم |
اقتباس:
بنشوف قصة زياد قريب ونعرف توقعك اذا صائب اولا اسعدني مرورك |
الله يعطيج العاااافيه ام الوليد ،،،
بااارت روووعه ،، وشوقنا أكثر لمعرفة قصة زيااااد ،،، قمة الحمااااس ،، |
اقتباس:
خلاص من البارت القادم بتكون احداث القصه مركزه على حياة عوق مع زياد في انتظارك |
اقتباس:
هلاوغلا ذكريات موعد البارتات بأذن الله سبت وثلاثاء بعد الظهر من كل اسبوع |
عطر الله أوقاتك برضى الرحمن
تسلم أناملك ام الوليد بارت حلو بداية تعرف عوق على زياد ومعرفتها بحقيقته وطيبة قلبه اعتقد ان ام عوق مريضه وتتصبرالى زواج عوق وبدأ يظهر علاماته عشان كذا ام ابداهيم لمحت لعوق عن الشئ هذا في روايتك ام الوليد عرفنا ان عوق تملك جمال باهر وزياد يملك من الوسامه الشئ الكثير هل هذا يؤكد لنا ان الجمال كان نقمه على أهلهم يعني مشاعل هي اجمل أخواتها عشان كذا خطبوها لبدر ويمكن ام زياد تملك من جمال صار نقمه عليها بعدين ريم ملح الروايهـ هي وخالتها يعطيك العافيه ام الوليد في انتظار السالفه الجديده |
اقتباس:
هلا وغلا امووله كثير بنات كان جمالهم نقمهم عليهم وعلى اهلهم بنشوف توقعاتك قريب قصة زياد اتمنى اني صغتها با الشكل الي يقنعكم خلاص البارت قريب الي بتعرفون فيه قصة زيادريم وام جزاع لهم مواقف بنسمعها من ريم وام جزاع قدمت لعوق خدمه يغفرلها كل الي تسويه بريم ما اقدر اعلق اكثر اخاف اجيب العيد اسعدني مرورك وتعليقك الي انتظره بعد كل بارت |
السلام عليكم ورحمة الله وبركاته
يسلمووو ام الوليد على سوالفك العسل الي الواحد ما يشبع منها من كثرماهي مثيره وممتعه وتحمل بين طياتها العبره والعظه وايضا عبق من تربيه الاولين الى حنا مشتاقين لها عوووق ياقلبي عليها تحس روحها غريبه بينهم ولا تقدر تتاقلم بسرعه مع اهل زياد ويوم شافت امهااا وام ابراهيم وريم تحس روحها ردة لها بشوفتهم وخاصة امها لانها مو متعوده انها تبتعد عنها او تقابل ناس غرب وامها مو معهااااا واكبر دليل نها على طول الزقت فيهاااا ولا اقدرت تعطي ام زيد الهديه الا بحظور امها وتذكيرهااااا لهااااا ياام الوليد اي حده فينا تتزوج وتروح بيت زوجها تحس روحهاااا بتطلع منها وتظل تعيش بغربه فتره ماهي بشويه فكيف بوحده مثل عو الي كل حياتها امها تقوم وتقعد تنام على حسها ابتعادها عنها تحس كان روحها تنزع منهاااا آآآآآآآآه وخاصه الام مافيه اي احد بالعالم يعوض عنها والمفروووض من الوضحى وام ابراهيم انهم يخبروون عوق بمرض امهاااا عشان لاتنصدم بعدين اذا فقدتهاااااا فجاه لانها حزتهااااا راح تنصدم صدمه قويه تاثر عليهااااا ويمكن تحمل زياد سبب بعدها عن امهاااااا ام الوليد تسلم يمينك يالغلاااااا وجعل ربي يوفقك ويسعدك ويصلح ذريتك |
بسم الله الرحمن الرحيم السلام عليكم ورحمة الله وبركاته أم الوليد مساؤك جوري غاليتي وصباحك ورد وريحان جئت أقدم اعتذاراً قبل أن أقدم العذر لعلمي بأني متأخرة كثيراً في الرد وقد فاتني ثلاثة أجزاء وهذا الرابع ولكن مثلك يعذر ومثلي في هذا الوقت يستحق العذر أجزاء رائعة وهادئة نوعاً ما رغم أن حال عوق مؤلم بعض الشيء فهي قد قضت عمرها ملتصقة بوضحى وليس من السهولة بمكان أن تنفصل عنها في يوم وليلة وتنتقل إلى حياة جديدة دون أن تحاول التمسك ببعض رائحة أمها وتتعلق بها أكثر نعم ستنطلق إلى حياتها مع زياد وتعيش كما عاش غيرها من قبلها ولكن وهي تخطو هذه الخطوة هي بحاجة لمن يشد أزرها ويساعدها عند الحاجة وخصوصاً أنها تدخل عالماً جديداً لم تعرفه قبلاً يختلف كثيراً بالبيئة والتربية عما نشأت هي عليه فمن ظاهر تعامل زياد معها ومما رأته وهي تدخل بيته لأول مرة ظهر الاختلاف واضحاً بين تنشئتها ونشأت زياد فهي تربت في بيئة مغلقة نوعاً ما وهو من أسلوبه مع أخواته وبناتهن يظهر للقارئ أنه من مجتمعٍ منفتح جداً وقد تعاني عوق في بداياتها من هذا الانفتاح الذي سيصتدم مع نشأتها المحافظة من هنا أجد أن تصرف وضحى كان به شيء من القسوة فهي تحاول أن تقتلع عوق من جذورها وتبعدها عن محيطها السابق حتى تقطع عليها خط الرجعة وتجعلها تفكر ألف مرة قبل أن تعود إلى بيتها عند حدوث أي مشكلة وما أكثر المشاكل في بداية الزواج بين الأزواج والتي قد تصل إلى ما لا يحمد عقباه إن لم يكن هناك شخص رشيد يمكن أن ينهي الموضوع قبل أن يستفحل ولأنها تعلم أنه إن حدث لها شيء فليس هناك من يقف مع عوق إن لم تستطع أن تسيِّر حياتها كما يجب وتصل بسفينتها لبر الأمان لفت نظري بالجزء السابق أن نجلاء تتحدث عن أم زياد بقول خالتي رغم أن زياد حين عرَّف عوق على نجلاء وبشرى عرفهنّ على أنهن أخواته فكيف هي أمه وليست أمها هل يعقل أنها ابنة زوجها وقد أرضعت زياد فأصبحن أخواته؟؟؟؟؟؟؟؟ أم أنها خالتها أخت أمها وقد أرضعت أم نجلاء زياد فأصبح أخوها!!!!!!!!!! مبدعة كما أنت دائماً وتعجز حروفي أن تفيك حقك فلك كل الشكر على هذا الإبداع المتواصل بانتظارك دائماً بشوق دمت بحفظ الله ورعايته |
اقتباس:
هلا وغلا عبق يارب اكون عندحسن الظن صحيح عبق صفه افتقدنا في بنات كثير وهو الحيا اعرف وحده امها اكبر متنقده لخلق الله وبنتها تسوي كل الي امها تنقد العالم فيه ومع هذا ما تشوف عيوب بنتها تنقد البنت الي تكلم زوجها ايام الملكه وبنتها تتندر با اخبار زوجها الي ملك عليها وش قال وش اهداها حتى اللبس فلانه لبسها كذا وعلانه كذا وماتشوف بناتها حياة عوق مع زياد ما اقدر اعلق اكثر بتشوفينها في البارتات القادمه واتمنى والله ان الاحداث تقنعكم اسعدني مرورك الغالي |
اقتباس:
هلا وغلا اراده اكيد فاقدتك ولك بدال العذر ملايين والله كلامك صحيح عوق ماهي سهله عليها تبتعد عن وضحى لكن اسلوب زياد من جهه ومحاولة وضحى انها تبعدها عنها علشاتتأقلم مع زوجها خفف شوي عليها وحتى المرحله العمريه الي فيها عوق 25سنه بتكون داخليآتأمل بحياه زوجيه سعيده في احداث قادمه اتمنى اني اقدر اقنعكم فيها ولا تقولون طيف وين عايشه مع ها الخيال عايلة زياد بنعرف عنهم اكثر من وجهة نظر زياد وانطباع عوق عنهم لأن الروايه المحور الاساسي فيها عوق واحنا نعيش احداث الروايه من خلال ما توصفه لنا عوق نجلاء وعلاقتها بزيادبنشوفها قريب الحياة الزوجيه في بدايتها كثير بيوت انهدمت اول اشهر الزواج وحالات طلاق كثيره سمعنا وشفنا وعايشنا كل واحد فيهم يبي الثاني على كيفه من غير المؤثرات الخارجيه الي تزيد النار حطب واذا شافوا الزوجين احترقوا سحبوا ايديهم اسعدني مرورك المميز الي يعطي لروايه وجه اخر اجمل في نظري بكثير مماكتبت |
بسم الله الرحمن الرحيم
هلا وغلا بكل الغوالي الي يعطرون متصفحي المتواضع سواء با لردود او التقييم او الشكر.., البارت اهداء للكل العابرين من هنا من دون استثناء.., اليوم بداية تعرفنا على سالفة زيادالي راح يحكيها لعوق المزايين .., يا الله تعالوا معاي...!! وسالفه جديدة؛ البارت السابع عشر . . . دخل زياد وسلم ..! ونزل شماغه وعلقه با الدولاب ...! زياد فعلن منظم حيل ولا هو فوضوي مثل ما اسمع ان الرجال فوضويين..! سيارته مرتبه وريحتها حلوه ..! حتى جناحنا رغم ان ما فيه الا الاشياء الاساسيه الا انه كل شي منظم ومرتب وفي مكانه .. زيادبا استغراب\ وش فيك احس وجهك تعبان..! عوق بتوجع وارتباك\لا بس شوي تعبانه..! زياد\ طبيعي لا ترهقين نفسك اشربي شي دافي يسكن الالم...! عوق \ماشاء الله عليك زياد احس ماعندك الفوضويه الي اسمعها عن الرجال.., زياديضحك\علمتني الدراسه با الخارج اني اعتمد على نفسي كثيروانا اصلن طبعي كذا ما احب الفوضى بعكس لما اكون متضايق تشوفيني ابو الفوضويه اقلب الدنيا فوق تحت..؟ عوق تبتسم\الله لايجيب ضيقه.., زياد يضحك\ يا الله خلينا ننزل علشان تتفرجين على الدور الارضي..! وبعدين خوذي راحتك بيتي مايدخله رجال من يوم جيتي الا بعد ما يعطوني خبر.. اردف زياد وهو يتنحنح بمزح\عارفين ان البيت فيه محارمنا مع انك اعجبتيني يوم نزلتي بجلالك..! عوق منحرجه \ خفت احد يفاجئني توقعت في رجال..! زياد\ نجلاء وبشرى عندهم عيال شباب لكن يعجبونك مؤدبين ..., نجلا لها ولدين وبشرى ثلاث عيال..., قبل شوي واحنا راجعين يقولون خالي سلم على خالتنا الجديده.. عوق \ الله يسلمهم..., زياد بممازحه\بس...! عوق بخجل\ومن جاب السلام..., زياد\ يا الله خلينا ننزل تتفرجين على مملكتك..., ونزلني اتفرج على البيت يختلف عن بيتنا..! يمكن علشان بيتنا الي ساكنين فيه حريم..! وهذا مافيه الا زياد وامه..! الاثاث بسيط وفخم بنفس الوقت حتى اللوحات والتحف احسها جديه بزياده مافيها نعومه..., المطبخ ويفتح على مخزن وغرفه فاضيه صغيره ومقلط ومجلس لرجال...! الصاله الي اول مادخلت عليها مجلس نسائي اثاثه مودرن..., وغرفه جلسه عربيه لنساء..., وفتح الباب الداخلي للفله وكان موقف لسيارة زياد ومقابله مساحه صغيره مزروعه.., عوق بتعجب \ تناقض بيتكم بايكه لسياره وعلى طول مقابلها المساحه الخضراء على ان حوشكم ماهو كبير ..! زياد بدهشه\ ليش تناقض با العكس حلو المساحه ابيها بعدين عيالنا يلعبون فيها.. والا انت وش رايك ترى انا ابي عزوه ماهو واحد والا اثنين لاااابي درزن عيال وبنات..., احرجني مارديت عليه.. عوق با ارتباك\ خلنا ندخل احسن .., دخلنا داخل الفله وزيادماسك يدي.., عوق بتوتر\اتركني خايف اضيع.., زياد بهمس \ لا خايف تهربين ابي احس انك حقيقه ما انتي حلم.. ماقدرت اقول شي الا صرت اتلفت اخاف احد يسمعه وفكيت يدي من يده .., زياد بضحك\ وش فيك مذعوره تعالي بس ما شفتي غرفة امي...! واردف زياد\ ترى غرفة الغسيل وغرفة الشغاله فوق السطح.., ودخلنا غرفة امه ياالله غرفه في البيت كأنها قطعه من المستشفى الغرفه كبيره وفيها اجهزه اكيد كلها تستعملهاام زياد...! ماعرفت منها الا جهاز الربو..., سرير مستشفى ومقابله سريرين عاديات..! وكرسي ام زياد المتحرك ..., وفي تلفزيون مثبت با الجدار ودولاب ملابس.., رغم التعقيم الي با الغرفه والنظافه الا ان المكان حزين وريحة مرض يصورها كثر المعقمات الي با الغرفه.., ام زياد كانت منسدحه على السرير وجلس جنبها زيادومسك يدها.., زياد بحنان\ يمه ازعجتني عوق تقول ابي خالتي اسولف معاها..! يا الله نطلع با الصاله نتقهوى مع بعض..؟ ناظرتني وهي مبتسمه..., العنود بتعب\ لا ابي انام.., زياد بتودد\ على راحتك لا حقين ان شاء الله ارتاحي الحين.., وطلعنا من الغرفه .., سبحان الله الانسان من غير العافيه مافي شي بحياته له طعم ام زياد كل شي متوفرلها الا العافيه الله يرفع عنها.., زياد با استنكار\ وين رحتي ..! ما اشوفك الا سرحانه المفروض ان اسمك ام سرحان ما انتي عوق...؟! عوق بوجع\ لا بس امك تقطع القلب حالتها ...؟! زياد\ لا الحمدلله الحين تحسنت مره خصوص بعد مارجعت واستقريت هنا..., عوق بتساءل\ الحين البيت هذا لك والا لخالتي...!؟ زياد بتهكم\ليش فيه فرق بينا..!؟ عوق منحرجه \ لا والله لا تفهمني غلط بس مجرد سؤال لأن كلكم قريبين من بعض بيتكم وبيوت خواتك..! زياد بضحك\ لا امزح معك عارف ماهو قصدك ..., يعني ياعوق عمري فوق 34سنه ولا تبين عندي بيت ملك..! هذا بيتي من عرق جبيني بعد...! عوق بدهشه\ ما شاء الله.. اردفت عوق \واربع ثلاثين مو كبير في اكبرمنك بكثير ولا يمتلكون بيوت عادي بالعكس انتي مسوي انجاز ..! زياد بضحك\الله يرفع من معنوياتك انا اصلن مافكرت اني ابني بيت وخصوص بفترة دراستي با امريكا .., لكن زوج نجلاءهو الي كان السبب مثل ماكان سبب لأشياءكثيره حلوه بحياتي.., هو من النوع الي يحب ينصح ولايخدعك بنصيحته واذا نصح نصيحته من قلب تجي .., عوق \الله يجزاه خيرصاروا عمله نادره الي من ها النوعيه محظوظه نجلاء فيه.., اردفت عوق بفضول\زياد انت من زمان سافرت لأمريكا.., زياد\من اكثر من 13سنه.., عوق بذهول\والله فتره طويلةكلها قضيتها هناك.., زياديبتسم \تقريبآ.., عوق بدهشه \كيف تقريبآ..؟ زياد\ بلخص لك الحكايه خلصت الثانوي بتقدير عالي وقدمت بعثه لأمريكا وانقبلت بسرعه لكن امي رفضت..! تقول انت صغير وادرس هنا وتسافراذا خلصت بكالريوس..؟ سافرت عمري صغير للبعثه بعد ماخلصت هنا طب..! عوق با استغراب ودهشه\ متخرج من كلية الطب و صغير كيف تجي..؟! زياديبتسم \اي صغير دخلت اولى ابتدائي مستمع ..؟ اردف زياد بوجع\زوج نجلاء كان مدرس وتوه خاطبها ويتميلح عند امي وخالتي وسجلني مستمع وعمري ما كمل خمس سنوات...! الحلوباالموضوع اني كنت اشطر من الطلاب الي اكبر مني ويدرسون سنةاولى معاي..؟ وبعدين حتى جسمي يعطي اكبر من عمري في صور لي بوريها لك بعدين..! فا استخسروا اني اكون مستمع وانا عندي قدره على الاستيعاب وفهم الدروس.., فعملوا لجنة وحولوني من مستمع الي منتظم..! لما خلصت المرحله الابتدائيه وطلعت للمتوسط كان في نظام قديم يحق لطالب يقدم يدرس ثلاث سنوات بسنه وحده ويكون مثل نظام الانتساب يعني احضر وقت الامتحانات بس .. وفعلن ساري عمل جهدبالموضوع وقدرت اخلص 3سنوات بسنه وحده يعني اختصرت اربع سنوات دراسيه من عمري.., والثانويه لا درستها عادي ثلاث سنوات .., زياد يتنهد بضيقه\زوج نجلاء الله يرحمه كان يحب العلم ويشجع كثير عليه.. عوق با استغراب\نجلا ارمله..! زياد بمراره\ من اكثر من سنتين توفى بحادث فضيع ..! طلع الصباح من بيته للمدرسه ..., وهو واقف عند محطةبنزين والسياره شغاله نزل يبي ياخذ مويه من البقاله..! مر واحد طايش من طلابه شافه قدام البقاله وقعد يستعرض قدامه وصدمه من دون قصد وعلى طول توفى وعلبة المويه بيده.., وسيارته بمكانهاماجها ولا خدشة الي طفاها عامل المحطه.., وعلى طول تم التبليغ واخذو ساري الله يرحمه لكن وصل للمستشفى متوفي..! وترك نجلاء وراه عندها خمس بنات ولدين ..! لكن نجلاء ما شاء الله قد المسؤليه الله يقويها..! عوق بدهشه \تصدق اني من يوم شفتها حسيت انها مدرسه موجهه حتى بشرى ..! زيادبضحك\ نجلاء مديرة مدرسه و بشرى ممرضه قديمه احساسك غلط.., عوق تبتسم \ المهم ان اشكالهم موظفات طيب كيف التميتوا جنب بعض..! زياديبتسم\ اصبري جايك با الكلام رجعت من البعثه توظفت هنا سنه قبل ارجع مره ثانيه...! وفي صديق لساري الله يرحمه كان يشتغل با لعقار.., اقترح على ساري يشتري ارض كبيره معروضه عنده با المكتب .. وموقعها ممتاز وخبرتني نجلاء ليش مااشاركهم لأن المبلغ كان جامد وتصلح لأاخوان والموقع ممتاز حرام تروح عليناوليش مانخذ الارض ونقسمها بينا ..., اشترينا الارض وقسمناها بينا انا وساري وبشرى وناجي..! عوق با استغراب \ مين ناجي.., زياد\هذا اخو نجلا وبشرى ما شفتيه الي سلم عليك امس يوم دخلنا..؟! عوق بتساءل\الي كأن رجوله تعبانه...! زياد\ايواهو من يوم انولد كذا الله يشفيه اصغر مني بشهرين.., قسمنا الارض بينا انا وساري ونجلاء مساحة اراضينا اكبر لأن دفعنا مبلغ اكثر وبعدين بيت بشرى واصغر البيوت بيت ناجي ..! وبنينا البيوت من برى تتشابه لكن من داخل غير..., بيتي غير بيوتهم انا استغليت المساحه كلها وهم لا بنوا اشكال ثانيه بعدين يجمعنا سور واحد كل بيت مستقل بسوره وابوابه مافي الا بيتي وبيت نجلا بينا باب مفتوح .., رجعت لأمريكا ادرس وارسلت المخطط لساري الله يرحمه وكنت احول له الفلوس وهو الي كان قايم با العمار وخلص بيتي مع بيوتهم...! وانا كنت ادرس ما قدر ارجع تروح علي البعثه..., نزلت اجازات بس علشان امي ويوم وفاة ساري..., عوق\امك ماكانت معاك..؟ زياد\الا تروح وترجع .., عوق \زوج بشرى وينه..؟! زيادبضحك\بنيان هذا عاد حاله خاصه..! تقاعد واشترى مزرعه با الخرج ونسى العالم مع مزرعته...! ما يجي هنا الا يبي شي من بشرى والا يرسلون عليه طلبيه اذا جااحد يخطب من بناته.. يعني بس واجهه اجتماعيه.., عوق بدهشه\ياربي تعين خواتك..! زياد\ لا ماعليك خواتي قدها.., عوق\كم لك متخرج..؟! زياد\ليش ...؟! عوق\مجرد سؤال..؟ زياد\من اخذت شهادة البكالريوس تقريبآ14 سنه .., سافرت لامريكابعدسنه من التخرج ودرست وكملت على ان مرتني اوقات عصيبه لكن ربي يسرها با الصبر.., خصوص وفاة ساري تعبت نفسيتي كان لي اكثر من اب واخ .., وش رايك نطلع نتغدى برا..؟ عوق \ لا بمر اشوف امي.., زياد\ طيب كلميها تطمني عليها ونمرها وقت ثاني.., عوق بضيقه \ كلمتها اليوم صوتها ما اعجبني.., وبعدين بيتنا قريب... زياد بتهكم\امس تقولين الطريق بين بيتنا وبيتكم طويل...! عوق بترجي\تكفى زياد.., زيادبضحك\فيها تكفى يا شيخه لو امك با المريخ الحين نمشي لها..! يا الله البسي والله ما اكسر بخاطرك طلعت لبست بسرعه خفت يتراجع ونزلت مالقيت زياد.. عوق بنفسها\لايكون بس تحسف انه بيوديني لأمي طلعت جوالي ابي اكلمه اشوف وينه..؟! واسمع صوت جواله كان بغرفة امه دخلت عليهم لقيته يعطي امه ابره..! ويتكلم مع الممرضه شكله يوصيها عليها.., زياد يبتسم\ هلا ثواني بس اغير وانزل علشان نطلع .., طلعت انتظره با الصاله ونزل..., كان لابس بنطلون جنز اسودوعليه تيشرت رمادي شكله غير عن الثوب..., زياد غصب يلفت نظرالي يشوفه..! طوله وسامته بياضه حتى نحفه لابق عليه شعره اسود سواده ماهو طبيعي ياترى وش قصتك .., كيف وصلت الي ها العايله الي انت مندمج معاها بشكل لايصدق معقوله يكون زياد لقيط ..!! زياد\عوق اكلمك وين رحتي...! عوق بشرود\ لا معك .., زياد بتهكم\طيب وش قلت يلي معي .., عوق بخجل\لا بس بالي مشغول على امي ما نتبهت.. زياد\بطلبك طلب عوق ..! عوق با استغراب\سم..! زيادبتودد\سم الله عدوك لكن ابي كل ما طلعنا مشوار تدخلين على امي.., وتستأذنين منها وتطلبين منها تروح معانا.., امي يا عوق ماراح تقولك لا تطلعين ولا راح تطلع معانا لكن ها الكلام يفرحها..! عوق\ هذا الواجب.., زياد با امتنان\الله يجزاك خير .., عوق\كنت بسوي كذا بس استحيت وخفت انك تنتقدني...! زياد با استنكار\انتقدك ! عوق بتردد\لابس قلت يمكن تقول عني لعابه او مــ زياد\لا والله با العكس يا عوق خوذي راحتك ولا تفكرين ان عندي ظنون سيئه..! دخلت على خالتي وسويت الي قاله زياد..! وهي ابتسمت وفهمت من كلامه المتقطع انها تقول مع السلامه..! يا الله يا زياد من اي انواع البشر انت تهتم بمشاعر امك الي يمكن اكثر كلامنا ما تفهمه وكأنها انسانه سليمه غلبتني يا زياد غلبتني..! طلعنالبيت أمي ودخلت با المفتاح الي معاي زياد قال بروح لنواف وراجع ..! لقيتها منسدحه بغرفتها وفعلن تعبانه .., حتى تفاجئت يوم شافتني سلمت عليها.. ام عوق بحده\وش جابتس ماكنتي تبين تسافرين.., عوق\الا بس اجلناها.. ام عوق با استغراب\ليه اجلتوها مافي احد محتر جوفه على العمره مثلتس..! عوق بخجل\ لا بس اخرتنا الدوره..! ام عوق تبتسم \ غريبه ماهو وقتها خيره ان شاء الله عساها اخر دوره ما تشوفينها الا بعد تسع شهور..! عوق بضحك\والله يمه دعوتس من قلب..! ام عوق تتنهدبوجع\ انتي عشتي وحيده طول عمرتس الله يرزقتس بظنا يونست.., عوق \الله يجيب الي فيه خير..., يمه وش فيتس احس انتس تعبانه..! ام عوق\سلامة عمرتس مافيني شي غير الكبر رجليني شوي مقدر ابعد با المشي واجد..! دريتي سعد كلمني الصبح ..؟! عوق با استنكار\خير وش عنده دبشة آل ناصر.., ام عوق \يسأل يقول انتي مزوجه عوق ...! ويهوش علي انتي تدرين وش الي زوجتيه بنتس.. قلت بنتي الي زوجها ربها ثم الدوله وان لف ودار زوجها خصيمه الشرع..., ويحلف ياعمه ما قصدي بس مانبي تجيتس من وراها مشاكل.., قلت بس انت اطلع منها انت واخوانك ولا صاير الا كل خير..., وعان رجلها تكتوركان ودك تعرف عليه والا تعزمه خذ عنوانه من ابو ابراهيم...! قال الله يوفقها ولها حق هذي بنتنا وتربت عندنا...! قلت ما تقصر يا سعد وعوق مثل اختكم..., وان كانكم تبون الي في يديتها روحوا الله لايسامحكم بكل الي اخذتوه مني خفى وبيان...! عوق بتهكم\كن عاد همه دعيتي عليه والا لا ..؟ ام عوق بضحك \لا والله انه تروع ويترجاني يا عمه لاتدعين تكفين... قلت اجل اتركوها بحالها وانا اسامحكم على الي حطيتوه بمخابيكم من وراي بدون وجه حق.., مسامحي لكم مربوط بخاطر عوق وعلشان عوق كل شي يهون..., وشوفوني قاطعت بنات اختي علشانكم والا جو وانشبولكم على كل ريال زرطتوه من عندي..! قال لا بالله حلليناوسامحينا وعوق مثل بنتنا.., قلت جزاكم الله خير ويا الله سلم على اهلك .., عوق بقهر\الله يكفيناشره كل شوي ناقز لنا بمصيبة هو واخوه.. ام عوق\ماعليتس كويته لتس وانا امتس ماعاد يتعرضتس هو واخوانه الا با الزين .., خايفين ان بنات الشقحاء الله يرحمها يلتفتون عليهم ويطالبونهم بلي اخذوه مني.., ولا تنسين سعد ما دق الا هو حافر ورى رجلتس ولا لقى شي.., والي ارتاع منه سعد ان زياد وظيفته طيبه ورجال قادر ماهو طمعان بلي عندتس..! عوق بسخريه\ما درى ان كل عرق الشقحاودهم ان حطو بينا وبينهم سبع بحور.. اردفت عوق بوجع\ الله يعين على ها الدنيا بس ضيعنا وقتنا نسولف عن سعدوهباله.., انتي علميني وشلون نومتس من غيري .., ام عوق\نمت ازين نومه بنيتي تطمنت عليها والحمدلله..., وش عاد ابي من الدنيا ...! عوق بحيره\احس اني غريبه بينهم على انهم طيبين..., ام عوق بحده\كل البنات مثلتس ما وقفت عليتس الي تحسينه جربوه بنات حواء قبلتس..., هذا انتي كنتي خايفه من حريمه والحين تمدحينهن الله يتمم ها المديح وعاد انتي ماهو كل شوي تنشبين لرجال .. ابي امي الرواح لأمي بعد هو له حق عليتس.., عوق بزعل\لا عاد الا هذي تدرين اني ما اصبر عنتس..., يحمد ربه بعد اني اطلبه يجيبني لتس با اليوم مره...! كنت ناويه يوم عندتس ويوم عندهم.., ام عوق بغضب\يا فضحي انتي ورعن تدورين المرضاعه عندي اعقلي بس ولا تضايقين رجلتس....! ترى ان طاوعتس اليوم بكرا يجي راي ثاني.., ما تسمعين ليالي العرس ملس الحين كل شي تطلبينه بيقول لبيه..! عوق تضم وضحى \ماعلي منه عاجبه,عاجبه ماهو عاجبه بكيفه..! هذا هو امه عنده وانا بعد ابي امي حبيبتي حياتي كل يوم اشوفها.., ام عوق بتذمر\اقول بس ابعدي عني كسرتي رقبتي واتركي عنتس الكلام الي ماله زبده.. عوق تضحك\ماتبيني اضمتس يازين ريحتس يمه.., ام عوق تضحك\ يا مكاره اقول بس غرفتس ما خليت الشغاله تمرها الا يوم طلعت اغراضتس .., انتي عاد شوفي الي فيها الي يصلح والي ما يصلح..., اجمعي الي ماتبينه وتصدقي فيه حرام يا بنتي والله يا قشن بغرفتس يكفي عشر بنات..! عوق بملل\ طيب خليها مره ثانيه انا الحين تعبانه بفضي نفسي يوم واتصرف فيها..! سمعت صوت زياد ينادي يا ولد..! ام عوق بفرحه\ تعال جعل فالك الولد الصالح..! ودخل عندنا بغرفة امي وسلم وجلس على كرسي مقابلنا..! وانا جنب امي على سريرها ام عوق\االله لايضيق علينا خلونا نطلع من الغرفه.., زياد\ لاياخاله با العكس مرتاحين هنا.., ام عوق بتحذير \يا ولدي لاتطاوع عوق كل ما قالت امش بي عند امي .., زياد\ لا والله كم عوق عندي متى ما طلبتك جبتها.. ردت \ اترك عنك الهياط التلفون يكفي وانت رجال مشغول وهي فاضيه مالها شغل لا تضيق على نفسك وخل جياتها عندي على فضواتك لا تخلي الحريم يلعبن عليك.. عوق بضيق وقهر \الحين انتي امي والا امه..؟ ام عوق بحزم\اناامكم كلكم وانتي صرتي راعية بيت قابلي بيتس ازين من طق المشاوير سردادي مردادي.. تضايقت من كلام امي وليه طيب تحاول تبعدني عنها..., زياد وقف \ يالله تامرين شي خاله بنمشي..! ام عوق\حافظكم الله ... قمت معاه سلمت على راس امي وطلعت.. زياد \ وش فيك كتمتي..! عوق بشرود\لا مافي شي..! زياديناظرجدران الصاله\ بيتكم شكله ماهوقديم..! عوق\ايوا سكنا فيه وانا بالثانويه قبله كان بيتنا شعبي ..! الي الحين فيه المشب والملحق حق السواق وزوجته ..! زياد\ وين غرفتك ...!؟ ومشيت لغرفتي فتحتها ومثل ما قالت امي كل شي بمحله.., حسيت انه طاح وجهي من زيادالغرفه حوسه وشنط واكياس عوق منحرجه\معليش زياد غرفتي حوسه ومكركبه .. زياديبتسم\عادي اكيد بتكون حوسه خلاص انتقلتي منها لمكان ثاني.., عوق\ امي تبيني اتصدق با اغراضي الزايده.., زياد\ ونعم الراي .., اردف بدهشه\ تدرين عوق غرفتك متناقضه..؟ عوق با استغراب\كيف يعني..! زياديبتسم\غرفه نظام جناح وكبيره ولونها وردي غرف اطفال.., الصبغ نوعه قديم مره انتو مختارين الالوان.., عوق\لا امي سلمت الارض لمقاول وهو الي تصرف.., زياد با استنكار\ لاعب عليكم المقاول.., من يوم دخلت عرفت انه شغل اي كلام غريبه والله امك ما شاء الله ما يفوتها شي..! عوق بضيق\احنا وش عرفنا مقاول واستلم الارض وعقدبينه وبين امي ونفذه..! زياديضحك\سبحان الله كل شي بغرفتك طفولي وذوق بنوتات .. عوق بوجع\ احب ها الغرفة هذي ماتتخيل وش كثر..! زياد\عادي عوق كل انسان يحس با الانتماء لشي الي يطول عايش فيه..., اردف زيادبا ابتسامه\لا تستغربين بعدين حتى با احلامك تحلمين فيها...! واحداث تكون حول غرفتك او بيتكم هذا عمومآ..., يا الله خلاص نمشي والا بعد تبين تجلسين..., رديت\لا خلاص بروح اسلم على امي..., زياد بترجي\لا عوق امشي نرجع بعدين ما عليك متى ما بغيتي جبتك.., لبست وطلعت مع زياد وانا كل مره اشوف امي تبعد عني اكثر.., قضينا يوم الجمعه كله برا البيت تغدينا وتعشينا ورجعنا للبيت متأخرين دخلت انا وزياد على خالتي الي كانت نايمه سلمت على راسها وخليت زياد عندها..., صعدت لغرفتناياربي شكلها يسد النفس ومكركبه.., طلعت لي لبس ودخلت الحمام واخذت حمام دافي لبست وطلعت لقيت زياد.. زيادبضحك\وش فيك انقلب وجهك يوم شفتيني ..! عوق با ارتباك\ مافي شي لكن وضع البيت كذا ماهو معجبني...! زياد\اسمعي باادخل اخذ دش بارد بعد ها الفلفه الي من الظهر وبعدين اسمع الي تبينه..! زياد دخل الحمام وانا مشطت شعري بسرعةولفيته ماادري ليه عندي عقده ان زياد يشوفه مفتوح..! طلع زياد ولاف جسمه بفوطه وهذي اول مره اشوف جسمه.. غمضت عيوني مدري هو حيا والا اشفقت عليه من بياضه لا اصكه عين..! ذكرت الله بقلبي عليه وهو دخل كمل لبسه با الغرفه الثانيه وطلع..! زياد بتساءل\ هاه وش عندك وش الي مشغل بال الحلوه.., عوق بترددوارتباك\ البيت ما ادري وشلون احسه مهجور مافيه حياه ابي اغيرفيه ويمكن ما يعجبك..! زياد با استنكاروتهكم \ ومن وين بتجيه الحياه وامي تشوفين وضعها وانا رجال شغلي جدآمتعب البيت بدون حرمه ما ينفع ابدآ... اردف زياد با ابتسامه\وبعدين لك كل الصلاحيات سوي الي تبينه الا غرفة امي خط احمر تعديلاتك ما توصلها عوق بتردد\لا ماهو قصد بس خفت انه ما يعجبك اني اغير شي.., زياد\خلاص من بكرا ابدي شغلك وسوي الي تبينه بدون تردد... ومثل ما قلت لك كل شي تحت امرك الا غرفة امي.., عوق بعتب\عاد هذا كلام يا زياد امك امي واصلن غرفتها من شكلها مخصصه لها الله يشفيها بقولك شي...!! زياديبتسم ويغمض عيونه\قولي يسمعتس قلبي قبل اذاني..! عوق بخجل\لا من جد اتكلم..! زياد بحب\وانا بعد من جد اتكلم.., عوق\الحين ليش بنات خالتك يفتشون عليك يعني ما يتغطون عنك وبعدين بشرتك غيرهم ..! زياد بضحك\والله كنت متوقع ها السؤال بس ماهو بهالسرعه هذي ...؟ وانسدح على السرير زيادبمزح\تعالي السرير ياخذ فريق كروي مع مشجيعنه.., عوق بضحك\لا مرتاحه هنا .., زياد \راحمك من الجلسه على الكرسي تعالي..., انا من شفت لون غرفتك وانا شاك انك طفله...! انسدحت على السرير وزيادقام طفى الانوار.., عوق با ارتباك \وش تسوي.. زيادبتهكم\ وش اسوي بريح دماغي وبعدين جنبك ابجوره ولعيها اذا تبين.. انا ما تعودت انام بالنور ليش ربي جعل الليل سبات وراحه والنور قلق لنايم..! اردف زياد\انتي ما تبين تعرفين حكايتي..؟! عوق\الا بس الحين بنام حاسه اني تعبانه..؟! زيادبا استسلام\ بكيفك نامي...! رجع لسرير وعطاني ظهره وعطيته ظهري وكلن سبح في عالمه.. زياد انتظم تنفسه شكله نام.., وانا قلبي مع امي حتى لو تبي تبعدني عنها..! امي فيها شي وشي كبير صوتها با التلفون غير لما اقابلها .., . . . (كلمه اخيره) اكتموا أحزانكم عن البشر حتى لا تكونوا باءً سببيّة في إسقاط دمعاتِـهم وإفشاء أسراركم وكونوا كـ يـعقوب حين قال ( إنَّمَا أَشْكُو بَثِّي وَحُزْنِي إِلَى اللَّهِ ) .. فالبشر لن يشعروا بحجم آلامكم وإن تحسسوا بالقليل فلا يعلم من في القلوب إلا الله ولا يزيل ما فيها من همومٍ إلا ذكره.., . . . الي الملتقى قريبآبأذن الله وسالفه جديده طيف الأحباب ام الوليد تذكروني واحبابي بدعوه طيبه |
بنات اي وحده من خواتي المتابعات بتعرف تخصص زياد
بيكون لها بارت استثنائي هديه على توقعها |
الله يعطيكي العافيه ويصلح لك اولادك ان شاء الله واتوقع تخصصه د.نفسي
|
الله يعطيج العااافيه ،، غلااااي ،،،
باااارت هادي بدينا نتعرف فيه على اهل زيااااد ،، خاصه نجلاء وبشرى وناجي ،،، واضح التقااارب الكبير بين زياااد وعايلته ،،، بس لفت انتباهي علاقة بشرى بزوجها !!! هل فيه مشاكل من بينهم !! والا هذي طبيعة حياتهم وبشرى متأقلمه مع الوضع ... رجع اسم سااااري يطفو ع السطح ^_^ وذكرني بضمضم ،، اللي اكيد منورتنا وارسل لها تحياااتي ،، من بعد اذنج و من خلال متصفحج ام الوليد !!! وفعلاً مثل ماقالت عوق ،، اللي مثله قليل هالزمن !! بالنسبه لرعاية زياد لأمه وواضح اهتمامه الشديد فيها ،، ويمكن هذي مناسبه عشااان تعررف عوق انو فيه اللي يحب امه مثلها وأكثر وان كانت هالأم مو امنا الحقيقيه ،، تخصص زياااد اعتقد تكتور نفسي ،، هههه بقولا مثل ماتقولها الوضيحي ،، ويمكن تفسير زياااد لشخصية عوق واختيارها للون الوردي وايضاً يوم قالها انو غرفتها بتشوفها في احلامهالأن المكان اللي نقضي فيه اغلب فترررا حياتنا ماننساه وكثير مانشوفه ف الاحلام ،، وهذي حقيقه صاايره معععاي ،، دايماً لما أحلم اشوف بيتنا القديم وبكل تفاصيله الدقيقه وكأنه محفور ف ذاكرررتي !!! من هنا اعتقد انه د/ نفسي ... الله يعطيج العافيه ام الوليد ،، ومازلنا ف انتظار حكاية زيااد ،، اللي الله يهداها عوق ماخلته يقولها ع النهايه والا هو مسيكين كان بيتكلم !! بس عاااد عووق وحياااها اللي حارمنا من انو نعررف اشياء كثيره !! تحياااااااتي ،، |
:
وبما اني مو من اهل التوقعات دايم اجيب العيد فـ خلينا على الفصل رائع جدا زياد دافور ما شاء الله عليك اختصرت المدرسه اختصار هوب صاحي اعتقد انه \الحين ليش بنات خالتك يفتشون عليك يعني ما يتغطون عنك وبعدين بشرتك غيرهم .. اخوهم بـ الرضاع : |
روايه قمة الروعه ..
يعطيك العافيه غاليتي .. اتوقع انوه دكتور مختص بالاعصاب والنفس .. |
ياهلا وغلا بك يا أم الوليد يارب تسلم يدياتك على هيك رواييه ..فيسي الشااامي الصراحة والله أنك ذووووق وروايتك تجنن مالي بالطويله عشان مايشوتون خواتي المشرفاااات ردي عووووق ياقلبي عليها حرااام عليهم أهلها اللي هم أهل بدر ومشاعل اللي تخلوا عنها وخاصة أن ولدهم ماعاد يجيه ضنا وليه ما علموه عن بنته حتى يحن على مشاعل اللي ماهيب الغلطاانه الوحيده بس هو يلمها على شلله وأعاقته لكن هي الضعيفه شرفها ضاع ومستقبلها أندفن معه يعني لو علموه بوجود بنت له يمكن تتحسن نفسيته ويحن على بنت عمه أدري بتقولون بينفضحون بس لو من البدايه أول ماصحى من غيبوبته علموه وسفروه هو زوجته فتره من الزمن وعطوهم بنتهم تعيش بينهم ويتصرفون مع الناس يعني يقولون أنه أستجاب للعلاج وبعدين حصل له أنتكاااسه المهم البنت تعيش مع أمها وأبوها مع أن عيشتها مع الوضيحي تسوا أهلها كلهم بس صعب على الأنسان يعيش بعيد عن أهله وهو بنفس الوقت قريب والأصعب أنه يفقد أسمه وعزوته شكككككككككككر للوضيحي على تربيتها ومحافظتها على عوق وشكل زياااد بيكون الصدر الحنون لعوق زياااد ما أتوقع أوا لقيط تخصصه أتوقع جراحة قلب ,,,,,,,,,يارب أفوز :f63: |
طيف الأحباب
زياد دكتور نفسي صح ؟؟؟؟؟؟؟ |
مسائك رضى الرحمن
يعطيك العافيه ام الوليد شفنا في البارت هذا بداية التقارب بين عوق وزياد وبعد شافت عوق مدى اهتمام زياد بأمه وكيف حرصه عليها مع انها مره تعبانه وهذا دليل على عرفانه بجميلها عليه وتربيتها له من خلال كلام زياد بدأت يوضح لنا بعض الغموض ومنها انه هو وناجي متقاربين في العمر وهذا يدل انه راضع معه زي ما قلت قبل ماراح يشكف على الحريم الا ان فيه رضاعه الله يهديك ياعوق هذا وقت حيا كان خليته يكمل السالفه لاحقه على النوم ياحبي لك ياام عوق كل مره تتصرفين بحكمه لأنك عارفه ان النهايه قربت ولازم عوق تنفصل عنك وتتعلق بزوجها ام عن تخصص زياد بما انه كان ذكي وتقوق على اللي اكبر منه أكيد تخصصه راح يكون صعب يمكن جراحه مخ وأعصاب بس لايكون باطنيه لأن لي مواقف جداً حزينه معهم سلمت أناملك ام الو ليد ودمتي مبدعه |
صبــاحك رااحه وسعة باال أم الولييييد وحشتييني ووحشتني رواايتك يدي تأكلني ع الرد خخخخ السمووحه إنشغلت مع الإختبارت و الإجازه والنوووم خخ نجي لعوووق المزااييين حزنت كثييييييير ع موقف زواجها لما طلعت وماقابلت أمها تودعها والريم وام ابراهييم وفزعتهم لها ياااه بس الله يخلي كل غااالي لعيينن ترجيه زياااد بصرااحه رحمته المسكيين خييير إن شاء الله ماكأنها زوودتها عوووق كل شووي بروح لأمي ودني لأمي مااعاد إلا تبكي وتقوول بناام معهاا خخخخ هو صح معها حق إنها تحن لأمها وتشتااق لها بس مو لهدرجه بدييت أكرهاا حسيتها دلوووعه << حااقده يعني على الأقل تركد شووي الأكيد إن هالشي رااجع لتعلقهاا الشدييد بأمها وغير إنها ماتعودت على طلعات كثييره فعشان كذا بس مالوم الوضحي لما تشد عليهاا ولو إنها قوويه لما قالتها قداام زياااد لا تطيع كلامها لييش حتى لو إن زيااد طييب وأميير بس ولوو ينخااف منهم هالرجاال وبعديين بتحز بخااطر عووق بس يالله يرجع هالتصرف لأنها حرمه كبييره بالسن وتتكلم بالي بقلبها ولا هي ماتقصد تضر عووق بس والله تقهر << ارتفع ضغطها خخخخخ أم زيااد تحزن حالتها تذكرت عمي الله يرحمه كيف كانت غرفته مجهزه من إلى أجهزه طبيه والممرضه والطبيب الي يوميا يكشف ع حالته يااااااه الله يرحمه ويغفرله ياارب من جد لوتملك الدنياا كلها ماافي شي يسااوي العاافيه الله يرزقنا العفو والعاافيه دنيا وأخره وأخير بدأ ينكشف غموض عائلة زيااد الي اتوقع إنه راضع مع ناجي بحكم إنه بسنه والفرق شهرين بسس أم الولييييد الله يعطيك العافيه ويسلم إيدك من الناار ياارب بإنتظاار الباارت الجااي روووح |
اقتباس:
مشكوره على ها الدعوه الطيبه تخصص زياد كثير توقعها بنشوف توقعك من ضمن التوقعات الصائبه او لا اسعدني مرورك |
اقتباس:
بنشوف علاقة زياد في عايلته في البارتات القادمه صحيح انا دايم احلم في بيتنا القديم بكل تفاصيله تخصص زياد كثير توقعها بنشوف توقعك من ضمن التوقعات الصائبه او لا اسعدني مرورك |
اقتباس:
والله انا الي شطحت وجبت العيد بتخصص زياد تخصصه كثير توقعها بنشوف توقعك من ضمن التوقعات الصائبه او لا اسعدني مرورك |
اقتباس:
هلا وغلا تخصص زياد كثير توقعه بنشوف توقعك من ضمن التوقعات الصائبه او لا اسعدني مرورك واعجابك با الروايه |
اقتباس:
وكل ردودك عسل على قلبي فكرتك حلوه لكن الروايه مبنيه اساسآ على حياة لقيطه وبعض من معاناتها وخصوص جرائم الاعراض كثير ناس تفضح نفسها بنفسها ولا حول ولاقوة الا بالله تخصص زياد كثير توقعه بنشوف توقعك من ضمن التوقعات الصائبه او لا اسعدني مرورك وتعليقك |
اقتباس:
فقدتك وفقدت ردودك الممتعه الوضيح تعرفين العجايز ماعندهم وقت يعطونك با الوجه توقعاتك بنشوفها قريب وتخصص زياد كثير توقعه بنشوف توقعك من ضمن التوقعات الصائبه او لا اسعدني مرورك وردودك المميزه |
السلام عليكم ورحمة الله وبركاته
يسعدك ربي على هذا الكم من الابداع حكايات واحداث توجه وترشد و تصحح سلوكيات باسلوب تربوي حكيم وراقي منك حياة عوق الزوجيه واسلوب والدتها لتوجيها وتصحيح اخطأها كان رسائل تصحح سلوكيات فتياتنا الخاطئه وضحى ما العله التي تشكوا منها غير كبر السن وتخفيها على عوق هل تشعر بلحظات وداعها ودنوا اجلها ام زاد المها وجع فراق ابنتها عنها وان ارتاح بالها على استقرار حياة عوق زياد وحياته كيف وجد وكيف انظم الى هذه الاسره رضع مع ناجي واصبحت والدته خالته التي كشف عليها وهو محرمها ذكائه وعبقريته تناقض عوق بانها كانت تبذل مجهود كبير حتى تتمكن من النجاح تخصصه بما انه ذكي ربما مخ واعصاب او جراح قلب بس خلي اشطح معك واقول نساء وولاده >>عشان يبي درزن عيال ابي اعرف ليه لين الحين ماخبرها عن شد شعرها وهي ليه بعدها ما سئلته عنه موفقك ياعسل ننتظرك لنعلم مايخفيه قلمك المبهر استودعك بحفظ المولى |
اقتباس:
اسعدني والله ان الي اكتبه اعجب كاتبه قديره مثلك وحللتي البارت ها التحليل الراقي الي في نظري اروع من البارت نفسه بارت الي فيه زياد يخبر عوق ليش معط شعرها بيكون اهداء خاص لك تخصص زياد كثير توقعه بنشوف توقعك من ضمن التوقعات الصائبه او لا اسعدني مرورك العذب الراقي في متصفحي المتواضع |
اليوم بأذن الله بيكون البارت الثامن عشر الهديه الاستثنائيه
للبنات الي توقعوا تخصص زياد بعد الساعه عشر في الليل انتظروني ان شاء الله ما يجي شي ويأخر نزوله |
| الساعة الآن 10:32 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية