منتديات ليلاس - كثر ما كرهته عشقته

الجزء السادس

قامت شذى الفير و صلت بعد ماصلت راحت تطلع على مشعل اذا قام للصلاه
وكان توه داخل الجناح
شذى تبتسم : صباح الخير تقبل الله
مشعل : صباح النوم منا ومنك ها الا قاعده
شذى : ها اي كنت بشرب ماي وبرجع انام
مشعل : اوكي انا بعد بروح انام

على الساعه ست ونص قامت شذى ونزلت حق خالتها وقالت لها ماتحسبهم على الفطور
طبعا ام مشاري مامانعت وقالت اخذو راحتكم
و رجعت الجناح و قعدت تجهز لهم الفطور وسوت بيض و زيتون و جبنه بيضاء و قشطه وعسل و مربى و سوت كاسين عصير برتقال و حمصت التوست
و جهزت كل شي على الطاوله وراحت حق مشعل
شذى واهي تطق باب الحجره : مشعل مشعل
فتح لها مشعل الباب وكان لابس قميص ابيض و نكتاي كحلي وفوقه لابس الجاكيت لونه اسود و بنطلون جينز لونه اسود درتي و جوتي اسود ( وانتوا بالكرامه ) : الا قايمه من وقت
شذى ابتسمت بخجل : اي تعال تريق معاي جهزت الريوق انا
مشعل : متاكده انج شذى
شذى ويها صار احمر : اي ليش انته شاك
مشعل : ايييي
فقامت وقرصته
مشعل : آآي حرام عليج
شذى : هههه عشان تصدق
مشعل : خلاص صدقت
شذى : خلاص عيل تعال تريق عشان ماتتاخر
مشعل : اوكي و صك بالب الغرقه وراح وياها المطبخ وقعدو ياكلون
مشعل : تصدقين شذى
شذى واهي تاكل : شنو
مشعل : تعرفين انج احلى جذي بالعنقوصين صايره كيوت و كتكوته جنج بيبي
شذى مسكينه الي كانت تشرب و غصت وانسكب العصير عليها : كح كح كح ويها صار احمر
مشعل : هههههه بسم الله عليج هذي كله لاني مدحتج
شذى قامت عشان تبدل ملابسها وطبعا تاخرت بالعماله لانها حست روحها انحرجت ولما رجعت كان مخلص الفطور و مو موجود في المطبخ وطلعت في المطبخ واصتدمت فيه
شذى : يييمه
مشعل : ههههه انتي شفيج خوافه
شذى : سوري ماجفتك
مشعل : تسلم يدج على الريوق يا بيبي
شذى ويها انقلب طماطه : الله يسلمك
مشعل : يا الله فمان الله تحملي بروحج
شذى : اوكي وانت بعد مع السلامه
وطلع مشعل
شذى : آآآه حست بالراحه لاول مره من زوجها تحس بالراحه النفسيه اهو صج صعبه عليها تستقر بس حست انه في يوم وليله كل شي صار وخف عليها الضغط النفسي لانه الجزء الي كان يحتله عبدالرحمن خلاص حاولت تشيله و تغيره بتغير معاملتها حق مشعل

نادت انجلا عشان تشيل الاغراض وتنظف الجناح واهي راحت خذت شاور و لبست برمودا شبك و تحته لبست بدي ابيض وفيه رسمت ميكي ماوس و لبست جذاء ( وانتو بالكرماه ) رياضي لونه ازرق وابيض و رفعت شعرها ذيل الحصان

وطلعت من الجناح راحت غرفت منار وكانت الحجره ظلام وبارده بسبب المكيف
و دخلت بالعدال وركبت على السرير وقامت تناقز عليه
شذى : يا الدبه قومي بسج نوم
منار : اووووووهوووووووووووو قومي يا البايخه
شذى : قومي قومي يالله
منار وقعدت على السرير و قعدت شذى يمها فقامت ودزتها من على السرير و انبطحت عشان تكمل رقادها
مسكينه شذى طاحت على الارض بس لحسن حظها كانت بعض المواسد ( مخدات ) على الارض
شذى : يا الكريهاااا جان بتذبحيني
منار: ليش طايح من فوق عماره وتستاهلين عشان هل مره تعرفين شلون تزعجيني
شذى : انا الغلطانه اني يايه اقعدج عشان اقول لج ان بنطلع نتغدى برع
وقامت منار على طولها : صجججججججج
شذى : لااقص عليج وقامت تركض لانها جافت منار قامت لها و لحقتها لين الجناح دخلت داخل و تسندت على الباب ومنار تدفعه
ام مشاري سمعت الفوضى وركبت لهم
ام مشاري : منار شفيج
منار : يمه بذبح مرت ولدج اليوم
ام مشاري : ليش
منار : قصت علي
بطلت شذى الباب : ههههههههههه يمه ماقلت لها شي اهي تتوهم
ام مشاري ضاعت بينهم
منار : يا الجذابه
شذى بكل برائه : انا ما قلت شي بس صج اذا تبين اتصلي في اخوج وقولي له
منار : اي عاد اخوي بطلعني انا قلت له سفرنه مارضى والعطله مابقى لها شي وتخلص
شذى : ليش الاخت هنديه تبين يسفرونج اها عشان ترجعين ديرتج
منار : جبي يا البايخه
ام مشاري : هههههههههه
منار : يمه جوفيها
ام مشاري : جفتها شحلاتها
منار : يمه
ام مشاري واهي رايحه عنهم : منار روحي غسلي ويهج وعقب يصير خير
منار : اففففففففف شل حال لا طلعه تخلونه لازم الاستاذ ويانه ولا سفر مو حاله
شذى : روحي روحي مشطي العبل وعقب يصير خير

على الساعه تسع ونص ياب مشاري عياله احمد ومحمد وراح لانه اسيل مريضه و راح يوديها المستشفى مع رهف

شذى طلعت معاهم في الحديقة البيت وقعدو يلعبون كوره
اما منار راحت تكمل نومها

شذى : محمد يا الله العب لي وشاتها قووووووووووووووووول
هي هي وراحت تركض وشالت محمد وتركض فيه
احمد : مافي مافي مايصير انتي كبيره وانا صغير وبعد مايصير انتي ويا حمودي لازم معاي
شذى نزلت محمد : هههههه فديتك حبيبي انته عود ريال وحمودي صغير فلازم اصير وياه
احمد : مابي مابي مايصير
محمد : لا يصيل لانه انته عود انا صغير صح خالو
شذى : خلاص خلاص ولاتزعل شرايكم نروح هناك نلعب في الدوارف ( الارجوحه)
محمد : اي نبي وراح يركض و اهي واحمد لحقوه وقعدو يلعبون وشذى وياهم
احمد : خلاص ماابي ابي اروح حمام السباحه
شذى : حبيبي اخوك صغير واخاف عليه
محمد : لا انا ليال (ريال) اعلف (اعرف) اسبح
خلاص عيل وراحت نادت انجلا عشان تييب لهم ثياب واهي راحت تبدل ولبست شورت و تي شرت لين نص البطن و لبستهم ملابس السباحه و راحو صوب المخصص للاطفال وقعدو يلعبون
وعقب على الساعه 11 ونص طلعو شوي يتشمسون و قالت حق انجلا تسوي لهم سندويشات و عصاير
وخلتهم ياكلون ويشربون عقب
محمد : خالو ابي اسبح
شذى : لا حبيبي احين توك ماكل عقب شوي بننزل نسبح انزين
محمد هز راسه باي
قام محمد يلعب مع احمد واهي تراقبهم

مشعل دخل البيت حصل ام قاعده تقره قران قعد وحب راسها
ام مشاري : هلا يمه رجعت اليوم من وقت
مشعل : اي يمه ماكان عندي شي وخلصت اشغالي وقلت ارجع البيت احسن لي عيل وين منور وشذى مااسمع لهم حس
ام مشاري : منار راقده و شذى ويا عيال اخوك تلاعبهم
مشعل : احمد ومحمد عندنه
ام مشاري : اي قاعدين عن المسبح يسبحون ويلعبون
مشعل : خلاص بروح لهم بس بغير ملابسي وبطلع لهم تامريني ي يا الغاليه
ام مشاري : سلامتك يمه
مشعل الله يسلمج يا الغاليه والله يطول في عمرج ويخليج ذخر لنه وباس راسها
ام مشاري : الله يرضى عليك دنيا واخره
صعد فوق الجناح ودخل الحجره و اختار برمودا جينزو اسود ولبس تي شرت حفره لون ابيض و اسود

وطلع لهم جافهم يراكضون ويلعبون وشذى وياهم تراكض راح سيده وشال محمد
محمد : عمووووووووووووو
مشعل : ياعيون عمو
وقفت شذى واحمد الي راح يركض حق عمه ويحضنه
الي يجوفهم يقول من سنين ماجافوه و قعد مشعل على الراض واهم قعدو يمه وقعدو يسولفون
احمد : عمو عمو انا احب خالوه شذى لانها تلعب ويانه
محمد : انا بعد احبها عمو تخليها اتيي ويانه البيت
مشعل : ههههههههه ليش عبالك لعبه
شذى : ههههه حبيبي حمودي ايي لك بيتكم من عيوني الثنتين جم حمودي عندي
مشعل : خلاص حمود خذها عشان انا اقدر انام لانها مزعجه
شذى خذت الكوره الي على الارض و حذفتها عليه
مشعل : ههههههههههه ماقلت الا الصج طول اليوم انتي وام كشه كل صراخ
شذى : هههههههه اكي وراك ام كشه
منار : اهي متخصره من ام كشه يا الدب
مشعل : بسم الله الرحمن الرحيم الله يكسنهم في مساكنهم من متى انتي هني
شذى : هههههههههه منار تره يعقر عليج من مساعه
منار : صججججججج
مشعل : لالا احد يقدر يقول عنج شي يا الشيخه
وقام يركض و قعدت تلحقه عشان يطقه
منار : اوقف يا الخواف اوقف انته بس وبتجوف شنو بسوي فيك
مشعل : هههههههه لا مابي
و قعدو يلحقونهم احمد ومحمد و شذى وقفت محلى وتطالعهم وتضحك عليهم
طاف صوبها مشعل ومسك يدها وركضها معاه
شذى : مشعل لالا بالدال بطيح
مشعل : مافي مو بس احنه جنه مينن نراكض لازم انتي معانه
شذى : ههههههههه خلاص هندني بطيح
منار : اوقف يا الدب بنتفك انته ويا السباله الي وياك
و قفت محلها استغربت ان مشعل وشذى يكلمون بعض ويضحكون و اهو ميود يدها
منار : سبحان مغير الاحوال انا في حلم ولا علم مشعل وشذى يكلمون بعض توهم اول امس محد يكلم الثاني وهواش لالا شكلي ماقعدت من الرقاد
مشعل وقف و طالع منار الي واقفه محلها واللتفت يكلم شذى : شفيها واقفه
راحت شذى صوبها
شذى : منار شفيج
منار : انا ليحيني راقد ولا قاعده
شذى : هههههههههه شفيج شكلج مخرفه
منار : لا انتوا الي شكلكم شاربين شي لانه اجوفكم تسولفون ويا بعض
شذى : اهاا هذي الي وقفج هههههه الله يسلمج بعدين بقول لج كل شي على فكره انا بعدل الامور بيني وبين اخوج
منار : صججججججججججج
شذى : اي
منار : حلفي
شذى : والله لانه حسيت اني غلطانه واني اراكض ورى سراب
منار : زين بعد
شذى : تعال دام اخوج يلعب وياهم بقول لج كل شي
و قعدو صوب واحد وقالت لها كل شي من يوم طلعتهم للسينماء و كلام اختها و ان اهي كانت تفكر في هل شي اكثر من مره يعني من بعد ماصدها عبدالرحمن

مشعل الي ياهم واهو حامل محمد على ظهره : ليش قاعدين بروحكم
منار : بس لاني زعلانه
مشعل : ههههههههه احسن توفرين علي اتكلم وياج
منار : بايخ
مشعل : طالع على اختي منوره حبيبتي
منار : ويهك
و قامت ويودت يد شذى وقومتها معها وراحو يتمشون
مشعل نزل محمد وقال له ناد شذى وعطها بوسه
محمد : خالو خالو
شذى : عيون خالو
و نزلت وقعدت على ركبتها امرني
محمد عطها بوسه
منار : وانااااااااا
محمد : انتي لا
منار : طالع النذل احين انا عمتك من 5 سنوات وماتبيني و ام العبل توك تعرفها تبوسها
شذى حضنته : فديييييت عمره والله يعرف الناس و يقدر يفرق
منار : اشقصدج
شذى : ولا شي بس الي على راسه بطحه يتحسسها
منار : حاسج بطنج ان شاء الله
مشعل الي ياهم : بسم الله عليها عقب توهقيني
منار : مالت عليكم ميانين امس اعداء واليوم اصحاب بس علي
مشعل : كيفنه صح شوشو
شذى : اي واهي تعيب عليها
منار راحت ومشت عنهم واهي معصبه دشت داخل البيت و صفقت الباب وقفلته
ام مشاري : بسم الله شفيج وشفيه ويهج احمر
منار الي صاحت : يمه جوفي ولدج ومرته كله ضدي
ام مشاري : هههههههههه
منار : يمه لاتضحكين جوفيهم
ام مشاري : منار انتي احين مره مو ياهل عشان تصيحين عشان تقشمرو وياج
مشعل الي يه يبي يدش اهو مع شذى وياهم محمد واحمد وكان الباب مقفول
مشعل قاعد يطق الباب : منارو ام كشه بطليه
منار : ماابي تم برع انته والسباله مرتك
مشعل : هههههههههههه اذا اهي سباله انتي شنو
منار : قمر 14
شذى : وييييييييييييييع مصدقه عمرج
مشعل : هههههههههههههه شكلها ماخذه مقلب على روحها ماادري من قص عليها
ام مشاري : هههههههههههههههههههه اقول بطلي الباب لهم عن الحر
منار : مابي مابي
ام مشاري راحت وبطلته دش مشعل ويا الياهل و عقب دشت شذى
الي راحت وحضنت منار وباستها : فديتج كل ولا زعل الغاليه
منار : مابي
شذى : شنو تبين اسوي لج عشان ترضين
منار : ابي امممممممم عشى معتبر و تشترين لي شوكلاته و ايسكريم و بيبسي واجباس
شذى : بلللللللل بتصيرين فيله
منار : كيفي مايخصج
شذى : اوكي ولا يهمج
منار : وبعد ابيي
شذى : بسج عاد لو ادري خليتج زعلانه
منار : ها تره بزيد
شذى : لالا بس خلاص كفايه
منار : هههههههههه

وعلى الساعه وحده ونص حطو الغدى وتغدو و راحت جانيت تبدل محمد واحمد بدل وراحو يرقدون في الحجره المخصصه لهم

شذى تتثاوب : يا الله بروح انا
منار : لاتمي وياي
شذى : عبالج مثلج لين الظهر راقده
منار : عاد
شذى : منور تعبانه حسي
منار : انزين ذلفي
شذى : اوكي خلاص بذلف وراحت عنها

دخلت الجناح حصلت مشعل نايم على الكرسي ويطالع تلفزيون
شذى : مشعل مشعل قوم نام داخل
مشعل : بعدين بعدين
شذى : ههههه شنو بعدين
مشعل : باجر
شذى : هههههههههه الصراحه تحفه وانت راقد و راحت يابت له لحاف ولحفته ودخلت الحجره و بدلت لبست بجامه ونامت

طبعا مر اسبوعين من تحسين علاقتهم وكل يوم تقوى علاقتهم ببعض اهو صج مثل اصدقاء بس صارت حلوه
اما عن مرام من اخر مره كلمها ماكلمها عقب لانها دايم مثل الحال كل تلفونها مغلق وان حصل فرصه وكلمها تعطيه اسباب
و في الوقت الي يكلم فيه منار يحس بكره حق شذى لانه في بعض الاحيان يحس اهي السبب في ان مرام ماتكلمه

اما عن شذى صارت ترتاح وياه وتحب سوالفه و تستانس على سوالفه ايام المدرسه
اما عن منار حست بالفرح لهم ان علاقتهم ببعض زادت وصارت اقوى بس طبعا كل واحد في غرفه واهم يعيشون مثل اصحاب لا اكثر ولا اقل

منار : شذوي احين بحطون فلم حلو تعالي وياي دام مشعلو محد
شذى : مالي بارض
منار : عاااااااااد
شذى : انزين انزين
وقعدو يتابعون فلم

عيسى : تصدق مشعل انه فرحان لك لانه عدلت علاقتك فيها بس باقي عليك تقطع علاقتك بشينه الحلايا
مشعل : عيسى احترم نفسك سمعت
عيسى : انزين انزين اقول خلنه نروح نقعد وياهم ونشوي احسن لنه
مشعل : يالله امش
قعدو ويا الشباب وسوالف وضحك و كانو يشون
واحد من الشباب : الا اقول مشعل
مشعل : سم
الشاب : شرايك تشارك في السباق الخيول
مشعل : لا اسمح لي سالفة الخيول هديتها من سنين
الشاب : ليش يا اخوي اذكر انك احس واحد
مشعل : بعد الظروف
عيسى الي نط : لانه بعد وفاة المرحوم كره الخيول
الشاب : بس وفاة ابوك مالها دخل في الخيل
مشعل الي تنرفز : يا اخي انا حر
الشاب : خلاص لاتعصب ماقلنه شي وانا اخوك
عيسى : اقول شباب شرايكم نلعب كوره
واحد من الشاب : اي شورانه
عيسى الي التفت على مشعل : ها تلعب
مشعل : لا بروح البيت
عيسى : اجوف صرت لاصق في البيت
مشعل : اقول جب
عيسى : ماقلت شي
مشعل : انزين جب
مشعل : يا الله فمان الله شباب
بو جاسم : تو الناس
مشعل : يا اخوك تعبان وبروح ارتاح
بو جاسم عيل في حفظ الله خلنه نجوفك مو تغيب
مشعل : ان شاء الله فمان الله
الكل رد عليه
واهو في الدرب يفكر في حياته وشلون تغيرت وشلون بدى يتقبل وجود شذى في حياته وان الاتفاق اذا ماتعدلت الامور بعد سنه يمكن يتطلقون

رجع البيت حصلهم مندمجين في الفلم راح وبحركه سريعه بند التلفزيون
منار : مشعلوووووووووووووووووووو حراام عليك
مشعل : هههههههههه
منار : شغله شغله
مشعل : مابي
شذى : يا الله عاد اهم شي في الفلم احين
مشعل : صج
شذى : اي
مشعل : عيل احلى شي انه ماتطالعون
منار : صج سخيف
مشعل : شنو قلتي
منار : ولا شي افففففف
مشعل : اول شي تحبيني على راسي و تتاسفين عقب
منار : لا والله
مشعل : ولا مافي جوفه
شذى : منور ماعليج منه امش نروح فوق بسرعه ونطالع في الجناح
منار : اوكي وراحو يركضون بسرعه وركبو فوق و دلخو الجناح كان مشعل يلحقهم بس وقف في نص الدرب : هههههههههههه صج مينن وراح يطق الباب
منار : شنو تبي
مشعل : ابي ارقد
منار : راقد برع يله اذلف
مشعل : معليه زين بتجوفين
منار : يله يله روح
مشعل : شذوي بطلي الباب
شذى : مالي خص اخاف منور تذبحني
مشعل : عيارتج ومشى راح حجرت منار و رقد هناك بس بعد ماعاث فيها الفساد
على الساعه 2 وشي يعني عقب ماطالعون جم فلم طلعو وراحت منار حجرتها بطلت الليت وبطلت عينها وحلجها : حجرتييييييييييييييييييييييييييييي شذوي شذوي
شذى الي كانت وراها : شفيج
منار : جوفي
شذى : امبيه هذي شنو سوه
منار : احرام عليه ولا حضرته راقد هناك
وراحت له مشعلوه قوم اطلع برع
مشعل : ذلفي باجر
منار : باجر في عينك شنو سويت
مشعل بسبب صوتها العالي قام : تستاهلين ورجع نام و حط الحاف على ويهه
شذى سحبت منار : امشي وباجر ذبحيه عن الازعاج لا يقومون الي في البيت
منار : بس حجرتي
شذى : باجر بنخليه يعدلها لج
منار : اي مابغيتي الا مشعل
شذى : افا عليج بتجوفين
منار : شنو بتسوين يعني
شذى : امممممممم ماادري بس مو اخوج يخاف من القطاوه
منار : اي
شذى خلاص عيل جوفي باجر من الصبح بتصل في شوقو لان عندها قطوه
منار : وشنو بتسوي قطوه و شلون بعدل الحجره
شذى : بخليها تباب يمه
منار : لا والله بذبحج عقب
شذى : مابعرف من
منار : بشك فيني عيل
شذى : واهو يدري انج ماتحبين الحيوانات يا الهبله

على الساعه ست ونص الصبح
شذى : صباح الخير
شوق : صباح النوم اشعندج من صبا ح الله
شذى : ابي سوزي
شوق : شنو تبين فيها
شذى : خاطري اجوفها
شوق : بعدين تعالي وجوفيها
شذى : لا احين احين
شوق : شذى فيج شي ولا شارب شي
شذى : لا بس ابيها وخلاص
شوق : انزين انزين خلاص بطرشها ويا اي احد
شذى : مشكوره حبيبتي يا الله باي و صكته بدون ماتنتظر شوق ترد
شوق : شفيها هاذي ينت
وياها سامي
سامي : حبيبتي شفيج تاجين روحج من الي متصل
شوق : هاذي شذوي تقول تبي القطوه
سامي : احين
شوق : تقول اي ماادري عنها
سامي مو مستقرب : عادي اختج ام دقات وقت الي خاطرها في شي تبيه في نفس اللحظه تذكرين يوم الساعه 3 الفير وتبي ايسكريم بالجوكليت
شوق : اييي يومها يننتني
سامي : خلاص يعني لاتعجبين منها و روحي عطي الخدامه تعطي السايق يوديها لاتتصل احين و تسوي لج محضر
شوق : ههههههه اي والله

عقب ربع ساعه السايق ياب القطوه وعط الخدامه ونزلت شوق عشان تاخذها
منار واقفه بعيد : يمه هذي شكبرها
شذى : تعالي جيسيها ماتسوي شي
منار : لالالا اخاف
شذى : ماتعض
منار : ماابي
شذى : كيفج واهي رايحه فيها فوق و بالتحديد الحجرة منار
دخلت بالعدال و مشت شوي شوي وحطتها فوق السرير وطلعت وشالت المفتاح وقفلت الحجره عليه
مشعل الي كان راقد وما اوتعى الا على الساعه 8 ونص
مشعل : آآآآآآآآآآآآآآه والتفت لانه حس شي يتحرك صوب مشعل بسم الله وطاح من على السرير
وراح سيده بيطلع من الحجره حصل الباب مقفول قعد يطق الباب بالقوه
مشعل : بطلو الباب يا البايخين ادري ان هذي انتو
شذى من ورى الباب : ببطله بس على شرط
مشعل : شنو الشرط مالج
شذى : عدل الحجره
مشعل : اوكي ولا يهمج بس بطليه
شذى : لا اول عدلها عقب ببطله عبالك ياهل بتقص علي
مشعل : اوعدج اعدلها بس بطليه
شذى : ماابي
مشعل : والله و بالعدال اني مااعدلها
شذى :اوكي خلاص وبطلت الباب و يودها بسرعه قبل ماتشرد
مشعل : ها شنو قلتي لي
شذى : عدل الحجره
مشعل : تحلمين
شذى بس حلفت
مشعل : ماسمعيت التكمله
شذى : يا البايخ
مشعل : ماعرفتيني زين عيل يا يبه لي قطوه وتعال شدراج اني اخاف
شذى : منور قالت لي
مشعل : اراويكم انتوا الثنتين
شذى : لاحرام عليك سوزي سوزي
و ياتهال القطوه و تركها مشعل
وراح بعيد مشعل : وع عليج يا الوصخه شلون تلمسينها
شذى الي شالتها وراح تجرب منه
مشعل راح بعيد عنها : لاتجربين تره بكفخج
شذى : يله راوني واهي تجرب اكثر واهو يبعد
في هل لحظه سوزي تحركت وتبي تنزل ونزلتها
مشعل راح يودها من جتفها وقرصها
شذى : آآآآآي يعور
مشعل : تستاهلين عشان هل مره تعرفين شلون تهددين
شذى بوزت :حرام عليك

منار من بعيد : تستاهلين ومافي الا انتي ترتبينها
شذى : مشعل
مشعل : شتبين
شذى : بل ماابي شي بس دام اليوم الخمعه و اظنتي محد بيي لانه مشاري بنته مريضه و مشاعل سافرت ويا ريلها واهل شرايك تطلعنه
مشعل : جم تعطيني
شذى : بعطيييييييييييك اممممممممم كف
مشعل ؟: عيل قلبي ويهج
منار : يا الله عاد طلعنه ملانه ولا سفره
شذى : جم مره قلت لج لا تقولين سفره ليش الاخت هنديه
مشعل : هههههههههه شذوي بقول لج ماتدرين ان اهي هنديه كانت بنت الخدامه وابوي عطف عليها ورباها
منار : هي هي ويهك بايخ
شذى : هههههههه وانا اقول ليش كله تقول سفرني
مشعل : ههههههههههه
منار : تضحكين يا مسوده الفيس براويج
شذى : شنو
منار : بنتفج
مشعل : الاي نتفيها خاطري اجوف هوشت بنات
منار وشذى طالعو بعض و كانو يفكرون يقلبونها عليها و يات منار صوبه ونطت عليه اهي وشذى و ركضت منار الحجره ويابت مخدات و عطت شذى الي قعدو يطقون مشعل فيها
مشعل الي قدر يفلت منهم وعقب يود شذى وشالها
شذى : نزلني
مشعل هي عيل تتعاونون علي
و يودها وياب حبل وربطاها وراح بسرعه وصاد منار وربطهم ويا بعض
شذى ومنار : هدنه
مشعل : هههههههههه خلقكم هلون مثل الغنم وقعد ينقزهم
شذى ومنار : ههههههههههههههه يا البايخ اسكن
مشعل بطلهم : خلاص يا الله عقلو
نطو عليه وقعدو يقرصون واهو يضحك وعقب شردو عشان ما يصيدهم
مشعل : ههههههه خوافات آه

صارت علاقت مشعل بشذى كل يوم تصير احلى من الي قبلها وصار يقول لها عن الي في خاطره يعني صارت له الصديقه المقربه
اما عن شذى ماتدري ليش تحس بالغيره اذا يتكلم عن مرام بس اهي تعبر نفسها صديقه وتنصحهه

ان شاء الله ينال اعجباكم
وقرائه ممتعه للجميع

زيونه الحلوه